|
هًـَاْتْ اِلْقَـلَـْمْ بًـًْكْـٍتٍـبْ وٍصٍيًّـةْ مٍـٍمًـًاْتٍـٍيْ,,, Noteyaah السًـًلاْمْ عَلِيِـِكٌـمْ وً رَحْمًةٌ الًلًّهِـِ شَحًالْكُمْ عَرَبْ زًاْيِدْ؟؟ رَبْكُمْ بٍخٍيِرْ http://www.ma7room.org/up/images/ygm...0dzmvlez28.gif إِنْ شَاءْ الَلُّهْ مِنْ اليُوْمْ بَسَدًحْ عًلٍيكُمْ يًوْمِيَاتٍيْ عَشَاْنْ نِتْعًرَّفْ عَ بَعَضْ أَكْثَرْ وُأكْثَرْ ...>>>> لَاْ تِخًبْرِيِنْ حَدْ هع إِنْتَظِرٌوٌوٌنَـَـَـَاْ رًبِيْ يِحْفَظْكُمْ |
مَسَــاْءْ الْخِـِيْرْ الاسم,, نوتيــه العمر ,, ابتدى عمري بشوفك يا بعد كل العمر المهنـــه ,, طالبه في كليات التقنيـة ( كورس وبتخرج هع),,؟!؟ مديـــنتي ,, العين دار الزين هواياتي,, قراءه + كتابة الشعر والخواطر,, التسووق ,, السوالف والقرقره لووول شخصيتي,, اممم مزاجيه نوعا ما ,, عصبيه وفي نفس الوقت هاديه احــب ,, اللمه والتجمعات ,, الطلعات خصووصا البر ,, احب الصدق والروح الحلوه في الشخص اكــره ,, الكذب ,, الخيانه ,, الروتين اليومي ,, الدراسه والبروجكتات ,, الازعاج وصوت اليهال اذا زاد عن حده :walla: هذي نبذه بسيطه عني |
أحداث,,, [align=right]مدخــــل البارحة ربي كتب لي ومريت .. ..دربٍ عليه بروق الأحباب لاحت جيت المكان اللي جمعنا وخفيت .. .. وقامت جروحي للجوارح وصاحت ياليتني في لفة الدرب زليت .. .. كان العيون من الدموع استباحت التم غيم الدمع من يوم لفيت .. .. وورقا القصيد لشوفة الغيم ناحت[/align] احداث صارت في الاجازه بكتب لكم احداث صارت لي ف هالاجازه شي منها اثر فيني وشي منها لا عرس وحده من بنات الشله,, رحت عرس ربيعتنا من عقب ما كنت متردده اسيرله ولا لا .. بس اخر شي سرت لاني ادري بها بتزعل,, سرت انا وكم من بنت من الشله المفاجئه اللي عرفتها بعد العرس انه ريلها واخوانه ربع لعمي وابووي ^,^ وانا ما كنت ادري تؤم روحي خلال هالاجازه تلاقيت وياها من عقب مرور اكثر من 4 شهور وانا ما شفتها .. ربي يحفظها وين ما تكون .. واحب اقولها يلا اتريا خبر وصول ولي العهد ^,* اغلى من مر بحياتي ما اعرف شو اقول ,, كل شي انتهى وراح ,, انصدمت باشياء واشياء ,, ومن عقب ما كنت اغلى انسان صرت اتفه واحقر انسان عرفته,, واحب اقولكم ترا الحب مب كل شي في هالدنيا لا تخلون حياتكم مجرد شخص حبيتوه ,,لانه لو صار شي لا قدر الله بتنتهي حياتكم بنهاية هالشخص ,, تجربه تعلمت منها وايد ما توقعتها خلال هالاجازه ,, شفت ناس عمري كله ما توقعت اشوفهم ,, ما توقعت يفصل بيني وبينهم طاوله وكراسي ,, كنت راسمه في خيالي صوره ثانيه عنها ,,كنت ابا اسير عندها ابا اتكلم وياها بس ما يتني الجرأه ,, ربيعتي تقولي سيري سلمي عادي ,, اي عادي وانا لساني انربط لما حسيت انها هيه صدق ان الدنيا صغيره ,, تجمعكم بناس ما تتوقعون انكم تشوفونهم في هالاجازه ,, واول اجازه اكون فيها نشيطه ,, انش من وقت وارقد من وقت ,, ودرت السهر ورقاد لين العصر ,, هالشي المفيد اللي سويته بعد في هالاجازه هاي بعض الاحداث اللي صارت ,, وقربت اتخلص الاجازه ونبدا في الدوام .. استغلوا اخر الايام هع [align=left] مخـــرـج وأنا أحسب إني في فراقه تشافيت .. .. وان عبرتي من مدخل الزاد زاحت اللي يحسب إني على البعد سجيت .. .. والا ان عيوني للرقاد استباحت ياليتني من قبل لا أحبه اقفيت .. .. والا ان دروبي عن دروبه تناحت أهون علي من البكا والتناهيت .. .. وأشلا من سدودٍ على الناس باحت[/align] |
قصيده احسها جريبه مني,, ذنبي من يتحمـــله قصيده عيبتني واحسها جريبه مني انته ولا هالزمن ذنبي من يتحمله والجروح اللي تعذبني وعيت لا تطيب ياللي تارك لك حبيب كيف تقوى تهمله صاح لك بالشوق لكن مالقى منك مجيب والزمان اللي رمى حمله علي واتحمله حالف يرضيك فيني ويدمي القلب العطيب صاحبي ماهي النهاية للحكايه تكمله شوفها بدمع العيون واسمع لصوت النحيب حظي اللي من رحلت وعاجز اني اعدله انكتب لي هالنصيب وما تخيرتك نصيب كيف تنطق لي كلام وانته نفسك تجهله كيف ابني بك وطن حلم وتصبحني غريب كيف حتى طيفك اللي في الغياب اتخيله يخدع الاشواق فيني لين احس انك قريب وارجع اشتاق واحن ويبتدي من اوله اللقا والابتسام وترجع في قلبي حبيب يهزني الواقع ويصحيني زماني واساله وألمحك والحلم في يدينك وتقفي به تغيب الامير سعود العبدالله الفيصل |
النفس ياكم من اسرار الدهر صانت [align=right]مَـَدْخًـًلْ,, ياليت الايام ترجع نفس ماكانت عشان نفسي تريح من بلاويها ايامنا السود ف(اخر)وقتنا بانت والنفس معاد تلقى اللي يسليها شان الدهر والليالي عندنا شانت وشانت نفوس البشر ياصاحبي فيها[/align] اليوم : الاثنين ,, 26/1/2009 الساعه : 7 مساء استمع إلى : شلات عيضه + محمد بورحيمه اليوم كان عادي .. نشيت ع الساعه 10 ونص ( اول مره انش هالوقت ) خذت شور ولبست ونزلت تحت .. سلمت ع ماماتي وخالتيه كانت عندنا .. يلست اشوي وياهم وخلاف رحت غرفتيه ,, شغلت اللاب ابا ادش المنتدى ,, جان اكتشف انه النت مقطوووعه :23.gif: دقيت ع اخوي وقلت له .. قالي يوم بفضى بروح ارده .. بندت اللاب وقمت ارتب الغرفه :169: وخلاف سرت اجيك ع الفون .. شفت مسجات واتصالات من ربايعيه .. كنت بسير الكولج عشان اشل رساله التدريب .. رمست وحده منهن قلت لها ما بسير الحين مالي خاطر اظهر وعقب يلست اقرا مجله فواصل وخطف الوقت وما حسيت بعمري الا راقده :4002.gif: نشيت ع الساعه 3 ونص ,, قمت صحصحت وتوضيت بالمره وشغلت اللاب اشوف ردوا النت ولا لا .. الحمدلله ردوها :7bteeen: صليت العصر ونزلت لقيت ماماتي في المطبخ ,, قلت لها ماماتي شو تسوين؟؟ ماماتي .. بسوي بسكوت لاخوج فلان مشتهنه .. انا.. كيف بطرشينه ؟؟ ( ترا اخوي في لندن يدرس ) ماماتي .. ولد خالتج بيسير ع الويك اند قلت لها خليني انا بسويه .. طالعتني .. قالت لا انا بسويه .. يلست اساعدها .. ماماتي ربي يحفظها ويطول بعمرها ,, تحب اتسوي كل شي بايدها نادرا ما تعتمد ع الخدم تخليهم يسون الاشياء الثانويه .. الموهيم ,, يلسنا انسوي وطبعا ما نسيت اصور لكم هنيه قبل لا ادخله في الفرن http://www.ma7room.org/up/images/nwl...37tcsicmbn.gif وهنيه عقب ما ظهرناه من الفرن http://www.ma7room.org/up/images/8ut...8xs6edavuz.gif عقب ما خلصناه خذت لي اشوي وحطيت وياه نوتيلا http://www.ma7room.org/up/images/qyn...z10nwqfbqd.gif خلاف قلت للخدامه تسوي جاهي حليب وشليت لي كوب والبسكويت http://www.ma7room.org/up/images/u4p...jeywl21zqj.gif وقمت اصلي وابدل ثيابي لانه ريحته كله طبخ ,, الخدامه كانت تسوي فطور لاختيه وانا ما احب ايلس ف المطبخ يوم حد يطبخ بس شسوي بغيت اساعد ماماتي فديتها وخاطرت لوووول المهم دشيت المنتدى وكتبت يومي والحين بسير اخذ لي لفه ع المنتدى [align=left] مَـَخْرًجْ,, ان كان هانت عسى وان كان ماهانت باقي من اهل الوفاء ناس(ن)نخاويها والحزه اللي ابيها من زمن حانت وصيت نفسي ولا ادور موصيها وعند النهايه هني الساجد االقانت اللي يصلي الصلاه ولايخليها[/align] |
يسعدلي صباحكم بكل خير ,, [align=right]مدخــل صباح الورد والجوري وزهر الفل ووصالـك صباح الشوق للضمه.. صباح يعلن لك أشواقـي[/align] هذا غلاك مشتت فكري شتات ... عليه قلبي من الولع ما يباتي .. عن خاطري ماغبت في كل الأوقات ... بالبال طيفك كل ما راح ياتي .. و ما دام أنا حي ولي قلب ما مات ... تبقى نظر عيني و تبقى غناتي .. ,, ,,, ,,,, [align=left]مخـرـج طرالي هاجس الذكرى بظلمة ليلـي الحالـك وجيتك ناسي(ن) همي مشيت ولا أتعبت ساقي[/align] |
في خاطري ,,, مَر بيّ .. طيف الحبيب .. ولا دعاني واعترى شوقي جفاف .. ولا دعيته ملنّي صبري .. تحت نبض الثواني واحتضر قلبي .. ورى علّه وليته! لو وقف طيفه .. على صبري بكاني وان نفذّ صبره .. وقفت ولا بكيته! اسأل الدنيا .. نساني؟؟ ما نساني ؟؟ وان نساني .. وش يكون اللي جنيته؟ من عشانه يالظروف .. ومن عشاني بلغيه .. اني لو اذنب .. ما نسيته ما نسيته .. لو نزف صدر الاماني واندفن .. حلم الطموح .. اللي بنيته يدري انه .. لو جرحني .. ما كفاني وادري اني .. لو عذرته .. ما شكيته! بلغيه .. ان مَر بيّ والا لقاني اني اوفى .. من لقاه .. ومن لقيته صح لسان قايلهــا ما عرف منو بصراحه :a040: |
يوم جديد .. وشوق يزيد [align=right]مَـَدْخَـَلْ ماهو بكيفك تواصلني وتقطعني اما غلا بين او فضها سيره ياشين لاجيت تقطع لاتوادعني ليتك تحس الوداع وشلون تاثيره,,[/align] اليوم : الثلاثا 27/1/2009 الساعه : 17:46 مساء استمع الى : حمد العامري ( اول شخص احبه).؟!؟ نشيت شبعاااااااانه رقااد وع بالي الساعه 9 ونص ولا 10 ,, يوم شفت الفون شفتها الساعه 8 واشوي *.* استغربت هع نشيطه ما شا الله الموهيم .. كان فوني ع الاوف لاين جان احطه ع العام .. وصلني كم مسج منه مسد كول ومنه مسجات عاديه .. طرشت كم مسج صباحي حق ربيعاتي ونشيت اغسل واتلبس عشان انزل تحت,, البيت كان هادي نوعا ما .. بس ضحكت اختيه الصغيره وبنت اخوي تنسمع.. شو موعنهم من صباح الله ما ادري رحت صوبهن شفتهن يلعبن ,, رحت اصب لي كوب جاهي ورحت صوب قسم ماماتي,, شفت ماماتي راقده ,, حبيتها ع راسها وظهرت بس شكلها حست فيني زقرتني وصار هالحوار وياها ماماتي: بتروحين موعدج اليوم انا: هيه منو بيوديني؟؟ ماماتي: سيري انتي وخوج ويا الدرايفر انا : لالالالالالالا ماما ماريد قالت محد عندي يوديج وانا مالي بارظ اسير استسلمت للامر الواقع ورحت غرفتيه.. دشيت المنتدى .. جيكت ع ايميلاتي .. لفلفت ع الاقسام اشوي وشاركت بكم من رد وظهرت .. يلست اقرا ايميلاتي خلاف شفت الساعه .. تشير الى 9 والنصف قمت اتلبس عشان اسير.. موعدي في اماره من امارات الدوله الحبيبه خ خ خ وانا ف العين يعني يبالي اظهر من وقت الموهيم سرت انا وخوي في الدرب احاول اسلي عمري.. رمست ربيعتي وخلاف يلست اطرش مسجات لين تقريبا وصلنا من الملل صورت هالصوره http://www.ma7room.org/up/images/6ev...es1bbbwrl9.gif انا قبل يوم كنت اسير المواعيد .. خواني اللي يودوني ولا باباتي.. مره وحده رحت ويا الدرايفر ودليتها عادي وعرفت هالمره يوم قالت لي .. دليتها. بس خربطت خخخخخخخ ما ادري وين وديتهم ههههههههههه يوم ما عرفت قلت لهم خبروا اي تاكسي وقولوله وين الشارع الفلاني وبيدليكم :a040::a040: لبناني:30: يزاه الله خير دلانا ورحت الموعد نص ساعه وظهرت صور شو سويت ف هالنص ساعه لوووووول http://www.ma7room.org/up/images/ekz...jy1nsmfwn1.gif http://www.ma7room.org/up/images/lh5...w0ho3vql6d.gif ع طوول رديت العين وعاد الدرب ممل.. المشكله اخوي اصغر عني بوااايد يعني ماحب اسوولف سوالفه سوالف صغار وسيارات وما دري شو وصلت البيت ع الساعه 2 شفت ماماتي تتريانا .. قلت لها ماماتي فديتج ليش ما رقدتي؟ ماماتي: اترياكم.. انا .. فديتج قلت لج واصلين ترانا.. سيري ارقدي ماماتي: بترقديني غصب مافيني رقاد الحين ,, تعالوا اتغدوا بصراحه ماكان لي خاطر اتغدى بس حشمة ف ماماتي لانها كانت تتريا كلت اشوي وسرت الغرفه يوم خلصت بدلت وتوضيت وصليت وانخشيت ف لحافي ابا ارقد.. بس قلت بدش اشوف احوال المنتدى.. ودشيت وخلاف طبيت اللاب ابا ارقد حطيت الفون ع السايلنت ورقدت.. ما حسيت بعمري الا الساعه 4 ونص ناشه شفت عندي اتصالين واحد منهم من اختيه جان اتصل عليها وسولفت اشوي وسكرت عنها عشان انش اصلي نشيت وصليت وعينت من الله خير ودشيت المنتدى ويالسه احوط فيه .. ارد ع مواضيع واحط مواضيع هذا كان يومي بشكل عام ادري تفلسفت وايد [align=left] مَـَخْـًرْـْجْ يا ماخذن الحب قل فيني وسمعني حبن على كبر صعب ابدل بغيره ابحتفظ فيك وادري منت نافعني يمكن مع الوقت اقول محبتك خيره[/align] |
لاْ زَآآدْ فِـِيْنٍيْ الْحٍزٍنً انكسرت انكسرت من الفراق وشوف عيني ...شوف عيني وأنت تدري بانكساري كلما مديت لوصالك يميني ....رحت تتجاهل يميني مع يساري حتى صرت أشوف جرحك في يديني .....في يدين الجور صداتك مواري حس فيها لابلاها حس فيني .....لا تعبرها لكن رد اعتباري وأنا مقفى جعل منت منتويني ......بالجفا والخوف وأنواع العزاري ياهلي يانصف ربعي ياخديني ......يامواني غربتي ياروح داري يا شموخي يا انكشافي يا دفيني ..... يا علوي يا بقائي يا انحداري يا بداياتي يا مائي يا كسجيني ....يا اندثاري يا اعتدالي يا ازدهاري يا بلادة حسي وقمة حنيني .....يا اختياري لا يا عشواء اختياري أعشقك من عادني فول سنيني ...لين صرت آخذ مع نفسي قراري من عرفتك وأنت ثالث والديني ....واللجوء إليك يعني لي فراري ضمني خل الضرر بينك وبيني .....الضرر من ضمتك شيء اضطراري خل يدينك من الجور اتحميني .....من جمود يعيش و الين انصهاري كل ما ضاقت بعيني يا موعيني ......ابتسمت وصار لي ليلي نهاري فلا سكت تروح بطيش اتحكيني .... رجعي أبطبعك وبأسلوبك حضاري ماذبحني فيك ألا انك تبيني ....وما سحرني ألا حكاك الأستعاري لا حكيت أحس بأشياء تعتريني ....وان خشع قلبي وتطري لي طوراي أعشق حكيك وحفظه يا ضنيني ....حفظ بن تيميه لحكي البخاري ولا سكت أحط يدي في جبيني ....وارجي الله ما يطول بانتظاري أدري أني عندك وأسألك ويني .... داريا لكن ما كني بدراي لين شيطاني تلفظ كلمتيني ....ورحت مني ما تبي سمع اعتذاري لا تبكيني وتفرح عاذليني .....ولا تخسرني بعد كبر انتصاري لا تخليني بعد فيضة كنيني .....وأنت خابرني على الوصل انتحاري لا تروح بروحتك كلن يجيني .... ما ني مكابر ولا حتى مداري انكسرت من الفراق وشوف عيني ..... شوف عيني وأنت تدري بانكساري المبدع سعد علوش |
احس الحال بفراقك تدمر [align=left]مَـَدْخَلْ الله يجازي مـن يسـوي سواتـك ... وبذنوب من سوى سواتك يجازيـك مشيت درب الثقـل وتحـب ذاتـك ... ماتـدري انـه للمهالـك يـوديـك غـرك جمالـك ياخسـاره حلاتك .... ماتدري ان ماغير طبعـك يحليـك بتقـول زينـك يشفـع لسيـآتـك .... الحسن ماهو عن وفا الحب يعفيـك[/align] الاربعاء: 28/1/2009 الساعه :8 ونص استمع الى: قصايد الشيخ هزاع بن سلطان + قصايده المغناه اليوم نشيت مثل كل يوم 8 واشووي .. نزلت عند قوم ماماتي سلمت وايلست اشووي ,, كنت مخططه اسير الكولج اييب باجي الاوراق مال التدريب.. خبرت ماماتي اني بسير وخلاف رحت غرفتيه.. دشيت المنتدى والمسن .. اجيك ع ايميلاتي وارد ع بعض المواضيع ف المنتدى ع الساعه 10 ونص .. نشيت ابا اشوف الدرايفر وين.. جان ادقلي ماماتي قالت لي.. نوتيه اانا بسير المول بشل اليهال قلت لها .. شو بتسوون هناك؟؟ << سؤال عبيط هع قالت بشتري ملابس لاختج وبلاعبهم قلت لها خلاص بسير وياكم جان تقولي.. جيه والكليه ترا عندج اوراق لازم تيبينهن قلت لها براايه بعده عندي باجر وقت بسير باجر خخخخ قالتلي ع راحتج.. بندت عنها وشليت قشي ولبست ونزلت ورحنا في السياره ما شا الله .. انا وماماتي واختيه وبنت اخويه وولد اختيه والبشكارات.. وصلنا هناك خطفناهم ع الالعاب وخلينا البشكارات وياهم ورحت ويا مامي اسوي شووبينج ع الساعه 1 ردينا البيت تغدينا وعينا من الله خير ورديت غرفتيه يلست ع النت اشوي واشوي عند اهليه لين رقدت الساعه 5 خ خ خ حد يرقد هالوقت انا يوم نشيت ع الساعه 7 الا ثلث خذت شور سريع ونزلت تحت اوووني معصبه ليش ما وعوني خ خ خ شافني اخوي وعطاني كلام احبه لووووووول ( هزبني اشوي ع الرقاد) وبس شفت اشوي من المباراه ورديت غرفتيه اطمن ع احوال المنتدى [align=right]مَـَخْرَـَجْ لوالتواضع والوفـا مـن سماتـك .... بعت الحبايب كلهم ديـن واشريـك لكـن عجـزت اغيـرك ياجراتـك .... على الغياب اللي بلا عـذر ينجيـك خطاي في توضيح وشـي غلاتـك .... وخطاك في توضيح وشـو تغليـك وشلون توصيني وتنسـا وصاتـك .... وتصد عن صوتن تقطـع يناديـك[/align] |
من يوم رحت - النوم ما طاح عيني ! صباحك ورد صباحك خير ياناسي! عسى صبحك تجيله شمس ؟ عساه اجمل من احساسي!! انا ماذاقت عيوني طعم راحه في ليلة أمس.. وقبل حتى يجيني أمس! .. وبعد قبله !! من الآخر! أنا من غبت عن عيني وصباحي برد ! صباحك ورد ياخلي .. صباحك ورد .. ,,, ,, , مدري وش آقوله و مدري شسوّي و مدري مع الأيّام ... وشلون بنسا ؟ |
ما دام " الأصـدَق " .. بينهم صار كذّاب,, كيف أقدر آحـط " الـثـقه " في البقـيّـه ..؟!!؟ [align=right]مَدْخًلْ,,. ما عدت شرغان لهوى دام الهوى ما عاد له لله .. و فالله مواليف ! هذا يحب فلان من شان الغوا وهذا يحب فلان لجل المصاريف و آنا على خبرك و لاعندي لوى . مادام ماني من هواة الملاقيف ناطرك و آدوّر من الفرقا دوى عل وعسى تبرى جروحٍ مذاريف[/align] الشوق لو يمر الانسان يكويه كي تـــــــمـ المســــح لك الله ياللي جرحت الخافق واقفيت [align=left] مخرج بعيداً عن الحزن و عن مقارب الحيّين أريد أختلي مع نفسي فـ هذي الليله ! بَعيد الحساب وْ لا بأجّل إلى ( بعدين ) أنا عفت هـ ( البعدين ) من كثر تأجيله ! عساني مثل ما كنت عايش .. أعيش الحين يعود الزمان .. و لا يعود بـ تفاصيله ! يقال أنّه النسيان زين .. و أشوفه شين .. ..إذا كان يبدل شي ما اْريد تبديله[/align] اللهم إنى عبدك وابن عبدك وابن امتك ، ناصيتى بيدك ، ماض فى حكمك ، عدل فى قضائك ، أسألك بكل إسم هو لك سميت به نفسك ، أو أنزلته فى كتابك ، أو علمته أحدا من خلقك ، أو إستأثرت به فى علم الغيب عندك أن تجعل القرآن ربيع قلبى ، ونور بصرى ، وجلاء همى وحزنى ، إلا أذهب الله همه وحزنه وأبدله مكانه فرحا |
حاولت اتماسك اعصابي لذكراك [[align=right]b]مَدْخًلْ,, ما اقول لك مخطي ولا اقول غلطان .. اقول انا فيك الظروف اخذلتني .. مانت اول جروحي ولا اول انسان.. غالي ومن شوفته ظروف احرمتني..[/align] يسعد صباحك ,, ياحبيبي حالي طيب كل شيء مثل اللي كان المدامع ,, والمواجع والأمان اللي اختفى لحظه غيابك والليالي اللي مضت .. مثل الليالي اللي مضت الهم عازف .. والدمع نازف والعمر في غيبتك حاير وخايف حتى جراحك وسط قلبي مثل ماهي وفي شفاهي باقي نفس نفس الكلام اللي بقى ,, اخر لقا مثل منت حبيب الروح شايف كل شيء مثل اللي كان وحالي طيب يسعدك صباحك ,, ياحبيبي همســهـ الله يوفق الجميع ( طلبة المدارس والجامعات والكليات) شدوا حيلكم :13::121: [align=left]مًخْرَجْ في قلبي جروح وتباريح واحزان .. وعلى الصبر دنيا الشقى علمتني .. الله معك وانسى اللذي بيننا كان .. غلطة عليك اشواق نفسي رمتني..[/b][/align] |
الله يصبر عاشقن قلبه من الفرقا جزوع [align=left]مدخل طاوعك قلبك تغيب وتهجر احبابك .. وتنسى غلاهم و تتركهم وتنساهم حرام تترك خفوقي يشكي غيابك وانته في قلبي اعز الناس واغلاهم[/align] مساء الخير جميعا شحالكم وشخباركم.. ان شا الله تماام عيال المدارس ها بشروا شو سويتي ف اول يوم ..؟؟ خ خ خ اكييد وناسه صح:_21.g: هع بخبركم اليوم شو صار لي هع طولي بعماركم ,, اليوم اول يوم في التدريب عندي .. وناشه من صباح الله ... اول مره ادرب الجو بيكون يدييد علي نشيت ودشيت المنتدى اشوي وخلاف نشيت اتزهب للدوام مكان تدريبي في وحده من وزارات العين وانا وربيعتي في نفس المكان المهم طلعنا ع الساعه 7 ونص وشدينا الرحال هع للوزاره طبعا اول مره ادخل هالوزاره ما اعرف وين القسم اللي اباه .. رحنا الطابق الاول بكييفنا هع سالنا قالوا لا نزلو تحت ودلونا المكان ورحنا وسلمنا ع الموظفات هناك.. تخبرناهم فلان الفلاني وين ؟ ( المسؤول عنا) قالوا بعده مب مداوم يا سلالام عليك ,, عيل اشعنه قايلين لنا دوامنا يبدا 7 ونص والحين الساعه 8 واشوي وبعده ما يا المووهيم يلسنا نسولف:162: ونقضي وقتنا لين ايي خخخخخخ البنات طيوبات وايد كانن وحبوبات ,, يرمسنا جنه ربع من زمان ايبول لنا جاهي وهالسوالف تعرفوون انتوا عاد ونحن اووووووونا :35.gif:مستحين كله لا لا لا لا خ خ خ خ بس لين نتعود بس خلاف ولا بهتم بتصرف :78650::78650:بكيفي هع هع بييني وبينكم تمنييت الشله كلها يكونون ويانا :0088:ما بنحس بالملل بس شو نسوي الموووهيم ع الساعه 9 الا شي شرف المسؤول وهو كبير نوعا ما يمكن بدايه 45 :24:هع كييفي اخمن سالنا انتن المتدربات هزينا روسنا قالن اشوي وبزقركن وراح ردينا انسولف والووووووووووقت بطييييييييييييييييييييييء وملل حتى وحده من الموظفات قالت لنا سيروا اتمشووا لين يزقركم عاد الله وكييلكم وين نتمشى من زين المكان خخخخخ عاد نحن نبا اي شي ان شا الله قالوا لنا سووا جاهي بس ما نيلس سمنديقا حشى :09: رحنا تمشينا لفينا كل الطوابق وبعدهم ما زقرونا ردينا يلسنا لانه المكان كله ريااييل من جميع الجنسيات:24: ردينا ما خلينا مسج ما طرشناه لربيعاتنا وهكزا ربيعاتنا كلهن عرفن شو مصيرهن الا نحن ما نعرف وين بنكون وشو بنسوي تخيلوووا بعد هالانتظاااار كله شو صار ونحن يالسين جان تقول وحده من الموظفات ,, فلان لو سمحت شوف بواحمد خلص من اللي عنده ولا لا عشان البنات يدشن عليه واذا بفلالان يقوول .. لقد ذهب بواحمد الى بوظبي يااااااااااااااااااااااااااااالهي ماذا يقووول ..؟؟ فتحت عيني:9559::9559: على الاخر شو بوظبي ..؟؟ ونحن ان شا الله شو مصيرنا ارتفع ضغطي وعصصصصصصصصصبت .. :132::132:جان احط ايدي ع خصري واقوول لا والله( نست عمرها البنت تتحرا ترمس واحد من الاهل ولا الربع ) ونحن شو نسوي ممن الصبح نتريا منو قالت البنت حليلها حسيتها تلوومت قالت شو نسوي في سالفه مستويه وراح محد خبرنا من قبل قلت لها بنرد البيت قالت برايكن ردن البيت سمحوولنا وباجر ان شا الله بتبدون ظهرت وانا اسب واشتم معصبه ياخي شفتنا يالسات قولنا اسمحولي ماروم ايلس وياكم اليوم واتناقش عبر عالاقل ... مسؤووولنا انته وظهرنا رحنا الوزاره اللي عدالنا لانه اخت ربيعتي هناك رحنا هناااك ويلسنا وتريقنا وردينا البيت ع 11 ونص وها اول يوم بالنسبه لي ايييييييييف كرهت الدواام اذا بنتم ع هالمصخره بس احلى مافي الموضوع ردينا من وقت لوووووووول [align=right]مَخْرًجْ,, ناديت والصوت لا شدك ولا يابك يا سيدي يا عديل الروح يا فاهم وانته بوجهه اشتياقي تغلق ابوابك وانا اقرب الناس ل قلبك واوفااهم[/align] |
في غيبتك اسهر ايام وليالي اللي بقا لـي فـي غيابـك .. سكوتـك واللي فقدتـه مـن غيابـك .. حنانـك عـذرك معـك لوخبـرونـي بمـوتـك وحقي عليك ان كـان عـذرك زمانـك ماكان موعد .. وأعـذرك لـو يفوتـك أنـا انتظـرت العمـر كلـه عشـانـك غبت ورضيت .. وبعدها .. غاب صوتك وأبطيت أكذب .. من يقولـون : خانـك بالله كيـف تحـس فـي طعـم قوتـك لامن ذكرت إنسان .. خنته .. وصانـك ماكـن قلبـه واحـد مــن بيـوتـك من تحت سقفه كـم شعـرت بأمانـك؟ وراك خليتـه .. لعتـمـة سكـوتـك؟ وأنا مـا غيـر أعشمـه فـي حنانـك فـي غيبتـك ياكـم تمنيـت مـوتـك أقل شـي .. أرتـاح وأعـرف مكانـك :0088::0088: M!SSIN' SMBODY,,, I need u n my life المبدع ,,, فهد المساعد |
و أردد بيني و ٍبيني : ( ح ـبيبي " والله ، لك وحشه " .. أنا يوم حبيت .. ماأقصد أحب لي شخص وأقول ..:هذا حبيبي ياناس شوفو !! لا..! أنا حبيتك يعني " حبيتك ".. " تدري شلون حبيتك .. ؟! " يعني أتمنى أشوفك يعني أستنى وصولك وأعرف حتى موعد حضورك يعني معك ماأعرف أكابر و لا أعرف حتى أجامل يعني أسأل عنك وين ماأروح يعني مايشغلني عنك إلا اللي ينزع الروح يعني " ماأزعلك " لو هي الدنيا تزعل علي يعني أرضيك بدم قلبي لوتزعل علي يعني أمشي وفكري وبالي معك ماهي معي يعني أعد الدقايق والثواني أنتظر بس متى تجلس معي يعني إذا تمنيت.. ماأتمنى إلا شوفتك إنت معي يعني إذا بعدت.. أزعل وأعاتبك ليه إنت تتغلى علي يعني.. ويعني.. ويعني... يعني بالنهايه ماأظن أقدر أوفي بكلامي " بكل المعاني حبيتك " بس صدقني إسمعها بصدري تصرخ وتقول.. تكفى أبووس روحك.. " حبني كثر ماحبيتك " |
بالله لا مات ( وصلك ) وش يعزيني ؟ [align=left]مَدًخَلَْ,, آكبر غنى من كآن ..{ عندهـ أحآسيس .. وآكبر فقير .. اللي بلآ حــس موجووود[/align] يسعدلي مسائكم بكل خير احب اطرح لكم مقتطفات شعريه ,, احس انها تعبر عني وقريبه مني هالمقتطفات عيبتني .. وتنفع تكون مسجات وتنفع للتصاميم اتركــكم معاها [align=right]إن مات غآلـي .. قلت حيل الله أقـوى انا آدمـي مثله .. و لافي يدي شيء ! ماهي بسيطه موتته .. لكن أشـوى المشكله .. لآ مات قلبه , وهو حيّ ..![/align] في ذمّتك ماشعر بالضيـق جوالـك ؟ .. ماقال : يبن الأوادم حسّ وأشعربـه ؟ يمكن لو أنّك ذبحت الخافق أشوالـك ماكـان هالبعـد والتطنيـش أثّربـه غير أنّه بصدق حبّك .. ويش سوّالك ؟ يعني عشانه يحبّك .. ماتبـي قربـه ؟ ملّيـت منّـك ومـن صـدّك ومـوّالـك وش عاد باقـي بعـد ودّك تعذّربـه ؟ [align=left]الصاحب اللي جروحي جات بـ/ غيابه ليته [ دقيقه ] يشاركني معاناتي لا قلت له طول غيابك ..................... وش أسبابه ؟ قال : إنشغلت السموحه بـ إختباراتي يالتيني [ مسأله ] في داخل كتابه واصير واجب عليه , وجهده الذاتي[/align] تعآل خذنيَ بينّ أيآديك ( مشتآق ) قبلَ نتفآرق حط يـدكَ بيدي ..~ بجلسَ معكَ سآعة حبآيب وعشآق ؛ من بعـدهآ كيفكَ ولوَ صرت ضـديّ * فينيَ خليط آشوآق بآشوآق وآشوآق وآصل معكَ من كثرةّ آلشوق حـدي [align=right]جـانـي طـيـفـه الزايـر ! وأفـز وعـيـنـي تـدوّر عـلـيـه واثـري الحـالـم الا يا حـلـم مـن غـنـى ،، كـفـايـه { طـبـعـك الـجـايـر تـعـذبـنـي وانـا صـاحـي وتـتـعـبـنـي وأنـا نـايـم ![/align] تدري وش أجمل شي ’ في أصعب أشيائي ؟ جمر الدموع بداخلي .. لابكيته [align=left]ودعتـك غصـب و انسحبـت مـن حياتـك .. و أنـت اللـي خسـرت وفـاي و حنينـي ,, رحلـت عنـّي برضـاك و بتلاقـي جزاتـك .. أمـا أنـا بـ أحـاول أنسـاك يـا ضنينـي ,, مثلـي صعـب عليهـا تتقبـل سواتـك .. ياللـي خذيـت منـّي أجمـل سنينـي ,, مـا كنـت أظـن أن الغـدر مـن صفاتـك .. و كلـي نـدم .. سلمتـك قلبـي بيدينـي[/align] ما دام حظي مـنسدح لي على الدرب .. ياليت [ حظك ] جابني لك .. وجيتك [align=right]كنـّه يقول " العشـق" فيكـم وفيني ؟ مع أنه " الساكـت " وأنا ماتكـلمت ؟ أنت تبي " الصـمت " [ بينك وبيـني ] ! طيب " أحـبك " كيف تنـقال ابـ صمت ؟[/align] في درب حبك مشيت.. لآ قآدر أرجع .. ولآ أكمل بعد.. ان ترآجعت معنآته انتهيت.. وان كملت يعني قدآمي تعب !!.. [align=left]الظاهر أسباب فرقاي أنا وأنت دعوة حسود صادفت وقت إجابه[/align] مَمكن آصفق لگ وآهنيَگ .. وآقول .. l مبروگ غيريَ .. دآم غيرْي حلآلگ .. .. لا تفكر آزعل .. على قلب مشلول .. قلب مثل قلبگ تركته .. لـِ/ حآلگ .... [align=right][ ياقلب ] لا ساقگ زمانگ على "الهمّ" غاير جروحگ لا تبيًح .. { خفاها مصيرها مع مرً الأيام "تلتم" وإلا تموت ... { ويحسن الله عزاها ..![/align] يادرب .. مامرّك .. من الناس .. غالي ..؟؟ يادرب .. وين من الحبايب ... خذيته ....؟؟ يادرب .. ياما .. في خيالي ... طرالي...! وياما .. من الحرمان .. صحت .. وبكيته ..!! يادرب .. شلت .. من الحمول الثقـالي .! إلا .. فراقه ... لـ الأسف ... ماقــــويته ..!! [align=left]كنت أحاول آخذك عندي وترقى من يعاشر قوم راقي / صار راقي وإنت أشوفك ما تبي ويَّاي تبقى كان ودِّك في فراقي , لك فراقي بس بسأل قبل لا نبدي بـ فرقى في حياتك لو رحلت شـ عاد باقي ..؟ وين مثلي يا عديم الذوق تلقى ؟ ومثل قلبي , وين في الذمه تلاقي ؟[/align] دَخيًلّ بردِكً يــً الشَتآإءَ لا تهدّنَيَ . . . لا ترٍدِنيَ عنَ فرٍقاهًـ يومَ أنيً نويتً ! أدَرٍيً صَبرٍيً فـَ بعَادهـً بيذلنيَ . . . وبيزيدنيً هـَ البرٍدَ حنينَ لامنَيً سَليتً بسًسَ تكفىً علىً بعادِهـً حَدنيً . . . وأسترٍنيَ بـً دِفاإ لا أشتقتَ وعنيتَ ~ [align=right]انا ماعمـري قد | خنتـك | ولاحتى بتفكيـري ولا ادري بأي ذنـب انا يافلان : اتعاقـب : بعد كل اللي (سويتـهـ) تروح لحضـن غيـري مدامـك ماتبي قـربي ليش بقلبي | تتلاعـب | انا كنت : أسمع : الكلمهـ وابد ماشفـت تقصيـري انا كنت اللي معـاك ابدا وانت ماكنت (تتجـاوب) انا احيـانا عليـك : اغلـط : ويقصّـر معـاك تعبيـري ولكن بعد الذي شفتـهـ وبعد ماصرنا | نتحـارب | تحسب اني ابـي (حبـك) او بتنـال تقديـري ! حسافـهـ قـدرك العـالي بدا للأرض | يتقـارب |[/align] يضحك بي الشامت إذا قلت ما آتوب ويحزن صديق العمر مما يجيني ليته يغطي لوعة العاشق الثوب والا عيوني ما تبين حنيني وان كان تعذيب المحبين مكتوب على عذاب الحب ربي يعيني [align=left]مَخْرًجْ,, مآضآق .. [ صَدري‘ ] !! يومُ شفتَ آلبلآوي .. إلآ .. بغيآبكـ !! ضآإق بآلحيل صدَري[/align] |
خذ جرحك ,,, واتبعـــــهـ http://vb.ma7room.com/uploaded/61930_01234208975.gif أبي أعرف من اللّي [ خان ] ؟! و من اللي بعثر إحساسه ؟! و قسّى هـ الغدر قلبه ! و غيّر طيبته و مبداه ، و بْـ ظلمه كسر إنسان . من اللّي قالْ [ أنا الْـ وافي ، أبد واللــه ماجافي .. أنا عمرك ، أنا ذاتك .. أنا حزنك وضحكاتك أنا فزعتْك و سنادك ] ! سِمَع قلبي كثير أقوال ، ولا في يوم شفت أفعال . دخيلك .. منهو فينا خان ؟! و جرَح صوتي بكثر القول ! وخيّب ظنّها شفاتي .. و شمّت فيني ونّاتي ، وهدّ اللي بنيته سنين ! : مثل منهو ظلم أحباب .. وتركهم والظنون ، ظنون ! ولاطيّب خواطرهم ! : مثل منهو سقى حزنه بـ همّه وإنكساراته .. وعمره ما رجع رويان !! من اللي [ ظالم ] وخوّان ؟! تعبت أسأل ولا ألقى .. سوى حزني وآهاتي ، وليامن جيت أنده له .. وأطلب كلمةٍ تشفى جروح القلب وآلامه ، يجاوب همّي بْـ نسيان ؟! من اللي عاش بـ غيابه ؟! ونسى عزْوته وأحبابه ؟! ولا لي بـ غيبته إلاّ .. طعونٍ جات بـ أسبابه ! تظن إنّي : قويت أنسى ؟! وأظنّك : من [ الصخر ] أقسى ! من اللي مُعدم إحساسه ؟! يشوف إنّي بـ عز الشوق ، بحاجة قلبه و أنفاسه .. و يخذل حاجتي بـ [ صدّه ] ! ويرفع راية الهجران . من اللي فرّح الأحزان ؟! و ضيّع حلم أيامي .. ودمّر وجه بسماتي ، وشتت كل راحاتي .. وجافى بـ غربته أوطان ! أظنه إنت مو غيرك ! للمبدعه شتات :13: |
مبروووووووووووووك لكل الاعضااااء النشطييين والمشرفييييييين اليداااد عسى ربي يوووفجكـــم :13::13: |
الأمل ضايع ..| : لكن الأماني مو حــرام ! [align=right] مدْخًلْ أضحـك على | نـفسي | و × أطمـّن × إحـساسي وأقـول : مـو نـاسي : / يمكـن / يجـيني اليـومـ ويرجـّع ~ أنفـاسي ~[/align] السلام علييييكم شحالكم ,, ربكم بخييير من زمان ما كتبت احداث صارت في اياامي :35.gif: افتقدتوني بس اليوم بكتب لكم مثل ما تدروون هالشهرين عندي تدريب .. عاد الله والتدريب ..:0022: واااع ملل بصراااااحه ماشي شغل وطفره نصبح من الساعه 8 لين 2 ونص ونحن بس يالسيييين بلا شغله هالاسبوعين ما سويينا غير عدلنا عالويب سايت مال الوزاره اللي اتدرب فيها وانسوي فورمات للبي سي جست يومين اشتغلنا فيهن المووهيم من الملل شو نسوي انا وربيعتي :09: اول الاياام كنا انشل لابااتنا طبعا ما عندهم نت هناك ولاشي نشل اللابات ونلعب فييهن هاللعبه http://www.ma7room.org/up/images/wpo...m4t5fne20u.gif عاد ملينا من هاللعبه دوم نلعبها قمنا انييب موووفي ومسرحياات خخخخخخ ونشوووفهن هنااك http://www.ma7room.org/up/images/wej...fch6g29mcl.gif والله مصخره التدريب ماشي شغل اليوم شو سويينا طلبنا ريوووق ورحنا الوزاره اللي عداالنا عند ربيعتنا وتريقنا عندها وسوولفنا وعينا من الله خير وخلاف ردييينا مكان التدريب ,, والحياه عادي عندنا نطلع ونرد بكييفنا هع هع مع انه ما يصير لوووول يا نااس والله لو اتم ع هالحال شهرين بستخف انا ما احب ايلس بلا شغل ولا مشغله ع الاقل حطوا لنا نت خلونا انقضي وقتنا .. ملييت بصرااحه واليوم ياانا مسؤووولنا من الكوولج والله يلست اقووله شلنا ويااك الكولج ما نبا نتم هنيييه ملل :14: ضحك وقااالي لا لا لا ما نبااكم خلكم هنيييه استفيدوا الله والاستفااده عاااد المهم يوم خلص الدواام رحنا الكووولج اجتمعت الشله يالله فدييييتهن شووفتهن ترد الروووح والله يلسنا هناااك سواالف وضحك وكل وحده تقوول شو صار معاها وهييييك يعني لين الساعه 5 العصر وخلاف رديينا البيييييييت خ خ خ خ خ اول ما وصلت البيت لقيت هزبه لوووووول تعرفون لييش ؟؟ الحبييبه (أنا) طرشت مسج حق امها تقولها تراني بسير الكولج.. هم ع بالهم بترووح ويا الدريوليه لووووول هيه لا ما سارت وياها خطفت عليها ربييعتها اتسووق سياره وراحت ويااها :lol::lol: عاد ماماتي ما ادري منو خبرها لووووول وعطتني اشووي من ذااك الكلام اللي يشرح البااال هههههههه لا بعد قلت لها ما سالتوني مع منو بروح هع هع :37.gif: رديته عليهم ... هو عادي بس لازم استاذن منهم قبل بس عاادي امي وتمووون عليه افدااها وبس هاللي يصير ويااي هالاياام رووتيين ملل ف الدوااام :( حد بيروووح يدرب بداااالي؟؟!!!؟؟؟؟ :69: [align=left] مَخْرًجْ.. أكنت قليل الاصل لتخدع لمعان العشم في عيني؟؟ ام كنت مجبور؟!! فهي حجة الموسم (ياوغدي) المدلل..[/align] |
حاولت انساك مدخــل// ومحدٍ عن الحال بـي يدري اضحك ومخفي الالم فينـي} .. [grade="8b0000 ff0000 ff1493 ff0000 8b0000"]مساأاء الخير جميـــعا,, هالايام احس بشعور ابدا مب حلو .. شعور يهد الحيـل .. احاول اظهر مفسي من اللي انا فيـه مب قادره :0088: عسى ربي يهونها بس.. قريـــت هالخاطره .. يمكن تعبر اشوي من اللي احســـه .. وحبيت اطرحها هنيه .. في مدونتي ..[/grade] متَى أنسَاك ؟! العُمرُ يمضي بي .. ونسيانكَ لَم يأتِ بعد ! إحترَق الصبر .. تمرّد الحنين ، و إشتعل الوَفاء ! متَى أنسَاك ؟! ترملَتْ مشاعِري .. يُتّمَتْ لهفتِي ، و إنكسَرتْ أحاسيسي ! متَى أنسَاك ؟! جَف بحري .. إنطفَأتْ شمسي ، و إنشقّتْ سمائِي ! متَى أنسَاك ؟! ذبَل شمُوخي .. تساقَطَ كبريَائي ، و فَتَرَ غُروري ! متَى أنسَاك ؟! قُطِّعَتْ خَرَائطِي .. إحتَرَقَتْ مناراتِي ، و تاهَتْ سُفُنِي ! متَى أنسَاك ؟! خَف بَصَري .. شُدَّتْ أعصَابي ، و تصَدّع رأسِي ! متَى أنسَاك ؟! نُكِّسَتْ أعلامِي .. إسودّتْ ألوَاني ، و مَات فَرحِي ! متَى أنسَاك ؟! تهدّم طمُوحِي .. شُرِخَ حُلُمِي ، و سقطتْ صُروحِي ! متَى أنسَاك ؟! للمبدعه شتات :0088: |
اشتقت لـ صديقاتي .. وش أغلى من رفيق من تشوفه يسألك وين انت ؟ واذا شافـك سكتّ يفـز يفـزع فـزعة سنـافـي ! مساااااااء الشووووووووووق شحاااااااالكم كلن بحاااااله ..؟ عساااكم ما تشكووون باااااس احب اخصص كلامي اليوم عن صديقاتي الصدووقات .. لاني اشتقت لهن :0088: الصداااقه حلوووه .. واقصد الصداقه النظيفه اللي ما تنبني ع مصااالح عسل ع القلب .. يكون الصديق دوا الجرووح .. ضحكة النفس .. عسى ربي ما يحرمكم من صديق ولا غالي امممممم بتكلم اشوي عن ربيعاتي .. يالدباااات مس يووو والله هاااااااااااااااااااااااااالكثر نحن كلنا 11 بنت في كلاس واحد .. بكتب نبذه عن كل وحده منهن .. بس لا تضحكوون لووووول :09: انـا ,, تعرفوني ,, نوتيه ,, طبعي مزااجي بالقوو .. هاديه نوعا ما بس يوم اشاغب اشااغب بالقوو<< ما بقول شو لقبيه هع :78650: الزوله,, هع هع فديتها اكبر عنا بسنه .. تحب السوالف والاكل والاكشنات .. العقل المدبر للاكشانات .. ليش سميناها زوله .. هع مره يتنا اتغني غنيه سودانيه ( الزوول ورا الستاره .. الزوول ما ادري ويين ) هههههه ولصق هالاسم عليها ميمي .. هاي البنت ماعرف شو اقول عنها .. اي شي ما يخطر ع البال تسويه .. مسمينها انا وربيعتي الخفاش.. لانها تنام طول النهار والليل تنش.. دايما نشوفها ادش المسن بعد 12 .. الناس تروح ترقد وهيه توها ناشه وعادي تي الدوام مواصله كم يوم.. ماعليها من حد اللي تباه بيصير لوول اليابانيــه .. سلامي لاهل مزيد .. تموت ع شي اسمه ياباني وكوري .. افلام مسلسلات .. تتكلم ياباني .. خريش نوعا ما .. تحب ميحد حمد .. دوم نقولها تتوسط لنا عند رووك( استاذ الويب ديزاين) لان مايرد لها طلب هع هع فرووحه الاثيوبيه.. وما ادرااكم من فروووحه .. هالبنت ع نيااتها .. فنااانه عجيييبه عسل ع القلب.. همها الاكل .. كل شي عندها الاكل .. نسالها شحالج .. تقول كلت جي وجي << اشخصه يابنت,, بس هاي هيه .. خبيره الاكل .. دوم نسألها المطعم الفلاني شو احلى شي عنده ما شا الله تخبرنا .. هع هع اي حد عنده سؤاال يسألها عن الاكل بتفيدكم.. فديييييييييييتها مس يووو دبووه ام بنت,, ولا تقوولوون عندها بنت .. خرييييش .. عبقرينوو الكلاس .. سواالف .. قلبها طيب .. طيبتها مسببه لها مشاااكل .. العرووس .. نفس الزووله .. يمووتن ع السواالف .. شو اليديد ف الاسوااق .. اشعليها عروس تبا تدلع هع .. عسى ربي يسهل عليج .. نتريا مطوور بفارغ الصبر .. كلنا انقوولها ها ولدنا كلنا.. ههههههه فديته عنده للحين 11 ام لووووول .. ربي يووفقج قلبوو كيدز ,, بيبي الكلاس .. حسااااسه ودلوووعه ..نسميها الخاله .. لوووول.. ما تقهر شي .. تكره الحشرات .. دووم نطفربها لوووووول .. حتى الاسااتذه يعرفون هالشي عنها لووول اشتقت لج يالدبه ولسواالفنا ^.* حش ومقالب ف الفون ع البنات لوول.. ادري مقصره وياااج .. هاي اعدها من اقرب البنات لي شوشو ( لقب يديد ) لوول .. هالبنت في عالم ثااني .. ماماتنا هالبنت .. دووم تعصب علينا .. وتنصحنا .. هااديه وروومانسيه هالبنت .. بس عليها هفات خبااال تحب الدراسه .. والكل يسمع لها ,, وما تسكت اذا الماده ما عيبتها لووول تروح تشتكي وهيه السبب اللي خلا كليه بوظبي يعطون خريجات هالسنه كورسات ف الانجلش هالعام لووول واخر وحده .. السيلانيــه .. اسم ع غير مسمى لووول .. هالبنت ماعرف شقول عنها .. طبجتيـــه .. لازم نكون مع بعض .. مستحيل وحده ف مكان والثانيه مب موجوده لدرجه .. البعض يلخبط امبينا .. ما نتشابه ف الشكل .. بس التفكير .. الحركات.. السواالف كلها نفس الشي .. ماعرف اسوي شي بدونها وهيه نفس الشي.. نروح رباعه ونرد رباعه.. تعرف اسراري كلها تفهمني من نظره.. دوم اقوولها انتي سكاااانتي ماروم اروح بدووون السكان لوووول واخر بنت ف الكلاس .. مب وايد ويااانا . هذيلا ربيعاتي .. عسى الله لا يحرمني منكن .. صار لي الحين فوق الشهرين ما تلاقينا شرا العالم والناااس .. وكله عشان التدريب :3403.gif: .. والله اشتقت لكن واااااااايد اشتقت للمه وياكن .. اشتقــــت ,, لـــ حفلاتنـــا ,, سوااالفنــــا ,, اكلـــــنا ,, يلســــات الخبااال ف الكوووفي ... اشتقت للدرااسه وياااكن .. لــ تطفير الاساااتذه .. والبناااات اشتقت للضحـــكه وياااكن ,, اتريـــا شهر 4 بفااارغ الصبر .. عشااان نرد نعيش تحت سقف وااحد .. كلاس يضم فرحنا وحزنا,, يضم احلى الايااام اللي اعييشها في حياااتي بكل صدق كنت دايما ارووح الصبح للدوام .. مالي خاطر وطفرانه .. :007: بس من اشووف ويه وحده منهن ,, يعلم الله اشكثر استاانس :35.gif: احلى ما فيهن .. اللي ف قلبهن ع لسانهن .. عمرهن ما جاملن .. وكل وحده قلبها ع الثاني .. وهاللي يخلي الاساتذه والبنات يستغربون .. ليش علاقتنا قويه في بعض .. ما نرضى ع وحده يصير لها شي مع استاذ او اي شخص .. نشتل بكبرنا نحتج .. نحب نكسر القوااانيين .. كلاسنا معروف عند السوبرفايزر ..الكلاسات اللي عدالنا .. من كثر الازعاج لووووول والله اشتقت لكن .. لقااااكن يشل الهم من القلب .. عسى ربي يجمعنا ع خير ويااكن وعسى ربي يخلي لكل انسان ربعه وناااااسه من شووقي لكن كتبت عنكن :0088: حلو الصداقه بين الناس مثل الجرس بالقلب تسمع رنينه اغليهن لو انهن بعيدين عن القلب دام المشاعر في غلاهن رهييينه |
| الساعة الآن 12:21 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir