|
النور كنه من محياك مسروق الزين وايد بس مايشبهونك 💛 السلام عليكم ؟ اشحالكم ؟ حبيت انزل روايتي الاولى بعد عناء وجهد وبديت اكتبها من شهر واحد وان شاء الله تعيبكم واشوف التفاعل وعند نقل الروايه يرجى ذكر الاسم *مفنودهہ* النور كنه من محياك مسروق الزين وايد بس مايشبهونك ♡ واتمنى ألاقي ردود جميلة وما الاقي ردود سطحيه واذا مانزلت ياليت تراعون ظروفي . ملاحظة : لا تلهيكم الروايه عن الصلاة وطاعة ربكم ♡ |
البارت الأول . . . : أنزيين لييش؟ يعني خالوو بتكوون ويانا بوخليفة : انا قلت ماشي سيرة : يعني كلهم أهلهم وافققو ما ادري ليش انتوو ام خليفة : روححي غرفتج خللاص ابوج قال ماشي ركبت الدري ورحت غرفتيي.... ترنن ترنن نورة : انتتي وينج ؟ تراجج مأخرتنا : خلااص روحو ابووي مارضى نورة: نعم وليش ان شاء الله احنا مابنرووح المرقص عسب مايرضى ابتسمت : خلااص انتو روحو ودوريلي فستان حلوو ورقيق نورة معصبة : افففففف والله دووم جيه , خلااص فديتج بخذلج واحد شمة تصارخ : لييش مابترووح ؟ نورة : اللي فبيتها ماخلوها سمية : افففف قههر ام شيخة : خلااص بنات ععيب , ونوير قوليلها بناخذلج واحد : مشكوورين , نوير اسمع صوت امميه يلا باي نورة : يالله انتي ترمسيني مب واحد من الشباب : ججب يلا بتسويلي سالفة باي وبندت ... فتحت الباب ب قوة ام خليفة : ابوج يباج تحت بسررعة : انززين ونزلت وياها ... بوخليفة : انا ما بطول السالفة بقولج باختصار : انزين ؟ بوخليفة : ولد ربيعي خطبج وعاد انا ما رديته ام خليفة : باجر الخطوبة ويوم الجمعة الملجة فتحت عيوني : نععم بوخليفة : انا قلتلج واليوم تطلعيين ومع امج وتاخذيلج شي تلبسينه لانه يبا يجوفج : وانتو عكيفكم تقررون انا قلت لكم من زمان زواج ماباا الححين عقب ما اخلص دراستتي كامل ام خليفة : العرس بعد ماتخلصين مدرسة : انا اقصد الجامعة , وانا بعدي صغيرة على الزواج ومابا الححين بوخليفة : والله انا ماخذت شورج انا ردديت عليهم وخلااص : انا اللي بعرس مب انتو وانتو مابتعيشون وياي بوخليفة قام وصفعني : لسانج يباله قص , العصر تروحين ومع امجج وماعندي كلامم ثاني .. وطلع دموعي تنزل : امماية الله يخليج مابا اعرس ام خليفة : انا امه اعرفها من زمان ماباها تتضايج عششانج ويلا روحي تلبسسي بنطلع : مابا ارووح اووووف ام خليفة : شكلج تبيين ككف ثاني , ويلاا روحي سرعة واركب الدري : افف انزيين مسكت ججتفي بقوة : سمععي يويلج لو حد دراا انا غصبناجج على الزواج : زيين زيين ورحت غرفتي .... . . سلامة : ماتستاهل فديتها محمد : لييش يعني ابووج يغصبها ؟ وامجج ماتدافع عنها ؟ سلامة : هذا ابووي اللي يأممر وامييه ماعندها شور اللي يقوله تططيعه من دون نقاش محمد : بس جييه بتضيع دراستها سلامة : وانا بعد ووايد خايفة على دراستها وهي اصلن قالت لهم انها تبا تكمل دراستها وتشتغل عقب بتعرس محمد : احسها بعدها بيبي يعني ثالث ثنوي سلامة : لو خليفة مابيرضى محمد : الله كرييم وان شاء الله ريلها يريحها ويخليها تكمل دراسة . . . دلال : الحين هاي بتعرس ما ادري منو يباها ام صالح : ليش ؟ ما شاء الله عليها جمال ودين واخلاق واصلن انا بس كنت اترياها تخلص بخطبها لمانع اخوج دلال : الحين هاي تبينها لمنووع مانع : ليش شوفيها ؟ وانتي ياترمسين مثل الناس ياتسكتين دلال تتأفف : خلااص انزين سكتنا سلطان : امايه منو اللي خطبها ؟ ام صالح : ولد ربيع عمك سعيد صالح قعد عدال امه : ومنو بيعرس ؟ ام صالح : موزة بنت عمك سعيد صالح ابتسم: الحين هذي الخبلة بتعرس ؟ الصراحة مااصدق ام صالح : فديتها والله كنت ناوية اخطبها لمانع اخوك صالح : هي ما شاء الله عليها الكل يتمناها لأولادهم دلال بقهر : هي ما شاء الله طابور جدام بيتهم صالحح طنشها : امايه انا بعد أبا اعرس ام صالح : وليش شوق وين راحت ؟ شوق وهي داخلة وعصبة : هي عمووه كل ماقعد وياي يطريلي سالفة العرس مانع : يمكن يبا يغير سلطان يكمل : ولا ملل منج مانع يكمل :ويبا حد يدلعه سلطان : يمكن جاف وحدة ويباها مانع : يمكن هيه احلى منج سلطان : يمكن هي اضعف منج صالح غمزلهم : فديتكم فاهميني عدل ام صالح : حرام عليكم لازم تطفرونها ولا تقهروها شوق عصبت : هي ما شاء الله انا مب تارسة عينك سليمة : فديتج حبيبتي انتي تدرين بسوالفهم , تطالع صالح : ودام عندك القمر شو تبا فالنجوم صالح ابتسم : اصلن انا لو ادور العالم كله مابحصل وحدة مثلج انتي الغالية ام عيالي شوق استحت وقامت : انا بروح اجوف اليهال صالح قام وياها: بروح وياج سلطان : امايه دوريلي وحدة انا لازم اعرس الكلل ضحك .... . . . حمد : وهاي بنتج كله تحاوط ام عبدلله : شو تبا فيها خلها تستانس حمد معصب : وليش ماتقعد في البيت وتستانس ام عبدلله : البيت مافيه بنات عسب تستانس وياهم حمد : انزيين انتي قلتي من الصبح طالعه للحين ليش مارجعت ؟ ام عبدلله : حرام عليك عاد خلها تستانس مع البنات حمد : حرمت عيشتها قولي آمين ورديتي على كلمة تستانس بس عاد مب جي 24 ساعة هي محد في البيت ام عبدلله : بس عاد خلها في حالها وهي طالعة مع البنات وخالتهم وياهم يعني مب بروحهم حمد : حتى ولو مافي ريال وياهم بوعبدلله وهو داخل : انا بعدي حي ما متت عسب تتحكمم فيها وهي دامها خذت شوري وانا رضيت انته مايخصك فيها وبعدين كان قمت من الصبح ورحت وياهم بدال هالرقاد حمد : ابوي شوبيقولون عنا الناس مانهتم فيها طول الوقت تحاوط بوعبدلله : كلاام الناس مايهمني اهم شي عندي سعادتها واذا انت عبالك اختك مثل هذول البنات اللي ترمسهم اذكرك بنتي مربنها احس تربية حمد رفع راسه وانصدم راشد حب يغير الجو : ابوي حرام عليك انا من ساعة اترياك وانت داخل ترمس وياه يلا تعال انا بموت من اليوع ام عبدلله تطالعه : يالله يا رشود ماتعرف تصبر شوي راشد : تبيني بعد اتريا حرام عليكم أنا يوعان بوعبدلله : يلاا حطولنا الغدا انا بعد يوعان راشد : جفتي امييه حبيبج بعد يوعان ام عبدلله تضربه بالخاشوقة : استحح على ويهكك يالهرم حمد قام : انا مابا غدا راشد : تذكر وياي متى آخر مرة تجمعت ويانا وقعدت تاكل ؟ بوعبدلله وهو ياكل : جرب مرة ثانية انك ترمسها او تهزبها حمد راح غرفته .... . . . بوشيخة : متى ناويه تردين ؟ ام شيخه : والله ماادري عن البنات من يخلصون على طول بنرد بوشيخة : يعني بتتغدين هني ؟ ام شيخة : لا حبيبي بنطول شوي ممم وانت تغدي ويا صلوح بوشيخة : زين فكرتي انه عندج بنت بعد اسمها صالحه ام شيخة : انت بلاك الحين علي ويعني هي بعدها صغيرة وكل اللي رايحين كبار وهي ما بيكون حد وياها بوشيخة منقهر بس يرمسها بهدوء : فهذي الزمن مافي صغير ولا كبير بنتج في سن المراهقة اهتمي فيها قعدي وياها ام شيخة : يعني الحمدلله مربينها احسن تربيه وشو بتسوي مثلا بوشيخة : تعرفين بنتج ترمس منو ؟ منو ربعها ؟ تطلع مع منو ؟ ام شيخة ارتبكت : ربعها زينين وهي مابترمس حد غير بوشيخة : هي ما شاء الله وايد واثقه من هذا الشي ويلا فمان الله وسكر عنها من دون مايسمع ردها... . . . هزاع : امايه شموه وينها ؟ ام خالد : راحت مع البنات وخالتها ام شيخة دبي هزاع : انزين انا بروح بنطلع انا وخلود ام خالد : زين بتتغدا هني ولا ؟ هزاع : لا امايه بغير مليت من طباخج بوخالد : وشوفيه طباخ امك ؟ هزاع يجوف ابوه : يعني اقولها طباخج جميل وعاد انا اليوم ماباكل منه وجي يعني بوخالد : على بالي بعد تقول طباخ امك مب حلو ام خالد استحت : بوخالد احطيلك الغدا ؟ هزاع ماسك ضحكته لانه يعرف ابوه بيهزبه : امايه ليش مستحيه ابوي قال جي وانتي تغيرت الوان ويهج عيل لو عطاج من ذاك الكلام شوبيستوي ؟ ام خالد : اسكتت انت وعيب انت بعدك صغير شدراك خالد دخل : وفي حد مايعرف هذا الكلام امايه الله يهداج ام خالد : هلا حبيبي هلا بالغالي والله اني اشتقت لج هزاع يضحك : امايه الله يهديج شوفي ابوي عصب بوخالد : انا لما دخلت ماقلتي هذا الكلام هزاع : وخالد من دخل عطته من هذاك الكلام الحلوو بوخالد : اصلن انا افكر انني اعرس وحدة تدلعني وتقولي هذا الكلام الحلو ام خالد زعلت : الحين عقب هالسنين بتروح تعرس عشان تقولك هذا الكلام هزاع يسلم على خالد ويوقف عداله : والآن مع الفيلم الرومنسي خالد : صددقه امايه ابوي يبا يسمع الكلام الحلو انا مهدد حرمتي اذا مادلعتني بروح اعرس بوخالد : انا خلااص بروح اعرس في حد معارض هزاع بمزح : معارض ولا أسواق ههههه افا عليك انا بروح وياك يمكن تجوفني وتقول غيرت راي أبا ولدك بوخالد : اروح بروحي ولا اخذك معاي خلك مكانك واستريح هزاع : اصلن عادي انا بعد افكر اعرس من الحين ام خالد زعلت وفكرت انه صدق بيعرس وانه مايباها قامت وراحت غرفتها ونادت على الخدامه : روحي حطيلهم الغدا وانا مابا هزاع : ألحق يالعاشق معشوقتك زعلانه بوخالد يأشر عليهم : تعالو وياي من دون صوت جوفوها شوبتسوي هزاع : والله وطلعت مب هين بوخالد : امشى وانت ساكت وقفوا عند الباب ودخل بوخالد عليها وفتح الباب عسب يسمعون .... بوخالد : يقولون ان حبيبتي زعلانه ام خالد رفعت راسها : صدق انته بتعرس ؟ بوخالد : وانا شو أبا فيهم دام عندي شيختهم وبعدين انا من حقي اسمع هذا الكلام الحلو ام خالد استحت : وعاد انا استحي أقوله جدام عيالك بوخالد ابتسم : خلاص فديتج بس يوم تكونين عندي عطيني الكلام الحلو دخلو هزاع وخالد ... هزاع يغني : زعلان يا زعلان خليت قلبي حيران خالد يكمل : ماقلت لك ياحبيبي بطل دلع من زمان هزاع : اهم شي راضيتوها امايه يعني عادي قولي جدامنا الكلام الحلو بنستانس احنا ام خالد نزلت راسها : يالهرم دواك عندي هزاع : الحمدلله اليوم بروح مع خويلد فديته خالد فتح عيونه : نعممم خويلد في عينك وبعدي انا مب اصغر عيالك هزاع : خلاص فديتك الشيخ خالد أخاف عقب ماتوديني , يطالع امه : يلا عاد انا بموت من اليوع أبا آكل وبنتغدا عندج وراحو يتغدوا ..... . . . لميس : بس انا احبه شيماء : بس هو مايحبج لميس : بيحبني وبتجوفين بعد شيماء : عاد انتي آخر وحده يفكر يطالعها وانت شو تبين فيه هو مغرور وجايف نفسه لميس : لا تخافين اختج ذيبه وبتخليه هو اللي يتقدم لي برضاه ميرة تدخل عليهم : انتو 24 ساعة بالغرفة تعالو نزلو شوي تحت اقعدو ويانا لميس : يعني سوالفكم كلها تافهه هذي عرست وهذي تطلقت وتبونا نقعد وياكم ميرة : تعالي يأم السواالف واقعدي وسولفي ويانا لميس بغرور : نوو نوو تبيني اقعد اسولف وياكم انتو هه انا مستواي ربعي الراقيات جي انا ارمسهم ميرة وقفت : مالت عليج وعلى ربعج الراقيات وطلعت وسكرت الباب بقوة ونزلت عند أمها .... ام ميرة : ميرووه ليش ما رحتي دوامج اليوم ميرة : امايه اليوم السبت ام ميرة : اووه نسيت والله عيل وين خوااتج ؟ ميرة : والله عاد انتي تدرين ببناتج كله بغرفتهم ام ميرة : الله يهديهم بس ميرة : اميييييين يارب ويخليج لنا ييدخل بوميرة ... بوميرة : يلا حطولنا الغدا وانتي ميرة روحي نادي خواتج ميرة : ان شاء الله ابويه وراحت .... بوميرة : هي صح تذكرت باجر خطبة ولد ربيعي راشد وعاد قالي للحريم ام ميرة : خلااص بنروح لهم بس ماقلت منو بياخذ ؟ بوميرة : بنت سعيد وربيعي بعد ام ميرة : شو اسم امها ؟ وهي شو اسمها بنته ؟ والبنات نزلو .... بوميرة : أمها اسمها مريم وهي اسمها أتوقع موزة لميس : شوفيها موزة ؟ ام ميرة : بتعرس وباجر خطبتها بتروحون وياي ؟ شيماء : هي بنروح اكيد وايد بنات بيكونون هناك وبنستانس بعد بوميرة : تروحون من وقت اباكم تساعدون أمها الكل : ان شاء الله وقعدو يتغدو..... . . . زايد : امايه متى بتروحون صوبهم باجر ؟ ام زايد : بعد صلاة المغرب بنطلع زايد : منو بيوديج ؟ ام زايد : ابووك بيوديني انا وسارة وريم وبنت خالتك سلمى تبا تروح زايد تضايج : يعني لازم سلمى ترووح ؟ ام زايد : هيه قالت تبا تروح وانا عاد مابا اردها زايد : زين انا بروح عند حمدان يترياني مع السلامة وطلع ..... سلمى : والله قهر الححين زايد خلااص بيتزوج سارة : بيدج كل شي تقرربي منه يعني وحرمته موجوده عسب تنقهر وكله بيصير مشاكل من بينهم سلمى : سارة انا اححبه والله , يعني هيه خخلاص بتاخذ كل شي فلوسه وهو سارة : يعني انتي تحبييه ولا عسب فلوسه سلمى : الاثنيين سارة : ودي بس اجوفهها سلمى ابتسمت : اككيد مب احلى منني وانا من اليوم كله بكوون فبيتكم وبتقرب على امل انه ماياخذها ودخلت عندهم ريم .... سلمى : شو احلى هذا ولا هذا سارة : انتي رايحة خطبة يعني جوفيني انا خطبة اخوي وبلبس شي رقيقق سلمى : أبا أكون احلى منها أبا يجوفني انا ويغير راية ريم : يعني انتي 24 ساعة في بيتنا وكل يوم يجوفج سلمى : لايمكن تطلع مب حلوة وعاد بياخذني ريم : اذا انتي لهذي الدرجة واثقة انج حلوة كان طالعج من زمان سلمى : سككتي انتتي ما طلبت تعليقج ريم وهي طالعه : حلمي تاخذين زايد لانه لو فكر بس انه ياخذج انا بقوله عن سوالفج وطلعتت .... جدام البحر.... زايد : شحالك حمدانووه؟ حمدان يطالع البحر : خلااص يعني انت بتعرس زايد يطالعه بحزن : والله انا مابا اعرس الحين بس امايه وابوي يبوني اخذها وعااد انت تدري انا مااردهم حمدان يركز نظراته للبحر : وبتخليني ؟ اكيد حرمتك تباك تقعد دوم وياها وهذا الشي من حقها زايد : والله يا اخوي مستحيل اخلييك كل يوم تعال عندي البيت حمدان تدمع عيونه بس الهوا طيرها : هذا كلامك اليوم ماادري اذا بيتغير لعقب ولا زايد وجهه نظراته للبحر : والله ما اخليك من كان عمرك 6 سنين واحنا ويا بعض مستحيل اخليك مستححيل وصح انني شوي بتتغير القعدة وياك بس بكون دوم وياك اخووي حمدان : كلمة مستحيل اخافها تتغير والقعدة وياك اخافها فالشهر مرة وعقبها فالسنة وبعدها ما اجوفك اببد زايد : ليش ما تعرس ؟ وتعيش حياتك ؟ واللي اعرفه انك تحب حمدان : هيه ما تعرفني وانا كل يوم اتصل فيها والله اني احبها لكن مستحيل توافق زايد : برايها توللي خذ غيرها وعيش حياتك الدنيا ما بتوقف ودامها ما ترد علييك لييش تتصل فيها حمدان بضيج : ومنو اللي بتتقبل انه تأخذ وايد لا اصل ولا فصل ؟ منو قوولي ؟ زايد يصارخ : وليش انت مب انسان مب تتاكل وتشرب مثل الناس ؟ انت اخووي فهمتتت حمدان : زايد روح الله يخليك أبا أكون بروحي , ويطالعه : ومنو هذي اللي تباني أكون بوعيالها والناس ترمس عنه منوو ؟ زايد وقف : انت مثلنا بشر وكلام الناس لو مهم مابيبيعون الجرايد بدرهمين وراحح .. حمدان ودمووعه تنزل : لاموني الكل وعاتبوني انني وايد تقربت منه بس هم مايدرون عن حياتي , كان عمري 6 سنين كنت قاعد فالمسيد بروحي ناس خلوني وراحو عني , كانو يدخلون وايد رياييل ويعطوني فلوس وعاد انا استانس لانني ككنت اروح الدكان وبعدها دخل زايد المسيد وكان بنفس عمرري قعد يسولف وياي وعقب خذاني معاه البيت وامه وابوه كلهم تقبلوني واستانست وايد كلت وشربت ورقدت وصليت كله مع زايد درست واشتغلت وانا مع زايد نفس التخصص ونفس الشغل كنت دوم وياه واسرارنا لبعض مايطلع مكان الا اذا كنت وياه وانا عاد كبرت وفضلت انني اطلع برع البيت لاانه في بنات وسكنت في شقة وسكن وياي زايد بس أيام يروح لاهله حياتي كانت كلها معاه والحين يقول انه بيخليني ادري انه هذي سنة الحياة بس بعد ما اصبر على فراقه احس انه نصفي الثاني . . . ام علي : علاوي انت متى بتعرس بتفرحنا ؟ هيثم : والله وناسه علاوي بيعرس شي جمييل علي يطالعه باستغراب : منو اللي بيعرس انا ولا انت عسب يكون شي جميل هيثم : انت بس عرس والله برزف بعرسك وبغني بعد لو تبا ؟ علي : لا الله يخليك بعدين بيردوني بيقولون اخوك مغني هيثم : اصلن كل بنات عايلتهم بيطيحون بغرامي واولهم حرمتك علي : جب انت جب لا أقوم وادفنك هني قال حرمتي بطيح بغرامه بوعلي : بسكم عاد من الضرابة ام علي : تباني ادورلك احلى البنات ؟ علي : امايه انا مب مهم عندي جمالها انا اهم شي عندي انها تتحمل مسؤولية العرس وماتكون مثل بعض البنات خليل يغمز لعلي : امايه يمكن في بنت في باله وفي قلبه ويباها ام علي استانست : صدق في وحدة في بالك ؟ منو هي وبنت منو ؟ علي : امايه هذا يمزح وياج وانا على سالفة العرس جريب بقولج سالم : حرام عليكم الديايه بتتضايج جي بوعلي : بسم لله الرحمن الرحيم شوياك سلوم سالم يطالع ابوه : ازعجتوها وانتو من قعتوو وانتو اخطب لك وحدة في بالك حرام والله ماتحب الازعاج راعو مشاعرها شوي احمد : كل وانت ساكت يأم المشاعر سالم : اكيد بسكت لانه لو ازعجتها مابتعطيني طعم ونكهة علي : سلووم بتسكت ولا أقوم لك سالم خاف منه : خلاص انزين بنسكت بنسكت . . . حور : امايه انتي بلاج كله سرحانه اليوم ؟ مكتوم يغمزلها : مشتاقه لابوي حبيب قلبها ام مكتوم تضربه على راسه : استح على ويهك وععيب خديجة : اممايه خلاص لاتتضايجين وانا قبل شوي مرمسه ابوي وقلت له عن الولهانين والمشتاققين له ووايد استانس وقال انه عند ربيعه وبعد الغدا بيرد البيت ام مكتوم : ربي يحفظه ان شاء الله الكل : اميين ويخليكم لنا ام مكتوم تطالع مكتوم : انته مب ناوي تعرس مكتوم : ردينا لهذي السالفه خديجة : امايه الله يخليج لاتطرين هذي السالفه بيقوم لغرفته حور : انزين انته ليش ماتبا تعرس ؟ وحدة في بالك ؟ تبا امييه تختار لك ؟ بعدك مماحصلت اللي تناسبك؟ مكتوم : بسج من التحقيق والاسئلة انا قلت لكم زواج ماافكر الحين وعقب ان شاء الله بييج وبقولج امايه انا أبا هذي البنت خديجة : يعني في وحدة في بالك ؟ مكتوم : انتي شويخصج وبعدين انا أذا حصلت بنت بقول لامايه اباها واذا ماحصلت من اختيار الغاليه حور : يالله متى يصير عندي عيال ؟ يقولون امايه احنا نبا هذي والا امايه انتي اختاري خديجة : هي والله شعور جمميل مكتوم يطالعهم بنظرة : انتو عرسو بالاول بعدين تفلسفوا . . . ام سلمى : لو زايد ولد اختي خذ سلمى والله بيكون احلى بوايد ووايد بستانس للغالي زايد ولبنتي سلمى بوسلمى : خلاص هذا المكتوب واحنا مانقدر نغير شي ام سلمى بقهر : اللي قاهرني انه ام زايد عادي عندها ومستانسه وماكأني مرمستنها من قبل اني أبا زايد لسلمى بوسلمى يكمل اكله : يمكن هو يباها ام سلمى : تجبره على انه ياخذها وعاد انا بروح وياهم باجر عسب بس اجوف هذي موزة واخرب عليها كل شي . . . فيصل : يا مريم والله اني مااقدر مريم : انزين يعني انا مارحت عندهم من زمان حرام عليك ولا تبا تحرمني منهم فيصل جابلها : منو اللي قال اني بحرمج منهم هذول اهلج ومن حقج تروحين مريم تطالعه وتبا تصيح : عيل وداني عندهم حرام والله امييه زعلانه مني كله بس ارمسها من الفون فيصل انسدح على السرير : والله تعبان بعد الغدا بوديج مريم تنزل دموعها : حرام عليك انا قلت لها بييج اليوم وهي مسويتلي الغذا وداخله المطبخ من الصبح فيصل : عادي يعني انتي ماقلتي لها انج بتينها على الغدا بوديج من تخلصين على طول تلبسي وانا بترياج في السيارة مريم تصيح : مابا أبا اروح الحين يعني خواتي واخواني يكونون عندها من البارحة ويباتون واليوم يروحون هناك يعني ليش ماتوديني فيصل قام يبا يمسح دموعها ويحظنها شردت ومسحت دموعها باكمام جلابيتها : اروح عند عموه احسن من مجابلتك يالحيوان فيصل ييصارخ : مريووووووووم مريم طنشته ونزلت جافت ام فيصل وحميد ورشا ... مريم : السلام عليكم الكل : وعليكم السلام ورحمه مريم باست راس عمتها : اشحالج عمتيه ؟ ام فيصل : الحمدلله فديتج عيل وين فيصل ؟ مريم : فوق بيبدل وبينزل ودخلت منى الصاله وهي معصبه : هذي مير بسفرها الحيوانه حميد ابتسم : ليش شو سوت لج ؟ منى : ماتعرف تقوم عدل واقفه فوق راسي وتصارخ منى ومنى الكل ضحك... ام فيصل : ومتى تبيين تقومين ان شاء الله ؟ منى : امايه انتو تدرون اني ما احب حد يقومني يعني أقوم بروحي احسن بوايد فيصل دخل الصاله ومعصب من مريم باس راس امه وقعد عدالها ونظرات الشرار على مريم مريم خافت بس طنشته اونها ماتجوفه ... منى : مريوم مابتطلعين وياي واليوم مريم : وين بتروحين ؟ منى : بنجوف لنا أي مول وبنتسوق وبنرد مريم تبا تقهر فيصل : خلاص اوك العصر بنطلع فيصل يرمسهها بقهر : لا والله وانا ماعندي شور مريم ارتبكت : أمم مااقصد بس يعني بطلع وياها عادي اختك فيصل : ماشي سيرة مريم : انزين ليش يعني بستانس وياهم بعد حرام ؟ فيصل : انا قلت ماشي يعني مابتروحين وخلاص سكري الموضوع منى حبت تغير الموضوع : خلاص حبيبتي يوم ثاني بنطلع مريم قامت وركبت الدري ... فيصل صرخ عليها : تعالي غدا مريم : بالعافية مابا فيصل : قلت تعالي بسرعة ام فيصل : امايه مريوم كوني انتي العاقل وتعالي فديتج مريم عصبت : ان شاء الله خالو عشانج بس باكل فيصل رفع حواجبه : لا والله وانا من ساعة اصرخ مريم طنشته وقعدت عدال ام فيصل , والكل قعد ياكل مريم صحنها ماكلت منه الا شوي وهي قاعده تطالع فيصل وتجوفه ولا مهتم ويسولف مع منى و حميد وقطع تفكيرها فيصل صرخ على رشا : كلي وخلي الفون عنج بسرعه مريم قامت : الحمدلله ام فيصل : ماكلتي فديتج صحنج مثل ماهو مريم منقهره وتجوف فيصل مامهتم فيها : لا خالو شبعت وراحت فوق ... . . . سلامة نزلت عند عمها وعمتها : السلام عليكم الكل : وعليكم السلام والرحمة ام محمد : لا تنزلي يالشيخة اقعدي فوق بعد واحنا بنيبلج الغدا لغرفتج سلامة : ممم عموه انا رحت عند محمد كان فوق ام محمد: لا تجذبيين محمد قبل شوي قايم وانتي من ساعة فوق سلامة مستغربه من جذبها : عمتيه انا كنت عندج من الصبح وقعدت عندج من قام محمد رحت عنده ام محمد توهقت : بس خلاص سكتتي سلامة سكتت احترام لها .. محمد نزل وقعد عندهم : السلام عليكم بومحمد : وعليكم السلام والرحمة ام محمد : شحالك ولدي ؟ ادري انه سلامووه متعبتنك ؟ سلامة منصدمه من الرمسه محمد يطالع سلامه ويبتسم : لا فديتها بالعكس مريحتني ام محمد انقهرت : هي زين يلا قومو غدا اصيله وشمسه وعبدالعزيز مستغربين من امهم وعمر عادي لانه فاهم كل السالفه . . . |
روايه جميلة وفي انتظار البارت الثاني والتوفيج . |
تسلمي حبيبتي mwaz بس ما اجوف تفاعل ورود وان شاء الله بنزل البارت الثاني بعد دقايق |
ي قلبي الروايه جميله شرات ويهج وانتظر البارت الثاني طيب؟ |
اختي حبيبتي انا اول من يشجعج ويوقف معاج ويويلج اذا ماكملتيها انا انتظر انتظار احر من الجمر بالتوفيك ي العيوني . |
يلا حبايبي اهي محتاجه احد يشجعها عسب تنزل بارت ثاني طيب؟ |
يسلمو يالغاليهMarymo0wh هههههههههه وشرات ويهج الجميل بعد اللي كل يوم اصبح فيه * واشكرج وايد لانج انتي اللي شجعتيني ولا انا افكر امسحها * |
بنزل البارت الثاني واذا ما حبيتوا الروايه قولو لانني بحذفها , وتسلمين اختتي الغاليه بس دقايق وبينزل البارت . |
البارت الثاني . . . ترنن ترنن سلامة : السلام عليكم ام خليفة : وعليكم السلام هلا اماييه سلامة : شحالج يالغالية ؟ ام خليفة : الحمدلله , سلامة برمسج عقب بطلع انا ومواز عسب اخذ لها شي لباجر سلامة بحزن : ححرام اميييه والله انتو تخربون حياتها لو قلتولها من البداية مابيصير كل هذا ام خليفة : ابوج اللي رد عليهم وانا ما ادري والبارحة هو قالي سلامة : استغفرلله , خلاص اميييه انا بوديها ام خليفة : خلاص اوك وانا بتصل بالمطعم عسب احجز وبجوف اذا ناقصة أغراض في البيت سلامة : قوليلها تجهز دقايق وبكون جدام البيت . . . فيصل دخل الغرفة وجافها قاعده على الكرسي وتشرب كوفي وتقرا كتاب طنشها وراح للكبت يدور له بدله لانه بيطلع مريم انتهبت انه دخل ماتحركت من مكانها وتجوفه يدور له لبس كملت قرايه وهي مافهمت شي تفكيرها كله عنده سمعت صوته وهو يناديها ورفعت راسها فيصل يرمسها وهو عاطنها ظهره : قومي دوريلي قميص مريم رفعت راسها : مااروم واظن تجوفني اقرا رواية فيصل : خلي عنج الكتاب وقومي بسرعة مريم خلاص انفجرت ماقدرت تستحمل تقدمت صوبه وجابلته وهو بس يطالعها .. مريم تضربه على صدر وجتفه : خلاص تعبت لاتصارخ علي وتهزبنيي مااقدر انا احبك حرام عليك لا تصارخ علي وتهزبني جدامهم لا تهزبني انا اعشقك فيصل قرب صوبها اكثر وحظنها بقوه وهي بس تصيح وهمس : عسب تتأدبين انا مب طرار عندج وعكيفج تتفقين ويااها مريم همست : آسفة فيصل بعد عنها بهدوء وجابلها وباس يبهتها وطول في البوسة دخلت عليهم منى ورشا وافتشلو واستحوا : أمم سوري دخلنا من دون ماندق الباب آسفين وابتسموا وطلعوا مريم بعدت واستحت وويها استتوا اححمر : ممم حبيبي فيصل : عيونه قلبه وروحه كله فدا لج مريم نزلت راسها: أبا اروح عند اهلي فيصل ابتسم : ان شاء الله من عيوني . . . شوق : صالح صالح وهو يلعب جمانه : عيونه شوق نزلت راسها : اممممم أبا اروح اتسوق عسب اخذ لي لبس لباجر صالح ابتسم : وكل هذول الملابس ماعندج شي تلبسينه لباجر شوق : يعني أبا شي يديد وحلو بعد صالح : من وعيوني ي عيوني انتي شوق وهي تأخذ عنه جمانه : بوديها وببدل عنها روح ييبلي وليدوه من ساعة وانا اركض وراه . . . ....: يارشا ياحبيبي انا أبا اجوفج رشا : حمد عاد انا ما اقدر على هذا الشي وانت تدري بعد حمد : بس يعني انا شو اسوي مشتاق لج رشا : ما اقدر وبيذبحوني لو حد درا حمد : بكون وياج بروحنا ومحد بيدري رشا : بفكر حبيبي وبرد عليك وسكرت انسدحت على سريرها.... رشا غمضت عيونها وفي خاطرها : انا صح انني ارمس وايدين بس في حياتي ما طلعت مع حد ولا طرشت لحد صوري , الحين شو اسوي انا وايد تعلقت فيييه احس عمري حبيته , لا لا شوحبيته وانا هذا رابع ما ادري خامس واحد ارمسه , لو فيصل عرف بالموضوع اصلن بيذبحني بروحه الحين هو شاك فيني من كثر قعدتي على الفون , وهذا حميد ومنووه كل مره يمسكون علي شي وعاد انا اخلي عمري عادي , افففف يعني هذا لازم افهمه انني مستحيل اطلع معاه , ما اقدر ازيد خيانتي باهلي اكثر . . . نورة : خالو صلوح وينها ؟ ام شيخة : في البيت ومارضت تروح ويانا لانه كلكم كبار شمة مستغربه : الحين صلوح ماترضى تطلع الله واكبر سميه : صح كلامها من وين طالعه الشمس اليوم ؟ ام شيخة تبتسم وتغير السالفه : انزين بنات يلا قومو نتسوق عسب نتغدى ونرد البيت وايد طولنا . . . سلامة : حبيبي محمد فتح عيونه : عيونه سلامة : بطلع مع مواز المول نتسوق محمد بتعب : الحين ؟ سلامة : امييه كانت بتروح وياها وعاد انت تدري غاصبينها على الزواج ومابترضى تأخذ شي وامايه بتاخذ لها مال العيايز محمد ضحك : هههه يلا انزين بقوم ابدل وانتي لا تتأخزين . . . بوشيخة يصارخ : صلوووح صالحه وهي نازله : هلا ابويه بوشيخة : انتي شوتسوين ؟ صالحه بملل : ملانه وقاعده اجوف مسلسل كوري مع الخدامة بوشيخة : هي زين والله ماتبين تطلعين ؟ صالحه : الحين انت تبا تطلعني وتاخذ شوري ابووي دقايق وبتجوفني نازله وتركض فوق ... بوشيخة ضحك : فديتج والله الله لايحرمني منج . . . ريم : ماما وين بتروحي ؟ سلامة تلبس عبايتها : بروح مع خالو موزة المول وبنرد ريم عصبت : وتطلعين وليش ماتقولي ؟ سلامة : انا بروحي مصدعه لاتزيديني ريم تصارخ : هي انتي بتطلعي وانا اقعد هنا بروحي سلامة : لا تصارخي وبعدين البيت كل حد فييه مابتكونين بروحج ريم جافت محمد طالع من الحمام : بابا شوف ماما الهبله سلامة : الحين انا الهبله محمد ابتسم : ليش ماما هبله ؟ ريم : عشان هي بتطلع ومابتطلعني وياها محمد : عييب ما يقولون عن ماما هبله وبعدين احنا مابنتأخر وبناخذ لج حلاوه كبيرة ريم بعناد : عادي انذين خذوني وياكم وخذولي خلاوه كبيله سلامة : جوف هذا كله منك انته مدلعنها وكل مارمستها تصارخ علي وانتي الهبله والحيوانه محمد يطالع ريم بتهديد : ان سمعتج تقولين لماماتج هذي الرمسه بتجوفين فهمتي بقعدج بالغرفة وبقفل عليج الباب بروحج لااكل ولا لعب ريم بخوف : خلاث اخر مرة وبعدي انا مابلوح وياكم احلى ثي بيتنا الذميييل سلامة تضحك : ههههههههههههه ياحلاتج وانتي هادييه . . . ترنن ترنن . ترنن ترنن . ترنن ترنن هيثم: خليل رد على تلفونك ولا انت ماتسمع ؟ خليل: اسمع اسمعع وهاي النشببه لميس حتى جوف اسمها النشبه تتصل بك هههههه هيثم ضحك : ههههههههههههههههههه رد عليها ازعجتنا رد عليها وخلاه سبيكر ... خليل : نعم خيرر 24 ساعة تتصلي شو تبين ؟ لميس بدلع : حبيبي عاد بلاك شوي شوي علي خليل : حبج برص يحيوانه متطلبت منج تحبيني وبعدين لو بس فكرتي تتصلين مرة ثانيه بعطي رقمج لزايد وهو بيتصرف وياج لميس بخوف : لا خلاص بس انا احبك خليل : انا لو فكرت مابحب زبالهه ولوث فهمتي بابا وسكر فويهها ..... هيثم : اووه اووه طلعت قو اونكك خليل يطالعه : والله تعبت منها 24 ساعة تتصل لا ارقد مثل الناس ولاشي هيثم يضحك : ههههه الله يعينك اخوي بس شو سالفه زايد وليش خافت ؟ خليل : الله يسلمك اتصلت وانا كنت عند زايد وقتله عنها وقالي شو اسمها عقب عرف انه اختها تشتغل في شكرته وعاد انا اهددها بزايد هيثم : اهها وانا أقول خافت انزيين قوم نروح عند زيود اونه خلاص باجر خطبته سالم : بروح وياكم وطلعوا كلهم .... . . . نزلوا تحت وجافوا ام محمد وبومحمد قاعدين يشربون قهوة .... ام محمد تطالعهم : على وين ؟ محمد : باجر خطبة مواز اخت سلامه و تبا تاخذ لها لبس لباجر بومحمد طالع ام محمد لانه يدريبها مابتسكت: درب السلامة وربي يحفكم وراحو ... ام محمد :الله يعين عاد اللي بياخذها لسانها طوويل وماتحترم حد بومحمد قام : انا طالع لانني ادري بتقعدين تتحرطمين ومافي شي بيسكتج . . . : سلاممة ؟ ام خليفة : هيه دقايق وبتكون برع , انا بجووف اذا شي ناقصننا بطرش الدريول بحزن : ان شاء الله وطلعت اماية وقفت جدام المراية : خلاص يعني انا بتزوج لييش جي يصير فيني ؟ ليش ابوي غصبني على الزواج ؟ يعني يبوون الفكة مني ؟ لو خليفة موجود مابيرضى والله بيوقف وياي ويينك حبيبي ووينك ؟ كل بنت تتمنى أمها تدخل وتقولها في ناس رمسوني ويبونج لولدهم والله بستانس وبطيير من الفرحة وبنزل راسي وبرد عليها اللي تجوفونه امييه , لييش ابوي جيه يعاملني ؟ يعني انا آخر العنقود واللي اعرفه لاززم يدلعونه لييش جيه كله عندهم غصب لييش ؟ , نزلت دموعي وانا اطلع فالجامة : يعني باجر خطبتي والجمعة المللجة ما بقدر اسوي شي , صح انه ابوي وامييه ماعطونني الحنان وكله يعاملوني بالغصب بس والله احبهم ومابا ابوي يتفشل جدامهم اذا سوييت شي , بس بعد هذي حياتي وانا أبا اكمل دراسة وابا اشتغل أبا اكوون نفسي ادري انه مب مهم بس انا أبا هذا الشي من انا وصغييرة أقول انني أبا ادرس واشتغل , يمكن هو يوافق اكمل دراستي بس بعد احس انني بهملها ... وتنزل دموعي وانا مب حاسة فيها دخلت سلامة وجافتني تقربت صوبي وحظنتني من ورا : بس حبيبتي لاتصيحين ان شاء الله يكون زين وياج ويخليج تكمليين دراسة , بس بابا لا تنزليين دموعج دوم : سلامة خلااص هم مخططين كل شي سلامة : ادري أبوي عنييد ويسوي كل شي واحننا آخر من يعلم ادري حبيبي ابتسمت : تعرفي كان ودي تممر هذي اللحظة وانا مستانسة لانني بتسووق للخطبة سلامة : اللي اعرفه انج مادخلتي حد في قلبج لييش ماتعطيينه فررصة وجربي ام خليفة : ما خلصتو من الفلم الهندي , محمد يترياكم برعع سلامة : حرام علييج امييه ههذي بنتج لييش جي تعاملينها اهتممي شوي فيها مسحت دمعتي : خلاص سلامة من انا وصغيرة ومحد اهتم فيني غير حبيبي خليفة وكبرت على انه هو ابوي وامي وطوايفي كلهم وراح كمل دراسته برع وخلااني هني بروحي , وانا تعودت من امييه وابوي جيه يعني الحين بيهتمون بس لاتلوموني لودخلت البييت وانا مطلقة لانكم بتكونون انتو السبب انتو خربتو حياتي .. مسكت ايد سلامة ونزلنا تحت وامميه راحت المطبخ عند الخدامات وطنشت كل شي وما كأنها سمعت شي ركبت السيارة وسلمت بهدوء , محمد حس انني متضايجة لانني اذا ركبت وياهم اسلم واسلوف بس هذي المرة غير والله غير طالعت الدرب وفخاطري : خلاص يعني انا كبرت , بس أخاف مايتقبلنني ولا مايرضى اكمل دراسة واشتغل بعد لالا غصبنن عنه ولا بخبر علييه خليفة , فدديتك يا خلوووف تعال شوف اختك حبيبتك دموعها اليووم تنزل كل شوي تعال شوف اختك اهلك خربو حياتها كلها ومستقبلها , لييش جي يصير فيني لييييش ؟ , ونزلت دموعي من دون ما احس : خلااص يعني لييش احس عمري بعدي يعني صغغييرة , قلنا بندرس برع مارضوو بس يعني بكمل دراستتي في جامعة وبكون مع ربعي فالسكنن وكنا نخطط جيه بنسوي , هو اكيد مابيرضى اكوون في السكن لو رمست بعد خلييفة بيقولي هذا ريلج , خلااص انا ماعندي مانع انني اتزوج دام هذا قرار الغالي بس أبا خليفة يرمسني يفهمنني ويهديني لازم اممايه هي اللي تهتم فيني لكن الله كريم ... ما حسيت بالدرب واسمع صوت سلامة : ادريبج تحبين تتسوقين في دبي وين تبيني اوديج ؟ بهدوء : أي مكانن المهم أبا ارد البييت سرعة سلامة بحزن : اللي تبينه بسويلج بنتسوق سرعة في دبي مول وبنرد : سلامة أبا ارمس خليفة محمد : رمسني هو الصبح وقاللي عنده امتحانات اليوم وقال من يخلص بيتصل . . . نورة : بنات ههذا حلو لها صح ؟ سمية : لاا ووايد قصير ام شيخة : مواز تحب شي الرقيق وبيكون عليها وايد حلو , بس بنات تعرفون قياسها ؟ نورة : هيه الدبة مثل قياسي شمة : دام انها دبة ومثل قياسج اكيد يعني انتي دبة وياها نورة : جب جب سمية : بنات مواز في ددبي شمة و نورة : ححلفي !! سمية : هيه والله جوفو بعد في البيبي نورة : الححيوانة وبعد رايحة دبي ام شيخة : بنات رمسوها قولولها تعالي امارات مول نورة : اوكك برمسها الحيوانة شيخة : بسج بسج من كثر ماتسبيها نورة : يقولون من سبك حبك وانا من كثر مااحبها كل شوي اسبها . . . فيصل : ماشي بعد صلاة العشاء بكون جدام الباب مريم : حبيبي يوم بس والله يوم فيصل : ماشي ويلا انزلي لاغير رايي مريم فتحت الباب ونزلت : بقول لابوي يقولك وعاد ادري انك مابترده قلت لك بالطيب مارضيت وسكرت الباب بالقو وشردت ... مريم دخلت البيت وهي تضحك : السلام عليكم الكل : وعلييكم السلام والرحمه ام سعيد دمعت عيونها: مريم حبيبتي مريم : عيون مريم قلب مريم ام سعيد تحظنها : فديتج حبيبتي وايد اشتقت لج مريم تبتسم :اشتاقتلج العافية يالغاليه وانا بعد وايد وايد وايد ولهانه ومشتاقه سعيد : وانتي ابد مقاطعتنا مريم : احم احم عاد اجوف قدري عندكم راشد : قدرج ولا ملاسج بس والله اشتقت لخبالج مريم :احم احم خلاص انا صرت عاقل ميثه : مريوم ارقدي اليوم عندنا مريم تطالع خوانها : وانتو بتباتون هني اليوم ؟ راشد : اسمحيلنا يالغاليه احنا من يوم الجمعة الصبح هنييه واليوم بنروح باجر عندنا شغل مريم : اوك اهم شي البنات هنني هدايه : ريلج عادي بيخليج مريم تطالع أم سعيد : ماماتي حبيبتي رمسيه فديتج ولا قولي لابوي سعيد : والله انج مب هينه تدرين انه مابيردهم مريم : احم احم بعدي على خبالي ماعقلت ام سعيد : خلاص فديتج بقول لابوج يرمسه . . . : سلامة البنات في إمارات مول خلينا نروح صوبهم سلامة : ان شاء الله فديتج محمد : يقولون ريلج غاوي : احلف ! وانت كيف جفته ؟ محمد : هو مددير شركات سلامة : هذا اهم شي عند مواز عسب تفلسه بتسويق اللي مايخلص : والله تعرفين اختج تحب تغغير كل مانزل شي من الموضه سلامة : محمد قوله الله يعينك من موزان والموضه محمد ضحك وانا ابتسمت وسلامه وايد استانست ... . . . صالح وهو ماسك ايد شوق : امايه احنا طالعين تامرينا بشي سليمة تترجاه : اخوي حبيبي طلعني وياكم شوق تحاول تسحب ايدها بس هو ماسكنها بقوة بهمس : حيوانن مانع : انا بوديج عقب خليهم يطلعون بروحهم سليمه : خلاص عيل ربي يحفظكم شوق و صالح : يلا مع السلامة سليمة : جمون و وليدوه وينهم ؟ دلال : جفتهم يلعبون فوق سليمة : مانع متى بتطلعني ؟ مانع : خمس دقايق اذا ماخلصتي رايح عنج سليمة تركض وتصارخ : بناخذ جمون ووليدوه سلطان : الله يعينك من حشرتهم دلال تركب الدري : انا بعد بروح وياكم سلطان : خلاص كلنا بنروح امايه مابتروحين ويانا ام صالح : لا فديتكم انا بعد شوي بروح عند ام حامد سلطان : زين والله ام صالح : مانع ماتباني اخطب لك ؟ متى تبا تفرحني ؟ مانع : عقب امايه عقب ام صالح : متى عقب حبيبي انا أبا اجوف عيالك قبل ما اموت مانع : الله يطول بعمرج يالغاليه بس انا ما افكر الحين عقب ان شاء الله ام صالح : ان شاء الله عاد يكون قريب سلطان يصارخ : وييينكم ؟ دلال و سليمة : يلاا خلصنا سلطان يمسك يد وليد : وفدييت شيخ الشباب وراحوا .... . . . : السلام عليكم الكل : وعليكم السلام والرحمة نورة : ومنو اللي تقول ابووي مب راضي وشو يايبنج دبي وابوج مب راضي ؟ : نوير بلييز انا مب متفييجه لحشرتج وبعدين انا ييتكم لانني باجر خطبتتي فهمتي الكل شهق... سمية : انتتي من صدقج ترمسين ؟ : هيه باجر خطبتي ويوم الجمعة المللجة نورة : وككيف وانتي ماقلتي لحد ؟ : نوير انا بروحي اليوم قالولي يعني حالي من حالكم وبعدين انتي تدرين ابوي يسوي كل شي على ككيفه يعني مثل حالة سلامة ابوي غصبها وقال لها... سلامة قاطعتني وابتسمت : يويلج لو قلتي لحد احنا غصبناج وانا مثلت جدامكم عادي كل شي بموافقتي بس الحمدلله انا الحين عايشة مع محمد وححبيته بعد وويبنا الهبلة ريمووه ام شيخة حست انني بصيح : بنات تعالو نقعد في هذا الكوفي ومشينا كلنا وياها ... نورة : عمي ليش يسوي جي حرام عليه شيخة : خلااص مواز انزين يمكن يطلع مثل سلامة وبتحبينه : مستححيل احبه والله العظيم بطلع كل حرتتي وقهري فييه الححيوان يخطبني ام شيخة : بس هو شو ذنبه مايدري انج مغصوبة بضيج : افففففف خلااص ماعندكم سالفة ثانية نورة بمزح : يلاا بنات عيل بناخذ لنا لباجر وليوم الجمعة : انا بقعد هنني ما بتحرك واذا حصلتو لي شي حلو خذولي شمة : انتي هبلة يلا قوومي دوريلج شي تلبسيينه شيخة : انتتي اللي بتلبسينه ولا احنا ؟ : لاتحشروني قلت لكم دورولي أي شي وعاد انا بالغصب طلعت من البيت سلامة : خلااص حبيبي مواز انزين بس تمشي ويانا احنا بناخذ لج اطالعها : انزين ورحنا وندخل ونطلع من المحلات فخاطري : هذي اول مرة في حياتي اتسوق وانا هادية يعني في دايما اختار واتسوق واحوطهم من ورانا محمد : مواز خليفة يباج ؟ دمعت : خلييفة اتصل ؟ محمد ويمد لي الفون : يلا عاد رمسييه اشرت لهم انني بروح الحمام ومحد يلحقني : ألووو خليفة حبيبي خليفة : يابعد قلبي انتي اشحالج امييه ؟ عيوني ادمع : خليفة انا مب بخيير ارجع اشتقت لك تعال خذني عندك وانت ادرس وانا بقعد عادي لو فالشقة خليفة استغرب لانني لو رمسته صح شوي بدلع لكن حس انه فيني شي : مواز انتي بلاج ؟ وانا اشهق من الصياح : غصبوني عليه غصبوني على اني اتزوج خليفة انصدم : شوووو ؟ منو غصبج ؟ وعلى منو ؟ وانا اصيح : خليفة امييه وابويه غصبوني عليه وباجر الخطبة خليفة حاول يهديني : خلااص فديتج انا ما قلت لج لا تصيحين بابا خليفة : ادري انه ابوي على كيفه يسوي اللي يباه وعاد تدرين انا مااقدر علييه بس حبيبي يمكن تحبيينه وتتقبليينه دمعت : حلمي وحياتي ومستقبلي كله راح خليفة : بس حبيبي وانا أقول ليش اممايه حاشرتني تعال وتعال خلااص حبيبي انا متصل اقولج باجر الصبح انا بكون موجود عندج استانست :صدق يعني بتكون هننني ونناسة خليفة ابستم : هي فديتج ومابخليج بروحج وبرد هناك عقب ملكتج : فدديتك والله اهم شي تكون وياي واصلن يعني انا متقبلة سالفة الخطيب شوي بس كنت ابييك انت تهديني وترمسني خليفة : وفددديت انا دلووعتي مواز بطلب منج طلب ولاترديني ابتسمت : تم قبل لا تقووله خليفة : انج تروحين الحين وياهم وانتي مبتسمه وتاخذيلج من ذوقج أبا اشوفج باجر ككاشخة : لعيونك والله بككشج خليفة : يلا حبيبتي انا لاززم اسكر بروح ارتاح وعقب عسب ألحق على الطيارة : يلاا فديتك نووم العوافي وتوصل بالسلامة . . . لميس : والله قهر يعني الحين ما بقدر ارمسه شيماء : تتأدبين وبعدين شو تبين فييه ؟ هو ما يباج افهمي بابا لميس : افف و هاي ميروه ما اشتغلت الا في شركه ولد عمه والله ققهر شيماء : انتي احمدي ربج انه ميروه هي اللي تصرف علينا وشغلوها وهي عندها بس شهادة ثنويه لميس شوي وبتصيح : خلاص انزين غيري السالفه شيماء : والله ما عندج سالفه اذا تصيحين لميس : بس ججب في غرفة ميرة ... ميرة فخاطرها : اتصل فيه ولا ممم انزين شو بقوله اذا اتصلت ما عندي سالفه مهمة اففف والله قهر اشتقت له , ما ادري شو اسوي احس عمري حبيته بس مستحيل يعني يتقدم لي ويحبني هو مدير شركه وابوه عنده شركات واكيد بياخذ وحده من مستواهم اففف ليش جي حالتنا الكل يطالعنا بنظرات شفقه , ياليت نعيش حياة مثل باقي البشر كشخه وخقه وماركات و موضه , هه الحين انا ما ادري عن سوالف الموضه والله انه لميس وشيماء ما اقدر عليهم يعيشون مثل الناس مع انه نحن على قد حالنا , ليش انا مب مثل شيماء ولميس اففف الحين انا بتصل واللي يصير عادي مقبول لانني وايد مشتاقه له . ترنن ترنن ترنن ترنن ... ... : ألوو ميرة: زايد زايد : منو ؟ اسمحيلي ما عرفتج ؟ ميرة : ممم مب مهم انك تعرفني زايد : لا والله ميرة خافت يعرفها وسكرت الفون على طول ... . . . زايد : والله ناس فاضيه حمدان : منو متصل ؟ زايد : وحده اونه مب لازم تعرفني حمدان : هههههه مسكينه وعاد انته خوفتها بصوتك على طول سكرت زايد : عسب تعرف انها ترمس منو حمدان : عاد انا الصراحة ما اقدر على غرورك زايد بضيج : احس انه سلمووه وامها بيخربون كل شي حمدان : لاتتضايج يااخوي ان شاء الله ما يصير شي ترنن ترنن ترنن ترنن زايد : هذي ريمووه متصله حمدان : خله سبيكر برمسها زايد رد عليها : هلا ريمووه ريم : اخوي ألحقق زايد : شو صاير ؟ ريم : سلمووه زايد عصب : بصفعج طراق ارمسي بسرعة شو بلاها ؟ ريم : باجر بتلبس فستان وربيعتها بتعدلها وبتكشخ كانه عرس ابوها زايد : اففف هاي وامها بيخربون كل شي ريم : الله يعينك حمدان : امييين ريم : حمدانوهه عندك هلا اخوي اشحالك ؟ وينك ماتسأل عني ؟ حمدان : حمدان لوسمحتي موجود وانتي اللي ماتسألين ريم : انت الأكبر لازم تسأل حمدان : ريموه يالدبه الشباب الحين بيوون يلا سكري ريم : ربعكم يعني ونناسه خلاص خلوني على الخط زايد : نعم اختي ماسمعت ريم : لا طويل العمر أقول يعني يلا مع السلامة زايد : هي جي احلى يلا باي وسكر ... . . |
روايه وايد حلوة تسلم ايدج يالغاليه |
جمممممميلا كملي اترياج الحب :) |
البارت الثالث . . . عبدالعزيز : ليش امايه جي تسوي ؟ اصيله : اللي اذكره انه امايه وايد كانت تحب محمد وعلى رمستها انها وايد بتحب حرمته شمسة : ماادري كيف سلومه مستحمله انأ لو بدالها على طول بيت اهلي اصيله : اللي اتوقعه انها وايد تحب محمد وماتقدر على فراقه عسب جي ساكته عبدالعزيز : اللي قاهرنني انها ساكته وماتقول لمحمد شي عمر : تراكم وايد ترمسون اصيله : تراك وايد بارد عمر : بالعكس لا بارد ولا حار بس عسب انا عارف كل السالفه عسب جي ماارمس وياكم شمسه نقزت عنده : فديتك اخوي قول لنا شو السالفه عمر: بسم الله تراج وايد ملقوفه شمسه : يعني شو اسوي فضول أبا اعرفف السالفه عمر قام عنهم : كل شي بوقته حلو يلا انا طالع وطلع عنهم وهم يفكرون في السالفه... . . . ابتسمت : ماخلصتو ؟ نورة مستغربة : لا بعدنا وانتي ماخذينا لج شي تعالي اختاري : خلااص فديتج انا بروحي بختار من ذوقي شيخة : ممكن سؤال ابتسمت وانا اعرف شو سؤالها : تفضلي الشيخة شيخة : شو سالفة الابتسامة والويهه الجميل اللي انقلب من رمستي خليفة : مثل ماقلتي من رمست خليفة وانا ادري انه ابوي مستحيل يغير رايه بس كنت أبا خليفة يرمسني ويهديني سمية : الله الله على الدلع برمس ريلج من الحين انه حرمتك دلوعة درجة أولى نورة : وعاد بقوله لو مادلعتها بتطلع لك الوييه الثاني الكل ضحك ... : انزين بنات يلا تأخرنا ام شيخة : انا وسلامة بنقعد هني بالكوفي وانتو خلصو وتعالو ولا تتأخروا شمة : ان شاء الله خالو . . . فيصل : خلاص عمي خلوها اليوم عندكم وعاد تدري انا ما بردك بوسعيد : هي فديتها عاد قالتلي ارمسك فيصل : يلا عمي انا بروح تامرني بشي بوسعيد : سلامتك ياولدي فيصل ركب السيارة على طول اتصل لها : ماعلي سويتي اللي براسج انا براويج والله لاخليج تندمين على هذي الحركة مريم بمزح : حبيبي شوفيك ؟ زين كان رديت عليهم وقلت انك مب موافق فيصل معصب : تدرين انني مااردهم مريم خافت : انت الحين وين ؟ فيصل : جدام باب بيتكم يعني وين بروح ؟ بعدي ماحركت السيارة مريم : خلاص حبيبي شوي وبرمسك وعلى طول سكرت وهو زادت عصبيته ... مريم طلعت تركض خافت انه يروح ومن جافت السيارة خذت نفس : بسم الله , وركبت السيارة وتطالعته وابتسمت فيصل منصدم من حركتها : انت يشو يايبنج هني ؟ مريم : حبيبي ادريبك معصب وعاد وايد خفت عليك وانا آسفه فيصل صد صوب الجامه: وين اصرفها ؟ بعدي زعلان مريم بمزح : بعده البنك مابند فيصل : ما يضحك ويلا انزلي بسرعهه مريم بهدوء : خلاص اوك انا بنزل دير بالك على روحك وربي يحفظك , تطالع خده قربت منه وباسته بسرعه وفتحت الباب بسرعه ونزلت : احببك وايد وركضت بسرعة داخل ... فيصل منصدم وماتحرك فخاطره : صدق اللي صار ولا انا احلم فديتها والله تدري انني اعشق بوستها ربي يحفظها ويخليها لي . . . بو زايد : ماتبون أي شي عسب باجر يعني أي شي تحتاجوه قول لي مابردك يااخوي بوخليفة : مشكورين وكل شي جاهز بوزايد : والله يااخوي بطلب منك ولاتدري بوخليفة : امر يابوزايد واللي اقدر عليه بسوييه بوزايد بتردد : والله انا ما أبا البنت تكمل دراستها بالجامعة ولا تشتغل اباها تداري بيتها وعيالها ومايكون شي يشغلها عنكم بوخليفة : وانت الصادق يااخوي بس بتخلص دراستها من المدرسة وبسحب اوراقها ومابتكمل بوزايد : مشكور يا الغالي بوخليفة : أي أوامر ثانية اخوي بوزايد : الولد يبا يجوفها بوخليفة : احنا متفقين من زمان وان شاء الله خير بوزايد : يلا عيل اجوفك باجر في الدوام انا بروح اريح الحين . . . سلامة : احس مواز مب متقبلة الموضوع كله بس عشان خليفة رمسها وهي هدت شوي ام شيخة : بس أمج الله يهديها على الأقل ترمس تفهمه انها بعدها صغيرة سلامة : انتي خالو تدرين بامييه أي طلب ابوي يقوله تنفذه من دون نقاش ام شيخة : احنا كلنا ندري انه مواز ما بتعرس الا عقب ماتخلص وتشتغل سلامة : ابوي خرب كل طموحها ومستقبلها ام شيخة : مب زين اللي يسوونه مابتقدر تعيش عنده لانه اصلن مجبورة عليه وكيف بتتقبله سلامة : مواز من بداية قالت بتروح تدرس برع ماخلوها والحين دراستها من الجامعة بعد بيحرموها ام شيخة تطالع البنات اللي قربو منهم : خلااص غيري السالفة مانبا نغير ابتسامتها احنا بروحنا ماصدقنا تبتسم سلامة ابتسم : يلا بنات بنروح من الصبح واحنا هنيي شمة : وايد استانسنا يلا عاد عيدوها مرة ثانية نورة : اصلن غصبن عنهم بيعيدونها والا بنشرد احنا بروحنا وروحنا على طول ... . . . ام مكتوم : ابوكم وايد تأخر الحين بيأذن العصر مكتوم : حبيبتي يمكن قاعده مع ربعه ام مكتوم : انزين ليش مايرد ؟ حور : امايه عند ربعه يعني مابيرد جدامهم ام مكتوم : انزين انا الحين بروح عند ام خليفة واذا رد اتصلوا فيني حور : من عيوني وطلعت ام مكتوم ... مكتوم : خدوي وينها ؟ حور : في غرفتها راقده مكتوم : يالله من هذي البنت ماادري من اييها رقاد حور : عاد انت تدري هاي كله رقاد مكتوم : زين بسألج وقولي كل شي اللي مر في بالج حور : يالله تعودت عليك مكتوم : لو واحد حب ويبا يروح يقول كل اللي في قلبه وعن حبه لها بس خايف تتوقعين شو بتكون ردة فعلها ؟ انتو بنات وانتو من نفس الإحساس والمشاعر حور : اول شي يمكن تكون تحب ولا يمكن مستحيل تفكر فييه لو هي يعني عادي ترمس وتسولف لا يقولها لانها عقب بتستحي وبيشتاق لسوالفها ولضحكها وعاد يحلم انها ترد ترمسه من دون مستحى ولا تطول في الرمسة وبعدين لو طلعت تحب هاي بتكون مصيبه لقلبه بيقول ياليت ماقلت لها وياليت بس تبا نصيحتي لهذا الشخص لا يقولها والأيام بتبين كل شي لأنه اذا قالها مستحيل يغير شي مكتوم قام : يلا انا طالع تامريني بشي حور ابتسمت : سلامتك يالغالي طلع وسكر الباب الصاله بقوة يبن على انه مضايج... حور في خاطرها : منت حاسه واليوم تأكدت انك انت هو الشخص اللي كل مرة تسألني ويكون مجهول يالله وطلعت تحب يا مكتوم فديتك والله وعسى ربي يجمعكم . . . ام خليفة : وايد استانست بزيارتج الحلوة وتعالي باجر خطبة مواز فديتها ام مكتوم : مبروكين و ان شاء الله نكون اول الحاظرين انا والبنات ام خليفة : ان شاء الله وقولي لابو العيال ومكتوم بعد لازم يكونون موجودين ام مكتوم : ان شاء الله عيل وينها مواز ؟ ام خليفة : طلعت مع سلامة وريلها ام مكتوم : زين والله وسلامة بس عندها بنت وحدة ام خليفة : هي ريم وبدت سوالف الحريم اللي ماتخلص ... دخلت الصالة و على طول انسدحت على الغنفه وما انتبهت انهم موجودين ام خليفة : مواز قومي سلمي على ام مكتوم ولا ماجفتيها ؟ قمت على طول وبتعب سلمت عليها : اسمحسلي خالو من التعب ماجفتج ام مكتوم : وكبرتي وباجر خطبتج ما شاء الله ابتسمت بضيج وتعب : يلا انا بروح ارتاح تعبانه مع السلامة ام مكتوم : عقبال مانجوفها بفستانها على الكوشه . . . دخلت الغرفة فصخت عبايتي ولبست بجامه وعلى طول انسدحت على السرير اتصلت ربيعتي حنين من التعب خليت التلفون صامت ورقدت .... دخلت الخدامة : مدام بابا قول تعالي عشاء بتعب : مب يوعانة أبا ارقد طلعي وسكري الباب الخدامة : زين انا خلي حق انتي شويه اكل فريت عليها المخدة : طلعي وسكري الباب أبا انام قمت بتعب وصداع صارخت : راسسييي ما اققددر , قعدت اصيح وانا احس بتعب احرك جسمي شوي دخلت الحمام وتسبحت بماي حار وطلعت حسيت براحه شوي صليت الفجر خذت فوني ونزلت للمطبخ سويت لي نسكافيه وقعدت على الطاولة جفت 12 مكالمة , ثلاث من حنين وحدة من نوير والباقي من رقم غريب طنشت الرقم وقعدت اجوف البيبي جفت لساعة 7 الصبح قمت وتلبست وطلعت الصالة جفت امايه وابويه قاعدين .. بوخليفة ينزل الجريده من ويهه : وين رايحه ؟ المدرسة ؟ : هي ابوي بوخليفة : ماشي سيرة قعدي في البيت وروحي الصالون ماقدرت ارده ولا اناقش قلت باستسلام : ان شاء الله ام خليفة ابتسمت على بالها تقبلت الوضع : خليفة وصل وهو الحين في غرفته ركبت الدري ورحت غرفته دقيت الباب ماسمعت رد فتحته جفت الغرفة بارده وظلام .. تقربت صوبه همست : خليفة حبيبي ؟ وهو متعمق في الرقاد قعدت اتأمل ملامحه وايد يشبهني مسحت على ويهه اباه يقوم أبا ارمسه ولعبت بشعره وهو مايتحرك حسيت انه تعبان من الطريق قمت بهدوء قعدت على الكرسي جي طويل ورقدت . . . زايد : ريمووه لا تحشريني وقومي يالله ريم : اونه خلاص اليوم خطبتك بس احس يعني بسرعة المللجة زايد : انا أبا جي اباها قربها اباها لي بسرعة ريم تقربت وقعدت تحت مقابلتنه : اوووه يعني انت جفتها ؟ وين ؟ يعني انت قلت لابوي انك تباها ؟ زايد : تحقيق شو ؟ ريم : لو سمحت جاوب علي بسرعة زايد : انا مرة جفتها في بيتهم كنت رايح مع الربع اسلم على خليفة بس يعني انا مب وياه دووم لانه راح يدرس برع ريم : ما شاء الله ومن جفتها على طول حفظت شكلها واسمها رمست ابوي زايد : اكتشفت انج وايد هبلة هي الوحيدة في البيت جفتها بعد في بيت ولد عمي مكتوم كانت عند حور وخديجة وصرت يعني وايد اجوفها في المول وكنت يعني ما افكر فيها وايد يعني أقول مجرد صدف ومن قالتلي امايه انك كبرت ولاتعرس ومن هذي الرمسة وقالت لو مافي وحدة في بالك بنت خالتك تترياك وعاد هي على طول يات في بالي وعاد يعني انا اتمناها تكون حرمتي ريم : اهها حلوة ؟ هادية ؟ دلوعة ؟ زايد : هي جميلة وانا ما يهمني الجمال ومب هادية كل مااجوفها لازم تكون يا تصارخ يا تركض ياتتضارب ومب يعني دلوعة عادي ريم : انت قلت بس جفتها كيف عرفت اسمهها ؟ واكتشفت عايلتها الكريمة زايد : انا كنت أبا اعرف عنها فسألت ربيعي قال لي هي بنت سعيد وعاد انا عرفت ابوها لانه ربيع ابوي ويشتغل عنده وعقبها يعني قعدت اسأل ربيعي وايدين هم في البيت بس هم بنتين سلامة وموزة و خليفة ريم : ما شاء الله انزين يلا انا محاضرتي بدت عن اتأخر باي زايد جاف الساعة 9 : ححيوانة اخرتيني عن دوامي . . . ميرة : سوزان الأستاذ زايد موجود ؟ سوزان : لا والله ماجفته بالمرة ميرة : زين مشكورة سوزان : ليش في شي مهم بدك تحكي معاه ؟ ميرة : لا بس أبا اعطيه الملف سوزان ابتسمت : باين كتيير انك بتعطيه ملف وانو الملف مو موجود في ايدك ميرة ارتبكت وقامت : مم نسيته يلا باي وراحت شوي وردت وقعدت عند سوزان ودقايق ودخل زايد على طول ميرة وقفت زايد طنشها : سوزان اذا في أي شي مهم عطيني الحين لانني مشغول وبطلع بعدين سوزان : من عيوني يا أستاذ دخل زايد .. ميرة ماتت قهر ليش طنشها على طول دخلت مكتبة .. زايد رفع راسه : ليش ماتدقين الباب ؟ ميرة : سوري أستاذ زايد : بغيتي شي ؟ ميرة : لا بس كنت أبا اسأل في شو مشغول ؟ وليش بتطلع ؟ زايد : والله انتي ما يخصج فيني وبعدين انتي حالج مثل الموظفين عندي ميرة : أستاذ زايد : ميرة انتي موظفة محترمة وانا ماتعودت اصارخ على بنات قولي شو بغيتي عندي شغل لاني شوي وبطلع ميرة : بقولك انا كل شي بس لو سمحت لا ترمس من اخلص كلامي علق وقول زايد : مع اني مب فاضي بس يلا قولي ميرة نزلت راسها : أستاذ انا احبك زايد قاطعها وهو مصدوم بعصبية : ميرة طلعي برع لاتخليني اطردج بسررعة ميرة بخوف وترتجف : زايد اسمعني الله يخليك زايد : ميرة اطلعي برع انا هني مدير شركة ومب فاضي للسخافات يلا برع دخل حمدان وجاف ميرة قاعدة وترتجف تقرب من زايد.. زايد : ميرة اطلعي برع لاتخليني اطردج ويكون هذا آخر يوم تدخلين الشركة ميرة قامت بخوف : لا أستاذ آسفة مع السلامة حمدان يطالع زايد باستغراب : شو تسوي عندك هذي شوي وبتصيح وليش تطردها هاي احسن وحدة في الشركة زايد : تعال اسمعها شو تقول حمدان : لا في سالفه يلا قول زايد قاله كل شي وحمدان ماسك ضحكته .. زايد يطالعه بنظرة : ادريبك تبا تضحكك حمدان نقعع ضحك : وطلعت مب هينه ههههههههههه زايد : يلا قوم أبا اطلع من الشركة بروح اجوف اذا الغدا وصل بيت العروس حمدان : غدا بعد ليش ؟ هو مب عشاء ؟ زايد : بعد حرمتي لازم ندلعها طلبت لها غدا وعاد بتصل فيه بقوله انا بودييه حمدان : من الحين تدلعها هههههه يحظها والله أمها داعيه لها زايد : يلا قوم بسرعة على امل اجوف عروستي حمدان : يلاا انزين بسسرعة اركض . . . خليفة قام من الرقاد جافني راقدة على الكرسي بس يعني هو مريح وعادي ينفع للنوم تقرب صوبي وقعد يمسح على شعري حسيت فيه .. خليفة صارخ : موااززز وقفت فوق الكرسي : بسم الله شو صار ؟ خليفة ضحكك : ههههههههههههههههههههههههه بطنني ههههههههههه اطالعه باستغراب ثواني واستوعبت ونقزت وحظنته : فديتك حبيبي والله اشتقت لك خليفة : حبيبتي انتي ليش مارحتي المدرسة : ابوي الله يهديه اونه اليوم ما تداومين وعاد انا تعبت ومااقدر اناقش حد خليفة : زين حبيبتي انزلي تحت جوفي الغدا لانني يوعان : ان شاء الله حبيبي طلعت من غرفته ونزلت تحت البيت هدوء دخلت المطبخ وقاعدة ادور ماجفت غدا اتصلت في الخدامة قالت : انا روح مع ماما سوق بعدين يرجع : وعيل انا وخليفة شو ناكل ؟ الخدامة : الحين بيجي هندي بيعطي انتي اكل : ومتى بيشرف وبيدق الباب ؟ الخدامة : شوي وبيجي انتي صبر شويه :زين قلبي ويهج وسكرن في ويهها وانا قاعدة على المريحانه واجوف في البيبي واتريا الهندي.. دقق الجرس راح خليفة يفتح الباب .. خليفة : مرحبا الساع زايد : مرحبتين اشحالك ؟ حمدان : هلاا خلوف اشتقنالك خليفة : الحمدلله وانتو اشحالكم ؟ وانا بعد اشتقت للقعدة جدام البحر ويا الربع حمدان : من رحت ومحد صار يجتمع جدام البحر خليفة : ادري ادري غيابي اثر عليكم زايد : لا تصدق عمرك خلوف خليفة : تعالوا ادخلوا حمدان : ترا احنا من ساعةة نترياك تدخلنا زايد همس له : يالحيوان انا براويك حمدان ضحك : خلوف احنا يايبين لكم غدا وعاد ان شاء الله يعيبكم خليفة : ماتقصرون فديتكم زايد : يلا عيل احنا بنروح خليفة : والله ما تروحون تعالوا تغدوا بالاول حمدان : والله مانبا نتعب عليكم وان شاء الله في المساء نتلاقى خليفة : يلا عاد محد عندي الكل طالع حمدان : تصدق انني وايد يوعان ما بنردك خليفة : من عرفتك وانته كله يوعان حمدان : شو اسوي بعد بطني اهم منكم زايد : الحين بطنك اهم لاهه يلا ندخل حرقتني انا الشمس خليفة يدخل البيت : صبروا دقايق بس بطير هذي دخل وهم واقفين جدام الباب .. خليفة يصارخ : موازز دخلي داخل بسسرعة اصارخ لانه بعيد شوي : لييش ؟ ومنو عند الباب خليفة : دخلي بسرعة ربعي بيدخلون : الخدامة قالت هندي متى صار ربيعك ؟ خليفة : دخلي بسرعة ربععي يحيوانه وانا اروح صوب الباب الخلفي : خلاص انزين سلم عليهم خليفة : يحيوانه ورجع عندهم ودخلهم الميلس وحمدان يبا يضحك وزايد مبتسم بس تغدوا وخلصوا وقعدوا يشربون جاهي .. خليفة : خلاص يعني بتعرس اونك حمدان : انا للحين ما مصدق انه بيعرس خليفة : انا من بدايه كنت احاتي منو يكون بس من دريت انك انت وايد ارتاح قلبي واستانست زايد : مابتطلع ويانا ؟ بنتمشى شوي ؟ خليفة : لا اسمحولي مواز هنني والكل طالع ومابخليها بروحها حمدان قام : يلا عيل احنا بنروح خليفة : مشكورين على الزيارة خليفة يا صوبي في الصاله وهم كانوا في الحوي وباب الصاله مفتوح .. معصبة : بس شبعت انت وربعك وانا شوا تغدا ؟ خليفة : اووه سوري حبيبتي والله نسيتج : مالت عليك انت وربعك خليفة : خلاص بطلب لج : والله ما كلت شي خليفة : ليش يعني كل هذا العناد قلت بطلب لج انزين اللي كانوا موجودين ربيعي وريلج حمدان يضحك وزايد مبتسم وطلعوا .. زايد يشغل السيارة : انا بعد نسيتها حمدان : شوهاي حرمتك كله تصارخ زايد : افا عليك من اخذها مابتسمع صوتها حمدان : وطلعت عنييدة بعد الله يعينك زايد يتصل لمطعم : اسكت شوي رمس المعطعم واتصل في الهندي ووقاله يوديه بيتنا , حمدان ابتسم وايد استانس وعلى اهتمامه وحس انه وايد مرتاح.. زايد : تصدق كان خاطري اجوفها حمدان : تراك اليوم بتجوفها زايد : عاد ان شاء الله تاكل . . . |
حححلو الباررتت ككملي الررواييه |
البارت الرابع . . . صالحه : امايه بنروح عندهم وهناك بنتعدل ام شيخة : ومتى بتروحون ؟ شيخة : مممم على العصر ام شيخة : زين انا بروح اريح وانتو قولوا للدريول يوديكم صالحة : ان شاء الله راحت أم شيخة ترقد وصالحة شغلت التلفزيون تجوف مسلسل وشيخة على فونها .. شيخة : تدري ماكنت متوقعه انها بتعرس والحين بعد صالحة : اصلن كلنا مصدومين وهي اللي ترمسنا بتدرس وبتسوي شيخة : يقولون انه جميل ومدير شركة بعد صالحة : الله يهنيها ويسعدها والله يرزقني بريل جميل مثله شيخة : مستعيله على العرس تراج صالحة : هذي سنه الحياة شيخة : جب جب يلا قومي بنروح نبدل ونطلع الأغراض . . . طرشت في القروب : بنات تعالوا انزين بنتعدل في بيتنا نورة : خلاص اوك سمية : الساعة كم ؟ : بعد صلاة العصر سليمة : بروحنا ولا ؟ : انا رمست صالون وقالوا بيطرشون فلبينيات نورة : زين عيل لازم من وقت عسب نخلص بسرعة : اهم شي لاتتأخرون دلال : ماقلتي شو اسمه ؟ : مممم زايد دلال : جمييل اسمه نورة : احم احم كلنا موجودين دلال : ماقلت شي انا وبعدين مواز وين حلمج وطموحاتج ؟ : ليش يعني اذا عرست ما بيقبلوني ؟ بكمل فديتج سمية : يمكن يكون خيره سليمة : مواز عنده اخو ؟ : ما ادري والله وانت يشو تبين في اخوه ؟ سليمة : هههههههههههه يمكن يجوفني وعلى طول يخطبني نورة : انتي من يجوفج بيشرد : بنات تيلا كل وحدة تجهز وتيني بسرعة الحين يكون احسن دقق الجرس على طول رحت صوب الباب .. : منو ؟ الهندي : انا جيب غدا لمدام موزة : منو قال انني أبا غدا ؟ الهندي : بابا زايد كلام جيب هذا في خاطري : يعني سمعني وانا اصارخ اففف مايخصه انزين الهندي : يلا مدام : رد الغدا مكانه وقول لبابا زايد ما يريد هذا غدا الهندي : ان شاء الله ماما دخلت الصاله : انا ليش جي ؟ افففف والله تعبت . . . سلمى : زايد وينه ؟ سارة : قال انه بيداوم بس بيطلع بسرعة وبيروح يودي الغدا في بيت حرمته سملى : وليش ان شاء الله هو عشاء بس ؟ سارة : والله عاد بكييفه حرمته ويدلعها سلمى : لو الحين انا حرمته بيدلعني واكثر بعد سارة : مثل ماقلتي لو سلمى : وقفت دراستي وماكملت بس من دريت انه مايبا حرمته تشتغل والحين يأخذ غيري سارة : هو مافكر فيج عسب ياخدج سلمى : انتي بلاج صايرة مثل ريموه اختج ؟ سارة : والله انا البارحة فكرت انج ماتستاهلين زايد سلمى : نعمم ؟ وليش انا شو سويت ؟ سارة : تسأليني شو سويتي تذكري ماضيج الوصخ سلمى : وصرتي مثل ريموه اختج سارة : هي حبيبتي زايد مدير الشركات ماياخذ وحدة مثلج فهمتي وبعدين انا وايد مستانسه والحين برروح اكشخ لانه من بعد صلاة المغرب بنطلع يلا حبيبتي احلمي بروحج انه زايد يكون لج وطلعت سارة وراحت غرفتها تكشخ .. سلمى بقهر : اففففففف انزين انا بروايج يا حرمت زايد بخرب حياتج كلها . . . فيصل : اشتقت لج مريم :وانا بعد حبيبي فيصل : متى بتروحين ؟ مريم : بعد العصر فيصل : انزين وايد بعده مريم : عن الجذب عشر دقايق وبيأذن فيصل :احبج انزين مريم : برمسك عقب اقعد عندهم فيصل : مع السلامة وسكرت عنه ونزلت عند أمها وابوها تحت . . . رشا : حمد حمد : عيونه رشا : ما اقدر اطلع وياك حمد بزعل : ليش حبيبي ماتثقين فيني ؟ رشا : انا ما قلت جي بس ما اقدر حمد : خلاص على راحتج رشا : انا لازم اسكر مع السلامة على طول سكرت .. حمد : اففف يعني هاي ما تنفع نورة دخلت : كلهم ما ينفعون لانهم يخونون حمد : سككتي انتي نورة : زين حمد أبا اروح بيت عمي سعيد حمد : وطلعي وسكري الباب وراج احسن لج نورة طلعت : افففففف قههر راشد : بلاج نورييه ؟ نورة : أبا اروح بيت عمي سعيد كل البنات هناك راشد : ما اروم الحين عقب عادي نورة : انزين خليفة هناك راشد : خليفة رد من السفر ؟ نورة : هي شو قلت ؟ راشد : انا نازل دقايق واجوفج عندي في السيارة نورة تركض تلبس عبايتها .. . . . ترنن ترنن زايد رد على الفون : الوو الهندي : بابا انا ودي بيتهم هي كلام ما يريد غدا زايد ابتسم بضيج : خلاص انت كله هندي : مشكور بابا زايد : يلا مع السلامة حمدان قرب صوبه : بلاك متضايج ؟ زايد : ماشي حمدان : على راحتك زايد : انا بروح اريح شوي في البيت حمدان : تعال عندي الشقة بنريح عقب بنروح زايد : يلا عيل . . . دقق الجرس .. بضيج على اللي صار : اففف منو بعد ؟ رحت صوب الباب فتحته جفت امايه والخدامة داخلين والدريول وراهم وشكلهم ماخذين السوق كله .. : امايه ليش كل هذا ؟ ام خليفة: اللي عرفته من ابوج انهم وايدين بيون : عادي انزين بس مب تشترين السوق كله دخلنا الصالة وهي قعدت بتعب .. ام خليفة : والله يعني شو تبيني اسوي لازم عاد نضيفهم : لا والله هذي خطبة مب عرس ام خليفة : المهم انتي بتروحي الصالون ولا لازم ابوج يهزبج ؟ : لا امايه اتصلت في الصالون وبيطرشون فلبينيات والعصر البنات كلهم بيون عندي يكشخون ام خليفة تقربت صوبي وقعدت تمسح على راسي : حبيبتي بقولج رمسه وحطيها دوم في بالج , انا تعودت على ابوج انه دوم هو يتأمر ويقول وانا انفذ على طول وانتي تدرين وبعدين انا اباج تكملي حلمج وتدرسين وتشتغلين بعد بس ابوج الله يهديه بس الله يخليج ادريبج لسانج مايسكت لا ترمسين جدامهم انج مغصوبة امه ربيعتي وابوه ربيع ابوج ونحن نعرفهم ولا بنوافق نزلت دموعي : ان شاء الله امايه اللي تبينه بيصير وانا خلاص قمت اتقبل الوضع شوي ام خليفة تقربت صوبي وحظنتني : الله يحفظج مسحت دموعي وقمت من حظنها : يلا عاد امايه انا بروح اكشخ ورحت غرفة خليفة جفته قاعد جدام التلفزيون ويطالع .. تقربت وبسته على خده : آسفة تدري انته عاد اختك عنييدة خليفة : هههه ومنو قال انني زعلت : خليفة اطلع برع بيتنا اليوم خليفة : ليش ان شاء الله ؟ : عشان البنات بيكشخون بيتنا اليوم وعاد يعني لازم ياخذون راحتهم خليفة : من عيوني قام ودخل الحمام وانا طلعت ورحت غرفتي .. لانني ماخذه ثلاث فساتين بس يعني وايد رقيقين وايد سمبل وآخر شي اخترت واحد مخصر على جسمي لونه ابيض وفي الوسط فيونه كبيرة سودة وطلعت لي كعب وايد طويل ودخلت الخدامة .. الخدامة : مدام يريد أي شغل مع انتي : ههههه احلى شي الرمسة الخدامة : هههه مدام انا شويه شويه : انزين اكل لانه البنات كلهم بيكونون هني الخدامة : ان شاء الله مدام وطلعت وانا انسدحت على السرير بالعرض .. : كبرتني وقالت مدام هههه فديتها خمس سنين وهي عندنا وعايبتنها العيشة هنني بس ما ادري ليش ما احب الخدامات يمكن عقدتني سوالف الخدامات اللي يقتلون , طالعت السقف وشوي ورقدت .. . . . دق الجرس الخدامة راحت تفتحه .. الخدامة : سلام عليكم سورية : وعليكم السلام الخدامة : مينو انتي ؟ سورية : مدام موزة موجوده الخدامة : هي تعالوا فوق داخل غرفتها ووصلتهم الغرفة دقوا الباب ماسمعوا رد فتحوا الباب ودخلوا .. سورية : مدام موزة انتي راقدة قومي بنعمل لكك شعرك فتحت عيوني : بسم الله انتو منو ؟ سورية : قومي يا عروس اليوم خطبتك بتجوفي خطيبك وفارس احلامك يلا قومي : ان شاء الله بس بدخل الحمام وبرد لج دخلوا البنات نورة مرت عليهم وفتحوا الباب بقوة .. سورية : انتي اييه اللي بتعملوه ؟ في حد بيفتح الباب كده نورة : سؤال انتي مصرية ؟ سورية ابتسمت : لا حبيبتي انا سورية بس مامتي مصرية شمة : وانا اقووول ملامحج سورية سورية : انتو بنات عمها اللي حكت عنهم طلعت من الحمام : هي فديتج هذيل اللي قلت لج عنهم سورية : خلاص عيل ببدا من الحين البنات نقزوا علي ويحظنوني : خلاص اليوم عروس : بس خطبة بس خطبة سمية : اونج عاد كبرتي : هيه خلاص كبرنا يلا حبيبتي ابدي فينا قلت لهم انا آخر وحدة وعاد الفلبينيات وياها الخدامة تدخل وتطلع مستانسه .. سورية تطالعني : يلا دورك يا عروس بخجل : اححم اخجلتوني عاد استحي انا كل شوي عروس نورة : خليها تخلص شغلها بسرعة شمة تجوف الساعة : الساعة 7 واحنا بعدنا قاموا كل وحدة تكشخ وتتعدل دخلوا ربعي ووايد استانست وخلصت بسرعة لانني بس قلت لها استشوار عصبوا من بدايه وانا اقولههم كيفي شعري انا .. سورية : طالعه قمر ما شاء الله : تسلمي سورية : تعالي انا بعمل لك مكياج : بس يكون رقيق سورية : بعد يكون المكياج رقيق ؟ : بس ترسمينن عيوني ودقايق خلصنا كلنا وقفت جدام الجامة وانا اجوف شكلي وايد استانست والبنات كل وحدة احلى من الثانية ودخلت علينا امايه وقعدت تقرا علينا كلنا وطلعت عشان تجابل الحرييم .. سورية تقربت صوبي وباستني : الله يوفقك في حياتك مع السلامة دخلوا بنات ما عرفتهم تقربوا مني وسلموا .. لميس : انتي موزة ؟ : هي شيماء : ما شاء الله عليج جمميلة بخجل : يسلموو ميرة : ربي يوفقج حبيبتي : اميين شوي دخلت حرمه سيدة تقربت صوبي وانا استحيت حسيت انها امه وايد ارتبكت والبنات جافوها ومبتسمين .. ام زايد : السلام عليكم قمت اسلم عليها : وعليكم السلام والرحمة ام زايد : ما شاء الله عليج وقعدت تقرا علي , دخلت امايه وجافتني وابتسمت وطلعت كل البنات وايد ارتبكت الانني كنت بروحي .. ام زايد : ربي يسعدج حبيبتي : اميين يارب دخلوا ثلاث بنات وسلموا علي وقعدوا .. ام زايد: هذي ريموه وساروه خوات ريلج زايد ارتبكت من الكلمة وابتسمت ام زايد : وهذي سلمى بنت خالته ريم : وطلعتي قمر مواز : يسلمو حبيبتي سارة : امايه زيود متخبل ام زايد ابتسمت : شو فيه ؟ سارة قاصدة تقولها جدام سلمى اللي بتموت من القهر : يبا يجوف عروسته ام زايد : قوليله يتريا وبعدين لازم تنزل عندهم عقب بجوفها مب الحين ريم : الحين الساعة 10 متى تبينه بعد يجوفها ؟ : الحين الساعة 10 ؟ ام زايد : هي فديتج سارة : شكلج مب حاسة بالوقت ريم : اكيد ما بتحس لانها تكشخ ام زايد : يلا عيل انا بخليكم بروح اجابل الحريم مع ام خليفة وطلعت و حسيت شوي براحه لانني حبيتهم وايد .. رفعت راسي جفت سلمى : شحالج سلمى ؟ سلمى : من طلعتي في حياتنا مالقيت أي راحة اطالعها باستغراب : فهميني حبيبتي ؟ سلمى بقهر : تبيني افهمج انتي ... سارة قاطعتها : سلمى اطلعي برع خلينا مع حرمه اخوي بروحنا سلمى قامت : اصلن بطلع ما اقدر اقعد مع هاي ريم : برايج ماعليج منها : ريم قولي كل شي سارة : الحين ما اقدر لانه مستانسين : تباتون اليوم عندي ريم : من عيوني اذا رضى زايد ام خليفة : مواز يلا حبيبتي انزلي عند الحريم يبون يجوفونج بخوف : ها لا ما بنزل ريم : هههههههه ادري لازم هذا الخوف تعالي بتنزلين ويانا : لا مابه أخاف سارة : الحين تخافين من الحريم ريم تطالع اميييه : خالو انتي انزلي احنا بنزلها ام خليفة : مشكورين حبايبي لانني بروح اقعد عند امج سارة توقفني : يلا حرمه زيود لازم تكون قويه قعدوا يمشوني لين جريب الدري .. : بسم الله الرحمن الرحيم ريم تجدمتنا واشترت لهم يشغلون الزفة : يلا شغلوها ممن خوفي وارتباكي ما سمعت الزفة عدل نزلت وصلت للغنفه معدله بالورود وقعدت وكل حد يصور , دقايق ولا كل الحريم قاموا يسلمون وانا بس ابتسم وام زايد لبستني الدبلة والساعة .. شوي روحوا كل حد بس العايلة موجوده سلامة تقربت مني : مبروك حبيبتي اطالعتها وانا في عيوني دموع : ما احبج انتي حيوانه سلامة : ليش حبيبتي ؟ : ما قعدتي عندي كنت محتاجه لج سلامة : اسمحيلي حبيبتي ترنن ترنن ترنن ترنن سلامة ردت : هلا خلوف خليفة : قولي للعروس تتغطى وتطلع المعرس يبا يجوفهها سلامة : ان شاء الله وسكرت وانا اطالعها سلامة : خلوف يقول يلا الخطيب يترياج : لا مابا ريم تقربت : يلا حبيبتي زيود يترياج ما حبيت اردها ولا أقول شي : ان شاء الله لبست عبايتي وطلعت عند خليفة جفته واقف صوب الباب يترياني مسك ايدي بقوة ارتجف : خليفة ادخل وياي خليفة : ان شاء الله ما بخليج بروحج بس انتي لا تصيحين دخلنا الميلس زايد من جافنا وقف تقرب صوب خليفة وابتسم , رفعت راسي جفته على طول شردت برع خليفة يضحك : هههههههههههههههههههههههههههههههههههههههههههههه زايد ابتسم : سلم عليها لانني ما لحقت خليفة : ان شاء الله يوصل دخلت الصاله وقعدت عند البنات .. صالحة : جفتييه ؟ بخجل : هييه ريم : يلا عيل احنا بنروح : مابا اليوم كلكم بتباتون عندي نورة : اصلنن امايه روحت من ساعة : خلااص يعني كلكم تباتون ريم : احنا مستحيل زايد يوافق سليمة : صدقق ؟ يعني عقب ما بيرضى مواز تبات عدنا سارة : هذا بيخليها بالفندق ولا تبات في بيت حد : يصير خير لععقب ريم : يلا حبايبي مع السلامة قمنا نسلم عليهم وروحوا واحنا لعبنا سباق للغرفة فوق .. . . |
البارتتت ططررر اسستممري فديتجج مببدعهه |
اقتباس:
|
بارت جميل وفي انتظار اللي بعده |
اقتباس:
|
البارت الخامس . . . لميس : تصدقين جفت خليل موجود هناك شيماء : حلفي شدراه فيها ؟ لميس : يا غبية اكيد بيكون واحد من أهلها شيماء : رمستييه ؟ لميس : انا طلعت من الباب الخلفي وحبيت وايد الحديقة عقبها قعدت اتمشى وصلت عند ميلس الرياييل بس من ورا وجفتهم كلهم برع وتجدمت شوي جفت خليل مع هيثم وزايد ووايد شباب .. شيماء : والله انج خبيلة شو يطلعج يعني لميس : أبا اعرف شو تقرب له شيماء : يا غبية هي تصير حرمت زايد ما تذكرين ابوي لما قال لنا . . . فيصل : وايد اشتقت لج مريم : حبيبي بقولك شي فيصل : آمري ؟ مريم تقربت صوبه وهمست : انا حامل فيصل انصدم ما تحرك وطالعها وحظنها بقوة : يعني انا بصير ابوو مريوووم والله ان طلعتي جذابه بذبحج مريم تبعد عنه وتجابله : والله ما اجذب عليك انا حامل وفي الشهر الثالث فيصل : لا والله وانتي من ثلاث شهور حامل وما قلتي ؟ مريم : ما ادري خفت انني أقول فيصل تقرب صوبها : انا من زمان أبا بيبي ومن حبيبتي بعد Cut... . . . شوق : اليوم ما شاء الله كانت طالعه قمر صالح : لازم قمر منو ولد عمها مب انا شوق : الحين ولد عمها شو يخصهه صالح : من نفس العايلة المهم اليوم ولدج خبل فيني شوق : هههههه عسب شوي تحس فيني صالح : قالوا عني خدامة تركض وراه شوق : هههههههههههههههههههههههههه صالح : تضحكين يا حيوانه البنات وينهم ؟ شوق : بيباتون عند بيت عمك سعيد صالح : خليفة قالي انه طاردينه من العصر عشان كل البنات في بيتهم شوق : هههههههههه بس والله شي حلو بتعرس وجي بس عمك وايد مستعيلل يعني الجمعة الملجة صالح : عاد انتي تدرين عمي سعيد ان قال كلمة تتنفذ من دون نقاش شوق تتلحف : الله يعينهم يلا انا برقد صالح تقرب صوبها ورقدها بحظنه وشوق مستانسه لانه يمسح على شعرها .. . . . : بنات نبا نطلعع صالحة : انتي بعدج خبلة ما عقلتي اليوم ؟ : لا حبيبتي ولا بعققل المهم أبا اططلع نورة : وانا بعد بس الحين الساعة 3 منو بيطلعنا : الدريول موجود سليمة : لا الدريول باجر بيخبر علينا وبتصير سالفة سمية : عيل منو بيطلعنا ؟ شيخة : بنات نسيتوا انني اعرف اسوق سليمة : بس بدون ليسن : افففف عادي انزين اهم شي اطلع ان شاء الله ممشي نورة : ووين تبين تروحين منو فاتح الحين ؟ : باججر ما بنروح مدرسة ويعني على الساعة 6 احنا طالعيين واللي بترقد ما بنقومها سليمة : انززين الحين بنجوف فلم وعقب يصير خير سمية وهي ماسكه الريموت وتطالع التلفزون: يلا بنات هذا شكله حلو وانسدحنا كلنا وقعدنا نجوف الفلم كان وايد يخووف بس احنا عادي عندنا وايد نجب هذي الأفلام . . . زايد قام على صلاة الفير وقومهم وياه وراحوا يصلون وخلصوا وفي طريقهم للفندق .. خليفة : شباب الحين كيف ارد البيت أبا أسبح حمدان : بالسيارة خليفة : يبالك كف انته انا اقصد انه البنات كلهم في بيتنا وعيب انا ادخل زايد بفتح باب الشقة : خلاص انت اددخل الحمام واسبح وألبس كندورة من عندي حمدان : كلنا نفس القياس وخذ احلى كندوره زايد : انا الصراحة ما اروم اداوم بتتصل في سوزان اقولها خليفة : بعد عيني عينك تقول ترمسها جدامي زايد : يا ريال هذي السكرتيرة شو أبا فيها خليفة : خلاص انا بدخل اسبح وعقب بنطلع نتمشى حمدان : زين انا بعد ما بداوم خليفة : انا برتاح أسبوع وعقب الملجة برد للدراسه والعذاب زايد : ادخل اسبح بسرعة ولا تتأخر . . . : بنات خلاص انا ما اروم اطلع نورة : ومنو اللي حاشرنا أبا اطلع لحفت ويهي وبهدوء : تعبانه وابا انام العصر بنطلع سمية تخوز اللحاف : انتي بلاج ؟ وانا ادمع : مافيني شي بس أبا انام سليمة نقزت صوبي : ارمسي شو فيج ؟ وانا اصيح : مابا اعرس ما اباه شيخة تقربت صوبي وحظنتني : خلاص انزين لا تصيحين نورة تقربت وقعدت جدامي وانا راسي في حظن شيخة وجابلتني .. نورة : انتي ما تبينه ؟ هزيت راسي : هيه نورة : تدرين انه ربيع خليفة ؟ : هي نورة : سمعتي عنه شي ؟ : لاء نورة : جفتيه ولا سمعتي انه يغازل في المول : لاء واصلن ما اعرف عنه شي البارحة بس دريت انه ربيع خلوف شمة : عيل ليش ماتبينه ؟ : لانني أبا اكمل مستقبلي شمة : لو قلنا لهم هذا العذر محد بيسويلج سالفه هم يبون عذر مقنعع : يعني شو تبوني أقول عنه عسب ما اخذه اصيلة : ومستحيل تجذبين عليهم مثلا وتقولين انه يغازل ولا يرمس بنات لانه الكل يعرف عنه وسمعته اهم شي عنده : اففففففف انا ماباه افهمووا شمسة : عمي مستحيل يقولهم خلاص مانبا نورة : واصلن هو من متى سمع عياله وفهمهم : يعني شو مافي امل انه ما ياخذني دلال : والله انتي سخيفة يعني منو يرفض ولد ناس وعز وعنده بيزات سمية : ياترمسين مثل الناس ياتسكتين : وهذا اهم شي عندج الفلوس دلال : هي بعد شو عيل تبيني اصيح وأقول مابا اصيلة تغير السالفه : خلاص انزين حبيبتي المكتوب بيصير واحنا ما نقدر نغير شي : المشكلة انه امايه بعد يعني عادي عندها شمه : خلاص حبيبتي واحنا بعد بنوقف وياج ومستحيل نخليج نورة : بنات اشتقت ليدوه ويدي : وايد اشتقت لعيوزتتي شمة : ماعليه بخبر عليج عسب تأدبج عطيتها بوسه : حبيبتي شموه عاد مايصير تفتنين ماحلو جيه شمه : هي تمصلحي الحين : هههههههه اليوم شو ؟ سليمة : الاثنين : فديتها يوم الخميس بيردون سمية : والله وناسه راحوا العمرة احلى شي : والله لو إجازة كان رحت وياهم شمه : عاد يوم الجمعة كلنا بنجتمع نزلت راسي : يوم الخميس لانه الجمعة ملجتي نورة : خلاص حبيبي ان شاء الله يسعدج والله لو ضايجج قولي بعلمه الادب شمه : بقول لوليد يخسه بالروب سمية : لاعاد الروب قوييه تذكرين لما خيس سلطانوه لو يدوه ما هددته كان صافع وليد طراقق سليمة : والله انه مب هين أفكار بعد : بنات بننزل تحت بنسوي ريوق البنات : يلا فوقها . . . مريم : فيصل يلا عاد انا تعبت من ساعة اقومك فيصل : حبيبي بس دقيقه برقد مريم صرخت : أأأأأأأأأي بططني فيصل نقز : شوفيج ؟ اوديج المستشفى ؟ مريم : ههههههههههههههههههههه لا بس كنت أبا اقومك للدوام تراك تأخرت فيصل تقرب صوبها وهي خافت بساها على خدها وراح يسبح .. مريم : يالله يارب احفظه لي ولا تحرمني منه ومن حنانه وحبه مريم نزلت تحت جافت حميد منى يتضاربون وام فيصل وبوفيصل ياكلون ومطنشينهم ابتسمت وقعدت عندهم .. ام فيصل : هلا امايه شحالج ؟ مريم : الحمدلله عموه وانتي وعمي طمنوني على صحتكم بوفيصل : يسرج الحال بنيتي منى : انا بروح الحين عن اتأخر حميد : صبري شوي باكل هذي بس منى : يالله مب بطنن حميد : جب انزين لا اسبحج الحين بالجاهي فيصل نازل وابتسم وباس راس امه وابوه وقعد عدال مريم .. فيصل : امايه ان شاء الله جريب بتصيرين يدوه بوفيصل نزل الجريده : ككيف يعني حرمتك حامل ؟ منى : مريووم انتي حامل بصير عموه ووناسه حميد باس راس فيصل : الحمدلله بصير عممي جريب يعني ام فيصل : يعني خلاص انا بصير يدوه بيون يهال هني حميد : والله لو طلع جذب بسبحكم بالجاهي فيصل : والله العظيم يعني انا اجذب عليكم مبروكين ام فيصل تمسح دموعها : الحمدلله فرحتني ياوليدي الله يفرحك دنيا وآخرة منى باست بطن مريم : فديتك حبيبي شد حيلك عاد واطلع لنا بسرعة مريم ابتسمت : هههههه يلا عاد روحي لااتتأخرين منى باست مرريم على خدها وطلعت هي وحميد .. . . . حمد : وينها بنتج بعد ؟ ام عبدلله : في بيت عمها عندد البنات حمد : لاوالله وليش راققده هناك ماعندها بيت عبدلله : هي راقده في بيت عمها مب حد غريب وبعدين انت شو يخصك عليك بنفسك وبس حمد : انزين وقولوا عقب حمد ما رمس راشد : ابوي كم مرة بيقولك نورة ما يخصك فيها حمد : ودي والله اذبحها واعلمها الادب والسنع مب كل يوم تروح بيوت الناس عبدلله : علم عمرك اول السنع والادب وبنات الناس مب لعبة عندك راشد : والله لو ابوي سمعك هو اللي بيعلمك الادب والسنع عبدلله : اسمع الحين تروح وياي الشركة وتداوم مثل الناس مب قاعد في البيت والرتب يوصلك حمد : يصير خير عبدلله : لو تأخرت ولا ما داومت بينقص راتبك وعاد بجوف عقب كيف بتاخذ هدايا للبنات اللوث راشد : استح على ويهك الحين بدل ماتحافظ على سمعه ابوي تروح وتراكض ورا البنات اللوث وآخر شي تقول نتسلى عبدلله : خاف ربك باجر بيصير في اختك ولا في بناتك راشد : هذا اذا وحدة قبلت في ماضيه الأسود والفاسد ام عبدلله : بسكم امايه من الضرابة حمد : امايه جفتيهم عيالج وريلج كله يطلعوني انا الغلطان راشد : وانت متى كنت صح ؟ عبدلله : هذا كله من دلعج الزايد ما اذكر انج دلعتيني انا ورشود راشد : والحمدلله طلعنا رياييل وحافظنا على السمعه واشتغلنا بس اللي ناقص نكمل ديننا ونتزوج عبدلله : الحين امايه يرضيج ولدج يلعب على بنات الناس اكيد انتي ما ترضيها على نوير حمد : تراكم ترمسون وتتفلسفون على الفاضي راشد : عبود قوم نروح الدوام تأخرنا والحمدلله احنا رياييل ونصح عشان تكون ريال وقد المسؤولية عبدلله : دقايق وان ما جفتك في الشركة ياويلك . . . نورة : انتي كيف بتطبخين لريلج ؟ : عادي كل يوم اكل من المطعم سمية : حرام عليج بتفلسينه سليمة : يمكن ما يحب اكل مطاعم وان شاء الله يأدبج ويخليج تطبخين غصب : يدقق راسه بأقرب طووفه شمسة : يالله من بدايه ضرابه : انزين يلا ناكل وقعدنا ناكل وعقب طلعنا نقعد في الحديقة رحت أقول للخدامة تسوي نسكافيه ورجعت قعدت عندهم .. دلال : انا ان شاء الله إعلامية سليمة : زين والله وانتي شمسة وين ؟ شمسة : انا داخله تخصص هندسة اتصالات غيرت السالفه : بنات وين تبونا نطلع اصيلة : نتمشى جدام البحر : لا بنروح مول أبا اروح ستاربكس شمسه : وانتي كله ستاربكس احنا ملينا منه : هذا عشقي المعشوقي المعشق اصيلة: بسم الله هذي أي لغة : اووه ربيعتي حنينوه متصله البارحة تحاتي وانا عاطتنها احلى طاف بتصل فيها الحين دقايق وبرد عندكم رحت بعيد شوي وهم قعدوا يسولفوا ويخططون ليوم الجمعه... : حنيين ؟ حنين : عيونها : تسلمي حبيبتي حنين : شحالج يالحيوانه ؟ : الحمدلله واننتي ؟ حرام عليج انشغلت انا البارحة حنين : ادري اصلنن يوم الخميس بطلع وياج سمعتتي بروحنا : يصير خير ليوم الخميس طلع صوت فوني انه حد على الخط.. حنين : انا مشغولة الحين ردي على الخط وعقب اذا قدرت بتصل : يلا حبيبتي فمان الله . . . ام علي : ياوليدي هي جميلة وانا رمستها وحبيتها وايد بعد علي : امايه الله يخليج سكري السالفه انا زواج مابا اللحين ام علي : اللي بعمرك عندهم عيال الحين علي : يعني تبين تغصبيني على الزواج ؟ ام علي : انا ما قلت بغصبك بس يعني انا أبا اجوف عيالك قبل ما اموت بوعلي : خلاص لا تجبرينه هو لو يبا بيقولج عقب اذا خذها وماتقبلها بيطلقها انتيب تتفشلين جدام الحريم خليه هو يختار البنت اللي يباها ام علي : على راحتك علي قام وباس راسها : فديتج والله انا بعرس بس جريب ان شاء الله ام علي : ان شاء الله عاد يكون جريب . . . : بنلعب سؤال وجواب شمه : يلاا انا اول وحدة : انزين قولي لمنو السؤال ؟ شمه : لج انتي : لي انا زين تفضلي شمه : لو ما تقبلتي ريلج ولا حبيتيه شوب تسوين ؟ : بطلب الطلاق على طول نوره : انتي خبله شو ؟ : خلاص انزين يلا دور منو الحين ؟ شمسه : انا سؤالي لنوير حبيتي حد ؟ نوره : يمكن مجرد اعجاب في اخو حور وخديجة : صددقق شي جميل الصراحة دلال : مواز لو اكتشفتي عقب انه زايد يحب وحبيبته هي وحدة تقرب له وبتسوي المستحيل عشان تاخذه شو بتسوين ؟ : لو يحبها ما بياخذني مثل ما تقولين وبعدين لو هي تباه عادي عندي لانني اصلن انا مابا اعرس فهمتي قمت على طول ورحت فوق غرفتي فوق وقعدوا البنات يلومونها وعقبها كلهم صعدوا فوق عندي ... اصارخ : يعني انتوا كنتوا تدرون انه يحب ولا وحده راضيه تقولي شمسه : مواز حبيبتي احنا ما كنا نقصد جي يعني تبينا نخرب فرحتج : ومنو قال لكم انني كنت مستانسه وفرحانه ؟ نورة : خلاص مواز برايها يعني شو تبينها ولو كان يحبها ما بياخذج : انا بقول لابوي انني ماباه وبقوله اننه يحب نورة : انتي خبله عشان دلول بتسوين جي ؟ : خلاص انا قلت اللي عندي وانا بقول لابوي وزين يمكن بعد افتك منهه شمه : حرام عليج اللي تسوينه انت يشو ما تحسين يمكن الريال يحبج ولا ما بيسويلج كل هذا : ما يهمني شي ما يهمني فلووسه اهم شي عندي مستقبلي اصيلة : خلاص بس اسكتي من تهدي رمسينا لانج بتذبحيني من كلامج هذا : يعني انتوا الحين عشان فلوسه طلعوا بررع سرعه نورة : يلا بنات احنا بنطلع وترانا قاعدين في الصاله ما بنطلع مكان : انا اتريا ابوي يرد وعلى طول برمسه شيخة : ما بنرد عليج لانه ندري اذا كنتي معصبة تقولين كلام عقب تندمين : ما بندم على شي زايد انا ما باخذه صالحة : بنات قوموا نطلع برع . . . مكتوم : بس هو يحبها حور : ويمكن هي ما تحبه مكتوم : انزين يعني عادي يجرب ويقولها حور : عادي بس لازم يتقبل ردة فعلها مكتوم : اففف والله احبها حور : واصلن انا ادري من زمان انك تحب بس ترمس عن شخص مجهول مكتوم خذ تلفونه : انزين انا طالع مع السلامة طلع بسرعه وهو يفكر فيها : انا لازم ارمسها اليوم . . . |
البارتت ححلو و طرر ،، احس انه دلال كانت تستهبل وموازز صدقت ع ططول ! احسس انه خلييفه بياخذذ نوررهه ! تسسلمينن ع البارتت و ف انتظارجج |
اقتباس:
تسلمين يالغاليه على ردودج وتفاعلج في الروايه وان شاء الله كل يوم بنزل , واذا مريت بضروف اعذروني على التأخير . |
بارت جميل . موزة اتوقع انها بتخرب كل شي وزايد يحبها زايد بيحزن وايد وبينقلب حاله الله يخليج خليهم يتزوجون وفي انتظار بارت رائع اليوم |
اقتباس:
اليوم وايد مشغولة اذا قدرت بنزله . |
مرحبا مليون ولا يسدن شحالج عساج طيبه اول رد لي لروااايتج واااايد حلوووه وحبيتها .. اتمنى لج التوفيق ، نتريا البارت الياي ومتحمسه وااايد وتسلم اناملج الجميييييله3> طولي البارررت اذا تقدرين =) وفي الانتظار ونترياج ^^ |
اقتباس:
مرحبتين , الحمدلله ومن صوبج ؟ نورتي يالغالية ,تسلميين حبيبتي , ان شاء الله اذا قدرت بنزله اليوم , من عيونني . |
ابدااعع استمري فديتج وفي انتظار البارت |
الروايه نايسسسسسس وححححلووووه متى بتكمليننن ؟ ننتظر !! |
البارت السادس البارت السادس . . . هزاع : خلود خالد : هها ؟ هزاع : ودني بيت عمي سعيد بسلم على خلوف خالد : رد من السفر ؟ متى ؟ هزاع : اليوم رد رمسته وعاد أبا اروح اسلم عليه خالد : وليش ما يخبرني الحيوان ؟ هزاع : يلا انزين ادخل فريجهم خالد : تدري من زمان ما زرتهم هزاع : صله الارحام يا ولد لازم ولا تقطعهم خالد : عاد بدا أستاذ إسلامية هزاع يفتح الباب : انا نازل ادقق الجرس خالد يبند السيارة ونزل ودقق الجرس هزاع .. نورة : يالله عاد الخدامة محد منو بيفتح الباب شمسة : انا الصراحة متعايزة اصيلة : انا بروح افتح شمه : تسوين خير لاننه عاد تدرين البنات عيايز وما يرومون صالحة تفرها بالمخدة : وليش ما قمتي انتي ؟ اصيلة : بروح قبل ما يحرقوونه راحت صوب الباب وعدلت شيلتها وفتحته ... هزاع انصدم منو هذي : أأأأ خالد : السلام عليكم اصيلة نزلت راسها : وعليكم السلام خالد : خليفة موجود ؟ اصيلة : لا مب موجود خالد : انزين عموه وعمي موجودين اصيلة مستحيه من نظرات هزاع : لا محد موجود هزاع : انزين مواز الدبه وينها ؟ انتي بروحج هني ؟ اصيلة : مواز فوق لا انا والبنات هني عموه وعمي في العزبه وخليفة عند ربعه خالد : خلاص اوك مشكوره سكرت الباب وركضت فوق الصاله وصارخت : يالله جممييل ما شاء الله عليه نورة : ايه انتي منو جفتي راعي الدكان ادري انه جميل اصيلة : والله اني جفت واحدد غاوي يالله شقد هو قمميل شمسه : جب انزين قولي منو هو ؟ اصيله : ما ادري بس ياي هو واخوه شكله يبون خلوف وعموه وعمي قلت لهم محد وعقب قالوا يبون مواز قلت فوق قالوا خلاص يوم ثاني بنييكم شيخة : انزين انتي حبيتيه ولا اخوه اصيلة : يالهبله يعني اكيد هوو نورة : اكيد حد من عيال عممي صالحة : انا بتتصل في ريم وبقولها كل شي نورة : لا بنات كيف نقولها جي شمه : ريم حبوبه يعني بنقولها عادي شمسه : لازم نقولها هاي خبله عادي تسويها قعدت عندهم : محد غيرج هبله وليش تتصلون وتعبون عمركم ما باخذه فهمتوا دلال : قوليله يخطبني عادي موافقه : لو سمحتي ما قلت لج ترمسين شمسه : لازم نتصل عسب تفهمين كل شي شمه اتصلت في ريم رمستها وعقب حطته سبيكر : ريم بنقولج سالفه ومانباج تزعلين : تفضلي واحنا خوات ومااقدر ازعل شمه : انا مسويه سبيكر كلهم يسمعونج احنا البنات بس نورة قالت لها السالفة من بدايه انصدمت ريم كيف طلعت غاصبيني على زايد وقالولهها كل شي ريم : مواز موجوده عندكم ؟ نورة : هي موجوده شيخة : ريموه ما ينفع الحين تقولين احنا الحين بنروح البحر تعالي هناك ريم : خلاص اوك بييكم ويكون احلى بعد صالحة : مانبا حد يدري في هذا الشي ريم : تطمنوا محد بيدري شمه : احن في انتظارج ريم : منو بيوديكم ؟ نورة : ماعندنا غير الدريول ريم : خلاص انا ربع ساعة وجدام الباب شمه : في انتظارج يلا فمان الله وسكرت وقفت وفريت المخده على شمه : ارتحتي يعني يوم قلتيلها ؟ شمه : بلاج انتي ؟ وهذا احسن حل ؟ : زين روحوا بروحكم ليش انا اروح وياكم مب لازم نورة : كلنا بنروح منها يمكن تعقلين شوي ونفهم كلنا السالفه شمسه : بسألج انتي يعني انتي خلاص من عرفتي انه يحب حصلتي لج عذر تقولين لهم : انا ما اقصد جي وانا ما بخرب من بينهم نورة : وبرد اقولج لو مايباج ما بيخطبج : يلا بنات بسرعة بنتلبس ما نبا نأخرها قمنا وكل وحدة قعدت تكشخ .. . . . لميس : اشتقت لخليل شيماء : خلاص انتي لازم تنسيينه لميس : ما اقدر افهمي انني ما اقدر كل يوم اجوفه يضحك ويسولف مع ربعه شيماء : في يوم جفتيه يكلم بنت ولا يضحك وياها هو مب من هذي السوالف لميس : بس انا احبه شيماء : ليش ما تعقلين الشباب ما يحبون البنت اللي زره ودوم ناشبه لهم لميس : بس انا احبه شيماء : الله يعينج انا ملييت كل يوم تطرين نفس السالفه في غرفة ميرة ... ميرة : اليوم بعد ما داوم اففف الله يعيني ترنن ترنن ترنن ترنن ميرة تجوف منو المتصل : افف هذا بعد متفيج يتصل ميرة : الوو منى : هلا ميروه شحالج ؟ ميرة : منووه شوي وبرمسج مشغوله الحين انا منى : على راحتج أي وقت اتصلي سكرت وفرت الفون على السرير .. ميرة : ودي اذبحها عسب يكون زايد لي انا وبس محد يشاركني قعدت تصييح ل ما رقدت .. . . . ريم : امايه بنطلع احنا البنات بس بنقعد على البحر ام زايد : زين عيل استانسوا خطيبة اخوج بتكون موجوده ؟ ريم : هي انا بمر عليهم وبنروح كلنا وما بنتأخر انزين ام زايد : ربي يحفظكم ريم باست راسها : يلا انا طالعه الحين بروح صوبهم طلعت ريم وركبت سيارتها وتوجهت لبيتنا اتصلت لنا قلنا لها انزلي .. شمه : خلصنا فديتج بس بلبس نعالي وبنركب السيارة دقايق بس ريم : اللي خلص تركب وياي السيارة والباقين اذا تأخروا بنروح عنهم طلعت انا وريم وشيخة وصالحه وسميه وسليمه وشمسه واللي بعدهم نورة واصيلة ودلال وشمه , انا على طول ركبت جدام والباقي ركبوا ورانا .. ريم : اللي تأخروا بنركبهم الدبه يتأدبون انا منزله راسي وساكته : ان شاء الله ريم تقرب وهمست : اذا عن زايد ترا انا كنت حاسه بس عاد حبيت هذا الشي انج قلتي وبعدين زيود حبوب والله : يصير خير ريم : يالحيوانة لابسه عباة ممفتوحة والله لو يدري زيود بيذبحج صالحة : هههه عيل خذي راحتج الحين عقب ما بنسمع لج حس لسانج بينقص شمسه : انا شاكه انه هي اللي بتغيره ريم : شو تقصدين بيصير خبل ولا مينون ؟ انا اطالعهم : شو تقصدون انا مينونه وخبيله ؟ شيخة : والله انتي ادرا بنفسج : خلاص سكتوا ريم قرصت خدي : زعلتي ؟ امسح على خدي : هذي الحركة بصفعج اذا عدتيها ريم : انزين اسمحيلنا زعلانه الحين انتي ؟ شيخة : وين هذي تزعل ويهها لوح ما تحس : الحين انا جي صالحة : هي بعد شو اذا سالفه تصيح انتي تضحين سميه : وماعندج مشاعر بعد : الحين انا جي ريم : صدمتوني الصراحة انا من جفتها قلت انها خجولة... سميه تقاطعها : هاي خجولة ؟ اصلنن عادي تجوفينها تسولف مع الخدامات : مشكورين ووايد بعد سليمه : اصلنن هم ما يقصدون وبعدين انتي العاقلة ومن دونج ما تكتمل الشله ولا شي ريم : واصلن انا ما اصدقهم سميه تقربت وباستني : والله امزح : اصلنن انا ادري ريم فتحت الجامه لنورة : حد قالكم تتأخرون يلا الدبه آخر شي مكانكم نورة : ونناسه الدب يلا فوقها ريم : يعني عادي ؟ انا قلت بتضاربي وبتدخلي داخل وبتحلفين انج ما تروحين : هههه تربيتي افا عليج ركبوا الدبه ودلال من بدايه مارضت وعقبها من طنشناها ركبت على طول .. ووصلنا البحر وايد مشينا وقعدنا في مكان بروحنا على شكل دائرة .. ريم : احم احم انا حبيت اجمعكم كلكم واقولكم سالفه الهبله سلموه قمت بس سحبتني نورة : خلج مكانج : مابا اسمع شي شمه : انزين بس اسمعي حرام عليج لا تظلمينه سليمه : انتي مب جي شو اللي غيرج ؟ ريم : انا ما بقولج انه زايد يحبج بس معجب فيج وهو كان يجوفج لما يكون في بيتكم عند خليفة ويجوفج لما تروحين عند حور وخديجة بس ما اهتم لقلبه اهم شي عنده انه يكون مميز بين الكل وهذا طموحه اهم شي عنده شركته وبس وخالو رمست امايه انه سملى لزايد وزايد لسلمى امايه تدري انه خالو وايد حساسه وبسرعه تزعل فوافقت بس محد يدري وبعد ما كبر زيود امايه رممسته وقالت انه بنت خالتك تترياك ولو تبا وحدة ثانيه انا ما عندي مانع زايد ما يبا سلموه لانها كانت قبل بس ترمس شباب وامايه بعد ماتبا سلموه لزايد لانها كله تكشخ كأنها رايحه عرس وزايد واختارج انتي بين كل البنات المعجبات اللي يموتون فيه شمه : اقتنعتي ؟ فهمتي ؟ : مابا مشاكل تصير بينكم نورة : تبيني اذبحج ؟ افهمي هو ما يباها : اذبحيني يمكن ارتاح وبعدين انا مابا اخذ واحد في وحده تحبه واكيد من هي وصغيرة وانا مابا مشاكل ريم : زايد بيحطج في عيونه والله كل يوم يرمس عنج : احسن ينساني واصلن هو ماحبني عشان ينساني ريم قامت : انا بروح الحمام والله يخليكم اقنعوها نورة : انتي هبله ولا تستهبلين ؟ : الثانيه احلى نورة : خلي سخافتج بصوب وارمسي شمه : ما توقعتج جي : انا قلت لكم طيبه في كل شي وعلى نياتي الا اذا في حد خرب مستقبلي نورة : حرام عليج اخته هي اخته كيف ترمسين عنه جي ؟ شمسه : منو قال انه بيخرب مستقبلج ؟ ذليتينا بهذا المستقبل : انا برمس ابوي يعني برمسه نورة : لو اقدر كان ذبحتج هني ودفنتج . . . هزاع : اباها خلود اباها خالد : ما شاء الله عليها بس هي بنت منو ؟ هزاع : برمس الدبه مواز خالد : لا تسبها ورمسها بإحترام بتقولك كل شي هزاع : بس هي مب متعودة ارمسها باحترام خالد : رمسها انت هزاع : الحين هي عندها باجر الظظهر بتصل فيها خالد : تذكر أيام والله القروب بس كل حد طلع منه صح ؟ هزاع : كل حد تزوج وطلع منه خالد : اشتقت وايد ليدوه ويدي هزاع : فديتها بتصل فيها ترنن ترنن ترنن ترنن .. هزاع : السلام عليكم يدي : وعليكم السلام والرحمه هزاع : فديت صوتك شحالك يدي ؟ طمني عليكم ؟ يدي : والله الحمدلله ملعوزتنا يدتك كل يوم في سوق هزاع : الله يعينك انت ونصور يدي : وهذا نصور طالع مع ربعه مخلني ويا يدتك هزاع : هههههههههه وانا أقول البنات طالعين على منو يدي : شحالكم انتو ؟ وطمني على مواز فديتها ؟ هزاع : يعني لازم مواز قول البنات لو يسمعونك بيزعلون يدي : لا عاد هذي الغاليه على اسم امايه الله يرحمها هزاع : يدي مواز خطبوها يدي : اصلن انا ادري قبلك وانا اعرفهم وزايد يستاهل مواز هزاع : يوم الخميس ان شاء الله انتو في البلاد ؟ يدي : هي ان شاء الله الظهر بنكون في المطار هزاع : توصلون بالسلامة يارب يدي : يالله عيل يابوي ارمسك بعدين وسلم عليهم كلهم هزاع : يوصل يالغالي وربي يحفظكم . . . سلمى : ليش ما رحتي وياهم ؟ بتجوفين خطيبة اخوج حبيبتج سارة : تدرين عندي شغل الجامعة لو كان ما عندي شي ما بترياج سلمى : اكيد هي ساحرتنكم وجافت زايد سمعتته وين واصله وعنده شركات وفلوس سارة : تصدقين احلى سحر بعد اشكرها انها سحرتنا لأننا وايد حبيناها سلمى : عشان فلوس بتسحركم سارة : غلطانه حبيبتي تذكرين لما قلتي لي انج تحبين زيود عشان فلوسه سلمى : اصلن الحين الزمن بفلوس سارة : تقدرين تغيرينه بالحب سلمى : انا حبيته والله حبيت اخوج سارة : اول مرة اجوف وحدة تحب وترمس شباب أي قلب هذا سلمى : انا بس رمستهم بعد مب من الفون سارة : اهم شي انج رمستيهم سلمى : تقهرين وايد سارة : أبا اخلص شغلي ممكن برع سلمى : الله يا الدنيا الحين تطرديني . . . حور : مكتوم أبا اطلع مكتوم : وين تبين تروحين ؟ حور : أي مكان مكتوم : مافي مكان اسمه أي مكان حور : خلاص وداني عند البنات في البحر مكتوم : بتردين وياهم ولا امر عليج حور : لا ريماني مودتنهم وبتردني في طريجها مكتوم : قومي خدوي وياج حور : ان شاء الله تلبست هي وخديجة ونزلت تحت قالت لها الخدامة مكتوم يترياهم برع مرت على أمها وطلعت وصلهم البحر وروح على طول مايبا يجوفها لانه تعب وايد حور : السلام عليكم البنات : وعليكم السلام والرحمة حور : مواز حبيبتي قمت وحظنتها : فديتج حبيبي اشتقت لج حور قعدت وقعدتني عدالها جافت حد يقرب صوبنا .. حور : شحالج يالغاليه ؟ : الحمدلله على كل ححال حور قامت ومسكت ايدي : احنا بنروح نتمشى صوب البحر خديجة : عاد اذا انتور حتوا شو يرجعكم ؟ حور : ما بتأخر . . . حمدان : محد جبرك تدرس برع خليفة : لانه شهادة برع توظفنني على طول زايد : تعال عندي الشركة بشغلك مدير قسم خليفة : انا ما احب الشركات وشغلهم حمدان : وشو تخصصك ؟ خليفة : طب زايد : الدراسه هني وايد حلوه وبعدين تكون جريب من اهلك خليفة : انا كنت أبا ادرس برع حمدان : لا زين يعني انت دارس برع اذا مرضت بتعاجلنني خليفة : لا ان شاء الله بفتح لي عيادة خاصه زايد : زين والله ربي يوفقك ترنن ترنن ترنن ترنن .. زايد : ألوو ؟ ريم : زيود ابتعد شوي عنهم بقولك شي زايد : قولي بسرعه ريم : خطيبتك زايد ابتعد شوي : شو فيها ؟ ريم : ما ادري منو قال لها انك تحب وانك خذتها عشان ابوك بس وقالت بترمس ابوها زايد : شووو؟ ريم : من ساعه قاعدين نرمسها مب راضيه تسمعنا زايد : تتوقعين سلموه قايله لها ؟ ريم : انا ما ادري منو قايل لها زايد : انتي وين الحين ؟ ريم : في البحر زايد : مع منو ؟ ريم : احنا البنات بس زايد : لا والله وبعد تقولي البنات بس ريم : كنت أبا افهمها يعني وجي زايد : من متى وانتو طالعين ؟ ريم : من بعد صلاة العصر زايد : يصلون المغرب انتو في البيت ريم : لا بنمر على ستاربكس زايد : قلت البيت وبتصل في امايه وبجوفكم اذا رديتوا ولا ريم : مواز تبا تأخذ لها من ستاربكس زايد : ما تمرون مكان ريم : زيود حرام بس تبا تأخذ لها موكا وعلى طول بنرجع ما بنتأخر زايد : زين بس اذا عرفتي منو قايل لها رمسيني رييم : نوير منو اللي قايل لها ؟ نورة : هذي دلالوه الحيوانه ريم : منو هذي دلال ؟ شمه تأشر على دلال واقفه جريب البحر : هذي بنت عمي زايد : لا حول ومن وين طلعت هذي بعد ؟ ريم : اكيد رمستها سلموه زايد : قعدي كلميها بروحج ريم : من عيوني زايد : الحين هي وين ؟ ريم : تتمشى هي وحور زايد : ارمسج عقب ريم : فمان لله وسكرت .. نورة : اول مره اجوف مواز جي تتصرف شمسه : يمكن لانه أهلها غصبوها نورة : بس بعد يعني ما تسوي جي اصيله : خلوها يمكن بعد الملجة ترمسه وترتاح وتعقل نورة : ان شاء الله ريم : بنات انا بردكم البيت عقب بوديها ستاربكس وبرمس وياها وان شاء الله تفهم الموضوع سليمة : يعني ما يصير نروح وياكم ريم : لا بنكون بروحنا احسن سميه : خلاص اوكك . . . محمد : حبيبي ؟ ريم : ها بابا محمد : انتي منو رمسج ؟ انا اقصد امج ريم : الحين هذي حبيبك وانا منو ؟ محمد :ههههههه انتي قلبي سلامه : انا هذي ما اقدر عليها كيف عيل اللي في بطني محمد : لا بتقدريي.. كيف يعني اللي في بطنج ؟ سلامة : يعني انا حامل محمد وقف جدامها ومسك بطنها : يعني هني في بيبي ؟ سلامة : هي حبيبي في بيبي وجريب بيطلع بعد ريم : ماما يعني بتيبين بيبي ؟ محمد : هي حبيبي ماما فيها بيبي ريم : لو طلعت بنت كله بضاربها ولو ولد بحبه محمد : ليش يعني ؟ لو ضربتيهم انا بضربج ريم : انا أبا ولد سلامة : مب على كيفج ريم طلعت : هي كيفي . . . حور : بنات العايله كلهم متخبلين وانتي تقولين ما تبينه ؟ : انا ما قلت ماباه بس أبا اكمل مستقبلي حور : في حد فبالج ؟ : لا محد بس بعد مابا اتزوج الحين حور : جربي شو بتخسرين : حور افهمي الزواج مب تجربه وعقب اتطلق حور : انا ما اقصد جي واصلن زايد ما بيرفض انج تكملين دراسه جربت منا ريم : يلا بنات بنروح حور : ليش ؟ ريم : زيود اتصل وقال انرد البيت : انا قلت لج بمر اخذ لي من ستاربكس ريم : بوديج بس لازم الحين نروح حور قامت : يلا عيل وصلنا صوبهم ومشينا لسيارة وانا طبعا قعدت جدام والبنات يضاربون .. ريم : انا بنزلكم البيت وبعدين بنروح انا ومواز المول حور : وصلينا احنا اول عشان ماما بروحها في البيت ريم : من عيوني دخلت فريجهم لانه بيوتهم جريبه من بعض وقفت جدام بيت حور ونزلوا وطلعت من الفريج ووصلت البنات بيتنا ورحنا نتمشى .. ريم : مواز ؟ قاعدة على الفون : هممم ريم : خلي عنج الفون وارمسي وياي اطالعتهها : امري ؟ ترنن ترنن ترنن ترنن .. ريم : ألوو ؟ زايد : انتي وين ؟ ريم : نزلت البنات بيتهم والحين بنروح المول ووعقب بنرد زايد : انتي ومنو ؟ ريم : انا ومواز زايد : حد وياكم ؟ ريم : لا بس انا وياها زايد : زين عيل لا تتأخرون ريم : فمان لله وقفت في باركانت المول ونزلنا وخذت لي من ستاربكس وركبنا السيارة وصلتني جدام بيتنا .. ريم : مواز ؟ : عيونها ريم : لا ترمسي ابوج والله انه زايد طيب وبتحبون بعض وانا وايد مستانسه انه اختارج : لا تحاتين انا اصلن ما اقدر ارمس ابوي وانا متأكدة لو رمسته بيقول لو يحب ما بيخطبج ومستحيل يردهم ريم باستني على خدي : فديتج رمسيني قبل لا تنامي : من عيوني ريم : مع السلامة . . . عبدالعزيز : ملل وايد عمر : وين البنات ؟ عبدالعزيز : من يومين وهم في بيت عمي سعيد عمر : ووين محمد وسلامه ؟ عبدالعزيز : اكيد فوق وحمود مستانس حرمته حامل عمر : بسألك امايه شو كانت ردة فعلها ؟ عبد العزيز : الله يسلمك ما كانت مستانسه . . . محمد : امايه ابويه حرمتي حامل بومحمد : مبروكين عقبال ما تفرحنا في الثالث والرابع سلامة : لا عمي اصلن ريموه مب قادره عليها من لسانها الطويل كيف بقدر على الثالث والرابع ام محمد : اكيد بيكون لسانها طويل طالعه على اهلج بومحمد يغير السالفه: كلنا حولج وريموه بنتي ام محمد : يالله ليش فرحان جي ؟ عادي هو الثاني يعني محمد : بصير أبو للمره الثانيه بومحمد : عقبال ما تصير يد محمد : اميين يارب ام محمد : انا بروح بيت ام فاطمة محمد : الله يحفظج . . . عمر : كنت متوقع عبدالعزيز : أقول خبرني شوا لسالفه سلامة نزلت : السلام عليكم عمر : عقب عقب بقولك سلامة : اذا عندكم سالفه عادي انا برد فوق عبدالعزيز : لا الغاليه قعدي ما عندنا سالفه عمر : مبروكه وبصير عم للمره الثانيه عبدالعزيز : عاد ريموه كرهتني في اليهال بس فديته اكيد بيكون غير المولود اليديد سلامه : بعدي عاد انا الحين في الشهر الثالث ريم دخلت الصاله وهي تضحك .. عمر تقرب منها ورفعها فوق : شو مسويه ؟ ريم : عممي ما سويت شي انا بس هو ضربني عمر : منو هو ؟ ريم : سلوم اللي بيتهم عدالنا عبدالعزيز : الحين امهم بتضربج ريم : عمي نزلني والله بطيح وما تقدر تضربني عمر نزلنا وقعدها فوقه : انتيل يش ما شطورة ؟ ريم : لانه ماما ماماتي عبدالعزيز : هههههههههههههههههههههههههههههههههههههههههههههههههه هه عمر : ههههههههههههههه منو معلمنج هذا الكلام ريم : خالو تقول لماما لانج انتي اختي سلامة : وانتي ليش تسمعين رمسه الكبار مب عيب ؟ ريم : لا انا كنت ألعب بالايباد وسمعتكم عبدالعزيز : عيونج في الايباد واذنج عندهم ريم : لا هم يرمسون بصوت عالي سلامة : روحي قولي للخدامه تبدل عنج عمر : خليها تلبسج ملابس حلوه بطلعج ريم ركضت للخدامه تصارخ عليها .. عمر : ربي يحفظها سلامة : وين تبا تطلعها ؟ بتخبل فيك عمر : بنتمشى وبنرد ما بنتأخر وان خبلت فيني بفرها من الجامة سلامة : ههههههههه حرام عليك انا أبا بنتي عمر يصارخ : ريموه بروح عنج ريم تركض صوبه : حلوه صح ؟ عمر : ما شاء الله عليج اللهم لا حسد روحي عند امج تقرا عليج عن العين بعد ريم : عممي تتطنز؟ عمر : امشي جدامي لاغير رايي سلامة : ربي يحفظكم . . . #اتريا توقعاتكككم شجعوني شوي وانتو ترمسون عن الشخصيات وأشكر كل الردود لاننها والله تحمسني وتشجعني وشكراً . |
ححلوو البارتت ، ام محمد : قهرتني هذي مرت ولدها وجي اتسوي فيها ! اككيد ف سبب وراها سلامة : وحليلها طيبه ع نياتها عبدالعزيز و عمر : لا تعليق بو محمد : ططيب هالانسان دلال : قهرتني يوم قالت لمواز عن زاييد مواز : لازممم اتصدق زاييد و انهه هو يباها لو م يباها جانن م خطبها ريم و سارهه : عيبتني شخصيتهم و انهم كذا وايد ويا مواز و يحبونها زايد : احسها واييد عصصبي بس ططيب هزاع : حلوهه شخصيته و احس انه بيخطب اصيله سلمى : حسيت انها كريهه و بعد بتخرب ع مواز و زاييد وبتسوي مشاكل لميس : ترااا الريال م يحبججج ليش عاقهه عمرجج عليهه ! المهمم ادري تفلسفت واييدد !! تسسلممينن ع البارتت الححلو و ف انتظاررجج |
البارت السابع البارت السابع . . . ام مكتوم : يا مرحبا نور البيت بومكتوم : وين عيالج ؟ ام مكتوم : فوق في غرفهم ازقرهم ؟ بو مكتوم : لالا ام مكتوم : انزين احط لك العشاء ؟ بو مكتوم : لا مابا متعشي برع ام مكتوم : على راحتك بو مكتوم : انا بروح ارقد محد يقومني ام مكتوم : ان شاء الله . . . شوق : حبيبي ؟ صالح : عيونهه شوق : أبا اروح باجر مع البنات دبي صالح : ليش ؟ شوق : بياخذون للملجة صالح : شموه قالت انها خذوا لهم فساتين شوق : هم بيروحون عشان يعني شغلات وجي وانا بروح اخذ لي فستان صالح : منو بيوديكم ؟ شوق : ريموه صالح : منو هي ؟ شوق : ريموه اخت زايد ريل مواز بنت عمك سعيد صالح : وبنات بروحكم ؟ شوق : يعني منو متفيج يروح ويانا صالح : بنات بروحكم ماشي شوق : ليش ؟ صالح : لا والله يعني بنات يروحون دبي بروحهم ؟ شوق : حبيبي مرة وحدة بس صالح : ولا مره شوق : يعني ما بروح ؟ صالح : كيف عمي سعيد واقف مواز تروح ؟ شوق : الله يسلمك مواز من تقوله بتروح عشان الملجة عادي عنده صالح : ماشي لا انتي ولا مواز ولا شموه ولا كلكم اصلن شوق : كلهم وافقوا ليش يعني انت بترفض ؟ صالح : انا بوديج عقب شوق : متى ؟ كل يوم انت دوام ويوم الخميس يدتك ويدك بيرجعون وبتتجمعون في المزرعة ويوم الجمعة الملجة قول يعني متى بتوديني ؟ صالح : قلت بوديج خلاص عاد شوق : انا ادري كل يوم بتقول باجر وفي يوم الملجة بتقول انتي وايد عندج صالح : يعني في بوظبي ماشي فساتين ؟ بس في دبي شوق : لا يعني هناك فساتينهم اكشخخ واحلى صالح : وهني بعد احلى شوق : خلاص اصلن انا مابا اروح لا وياهم ولا وياك ولا احضر المللجة بعد صالح وقف وتقرب صوبها وحظنها من ورا : فديتج والله بس انا بعد أخاف عليكم بنات يروحون بروحهم شوق : يعني كل حد وافق الا انت صالح : انزين بفكر لباجر شوق : انزين قول تمم صالح : شو بعد ؟ شوق : أبا اروح الحين عند البنات وباجر بروح وياهم دبي صالح : لا والله شوق : يالله حبيبي عشان تشتاق لي صالح : اذا تبا شي بتقولي كلام حلو شوق : شو تقصد يعني مصلحه ؟ صالح : انا ما قلت جي انتي بروحج قلتي شوق : يالله ببتأخر على البنات انا من ساعه قايله لهم صالح : وبعد متفقه وياهم يعني وانا آخر من يعلم شوق : حبيبي عاد ادري انك ما بتردني صالح : انزين بس اليوم وباجر مب أكيد تروحين وياهم شوق لبست عباتها : يالله عيل انا من ساعه اتريا هذي الكلمة وباجر يصير خير صالح : يعني انتي مخلصه امورج شوق : فديتك والله بعد قايله لعموه وعمي صالح : انزين وجمانة ووليد شوق : جمانة تترياني تحت ووليد خله عندك صالح : عيل ليش يايه تقولين لي ؟ دام كاشخه وخلاص شوق : يالله حبيبي عاد لازم نستأذن صالح : الحين بعد ما خلصتي شوق : بنزل انا صالح خذ سويج والفون ونزل تحت .. . . . مريم منسدحة وفيصل قاعد جدامهها .. فيصل : لو بنت ملاك مريم : ولو ولد نهيان فيصل يمسح على بطنها : مب مصدق للحين مريم : حبيبي ان شاء الله جريب بتصدق وهو في حضنك دخلت منى : السموحة خربت عليكم بس امايه تترياكم تحت تعالوا عشاء فيصل : انتي ما تعرفين تدقين الباب منى : لا ما اعرف فيصل فر عليها الكلينكس : مالت عليج يالبقرة منى مسكت : ما تعرف تفر عدل ومحد غيرك يالثور وفرت عليه وياه على راسه وركض وراها وهي تركض لتحت .. مريم ابتسمت : فديتك والله ربي لا يحرمني منك . . . بوزايد : يمعه اهل مب لازم احنا نحضر بوخليفة : وانتو أهلنا ولازم تحضرون وامايه تبا تجوفكم وتتعرف عليكم وبعد ابويه وعاد هاي حفيدته الغاليه ولازم يجوفكم بوزايد : انا برمس ام زايد والعيال وان شاء الله يوم الخميس جدام بيتكم بوخليفة : اقولك طرش لي رقم بوميرة بوزايد : ان شاء الله بوخليفة : تامر بشي ؟ بوزايد : بغيت اسألك البنيه متى بتخلص بوخليفة : هي اخر فصل يعني عقب أسبوعين وعقبها امتحاناتهم وخلاص بوزايد : زين والله لأننا ما نبا نأخر العرس بوخليفة : لا ليش وبعدين عقب شهريين العرش شرايك ؟ بوزايد : خلاص تم بس بشاور الولد بوخليفة : ورد علينا عقب بوزايد : ان شاء الله بوخليفة : يلا عيل فمان لله بوايد : فمان كريم . . . صالح : انا بدخل قوليلهم يتغطون شوق دخلت : ان شاء الله دقايق وادخل دخلت شوق وسلمت علينا خذت عنهاا جمانة وقعدتها في حظني شوق : بنات تغطو صالح بيدخل يسلم : صبري نوروه روحي يبيلي شيله نورة : انزين وتغطينا كلنا ودخل صالح .. صالح : السلام عليكم الكل : وعليكم السلام والرحمه : هلا بولد عمي شحالك ؟ وينكم مما نجوفكم الا يوم اليمعه يعني صالح : والله انتي لا تتصلي ولا تعزمينا : لا والله اللي اعرفه هذا بيت عمكم مب بيتي وحياكم في أي وقت صالح : مبروكه وعاد زايد انسان محترم لا تخبلي فيه بطوله لسانج : كل واحد رمسني يوصيني عليه روحوا بعد رمسوه صالح : واثقين انه بيحطج في عيونه واحنا نعرفه : خير ان شاء الله صالح : يلا عيل انا بروح ومواز حرمتيه بتكون عندج يعني لا تخبلي فيها : يصير خير ابتسمت صالح : انتي بعدج ما عقلتي ؟ : تدري بعقل يوم بتودوني المستشفى عشان اربي صالح : يالله على سخافتج السخيفه : جب جب نورة : افا ولد عمي يعني ما تسلم علينا ولا كله حبيبتكم مواز صالح : نوروه انتي هني ؟ السموحه ما جفتج نورة : اكيد ما بتجوفني وبس حبيبتكم صالح : شو نسوي من كثر ما يدي يوصينا عليها ومن حبه لها لازم بعد نورة : وعاد يعني ما يسأل عننا اول ما نرمسه مواز شحالها ؟ لا تخبلون فيها وهو ما يدري انها هي اللي مخبلتنا : حرام عليج وبعدين كل هذا غيره نورة : عاد نغار منج انتي ؟ صالح : اشحالكم بنات ؟ شمه : وأخيرا عطيتنا ويهه صالح : شموه جب انتي من يومين وينج البيت هادي شمه : ادري انكم عايشين بكآبه وحزن وهم خلاص يوم اليمعه بروح صالح : مب بكيفكم شمه : يصير خير اخويه البيت لنا الحين صالح : عميه وخالتيه وينهم ؟ : من يومين في المزرعه صالح : وانتو بنات بروحكم ؟ : هي ولد عميه صالح : يلا عيل اخليكم على راحتكم بعد شو نسوي ندري انج بتخبرين يدي اذا هزبناج : زين انك تدري كل شي بقوله عشان يهزبك صالح : ما بيصدقج يدري انني العاقل : لا ابوي انا حبيبته لازم بيصدقني وبيجذبك صالح : يلا بنت عمي فمان الله : هههه احسن لك فمان كريم وطلع وقعدوا البنات يسولفون وانا بس ألعب مع جمانه .. . . . في يوم الخميس .. خليفة : بعد لثلاثه اذا ما نزلتي رايح عنج انا : خلوف حبيبي اصبر شوي خليفة : اخرتينا وبعدين ريلج برع يتريانا امايه وابويه وكلهم راحوا : والله محد غصبه انه يتراينا وانا ما بركب السيارة اذا هو فيها خليفة جريب من الدري ويصارخ ودخل زايد يبا يروح الحمام سمع كل شي وطلع بهدوء وسكر الباب وحرك سيارته وراح .. خليفة : عيب محد يقول هذي الرمسه وبعدين هو باجر بيصير ريلج وانا ما بقدر أقوله شي نزلت من الدري : خلاص انزين يلا نروح بس هو بسيارته خلييفة : امشي جدامي سرعه : انزين يلا طلعنا برع ما جفنا سيارته خليفة اتصل فيه قاله انني مشغول روحوا وانا بلحقكم.. خليفة : ارتحتي ما بيروح ويانا انشغل : احسن بعد ركبنا السيارة وتوجهنا للمزرعه وهدوء بس صوت المسجل على قرآن , ربع ساعه ووصلنا المزرعه ودخلنا داخل كانوا وايدين هناك ربع يدوه بعد موجودين والكل موجود , كانت المزرعه فيها خيمتين صغار مفتوحه وحده للحريم والثانيه للرياييل وكان فيها بيت كبير في وسط المزرعة وفيها مسبح وعلى صوب في حيوانات وفيها ملعب للرياضه وللكوره وعلى صوب في مكان وايد أشجار كبار هذي مكان قعدتي انا .. تقربنا انا وخليفة صوب الحريم عشان نسلم على يدوه .. يدوه قامت وحظنتني وقعدت تصيح : فديتج يالغاليه والله اني تولهت عليج انا دمعت : افداج يابعد روحي انتي وانا بعد اشتقت للج يدوه : اشحالج امايه شخبارج ؟ : الحمدلله يالغاليه وانتي اشحالج ؟ يدوه : دام جفتج وتطمنت عليج اكيد بكون بخير : احبج يدوه عسى ربي ما يحرمني منج نورة : يالله عاد يدوه احنا لما سلمنا عليج ما قلتي لنا يدوه : من غلات يدج حبيناها وانتي تدري انج يدج ما يرضى عليها خليفة تقرب من يدوه وحبها على راسها : امايه اشحالج ؟ ما تولهتي علي ؟ يدوه : الحمدلله يوليدي اكيد تولهت بس انت متغرب برع خليفة : انا في الغربه ادرس عشان ارفع راسج انتي ويدي وارفع اسم العايله يدوه : فديتك يالغالي هذي تربيت يدك خليفة : وتربيتج انتي بعد : انا بروح اسلم على يدي ما رحت له لانني وايدين جفت هناك خلوف قولهم درب لو سمحت خليفة : يالله تعالي وياي رحنا صوب يدي ووايدين كانوا عنده شواب وشباب .. خليفة : درب درب البنات يبون يسلمون على يدي يدي وقف وتقرب من خليفة وجافني واقفه وراه : مواز تعالي حبيبتي تعالي تقربت صوبه وحبيت راسه وحظنته نزلت دموعي : يدي حبيبي اشتقت لك يدي : يالله ليش هذي الدموع عيل انا رايح لبيت الله أسبوع وصحتي كيف عيل لو رحت عند ربج ؟ زاد صياحي : لا تقول جي وانا مالي حياة من دونك يدي : قومي يالغاليه روحي غسلي ويهج وروحي قعدي عند الحريم جوفي وايدين ريايل هني زين جي يجوفون دموعج يالله حبيبتي روحي فديتج خليفة سلم على يدي وقعد وياهم انا ابتعدت عنهم ورحت غسلت ويهي ورحت صوب الحريم سلمت عليهم وقعدت صوب البنات .. : بنات تعالو بنقعد برع نورة : يلا قوموا قعدنا كلنا ونسولف وكل شوي يطرون سالفه الملجه وانا اغيرها .. سلمى تقربت مني وقالت : عيل وينه زيودي ؟ ريم : أي انتي احترمي نفسج اسمه زايد من زيودي سلمى : والله انا كيفي زيودي ان شاء الله أقول حبيبي ريم : هي جدامنا بينيي قوتج بس والله لو هو موجود لسانج ما بتطلعينه ميرة تطالعها بإحتقار : صدق بنات آخر زمننن لميس بدلع : بنات من هذا الغرشوب اللي دخل عيوننا كلها صارت عليه وانا على طول صديت الصوب الثاني .. زايد جافهم ويبا يضحك لانه الكل يطالعه وخقق على عمره شوي بس جافني صاده الصوب الثاني تقرب .. زايد : السلام عليكم الكل : وعليكم السلام والرحمه زايد : اشحالكم بنات ؟ الكل بدوني لانني ما رديت عليه : الحمدلله سملى : شحالك انت ؟ زايد : انا الحمدلله فاطمة : الصراحة انت وايد جميل تعال اخطبني والله بوافق وقفت وعطيتهم ظهري ومشيت , زايد جافني كان بيلحقني بس وقفته سلمى .. سلمى وقفت مجابلتنه وتطالع ريم : حبيبي شو تبا فيها خلها تووولي زايد عطاها طراق لانها وايد كانت جريبه منه : استحي على ويهج شوي ياللوث انا كنت قريبه شوي منهم لانني ما ابتعدت وايد وجفتهم وسمعت كل شي بس ما يهمني عادي .. زايد راح صوب الرياييل .. سلمى تدمع : الحين انا يصفعني انا اللي في حياتي محد هزبني بس ماعليه وراحت ريم وقفت مسكتها نورة .. نوره : لا تروحين عندها لاننها تبا تكون بروحها جفتي ولا وحده راحت معاها ريم قعدت نزلت راسها وقعدت تصيح حظنتها شمه .. على الغداء .. يدوه : ما جذب يدكم يوم قال انه مواز شيخة البنات نورة : ليش يدوه واحنا ؟ يدوه : انتو من الصبح تسولفون وهي فديتها ساعدتني في الطباخ ريم تهمس للبنات : يعني هي راحت عند يدوه ؟ نورة : ما ادريبها والله : بنات عيل وين سلمى ؟ يدوه : ومن تكون هذي سلمى ؟ : بنت خاله زايد يدوه : زايد اللي هو ريلج ؟ : هي يدوه يدوه : عيل وين أمها ؟ : يدوه كانت بين الحريم بس ما ادريبها هي وين الحين ؟ يدوه تسأل ام زايد : عيل وين أختج يالغالية ؟ ام زايد : ما اعرف وينها عموه هي كانت وياي واختفت قمت : انا بروح اجوفها هي وامها تقربت صوب الباب ودخلوا بوسلمى وام سلمى وبوخليفة وبوزايد .. بوزايد : تغطوا حريم الكل تغطى وانا وقفت جريب من باب الخيمة دخلوا والحريم والبنات كلهم وقفوا واحنا منصدمين من شكل سلمى .. بوسلمى : وين هذي اللي مافيها خير ؟ يدوه : انتوا وين داخلين ؟ ومنو هذي اللي مافيها خير ام سلمى : ما ادري كيف خطبوها لزايد وبعد باجر الملجة ام خليفة : لايكون تقصدون بنتي ؟ بوسلمى : اللي ما تستحي على ويهها بوخليفة جافني واقفه وانا عادي اطالعهم لا منصدمة ولا شي متوقعه منها كل شي تقرب مني بوخليفة وصفعني طراق .. بوخليفة : مسوده الويهه يالهرمه يالحيوانه يدوه قعدت تصيح : حرام عليك بوخليفه استغفرربك وفهموا السالفه بوخليفة لما يعصب بضرب يرتاح تقرب وضربني ولا دمعه من عيوني نزلت يدي دخل هو وخليفه وزايد وجافوا بوخليفة ومنصدمين .. يدي : والله لو ما وقفت ضرب لا انت ولدي ولا اعرفك وروح وجوف كيف بتدخل الجنه من دون رضى الوالدين بوخليفة ابتعد تقرب مني خليفة وحظنني وانا اتألم ابتعدت عنه وطلعت برع الخيمة اركض .. يدي : ليش تضربها ؟ انا ما وصيتكم على امايه ؟ هذي سميه امي الله يرحمها يدوه قعدت تصيح والحريم يهدوها وام خليفة واقفه ومنصدمه وتجوف الدم اللي على الأرض اللي من خشمي الكل واقف منصدم .. زايد تقرب من بوسلمى وجاف سلمى في حظنه ودموع التماسيح تنزل وابتسمت على الخفيف بنصر زايد : تبون تعرفون السالفه انا بقولكم سلمى ترتجف لانها تدري انه ابوها بيعصب .. زايد : قال لهم كل السالفه يدي : حرام عليك جفت انك ظلمتها فهمت السالفه من الغريب وصدقته ودخلت تضارب بنتك بوخليفة يطالع بوسلمى وبكل برود : حصل خير وانا ما كنت فاهم السالفه عدل , وطلع ام سلمى مفتشله وهي كانت تدري انه كل السالفه جذب , طلعت هي وريلها الكل طلع من الخيمة بس البنات .. ريم : والله انج حيوانه وبعد لج ويه للحين موجوده سلمى : ابوها بروحه قال حصل خير شمه : يعني شو تبينه يسوي يضربج ولا شو ؟ فاطمة بدلع : الحين مواز تصير حرمه زايد ؟ حرام والله ما تستاهله . . . خليفة واقف جدامي وانا قاعدة تحت وحاظنه راسي .. خليفة : بسج صياح يعني ما صحتي جي جدامهم رفعت راسي : لانني ابوي مب اول مرة يصفعني لا تخاف جربت قبل خليفة : قومي يدي يباج : شوي وبييكم أبا اقعد بروحي خليفة : على راحتج بس لا تتأخرين : روح انت ولا تقول لأي حد انني موجوده هني خليفة : ان شاء الله , وابتعد كان زايد موجود في نفس المكان اللي انا فيه واقف ورا ومايبين شكله ومن راح خليفة تقرب هو ووقف وراي زايد : قومي وروحي عند يدج لاتقعدين بروحج : روح انت وما يخصك في السالفه زايد : انا ريلج وكل شي يخصني ويهمني : باجر بتصير ريلي مب اليوم زايد : باجر ولا اليوم المهم ريلج : لو سمحت ممكن تروح زايد : يعني انتي من قعدتي وانا واقف جريب منج وتبيني الحين اروح : لا تخاف انا مب مثلهم بروح انتحر ولا بطيح من فوق الشجر زايد : ادريبج عاقله ما شاء الله : ممكن تروح ؟ زايد : لا : أبا اقعد بروحي زايد : ماشي : حرام ؟ زايد : هي قمت عطيته ظهري : خلاص اوك اقعد بروحك وانا بروح عند يدي ورحت عنه وهو تم واقف .. زايد : ودي اعرف شو سر هذا المكان ؟ هو وايد يخوف يعني انه كله شجر عدال بعض وظلام وشمس ضوءها يدخل خفيف يالله على الجو . . . فاطمة : شو بتسوين الحين ؟ سلمى : ما ادري دلال : انتي الغلطاننه يعني انتي تدري انها مستحيل ترمس وتدافع عن نفسها لو قلتي كلام انج بروحج انتي وياها وما دخلتي زيود سلمى : خلاص انزين فاطمة : والله حرام احس زايد الجميل ما يستاهلها سلمى : بسوي أي شي المهم ما تاخذه . . . زايد جدام البحر : كان ودي احظنها حمدان : وليش ما حظنتها ؟ زايد : ما ادري احسها ما متقبلتني وتباني احظنها بعد حمدان : ابوها الله يهديه يقول شي زايد : اللي قطع قلبي صياح يدتها حمدان : شكلهم وايد يعشقوها زايد : تراها على اسم ام يدها وهو دوم يوصيهم على عليها وجي يعني والكل حبها ترنن ترنن ترنن ترنن.. زايد : ألوو خليفة : وينك انت ؟ زايد : انا عند حمدان خليفة : اوك تعال انت وحمدان اترياكم انا يلا باي وسكر من دون ما يسمع رده وما عطاه مجال يرمس .. . . . وانا في حظن يدي : كل هذي غيره ؟ يدي يمسح على راسي : فديتكم كلهم بناتي ومابا حد يغار من الثاني سمعتوا ؟ البنات : ان شاء الله يدي يدي : بعد صلاة العشاء كلكم تلبسوا وكشخوا شمه : ليش يدي ؟ يدي : ناس بيونا وعاد اباكم تكشخون وهم كانوا يبون مواز بس عاد انتو تدرون : قول لهم مواز محجوزة واعزمهم للملجة باجر يدي : ما اوصيكم ساعدوا يدتكم شرات مواز اليوم على الغدا سمية : من عيوني حبيبي يدي : يلا عيل انا بروح صوب الريايل قمت وياه : بوصله وبرجع لكم محد يتحرك نوره : ان شاء الله طال عمرج رحت وصلت يدي صوب الريايل عند الباب الخيمة وطلعت جفت زايد وحمدان طنشتهم ومشيت صوب خيمة الحريم .. . . . حمدان : الله يعينك زايد : ما عليه بتجوفها في يوم تعشقنني وبرمسك وانا مستانس حمدان : ان شاء الله زايد : يلا ندخل عندهم سلمى تقربت : زايد زايد : خير ؟ سلمى : شوي شوي علي عن تاكلني زايد طنشها ودخل الخيمة مع حمدان . . . يدوه قعدت تمسح على راسي : شي يعورج ؟ : لا يدوه يدوه : انزين سيري ارتاحي قمت : تطمني يدوه ما فيني شي والحين بروح اقعد عند البنات يدوه : الله يحفظج يالغاليه وحد من العيايز ترمس يدوه .. سبيجة : الله يخليها لكم ووايد شكلكم تحبوها يدوه : هي غاليه على الكل بس الله يسامح ابوها دخلت عند البنات : سوري على التأخير سارة : لا اختي لاتردي قلنا اكيد قعدت عند الرياييل : ههههههه والله رحت اتطمن على يدوه ورديت دخلت سلمى وهي تتأفف : اففف ما ادري كيف انتو قاعدين والله ملل : اقولكم تعالوا بنروح صوب الحصان سارة نقزت : هني في حصان ؟ سليمه : هي سارة : ووناسه يلا قوموا سرعه قمنا كلنا ورحنا صوب الحصان دخلنا وانا تقربت من حصاني .. سارة : مواز لا تقولي هذا مالج ؟ : هي مالي ادري انه حلو سارة : ططر لونه اسود بعد : طبعا بيكون طالع علي سارة تطالع البنات : وانتو ما عندكم ؟ سميه : لا الغاليه احنا ما نحب الحيوانات بس نوير ومواز سارة : مالت عليكم سليمة : والله الشي يخوف يعني تخيلوا يرفسكم : مالي مدرب ويعرف انني راعيته ريم : انا امسكه اوك اركبه ويركض فيني أخاف وبموت بعد : ههههههههههه انا بس تقربي من مالي بيطيرج سارة : انزين هذامال منو ؟ : مال هزاعوهه ريم : وهذا ؟ : خلود سارة : وهذا الأبيض وايد حلو ؟ سلطان : مالي انا سارة جافته وتقربت صوبي .. : حرام عليك خوفتها سلطان : والله مب ينني سارة : هها لا بس يعني خفت سلطان : ههههههههههه دخلوا الشباب خليفة وهزاع وخالد وزايد وحمدان وسلطان ومانع وصالح وراشد وحمد ... نوره : نعم شو تبون ؟ هزاع : ياييين نطلب نورة : والله ما فاتحين جمعية هلال الأحمر هزاع : جب انتي لا ترمسي نورة : يحبك يحيوان : خلوف يعني احنا قلنا بنلعب قبلكم وبعدين يعني لازم ناخذ راحتنا خليفة : انتو وايدين يعني هم 4 بس : مب كلنا بنركب الباقين كلهم خوافات شمه : يحيوانه لا تفضحينا عاد جدامهم خليفة : احنا ياين نقول لراجو يطلع الاحصنه وبنروح نبدل وبنرجع : ما يصير جي مانع : لا يصير : انزين احنا الحين عقب ساعتين انتو راشد : لا بنت عمي عقب ساعتين بيأذن المغرب واحنا ما بنقدر نلعب في الظلام : عادي في كشاف بيتشغل راشد : لا بنت عمي اسمحيلنا احنا الحين : يعني ما بتخلونا نلعب ؟ الشباب : لاءء ابتسمت : متأكدين ؟ خليفة : شو وراج : لو ما خليتونا نلعب بروح اخبر عليكم يدي ويدوه وعقب غصببن عنكم بتخلونا سلطان : يعني تهديد بنت عمي ؟ : على طيفكم يا تخلونا برضاكم يا غصبن عنكم مانع : حيوانه بس ماعليهه : لا تقول حيوانه كم مره قالك يدي مانع يطالع زايد اللي واقف بعيد ومبتسم : الله يعينك عليها كل شي بتقولك بخبر عليك يدي زايد : انا بوديها دبي وما بتقدر تسوي شي : زين قلت من الحين بروح اخبر عليكم وركضت والشباب وراي لانهم يدرون بينهزبون , وصلت عند يدي وكانوا الحريم والريايل قاعدين برع ويشربون قهوة وجاهي .. وقفت جدام يدي : يدددي خليفة يأشر سكتي والله بنخليكم وانا ابتسم يدي : امري يالغاليه : جوف الشبباب احنا كنا رايحين صوب الاحصنه هم يونا ويبون يطردونا وومانع يقول انني انا حيوانه ام صالح : تذكريني باليهال لما يخبرون أهلهم : ههههههههههههه فديتني والله يدي : لو عرست بتبقى في عيوني ياهل : احم احم منو قدي راشد : يدي الحين بتخخق علينا يدي : جب انت وياه وانتو تدرون غلاتها عندي بعد تهزبونها صدق انكم ما تستحون خليفة : يدي احنا كنا .. يدي قاطعه : انتو شو تبون تلعبون ؟ عقب انزين لو قالت انكم انتو كنتوا اول بيقولها هم يلعبون : خلااص يدي لا تهزبهم اصلن انا كنت امزح يدوه : طالعه على يدها طيبه وقلبه طيب قعدنا كلنا البنات والشباب بعد قعدوا وقعدنا نسولف .. يدي غير سوالفنا وقال : زايد ابويه ما اوصيك في مواز وانت جفت جدامك اني مدلعنها وانها الغاليه زايد : هي في عيوني قبل لا تقولون يدي : من قالوا انه حد خطبها وانا خايف بس من جفتك وقالي خليفة انك ريلها ارتحت وايد الله يسعدكم يارب زايد : ان شاء الله يدي اسعدها وما بقصر وياها يدي : دلعها دوم مثل ما انا ويدتك ندلعها يدوه : انت وخواتك قولو يدي ويدوه انتو عيالي زايد : تسلمي يدوه يدي : هي طالعه على يدتك في السوق من تدخل ما تبا تطلع انا قمت وابتعدت عنهم الكل فهمها انيي استحيت وهم ما يدرون انني للحين مب راضيه اتقبل الوضع باجر بوقع وبيصير ريلي والله انني كنت أتمنى انني أوقع وانا مستانسه وطايره من الفرح بس الله كريم .. . . . سلامة : حمود فهمني لمتى على هذا الحال ؟ محمد : حبيبي شو تبيني اسوي ؟ سلامة : انزين انا الحين انا اروح عندهم محمد : يلا قومي تلبسي سلامة صارخت : انا مخلصه وجججاهزة محمد مسكت ايدها ورص عليها : خلاص اهدي يلا ننزل ركبنا السيارة ووصلنا عندهم وقفت سيارة محمد ونزلوا راحوا صوب قعدتهم .. سلامة : السلام عليكم ؟ الكل : وعليكم السلام سلامة حظت يدي وقعدت تصيح : الحمدلله على السلامة يدي : الله يسلمج يالغاليه قامت وسلمت على يدوه وصاحت ويدوه وايد حساسه وصاحت وياها , سلامة سلمت على الكل وابتعدت عنهم ومحمد سلم وقعد يسولف وياهم .. سلامة راحت صوب المكان اللي توقعت انني أكون موجوده فيه وجافتني وانا حاظنه ويههي تقربت مني وحظنتني وعرفتها رصيت عليها وانا اصيح وهي قعدت تصيح .. : اشتقت لج حبيبي سلامة : وانا بعد يا روحي انتي : اختي انتي وايد ابتعدتي سلامة : مب بيدي كله من ام محمد عموه : حسبي الله ونعم الوكيل على اللي بعدج عنني سلامة رصت على حظني وهي تصيح : اعشقج اختي والله احبج : اختي لا تبتعدي انا من دونج ولا شي . . . ريم : سلامة وين راحت ؟ نورة : راحت عند مواز ريم : ليش ؟ مواز ما تحب تقعد بروحها ؟ شمه : مواز وسلامة ووايد ويا بعض وفاهمين بعض سليمه : بتستغربين يعني خوات وجي من كانوا صغار عمي بوخليفة ابتعد عننا كلنا وهم بس كانوا بنتين وعشان جي هم مع بعض ريم : الله يخليهم لبعض سميه : امين يارب اصيلة : اخوج وايد طيب يحظ مواز سارة : هههههه ما عليه هو طيب وايد بس أحيانا يعصب ويالله عاد محد يقرب صوبه شمسه : عاد هني الله يعينهم لانه بعد مواز اذا عصبت لازم تقعد بروحها نورة : شي جميل لو اجوف عيال مواز . . . سلامة رفعت راسها : ليش قاعدة بروحج ؟ طالعتها : وقلت لها كل شي من دخلنا المزرعة لقعدتي هنني سلامة : يالله ودي اجوف هذي سلموه : برايها تولي لاه سلامة : خدج محمر : زين ابوي ما ذبحني سلامة : بس الصراحة قهرني رده اونه صار خير : انا دومي اذا ابتعدت عنهم أوقف شوي عقب اروح وياليت انني ما وقفت عشان ما اسمع رد ابوي واتألم اكثر سلامة : اليوم تأكدت انه ابوي وايد قاسسي كانت امايه تقول انه يحبككم : أي حب الله يخليج ما ادري امايه كيف عايشه سلامة : انتي تدرين أهلها بس في العيد نروح لهم ولا في المناسبات : من توفى ابوها وكل حد في صوب سلامة : الله يخلينا لبعض : اميين يارب سلامة : اقولج متى عرس حفوص ؟ : يوم السبت كلنا بنروح لها سلامة : امايه بتروح ؟ : ما ادريبها انا قلت لهم كلهم واكيد يدوه بتروح ويانا سلامة : انا يمكن ما اروح وتعرفين عاد الحامل وجي بتعذرنني قعدت امسح على بطنها : فديت حبيبي اناه سلامة : شدراج يمكن بنت : لا الله يخليج عندنا ريموه ولسانها شطوله نبا ولد يمكن يطلع هادي علي سلامة : شتقصدين يعني ريموه طالعه على منو ؟ : على يدتها ام ريلج سلامة بقهر : لا تطرينها اليوم نشبه اعوذ بالله مب راضيه تخليني اييكم : هي صح انتيل يش تأخرتي ؟ شو قالت ؟ سلامة : قاعدة تهزبني وتتحرطم ويوم دخل محمد قعدت تسولف عادي وانا قلت بنروح قالت لا انا مسويه غدا لكم وعقب قلت بنروح قالت لا انا مسويه فواله : انا الصراححة ما بتحملها بصفعها وبطنشها سلامة : والله عشان محمد انا ساكته ولا انتي تعرفيني طالعه عليج ما اسكت : احم احم اخجلتيني عاد سلامة : انا ما قعدت في الخطبة وايد ما جفت ام ريلج : وايد حبيتها يعني حنونه وايد سلامة : اهم شي حبيتيها ولا مافينا يطلقج عشان لسانج : والله لو طلعت من اوكك بقوله يا انا يا امك سلامة : استغفرلله عاد مب جي هذي امه : خلاص يطلقني سلامة : الله يعينه عييل : زين زين سلامة : اقولج هو موجود وياهم ؟ : هي ما تجوفيني ما رضيت اقعد سلامة : حرام عليج شكله حبوب : يروح يحب بنت خالته سلامة : لو يباها بياخذها : عادي يكون ابوه غصبه سلامة : هو مب ياهل : كل شي عادي سلامة : انزين لو يحبها مابيصفعها جدامكم وبيعطيها ويهه اذا رمسته : خلاص انزين غيري السالفه سلامة : اوكك : اقولج يدي يقول يبانا نكشخ بعد صلاة العشا سلامة : ليش ؟ : عشان ناس بيون واونه كانوا بيخطبوني بس انا خلاص بيجوفون لهم وحدة من العايله سلامة : هههههه حبيتها اونه انا خلاص : هي بعد شو لو يصير عادي بخذ اربعه سلامة : حيوانه تراجج : والله انني امزح سلامة : اقولج بنطلع انا وياج بروح اخذ لي لبس لعقب وبنرد : يلا قومي سلامة : بس كيف عقب بيدورونا : ماعليج انا برمس يدي وهو ما بيقصر وبيرمسهم سلامة : يلا عيل قومي رحنا انا وياها صوبهم وجفنااهم نفس قعدتهم البنات في جهه والأولاد في الصوب الثاني والحريم والرياييل يسولفون .. : يدي أبا اقولك شي سلطان : يعني تبينه يقوم لج : انت اسكت انا قلت يدي مب سلطون سلطان : سلطون في عينج ...... يدي قاطعه : سلطان احترم نفسك واسكت سلطان يطالعني بنظرات : ان شاء الله يدي يدي : آمري فديتج تبيني أقوم لج ؟ : لا حبيبي مابا اتعبك انا بييك تقربت صوبه وقعدت مجابلته وتقربت من اذنه وهمست : يدي انا وسلامة بنطلع عشان هي ما عندها شي لعقب العشاء ما بنتأخر ومانبا حد يدري يدي ابتسم : زين لا تتأخرون غمزت : ان شاء الله كانت عيون تطالعنا من بعيد وشاكه انه في شي واحنا ما انتبهنا لها ورحنا داخل لبسنا العباة وطلعنا من الباب الخلفي وركبنا سيارة خليفة لانه الشبباب كل سويجات السياير في الغرفه يخلونها وطلعنا .. . . . حمدان : وين وصلت ؟ زايد : انا شاك ان وراها شي حمدان : من هي ؟ خطيبتك ؟ زايد : هي حمدان : عادي واصلن هي طول الوقت قاعدة بروحها وماسمعت انه البنات قالوا انها تحب القعدة بروحها او مع اختها زايد : ليش همست ليدها وليش هو ابتسم حمدان : يا زايد خلاص خل افكارك السودة في صوب زايد : يبين في ويهها انها كانت تصيح حمدان : ما انتهبت بس اختها حسيت لانها خشمها كان احمر راشد : اقولكم شباب شرايكم نسافر احناا الشبابب بس سلطان : والله فكره حلوة بس لا تقولون للبنات خاللد : لا تطمنو عندهم امتحانات هزاع : انزين وانا عندي دراسه خالد : عيل تمم وياهم هزاع : ما يخصني خليفة : شرايكم تيون عندي هزاع : بنسافر الخميس اليايه وبنرد السبت خالد : نعم اخوي يعني يوم احنا بنسافر هزاع : خلاص بنسافر الأسبوع اللي بعده خليفة : طبعا كلكم ويانا حمدان : بناخذ إجازة خليفة : تعالوا عندي سلطان : أسبوع وبنرد راشد : خلاص اوك . . . # توقعآتككم ، اترييا الردود . |
الروآيه نآيسسس كمليها لو سمحتي بسرعه :) |
البارت الثامن . . . سلامة : ما بنروح مول : سلامة الله يخليج أبا اتمشى سلامة : احنا ما طلعنا عشان نتمشى وبعدين لو درا محمد بيعصب : محد بيدري واحنا ما بنتأخر سلامة : محمد ببيتصل ادريبه : سلومه انتي اهدي شوي ومحد بيدري سلامة : انزين ما بنروح مول : سلاموووه خلاص اهدي سلامة : انزين ريموه ما بخليها بروحها : اتصلي لحد من اخوان ريلج ييبوها سلامة اتصلت في عبدالعزيز وفرت علي الفون .. اشرت لها ماعلييه : ألوو عبدالعزيز : مرححبا : مرحبتين عبدالعزيز : سلامة ؟ صوتج متغير : انا مب سلامة اختها عبدالعزيز : يا مرححبا شحالج ؟ : الحمدلله ومن صوبكم ؟ عبدالعزيز : تمام مبروكه عاد اسمحيلنا ما بارككنا لج : الله يبارك فيك لا عادي عبدالعزيز : آمري مواز بغيتي شي ؟ : ممم عاد لا تردنا عبدالعزيز : تمم : عادي تيبون ريم المزرعة عبدالعزيز : غاليه والطلب رخيص اختي : مشكور اخويه وشرايكم تيون وكلنا مجتمعين عبدالعزيز : خلاص برمس امايه وابويه وبنييكم : ان شاء الله نترياكم عبدالعزيز : فمان الله : فمان كريم : سلومه ياليتني ما قلت له تعالوا سلامة تضحك : هههههه ليش ؟ : العيوز بتتي وعاد تدرين ما احبها ناشبه ليي سلامة : تستاهلين شو قال بييبها ؟ : اقولج بيوون كلهم سلامة : يلا عيل بندخل المول بناخذ أي شي : يلا ووصلنا المول ودخلنا المحل وخذنا لنا وطلعنا وتوجهنا للمزرعة ووصلنا ووقفنا السيارة مكانها وعطيت الخدامة المفتاح ترجعه فالغرفة فتحنا الباب جفناهم كلهم قاعدين وعاد احنا في صدمة وهم بعد من اشكالنا .. ام محمد : يا هلاا لا والله ليش رجعتوا صدق بنات آخر زمن يطلعون بروحهم انا وسلامة نطالعهم بس .. : دام يدي يدري محد يدخل ام محمد : اذا نسيتي انه اختج متزوجة وريلها ولي أمرها : راي يدي اهم ودام قال لنا روحوا وام تأخرنا احنا محمد يطالع سلامة بيقوم يصفعها وزايد يطالعنا ومنقهر لأنه ما يحب بنات يطلعون بروحهم وخليفة وامايه وعماتي والكل متعود ويعني عادي عندهم لانهم متعودين على هذي الحركة واقولهم دام يدي وافق محد يتدخل .. يدوه : مواز ليش طالعين بروحكم قولو انزين حد من الشباب بيودونكم ومحد بيقصر ام محمد : لا اكيد وراهم شي ورايحين مكان وما يبون حد يروح وياهم هذي سلامة هاديه وماعندها هذي السوالف بس اختها الوسواس هي اللي تخربها وناسيه انها معرسة مسكت ايد سلامة وعطيتهم ظهري وسحبتها ووصلت عند الدري تقربت ام محمد وسحبتني من جتفي وجابلتها .. ام محمد : صدق انج قليله الأدب وماشي احترام : والله انني ساكتة احترام لج لانج كبيرة واحترام للموجودين ام محمد : اهلج ما عرفوا يربوج وصدق انج قليله الادب واي احترام اللي ترمسين عنه ويعني شو بتسوين بتصفعيني يلا : ممكن الحين اروح فوق ام محمد : الحين في بنات يطلعون بروحهم ويتأخرون : ما تأخرنا ساعه ويمكن اقل بعد تقرب محمد ومسك ايد سلامة وطلعها برع .. ام محمد : ارتحتي الحين , اطالعت زايد : ما ادري كيف خذتها ام لسان وما تسمع الكلام أهلها ربوها احسن تربيه بس هي مرابعه بنات مشووها على درب الفساد : خلاص عموه بسج كم مره أقول يدي موافق وخلاص وبعدين جوفيهم ولا واحد فيهم رمس لانهم يدرون انه اهم شي عندي راي يدي صعدت فوق وطنشتها لانها كانت تتحرطم بدلت ملابسي وقفت جدام الدريشه وقفعدت اطالع برع ودموعي تنزل . . . محمد بهدوء : وين رحتوا ؟ سلامة تصيح : رحنا المول بس دخلنا محل واحد وخذنا لنا وطلعننا بسرعة والله ما تأخرنا محمد : انزين ليش ما قلتوا لنا بنوديكم ؟ سلامة : ما ادري مواز قالت بسرعه بنطلع وبنرد واحنا قلنا ليدي محمد تقرب وحظني : آخر مرة والله ان عدتيها بصفعج سلامة تشاهق : ان شاء الله والله آخر مرة محمد جابلها : ليش تصيحين انزين سلامة : اختي ادري عموه بتقعد تهزبها وهي بتم كاتمه ولما بتقعد بروحها بتنفجر محمد : انتو تدرون انه امايه تعصب وما تحب بنات يطلعون بروحها سلامة : ان شاء الله دخلوا داخل عندهم في الصاله .. . . . زايد بعصبيه : انا قلت لك ان وراهم شي حمدان : خلاص يا اخوي باجر رمسها وانت تدري انها خبله زايد : أبا ارمسها الحين حمدان : كيف الحين ؟ انت تخبلت نزلت تحت جفتهم نفس تقربت من يدوه وحبيت راسها وهمست لها : هذي وايد ترمس ما تجوفيني مطنشتنها وانتي لا تزعلين وانتي تعرفيني انني مستحيل اسوي شي غلط وطنشيها نفسي لاننه ادري وايد ترمس ابتسمت يدوه ووقفت : عيل وين يدي ؟ يدوه : عند الرياييل في الميلس : انا بطلع اتمشى برع وطلعت من عندهم .. زايد : انا الحين بروح ارمسها دقايق وطلع ومحد انتبه له وراح مكان قعدتي اللي دوم يجوفني أكون موجودة .. زايد : كنت متوقع انج بتكونين هني رفعت راسي : نعم ؟ زايد : تعرفني انا خواتي في حياتهم ما طلعوا بروحهم لانهم يدرون شو النتيجة : مثل ما قلت خواتك زايد : وانتي حرمتي افهمي شو يعني حرمتي : لباجر يصير خير يمكن اموت زايد : تعرفين انني ودي اعطيج كف يأدبج عشان مرة ثانيه ما تطلعين بروحج : عادي ما تفرق عندي ضربوني جدامهم كلهم وكل هذا عشان حبيبتك زايد وقف مجابلني يعني انا كنت قاعدة وهو واقف ووظهره على الشجرة .. زايد : سالفه حبيبتي بنرمس عنها عقب بقولج كلام وحطيه في بالج : يعني شو بتقول غير شروطك زايد : اسمععي انزين انا ما احب طلعت البنات يعني لا تحاولين عقب تقولين انني بطلع مع ربعي ولا مع البنات واععقلي شوي وانسي حركاتج وهبالج لانج باجر ولا من اليوم انتي حرمتي ببرود : ان شاء الله في شي ثاني زايد : انتيل يش جي بارده ؟ حظنت راسي وقربت ريولي من ويههي وقعدت اصيح واشاهق زايد تقرب : ليش تصيحين ؟ اشاهق : زايد خلاص روح زايد : ما بروح اول قولي ليش تصيحين ؟ : تبا تعرف انا بقولك محد فككر فيني وكل واحد رمس وعق كلام ولا واحد حس فيني عشان بس طلعت زايد : خلاص لا تصيحين : خلني بروحي زايد : ماشي مسحت دموعي ووقفت : وايد تقهر الله يعيني عطيته ظهري ويايه امشي مسك ايدي بقووة وقربني صوبه غمضت عيوني .. زايد : ما دريت انج وايد عنيدة ودلوعه ابتعدت عنه شوي : انا مب دلوعه زايد : دلوعه درجة أولى أحاول اسحب ايدي : بخبر عليك يدي زايد : يعني شو بتقولين كنت مع زايد : بقوله انت اللي يتنني زايد : سكتي مابا اسمع صوتج اسحب ايدي : افتح ايدي وبروح عقب ما بتسمع صوتي زايد : اهدي شوي عقب بخليج تروحين : ما اقدر اول افتح ايدي ما بتحرك زايد : ماشي ادريبج تجذبين اسحب ايدي : والله ما بركض افتح انا كنت اسحبها بقوة وهو فتحها وطحت على الأرض بقوة وقعدت اصيح نزل زايد ووقعدت مجابلني .. زايد : بسج صياح والله ماكنت اقصد يعني انتي ساحبتنها بقوة : حيوان انت وايد يعورني زايد : انزين وقففي شوي : مابا بعور زايد مسك ايدي وانا سحبتها بقوة : لا تمسكني زايد غمض عيونه : اهدي شوي : زايد الله يخليك روح زايد : ما اقدر : زايد روح أبا اقعد بروحي زايد : اسمحيلي ما بخليج بروحج مسحت دموعي : تعودت اقعد بروحي خلاص روح زايد وقف : انا رايح ويمكن ما ارجع عقب وراح وانا قعدت اصيح من الألم ومن كل شي .. ما قدرت اقعد قمت ودخلت من الباب الخلفي وصعدت الدري جفت البنات كلهم قاعدين في الصالة نورة وشمه وشمسه واصيلة ودلال وسلمى وفاطمة وشيخة وصالحة وسمية وسليمة وريم وسارة وشوق وميرة ولميس وشيماء وآمنة وسلامة الكل قعد يطالعني .. سلمى : انتي وين تروحين ؟ : وانتي شو يخصج ؟ فاطمة : اكيد وراج شي : احترمي نفسج واظن انتي عاد لا تتدخلين نورة : ما عليج منهم : اصلن انا ما بهتم لكلامهم ريم : تعالي قعدي تقربت وقعدت وانا احسب بألم سارة : شو فيج ؟ : مافيني شي تطمنو شمسة : انزين بنات تعالو بنلعب : يلاا نزلنا نلعب وكنا نورة شيخة صالحة دلال سلمى فاطمة شمسة شمة اصيلة ريم سارة لميس ميرة شيماء والباقين كانوا يسولف .. لميس : انزين احنا ما نعرف اللعبه : شو بتلعبون انزين ؟ نورة : سؤال وجواب اطالعتها : لا غيروها مانبا دلال : لا لا لعبة حلوة خلونا نلعبها شيماء : ما نعرفها ؟ : هي يعني انتي اختاري بنت وسأليها وغصبن عنها بتجاوب بصراحة ويعني يكون بالدور سلمى : يالله نبدا نورة : انا الأولى سؤالي لميرة ميرة : تفضلي نورة : بينج وبين مواز شي احسج ما حبيتيها ؟ ميرة :هي سمية : لشمه لو تقدم لج واحد بتوافقين ؟ شمة : هي لانني أبا اعرس سرعه فاطمة : لمواز لو تخيلتي انني في المستقبل بكون عديلتج حرمة ريلج الثانية بتقعدين وياي مثل هذي القعدة ولا كله ضرابه طالعتها بنظرات وقمت : يلا بنات صلاة ورحت عنهم نورة اطالعتها شوي وبتقوم تصفعها والكل سكت .. فاطمة : شوفيكم انا كنت بس اسأل ليش معصبين ؟ سلمى : ماعليج منهم تراهم جي دوم فلفل فتحت الباب وصرخت عليهم : يلاا صلاة مابتنفعكم السوالف الكل دخل وانا كنت اصلي خلصت قبلهم ونزلت تحت جفت يدي ويدوه حبيت راسهم وقعت عندهم .. يدي : في حد هزبج ؟ : هي بس الله كريم يدي : ما عليه واصلن هم ما يحترموني لانني موصيهم كلهم انه ما يضرونج ولا يزعلونج : هم ما يحبونك عشان جي زعلوني وهزبوني يدوه : مواز اليوم حريم بيوونا : قالي يدي يدوه : قولي للبنات يتأدبون ولا كل وحدة العصا بتأدبها نزلوا البنات الا دلال وسلمى وفاطمة سلموا وقعدوا .. نورة : يدوه بلاها العصا يدوه : بتأدبج اذا تخبلتي جدام العرب نورة : حرام عليج يدوه انا مب ياهل واصلن انا مستحيل أتخبل يمكن وحدة تخطبني لولدها يدوه رفعت العصا : نوييير نورة حبت راس يدوه : السموحة والله كنت امزح دخلوا الرياييل والحريم والكل كان موجود في الصاله نزلوا فاطمة وسلمى ودلال .. سلمى تصارخ عشان الكل يسمعها : بقولكم شي اسمعوا تقربت صوبها وسحبت فوني : انتي اييهه فوني شو يسوي عندج ؟ فاطمة : اكيد بتسحبين الفون وبتخافين : أخاف من شو وانا واثقه من عمري دلال : ما توقعتج جي يا بنت عمي يدوه : بترمسون شو فيكم ولا ؟ دلال تقربت من يدوه : تخيلي يدوه بنت ولدج اللي كلكم تحبوها ويدي اكثر وكانت تمثل جدامكم انها محترمه يدوه : ارمسي شو فيها ؟ دلال : ما توقعتج جي يابنت عمي سلمى : انا بقولكم اللي تحبوها كلكم ترمس شباب ومع انها خلاص مخطوبة وللحين ترمسهم تخيلوا وباجر ملجتها : أي شباب احترمي نفسج وبسج جذب سلمى :انا اللي تجذب ولا انتي واذا ما تصدقوني جوفوا منو ترمس بفونها زايد تجدم وسحب الفون من ايدي وقرا المسجات واطالعني وعطاني ظهره وخذ الفون وياه , وقفه خليفة وسحب عنه الفون وقرا منصدم وكل شوي يعيد يقرا من بدايه .. تقربت من خليفة وخذت الفون وانا اقرا نزلت دموعي : والله انها جذابة والله مب انا اللي مرمستنه والله مب انا اللي كلمته والله مب انا اللي رمستهم , نزلت على الأرض اصيح فاطمة : طلعتي تعرفي تمثلي بس الغلط مب منج من اهلج اللي يدلعونج زايد طلع وخليفة رد قعد مكانه بهدوء والكل يطالعني ومنصدم .. : والله انني مب انا يجذبون والله انهم يجذبون يوخليفة قام وضربي ومحد منعه وانا اتألم والكل يطالع وبعدهم في صدمه .. بوخليفة يصارخ : فضحتينا جدام ريلج الحين شوب يقول عنج وانا أقول ليش تضارب وانج ما تبينه عشان اللوث اللي ترمسيهم نورة قربت من ابوي نزلت وقربتني لحظني : عمي الله يخليك خلاص واصلن السالفه مب صدقق , اطالعت دلال وسلمى وفاطمة : وانتو ليش مسكتوا الفون وشو يخصكم سلمى بتوتر : كانت توصلها رسايل ورا بعض واحنا قلنا بناخذه نقول لها وانصدمنا نورة : انتو جذابين والله جذابين لا تصدقوهم اصلن هم يبون ينتقمون من مواز عشان زايد بياخذها بو خليفة : منو هذا اللي ترمسيه , صارخ : منو ههذا ارمسي وانا اشاهق : والله ما اعرفه والله العظيم يدي : بو خليفة خلاص لا تضربها بس يدوه : تتأدب وتستاهل وفضحتينا جدام ريلج الحين شو بيقول ما عرفنا نربيها يدي : مواز سيري فوق : يدي الله يخليك لا تصدقهم والله انهم يجذبون يدي ... يدي قاطعني : خلاص سيري فوق وقفت واحس عظامي متككسرة من الضرب ما قدرت امشي مسكتني نورة والصوب الثاني شمة وركبنا فوق .. . . . زايد واقف جدام البحر وحمدان عداله .. زايد دموعه تنزل : انا احبها يا اخوي والله احبها حمدان : السالفه مب صدق زايد : جفت المسجات بعيوني والله جفتها وهي تكتب له.... , نزل راسه وقعد يصيح حمدان : خلاص يا اخوي لا تنزل دموعك على بنت زايد : هذي أول انسانه احبها اول انسانه اعشقها حمدان : قوم يا اخوي قوم زايد : حمدان والله في شي بقلبي يقول انه مب صدق احس السالفه مب صدق حمدان : ما عليه يا اخوي زين انك عرفت قبل ما تصير في ذمتك زايد : هي ما سوت شي كانت تترجاهم يصدقونها حمدان : يلا تعال بنروح قربوا من السيارة وراح ززايد صوب الباب .. حمدان : تتعال تعال انا اللي بسوق اركب الباب الثاني زايد : ما عليه مافيني شي انا وركب وشغل السيارة وركب حمدان من الباب الثاني .. حمدان يطالع الدرب ويجوفه نفس درب المزرعة : ليش بترد المزرعة زايد : اكيد ابوها بيضربها حمدان : خلاص يا زايد شوتبا فيها زايد : أبا ارمسها وقف السيارة جدام المزرعة , حمدان : انا مب نازل معاك زايد : بنزل أقول لخليفة أبا اجوفها أبا ارمسها حمدان : انزل بروحك انا مب نازل نزل زايد وطنش رمسه حمدان ووقف جدام الباب وفتحه جافهم نفس قعدتهم وقعد يطالع ماجافني من بينهم تقرب من خليفة وقاله : أبا اجوفها السالفه مب صدق خليفة : شو تبا فيها اسمحلنا يا زايد سامحني ماكنت متوقع انها جي زايد : قوم ازقرها أبا اجوفها خليفة : روح يا زايد شو تبا فيها اللوث زايد : لا تقول عن اختك جي هي احسن من البنات كلهم هي شيختهم خليفة : الا زباله زايد : قوم ازقرها يدي : خليفة قوم ازقرها الريال يبا يرمسها خليفة صعد فوق وصرخ ومن صرخته انا نقزت وبخوف وارتجف طلعوا البنات يجوفون .. شمسه : نعم ؟ خليفة : روحي ازقري مواز وقوليلها تدخل الميلس من دون ما تمر الصاله محد يبا يجوفها شمسة : ليش ؟ وبعدين هي ما سوت شي وانتو كلكم عارفين هذا الشي خليفة نازل : زايد يترياها دخلت شمسة الغرفة وقالت لنا وانا ارتجف : مابا انا ما سويت شي والله ما سويت شي انا ما رمست حد ادري انه زايد بيضربني نورة : قومي حبيبتي انتي اصلن ما سويتي شي قومي نزلنا كلنا تحت ونورة هي اللي تمشيني لانني احس عمري متكسرة ودتني الميلس وكان زايد قاعد قعدتني وطلعت وسكرت الباب وقف زايد وتقرب صوبي وهو يطالعني : ابوج سوو فيج كل هذا ؟ صارخت : لا تطالعني ما احب حد يطالعني بنظرات شفقه .. . سامحوني على التأخخير ، واتريا توقعاتكم وردودكم . |
هلا والله شحالج حبييييت البااارت يجنن اترياااا البارت الياااااي |
نتريآ البارت التاسع بحمآاااااسسسسس :) لا تتاخري لو سمحتي :) |
بارت جميل وفي انتظار اللي بعده |
انتظظظظظظظظظظظر البارت ببحماس نزليه اليوم اذا تقدرين :( |
تسلم ايدج وياليت تقتلين سلمى طفرتبنا هههههههههههههههههه |
السلام عليكم ؟ شحالكم ؟ اشكر كل اللي شجعوني على تكملة الروايه . وشكرا ع الردود الجميلة . وادري انها قربت الامتحانات , وحبيت اقولكم انني بوقفها لعقب الامتحانات وادرسوا عدل لانه آخر فصل وباالتوفيق للجميع ومع السلامة . |
اوك بنتريآ لعقب الامتحآنآت :( بس شسمه نبا عقب الامتحاناات ثلاث بآرتآت ورآ بعض لو ما عليج امر تعويض وجي :) |
| الساعة الآن 12:57 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir