|
][أحبك لو بعيد الدار عنك][ [align=center][align=center]السلاااااااااااااااااااااااااااام عليكم.. هذي قصتي احطها بين ايديكم :ast7eee::ast7eee: واهي قصة كويتية اماراتية:66: انتشرت وايد بالكويت بالبلوتوث <<صرت مشهورة احم احم ما ابي اطول تفضلو .. لحظة هع اول شي هذي القصة كاملة للي يبي ينزلها ع الوورد الملف فيه القصة ع الوورد+ع الملاحظات <<للموبايل+اغنية احبك لو بعيد الدار عنك http://www.2shared.com/file/5439059/dc422b2d/____.html «®°·.¸.•°°·.¸¸.•°°·.¸.•°®»البارت الاول«®°·.¸.•°°·.¸¸.•°°·.¸.•°®» تدور أحداث هالقصة في الكويت وفي بيان بالذات عايلة كبيرة تقريبا يدهم ابو محمد متزوج ثلاث حريم مريم و سارة ومنيرة..مريم تكون اول زوجة لابومحمد ويعزها واايد واهي تكون بنت عمه اللي كانو اهلها محيرينها حقه بس مريم توفت عقب ما تزوجها بو محمد بعشر سنين ويابت منه ولدين محمد وفيصل محمد كان عمره 10 سنين بالضبط يوم تتوفى امه وفيصل كان عمره ثلاث سنين .. عقب ما توفت مريم ضاقت الدنيا بسالم اللي اهو بومحمد كان يحبها حب مو طبيعي وما يتخيل حياته بدونها وعاش سنة من الحزن والالم يتحمل فراقها بس اخته ما رضت تشوف اخوها بهالحالة وضغطت عليه عشان يتزوج بس اهو رافض الفكرة... خالدة:انت لازم تتزوج ما يصير تتم بهالحالة سالم:انا جم مرة قايلج هالموضوع منتهي خالدة: مو عشانك عشان العيال حراام منو يهتم فيهم ومنو يداريهم؟؟ سالم: ليش اهمه مثقلين عليج كاج قاعده فالبيت لا شغل ولا مشغله خالدة: مو قصدي جذي انا مو دايمه لهم لازم تييبلك وحدة تعطف عليهم وتربيهم سالم:الله يطول بعمرج ويخليج لهم وفكينا من هالموضوع الله يخليج خالدة: وعمرك انشالله بس انت لازم تتزوج يعني لازم تتزوج سالم: وبعدين يعني ؟؟ ما خلصنا انا ما راح اييبلهم مرت ابو تهاوشهم او تطوول لسانها عليهم خالدة : هههههههههه سالم: قايل نكتة ؟؟ ليش تضحكين؟؟ خالدة: مشكلة انتو الرياييل تعممون الشي ع الحريم كلهم .. سالم الحريم في منهم الزينة وفي الشينة واذا عن جذي انا باخطبلك اطيب مره بهالعالم ما تهاوش عيالك ولا تقوولهم أي كلمة سالم: زين يصير خير خالدة: يعني موافق؟؟ سالم: على شنو؟ خالدة: ع الحرمة اللي باخطبها سالم: بسم الله مداج تلقينها خالدة: افا عليك جاهزة للحلوين سالم: زين يلا روحي حطيلي الغدا حدي يوعاان خالدة: تامر امر بعد اسبووع راحت خالدة حق بيت ام منيرة عشان تخطبها لاخوها .. منيرة حرمة طيبة واايد وكانت متزوجة بس ريلها توفى وما يابت منه عيال ومن عقبها واهي قاعدة ببيت اهلها ..اهمه يصيرون جيران بيت بومحمد وكانت واايد مع خالدة المهم خطبوها لسالم وتزوجها وكانت واايد حنونة على عيال مريم وتعاملهم جنها تعامل عيالها .. فيصل كان ينادي منيرة ويقولها يمه بس محمد لا كان ما يقول حق احد يمه حتى عمته خالدة .. مرت الأيام وحملت منيرة كان سالم مستانس واايد من هالخبر لان منيرة كانت تحبه حيل وكانت تقريبا نفس مريم ومرات كان يناديها مريم بس اهي ما تزعل لانها تقدر مشاعره وتعرف شكثر يحب مريم زوجته الاولية.. مرت التسع اشهر بسررعه وولدت منيرة ويابت بنت مثل القمر فيصل كان مستانس واايد بس محمد لا .. محمد واايد حساس وما يحب احد يشاركه في ابوه المهم منيرة كانت مصممه انها تسمي البنت مريم وسالم ما عارض لانه كان يتمنى هالشي .. وعقب 19 سنة من زواج منيرة وسالم كثرو عيال سالم من منيرة صار عنده 7 عيال منها أربع بنات وثلاث صبيان الكبيرة مريم وعقبها خالد و طلال بعدين شوق وشذى اللي اهمه توأم وما يفرق بينهم الا حبة الخال اللي في خد شوق وهذا اللي محليها اكثر من شذى مع انهم كلهم حلوين وبعدين دانة واصغر واحد علي... عيال سالم بالترتيب: محمد 29 فيصل 22 من زوجته مريم ومريم 19 وخالد 17 وطلال 16 وشوق وشذى 14 ودانة 10 وعلي 5 سنوات كانو كلهم على قلب واحد جنهم من ام وحدة ومنيرة ما كانت تفرق بين عيالها وعيال مريم .. فيصل ومريم كانو حيل مع بعض وفيصل كان قريب من الكل ودايمن ينكت وكان يحب دانة اخته وايد ونفس الشي خالد وطلال الا محمد كان دايمن مع ابوه في شغله وكان ابوه يعتمد عليه واايد... سالم وتوه راد من الشغل:منيرة .. منيرة وينج حطي الغدا بسرعه ميت من اليوع مريم: يبا امي رايحة بيت يدتي دقت عليها خالتي وقالت لها يدتي تعبانة سالم: زين وانتي شنو مهنتج قومي خلصيني حطي الغدا *بومحمد من رياييل اول ما يحب الخدامة تحط ايدها بشي وخاصة الاكل بس تنظف وتغسل* مريم: انشالله يبا محمد: يا ربي شهالجو حر مووت انا برووح انام تامرني بشي يبا؟ بو محمد: ما يامر عليك عدو بس ما تبي تتغدى ؟ مريم راحت تحط الغدا الحين محمد: لا يبا مو مشتهي قولهم يخلوللي اذا قعدت باكل محمد واهو رايح غرفته الا خالد وطلال توهم رادين من المدرسة خالد: قوة يبا شلونك طلال : وينك الغالي ما تنشاف بو محمد: انا اللي ما انشاف انتو اللي وينكم كل ما اسأل عنكم طالعين خالد: يبا بعد تدري دراسة وحالة لازم نغير جو طلال: اسكت الحين اللي يقول مقطع الدراسة خالد: اعللم اقوول شسويت؟؟ طلال: لا لا دخيلك خلاص توبة ما اعيدها فيصل واهو نازل من الدري : هههههههه انا اعرف اقوول؟ خالد: أي قوول طلال واهو يطالع خالد بنظرة وفيصل ميت من الضحك بومحمد : خلصونا من هالسخافة وين البنات ما أشوفهم شوق: ادري ادري تسألون عني الأميرة وصلت طلال : خخخخ مشكلة الواثقين من اعمارهم شوق: يبا شوفه طلال واهو يقلدها: أي يبا شوفه شوق: ارووح اساعد مريم احسللي بو محمد: ما صارت غدا لو تطبخون خروف جان خلص مريم واهي تحط السفرة: كاهو يبا دقايق بس طلول وخويلد روحو بدلو هدومكم ونزلو بسرعه خالد: نعم ما سمعت اصغر عيالج طلول وخويلد؟؟ بو محمد: خلصوني سمعو كلام اختكم وروحو فيصل: واااااااااااااااااااااااككك تستاهلون طلال: لا تخاف مردودة بومحمد: روحو يلا ولا ترى بنتغدى عنكم طلال وخالد: لا لا لا بو محمد: وانت قووم خلصني روح ناد اخوانك فيصل: انشالله اول ما حطو الغدا ولا الكل متيمع ع السفرة الا محمد اللي كان نايم ومنيرة اللي كانت في بيت امها تغدو وخلصو بومحمد راح ينام بداره وشوق وشذى راحو يدرسون وعلي ودانة قاعدين يرسمون وخالد راح ينام بداره ما بقى بالصالة الا مريم وفيصل وطلال .. طلال: مريووم امي وين ما اشوفها مريم: امي راحت بيت يدتي يقولون تعباانة فيصل: افا وليش ما قلتيلي طلال: من متى امي هناك؟ مريم: من الصبح اول ما رحتو المدرسة فيصل: دقي عليها شوفيها مريم: حاولت بس جهازها مغلق طلال: الحين ادق عليها واشوف الجهاز مغلق او خارج منطقة التغطية....الخ طلال: مغلق مريم: شفت قايلتلك طلال: الحين ادق على بيت يدتي طلال:الووو جمانة: نعم طلال:أأأ جمانة: نعم منو ؟؟ *جمانة تصير بنت خال طلال وخالهم متوفي وعياله عايشين عند يدتهم وجمانة كبر طلال واهو يحبها حيييل* طلال: انا طلال امي وينها جمانة قلبها طاح ببطنها اهي بعد تحب طلال : هلا هلا والله بطلال وينك ما تنشاف طلال: موجود انتو شلونكم؟؟ شخباركم؟؟ جمانة: ما نسأل الا عنكم مريم وفيصل قاعدين يشوفون طلال ويضحكون.. طلال اللي كان بعالم ثاني :تسأل عنكم العافية جمانة وويها صار احمر:عسى العافية ما تفارقكم طلال: ولا تفارقكم يا رب مريم: فيصلو مو جنه طلول طول واهو يقرق؟؟ فيصل: هههه خليه شوي مع حبيبة الروح هذي اكيد جمانة مريم: طلول خلصني ابي التلفون طلال واهو يكلم مريم بصوت واطي: ويعه خليني شوي مريم: لا ما في خلص الحين ولا اعلم ابوي طلال: زين زين خلاص اقوول جمانة جمانة: هلا طلال: هلا فيج بس بغيت اسأل عن امي اهي عندكم؟؟ جمانة: لا طلعت مع عماتي للمستشفى عند يدتي طلال: المستشفى ليش خير شصاير؟؟ جمانة: الخير بويهك يدتي شرقت واهي تشرب الماي وودوها المستشفى طلال: اها خلاص عيل اخليج الحين جمانة: بااي مريم: طلول أي مستشفى شسالفة؟؟ طلال: وي عاد بدت العيوز مريم: انا عيوز؟؟ خلصني شصاير؟؟ طلال: يدتي شرقت وهي تشرب ماي وودوها خالاتي المستشفى مريم: لا والله طلال: أي مو مصدقة تبين ادق مرة ثانية مريم: طلول!!! طلال اللي بعالم ثاني من كلم جمانة انا رايح داري اذا ردت امي قعدوني مريم: هذا شفيه ما يحس؟ فيصل: انقلبت حالته من كلم جمون مريم: فيصلو قووم ودني المستشفى فيصل: زين برووح اخذ دوش وبعدين مريم: اوكي على ما البس بعد مريم لبست وراحت غرفة شوق وشذى .. مريم: شواقي سمعي انا برووح المستشفى عند يدتي يمكن اتأخر غدا محمد بالميكروويف واذا قعد ابوي قولوله اني رحت عند يدتي شوق: انشالله شذى: شفيها يدتي؟ مريم: شرقت وودوها المستشفى شذى: اها مريم: ع العموم انا برووح مع فيصل درسو عدل واذا خلود قعد قولوله ان فلوسه ع الرف اللي بداري اوكي؟ شوق: اوكي مريم: اي بعد دانووه عندها امتحان رياضيات باجر.. درسوها شوق: زين مريم: يلا باي راحت مريم وفيصل حق المستشفى عقب ما دقو على جمانة وقالتلهم اسم المستشفى.. اول ما وصلو هناك شافو منيرة واقفه عند باب المستشفى وميتة من البجي مريم على طوول راحت عند امها.. مريم: يمه شفيج منيرة واهي تحاول تكون قوية جدام بنتها: ولا شي انتي ليش يايه؟ فيصل: يمه *قلتلكم ان فيصل كان يناديها يمه* قولي شفيج مريم: يدتي فيها شي؟ منيرة: يدتج عطتج عمرها فيصل : لا حول ولا قوة الا بالله انا لله وإنا إليه راجعون مريم ما كانت متعلقة بيدتها وايد بس كانت تحبها فيصل: يلا يمه تعالي منيرة:وين فيصل: البيت بعد وين منيرة: لا ماني رايحة البيت برووح بيت امي مريم: ليش تروحين هناك منيرة: انتي تدرين ان عيال خالج ما عندهم احد غير يدتج وانا ما راح اخليهم راح اقعد عندهم مريم ما حبت تناقش امها بالموضوع لانها كانت وايد متضايقة:براحتج يمه فيصل: زين يلا امشي خليني اوديج مريم: خالاتي وين؟ منيرة: عند غرفتها فيصل:انا بروح اشوف راح فيصل وسلم على خالات اخوانه وعزاهم وسأل الدكتور الدكتور: الشرقة يت مع انخفاض شديد بالسكر وتوقف التنفس فيصل: متى بناخذها الدكتور: الحين خلوها بالثلاجة وباجر الساعة 9 نطلعها فيصل: انا لله وان اليه راجعون الدكتور: الله يصبركم على فراقها * منيرة عندها ثلاث خوات واخو واحد توفى بحادث اهو وزوجته وولده الكبير قبل خمس اشهر وقعدوا عياله عند يدتهم اللي اهمه جمانة كبر طلال وعبدالله كبر دانة* مريم قعدت عند امها في بيت يدتها وفيصل راح البيت قال حق ابوه شصار وابوه ما وافق ع الفكرة ابد .. بومحمد: مالها قعدة هناك عقب العزا ترد البيت طلال: بس يبا عيال خالي ما عندهم احد بو محمد: اهي مو ملزومة فيهم لا اختهم الكبيرة ولاشي طلال: هذول عيال اخوها بو محمد: عندها خوات اهي وراها بيت وزوج وعيال مو فاضيتلهم الكل سكت يوم الدفن الكل كان موجود سالم ومحمد وفيصل وخالد وطلال حتى علي راح المقبرة.. منيرة ومريم وجمانة وخالاتهم كانو بالعزا وشوق وشذى كانو يروحون العصر لأن كانت عندهم امتحانات بس اهمه ما كانو مع يدتهم واايد لانها كانت مره كبيرة ومخرفة شوي.. خلص العزا وبومحمد نطر عقب العزا شهر والحين بيروح اييب مرته من بيت اهلها.. بالغرفة الثانية كانو محمد وفيصل قاعدين يسولفون.. فيصل: والله هالمره حبوبة وطيبة ليش تعاملها جذي محمد: حبوبة وطيبه اوكي بس خلت ابوي ينسى امي فيصل: عمره ابوي ما نسى امي محمد: ما تشوفه شوي ويموت عليها ما يبيها تقعد في بيت امها فيصل: عيب عليك هذا أبوك محمد: انا ما قلت شي فيصل: لو انت مكانه بتسوي مثل ما يسوي محمد: لو دخلت عليهم مريم: محمدوه ابيك بموضوع فيصل: شقصدج يعني اطلع؟ مريم: اللبيب بالإشارة يفهم فيصل: ما راح اطلع عناد محمد: بتطلع وغصبن عليك فيصل: افا مريم: يلا قير أوت فيصل: زين زين بس نصيحة لا تتكلمين انجليزي مرة ثانية حده مو لايق مريم: يلا خلصني طلع فيصل وسكر الباب وراه.. محمد: خير مريوم شبغيتي؟؟ مريم: لحظة شوي وتروح مريم تبطل الباب جان يطيح فيصل لانه كان متسند على الباب ويتسمع محمد: هههههههههه حركات فيصل: اوف صادتني مريم: عيب عليك فيصل: زين باطلع بس حطي ببالج اني راح اعرف الموضوع عاجلا او اجلا مريم: زين الحين اقلب ويهك هالمرة راح فيصل من صج وعلى طول مريم بطلت الموضوع.. مريم: محمد انت لي متى بتتم جذي محمد: شقصدج؟ مريم: انت فاهم قصدي زين محمد: ما لقيت الإنسانة المناسبة مريم: عمرك بيصك ثلاثين وانت بعدك ما تزوجت واذا على المره انا مستعده ادورها لك محمد: مريوم مو جنه تو الناس مريم: مو تو الناس ولاشي .. ابوي بيشوف عيالك وانا ابي اصير عمه محمد: زين بس اهم شي تكون خلوقة وحلوة مريم: بس؟؟ محمد: أي بس شتبين بعد مريم: لا اقوول يعني ما تبيها تكون طويلة مثلا محمد: هههه انتي متعقدة من القصر لا عادي ما يهمني اهم شي تكون خلوقة ومملوحة مريم: اوكي طلعت من غرفة محمد واهي تطالع فيصل اللي يتمنى يعرف شصار بينهم.. سالم راح اييب منيرة من بيت امها ..منيرة ما طاعت اترد وياه ومصرة على رايها وبومحمد قاللها اذا ما رديتي راح اتزوج عليج واهي ما عندها مانع بالعكس اهي راحت تخطب له لانها مستحيل تخلي عيال اخوها بروحهم بومحمد ماكان يبي يتزوج عليها بس لما شافها مصرة على رايها حب يعاندها... خطبت منيرة سارة حق سالم وتزوجها ..محد عارض الزواج من العيال بس البنات كانو شوي متحسسين من الموضوع ومنيرة كانت تحترق من داخل بس ما حبت تخلي عيال اخوها بروحهم.. مرت سنة وحدة على زواج سالم.. ومنيرة ردت بيتها عقب ما تزوج سالم من سارة لأن اختها الكبيرة بدرية قررت تبيع بيتها وتقعد عند عيال اخوها اهي وعيالها .. مريم:محمد محمد عندي بشارة محمد: ها الغالية شعندج مريم: لقيتها فيصل: منو؟؟ مريم: انت مالك شغل ها محمدوه شقلت؟؟ محمد: دامها بنت حلال توكلنا على الله فيصل: اها السالفة فيها زواج افا بوجسوم انا اخوك محمد: ما حبيت اقولكم الا لما القى البنت طلال: الله زواج ابي اتزوج مريم: طلول استح على ويهك خالد: ومنو سعيدة الحظ اللي راح اكون حماها؟ طلال: امحق غرور البنت ما راح تتزوجك راح تتزوج محمدوه خالد: من قال اني مغرور الغرور يتهنى فيني اصلن مريم:محمدوه خل عنك هاليهال وتعال ابيك دانة: شنو؟ منو؟ شالسالفة؟ طلال: سكتي يا الملقوفة انتي دانة: انا مو ملقوفة صح صوصو طلال: منو صوصو هذا فيصل: احم احم خالد: هههههه هالكبرك وتقولك صوصو فيصل: ادري محترين دانوتي ما عليج منهم يولون فيصل كان يموت في دانة اخته يحبها واايد واهو كان اللي مسميها في غرفة مريم.. محمد: ومنو البنت؟؟ مريم: هذي رفيجة فطوم بنت خالتي فوزية محمد: جم عمرها مريم:28 محمد: يعني اصغر مني بسنتين بس مو جنها كبيرة؟ مريم: شفت عمرك انت بالاول محمد: العمر كله انشالله شفيج علي مريم: خخخ ما قلت شي هالبنت حلوة وخلوقة وخجولة لابعد درجة حسب طلباتك محمد: زين مريم: ما تبي تعرف شنو اسمها؟ محمد: مو لازم مريم: يكون احسن محمد: لا قولي مريم: هههههه اسمها نورة محمد: خلاص راح اكلم ابوي عنها انتي كلمي امج عشان تخطبونها مريم: ترى كلمتها عنك محمد: شنو مريم: أي عشان اشوف رايها اذا موافقة او لا محمد: والله مريم: أي شفيك عادي محمد: وشقالت؟ مريم:تقول حياكم الله محمد: خوش والله تتفقون واهلكم ما يدرون مريم: مالك شغل تبيها ولا لا؟؟ محمد: زين برووح اكلم ابوي بومحمد وسارة كانو قاعدين فالصالة دخلت عليهم شوق.. شوق:قوة يبا بومحمد:هلا ببنيتي شوق: يبا طلبتك بومحمد: عطيتج شوق: يبا ابي لابتوب بومحمد: يا غالي والطلب رخيص اليوم خلي واحد من اخوانج يوديج واشتري اللي يعجبج شوق: ربي لا يحرمني منك يا الغالي .. وصعدت فوق دخل عليهم محمد.. محمد: يبا ابيك بموضوع بومحمد:شعندك محمد واهو يطالع سارة مرت ابوه بومحمد: سارة قومي جهزيلي الحمام ابي اسبح سارة: انشالله بومحمد: ها وليدي شبغيت محمد: يبا انا اناوي اكمل نص ديني بومحمد: واخيرا ما بغيت محمد: ولقيت بنت الحلال بومحمد: من بنته؟ محمد: والله ما ادري بس مريوم تعرفها بومحمد: لازم نخلي منيرة وسارة ومريم يروحون يكلمون امها واذا وافقوا نروح نخطبها محمد: خلاص عيل قوول لخالتي بومحمد: اليوم اكلمها محمد قام وباس راس ابوه: ربي يطوللي بعمرك كلم سالم منيرة واستانست واايد من هالخبر ودقو على اهل البنت وخذو موعد عشان يزورونهم وصج راحولهم ووافقو وراحو العيال ويا ابوهم عشان يخطبون البنت رسمي .. مريم: واخيرا محمد: اللي يقول قاعد على جبدكم فيصل: أي قاعد على جبدنا ما اقول الا الفال لي انشالله الكل: هههههههه مرت الايام اسرع من البرق الحين صارت 3 سنين من تزوج محمد وصار عنده ولد سماه جاسم وعمره سنة ومريم تزوجت واحد من برا العايلة وصارلهم سنة من تزوجو وفيصل خطب بنت اخو سارة مرت ابوه وبقى على عرسهم ست اشهر اما سارة واللي صارلها اكثر من3 سنين متزوجة سالم ما حملت وهالشي مفرح منيرة واايد.. خالد تخرج من الثنوي بنسبة 85% واختار كلية الشرطة لانه ماله خلق يجابل الكتب اكثر من جذي ولأن الشرطة يعجبون البنات واايد وطلال اللي الحين باخر سنة ثنوي شاد حيله عشان اييب نسبة زينة عشان يتزوج جمانة اما شوق وشذى بثاني ثنوي ودانة صار عمرها 14 وعلي كبر وصار 9 سنوات .. شوق عقب ما شرت اللابتوب صارت ما تنشاف اربع وعشرين ساعه عليه وصارت ما تدرس واايد.. قاعدين البنات مع امهم بالصالة.. شوق:يما خنروح الامارات منيرة:انشالله شوق:يما منيرة:ها شوق:يما اذا ما تزوجت اماراتي باخذ ريلي ونروح هناك منيرة:يصير خير دانة: يما منيرة: شتبين انتي بعد دانة: ترى بتيي رغوده بعد شوي منيرة: مع امها؟ دانة: آي دونت نو منيرة: تكلمي عدل وويعه دانة: ما ادري بس مو تقولين ما قلتلج تراني عطيتج خبر منيرة: اصلن انا بطلع فإذا بتيي امها قوليلها امي معزومة دانة: اوكي مامي منيرة: وويعه يرن الجرس دانة:هذي رغوده بباي رغد عمرها 15 بين شوق ودانة وكانت اهي ودانة ثنائي مزعج دايمن يسوون مقالب واهمه ما يحبون علي دووم يطقونه .. اول شي راحو غرفة شوق واللي كانت ع اللابتوب تكلم سلطان الاماراتي.. رغد: السلاااااااااااااااااااااااااااااااااااااام شوق: وعليكم .. ريموووه ما يت؟ رغد: نو شوق: طلعو برا ترى مالي خلقكم دانة:تراج احلى اخت بالدنيا شوق: ادري من قبل لا اعرفج رغد: حبيبتي شوق شوق: من الآخر شتبوون دانة: نحبج شوق: الزبدة رغد: الزبده ولا الجبن كاااااااااك دانة: ههههههههههه عجييييييبة بس ما تضحك شوق: اففففففف شتبون؟ رغد: رجاء لا تتأففين شوق: لا والله حلفو؟؟ طلعو برا دانة: رغوده سحبي كلمتج رغد: سو سوري شوق: عاد اذا ما قلتولي شتبوون والله يا ويلكم دانة: نبي ..رغوده شنو تبين؟ رغد: امممممم ماكياج صح دانووه؟ دانة: بلييييييييييييز شواقي انتي اطيب وحده شوق: ؟؟ شتبون فيه؟؟؟ رغد: شي خاص شوق: نو دانة: بلييييييييييييز رغد: لو ادري بتذليني جذي جان يبت من بيتنا شوق: اذا ما قلتولي ما راح اعطيكم دانة: انزين نبي نلعب نسوي بروفا حق عرس فيصل شوق: بشرط رغد: طلبي اللي تبين دانة: أي شي تبينه بنسويه شوق: انزين تنسخون دفتري العربي لاني غايبة الاسبوعين اللي طافو مع ان خطوطكم تلوع الجبد بس شنسوي وووو.... دانة: دفتر عربي؟؟ شوق: اذا ما تبون براحتكم رغد: امبلى نبي بس قولي شنو بعد شوق: امممممم جني مشتهيه حلاو دانة: منو بيودينا الجمعية الحين؟؟ بليز شوق نبي شي نقدر نييبه شوق: مو مشكلتي كافي انكم خذيتو من وقتي الثمين رغد: مو مشكلة كل شي عشان مخططنا يهون .. حلاو شنو؟ شوق: شوباشوبس فراولة دانة: انزين بس عطينا الماكياج شوق: نو حبيبتي حدها قديمه لازم مقدم رغد: يلا عاد لا تصيرين سخيفة شوق: اوكي روحي اخذيه من التواليت واول ما خذوه طلعو ركض وسكرو الباب.. راحوا غرفة دانة وخربطوا على ويوههم بالماكياج حطو حوالي عيونهم لون اسود طبعا عقب ما حطو اساس ابيض مثل الطوفا وروج احمر فاقع وحطو على ضروسهم لون اسود <<مخططهم يخرعون علي.. اللي كان يلعب بلايستيشن بالصالة الصغيرة اللي عند المطبخ ولما خلصو لبسو هدوم سودا وباقو عباية من غرفة مريم ولما خلصو وتأكدو ان اشكالهم تخرع .. رغد: اتخيل شكله مسكين والله دانة: يستاهل السخيف رغد: تدرين شنو ناقص؟ دانة: شنو؟ رغد: باروكة دانة: تصدقين عاد ان امس فيصل شاري وحده رغد: صج؟ دانة: أي جنه يدري عنا خخخ يلا امشي داره رغد: انا بوقف بالممر اتأكد ان محد موجود وانتي دشي داره واخذيه انزين؟ دانة: اوكيشنات وسوو الخطة.. دانة دشت الغرفة وعفستها لما لقت الباروكة وطلعت.. دانة: كاهي رغد: باعرف اهو ليش شاريها دانة: المهم خذيناها لبستها رغد وكان شكلها حييل يخرع لان الشعر كان كثيف وطاير لي فوق ولونه ابيض.. اما دانة فخذت نقاب من عند امها ولبسته بعدين رفعته لي فوق صار ما يغطي ويهها بس يغطي شعرها .. وراحو حق المطبخ.. فيصل كان داش المطبخ بيشرب ماي واهمه كانو يتهاوشون ياخذون سكينة وياهم او لا ومندمجين بالهوشة ..فيصل كان يستانس وايد منهم ومن سوالفهم دش عليهم فيصل واللي اخترع بس لما سمعهم يتهاوشون عرف انهم دانة ورغد لانهم كانو معطينه ظهرهم .. فيصل: بو دانة نقزت من الخرعه رغد: واي يمه فيصل قعد يضحك على اشكالهم لانها كانت تفطس من الضحك وخاصة على دانة شلون نقزت .. فيصل: هههههههههه دانة: صوصو حرام عليك خرعتني فيصل: خخخخ الشياطين شيخططون عليه؟ رغد: خخخخ وانت شكو فيصل: افا انا عضو المنظمة وياكم دانة: سر ما نعلم فيصل: هذا وانتو بايقين الباروكة من غير ما تستأذنون خلاص ييبوها رغد: شنو بتسوي اصلن دانة: رغوده خليه معانا فيصل: شنو بتسوون انتو رغد: ما تعلم احد؟ فيصل: نو دانة: نبي نخرع علي فيصل: خخخخخ حرام اليوم عيد ميلاده رغد: عادي ..يلا شنو بتسوي فيصل: الحين اوريكم بس اول شي دانووه شكلج ما يخرع وايد عندي قناع بسيارتي بييبه لج دانة: اوكي رغد: بس سؤال انت شتسوي بالباروكة والقناع؟؟ فيصل: خخخخخ عشان نخرع واحد من الربع .. سمعوني عدل اذا شفتو علي يطلع من الغرفة سيدا دشو انزين؟ رغد ودانة: انزين وراح فيصل ياب القناع وعطاه دانة بعدين دش على علي اللي كان مندمج باللعبة ومسكر الليت شافه جان يطلع من غير ما يحس فيه وطق الباب من برا وكل ما يطلع علي عشان يفج الباب ما يلقى احد.. سوا فيصل هالحركة ثلاث مرات وبعد عشر دقايق دش عليه.. فيصل ومسوي شكله خايف: علي ليش مسكر الليتات؟ علي: بس فيصل: ما سمعت صوت مساع؟ علي: لا فيصل: غريبة كل اللي بالبيت سمعو احد يطق عليهم الباب ثلاث مرات وكل ما يطلعون ما يلقون احد علي: صج؟ فيصل: أي ليش انت ما سمعت؟ علي: امبلى فيصل: اكيد يني علي: لا اصلن ما في ينانوه فيصل: من قال انت ما تدري عيل علي: ما ادري عن شنو فيصل: لا مابي اقوللك بعدين ما تنام بالليل علي ومسوي روحه مو خايف واهو ميت من الخوف: لا قول عادي انا ريال والريال ما يخاف فيصل: اكيد علي: اكيد فيصل: بس شوف هالسالفة محد يدري عنها الا ابوي وما قالها حق احد غيري لان اذا الكل درى راح يقولون خل نطلع من البيت علي: ليش بيتنا شفيه؟؟ فيصل: بيتنا مبني فوق مقبرة علي: جذاب فيصل: قلتلك راح تخاف علي: لا مو خايف كمل فيصل: وبعدين راح واحد وبنى فوق هالمقبرة بيت واجره على ابوي بسعر رخيص وتعرف ابوي اول ما كان عنده فلوس فعشان جذي وافق علي واهو ميت من الخوف:وبعدين فيصل واهو يزيد من خوف علي : بس بعدين ابوي تزوج امي وهدم البيت القديم بس ما شال الاساس مال البيت القديم لان اذا شاله بيطلعون الارواح اللي بالمقبرة علي: يعني ما شال الاساس؟؟ فيصل: لا بس قبل تسع سنين بالضبط وبيوم ولادتك المشئوم الطوفا مالت هالغرفة اللي احنا قاعدين فيها تهدمت وابوي كان يعرف السبب بس ما علم احد علي: وشنو السبب؟ فيصل: لا تصير غبي ويا ويهك الارواح طلعت من المقبرة علي: ها فيصل: عاد انا لقيت بذاك اليوم ورقة من جلد خروف محطوطة بهالدار مكتوب عليها بلون احمر اتوقع انه دم علي: شنو مكتوب؟ فيصل: مكتوب "نتلاقى بعد تسع سنين".. علي حده والبجي فيصل: انت مو خايف صح؟ علي: لا انا ريال فيصل: عيل قوم ييبلي ماي علي: انزين طلع علي وفيصل راح الصالة ودشو دانة ورغد حق الغرفة اللي كانو فيها وخذو معاهم مسجلة صغيرة.. علي راح المطبخ وصب ماي وراح حق الغرفة وسكر الباب وما انتبه على دانة ورغد واول ما سكر الباب.. علي واهو يرجف: وين فيصل.؟؟!! دانة مغيرة صوتها : تعال يا علي رغد: اليوم صار عمرك تسع سنين علي مخترع طاح منه الماي وقعد يبجي ويقول : الله يخليكم لا تاخذوني انا ريال راحو ووقفو عند الباب عشان ما ينحاش[/align][/align] |
دبآآ كمليها بليـــززززز روعه دبووووووووتي نزلي البآآرت اللي عقب |
دانة قاعدة تضحك على شكله: نياااااهاااااااااهااااااا بس بشرط علي: وما تذبحوني؟ رغد: نفكر دانة: اول شي تروح الجمعيه تشتري حلاو شوباشوبس فراولة رغد : بعدين تشتري من باسكن روبنز حق اختك دانة وبنت خالتك رغد علي: انشالله دانة: وتقول لامك انك تبي من برجر كنج وتشتري وجبتين رويال حجم كبير وتحطهم بغرفة دانة علي: بس ما تسوولي شي؟ رغد: وتحل واجبات دانة لمدة شهر علي: الله يخليكم لا تذبحوني انا ترى ريال دانة: وتشيل جنطة دانة وتسوي جدولها كل يوم علي: انزين دانة: الحين تعال قول شنو طلباتنا بطلت المسجل عشان تسجل كلامه.. علي: اييب حلاو شوباشوبس واطلب رويال حجم كبير حق دانة ورغد واحل واجبات دانة لمدة شهر واسوي جدولها واشتري من باسكن روبنز.. دانة: انزين والأهم من هذا كله انك ما تعلم احد ولا بيكون يوم موتك.. رغد: والحين نفذ طلباتنا ولا بنذبحك وندفنك هني علي: انشالله .. وطلع واهو يبجي واول ما طلع فطسو من الضحك على شكله.. دانة: واي شكله يموت من الضحك رغد: يستاهل يقولج لازم تعلمينهم العين الحمرا دانة: زين امشي خل نغسل وننسخ دفتر شوقو على ما تيي طلباتنا خخخخ رغد: بريئات واايد خخخخ اما علي واللي خذا من امه فلوس طبعا من غير ما تسأله لانه اصغر واحد ودلوع امه واليوم عيد ميلاده وقال للسايق يوديه الجمعيه .. وشرا كل الاغراض اللي طلبوها البرد والحلاو والوجبات واول ما رد راح سيدا غرفة دانة.. طق الباب وحط الاغراض وطلع بسرعه دانة : تعال علي شنو هذا علي: هدية رغد: هههههههههه دانة: هديه خخخخخ علي: دانووه عندج واجبات؟ رغد: ليش بعد؟ علي: انزين شرايج أسوي جدولج مال باجر؟ دانة: لا ما يحتاي انا اسويه علي: لا انا بسويه رغد مو قادرة تتحمل من كثر الضحك علي خذا جنطة دانة وراح الصالة عشان يحل على راحته .. وفي الصالة دشت مريم اللي كانت ياية من بيت ريلها عشان تنام عند امها لانها من زمان مو يايتلهم.. اول ما دشت لقت علي يفكر ويبجي<<مو عارف الحل خخخ ويمه جنطة دانة مريم: علي شفيك؟ علي: مريووم امانة تعرفين حل هالمسألة؟ مريم: شنو هذا ؟ مو فاهمها؟ هذي سهلة تجمع الزوايا وتشوف يساوي 180 درجة.. بس انتو يعطونكم جذي؟ هذا مال متوسط علي: لا هذا مال دانووه مريم: وليش انت تحله؟ اهي قالتلك؟.. لانها تدري ان دانة دوم مخططاتها شريرة علي: لا .. ومن الخوف قعد يبجي مريم: علي انت ريال والريال ما يبجي علي: مابي اقول بعدين يذبحوني مريم: منو؟ دانووه علي: لا دانووه مالها شغل مريم: عيل؟ علي: مريووم تبيني اموت؟ مريم: لا وي اسم الله عليك قوللي محد راح يذبحك انا راح احميك<<ما لقت غير هالكلمة خخخخ علي: ما تعلمين احد وما تقولين اني قلتلج مريم: انزين علي: طلعو روحين من المقبرة وقاللولي انفذ طلباتهم ولا يدفنوني مريم: رغد هني ببيتنا؟ علي: اي مريم عرفت السالفة لانهم مو اول مرة يسوون هالسوالف ودايم اهي تخرب عليهم مريم: وشنو طلباتهم؟ علي: احل واجبات دانة لمدة شهر واسوي جدولها واشتري حلاو شوباشوبس فراولة وباسكن روبنز ووجبتين من برجر كنج .. مريووم بييون يدفنوني لا تخليني بروحي مريم: اعلمك فيهم هذول ما يتوبون علي: لا تروحين بيذبحونج بعد .. فهد يبيج <<فهد ريلها مريم: انت مينون؟ من قاللك ان في ارواح اصلن علي: فيصل يقول بيتنا بانينه فوق مقبرة مريم: حلو والله فيصل وياهم بعد.. قوم وياي علي: وين مريم: علي يا الخبل ماكو ارواح يقصون عليك وبعدين انت ريال والريال ما يبجي ولا يخاف صح؟ علي: اي مريم خذت علي وراحت حق غرفة دانة واللي كانو ياكلون اللي يابه لهم علي ومستانسين بس لما دشت مريم.. مريم: دانووه ورغد وويعه دانة: شنو رغد: شالسالفة بس لما شافو علي دانة: يا الفتان ما مدانا نتهنى بالاكل رغد: حشا خواف ما يخلي شي بقلبه لازم يطلعه مريم عطتهم زفة محترمة وخلتهم يسطرون دفاتر علي كلها ويسوون واجباته ويغسلون الحوش .. اهمه ساكتين ما قالو شي لانهم يعرفون لو قالو كلمة زيادة جان تضاعف العقاب.. كتبو واجباته وسطروله دفاتره وراحو الحوش يغسلونه مع انه كان نظيف بس شيسوون حكم قراقوش "مريم" واللي قهرهم زيادة ان امس كان الجو غبااااااار يعني الحوش وصخ ع الاخر... رغد: واي تكسرت ايدي دانة: واجباتي ما سويتها رغد: محد استفاد كثر شوق دانة: اي والله جيس حلاو كامل وسوينالها دفترها .. رغد: رفعي بنطرونج بفج الماي دانة: اول شي ييبي المساحة رغد: كاهي وراج يالعمية رغد ودانة من كثر اندماجهم بالشغل سوو الحوش صالة تزلج يحطون الماي ويتزحلقون واول ما سمعتهم كوماري.. كوماري:سنو انتي سوي انا اللم مريوم <<شتسوون انا بعلم مريم دانة: لا بليييييييييز رغد:اييبلج فلم شاروخان كوماري: هادا بجه في مسكل وازد<<اليهال مشاكلهم وايد فيصل توه راد البيت وشافهم وشاف كوماري تزفهم... فيصل: واككككككك يغسلون الحوش رغد: كله من علي الفتان فيصل: خخخخخ علم مريوم عليكم صح؟ دانة: وحكمت انا نكتب واجباته ونغسل الحوش فيصل: احسن تستاهلون من قاللكم تخرعون الياهل بعيد ميلاده رغد: لا يعني انت مالك شغل فيصل: معلوم مالي شغل دانوتي انا سويت شي خخخخ دانة: لا صوصو ما سويت فيصل: يلا عاد ما اوصيكم نظفو عدل |
][...الفصل الثاني...][ محمد: يبا يبا البشارة بومحمد: خير انشالله محمد: توقع منو بيي باجر؟ بومحمد: منو؟ محمد: عمتي خالدة بومحمد: صج الله يبشرك بالشهادة محمد: آمين توها داقة علي وتقوول انها بتيي باجر ع الساعة خمس بومحمد: والله ولهت عليها خالدة تزوجت إماراتي وسافرت الإمارات يوم تروح هناك كان عمر مريم سنتين والحين عندها ثلاث عيال وبنت أكبرهم البنت اسمها لولوه عمرها الحين 19 كبر خالد وبعدين هادي عمره 17 اكبر من شوق وشذى بسنة وعقب هادي أحمد عمره 9 كبر علي وسالم اصغر واحد عمره7 .. شوق تعرفت على إماراتي من اربع اشهر وصار وقتها كله تكلمه ع المسنجر اهي ما كانت واثقة من حبه لها بس تعرف انها كانت تمووت فيه ولما سمعت الخبر على طوول دقت على بنت خالتها ريم عشان تقولها ..ريم اصغر من شوق بسنتين بس اهمه حيييل مع بعض وكل وحده اسرارها عند الثانية حتى شوق علاقتها بريم اكثر من شذى اختها مع انها اختها التوم وهالشي يضايق شذى واايد بس شوق عندها اشياء وايد مشتركة مع ريم اما شذى غير عنهم شذى وجمانة بنت خالهم مع بعض اما دانة واللي اهي كبر ريم كانت واايد مع رغد اخت ريم وكانو ثنائي مزعج مع ان رغد اكبر من دانة بسنة يعني بالمختصر خالتهم فوزية عندها ثلاث بنات وولد البنات فاطمة كبر مريم وبعدين جاسم كبر شوق وشذى وبعدين رغد اصغر منهم بسنة واكبر من دانة بسنة واخر وحده ريم كبر دانة واهمه يحبون الامارات وااايد : شوق:الووووو ريم: ها شوق:ريموو وويعه ردي عدل ريم: انشالله ها بنت خالتي شتبين امري تدللي شوق: انزين خلاص شلونج؟ ريم: بخير شوق: قولي مبرووك ريم: على شنو شوق: قولي مبرووك ريم: مبرووووووووووووووووووووووووووووووووووووووووووووووو وك شوق: عمتي باجر بترد من الامارات ريم: عمتج؟ شوق: أي ريم: من وين طلعت هذي شوق: جب واحترمي نفسج ريم: سوري بس انتي من متى عندج عمه؟ شوق: من زمان سالفة طويلة ريم:اهاا يا حظج عندها عيال شوق: ما ادري والله ريم: انزين قلتي حق حبيب الروح؟ شوق: واي فديته لا الحين بقوله ريم: يلا عيل شوق: اوكيك بباي ريم: باي على طول شبكت ع المسن عشان تقوول حق سلطان.. شوق: سلطان سلطان: هلا وغلا شوق: عمتي بتيي باجر من الامارات سلطان: عندج عمه بالامارات؟ شوق: أي ولا مرة بحياتي شفتها اهي متزوجة اماراتي سلطان:امي امس ترمس اختي وخبرتها انا بنروح الكويت باجر شوق: صج سلطان: هذا اللي سمعته شوق: وناااسة سلطان: وليش ونااسة شوق: راح اشوفك سلطان: هيه شوق:روح اسأل امك متى بتيوون سلطان: بعدين مالي خلق شوقو ابا صورتج شوق:وانا بعد ابي صورتك سلطان: يصير خير شوق: يعني لا سلطان: انا قلت اول شوق: انزين بشرط سلطان:شو شرطج شوق: تدزلي فيديو وانت تييول سلطان:انتو البنات ما ادري شو تحبون باليولة شوق:انزين؟ سلطان: ما اعرف شوق:بليييييييييز بشوفك وانت تييول سلطان:ما اعرف شوق:خلاص ما في صورة سلطان: لا والله شوق: مابي مابي مابي ابي تييول عشان خاطري بلييييييز سلطان:لا شواقي صدقيني ما اعرف شوق: خلاص انزين الحين برووح ويا امي بنشتري اغراض حق البيت عشان عمتي سلطان: شواقي اول ما نوصل الكويت راح اخطبج على طووول شوق:يصير خير سلطان : يلا اخليج الحين شوق: بااي راحت شوق وهي طايرة من الفرحة بتشوف سلطان حدها مو مصدقة وما قدرت تنام ذيج الليلة.. كان يوم الاربعا وكان يصادف اخر اسبوع في عطلة الربيع "الكويتيين يسمونها عطلة خمستعش لانها 15 يوم" الكل مستانس اتصلو على مريم عشان اتيي وجهزو البيت وبخروه وسنعوه.. الحين الساعة 4 الكل تجهز عشان يروحون المطار.. بومحمد الدنيا ما تشيله من الفرح بيشوف الغالية اخته ما شافها من 25سنة الكل وصل المطار شوق كانت تنطر سلطان اللي قاللها انه راح يلبس دشداشة بيضا وغترة ووصفلها شكله واهي قالت له انها راح تلبس جينز وبلوزة حمرا وبترفع شعرها .. في المطار.. بومحمد: مو جنهم تأخرو؟؟ محمد: لا توها الساعة تصير خمس فيصل: انشالله الحين يوصلون مريم: وينها عمتي يلا خالد وطلال وشذى كانو قاعدين بالكافيه .. دانة وعلي وجاسم ونورة وسارة مرت ابوهم كانو في البيت.. اما مريم ومحمد وفيصل ومنيرة وسالم(بومحمد) كانو ينطرون خالدة على احر من الجمر وشوق كان كل همها انها تشوف سلطان .. واخيرا وصلت الطيارة الكل كان يشوف الصالة اللي ييون فيها الواصلين .. وصلت خالدة مع ريلها سيف وعيالها هادي واحمد ولولوة وطبعا اول شي سلمت على اخوها الغالي وعيال اخوها ومنيرة مرت اخوها.. وطبعا الدموع شي اساسي حتى لولوة دمعت شوق بهاللحظة كانت رايحه المطعم تشتري لابوها ماي بس الصدمة كانت لما شافت سلطان ما توقعته بهالجمال طويل وورزه مع انه شوي ضعيف بس كان شكله حلو وطبعا الغترة الاماراتية المميزة..اهي ما تدري ان هذا سلطان بس كانت حاسة.. بومحمد:نورت الكويت سيف: بوجودكم الغاليين بومحمد: ما بغيتو تييون خالدة:حبيت اسويها مفاجئة بس محمدوه لازم يعلم محمد: افا عليج عمتي سيف: سلمو على خالكم لولوة: خالي شحالك؟ ربك الا بخير بومحمد: بخير الغالية وانتي علومج؟ لولوة: بخير دامكم بخير سيف : وينه المخبل لازم يختفي خالدة: حرام عليك قاللي يوعان وقلتله يروح المطعم فيصل: منو هذا خالدة: ولدي هادي مريم: زين انكم ييتو والله اشتقنالكم لولوة: اشتاقت لج العافيه احمد: امايه يوعان منيرة: يلا حبيبي الحين نروح البيت مزهبتلكم ذاك العشا سيف: تسلم ايدج منيرة: هذا الواجب شوق كانت بالمطعم اللي كان فيه هادي.. شوق وهي تكلم روحها هذا اكيد سلطان بس شلون اكلمه راحت صوب الريال اللي عبالها سلطان مرت من عنده ولا مريم تناديها .. مريم: شوق شوق تعالي بسرعه شوق:زين كاني يايه راحت شوق صوب مريم وسلمت على عمتها وعيالها خالدة: فديتج ما احلاج شوق مستحية خالدة: عاد شكلي بتلخبط بينج وبين شذى مريم: الفرق بينهم حبة الخال خالدة: طالعه على عمتج خالدة عندها حبة خال وبنفس مكان شوق كان شكلها وايد حلو صغيرة ولونها اسود ولان خدها ابيض فطالع غاوي على قولة الاماراتيين بهاللحظة دقت منيرة على خالد عشان اييون ويسلمون على عمتهم لانهم كانو بالكوفي شوب ويرن تلفون شوق: احبك لو بعيد الدار عني جداك.... شوق: الووو شذى: وينكم قاعدين ندوركم شوق واهي تدورهم شافت وراها ولا سلطان : ها شذى: شنو ها أقولج وينكم؟ شوق:................. شذى: كاني لقيتكم باي شوق:............ خالدة:وهذا ولدي هادي ..هادي سلم على خالك هادي واهو منصدم : ها سيف: سلم على خالك هادي واهو يطالع شوق: مرحبا مليون ولا يسدن في ذمتيه شحالك خالي بومحمد: بخير ونعمة هادي:دوم هب يوم شذى وخالد وطلال سلمو على عمتهم خالد: ها ما تعرفنا على عيال عمتنا خالدة: هذي لولوة خالد: قوة لولوة لولوة: الله يقويك خالد: شلونكم هادي: يسرك الحال ولا يضرك منيرة: يلا خلونا نروح البيت الحين الكل: يلا خالد : انا باخذ عمتي بسيارتي بومحمد: لا انا اللي باخذها خالد: براحتك عيل انا باخذ البنات بومحمد: لولوة وشذى وشوق بسيارة خالد فيصل: وانا باخذ احمد وطلال ومريوم بومحمد: وانا باخذ ام هادي بوهادي وام خالد(منيرة) محمد:وانا منو معاي؟ مريم : محد هادي: وانا شو بتخلوني هني؟؟ محمد: لا تعال معاي منيرة: يلا توكلنا على الله تحركت السيارات الا سيارة محمد تأخرت شوي.. في سيارة خالد.. شذى: وين شوق؟ مريم: ويييي اهي قالتلي برووح الحمام خالد: لا والله شذى: مريوم دقي عليها احبك لو بعيد الدار عنك :الوو وينكم مريم: سوري نسيت شوق:لا والله مريم: شوفي محمد ما مشى ردي وياه شوق: هين اوريكم باي دقت على محمد على طول شوق:الوو محمد:هلا بشواقي هادي فز قلبه هذي شوق شوق:محمدوه راحو عني نسوني محمد: هههههههه شوق: لا تضحك انت مشيت ولا بعدك محمد: لا انا بماكدونالز شوق: خلاص انا يايتلك الحين محمد:اوكي انطرج وصلت شوق وما تدري ان هادي موجود.. اصلن ما انتبهت عليه كانت شوي وتبجي.. محمد: شدعوه كل هذا؟ هههههههه صج بنات لو نواري تسوي جذي جان ذبحتها شوق: أي من قدها نواري بعد تخيل لو نسيتوني باقعد بروحي محمد: بسج دلع عاد يلا تبين تاكلين ولا نرووح؟ هادي:لا ما تبي شي شوق ما تدري ان هادي عندهم اول ما شافته مسحت دموعها وسكتت محمد: يلا تأخرنا على نواري هادي: منو نواري محمد:هذي راس المال مرتي الغالية ام جاسم هادي: الله الله كل هذا حب محمد: احم احم عندنا بنات هني هادي طالع شوق بنظرة ذاابت البنت طلعو من المطار هادي طول الوقت واهو يشوف شوق ومو مصدق ان شوق اللي طول الوقت كان يكلمها بتكون يوم من الايام قريبة منه لهالدرجة شوق تصير بنت خاله معقولة؟ وشوق بعد طول الوقت ساكتة ومصدومة ما توقعت ان سلطان اللي اهو هادي يكون ولد عمتها..!! |
وصلو البيت وأول ما شافو شوق الكل قعد يضحك .. شوق: أي ضحكو لو انتو مكاني شنو راح تسوون وراحت فوق هادي واهو ميت من الضحك على شوق: شوي شوي لا تطيحين على ويهج شوق عصبت وراحت غرفتها وقعدت تبجي شوق كانت واااايد حساسة وتبجي على أي شي .. سارة: مرحبا الساع تو ما نور البيت طلال: اووه سويرة والله تعرفين اماراتي بومحمد:منو سويرة استح على ويهك هذي مرت ابوك مو اصغر عيالك طلال: عادي ميانة بومحمد: عيب يا ولد هادي: ها وين راح ننام؟؟ منيرة: شكلك دايخ البيت بيتكم بأي مكان تبون خالد واهو يطالع لولوة : انا مستعد اتنازل عن داري شذى: لولوة بتنام عندي انا علي: واحمد ينام عندي سارة: وانا بنام عند دانة وداري ينام فيها بوهادي وأم هادي خالدة: لا اخاف نكلف عليكم منيرة: لا كلافة ولاشي بومحمد: وهذي المشكلة وحليناها هادي: يا الله نسيتوني بالمطار والحين بتنسوني اذا ما تبوني ترى ارد الامارات الحينه طلال: لا افا ترد وفيصل موجود لا ما توقعتها منك فيصل يطلع وانت تدخل صح فصيل؟ فيصل: ها أي افا عليك.. طلول شغلك بعدين الكل يضحك مريم ونورة واهمه طالعين من المطبخ : يلا تفضلو ع العشا نورة : جاسم روح ناد بابا تلقاه فوق بداره جاسم: انثالله ماماه جاسم راح ينادي ابوه الكل تيمع ع السفرة الا شوق اللي داخت ونامت هادي: وين راحت شوق؟ شذى: مسكينة نامت واهي يوعانة لولوة: فديتها اكيد زعلت الله يهداج مريوم مريم: شسوي يعني الواحد ما ينسى بومحمد:خلصونا من هالسالفة واكلو شوقو تتدلع منيرة: بروح اشوفها دانة: لا يمه قعدي انا خلصت الحين أروح اشوفها هادي طول الوقت يشوف شذى: سبحان الله نسخة من بعض راحت دانة غرفة شوق .. دانة: شواقي شواقي قومي ما تبين عشا شوق: لا دانووه مابي انتي سكري الليت والباب وطلعي دانة: بتنامين بهدومج ؟؟ قومي بدلي شوق: مالي خلق تعبانة يلا روحي دانة: زين برووح صارت الساعه 10 مريم ردت بيت ريلها الكل كان تعبان ويبي ينام الا هادي كان قاعد بالصالة يشوف التلفزيون .. فيصل: ما تبي تنام؟ هادي: لا والله ما فيني نوم فيصل: براحتك اذا بغيت تنام غرفتي ثالث وحدة ع اليمين هادي: اوكي طلال: صدتكم شتسوون؟؟ هادي:نغازل خخخخ طلال: الله وين البنات ما اشوف احد فيصل واهو رايح داره: ما راح يخليك بحالك طلال:اقوول هادي: هلا طلال: لا ولاشي هادي: لا قوول شبغيت طلال:ولاشي استعبط هادي: يا ريال خل عنك هالسخافة طلال واهو يسوي نفسه بنت :سخافة لا مستحيييل مستحيييل جرحت مشاعري هادي: هههههه طلال: يحليلك هادي: يحليلك انت طلال: شفيك ما سبيتك يحليلك يعني ياحلاتك هادي: ادري ادري طلال: ما تبي تنام ؟ هادي:شو فيكم انتو مضايقكم لا ماابغي انام طلال:زين براحتك متى ما تبي تنام روح غرفة فصيل هادي: اصغر عيالك فصيل اسمه فيصل طلال: لا يحوشك اصغر عيالي عمره 26 عيل انا جم عمري هادي: هههههههههه طلال: لا تضحك أسنانك تلوع الجبد هادي: عدال من حلات اسنانك طلال: انا افرش اسناني 3 مرات باليوم واروح طبيب الاسنان خمس مرات باليوم هادي: قايل نكتة ويا ويهك طلال: ومن قاللك اني قايل نكتة مابي اقول نكتة هادي: يكون احسن طلال: تصبح على خير بروح انام هادي:وانت من اهل الخير لحد الحين اهل الامارات ما حفظو اساميهم وما يفرقون بين شذى وشوق صارت الساعة 3 وهادي ما قدر يقاوم نام ع القنفه اللي بالصالة .. شوق حست باليوع لانها ما تغدت ولا تعشت قامت من فراشها وراحت المطبخ عشان تسوي شي تاكله بطلت الثلاجة وطلعت خبز وجبن وسوت بيض لانها كانت يوعانة واايد وشهيتها مفتوحة وطبعا سوت لها كوب نسكفيه لانها ما تستغنى عنه وراحت صالة التلفزيون عشان تاكل .. اول شي بطلت الليت والتلفزيون بس الصدمة كانت لما شافت هادي نايم احتارت شتسوي تقعده عشان ينام فوق او تخليه نايم.. سكرت الليت وصعدت فوق عشان تييب لحاف حق هادي يابت له وراحت غرفة الاكل عشان تاكل على راحتها وما تزعج هادي .. بالصالة هادي حس بالدفا وعيز يقوم يروح فوق .. بعد نص ساعة خلصت شوق من الاكل بس ما بغت تنام لان ما بقى على اذان الفير الا شوي ودت المواعين المطبخ وصعدت دارها فجت اللابتوب وعلى طول شبكت ع المسنجر واول ما شافت سلطان مو شابك تضايقت نست انه تحت في بيتهم بس ريم بنت خالتها كانت شابكة فقعدت تسولف معاها.. احبك يا بعد هلي: ولكمووو I can't stop thinking about him; يسلموو احبك يا بعد هلي: عسا ما شر ما تشبكين بهالوقت الا اذا في شي I can't stop thinking about him; ما في شي بس شبعانه احبك يا بعد هلي: اهاا انزين الحمدلله على سلامة عمتج I can't stop thinking about him; الله يسلمج عويييييييييييش سلطان هادي احبك يا بعد هلي: ها I can't stop thinking about him; هااادي عندنا في البيت احبك يا بعد هلي: منو هادي I can't stop thinking about him; ولد عمتي احبك يا بعد هلي: لا والله حلفي I can't stop thinking about him; والله احبك يا بعد هلي: انزين عادي شنو يعني I can't stop thinking about him; مالت اقولج هاادي احبك يا بعد هلي: منو هادي I can't stop thinking about him; ريموو هادي اهو سلطان احبك يا بعد هلي: منو سلطان I can't stop thinking about him; يا الغبيه سلطان بيي الكويت صح؟ احبك يا بعد هلي: أي صح I can't stop thinking about him; انزين سلطان يطلع ولد عمتي احبك يا بعد هلي: خخخخخخخخخخ وااااااااااكككككككك ههههههههههه I can't stop thinking about him; شفيج والله من صجي احبك يا بعد هلي: الله يتمم عليج احلى فلم هندي I can't stop thinking about him; ريموووه اقولج انا مومصدقه احبك يا بعد هلي: شوقو لا تقصين علي I can't stop thinking about him; والله من صجي احبك يا بعد هلي: وينه الحين I can't stop thinking about him; نايم تحت احبك يا بعد هلي: وانتي شنو I can't stop thinking about him; شنو اللي شنو احبك يا بعد هلي: اهو يدري ان انتي شوق؟ I can't stop thinking about him; أي احبك يا بعد هلي: يا حظج والله باجر انا عندج I can't stop thinking about him; شتبين انتي احبك يا بعد هلي: افاا انا اللي I can't stop thinking about him; انزين خلاص احبك يا بعد هلي: خوفي تغارين I can't stop thinking about him; روحي لاااه بروح تحت احبك يا بعد هلي: سلمي ع الحبايب I can't stop thinking about him; باي احبك يا بعد هلي: خخخخخخ بايات نزلت تحت مرة ثانية لقت هادي قاعد اول ما شافته حاولت تروح عنه بس ما قدرت.. هادي:شوق..؟ شوق:هلا هادي:شواقي انتي مصدقة اللي قاعد يصير ؟؟ شوق: لا هادي: ما توقعتج ابد تكونين قريبة مني لهالدرجة شوق: ولا انا سلطان هادي: سلطان هههههههه شوق: ليش ما قلتلي ان اسمك هادي؟ هادي: اخاف تسحريني خخخخ شوق: هههههههه هادي: فديت ه الضحكة شوق: .................. هادي: ما توقعتج بهالجمال شوق ويهها يعكس الوان هادي: بلاج؟ شوق:.............. هادي: يا ويل حالي من اللي يستحون شوق: هدوي بس عاد هادي: تصدقين واايد تتشابهون انتي وشذى شوق:بس يفرقنا حبة الخال هادي: محليتج وااايد شوق: لا.. يعني انا مو حلوة؟ هادي: من قال ليش تفهمين غلط؟ شوق: اها عبالي بعد هادي:هههههههه |
][...الفصل الثالث...][ اذن الفير وراحت شوق تقعد اخوانها عشان يروحون المسيد وهادي راح يتوضى كل البيت قعد الا طلال نومه ثقيل هالولد صعد هادي فوق لغرفة فيصل عشان يبدل هدومه .. فيصل:صباح الخير هادي: صباح النور فيصل : اكيد الكل قعد الا طلول هادي:يحليله هالولد تحفة فيصل: مو تحفة الا برواز خخخخ هادي: تنكت ويا ويهك فيصل: تدري انك تحبط الواحد ؟ هادي: ادري ادري راحو الرياييل المسيد والحريم قامو يصلون.. لولوة:تقبل الله منيرة: منا ومنكم خالدة: والله اني اشتقت للكويت سارة: اكيد اللي يروح العمرة يشتاقلها عاد انتي 25 سنة خالدة: أي والله صدقتي تدرون شنو بخاطري الحين منيرة: شنو خالدة: استكانة شاي سارة: الحين اروح اسويلكم ذاك الشاي اللي يقعد روسكم لولوة: لا ارتاحي خالتي انا اسوي الشاي سارة: لا ما تقومين انا اللي باسويه لولوة: شدعوه خالتي عادي البيت بيتنا صح منيرة: خلي البنت تسويه بس لولوة اخذي الثولة شوق معاج خليها تتعلم بس فالحة بالعنترنت شوق: انا ثولة؟ منيرة: أي وستين ثولة بعد ولا وحدة عمرها 16 سنة ما تعرف تسوي ريوق شوق: لما الحين ما صار عمري 16 عمري 15 و11 شهر وبعدين من قال اصلن انا اليوم سويتلي بيض شحلاته تاكلون اصابعكم وراه سارة: صج؟؟ اروح اشوف المقلة؟؟ شذى: لا تتعبين نفسج اكيد نص البيض لاصق فيها الكل يضحك شوق: عمتي شوفيهم خالدة: يلا عاد كلش ولا الغالية شواقي شوق: احم احم منيرة: يلا خلصينا روحي المطبخ تلقين لولوة خلصت الشاي الحين شوق: انشالله قعدو الحريم بالصالة اللي تحت ينطرون الشاي .. نورة: شلون الامارات هناك عساكم مرتاحين خالدة: أي الحمدلله جنه بالكويت الاماراتيين طييبين وحبوبين نورة: وين ساكنين انتو خالدة: احنا بالعين نورة:دار الزين وظلو الحريم يسولفون ليما يابت لولوة الشاي.. ردو الرياييل من المسيد والحريم قامو ينامون الا لولوة كانت تشيل مواعين الشاي.. بومحمد: السلام عليكم لولوة: وعليكم السلام لولوة: تقبل الله خالد: منا ومنكم صالح الاعمال بومحمد وبوهادي صعدو غرفهم لولوة: تامروني بشي رايحة انام خالد: ما يامر عليج عدو فديتج طلال: اووووه اشتغلنا هادي شوفه يتفدى اختك هادي: شنو شقال عادي خالد: وااااااااااكككك حبيبي الاماراتيين دايم عندهم الكلام الحلو فديتهم هادي: اي احنا اصلن نموت بالكلام الحلو لولوة صعدت فوق بسرعه ما سمعت كل الكلام اللي قالوه.. فيصل: الا صج انت وين نمت امس؟ هادي:كنت اشوف فلم ودخت ونمت بالصالة تعايزت اصعد فوق طلال: عاد ابرد شي الصالة اكيد تجمدت هادي: حسيت بالبرد شوي هادي ما حب يقولهم ان شوق يابت له لحاف اهو حس فيها بس ماحب يفج عيونه عشان لا تخليه وتروح.. محمد: يلا بسكم سخافة الكل يروح ينام طلال: وليش مستعيل تو الناس تلقاها الحين نايمة خالد: عادي تقعد له هادي: منو هذي اكيد نواري فيصل فطس من الضحك محمد: هيييييييي انتو ولا احد يتكلم عن مرتي فاهمين وانت لوسمحت محد يقول نواري غيري بومحمد واهو فوق: الكل بفراشه يلا الكل: انشالله الكل نام الا شوق ما قدرت تنام ونفس الشي هادي كل واحد يفكر بالثاني.. سارة: يلا قومو الريوق جاهز منيرة: هذا لازم يشيبني وانا شباب الف مرة اقعد فيه ولا يقعد.. دانوووه بطلي الباب عليه بومحمد: قووم طيح الله حظك طلال: يبا اليوم خميس خلني انام بومحمد: خميس ولا غيره تقوم الحين يعني تقوم الحين طلال: انشالله انشالله بومحمد: لا تقول انشالله قوم خلصني طلال: يبا كاني يمك عطني خبز بومحمد: أي خبز انت على فراشك الحين قوم غسل البس وتعال الريوق تحت فيصل: واااااااااااااككك طلال حذف على فيصل المخدة: انت مالك خص انزل وكاني لاحقك في غرفة شذى... شذى: لولو اذاني تلفونج من أمس مسجات حشا بزنس ويمن لولوة: اي شو عبالج اكيد هذي ريماني قالتلي ادق عليها اول ما اوصل عسب اطمنها علي وانا نسيت شذى: منو ريماني لولوة: هذي الريم ربيعتي من ايام المدرسة شذى: يحليلها أقوول ترى الريوق جاهز تحت لولوة: اوكي اغسل وايي في غرفة محمد ونورة... نورة: محمدوه قووم خلصني تأخرت على الشركة محمد: نواري خليني انام شوي والله دايخ نورة: قوم فشلة الكل متيمع تحت محمد: بوهادي موجود يعني ابوي ما راح يروح مبجر نورة: انا قلتلك وانت كيفك انا تحت جاسم: باباه يلا كلهم ينتلونا << ينطرونا محمد: يلا كاني دقيقة احبك لو بعيد الدار عنك.... شوق: منو داق من صباح الله خير مريم: الوووو شوق: هلا مريوم مريم: وينكم شوق: في البيت ليش داقة مريم: تلفون البيت مشغول شوق: اها مريم:زين قولي حق امي اني بييكم ع الغدا شوق:انشالله الكل تيمع ع الطاولة الا هادي كان نايم.. الريوق كان متنوع سارة سوت عصيدة وقرص عقيلي خالدة: الله من زمان ما كليت اكل سنع بومحمد: بوهادي اكل هالدرابيل امس شاريهم من سوق الديرة منيرة: سويرة والله تعرفين تسوين بس جنها ناشفة شوي سارة: شوق قربي القرص عند ام هادي خالدة: لا عادي اطول الكل قاعد ياكل طلال اللي نص نايم : شوقو صبيلي جبن شوق: شنو خالد: يعني صبيله حليب شوق: بأي لغة خخخخ طلال: يلا بسرعه يوعان شوق: الحمدلله والشكر طلال: والله محد قاللكم تقعدوني الساعه 9 يوم الخميس الناس عطلة علي: الحين بس يروح ابوي الشركة ترد تنام طلال: اسكت يا الفضيحه علي وهو يعللي صوته : يبا شفت طلول راح ينام اول ما تطلع طلال: اوريك شغلك بعدين انت يا الفتان علي: يما شوفيه راح يطقني دانة: احسن تستاهل فيصل: ترا بطيتو روسنا ع الصبح سكتو خلونا ناكل على راحتنا الكل انجعم بومحمد: محمد يلا تأخرنا ع الشركة محمد: تو الناس الساعه 9 ونص الحين بومحمد: لا مو تو الناس على ما نروح وناخذ جوله في الشركة عشان يشوف بوهادي الحلال محمد: يلا توكلنا على الله شوق: اي يما تذكرت مريوم تقول بتيي تتغدى عندنا منيرة: متى قالتلج؟ شوق: مساع دقت على موبايلي لان التلفون كان مشغول منيرة: زين انج قلتي هادي وتوه نازل من الدري: صباح الخير طلال: لا والله ما يصير هادي: شو اللي ما يصير طلال: انا يقعدوني ويخلونك نايم هادي: والله انا حالة خاصة صح شواقي شوق: اي صح طلال: وليش انشالله على راسك ريشة هادي: ريشتين اذا مو عاجبك فيصل: بسكم يا اليهال هدوي اقعد تريق وانت اذلف كمل نومتك طلال: تراني عاذركم لاني دايخ ومالي خلق هادي: لا تكفى خايف منك فيصل: وبعدين يعني طلال: انا رايح انام قعدوني باجر مالي خلق اشوف ناس فيصل: هادي ما عليك منه هادي: ادري خالد: يما انا طالع تامروني بشي منيرة: وين رايح من صباح الله خير خالد: بروح حق بروك متواعدين احنا والشباب بنروح المزرعه منيرة: تلقاه نايم الحين الساعه ما صارت 10 خالد: ما عليج توه داق علي منيرة: يعني ما تبي تتغدى هني خالد: لا أي غدا انا برووح الحين يمكن ارد بالليل او انام هناك منيرة: الله يسمح دربك يا وليدي تركد وانت تسوق شوي شوي خالد: انشالله الغالية يلا فمان الله راح محمد وابوه وبو هادي الشركة وطلال راح ينام و خالد طلع .. نورة: خالتي انا بروح بيت اهلي بعد شوي لا تحسبولي غدا سارة: من بيوديج نورة: ما ادري بشوف محمد اذا فضى يوديني فيصل: لا محمد عنده شغل واايد اليوم نورة: صج فيصل: اي اذا تبيني اوديج انا حاضر نورة: خلاص عيل بعد ساعه بروح انا فيصل: اوكي هادي طول الوقت يشوف شوق اللي مو عارفه تاكل من نظراته بهاللحظة يرن موبايل لولوة.. خالدة: منو يدق بهالوقت لولوة: هههههههه هذي ريماني اخليكم انا خالدة: سلمي عليها واايد لولوة واهي صاعدة فوق: انشالله |
الريم: الوو لولوة: هلا وغلا الريم: هلا فيج زين رديتي لولوة: هههههه والله نسيت الريم: اي من شاف احبابه نسى اصحابه لولوة: هههههه الريم: شحالج لولوة: بخير الريم : دوم لولوة: ومن صوبج الريم: يسرج الحال لولوة: دوم ودهر هب يوم وشهر الريم: وياج يا رب ها شحال اهل الكويت وعلومهم لولوة: طيبين طاب حالج يونسون والله حسيت اني اعرفهم من زمان الريم: زين والله لولوة: على قلب واحد الريم: الله يخليكم لبعض لولوة: الله يسلمج الريم: وياج يا رب لولوة: انتي اخبارج واخبار البنات الريم: اي صح ذكرتيني ميثو ذبحتني من كثر ما تقول دقي عليها لولوة: هههههه يحليلها والله اشتقت لسوالفها الدبه الريم: شوو وانا اللي من اليوم ارمسج لولوة: وانتي بعد الريم: اي عبالي لولوة: شخبار اليازية الريم: عقب ما ملجت ما نشوفها كله بابوظبي ودبي لولوة: هههههه الله يهنيها الريم: امين لولوة: ماماتي تسلم عليج الريم: الله يسلمها لولوة: ريمو شصار ع اللي خطبج وافقتي ؟؟ الريم: والله ما ادري محتارة لولوة: انا سمعت انه ريال زين وما يعيبه شي الريم: بس امه لولوة: ما عليج شغلتها مو عيب ولو هي مو محتاجه ما اشتغلت بياعه الريم: لولو انا ما ابغي واحد اصرف عليه لولوة: الفقر مو عيب الريم: بس شالله حادني عليه في الف غيره لولوة: والله كيفج الريال ما يعيبه شي ع الاقل يحبج الريم: لا انا ابغي واحد نفس مستواي لولوة: براحتج انا قلت اللي عندي الريم: انزين غيري الموضوع لولوة: اشتقتلج مووت الريم: وانا بعد .. لولو اخليج الحين لولوة: وين تو الناس الريم: خالوه بتزورنا بعد شوي برووح ازهب الفوالة والمدخن لولوة: اهاا بس لا تقطعين الريم: انا ادق بس انتي ما تردين لولوة: سلمي ع الكل الريم: يوصل لولوة: يلا فمان الله الريم:فداعه الرحمن في الصالة... دانة: جسوم روح امك تبيك جاسم: مابي مابي دانة: قلتلك روح خلصني جاسم: مااااااااااااااااااااااااابي وقعد يبجي خالدة: شفيج ع الولد دانة: هذا دلوووع خالدة: شقلتيله؟ دانة: ما قلت شي بس اهو بنوتة على أي شي يبجي خالدة: تعال جسوم خلها تولي دانة: والله انا مالي شغل امه تتصرف وياه منيرة: حشا مو بنت لسانها يلوط اذانها دانة: هذا يزاي اللي اسمع الكلام نورو شوفي ولدج انا مالي شغل نورة: كل هذا عشان قلتلج ناديلي اياه دانة: والله عاد كيفج وصعدت فوق منيرة: نار هالبنت دانة واهي تصعد الدري: شنو تقولون ترى سمعتكم خالدة: هههههه فديتها نورة: يلا حبيبي جسوم تعال ألبسك بنروح بيت ماما عوده جاسم: مابي ألوح ابي أمتي<< مابي اروح ابي عمتي خالدة: فديته خليه عندي نورة: لا خالتي راح يلعوزكم خالدة: عادي خليه حرام تكسرين بخاطر الولد منيرة: هذا ياهل شعرفه خليه يروح مع امه خالدة: براحتكم منيرة:جسوم حبيبي روح مع ماما جاسم: ابي حواوة <<حلاوة نورة: يلا تعال معاي اعطيك حلاوة راحت نورة لبست جاسم ونزلت.. فيصل: يلا ام جاسم تبيني اوديج نورة: اي بس دقيقة باييب عباتي وايي فيصل: هادي امش معانا هادي: وين فيصل: نتمشى هادي: والله مالي خلق فيصل: خلاص عيل توكلنا على الله نورة: يلا روح السيارة على ما انادي أليس نورة: اليس bring my bag اليس: اوكي مدام خالدة وسارة بالمطبخ.. شذى ولولوة قاعدين بالصالة عند منيرة بعدين نزلت لهم دانة... |
][...الفصل الرابع...][ هل تعرفون من هو همتارو.. مخلوق حلو صغير همتارو دانة: علي وويعه قصر على التلفزيون علي: مابي انتو قرقة ما اسمع دانة: قلتلك قصر علي: قلتلج مابي دانة:يما شوفي ولدج لا اقوم عليه الحين لولوة: هدي شفيج انتي نار دانة: عليو قصر خلصني احمد: ما عليك منها دانة: انت مالك شغل ... وقامت صكت التلفزيون علي: يما شوفيها منيرة: انتي شفيج ع الولد شغليله البباي دانة: مابي منيرة: دانووه وويعه شغليه دانة: كل شي يبيه يسويه دلوع امه علي: مالج شغل كيفي دانة : اذا بيشغله انا مالي قعدة هني علي: احسن دانة عصبت وراحت غرفتها لولوة: الله يهداج خالتي منيرة: تستاهل ام لسانين كل شي تبيه حقها لولوة: اهي ما قالت شي قالتله قصر اهو ما طاع منيرة: قالت ولا ما قالت تحط دوبها دوب هالياهل دشت عليهم مريم.. مريم:السلام عليكم الكل: وعليكم السلام سلمت عليهم وقعدت.. مريم: عمتي وين ما اشوفها منيرة: بالمطبخ قالت بتسوي الغدا وما تبي احد يساعدها مريم: عمتي سارة وشواقي ودانوه وينهم شذى: دانووه بدارها زعلانه مريم: هههههه الحين ايي فيصل ويراضيها شذى: اي صح مريم: روحي ناديها وتعالي الحديقة الجو شحلاته شذى: انشالله الكل راح الحديقة الا طلال وهادي وشوق.. فوق... هادي بغرفة فيصل اللي مجتبلة غرفة شوق هادي واهو يكلم روحه : انا لازم اكلم امي عسب... طلال يبطل الباب بكل قوة هادي: اعوذ بالله طلال: ليش شايف يني جدامك؟؟ هادي: ما تعرف تطق الباب؟ طلال: اخاف غرفتك بس هادي: احترم نفسك ولا تطول لسانك طلال: اخر زمن انت تعلمني الاحترام هادي: شتبغي مني الحينه طلال: انت باط جبدي هادي: شسويتلك انا طلال: ولاشي بس ما احبك هادي: عاد انا امووت فيك طلال واهو طالع من الغرفه: شوف انا محترمك بس عشان امك ولا انت مو ويه احترام هادي: طلال طلال: نعم هادي: نعامه ترفسك طلال:اهم شي قلت اللي عندي برايك هادي:في شي اسمه احترام طلال: اعرفه زين اعلمك اياه؟ هادي: في دروس واايد نعرفها بس ما نطبقها طلال: علم نفسك هادي: تراني وصلت حدي طلال: زين مبرووك هادي: طلال والله اذا ما احترمت نفسك وثمنت رمستك والله لتشوف شي ما يسرك طلال: مثل شنو هادي: شي ما يسررك تراني حلفت طلال: اللي ما تواصله بايدك واصله بريلك مع كل هالصراخ شوق طلعت من غرفتها كانت بتروح الحديقه لان الكل متيمع هناك شوق: خير شصاير شفيكم؟ هادي: ادبي اخوج هذا لانه قليل ادب طلال: محد قليل ادب غيرك شوق: طلال طلال: شتبين انتي الثانية شوق: عيب عليك ولد عمتك طلال: ما اتشرف فيه شوق: طلال وويعه هادي: عاد انا اللي اتشرف شوق: هادي هد شوي طلال: شوقو وخري عني شوق: ترى ادق على ابوي الحين طلال: عبالج خايف؟ شوق: طلال بس عاد طلال: برايكم هادي: لا تعال خلني أأدبك شوق: هادي خله عنك نزل طلال وخلا شوق وهادي فوق هادي: اخوج هذا قليل ادب شوق:....... هادي: هذا الصدق شوق: احسن دوا للي يحاول يستفزك تحقره هادي: اسف لازم يلقى اللي يوقفه عند حده شوق: هذا ياهل لا تاخذ كلمته هادي: عيل يقوللي ما اتشرف فيك عدال انا اللي اتشرف فيه وف اهله شوق عصبت بس ظلت ساكتة شوي عشان يهدي هادي:انا راد الامارات الحينه شوق ما قدرت تتحمل اكثر ركضت لغرفتها بسرعه دش هادي غرفته واهو معصب... و الساعه 2.30 تحت... وصل محمد وابوه وبوهادي من الشركة .. راحو البنات يحطون الغدا .. محمد: وين جسوم منيرة: أي صح محمد محمد: هلا يما منيرة: مرتك راحت بيت اهلها تقول تدق عليك ما ترد محمد: اي صح انا ناسي تلفوني منو وداها؟ منيرة: فيصل فيصل واهو داخل: السلام عليكم الكل : وعليكم السلام فيصل: لحقوني بالغدا تراني يوعااان منيرة: يلا كاهو حطوه تفضلو ع الغدا مريم: بروح انادي شوق وهادي فيصل: بسرعه ولا بناكل مريم: انزين راحت مريم غرفة شوق اول .. مريم واهي تطق الباب على شوق: شواقي يلا الغدا تحت شوق: مابي مريم: ليش؟؟ شوق: بس مريم: زين بطلي الباب باكلمج شوق: مالي خلق روحي تغدي مريم: اقولج بطليه شوق: انزين مسحت دموعها وبطلت الباب.. مريم: شواقي حبيبتي شفيج؟ شوق واهي تبجي: ما فيني شي مريم: والله تقولين شوق:مريوم روحي تغدي انتي وانا باسكت بروحي مريم: ما راح اتحرك الا لما تقوليلي شوق راحت على سريرها: حرام عليج خليني بروحي مريم: بروح انادي هادي واتغدى ورادتلج شوق ظلت تبجي مريم طقت الباب على هادي الباب كان مسكر ومو مقفول هادي: منو مريم بطلت الباب: شلونك؟ شخبارك؟ هادي من غير نفس: بخير مريم: انزين اسألني شحالي هادي: والله انج متفيجه.. اسف.. شحالج؟ مريم: شفيكم اليوم كل واحد معصب هادي: منو بعد معصب.. طلال؟؟ مريم: لا شوق هادي: شوق؟ مريم : اي.. انزين تبي غدا هادي: لا مالي نفس مريم: ليش هادي: مالي نفس وخلاص مريم واهي طالعة: حالات وحدة تبجي وواحد معصب الله يستر من اللي ياي هادي فكر يروح يكلم شوق بس بعد اهو معصب ويخاف اذا كلمها يضايقها او شي .. نزل هادي تحت عشان محد يحس بشي .. الغدا كان واايد حلو شكل وطعم بومحمد: تسلم ايدج خالدة: الله يسلمك هادي: السلام عليكم محمد: لا سلام على الطعام سم واكل هادي: الله شحلات الاكل اكيد امايه اللي مسويتنه خالدة: هههههه طلال: يا ثقل دمك هادي طالع طلال بنظرة خلته يسكت بومحمد: عيب عليك استح على ويهك وصير ريال الكل سكت وكملو الاكل.. فيصل: وين شوق؟ مريم: فوق بدارها تقول ما تبي غدا فيصل: ليش مريم: ما ادري عنها شكلها متضايقه واايد وقاعد تبجي هادي حس بتأنيب الضمير شوي منيرة: ما عليكم منها هذي البنت دوم تتدلع بومحمد: تلقون وحدة من رفيجاتها مسويتلها مقلب ولا شايفه قطوة الكل: هههههههه هادي قام خالدة: وين يما ما اكلت هادي: لا امايه شبعت خالدة: براحتك غسل ايده وصعد فوق على طول راح غرفة شوق طق الباب شوق: منو هادي: انا هادي بطلي الباب شوق: هادي؟؟؟ هادي: هيه شوق: تبي شي؟ هادي: بطلي الباب اقولج راحت شوق بطلت الباب.. هادي: ممكن ادخل..؟؟ شوق: ............. هادي: شفيج ساكته ارمسج انا شوق: تفضل هادي: شواقي حبيبتي شفيج؟ شوق بدت تبجي هادي: تصيحين؟؟ شوق: ما فيني شي هادي:كيف مااشي وانتي تصيحين؟؟ قوليلي شفيج شاللي مضيق بج شوق: انت هادي: انا ؟؟ شوق: اي هادي: عسب سبيت اخوج؟ والله هو طلعني من طوري شوق: ................ هادي: بس هذا اللي مزعلنج؟ شوق: لا بعد هادي: شو شوق: انت قلت بتروح الامارات .... وردت تبجي بس هالمرة اقوى هادي:هههههههههه شوق تطالعه بنظرة هادي: فديت روحج انا شوق نزلت راسها هادي: احبها يا ناااس شوق: هادي هادي: عيونه شوق: بتروح؟؟ هادي: ما اروم اخليج انا شوق: صج هادي: لا كذب شوق: هاااادي هادي: اسولف فديتج لحظة صمت.. هادي: يلا عاد بلا دلع شوق: ها هادي: مسحي دموعج وتعالي تحت انطرج شوق: هادي هادي: هلا شوق:اوعدني ما تخليني هادي مسك ايدها : وعد ........ تخيلني وسط صحراء ونار الشمس تكويني.. تخيل خطوتي حافي وشوك الارض يدميني.. تخيل لهفه أنفاسي ادور قطره ترويني.. ادور غيمه تظللني وتواريني.. هذا حالي بدونك طلبتك لا تخليني..!! ........ |
رواضي عجبتج القصة؟؟؟ |
][...الفصل الخامس...][ طلع هادي من غرفة شوق جان يشوف طلال طلال: انام احسللي من مجابل نااس هادي: نوم الظالم عبادة.. ونزل تحت غسلت شوق ويهها ونزلت تحت الكل كان قاعد بالصالة .. منيرة: تو الناس جان ما نزلتي بعد شوق: السلام عليكم الكل: وعليكم السلام مريم: شواقي اذا يوعانة ترى مخليلج غدا بالمطبخ خالدة: اي عاد قوليلي رايج انا اللي مسويته شوق: صج.. يعطيج العافيه اكيد حلو خالدة: فديتج وفديت منطوقج فيصل: قعدي ليش واقفة ما كان في مكان الا عند هادي وشوق مستحية تروح تقعد شوق: لا بروح اكل غداي منيرة: بنات اخر زمن يقعدون يلقون كل شي جاهز خالدة: شفيج ع البنت كليتيها شوي شوي منيرة: وانتي شعليج بنتي وانا وادرى بمصلحتها خالدة: براحتج هادي راح المطبخ اهو بعد كان يوعان ما تغدى دش المطبخ ولا شوق كانت واقفة فوق الطاولة لان كان فيه زهيوي "صرصور" يمشي ع الارض.. هادي كان ميت من الضحك على شكلها بس بغى يخرعها زيادة .. راح وراها هادي: بوووو شوق تبي تصارخ بس هادي حط ايده على حلجها شوق ميته من الخرعه شوق: واي يمه خرعتني هادي: ادري هههههههههه شوق: اي اضحك شعليك هادي: تعالي انتي يا الخوافة ليش واقفه فوق الطاولة استحي على طولج شوق: لاوالله تبيني اوقف بالارض وهالزهيوي يحوس تحتي هادي: الحين انتي شكبرج تخافين من صرصور؟ شوق: والله عاد كيفي ما احبه مقرف ويع هادي: اهو اللي يحبج شوق: ليش ياي المطبخ؟ هادي: اشتقتلج شوق: ........... هادي: لا تصدقين عمرج انا يوعان ما تغديت شوق: تبيني اسويلك شي؟ هادي: لا مو بايع عمري شوق: براحتك هادي: شوقو اشم ريحه انا شوق: وييييييي هادي: شفيج؟ شوق: شوف الميكرويف قاعد يطلع دخان هادي: وتقول تبيني اسويلك شوق: كله منك نسيت اشيل القصدير دشت عليهم دانة .. دانة: شواقي هدوي بسررعه روحو لبسو شوق: ليش؟ دانة: صوصو بيطلعنا شوق: وين ؟ دانة: ما ادري بتروحين ؟ شوق: اي اكيد دانة: عيل يلا بروح اقول حق ابوي يعطينا فلوس طلعت دانة من المطبخ.. شوق: هدوي بتروح؟ هادي: شو يقعدني شوق: عيل يلا روح البس هادي: بروح اتكشخ بشوف غراشيب الكويت شوق طقته : مو عاجبتك اللي جدامك هادي : اسوولف شفيج انتي شوق: لحظة قبل لا تروح اذبح الزهيوي هادي: هههههههه صج بنات ما راح اذبحه تعلقي فوق شوق: هدوي يلا عاد هادي : اوكيشن وينه؟ شوق: ما ادري دوره هادي: ما ادري وين راح بسررعه نزلي تأخرنا شوق: انزين راحو البسو ونزلو تحت فيصل: من بيروح الحين؟ دانة: انا وياك وشوق وهادي فيصل: والباجي؟ دانة: مريوم بتروح ويا عمتي وامي حق بيت خالي فيصل: واليهال؟ دانة: لا لا ما نبيهم بلييييييييز علاوي بيرفع ضغطي كافي اللي مساع فيصل: اوكي دانة: بس بقى شذى ولولوة وطلال فيصل: روحي ناديهم شوق: انا بنادي طلال هادي واهو يأشر حق شوق: لا لا راحت شوق عشان تنادي طلال لحقها هادي ودانة نادت لولوة وشذى.. هادي: شواقي اذا راح اخوج انا ماني رايح شوق: ليش عاد هادي: بس شوق: خلاص ما راح اقوله هادي: يكون احسن.. شواقي شوق: هلا هادي: شحلاتج.. شوق ويهها صار احمر خلاها ونزل عند فيصل.. فيصل: اذا جذي نبي سيارة سيارتي ما تكفي هادي: خالد وينه؟ فيصل: اي صح دق فيصل على خالد .... فيصل:الوو خالد: هلا فصيل فيصل: وينك؟ خالد: موجود امرني فيصل: لا بس بغيت اطلع البنات وسيارتي ما تكفي ابي سيارتك وينك؟ خالد: انا توني راد من الربع مسافة الطريج واكون عندك فيصل : اوكي انطرك مع السلامه خالد: الله يسلمك ... الكل جهز ونزل ودانة راحت ودقت على رغد بنت خالتها اخت ريم ورغد اكبر من دانة بسنة.. بس ريم اهي اللي شلت التلفون: الووو دانة:روحي ناديلي رغود بسرعه ريم:شتبين فيها دانة:ابيها تطلع ويانا ريم: وانا؟ دانة: انتي شتبين ريم: انا اللي كبرج المفروض تعزميني مو رغود دانة: وانتي شكو احبها ريم: عاد اللي بيطلع وياج حتى لو بستي ريولي ما راح اروح دانة:ولا اقول لا انتي ولا اختج ما نبيكم ريم: عاد الميتة عليج وعلى طلعتج دانة: يحصللج صوصو اللي بيودينا يلا بايات وسكرته.. فيصل: خالد مو جنك كنت بتروح المزرعه؟ خالد: بروح بعدين فيصل: متى يعني خالد:ما ادري اذا دقو علي الشباب دانة: لا احنا بنطوول ويمكن نتعشى بعد صح صوصو؟ فيصل: اي انا فاضي اليوم خالد:عيل انا باقعد وياكم بعدين ارد وانت ردهم كلهم فيصل: وهقتنا جذي خالد: عاد كيفك فيصل: انزين بعدين ترد انت بسيارتي وانا اخذ سيارتك شوق: حرام اخذو علاوي واحمد وسلوم دانة: لا مابيهم فيصل: خل ناخذهم وما اخليهم يقولولج شي شوق: يلا عاد دانووه دانة: انزين لولوة: اصلن محمد وداهم الملاهي شوق: صج؟ شذى: اي دانة: خيانة ويبوني اخذهم بعد رن تلفون خالد.. خالد:هلا والله بالقاطع سعود: هلا فيك خالد:شلونك؟ سعود: بخير الحمدلله وانت خالد: بخير امرني الغالي سعود: ما يامر عليك عدو بس بغيت اذكرك نشوفك بالمزرعه انشالله خالد: انشالله سعود:اخليك الحين فمان الله خالد: مع السلامة ....... فيصل: ها شنو خالد واهو يطالع لولوة: حسافه كنت باروح عندي نص ساعه اقدر اوديكم فيصل:خلاص اوكي هادي: يلا توكلنا على الله شذى: ناديتو طلال؟ شوق توهقت: اااااطق عليه الباب ما يرد فيصل: اكيد نايم احسن خلوه ...... راحو لولوة وشذى وشوق بسيارة خالد وهادي ودانة بسيارة فيصل في سيارة فيصل.. هادي: وين بنروح.؟؟ فيصل: ما ادري الطلعه حق دانة دانة: ودنا المرينا احسن ننتسوق ونتمشى هادي: اي احلى شي المول فيصل:اي حلو بعدين ننتمشى ع البحر فيصل: ها دانوتي؟ دانة: خلاص المرينا *المرينا.. مول كبير ع البحر.. مجمعين بينهم جسر وايد حلو كله محلات ومطاعم بس يوم الخميس واليمعه يصير واايد زحمة * فيصل دق على خالد فيصل: خلود بنوديهم المرينا شوف البنات خالد: اوكي لحظة شوي خالد يكلم البنات : بنروح المرينا شرايكم؟ شذى: اي الله شوق: لا لا ما نبي خالد: ليش شوقو؟ شوق: عطني فيصل باكلمه خالد: هاج..عطاها التلفون شوق: الوو فيصل يكلم هادي ودانة: عاد بدت الرادو الحين سمعو .. حط التلفون سبيكر شوق: الوو وصمخ ما تسمع فيصل: ها شوق: قول نعم فيصل: انشالله شوق: ما نبي نروح المرينا فيصل: ليش؟ شوق: مو حلو فيصل: الحين المرينا مو حلو شوق: فصيل ما نبي تكفى دانة: لا نبي يلا عاد شواقي شوق لما سمعت صوت دانة: فصيل وويعه حاطه السبيكر؟ فيصل: هههه صادتني سكرت بويهه .. فيصل: وي عاد الحين عصبت منو يراضيها خخخ وصلو المرينا.. الكل نزل الا شوق راح لها هادي هادي: يلا تأخرنا شوق: لحظة شوي هادي: شو تسوين؟ شوق: ادور موبايلي طاح تحت هادي:هاج دقي عليه شوق دقت على موبايلها من موبايل هادي .. احبك لو بعيد الدار عنك.. شوق: كاهو لقيته هادي: ع البركة خخخ شوق: يلا تأخرنا هادي واهمه يمشون: ليش ما بغيتينا نيي هني؟ شوق: لانك بتشوف بنات وايد هادي: ويعني شوق: لا اخاف تعجبك وحدة هادي: زين قلتيلي عشان اوزع رقمي شوق: شنو؟ هادي: فديت بنات الكويت شوق: هدوي وويعه هادي: الله يسامحج شوق: اذا طالعت وحده فيهم يا ويلك هادي: الله شوفي هاي شحلاتها تخبل شوق: هاادي هادي: تغارين؟؟ شوق ويهها صار احمر: يلا بسرعه فيصل يأشر لنا هادي: فديت قلبج ....... |
][...الفصل السادس...][ فيصل: سنة على ما تييون؟؟ شوق: شسوي تلفوني ما ادري وين طاح فيصل: انزين الحين البنات روحو بروحكم وانا وهادي وخالد بنتمشى شوق: بروحنا؟؟ فيصل: انتو اربع مو وحدة ولا ثنتين وأي احد يتعرض لكم دقو علي هادي: ونعم الاخو فيصل: شقصدك؟ هادي: ماشي خالد: تبونا ننروح وياكم؟ شوق: اي هادي: لا شذى: شوقو خليهم احنا بنروح بروحنا أحسن شوق: انزين هادي يكلم روحه امووت في هالبنت خالد: انا بروح الحين تامروني بشي؟ فيصل: سلامتك خالد واهو يطالع لولوة: بنات تبون شي ؟ لولوة: سلامتك الغالي خالد ابتسم وراح.. دشو البنات المول وهادي وفيصل وراهم بعدين فيصل وهادي قعدو بستاربكس فيصل: هني احسن مكان للمغازل هادي:خخخخ هذا وانت خاطب فيصل: مالك شغل هادي: هههههه انزين فيصل: شوف شوف يذبحني هاللون هادي ميت من الضحك فيصل: شفيك عيش الجو مو تسوي نفسك بريء ما تعرف هالسوالف هادي: جوف اللي وراك تبتسملك فيصل: وين هادي:طالع وراك فيصل شافها ولف ويهه بسرعه: وع شنو هذا شفت براطمها؟ هادي: هههههه عيب عليك فيصل: لا ما تصلح هادي: حلاته تشوفك مرتك الحين فيصل: خل تشوفني عادي هادي:عادي؟ فيصل: اهو مو عادي عادي بس ما عليه بعدين مرتي شاللي يايبها هني؟ تغازل؟؟؟ هادي: زين خلاص فكنا فيصل: بروح اييبلي فربتشينو تبي؟ هادي: لا فيصل: براحتك قعدو فيصل وهادي يسولفون هادي دز مسج لشوق اللي حفظ رقمها باسم شواقي المسج: اشتاق لك شوق له الشوق يشتاق.. شوق يشوق شايق الشوق شوقه.. شوقي وشوق الشوق عشاق.. وشوق ضرب شوق خليفة اشواقه.. وشوق المشتقي ذابح اشواق.. اشتاق وشوق لي من البعد شاقه.. أقول باختصار.. ((((مشتاقلك)))) تعالي انا بستاربكس شوق دزتله مسج : كل ليلة تمر يكبر غلاك ماسكن قلبي من الدنيا سواك احبك حب يسمونه هلاك من صجك انت؟ قراها هادي ودزلها: عيل اذا طالعت غيرج لا تلوميني دقت عليه شوق... هادي: هلا والله بحبي شوق: فيصل وينه؟ هادي: كاهو عدالي شوق: لا والله هادي: بتيين ولا..؟؟ شوق: لا هادي: يكون احسن شوق: هادي شسوي يعني هادي: لا تسوين شي شوق: انزين بيي بعد عشر دقايق هادي: لا الحينه شوق: انزين ... ............. شوق: بنات خلونا نروح ستاربكس شذى: مداج تونا ما تمشينا دانة: اي تو الناس شوق: يلا عاد شذى: بعد شوي شواقي لولوة: هيه نتمشى شوي بعدين نروح شوق: اوكي عيل انا بروح اودي الاغراض اللي شريناهم عند فيصل واشتري موكا وايي شذى: اوكي .................... راحت شوق عند هادي وفيصل... فيصل: هلا والله شوق: هلا فيك فيصل: مداكم تشترون كل هالاغراض؟؟ صج بنات شوق: باجر بنشوف مرتك بتشتري دبل هالاغراض فيصل: ما راح اعطيها ولا فلس شوق: عقب ما تتزوج بذكرك فيها هادي: فصيل شوف هذا يناديك فيصل توه بيشوف جان يدق تلفونه فيصل: الوو عبدالله: هلا والله فيصل: هلا فيك عبيد عبدالله: شتسوي بالمرينا فيصل: شدراك انت عبدالله: كاني وراك تعبت وانا اناديك فيصل: الشباب وينهم عبدالله: كاهم كلنا متيمعين تعال حياك فيصل: كاني يايكم ............. فيصل: هذا رفيجي عبيد اهو والشباب هني بروح عنده هدوي تعال وياي هادي: لا يا معود انت روح عند ربيعك انا بايلس هني فيصل: ليش تعال عادي راح اعرفك عليهم هادي: بعدين البنات ييون يدورونا ما يلقونا فيصل: طاع العذر.. بالطقاق البنات يقعدون بروحهم هادي: انا ما احب اقط ويهي فيصل: اي صح مو حلوة قطة الويه خخخ.. انزين بتقعد بروحك؟ هادي: الحين شوق عندي بانطر البنات شوق: البنات الحين بييون فيصل: خلاص عيل راح فيصل عند ربعه... هادي: الحين بقينا بروحنا شوق:............... هادي: شياج رمسي شوق: شنو اقول هادي: أي شي سولفي شوق: انت تكلم هادي:بظل ساكت لين ما ترمسين شوق: هدوي ابي اشوفك وانت تييول هادي:امحق امحق امحق شوق:شنو هادي: ليلحينه ما نسيتي خخخخ ما اعرف غيري الموضوع شوق: كله اذا قلتلك شي ما تسويه هادي: شو ؟ شوق:ولا شي شرايك بالكويت؟ هادي: دام فيها اللي خذت قلبي ما عليها كلام شوق: ومنو هذي اللي خذت قلبك؟ هادي: وحدة ينقالها شوق تعرفينها؟ شوق: اشوه عبالي وحدة ثانية هادي: ومن قاللج انها انتي في بنات واايد اسمهم شوق شوق: هدوي هادي: عيونه شوق: ولا شي هادي: هيه ذكرتيني شوق: هلا هادي: تراج وايد دلوعه وانا ما احب الدلع شوق: انا؟ هادي: لا انا شوق: ليش هادي: شو ليش كل ما احد قاللج كلمه قلبتيها صياح شوق: عاد انا طبعي جذي هادي: غيريه لاني ما احب الدلع شوق: ما اقدر هادي: وليش انشالله ما تقدرين؟ شوق: لاني تعودت بس راح احاول عشانك هادي: يكون احسن ...................... رن تلفون شوق ..احبك لو بعيد الدار عنك... شوق: هلا شذى شذى: وينج؟ شوق: عند هادي شذى: وين قاعدين شوق: بستاربكس شذى: ووين فيصل؟ شوق:راح عند ربعه شذى: اوكيك يايينكم الحين شوق: باي هادي: شو شوق: بييون البنات الحين هادي: حرااااام شوق: ليش هادي: ما شبعت منج شوق استحت ونزلت راسها هادي: فديت اللي يستحون شوق: هادي انت تحبني..؟؟ هادي: هيه شوق: صج؟ هادي: لا كذب شوق: نو رومنسيه هادي: هههههه شوق:دوم هالضحكة يو البنات وقعدو معاهم دانة: الساعة جم الحين هادي: شو خلصتو دانة: لا تو الناس بس اسأل شذى:الحين الساعه سبع الا ربع لولوة: فااتج شواقي شريت تنورة تخبل شوق: عليج بالعافية انا بعد خاطري اشتري تنورة لولوة: في نفسها لونها اسود واايد حلوة شوق: اسود؟؟ هادي: هيه اسود ما تسمعين اكيد بتظهر حلوة شوق: بس علي احلى يلا نروح نشوفها دانة: لحظة انا تعبانة قعدو شوي شوق: اوكي دانة: الا صوصو وينه؟ هادي: راح عند رباعته هناك دانة: اهاا هادي: دانووه يلا بروح اتمشى خلصينا دانة: انزين يلا راحو كلهم حق المحل اللي شرت منه لولوة تنورتها عشان شوق تشتري التنورة السودا لولوة: ها شواقي شو رايج؟؟ شوق: ما ادري اهي حلوة بس هادي: خلاص توكلو على الله لولوة: وانت شدخلك كيفها البنت هادي: شو قلت انا شوق: اوكي باخذها خذتها شوق وطلعو يتمشون شوق ودانة وشذى جدام يم بعض وهادي ولولوة وراهم هادي: شوق وشذى وايد يتشابهون لولوة: هيه وااااايد انا ما افرق الا باللبس هادي: وحبة الخال لولوة: خخخخخ مشالله عليك هادي: انزين لولو شوفي ذيج شحلاتها لولوة: عيب عليك ويانا بنات هادي: شدخل لولوة: يوم تصير بروحك ولا تتمشى مع ربعك شوف البنات هادي: انزين طالعي ذيج تضحكلي لولوة: الله يخلف علي دام هذا اخوي هادي: لو ما انتي اختي العودة جان علمتج الشغل لولوة: عيل الحمدلله اني اختك العودة اروح امشي عند البنات ابرك لي هادي: براحتج دق منصور على هادي منصور هذا رفيج هادي الروح بالروح ويصير ولد ييرانهم وكل اسراره عنده ويعرف كل اللي بقلبه ونفس الشي منصور يعتبر هادي اخوه اللي ما يابته امه ومنصور يحب لولوة مع انها اكبر منه وكان ناوي يخطبها حقه اذا صار بسن الزواج |
وفي البيت.. محمد: يلا دشو خلصوني تيننون الواحد تطلعوله قرون علي: محمد نبي ناكل احمد: هيه نبي من المطعم محمد: روح قول للخدامة تسويلك عشا علي: مالي شغل ابي من المطعم محمد: ما في مطعم تبي قوول للخدامة علي: مالي شغل ابي من المطعم يعني ابي من المطعم محمد: وانا قلت ماكو مطعم علي: بروح اعلم امي محمد: رووح ولا اقول قولها تطلبلك بعد راح علي يدور امه ما لقاها شوي ولا توها داخلة اهي وخالدة وسارة ومريم.. علي: يما ابي من المطعم منيرة: وليش ما عشاكم محمد؟ علي: لا ويقول ما في مطعم منيرة: وينه اهو الحين؟ علي: راح الديوانية منيرة: خلاص يما أي مطعم تبي روح اطلب مريم: والله انج مدلعته وايد منيرة: وانتي شعليج مريم: ولا شي خالدة: وين البنات ليش هدوء مريم: يمكن فوق او بالحديقة....اليس اليس اليس: يس مدام مريم: where are everybody? اليس: They all went out with sir Faisal مريم: يما تقول طلعو مع فيصل منيرة: وين موديهم هذا بعد مريم: الحين اتصللج فيه دقت مريم على فيصل... فيصل كان قاعد مع هادي والبنات ع البحر ياكلون مريم:الو فيصل بصوت عالي: هلا والله وينج حياتي اشتقت لج ... الكل التفت على فيصل .. وفيصل استغل الفرصة مريم: شنو اشتقتلي توني متغدية معاك فيصل: افا يعني ما اشتقتيلي مريم: الحمدلله والشكر انت صاحي؟؟ فيصل: اكيد صاحي يوم اخترتج من بين الف وحدة مريم: الووووو انت فيصل فيصل: احبج الكل مستغرب من فيصل شلون يتكلم مع وحده وجدام خواته وبكل هالجرأة وهادي حب يرقع شوي ويأشر حق فيصل.. فيصل واهو شوي ويموت من الضحك: يلا عاد حبيبتي ابي اسمعها منج مريم: فيصل وويهد اذا ما تسنعت وكلمتني عدل فيصل: انشالله خلاص توبة ما اعيدها .. هلا مريوم شبغيتي مريم: اي خلك جذي.. وينكم فيصل: ماخذ البنات وقاعدين ع البحر نتعشى مريم: اهاا وطلال وهادي معاكم فيصل: لا طلال راح مع ربعه وهادي معانا مريم: اوكي خلاص مع السلامة فيصل: مع الف سلامة.. اول ما سكر التلفون ولا الكل منسدح من الضحك هادي: ههههه الله يغربل ابليسك صدقت انا دانة: ههههه لو صج كنت باذبحك شوق: اكيد زفتك زفة محترمة هههههه فيصل: خخخخ لا بس قالتلي فيصل وويهد اذا ما تسنعت وكلمتني عدل خخخخ لولوة: زين ما سوت بك شذى: انا اللي مستغربة شلون تكلمها بكل هالجرأة ههههه فيصل: مابي اروح البيت بتذبحني خخخ شذى: هذا اذا ما نست لولوة: يلا عاد نبي ايسكريم دانة: افا عليج الحين صوصو بيودينا باسكن روبنز صح؟ فيصل: اي صح راحو باسكن روبنز وشرو منه وردو البيت دخلو البيت الكل راح يبدل الا فيصل وهادي راحو الصالة خالدة: ها يما انشالله استانست هادي: هيه شفت الغراشيب خالدة:ههههه الله يغربل ابليسك اكيد غراشيب دامي منهم هادي: ههههه اكيد امايه الله لا يحرمني منج خالدة:ولا يحرمني منك فيصل: الله الله يما شوفي الحنان شلون منيرة: شقصدك فيصل: ولا شي خخخ خالدة: هدوي الساعه جم بالإمارات الحين هادي: 12 ونص خالدة: ابيك باجر تدق على بيت عمك بوخليفة ابي اكلمهم هادي: انشالله بس اميه متى بنرد البلاد؟ فيصل: شنو مليتو منا؟ هادي: لا حشا بس اشتقنالهم خالدة: والله ما ادري عن ابوك هادي: يصير خير يلا انا اخليكم بروح ارقد خالدة: نوم العوافي فيصل: خذني معاك هادي: لا خلك انت هني فيصل: خخخخ احتليت الدار اشوف هادي: هههههه راح هادي غرفته وراح يدق على منصور لانه بيسولف معاه يدق عليه محد يرد توت توت توت هادي: مو من عادته يتخمد بهالوقت .. |
][...الفصل السابع...][ في الشاليه.. طلال: جراحو خلنا نرد الحين جراح: تو الناس طلول الساعه 12 بنروح طلال: لا انا تعبان بروح ارتاح جراح: الله والتعب شفيك عسا ماشر طلال: بطني يعورني جراح: حتى انا تصدق طلال: من كليت ذيج الوجبة جراح: انزين خلنا شوي بعدين بنروح طلال: انزين قعدو الشباب يلعبون جنجفة ...وبعدين جراح خذا طلال بسيارته عشان يردون البيت وفي الطريج: طلال: جراحو روح المستشفى جراح: بلا عيارة حتى انا بطني يعورني طلال: اقولك ودني المستشفى حاس عمري تعبااان جراح: انزين وبعد ربع ساعة وصلو المستشفى وبعد ما فحص الدكتور طلال... طلال: ها دكتور بشر جراح: مبروك الاخ حامل خخخ الدكتور: عندك تسمم جراح: يعني شنو الدكتور: ماكل حاجه منتهيه او بايته يعني زي كده طلال: وشسوي الحين الدكتور: حتؤعد يومين بالمستشفى حنعملك غسيل جراح: وانا دكتور الدكتور: انته ايه جراح: بطني يعورني الدكتور: لأ ما فيش حاجه طلال شاف تلفونه ولا 5 missed calls من امه.. دق على امه عشان يطمنها وقاللها انه بينام عند ربعه بالشاليه عشان ما تتضايق.. الساعه 2 في البيت.. بومحمد: ها ارتحتي كاهو دق وطمنج منيرة:بس قلبي ناغزني عليه بومحمد: ما فيه الا العافية قومي ننام بوهادي: ونحن بعد قومي ام هادي قامو الكبار ينامون فيصل: وناسه البيت فاضي لا طلول ولا خالد ولا جاسم محمد: وجاسم قاعد على قلبك؟ فيصل: خخخ لا بس مزعج محمد: محد مزعج غيرك ولدي مو مزعج فيصل: انزين خلاص محمد: الا وين هادي؟ فيصل: مساع راح غرفته اللي اهي غرفتي محمد: روح شوف اذا ما نام ناده خل يقعد ويانا فيصل راح لهادي شافه قاعد ناداه ونزلو تحت عند محمد اما البنات كانو قاعدين بغرفه شوق شوق: تو ما نورت الدار لولوة: بوجودج الغاليه دانة : اللي يقول عاد كلها غرفة شوق: وانتي شكو لولوة: مريوم فاتج اليوم روحنا المول مريم: اي قاللي فيصل وانتو خونه ما تعلمون دانة: والله حبيبتي فيصل مو مكلوف فيج عندج ريلج مريم: محد مثل ريلي بس انا بعرف اذا تزوج فيصل شبتسوين شذى: الله يعين مرت فيصل عليج دانة: مالت عليكم مرت فيصل بحطها بعيوني هذي مرت الغالي شوق: وينك يا فيصل تيي تسمع لولوة: شواقي جربتي التنورة؟ شوق: اي صج ذكرتيني شذى: خلف الله عليج باعرف بس اللي شاغل بالج لولوة: حبيب الروح شوق استغربت وشافت لولوة عبالها هادي قالها بس لولوة المسكينة قطت الكلمة بعفوية وما كانت تقصد شي .. مريم: روحي لبسيها بشوفها شوق: مو بس انا بعد لولو شرت نفسي مريم: صج؟ يلا روحو لبسو صار غلط شوق خذت نفس موديل تنورة لولوة بس التنورة قصيرة اما لولوة تنورتها ماكسي التنورة كانت وايد حلوة على لولوة لانها كانت طويلة ورزة اما شوق كانت عليها اكثر من روعه ولانها مو طويلة وايد ولا قصيرة يعني طولها عادي كانت لايقه على جسمها كانت توصلها على الركبة بالضبط شوق: ها شرايكم حلوة ولا اردها واخذ نفس لولو؟ لولوة: هذي وايد حلوة عليج شوق: مشكورة غناتي مريم: ما ادري انا اشوف هذي روعه شذى: والاسود لايق عليج بعد دانة: انا عندي لو تاخذين نفس لولو ما راح تصير حلوة عليج شوق: وليش انشالله كل شي حلو علي انتي اكرمينا بسكوتج دانة: انزين بس انا قصدي انها وايد حلوة على لولو لولوة: تسلمين فديتج مريم: يلا روحو بدلو شذى: خخخخ املج باجر تبدل شوق شوق: وانتو شحاركم كيفي بجرب تنورتي شذى:انزين جربيها لولوة: انا بروح البس مريم: وانا بروح انام احس عمري دايخه قعدوني ع الاذان شذى: مي تو شوق: دانووه تعالي وياي تحت دانة: ليش؟ شوق: الكل نايم اخاف انزل ما في احد دانة: وليش بتنزلين؟ شوق: بروح اشوف التلفزيون دانة: وليش ما تشوفينه هني شوق: اف كيفي بتروحين ولا لا؟ دانة: مابي اروح شوق: يلا عاد دانوه لا تصيرين سخيفه دانة: بس بشرط شوق: شنو دانة: تعطيني اللابتوب شوق: شتبين فيه؟ دانة: خلاص ما راح انزل شوق: انزين بعطيج دانة: انزين ونزلت شوق ويا دانه تحت شوق: وين لولوة؟ دانة واهي ع اللابتوب: ما ادري فوق شوق: قومي ناديها انتي ما منج فايدة مجابلة اللابتوب وما تسولفين دانة: انزين بروح شوق: يلا دانة: قلتلج انزين شوق: خلصيني وقامت دانة تنادي لولوة .. محمد وفيصل وهادي كانو قاعدين بالصالة الثانية وشوق لما شافت الليتات مفتوحة راحت بتشوف منو قاعد.. دشت الصالة لقت محمد وفيصل وهادي شوق: شتسوون؟ طبعا تفاجئو لانها كانت لابسة تنورتها اليديدة وكانت واايد حلوة فيصل: اووووه شهالكشخه وين رايحه الاخت الساعه ثنتين ونص؟ شوق:شرايكم ببدلتي اليديده؟ محمد: رووعه عليج بس جنها قصيرة شوق: لا زينة محمد: بس صراحه تينن عليج شوق: مشكور وانت فيصل شرايك؟ فيصل: لو اشوفج برا والله ما اخليج الا لما تاخذين رقمي وجان تيي قذيفه من محمد على راس فيصل محمد: استح على ويهك الكل يضحك شوق تطالع هادي ما قاللها رايه شوق: هدووي ما قلت رايك؟ هادي: ترتووب خلتهم شوق وطلعت الصالة لقت لولوة ودانة لولوة: وانتي ما بدلتي؟ شوق: وانتي شحاررج مستانسة لولوة: علها الوناسة دوم شوق: وياج يا رب لولوة: منو قاعد شوق: حمود وفصيل وهدوي دانة: خلونا نقعد عندهم شوق: يلا لولوة: لا احسن هني شوق: شنو لا يكون تستحين واحد متزوج وواحد عرسه بعد جم شهر لولوة: هههههه لا نقعد هني احسن شوق: كيفج دانة: الحين اهمه بييون عندنا |
[align=center]لولوة: هذا لاب منووه؟ دانة: مال شوق لولوة: شرات لاب هدوي شوق:صج؟ لولوة:هيه شوق: لولو سولفيلي عن عايلتكم لولوة:بالامارت؟ شوق: أي لولوة: الله يسلمج انا عندي عمين وعمة وحده عمتي اكبر وحدة يعني نفسنا انا الكبيرة وتحتي 3 اولاد لولوة: عمتي اسمها موزة ام مايد ولدها العود مايد متزوج ميثا بنت عمي خليفه وعقب مايد .روضة مخطوبة لولد عمها وأميرة واخر العنقود سيف شوق: ما عندها احد كبري؟ لولوة: هههههه هيه اميرة كبر هدوي فرق بينهم كمن شهر اكبر عنج بسنة شوق: اي لولوة: عقب عمتي ايي عمي بوخليفة عياله خليفة وسلطان يدرسون برع وميثا مرت مايد ولد عمتي موزة ووديمه عمرها 18 كبر روضة شوق: وناسة لولوة: هيه وبعدين ايي ابوي فديته ونحن عياله خخخ وعقب ايي عمي الصغير مبارك فديت عمره شوق: جم عمره عمج؟ لولوة: 20 شوق: اكبر منج بسنة لولوة: هيه نحن معتبرينه شرات اخونا شوق: ويدج ويدتج لولوة: يدي متوفي من زمان من قبل ما انولد ويدتي لما كان عمري 3 سنين توفت شوق: الله يرحمهم لولوة: آمين شوق: انتي خلصتي مدرسة صح؟ لولوة: هيه انا باول كليه شوق: شنو تخصصج؟ لولوة: هندسه شوق: الله يوفقج لولوة: تسلمين دانة: شلون رفيجاتج شوق: ونطق الحجر خخخخ لولوة: صدقج قاعده عندنا ولا ترمس دانة: اف مو لازم لولوة: شو كنتي تقولين غلايه دانة: لا ولا شي لولوة: اونها زعلت دانة: ما زعلت شوق: انزين كملي لولوة: شو شوق: سولفي عن حياتج هناك لولوة: خخخخ شرات حياة أي بنت اقوم من الرقاد ع الساعه 8 البس واتزهب واركب مع السايق يوصلني الكلية القى هناك الشلة تترياني خخخخ نقعد بالكفتيريا ننتريق ونسولف ليما تصير الساعه 10 بعدين نفترق كل وحده لكلاسها وجذا شوق: ونعم الشله للقرقه والبلعه لولوة: خخخخ فديتهم شوق: انتو جم وحده لولوة: يزوي وميثو وريماني وانا شوق: الله يخليكم لبعض لولوة: آمين تعبت وانا ارمس انتي رمسي عن عايلتكم شوق: خخخخخخ اول شي بسولف لج عنا احنا محمد الكبير ومرته نورة وولده جاسم بعدين فيصل عرسه بعد 4 اشهر ومريوم متزوجة وننطر البيبي وبعدين خالد كبرج وبعدين طلال اكبر منج بسنة وبعدين انا وشذى مع ان احنا توم بس بالشكل ولا اطباعنا تختلف عن بعض 180 درجة لولوة: سبحان الله شوق: اهي تموت في شي اسمه قراية 24 ساعة تقرا واذا خلصت تروح تشتري كتاب ثاني وعندها مكتبة بغرفتها لولوة: هيه جفتها شوق: اما انا ما احب اقرا وخاصة باللغة العربية الفصحى بس اقرا الاشياء اللي احبها واكره مادة العربي اما اهي تموت فيها لولوة: منووه يحب العربي اكرهه شوق: خخخخ وكل يوم الصبح تلقينها تقعد بالحديقة تقرا كتاب لولوة: شكلها بتصير عالمة شوق: واهي دايمن مع جمون بنت خالي لولوة: اها شوق:انا ما عندي اعمام ولا عمات الا امج لولوة: ادري شوق: وعندي ثلاث خالات وخال واحد متوفي من جم شهر لولوة: الله يرحمه شوق: آمين اهو متزوج وعنده عيال بس سوا حادث وتوفى اهو وزوجته وولده الكبير.. لولوة: وي شوق: اللي عاشو من عياله جمانة كبر طلال لولوة: اكبر من هدوي بسنة شوق: واصغر منج بسنة لولوة: هيه شوق: واخوها عبدالله لولوة: اها شوق: اي عاد جمون حق طلول وعبود ما ادري حق منو.. واهي تطالع دانة. عبدالله يحب دانة ويموت فيها لولوة: يا عيني دانة سوت نفسها ما تسمع شوق: وخالاتي ثلاث بدرية وفوزية ولطيفة اكبر وحده بدرية عندها ولدين وبنت كلهم متزوجين وعندهم عيال واهي قاعده ببيت يدتي عند عيال خالي لولوة: اها شوق: وخالتي فوزية فديتها احلى خالة عندي لولوة: ليش شوق: اهي تطلعنا دوم وتودينا عكس امي بالضبط لولوة: خخخخخخ شوق: بناتها فطوم متزوجه وعندها ولد وبنت ورغود اكبر من دانة بسنة وريم كبر دانووه وولدها جسوم كبري وخالتي لطيفة عيالها صغار لطوف وسامي وعمور 7شهور لولوة: ما عندج احد كبرج شوق: بس جسوم لولوة: قصدي من البنات شوق: لا بس ريموه انا وياها وايد احسها كبري دانة: انزين عيل تعالي كلميها لانها طفرتني شوق: طفرتج بشنو؟ دانة: بشنو بعد بالمسن شوق: دانووه وويعه داشه من ايميلي دانة: والله محد قاللج تسوينه يدش تلقائي شوق: يعلج ما توفقين قولي امين دانة: شدعوه بس سولفت مع ريمو وتهاوشت مع وحده وسويت بلوك حق ثلاث شوق: انا خبلة لما عطيتج اللابتوب دانة: سوري والله ما اعيدها شوق شابة نار ودانة خايفة منها ولولوة تهدي فيهم شوق: الحين تردين كل شي مثل ما كان دانة: انزين ومع الهوشه طلعو محمد وهادي وفيصل من الصالة محمد:شفيكم شصاير؟ هادي: بلاكم ؟ لولوة: ماشي سالفة بسيطة وحليناها شوق: هين دانة: شواقي والله اسفه شوق:تهاوشتي مع منو؟ دانة: هذي وتأشر على اللابتوب شوق: ويعه انزين هذي عاد بسرعه تزعل شقلتيلها دانة: ولا شي اهي طفرتني شوق: دانووه خلصيني شقلتيلها؟ دانة: شواقي والله اسفه شوق: اقولج شقلتيلها ؟ شوق اذا عصبت محد يكلمها .. ولولوة وهادي ومحمد وفيصل قاعدين يشوفونهم ولا احد تكلم دانة: مالي شغل انا اهي طفرتني وسبيتها.. وراحت تركض فوق حق غرفتها شوق: دانووه دانوووه فيصل: هدي شوي شوق: اعلمها هذي والله اذا ما يت الحين يا ويلها لولوة: والله ما تستاهل السالفه هدي اعصابج محمد وفيصل راحو فوق لانهم متعودين ع الهوشات اللي تصير هادي: بلاج معصبه؟ شوق: هذي البقرة اللي اسمها دانة شابكة من ايميلي هادي: وشو يعني شوق: شنو شو يعني الاخت سبت ديموه وتهاوشت معاها هادي: عادي شوق: الحين البنت عبالها انا اللي سابتها هادي: ما استوى شي تأسفي منها وقوليلها ان اختج كانت شابكة من ايميلج شوق: مالي شغل اهي تيي وتتأسف من البنت هادي: ولا يهمج انا اللي اتأسف لها ولا تتعبين اعصابج يا هادي وخذا اللابتوب وشوق ساكتة ولا تكلمت ولا كلمة هادي قعد يطقطق باللابتوب وطبعا ما تأسف من البنت لانه ما يعرف أي وحده بس كان يسولف مع بنت خالتها خخخخ ..[/align] |
][...الفصل الثامن...][ احبك يا بعد هلي: دانووه وين رحتي؟؟ I can't stop thinking about him; اتهاوش مع شوقو احبك يا بعد هلي: ليش اهي ما تدري انج شابكة من ايميلها اعترفي دانووه I can't stop thinking about him; خخخخخ قالت دانووه انا سلطان احبك يا بعد هلي: وافضيحتااه بايقين ايميل البنت حرام عليكم I can't stop thinking about him; خخخخخخخ شحالج ريم احبك يا بعد هلي: حالي من حالك I can't stop thinking about him; ايوا اول مرة تصير مؤدبه احبك يا بعد هلي: خخخخخخخخ الله يسلمك ويخليك واقرب مخفر يوديك I can't stop thinking about him; اي طلعي على حقيقتج خخخخ احبك يا بعد هلي: جب I can't stop thinking about him; جب انتي احبك يا بعد هلي: وينها شواقي؟ I can't stop thinking about him; عدالي احبك يا بعد هلي: لا والله I can't stop thinking about him; اي والله احبك يا بعد هلي: واي فديتها I can't stop thinking about him; بس يا حرام ما تدري اني اكلمج خخخخخخ عبالها قاعد اتأسف من البنت احبك يا بعد هلي: انزين عيل برب I can't stop thinking about him; تيت وراحت سيدا ودزت مسج لشوق: وينج انتي؟ الاخ مطيح سوالف من ايميلج ريم وهادي دوم يتهاوشون ع المسن واذا ملت شوق تسوي دعوة كلهم مع بعض وتسكت اهي واهمه يتهاوشون خخخخخ احبك يا بعد هلي: بااااك I can't stop thinking about him; ولكم باك شوق: هدوي شصار شقلت للبنت؟؟ هادي: خلاص انحلت السالفه شوق: انزين عيل سلملي على ريم رايحه انام انا هادي: ها انزين I can't stop thinking about him; الله يفضحج شو سويتي انتي احبك يا بعد هلي: خخخخخخ ولا شي بس دزيتلها مسج I can't stop thinking about him; بريئة ما سويتي شي احبك يا بعد هلي: I can't stop thinking about him; انزين ليش ماتيين تزورينا بشوف شكلج احبك يا بعد هلي: احلى من شكلك I can't stop thinking about him; زين عيل زورينا ونقارن احبك يا بعد هلي: ما في مجال مقارنة I can't stop thinking about him; باجر انتي عندنا انا بروح الحينه فصيل يترياني احبك يا بعد هلي: فصيل؟ اشوفك طيحت الميانة I can't stop thinking about him; شو يعني المهم باي احبك يا بعد هلي: باجر افهمك بايات سكر هادي اللابتوب وراح فوق طق على شوق الباب .. شوق: منو هادي: انا هادي شوق: هدوي انا نايمة مالي خلق افج الباب هادي: انزين واللابتوب؟ شوق: خله عندك ولا بالصالة هادي: والله حالة شوق: شنو هادي:ماشي احلام سعيدة وراح غرفة فيصل اول ما دش فج الليت فيصل: هييييي انت سكر الليت ما تشوفني نايم هادي: انزين فيصل: وشوف تلفونك اذاني هادي: شو راح شاف تلفونه ولا 10 مكالمات من منصور رفيجه هادي: ما بغى يتفيج الدب دق عليه منصور: الووو هادي: نايم شووه منصور: هيه عندك مانع هادي: نش غسل ويهك وعقب رمسني منصور: وانت توك تتفيج تشوف تلفونك هادي: كنت تحت منصور: يلا اترياني بروح اغسل هادي:اوكيشن وسكر التلفون عن منصور.. فيصل: منو هذا؟ هادي: ربيعي فيصل: تصدق ما فهمت ولا كلمة من اللي قلتله اياه هادي: خخخخ ما قلت شي بس بيتصللي بعد شوي فيصل: ع العموم انا بنام لا تزعجني هادي: تامر امر ومرت ساعه وهادي يتقلب على فراشه ينطر منصور يتصل فيصل: ما اتصل رفيجك؟؟ هادي: لا فيصل: يمكن صار فيه شي هادي: خخخخ لا تلقاه انخمد الدب هذا يبيله تريله تمر فوق راسه يالله يستوعب وينش فيصل: هههههه ومو ناوي تنام؟ هادي: متى ما ياني رقاد بنام فيصل:عيل تصبح على خير هادي: وانت من اهل الخير هادي ما ياله نوم لما الساعة ثمان الصبح .. ولان الجو وايد حلو بشهر 1 قرر انه ينزل الحديقة يتمشى شوي.. ولما راح الحديقة شاف شذى قاعدة ع الكرسي وقاعدة تقرا كتاب وحاطة باذونها سدادة اذون<<مالت السباحة بس اهي دوم تحطها اذا قرت عشان محد يزعجها ويخرب عليها قرايتها وعلى الطاولة كوب نسكافيه ... شذى مندمجة تقرا الكتاب بعدين خذته وقامت تتمشى وتقرا وما انتبهت على هادي اللي راح وقعد مكانها هادي طار من الفرحة عباله شوق... خطرت على باله فكرة واهي انه يكون رومانسي شوي ففكر وقعد يتذكر قصيدة عشان يقولها ما تذكر شي شاف ع الكرسي اللي عنده كتاب "أجمل ما قيل في الغزل" عاااااشو طاع شو تقرا خخخخ واهي كانت تقرا كتاب"ايقظ قواك الخفية" واذا خلصت بتقرا الكتاب الثاني ..قعد يدور بيت حلو وكلماته سهلة عشان يقوله واول بيت لقاه.. فلو كان لي قلبان عشت بواحد... وتركت قلبا في هواك يعذب قعد يتدرب عليه بقلبه عشان يقوله لها .. ولما تدرب عدل راح وراها وقعد يقول البيت بإلقاء معبر ويحرك ايدينه<<يعني فاهم <<يقلد استاذ حنفي مال العربي .. هادي:فلو كان لي ألبان عطيتك واحدن.. وتركتو ألبا في هواكي يعزبو وشذى طول هالوقت مو سامعه شي ومندمجة بالكتاب اللي وياها هادي:شوقو شو رايج ؟؟ ادري رومانسي ما يحتاي تقولين هادي واهو يمشي وراها: سمعي هذا بس ابغي الصراحه رومانسي او لا واحبها وتحبني ... ويحب ناقتها بعيري<< يعني بوش اذا مو فاهمه بهاللحظة شذى لفت .. شافته واهو يحرك ايده ومغمض عيونه ومندمج بالإلقاء المعبر وعلى ويهها اكبر علامة استفهام.. هادي فج عيونه: ها شو رايج حبيبتي؟ شذى مستغربة: هادي شتسوي هنيه هادي: روحي لاااه بعد قوللي مو رومانسي شذى مستغربة انتبه على حبة الخال هادي صار ويهه احمر : شذى وين الباب لاني ضعت الصراحة بيتكم معقد شذى: كاهو وراك على طول هادي: مشكوورة وما قصرتي وراح دش داخل وحط راسه وخمد اما شذى كملت قراية الكتاب.. وع الساعه 11 الكل تيمع ع الريوق وهادي ما كان يشوف شذى لانه محرج منها ع الموقف اللي صار ويقول بقلبه كله منج يا شوق بعدين رد طلال وسلم على امه ومحد درى بدخلته للمستشفى الا جراح... |
وتمر الايام.. وفي الامارات.. وفي بيت موزة ام مايد بالذات.. اميرة:رواضي متى بييون قوم عمي سيف روضة: بسم الله الا توهم رايحين اميرة: شو توهم صارلهم اسبوع او زود روضة: وانتي شو عليج رايحين لاهلهم اميرة: تعرفين اهلهم روضة: لا والله بس احيد لولوة خبرتني ان عندها خال واحد وهم رايحين يزورونه اميرة: اهاا انزين ما عندج رقم لولو روضة: شو تبغين فيه اميرة: باتسبح فيه يعني شو ابغي بتصل فيها روضة: انزين جوفيه بموبايلي ونقزت اميرة وخذت تلفون روضه وخذت منه رقم لولوة روضة: امووت واعرف سبب الصداقة اللي بينج وبين لولوة اميرة: ههههه ماشي بنت عمي وولهت عليها ما يصير اميرة تحب هادي بس حب من طرف واحد لان هادي عمره ما فكر فيها او حبها بس يعتبرها بنت عمه ويحترمها.. قامت روضة ونزلت تحت عند امها ومرت اخوها ميثا ام مايد:هلا والله ببنتي الغالية روضة تحب امها على راسها: فديتج ربي يخليج لنا ام مايد: ميثا ما عليج امارة نشي زقريلي مايد ابغيه بسالفة ميثا: انشالله وقامت تنادي مايد روضة: خير امي شو مستوي ام مايد:خير انشالله بس رواضي نشي سويلي قهوة اقعد فيها راسي روضة: انشالله وقامت روضة المطبخ مايد: السلام عليكم ام مايد: وعليكم السلام مايد: خير امي شو صاير ام مايد: يا ولدي قوم ريل اختك روضة من زمان بهم ما جفناهم صارلنا مدة خوفي ما يبغونا مايد: شو هالكلام امايه ام مايد: صدق والله انا سمعت من ام خليفة ان قوم عمك غيرو رايهم مايد: شو يغيرون رايهم ام مايد: انت متى جفت ولد عمك حمد؟ مايد: اميه انا البارحة جفت حمد بميلس قوم خالي بوخليفة ما اطرالي حايه ام مايد: يمكن مستحي منك مايد: امايه فديتج خلي عنج هالرمسه لو هم ما يبغون روضة ترى الف من يتمناها وما صار شي لحد الحينه ومحد قاللي شي خلي عنج رمسة الحريم اللي ما تودي ولا تييب ام مايد: عيل الحينه تتصللي بهم وتعزمهم عندنا ع العشا مايد: على هالخشم واتصل مايد بحمد.. مايد : يا حيالله بولد العم حمد: حيالله فيك مايد: شحالك حمد: بخير ونعمه ومن صوبك مايد: والله تمام حمد: مديم مايد: الا اقول بوشهاب العيوز عازمتنكم اليوم ع العشا انت والاهل حمد: ليش تكلف على روحها ما يحتاي مايد: لا كلافة ولاشي شو قلت حمد: برمس العيوز وانشالله بنييكم مايد: حياكم الله حمد: الله يحييك وسكر عنه.. مايد: ها العيوز ارتحتي؟ ام مايد: هيه عيل انا بقوم احط راسي شوي مايد: نوم العوافي وننتقل لأميرة ... أميرة: يا ربي هذي شو عندها ليش ما تشل التلفون لولوة كانت قاعدة بالصالة اللي تحت مع هادي وشوق ودانة وفيصل.. لولوة اول ما جافت رقم غريب ما شالته بس لما استوعبت انه من الامارات شالته لولوة: الوو أميرة: واخيرا السلام عليكم لولوة: هلا بهل البلاد فديت هالصوت هادي اول ما قالت البلاد فز وعدل قعدته أميرة: الله يحييج شحالج فديتج لولوة: والله بخير نشقح وننطح وانتو أميرة: الحمدلله بخير لولوة: مديم يا رب شحال عمتي ورواضي والكل؟ هادي عرف انها اميرة أميرة: والله كلنا بخير اهم شي انتو مب ناويين تييون لولوة: شو اشتقتولنا اميرة: هيه اكيد بس شكلكم نسيتونا لولوة: لا فديتج بس هل الكويت محد شراتهم اميرة: متى انشالله بترجعون لولوة: آي دونت نو اميرة: مفاجئة يعني لولوة: هيه اميرة: شخبار هدوي وخالي وخالتي واحمدو؟ لولوة تشوف هادي وتضحك : والله كلهم تمام اميرة: سلمي عليهم لولوة: يوصل.. وتكلم هادي : هدووي اميرة تسلم عليك هادي: الله يسلمها من كل شر قوليلها ولهنا عليهم لولوة: بتخبرج اميرة: شو لولوة: هدوي وله عليج أميرة واهي مستانسة واايد: ولهت عليه العافية اخليج الحينه لولوة: وين تو العرب أميرة: اليوم بييونا قوم عمي ريل رواضي لولوة: ووينها عنج؟ أميرة:تعرفين بعد تتسنع بييون قوم ريلها لولوة: هيه صدقج سلمي ع الكل نفر نفر خخخخخ أميرة: نفر نفر؟ يوصل يالله فمان الله اول ما سكرت لولوة عن أميرة يدش بوهادي عليهم الصالة وشكله متضايق الكل لاحظ هالشي.. |
][...الفصل التاسع...][ هادي: خير ابويه بلاك صاير شي؟ بوهادي:........... هادي: ابويه بوهادي: وين امك؟ لولوة: الحين اناديها لك بوهادي: خليها تيي الغرفة فوق راح بو هادي ولولوة راح تنادي امها وهادي مثل الاطرش بالزفة والكل ما يدري شالسالفة دانة: الله يستر شوق: دانووه سكتي الكل معصب والجو مكهرب ومحد يتكلم مرت نص ساعة بعدين طلعت خالدة ام هادي من غرفتها وعيونها حمر خالدة: لولوة بنتي يمعي اغراضج واغراض اخوانج بنرد البلاد الكل منصدم لولوة: ليش اميه؟ هادي: امايه دخيلج شو مستوي؟ خالدة: ماشي.. وتبجي هادي: شقايل ماشي امايه دخيلج خالدة: عمك بوخليفة هادي: بلاه خالدة: عطاك عمره وبدت تبجي هادي: شووووو!! لولوة تبجي بكل هدوء هادي منصدم: وعياله درو؟ خالدة: خليفة وسلطان درو وقفو دراستهم وردو من امريكا دانة وشوق حاضرين الموقف شوق دمعت فيصل: عمتي هذا قدر ومكتوب ولا اعتراض على حكم الله استهدي بالله لولوة ادعيله بالرحمة .. هادي قوم وياي الكل: الله يرحمه راح هادي وفيصل حق بو هادي بغرفته .. فيصل وهادي: السلام عليكم بوهادي: وعليكم السلام هادي: عظم الله اجرك ابويه بوهادي: اجرنا واجرك هادي ضم ابوه بقووة فيصل: عظم الله اجركم بوهادي: اجرنا واجرك فيصل: ابوي يدري؟ بوهادي: هيه الكل يدري فيصل: متى انشالله بتمشون بوهادي: على طيارة الساعة تسع فيصل: الله يسمح دربكم وطلع عنهم وراح الصالة.. فيصل: دانة شوق تعالو قامو راحوله فيصل: شوق سمعيني عدل عمتي وعيالها بيروحون المطار بعد ساعة ساعديهم وخففي عنهم تراهم يمرون بظروف الله يعينهم عليها شوق واهي تشهق: انشالله دانة: شوق انتي ليش تبجين اهو يصير عمهم انتي شيصيرلج؟ دانة لمت شوق وقعدت تبجي فيصل: شوقو انا ابيج تخففين عنهم مو تزيدين عليهم شوق: انشالله راحت اهي ودانة يساعدونهم وهادي وفيصل راحو يضبطون الحجز كل شي يمر ببطء وبكل هدوء ومحد كان متوقع يصير هالشي بوخليفة كان يدهم اكثر من عمهم الكبير كانو دوم يتيمعون عنده ببيته والكل كان يحبه لانه كان حنون وطيب .. بعد نص ساعة الكل تيمع ببيت بومحمد ام هادي بغرفتها ولولوة مع شوق ودانة يجهزون الجناط وفي الصالة... بومحمد:ام خالد(منيرة) جهزي جنطتي منيرة: ليش بومحمد: شنو ليش بروح معاهم لازم نقوم بالواجب محمد: وانا بروح وياك بومحمد: وفيصل بعد بيروح منيرة: وليش ما تاخذ خالد وطلال بعد خالد: يبا انا بروح معاكم بومحمد: لازم يقعد ريال في البيت خالد: ما عليه طلال اهني وعلي بعد سارة: انا بروح اعزي مرته بومحمد: أصيلة منيرة: منو بيقعد في البيت اذا الكل بيروح؟ مريم: يما انا ودي اروح منيرة: شنو اهي عزيمة ؟ انتي حامل ومو زين عليج السفر سارة: خلاص عيل بروح ازهب الجناط بومحمد: لا تكثرون علينا جنطة وحده او ثنتين كافي سارة: انشالله راحت سارة تزهب جناط العيال وتحط اغراضها ومنيرة معاها بومحمد: خالد دق على فيصل خله يحجز لكم تراه راح يحجز خالد: انشالله دق خالد على فيصل وقال له يحجز لهم الجناط كلها زهبت جنطة فيها اغراض بومحمد وعياله وجنطة حق سارة ومنيرة وجناط خالدة وعيالها وحطوهم كلهم تحت عند الباب.. خالدة ومنيرة وسارة والبنات قاعدين بالصالة اللي فوق.. منيرة وسارة يهدون في خالدة والبنات يسكتون لولوة سارة: شوق يما قومي ييبي ماي شوق: انشالله وفي المطبخ .. كان هادي موجود واول ما طاحت عين شوق عليه بدت تبجي بس بهدوء عشان ما يشوفها لانه كان معطيها ظهره اول ما شافها هادي .. شوق ساكتة وتبجي.. هادي:شواقي هادي: شواقي بس عاد شوق تشجعت شوي:عـظم الله اجرك هادي: اجرنا واجرج وترد تبجي هادي قبل لا تيي شوق كان يصب ماي يقرب من شوق هادي: هاج شربي شوق: مابي هادي: يالله عشان خاطري خذته منه وشربت شوي نطرها شوي لما هدت هادي: الحين قوليلي ليش كنتي تصيحين شوق:............ هادي: ترى اليوم برد البلاد شوق شهقت: ادري هادي: عسب جي زعلانه؟ شوق تهز راسها بمعنى أي هادي: فديتج شوق:ما بترد الكويت صح؟ هادي: صح شوق: ليش؟ هادي: شواقي لا تصيرين جي عمي توفى تبيني اخليهم هناك واييج شوق:........... هادي: شو شوق: اسفه هادي: انزين شوق: مو تنساني هادي: تخبلتي انتي انسى روحي ولا انساج.. ما قلتيلي ليش ياية المطبخ ؟؟ شوق: ياية اخذ ماي هادي: وانا ياي اخذ ماي بعد شوق:هدوي متى بتروح هادي: اشوفج مليتي مني الا دقيتين صارلي وياج شوق:هدوي متى هادي:الحينه شوق: تروح وترد بالسلامة قصدي تروح بالسلامة هادي: انتي شو عبالج ما عندي اهل حتى اهلي ولهو عليه شوق: ما قلت شي خذت الماي و طلعت بسرعه هادي: لا حول ولا قوة الا بالله |
طلع هادي من المطبخ وصعد فوق عشان يقول لامه تنزل تحت لانهم بيروحون المطار .. قامت مريم تسلم على امها وعمتها ومرت ابوها وشوق وشذى ودانة قامو يسلمون بعد هادي راح غرفة شوق وحط جيس على التسريحة وطلع هادي: يلا اميه بتروح عنا الطيارة لولوة وين حطيتي الجناط لولوة وهي تبجي: تحت هادي: بسكم صياح هذا بدال ما تترحمون عليه تراه محتاي لدعائكم نزلو الحريم تحت.. راحو كلهم بسيارتين نصهم مع السايق والنص الثاني مع ريل مريم (فهد) لأن طلال ما يسوق سيارة بس راح وياهم وطبعا الوصايا العشر من امه دير بالك على خواتك ...الخ وبعد نص ساعة طارت الطيارة وبيت بومحمد صار تقريبا فاضي شوق بعالم ثاني من راحو شذى ودانة يبجون اول مرة امهم تسافر وتخليهم ومريم تسكتهم وعلي مسوي روحه ريال البيت وبعد اقل من ربع ساعة يدش عليهم طلال طلال: تعشيتو؟ علي:لا طلال: قوم قول للخدامة تسوي عشا علي: بتسأل شنو تبون عشا شوق قامت : انا لا تحسبوللي مو مشتهية.. وراحت غرفتها دانة: وانا بعد مابي اول ما دشت شوق غرفتها انتبهت ع الجيس اللي ع التسريحة خذته وراحت على سريرها كان جيس ابيض وعليه صورة قلب فجته لقت رسالة ودبدوب اول شي بطلت الرسالة وكان مكتوب فيها .. شواقي.. ادري ان الظروف قاسية وعسب جي اباج دوم تكونين قوية وما يهزج شي اتمنى هالهدية تعيبج ودوم تتذكريني فيها.. وادري خطي مب حلو طلعت الدبدوب ولمته وقعدت تبجي.. وبعد ساعة نامت من غير ما تتعشى مريم كانت قاعدة عند اخوانها بالصالة.. مريم:لا اله الا الله يا رب ترحمه وبعد ثلاث ساعات الهدوء يعم بيت بومحمد الكل نام حتى طلال اللي دوم يسهر هالمرة نام مبجر من التعب.. نرد لاهل الامارات.. صارلهم ساعة واصلين راحو البيت حطو اغراضهم وعلى طول راحو بيت بوخليفة الله يرحمه .. وسلمو عليهم وعزوهم وتعرفو على اهل الكويت مع ان الموقف ما يساعد خالدة: هذول حريم اخوي ام خليفة: لشو متعبين ارواحكم ويايين منيرة: افا عليج هذا الواجب سارة: والله ان حقكم اكثر طبعا الحريم بينامون عند بيت بو خليفة لما يخلص العزا عشان يواسون مرته وبنته ميثا اللي متزوجة مايد ولد موزة واللي كانت حامل.. أما عند الرياييل .. الحين صار بوهادي اكبر ريال بالعايلة عقب وفاة اخوه ..واللي كان باين عليه الحزن اكثر شي اهو ومبارك اخو بوهادي وبوخليفة واللي كان يعتبر بوخليفة ابوه اكثر من اخوه العود لانه كان يصرف عليه وعايش معاه ومع عياله وبعد بوخليفة كان مدلعه وايد وكان يشد عليه في بعض الاوقات وكان يعلمه اساسيات الشغل في شركتهم لانه الولد الوحيد اللي في البيت لان عياله خليفة وسلطان كانو يدرسون برا.. وطبعا الرياييل يايين يعزون من كل مكان بالامارات لانه بوخليفة كان انسان طيب والكل يحبه.. وطبعا كل يوم اتصالين اوثلاثة ع الكويت عشان تتطمن منيرة على عيالها والحال بالكويت يلوع الجبد جنه العزا عندهم شوق دوم ساكتة وشذى ودانة مو متعودين على غياب امهم وعلي مسوي روحه ريال البيت وطلال ما يدري شيسوي اول مرة يصير مسئول ومريم ما تدري تعابل منو.. طلال: بنات شرايكم اطلعكم مريم: وين؟ طلال: نطلع اي مكان سوق مطعم ملاهي اللي يكون علي:انا ابي ملاهي طلال: ها شرايكم دانة وشوق وشذى:كيفكم طلال: يلا روحو لبسو بوديكم مركز سلطان علي: مركز سلطان؟ مريم: بطلعكم وبطلعكم واخر شي مركز سلطان؟ طلال: اول شي ما عندي ميزانية الا حق الاكل ومركز سلطان شحلاته اكل من كل الانواع علي: ودنا الجمعية احسن مريم: انا عندي فلوس طلال: لا ما يصير انا اللي عازمكم يعني انا اللي ادفع يلا روحو لبسو.. وفي الامارات.. أميرة:لولو موبايلج صارله ساعة يرن لولوة: جوفي منو خذت التلفون واول ما جافت استانست أميرة: هدوي! لولوة: انزين ويت خذت موبايلها لولوة: هلا هدوي هادي: وينج عن الموبايل؟ لولوة: كنت بالحمام هادي: انزين ابي كندورة لولوة: اخذ من جنطتك هادي: ادري انزين وين حاطتنها؟؟ لولوة: في غرفتك بس تراني ما طلعت شي من الجنطة هادي: انزين مع السلامه لولوة: الله يسلمك راح هادي بيتهم وبطل جنطته عشان يطلعله دشداشة .. هادي بدل هدومه ورد مرة ثانية لبيت عمه .. ثالث ايام العزا.. الاوضاع هدت ببيت بوخليفة وبعد صلاة العشا ما بقى عندهم الا اهل الكويت اللي اهمه منيرة وسارة وخالدة وموزة وبناتها وبس.. عند البنات: أميرة: بنات خلونا نروح تحت عند الحريم بجوف اهل الكويت بسولف معاهم روضة تطالع اميرة بنظرة لان وديمة كانت تبجي وهذي تبي تسولف أميرة انتبهت: سوري وديمة ما قصدت وديمة ساكتة لولوة: ودوم غناتي الموت حق علينا كلنا والمفروض نرضى بقضاء الله وقدره وانتي انسانة مؤمنة ومب ياهل وتعرفين هالاشياء هب انا اللي اعلمج ووديمة تبجي روضة: ودوم لا تصيحين ترحمي عليه هو محتاي لج نشي غسلي وويهج وصليلج ركعتين وادعيله أميرة: والحزن ما يجوز الا ثلاث ايام ومب زين جي قامت وديمة صلت ولما خلصت وديمة: بنات خلونا ننزل عند الحريم البنات: يلا وعند الحريم: الاوضاع حدها هادية وما جنهم بعزا الا ميثا اللي تبجي مرت بوخليفة انسانة قوية وتبين للناس كلها انها مو مسكينة مع انها تتحطم من داخل شلون ما تحزن واللي توفى اغلى انسان بحياتها وابو عيالها عكس بناتها وخاصة بنتها ميثا مرت مايد كل من يشوفها يقول مسكينة واللي زاد الطين بلة انها كانت حامل بالشهر السابع .. |
][...الفصل العاشر...][ ام خليفة:سمحيلنا الغالية منيرة: على شنو؟ ام خليفة: ع الظروف منيرة: شدعوه هذا شي ومكتوب واحنا مردنا نعرف بعض الحين او بعدين ام خليفة: صدقج سارة حبت تغير السالفة: منو هالحلوات اللي نزلو علينا روضة: تسلمين خالتي ام خليفة: هذي روضة بنت موزة وذي بنتي وديمة مولودات بنفس السنة تحيدين ام مايد يوم كنا حميل فيهن تعبونا من صدق موزة: هيه والله سارة: ما عليه انشالله بيعوضون تعبكم وبيرفعون راسكم ام خليفة: انشالله.. وذيج اميرة بنت موزة سارة: ربي يحفظها موزة: انشالله باجر غداكم عنديه منيرة: تغدت عندج العافية بس موزة: ما بتقولين شي غداكم عنديه يعني عنديه منيرة: انشالله ام خليفة: وانشالله المرة الياية بيتييبون البنات وياكم نبغي نشوفهن سارة: عاد المرة الياية انتو تييونا ام خليفة: يصير خير وتمو الحريم يسولفون عن حياتهم وعيالهم .. والبنات مرة يسمعونهم ومرة يسولفون أميرة: خالج عنده بنات؟ لولوة: هيه مريوم وشواقي وشذى ودانوه أميرة:وأولاد؟ لولوة: يس محمد وفيصل وخالد وطلال وعلي أميرة: ماشالله لولوة: شرايكم ننتصل عليهم ؟ أميرة: يمكن مشغولين لولوة: بجرب بس خلونا نروح فوق وديمة: خل نقعد بالصالة اللي فوق روضة: يلا راحو فوق لولوة: بدقلكم على شواقي اصغر من هدوي بسنة ودقت لولوة على شوق .. شوق كانت قاعدة بالصالة مع خواتها واخوانها يشوفون فلم على mbc action وفجأة.. أحبك لو بعيد... شوق قامت تناقز من الوناسة : من الامارات طلال: منو يعني اكيد امي شوق: لا مو امي مريم: انزين ردي شوق: انزين...الوو لولوة كانت حاطة ع السبيكر عشان البنات يسمعون: مرحبا شوق: مرحبتين هلا والله بأهل الامارات لولوة: هلا بج زود شوق: شلونج ؟؟ انشالله بخير شدعوه عليج نسيتينا بالمرة لولوة: بخير الحمدلله لا من قال ما عاش اللي ينساج شوق: شلونكم كلكم ؟؟ لولوة: بخير شوق: وهدوي؟ هني أميرة عصبت خخخ تغار لولوة: والله من يينا البلاد وانا ما جفته شوق: افا ليش؟ لولوة: ماشي بس انا عند البنات وهو عند الرياييل شوق: اها سلمي عليه وايد لولوة: يوصل شوق: شخبار عمتي لولوة: كلنا بخير شوق: والبنات سلميلي عليهم كلهم رواضي وودوم وامورة البنات استغربو لولوة: ماشالله عليج عرفتيهم شوق: هههه عيل شلون عيل لولوة: لا وتدلعينهم بعد شوق: افا عليج لولوة: البنات يبغون يرمسونج شوق: منو؟ لولوة: ووديمة واميرة وروضة شوق: فديتهم وتعطي لولوة وديمة التلفون.. وديمة: مرحبا انا وديمة شوق: مرحبتين ودوم وديمة:شحالج شوق شوق: تمام وانتي وديمة:ماشي الحال شوق: عظم الله اجرج وديمة: اجرنا واجرج وشوي وتبجي شوق حست وحبت تغير الموضوع: شلون المدرسة وياج وديمة: خلصت مدرسة اتريا الجامعة يقبلوني شوق: الله يوفقج وديمة: وياج الغالية.. خذي رواضي تبغي ترمسج روضة: الوو شوق: هلا والله برواضي روضة: هلا بج شوق: شلونج ؟؟ روضة: عيناوي ههههه شوق: قصدي شحالج روضة: بخير ومن صوبج شوق: بخير دامج بخير روضة: سوري شواقي بيبند لولو ما عندها رصيد شوق: هههه ما عليه خيرها بغيرها عاد كنت بكلم اميرة روضة: انشالله مرة ثانية شوق: مع وينقطع الخط.. روضة: دام ما عندج رصيد ليش تدقين دولي لولوة: وانا شو دراني معبيتنه ب100 درهم روضة: صدق لولوة: هيه انتو اللي الوحدة تتكلم عشر ساعات روضة: نحن؟ حرام عليج لولوة: جفتي شلون اميرة ما تكلمت أميرة: لا عادي<<اصلن اهي ما تبي تتكلم من سمعتها تقول سلمي على هادي لولوة: انشالله بشتري بطاقة وباجر نكلمها لما نيي بيتكم أميرة: يصير خير وديمة: باين عليها طيبة وايد لولوة: هيه وااااااااايد فديتها روضة: انا حبيتها من غير ما اجوفها اما في الكويت مريم: منو هذي؟ شوق: لوالو مريم: ومنو رواضي وما ادري منو شوق: هههه هذول بنات عماتها دانة: تبون تتكلمون طلعو برا شذى: احنا مندمجين بالفلم وعند البنات في الامارات يت لهم ميري خدامة بيت بوخليفة:وديمة ماما يبغي انتي وديمة: ليش ميري: مشان متام جيب اكل انتي هتي حق ريال أميرة: خلج هني انا بنزل لولوة: وانا وياج ونزلو عشان يوزعون الصحون بين الحريم والرياييل ووزعوهم وخلصو لولوة اتصلت على هادي عشان ايي وياخذ الصحون دش هادي المطبخ وكان ماسك موبايله في ايده حطه ع الطاولة هادي: وين الصحون اللي حق الرياييل؟ لولوة: هذا وذاك الكبير والاثنينه الصغار هادي: وليش ما قلتيلي اييب حد يساعدني لولوة: شدراني هادي انتبه على اميرة: اميرة شحالج اميرة: يسرك الحال ولا يضرك هادي: دوم انشالله وقام شال الصحن الكبير لولوة: هدوي موبايلك هادي:اف حطيه بمخباتيه لولوة واهي تحط التلفون طاحت ورقة من مخبات هادي هادي ما انتبه لها وراح دشت عليهم ميري: لولو انتي ماما يبي لولوة:انزين راحت لولوة واميرة على طول راحت وخذت الورقة اللي طاحت من هادي وخشتها يت لولوة لولوة: ما يا هادي ياخذ الصحون الباجيه أميرة: لا لولوة: عيل خليهم وييبي معاي صحون الحريم شالو صحون الحريم وراحو وبعد العشا ما بقى احد ببيت بوخليفة خالدة ردت بيتها معاها منيرة وسارة ونفس الشي موزة ..والحلو انهم كلهم ساكنين في العين |
خلص العزا وطبعا اهل الكويت نامو ببيت خالدة .. منيرة: بومحمد متى بنرد الكويت؟ بومحمد: انا عندي شوية شغلات بخلصها انتو بتردون باجر اذا الله اراد وانا ومحمد بنرد عقبكم بيومين منيرة: انشالله سارة: ترانا معزومين اليوم عند بيت بو ماجد بومحمد: يحليلج عرفتيهم واحنا بعد معزومين وياكم سارة: ماشالله ينحبون الا اقول وين ام هادي ما اشوفها بومحمد: انا بروح الديوانية بهاللحظة يرن تلفون البيت وتشيله سارة لان خالدة ما كانت عندهم ولولوة نايمة ومحد بالصالة الا اهي ومنيرة.. سارة: الو سلطان: السلام عليج سارة: وعليكم السلام سلطان عباله سارة اهي خالدة: شحالج عمتيه سارة: بخير الحمدلله شلونك انت؟ سلطان: عمتي متى بتتعلمين شحالك مب شلونك سارة: هههه بغيت ام هادي؟ سلطان: عيل انتي منووه سارة: انا مرت اخوها سلطان: السموحة خالتيه عبالي عمتي ام هادي سارة: مسموح تبي اناديها لك ؟ سلطان: هيه امي تبغيها سارة: منو انت سلطان: انا الله يسلمج سلطان ولد بوخليفة سارة: الحين اقولها وفي غرفة هادي... هادي يسمع حمد العامري.. احبك ويغني وياه وهالاغنية بالذات تحبها شوق وااااايد قرر هادي يتصل على شوق.. توت توت محد يرد ويتصل ويتصل محد يرد بعدين راح شبك ع المسنجر.. كانت شوق شابكة بس ما انتبهت على هادي كانت مندمجة بالسوالف مع ريموه بنت خالتها فوزية.. احبك يا بعد هلي: شوقو يور لوف دش I can't stop thinking about him; واي فديته مشتاقتله موووت احبك يا بعد هلي: ابيج تقوليله هالكلام خخخخخ I can't stop thinking about him; برب احبك يا بعد هلي: افا احبك يا بعد هلي: الوو احبك يا بعد هلي: شوقو شوق لما درت انا هادي شبك خلت بنت خالتها.. I can't stop thinking about him; هاااااااااااااااي جيتك بعد ماهزني الشوق: تو الناس I can't stop thinking about him; سوري والله توني انتبه جيتك بعد ماهزني الشوق: انزين I can't stop thinking about him; شلوونك؟ ولهت عليك وانت ولا تسأل جيتك بعد ماهزني الشوق: ادري انزين كان عندي ظروف I can't stop thinking about him; بس لولوة اتصلت وانت لا جيتك بعد ماهزني الشوق: يعني انتي تبغيني اتصل؟ I can't stop thinking about him; طاف شمسوي جيتك بعد ماهزني الشوق: ماشي I can't stop thinking about him; خلص العزا؟ جيتك بعد ماهزني الشوق: هيه امس I can't stop thinking about him; الله يرحمه جيتك بعد ماهزني الشوق: امين جيتك بعد ماهزني الشوق: شواقي I can't stop thinking about him; عيونها جيتك بعد ماهزني الشوق: اشتقتلج I can't stop thinking about him; وانا بعد جيتك بعد ماهزني الشوق: انا اكثر I can't stop thinking about him; لا انا وسوت شوق دعوة مع ريموه.. احبك يا بعد هلي: الاخت مطيحة مع حبيب الروح I can't stop thinking about him; ريموووووووه!! احبك يا بعد هلي: والله حالة جيتك بعد ماهزني الشوق: شحالج ريموه؟ احبك يا بعد هلي: بخير من شفتك .. جيتك بعد ماهزني الشوق: اي هذا الكلام الحلو تعلمي شوق من بنت خالتج احبك يا بعد هلي: خخخخخخخخخخ جيتك بعد ماهزني الشوق: شواقي مشتااااااااااااااق احبك يا بعد هلي: يصلح اسم فلم هندي جيتك بعد ماهزني الشوق: نسيت في يهال هني احبك يا بعد هلي: انا مو ياهل جيتك بعد ماهزني الشوق: امبلى ياهل احبك يا بعد هلي: هي انت تراني اعرف اكثر منك جيتك بعد ماهزني الشوق: خخخخخخخ شواقي وينج I can't stop thinking about him; كاني فديتك احبك يا بعد هلي: عااااااااااشو جيتك بعد ماهزني الشوق: جب احبك يا بعد هلي: جب انت جيتك بعد ماهزني الشوق: انتي احبك يا بعد هلي: انت جيتك بعد ماهزني الشوق: انتي I can't stop thinking about him; خاطري مرة اشوفكم ما تتهاوشون جيتك بعد ماهزني الشوق: تعالي انتي ليش ما ييتي ذاك اليوم طوفتي علي شوفتج احبك يا بعد هلي: احم احم كح كح اتسووووو شفتو شكثر انا مهمة جيتك بعد ماهزني الشوق: اكيد منحاشة احبك يا بعد هلي: من شنو يا حظي جيتك بعد ماهزني الشوق: لانج متأكدة اني احلى منج فقلتي شله افشل روحي وايي احبك يا بعد هلي: مشكلة الواثقين من انفسهم I can't stop thinking about him; يحق لهم حبيبتي احبك يا بعد هلي: انتي وياه؟؟ جيتك بعد ماهزني الشوق: اكيد وبدون تفكير بعد احبك يا بعد هلي: قطة ويه.. شوقو متى بييون امج وابوج من الامارات؟؟ جيتك بعد ماهزني الشوق: باجر احبك يا بعد هلي: من سألك انت المهم الله يردهم بالسلامة الحين اودعكم على امل اللقاء بكم بعد ساعتين على الاقل جيتك بعد ماهزني الشوق: وين رايحة احبك يا بعد هلي: رايحة حق يدتي ابوصل سلتي يدتي تعباااانة محتاجة لشوفتي I can't stop thinking about him; لا صج وين بتروحين احبك يا بعد هلي: جسوم يبيني اضبطه مع ناس خخخخخخخ I can't stop thinking about him; ههههه وطلعت ريم عنهم وخلتهم يسولفون.. I can't stop thinking about him; هدوي جيتك بعد ماهزني الشوق: عيونه I can't stop thinking about him; ثانكس ع الهدية جيتك بعد ماهزني الشوق: عيبتج؟؟ I can't stop thinking about him; كافي انها منك جيتك بعد ماهزني الشوق: فديتج I can't stop thinking about him; قريت الرسالة؟ جيتك بعد ماهزني الشوق: أي رسالة؟؟ I can't stop thinking about him; رسالتي جيتك بعد ماهزني الشوق: رسالتج؟؟ I can't stop thinking about him; يعني ما قريتها جيتك بعد ماهزني الشوق: رسالة شو؟؟ I can't stop thinking about him; انسى خلاص جيتك بعد ماهزني الشوق: قولي شو I can't stop thinking about him; انت بطلت جنطتك؟؟ جيتك بعد ماهزني الشوق: هيه I can't stop thinking about him; ما شفت رسالة؟ جيتك بعد ماهزني الشوق: لا I can't stop thinking about him; امبلى انا متأكدة حاطتها |
جيتك بعد ماهزني الشوق: يمكن بالجنطة I can't stop thinking about him; يمكن جيتك بعد ماهزني الشوق: شو كاتبة فيها؟ I can't stop thinking about him; دورها واقراها ما راح اقول جيتك بعد ماهزني الشوق: يلا عاد شواقي قولي I can't stop thinking about him; اقراها انت.. انا حطيتها بمخباة اول دشداشة جيتك بعد ماهزني الشوق: كندورتي؟ I can't stop thinking about him; يس ولونها بيج جيتك بعد ماهزني الشوق: انا لابسنها ما فيها ولا رسالة I can't stop thinking about him; ما يصير دور عدل جيتك بعد ماهزني الشوق: ما في اكيد طاحت مني قولي شو كاتبة فيها I can't stop thinking about him; مابي اقول جيتك بعد ماهزني الشوق: اسميج حركات.. برب تلفون I can't stop thinking about him; انزين رد هادي ع التلفون وكان رفيجه منصور جيتك بعد ماهزني الشوق: شواقي هذا ربيعي منصور بطلع وعقب برمسج I can't stop thinking about him; اوك جيتك بعد ماهزني الشوق: تامريني بشي؟ I can't stop thinking about him; سلامتك بس دير بالك على روحك جيتك بعد ماهزني الشوق: من عيوني يلا باي I can't stop thinking about him; باي |
][...الفصل الحادي عشر...][ طلع هادي من غرفته مالقى احد في البيت حتى الخدامة مو موجودة اتصل على امه.. هادي:مرحبا خالدة:مرحبتين هادي: وينج الغالية البيت محد خالدة: نحن في بيت عمتك موزة معزومين ع الغدا انت ما رحت مع الرياييل؟ هادي: لا محد خبرني خالدة: تعال مع الدريول هادي: لا اميه ربيعي منصور بخطف عليه بنروح ميلسهم تامريني بشي خالدة: سلامتك هادي:الله يسلمج وفي ميلس قوم منصور.. منصور: هلا براعي الكويت هادي: امنوه راعي الكويت؟ منصور: تراك ما خبرتني ولاشي من ييت من هناك هادي: ومن قال بخبرك منصور:شو رايك نروح المول؟؟ هادي:يلا راحو المول وقعدو بستاربكس.. منصور: تحيد ذاك اليوم يوم اتصللك؟ هادي: هيه منصور: شو كنت تبغي تقول؟؟ هادي: ماشي منصور: خخخخخخخ علينا هادي: وانت شو مذكرنك الحينه منصور: ماشي بس انت قلت بقوللك شي ما تصدق هادي: اها انزين واذا ما خبرتك منصور: افا هادي: شو منصور: ما قلت شي عادي بس مردك بتقوللي هادي: تعرفني ما احب اكسر بخاطر حد منصور: هيه باين هادي: وعسب جي بخبرك منصور:احلف انت بس هادي: يعني ما تبغي؟؟ خلاص برايه منصور واهو ميت يعرف السالفة: صدقك برايه هادي ميت من الضحك على رد منصور اهو يدري ان منصور ملقوف وقعدو يسولفون شوي هادي: منصورو تحيد البنت اللي خبرتك عنها منصور: أي بنت؟ هادي: شو أي بنت بعد منصور: ماشالله من كثرهن ما ينعدن هادي: اللي من الكويت منصور: اها شو فيها هادي: تصير بنت خالي منصور: خخخخخخخخخخ اروع فلم هندي هادي: ريموه الثانية منصور: امنوه ريموه اجوفك طيحت بنات الكويت هادي: ريم بنت خالتها منصور: يعني بنت خالة بنت خالك خخخخخ هادي: هيه منصور ميت من الضحك هادي: صدقي ما اتمصخر انا منصور: وهاي السالفة اللي مب مصدقنها؟؟ هادي: هيه منصور: والله زمن عجيب وفي بيت موزة ام مايد ... الحريم تحت والبنات يسولفون بغرفة أميرة.. لولوة: شو كل هالكتب أميرة: كتب المدرسة بعد شو لولوة: والله ايام الثنوية العامة روضة: هيه ايااااااااااام لولوة: وشو هالورقة الوردية صراحة شكلها يجذب هذي الورقة اللي طاحت من هادي لما كانو ببيت عمهم بوخليفة واميرة خذتها وحطتها بواحد من كتبها عشان تقراها بس نستها ... أميرة: لا لا لا لا لا لولوة: شو أميرة خذتها بسرعة لولوة: بلاج أميرة: سر خطير ويضحكون البنات.. وبالكويت... احبك لو بعيد الدر عنك.. مريم: شوقو تلفونج شذى: شوق تصلي مريم: الوو ريم: مرحبا مريم: مرحبتين ريم: منو؟ مريوم؟ مريم: أي ريم: شلونج شخبارج شمسويه انشالله بخير وانشالله دومج بخير وصحة وعافية شلون العيال اي صج ما عندج قصدي ابو العيال شخباره انشالله مرتاح مريم: شوي شوي حشا بالعة رادو وبعدين مالج شغل بابو العيال ريم: عااااااااااشت اللي تغار على ريلها مريم: ريمووه ريم: انزين راح اسكت بس وين بنت خالتي مريم: وانا مو عاجبتج؟ ريم:امبلى عاجبتني ونص وربع وثلاث ارباع بعد واللي مو عاجبه ينتف حواجبه بس انا داقه على شوقو انتي شكو تردين مريم: والله شوقو تصلي وموبايلها كان عندي وانتي دقيتي ما تبيني ارد ريم: انزين اذا خلصت خل تدق علي بلييز اتس سو امبورتانت مريم: شنو شقلتي ريم: سلامت عمرج يلا بباي بهاللحظة نزلت شوق من فوق وشافت مريم تكلم تلفون مريم: ويت كاهي كلميها.. شوق ريموه تبيج خذت شوق التلفون من مريم: هااي ريم: هايات.. عندي لج مفاجأة شوق: شنوو ريم: ما راح اقول شوق: عيل ليش داقة ريم: عشان اقولج بس اول شي حزر فزر شوق: ممممم عن شنو اهي ريم: جنج خلصتي رصيدي انتي واختج شوق: انا شكو ريم: انزين لبسي وتزهبي بمر عليج انا وجسوم الحين شوق: جسوم؟ ريم: اي شفتي شلون اخوي حن قلبه علي شوق: هههه انزين ريم: اخاف شذى تاخذ بخاطرها شوق: بقولها بس اهي ما تحب تروح مع جسوم ريم: انزين يلا بباي شوق: باي سكرت شوق عن ريم .. مريم: شالسالفة؟؟ شوق: ريمووه بتمرني بنطلع مريم: ليش شوق: بس بنتمشى مريم:جم عندج؟ شوق: صراحة حسابي مافيه الا عشر دنانير بسحبها واذا بتعطيني ما عندي مانع مريم: بس عشرة شوق: يس مريم: تكفيج وايد عليج اصلن ما راح تشترين شي شوق: يلا عاد مرايم مريم: انزين هاج خمسة شوق: الله يخليج لي ولا يحرمني منج دانة: شوقو بروح وياج شوق: نو دانة: بلييز شوق: نو عشان تتعلمين تشبكين من ايميلي دانة: اف انزين رغوده بتروح؟ شوق: ما اعتقد كانت شذى توها طالعة من المطبخ شذى: شعندكم؟ شوق: بروح انا وريمووه نتمشى تروحين؟ شذى: منو بيوديكم؟ شوق: منو يعني سايقهم وجسوم تروحين؟ شذى: لا مابي اروح شوق: اوك بروح اتزهب الحين بييون |
شوي ويمرون عليها جاسم وريم.. ركبت شوق معاهم .. شوق: هااي ريم: هااياات جسوم: الناس يسلمون ريم: انت شكو جاسم: شنو انا شكو ما تشوفين ريال جدامج؟ شوق: والله وكبرنا ريم: انت ريال خخخخ جاسم: ليش مو عاجبج ترى انزلج هني ريم: فيك خير جاسم: ريمووه يوزي عني شوق: جسوم وين بنروح؟ جاسم: اصغر عيالج جسوم شوق: خلصني تراني اكبر منك جاسم: ذلتنا هذي اكبر مني بجم يوم بس شوق: المهم اكبر منك ريم: بنروح شرق شوق: وناااااااااااسة جاسم: لا تموتين علينا بس شوق: مالك شغل ريمووه شكلج غاصبته يطلعج ريم: خخخخخ اقوول جاسم: لااااااااااا شوق: قولي ريم: السالفة وما فيها جاسم: ريمووه ترى ذليتيني ريم: عشان تتسنع شوق: اكيد ضبطتيه مع ناس ريم: عليج نور شوق: منو عاد جاسم: بسكم عاد ريم: انوار شوق: ههههههههههه جاسم: ارتحتي الحين شوق: يس اوف كورس وبعد ساعتين في البيت... طلال: شوق.. شوق مريم: مو هني طلال: وينها مريم: طالعة طلال: وين مريم: ما ادري طلال: مع منو مريم: مع ريم بنت خالتي فوزية طلال: ومنو سمحلها تطلع ما في ريال في البيت تستأذن منه؟ مريم مستغربة من كلام طلال: ها طلال: شنو ها مريم: اهي قالتلي وانا خليتها تروح طلال: ومتى بترد انشالله؟ مريم: ما ادري طلال: حلو حلو تطلع وتدش على كيفها مريم: شفيك انت طلال: خل ترد وانا اعلمها الشغل وطلع طلال..مريم سيدا دقت على شوق.. شوق: الوو مريم: قوة شوق: الله يقويج مريم: وينج الحين؟ شوق: قاعدين بالكوفي شوب مريم: متى بتردين شوق: ماادري ليش؟ مريم: تقدرين تردين الحين؟ شوق: مريووم بلييز لما الحين ما تعشينا مريم: انزين بس ترى طلال معصب شوق: انزين بشوف سكرت شوق عن مريم.. جاسم: شفيج؟ شوق: طلال معصب ومريوم تقول ردي الحين ريم: مالج شغل فيه خليه يولي جاسم: يلا مشينا ريم: شنو ما تعشينا شوق: نمر ماكدونالز اللي عند جمعيتنا بس اهم شي نرد جاسم: يلا ويدق جاسم على السايق يخليه يشغل السيارة.. مرو ماكدونالز وردو شوق بيتهم شوق كانت ماسكة وجبتها ودشت الصالة |
شوق: السلام عليكم طلال: وعليكم شوق بتصعد فوق طلال: وين رايحة شوق: بروح طلال: من سمحلج تطلعين؟ شوق: ها طلال واهو يصارخ: من سمحلج تطلعين شوق خايفة: محد طلال: يا سلام شوق: كل مرة اطلع ما استأذن منك طلال: كل مرة امي وابوي موجودين الحين غير شوق: ....... طلال: مع منو طالعة شوق: مع ريمووه وجسوم طلال: منو جسوم؟ شوق: جسوم اخوها طلال: وتدلعينه بعد شوق: طلال انت شفيك دايمن اقوله جسوم طلال: لما اكلمج ردي علي باحترام شوق:شقلت انا طلال دزها جان يطيح منها البيبسي وينكب بالصالة شوق: انت شفيك علي؟ طلال: سمعيني عدل ان شفتج مرة ثانية طالعة مع جاسم ما تلومين الا نفسج شوق: ليش؟ طلال: ماخذين ريم عذر تبون يصفالكم الجو شوق منصدمة من كلامه: شنوو؟؟؟!!! بهاللحظة تدخلت مريم: طلال عيب عليك تتكلم عن اختك جذي طلال: هذا الصج سمعتيني يا انسة شوق شوق دمعت عيونها وصعدت لغرفتها سكرت الباب بقوة وعلى طول شبكت لانها محتاجة تكلم هادي.. جيتك بعد ماهزني الشوق: تو ما نور المسن I can't stop thinking about him; هدوووي..!! جيتك بعد ماهزني الشوق: عيون هدوي I can't stop thinking about him; محتاجتلك بمووت جيتك بعد ماهزني الشوق: اسم الله عليج عسى فيني ولا فيج شواقي شو صاير؟؟؟ I can't stop thinking about him; طلااااال جيتك بعد ماهزني الشوق: شفيه؟ I can't stop thinking about him; يشك فيني يقوللي رايحة مع جسوم عشان يصفاللج الجو جيتك بعد ماهزني الشوق: جسوم اخو ريم؟ هادي ما يحب شوق تطلع مع جاسم ودايمن اذا سولفت عنه شوق يقولها غيري الموضوع I can't stop thinking about him; اي هدوي احس اني تعباانة محتاجة احد اكلمه جيتك بعد ماهزني الشوق: غناتي ولا يهمج احد دامج ما سويتي شي غلط I can't stop thinking about him; مسوي روحه ريال البيت مستقوي عشان امي وابوي مو هني جيتك بعد ماهزني الشوق: ما عليج منه بهاللحظة يدش طلال غرفة شوق بس اهي ما انتبهت عليه لانها كانت معطيه ظهرها الباب |
][...الفصل الثاني عشر...][ طلال دش الغرفة على شوق واهي كانت ع اللابتوب تكلم هادي وتمسح دموعها لانها مقهورة من طلال وطريقة تفكيره البايخة اهي دوم تطلع مع جاسم او جسوم مثل ما اهي تناديه وحتى طلال مرات يكلم جاسم ويطلع وياه واهو ولد خالتهم قبل كل شي فعلاقتهم عادية كأي ولد خالة حتى علاقة شوق بجسوم مثل الاخو واهي تعتبره اقرب من اخوها طلال .. جاسم انسان واضح وصريح وخفيف دم عكس طلال تماما اللي غامض وما يقول اسراره الا حق اللي قراب منه حييل مثل جراح رفيجه وبس.. نرد للقصة.. دش طلال على شوق واهي كانت مندمجة تشكي لهادي وما انتبهت عليه يا ووقف وراها واهي كانت تكلم هادي وبلحظة هدوء انتبهت ان في احد وراها سوت ساين اوت بسرعة وسكرت اللابتوب وافترت عشان تاخذ علبة الكلينكس كل هذا وطلال ساكت وما قال شي وبلحظة التقت عيونهم مع بعض طلال شافها بنظرة كلها توعد وانتقام وطلع من غرفتها من غير لا ينطق .. شوق كانت خايفة حييل وطاحت على سريرها وقعدت تبجي بألم وخوف.. وبعد نص ساعة يت لها مريم وطقت عليها الباب اللي قفلته عقب ما طلع طلال .. مريم: شوق فجي الباب شوق:................... مريم: شوق..شوق شوق:............... مريم: شوق شوق:............... وظلت تطق الباب ليما ملت وبعدين حست ان شوق تبي تقعد بروحها خلتها وراحت.. شوق حست انها تبي تكلم احد تبجي بحضنه تشكيله وماكو غير ريم لان شذى ما تفهمها ودانة مستحيل ومريوم مثالية زيادة عن اللزوم بتقول انها غلطانة .. دقت على ريموه لقت جهازها مغلق دقت ع البيت.. جاسم كان توه بيطلع سمع التلفون جاسم: الووو شوق اللي راح صوتها من البجي: الو وين ريم جاسم: شوقو عسا ما شر شسواللج طلال والله لاعلمج فيه شوق: جاسم عطني ريم جاسم استغرب اول مرة تناديه باسمه يعني مو جسوم ونفس الشي ريم اول مرة تقولها ريم مو ريوم او ريمووه جاسم: شوقو لا تبجين امه كانت بتصعد فوق وسمعته يتكلم حست ان في شي صاير فوزية: يمه جاسم شفيك جاسم: ولا شي يما فوزية: تكلم منو جاسم: شوقو فوزية:عطني اياها وتسحب سماعة التلفون من جاسم فوزية: شفيج يما؟ شوق: ولاشي خالتي بس بغيت ريم فوزية: ريم راحت تنام شوق: انزين خلاص فوزية واهي تكلم ولدها جاسم: ما مداها تنام روح نادها فوزية: انزين وليش ما دقيتي على نقالها شوق:دقيت بس مغلق فوزية: احد مسويللج شي مضايقج؟ شوق واهي تبجي : لا خالتي يلا مع السلامة فوزية: والله ما تسكرينه كاهي ريم ريم واهي نازلة بسرعة بعد ما خرعها جاسم.. ريم: خير شصاير شفيج؟ شوق ميتة من البجي ريم: شوقو شفييج؟ شوق: تعالي بيتنا ريم: ليش؟ شوق: محتاجة اكلمج ريم: تدرين الساعة جم الحين؟ شوق: ريمووه حرام عليج ريم:قولي اللي تبين اسمعج شوق: ولا شي مع السلامة انا غلطانة اللي اتصلت عليج .... وسكرته على طول ريم: الووو شوق |
فوزية: ريم يما شوق شفيها؟؟ ريم: والله ما ادري قعدت تبجي والله خايفة عليها فوزية: شقالتلج؟ ريم: تقول تعالي بيتنا فوزية: الحين؟ ريم: أي ولما قلتلها تدرين الساعة جم الحين سكرته بويهي جاسم: وليش ما تروحيلها ريم: من صجك انت؟ جاسم: اي مو بنت خالتج وصديقتج اللي حييل معاها ؟؟ ريم: امبلى بس جاسم: بس شنو ريم: الحين الوقت وايد متأخر جاسم: ولو اهي مو محتاجتج جان ما طلبت منج هالشي فوزية: واعليا عليج يا بنت اختي ريم: والله كلامك عدل يما بروح ازهب جنطتي بنام عند شوق فوزية: روحي يا بنيتي وراحت ريم وزهبت جنطتها وركبت السيارة مع جاسم و عشر دقايق جان يوصلون بيت شوق.. جاسم: يلا ريمووه نزلي ريم: اخاف جاسم: من شنو ريم: ما قلتلها واخاف يكونون نايمين جاسم: شدعوه عادي بيت خالتج ما فيه احد غريب ريم: انزين انت ما راح تنزل؟ جاسم: انا شكو؟ ريم نزلت جنطتها ونطرها جاسم لما دشت داخل البيت الباب كان مو مسكر ولما تأكد انها دشت راح ويا سايقهم بيتهم.. دشت ريم البيت وكانت اليس خدامتهم رايحة بتقفل الباب.. ريم:where is Shoug? أليس:All are in their rooms in the second floor صعدت ريم غرفة شوق وحطت جنطتها داخل دار شوق وطول هالوقت شوق بالحمام.. ريم خذت راحتها مثل كل مرة تيي فيها حق بيت خالتها منيرة طلعت بيجامتها ولبستها وطلعت لها فراش من الكبت الصغير اللي يم كبت شوق وخذت مخدة من اللي على السرير وحطتها مع اللحاف ع القنفة اللي بدار شوق واللي اهي المكان المفضل لها كل ما نامت عند بيت خالتها.. طلعت شوق من الحمام واول ما شافت ريم راحت لمتها (ضمتها) وقعدت تبجي من كل قلبها .. ريم حست ان السالفة قوية .. ريم: بس شوقو ريم: بس عاد عشاني ريم: انزين بس قوليلي ليش تبجين؟ ريم: طلال مسويللج شي؟ شوق تهز راسها ريم: شسواللج شوق تبجي زيادة ريم: بس عاد والله ما يستاهل لا تبجين وقعدت تهديها لما سكتت ريم: شوقو هاج شربي الماي وقوليلي السالفة بالتفصيل وبعد محاولات وااايد عشان تتكلم شوق.. ريم: عاد شوفي اذا ما تكلمتي برد بيتنا انا يايتلج عشان تقوليلي شفيج مو عشان تبجين!! وبعد دقايق .. تطق دانة الباب وتدخل على طول.. ولما شافت ريم.. دانة: اعوذ بالله ريم: هلا بالدانة دانة: من متى انتي هني؟ ومنو يايبج؟ وشاللي يايبج اصلن؟ ريم: مالت هذا بدال ما ترحبين فيني دانة: احد يزور ناس بهالوقت؟! ريم: اعتبرها طردة؟؟ دانة: والله صج من متى انتي هني ريم: تبين الصراحة توني ياية دانة: وليش انشالله؟ ريم: بس مزاج دانة : واحنا فاجين بيتنا فندق لحضرتج ريم: تقدرين تقولين دانة:يا عيني على سخافتج ريم: يو تو ماي دير دانة:اذا جذي بتكون سهرة معتبرة بغرفة شوقو ريم: عاااااااااااااشو سهرتنا الليلة خلوها صباحي دانة: عااااااااااااشو شوق: طلعو براااا ريم: افا دانة: واكككككككك طردوها ريم: جب انتي طلعي برا دانة: خير؟ البيت بيت ابونا والناس حاربونا ريم: آي تيل يو قير آوت دانة: انزين بس تراج وايد تتفلسفين ريم: ثانكس ماي لوف عقب ما طلعت دانة قامت ريم وقفلت الباب وغصبت شوق تقولها السالفة كاملة .. أما دانة عقب ما انطردت حطت راسها ونامت .. ريم: شنوو شوق: اللي سمعتيه ريم:من يكون حضرته عشان يستنتج هالاستنتاجات البايخة نفس ويهه شوق: ما ادري ما ادري ما ادري !! ريم: انزين وبعدين شوق: رحت غرفتي وكلمت هادي ريم:بالتلفون؟؟!! ريم ما ترضى تخلي شوق تكلم هادي بالتلفون واصلن ما تتوقع من بنت خالتها تسوي هالشي وقبل ما يعرفون ان هادي يصير ولد عمتها اتصلت فيه شوق بس لما درت ريم وطبعا اللي قاللها اهو هادي سوت لها سالفة وقالتلها اذا كلمتيه مرة ثانية بالتلفون ما اعرفج ولا تعرفيني وشوق بعد ما تحب تكلم واحد بالتلفون واصلن اهي مو مثل البنات اللي جذي يكلمون شباب وهادي اول انسان بحياتها بس ما قدرت تتحمل حنة هادي عشان تتصل فيه اما ريم قالت حق هادي نفس الكلام اللي قالته حق شوق وقالتله بعد اذا انت تحبها صج لازم تخاف عليها واهلها اذا درو انها تكلمك بالتلفون راح يذبحونها ومن يومها هادي ما كلم شوق بالتلفون وقاللها انه آسف عشان كان يحن عليها وانه لو كان يدري ان اهلها بيسوون فيها شي جان ما قالها بس عقب ما يا الكويت كلمها في المرينا لما طلعو مع فيصل وهذا طبعا عقب ما عرفو انه يصير ولد عمتها.. |
شوق: لا بالمسن ريم: انزين عادي شوق: آي نو بس طلال دش علي وانا كنت اكلمه ريم: انزين شوق: بس شافني بنظرات تخرع وطلع.. ريمووه انا خايفة ريم: اهو درى انه هادي؟؟ شوق: ما ادري ريم: انزين قوليله شوق: حتى لو درى بيسويلي سالفة اذا على جسوم شفتي شلون تفكيره مع انهم ويا بعض شلون مع هادي اللي كان متهاوش وياه!! ريم: شنو تتوقعين يسوي؟ شوق: لا تسأليني اكيد بيقول حق ابوي ومحمد وبيسوللي سالفة ريم: انتي ليش خايفة ما سويتي شي غلط شوق: انتي ما تعرفين طلال بيقنعهم باسلوبه ريم: حتى لو قوليلهم الصج وما عليج شوق: شقوولهم؟؟!! ريم: قولي انج كنتي تكلمين هدوي .. ولا اقولج قطي السالفة علي شوق: انتي شتقولين ريم: طلال الزفت شاف المحادثة ؟ شوق: ماادري ريم: عيل سمعي قولي انج كنتي تكلميني وبس شوق:.......... ريم: ما راح يسوون فيج شي صدقيني وانا باتحمل الباجي شوق تقوم وتبوس ريم : مشكوورة ربي لا يحرمني منج ريحتيني ريم: بالخدمة.. يلا عاد قومي غسلي ويهج وتعالي يايبة أكل حق السهرة شوق: عاااااااشو وفي الامارات الساعة 3 ونص الفير.. أميرة ما ياها نوم عقب ما قرت رسالة شوق اللي طاحت من دشداشة هادي وفي بالها اسئلة وااااااااااااايد.. شلون تتجرأ هذي؟ ومن تكون اصلن؟!! ما عرفته الا يومين وتدزله رسايل صدق ما تستحي!! هو يدري بهالشي؟ يمكن .. ويمكن لا بس هو يحبها ؟؟؟؟؟؟ هذا اخر سؤال سئلته نفسها قبل ما تنام .. أما هادي نام معصب من شوق شلون تطلع فجأة وتعطيه اكبر طاااف.. والصبح.. بالكويت ريم طبعا ما قعدت بس امها قعدتها غصب لانها تقول فشلة تنامين والبيت ما فيه حرمة طبعا ريموووه اول ما ردت البيت حطت راسها ونامت لانها ما نامت الا على ويه الفير .. الكل قاعد ببيت بوهادي عشان يوصلون عايلة بومحمد حق المطار .. لولوة نازلة الصالة .. لولوة: السلام عليكم.. الكل: وعليكم السلام لولوة: خالي متى بتروحون المطار؟ بومحمد: شنو مليتي منا؟؟ لولوة: اكيد لا بومحمد: خالاتج وخالد وفيصل بيروحون على طيارة الساعة 11 وانا ومحمد بنقعد عندكم لولوة: البيت بيتكم.. اميه بروح المول خالدة: شحقه؟ لولوة: بشتري شغلات حق بنات خالي سارة: ليش يما لا تكلفين على روحج ما يحتاي لولوة: افا عليج خالتي .. انزين اميه؟ خالدة: منو بيوديج؟ لولوة: ما ادري ابويه توديني؟ بوهادي: والله اني مشغوول لولوة: شو يعني ما اروح؟ خالدة: أي قعدي لولوة: ما ابا ابغي اروح بوهادي: جوفي بنات عمتج روحي وياهم خالدة: لا شنو ما تروحين وياهم فشلة لولوة: اميه دخيلج ينزل عليهم هادي.. هادي: صباح الخير الكل: صباح النور لولوة: لقيتها اميه هدوي بيوديني صح هدوي؟ هادي: شو السالفة لولوة: ابغي اروح المول هادي: اها لولوة: ابويه مشغوول واميه ما تبغيني اروح مع قوم عمتي هادي: انزين لولوة: شو انزين اباك توديني هادي: سوري اختي العزيزة مالي نفس لولوة: هدوووي دخيلك هادي: ترجيني اكثر يدق التلفون ويشيله هادي هادي: الوو أميرة: مرحبا هادي: مرحبا ملايين في ذمتيه شحالج الشيخة أميرة: ماشي الحال ومن صوبك هادي: والله تمام بغيتي لولو؟ أميرة: هيه هادي: اندوج لولوة: هلا أميرة: هلا فيج بتروحين مكان اليوم؟ لولوة واهي تطالع هادي: هيه هدوي اخوي ربي يخليه انشالله بيوديني المول تروحين معانا؟ هادي فج عيونه ع الآخر والكل يضحك على الموقف أميرة: صدق؟ والله مالي نفس لولوة: شو مالج نفس هاي ما تيي الا كل خمسين سنة مرة قومي تزهبي بنخطف عليج الحينه أميرة: صدقج سكرت لولوة التلفون .. هادي: لا والله لولوة:هيه يلا لا نتأخر ع البنت اتصل على راجو وراحت تلبس عباتها وشيلتها هادي: ما عليه يا لولو جم مرة بندلعج عقب بياخذج ريلج ونفتك خخخخ خلصت لولوة وهادي بعد لبس وخلص وطلعو مع راجو وبالسيارة لقو فيصل.. هادي: بسم الله فيصل:الرحمن الرحيم هادي:انت شو تسوي هني؟ فيصل:دام السالفة فيها مول وبنات لازم اكون اول من يركب هادي:خخخخخ بس بنت عمتيه بتروح ويانا فيصل:يعني استح على ويهك وانزل هذا قصدك خخخخ هادي: الله يشهد اني ما قلت بس قصدت خخخخخ فيصل واهو نازل من السيارة: عيل احفظها بس اتيي الكويت بييمعلك بنات العايلة كلهم عشان ما تروح ويانا هادي:انشالله خخخخ لولوة: هههههه وعقب ما نزل فيصل... هادي: انتي ليش الحينه تبغين المول؟ لولوة: بتشرى شغلات حق بنات خالي هادي: اها قولي من الاول لولوة: شو هادي:ماشي خلي بنات عمتج يطلعن لولوة: بس اميرة بتروح رواضي عند بيت عمي بوخليفة هادي: انزين يلا اتصلي لها دقايق وتطلع لهم اميرة.. أميرة: السلام عليكم لولوة وهادي: وعليكم السلام أميرة تقريبا اغلب الوقت ساكتة لان مالها نفس تكلم هادي عقب رسالة شوق لولوة: اميرة بلاج ما ترمسين هادي: يمكن مستحيه مني أميرة: وين بنروح؟ هادي: يعني وين بحوطكم الا في العين مول لولوة: بس ترى ما فينا نتأخر طيارتهم الساعة 11 هادي: انا شو عليه انتو لا تتأخرون وصلو المول واول شي راحو محل الاكسسوارات.. لولوة: اميرة ساعديني ابغي شي حلو هادي كان ماسك سلسلة على قلب وداخله حرف s: شو رايج في هذي حق شواقي؟ أميرة انقهرت وحقدت على شوق تقول في نفسها: هو اكيد يحبها لولوة: هيه واايد حلوة شو رايج اميرة؟ أميرة: ..... لولوة: حوو بلاج هادي: اللي ماخذ قلبج يتهنى به أميرة آه لو تدري انك انت.. بس ما عليه يا انا او هذي شوق هادي: حوووو الاخت عاشقة لولوة: هدووي انت شيايبك معانا ها ؟ هادي: لا والله حبيبتي لو ما انا جان ما رحتي لولوة: انزين انزين شو رايك تتريانا برا المحل هادي: ليش لولوة: لانك مسوي زحمة هادي: زين يا لولو هذا ويهي ان طلعتج مرة ثانية لولوة: يلا حبيبي وراك ناس بيمرون هادي: عناد ماني رايح وبعد انا اللي بشتري حق بنات خالج لولوة: شو هادي: اللي سمعتيه برايج وراح هادي خذا جولة بالمحل شرا سلسله فضية على قلب وياه مفتاح على شوارفسكي وداخل القلب حرف الـS حق شوق وبعدين رد حق لولوة اللي كانت تشوف الساعات.. هادي: لولو لولوة: نعم هادي: نعامة تحبج من فوق راسج لولوة: خير هادي: ما عرفت اشتري خخخخ لولوة: انزين كاني انا خذيت لهم هادي: يعني نطلع؟ لولوة: هيه لولوة شرت صندوق صغير حق الاكسسوارات وساعة وجنطة يد وطلعو من المحل.. لولوة: يا ربي شو اخذ بعد؟ أميرة: امممم لولوة: هدوي فكر بسرعه ماكو وقت هادي: شو عرفني بشغلات البنات انا أميرة: شو رايج ناخذ شيلات؟ لولوة: والله فكرة هادي: حق امنووه؟ محد يلبس الا مريم أميرة: عندهم يهال؟ لولوة: هيه علاوي أميرة: جم عمره؟ لولوة: اعتقد بعمر احمدوه أميرة: خذيله شريط بلايستيشن هادي: لولو ترى طيارتهم بعد ساعه ونص لولوة: انزين بروح اخذ شيلة حق مريوم وشريط ونغلف الهدايا ونروح.. هادي: يلا وقبل لا يطلعون كان في محل خام شرت منه لولوة قطعتين حق حريم خالها منيرة وسارة .. لولوة: هدوي ما بتشتري لطلال ؟ هادي: لا لولوة: ليش هادي: مزاج لولوة: برايك هادي: روحو السيارة عندي شغلة بخلصها و الحقكم لولوة: انزين خلاهم هادي وراح شرا علبة وكتب عليها احلى شواقي وحط داخلها السلسلة اللي شراها ولحقهم السيارة.. وبالسيارة.. هادي: استانستي؟ لولوة: اي ربي يخليك لي ولا يحرمني منك يا احلى اخو بالدنيا هادي: آمين وادعي بعد اتزوج بسرعه لولوة: هههه ليش مستعيل ؟ هادي: قلبي ما يتحمل اكثر ابغي اخذها اليوم قبل باجر اميرة مع كل كلمة تذوب اكثر ولولوة ذابحتها بنظراتها لولوة مسكينة عبالها ان هادي يقصد اميرة وانه يحبها ويموت فيها ولانها بنت عمته وبعمره اما هادي كان يقصد شوق بكل كلمة قاللها.. لولوة: عيل من باجر بقول لاميه تخطبها لك هادي: ياريت لولوة واهي تطالع اميرة: يا ربي يخليكم لبعض هادي: ويرزقج انتي وبنات عمج باللي تتمنونه لولوة: ثنتين انضمن مصيرهم باقي ثنتين هادي: وديمة خطبوها شو لولوة: لا روضة واميرة اميرة تقرص لولوة البنت مستحية واايد هادي: ع البركة اميرة منج المال ومنه العيال قصدي العكس خخخخ بس منوه ولد الحلال؟ أميرة ملامحها تغيرت 180 درجة وكرهت اليوم اللي طلعت فيه مع هادي لانها عرفت انه ما يفكر فيها وان يحب وحده شافها يومين (شوق) واهي اللي تموت فيه مو داير لها بال ودمعتها شوي وتنزل.. لولوة تفاجأت بس ظلت ساكتة ما تبي تحرج اميرة لانها درت انها تضايقت من كلام هادي.. لولوة: انزين انا محتارة الحينه هادي: على شو لولوة: الهدايا ما ادري كيف اوزعهم هادي: شو شريتي انتي؟ لولوة: ساعة وجنطة وصندوق اكسسوارات هادي: الساعة حق دانووه كل دقيقة الساعة جم خخخخ لولوة: ههههه هادي: أميرة تبغين نوصلج بيتكم ؟ أميرة:........ ما تقدر تكلم لانها اذا نطقت بتبجي على طول هادي: شو أميرة لولوة:لا بنروح بيتنا أميرة وصوتها متغير: ابا اروح بيتنا لولوة: لا ما بخليج تروحين هادي: شو الحين لولوة: بتروح ويانا اول ما وصلو البيت أميرة نزلت بسرعه ونطرت لولوة واول ما دشو راحت سيدا غرفة لولوة وقعدت تبجي.. لولوة لحقتها:اميرة صدقيني ما يقصد لولوة: اميرة لا تصيحين هدوي انا اعرفه يحبج أميرة: هو مايحبني ولا عمره حبني لولوة: لا تقصين على عمرج من وانتو صغار انتي حق هدوي وهدوي حقج أميرة: انتي اللي لا تقصين على عمرج هدوي ما يحبني يحب وحده ثانية لولوة: من قال أميرة: انا اقول واهي بنت خالج بعد لولوة: شو هالرمسه اصلن هو ما عرفهم الا قبل كمن يوم أميرة: بس هو يحبها لولوة: من؟ أميرة: شوق لولوة منصدمة ومتفاجأة بالكلام اللي تسمعه: وانتي شو دراج؟ أميرة: هي معطيتنه رسالة وجفتي قبل شوي اشترالها سلسلة على حرفها وكيف يتكلم عنها بالسيارة هو يحبها هي ما يحبني انا لولوة: أميرة..!! أميرة: وعندي الرسالة واخوج عندج سأليه لولوة: يمكن مو منها الرسالة وانتي تعرفين بنات هالزمن ما يستحون يمكن وحده فيهن معطيتنه اياها وعن السلسة انا قلتله يدور ويانا وبالسيارة شو دراج انه يقصدها يمكن يقصدج انتي وبعدين الرسالة شو دراج بها؟ أميرة: تحيدين لما يا ياخذ صحون العشا من بيت عمي بوخليفة طاحت الورقة من مخباه لولوة: وانتي خذتيها أميرة: هيه بهاللحظة يطق هادي عليهم الباب.. لولوة: امنووه؟ هادي: انا هادي لولوة: شو تبا هادي: قوم خالي بيروحون المطار نزلي سلمي عليهم لولوة: انزين لولوة خذت شيلتها : أميرة نزلي وياي سلمي عليهم أميرة: ما ابا هدوي تحت لولوة: شو ما تبغين فضيحه تراج هدوي ما عليج منه أميرة: نزلي وانا بلحقج لولوة: اوكيك بس لا تتأخرين أميرة: انزين طلعت لولوة من غرفتها لقت هادي ينطرها عند الدري .. هادي: لولو دخيلج لولوة: شو هادي: تراج احلى اخت بالدنيا لولوة: ادري هادي: طلبتج قولي تم لولوة: بفكر اول شي هادي: افا هذا وانا موديج المول لولوة: شو تبغي هادي: قولي تم لولوة: على حسب هادي: يلا عاد لولوة: انزين تم هادي: اباج تحطين هالكيس ويا الاغراض اللي بتعطينهم خالوه ام خالد(منيرة) لولوة: ليش هادي: بس لولوة: بس اول شي بجوف شو داخله هادي: ما يضر بس تحطينه وياهم لولوة: شو فيه هادي: بعدين بقولج حطيه وياهم انزين؟ لولوة: انزين هادي: حطيه بالكيس اللي بتعطينه شوق لولوة : ليش هادي: عقب بقولج بس تراج قلتي تم لولوة: هيه قلت والحينه خوز عن دربي بنزل اسلم عليهم هادي: انزين نزلت لولوة ووراها هادي وعقبهم أميرة اللي سمعت اغلب اللي قالوه وانقهرت اكثر |
سلمو على حريم خالهم وعياله وعطتهم لولوة الأشياء اللي شرتهم.. سارة: مشكورة حبيبتي ليش كلفتي على عمرج لولوة: لا كلافة ولا شي هذا الواجب خالوه منيرة: تسلمين فيصل: يلا يما خالدة: توصلون بالسلامة انشالله منيرة: الله يسلمج الرياييل راحو الا هدوي لانه كان مواعد منصور بالميلس أميرة: لولو ابا التلفون خالدة: ليش أميرة: ابغي اتصل في اميه تطرشلي الدريول بروح خالدة: شنو تروحين لا حبيبتي بتتغدين عندنا أميرة: خالوه عندي اشغال في البيت بروح اسويهم خالدة: الاشغال تتأجل ما بتروحين أميرة: خالوه دخيلج احس عمري تعبانة خالدة: ما بتروحين يعني ما بتروحين أميرة: ما قلت لاميه خالدة: انا بقولها أميرة: لولو تكلمي لولوة: اميه ابلتهم شديدة وايد وعندها امتحان ما درست خالدة: شدعوه الغدا ما بيأخرها لولوة: اميه عشان خاطريه مرة ثانية خالدة قامت بتطلع من الصالة: براحتكم أميرة: فديتج خالوه لا تاخذين بخاطرج اليايات اكثر خالدة: انشالله اتصلت اميرة بأمها ومن حسن حظها ان السايق كان مار من عند بيت خالها ركبت معاه وراحت.. أما ببيت بوهادي خالدة راحت غرفتها ولولوة قاعدة بالصالة مع هادي.. لولوة: شو سالفة الكيس؟ هادي: شو لولوة: شو داخله هادي: ما جفتي ؟ لولوة: لا هادي: عيل راحت عليج لولوة: هدوي ترى اعرف هادي: تعرفين شو؟ لولوة: شو سالفة شوق؟ هادي: شو سالفتها ؟ لولوة: انا اسألك هادي: وانا اجاوبج لولوة: هادي هادي: ها لولوة: حرام عليك اللي تسويه بأميرة هادي: شو سويت انا؟ لولوة: وتسأل بعد هادي: هيه اسأل انا ما سويت شي لولوة: حرام عليك البنت تتعذب وانت ولا بالبال وبكل كلمة تعذبها اكثر هادي: شو تقولين انتي لولوة: اذا هي مسوية شي مضيق بك حبها يشفع لها هادي: أي حب أي خرابيط؟ لولوة: الحينه حبك انت وأميرة استوى خرابيط؟ هادي منصدم: انا وأميرة ؟؟؟!!!!!!!! |
][...الفصل الثالث عشر...][ هادي والصدمة على ويهه..!! لولوة: هيه حبك انت وأميرة من وانتو صغار انت لها وهي لك شو اللي تغير الحينه؟ هادي: ماشي تغير وماشي صار اصلن ومن هالغبي اللي يقول هالكلام لولوة: غبي؟ هادي: هيه غبي انا عمري ما حبيت اميرة ولا فكرت مجرد تفكير اني اخذها بنت عمتي على عيني وراسي بس ما اعتبرها الا شرات اختي شراتج انتي لولوة: شو تقول انت شو بيصير فيها الحينه اذا سمعت هالرمسه هادي: يصير فيها اللي يصير انا ما قلتلها تقص على عمرها وتقول اني احبها لولوة: هي ما قصت على عمرها هادي: عيل انا اللي قصيت على عمريه؟ لولوة: وشوق؟ وصلت مسج حق هادي.. هادي: سوري منصور بالميلس يترياني برايج وطلع هادي من الصالة وراح الميلس اما لولوة فقعدت بمكانها محتارة ومنصدمة ومتفاجأة بنفس الوقت.. وبالكويت.. كلهم رايحين المدرسة الا شذى اللي كانت فيها انفلونزا خفيفة وبمدرسة شوق وكلاسها بالتحديد قاعده تسولف مع رفيجتها ايمان .. شوق: اليوم شنو؟ إيمان: السبت شوق:اليوم امي بترد من الامارات إيمان: توصل بالسلامة انشالله شوق: الله يسلمج دشت عليهم ندى ندى: بنات منو كتبت واجب العربي؟ شوق: وانتي هذي حالتج ندى: شسوي بعد الدنيا مشاغل شوق: هههههه هاج نقلي ندى: اه لو المدرسة تعطي جائزة لاكثر وحده تنقل البنات: ههههههه تدخل عليهم ابلة صبرية مالت العربي.. الابلة: السلام عليكو البنات: وعليكم السلام ورحمة الله وبركاته الابلة: ازيكو البنات: بخير الابلة: اجلسو شوق: ابلة متى بتسمعين القصيدة؟ الابلة: مالكيش دعوه شوق: شدعوه علي سألت الابلة:اولتي ايه؟ شوق: سلامتج ابلة شوق صح شاطرة وتقريبا اشطر وحده بصفها بس عندها عيب واحد انها تتحلطم وايد بس مو لدرجة قلة الادب لانها ما تحب المشاكل خصوصا مع الابلات وممر الادارة ما تمر صوبه عكس رفيجتها ايمان اللي ترادد الابلات وما تخاف من احد حتى من الناظرة ودايمن تشجع شوق عشان تصير نفسها بس شوق مستحيل تقدر حتى لو تحاول لانها خوافة بشكل.. شوق: ابلة صبرية لو سمحتي ممكن توخرين شوي ما اطالع اللوح صبرية: لأ مش ممكن شوق بصوت واطي: بالطقاق صبرية: ايه بالطقاق دي ازا ما احترمتي نفسك يا شوء حتصرف تصرف تاني معاكي شوق: شقلت انا ما قلت شي صبرية: ايه ما عملتيش حاقه شوق: ابلة ليش انتي حاطة علي ما مداني اقول كلمة الا زفتيني شسويتلج ماكلة حلال ابوج؟ ايمان: عاااااشو سجل يا تاريخ شوقو ترادد صبرية: انا ما اعرفش اتعامل مع الاشكال ديت إيمان: ابلة لو سمحتي صبرية: انتي مالكيش دعوه إيمان : امبلى رفيجتي هذي صبرية: طب شوفي الصداقة بتوديكي لايه ايمان: يعني شنو بتسوين كلج مصرية يايتلنا من الصعيد صبرية: ايمان ايمان: خير مو عاجبتج جنسيتج؟ صبرية: ايه إلة الادب دي بنات مش متربين ايمان: وحتى الابلات بعد صبرية: اخرقي برا ايمان: اصلن كنت بطلع من قبل لا تقولين شوق امشي صبرية: لأ شوق اوعدي وانتي انزلي وماشوفش وشك هنا ايمان: جاو ومرت الحصة على خير وبالفرصة.. شوق: شسوولج؟ ايمان: شنو بيسوون يعني شوق: رحتي الوكيلة؟ ايمان: يس مع اني كنت ناوية اتمشى بس بنت الذين صادتني وانا بالممر شوق: شقالتلج؟ ايمان تقلد صوت الوكيلة اللي يطلع من خشمها: انتي شتسوين.. قلتلها اتمشى قالتلي ما عندج حصة قلتلها امبلى بس مالي خلق قالتلي متى ما صارت مدرسة ابوج طلعي على كيفج خخخخ شوق: ما عطتج تعهد ؟ فصل؟ ايمان: متى ما صار على كيفها ذيج الساعة تعطيني شوق: والله انج بايعتها ايمان: يا بنتي فري كويت انتي شقالتلج ابلة عطيات قصدي صبرية شوق: ما قالت شي بس صراحة كنت خايفة تطردني نفسج ايمان: انا بعرف بس شحقه طردتني السالفة بسبتج انتي شوق: سوري ايمان: تفداج حبيبتي بس اهي ليش تعاملج جذي شوق: والله ماادري ليش حاقدة علي ايمان: يمكن محترة لانج اشطر منها خخخخ شوق: ههههههه بيت بومحمد الساعه 1 ونص ردو العيال من المدرسة وكانو اهلهم واصلين من نص ساعه شوق: السلام عليكم الكل: وعليكم السلام شوق تفاجأت من وجودهم اهي تدري انهم بييون اليوم بس ما توقعت يكونون في البيت اول ما ترد من المدرسة.. سلمت على امها واخوانها ونفس الشي دانة وعلي وطلال .. شوق اليومين اللي طافو تحاول تتجنب طلال وتبين انها مو خايفة مع انها مخترعة وايد وطلال صار يتجاهلها وما يكلمها.. شوق: ها يمه شلون اهل الامارات؟ منيرة: والله خوش ناس انشالله بنعزمهم باقرب وقت شوق: يعني اييون هني؟ منيرة: اي شوق: وناااااااااااااسة سارة: يمه دانة عطيني ذاك الجيس الابيض دانة: عاااااااااااشو الصوغة سارة: هههههههههه منيرة: مثل ما تعرفون ما مدانا نروح السوق هذي الهدايا من لولوة شوق: فديتها سارة بطلت الجيس الكبير وطلعت منه أجياس حق كل وحده ومكتوب ع الجيس اسمها ووزعت عليهم .. مريم وشوق وشذى ودانة وعلي.. دانة: شمعنى انتي اكبر من جيسي؟ شوق: كل واحد حسب معزته حبيبتي طلال: انتي سكتي واخر من يتكلم دانة: شنو؟ طلال: مو انتي .. الانسة شوق شوق عصبت وراحت غرفتها وقعدت تبجي على اسلوب طلال وياها ومن كثر التعب نامت .. والساعه 7 ونص قعدها تلفونها.. يحليك الجمال وصغر سنك .. فلا يوجد على شرواك نوعي شوق:هلا ريم: قومي روحي اذاني رفع ضغطي يبيج شوق: شنو؟ ريم:هدوي يبيج تشبكين شوق: سوري ما اقدر ريم:بيذبحج شوق:قوليله ما تقدر ريم: انزين بقوله بس ممكن اعرف ليش شوق:تعبانة وطلال الزفت ريم: اها فهمت بس تراه معصب منج وايد شوق: ليش شسويت؟ ريم: ماادري شوق: قلتيله سالفة طلال؟ ريم:نو شوق:قوليله لان بتيي فترة ما راح اشبك ريم: شحقه؟ شوق: لما تهدا الاوضاع في البيت ريم: براحتج شوق:باي ريم: باي ردت ريم للمسن وكان هادي ينطرها.. |
احبك يا بعد هلي: باك جيتك بعد ماهزني الشوق: ولكم باك ها كلمتيها؟ احبك يا بعد هلي: يس جيتك بعد ماهزني الشوق: شو قالت احبك يا بعد هلي: تقوللك سوري ما تقدر جيتك بعد ماهزني الشوق: شو احبك يا بعد هلي: خخخخخخخخخخ جيتك بعد ماهزني الشوق: ذابحها ذابحها احبك يا بعد هلي: ما اسمحلك يا مجرم جيتك بعد ماهزني الشوق: اذبح روحي ولا اسويلها شي بس حراااااااااااااااام عليها كافي اللي فيني مب تزيد علي احبك يا بعد هلي: ليش شفيك؟؟ جيتك بعد ماهزني الشوق: استوت سالفة انصدمت منها احبك يا بعد هلي: شنو السالفة جيتك بعد ماهزني الشوق: سالفة طويلة احبك يا بعد هلي: عادي قول جيتك بعد ماهزني الشوق: الاخت اميرة عبالها انا احبها احبك يا بعد هلي: منو اميرة؟؟ جيتك بعد ماهزني الشوق: بنت عمتيه احبك يا بعد هلي: اهاا وانت تحبها؟ جيتك بعد ماهزني الشوق: انا قلبي ما فيه غير شواقي احبك يا بعد هلي: خخخ تراني بروحلها بعد شوي جيتك بعد ماهزني الشوق: صدق؟ احبك يا بعد هلي: يس يس جيتك بعد ماهزني الشوق: عيل قوليلها اللي بقولج اياه احبك يا بعد هلي: اوكيك اما شوق واللي لبست وكشخت كانت لابسة التنورة اللي شرتها من المرينا اللي نفس لولوة ونزلت تحت عشان خالاتها بييون نزلت الصالة وكان فيها الشباب خالد وفيصل وطلال شوق:السلام عليكم فيصل: وعليج السلام خالد: الله ع الكشخه بتطلعين احلى وحده شوق: مشكور.. امي وينها؟ خالد: فوق تتكشخ فيصل: شوق ييبلي سويج سيارتي من غرفتي شوق: انشالله صعدت يابته وردت فيصل:تسلمين يا احلى بنت طلال: صج ما عندك ذوق شوق: لا والله طلال: انتي ما تتكلمين كافي سواد ويه الكل انصدم من كلام طلال شوق والدمعه حدها وتنزل اما اخوانها اللي صج عصبو خالد راح لشوق فيصل واهو يصرخ : طلاااااااااااااااااااااااااااااااال طلال:لما تستحي على ويهها ذيج الساعه كلموني.. وطلع ولا رد على احد اما شوق اللي حالتها حالة من كلام طلال اللي بكل حرف يجرحها مع انها ما غلطت خالد: شوق مالج شغل تراه صاير قليل ادب فيصل: والله لاعلمج فيه هالزفت خالد: والله انه ما يستحي على ويهه فيصل واهو طالع من البيت وحده معصب: عباله عمره منو عشان يقول هالكلام خالد باسها : يلا شوقه حبيبتي غسلي ويهج الحين بييون بنات خالاتج مو حلوة يشوفونج وانتي تبجين وطلال بنعلمج فيه شوق:الله لا يحرمني منكم خالد: اي جذي هذي شوق اللي اعرفها شوق اللي زعلانة ومستانسة بنفس الوقت زعلانة من كلام طلال ومستانسة ان عندها اخوان يحبونها.. كانت خالتهم بدرية اول الواصلين وع الساعه 8 كل خالتهم وصلو بس ريم ورغد تأخرو شوي لانهم مرو ماكدونالز وبعدين جسوم قطهم عند البنات.. البنات قعدو بالحديقة مريم وشوق وشذى ودانة وفاطمة وجمانة .. مريم وفاطمة كانو يسولفون عن الحمل والولادة وريم وشوق عن اغنية حمد العامري >روما< وشذى وجمانة ساكتين اما دانة كانت تلعب مع رغد بالماي.. جمانة: شدعوه عليكم نحن هنا ريم: شتبين جمانة: صارلكم ساعة تسولفون ولا كأنا موجودين شوق: افا عليج حياج سولفي ويانا ريم:افففف شوق: ريمووه! ريم دزت مسج حق شوق:"انا رايحة غرفتج مابي اسولف هذي قاطة اذونها" وقامت ريم دشت داخل.. اما شوق قعدت شوي بعدين راحتلها.. وبغرفة شوق.. ريم: واخيرا افتكينا من السوسة جمون شوق: حرام عليج ريم: ما احبها كيفي شوق: انزين بعرف شنو السوالف اللي ما تبينها تسمعها؟ ريم: ما احب اقعد وياها وبس شوق:والله ان جمون ماكو نفسها بس انتي وياها كل وحدة تكره الثانية ما ادري ليش ريم واهي تطالع شوق: يسلم عليج.. شوق: منو ريم: في غيره حبيب القلب شوق ابتسمت: الله يسلمه ريم: بس؟ شوق: شنو ريم: بيذبحج شوق: ليش؟ ريم: يقولج كرهتيه بحياته شوق: انا ريم: يس من متى مو مكلمته حضرتج؟ شوق: يمكن من يومين او ثلاث ريم: الاخ يقوللي اسبوع شوق: انزين ريم:محتااااااااي لج روميو شوق: جب ريم واهي تضحك: ما اروووم ع الغيرة شوق: ريموووه..! ريم: خخخخ انزين قومي بطلي اللابتوب وشبكي يبي يكلمج بشي مهم شوق: ما اقدر ريم: ليش انزين؟ شوق: اخاف من طلال ريم: مسويلج رعب هالطلال تلقينه الحين طالع ويا ربعه شوق: ريمووه مابي ريم: وابويه على حالك يا روميو ما راح تنام الليلة شوق: ريمووه ريم: جولييت مو مشتاقتلك خخخخخ شوق: ترى باحذفج بقوطي الكلينيكس ريم: واااااااو شهالجيس؟؟ شوق تذكرت الجيس اللي عطتها اياه سارة مرت ابوها شوق: اي صج هذا اللي يابولي اياه من الامارات من لولو ريم:صج؟؟ ترى بفجه قامت شوق وخذته من ريم وقعدت ع السرير شوق: عن اللقافة اللي مالها معنى ريم: طاع من يتكلم عن اللقافة خخخخ >>لان شوق معروفة بالعايلة انها الملقوفة << قعدو ع السرير وبطلت شوق الجيس كان داخله جنطة وجيس ثاني >جيس هادي< الجنطة كان شكلها وااااااااااايد حلو مخططة اسود و فوشي ومن النوع اللي تنحط ع الجنب يعني حق سفر وجذي.. ريم: الله تينن شوق: فديتها والله ريم: بطلي الجيس الثاني شوق: انزين فجته ولقت فيه علبة خشبية مكتوب عليها احلى شواقي وداخلها سلسلة على حرفها وورقة .. ريم سبقت شوق وخذت الورقة.. كان مكتوب فيها "الله يعيني ع الشوق؟؟ اموت فيج" ريم: عاااااااااااااااشو شوق: شكاتبه فيها؟ ريم: والله عنده ذوق روميو شوق: جب ريم: والله شوفي شكاتبلج شوق خذت الورقة منها ريم: شوقو ويهج صار احمر شوق:انزين فكينا تبين نشبك؟ ريم: يس اوف كورس شوق: يلا شبكو ما لقو هدوي شوق دزتله رسالة فورية وتمو يسولفون مع رفيجات ريم من ايميل ريم .. ومشغلين الاف ام وكانت اغنية راشد الماجد "هلي" ومطولين على حده .. اما طلال واللي كان صاعد غرفته عشان ياخذ الكرة مالته و سمع صوت من غرفة شوق واستغرب لانه اهو شاف البنات قاعدين بالحديقة.. طق الباب .. شوق: منو؟؟ طلال: انا طلال شوق خافت : كله منج ريموه ريم: شتبين قومي فجيله الباب شوق: انزين راحت شوق بطلت الباب.. طلال: شتسوين ؟ شوق: قاعدين طلال طل بالغرفه وشاف ريم طلال: ادري قاعدين شتسوون ؟؟ وليش قافلين الباب شوق: بس طلال: انزين ليش مو قاعدين مع البنات تحت شوق: تونا صاعدين والحين بننزل طلال: اها انزين يصير خير.. وطالع شوق بنظرة وطلع شوق حدها وتبجي : ريوم قومي خل ننزل تحت ريم: ليش شوق: قومي خلصينا وطلعت شوق اما ريم سوت ساين اوت وسكرت اللابتوب وخذت تلفونها ونزلت تحت.. وفي الحديقة.. جمانة: من وين يايين ؟ شوق واهي معصبه : وانتي شكو الكل استغرب من طريقة شوق لانها تعامل الكل بكل طيبة وما تعصب الا على خواتها.. جمانة: اعوذ بالله شقلت الحين شوق: مرة ثانية خلي لسانج بحلجج وما تسألين عن اشياء مالج خص فيها جمانة: شوقو شفيج شوق: انتي بتذبحيني؟ مالج شغل لا تسألين وراحت شوق دشت داخل مريم: ريموه شفيها شوق ريم:آي دونت نو شذى: بروحلها مريم: لا قعدي انا بروح قامت مريم وراحت حق شوق.. شوق كانت قاعده بالصالة الصغيرة والحريم بصالة الاستقبال.. دشت عليها مريم.. مريم: شوق شفيج شوق قعدت تبجي بحضن مريم:مريوووووووووووم!! مريم حست ان السالفة وايد عوده مريم ما تكلمت ولا كلمة .. شوق واهي تبجي: ما احبه ما احبه مريم: منو شوق: اخوج الزفت مريم مستغربة وايد من شوق بس ما لامتها لانها تحس انها وايد شايلة بقلبها شوق: اهو شكو فيني امي وابوي ما ماتو مريم: يخاف عليج حبيبتي شوق: خل يخاف على عمره اول ولا حلال عليه حرام علي؟ مريم: شواقي انتي شتقولين؟ شوق: مريووم دخيلج انا سويت شي غلط؟ مريم: اللي اشوفه لا شوق: رحميني انتو اصلن كلكم ما تحبوني مريم: شوق والله انا نحبج ونخاف عليج شوق: من شنو تخافون علي؟؟ مريم: شوقو يمكن طلال يشوف شي انا او احنا ما نشوفه؟ شوق: مريووم وقعدت تبجي مريم: لا تبجين قوليلي كل شي وانشالله بفهم عليج شوق: طلال يشك فيني اهو ما يحبني يكرهني اهو يبي يكلم جمانة على كيفه ويدزلها مسجات ما نقول شي بس انا لما طلعت مع جسوم سواللي سالفة ابي اعرف اهو شيفكر فيه؟؟؟؟؟ مريم: هدي شوق: قوليلي انتي لو ريلج يفكر جذي مريم: فال الله ولا فالج شوق: شفتي مريم لمت شوق: ما عليج انا بكلمه بخليه يوقف عند حده بس انتي ليش عصبتي سوالج شي؟؟ شوق: كنت قاعده انا وريموه بداري قعد يقول ليش قاعدين بروحكم؟؟ ليش قافلين الباب؟؟ ليش ما ادري شنو؟؟ اهو شكو؟ مريم: خلاص حبيبتي لا تتعبين عمرج والله ما راح يسويلج شي شوق: ما احبه مريم: خلاص حياتي والله بكلمه لج.. قومي اكيد حطو العشا شوق: مابي عشا مريم: قومي شوق: مابي مريم: اوكي اعتبري السالفة خلصت شوق: اوكي دشت عليهم ريم: ترى حطو العشا مريم: يلا انا بتعشى .. وطلعت عنهم ريم: يلا يا احلى شواقي خخخخ شوق: ريمووه بدق عليه ريم: لأ شوق: ريمووه دخيلج محتاجتله ريم: لأ شوق: ريمووه بلييييييييز ريم: انتي ناوية على عمرج؟والله اذا كلمتيه ما اعرفج ولا تعرفيني شوق: ريمووه لا تحلفين والله اذا ما خليتيني اكلمه بموت ريم: جب ما في ما راح اخليج شوق: حرام عليج ريم: والله خايفة عليج شوق وليلحينها تبجي: من طلال؟؟ عادي عندي خل يسوي اللي يسويه !! ريم: كيفج بس تراني حذرتج شوق: انزين روحي تعشي ريم: مابي بقعد عندج شوق: هذا اللي ناقص ريم: خلاص عيل ما راح اخليج تدقين شوق: امري لله دقت شوق على هادي من موبايلها..وريم قاعدة عندها شوق تحاول تغير صوتها لانه صاير شوي مبحوح ومبين انها كانت تبجي.. شوق: الو هادي: اهلين شوق: شلونك هادي: يسرج الحال وانتي؟ شوق: الحمدلله على كل حال هادي: زين سمعنا صوتج شوق: ....... هادي: شو فيج رمسي شوق: شقول هادي: يعني عاجبج الوضع شوق:أي وضع؟؟ هادي: لا والله انتي من متى ما رمستيني؟؟ عبالج راح اسكت؟؟ شوق: ظروف هادي: ظروف؟؟ شوق وحدها تبجي: اي والله مو بيدي هادي: انزين بس ترى انا ما استحمل اكثر عن جذا!! |
شوق نزلت دمعتها جان تيي ريم وتسكر التلفون وقعدت شوق تبجي ريم: ولليه اشتغل الونان ريم: باعرف انتي جم مرة تبجين باليوم؟؟ شوق ساكتة وتبجي ريم: شفيج؟؟ شقاللج؟؟ شوق: ......... ريم: والله محد يستاهل دموعج شوق: ريموووه ليش حياتي انا جذي؟ ريم: شقاللج هدوي؟؟ شوق:ما يستحمل اكثر من جذي ريم: يعني شنو ؟ شوق: ما يبيني ريم: مستحيل!! شوق: اهو ولا عمره حبني ريم:من قال شوق: انا اقول ريم عصبت: مو على كيفج شوق: امبلى ريم: والله انه يحبج شوق:شدراج؟ ريم: اعرف واذا مو عاجبج اكثر من حبج له بعد شوق: عيل ليش يقوللي جذي.. يبيني طول عمري قربه ما يدري ان عندي اخو زفت ريم: انتي غلطانة شوق: وانتي بعد؟؟؟؟ والله لو جسوم نفس طلال جان انتحرتي من زمان ريم: ترى حرام اللي تقولينه ردت شوق تبجي ريم: انزين خلاص ما يستاهل شوق: امبلى يستاهل ريمووه انا احبه ريم: انزين شوق: بس اهو ما يبيني ريم: خلاص عيل شيليه من قلبج شوق: ما اقدر انا احبه واللي يحب عمره ما يكره ريم: عيل اهو ما كرهج لانه حبج ومن كل قلبه بعد شوق:دايمن انا الغلطانة محد يحبني ريم: خلاص شواقي عشاني مسحي دموعج محد يستاهل.. خلينا نروح عندهم شوق: مابي ريم: خلاص عاد شوق:........ ريم: اذا رحت لا تبجين انزين؟ شوق: ما اقدر شوق قعدت تغني والكلمات ما تطلع من قلبها والدمعه بعيونها.. خلاص ببعد ودرب الود سديته .. واليوم روح وقلبي مات بسكاته أما ريم تشوف شوق وتغني الاغنية اللي تربط شوق بهادي.. احبك لو بعيد الدار عنك..جداك يحن قلبي للرجوعي يالو عني الليالي ابعدنك..غلاك بخافقي تحت الضلوعي رغد دشت عليهم : ريمي يلا جسوم برا ريم: لا تبجين يلا باي اول ما وصلت ريم البيت شبكت على طول عشان تزف هادي ع الكلام اللي قاله لشوق.. احبك يا بعد هلي: انت ما تستحي على ويهك؟؟ جيتك بعد ماهزني الشوق: شو احبك يا بعد هلي: ليش تقوللها هالكلام؟؟ ومنو انت عشان تبجيها؟؟ شباب اخر زمن!! جيتك بعد ماهزني الشوق: ريمووه هدي شو فيج؟ فهميني رمسي عدل احبك يا بعد هلي: انت شقلت حق شواقي؟؟ جيتك بعد ماهزني الشوق: وانتي شكو احبك يا بعد هلي: انا بنت خالتها ولو كنت انت اللي عندها وشفت حالتها والله تندم على كل شي سويته جيتك بعد ماهزني الشوق: شو قلت انا احبك يا بعد هلي: مسوي روحك وايد بريء جيتك بعد ماهزني الشوق: شوق شو فيها؟؟!! احبك يا بعد هلي: من كلامك اللي ماله معنى انزين دامك ما تبيها مو تقولها بويهها مو عشان تحبك تقولها انا ما استحمل اكثر من جذي شنو شايف عمرك ؟؟ما تقول جيتك بعد ماهزني الشوق: انا؟؟؟ مالت على تفكيركم الغبي انتي وبنت خالتج احبك يا بعد هلي: ؟؟؟؟؟؟؟ جيتك بعد ماهزني الشوق: انا كنت بقوول ما استحمل اكثر من جذا اباج دوم قربي بس هي بندت بسرعه احبك يا بعد هلي: مالت جيتك بعد ماهزني الشوق: عليكم وعلى تفكيركم دوم تفهمون غلط احبك يا بعد هلي: مسكينة شواقي ما راح تنام اكيد جيتك بعد ماهزني الشوق: فديت قلبها قومي اتصلي لها ولا انا بتصل احبك يا بعد هلي: جب جبٍ هذا اللي ناقص اما ببيت بومحمد.. منيرة وسارة تعبانين من السفر ونامو وما يدرون شصاير في البيت.. شوق حالتها حالة .. وطلال ينطره حساب عسير من اخوانه .. فيصل ومريم قاعدين بالصالة ينطرون طلال ايي.. اما خالد فكان بالديوانية اللي برا .. مريم: فيصل فيصل: هلا مريم: غريبة ياي من وقت اليوم فيصل: ابي طلال بكلمه لاني اذا تأخرت بيكون نايم مريم: ليش تبيه؟ عشان شوق؟؟ فيصل: اي مريم: انت تعرف السالفة كلها ؟؟ ويقطع عليهم الكلام طلال طلال واهو رايح صوب الدري: السلام فيصل: تعال اقعد ابيك طلال: اذا عن الانسه شوق تراني واصل حدي فيصل: قلتلك تعال راح طلال وقعد بالكرسي اللي مجابل فيصل طلال: خير فيصل: انتي ما تستحي على ويهك؟ ما فيك دم؟ شلون تعامل اختك جذي؟ طلال: لما تعرف السالفه تعال كلمني فيصل: شنو السالفة جان يدش عليهم خالد .. طلال قام ووقف: اختك هذي اللي ما تستحي طالعة مع جاسم وماخذة ريم عذر جان ايي طراق قوي لطلال |
كان اسلوبه وطريقة كلامه تنرفز طلال: تطقني عشان اللي ما تستحي؟؟ فيصل: هذي اشرف منك ومن عشرة من امثالك فاهم؟ طلال: اختك هذي تكلم شباب عاجبك؟؟ فيصل: طلاااااااااااااااااال! طلال: مو مصدقني روح شوف قاعده اهي وريم وقافلين الباب وشابكين شنو معناته؟ فيصل: الظاهر الطراق ما يكفي تتدخل مريم : فيصل هدي شوي خالد: ان سمعتك تتكلم عن شوق او أي وحده من خواتك بهالطريقة والله ما تلوم الا نفسك طلال: فيك خير تسويلي شي فيصل بسرعه عصب قام وعطاه طراق ثاني بس كان وايد اقوى طلال طلع برا وفيصل صعد غرفته .. ومريم وخالد قاعدين مكانهم ما يدرون شيسوون.. خالد: مريووم شوق قاعده؟ مريم: ما ادري بس باجر عندها مدرسة خالد: انا بروحلها وصعد خالد حق شوق.. شوق كانت مسكرة ليتات غرفتها ومغطية روحها باللحاف ومشغلة المسجل على صوت هادي اغنية راشد الماجد "ودي ابكي" ودي أبكي لين ما يبقى دموع..ودي أشكي لين ما يبقى كلام... من جروح صارت في قلبي تلوع ..من هموم حرمت عيني المنام.. وتبجي بكل هدوء.. خالد طق الباب ودش بس اهي ما سمعته.. شافها مغطية روحها باللحاف ومشغلة المسجل مر من عندها لقاها قاعدة.. ][...الفصل الرابع عشر...][ شوق انتبهت سكرت المسجل ومسحت دموعها وعدلت قعدتها.. شوق: هلا خالد خالد: شلونج؟ شوق: زينة خالد: جذابة.. متضايقة وايد؟ شوق حركت راسها بمعنى إي خالد باسها على راسها :قومي وياي شوق: وين؟ خالد مسكها من ايدها: قلتلج قومي خذاها وركبها سيارته واهي على ويهها اكبر علامة استفهام خالد وفيه ضحكة على شكلها: شفيج؟ شوق: وين بتوديني؟ خالد: بخطفج هههه يعني غريبة اخو يطلع اخته؟ شوق: بس ما قلتلي عشان ابدل هدومي خالد: منو بيشوفج الساعه 2 ونص بالليل؟؟ شوق: هههههه خالد: اي ضحكي مو حاطتلي ودي ابكي شوق:.......... خالد: شوق شفيج قوليلي احس انج وايد مهمومة شوق:اذا قلتلك ما راح تعصب؟ خالد: لا شوق: اكيد؟ وفي البيت وبنفس الوقت كان فيصل ينطر طلال بغرفته... دش طلال وشاف فيصل طلال خاف فيصل: تعال طلول شفيك اقفل الباب وتعال طلال: ها انزين فيصل: طلال وانا اخوك ترى اللي مساع سويته يسمونه قلة ادب طلال: ادري فيصل: دامك تدري المفروض انك تتأسف طلال: اسف فيصل والله ما كان قصدي اكلمك بذيج الطريقة بس كنت معصب فيصل: انزين شرايك نحل الموضوع بالهداوة طلال ليلحين خايف من فيصل فيصل:طلال لا تخاف انا يايلك عشان نحل الموضوع ابيك تتكلم طلال: انزين فيصل: انا سمعت السالفة كلها وشوق ما غلطت طلال: شنو ما غلطت فيصل: اول شي جسوم ولد خالتك صح ولا غلط؟ وبعدين شفيها لو راحت وياه جمانة ما تروح وياك؟؟ طلال: لا فيصل: طلول شنو لا الاسبوع اللي طاف رحت انت ودانوتي وجمانة عشان يصفالك الجو وماخذ دانوه عذر طلال: فيصل حدك فيصل: شفت شلون عصبت؟ بنت و رايحة مع بنت خالتها وولد خالتها راح وياهم والله ما فيها شي طلال: بس انا شاك ان شوقو تكلم شباب فيصل: على اي اساس انت حكمت؟؟ وبعدين حرام عليك هذي اختك تقول عنها جذي طلال: قاعدة اهي وريموه وقافلين عليهم الباب شنو يعني هذا؟؟ فيصل: لا والله عيل انا وياك قافلين الباب يعني قاعد نكلم بنات طلول لا تحكم على شي على طول طلال:............. فيصل:طلول هذول خواتك تعرف يعني شنو خواتك شرفهم من شرفك اذا انت تقول عنهم جذي غيرك شيقول؟؟ هذول بنات تعرف يعني شنو بنات يعني محتاجين اخوانهم حتى لو تتزوج كل وحدة وتييبلها درزن يهال يظلون محتاجيلك فهمت؟؟؟ طلال: اي فيصل: فكر بالكلام عدل وتصبح على خير طلع فيصل عن طلال وظل طلال يفكر بالكلام عدل وعرف انه غلط على شوق.. نرجع حق شوق وخالد.... شوق: خلود اكيد اذا قلتلك ما تعصب؟ خالد: اكيد بس قبل لا تقولين شي شوق: شنو خالد: ترى الثقة اهم شي عند الانسان ومحد يحب يكون مو واثقين فيه اهله صح؟ شوق: صح خالد: بخليج تقولين كل اللي بقلبج بس اول شي ابي اعرف شسالفة جسوم؟؟ شوق: ولا شي دقت علي ريمووه تبيني اطلع وياها وجسوم كان رايح ويانا خالد: السالفة عادية ليش معصب طلال؟ شوق: شدراني يقوللي تبين يصفاللج الجو معاه تخيل..!! خالد: والله انه ما يستحي شوق: شفت خالد: من اليوم ورايح طلال ما راح يكلمج انزين يلا قوليلي شنو اللي فيج ومخليج مهمومة؟ شوق: ما تعصب؟ خالد: قلتلج لا شوق: انا ... خالد: اي شوق: انا اكلم هادي بالمسن..!! خالد: ؟؟؟؟؟؟؟ شوق: خالد خالد: هلا شوق: ادري غلط بس خالد: اي هادي؟؟ ولد عمتي؟ شوق: اي خالد شافها مخترعه فمثل انه معصب.. خالد: تكلمينه؟؟ ما باقي الا تحبينه بعد شوق والدمعه نزلت: انت قلتلي ما راح تعصب خالد: اي بس في شي اسمه شرف مو تضيفين شباب وتكلمينهم شوق: والله بس هادي خالد: وهادي مو ريال ؟؟ انتي ما تسمعين عن القصص اللي تصير كل يوم بين الشباب والبنات شوق: بس اهو ولد عمتي خالد: وجسوم ولد خالتج وما ادري منو ولد اخت مرت ابوج شوق: انا اسفه خالد: شيفيد الاسف الحين؟ شوق: خلود بس سوالف عادية لا حب ولاشي خالد مات من الضحك عليها واهي استغربت لان خالد يعرف يمثل خالد: اخترعتي؟ شوق: ها خالد: بتظلين طول عمرج اكبر خوافة بالعايلة شوق: يعني انت مو معصب علي؟ خالد: نو شوق فرحانة: صج؟ خالد: قلتلج اهم شي الثقة واحنا واثقين فيج شوق باسته : الله لا يحرمني منك خالد: وطلال أدبناه لج عشان يتحمل يشك بخواته مرة ثانيه شوق: يعني ما راح يسويلي شي؟ خالد: اذا لمسج قوليلي شوق: واي فديتك خالد: عاااااااااشو اشوف هدوي مأثر فيج تتفدين شوق: والله احبك خالد: هي هي انتي تراني مو هدوي شوق ويهها صار يعكس الوان خالد: شوقو تعشيتي؟ شوق: تبي الصراحه لا خالد: عيل ماكو مطعم محد قاللج ما تعشين شوق: خالد الله يخليك والله يوعانة خالد: انزين اول مطعم على طريجنا بطلبلج منه اذا طلع مطعم هندي مالي شغل مو تتشرطين علي شوق: انزين موافقه بس اهم شي اكل وعلى حظها كان ماكدونالز اول مطعم مرو عليه شوق: عااااااااااااااااااشو خالد: اكيد عاشو اليوم مدلعج شتبين تطلبين؟ شوق: ما يبيله سؤال اكيد ماك اريبيا خالد: استغفرالله ما ادري شلون تاكلينها شوق: انا اللي راح اكلها مو انت خالد: اي صح شكلج ما راح تداومين باجر شوق: لا عادي بداوم طلبو وراحو كلو ع البحر وما ردو البيت الا على اذان الفير وشوق كان مستانسة لانها حست ان عايلتها تحبها :):) وما نامت ذيج الليلة من الوناسة |
وباجر .. راحت على شوق نومة مع ان الكل حاول يقعدها بس ما قعدت مع ان نومها واايد خفيف بس من التعب والسهر ما قعدت... بالسيارة.. شذى: بابو يلا امش طلال: ليش شوق ما راح اتيي؟ شذى استغربت من طريقة كلام طلال: ما اعتقد شكلها واايد تعبانة ما ادري متى نامت امس طلال حس بتأنيب الضمير شوي مهما كان هذي اخته وقرر ان اول ما يرد البيت يكلمها طلال: ما عندها شي مهم شذى: لا طلال: اوكي امش بابو دانة تطالع شذى مستغربه شلون تغير اسلوبه 180 درجة وبالمدرسة وبالفرصة(البريك).. ايمان شافت شذى تتمشى مع جمانة بنت خالها.. ايمان:هاي شوشو شذى: هايات ..ما عرفنالج منو شوشو انا ولا شوق ايمان: كلكم شوشوات قلبي ما استغنى عنكم شذى: ههههههههه تبين شي؟ ايمان: افا يعني ما امدح الا اذا ابي شي؟ شذى: ما ادري عنج ايمان: شفيها شوقو عسا ماشر شذى: الشر ما اييج ايمان: ليش مو مداومة؟ شذى: تتدلع شكلها ما نامت الا على ويه الفير ايمان: بس شوقو مستحيل تطوف دروسها خخخخ شذى: اسم الله على اختي لا تحسدينها ايمان: احسدها؟ شايفتني جمون جمانة: وشفيها جمون مو عاجبتج؟ ايمان: مو قصدي خخخخ اتغشمر جمانة: عبالي بعد شذى: هههههه ايمان: جمون بسألج سؤال قبل لا اروح جمانة: تفضلي ايمان: انتي الحين اخر سنة لج يعني خريجة جمانة: ربي يوفقني قولي امين ايمان: امين المهم لي متى بتتمشين مع اليهالو اللي اصغر منج خخخخ وراحت عنهم بسرعه قبل ما يصير لها شي شذى: انا يهالو هين جمانة: ههههههههه اما شوق واللي كانت بالبيت قعدت على صوت جاسم اللي دش دارها وفج الليتات وشال عنها اللحاف... شوق: دانووه وويعه طلعي برا خليني انام جاسم: انا دثوم مو دانووه شوق قامت معصبه: دانووه .. جسوم شتسوي هني وين امك؟ جاسم:ثوقو مابي الوح اللودة شوق: شوقو بعد ما تقولي انت عمي ولا انا عمتك ؟ جاسم: مابي الوح شوق: انزين وين امك؟ جاسم: ماما لاحت دوام؟ شوق: ومنو بيوديك انشالله؟ جاسم: بابو شوق: انزين خلاص بقوله ما يوديك الله ياخذ ابليسك مقعدني من صباح الله خير الساعه ما صارت 9 ما ادري ليش غايبة نزلت شوق لقت اليس تحت تنطر جاسم عشان توديه الروضة شوق: اليس قومي ييبيلي ريوق اليس: I will go with Jasim now شوق: ما راح يروح اليس: جين (انزين) شوق: وين ماما؟ يرن التلفون.. شوق وصوتها كله نوم: الوو فاطمة: السلام شوق: وعليكم السلام فاطمة: شوقو قعدتي؟ شوق: فطوم؟ خير شصاير؟؟ فاطمة: بييب جودي عندج .. جود بنت فاطمة بنت خالتها فوزية اخت ريم ورغد.. عندها بنت وولد بشار كبر جاسم وجود عمرها سنة ونص.. شوق: وانا فاجتها حضانة فاطمة: بلييز شوق ما عندي احد اخليها عنده شوق: وانتي وين بتروحين؟ فاطمة: بروح حق اختج مريووم شوق: ليش ؟ فاطمة: ما قالولج؟ اختج بالمستشفى تتولد شوق: صج؟ فاطمة: أي وامي وامج عندها ومحد ببيتنا وامج قالتلي انج بالبيت عشان جذي بييبها لج شوق: اها فاطمة: وبشار اول ما ايي من الروضة بيي بيتكم شوق: كملت وانا بصبر عليهم لي متى فاطمة: بلييز مالي غيرج شوق: انزين فاطمة: عشر دقايق وتلقينها عندج شوق: يا صبر ايوب على بلواه فاطمة: مو تسوين فيها شي شوق: انزين باي فاطمة: باي اليس يابت حق شوق الريوق .. اليس:madam Nora tell me to take Jasim to the school شوق: أي سكول .. انزين وديه ع الاقل يفكنا ما اقدر اتحملهم اهو وجود اليس: جاسم يلا جاسم: مابي الوح شوق: جسوم حبيبي روح هناك وناسة ربعك ومطعم ويودونك رحلة جاسم: مابي شوق: شفت بشار احسن منك راح الروضة وانت لا جاسم: مابي الوح شوق: لازم تروح مالنا خلق حنة امك جاسم: مابي شوق: ترى بيودونكم رحلة اليوم حق حديقة الحيوان جاسم: مابي شوق: اوووه بكيفك اليس تصرفي وياه .. وصعدت فوق شوق ما تحب اليهال وما تعرف تتعامل معاهم عكس شذى اللي تموت باليهال شوق والنوم طار من عيونها : الله لا يوفق عدوك يا جسوم ما خليتني اتهنى بنومي نزلت تحت عشان تدق على امها .. طبعا البيت هدوء امها رايحة المستشفى حق مريم حسب ما عرفت من فطوم ولا جان محد قالها وابوها ومحمد بالامارات وخالد بالجامعة والباجي بالمدارس ونورة رايحة الدوام ومرت ابوها اكيد راحت وياهم .. شوق: اليس .. اليس روحي فجي الباب افف اليس اكيد راحت تودي جسوم .. ماكو الا كوماري .. كوماري وصمخ روحي فجي الباب.. كوماري ما ترد لانها كانت برا تغسل الهدوم شوق ما تحب كوماري لانها تعصب بسرعه واهي تخاف من شكلها سودا وقصيرة ومتينة الحمدلله والشكر المهم قامت شوق وفجت الباب حق فاطمة.. فاطمة: سنة على ما تفجون الباب شوق: شسوي عاد اليس راحت تودي جسوم فاطمة: وخدامتكم الثانية وينها؟ شوق: كوماري؟ سكتي لا الحين تدوس ببطنج ما دريتي شسوت فيني اخر مرة؟ فاطمة: شسوت؟ شوق: كنت رايحة اسوي كيكة .. ادري معجزة اني ادش المطبخ فاطمة: معجزة وبس شوق: عن التطنز المهم احترق الككاو اللي ع النار جان تزفني انتي ما يعرف سوي شي انتي ما ادري شنو .. عدال شافت عمرها الحين فاطمة: ههههههههه ما جذبت شوق: فطوم!! فاطمة: ههههههه انزين آسفين بس هاج مسكيها وياج تأخرت عليهم شوق: خير؟؟ وين خدامتها؟ فاطمة: باخذها وياي المستشفى شوق: لا عيوني بتخلينها هني فاطمة: ليش شوق: عيل منو بيحرص على عيالج فاطمة: والله امج قالتلي ييبيها يحتاجونها هناك شوق: وخدامة امج فاطمة: تسوي الغدا.. هاج يلا اخذيها شوق: وانا ماما انيسة ؟ فاطمة: يلا شوقو بوبشار ينطرني شوق: أي مو ما تقدرين تتأخرين على حبيب الروح وانا قاطيني عند اليهال ييبي قبل لا اغير رايي فاطمة: سمعي هذي جنطتها وهذا حليبها اذا ياعت سويلها شوق: اكملت والله فاطمة: مع السلامة شوق تتأمل المصيبة اللي بين ايدينها اهي ما تحب اليهال وما تواطنهم واهمه يبجون ومستحيل تخلي كوماري تمسكها لانها تخاف تزفها ماكو الا تنطر اليس لما اتيي.. اول ما طلعت فاطمة جود اشتغلت .. شوق: افف سكتي انتي ما مداها تطلع جود تبجي وتصرخ شوق شالتها وتحاول تهديها بس ماكو فايدة البنت ميته من البجي شوق: بس حبيبتي يلا يا شاطرة سكتي طبعا ما تغير شي شوق: افففففف شسوي الحين شالتها وودتها غرفتها فوق حاولت تهديها ما قدرت .. دورت العاب تركيب أي شي عشان تلعب فيهم ما لقت راحت طلعت من تحت سريرها اعضاء جسم الانسان يعني مخ وقلب وعيون كانت شاريتهم حق البريزنتيشن وقطتهم جدام جود .. سكتت شوي وقعدت تلعب فيهم .. بس ما طولت وردت تبجي.. شقة محمد مقفولة ما تقدر تييب من العاب جاسم .. خلتها وراحت غرفة علي تدورلها العاب ما لقت واهي بتطلع لفت انتباهها اشرطة البلايستيشن وطبعا شكل الشريط من ورا جنه منظرة ويعكس الوان خذتهم وطلعت قطتهم جدام جود اللي استانست وضحكت شوق: واخيرا سكتت شافتها ساكتة ملت خصوصا ان النوم طار من عيونها فكرت شتسوي شافت اللابتوب بطلته وقعدت تقرا قصة.. وكل ما خلصت سطر جود تبجي.. طنشتها قالت بتبجي شوي وتسكت بس ما سكتت ومع البجي يت لها كوماري .. كوماري هندية اما اليس فليبينيه كوماري: سنو هادا ليس بيبي يبسي؟ <<شنو هذا ليش تبجي شوق: شدراني انا كوماري: انتي قومي سيلي بس يقاد في هادا كومبيوتر << قومي شيليها بس قاعده ع الكمبيوتر شوق: وانتي شكو كوماري: سنو هادا انتي سكو راحت كوماري شالت جود اللي صارت تبجي اكثر شوق: نزليها خرعتيها كوماري: اوف هادا ريها كايس شوق: شنو يعني كوماري: سوي بدلي دوم <<بدلي هدومها شوق: خير؟؟ هذا اللي ناقص بعد كوماري: هادا وااااااااازد يبسي قومي سوي بدلي شوق: تعالي طيقيني بعد.. وين اليس؟ كوماري تتحلطم :اليس ما يجي الهين شوق: كوماري حبيبتي جنطتها تحت بدليها انتي كوماري: انا مافي بدل انا في سقل وازد.. وراحت شوق: مالت عليج .. انا اوريج يا فطيم اخر زمن ابدل بنتج راحت سيدا دقت على فاطمة بس موبايل فاطمة كان عند ريلها وتدق فوق العشر مرات .. عبدالله شاله بوبشار: الوو شوق واهي واصلة حدها من بجي جود: وين فطيم؟ بوبشار: داخل عند اختج شوق: منو ؟ عبدالله؟ بوبشار: أي شوق: روح نادلي اياها لا اسوي جريمة ببنتكم بوبشار: هههههه انزين لحظة فاطمة: هلا حبيبتي شوق: اكيد حبيبتج دامي صرت البيبي ستر حق بنتج المصون فاطمة تسمع صوت بجي بنتها: شفيها بنتي شوق: شكلها مسويتها لان الريحه اللهم يا كافي فاطمة: ههههههه أي عادي سويلها جينج البامبرز وكل شي بالجنطة شوق: منو ؟؟ انا؟ فاطمة:أي عيل انا شوق: ما راح ابدلها فاطمة: شوق حرام عليج بتموت بين ايدينج شوق: انزين ع الاقل مو الحين توني متريقة بتسد نفسي فاطمة: بس اذا صار ببتني شي شوق: والله محد طقكم على ايدكم وقالكم تييبونها عندي لما يئست راحت خذت جنطة جود طلعت هدوم وبامبرز وقررت تبدلها واهي تتحلطم اخر عمري انا ابدل هالنزغه الله يا الدنيا .. جود ميته بجي .. هي انتي سكتي لا اييج طراق ما احب اليهال اللي جذي لا تصيرين سخيفه عاد سكتي وخليج شاطرة ..اف بسم الله.. ويععععععع شنو هذا اف قطيعه ويعععع شلون ابدلها هذي بلاوي حشا.. كوماري الله يخليج تعالي بدليها كوماري: انتي سنو ما يارف سوي سي بس كومبيوتر شوق: انزين روحي ييبي كلينكس كوماري: انتي قوم كسل داكل همام <<غسليها بالحمام شوق: هذا اللي ناقص كوماري: بادين انتي في اروس في بيبي منو يكسل <<بعدين بتتزوجين وتيبين عيال منو يغسلهم شوق: لاحقه على عيالي تعالي غسلي هذي الحين كوماري: انا ما يارف شوق: حرام عليج كوماري: انا في سكل << عندي شغل شوق: عندي فلم مال شاروخان يديد تبينه؟ كوماري: فلم؟ شوق: أي كوماري: جين انا الهين يجي خذتها وودتها الحمام عشان تغسلها كوماري: روهي سوي هليب هادا واازد جوان << روحي سويلها حليب يوعانه شوق: تراني انذليت بما فيه الكفاية كوماري: لا يسوي قرقر وازد شوق :والله لو ان شكلج ما يخرع جان ما طعتج بس شسوي حكم المرعب على الرقيق<<حكم القوي على الضعيف : تعالي طقيني بعد ماادري امي شنو شايفه فيج لا شكل ولا شغل ما اقول الا مالت ع الحظ .. راحت الصالة سوت حليب <<الشي الوحيد اللي تعرف تسويه حق اليهال كوماري: انا كلاس كسل انتي سوي لبسي <<غسلتها خلاص لبسيها شوق: يعني مستحيل تكملين معروفج وصراع على ما لبستها كوماري: سويه سويه هادا بيبي شوق وصلت حدها: انتي جب مو عشان شكلج يخرع قعدتي تتأمرين علي كوماري: سنو هادا كلام شوق: اللي سمعتيه انسه كوماري ذلفي ييبيلي التلفون كوماري: انتي ما يقدر جيبي شوق: لا عندج مانع؟ كوماري تتحلطم ويابت التلفون اما جود فسكتت من اول ما عطتها الحليب شوق دقت على امها .. منيرة: هلا شوق: يما مريوم ولدت؟ منيرة:لا ليلحين ادعي ربج يسهل عليها شوق: امين منيرة:يابولج جود شوق: أي و أذنتي ترى اذا سويت فيها جريمة لحد يلومني منيرة: حرصي عليها شوق: انزين بس اول ما تولد مريووم قوليلنا منيرة: انشالله شوق: وي تو الناس الساعه ما صارت 11 شسوي الحين؟؟ شالت جود وخذتها وياها غرفتها .. شغلت اللابتوب وقعدت .. والله اني مشتاقتله .. اه متى اخر مرة كلمته؟؟ دمعت من غير ما تحس بعدين شبكت ما لقت احد اونلاين خلته وحاولت تسكت جود اللي ردت تبجي .. جودي عن الدلع .. انتي شاطرة لا تبجين الحين ماما اتيي وطبعا جود مو فاهمة شي لانها ما كملت حتى السنتين اف شسويللها الحين شغلتلها اغنية من اللابتوب وحطت السماعات باذونها سكتت شوي بعدين ردت تبجي قامت تتمشى فيها بالغرفة رايحة رادة بس ماكو فايدة يابتلها ورقة وقلم عشان تشخبط سكتت شوي |
القصة مــــــــــرة كووول وأحسها شراتي :121::121::121: تسلمين يا دناااااااو على القصة وأنا بقراها كللللللللللها وأتريامنج كل جديد .....^_^:183: |
ولكموووووووو >>دمع<< مشكورة ع المرور واتمنى تعجبج^^ |
ثانكس ع البارت الحلو ونتريا التكمله من صوبج |
ناااااااااااااااااااااايس تسلمين الغلا .. لا تبطييييييييييييين ... نرقب ترانا ... |
اقتباس:
|
نـــــــــــــرقب |
اقتباس:
دبوه القصة مخلصتها :) وموجود الرابط بالصفحة الاولى ^^ وتبين الصراحة اتعايز انسخ واحط هع بس اهم شي عجبتج القصة؟؟ |
| الساعة الآن 12:29 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir