قصة فتاة اماراتيه تعور القلب
 

~السلام عليكم ورحمة الله وبركاته~
قصه سمعتها من قريب قصة اماراتيه تعور القلب قصة حب في جامعه زايد..
أنقل إليكم اليوم رساله تحمل طياتها قصة فتاة من الامارات وقعت في طامة الفتيات الا وهي الحب..الحب الزائف أو المغرر بالمراهقات وان شاءالله ماتكون مكرره..
أترك لكم القصه كما وردتني (بالعاميه الدارجة في الامارات)
‏ ‏ **القصه**
اسمي(___) عمري19 سنه وهاي القصه كانت بدايتها يوم كان عمري 18 سنه انا بنت من الامارات من مدينه فجيره عندي من الأخوه2 ومن الاخوات 1 يعني احنا 4 اخوان أبوي وأمي مطلقين من احنا صغار من أول ما انولدت بالتحديد أبوي خذا أخوي وأختي وأمي خذتني وخذت أخوي جاسم وماشفنا بعض أبدا لاني كنت صغيره وايد هاذي القصه والله والله والله حقيقة.. أمي رجعت عند أهلها في الشارقه وأبوي ظل في فجيره بعدها انتقل ليعيش في أبوظبي وأنا سرت أدرس في أبو ظبي في جامعه زايد مادرست في جامعه زايد اللي بدبي لان بغيت اغير جو وسكنت عند خالتي في أبوظبي وأمي ما كان عندها مانع لانها كانت شوي فري بعد مادخلت الجامعه لقيت وحده اسمها مشابه لاسمي اسم الاب واسم الجد واسم العايله أنا "انصعقت" يعني هي أختي بس أنا ما قلتلها لانها ماعرفت ولا لاحظت وكانت أكبر مني بسنه ومرت 3 شهور وأنا ماخبرتها ان هي أختي وكل مره أشوفها يالسه بروحها في الكافتيريا وكل مره أطوف جدامها وابتسم لها تميت على هاذي الحالة اسبوعين كل ما أطوف جدامها ابتسم لها بس يوم من الايام وأنا طايفه جدامها ابتسم لها زقرتني!
هي:لو سمحتي
أنا:نعم خير (وأنا مبتسمه)
‏ ‏ يتبع

قصة فتاة اماراتيه تعور القلب
 

هي: ممكن أسألج انتي ليش دووم تبتسمين لي؟
أنا: لا والله مافي شي بس أنا من النوع اللي وايد يبتسم ووايد أجامل
هي: هي هي هي .. جان تبين قعدي
انا: لا عادي والله .. أنا مستعيله شوي علي امتحان ماذاكرت
هي: قعدي أنا بدرسج
انا: لا لا ما أبا أعطلج ويايه
هي: لا والله عادي بسيييي لالالاه
أنا: أوكيك
تمينا نتكلم وتعرفت عليها وتعرفت علي بس أنا غيرت اسمي غيرت اسم العايله واسم يدي وأبوي يعني هي ماعرفتني عقب تمت اتصالات شوي وفي يوم من الايام كنا واقفين عند باب الجامعه نتريا السواقين فمرت سيارة مخفي كامل استيشن رقم أبوظبي أحمر لون الاستيشن أسود فأنا صديت الصوب الثاني ع أساس اني ما أجابلهم بس هي تمت تطالعني عقب سارت اتجاه السياره انفتحت الدريشه بس انا مارمت أشوف منو داخل السياره تمت ترمس شوي عقب طالعتني وابتسمت وبعدين ردت! أنا تميت امبطله حلجي قلت منو هاييل جان تقولي والله هذا ولد عمي ياي يمر علي يردني البيت فأنا قلتله بيلس اتريا ربيعتي لين ماتروح عقب جان تقولي مب صايعه(وهي مبتسمه) أنا صديقتها
بعد اسبوعين اتعلقنا في بعض وايد وايد..وعزمتني على عرس عمتها أنا سألت أمي إذا أقدر اسير العرس فقالت لي اوكي(بس محد كان يعرف ان احنا خوات) فمرت علي وسرنا بيتهم أول عقب قالت بنسير الفندق واحنا نازلين الفندق ولا اشوف نفس السيارة اللي شفتها عند الجامعه طنشت ودخلنا جان يطلعون  شباب جدامنا أنا ماقدرت أميز أي واحد فيهم أخوي إلا يوم سألتها لما رجعنا وقالت لي اللي لابس كاب هو ولد عمي واللي متعصم هو أخوي وماشفتهم من بعدها
بعد  أسابيع من العرس سرت بيتهم مره ثانيه وهناك شفت أخوي محمد وولد عمي حمدان سلمت عليهم من بعيد بس ماكنت أدري إنهم كانو موجودين بالبيت ومابيظهرون ! كان عندي بروجكت وهي قالت بتساعدني قعدنا في حجرتها وتمينا نسولف عن ولد عمها وأخوها وأبوها أنا من السوالف عن ولد عمي حمدان حبيته بس ماقلت لها وتميت أكثر الزيارات اللي بينا وفي يوم من الأيام قالت لي إن ولد عمها يحبني فرحت واااايد وقلت لها إني أنا بعد بديت أحبه
‏ ‏ يتبع

يالله نترياا التكملة ؟؟!! :1568:

:1568:تراني اتريا انزييييييييييييييييييين
شكلها:10:

في يوم كان الدريول ياي ياخذني من بيتهم سوى حادث وكان الوقت متأخر فطلبت منهم إن يوصلوني البيت فهي قالت حق ولد عمها ان يوصلني وركبت ويانا السياره في السياره تم يطالعني من المنظرة وأنا ويهي متكسر وقافطه وهي كانت تعرف وتطالعه وتبتسم وفي نص الدرب وقفت عند بيت وقالت أنا شوي وبرد وسكرت الباب وتمينا أنا وهو في السيارة بروحنا تمينا ساكتين فترة وفجأه جان يقول شو أخبار الدراسه؟ أنا سكت وويهي محمر وعقب قلت الحمدالله امشين
حمدان: زين زين أنا سمعت إنها وايد صعبة والبنات يشتكون وايد منها
أنا: والله..لكل مجتهد نصيب(صح) بس احنا نجتهد ونكرف ومانحصل شي
حمدان: هههههه حليلكم والله
..مرت لحظه صمت..
حمدان: ها شو بعد؟
أنا: والله ولاشي
حمدان: أحبج
أنا: تميت صاخه وقافطه والله ماعرف كيف أشرح موقفي !! أنا بعد كنت أحبه بس ماقدرت انبلع لساني
وفجأه ! حرك السياره وطلع على الشارع الرئيسي !!
أنا: وين ساير؟!!
حمدان: بتعرفين بعدين حبيبتي
أنا: لو سمحت تأدب وخلك ريال وعن هاي الرمسه
حمدان: حرام عليج حبيبي والله أحبج واايد أنتي ليش اتعذبيني
أنا: ممكن توقف لو سمحت بنتريا بنت عمتك!!
حمدان: هههههه
أنا: شوو فيك؟ ليش تضحك مافي شي يضحك !! وقف الحين ترا بتصلها الحين وفي عمتي وفي أمي !!
حمدان: ترا بنت عمج مابترجع !! أوكي أنا وهي متفقين !!
أنا: !! متفقين !!
حمدان: هي..والله أنا اسف بس أنا أحبج وبغيت ارمسج على انفراد
أنا: والله ترا بتصل خذيت الموبايل على أساس أتصل اكتشفت ان موبايلي مافي رصيد
حمدان: ها أشوفج ماتصلتي ههههه
أنا: جب.. الله يخليك لاتسوي فيني جذي الله يخليك
حمدان: زين زين لاتصيحين عاد
أنا: بترد؟!
حمدان: هي مايهون علي أشوفج تصيحين
بس أنا أكتشفت انه مارد البيت سار مكان فيه خناخيش مادري أي فريج وقف السياره قفل البيبان!! أنا تميت ساكته مارمت أقول شي بس كنت أصيح
يتبع

نآيس
يسلمموو.

نتريا التكمله:):):)

حمدان: والله ما بسوي فيج شي .. بس بغيت اقولج أنا آسف .. و الله يخليج لا تقولين حق اهلج اللي استوى الله يخليج .. ((جان يعفد على السيد اللي ورا يبوسني على خدي !! أنا ما عرفت شو اسوي يتني قشعريره ! تميت أصيح .. قلت إذا صفعته بيسوي شي ألعان احسلي اتم ساكته ,, عقب عطاني رقمه

وقالي: اتصليلي والله حبيتج من أول ماشفتج!!
وشغل السيارة و وصلني لين البيت .. واعتذر مره ثانيه !!.... بس طول الدرب تميت ساكته !!

في اليوم الثاني لما رجعت الجامعة قلت حق أختي كيف تودريني وتسيرين؟؟ كيف تسمحين حق عمرج انج تتفقين ويا ولد عمج علي؟؟
أختي تجاوب وهي تصيح ) والله انه مب متفقين ولا شي .ليش شو سوى فيج ؟؟؟؟؟!!!!
أنا : لا لا ماسوى شي والله .....بس وصلني لاتخافين .
أختي: والله إن سمعت انه سوابج شي والله لايلوم إلا نفسه ..أنا طلعت برع ماشفتكم مالقيت السيارة ما عرفت شو اسوي !! عقب قالي إن أنتي سلمتي علي وانج كنتي مستعيله لانج وايد متاخره وانج اتصلتيلي وأنا مارديت عليج .
أنا : لا ماسوى شي لاتخافين

عقب نسينا السالفه

وبعد ثلاث ايام رجعت البيت وماكان في حد .. واعوذ بالله من الشيطان اللي خلاني امسك الموبايل واتصل على رقم حمدان
رد حمدان : الووووووووووووو
أنا : تميت ساكته
حمدان : الوووووو حول ..
أنا : بصوت خافت الو
حمدان : منو ؟
أنا : ماعرفيتني ؟
حمدان: لا
أنا : خلاص اوكي احسن.
حمدان: لحظه لحظه .. عرفتج منو
أنا : ساكته
حمدان: اخبارج؟
انا : تمام .. اخبارك؟
حمدان: بعد تسالين اكيد اوكي .....عقب ماسمعت صوتج
أنا: ساكته من القفطه
حمدان: شو ياج سكتي؟
أنا: شو أقول ؟
حمدان: أي شي !! اوكي شو أخبار الجامعة ؟
تمينا اندق سوالف لمدة ربع ساعه عقب سكرت لان قوم خالوه وصلو .

تمينا على التلفون لمدة 5 شهور ..

مراااااااااااااااااات نتشاوف كل ما أسير بيت أختي (بنت عمه) ومره طلعت وياه بدون مايدرون قوم خالوه يتحرون إني طالعه ويا ربيعتي ماسوينا شي خطير وايد ... بس اعوذ بالله من الشيطان الرجيم .. صراحه سوينا .. اتباوسنا 3 مرات بس وندمانين على هذا الشي بشكل .

بس كنت احبه مووووووووووووووت ادري إن هذا مب عذر !! ي
يسوى حياتي هذا الانسان !! ما اقدر استغنى عنه هذا حياتي ودنيتي هذا كل شي في حياتي وما اقدر استغنى عنه حتى وأنا وياه اشتاقله .. كل يوم لازم اكلمه .. قال انه بيخطبني وسواها اتقدم لي وخطبني ..( أنا اكتب هذا الايميل بعد اسبوع من الخطبه اليوم السبت تاريخ 27-4-2002 وهو خطبني تاريخ 20-4-2002 !)

في الخطبه استوى اللي ما توقعته وما اصدق

بس اللي عرفته إن خالي لما ساله عن اسمه بالكامل طلع اسمه مثل اسمي يعني هذا اخوي

أختي كذبت علي وقالت انه ولد عمها .
لييييييييييييييييش يا دنيا ليييييييييييييييييش؟

انا كنت اعاشر اخوي !!!!!!!!! أنا كنت اكلم اخوي على التلفون واقوله احبك مليون مره

اخوي يخطبني !!!!!!!!!!!!!!!!!!

ما اعرف الوم منوووووووووووووو!!!!!!
الووم اهلي على اساس انهم فرقونا!!
الووم أمي لأنها خلتني أسير !!
الووم أختي لأنها كذبت علي !!
الووم البطاقه المدفوع لان ما كان عندي رصيد!!
الووم نفسي !!
الوومه هو !!
شوووووووووو اسويييييييييييييي ؟؟؟؟؟!!!!!!

والله العظيم كل اللي اقولكم اياه صدق .. بس خلوني اكمل قصتي
بعد ماعرف أبوي إن ياي يخطب بنته لولده وأختي عرفت إن أنا اختها !! قررو قوم أمي و أبوي انهم يرجعون لبعض !! بعد شوووووووووووووو ؟؟!!!!!!!!!!!

نرجع نسكن في بيت واحد !! مستحيييييييييييييييييييييل !!!!!!
والله ياجماعه انتو مب حاسين فيني أنا أبا اموووووووووووووووووت !!!!

الله يخليكم قولولي شو اسوي !!

هو اللحين يكرهني لان ماقلت لاختي اسمي الصدقي وأنا سرت اكره أختي لأنها كذبت علي !!

وبعد يبونا نسكن ويا بعض عقب مادمر مستقبلي !!!

عقب ماطلعت من الجامعة !!

عقب ما كل حد عرف السالفه


النهاية

:0088: . :0088: . :0088:


وااااااااو


والله حلوه القصه ، بس كيف جي ..!!


بصييييييييح ">.<

تسلم يمناج ع القصه

ويسلمو ع الطرح