|
معقووله وصلنا لهالستوى ؟ >>مهم أرجو التفاعل السلام عليكم ورحمة الله وبركاته > موقف < فالجات ... الولد .. ( مرحبا الساع شحالج يالغلا ^^ ) <<< ليش تعرفها تعرفك ؟؟ البنت .. ( مرحبتين هلا والله ) واسترسل الحديث بينهم لييييين ... >> الولد .. ( ممكن رقمج يالغلا . ) البنت .. ( لا ما اقدر بس لو كنت تبي .. عندي رقم وحده بعطيه لك ) . الولد .. ( عادي يعني . ) البنت .. ( عادي تراها تكلم شباب واهي من المكان الفلاني ..... إلخ ) . الولد .. ( وانتي شنو مصلحتج من ها كله .. يعني ليش تعطيني رقمها .. ؟ ) البنت .. ( مالي مصلحه بس جيه .. دامها تكلم ما يهمها .. ما اعتقد ترفض ) . الولد .. ( اوكي خلاص عطيني . ) البنت .. ( xxx xxxxxxx ) ــــــــــــــــــــــــــــــــــــــــــــــــــ ـــــــــــــــ البنت كررت هالسالفه معـ أغلبية الشباب اللي فالجات .. واهي غير مباليه للمصيبه اللي تلحقها للبنت . ــــــــــــــــــــــــــــــــــــــــــــــــــ ـــــــــــــــــ . الولد .. ( يتصل للبنت >>> بدون رد . <<< البنت .. < صاحبة الرقم .. اففف منو هاييل أذوني .. جم رقم الحين ياني .. احطه صامت وارتاح منهم .. ــــــــــــــــــــــــــــــــــــــــــ . الصبح .. البنت ... خيييييييييييبهـ 20 مكالمه طول الليل منو هاييل .. ـــــــــــــــــــــــــــــــــــ . بعد جم يوم .. مسج >> لوسمتحي ممكن أكلمج في موضوع مهم ويخصج ومهم بالنسبه لج .. وانا أبالج الخير . البنت ... ( ما ردت ) .. مسج >> صدقيني ابالج الخير ما ابى شي منج ولا راح اتصل مرة ثانيه . البنت ... اوكي ــــــــــــــــــــــــــــــــــ . الولد .. ( الوو .. السلام عليكم .. ما بطول وياج من جم يوم كنت فالجات ..... وقال السالفه كلها والبنت مصدوومه .. انا قلت لج عشان تشوفين شوبتسوين .. والسموحه منج .. حبيت اساعدج لاني حسيت انج مظلومه .. مع السلامه وتمت البنت في دوااامهـ ومب عارفه كيف تفكر أو ستشوي ... ــــــــــــــــــــــــــــــــــــــــــــــــــ ـــــ . موقف سمعته من صاحبة القصهـ وحبيت اطرحه لكم >>> بعد موافقتها طبعا ً 7 7 7 الحين هالبنت اللي انتشر رقمها .. وضاعت سمعتها بين الشباب ومب بعيده يوصل هالشي لاخوانها شنو ذنبها والبنت اللي تلعب بشرف البنات وسمعتهم شنو مصلحتها وليش تسوي جيه .. معقوولهـ وصلنا لهالمستوى من الإنحطاط والدنائه .. هاي ما تعرف شو يعني قذف المحصنات .. كل اللي راح أقوله .. حسبي الله ونعم الوكيل في كل شخص يسوي جيه .. وكما تـــــــــدين تــــدان أتركـ الموضوع في متناول يدكم وأتمنى أن أجد تفاعل من الجميع والسموحه منكم ع الإطاله .. الموضوع بقلمي .. اختكم Nsayem kalba |
ماخفي اعظم وادهى مانقول الا الله يسترنا من الجاي اللهم استر عوراتنا وعورات اخواننا المسالمين |
حسبي الله ونعم الوكيل عليها لهدرجه وصلت بالدناءه انها تنشر الرقم ربي ياخذ الحق منها انشالله اختي انا اتمنى من هالبنت انها تروح تعلم حد من اخوانها وتشوف رايه وعشان يوقف معاها بعدين لا صار شي لا قدر الله اما على البنت اللي نشرت الرقم ربي بيجازيها نست انه كما تدين تدان |
|
اقتباس:
وربي لا هانك |
اقتباس:
كل الموده لج حبوبه |
اقتباس:
تسلمين حبوبه ع المرور |
اقتباس:
وربي لا هانج لج مني أرق وأعذب سلام |
هـآآي ما يبـآلهـآ رمسـه ,, !! أقـلـ شـي انها تعلم حـد [ ابوهـآآ - اخوهـآآ - عمهـآآ ] أو اي انسـآن من اهلـها تثق فيـه ,, و تعرف انـه بيتفهم الموضوع ,, و اكيــد الاهـلـ واثقين من البنت ,, و بيصدقونـ ’’ الموضوع ,, و هم بيتصرفون ,, !! هاي فيها سمعة و عرض مب لعبة ,, و اقـلـ شي تسويـه ,, انها تبدلـ رقمها ,, و مب من كلـ هب و دب ,, تعطيه رقمهـآآ ,, !! راي ,, لا اكثـر ,, و السموحه ,, |
اقتباس:
تسلمين حبوبه على الإقتراح وأكيد هذا اللي راح يصير ربي يعطيج العافيه تحياتي لج |
السلام عليكم ورحمه الله وبركاته مشكووره اختي على هالموضوع الصررراحه وانا ماقول الا حسبي الله على كل احد يسوي هالشي مستوى منحط من ناس حاقدين والا ليش تسوي كل هذا .. والمفروض مهما بلغ من مشاكل بينهن مايوصل الى هالمستوى من الدناءه لانها مساله سمعه ....وقذف المحصنات من كبائر الذنوب لقد حرّم الله تعالى على المسلم الاستطالة في عرض أخيه المسلم ... لقوله تعالى : ( إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَ الآخِرَةِ وَ لَهُمْ عَذَابٌ عَظِيمٌ ) و لمّا كان القذف من أشنع الذنوب ، و أبلغها في الإضرار بالمقذوف و الاساءة إليه ، كان التحذير منه في القرآن الكريم شديداً ، و مقروناً بما يردع الواقع فيه من العقوبة . ومثل ماقالت اختي ( عزت نفسي ) لازم تعلم حد من اهلها وموب اي حد تعطيه رقمها لازم يكون فيه شوي حذر ... زمن يخوف الصراحه لانه للاسف فيه ناس انذال ووصلوا الى هالمستوى من الانحطاط وصدقيني اللي يسوي هالشي انسان ماعنده اخلاق ووللاسف اللي ماعنده اخلاق ماعنده دين .... الله يحفظنا ويحفظ بنات المسلمين ويسترهن اميين يارب العالميين اكرر شكري لصاحبه الموضوع مع خالص احترامي وتقديري اختكم/ نوافي |
يا اللهـ شو هالعالم...! طيب ما بدكـ تعطي رقمكـ ليش لتخربي بيت الدنيا...!! غريبة شغلتها الصراحة....!! أول مرة أشوف وحدة بتعطي رقم صاحبتها لشب....! دليل انهـا نذلة وما عندهـا أي حب أو صداقة لهالبنت.... ومن ناحية تانية...البنت المظلومة هاي لازم تحكي لحدا من أهلها يعني مشان يعالجو الموضوع... ويساعدوها... مشكووووورة Nsayem kalba ع الطرح المميز... تسلم أناملكـ غلاتي..^^ تقبلي مروري..^^ |
صراحه حركات نذاله هاي شكلها مقهوره من البنت وحبت تسوي فيها الخايسه الحين كله جي حركات نذاله والله شوهت سمعت البنت ملعونة الصير هي تاخذها على اساس وناسه لكن ماتدري انها تودي في داهيه ماقول الا الله يستر والبنات والله مالهم حايه حق التلفونات دامهم فالبيت والسموحه |
اقتباس:
تسلمين اختيعلى هالرد الجميل والله يجزيج ألف خير اعذب تحيه مني لج |
اقتباس:
تسلمين ريم ع الرد الحلو والمرور الأحلى تحياتي لج حبوبه |
اقتباس:
ربي يعطيك العافيه تحياتي لك |
انا عن نفسي شفت هالشي بعيني .. وحاولت اني اوقف البنت بس مارضت تسمع الرمسة وحاولت اني اول للبنت اللي توزع رقمها وايميلها عن طريق ايميلها بس ماكانت ترد وتاكدت انها مظلووومة بس شنسوي ... هذا هو زمنا الحين الشر طاااغي عالخير .. والسمووحة |
اقتباس:
تسلم اخوي ع المشاركه ولا هنت تحياتي لك .. |
كما تدين تدان |
عشان جي الواحد دوم يتخير ربعة ويتجنب اصحاب السوء |
حسبي الله ونعم الوكيل لهدرجة بس المفروض البنية ما تعطي رقمها لناس مو قد الثقة |
وي وي وي اف مشكلة كبيرة كما تدين تدان ان شاء الله مايصير الا الطيب |
معقووولة في نـــاس للهـــدرجة !! عمري ما اتوقع شي مثل جيه يصير.. الله يهدي الجميع،ـ...ويصلح بالهمــ. ولازم بعد الانسان يتحذر وينتبه على سمعتهــ.. تسلمين الغالية على الموضوع الرائعــ...تحياتي :) |
ما اقول إلا حسبي الله ونعم الوكيل.... الله يهدي الجميع ... والله في ناس يسوون اشياء ما يفكرون بعواقبها... يعني هالبنت ما فكرت ف مصير المسكينة شو بيكون الله يعينها الصراحة انا اشوف انها تغير رقمها احسن لها من المشاكل.. وبعد اتخبر حد عن السالفة يعني اخوانها او ابوها وتشرح لهم الوضع واكيد بيوقفون وياها.. والله الواحد قام يخاف على نفسه من كل شي يصير ف هالزمن الله يصلح بال الجميع ويهديهم.. والسموحة.. |
ماخفي اعظم وادهى مانقول الا الله يسترنا من الجاي اللهم استر عوراتنا وعورات اخواننا المسالمين |
حسبي الله ونعم الوكيل ......... الله يعين لها الدرجة وصلوا البنات ................. ما أقول غير الله يهديهم ...... تسلمين ع الموضوع ...... |
حسبي الله ونعــم الوكيـــــل ... أنـــا أشووف إنه اختيار الأصدقااء يلعب دور رأسااسي في حدوث هالمشااكل والثقة أحياانا... اللــهـ يبعد عناا المشااكل ويستر عالكل إن شالله... تسلمين أختي عالطرح وربي مايحرمنا من يديدج^^ |
وآآيد من البنآآت يسون جيه بسبب ولا بدون سبب في منهن عندهن هوآآيه ومووول مآينعرفن عآآدي تكون وحده وآآثقه فيهآآ ومآمنتهآآ ع كل شي الشي الوحيد اللي تقدر تسويه البنت انهآآ مآتثق فكل حد , ورقمهآآ ماتعطيه الا للي تعرفهم زين تسلمين حبووبه لطرحج هالموضوع ويعطيج العآآفيه =] , . |
حسبي يالله ونعم الوكيييييل عليها وعلى اللي شراتها يارب ،، |
السلام عليكم ورحمة الله وبركاته هذي وين بتروح من رب العالميين يزاه الله خير اللي اتصل فيها وخبرها بالسالفه ناس عندهم ذمه وضمير المفروض تاخذ رقم المتصل فيها + تاخذ منه ايميل البنيه اللي تنشر رقمها في الجات وتخبر أبوهاا او أخوهاا عن الموضوع عشان يكون عندهم علم ثاني شي تقطع البطاقه ولا تعطي رقمها الا للمقربين منها واللي واثقه فيهن وشكرا عالطرح نتريا اليديد ^_^ |
يااااااااااااااااااالطيفــــــــــ هاي البنيه وين تبا اوف والله خفت والله ينتقم منها هالذلــــــــــــــه عيل والله هـــــــــــــآآآي عبرهــ لنا نحن البنــــــآآت بالمنتدى نحذر من هالاشكال وكثر خيره هالريال خبر البنيه وحظها حلو ماطاحت لها على واحد قليل خيـــــــــــر يشوه سمعتها تشكرين اختي على الموضوع المهم واااااااااااااااايد وايد والله يهدي البنات يارب انا مادري شقايل مستهترات جيه باعمارهن ويرخصن عمارهن يالقاع كل الشكر لج ختيه |
استــــ غ ـــفر الله الله يــ هــ ــديها ان شاااء الله *__* نــــاس ابد مـــ ـــا تــــســ ـــتحــــ ،،،،ـــــي و انا من راايي اذا هالبنت المظلوومة تعرف منووو هي تتفاهم وياها عند خوانها عسب خوانها يتفهمون هالمشكلة و ما تصير سالفة عووده و السموحه،، |
السلاام عليكمــ امممممممممم صراحهـ قمة القهر لما تشووفين نااس جييه بلا احااسييس وضمااير^^ ااانا اقول يعني مهما كان الخلااف امبينهن مستحييل يخليها جييه توزع رقم البنتـ بس المفرووض البنت على طول تغير رقمها وماتعطيهـ الا الناس الثقهـ يعني مو اي حد فيه الخير الريال اللي خبر البنت بعد ولا لو غيرهـ يمكن اسهل شي بيسوويه بينشر الرقم ولاتحسبن الله بغافل عما يعمل الظالمون والبنت مردها تييب بناااات ويسوون فيهن شررى ماسووتـ في بنت الناااس^^ مشكووووووره غلايه ع الطرح الرااااااايع لاهنتيـ دومج مبدعهـ الشيخه نتريا كل يديد من صووبج تقبلي مروري السموحه ع القصوور اختج/قموورهـ آآل محروم |
لازم تخبر حد من اهلها يتصرف احسن ماينتشر الخبر ومحد يصدقها تقبلي مروري |
تسلمون ع الإقتراحات وربي يستر ع الجميع تحياتي للجميع |
الله المستعان يوجد ماهو ادهى وامر لكن هذه اول خطوة شكرا :3096.gif: |
اقتباس:
والله يستر على الجميع تحياتي لك اختك نس نس |
بصراحه صدق هذا اللي يصير بمجتمعنا الحين وانا صار لي هالموقف بس الحمدالله انا غيرت رقمي والله بس بصراحه انا ما اثق بأحد مع انه اللى وزعت رقمي اربيعتي بالكليه كانت تدخل الجات بعد بس شو قصدها يوم وزعت رقمي ما اعرف والله بس انا ما اقول غير الله كريم ومحد بيأخذ حقي غير الله .... |
شو هلبنت ما عندهة قلب مافي رحمة ابد حرام عليهة لو انة مكان البنت رحت خبرت امي او ابوي او اخواني قبل ما يوصل لهم الخبر وعصبون علي وانا مالي ذنب اااه بياخد حق البنت يسلمو |
الصراحة الحركة قويه البنت ماعندها دم ليش توزع رقم ربيعتها بالجات استغفر الله صج حقيرة واحسن شي تسويه البنت انها تخبر امها او اي حد جريب منها بالبيت عسب يحلون الموضوع تسلمين اختي ع الموضوع |
| الساعة الآن 08:10 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir
