|
والله عيب يا محطات بترول ((( ايونك ))) ليش هذا التخلف؟ تحت عنوان الخدمة الذاتية [align=center]بسم الله الرحمن الرحيم الصراحة ما قدرت اسكت على الشي الي اشوفة بالامس كنت في الطريق ولما احتجت اني اعبي بترول وقفت في محطة اينوك عشان محطات ادنوك مخلص البترول الخصوصي المهم وقفت وناديت على العامل وبكل بساطة طلبت انة يعبي لي بترول فجأة قام العامل وعطاني ورقة ( بروشير ) سالتة شو هذا انا حسبالي انة عرض جديد من محطة اينوك للتسويق قالي اقراها وانت بتعرف كل شي وقمت قريتها والصراحة انصدمت شوفو الورقة او الاعلان http://www3.0zz0.com/2008/08/13/10/135998278.jpg انا لما قرأة الورقة قلت عادي بنزل بعبي بترول بعدين بروح عند الكاشر وبدفع قيمة البترول او المبلغ المستحق مثل اوربا ولاكن للأسف النضام غريب و اول مرة اشوفة او اسمع فية 1- اركن السيارة امام مضخة الوقود وأطفأ المحرك ( قلنا ما في مشكلة ) 2- احفظ رقم المضخة (بعد مو مشكلة) 3-توجة الى المتجر ( الصراحة نظام غبي يعني ليش اروح وادفع بعدين اعبي بترول ليش ما اعبي بعدين ادفع ليش كل هذي المشاوير رايح راجع ) 4- اطلب من موظف الصندوق التالي : ا- نوعية البترول ب- المبلغ النقدي ( وانا شو دراني بالمبلغ وانا عارف بالغيب انا غلب الاوقات اعبي فول لان سيارتي كبيرة ما اختلفنا بنقول 200 درهم بس لازم اروح ارجع الباقي يعني انزل واروح عند الكاشير مشوار) ج- رقم المضخة 5- سدد المبلغ الى الموضف ةاحصل على ايصال ( يعني الاخوة نسو ان في ناس يشترون من المحل يعني خيس اذا في زحمة عشان تدفع وتاخذ ايصال) 6- عد الى المضخة 7-خذ الخرطوم المختار واملأ الخزان 8- ستتوقف المضخة تلقائياً عند صرف المبلغ ( يعني الواحد لو حاب يزيد لازم يرجع ويدفع وياخذ فاتورة) 9- اعد الخرطوم الى مكانة يعني لو تحسب الوقت الي بياخذة الواحد عشان يعبي بترول اقل شي نصف ساعة للسيارات الصغيرة والكبيرة كيف بتكون الله يكون في عون الي وراة ويتريا دورة ولا الحبيب متأخر على الدوام كل هذا غير وشيابنا غير ياناس خافو الله فيهم ولا البنات بتنزل وتعبي بترول حالها حال الشباب ونص نهار لا عز الله راح المكياج والعطور مع العرق والعباية متروسة بترول ترا الحل بسيط وما يحتاج تفكير ولا كل هذي الشغلة اولا صح الواحد لازم يعتمد على نفسة بس طريقة النظام المتبع غلط في اوربا وامريكا والدول المتقدمة الواحد ينزل عشان يعبي بترول حالة حال الغير بس ما يروح يدفع ويرجع يعبي في كل مضخة نظام فاتورة الكتروني لما اتخلص من تعبأت سيارتك وترجع الخرطوم تطلع لك فاتورة صغير فيها رقم المعاملة ورقم المضخة وكمية الجالونات والمبلغ المستحق عليك مع الوقت والتاريخ وكل مضخة فيها كاميرا مراقبة اتصور رقم السيارة وتحفظة مع رقم المعاملة بالكمبيوتر وعند الدفع تنحذف الصورة يعني نظام بسيط وسهل وما يحتاج كل هذي التعقيدات يعني روح ادفع ورجع عبي واذا كان المبدأ من هذي الطريقة هو تقليص عدد العاملين في المحطة فهذي سياسة شركة ما احد يقدر يتدخل فيها بس لو كان المبدأ هو الضغط على المواطن الاماراتي او حتى المقيم عشان يرفعو اسعار البترول فالله يسامحكم والله يخلي ادنوك والسمووووووووووووووووووووووووووحة ارجو التعليق على الموضوع[/align] |
[align=center]هلاا اخوويه صدق والله نظاام موو شي يعني البنت بتنزل تعبي الله يستر محد بيخليهاا فحاالهاا والله لو رياال مااعلييه بس بنييه ماايستووي والله ومشكوور ع المووضووع الطرر والله يخليي ادنووك [/align] |
صرااااااااااااااااااحه النظام مب حلوه و انا أول المعارضين يسلموووووووووووووووووو |
:: هلا اخويه انا معآك موول مب شي هالنظام !! يعني الواحد لو مستعيل على شغله ولا دراسته بيتأخر بس عسبت يعبي بتروول . . الله يعين سلمت اخويه ع الطرح مآقصرت ~ |
ماعرف شي عن هالخدمة بس دام بدوها ... اتوقع مع الوقت راح يدرسون عيوب هالخدمة وبيطورونها للافضل وان شالله بتصير مثل اوروبا وامريكا ودول المتقدمة ;) ويعطيك العافية على الموضوع |
عاد يقلصون عدد الهنود وله غيره الشركه هذي مب ناقصه فلوس ولا شي ياخي دام ياخذون فلوس خل يخلون هنود يصبون لازم راعي الموتر ينزل ويصب ومادري والله العظيم نظام باااايخ مجربينه في امريكا والله مب شي ومثل ماقلت اذا في زحمه خيس يعني ياخي لازم يقلدون امريكا وذيك البلادين مول مايسون شي خاص فيهم مالت عليهم وعالثور اللي اقترح عليهم هالنظام اكيد انه امريكي يالله يارب محد يصب عندهم لين مايكنسلون هالنظام لوووول انا ضد هالقرار الفاشل |
نظاام مب شي واتوقع ان مع تزااايد المعارضين عليه ما بيستمرووون يعني مو عيب الواااحد يخدم نفسه بس ليش كل هالمشواير ومثل ما قال اخوونا .. اذا الوااحد وراااااه شغل او دراسه ما بيلحق وبيضيع وقته كله ع هالمشاااوير |
شوهاا ؟؟ اونهاا الخدمه الذاتيه .. يبوناا نخدم اعماارناا .. لا بالله ما وصلنا الا بعد 3 ساعات للمكان الي نبااه اذا كانت بنت شو بتسوي ؟؟ والله حاله |
السلام عليكم ورحمة الله وبركاته ترا الي هنيه وش مونتهم جانها الا تقليد الاجانب وياليتهم يقلدونهم صح مثل الخلق ... والله حـــاله ...! هالقرار ابد موووول مب شي ... لو يكنسلون هالمحطه يكون احسن بوايد عن لا تكون جيه ... وش هالتخلف ياربي ... ربي يعطيـك العافيه خيووو ... لاهنت ...~ |
و الله هل خدمة مب شي شو ه تخلف و صدقها الجود هم بس يقلدون الاجانب و صدق انهم متخلفين و انا وياك ياخويه تحياتي... ()ولد المزاريع() |
هذا التخلف بعينه و تبون الصراحه المفروض نحن ما نعبي بترول في محطات اينوك لانها هيه السبب الرئيسي في رفع البترول |
يمكن كان تقليد الاجاأنب .. لكن ما فرقوا بينا وبين الاجانب ... لا حول ولا قوه الا بالله .. المهم ثانكس على الموضووع وانا من المعارضين |
شو هالنظام ها ؟؟؟؟؟؟؟ اونهم عاد مطورين الحبايب ؟ واذا كانت بنت اللي تبا تعبي سيارتها شو تسوي وهي بروحها ..............؟ شو تدخل داخل المحل عند الهنووود في عز القايلة يوم الخلايق راقده ولاحد يدري عن حد لا قدر الله صارلها شي منو عاد اللي بتحاسب ......؟ والله اني انقهرت ...اففففففففففففففففففففففففففففففففف وحتى الشباب بعد محد يرحمهم دوام وشقى وهلاك حرام عليهم ياخي ....... دواهم نقطعهم ونروح محطات ثانية والله خوفاتي باجر ادنوك تسوي مثلهم بعد مشكور اخوي عالموضوع الطيب والسموحة.................... |
نظاااااااااااااااااااام فاشل بالقوه بعد .. روحووووووووووووا زين.. عونهم يبون يطورن وهم يدمرون.. يسلمووو ع الموضوع.. |
| الساعة الآن 01:56 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir