|
الى كل من لديه موهبه شعريه ..((المستشعرين )) ظروري تقرون عدل! [align=center]السلام عليكم بالبدايه ،، الى كل من لديه موهبه شعريه ،، الشعر ذوق ، وفن ، وابداع ، واحساس راقي ولو كل من هب ودب كتبله سالفه وقال هذي قصيده ونزلها في منتدى او ما شابه ذلك وقال هذا آخر انتاجي وجديدي الشعري . كان حال الشعر يرثى له .!!! هذا الحال ينطبق على بعض الأعضاء ، اللي مالهم لا شبر ولا باع ولا حتى شعره في بحور الشعر ، لا لهم حيله ولا وسيله, بس الغلط مب منهم !!! لأن الغلط يكمن في الأعضاء اللي يدورون زيادة المشاركات ، من خلال الردور على قصائد هــ المستشعرين ، ومجاملة كاتب الموضوع بكلمة (( صح لسانك او قصيده مافيها حيله )) ..!! للعلم يا اخواني عمر الشخص ماراح يتعلم الا اذا انتقدته ، وما اعتقد انتقادك للشخص يحبط من معنوايته او محاولاته ، لا بالعكس بيتعلم وبيستفيد والقادم راح ايكون احسن عنده من القبلي . وانا احب اهدي بعض هالمستشعرين كلمات كيبورديه بسيطه ومستعجله ، تعبر عن معناها ... 14-9-2008 ياليل سابق موج بحر العواصيـــــــــف قبل الفجر يبزغ وينفض شعاعـــــــــه واكتب على شط القصايد تواصيــــــف للي لهم في مدهل الشعر داعــــــه واسند على بعض النفوس المصانيـف تعليمة الهاجوس أطلق ذراعـــــــــــه واكتب لهم بالطول بالعرض ياحيــــــف ياحيف من وطر الرخم والدراعــــــــــه واقلب عجاج الوقت قبل المعاطيــــف واندب على فن الشعر للجماعـــــــه اللي تعنو من بعاد المخاطيــــــــــــف يبنـون ويشدون بيت الظباعــــــــــــه ماعندهم غير المجامل بتزييـــــــــف يثنون ويحثون طرق اليواعــــــــــــــه لي ما تغذوى من كنوف المصاريــــف ماساقهم بيت النداوي رواعــــــــــه ياكاتب المكتوب رزقك على السيــف خل الغزر عنك يباله براعـــــــــــــــه رزقك على السيفه ترا ياك طاريــــف لا تخوظ موج اليم قو اندفاعـــــــــــه ويامعطيا" رايك على كل ما شيــــف خلك صدوق النفس ذوق أبرفاعـــــه لا لا تجامل من يخط التناتيـــــــــــف عطه الحقيقه دون رحمه وشفاعــه واوجز له الصحه اذا كنت عريـــــــــف ولا تجنب قول هابي رباعــــــــــــــه يافاهمين الذوق للذوق تصريــــــــف اسم وحروف وجر وانواع شاعـــــــه لا تقلبون الشعر غبطه وتحريـــــــف لامايصير النون عالي ارتفاعـــــــــــه ياليل هيد دوك شل المخاطيــــــــف شفت الفجر بانت هدايب شعاعـــه والسموووحه[/align] |
الله الله روعه موضوع جدا" جدا" جميل تسلم يمينك لاعدمناك تقبل مروري مع تحياتي وجدان |
× × × صح لسانك وتسلم يمناك على هالموضوع المفيد يالطيب |
يافاهمين الذوق للذوق تصريــــــــف اسم وحروف وجر وانواع شاعـــــــه تسلم والله |
وعليك السلام ورحمة الله ... . مرحباا وحي بن حمرور .. شحالك أخويهــٍ ربك الا بخير .. الواحد وأن ما كان ناقد لعمرهــٍ ما بيتعلم يوزن صح .. عدنا عرب فالمنتدى عيزناا من زود ما ننتقد فيهم وهب طالع فيدهم شي .. من اشتركوا .. للحين وقصيدهم واغلاطهم هيه نفسهاا .. ياغير مرات يتعدونهاا وتضبط معاهم .. . .. ماقصرت على التنويه والنقااط المفيدهــٍ لنا كأعضاء وأنت معلم وأحناا طلابكـ .. وبعدين هذا منتدى - - > مم حط في بالك هالشي إذا الواحد كان حي فواد ولا قريض راعي علوم .. ..لو قصاايده بايخهــٍ أحم أو عاديهــٍ يلقى عليهاا إقبال فظيع .. لدرجة انه الواحد يحس بقصيدته تنعطى أكثر عن حقهاا .. - - > ما قلل شان القصيد و انا واحد منهم ترى .. أو يتلومون فيه الربع .. يسلكون طريج لمجامل .. ما فيدهم حيلهــٍ .. . وبتشوف العجب العجاإأب .. بعدك أصبر ،، .. ولازم تراعي في عرب مالهم في الأعمااق وكتاباتهم عن خاطرهم لول ... ومع أحترامي للمنتدى وسمعته لكنه مذوقين الشعر به قليلين ... . .. مم وصح لسانك من التراب الياا السحاب ع القصيده اللي سدحتهاا هع .. خف عليناا لو توصل معانيك كلهاا ومواعضك زين .. وحرام عليهم يمرون مرور الكرام .. تنغز وتطعن والطعن فيهم حرام .. . . تقبل مروري . أخوك بن حريز |
صـــــــــــح لسانك عالقصيد وبصــرآآحه معاك حق بكل كلمه كتبتهــــــــــآآآآ بس كلنا نعرفــــــــــ شغله الشعرآآء حساسيـــــن وبالذاتـــــ المبتدئين فماينفع النقد الصريح البحت اللي يجرح ولاينفع المجامل لابعد الحد المشكله اللي طرحتها متعلقه بالطرفين من ناحيه الشاعر <---ثقافته الشعريه والمتذوق المستمع <---- ماعندهـ خلفيه عن الشعر نفسه هو ذوقــــ واسلوبـــــــــ وادبـــــــــــ واكيد ماراح يظهر شاعر لو منتقد بالطريقه الصح والاسلوبـــ العدل وفيه شغله بعــــــــــــــــد لو ملاحظين المنقول مختلط مع الكتابات الخاصه بالاعضاء وهذا مولـــ ماينفع ابدن لان بعض القصايد الحصريه حتى لو بسيطه لازم تاخذ حقها من النقد مع هالحشو من المواضيع المنقوله سلمتـــــــــــــ عالموضوع يابوقته |
؟؟؟؟؟؟؟؟؟؟؟ ؟؟؟؟؟؟؟ ؟؟؟؟ ؟؟ ؟ |
صح لسانك بوووعسكوور مب شرط يكون اللي مستمع للشعر انه يكون فاااااااهم انا بالنسبه ليه مافهم وااااااااااااايد بس اعرف القصيد اللي يكون لك حق ينطرح وخاصه اذا كان الشعار يتسخدم >>>>> الدرسعي والريحاني .........لاني ماحب الشي الواضح احب الغموووض ....واحس هالايام قليل من الشعراء يستخدمون هالطريقه وبعض القصيد الاعضاااااااء ماروم اكتب حتى يسلموووو لانه ماله هدف ومعنى واسمحلنااا ع القصور ف الرد ع قصايدك ونتمنى اذا عندك معلومات للشعر تطرحهااا لنااا عسب نفهم ونتعلم منكووو ويسلووو ع القصيده الحلوووووووووووه |
احييك بكل كلمه قلته صحيحه بصراحهـ بصراحه وايد الي اشوفه عند الاعضاء يردون الكلام نفسه ما يغيرون فيه شيء وهذا الدليل انهم ما يعبرون القصيد بس همهم زيادة مشاركاتهم والله ياليت لو يفهمون الاعضاء ومشكور اخوي على طرحك للموضوع وانت شاعر متالق ما فيك حيله دوووومك مبدع وهذي مو مجامله دليل كتاباتك ما شاء الله عليك والي الامام دائما اخوي |
و عليكم السلام و رحمة الله اخوي بن حمرور وانا خوك راي من رايك الشعر فن احساس ذوق و كلام موزووووووون اشدد عليها هذي اخواني اللي فالمنتدى الي يكتب كلام و يعقه فالمنتدى حتى لو كان فنان بنظره و اكيد محد فينا بيذم قصايده لكن الرجااااااء انكم ما تحطونها ف خانة القصايد حطوها فخانة الخواطر ولا اكتب انها خاطرة مب عقب ما تسلم و تاخذ العلوم تقول والله البارحة طرا عبالي هالبيت و هو اصلا مب بيت شعر للمستشعرين في شي وايد مهم لازم تعرفونه ان الشعر له وزن و له قافية اما الخاطرة كلام ما يكون موزون يمكن في بعض الاحيان تكون لها قافية هذا حتى لو كانت القافية مكتملة لكن هذا ما يعني انك شاعر و تعرف النظم اما بالنسبة يا خوي بن حمرور للنقد تراه معدوووووووووم يعني انا مثلا واحد من اللي نزلوا قصايدهم فالمنتدى الحمدالله شي ردود لكن كواحد يقووول و الله عندك كسر ولا انته جبرت هالبيت مووووووووووووووول انا اللي كاتب القصيدة و دام اني بعدني مبتدي اعرف الابيات اللي فيها عيب لكني استغربت يوم شفت فوق 15و 17 رد لكن ولا رد فيهم ياني ناقد و دام انك ماشالله شاعر و متمكن اتمنى انك تدخل فسم المبتدين و المواهب و تقرا قصايدي (بسعن لا يقولون الريال يسوي دعاية حق قصيدته خخخخ) و اباك تشد حيلك يا بن حمرو لا ترحم القصيدة طيح نقد و طلع العيوب اشخلها شخال و اسمحولي طولت عليكم لكن الحمدالله طلع فينا واحد و قال الحق و الحق ينقال و اشكرك عالموضوع يا بن حمرور و صح لسانك عالقصيدة و علا شانك تقبل مروري: حس شاعر والشعور ذيب |
صح لسانك واعتلا شانك يالشاعر |
| الساعة الآن 06:53 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir