|
..<أشتــــاق لكـ وأحـــــن لكـ وأنتهـ عمري وأدريبــــك أنكـ مثلـــي تشتـــاق وتــ ح ــن >... مرحب السلام عليكم شحالكم شخباركم يا اعضاء منتدانا الغالي بصراحه فيه ناس شجعوني اني انزل القصه فالمنتدى اقولهم مشكورين وهم عارفين عمارهم :66: هالقصه اسمها أشتاق لك وأحن لك وأنته عمري وأدريبك أنك مثلي تشتاق وتحن لوول القصه من تاليفي وهي اول قصه اكتبها ^_^ واتمنى انها تنال على رضاكم واعجابكم القصه 12 جزء وبنبدى بالجزء الاول الجزء الاول اول شي خلنا نقول شخصيات القصه اولا: عايله حمد العامري حمد الاب طبعا وعمره 42 وحرمته اللي هيه فاطمه متوفيه من 4 سنوات سلامه حرمت حمد تزوجها قريب بعد اصرار بنته عليه وهيه مطلقه ولا عندها عيال شيخه بنت حمد عمرها 20 سنه ثانيه جامعه الامارات وطبعا هيه بطلتنا لهذي القصه سيف عمره 22 سنة يشتغل في شركه ابوه مب متزوج محمد عمره 24 متزوج وعنده توام وحرمته اسمها شمه عياله احمد وحمد ثانيا: عايله علي العامري علي يصير ولد عم حمد العامري وهوه متوفي من سنتين عايشه حرمه علي سالم وهو كبر محمد حمد ومتزوج بعد ( متزوجين بنفس الليله) وحرمته حصه وعندهم شوق وميثا سعيد كبر سيف عمره 22 سنه ويشغل ويا سيف بعد فشركه حمد وهو بطلنا في هالقصه شهد كبر شيخه وهن يدرسن بالجامعه نفس الكليه لكن التخصص غير شيخه تخصصها رياضيات وشهد كيمياء غالبا ياخذن المساقات اللي نفس الشي مع بعض ودايم يكون بريكهم نفس الشي وشهد وشيخه روحين بجسد يعني ابد ما يفترقن عن بعض وطبعا سعيد بعد دايم ويا سيف بس علاقتهم مو نفس علاقه شيخه وشهد يعني بس سوالف ومصخره وحواطه مع بعض ثالثا: محمد الشامسي محمد اخو سلامه حرمت حمد نوره حرمت محمد حميد ولد محمد وعمره 23 سنه يشتغل فالشرطه وهوه ولدهم الوحيد وما يابو حد غيره طبعا فيه عوايل غير هذيلا بس دورهم مب رئيسي عسب جيه ماذكرتهم ويوم بذكرهم بقولكم هم منو وطبعا كل الادوار اغلبها بتكون فالعين لاني من العين واعرف مناطقها عدل يالله نبدى القصه في يوم 21 مارس اللي هوه عيد الام كان فيه احتفال في الجامعه وفي الحفله بتحظر صاحبه السمو الشيخه فاطمه بنت مبارك حرم الشيخ زايد بن سلطان رحمه الله وطبعا شيخه وشهد قرروا انهم يحضروا الحفله وباصرار كبير فهن دوامن دوام عادي وقالن انهن بيلسن الين الحفله طبعا هن ومعاهن شله كبيره وتموا سوالف وضحك وجيه طبعا يمضن الوقت الين الحفل والحفل كان راح يبدى الساعه سبع بالليل ومر الوقت بسرعه وما حسن فيه الين الساعه سبع وراحن صوب مكان الحفل ويلسن طبعا جدام اول شي حضر محمد الكثيري وغنى الهم حلاة التلاقي وطبعا الكل ربشه وحشره ورد غناها مره ثانيه وباخر الاغنيه حضرت الشيخه فاطمه الله يحفظها طبعا حاضرات حريم شيوخ الامارات السبع كلهم وشي اكيد الشيخ نهيان بن مبارك رئيس التعليم العالي وطبعا الحفل كان ولا اروع خاصه الالعاب الناريه احلى ما فالحفل كانت روووووووووووعه والكل مستنانس بها. خلاف الساعه 9:10 اتصل ابو شيخه وقاللها هاه شو خلصتي قالت هيه يعني الحين يختمون قال انا عقب نص ساعه بكون عند الباب قالتله اوكيك وطبعا شهد اتصلت على سالم وهوه اللي ردها للبيت طبعا شهد وشيخه كانن تعبانات لدرجه فضيعه فسارت شيخه ركبت السيارة) طبعا شيخه اقرب شخص لابوها ودايم تسولف معاه ويوم تروح وياه بالسياره تركب جدام معاه وهيه كانت تشبه المرحومه امها وابوها يحبها كثير وحتى يغليها اكثر من خوانها كلهم ) ويلست طبعا فالسياره جدام وهيه تعبانه حيل والابو مسكين رحمها كان يسولف معاها بس هيه من التعب ما تقدر تسولف بس ترد عليه هيه ولا لا وبعين مغمضه بعد. وتوه بيوصل البيت كان سعيد توه طالع من بيتهم وتلاقى وياه طبعا هوه شافه وشاف شيخه ( كان اول مره يشوفها ) وانصدم من اللي شافه طبعا شيخه مش انها وايد حلوة يعني كانت حلاتها عاديه كاي بنت بس سعيد حس بشي غريب لما شافها شكلها بريء كانت راقده وحاطه ايدها على خدها من التعب طبعا وهوه من نزل من سيارته يسلم على ابوها وهوه ماخاز عينه عنها طبعا شيخه ماهي داريه بشي والابو ماهانت عليه بنته يويعيها المهم اول ما وصل البيت وعاها قالها يالله قومي وصلنا البيت هيه نزلت ونزلت تلفونها معاها بس على شان تحطه عالمنبه وقالت حق ابوها انه باجر عندها دوام الساعه 10 الصبح قالها ابوها خلاص بوديج. وسعيد من شافها انقلب حاله ما يعرف شو اللي صار له بس صورتها ماطاعت تخوز من باله ابد وطول الليل والحبيب مب راقد كل ماايي يرقد يتهيء له صورة شواخ ما عارف شو صار له وقلب حاله جذا حاول يرقد بس ابد ماياه رقاد. شيخه من نزلت من السياره على طول سارت ورقدت ومادرت بعمرها غير الساعه 9:30 ابوها داق عليها نشت عاد وهيه بعده التعب ماثر عليها شيخه: اووووووووف الساعه جم ياويل حالي ماشي بقى عن الساعه 10 وطبعا نشت بسرعه وتغسلت وبسرعه صاروخ عالسياره سلمت على ابوها وركبت السياره وتموا يسولفون الين ما وصلت الجامعه الابو: هاه الغاليه متى تخلصين عشان امر عليج شيخة: ابوي الله يهديك بس الحين من كم شهر نحن نداوم وبعدك كل يوم تنسى الابو: اسمحيلي والله اشغال الدنيا تنسيي الواحد وانا يبوج تراني كبرت وصرت شيبه شيخة: اسمع انت منو يقول انك شيبه انت شباب بعدك ابويه وانت اغلى ما عندنا فهالدنيا فديتك والله ولا شي انا اصلا كنت اتغشمر معاك ادري الشغل هاد حيلك ابويه انا اخلص 12 الابو: خلاص يالغاليه امرج 12 والحين يالله بسرعه تراج كنج تاخرتي على كلاسج شيخة: هيه والله اوف تاخرت يالله ابويه حياك اشوفك خلاف مع السلامه الابو: ههههه مادري اللي الحين وين عقله الله يحفظج بنيتي راحت شيخه على كلاسها تركض طبعا لانها تاخرت على الكلاس بس يعني خمس دقايق والاستاذ ما هزبها ولما خلصت الساعه 12 طبعا راحت عند البوابه ولاقت شهد هناك وسلمت عليها شهد: شحالج يالغلا شيخة: بخير وعافيه انتي شخبارج وكيف يومج شهد: والله تبين الصدق بعدني تعبانه من البارحه شيخة: عيل سكتي عني انا ناشه 9:30 وابوي اللي موعني بعد شهد: هههههههه الحمدالله والشكر لايبوي انا الحين من ارد سيده عالفراش شيخة: انزين عيل لما تنشين دقي علي ويرن تليفون شهد شهد: هلا ملايين ولا يسدن سعيد: هلا والله شهوده شهد: هاه اشوف الحبيب اليوم داق خير ان شاء الله سعيد: بسم الله شفيج يعني اختي حرام ادق عليج شهد: لا بس استغربت مو من عوايدك يعني المفروض الحين انت بالدوام سعيد: لا يبوي اترخصت سالم ترى قالي مر على اختك عندي شغل ما خلصته شهد: اها زين والله وانت الحين وين سعيد: قرب البوابه شهد: خلاص عيل انا اترياك اول ماتدش ناداني وبطلع سعيد: تمام عيل برايج مع السلامه شهد: الله وياك شيخة: منو تكلمين شهد: ريلي شيخة: هههههههه بايخه بس لا تعيدينها لا صدق منو اللي غريبه انه داق لج شهد: هذا سعود يقول سلوم عنده شغل وهوه اللي بيردني اليوم شيخة: اها جيه السالفه ووينه هوه الحين شهد: عند البوابه شيخة: تمام وانا الوالد يترياني خلا نطلع مع بعض وطلعن مع بعض وشهد راحت صوب اخوها وشيخة صوب ابوها شهد: السلام عليكم والرحمه سعيد: وعليكم السلام والرحمه هلا بشهوده هلا شهد: هلا بابو عسكور ملايين بسم الله شو فيك عيونك متورمات جنك مب راقد البارحه سعيد: تبين الصدق ابد ماياني رقاد شهد: افا يالغالي لا يكون تحب من ورانا سعيد: ههههههه والله انج عليج سوالف لا يبوي ماشي انسي السالفه الا بسالج منو هالبنت اللي طالعة معاج شهد: هاي بنت عمي شيخة ( طبعا بوعسكور من سمع اسمها فز قلبه بس ماحب يبين هالشي لاخته ( سعيد: جيه يحليلها انا البارحه شايفها راقده فالسياره من زود التعب شهد: هيه والله من التعب هلكانين بس عاد شو نسوي ترى اليوم دوام وغصبا عنا نداوم سعيد: جيه هيه وياج بعد شهد: سعيد الله يهداك هاي روحي الثاني كل شي مع بعض بس عاد الا التخصص انا غير وهيه غير الباقي كل شي معاها حتى البريكات سعيد: اها الله يوفقكم جميع شهد: امين للجميع سعيد شو سالفته وليش يتخبر عن شويخ وشو اللي بيستوي كل هذا بالجزء اللي عقبه ^_^ |
وعليكم السلاااام والرحمه مرحبا مليوون بالطيب الغااالي ^^ الحمدالله بخيييييير ومن صووبج ..!! تسلميييين رعوي ع القصه الطرررر ونتريا التكمله ^^ |
يا مرحبا الساع والله نورتي الموضوع مهويه طررر مره وحده لوول تسلمين والله على الاطراء ان شاء الله التكمله فالدرب ^^ |
عاااااااااااااااااااااااشو من امس لم قلتيلي وانا انطر متى بتنزلينها مابي مابي مابي ليش جذي ملاقة ؟ هع بتشوقيني ابيها كاملة اذا عندج خخخخخخخخخخخخخ وفيها عوامر بعد يختي عليهم واسمه حمد يا ربييييييييييييييييييييي :ast7eee: حطي صورة حمد العامري عشان تكمل الحلاة هع شكلها روووعهـ ..^^.. |
ههههههه دانوه استهدي بالله لا مابي مابي مب شي يوم انزلها كامله احلى جزء جزء عسب تتشوقون وتسلمين عالمرور الغاوي ^_^ |
مـرآآحـــب .. تسلمـ انــآآملـج ع البــآآرت الـغــآآوي .. ونــرقــب اليــآآي .. |
الصراااحة روووعة يلا عااد نتريا الباارت اليااي لا تبطين علينا خيتوو |
الله يسلمكم ويعافيكم تسلمون والله ان شاء الله البارت اليديد بنزله باجر والسموحه عالقصور ^^ |
مرحب شحالكم يالاعضا عساكم بخير هاكم الجزء الثاني الجزء الثاني بعده بوعسكور حالته حاله صار يتخيل صورة شواخ فكل مكان وصار له ايام ما يرقد والسبة هيه لا تستغربون بس هذا الصدج وهذا اللي سعيد حاول انه ينساه لكن كيف بينسى من اختارها قلبه له المشكله لو هيه بس فالعقل ماعليه لكن هيه فالقلب صارت فالقلب. صار دوووم يودر دوامه ويسير اييب اخته طبعا مو هذا قصده قصده يبى لو يلمح شواخ اللي مجننتنه ومره من المرات كان يوم الاربعاء والاربعاء شهد وشواخه يخلصون 12 يعني من وقت المهم شو استوى؟؟؟ شواخ: الو هلا ومرحبا سواف وشحالك عساك بخير سواف: بخير ونعمه تسلمين اقول شواخي انا ترى وسعود يينا في سياره وحده بيوصلنا هوه وخلاف بيرد شواخ: اوكيك خلاص تم الساع شهد: هاه شواخ شو قالج شواخ: قالي اوين يايين هوه واخوج فسياره وحده وبيوصلنا اخوج وبعدين بيرد شهد: يختي ما تلاحظين شي غريب شواخ: شنو الغريب شهد: اخوي سعود شواخ: شو فيه شهد: يعني هوه بالعافيه كان ايي يشلني كان يكره حد يقوله سير شل شهوده من الجامعه والحين ماشاء الله هوه مره اول باول اللي يي يشلني شواخ: أي والله غريبه سبحان اللي يغير ولا يتغير شهد: هاه يي يالله خلينا نسير شواخ: يالله وراحن البنات وركبن السيارة وسلمن شواخ يلست ورى اخوها وشهوده بعد ورى اخوها اللي هوه مكان السواق عاد سعود انبط من القهر كان يبى شواخ اللي تيلس وراه بس تصدقون احسن عشان لو انها يلست وراه ما بينتبه للشارع بيتم باله فيها ويبى يشوفها وهم يالسين يسولفون طبعا الشباب ويا بعض والبنات ويا بعض البنات كانن متغشيات رن تليفون سواف سواف: مرحبا والله باحلى شيبه بهالدنيا كلها الابو: شيبه فعينك يالهرم بعدني جيه انا شباب سواف: لول السموحه منك ياحلى شاب فالدنيا هههههه الابو: هههههههه يقطع سوالفك اقول سواف مريت صوب اختك شواخ سواف: هيه ابويه عندي هيه ونحن فالسيارة. سعيد حلف انه يوصلنا ويرد الابو: والله فيه الخير انزين عطني اختك اكلمها كل ما ادق ما ترد علي سواف: ما طلبت يالغالي وسواف لف عشان يعطي التليفون عشان اخته وبنفس اللحظه شهوده كانت يالسه تعدل غشوتها ولف سواف وطاحت عينه بعينها هوه طالع وجنه اول مره يشوف بنت وهيه استحت وقفطت وكملت غشوتها وقاللها شواخه ابوي يدق عليج من متى اونه ليش ما تردين عليه شواخ: اوووووووه نسيته صامت هاته فديته بكلمه (هني سعود يقول فخاطره يالله ياليتها تتفداني انا جذيه) الابو: هلا والله بالغلا كله شواخ: هلا والله بحبيب شواخه هلا (سعود مره مب رايم يستحمل) الابو: وينج بنيتيه من الصبح ادق عليج اهتميت عليج شواخ: افا عليك يالغالي السموحه بس والله نسيته صامت الابو: هيه عيل برايج بس حبيت اطمن عليج شواخ: تسلم يالغالي الله معاك الابو: يحفظج الرب وسكرت شواخ وردت التلفون حق اخوها وهيه تناديه سواف سواف سواف وقرصته فايديه سواف: هاه شو صاير شواخ: لاه انت ابد مب عندنا ماصاير شي هاك تليفونك سواف:هييه اوكي وشهوده تضحك عليهم وطبعا بوعسكور فوادي ثاني شيخه وايد تحب تسمع شلات وخاصه لحمد العامري وعيضه واخوها يعرف هالشي سواف: شواخ ما قلت لج شواخ: شو سواف: سعود يوم يشل شله خوزي عنه مره صوته يسكتت مره تذوبين فصوته سعود: لا عاد ولد العم مب لهذي الدرجه سواف: مب لهاي الدرجه هاه انزين نحن بنخلي شواخ وشهوده هن الحكم يالله سمعنا شي سعود: لاتفضحنا عاد سوافوه الدب شواخ: لا لا فضيحه ولا شي يالله خلنا نسمع نتاكد كلام اخويه صح ولا يقص علينا هههههه سعود: ما طلبتي يالغاليه يابوي انا اسهر والملا رقود... يابوي انا عفت المنامي يابوي انا لي قلب مصيود... مصطاب من حلو القوامي يابوي انا اشكي ناعم العود... ياللي عليه القلب ضامي لا تلومني يابوي بالزود... انا المتيم فالغرامي لو دون وصله دار وحسود... ماهمني كثر الكلامي بيني وبينه لزم وعهود... موثقاله باحترامي يابوي احبه حب مفنود... واللي شراتي ما يلامي فالروح حبه دوم موجود... ويابوي هايم به هيامي هو غايتي وهو كل مقصود... واحن له حن الضوامي عساه في راحات وسعود... وعساه في خير وسلامي يابوي انا اسهر والملا رقود... يابوي انا عفت المنامي وسلمتم شواخ ذابت فالصووووووووووووت شواخ: سلمت وصح السانك والله وصدق اخويه مره صوتك يسكتت سعود: تسلمين صح بدنج يالغاليه وهذا من طيب اصلج وتموا يسولفون الين ما وصلهم سعود البيت وخلاف هوه رد البيت طبعا تغدوا وناموا ونشوا العصر ومتواعدين انه العصر يسيرون صوب العزبه شواخ تدق على شهوده شواخ: هلا والله بروحي الثاني هلا شهوده: هلا والله بروحي الاولى هلا هههههههه شواخ: هههههههههه الغلا وينكم الحين بعدكم فالبيت ولا طلعتوا شهوده: يبوج الحبيب يالس يتسبح ويتكشخ جنه رايح عرس مب الا رايح العزبه شواخ: ههههههه انزين خليه يتكشخ من حقه يمكن وحده فالدرب منيه مناك تغرم به شهوده: ههههههه عاد ما لقت غير اخويه شواخ: شهوده وشو فيه اخوج مب عايبنج شو ماعليه ان ما قلتله شهوده: ههههههه لا يبوي اخوي ماعندي اغلى عنه وما فيه الا كل الخير امزح لوووووول شواخ :هيه اتحرى بعد هههههههه انزين يالله خليه يستعيل نبى نرد قبل المغرب ما فينا نتاخر هناك شهوده: ان شاء الله الحين اسير صوبه يالله برايج ادق لج يوم بنطلع شواخ: اوكيك حياج الله يالغاليه شهوده: مع السلامه يالغلا وسارت شهوده وقالت حق اخوها بسرعه لانهم يبون يردون قبل المغرب وطلعوا طبعا كل واحد بسيارته وشلوا معاهم اليهال شي اكيد وساروا العزبه صح انه سعيد يصير شرات ولد عم شواخ بس بعد هيه تستحي ولازم تتغشى عنه وشهوده نفس الشي ( حلات البنت فمستحاها ) فهن مقررات انهن يوم يسيرن العزبه ييلسن فمكان والريايل فمكان ثاني ويسلوا هناك سوالف وضحك ولعب وكله وراحت شواخ المطبخ تبى تييب ماي حق امها بس ما كانت تدري باللي يترياها هناك ههههههه لا تتروعون مب وحش اللي يترياها المهم شواخ سارت المطبخ وتوها يالسه تطلع قلاس الماي دخل سعود عليها وهوه يرمس ربيعه فالتليفون سعود: انزين يابوي صبر علي دقيقه بشرب ماي عطشتني من الضحك لووووول شواخ من سمعت جيه طاح الكوب من ايديها وماعرفت شو تسوي ارتبكت لما طاح الكوب انتبه سعود ومن دون ما ينتبه زخ اييد شواخ وقالها سلامات صار لج شي شواخ طبعا قفطت وهيه مب متغشيه وفوق هذا زخ ايديها عاد شواخ اصلا تستحي يوم حد يلمسها( أي حد( شواخ: سلامتك ماصار فيني شي (والحبيب ماسك ايديها ويطالعها وسرحان وربيعه يناديه عالتليفون وهوه لاهم ولا يحزنون) شواخ: بوعسكور قلت لك مافيني شي خلاص ماصار الا كل خير سعود (توه ينتبه): اوه السموحه منج سرح بالي شوي انزين برايه الكوب خليه الهندي بيي يشله لا تتعبين عمرج شواخ ماردت عليه خذت كوب ثاني وجيك ماي وطلعت خالد (ربيع سعيد اللي كان يرمسه فالتلفون): بوعسكووووووووووور شو صار عليك ماصارت دقيقه هذي سعود (بعده فاثر الصدمه): اخ ياويل حااااااااااااااااااالي خالد: بسم الله شو صار سعود روعتني عليك سمعت شي ينكسر سعود: هاه لا ماشي هذا كوب طاح ماصار الا الخير وكمل سوالفه عادي وخلاف رد صوب الريياييل اللي نسيت اني اقوله لكم انه شيخه اصلا كانت دايم تقول حق شهوده انها تحس باحساس غريب جدا لما تشوف اخوها وهيه ماعارفه تفسر هالاحساس يعني تييها ربكه وماتعرف شو تقول وجيه وكانت شهوده تضحك عليها تقولها لا يكون تحبين اخويه بس بعد شيخه تاخذها بمزح اخ ويلي متى بيي حد بيحبني وانا بعطيه قلبي هديه وما تغلي عليه -- سعود وشويخ كيف بيعدوا هالليله ؟ وشويخ شو بتسوي وبتخبر روحها الثانس شهوده ولا لا ؟ كل هذا فالجزء اللي عقبه ^^ والسموحه عالقصور |
سعود وشويخ كيف بيعدوا هالليله ؟ ما بيعيدونها هع هع يمكن يعرسون عقب هع وشويخ شو بتسوي وبتخبر روحها الثانس شهوده ولا لا ؟ ما اظني بتخبرها اكيد تستحي منها واخر شي بينعرف من حركاتهم هع ع كيفي يالسه اتوقع المهم نترقب البارت الياي وبأسرع وقت قبل لا يشرد المشاهدين هع تسلمين والله |
anaaaaaaaaaaaaaaa3 بقرآإهآإ . . وعقب بعدل ردي هاآإآإع:77: خخ ... BaaaaaacK احييم .. الصرآإحه القصة طرررر دلبووه ..^.^.. اناع من قريت البدآإيه عيبتني لوول ~> هب مجآإملهـ :5: ~> صقدي عمرج دلب لوول :p سعود وشويخ كيف بيعدوا هالليله ؟ هاع مادري .. احس كل واحد بيفكر فـ الثآإني :78650: وشويخ شو بتسوي وبتخبر روحها الثانيه شهوده ولا لا ؟ هيهي هييه بتخبرهآإ :77: خخ وتصلم صبوعج دلبووه ع هيك بآإرط ^_^ ونتريآإ البآإرط الثآإلث :13: |
اقتباس:
يمكن تستحي ويمكن تخبرها ويمكن ع قولتج بينعرف من حركاتهم لوول :7799: هههههههه نوقعي ع كيف كيفج بعض ( حريه الراي والتفكير والتوقع لوول ) هع لوول ان شاء الله البارت الياي جريب لا مايشردون اعلانات بس دقايق وبيرد الفلم اقصد القصه لوول والله اني اتسانست هاااااااااالكثر على مرورج الغاوي لا تحرمينا من طلتج الغاوية غلايه :ast7eee: |
اقتباس:
مرحبابج الساع من رحتي لين ييتي لوول ولكم باك وجان استحي :ast7eee: هب مجامله لوول خلاص صدقت عمري انا :66: يمكن يكون احساسج صح وكل واحد يفكر بالثاني لوول هع لوول يعني لو انتي مكانها بتخبرينها ؟ عالعموم بنشوف فالبارت الياي الله يسلمج ويسلم غاليج وما=غليج والحلو اللي يفكر فيج وتسلمين عالمرور الغاوي اللي نور الموضوع وزاد القصه نور وفرح ^^ |
مرحب السلام عليكم شحالكم شخباركم علومكم بخليكم مع الجزء الثالث الجزء الثالث شواخي ردت عند قوم امها وهيه قلبها يدق بسررررعه وبقووووه شهوده لاحظت هالشي وكانت شواخ ايديها ترتجف وهيه تعطي الكوب لامها اول ما عطت شواخ امها الماي ردت صوب شهوده والبنات اول ما يلست شهوده: شواخ الغلا شفيج شواخ: هاه لا مافيني شي شو بيكون فيني يعني شهوده حست انها فيها شي بس ما تبى تقول وبعدين ردوا البيت كلهم وميتين من التعب ومن زود ما رمسوا وطبعا الكل رقد الا اثنين اكيد عرفتوهم منو هم شواخ وبوعسكور بوعسكور ماسك ايده وما مصدق عمره ما مصدق انه ايده لمست ايد شواخ ابد ماقادر يصدق هالشي وشواخ هيه الثانيه بعد تقول فخاطرها ياربي شو هالاحساس اللي ياني لما لمس سعود ايدي ليش هالاحساس معقوله اني احبه او بديت احبه معقوله وتموا يفكروا بهالاشياء الين ماتعبوا ورقدوا وطبعا بالباجر اللي هوه الخميس ساروا قوم سعود وسواف وسالم ومحمد صوب بوظبي وعيالهم طبعا بس شهوده وشواخ ماساروا لانه عندهم شغل ولازم يخلصونه طبعا شغل يخص الدراسه فشهوده يت بيت قوم شواخ وهيه راحت الصبح لما سعود اخوها لف صوب بيت شواخ عشان ياخذ سواف في سيارته وشهوده توها تطلع الا سواف طالع ومتكشخ اخر كشخه وطااااااااخ صدم البنت كان يالس يطالع وراه يكلم خدامتهم وهيه كانت ماشيه ومب منتبهه انه حد يمشي جدامها الين ما طاااااخ صدمها وطاحن كتبها وسواف ما عرف شو يسوي لم الكتب بسرعه وقالها السموحه منج يالشيخه ما انتبهت يالس اكلم هالثور ما تفتهم وشهوده تبسمت استحت تضحك وقالت له بالحل يالشيخ لم الكتب وبعدين راح يعطيها اياهن وطاحت عينه فعينها وتم يطالع عيونها وسعود فسيارته ينطر وينادي سواف وسواف ولا هم ولا يحزنون بعدين شهوده قالت اسمحلي يالشيخ شواخ فحجرتها قال هيه نعم يالسه تترياج وراحوا كلهم بوظبي طبعا بس شهوده وشواخ شهوده: اقول شواخ شواخ: امري يالغلا شهوده: مايامر عليج عدو بس اخوج اقصد سواف دومه يتكشخ جيه شواخ: هيه سواف شرط لما يطلع انه يتكشخ ولا ما تحلاله السيره اونه لازم يطلع احلا من اللي عنده كلهم شهوده: ههههههههه والله اخوج عليه سوالف الا صح شواخ ذكرتيني شواخ: ذكرتج بشو؟؟؟؟ شهوده: البارحه لما رديتي من المطبخ كنتي مب طبيعيه وايديج ترجف وشكلج حد قلب حالج شو السالفه شواخ: ماشي لاتهتمين شو بيكون يعني شهوده: افا يالغلا انا تخشين علي وانا خابزتج بايدي وتخبين علي شواخ: لا والله فديتج شو اخش عليج اوكيك سمعي بخبرج ( وشواخ حكت حق شهوده الموقف اللي صار الها مع سعود) شهوده: ههههههههه بس هذا شواخ: هيه ضحكي شعليج انتي انا اللي حالتي انقلبت فوق تحت اول مره اخوج يشوفني ويه لويه ولا بعد زخ ايدي بعد شهوده: لا يبوي عادي شو فيها خاف عليج شواخ: ماعلينا طبينا من هالسالفه يالله خلينا نكمل شغل شهوده: ههههه اوكيك يالله بعد اسبوع شهوده تشوف انه اخوها متغير وحالته حاله وقررت انها لازم تساله فراحت صوبه ودقت الباب سعود: منو عند الباب شهوده: انا الذيب خخخخخخخ سعود: ههههههه والذيب شيبى يدق بابي شهوده فجت الباب ودشت سعود: هاه انتي منو قالج دشي شهوده: قلت لعمري لوووووول سعود: هههههههه هلا تفضلي امري شهوده: امممممممممم اباك تقولي سر عمرك ماقلته لاحد سعود: لوووووول قويه هاي سر ما قلته لاحد وانتي شلي خلاج تقولين هالشي يعني انا اقصد انتي شدراج انه عندي اسرار شهوده: خخخخخ اختك جيه انا وانا وانت فبيت واحد وبعدين انت ماكنت جيه انت انقلبت حالتك فوق تحت ليش مادري سعود: ااااااااااخ ياشهوده الحب وبلاويه شهوده : الحب؟؟؟؟؟؟؟؟؟؟؟ سعود: هيه نعم احب ياوخيتي احب ومتعذب منها شهوده: يااااااويل حالي عليك ياخويه وانا اقول شو سالفتك شو اللي مغيرنك هذي الايام انزين سعود منو هاي وكيف لاقيتها وشو السبب وابا اعرف كل شي سعود: لوووووووول صبري علي شوي بس اول شي اباج توعديني بشي شهوده: اوعدك بشو؟ سعود: انج ما تخبرينها اني احبها شهوده: ليش انت تحب وحده اعرفها؟ سعود: هيه نعم بس اوعديني قبل شهوده: اوعدك بس يالله قول سعود: انا احب روحج الثانيه شهوده: شوااااااااااااااااااااااااااااااااااااخ سعود: هيه نعم شواخ وسعود خبر شهوده كل السالفه شهوده: تصدق سعود انها هيه من زمان تقولي لما اشوف اخوج اييني احساس غريب وارتبك ما اعرف شو اسوي قلتنلها لا يكون تحبينه قالت اااااخ والله ياشهوده لو لقيت حد يحبني يعطيه قلبي وروحي هديه سعود: فدددددددديت قلبها وروحها ياربي شهوده: حرام وانت ليش خليتني اوعدك اني ما اخبرها حرام تم تعذبك وهيه ما تعرف سعود: لا احسن اباها هيه تحبني من نفسها مب تحبني لانها تعرف شكثر احبها شهوده: الله يعينك والله ياخويه سعود: امين يارب ويصبرني على هالبلوه شهوده: هههههههه الحين الحب صار بلوه هههههههه سعود اعترف حق شهوده والقهر انه شهوده وعدته قبل لا تعرف منوه الحب صار بلوة عند سعيد طبعا لانه من طرف واحد ومايعرف اذا شويخ بتحبه ولا لا يا ترى شو بيستوي عقب سعيد الين متى بيتم يتعذب وشويخ مب حاسه فيه شهودة شو فايدها تسوي وهيه وعدته انها ما تخبر شويخ كل ها فالبارت الياي والسموحه عالقصور |
اناع هناا .. هناا اناع:77: احييم .. البآإرط طررررر الصرآإحه :d واحلاع شي فيهـ الموقف لي آمبـيـن سوآإف وشهوده لوول :78650: هآإع والله يعييينه سعود . . مسكين حاله لول [overline]يقولج حربي العآإمري كآإح :5:[/overline] المحبه من طرف وآحد عذآإب .. اسآإل العشآإق و اللي يعشقون :7799: خخخخ × × يا ترى شو بيستوي عقب ! هيهي يمكن تستوي موآإقف آمبين الحبآإيب لووووووول وبتكون اقوى عن المرة لي طآإفت هيييع ^.* سعيد الين متى بيتم يتعذب وشويخ مب حاسه فيه لوول مادري خخ لين ما تحس فيه هع شهودة شو فايدها تسوي وهيه وعدته انها ما تخبر شويخ هيهي يمكن تلمح الها :66: وتصلم صبوعج دلبووه ع هيك بآإرط ^.^ ونتريآإ اليآإي =) لاع تبطين علينآإ ^.* |
ناااااااااااايس البارت يسلمونيش دبووه:) |
اقتباس:
منورة منورة الموضوع ^^ هههههههه تسلمين مرورج الروعة والطرر لوول قفطه عاد بس حلو هيه طاااااخ لوول ( اتخيل الموقف واستحي واضحك لوول ) هيه صدقتي الله يعينه ^^ لوول هيه صدقه حربي المحبة من طرف واحد عذاب له له شو هالتوقعات الغاوية لوول ^^ شكلج عشتي القصة وياي لوول ماعليه بتعرفين شو يستوي فالبارت الياي ان شاء الله ما ببطي لوول عقب اسبوع :66: لالا مب عقب اسبوع يعني عقب 3 أيام عسب اشوقكم لاه :66: وتسلمين عالمرور الفنتك ولا تحرمينا منه ^^ |
اقتباس:
الله يسلمج ويعافيج وتسلمين عالمرور الغاوي والمتابعه الطيبه ولا تحرمينا من مرورج اللي يزيد الموضوع حلاة وجمال وروعة ^^ |
يالدبه منزله بارت وما تخبريني افا افا ما هقيتها منج هع والله البارت طرررر ليش اخويه ما يقولي اسراره شرات اخو شهوده هع انا اغار بس هب قادره اتوقع شي مصطله اخر تسطيل باجر بحط لج توقعاتي لول بس اتصدقين حاسه فيه سعود لان هالشي يعذب الواحد بس الله لا يبليني هع تسلمين والله ع التكمله ونترقب منج الباقي ونزلي بارت طويل :045::00: |
اقتباس:
تسلمين والله مرورج ومتابعتج هيه الطررر اصابع ايدج مب سوى لوول مب كل اخو يصارج اخته ^^ ههههه نزينه يوم تتوقعين تعالي وخبرينا شو توقعتي ^^ اكيد يعذب ويعذب واااااااايد هب شوي بعد الله يسلمج ويخليج طاع انتوا تتشرط بعد ماعليه بيكون طويل حبتين بس لوول وتسلمين عالمرور الحلو واللي ينور الساحه ^^ |
مشاء الله إبداع ورى أبداع من راعية القصة حلوة الصراحة وماهي مجاملة لكن حسيت أنه بعض الكلمات متشابكة في القصة يمكن القاري ما يهتم بهاي الأمور لكن أشوف من الأفظل الإهتمام فيها ترى هذا نقد بسيط ((( عسب نشجعج اكثر :02:)))) أتريا منج البارت الجديد راعيووه :66: والسموحه ((بس قصة فيها عوامر )))) طررررررررررييييييشن:3: |
اقتباس:
تسلم والله مرورك الحلو والغاوي لوول يعني تعرف الواحد يكتب بسرعه ووووالخ عسب ما انسى الفكره ما انتبه للحروف لكن مشكور عالنصيحه الغاوية وان شاء الله بهتم فيها ^^ ان شاء الله البارت الياي باجر فليل لوول وتسلم عالمرور الغاوي جراحوه لا تحرمنا منه ^^ |
بالتوفيج رعووووووووووووووووووووووويه ^_^ |
تسلم ميتوه وتسلم عالمرور الغاوي ولا هنت على هالطلة الغاويه ^^ نورت قصتنا ^^ |
رووعه القصه تسلمين حبووبه ع الطرح يعطيج العآآفيه |
مرورج الروعه قمووره الله يسلمج ويعافيج ^^ وتسلمين عالمرور الطيب ولا تحرمينا منه ^^ |
مرحب شباب صبايا شخباركم شرات ما وعدتكم اني اليوم انزل البارت الرابع واتمنى لكم متابعه ممتعه :66: مابهذرب ادري محد يهتم للهذربه تهتمون بالقصه لوول وبالاحداث اخليكم ويا البارت الرابع الجزء الرابع سعود: ههههههه شهوده انتي تراج مايربتي لو يربتي ما بتقولين جيه الحب ايه نعم بلوه خاصه يوم انج تحبين حد مادرى عنج شهوده: الله يعينك على ما ابتلاك ياخويه وانا الحين بسير بخليك مع افكارك اللي تاخذك صوب الغالين ههههههه سعود: خلاص اوكيك بس لا تنسين انج وعدتيني ما تخبرينها شهوده: ايه مابنسى ان شاء الله وانا وعدتك ووعد الحر دين وسارت شهوده توها طالعه من الحجره الا طااااااااااااااخ في ويها سواف طاحت شيلتها وهيه على طول عدلتها ويوم رفعت ويها شافت انه سواف طبعا هاي مب اول مره تنصدم فيه هاي ثاني مره حمرت وربعت من المستحى حتى هوه سلم عليها بس هيه ماردت عليه دخل سواف على سعود اللي عايش فدنيا ثانيه سواف: السلام عليكم سعود: .................. سواف: شخبارك بو الشباب علومك شو مسوي وين اللي بيدق علينا سعود: .................. سواف: بوعسكوووووووووور وين سرحت انا ساعه منو يالس اكلم سعود: هاه سواف انت هنيه من متى سواف: لا يبوي انت ابد مب عندي قولي سرحان فشو؟ طبعا سعود مستحيل يقول حق سواف انه هوه يحب اخته سعود: هاه ولا شي بس تعرف اشغال ودنيا سواف: انزين بسالك هاي اللي طلعت عنك شهوده سعود: شهوده فعينك اصغر عيالك تقوللها شهوده هيه هاي شهد توها طالعه من عندي بس انت ليش تسال سواف: ههههههه انزين السموحه شهد ماشي بس وانا ياي صوبك هيه توها طالعه من عندك وطااااخ صدمتها وحليلها من المستحى حتى ماردت علي يوم سلمت عليها سعود: اها جيه السالفه اقول سوافوه الدب لا يكون حاط عينك على اختي لا تحلم ابها حتى فالاحلام لاني ما بزوجك اياها سواف: ليش ان شاء الله ما تزوجني اياها سعود: لا يكون انت صدق تباها سواف: وشو فيها يعني بنت عمي سعود: يالهرم يعني انت تباها؟ سواف: تبى الصدق يابوعسكور متعذب من اول مره شفتها سعود: شووووووووووه وانت متى شفتها سواف: يوم انا ويااك سرنا نييبها هيه وشواخ من الجامعه سعود: اها وانا اقول الريال صاير اربع وعشرين ساعه في بيتنا اها طلعت تحب اختي ومن وراي هاه سواف: عاد شسوي تعرف الحب وبلاويه سعود: ايه انا اللي اعرف انت لا تسالني عن الحب سواف: ليش لا يكون انت تحب سعود: هاه لا انا احب منو بحب ياحسره بس تعرف قصص الحب اللي نقراها ونسمع عنها ما مقصره سواف: هيه والله صدقك انزين يالله خلا نسير المقهى هناك الربع متولفين سعود: يالله خلا سواف: بس بوعسكور ترى اللي دار بينا ما ابي حد يدري عنه خاصه شهوده سعود: ان شاء الله وساروا الشباب المقهى وسهروا وردوا البيت ورقدوا في الجامعه شهوده: ها شواخ اخبار الدراسه شواخ: والله تمام تعرفين بس بحوث ودنيا شهوده: هيه والله صدقج وسرحت شهوده شوي وشواخ يالسه تكلمها وهيه ماترد عليها شواخ: شهووووده شفيج اكلمج ولا تردين فشو سرحانه خبريني شهوده: والله شو اقولج شواخ: خوفتيني قولي شو فيج شهوده: سعود شواخ: شو فيه سعود شهوده: يحب شواخ من سمعت هالكلمه انصدمت وحست انه سجاجين تقطع قلبها بس ما حبت تبين هالشي لاخته وهيه خانقتها العبره تقول شواخ: يحب منو شهوده: عاد والله هوه محلفني ما اقول لحد هوه منو يحب بس ياشواخ هوه متعذب منها صاير له ايام ما يرقد والسبه هالبنت معذبته حيل شواخ: ياحرام مسكين والله الله يعينه شهوده: والله راحمتنه وفي نفس الوقت ما اقدر اسويله شي شواخ: انا عندي فكره شهوده: شو يالله قولي شواخ: انتي قوليله شواخ تبى ترمسك وتبى رقم تلفونك اذا ممكن شهوده: من صدقج انتي شواخ: هيه شو فيها ود عمي ومتغربل وحالته حاله اخليه جيه خليني اكلمه اشوف هوه بشو يحس وهالبنت من وين يعرفهاا وجيه عشان نوصله لها شهوده: اذا جيه اوكيك اليوم اقوله طبعا شهوده ماصدقت اول ما ركبت السياره خبرته هوه عاد مستانس من الخاطر انه بيكلمها اخيرااااااا ويوم ردت البيت شهوده دقت على شواخ وعطتها رقم سعود وشواخ قالت لشهوده قوليله بدق له بعد صلاه العشاء لاني اكون فاضيه قالت شهوده اوكيك وخبرت سعود سعود كان فالمقهى من العصر الين فليل اول ما اذن العشاء ساروا يصلون وبعدين سعود ترخص عنهم قاللهم عندهم شغيله والحبيب سار المبزرة ويلس هناك فوق مكان حلو رومنسي لووووووووول ويتريا شواخ تتصل عليه رن تليفون سعود وفز من مكانه وقلبه طخ طخ طخ ( هذا اونه قلبه يوم يدق هههههه) انزين وشواخ اصلا بعد مستحيه بس شواخ لانها اجتماعيه كانت شوي ايزي شواخ: السلام عليكم ورحمه الله وبركاته سعود: وعليكم السلام والرحمه هلا شويخ شحالج شواخ: هلا بك بوعسكور انا بخير ونعمه انت شحالك والاهل شخبارهم سعود: والله مانشكي باس شواخ على طول دشت فالموضوع لووووول شكلها ماتبى تخذي وتعطي وايد وياه شواخ: هاه العاشق سمعت انك هيمان سعود: ههههههه عاشق وهيمان بعد شواخ ( وقلبها يتعصر من الغيره ) : هاه منو تعيسه قصدي سعيده الحظ سعود: تعيسه قبل ولا سعيده هاه شواخ: لا سعيده بس انا مبوني امزح وايد لا تزعل ولا تاخذ فخاطرك علي سعود: لا افا عليج انا ابد ما ازعل ماخذ الامور ايزي كلها وانا اعرف انج كنتي تمزحين شواخ: احلى شي انزين لا تغير السالفه ادريبك تتهرب يالله بشو تحس فيها ومتى شفتها يالله خبرني كل شي سعود خبرها متى شافها ( بس طبعا هيه ماتعرف انها هيه لانها كانت نايمه بالوقت اللي شافها فيها) وتم يخبرها انه متعذب منها كثييييير وانه من شافها وعينه ما اهتنت بالنوم طبعا شواخ تسمعه شو يقول وتقول فخاطرها ياربي الله يهينها ياربي خذت قلب جوهره ما تتعوض شواخ: ياسلام كل هذا حب عثريتك متغربل يا ولد العم مسكين حالك والله وهيه تعرف هالشي سعود: لا ماتعرف شواخ: كيف؟؟؟؟؟؟؟؟؟؟؟ كيف ما تعرف شو تتريا لا تخبرها دامها معذبتنك جيه يعني حرام اللي قاعد تسواه في نفسك لا وفوق هذا البنت بعد ماتدري انه فيه احد هنيه هيمان فيها ومايرقد الليل بسبتها سعود شو تتريا لا تقوللها سعود: والله شو اقولج بس انا ياشويخ ما ابا انها هيه تحبني لاني انا احبها اباها هيه من نفسها تحبني شواخ: والله توني ادري انك عبقري افرض انزين انه هيه تحبك بس ماقالت واكيد مابتقول انت كيف بتعرف ويمكن هيه بعد تحبك بس تخاف انه انت ما تحبها او انك تحب وحده ثانيه سعود: هيه والله صدقج ما فكرت فيها هذي انا شواخ: ادري ذكيه مب لازم تمدحني بس هاه عاد من الصبح اسالك وانت ماترد علي منو هاي اللي مغربلتنك ومعذبتنك وسالبتك حتى راحتك سعود: اوكيك بقولج منو هيه هيه وحده يالسه ترمسني الحين اللي هيه انتي شويخ انا احبج وميت فيج وصدقيني ما اشوف حد بهالكون غيرج وكل ما اصد تطلعيلي انتي صورتج ابد ما فارقت خيالي من يوم ما شفتج شو تتوقعون شواخ ردت عليه او شو كان موقفها بترد على سعود ولا لا واذا ردت شو بتقوله وبتقوله هيه بعد عن شعورها صوبه ولا لا وشو استوى هذا كله الجزء اللي بعده |
لوووووووول طر طررر طررررررررررررررر البآإرط وقصم ههههههـ :3: احلاع شي المواقف لي تصير امبين الحبايب ياخي ههههههـ كح كح :78650: ايحييييم .. سعود: اوكيك بقولج منو هيه هيه وحده يالسه ترمسني الحين اللي هيه انتي شويخ انا احبج وميت فيج وصدقيني ما اشوف حد بهالكون غيرج وكل ما اصد تطلعيلي انتي صورتج ابد ما فارقت خيالي من يوم ما شفتج لوووووووووووووووووووووول احلاع شي كككك :78650::78650: احيم احيم انزين .. نيي حق التوقعآإت خخخخخخخخخخخخخخخ شو تتوقعون شواخ ردت عليه او شو كان موقفها لوووول احسبهآإ بتتصنم فـ مكآإنهآإ هيييع بتستوي كذيه @_@ ههههههـ ~> من الصدمه يعني لاه خخ =p انزين ووووو بنفس الوقت .. يمكن تستآإنس لانهآإ هي المقصوده يعني كح كح :78650: بترد على سعود ولا لا يمكن هيه .. ويمكن طووووووووط فـ ويهه هههههههـ ^.* ~> من الصدمه يعني خخ =p واذا ردت شو بتقوله لول مادري خخخ وبتقوله هيه بعد عن شهورها صوبه ولا لا هيهي يمكن ليه لاآإآإع :78650: وشو استوى هذا كله الجزء اللي بعده خخخ انزين نتريآإه هههههـ ^.^ وتصلم صبوووعج دلبوه ع هيك بآإرط ^.^ ومخج ع هيك قصة هآإع =p ونتريآإ البآإرط اليآإي ع آإحر من آإلجمر =D |
شو تتوقعون شواخ ردت عليه او شو كان موقفها بتنصــدمـ مـن رمستــه .. بترد على سعود ولا لا امممممـ .. لــا >>> بتكوون ذآآيبــه مــن رمستــه هع !~ واذا ردت شو بتقوله اممممممـ .. مــآآدري!!~ وبتقوله هيه بعد عن شهورها صوبه ولا لا امممممـ .. يمكـــن هيــه ويمكــن لــــا .. ويمكــن تلمــح لــه هع !!~ تسلميــــن الغـلـا ع البــآآرت الـغــآآوي .. وشو استوى هذا كله الجزء اللي بعده نـــرقـــب اليــآآي .. لــا تبطيــن .. |
اقتباس:
اونه خلت كل شي ويات على موقف الحبايب :66: احم احم الصراحه انا لو مكانها بذووب وسعود ماشاء الله عليه قال كل اللي فخاطره مره وحده وبدون فواصل وبدون نفس لوول ( متعذب الريال :66:) له له له شو هالتوقعات الغاويه شراتج يعني توقعاتج يمكن هيه ويمكن لا لوول بتشوفين عقب ^^ وتسلمين عالمرور الطيب والحلو واللي ينور الموضوع بهالطلة الغاوية ان شاء الله عقب 3 ايام لوول |
اقتباس:
وعلى التوقعات الغاوية بعد نصها صح لوول وتسلمين عالمرور الغاوي خويتنا وان شاء الله بعد 3 ايام |
راعيوه لازم تتسكر القصه لين انا ارد عليها هع يعني كل بارت اتنزلينه سكريه وعقب افتحيه عشان احط اول رد هع الحين بتوقع عايبني حال العشاق لول هع شو تتوقعون شواخ ردت عليه او شو كان موقفها بتنصدم شي اكيد وطراخ التلفون وبويهه هع بترد على سعود ولا لا اكيد لا لو انا مكانها ما شي صوت ولا حس هع واذا ردت شو بتقوله مي تو وبتقوله هيه بعد عن شعورها صوبه ولا لا لا يمكن فالبدايه اتخبي لين تتأكد انه يحبها وعقب بتخبره تسلمين والله ع البارت ونترقب منج كل يديد وبعد ابا بارت طويل :4200: |
اقتباس:
انا قلت شو السالفه ليش اسكرها لوول هع ماعليه كل ما انزل بارت بحجز لج اول رد لوول له له له شو هالتوقعات الغاوية هيه اكيد ولا صوت يسلموو غناتي عالمرور الغاوي وتسلمين عالمتابعه الطيبه وان شاء الله فالج طيب بحاول اطول البارت الياي شويونه لوول |
افا عليج لازم نتابع هذي قصة رعوي مو اي شي:ast7eee: البارت اللي بعده خيتو بالسرعه القصوى هع |
اقتباس:
له له شو صارووخ لوول ان شاء الله بعد يومين ^^ تسلمين عالمرور الغاوي والطله الحلوة لا تحرمينا منها حبوبه ^^ |
وين البارت مستانسه يايه اقراها واخر شي احباط ما حصلت شي بانتظار التكمله |
دبووه ماراح اقراها الا لمآآ تخلص لوول بس شكلها طر القصه قريت اول جزء ربي يعطيج العافيه |
مستنا ههههه الموعد باجر شو ياج باجر بحط البارت اليديد وعشان خاطرج بس طولته حبتين لوول تعالي باجر فليل وبتلاقين الجزء ولا بتحسين بالاحباط لوول ديموه الغلا لوول ع راحتج غلايه وتسلمون عالمرور الكشخه لا تحرمونا منه ترقبوا البارت اليديد باجر فليل ^^ |
انشا الله عموه راعيوه بترياه اليوم فليل وامري لله هع ابا اعرف الاحداث كلها ما ادري ليش اتصرقعت هالكثر |
مرحب شخباركم اعضائنا عساكم بخير الجزء الخامس ^^ الجزء الخامس شويخ مب مصدقة ياللي سمعته معقوله اللي يصير معقولة اللي قاله سعيد ؟؟ معقولة هو يحبها شرات ماهيه تحبه معقولة هي اللي معذبتنه واللي حارمتنه النوم معقووله؟؟؟ شويخ:.............. سعود: شويخ شفيج ساكته ردي ولو بكلمة وحده دخيلج خلاص ماقدر اتحمل صمتج اكثر من جيه واذا اللي قلته ضايق بج خلاص انسيه واعتبريني ماقلت شي بس دخيلج رمسي قولي شي شويخ: هاه لا ماقلت شي يضايج بي سعيد اسمح لي بس ماعرف شو اقول بسكر انا الحين تامرني بحايه سعود: هيه شويخ: امرني ود عمي سعود: قلبج شويخ (وهيه مستحية): يلا تصبح على خير سعود: وانتي من اهل الخير غلايه شويخ: مع السلامة سعود: ربي يحفظج هالليلة كانت من احلى ليالي شويخ . الشي اللي كانت تتمناه لقته انسان يحبها حب ماكانت تتوقعه ولا تحلم فيه ولا بعد ولد عمها شي ولا اروع بس سعود للحين مايعرف وش هو رد شويخ وهل هيه تحبه شرات مايحبها ولا لا وهل هيه فقلبها حد ثاني ولا لا طبعا شويخ ماردت عليه ولا شيات خلته 3 ايام لا اتصلت ولا شيات وفهالثلاث ايام سعيد حاله منقلب فوق حدر خبر شهوده انه خبرها وطبعا شهوده ياها هزاب من شويخ ليش خبت عليها وشهوده كل ماترد من الجامعة اول شي يسالها شفتي شويخ وشو قالت ؟ تقوله شهوده ماقالت شي ويمد البوز بعد الثلاث ايام سعود قال شو هالحاله ليش انا متعذب جذا يعني قبل لا اخبرها متعذب وحتى بعد ماخبرتها متعذب يوم اقول حق شهوده الهبله الحب بلوة تقول الحين الحب بلوة فقرر انه يتصل وفيها اللي فيها سعود اتصل حق شويخ ومع انها كانت تتريا اتصاله ع احر من الجمر ماردت... اتصل مره ومرتين وثلاث وعقب طرشلها مسج ( ترى تعذيب القلوب حراام وانتي معذبتني قبل لا تعرفين وبعد ماعرفتي الين متى بتمين تعذبيني ؟) ردت عليه شويخ بمسج وكتبت فيه ( حلات الحب تعذيبه تعذب ليش يعني انا مااستاهل هالتعذيب) سعود ( وربي تستاهلينه ولو تامرين بروحي يالغاليه وربي ماتغلا عليج ) شويخ ( انت من صدقك تحبني كل هالحب؟) سعود ( وربي احبج اكثر من ما تتخيلين) وتريا شويخ ترد عليه ماردت عقب طرشلها مسج ( بس مارديتي علي يا ترى شو فقلبج ؟ تحبيني والا لا والا فقلبج احد ثاني؟) شويخ ( سعود مافقلبي حد غيرك انت وهيه نعم احبك شرات ماتحبني ) سعود مب مصدق عمره يقرى المسج الف مره اتصل سعود سعود: هلا والله بغلاي كله شويخ: اهلين سعود: يعني لازم كان كل هالتعذيب شويخ: قلت لك حلات الحب فتعذيبه سعود: فديتج انتي وفديت الحب وتعذيبه شويخ:........ سعود: نزين سوري ماسالت شخبارج من قريت الكلمة بصراحه تخبلت شحالج علومج سو مسوية وشو الدراسه وياج شويخ: كل هالاسئلة مرة وحده بل خخخخ كل اموري تمام تسلم ومن صوبك سعود: انا مرره مب بخير شويخ: افا سلامتك ليش شو صاير سعود: ولج عين بعد تسالين شو صاير وانا مب قادر اداوم شرات الخلق ولا قادر اكمل شغلي شرات الخلق مااكل شرات الخلق ولا اشرب ولا ارقد بتخبرج انتي شو من السحر مسوية لي شويخ ( ميته ضحك ) : هههههههه يحليلني انا برئية ماسويت شي سعود: هيه ضحكي شعليج شويخ: لا تقول جيه يعني مب بروحك اللي متعذب حتى انا متعذبة سعود: صج شويخ: لا اسولف سعود: لا دخيلج قولي صج والله انتي تحبيني ومتعذبه شراتي شويخ: هيه سعود: شو هو اللي هيه شويخ:.................... سعود: يلا شويخ ابا اسمعها ولو يكون اخر يوم فعمري شويخ: بسم الله عليك سعود: هالكثر تحبيني شويخ: هيه سعود: نزين شو هو اللي هيه يلا قوليها فرحيني وخليني ارقد ولو ليلة شويخ: هيه بوعسكور أحبك سعود:....................... شويخ: سعود شفيك صخيت؟ سعود: اخ شو اقولج ليش صخيت عذبتني الكلمة وربي شعوري فوق النخل ماعرف شو اسوي ايوول ايي بيتكم الحين مب عارف شو اسوي شويخ: لا شو تيا بيتنا تخبلت سعود: هيه وانتي اللي مخبلة بي شويخ: نزين جنه باجر دوامات سعود: يمكن هيه شويخ: عيل يلا رقاد ماعندنا عيال يسهرون للحين وباجر دوامات سعود: هههههههه حاضر عمتي شويخ: عمتي فعينك سعود: هههههههههههههههههههههه حاضر حبيبتي شويخ: يلا تصبح على خير ومااوصيك دير بالك ععمرك سعود: وانتي من اهل الخير لا توصين حريص وانتي هالله هالله بعمرج شويخ: يلا فمان الله سعود: فوداعة الرحمن اخيرا سعود عرف شو هو رد شويخ وظهرت شويخ تحبه شرات ماهو يحبها وطبعا كل يوم يزيد حبهم لبعض وتموا كل يوم يرمسون بعض و مايمر يوم الا لازم يرمسون بعض خلصت الجامعه شهر سته وفبيت حمد: كانوا يايين شهوده ووياها سعود عالعصر شويخ تعرف انه شهوده يايه وسعود وياها فالصالله كان ابو شيخه وسواف وشيخه وسلامه سعيد دش ودق الباب وشويخ وراه متغشيه ابوشيخه: قرب قرب يامرحبا الساع والله بوعسكور شويخ من سمعت الاسم فز قلبها وجان تتغشى ابوشيخه: قربي بنتي شهوده عن منوه تتغشين محد الا سواف ود عمج ويوم دش سعود وشهوه الاب يشوف شويخ متغشيه ابوشيخه: يي ييها شويخ شهوده بلاكن هذيلا عيال عمكن تتغشن عنهم شو هالمستحى وانا ابوكن يلا نشن سيرن ييبن الفواله وردن بلا غشوة شويخ: ان شاء الله ابويه شويخ وشهوده مستحيات يعني ولا مره يلست شويخ جدام سعود بدون غشوة وشويخ نفس الشي هذا من طرف ومن الطرف الثاني سواف وسعود مستانسين حدهم ويلسوا يسولفون شوي وعقب يت شويخ وشهوده ( مب متغشات طبعا ) شويخ: السلام عليكم ونش سعود من الربكه وعليكم السلام ماشافها وايد بس لمحه صغيره استحى من ابوها وهي مستحيه ومنزله عيونها بالارض سعيد: وعليكم السلام هلا ببنت العم وشحالج شويخ: بخير ونعمة ومن صوبك سعيد: نحمد الله شويخ: ايلس استريح ويلس سعيد شويخ: يلا عن اذنكم نحن بنروح الحجره ابو شيخه: لا يابنيتي شو تروحهن الحجره وانتي من تيي شهوده سيده عالحجره جيه خلي البنت تهبش من الفواله وناخذ اخبارها وعلومها وعقب سيرن الحجره وانا ابوج شويخ: ان شاء الله ابويه كل هذا وشهوده وسواف صاخين وفعالم ثاني طبعا سواف ما استحى من ابوه وعيونه كله على شهوده وهيه تسولف ويا سلامة شهوده ما انتبهت حق نظرات سواف مع انها كانت تتمنى انه تلمحه بس مستحيه وما رفعت عينها كله تسولف ويا سلامه وتتريا شويخ تيي صوبهم يت شويخ صوبهم ( طبعا الحريم والرياييل فنفس الصاله بس يعني بعيد عنهم شوي ) شويخ: الاوامر العليا امرت اننا ما نروح الحجره الا بعد ما تاكلين من فوالتنا وياخذ اخبارج وعلومج شهوده: منو؟! ( شهوده انصدمت عبالها سواف ) شويخ: يعني اقولج الاوامر العليا يعني باباتي سلامة: هههههه ماعليج بخبر عليج شويخ: لا كله ولا تخبرين علي وبعدين اصلا ابوي يعرف اني اقول جيه وانا احبه وهو يحبني وما مبينا هالشي ^^ سلامة: اعرف فديتج بس اسولف وياج ابوشيخه: شويخ وشهوده تعالن ويانا بناخذ اخباركن وعلومكن شويخ: سمعتي يا انسه شهد يلا قومي فزي طولج شهوده: شويخ استحي سواف هناك شويخ: عيل انا ما استحي سعود هناك بس اقولج هاي اوامر عليا يعني يلا فزي طولج شهوده: خالوه سلامة تعالي ويانا نستحي نروح بروحنا سلامة: ههههههه فديتهن بنياتي حلات البنت فمستحاها ماعليه يبويه انتوا عيال عم ولازم تتعودن على هالشي عيل يوم انتوا صغار تراكم الا تلعبون ويا بعض شويخ: هيه صح شهوده: شو هيه صح انتي بعد اونه هيه صح نزين خالوه بس نحن كبرنا احين وتوج تقولين حلات البنت فمستحاها سلامة: ماعليه تراه بياخذ اخبارج وعلومج بس شهوده: ان شاء الله خالوه وراحن عند الرياييل شويخ: ابويه شو من الاخبار والعلوم تبى تاخذ من عند شهوه بوشيخه: وانتي شدخلج انا ابا شهوده تعالي فديتج قربي ويايه عنبوه باكلج انا يالسه بعيد بعد ياليت يالسه واقفه عنبوه باخذ علومج وانتي واقفه سواف وسعيد: هههههههههه شهوده استحت: ان شاء الله عمي ويلست عدال بوشيخه وشيخه عدالها سواف عيونه على شهوده وسعود عيونه على شويخ ماخذين راحتهم لانه بوشيخه يالس يرمس شهوده وما يطالعهم بوشيخه: وشخبارج يا بنيتي كيف الصيف وياج شهوده: الحمدلله ياعمي والله يعني ملل بس تراني يوم اتملل ايي عند شويخ شويخ: هيه فديتني انا اخوز الملل عنها هههههه بوشيخه: بنيتي ناقصكم شي محتاجين شي شهوده: لا عمي الحمدلله ما ناقصنا شي البركه فسالم وسعيد بوشيخه: الله يخليهم لج ان شاء الله شهوده: ويخليك لعيالك ياعمي شيخه: هاه ابوي خذت اخبارها وعلومها يلا نروح احينه بوشيخه: حشى شفيج مستعيله انتي شيخه: ابوي ابا اقولها سر ومب قادره اصبر سواف دش عرض سواف: شو هالسر اللي تقوليه حق شهوده وماتقولينه لي انا اخوج حبيبج واعز الناس لج شويخ: اخوي عالعين والراس واعز الناس لي صدقت بس حبيبي مااظن بوشيخه: هههههههه سواف: بل وبكل قواة عين بعد عيل منو حبيبج انسه شيخه ونشت شويخ وباست راس ابوها: حبيبي ابويه الله يخليه لي ان شاء الله سعود عيبه الموقف وشويخ كبرت فعينه وفخاطره كان يتمنى انه هالبوسه تكون له سواف: لا عاد هنيه غلبتيني شويخ: مبوني اغلبك سواف: نزين لا تغيرين السالفه شو السر اللي بتقولينه حق شهوده ومابتقوليلي اياه شويخ: سوالف حريم وانته شلك بوشيخه: سواف شفيك هذيلا بنات ونحن ما نتدخل فسوالفهم سواف: ادري يابويه كنت ابا اغلس عليها شوي بس بنتك ماينرام عليها الله يعينه اللي بياخذها شويخ: قول الله يهنيه اللي بياخذني بيتهني طول عمره ( وطالعت سعود) سعود: سواف شفيك على اختك خلها فحالها سواف: بل حشى الكل وقف وياها ضدي وانتي شهوده كمليها قولي ما ارضى ع شويخ شهوده: هيه ما ارضى عليها هاي روحي الثاني الكل: ههههههههههه شهوده: يلا عمي بترخص عنك احينه شكلها شويخ مب قادره تمسك عمرها لسانها ياكلها شي فخاطرك بوشيخه: سلامتج يا بنيتي هالله هالله فعمرج شهوده: ان شاء الله عمي يلا فوداعه الرحمن سواف: وانا ما سالتيني تامرني بشي يمكن ابا منج شي شهوده مستحيه: امر ولد عمي سواف: لا اسولف وياج سلامت راسج شهوده: الله يسلمك مع السلامه سواف+سعود+بوشيخه: فوداعه الرحمن وراحت شويخ وشهوده الحجره طبعا شويخ ماكنت تبى شهوده فسر بس لانها كانت مستحيه من نظرات سعود وتبى تنحاش منها شويخ: شهوده شفتيه اخوج عنبوه ويهي احمر وهو الا يطالع من اول ما يلست حذال ابويه شهوده:..................... شويخ: ماصدق على الله ابوي ما ينتبه له الا وكلني بعيونه شهوده:.......................... شويخ: شهووووووووووووده شهوده: هاه هلا شويخ: يي ييها هاه هلا اه منو ماخذ عقلج شهوده: هاه لا محد شويخ: محد اه ماعليه اللي فالجدر تطلعه الملاس ومصيرج تنكشفين شهوده: هههههه جيه مسويه جريمة انكشف شويخ: مادريبج هههههه بالباجر فبيت بوشيخه ( حمد ) حمد: ها عيالي هاي الجامعة وخلصت يلا وين تبونا نقضي الصيف شويخ: صلاله ابوي صلاله سواف: شو صلاله لا مانبى صلاله حمد: عيل وين تبى؟ سواف: ممممم ابا ماليزيا شويخ: ابوي السنة اللي طافت رحنا ماليزيا خلنا نسير صلالة نحن وقوم عمي بيكون رووعه وربي سواف: هاه قوم عمي بيروحون شويخ: يعني تستهبل ومن متى كنا نقضي الصيف بروحنا سواف: خلاص الشور شوركم والراي رايكم شويخ: سبحانك ياربي توه مايبا والحين الشور شوركم سواف: بس خلاص صخي محد يقولج شي انتي انا اقصد الشور شور ابوي حمد: والله مدام شويخ قالت صلالة يعني صلالة شويخ: يس يس يس عاش ابويه عاش حمد: يلا اتصلي حق شهوده وخبريها وانت ياسيفان خبر سعود وانا بخبر محمد وسالم شويخ: ان شاء الله ابوي سواف: ان شاء الله فيوم الجمعة تجمعوا بيت حمد وعلي العامري فبيت حمد بعد ماردوا من صلاة الجمعة الرياييل كانوا فالمجلس والحريم يجهزن حق الغدى فالمطبخ: شويخ: اقولج شهوده شهوده: هاه شويخ قولي شويخ: جهزتي كل شي حق روحة صلالة شهوده: افا عليج طبعا هاي صلالة حلمي وحلمج خخخخخ شمة (حرمت محمد اخو شيخة): عنبوه اللي يسمعكن يقول حلمهن يروحن القمر مب جنة صلالة الا هنيه قربنا الكل يضخك حصة (حرمت سالم اخو شهودة): خليهن هههه نزين صح اهم شي الكميرة لا تنسونها الفيديو والديجتال شويخ: انا بييب كميرة الفيديو وشهوده عليج الديجتال شهودة: خلاص ترتيب وفهاللحظه دخل محمد اخو شيخه بنيات حريم يلا نبى غدى جهز ولا بعده شمة: هيه جاهز يلا تعال عقب دقيقتين شل الصحن الخدامة ماتقدر تشله محمد: نزين وغرفوا الغدى وتغدوا الجماعه وطبعا روحة صلالة بتكون يوم الاثنين خلصوا غدى وقرروا يروحون العزبة راحوا العزبة وطبعا شويخ وشهوده يالسات ويا اليهال ( حمد واحمد عيال محمد ) و( شوق وميثة عيال سالم) وكله ضحك وسوالف الحريم ويا بعض والرياييل ويا بعض سعيد وسيف قاموا ويلسوا يتمشون سيف: ياخي بوعسكور زوجني اختك سعيد: نعم ؟! الحين سيف بذمتك انت صدق تبى اختي؟ يا ترى سيف شو بيقول حق سعيد سعيد كيف بتكون ردة فعله وشو بيرد على سيف شهوده متى بتعرف انه سيف يحبها ويباها ومنو راح يخبرها هالشي سيف بنفسه ولا سعيد كل هذا فالبارت الياي ^^ |
| الساعة الآن 01:55 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir