|
ابيك شي ما يغفل عني دقيقه .. ابيك شي ما يغفل عني دقيقه .. بعرفكم عالشخصيات : عائلة بوسيف بوسيف : عبدالله ريال طيب ومعروف ف البلاد وايد يحب عياله ويخاف عليهم . ام سيف : متوفيه وطبعا هي اجنبيه . سيف : اكبر واحد عمره 24 طيب و يشتغل ف الشرطة وايد يحب وخواته . سالم : عمره 23 يدرس هندسه طيب ويحب خواته ووايد معاهم . فطامي : عمرها 19 جميييله شعرها اشقر وعيونها بني تدرس ف لندن جامعة أكسفورد هي اكثر وحده تأثرت بموت أمها التوأم : دانه وسلامه جميلين وعمرهم 17 صف ثاني ثنويي وهم واايد مع بعض ، دانه واايد تشبه أمها لون عيونها عسليات وبييضه ولون شعرها اشقر على أمها . البارت الأول : بيت بوسيف : دانه وسلامه توهم راجعين من المدرسه دانه : ونااسه فطامي بتي اليوم سلامه : هييه لازم نسويلها شي دانه : شو رايج نسويلها الكيكه اللي تحبها سلامه : اوكي بس بنشوف اذا شي ناقصنه بنروح الجمعيه دانه : اوكي شافو ابوهم يالس يقرا الجريده راحو سلموا عليه وقعدوا وياه سلامه : ابويه متى بتوصل فطامي بو سيف : تقريبا عالساعه خمس بتوصل دانه : منو بيروح المطار عشان ييبها ؟ بوسيف : سيف بيروح وراها سلامه : زيين توصل بالسلامه دانه : سلامه يلا تعالي بنصلي وبنروح المطبخ عشان انسوي الكيك سلامه : هيييه صح يلا راحوا الغرفه بدلوا وصلوا وراحوا المطبخ سلامه : شوفي اذا شي ناقص عشان نروح الجمعيه دانه وهي اتشوف اذا شي ناقص : ممم اقولج وايد أشياء ناقصه لازم انروح الجمعيه سلامه : اوكي تعالي نقول حق ابوي راحوا عند ابوهم دانه : ابويه نبا نروح الجمعية نشتري أغراض حق الكيكه بو سيف : اوكي قولوا حق البوديقارد عشان يودونكم سلامه : انشالله بوسيف : عندكم فلوس ؟ سلامه : هيه ابويه عندنا لا تحاتي بوسيف : اوكي روحوا الله حافظنكم تلبسوا سلامه ودانه عسب يروحون الجمعيه دانه : ميري ..... ميري ميري : ها مدام دانه دانه : قلتي حق البوديقارد بنسير الجمعيه ميري : هيه انا فيه قول هو داخل سياره دانه : اوكي يلا سلامه ف السياره البوديقارد : عادل + محمد دانه : عادل شغل الأغاني عادل : انشالله عمتي دانه : اففف لا تقول عمتي تحسسني اني كبيره قول دااانه .. د ا ن ه عادل يضحك : انشالله دانه وشغل الأغاني لين ما وصلوا الجمعيه نزلوا دانه و سلامه ووراهم البوديقارد * البوديقارد يلبسون كل شي اسود ويلسون السماعه * راحت دانه صوب الحلويات لزوم السهره وسلامه صوب البكن بودر وهالأشياء كانت دانه تشتري جالكسي ونوتيلا شافت بنت جميلله يعني تقريبًا عمرها 5 سنوات |
ابيك شي ما يغفل عني دقيقه .. البارت الثاني : كانت دانه تشتري جالكسي ونوتيلا شافت بنت جميله تقريبا عمرها 5 سنوات كانت تصيح شكلها مضيعه راحت دانه صوبها دانه : ليش اتصيحين حبيبتي البنت تصيح : ابا رشوود دانه : انزين حبيبتي انتي لا تصيحين بندور رشود البنت : اوكي دانه : انتي شسمج البنت : شواخي راحت دانه مع شواخي عشان تدور راشد اخو شواخي شواخي : رااشد راشد دانه : وينه شواخي وهي فرحانه : هذا وراحت عنده راشد : شواخي ! شواخي : رااشد راشد : وين كنتي وين رحت شواخي تأشر على دانه وراحو صوبها : انا وربيعتي دانه عنا ندورك راشد ابتسم : مشكوره اختي دانه وهي منحرجه : العفو ولو وابتسمت راحت دانه عنهم وراحت صوب سلامه سلامه : وينج تأخرتي دانه : ها .... ا لا عادي ما تأخرت يلا نروح فطامي بتوصل سلامه : يلا وراحو سلامه ودانه البيت وسوا الكيكه وراحوا تكشخوا ولبسوا نفس الشي في مطار دبي : وصلت فطامي المطار هي وربيعاتها فطامي : ااه واخيراً وصلنا فديت دار خليفه والله عاشينه : هيه والله فطامي : بتصل حق سواف بشوف وينه * وغمزت حق عاشينه * عاشينه استحت فطامي : الو هلا سواف سواف : اهلين هلا والله بفطامي شيخة البنات ها وصلتي فطامي : هيه وصلت انت وينك سواف : ف الانتضار اترياج فطامي : يلا انا يايه صوبك سواف اوكي وسلمي عالعرب اللي صوبج فطامي : اقولك سوواف يلا باي وهي تضحك فطامي : اقولج عاشينه شي عرب يسلمون عليج عاشينه انحرجت : الله يسلمهم اا يلا ابوي وصل انا رايحه وسلمت على ربيعاتها وراحت وراحت فطامي صوب سواف فطامي : هلا والله بأخوي حبيبي سواف : اهلييين شخبارج والله مب شي البيت من دونج فطامي : ادري مب شي البييت من دوني احححم سواف : اقولج يلا نروح مشكله اللي يصدقون عمارهم بعد فطامي ضحكت اما فبيت بوسيف : في الصاله سالم وبوسيف ودانه وسلامه يتريون فطامي دانه : اففف تأخروا بتصل فيهم سالم : توج متصله تري انفتح الباب ودخلت فطامي سلامه ودانه : فطاامي حبيبتي فطامي : هلا والله بخواتي لوت عليهم وراحت صوب ابوها وسلمت عليه وسلمت على سالم ويلست بوسيف : ها بنيتي فطامي شو الدراسه وياج فطامي : والله ماشي الحال بوسيف : عاد شدي حيلج نبا امتياز مع مرتبة الشرف فطامي : على هالعين سلامه : فطامي سوينا لج الكيكه اللي تحبينها فطامي فرحت : صجج يلا ايبوها سالم : خيييبه جنه اول مره بتاكل فطامي : هييه بعد شو راحت سلامه اتيب الكيكه قصوها وطبعا فطامي قضضت عليه وعقبها تموا يسولفون لين اذان المغرب وقاموا كلهم يصلون ف غرفة فطامي ترمس ربيعاتها عالتلفون ودق الباب فطامي : الباب مفتوح وترمس ربيعاتها اقولكم عقب بتصل فيكم دخلوا سلامه ودانه فطامي هلا والله بخواتي تعالو سلامي : بني من دون ما تقولين هههه دانه : هههه فطامي : ههه ها شو المدرسه وياكم دانه : افف لا تذكريني والله انه ارف هالمدرسه مادري متى بنفتك منه سلامه : هيه والله فطامي : عاد نبا نسبه ترفع الراس سلامه ودانه : انشالله سلامه : تقولج فطامي متى بترجعين لندن فطامي : اشوفكم مليتوا مني سلامه : وحدد يمل من فطامي شيخة البنات لا والله بس اسألج عسب كل يوم نطلع فطامي : اوككي من غير مطرود بس ابا انام سلامه و دانه : اوكي نوم العوافي وطلعوا |
ابيك شي ما يغفل عني دقيقه .. البارت الثالث مر هالأسبوع بسرعه وفطامي ما سلمت من خواتها كل يوم بطلعون واليوم اخر يوم حق فطامي في الامارات وبترد لندن عسب دراستها كلهم كانو يالسين يتريقون دانه : بسرعه مر هالأسبوع سلامه : هيه وبتروح فطامي لندن بنشتاقلج فطامي : وانا اكثر والله انزين ليش ما تون دانه : هيه ابويه نبا انروح نحن بعد بوسيف : انا ماقدر عندي اشغال وبعدني ما خلصته شوفي سيف او سالم سيف : عادي بروح وياكم بس مب هالأسبوع عالأسبوع الياي سلامه : يسسس اوكي مشكور سوااف طبعاً سيف رضا يروح لندن عسب يشوف عاشينه اكيد بتقولون سيف كيف يعرف عاشينه مره فطامي عزمت ربيعاتها بيتهم : مروه - عاشينه - شما عاشينه : اقوولج فطامي انا عطشانه عادي اروح المطبخ اييب ماي فطامي : هيه فديتج عادي وييبي حقي بعد شما ومره : نحن بعد نبا عاشينه : اووكي طلعت عاشينه من الغرفة وهي تغني : تسألون انا ويني انا وحدي اعاني العذاب اللي فيني ... لين ما وصلت المطبخ وطبعا هي لابسه تنوره وقميص وحاطه الشبله على كتفها وما انتبهت لسيف الي ف المطبخ وطبعا سيف انصدم منو هاي وحسس انه ربيعة فطامي وتوهق ما عرف شو يسوي سيف : احم احم عاشينه انصدممت وسيده تحجبت : اا انا اسسفه سيف : لا عادي اختي ابتسم وطلع عاشينه : افف انا شسويت وسيده خذت الماي وراحت فوق غرقة فطامي شما : زين ييتي حشا مب ماي بتيبين عاشينه : ها هيي ترا انا ما كنت ادل وين المطبخ شما : هيه ماشاءالله * شما حست انه عاشينه فيها شي لانه من يت من المطبخ وهي ساكته * وطبعاً بعد ما استأنسوا ربيعات فطامي وراحو بيتهم الفليل فطامي يالسه ف الصاله تلعب بتلفونها ودخل سيف سيف : السلام عليكم فطامي : هلاا وعليكم السلام والرحمه سيف : اا فطامي بقولج شي بس ماباج تفهمين غلط فطامي عدلت ف يلستها : تفضل * سيف وفطامي وايد مع بعض ووايد يفهمون بعض من بعد موت امهم * سيف : فطامي منو هاي العصر اللي يت المطبخ فطامي : يمكن سلامه او دانه سيف : لااا وحده اول مره اشوفها فطامي تذكرت يوم عاشينه قلتلها بتروح المطبخ : هييييه هاي عاشينه ربيعتي سيف يعني اسمها عاشينه : هييه عليج نور يعني هذي ربيعتج فطامي : هيه ليش فيه شي ؟ سيف قالها السالفه يوم كانت تغني وما انتبهت فطامي نقععت ضححك : هههههههه وانا اقول ليش يوم يت محمره وساكثه اثاريها شافتك سيف : والله وطلعوا ربيعاتج حلوين فطامي : شكللك انعجبت فيها سيف انحرج : يلا تصبحين على خير وانتي هدي اللي فايدج وروحي نامي فطامي : انشالله *ومن اهنه بدت قصة سيف وعاشينه * بوسيف : فطامي جهزتي اغراضج فطامي : هيه ابويه جهزت كل شي لا تحاتي بوسيف : الله يوفقج وين ما كنتي فطامي ابتسمت وباست راس ابوها : امين سالم : يلا فطامي نروح عن نتأخر فطامي : انشالله وقامت فطامي سلمت على ابوها وخواتها وعلى سيف ووداها سالم المطار سالم : ما تبين شي فطامي فطامي : لا سلامتك اخوي بس دير بالك على دانه وسلامه ولا تنسى ادوية ابوي سالم : على هالعين فطامي : تسلم اووه هاذوهم ربيعاتي يلا سالم مع السلامه سالم : الله وياج اختي وديري بالج على نفسج وشدي حيلج فطامي : انشالله واحت صوب ربيعاتها مروه : يلا نروح كلهم : يلا وركبوا الطياره وترتيبهم عاليمين فطامي صوب الدريشه عقب عاشينه عقب شما ومره عاليسار مع عائله اجنبيه وداقه وياهم سوالف فطامي : افف متى بنوصل تعبنا عاشينه : افف بنوصل وبنشوف منى اكرره شي شما : هييه بس انا ناويه عليها * شما تحب تسوي مشاكل ودايماً تضارب ويا منى اللي وياهم ف الجامعه * ووصلو لندن وراحو الجامعه وف السكن مروه : ابا اناام عاشينه : اقولكم سمعتوا الجامعه اونه بتطلعنا رحله يعني كلنا الاولاد والبنات *جامعتهم مكس اولاد وبنات * فطامي : هيه سمعت شما : اقولكم بخاطري اسوي شي ف الاولاد فطامي : الله كششخه صح لازم نسوي شي يلا فكرررو شما : امممم شو رايكم نحطي اصوات ف سكنهم ونخوفهم مروه : اووكي هههه ما اتخيل شكلهم فطامي : هههه يلا انزين الحين بنام عاشينه : اوكي |
ابيك شي ما يغفل عني دقيقه .. البارت الرابع : وعالساعه 12 بتوقيت لندن قاموا البنات وتكشخوا عاشينه : اقولكم تعالو نروح المطعم اللي صوب الجامعه يبيعون كابتشينو وبعدها بنروح البحر فطامي : هيه والله بخاطري كابتشينو مروه : عيلا يلا نروح طبعا راحو كلهم المطعم خذولهم كابتشينو وطلو شما : افف لازم انشوف هالأنسانه مادانيهها فطامي : خليج منها توللي مروه : يلا نروح البحر كلهم : يلا راحوا البحر ويلسوا عالكراسي اللي صوب البحر مروه : ااه اشتقت لأمي كلهم صدوا صوبها مروه : ادري استغربتوا انا امي توفت وابوي تزوج وحده ثانيه وانا عايشه مع ابوي الحين بس حرمته مب زينه تكرهني جنه مسوتلها شي فطامي : يعني انتي ما عندج اخوان او خوات من امج مروه : لا ما عندي ، بس عندي اختين من ابوي طبعا نوره طيبه وجنها اختي من امي تدافع عني معنها اصغر عني يعني تقريباً عمرها 17 والثانيه ساره مثل امهاا هي ف الجامعه بس همها كشختها والفلوس وطبعا دايماً تضارب وياي لانها تغار وولدين يوسف و حمد وهم بعد مثل امهم يكرهوني وهمهم السياره والفلوس والله ما احس انه عندي اخو يدافع عني بس تنهدت الله كريم شما : شنسوي هذي الحياة بس اصبري وانشالله الياي احلى كلهم : انشالله عاشينه تبا تغير جو : انزيين اقولكم متى بنخوف الشباب ؟ شما : هييه صح لازم نخوفهم فطامي طلعي اصوات جي تخوف فطامي : اوكي يوم بنرد السكن بطلع الاصوات شما : بنخوفهم الفليل يوم بيكونون نايمين عاشينه نقعت ضحك : ههههههه ما اتخيل اشكالهم فطامي : هيه صج ما قلتلكم يوم الأحد دانه وسلامه وسواف بيون وغمزت حق عاشينه عاشينه : استغففر الله ليش انزين تغمزين حقي مروه : هههه فطامي لا تغمزين لها تستححي طاعي كيف احمرت عاشينه انحرجت : جب جب كلهم : هههههههههههه شما : اقولكم يلا نرجع السكن كلهم : اوكي يلا وراحو السكن الي ف الجامعه شما : يلا فطامي طلعي الاصوات فطامي : اوكي بس كيف بنحطي الاصوات شما : ممممم فطامي : هيه صح بنشبك الـ لاب توب مالنا ويا مالهم بندخل الحين بنفتحه وبنشبكه وبنطلع وكل ساعه بنغير الصوت شما : والله فكره يلا تعالو نروح مروه : شما انتي اوقفي في الممر راقبي اذا المشرف يا قولي وعاشينه انتي صوب باب السكن واذا احد يا قولي وانا بكون مع فطامي عشان تشبك الاب كلهم : اوكي فطامي خذت ال لاب توب مالها وراحو سكن الشباب ومن حظهم محد ف السكن وشبكو الاب توب مالها على مالهم وفتحته وراحو بسرعه سكنوهم عاشينه : افف الحمدالله جنه قاعدين نسرق مروه : هييه والله زين محد يا فطامي : اقولكم اسمعو هاه يخووف صج ههههه شما : هيه اوكي ها نزلي كم واحد وطبعاً تمت فطامي تنزل اصوات تخوف وعاشينه ومروه يقرون روايه وشما منسدحه عالشبريه فطامي : خلصت شما : الساعه 12 بنشغل الاصوات فطامي : اوكي واستوا الساعه 12 الفليل كلهم متجمعين صوب ال لاب توب شما : يلا فطامي شغلي عاشينه : افف كيف متحمسه بخاطري اشوف اشكالهم ههههههاي كلهم : ههههه فطامي : يلا 1 ... 2 ... 3 ... وشغلت ف سكن الاولاد كلهم نايمين ولا حاسين بالي قاعد يصير رشود : افففف ميود سكر التلفزيون مايد :-------------------- رشود : استغفر الله وقام عسب يسكر التلفزيون شاف انه مسكر استغرب من وين هالصوت رشود : شباب ... شباب قوموا من وين هالصوت وطبعا البنات كل شوي يزيدون عالصوت لين ما قاموا كل الشباب مايد : بسم الله من وين هالصوت نهيان : لا يكون شي الجن ونحن ما ندري رشود : قم قم نشوف ف الممر وطلعو كلهم ما حصلوا شي عند البنات : مروه : بخاطري اشووف شو استوا عاشينه : اقولج شو رايج نروح ونشوف مروه : يلا فطامي : تستهبلون كيف بتروحون عن يشوفونكم عاشينه : لا ما بيشوفون فطامي : كيفكم وراحوا مروه وعاشينه يشوفون وكانو الاولاد ف الممر نهيان صد الصوب الثاني حس انه حد موجود تم يمشي شوي شوي لين ما عرف انه البنات نهيان : الله يخسهم هذيل البنات رشود : شيييت قول والله نهيان : والله مايد : الله يخسهم لا نسوي لهم مقلب بعد وطبعا مروه و عاشينه من بعد ما شافو انه واحد منهم شافهم ركضوا السكن عاشينه : عرفوااا انه نحن شما : شيييت يعني شافوكم مروه : هيييه ماشالله عليهم هي عيون عليهم فطامي : قلتلكم عيل خلاص بسكر الاصوات شما : بس المهم خوفناهم ههههههههه ويين ردودكم ؟؟؟ |
اتمنى اطولين البارت لانه قصييير :smilies-116: |
ابيك شي ما يغفل عني دقيقه .. البارت الخامس : وبعد اسبوع سافروا دانه وسلامه وسيف لندن عسب يشوفون فطامي ف الشقه : سلامه : اقولك سيف اتصل ف فطامي وقولها انه وصلنا سيف : اوكي وفطامي كانت ويا ربيعاتها عاشينه : اقولكم ترا باجر بنروح الرحله مروه : وين بنروح فطامي : انا سمعت الاولاد يقولون بنروح الحديقة شما : دايماً هالمكان وننحن نسحب عليهم ورن تلفون فطامي والمتصل سيف : سيف : الو السلام عليكم فطامي : وعليكم السلام هلا سواف سيف : اقولج ترا نحن وصلنا فطامي فرحت : صججج وينكم سب أي عندكم سيف : الحين بنرتاح عقب تعالي عندنا فطامي : اوكي وهييه صح الحمدالله عالسلامه سيف : الله يسلمج يلا الحين بنام يوم بنقوم بقولج فطامي : اووكي وسكرت فطامي : عييل زين بنطلع باجر لانه اليوم بتحوط ويا التوأم وسواف شما : ليش وصلوا ؟ فطامي : هيه وبعد ما ارتاحوا سيف وسلامه و دانه سيف : بتصل ف فطامي بقولها نحن بنيي ندها * طبعاً البوديقارد وياهم * واتصل : سيف : اقولج فطامي وين جامعتكم فطامي : دلته وين المكان سيف : اوكي نحن بني وراج فطامي : اوكي اترياكم مروه : اقولكم تعالو نطلع نششم هوى كلهم : اوكي يلا فطامي : انا ما اروم أي وياكم لانه بطلع ويا قوم سواف مروه : هييه صح عيل نحن بنروح نشم هوى فطامي : اوكي وطبعاً راحوا يتمشون ويشمون هوى ووصلوا قوم سيف سلامه : اتصل ف فطامي قولها نحن صوب الجامعه سيف : هيه الحين بتصل واتصل سواف ف فطامي وقالها انه هم تحت فطامي : اوكي بلبس شيلتي وبي ** طبعاً قوم فطامي ف لندن ما يلبسون عباية يلبسون بنطلون وقميص وجاكيت طويل لانه الحين برد عندهم * اما عند قوم مروه عاشينه : شيييت نسيت الايفون شما : اوكي روحي اييبيه نحن بنترياج عاشينه : اوكي راحت عاشينه الجامعه وطبعا فطامي بعدها ما راحت عند خواتها سلامه : دانه هاي مب عاشينه ربيعة فطامي دانه : هيه هي على ما اظن عاشينه شافتهم وراحت عندهم وما انتبت لسيف اللي وياهم عاشينه : هلا والله بدانه وسلامه وانا اقول ليش لندن منوره دانه وسلامه : اهلين منوره بأهلها عاشينه : ليش واقفين اهنه عقب انتبهت لسيف اللي من يت وهو قاعد يطالعها وعاشينه انحرجت لانه ما شافته وخذت راحتها ف الكلام سلامه : نتريا ست الحسن والدلال تي اوونه بس بتلبس شيلتها ويتي واتأخرت عاشينه : تعالو انزين بوديكم عسب تيلسون كلهم : اوكي يلا عاشينه : بقول حق فطامي انكم تتريونها اهنه دانه : اوكي وراحت عاشينه فوق * السكن * وقالت حق فطامي انه قوم دانه يتريونها وشلت تلفونها وطلعت مع فطامي عاشينه : يلا انا بروح ما تبين شي فطامي : لا سلامتج وراحت عاشينه عند قوم مروه وفطامي ويا خواتها وتموا يتمشون وخلت مكان ما ودتهم فيه وطبعا سيف باله ف مكاان بعيد يفكر بـ عاشينه اللي كل ما يشوفها ما يدري شو يصير فيه وطبعاً بعد ما استأنسوا عالفليل رجعوا قوم سيف الشقه دانه : افف تعبنا سلامه : هيه بس كانت حلوه الطلعه سيف : هيه يلا روحوا نامو كلهم : اوكي سيف : تصبحون على خير وراح ينام *طبعاً البوديقارد شقه بروحهم عسب ياخذون راحتهم * واليوم الثاني الصبح الساعه 9 بتوقيت لندن قامت دانه من حلم مخيف وشافت انه الكل نايم دانه : لازم اروح اشوف فطامي احس انه فيها شي وقامت تلبست وطلعت شوي شوي من الشقه عسب محد يحس وتمت تمشي بروحها ف الشارع وطبعا راشد كان يتحوط طبعاً الشباب كلهم مأجرين سياره سبورتيه ويتسابقون وراشد كان مزيد ع صوت الاغاني ومسرع وكانت دانه تمشي وشكلها مضيعه المكان لاحظ راشد انه البنت هاي نفسها اللي كانت ف الجمعيه مع اخته ووقف السياره صوبها وهرن دانه صدت وخافت لانه هيه بروحها راشد يوم شاف شكلها حس انه هالشكل مب غريب عليه راشد : تفضلي اختي انا بوصلج دانه : لا عادي اقدر اروح بروحي راشد هاي كيف طالعه بروحها وفهالوقت : والله بس بوصلج لا تفهمين غلط دانه حست انه صادق فكلامه وركبت معاه * دانه فيها الربو واذا خافت من شي اتم تكح وما تقدر تتنفس * وراشد كان يسرع وسألها : وين رايحه دانه ماعرفت شو تقوله لانه هي اصلا ما تعرف شو اسم جامعة فطامي وتوهقت دانه : اا ويت شوي واتصلت ف فطامي وسألتها عن اسم جامعتهم وجذبت انه اونه ربيعتها تسألها عن الاسم دانه : اا ودني جامعة اكسفورد راشد استغرب : الجامعه انتي تدرسين هناك دانه : لا ، بس بشوف اختتي وراشد طبعا بعده يسرع ودانه خيفانه واحمرررت وتمت تكح دانه : لو سمحت اخوي خف السرعه شوي راشد انتبه على عمره انه هو مب بروحه : اووه السموحه اختي بس دانه تمت تكح وا قدرت تتنفس وراشد خاف و وداها المستشفى |
ابيك شي ما يغفل عني دقيقه .. البارت السادس : ف المستشفى دانه ف الغرفة وحاطين مال البخاخ حقها وماكنت متحجبة عدل خصلات شعرها الاشقر ع ويها وراشد كان بيدخل بس انتبه انها مب متحجبه عدل انعجب فيها و ف جمالها كانت دانه بيضه وشعرها اشقر وهي وايد تشبه امها يعني اللي يشوفها يتحسبها اجنبيه . دق الباب راشد دانه عدلت شيلتها : تفضل دخل راشد : الحمدالله على السلامة دانه ابتسمت : الله يسلمك راشد : السموحه اختي بس اا شسمج دانه : اسمي دانه راشد : عاشت الاسامي وانا راشد دانه : عاشت ايامك راشد : السموحه اختي ما عرفت انه فيج الربو دانه : لا عادي حصل خير ودخلت السستر وقالت انه خلاص تقدر تطلع دانه وف الشقه : قامت سلامه ما حصلت دانه وراحت عند سيف ودقت الباب سيف : الباب مفتوح سلامه : صباح الخير سيف ابتسم : صباح النور سلامه يلست : ابوي ما اتصل سيف : هيه اتصل وسألني عنكم كنتوا نايمين سلم عليكم سلامه : الله يسلمه ......... هيه صح دانه وينها ما شفتها سيف : ليش مب نايمه سلامه : لا سيف : ما قالتلج بتروح مكان او شي سلامه خافت : لا ماقالت سيف : ويت بتصل فيها ودانه توها كانت طالعه مع راشد من المستشفى ووداها الجامعه عند قوم فطامي راشد : ما تبين شي دانه : لا مشكور وراح راشد عند ربعه وهو يفكر ف دانه وبعده متلوم عـ اللي سواه اما عند دانه اتصل فيها سيف دانه : الو سيف : الو هلا دانه وينج ؟ دانه : لا تخافون انا عند فطامي سيف : انزين ليش ما قلتي حق عادل يي وياج دانه : لا ماله داعي انا شوي وبي سيف : اوكي لا تتأخرين دانه افف الحين شسوي كيف بحصل فطامي المشكله انا ما عندي رقمها وشافتها منى بوصفلكم منى : منى جميله بس مب مثل جمال دانه او فطامي جمالها عادي طبعا منى وايد تغار من قوم فطامي ودايما تسويلهم مشاكل بس طبعاً ما تروم عليهم واتحب واحد من الشباب واللي هو وليد بس وليد ما يسويلها سالفه منى : هلا والله انتي يديده ف الجامعه دانه : اا لا انا ييت عسب اشوف اختي منى : اختتتج !! شسمها دانه : فاطمه عبدالله الـ**** منى الحيين هاي اخت فطامي : هييه انتي اخت فطامي روحي فوق غرفه رقم *** ها غرفتهم دانه : اوكي مشكوره وراحت دانه عند فطامي وتمت تسولف وياها فطامي : هييه صح ترا اليوم ما بروم اطلع وياكم لانه بيودونها رحله دانه : اونه وين فطامي : بيودونا جي مثل حديقه بسس طر هالحديقه دانه : اوكي استانسي فطامي : اكييد وراحت دانه الشقه طبعا فطامي وصلتها وراحت السكن مروه : اقولكم تعالو نروح هالمول اللي صوبنا من زمان ما شريت لي شي شما : هيه صح شو رايكم نروح فطامي : اوكي بس لازم نرد بسرعه لانه عالعصر بنروح الحديقه كلهم : اوكي وراحو المول كلهم مروه : تعالو هالمحل بخاطري ها كاكاو فطامي لا بنروح هذاك بشتري بدل شما : خلاص انا ومروه بنروح هالمحل مال الحلويات وانتي وعاشينه روحو المحل الثاني كلهم : اوكي يلا عند مروه وشما كانت شما تشتري بعيد عن مروه شوي شافت ولد صغير كيوووت مع امه وعقب راحت الصوب الثاني دعمت امه بالغلط الام : اوووبس سوري والله ما شفتج شما : لا عادي وابتسمت طبعا مروه كانت يايه صوب شما وشافت الموقف مروه : واايد تشبهج جنها توأمج شما : يخلق من الشبه اربعين مروه : هييه والله صدقج يلا نروح عند قووم فطامي اكيد معصبين لانه تأخرنا شما : ههههه يلا وراحو عند قوم فطامي وخذولهم كابتشينو وطلعوا شما : اقولكم ترا بعددده لين ما نروح الحديقه تعالو نروح البحر فطامي : متفيجه خللي باجر شما : يلا بليييز فطامي : اوكي يلا وراحو البحر ويلسوا وتموا يسولفون وعقب ردوا السكن عسب يتجهزون حق الطلعه واستوا العصر وركبوا الباص اللي بيوديهم الحديقه تقريبا بياخذون ساعتين لين ما يوصلون لانه المنطقه شوي بعيده ف الباص كانو الاولاد يغنون ويستهبلون وكلهم فرحانين ومستأنسين ووصلوا الحديقه واستأنسوا ولعبوا وردوا الجامعه الفليل ف سكن الاولاد حمدان : والله كان طرر الرحله راشد : هيه والله مايد : افف تعبان يلا نام من يوم الاحد بنبدا دراسه حمدان : اخخ هيه والله يلا نام اما عند البنات من وصلوا غيروا ثيابهم وسيييده ناموا واليوم الثاني : قامت فطامي وقومت مروه وشما وعاشينه فطامي : والله امس كان طرر مروه : هيه والله لعبنا من الخاطر فطامي : تدرون انه اليوم يوم الام وسمعت انه الجامعه بتحتفل عاشينه اضايقت : انا بنزل تحت ونزلت شما : بلاها عاشينه كل ما انييب طاري الام تضايق فطامي : هيه والله هيه اببد ما ترمس عن اهلها مروه : احسها تغمض شما : هيه بس لازم نعرف ليش يوم انييب طاري الام تضايق |
رواية ابيك شي ما يغفل عني دقيقه البارت السابع : اما عند قوم سيف سلامه : اشتققت لأبووي فدييته والله دانه : وانا اكثرر ، اقولك سواف متى بنرجع الامارات سيف : باجر انشاءالله دانه : عيل يلا نطلع أبا اتحوط واخخم السوووق سيف : اسمييني بفلس اليوم سلامه : ههههههه اما عند قوم فطامي شما : اقولكم تعالوا انروح نشوف عاشينه اتأخرت فطامي : خلوها ع راحتها عقب بنسألها كلهم : اووكي والفليل رجعت عاشينه السكن ويباين عليها التعب ما رمست حد وسيده انسدحت واتلحفت وكلهم مستغربين منها ليش متضايقه وعقب كم من ساعه سمعوا عاشينه تصيح فطامي وايد حزنت ع حالة ربيعتها وقررت انها تسألها شو اللي مضايقنها فطامي : عاشينه عاشينه : --------------------------- فطامي : ادري انج مب نايمه الله يخليج قومي قولي لنا شو اللي مضايقنج عاشينه وهي تصيح : الله يخليج خليني انام تعبانه أبا ارتاح فطامي خلتها ع راحتها وعاليوم الثاني اتصل سيف ل فطامي اللي ما ياها رقاد وهي تفكر ف عاشينه فطامي : الو سيف : هلا والله ب فطامي شخبارج فطامي : يسرك الحال وانت شخبارك سيف : الحمدالله ترا انا متصل فيج عسب اقولج انه نحن ف المطار بنرجع الامارات فطامي شهقت : لييش ما قلتلي من قبل جان ييت وسلمت عليكم سيف : ما يباله حبيبتي يلا الحين لازم نركب الطياره تحملي ع عمرج وشدي حيلج ووو سلمي عالعرب فطامي ابتسمت : انشالله اخوي تردون بالسلامه سيف : الله يسلمج مع السلامه وبند عنها وبعد ما قاموا البنات شما : اقولكم تعالو نروح البحر * البنات دايماً يروحون البحر لانه احلى مكان ويرتاحون فيه * ف البحر مروه : عاشينه انتي من امس مب على بعضج قولي لنا شو اللي مضايق بج عاشينه ابتسمت : ولا ششي شما : الله يخليج عاشينه قولي ارمسسي اذا ما قلتي لنا بتقولين حق منو عاشينه : شو تبون اقولكم فطامي : عاشينه ليش يوم انييب طاري الام تضايقين عاشينه : ........ اوكي بقولكم شوفوا انا امي اجنبيه وهي ما كانت زينه ويا ابوي كانت تبا حلاله بس ابوي عرف وطلقها وما اتزوج غيرها انا ما عندي خوات بس عندي هزاع اللي هو اكبر واحد واصغغر واحد ناصر انتوا تعرفون اني وايد مع ابوي واايد اعزه واحترمه بعد ما عرفت عن سالفة امي اللي كنت اتحسبها انها توفت كرهتهاا وكل ما اتيبون طاري الام احززن لانه الله ما عطاني اتحبنا ودافع عنها نزلت دمعه من عينها انا انحرمت من حنانها ابتسمت اذككر أيام المدرسه كانوا دايماً يسوون مجلس الأمهات او حفلة يوم الام ويعزمون كل الأمهات وكلهم يون وكل بنت تكرم أمها وتعطيها وردة ما كنت احظر المدرسه لانه احس شكلي غلط صاحت كنت اكره هاليوم والسبه امي وتمت تصيح ما قدرت تكمل كللهم انصدموا و حزنوا على حال عاشينه شما دمعت : عاشينه انتي المفروض تستأنسين انه الله عطاج احلى أبو فهالدنيا يحبج ويخاف عليج واخوان يحبونج ويطلعونج ويخافون عليج ترا في ناس يتمنون اللي انتي فيه الحين يتمنون لو عندهم ام او أبو اخت او اخو انتي المفروض تحمدين ربج وتشكرينه على هالنعمه مروه تبا تغير جو : اقولكم تعالو نتمشى عالشاطئ الجمييل لنعق كل همومنا و كانت بتكمل بس فطامي قاطعتها فطامي : بس بس تعبييير هو لا بعد نعقق الله واكبر اللغة العربية في خطر كلهم : ههههههه مروه : ههههه ذكرتيني بأيام المدرسه فطامي : انزين يلا كل وحده تقول شو تسوي ف ابلواتها أيام المدرسه مروه : انا اول وحده بقول فطامي : لا انزين ابدي مروه : الله يسلمكم كان هاك اليوم الفرصه طوييله والرابعه علينا دين ف دق الجرس بداية الحصه الرابعه والبنات كانوا ياكلون حب ف تموا يفرون ع طاولة الابله والكرسي ويت الابله وانصدمت انه كلله حب وتمت تتفلسف وتقول امانه ومادري شو والله لو تشوفون خطها لووووعه لازم تكت هالابله خذت القلم وكتبت عالصبوره الاماانه وتمت ترمس وترمس جان تقولها بنت صفنا خلاص انا بقولج اسم ابوها إبراهيم سيده شافت ربيعتي وخلتهم ييبون المخمه ويخمون والابله مسكينه ما تدي انه عالكرسي بعد حب ويلست عليه وعقب يوم يت ربيعتي عسب تخم الابله قامت وربيعتي سيده راحت صوب الكرسي تنظفه والابله منصدممه كلهم : هههههههههه شما : والله تستاهل ابلة الدين عاشينه : هههههه هيه والله اوييه ما اتخيل شكلها فطامي : هههه هيه والله يلا عاشينه الحين دورج عاشينه : اااا شقول وتموا جي كلهم يذكرون أيام الدراسه ويضحكون وبعد كم يوم ف الامارات وتحديداً مدرسة دانه وسلامه *دانه وسلامه نفس الصف * ف الصف دانه : اقولج سلامه سويتي المشروع مال الرياضيات سلامه : اووه صح نسيت سالفته ليش ما ذكرتيني دانه : نسييت انا بروحي افف لازم أنماط شنسوي الحين اليازية : انا يايبه تلفوني شو رايكم تتصلون ف البوديقارد مالكم عسب يسوولكم ويبونه دانه : هييه صح ايبيه واتصلت ف البوديقارد وقالتله طبعا بيوديه المكتبه عسب يخلصونه بسرعه سلامه : قلتيله ييبه بسرررعه دانه : هيه قلتله ااه والله لولا البوديقارد جان رحنا فيها سلامه : هيه والله ميره : عافان الله ع شو متكبرات مادري * ميره وايد تغار من قوم دانه وكانت ترمس ربيعتها* ودانه سمعتها يوم جي تتقول دانه : اليازيه انا متكبرره مشكله اللي يغارون لا تحاولين تلعبين علينا هه ميره فهمت انه الكلام موجه حقها ميره فخاطرها انا براويج عيل انا ميره الـ**** جي تقولين بتندمين عالكلام اللي قلتيه يا دانه نهايةة البارت وين ردوودكم ؟ |
البارت الثامن : اما عند سيف كان ف الدوام ويفكر ف عاشينه ما شافها الا مره بخاطره يرمسها يبا يقول حق فطامي تعطيه رقمها بس اكيد ما بترضى وقد ما يحاول يركز ف شغله وما يفكر فيها بس ما يقدر . سيف : ااه يا عاشينه شو سويتي فيني اما ف لندن عاشينه : باجر بيبدأ اول يوم دوام وبنتخصص فطامي : هيه واايد متحمسه شما : قررتوا شو بتتخصصون ؟ عاشينه : انا الصرااحه أبا أكون دكتوره اطفال فطامي : وانا محاماه شما ومروه : نحن بنتخصص Engineer فطامي : عيل تعالو نسجل الأوراق كلهم : يلا وبعد ما كتبوا ف الأوراق شو بيستوون وعطوه حق إدارة الجامعه راحوا تمشوا ورجعوا السكن عالفليل وسيده ناموا ما عدا مروه ما ياها رقاد فقررت تروح البحر * البحر جريب من الجامعه * وراحت البحر ويلست عالكراسي اللي صوب البحر وطلعت دفتر خواطرها وكتبت فيه مروه دوم جي اذا مشتاقه حق أمها تكتب ف دفترها جنها تشتكي همها للدفتر وعقب سكرت الدفتر وتمت تطالع البحر وتفكر مروه فخاطرها : اشتقت لأمي ليش راحت عني ، ليش خلتني بروحي مع حرمة ابوي نزلت دمعه حاره على خدها تمت تفكر اذا ابوها توفى لا سمح الله شو بيصير فيها وطول هالوقت وليد يشوفها وليد فخاطره : ليش يوم ايي البحر اشوفها ليش كله افكر فيها تنهد وراح صوبها وليد : مروه مروه سيده مسحت دموعها : هلا وليد وليد يلس صوبها : ليش يايه بروحج ما تخافين مروه : بس جي يا فبالي أي البحر وابتسمت وليد تنهد : مروه أبا اقولج شي مادري ليش انتي بالذات يوم اشوفج ارتاح عشان جي بقولج احس اني مهموم ماعرف شسوي ونزل راسه مروه : خير وليد قول شو اللي مضايقنك ؟ وليد : انتي تعرفين انه نحن كبر بعض وانا أبا اكمل دراستي أبا أكون عمري وعقب اتزوج أصلا انا ما افكر بالزواج بس امي غاصبتني اتزوج بنت عمي بس انا ما اباها وما افكر فيها تنهد قبل ما أي لندن فتحت معاي الموضوع بعد قلتلها اني ماباها بس هي مب طايعه الا اتزوجها بس انا عصبت وطلعت من البيت مادري شسوي مادري مروه : انزين على الأقل اخطبها وبعد ما تخلص دراسه تزوجها وليد ااه يا مروه ما تحسين اني اباج انتي مابا غيرج : ما أبا احيرها حقي واخر شي ما اتزوجها او اظلمها وياي مروه انا ما احبها ماباها مروه تنهدت : كلنا عندنا هموم ومشاكل وما نعرف كيف نحلها بس الله كريم وليد : مروه عاددي تقوليلي شفيج ليش دايماً تين البحر وتصيحين ؟ مروه : اااه شقولك وشخلي وليد : قولي لا تمين ساكته ترا والله اذا قلتي بترتاحين وانا اوعدج ما أقول لحد مروه : اشتقت لأمي وليد ضحك : من أسبوع كنت عندهم |
ابيك شي ما يغفل عني دقيقه .. البارت التاسع : مروه ابتسمت : انا امي متوفيه وليد انصددم : اا اسف مروه والله ما كنت ادري مروه : لا عادي *ابتسمت* وليد : انزين اسمعج ومروه قالتله حالتها وانه امها متوفيه مروه : مادري احس صجج ارتحت يوم رمستك وقلتلك وليد ابتسم : من تشوفين عمرج متضايقه تعالي وارمسي عسب ترتاحين مروه ابتسمت : هههه انشالله يلا انا بروح باجر بنبدا الدراسه وليد : هييه يلا تصبحين على خير وراحوا السكن وسيدده نامو واليوم الثاني بيبدون دراسسه : قامت فطامي وقومتهم فطامي : يلا قوموا خستوا رقاد مروه : فطامي يالحيوانه خلينا نام فطامي و هي ماسكه قلاص ماي : منو الحيوانه مروه : منو غيرج فطامي صببت الماي على مروه : ههههههههههه مروه شهققت : فطااامي شما : انتو شو ما تخلون الواحد ينام فطامي : تستاهلين صرخت يلااا قومواا بيدأ اوول كلاس ونحن ما رحنا قوموا وقاموا وتلبسوا كلهم نفس الشي بنطلون وقميص وجاكيت طويل وسكارف مروه : يلا نروح ونزلوا تحت فطامي : اه بسم الله يلا كل وحده ع كلاسها وراحوا كلهم كلاساتهم مروه وشما : engineer فطامي : محاماه عاشينه : دكتوره اطفال فطامي اول مادخلت الكلاس شافت مكان فاضي يلست فيه وعقب دخل مايد وياه صوبها مايد : السلام عليكم فطامي ابتسمت : وعليكم السلام مايد اشر عالكرسي اللي صوبها : عادي ايلس هنيه ولا مكان حد فطامي : عادي ايلس مب مكان حد قعد مايد عالكرسي اللي حذال فطامي : اوو عيل انتي ماحاماه فطامي : هيه نفسسك وتموا يسولفون لين ما دخل السير وتم يعرفهم عالمحاماه وهالأشياء اما عاشينه من حضها محد نفسها مروه وشما مب نفس الكلاس لانه شما اختارت مال تصليح الكمبيوترات وهالأشياء لانها تعرف عن الكمبيوتر وهالأشياء طبعاً شما شافت حمدان لانه نفس تخصصها اما مروه ما شافت حد تعرفهه بعرفكم ع حمدان جمييل ومعضل مثل مايد وطويل وبعد ساعتين خلصوا كلاستاهم طبعا اليوم بما انه اول يوم ف بس عطوهم كلاس واحد عسب يعرفونهم ع تخصصهم اكثر كانت شما تترياهم صوب الكوفي ويا حمدان صوبها حمدان : شما ممكن ارمسج شما : تفضل حمدان : شما انا بقولج شي انا كنت احب وحده وهي وايد تشبهج بس اهلها غصبوها وتزوجت انا ييت اسألج انتي عندج توأم شما استغربت : لا انا ماعندي توأم حمدان : اوكي مع السلامه وسيده راح وكل هالموقف ومنى تشوف حمدان و شما منى فخاطرها : اموت واعرف شو كان يقولها افف من هالبنات لازم ابعدهم عن الشباب اخاف وحده منهم نحب حبيبي وليد بس هه وليد ما بيعطيها سالفه اكيد لانه يحبني بس ما يقول * وايد واثقة من عمرها * بس شما ما عطت السالفه اهميه و شافت قوم فطامي وطلعوا وراحوا يتمشون ومر هالشهور والبنات خلاص تعبوا من شي اسمه جامعه ويا اليوم اللي بيردون فيه الامارات جهزوا اغراضهم وراحوا المطار ووصلوا الامارات وكل وحده راحت بيتها طبعاً ميره بعدها تتوعد لدانه ومخططه لشي ميره : الو السلام عليكم *****: وعليكم والسلام ميره : شوف انا ********** وبسرعه طرشه عسب اسويه **** : بس مب وهقيني وياج انا مالي خص ميره : لا تخاف ما بدخلك ف الموضوع ***: ولا تنسين الفلوس سلم واستلم ميره : افف اوكي اوكي وبعد كم يوم فطامي فطامي اصلت حق ربيعاتها وسوت شبك طبعاً مثل العاده كلهم ردوا ما عادا شما هالبننت رقادها ثقيل وكلله ترقد شما : اووف منو ها اللي يتصل ف هالوقت وردت عالتلفون فطامي : تو الناس شموه جان كملتي رقادج شما : يعني انتوا شو ليش تتصلون من صباح الله خير مروه : ااي صبااح الحين العصر يا مخرفهه شما : افف صبح عصر عادي اههم شي انام وارتاح والله ما شبعت رقاد فطامي : خلوها هااي مخرفه اقولكم تعالو بيتنا عاشينه : لييه انشاءالله كل يوم عيد مروه : لا رمضان فطامي : ههههههههه شما : والله انكم متفيجات فطامي : يلا انزيين تعالو بلييز حراام الله يخليكم عاشينه : خيييبه اوكي انا بي مروه : اوكي انا بعد فطامي : شموه انتي بعد مب تنامين شموه : اوكي فطامي : انا بي وراج شموه : اوكي عند عاشينه : نزلت تحت عند ابوها واخوانها عاشينه : اقول ابوي انا بروح بيت فطامي ربيعتي عادي ؟ ابوها : هيه بنيتي وانا اقدر ارفض لج طلب عاشينه ابتسمت : فدييت ابويه والله هزاع : ونحن وين رحنا عاشينه : فديييتكم كلللكم كله ولا هزاعي هزاع ابتسم : يلا انا رايح عند ربيعي يترياني برع ناصر : انا بي وياك هزاع : اوكي يلا وشل نصور يلا ابوي ما تبا شي بو هزاع : لا سلامتك وانتبه على نصور هزاع : انشالله وراح بو هزاع : عيل انا بروح ارتاحلي شوي عاشينه : اوكي اما عند مروه : كانت يالسه ف الصاله تسولف ويا ابوها بو مروه : عاد اباج تشدين حيلج وتستوين مهندسه مروه : افا عليك انا مروه بنت سالم الـ*** واوعدك اشد حيلي واستوي مهندسه نزلت نوره من فوق مروه : اقولج نوره اليوم بروح بيت فطامي ربيعتي بتين وياي نوره : مادري مروه : تعالي بتستانسين عندها خوات كبرج اتعرفي عليهم حبووباات نوره : اوكي مروه : عيل تعالي نتلبس نوره : يلا مروه : عن اذنك ابوي بو مروه : اذنج معاج وابتسم وراحت فوق وشافتهم ساره ساره : نوره انتي كيف تتمشين مع هاي بتخرببج مروه : اقولج انتي اولاً هاي عندها اسم اذا ما تعرفين اسمي مروه وثاني شي ترا عادي تي ويا انا اختهاا اذا ما تعرفين يلا نوره نروح نلبس بنتأخر ع فطامي هه وراحوا ف الغرفه : نوره : مروه لا تزعلين من ساره هي من يومها جي مروه ابسمت : ولا يهمج عادي انا ما ازعل نوره شافت صوره وراحت صوبها : مروه منو هاي اول مره اشوفها مروه : هاي امي الله يرحمها نوره : الله يرحمها وايد تشبهينها مروه : وها اللي يفرحني كل ما اتذكر اني اشبه امي ، يلا يلا قومي نتلبس بنلبس نفس الشي نوره : اوكي وتلبسوا ولبسوا نفس الشي وتمكيجوا عالخفيف اما شما كانت ناايمه واتصلت فيها فطامي شما وصوتها كله رقاد : الو فطامي : يالحيواانه انتي نايمه شما : هيه ليش فطامي : تستعبطين انا يايه وراج الحين شما قامت : ترا انا ف فندق *** غرفه رقم ** فطامي : ليش انتي ف الفندق شما : يلا من دون اسأله بتلبس وتعالي وراي و بقول ليش انا ف الفندق عسب ما ايلس واعيد الكلام فطامي : اوكي يا ويلج انن رقدتي بعد خيييبه رقاد اهل الكهف شما : ههه يلا باي وبندت ع ويها فطامي : خييبه وعقب راحت ورا شما ودقت الباب شما كانت تترياها : هلا تفضلي دخلت فطامي تحس انها مب داخله غرفة بنت كل شي مفرور بصوب شما : اا سوري ما لحقت انظف فطامي : ماشاءالله عليج يلا تعالي نروح عن يون البنات وانا مب موجوده شما : يلا |
ابيك شي ما يغفل عني دقيقه .. البارت العاشر : ف بيت فطامي فطامي توها يايه مع شما فطامي : الحمدالله ما حد يا شما : هيه اكيد نسوا السالفه فطامي : جي قالولج شما شما ضحكت فطامي : يلا ندخل وراحوا الصالة وطبعا سلامه و دانه مجهزين كل شي فطامي : فديت خواتي والله رحت وييت اشوف كل شي جاهز شما ابتسمت : الله لا يحرمج منهم فطامي : امين ابتسمت يلا انتي ايلسي انا بروح اكشخ بسررعه وبييج شما : اوكي فطامي وهي تصعد الدرج : ترا البيت بيتج وقبل لا تدش غرفتها راحت غرفت التوأم شافتهم يذاكرون فطامي وهي ترمس بسرعه : اقولكم ترا مروه بتييب اختها نوره وياها تلبسوا وهي سنكم يعني سولفوا وياها وجي ولا تستحون يلا باي وسييده راحت غرفتها تلبست بسرعه والحين بتطلع من غرفتها رن تلفونها فطامي : الو عاشينه : اقولج انا تحت تعالي استحي ادخل بروحي فطامي : هيه تخافين اتشوفين الحب هاه عاشينه : جب جب اقولج فطامي : هههه يلا يايه ونزلت وراحت عند عاشينه ودخلتها الصاله وشوي يت مروه واختها نوره وفطامي سقرت خواتها عسب يلسون وياها ويسولفون فطامي : اقولكم تدرون بخاطري اروح ice land شما : هيييه احس طر لو رحنا مروه : عيل شرايكم باجر نروح سلامه : هييه بلييز والله وناسه فطامي : عيل باجر بنروح دانه ترمس نوره دانه : وانتي تعالي مع مروه نوره : اوكي دانه : اقولج مروه يوم بنروح ييبي نورووه وياج مروه : اوكي بييبها سيف ماكان يدري انه ربيعات فطامي ف الصاله كان لابس دريس الشرطه ونازل وعققب انحرج شاف ربيعات فطامي يعني يحسس شكله غلط سيف : اا السلام عليكم كلهم : وعليكم السلام سيف رفع عيونه وشاف عاشينه فررح لانه من زمان ما شافها وابتسم لها وراح عاشينه استحححححت وفخاطرها : ياربييه كيف اشتقت له طاالع جميل مع لبس الشرطه فطامي : اقولكم بما انه مافي حد ف البيت غيرنا شرايكم نلعب دانه : انا عندي بالونات ف الغرفه وكانت بتكمل بس شما قاطعتها *متحمسه البنت* شما : ايبييه بسرعه بنترسه ماي وبنسوي فريقين وبنلعب دانه : اوكي وركضت لغرفتهم تييب البالونات وتموا يلعبون ليين ما تعبوا فطامي : افف الله يخسكم بللتوني ماي مروه : هههه بس اهم شي استأنسنا كلهم : هيه والله سلامه : اقولكم انا ودانه ونوره بنروح فوق مروه : اوكي وراحوا فوق وتموا الاربع بروحهم فطامي تذكرت انه شما قالت انها بتقول شي فطامي : اقولج شما يلا قولي ليش انتي ف الشقه عاشينه : شوو ف الشقه ليش !!! شما تنهدت : ممم لازم اقول مروه : ع راحتج شما : غرييبه مروووه مافيها فضول تعرف مروه : هههه احم شما : اوكي الله يسلمكم انا ************* |
رواية ابيك شي ما يغفل عني دقيقه السلام عليكم والرحمه : - طبعاً انا كتبت تقريباً 10 بارتات بس ما اشوف ردودكم وتشجيعكم .)))= - شرايكمم ف الروايه اكملها ولا ؟؟؟ لاني ما اشوف ااي ردد منكمم |
| الساعة الآن 09:13 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir