|
السن المناسب للزواج ...!!!! السلام عليكم ورحمة اللهـ وبركاتهـ اشحالكم ؟؟ ان شاء الله الكل بخير وصحهـ ماعرف شلون ابدا الموضوع بس بغيت اعرف كل عضو شو السن المناسب للزواج من وجهة نظرهـ وليش ؟؟ بالنسبهـ لي السن المناسب للبنت فوق العشرين لانه قبل العشرين ماتكون واعيهـ كفايهـ يعني ماتعرف للحياهـ الزوجيهـ وايد بنات تعرس بس لانها تبا تودر بيت اهلها او يمكن تكون انجبرت ع العرس لان الي خاطبها واحد من اهلها وبعــد وايد عوايل يعرسون بناتهم مبجر اعرف بنات يوم يعرسون كانو ف اول ثانوي وهالشي سبب لهم مشاكل وايد .. صح ان الحياه الحين اسهل بوايد من قبل بالنسبهـ للمسؤوليهـ شي بنات من اول ماتعرس يكون عندها بشكاره تخدمها خصوصاً اذا كانت تدرس بس بعد كونها مسؤولهـ عن ريال هالشي ابد مب هين هي عليها واجبات ملزومهـ فيها غير انها مسؤولهـ عن تكوين أسره وهالشي محد يقدر يقوم فيهـ غيرها وايد بنات مب فاهمات شو يعني زواج ومع ذالك تقدم على هالخطوهـ بدون ماتحسب للمستقبل حساب اتريا ردودكم وأرائكم / ســـلمى |
و الله ان اشوف السن المناسب للبت للزواج هو من 20 لين 25 احس في هالفتره البنت تكون واعيه اكثر و فاهمه للحياه اكثر |
[align=center]وعليكم السلاااااااام والرحمه في زمننا هذا بالتحديد ابتعد فيه الجنسين عن الزواج .. وتمسكوا بالعلاقات المحرمه .. أنا بنسبه لي ما أشوف إنا لزواج سن محدد سواء للجنسين .. نفرض مثلاً .. البنت لو تقدم لها من أكبر عنها سناً سواء أكبر عنها بخمس أو عشر أو عشرين سنه أو أكبر عنها بـ 30 سنه مب عذر إنها ترفض ليش ماترفضه أنا بقول السبب ؟؟ الرسول عليه الصلاة والسلام تزوج من خديجه رضي الله عنها وهي عمرها 40 سنة والرسول عليه الصلاة والسلام كان عمره 25 سنه ( الكبر لا يضر ) يعني هيه أكبر عنه 15 سنه من كلامي وضحت نقاط عديده أول شيء الزواج ماله عمر محدد .. ثاني شيء مافي أي عيب أو اعتراض إذا كانوا مختلفين بالأعمار سواء أكبر أو أصغر عنها ( للجنسين طبعاً ) بس المشكله إلي ينظر لها الجميع من ناحيه الأعمار .. الكل يقول ويدعي مابكون في توافق عمري وفكري وثقافي واجتماعي ووو .........ألخ بس هذا كله من رأيي الشخصي غلط ولا يجوز >> اسكت يالس تفتي على كيفك على البنت أو المرأة بالأصح من يتقدم لها أن لاتنظر لزوج من ناحيه العمر تركز على ماهو أهم وهو أن يكون زوج صالح ومناسب ووو........ألخ إذا كان الزوج ذو سمعه طيبه وأخلاق عاليه ينبغي على المرأة أن توافق عليه ولو كان أكبر عنها بسنين كثيره ( والعكس صحيح بنسبه للمرأة ) إنا اختلاف السن أو العمر ليس عذراً مدام الزوج صالح والزوجه صالحه أصلح الله حال الجميع والله خير الحافظين .. نصيحه مني .. على الجميع أن يبادر ويسارع بزواج لقول النبي عليه الصلاة والسلام ( يامعشر الشباب من استطاع منكم الباءة فاليتزوج فإنه أغض للبصر وأحصن للفرج ومن لم يستطع فعليه بالصوم فإنه له وجاء ) وقوله عليه الصلاة و السلام ( إذا خطب إليكم من ترضون دينه وخلقه فزوجوه إلا تفعلوا تكن فتنة في الأرض وفساد كبير ) في سالفه واقعيه صارت من كم يوم تقدم شاب لخطبه والشاب ذو سمعه طيبه بس تم الرفض لإنه لايملك جنسيه الامارات وهو من دول مجلس التعاون والبنت إماراتيه والبنت تقدم لها حتى الآن 4 خطاطبين وكلهم راحوا باب الرفض ولإسباب غير مقنعه بها الشيء زادت نسبه العنوسه أمكن يؤدي إلى فساد كبير وعواقب وخيمه وأخيراً وفق الله المسلمين جميعاً لما فيه صلاح أمر دينهم ودنياهم إنه سميع قريب تقبلوواا ردي البسيط والمتواضع أخوكم بوناصر [/align] |
السلاااااااااام عليكمـــــ شحالج سلااااااامتيــ^^ بشرريني عنج؟؟؟ انا ف نظري ان السن المنااااااااسب هو مادوون الـ 20 وويفضل بعد انها اذا كانت البنت تدرس تكمل دراستها وعقب تعررس مافي ريال بيتحمل حرمهـ نص يومها في الجامعه ونصهـ رقاااااد ووتحضييييير وجان يابت يااهل على منو بتعقه؟؟ على امها او البشكااااااارهـ /صح ولالا وها الريااااااال ووين ووجوده من الاعراااااااب؟؟ متزوج ولاكأنه متزوووووووووج يعني ماااااشي حرمه تقول لي تقدر تووفق بين اثنيين واللي تقدر يبووها لي اواجهها وفووق كل ها البناااااااات الليـ اعمارهن من تحتـ الـ 20 يتحرن العرس كشخه وخقهـ ومادل شووووهـ، مايعرفووووون با المسؤليه والحمل بس ها الحيين شي بنات يرفضوووون لان البنت تعرف ان هي هب قد المسؤووليهـ سلمتي سلامتيـ ع الموضووع الغاوووووووووي هذا اللي عودتيينا عليهـ ابداع في ابدااااااع عساج ع القوهـ تقبلي مرووري السموحه ع القصوور اختج وبنت عموتج/قموورهـ آآل محروم |
السلام عليكم ورحمه الله وبركاته شحالج ختيه سلمى عساج بخير ،، ^_* العمر مثل ما قال اخويه مغازلجي مب شرط انه يتحدد لانه فيه ماشاء الله شباب وبنات متفتحين وفاهمين وااايد اشياء عن الزواج ( ف الاحسن انهم يزوجونهم ) واحيانا اعمارهم 18 او 19 سنه @@ يعني اقل من 20 سنه قبل الشياب بعد ما يكملون عيالهم ف الشغل 5 او اقل بشوي يعرضون الزوج عليهم عكس الحين من يمسكون الشغل حتى لو ما خلصوا مرحله الثانويه لشباب يطلبون بالعرس @@ بالنسبه للبنت ،، من اييها المعرس الزين وهي تبا لووول امره يوزونها بس الافضل بعد ما تخلص من الدراسه لانه راي من راي ختيه قمره واذا هي تدرس ما عليه يترياها كم سنه ههه لين ما يعقل وهي وتعقل وتكبر لوول :lol: اقتباس:
خويتج الغزال الدماني سابقا :13: |
اخوي المغازلجي يقول ماشي سن معين هل يعني شاب عمره 14 سنه يتزوج لااااااااء اتز امبسيبول لوووووو كان هالشي بالماضي اوكييييييييه الا بوافق على طووووووول لو ياني معرس صغير السن لييييييش لانه ماعنده خرابيط هالايام شووووووووفوا شبابنا طايحين بالكافيهات والمولات والتفخيط طبعا مو كلهم لكن اعطي نسبه 70 بالميه هاي سوالفهم نفس الشي للبنت انا اشوف 23 سن مناسب لها اتكون تخطت المرحله الخطره المراهقه الولد بزمنا هذا والله مادري شقولج لو اقول 20 اكون جذابه والله انهم مساكين الله يعين عيونهم عللى البلاوي اللي يشوفونها على هالشي اشوف انسب سن لهم 30 يكون اوريدي واعي ملتزم وشبببببببببببببع صياعه وجاهز انه يفتح بيت بعد بحث مجهد وكانهم يدورون ابره في قش على قولتهم شكرا علموضوع وسموحه |
انا برايي من 18 يعني المساله كلها مسالة ستر واستقرار وامان ومن قبل مافي تحديد للعمر للبنت للزواج يعني من 9 سنين كانو سابقا يزوجون انا برايي البنت مو مشكله لكن الولد بنظري من 24 فما فوق او 23 تسلمين سلمووه عالطرح اللمميز تقبلي مروري:) |
ووووووو سلمووهـ حبيتـ اوووووووووضح شيـ ان مااشي ريال يرضى ان حرمته تقصر فحقهـ صح ولالا؟ وهو ماتزووووج عسبت ياخذ حرمهـ لاهيهـ بشي غيرهـ وماايحس بحيااة استقراااااار ؟؟ وانا اخااالف اختيهـ the smill ان الزوااااااج هب استقرار واماااااااان ووستر فقط الزوااااااااااج قبل كل هذاا مسؤوووليهـــــ صح ولالا؟؟ لان البنت ماتفتقر ها الاشيااء في بيت اهلهااااااا الا مااندر تخيلي يعني وحده عمرها 17 سنه تتحمل مسؤوولية رياال ووبيت ووعقب عياااااااااااال كل ماكنت البنت اكبر كل ماكنتـ انضج وواحسنـ اسمحووليـ ع المدااخلهـ |
مسموحه عالمداخله عاتي حبيبتي هي مسؤوليه صح بس في زمنا هذا البنت صارت تتزوج باي عمر ماعندها مشكله ماتدري وش وراها لووول |
p!nk_heart تسلمين ع المرور والرد ماقصرتي ربي لايقصر في عمرج |
بو ناصر لفتني ردك واستغربته شوي انته يوم تقول ماشي سن معين للزواج وتضرب امثله بأمهات المؤمنين نسيت او يمكن تناسيت أن مافي بنات فزمنا يحملون القيم والمفاهيم والمبادئ الي كانت موجودهـ في زمن الرسول الأعظم صلي الله عليه وآله وسلم ولا حتى الشباب إلا مارحم ربي وعددهم قليل طبعاً .. الحين الريال والحرمهـ ماعندهم أي حس بالمسؤوليهـ والدليل على كلامي حالات الطلاق الي تزداد يوم عن يوم نحن نقرا ارقام خيالية كل سنهـ لو سألت نفسك ليش بتعرف أن الطرفين مايعرفون شو يعني زواج وهالرباط المقدس عادي عندهم ينتهي فلحظهـ بدون مايعطون أنفسهم فرصهـ للتراجع او حتى للتفكير بهدوء ورويهـ .. علعموم النقاااش يطول ف الموضوع أسعدني تواجدك وردك يعطيك الف عافية وزود وعساك ع القوة يارب |
قموري عليج السلام والرحمهـ بخير ونعمة ربي يعافيج بلاج معصبه لووووول انا وياج ف كل حرف قلتيه حتى انا بعد الي تقول تقدر توفق تخبرني كيف لاني محتاسهـ ف عمري ههههههه سلمج الله وعافى قلبج من الشر ومشكورهـ ع المرور والرد ماقصرتي ربي لايخليني منج |
ام منصور عليج السلام ورحمة الله وبركاتهـ يسرج حاليهـ ومن صوبج ؟ صدقتي احسن شي يوم تخلص البنت دراستها تعرس بتكون فاضيهـ وبالها مرتاااح ماتحاتي شي ..بروحها الدراسهـ تعب وهــم :( يعطيج الف عافية وزود ع المرور الكريم ماقصرتي ربي لايقصر في عمرج |
دمعه شوق مشكورهـ ع المرور والرد وصدقج فرق كبير بين شبابنا وشباب اول يعطيج الف عافية وعساج ع القوة نورتي بردج |
سمول ليدي الله يسلم قلبج ويعافية ومرورج ع العين والراس أسعدني تواجدج يالشيخة |
اقتباس:
حبيبتي هو يقصد ان هب لازم الوحده منا لازم تبلغ العشرين وفوووق عسب نعرس حتى الريال هب لازم يكون فووق العشرين اذا يبى يعرس ... الواحد يوم يحس عمره قد العرس ولوازمه بالبركه عليه واغلب الناس الحين خاصه الاهل في منهوو اللي يقوول بزوج بنتي وهي صغيره احسن وفي منهوو اللي يبون بناتهوو وحتى الشباب منهوو يكملوون الدراسه عقب يعزموون ع العرس .. وللتذكير بس المراهقه مالها سن معين واللي تبى تخترب ولا تسوي شي غلط بتسويه حتى لو (كانت & كان) اعمارهم 40 سنه .. بالنسبه لي :13: الواحد يكمل دراسته عقب يفكر بهالمواضيع لاحقيين عليها يابنت الحلال:*** والسموحه منكم :) |
تسلمــــــــين إختي عالموضوع الغااوي.... أنا فرايي إنه السن المناسب لزواج البنت هو ال 18 أو 19 والشاب... 21 أو 22 ولا تقولون صغاار مافي شي اسمهـ صغار وتو الناس،، نحن أهالينا وإلي اكبر عناا عروسوا وهم بهالسن ومااشاالله عايشين حياتهم،، كل ما الشخص حصن نفسه بالزواج بسرعه كان أفضل وأحسن له،،،يعني لو بنت تمت ترفض وترفض وترفض وصكت ال 25 ومحد ياها عقب مع انه هالسن سن مناسب للزواج بس الاغلبيه فالوقت الحالي يبا البنت الصغيرة والشاب نفس الشي،،،يعني أنا أشوف إنه الشبا والشابه يتزوجون وهم صغاار يعني بالسن إلي ذكرتهـ أفضل من إنهم يعرسون وهم كبار،،،،ليــــــــش؟؟؟ الزواج مسؤولية بيت و (((عياال))والعيال يبالهم صبر ومداراه يعني لو الزوجين تزوجوا على كبر ((يعني 28 أو 30))و يابوا عيال مابيتحملون صدعة المذاكرةوالصياح والمداراه لنهم كبروا ووصلوا لسن يبون حد يداريهم مب هم يدارون يعني الشخص يوم يكون اصغر يعطي أكثر يعني يمكن لين مااصك ال 30 يوزت عيالي .............. |
طيبتي غلطهـ الواحد يوم يحس عمره قد العرس ولوازمه بالبركه عليه صح كلامج كل شخص يحس انهـ يقدر يتحمل المسؤوليهـ يعرس ويبني حياتهـ :) يعطيج الف عافية ع المرور والرد ماقصرتي ربي لايقصر في أيامج |
بقايا حطام نحن غير واهلنا غير شوفي زمنهم وشوفي زمنا هــم عندهم قدرهـ كبيرهـ ع التحمل والصبر ونحن مانعرف شي اسمهـ صبر من اتفهه مشكلهـ نواجهه نقول خلاص ماعاد فينا نتحمل احسن ننفصل ونرتاح واصلاً مشاكلنا ابد ماتتقارن بمشاكلهم انا ماقول ان بنت 18 او 19 صغيرهـ ع العرس ولا الريال الي عمرهـ 21 مثل ماقلتي صغير بس لو الطرفيين يعرفون شو يعني زواج ومسؤوليهـ شرات ماقالت طيبتي غلطه بالبركهـ عليهم .. وبالنسبهـ لكلامج عن التربيهـ وان الأفضل نربي عيالنا ونحن صغار اوافقج الراااي بس بعد يحتاج وعي ودرايهـ بامور التربيهـ قبل مانخطي هالخطوهـ مشكورهـ غلايهـ ع المرور والرد ماقصرتي وعساااااااااااج ع القووووووووة |
وعليكم السلامه ورحمه الله وبركاته .......... كلمة "المبكر" تعتبر متفاوتة من عرفٍ لآخر لنحدد كلمة "المبكر" في هذا النقاش دعونا نعتبر العمر المبكر ما بين الثامن عشر إلى الخامس والعشرين ففي هذا العمر من المستحيل أن تحكم على كل الزيجات بالفشل أو بالنجاح التام النجاح أو الفشل يعتمد بدرجة كبيرة على مدى النضج والوعي بين الزوجين فهناك شباب وشابات طائشون في هذه المرحلة من العمر لكن من زاوية أخرى, هناك شباب وشابات (عقلهم يوزن بلد) ويتمتعون بدرجة عالية من النضج والمسؤولية وتختلف البيئات بالنظرة الى السن المناسب للزواج ... انا من وجهه نظري ..ربما لما يلامسة واقعنا الحالي ان الفتاه والشاب يصلون الى 23 سنة وليس لديهم نضج بأساس كيفية تكوين اسرة مستقره ..وليس لديهم المهارات في التعامل بين الطرفين و ادراك اختلاف التعامل بين انثى وانثى وبين ورجل ورجل وبين رجل وانثى .. واختلاف القياسات بينهم كلن يقيس بمقياسة .. (قد تنقصني اناايضا هذة المهارات لا اعلم !! ) فالخيال سهل في تصور واقع الزواج والحياة وكيفية التعامل بين رجل وامرأه ومنزل يجمعهم مع باقة من الحب الخيالي وانتهى الأمر !! ولكن على الحقيقة (الميدان ياحميدان !! ) تظهر الأختلافات وواقع الشخصيات ومدى انسجامهم مع بعضهم من عدمة وكيفة حل الإشكاليات بينهم والوصول الى نقاط اتفاق بينهم وتفهم اوضاع الطرف الأخر والتعامل مع طباع معينة فيهم ومدى وجود اشياء مشتركة بينهم وغيرة من الأمور التي تقّرب اكثر من انسجامهم وحصول الإستقرار . الوضع الحالي (ماشين بالبركة !) من أين لأزواج وزوجات المستقبل بالنضج مع وجود تيارات خارجية قوية مؤثرة ... يختلف زماننا عن زمان من سبقنا ... في السابق التأثير الأقوى من الداخل , تربية الأسرة ومحيطها . أما حاليا فالتأثير الأقوى من الخارج !! تربية القنوات والأصحاب والإحتكاك الخارجي ....الخ ! وفي السابق يتزوج الشاب مبكرا ويستطيع الإعتماد على نفسة فهو يعمل وهو صغير (عملة في نخل اهلة يكدون ويبيعون ويصرفون على أنفسهم ) لكن الأن لابد أن ينهي دراسته الجامعية ولعه يجد وظيفة ! تعود علية بالدخل لكي يستقل بذاته ويستطيع بعدها ان يتزوج و يصرف على زوجتة واولادة . وكذلك بالنسبة للفتاه في السابق يختلف عن الوضع الحالي .. وايضا يتزوج الشاب صغير وكذلك الفتاه ولكن تحت اشراف من والدية ..لا يرضون بسلوكيات معينة من الطرفين ويوجهون بشكل مستمر ..ربما لأن مكان العيش واحد ..عوضا عن عقليات كليهما تم بنائها وتأسيسها مسبقا من قبل تأثير والديهما ومحيطهما . لكن الأن الوضع مختلف تماما ولا نستطيع تطبيق الواقع القديم بتاتا . لا يساير زماننا ويتعارض معة ! ..يختلف تمام الأختلاف . لكل زمان. .. زمانة وفي الاول والاخير يرجع للاشخاص انفسهم ....... مثل ماذكرت ....... واذا كان الشخص سواء كان رجال او بنت عارف وفاهم (وطبعا ً هالفئه تقدرين تقولين نادرين )ليش لا ؟؟؟ الرسول حث الشباب على المسارعه بالزواج ..... لقوله (صلى الله عليه وسلم ) ((( يا معشر الشباب , من استطاع منكم الباءة فليتزوج )) ...... ((( حطي تحت من استطاع ستين خط , يعني لازم يكونون فاهمين الموضوع وماياخذونه انه لعب .... ) في ناس تزوجوا في سن مبكر ومشاء الله حياتهم من ابدع مايكون وفي ناس تزوجوا في سن مناسب للزواج وفشلت حياتهم يمكن العمر موب العامل الوحيد للتحكم بفشل أونجاح الزواج فيه ظروف وعقليه وتربيه والبيئه أكبر عامل للتحكم في الحياه الزواجيه وبعدها العمر يحدد ماسبق يعطيك العافيه ( سلمى ) اشكرك على مواضيعك الرائعه دائما ....... السموحه لى الاطاله ............ تقبلي مروري ........... نوافي.................. |
اولا مشكورين على هالموضوع الطيب ولكن بالنسبه لي مب سالفة عمر سالفة الولد والبنت كيف عقليتهم يعني ساعات اييكم ولد وبنت اعمارهم تحت العشرين وماشاء الله عقولهم توزن بلد ولا احسن منهم ومرات كبار ايونكم وعقولهم صغار ومهما كبرو ماينفع الزواج وياهم وهذا الامر يعود الى التربيه اذا الناس ربو عيالهم من هم صغار عالتفكير العدل والسنع هالشي يؤهل العيال يتزوجون وهم صغار اما اذا طايشين لين سن متاخره لابالله يتريون احسن لهم وانا مع الزواج المبكر والسموحه |
مي تو انا مع الزواااااج المبكر بس يكوووونوا الزوجين عقااااااال ... و فاهمين شو يعني حياة زوجيه .. |
^^ 15 و لا 16 .. فما فوق .!!! بتتعلم و بتفهم .!! ونا مع اختي ذه سمول ليدي .. ان الزواج (( ستر واستقرار وامان )) ليش تتريه ؟!! اذا الوحده ضاع شرفها منو بياخذها عقب ؟!! أصلا المفروض تتزوج و هي صغيره .. بغض النظر عن الواجبات لي بطيح فوق راسها و لا تحملها للمسؤوليه .!!!! ضاع شرفها = ماشي زواج و لا مسؤوليه و لا ريل هع تزوجت و هي بيبي = تتعلم = تعيش حياه في سعاده و هناء ^^ و ها رايي و السموحه ..!! |
والله اني اشوف السن الناسب للزوااي وهو 13 |
أنا مع أخوي الفلاسي 399 تسلمين اخيه سلمى على الطرح |
نوافي مشاء الله عليج ناقشتي الموضوع من كل الجوانب قريت ردج أكثر من مرهـ واااااااااايد عيبني واقتنعت فيهـ في ناس تزوجوا في سن مبكر ومشاء الله حياتهم من ابدع مايكون وفي ناس تزوجوا في سن مناسب للزواج وفشلت حياتهم كلامج صحيح 100% يعطيج الف عافية ع المرور والرد ماقصرتي ربي لايخليني منج |
الفلاسي اما اذا طايشين لين سن متاخره لابالله يتريون احسن لهم لوووووووول الطايشيين وايد في زمنا ياخوي تسلم يالشيخ ع المرور والرد يعطيك العافية وعساك ع القوه |
رمايل ، الحلا محتويني ، عامريهـ كشخهـ ، همس الحرآآير تسلمين ع المرور والرد ماقصرتو وعسااكم ع القوووة |
انا اتوقع السن المناسب للزواج بنسبه للبنت من 20 ألى 25 اما بنسبه للولد من 20 ألى 30 |
وعليكم السلام سلااميي شحالج ^^ ابدعتي فالطرح وختيار الموضوع الزوااج عالم وكوكب بروحه ,, الشاطر والشاطره اللي بيعرف شلون يتعايش فيه صدقينني يونج ناس عمراهم فووق 24 ويعرسون ومايتوفقون ويونج ناس 18 19 17 20 ومشاء الله يكونون اعقل من اللي اكبر عنهم يعني الزوااج مب بالعمر الزوااج بالعقل والتفكير الصح اللي يشوف نفسه قد التعاايش في هالعالم يخووضه هذا رااي وتسلمين |
انا اشووف البنيه تعرس من وقت يعني من 18 و22 او 25 اما الولد فوق 23 يلين 28 احسه العمر المناسب |
تسلمون ع المرور ورايكم ع العين والراس يعطيكم الف عافية |
السلام عليكم... بالنسبه لي اشوف ان السن مايحكم الزواج ..... البنت تكون مهياه للزواج اذا توفرت فيها شروط واللي اهمها ؛ *ان تكون البنت ناضجه فكريا وبدنيا... *تكون البنت قد المسؤليه اللي بتجيها بعد الزواج.. *ان تعي البنت علوم الزواج كلهاااا من حقوق الزوج والبيت ... اما الاشياء الثانيه فاشوف انها تتوفر بعد الزواج تلقائيا... مشكوره اختي عالموضوع لاعدمنا طرحك... |
السلام عليكم ورحمه الله وبركاته حبيت امر وعبر عن رايي اقووول انه الزواج ماله عمر محدد المهم انه الزوووج يكووون علا مقدره انه يعتمد علا نفسه ويكوووون قد المسوووليه اما البنت برضاها اذا كانت اتشووف هذا الزواج في مصلحتها.... ونا من نفسي اتووووج اليووم قبل بكره بس للاسف بعض العوايل اتشووف الزووج بسن صغيرمايصلح وتسلم خيووو علا الموووووووووضووووع الرئع |
ليـــس للزواج ســـن معيـــن لأن الفتاة تختلف من واحدة لأخرى فقد تكون ذات 15 ربيعاً و تفهم الحياة أكثر ممن يكبرنها سناً : أؤيد الزواج المبكر فهو أفضل للشاب و الفتاة لكن له بعض السلبيات قد تتأثر دراسة البنت لتغير الجو عليها أو تنشغل بالزواج عن الحياة العلمية : لهذا أفضل أن أنهي دراستي قبل أي خطوة .. ولكن هاذي " حكمة الأقدار " ( و الله يجدم اللي فيه الخير ) : تسلمين على الطرح ختيه الفاضلة نترقب المزيد من هذه المواضيع تحياتي |
خخخخخخخخخخخخخخخخخخخخ والله تخيلت يوم زفااافي طبعا يا حبااايبي انسب عمر لنا نحن اهل الخليج من 19 ليييييييييييييييييييييييييين ما الله يستر وطبعا 19 هذ يكون انسان يعرف ربنا ويعرف كيف يربي عياله وكيف يحاور زوجته لو غلطت (الغلط في بنت الخليج فرض) هـ‘ـ‘ـ‘ـ‘ـع هـ‘ـ‘ـ‘ـ‘ـع هـ‘ـ‘ـ‘ـ‘ـع هـ‘ـ‘ـ‘ـ‘ـع وهذ العمر لو كان الانسان متوافره فيه هل صفات ف انا اقوله توكل ع الله بس لو ما يحشم عمره وما يوقف حركات الشباب اقوله خلك مثل ما انت لا عرس ولا هم يحزنون وشكرا اخي ع الموضوع الطــــــــــيب |
انا اجوفه .. للبنت ما بين 19 لين 23 اما الولد .. فوق 22 سنة ..^^ |
مرحبـآ آلسـآع اممم احـس 23 - 30 هآلآعمآر منآسبه للزوآج وآلبنت مب زين تتزوج تحت آلـ20 آحسبه ظلم والله لوول |
يسلمواااااااااااااااااااا |
السلام عليكم اشحالج اختي انا من رايي كل ما كانو الاثنين صغار احسن علشان يكبرون ويا عيالهم ويرومون يربونهم بس اهم شي يكونون الاثنين فاهمين منى الزواج ومعنى المسؤوليه وسلامتج |
| الساعة الآن 01:05 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir