|
تعرفون شو ستوي ويايه السلام عليكم ورحمة الله وبركاته انا عضو يديد فالمنتدى وهذا اول موضوع حقي ببدا في السالفة قبل 5 شهور استوالي حادث غير حياتي فوق تحت يوم الجمعة الساعة 7 المغرب ظهرت انا وربعي واخويه ركبنا السيارة ورحنا البر يلسنا هناك اربع ساعات تقريبا فالرده اترجيت اخويه انه يخليني اسوق فوافق وسقت عند الدوار شليت ع تايرين ونقلبت السيارة من الساعة 10 ونحن طايحين لين 12 كنت اسمع صوت اخويه وهو يصيح وربعي ماعرف وينهم كنت انا الوحيد الصاحي بس كان راسيه منطر ظهرت من السيارة وشوف ربيعي عبود طايح فصوب وعلو منقلبه عليه السيارة انا ماعرفت شو اسوي وماحسيت شو ستوي لين المستشفى هناك انا كنت فالغرفة وشوف ابويه وابوربعي يالسين يصيحون رحت ادور عليهم شفتهم في ثلاجة المستشفى حسيت بغصة دورت ع اخويه فالعناية يتني حالة منذاك اليوم ماحب اروح البر ولاحد يب طاريه احينه انا عندى سؤال انا السبب في موت ربعي وشلل اخويه؟ دخيلكم ردو |
لا حــول ولا قوه الا بالله .. هذا التهور وما يسوي.. بس الحمد الله انك على قيد الحياه ولزم تحمد ربك على هذا الشي واتمنى انك تبدي حياه يديد وتتعلم من الماضي.. وتترحم على ربيعك اما اخوك والله ما اعرف شو اقولك بس حاول تخفف عنه .. هذا الموضوع اتمنى كل شباب المنتدى يقرونه لان ما يفيد الندم بعدين .. الله يعينك على مصابك هذي الدنيا بس الواحد لزم يخذها بكل حذر وتفكير قبل ما يسوي اي شي .. |
لا حول ولا قوة الا بالله انت مو السبب فلي استوى هذا قضاء وقدر وانت ما تقدر تغير القضاء والقدر هذا طيش شباب بس حاول انك تنسى ولي فات مات وحاول انك تخفف عن اخوك وحاول انك تفتح صفحه يديدة وتعيش حياة سعيدة ولا تفكر انك تروح البر مرة ثانية.......................... |
صبِــأإأإح الخير .،’. لا حول ولاقـوة إلا بالله .،’. ربي يـرحم إلي توفى .،’. وربي يشـفى المريض.،’. ليش تفكر في انك السبب ؟!! فكر بطريقـه ثانيه .،’. مـا سـألت نفسك ليش انت مـاياك شي؟! إلي صار درس صغير والحياه دروس .،’,. لازم تحمـد ربك .،’. و تعتبر هذي حياه ثانيه لك .،’ عشـأإأن تغير كـل شي في حياتك للأحسـن .،’. الحادث إلي صار كان شي ومكتوب سـواء انت او أخوك او ربيعك إلي كان يسـوق .،’. أنصـح إلي تشوفه متهور في السـواقه .،’,. صـح الأغلاط إلي في حياتك .،’,. حط في بالك انه شي ومكتوب وأن إلي صار مثل فرصه ثانيه لك او تحذير عشان تصلح كـل أخطائك .،’. وإلي توفي ترى عمره وقف في هذاك الوقت .،’. وإلي صابه شي ترى إختبار لصبـره .،’. السمِــِـِوحـه على الإطــاله .،’. حــبيت أقول إلي في خاطريـه .،’. |
لا حول ولاقـوة إلا بالله :؛ الله يجبركم عما اصابكم .. هونها تهون :؛ ولا تلوم نفسك .. وتزيد هموك ما عمرك فكرت ان هذا قدر من الله تعالى القدر مكتوب لو بعد ميه سنه خلاص قدر الله وماشاء فعل :؛ ومثل ماقلت وخيتي احبك الحياه دروس وعبر .. اتمنى ماتلوم نفسك .. وحاسب نفسك عند الله :؛ طيب لو اقولك عن سالفه ولد بو حمد والله تنزل عيونك دم مو دمع هذا واحد الله انعم عليه بـ عيال بارين .. ماشاء الله .. وكان جداً الرجال راعي فزاعات ونخاوهـ .. وصيته ذايع بين الجيران قدر الله وصار لـ ولدهـ الكبير حادث .. وقدر الله توفى صديقه وعاش هو صارت حياته هموم في هموم .. ونادراً مانشوفه واقف ع باب بيتهم .. وحالة حاله رحوله الشيبان والشباب ونصحوا انه يطرد الحزن من قلبه .. وهذا قدر ومكتوب مرة شهور .. وانتكست حالة الولد الكبير ولد بو حمد .. وحالة تزيد وتزيد وطاح في العياذ بالله في امور يا دافع البلا جت ذيك الليه .. الوكاد كان جاي في الليل ع الساعه 4ص الوكاد .. :؛ وطلعو عيال عمي وخوالي يصلون في المسجد .. الا يوم شافوا النيران في بيتهم ودخان .. اتصلوا ع الدفاع المدني .. والحمدالله طفو النار اللي صار :؛ الاب جاها تشوهـ .. ولا الحين يتحسب على اللي غير حالة ولدهـ اولادهـ : الولد الوسط .. اقطعوا يدهـ .. لأن البيت بكبره طاح عليه وسببله تشوه الولد الثاني : فقد بصرهـ .. الولد الصغير : جاه تشوهـ من الدرجه الاولى .. الام : تشوهت .. وحالتها كانت خطرهـ جدا جدا .. وقدرالله وتوفيت بعدها بكم يوم السبب ؟ ولد بو حمد : هو الذي اشعل النار في منزلهم ولا الحين الولد ترا ما مسكوهـ .. وقصه حقيقه .. والله :؛ :؛ شوف ياخوي حجم : اللي انت فيه الحين وحجم قدر بو حمد وعياله الحمد لله ع نعمه الصحه والعافيـه :؛ يعطيك العافيه ع طرح الموضوع |
[glint]لاحووووووووووووول ولاقووة الا بالله العلي العظيمــ.. هذاا القدرر أخوويهــ.. والله يرحم الجميع[/glint].. |
لا حول ولا قوة الا بالله العلي العظيم الله يرحم الموتى ويشفي المريض اخويه الحين ما يفيد اللوم والعتب واحمد ربك انك بعدك حي واعرف انه الي سويته غلط ولا تحاول تسواه مره ثانية والله العظيم اغلب موت الشباب بسبب تهورهم بالسيارات استغفر الله انصحك تبعد الحزن والتفكير عنك لانه ما بيفيدك وحاول تيلس عند اخوك وتدعى ربك الله يشفيه واتمنى هالشي يكون درس لك ولغيرك السيارات مب لعبه ومحد يدري شو يصيرله والله يهوون عليك ولا تشيل هموم واعرف اللي صار قضاء وقدر بس المهم تعلمت منه ولازم تبدأ صفحه يديدة والسموحه على الاطاله |
لا حول ولا قوة الا بالله العلي العظيم احمد ربك انه عطاك عمر يديد واوقف ويا اخوك والله يشافيه |
لا حول ولا قوة الا بالله ~ انا السبب في موت ربعي وشلل اخويه ...؟؟ اذا كان الغلط منك انت مثلا سرعت بالقصد يعني انت الغلطاان ~ اماا اذا كان مب بأيدك تتحكم يالسيارة انت ما سرعت يعني هذي من الله ~ انت استغفر كل يوم ان شااء الله تنسي بس خل عندك السرعة ~ اختكــــ ضحيت صمت ~ |
لا حول ولا قوة إلا بالله.. كلن في هالدنيا ياخذ نصييبه محد يعرف متى يومه .. واحمد ربك لأنه عطااك عمر يديــد واذكر ربيعك الله يرحمه بالدعاء وأوقف ويا أخووك الله يشافييه انشالله الله يرحم الجمييع |
السلام عليكم ورحمة الله وبركاته اخوي مهما سويت ومهما لمت نفسك ماترجعهم في هاذي الدنيا شئ مكتوب وماتقدر تهرب منه اترحم ع ربعك والله يشفي اخوك ان شاء الله والسموحة منك |
[grade="4b0082 ff6347 ff1493 ff6347"]ان لله وانا اليه راجعون...الله يصبرك ياخوووي... والله يرحم اللي توفى ويشفي اخوك .... هذا القدر ياخوووي واللي انتكب لازم يصير.... واحمد الله انك عايش ووعيت لحياة يديدة واكيييد ربي كتب لك في الحياة شي خيير لك ... والمطلووب ياخووي انك تبطل صفحة يديدة ,وتتعلم من الاخطائك... وربي يكوون في عونك والسموحة على الاطالة[/grade] |
لا حوول ولا قووه الا بالله العلي العظييم |
وعليكم السلام ورحمة الله وبركاته مرحبابك اخويه بينا وان شاء الله تفيد وتستفيد ^_^ بالنسبة لموضوعك في البداية الله يرحم موتى المسلمين اجمعين وعسى مثواهم الجنه ان شاء الله والله يصبرك ويصبر اهلهم في مصابهم وعسى ربي يشافي اخوك ويعافيه اخويه قدر الله وما شاء فعل لا انت السبب في وفاة ربعك ولا في شلل اخوك ها قضاء وقدر وتعددت الاسباب والموت وااااااااحد هذا عمرهم و وقف على جييه وهذي سااعتهم محد يقدر يغيرها او يردها و بالنسبه لاخوك ترا هذا ابتلاء وربنا يبا يختبر صبره وقوة ايمانه لا تتلوم ولا تلوم عمرك على شي مقدر ومكتوب عليك بالدعاااء لربعك ترااهم محتاييينه منك وصبرك اخوك و اوقف وياه في محنته واحمد ربك بانك بخير وعافيه ترا فضله علييك كبييييير تقدر تقول انكتب لك عمر يديد حاول تشوف شو الغلط في اسلوب حياتك وتعدله والله يفرج همك وكربتك شل اللوم والعتب على نفسك وحط في بالك بانه اللي صار مقدر ومكتوب ومحد يقدر يرده :) |
لا حول و لا قوة إلا بالله هذا قضاء الله و قدره ربي يغفر للميت و يتغمد روحة الجنه وربي يشفي أخوووك .. انت ادعا لهم و استغفر ربك ,, وربك يفرجها ,, ولا تقرب صووب السرعة مرة ثانية هذا درس لك و الله قال الدنيا دار ابتلاء فهذا امتحان لك ف الدنيا فانت اصبر وريك يفرجها إن شاء الله ,,, |
شكرا ع ردود والله انكم وقفتو ويايه وخفتو عني ربي يحفظكم |
ولد عمي مسوي حادث يمكن من شهر اربعه:walla: والحين في المانيا :426: يتحسن عالخفيف بس مايرمس الله يشفيه و الله يرحم ربعك ويغمد روحهم الجنة |
السلام عليكم ورحمة الله وبركاته الحمدلله على سلآمتك يآ خويه .. والله يرحم ربيعك . ويشفي آخوك .. لآ انت مو السبب ... هذآ قضى الله .. انت ما تدري شو حكمة الهل يوم انه عطآك عمر يديد .. المفروض تحمد الله وتشكره وتغير امور مثيره من مآضيك مثل التهور ... والمفروض بعد تنصح اخوانك الشبآب وتقوللهم قصتك عشآن يتعضوون ... لآ تلوم نفسك ... و خلك ويآ آخوك ترآه محتآج لك .. واحمد الله انك عآيش الين الحين عشااان تصلح اغلاطتك .. ^^ السمووحه منك آختك " نبض روحي " |
مشكوورين والله انكم خليتوني احب الحياة |
لا حول ولا قوة الا بالله احمد ربك يا خوي انك بعدك حي واشكره على هالنعمة ما عليك يا خوي وهذي آخرة التهور لكن بقولك هذي حكمة الرب وهو اللي كاتبنه لازم يصير تقبل مروري ورأيي وان شاء الله دوم تنور المنتدى |
وعليكم آلسلآم ورحمآة آلله وبركآآآته .. ربي يرحمـ موتى آلمسلمين آجمعين .. وربي يشفي آخووك آأن شآلله ويقومه بآلسلآمه .. وهذآ قضآآء آلله وقدره وأإبتلآء من رب آلعآلمين .. وآللي صآر صآر وخلآص مآيفيد آلندم آلمفروض تتحمل وتصبر وتكون قوي عشآآن آهلك آخوووك .. وكل شي آلله يسويه لنآآ فيه حكمه وخيرهـ حقنـآآ .. خل آيمآآنك بربك قوي .. ولآتنسى آنه ربنـآآ كريم ومآينسى عبآآده .. وآحمده ليل ونهآر آنه حمآآآك بقدرته ومآصآرلك شي بهآلحآدث .. وكل شي له حكمه .. لآتنسى هآلشي .. ^^ .. ولآتنسى آبدآآ آنه ربك كريـــــــم .. |
مشكورة ختيه |
لا حول ولا قوه الا بالله اولا اخوي انت اذا ما كان عندك ليسن ليش ( اذا ما كان ها) تسوق ولا على الدوار انت اصلا ما تقدر تتحكم في السياره عدل ثانيا انا قلت أول شي انت السبب لكن قلت كل شي مقدر ومكتوب ولو كان في بطن حوت في المحيط ولا تتكد والله يقوم اخوك بالسلامه والله عطاك عمر يديد ولا تعيد الي سويته تحياتي فارس الغبره |
هذا قضاء الله وقدره......والله كاتب انهم يموتون ذاج اليوم.... وأنا لله وانا اليه لراجعون...... |
انت ما لك خص ف الي صار لانه هذا قضاء وقدر و خلي ايمانك ف الله كبير ولا تخلي هل شي يأثر فيك واايد ربي يحفظك انشالله |
لـآ حول ولـآ قوة آلـآ بالله .. هذآ قضآء الله وقدره .. وآنته مالك ذنب في كل آللي صآر لـآنه محد يعلم بآلغيب.. وآنآ آعرف آنه صعب عليك تنسى آللي صآر.. بس حآول آنك تختلط آكثر مع آهلك وتستثمر آوقآت فرآغك.. وآلله يرحمهم ويغمد روحهم آلجنـه ويصبرك.. |
مشكورين ع ردود |
مرحبا اشحااالك؟؟ موضوووعك مؤثر.. اثر فيني .. والرد على سؤالك.. انته مب السبب هذا قضاء وقدر.. والواحد منا ما يعرف متى بيموت.. بس ان شاءالله استفدت من هالتجربه.. واتمنى من كل الشباب يتعضون من اخطائهم.. ترحم على ربعك .. ولا تقطع اهلم..تواصل معاهم حتى لو سلام عالتلفون ..عسب يحسون انك شرات ولدهم.. واما بالنسبه لاخوك .. ف احمد ربك انه عايش وياكم وتسمعون حسه على الاقل.. وووو الحمدلله على سلامتك.. اممم الله يرحمهم ويغفر لهم.. |
| الساعة الآن 03:31 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir