مخاطبة نيسان الشرق الاوسط
 

السلام عليكم ومساكم الله بالخير

انا من عشاق النيسان ومقتنع بجودة سيارتهم لكن المشكلة عننا بوكيل نيسان بالسعودية

اذا بغيت تسوي صيانة السيارة اقل شئ يوم الى يومين بعكس الوكالات الثانية واقارنها بتويوتا و جي ام لوجود سيارات اخواني منها. صيانة التويوتا والجي ام الدورية بنفس اليوم تاخذ السيارة ويردون عليك بحجز موعد وزيادة على كذا انتشارهم الجغرافي في مدن المملكة وبالذات في الرياض بسبب توسع المدينة. بالنسبة لنيسان اقل شئ يوم او يومين وما عندهم فروع الا طريق خريص و شارع الاحساء ومخرج 18 . يعني كلهن متركزات بالشرق والجنوب الشرقي والرياض المشوار فيها يحسب حسابه

تعامل الصيانة مع العملاء سئ للغاية وتوصيهم على ملاحظات ولاينفذون اي شئ منها وتطلع السيارة كما كانت بالنسبة للملاحظات واذا سالتهم تعذورا بالضغط الحاصل عندهم وقلة الفنيين.

توفر قطع الغيار سئ للغاية . كثير من القطع اللي احتاجه الفترة الماضية غير متوفرة واشياء بسيطة مثل مساحات باترول ويرد عليك انها غير موجودة بجميع الفروع.

واخر المشاكل معهم بعد ما اشتريت سيارة نسيان من السوق مستعملو ومصدرها من الامارات اساسا ورفضوا اضافتها للضمان عند الحمراني.

بعد ما تعبت منهم وتعاملهم بدات بمخاطبة نيسان الشرق الاوسط وهي فرع للشركة الام و مسئولة عن وكلاء نيسان بالشرق الاوسط ومقرهم دبي عبر الايميل

[email protected]

وجدت تجاوب ممتاز من الشركة الام وتم ادراج السيارة تحت الضمان وبدا الجمراني من المركز الرئيسي يتصل ليستفسر عن قطع الغيار و تغيرت المعاملة بشكل كبير.

فهنا حبيت اكتب تجربتي مع الحمراني واذا فيه اي واحد عنده مشكلة مع الوكيل يراسلهم على الايميل اللي موجود بالاعلى.
وعلى فكرة ما يحتاج ان الايميل يكون يالانجليزي لان الموظفين الموجودين في دبي غالبيتهم عرب ويتواصلون معك بالعربية.

سبق انه صارت لي اكثر من موقف مع وكلاء اخرين لاجهزة منزلية وعند مخاطبة الشركة الام تتغير المعاملة تماما ويبادرو بالاتصال بك عكس السابق لمعرفة المشكلة اللي عندك