أنا وأنت ، وسما بوظبي تجمعنا / بقلمي
 

السلام عليكم ورحمة الله وبركاته . .

أحب اطرح بين ايديكم روايتي الثـالثه . . ف مشاركتي الأولى فهذا المنتدى . .
أتمنى أن تنال إعجابكم . .

رواية : أنا وأنت و سما بوظبي تجمعنا .
بقلم الكاتبة : عناد بوظبي.
كـ باقي رواياتي . - اللهجه : إمـاراتيه ، بحرينيه

بسم الله الرحمن الرحيم - بدأنـا- !

\
/
\
/
\
/
\
/
\
/





\
/
\
/
\
/
\
/


بإنتظـار آرآئكم ، إنتقاداتكم وتوقعاتكم للقآدم؟
آرائكم تهمني ، و إنتقاداتكم تفيدني ، وردودكم تحمسني ! ~
ولعلمكم !
الروايه بعدها مابدت !
وإن شاء الله تكون عند حسن ظنكم:ast7eee:
-[/]

احم اححم..~

الروايهه روععه وبدايتها جميله..~

استمري فديتج..~

نترياجج..~

مرورج الأروع حبيبتي ، :1711: وو آتشرف بمتابعتج ..
وشكراُ الغلا <3

السلام عليج كاتبتنا
بصارحة رواية روعة و جميلة و ابداع
و اتمني انج تكلمينها
و نترقبج و نتريا البارت الياي

السلام علييج...
شحالج؟؟ 3:
البداايه حلوه و مشوقهه...
و فالنتظاار... :)

حلوة الرواية كمليها

مرورج الأروع حبيبتيي ، و ان شاءالله بكملها واتشررف بمتابعتج <3

وعليكم السلام ، تمام حبوبه ومن صوبج ؟
مشكوره الغلا من ذوقج و اتشرف بمتابعتج :* ..

مرورج الأحلى حبيبتي و اتشرف بمتابغتج <3

]

إسمحولي ع القصور ..
سوري لأنه قصـير ، ان شاءالله اليـاي أطول ..
بإنتظار آرائكم .. وتوقعاتكم للياي ..
وتقييمكم لـ روايتي و تفاعلكم ..
وشكراً لكــــــــــــــــم .. []

الباارت واايد حلوو 3>

توقعاتي: (هههع ع كيفي)
مم يمكن جيان ويارا يخبروون ندى انه امها توفت -الله يرحمها- ... مادانيييهم >,<
و يطلع حمدان معرس هههه - انشالله لا-
و ندى بترجع البلاد و اكييد بتعرف و جي... و الله يصبرها
و نتريا الباارت اليااي :) 3>...




متى تنزلين الباارتاات؟؟ 3:

من ذوقج حبيبتي ، وو آتشرف بمتابعتج . .
تقريبـًا اللي قلتيه صح و أشكرج ع تفاعلج . . :1711:
ان شاء الله بنزله . .

السلام عليج كتابتنا
شحالج
بصارحة البارت كان طرر و ابداع و جميل
توقعاتي
انه صديقتها بيخبرونها بوفاة امها
و نفس الوقت و هيه بترد البلاد بتكون في حالة الله يعلم بس اهناك اهلها من صوب ابوها بيخففون عنها الحزن و بينسونها
يمكن من ترد تشوف اربيعتها سارة بس من حمدان ايشوفها راح ينصدم و اتمني انه حمدان ايحبها و يكن لها مشاعر و ينسيها حزنها لي بتكون مصدومه منه
و نترياج و نترقب البارت الياي

وعليكم السلام حبوبه . .
مرورج الجميل حبيبتي و اتشرف بـ متابعتج :1711:
توقعـاتج شووي صحح . . :1711:
و أشكرج ع حمـاسج حبوبه أستانست يوم شفت توقعـاتج:1711:

البـــــــارت الــثـــــالــــ3ــث ~


/
\
/
\
/
\


ندى "نزلت من الدري متردده ماتدري شـ يابهم هذيل ، راحت اول المطبخ و حصلت يدتها "
اليده : ندى حبيبتي روحي شوفي ربيعاتج يقولون يبونج ضروري ، و أنا بسويلكم الـتركش كوفي ..
ندى : إن شاء الله يدوه .. يدوتي مايحتاي كوفي وحاله لا اتعبين عمرج ..
اليده : لاحبيبتي لازم ، عقب شو بيقولون عنج ؟ زرناها وماضيفتنا .. يالله حبيبتي روحي و اناا احين بيبلكم الكوفي ..
ندى"باست يدتها ع راسها" : مشـكوره يدوتي .. "وراحت لـ جيان ويارا"

جـيان ويارا "كـانوا مطقمـات لابسين تنوره سوده طويله و تي شيرت أسود وفوقه جاكيت أسود رسمي ، و كل شي"شنط ـنعل" أسود فـ اسود !!
ندى : السـلام عليكم "وتطالعهم باستغراب وقالت بسخريه" ليش لابسين اسود ؟ عندكم عزا شو هههـ ..
جيان : ايي عندنا عزا ..
ندى"تتمصخر" : عزا منو ياحظي ؟ ههه ..
يارا : عزا أمج ياروح امج ! يايين نعزيج ..
ندى"بصصصدمه" : شو تخخربطين انتي ؟؟ امي فالمستشفى بسم الله عليها بعيد الششر ..
يارا : ههههه طع هاي قاصين عليهـا ، حبيبتي أمج مممماتت ، مااتتتت ،
"فهـالوقت دخلت اليده"
يـارا"تكمل" : أمممج ماتت ياندى ماتت ! هه أكيي يدتج سأليها !
اليده"طاحت الصينيه من ايدها وتكسرت الأكواب"
ندى"تلتفت ليدتها" : يدوه ؟ قوليلي انهم يقصون علي ؟ قوليليي انهم غيرانين مني و يبون يعوورون قلبي ! "وكملت وهي تصيح" أمـ ـي ما ماتـ ـت صـ ح ؟ أصلـ ـن هـ ـي قالـ ـت مابتخليني ..
اليده"نـزلت راسهـا مب قادره ترفع ،مب عارفه شو بتقول لحفييدتها .. تمت سـاكته ممـا أكد لـ ندى ان الكلام صج و امها ماتت !! "
ندى "إلتفت لـ جيان و يارا وصـارخت " : انننتوا طلللعوا بببررع ، ططططلعوا بببرع !! "وركضت راحت غرفتها"

"وهم طالعين"
جيان : مب جنه حرام علينا اللي سويناه ؟
يارا"ابتسمت بخبث" : أصلن المفروض تشكرنا ، و هي جي ولا جي بتعررف ..ونحن يايين نعزي مب مسوين شي غلط !
جيان "تحوس بوزها": أحس بتأنيب الضمير ..
يارا : أوووه جيان شفيج مسسويه فيها انا الطيبه راعيه الضمير . . أوف روحيلها واسيها بعد .. باي
جيان : لالا تعالليي مب قصدي خلاص تولي مايخصنا فيها ..
يارا : أنجلعي ..

------------
ندى ؛ إنـهارت ، ! راحت لغرفتها قعدت تكسر كل شي وراحت للهدايا اللي اشترتهم لأمهـا كسرتهم كلهم .. وقعدت تصارخ وتكسر و تسب وتصيح بشكل هستيري ، لـ درجه إن ايدها انجرحت من المنظره اللي كسرتها و وهي تمشي كانت اتدوس ع الزجاج ومطنشه."للعلم ندى شوي فيها فوبيا من الدم" . لين ما انهد حيلها وطاحت ..

قـامت بعد سـاعات لقت عمرها طايحه ع الأرض والغرفه معفوسه من فوق لين تحت … تمت اتدور بعيونها .. نزلت نظرها وشـاففت دمها يسيل و الزجـاج داخل فـ ايدهـا و ريلهـا . . قـامت حاولت تمشي شوي . .
ندى : أأخ يعـوور . . يعور . . "يت عينها ع الدم ، وعاد هي فيها فوبيا من الدم " ددم ! يممما ألحقققيني ، مامما تعععالي . . ماتحمل أشوففه . . أأه "واغمى عليهـا ! "

- دخلت اليده ع ندى . . ، اليده : ندى !! ندى اممي قومييي حبيبتي ندى !! شوههها الدددم !!! ألحقققونييي ندى بننتي !!" وقعدت تصارخ و تصيح لين ماسمعوها الجيران و ييو عندها و اتصلوا ع الاسعاف الللي يـا وخذ ندى ! "

سعود : ألـو ؟
اليده"بصوت باين عليه التعب" : هـلا ، من معاي ؟
سعود : أأ ، أنـا ولد عم ندى . . ممكن تعطيني اكلمهـا ؟
اليده : أأأه ياووولدي ننندى فالمسسستشفى فالمسستشفى !!
سعود : شششو !! خلاصصص ياييين ع اقققرب حجز !

------------------

راشد : شفيهـا اختي يا سعود ؟
سعود : اختـك فالمستشفففى ياراشد !! لازم نروح
راشد : لا شو نرووح ! خل نتريا ..
سعود : شششو نتريا ! ميييينون اننت ، اختك مالهـا حد غيرنا يالله قوم نروح نحججز !
راشد : سعود ؟ اعصـابك ليكون تحبهـا ؟ ترا امي وياها ليش تحاتي . .
سعود : بننت عمي كيف ماتبيني احبهـا ؟ أوفف انت شفيك بااارد ققوم البنت فالمستشفى . .
راشد : زيين بسك حننه يالله قمـنا . .

------------------

" عند ندى ، كـانت توهـا فاتحه عينهـا وتحاول تستوعب السـواد اللي تشوفه "

ندى : آه .. ليش سسواد ؟ أننا وين . . مماشوف شيي . .
اليده"سكرت المصحف اللي فايدهـا ونقـزت عند ندى" : يمما ندى حبيبتي شفيج ؟
ندى : يدتي ، وينج ؟ يدددتي ماشوف شيي . .
اليده : كـاني جدامج !! كييف ماتشوففين ! ندى طالعيني انا هني . .
ندى : يدددتي ممماششوف إلا السسسواد "وصصآحت" مممماششوف
اليده"تصآرخ" : دككككتوور ، دكتور إلحق على بنييتي ، بنيتي مـاتشوف . . !
الدكتور"توه داخل" : خير شفيكم ؟ ندى اللحين احسن ؟
ندى : أي اححسن ! ماششوف شي !
الدكتور : مماتششوفين ! يـاسستر هـاتوها خل نسويلهـا فحوصـات بسررعه ..
" وبـعد الفحص . . . "
الدكتور : والله مـاعرف شـو أقول . . بنتكم صـابها مرض "الكمنه العابره " أو العمى المؤقت اللي هو عباره عن تصلب الشرايين ، يكون نتيجه صدمه أو ارتفاع مؤقت في ضغط العين . . أنننـا بكتبلها ادويه و أبيها تلتزم بهم . .
اليده : يعنني الببنت بتظـل عمميا !!
الدكتور : لالا ان شاءالله بيرد نظرها نفس أول وأحسن بس انتي اهتمي فيهـأ . . بسس المشكله ان يمكن يـاخذ وقت . . كـ سنه . . !

------------------------
" عند ندى كـانت تتذكر آخر شي صـآر ، وفاة أمهـا ، وآخر شي شـافته كـان دمهـا اللي مغطي أرضيه الغرفه ! و قطع حبل ذكريـاتهـا صصوت البـاب "
ندى : يدوه ؟
اليده : إيي ياندى . .
ندى : ها يدوه شـو قال الدكتور . . . نظري بيرجع قريب صح ؟
اليده : آآه ياندى مآقدر آجذب عليج مره ثانيه . . بس إن شاء الله يرجع . . لو تبين نظري يفداج ياندى ! خذي عييوني ياقلبي انتي !
ندى"بدت تصيح" : لآآ يدوه شـ فايدة نظري دآم إنييي مابقدر آشووووف أمممي . . أفضل أشوف السواد ولا اششوف دنيتي بدون اممي . . جي أحسن ماشوف شي غير صورتها اللي فـ بالي "وقعدت تصيح بشكل هستيري لين مادخلت النيرس وضربتها ابره مخدر عسب تنـام وترتاح"
---------------------------------------

حمدان : هـا كلمتج ندوي ؟
ساره : لا ، مدري بلاهـا ، فجأه إنقطعت أخبارها . .
حمدان : أوف يعني يوم قالت بترجع جي صصار !
ساره : انت شففيك متحرقص تبي تشوفها !
حمدان : هههه ماشي بس اشتقتلهـا ، إشتقت للبنوته الشقرا ، الصيـاحه ، الدلوعه . . اشتقت لـ ندى . .
ساره : هههه ايي حبيبتي ندوي اذكرها وايد تصييح . . حياتي أحسهـا وايد متعذبه . .
حمدان : ياقلبيي . . الله يكون بعونهـا "وققـال بداخله ؛ ان شاءالله بقدر اعوضها عن كل شي"

----------------------------------------
" فالمطــار "

سعود : أقين ، تو تركككيا يااي . .
سعيد : ويا ويهك شفيك مب مصدقق . .
سعود : مسستـانس والله ججو هناك . .
سعيد : ايي ادريبك عشان البنات هههه . .
سعود : لالالا .. بس عشان الجو و المناظر الطبيعه وجي وانا مؤدب مايخصني فالبنـات . .
سعيد : هييه صصدقت ، يالعيار أنت . . !
راشد : شش سكتوا انتت وياه . . خل نسممع متى بيفتحون البوابه !
سعود"يهمس لأخوه" : شفيه رشود ؟
سعيد"يهمس له" : مآدري بس أحس ماله خلق لـ شي ..
سعود: زين رشود ماتبي ستـاربكس ؟
راشد : لا ، أحس ننفسي مسدوده مابي شي .. بس أبي أشوف اختي ..
سعود : بتشوفهـا ياريال وبتعيبك و بتطيح بـ غرامها بعععد بس ققوم ناخذلك ككوفي يعدل مزاجكك . .
راشد : ايييه تراك ترممس عن اختي @.@
سسعود : زين زين آسسف بس صج تعال ناخذ كوفي ..
راشد : آوف صج إنكم حشره ، زين يالله قوموا جدامي ..

- ومـاهي إلا سـاعات و وصلوا تركيـا و ع طول من المطـار للمستشففى -

اليده : هلا بـ وليدي راشد . . هلا بحفيدي . .
راشد : هلا يدوتي "وباسها ع راسها" ، وينها اختي ؟
اليده"أشرت ع الغرفه"
راشد "رآح بدون تردد ، و طبعـًا سعود وسعيد لحقوه"
سعود : مـاشاء الله عليهـا ، كأنهـا ملاك ييوم نايمه . .
سعيد : وواي كييف تههبل . . طرر طر
راشد : يالككككلاب . . "ودزهم برع الحجره "-

سعيد : ززين نبي نكحل عينـا . .
سعود : هههه شش عن يسمعك وايي يكسر عظامنا . .

- فـ الغغرفه ، اقترب منهـا ومسك ايدها بحنـان ودمموعه ع خده -
راشد : أنتي ندى أختي ؟ اللي حتى ماكنت اعرف شكلـها . . قوممي شوفيني انا أخوج اللي كنتي تتمنينه يوقف وياج . .
ندى"تكلمت وهي مغمضه عينهـا وقالت بتعب" : أ أنت ر-اشد . .
راشد : ايي انا راشد ياعيون راشد . . فتحي عيونج شوفيني ياندى ! انا ككبرت . . شوفي اخوج اللي تغير . . اللي حتى ماتذكرين شكله أو يمكن ماتعرفينه . .
ندى : مماقدر يا راشد مماقدر . .
راشد"بخوف" : ليش ؟ ندى فيج شي ؟
ندى : فتحتهـا ولا مافتحتهـأ ، نفس الشي . . انا عميـا يا راشد عميا . .
راشد"انصققع"
ندى"فتحت عينها عشان يصدق " : شفت عيوني ؟ وانا مب قادره اشوف عيونك .. مب قادره اششوف الا السسسسواد ياراششد . . "ونززلت دموعهـا بغزآره ، دموع كـانت حابستنها من أول ما لامست يدينه يدينهـا . . "
راشد "كـان يتأمل عيونها اللي تسحر ! ، من شاف دموعهـا حضنها بالقو وقعد يمسح ع شعرها " : حبيبتي ننندى لاتصيحين . . خلاص انا معاج . . ولازم أعالجج . . بسفففرج لأحسسن مستشفى فالعالم . . بس لاتصيحين . .
ندى : ممابي اششوف اصلن مابي . . أنا تعبت خلاص ! حتى عيني تعبت وهي تذرف دمموع . . كل ماعيش يوم حلو . . أو نص يوم . . بالمقققـابل أيام كلها حسره وندم و عذذاب . . وففففررآآآآق !!!! . . "وقعدت تصيح صـياح يقطع القلب "
راشد : نندى ندى ، الله يخلييج لاتصيحين ياندى ، دخيلج . .والله بعوضج عن كل شي والله وبعيشج أحلى عيشه و أحلى أيام فعممرج . . بس الله يخليج كـافي لاتعذبين عمرج وتعذبيني معاج . . .
ندى"ابتسمت بألم" : أححبك ياراشد ، أنت آخر شي بقالي بهالدنيـا . .
راشد"وخر عنها شوي" : زين حبيبتي احين بروح أشوف يدتي ابي اكلمهـا شوي "وباسها ع يبتها" شوي وبرجعلج . . بخلي الخبايل يدخلون يسلمون عليج . .
ندى "ضحت" : أكييد سعيد وسعود ؟
راشد : وشي غغييرهم . . زين غطي شعرج آغار . .
ندى : همم زين ماشوف ! هاتلي شيله أو اي شي . .
راشد"تم يتلفت حصل سكـارف وعطاها"
ندى : شكراٌ . . "ولفته ع شعرها الاشقر"

" طلع رآشد و إتجه لـ يدته "

---------------------------------

راشد : يدوتي ، وينها امي ماشوفهـا . .
اليده : أمك ، عطتك عمرهـا ياراشد !
راشد : ششششوووو !!!!!!! ممتى هالككلام . . لا مستححيل . .
اليده : هالكلام قبل اسبوع وهو سبب طيحه اختك وتدهور حالتها !
راشد : كككيف . . أمي ممماتت ؟؟ لاا . . بسس انا ماشفتههها . . أبيي اشوفههها "ونزلت دموعه" يدوه انا طول عمري عايش عند عمي ، ماششفت امممي ، ابي اشوفها ماعرف شكلها حتى "انفججرت دمموعه مره وحده ققامت تنزل بغزآره وهو يتككلم وتغيرت نبره صوته وشكله يعور الققلب " ، ييددوه اممي عايشه صح ؟ أصصلن هي ماماتت . . اكيد هي تترياننني بروح ادددورها !
اليده "سحبته من طرف قميصه" : راشد ! مماشي فايده خلاص . . لاتروح وتخلي اختك مالها غيرك . .
راشد" خخلاص تععب مايقدر . . كان محطي أمل انه ايي ويشوف اممه .. راح وقعد ع واحد من الكراسسي . . وسند راسه بإيده بحيث غطى ويهه ودموعه اللي مب راضيه توقف "

----------------------------------------
"عند ندى سعيد وسعود دروا انها انعمت"
ندى : همم شفيكم ؟
سعود : مماشي منبهرين بجمالج . .
ندى"اححمرت"
سعيد : تراج احين حاطه عينج بعيني . . وخلاص احس متخبل . .
ندى"ع طول صدت الجهه الثانيه "
سعود : واححين بالضضضبط عينج فعيني . . وافديته انا . .
ندى : ايييييه خخخلاص بس "وردت راسهـا لورا وغمضت عينها بالقو"
سعيد : هههه ححرام بتحرميينا من هالععيون . .
ندى : ايييه مب ويه حد يطالعكم . .
سعود : طع توه شحلاتها احين جلبت . .
ندى : إيي خبلتوبي ، كل شوي أصد صصوب . . .
سعود : صج دلوععه . .
سعيد : ايي والله قالولنا بس ماصدقنا . .
ندى"حبت تغير الموضوع" : زين سسولفولي عنكم . .
سعيد : شو نققول ؟
ندى : ككيف دبي ؟ ححلوه ؟
سعيد : ليش انتي ولا مره ييتي دبي . .
ندى : لا . .
سعيد"يته ضحكه" : اوووونه ؟ معققوله ؟ انتي وين عايشه . .
ندى"ببراءه" : فـ تركيا - اسطنبول . .
سعيد : هههه زين ماعليه بتين ويانا وبتشوفينها . .
ندى : بس انا عميـا ، كيف بشوفهـا . . "وردت للدموع !!"

-----------------------------------------------------

نهــآيـــــــــــة البــــــارت الثــــالث . .
أتمنى أن ينـال إعجابكم . .
سوري لأن قصير بس كنت أحاول أخلصه عشان انزله اليوم!
بإنتظار تعليقـاتكم و آرائكم و توقعـاتكم . .

تسلميين حبييبتي على هالباارت الجمييل

بس حراام علييج ليش انعمت ندى؟؟ :'(
و رااشد كسر خااطري...و اليده بعد
و سعييد و سعوود: ههههههه متفيجين
و يارا و جياان: الله يراوييهم حيوانات ههه

و فالانتظار البارت الياي 3: 3> :)

السلام عليج كاتبتنا
اشحالج
بصارحة البارت كان ابداع و جميل و طررر
توقعاتي
ندي: حرام كسرت خاطري الله يكون في عونها و ان شاء من ترد الامارات اخوها راح يهتم فيها و يرجع نظرها مثل اول و احسن
راشد: ان شاء الله راح يعوضها و راح يعطيها حنان الاخ و الام و الابو راح يعوضها و ينسيها و يهتم فيها عسب نظرها يرجع لها
عيال عمها سعيد و سعود راح ايغيرون من نفسيتها و راح يهتمون فيها و عمامها واهلها بعد
حمدان: طلع ايحبها بس احسه يوم بيشوفها بينصدم لانه انعمت بس راح يوقف معاها
سارة : بتصيح من تعرف اربيعتها انعمت و تشوف بس راح توقف معاها في اوقاتها الصعبة
و نترياااااج

ربي يسلمج حبوبه . .
صح إنـها انعمت ، بس عندهـا اهلها يوقفون معاها :1711:
و حبيت توقعـاتج تسلمين الغاليه منوره . .
<3

وعليكم السلآم غلايه . .
تمـام و من صوبج ؟
تسلميلي ع هالتوقعـات و الحمـاس :1711:
اتشرف بـ متابعتج و ردودج <3

هلاا
جمييل البارت واترياج في البارت الياي

Waiting the part ♡♡♡.

مرورج الأجمل حبيبتي و اتشرف بمتابعتج . .

مرورج الاحلى حبوبه واتشرف بـ متابعتج . .
وبحاوول انزل بارت اليوم أو بـاجر :1711:

الـــــــبـــــــــارت الـــــرابــــ4ــع . . .


/
\
/
\
/
\
/


راشد : حبيبتي ؟
ندى"إلتفتت تجاه الصوت . . "
راشد : همم ، اليوم بيرخصونج من المستشفـى . . أبيج تردين البيت و تجهزين اغراضج عـشان ترجعين معـانا ، البلاد . .
ندى"دمعت عيونها من الفرحه" : صصج . . رآشد تعال ابي احضنك "وفتحت ايدينهـا"
راشد"حضنها" : شش ، لاتصصيحين يالدلوعه خلج قويه . .
ندى"بصوت مبحوح" : هـ ـهه بـحـ ـاول . . بـ ـس من الفـ ـرحه و فـ نفس الـ ـوقت مـ ـضايجه لأني بـ ـرجع و أنـ ـا عميـا . .
راشد : ماعليه حبيبتي بإذن الله بيردلج بصرج أنتي بس خلي ثقتج بربج قويه . .
ندى : أبوي عرف ؟
راشد : ايي عمي خبره كل شي ..
ندى : تتوقع بيستقبلني ..
راشد : ماعرف يمكن ، ليش تسـألين ؟
ندى : أممي كـأنت دوم تتكلم عنه ..
راشد"ابتسم" : كـان ودي اشوفهـا "ودمعت عينه"
ندى"تحاول ماتصيح" : أمم . . شوفنـي انا .. أشبهها واايد ..
راشد"قعد يتأمل فـ أخته" : الله يخليج لـي ياندى ..


-------------------
"افيندار كـانت مع ندى تسـاعدها ع تجهيز اغراضـها - لأن ندى اليوم بتسـافر ، بترد الامارات- . . "
افيندار : همم شو بعد ؟
ندى : شليتي كل اللي فالكبت ؟
افيندار : ايي . .
ندى : والاغراض اللي ع التسريحه . .
افيندار : ايي كلهم . .
ندى : خلاص عيل . . مشكوره حبيبتي و سوري تعبتج . .
افيندار : لا عادي حبيبتي كل شي لأجلج يهون . .
ندى : همم زين عادي تسـاعديني ف شي أخير . .
افيندار : آمري . .
ندى : ابي تختـاريلي شي حلـو ألبسه عسب يوم بروح المطـار . .
افيندار : همم . . بتلبسين عباه ؟
ندى : لا ماتعودت ألبس عباه، إختاريلي شي ينفع ألبسه بدون عبايه . .
افيندار : همم . . اشرآيج نروح نسوي شوبنق ! لأن هالمناسبه مميزه لازم تلبسين شي يديد وحلو . .
ندى"كـان مالها خلق تطلع وهي عميــا بس تذكرت ان يمـكن هذي اخر مره تكون هي و افيندار مع بعض فـ وافقت "

راشد : هـا ندى اشوفج طالعه ، ع وين ؟
ندى : همم بروح اسوي شوبنق . . وبالمره بودع شوارع تركيـا . .
راشد : زين حبيبتي ايي معـاج ؟
ندى : لا ، كفايه افيندار معاي "وابتسمت"
راشد : زين تحملي بـ عمرج . . و لا تتأخرين لان بنسير المطـار عقب عقب صلاة العشـا . .
ندى : من عيوني . . . "وراححت مع افيندار "

افيندار : مسكي لبسي هذا بشوف كيف بيطلع عليج . .
ندى : أهئ افيندا بذبببحج كل شوي تلبسيني و عقب تقوليلي افصخه وتلبسيني شي ثاني . .
افيندار : هههه ، عادي عادي خلاص ها اخر شي . .
" ولبست ندى الثيـاب اللي هي عباره عن قميص طويل مقلم بألوان هاديه -وردي فاتح ، سماوي ، أصفر ، . . . - و تحته لقينز كحلي . . و سكـارف عنابي . . "
افيندار : ايي جي شككلج كيييوت و نـاعم . .
ندى : صج ؟ أي لون ها ؟
افيندار : كل الألوان :$ . .
ندى : امبيه يمكن عنقاش . .
افيندار : لالا واللله . . ححلو تجنيين . . احين تعالي نشوفلج اكسسوارات . .
" و اشترتلهـا أساور و سلسله وحتى سويره حق الريل . . ومن بعدهـا راحوا الصـالون و ندى سسـوت شعرهـا كيرلي من تحت . . وبعدهـا رجعوا البيت "
راشد : واي مححححلاتها هالبنت ربي يحفظهـا . .
ندى : اححم ، تكلمني ؟
راشد : وهو شي قمممر غيرج . .
سعود & سعيد "يصفرون "
سعيد : قمرر ، قممر . .
سعود : كييكه هههه . .
ندى : وي بسسسم الله انتوا هني ياللي ماتستحون . . "وغطت شعرهـا"
راشد : مايستحون ماعليج منهم . . يالله حبيي شوي وبنروح المططـار . .
افيندار : ويت ويت بحط اللمسـات الاخييره . . المييك أب . .
ندى : هييه صح . .
افيندار : يالله تععالي "وسحبت ندى فوق و سعيد و سعود وراشد مب فاهمين شو السسالفه لان كانوا يرمسسون بالتركي . . "

- - - - -
ندى : همم حطيلي شي خففيف أوك ؟
افيندار : اففا عليج . .
" وحطتلهـا جحال كحلي ، ورسمتلها عيونها و روج وردي و بلاشر و آي لاينر . . . ورتبتلها حجآبها . . "
افيندار : وو خخلصننا !
ندى : امممبيه . . انا ححلوه ؟
افيندار : هههه ايي ققمرر وربي . .
ندى : اككيد ؟ ابي اشوف ككيف شكلي . .
افيندار : حبيبتي تجننين والله . .
ندى : اوه صصح . . "تذكرت ساره " افيندا حبيبتي ممكن اتدوريلي فوني واتطلعيلي رقم سسـاروه وتتصليلها ، ابي اخبرها باللي صـار . .
افيندار : من عيوني . .

" ودقت ندى لـ ساره اللي انصدمت بـالخبر ، ان ندى انعممـت و طبعـًا فرحت يوم درت ان ندى بترررد . . . وقالـت ان بتستقبلهـا فالمطار . . "

افيندار : مـانسيتي شي . .
ندى "تفكر" : اممم . . ماعرف . .
افيندار : يالحححمـاره . . أنـــا . .
ندى : اووه افيندار حببببيبتييي "وحضنتها" والله بشتـاقلج وووايد . .
افيندار"تقاطعها" : جججب يالحماره لاتصيحين والله تعبت وانا اسويلج الميك اب . .
ندى "ضربتها ع جتفها" : كلبه ، بدل ماتقولين دموعج غاليه ـ خايفه ع الميك اب . .
افيندار : هههه احببج والله . . يالله روححي يتريونج . .
ندى "ابتسمت بـ حرقه " : حبيبتي بشتـاقلج . . . إلا وين يدتي ؟
افيندار : ممادري . . قالتلي تحملي بندى ووصيهم عليها ، وراحت !
ندى : آآه حبيبتي يدوه . .
راشد"مسـك ايد ندى وسحبها" : تعععالي يالله من الصبح تخربطون بالتركي وانا مب فاهم شي . .


- الســــــــــــــاعه 1 بعد منتصف الليل ؛ فـ مطار دبي الدولي -

ندى : رششود ممكن تتصل لـ ساروه هي قالت بتيني المطار"ومدتله الفون"
راشد "فج الفون وقعد يدور ع الرقم وحصله و اتصل ، إلتفت لـ ندى عسب يعطيها الفون لقاها بعيده ويا سعود وسعيد وشكلهم مخبلين فيهـأ ، وفجأه ردت سـاره . . "
ساره : ألو ؟ نييدو وصصلتي . . ؟
راشد : أأأ ، أنا أخوها راشد . .
ساره"تخربطت من سمعت صوته" : أوه . . سوري . . وين ندى ؟ قصدي الحمدلله ع السلامه . . قصدي وينكم ؟
راشد : هههه شفيج . . الله يسلمج . . ندى ويا عيال عمي . .انتي وين ؟
ساره : أأ ، أنا ويا اخوي حمدان . . همم عند المدخل الرئيسي . .
راشد"إلتفت" : انتي القصيره ؟ ويا بوكندوره صفرا . .
ساره"انقصفت جبهتها" : ايي . . :)
راشد : أوك بييكم . . . "وسكر"

"سـاره ؛ كانت تطالع الريال اللي ياي صوبهم ، معقوله هذا راشد ؟ اشقر و أبيضاني وعيونه مكحله . . عسليه مع خطوط خضرا ع زيتونيه ، و فيه غمازه ع خده اليمين و اليسـار ، وخشمه سيوفي و حواجبه مرتبه وشوي كثيفه . . ويت ليكون ها مهند ؟ واي محلاته "

حمدان"يسلم ع راشد" : الحمدلله ع السلامه . . شحالك الطيب
راشد : الله يسلمك حمدان . . تمام ومن صوبك ؟
حمدان : الحمدلله بخير . .

ساره"قامت من سرحانها و دشت عرض" : إلا وين ندى أبي أشوفهـا . .
راشد : أكييه . . "وأشرر عليهـا وصرخ ينادي" نيدو تعاليي ربيعتج هني . .
حمدان "ع طول اتجه نظره لناحيه ندى . . ويكلم نفسه ؛ بعدها ضعيفه و قصيره ونتفه ! نفس ماكاانت ، ونناعمه ودلوعه وملامحها بريئه وطفوليه! ماشاءالله عليها هالبنت من يصدق انها كبر اختي . ."
ساره"من قربت ندى ركضت صوبها وحضنتها" : حبييبتي ندى من يصدق ان تلاقييينا . .
ندى : كحح كح ، خنقتيني يالدبه . .
ساره"ضربتها ع جتفها" : جب جب ، هاي يزاتي خلاص زعلت . .
ندى : هههه حبيبتيي سساره . . روحي مب مصدقه انج جدامي .. "ودمعت"
ساره : لاااا لاتصيحيين خلاص احبج وايد و والله مازعلت . .
ندى : هههه شفيكم علي كل ماتدمع عيني تصرخون وتقولولي لاتصيحين . .
راشد : لان ندريبج دلوععه . .
ندى : إهئ أصلن حلاته الدلع . .
سعود"بصوت واطي" : فديتهم انا اللي يتدلعون . .
راشد"ضربه ع راسه" : بسك من متى تتغزل فاختي وساكتين عنك . .
سعود"يحط ايده مكان الضربه" : اححح يعورر . . ياخي شسوي البنيه تجنن و معذبتني . .
راشد : شككلك تبي ضربه ثانيه ؟
سعود : ها ، لالا . . آسسف والله ماعيدها ، خلاص بتغزل فيك و امري لله . .
- الكل ضحك ع هبـال سعود -
راشد : همم زين اعذرنا حمدان احين بنروح الأهل يتريونا . .
حمدان : أوه عيل اسمحلنا عطلناكم . . ماتبي أوصلك ولاشي ؟
راشد : لالا أبويه ، أأ أقصد عمي يتريانا برع . .
حمدان"إلتفت لـ أخته" : يالله سسـاره . . ومشئ عنها . .
ندى"تهمس لـ ساره" : حمدان كـان هني ؟ حمدان راح ؟
ساره"تهمسلها" : ايي راح . .
ندى"تجمعت الدموع فـ عينها" : امبيه ، حتى ماسلمم علي ، ولا سأأل ولا قاللي ححتى الحمدلله ع السسلامه . .
ساره"بهمس" : ياقلبي لاتصيحين يمكن مب متحمل يشوفج بهالحاله . . خلاص انا اراويه هالححمـار . .
راشد "إلتفت جهتهم و علا صوته " : يالله يا ندى بنروح . .
ساره : همم اقولك راشد ندى تبيني اوديها الحمام . .
راشد : ماعليه انا بوديها . .
ساره : لالا تستحي تبيني انا اوديها ، خلاص بنروح و مابنتأخر . . بتمون هني صح ؟
راشد : أووك عيل نترياكم . .
ندى"همست بصوت مبحوح" : بس انا مابي الحمام . .
ساره : شش تعالي وياي . . " وقريب الحمام" ندى دخلي بييج احين . .
ندى : أوك . . "ودخلت"
ساره : ألوو ؟ يالكلب ياحمدان تععال بسرعه عند الحممـام ، أكييه البنيه تصصيح بسبتك ، اننت حتى ماسألت عنها ولاعبرتها . . يالله انجلع باي . . لاتتأخر . .
ساره : هاخلصتي . .
ندى : طع ، اخلص من شو ؟ اقولج مابي الحمام ويا راسج . .
ساره : ههه اوه صح ، زين تعالي نطلع . .
ندى : نلعب نحن ها . .
ساره : طلعي طلعي "ودزتها لـ برع - طبعـًا ماكنت تقصد اللي بيصير ، ندى دعمت حرمه كانت بتدخل الحمام "

. . : وججع انتي عمييا ماتشوفيين ؟
ندى "تكلم نفسها؛هيه انا عميـا ! ": . .
. . : ماتحسين شو ؟ الناس يعتذرون يا قويه العين ولج ويه بعدج واقفه صج بنات أخر زمن . .
ندى : - تصييح -
حمدان "سحب ندى من ايدها واتطالع الحرمه " : والله محد غلطان غيرج ، محد قالج ماتشوفين جدامج دامج مب عميـا ع قولتج جان شفتيها ورحتي بعيد . .
. . "الحرمه قفطت وراحت"
حمدان "أشر لـ ساره أن لحظه شوي بس ، وسحب ندى بعيد عنها " . .
ندى "والدموع ع خدها " : اييه هدننني منو انننت اصصلن . .
حمدان : آآه ياندى الدلوعه . . كله تصيحين بسج . .
ندى : ككـيف تعرف ، اسمي . . اوه اننت حمداان . .
حمدان : ايي ياندى، انا حمدان . . انا اسف لأني ماقلتلج شي . . بس ماعرف لسـاني انربط من شفتج . . ، سامحيني ؟
ندى"ابتسمت وحست براحه" : أأ ، لاعادي . .
حمدان : همم ، الحمدلله ع السلامه يالدلوعه . . آخر مره تروحين وتخليني ..
ندى"آنصدمت" : أخليك ؟
حمدان"يرقع" : أأ ، قصدي تخلينـا ، انا وسـاره . . ياحليلها كيف كانت تحاتيج و تترياج . .
ندى: همم ،وانت ؟
حمدان : حتى انا ، كنـت اترياج ياندى ..
ندى"آححمرت ، حمدان جي يقول ؟"
ساره"يت سحبت ندى" . .
حمدان : أوف خربتي علينا . .
ساره : جب جب اخوها يترياها . . يالله نيدو . . ويت ويت "وتطالع ويه ندى " الحمماره صحتتي ؟ خربتيي مكياجج . . تعالي الحمام مره ثانيه . .
ندى : لالالا مابي نصادف هذيج الحرمه . . عدليلي هني . .
ساره : جدام النـاس ؟
ندى : همم بالنسبه لي ، عادي ماشوفهم . .
ساره : ههه ، زين يالخبله "وطلعت من شنطتها العده و عدلت لندى . . وردت قمرر ، مع انه حلوه مع مكيـاج أو بدون . . "
ندى : احين انا اوك ؟
ساره : ايي أم الأوك بعد هههه . .
ندى : فدييتج حبيبتي انتي "وحضنتهـا "
راشد "يا من بعيد " : شككلنـا مابنرررووح اليوم . . يالله تأخرنا . .
ساره : أوه ، آسسفه أخررتكم. .
راشد : لاعادي افا عليج "وغمز لهـا"
ساره"ابتسمت بخجل و رشود ضحك عليهـا ، وساروا كل واحد بطريج "

----------------------------

" وصلـنا لبيت عمي . . رغم إن الوقت متأخر بس الكل كان صـاحي عشان يستقبلنـا . . كنت أسلم عليهم وانا ماعرف منو هذيل . . بس احاول احفظ اصواتهم لأن مثل ماتعرفون - انا عميـا - . . عرفت بنت عمي اخت سعود وسعيد . .اسمهـا فاطمه وهي بعمري ، عمرها . .15 . . وعندهم أخـو اسمه سالم و عمره 14 . . و أما عمي ومرته كـانوا طيبين وايد وياي . . ومستأنسين بوجودي . . . . أمممـا عمي الثاني عنده بنت اسمهـا هدى وهي بعد بعمرنـا . . بس صراحه احس مارتحتلها . . و عندها اخت ثانيه اسمها عنود و هي بعمر سالم وحبببوبه ماشاءالله عليها . ."

----------------------------------

فاطمه ؛
كنـا انـا وعنود وهدى قاعدين نتـريا اخواني سعود و سعيد و عييال عمي راشد و ندى . . .
عنود : مب توصل ندى ، تسحبين علي وتقعدين معااها وتنسين العشره اللي بينـا . .
فاطمه : هههه لا افا عليج انتي فالقلب . .
هدى"كانت تحاتي شي واحد و هو" : بنـات تتوقعونهـا احلى عني ؟
فاطمه"تبي تقهرها" : ايي اكيد ، دام يدتهـا تركيه . .
عنود"تكمل" : ودام طالعه ع رشود اخوهـا اكيد قممر . .
هدى : أوف وجع ، هذي ليش رجعت لو تمت هنـاك مب احسن . .
عنود : أشوفج تغغغـارين ؟
هدى : ههه خسي . . تبيني اغار من وحده عميا ؟
عنود : تراها الا فتره وبيرد نظرها ان شاءالله . .
هدى : أوف ياعساه مايرد ..
عنود : اييه مب زين !
فاطمه"قاطعتهم واشرت ع الجامه" : بننات شوفوا وصصصلوا . .
عنود : واي شحلاتهـا طاعي ويهـا كييف مننور . .
هدى"تطالع سعود وسعيد اللي كانوا يسولفون وياندى" : أوف هذي عميا وجي مسويلها سالفه . . "وتكمل بداخلها ؛ انا مايسولفون وياي ! "
فاطمه : تععالوا تححت نسسلم . .
عنود : أوكك ، يالله هدى . .
هدى: دقايق و بييكم . . "وقعدت تحطلها ميك اب من اول ويديد و استشورت شعرهـا عدل و ظهرت قصتهـا و خصلات من شعرهـا ياللي لونه آسود بسواد الليل "
" وسسلموا عليهـا و بعدها - ونزلت هدى"
عنود : بسسم الله ، عندج عرس شو . .
هدى : جب مايخصج . . "وسارت سلمت ع ندى"

- و بعد سـاعتين جي . . صصارت 3 بعد منتصصف الليل "شكله اليوم صبآحي" كـان الكل تقريبـًا موجود ومب حاسين بالوقت وسوالف وضحك ، الحريم بصوب و الرياييل بصوب و البنات بـ صوب و الشباب بصوب . . كـانوا قاعدين ف صاله كبيره و حذالهـا ميلس الرياييل اللي مفتوح ع الصاله . . -
بوسعيد"يا صوب البنات" : يمـا ندى . . أبوج اتصـل وقالي انه قريب وبيوصل . .
ندى"بصدمه" : أبـ بـوي ؟
بوسعيد : ايي ياندى . .
ندى : ز-زين . . "ندى حست بضيج ، وكـأنها كارهه أبوها وماتبيه ايي"

- بعد دققايق -
راشد"سـار عند ندى مسك ايدها": ندى تعالي معاي ابويه وصل . . "وساروا لـ ميلس الرياييل"
بوراشد : نننندى !! بننتي "وحضنهـا ونزلت دموعه" شححـالج حبيبتيي ؟ اشتقتلج . .
ندى"كـانت كـأنهـا صنم . . دموعهـأ تنزل بهدوءء وهي متجمده فـ مكـانها ومانطقت بـ ولا حرف . . "
بوراشد : يمـأ ندى انتي لازم اتين معاي البيت . .
راشد "صرخ" : لا مستحححيل . . اختي مابتروح عندكك . .
بوسعيد: راشد عيب هذا ابوك . .
بوراشد : خله ، خل يقول اللي عنده . . يبـا راشد . . انا ابوهـا و أحق بتربيتها ، مب كفايه اني انحرمت منها كل هالسنين . . ؟
راشد : خلاص شتبي فيها . . عندك حرمه وعيال . . ولا تبيها تتعذب ويا حرمتك ؟
بوراشد : حرممتي ماعندها اي مانع وندى حسبت بنتها ! لاتكبر الأمور . . ها ندى بتين معـاي ؟
راشد"همس لها" : ندى لاتروحين دخيلج !
ندى : يبـا انا ابي اتم مع راشد ..
بوراشد : ندى ! ابي رايج انا مب راي راشد . . يعني ماتبين ابوج . . ؟
ندى : . . .
بوراشد : زين ياندى خل عندج رقممي . . ويوم تبين اتين ، اتصلي وبيي اخذج . . وبتعيشين ف بيت ابوج معززه ومكرمه .. وأنت بعد ياراشد ..
راشد"قاطعه" : لا شكرًا انا مكاني هني .. وأبوي موجود "واشر ع بوسعيد"
بوراشد "قعد يحـاول فـ ندى اللي رايها كان من راي راشد . . وبعدها طلع من بيت أخوه ضآيج و متحسف ! "
راشد"مسك آيد اخته ووداها صوب البنـأت وهم يمشون" : ندى ترا اللي سويتيه صح . .
ندى : بـ بـس س ، احسه متندم . .
راشد : ندى ؟ ترا عنده حرمه و عيال . . خلاص نسـانا ياندى مايبينا ..
ندى"تنهدت"
راشد"اشر للبنـات" : اييه انتوا ، خل عندكم نيدو . . وياوييلكم ان زعلتوها بـ كلمه ولا قلتولها شي . .
ندى"ابتسمت"
فاطمه"قامت عسب تمسك ندى" : ان شاءالله من عيوني . .
هدى"بصوت واطي" : عشتوا ، وايد مسويلها سالفه هالعميا ..
عنود"سمعتها" : عيب عليج ..

------------------------------------------
عنود : يمـا تراني ماني راده معاكم ابي اقعد مع فطوم و ندوي . .
ام هدى : خلاص ماعليه . . وانتي يا هدى بتمين ولا ؟
هدى : ايي بتم . .
أم هدى : زين عيل نستأذن نحن "وسلمت عليهم وطلعت "
هدى "بسخريه" : ندى ترآ الشباب راحوا ترومين تعقين شيلتج > طبعاً تجذب بس توقعت أن شعر ندى مب مرتب بمـا إنها عميا ، ! وطبعـًا لانهـا تغآر من ندى بسبب جمـالها . . .
فطوم وعنود "عطوا هدى نظره فـ ابتسمت بسخريه "
ندى"شلت شيلتهـا" : آوه وأخيراً "وحطت ايدها فشعرها تنثره . . .
" البنـات انصدموا ، ماتوقعوا شعرهـا بهالطول ، أو بهالجمـال ، كـان مرتبب . . ناعم وطويل ومن تحت كيرلي ولونه نفس شعور المودلز الأجانب . . والشبـاب كـانوا ف الميلس الثاني و الميلس مفتوح ع الصاله فـ شافوا "
سعود"بصوت واطي" : وي وي فديت حرمتي . .
سعيد"بصوت واطي" : حرمتك ف عينك انا بخذها . .
سعود"بصوت واطي" : عادي انا انت وانت انا . .
سعيد"بصوت واطي" : هههه صخ عن يذبحنـا اخوها . .

بوسعيد "انتبه لهم انهم يطالعون ندى" : اييه انتوا ! ماتستحون ع ويهكم . .
"سعيد&سعود ع طول اتطالعوا السقف أونهم ماكانوا يطالعون"
سعيد : حلوه الثريـا صح سعود . .
سعود : ايي ماشاء الله عليه ابويه يعرف يختار . .
راشد : ههههه ايه الخبايل . . ، عمي اسمحلي بروح اققول للبنـات يقعدون فوق أحسن ، خل ندى تاخذ راحتها . .
بوسعيد : زين ياولدي . . أقولك تأخر الوقت بروح آرقد شوي عسب ألحق ع صلاه الفير ، وانتوا روحوا للبنات . . قولولهم عن السهر خل يرقدون وانتوا بعد . .
سعيد : افا عليك . .
سعود : تصبح ع خير ابويه . .
سعيد : اوه تصبح ع خير . .
بوسعيد"ابتسم" : وانتوا من اهله . . و عن الخبال الزايد . . "وراح"
سالم"يهمس لـ اخوانه-توه يشوف ندى" : أققول منو هالصاروخ"واشر ع ندى" . . ؟
سعود"ضربه ع راسه" : اييه احشم ، هذي حرمة اخوك . .
سعيد : احمم طبعًا تقصدني . .
سعود : لا يالكلب اقصد عمري . .
سعيد : قصدك انت كلب ؟
سعود"وقال بصوت عالي" : يالحممار قصدي ندى حححرمتي . .

" البنـات كانوا يركبون الدري سايرين فوق ، وسمعوا سعود . . "

فطوم"ضربة ندى بالخفيف" : هاا اشوف مخبله اخواني ياندوي . .
ندى"اححمرت من المستحى"
هدى " مييته من الغيره وحاقده ع ندى بالققو ، لان من يومها وهي تحبب سعود وسعيد وتتمنى تاخذ واحد منهم - لأنهم معروفين ومزايين و صورهم منتشره فالنت و كل بنـات بوظبي متخبلين عليهم - "

- الترتيب فالغرف . . ندى بترقد مع فطوم . . لين مايروحون هدى و عنود . . أما سعيد و سعود فـ ابوهم بيرتبلهم الغرفه اللي تحت عسب ندى تقدر تاخذ راحتها وفهالوقت هدى و عنود بياخذون غرفتهم . . أمـا حمدان فـ طول عمره وهو فالغرفه اللي تحت عشـان بنت عمه اللي هي "فاطمه" تقدر تاخذ راحتها -

فطوم : بنـات احين بسير ألبس بجامتتي و بسـاعد ندى عسب تبدل . . وبعدها شرايكم نتيمع فالصـاله "الصاله اللي فوق طبـعاً " . .
عنود : همم حتى انا ابي بجـامه بلبس من عندج . .
فطوم : أوك من عيوني ، وانتي هدى اطلعلج بجامه ؟
هدى : لا وع مالبس بجامه حد . .
فطوم "عطتها نظره" : شكرًا . .
هدى"راحت عنهم وطبعـًا مستانسه لانها بترقد فغرفه سعيد وسعود "
عنود : ماعليكم منهـا نفسيه ، اختي واعرفها . .
فطوم : لا اصلن عادي . . " وراحت فطوم طلعت بجامه لعنود ، "
ندى : همم زين ممكن اتطلعيلي بجامه من شنطه ثيابي . .
فطوم : من عيوني . . .
ندى : همم اللي رتبتلي شنطتي قالتلي انها محطيه البجامات تحت . .
فطوم "طلعت بجامه لـ ندى وعطتها ، وطلعت لـ عمرها " : همم انا بروح ابدل فـ غرفه التبديل عشـان تاخذين راحتج . .
" ندى بدلت ثيابهـا و خلصت ، وفطوم بعد وعقبها فطوم راحت الحمام-عزكم الله - "
ندى "كنت فالغرفه اتريا فطوم تخلص سمعت رنة فوني ، او بالاحرى تحريت فوني لان نفس الرنه "
ندى : ألـوو ؟
. . : ألو . .
ندى : بسم الله منو أنت . . ؟
. . : انتي اللي منو ، مب ها فون فطوم ؟
ندى: هااا ، اوه ايي ها فونها . .
فطوم"طلعت من الحمام وشافت ندى وسارت ركض شلت الفون" : ألـووو ؟ سلطـان . . ؟
سلطان : فطوم منو هاي ؟ ماحيد عندج خوات . . !





نهــآيـــــــــــة البــــــارت الرآبــــــع . .
أتمنى أن ينـال إعجابكم . .
بإنتظار تعليقـاتكم و آرائكم و توقعـاتكم . .

مرحب كتابتنا شحالج
بصارحة تسلمين علي بارت الخطير و روعة
سعيد وسعود: مشكلة انكم توام و تضاربون علي ندي بس ما يندري النصيب وين ايعقكم
راشد: يعجبني شخصيته مرح و نفس الوقت حنون و يغار علي اخته بس ايحاول المستحيل عسب ما تنزل دموعها
هدي: احس نوايه علي شي في الاخير ووايد تغار من ندي المفروض توقف معاها في ها الوقت
ندي: علي رغم انج عميا الكل واقف معاج وايحبج و ما يرضي عليج
فطوم: حنونه و شخصيتها حلوة بس ما يندري منو يطلع سلطان الي تكلمه
و نترياج لا تطولين

يااا رباااااااه قووووول البااارت خطيير ههههع :)
راشد: انشالله ياخذ القصيره أخت بو كندوره صفره ههه
ندى: حراااااااااااااااااااااااااااااااااام حلييلها والله كاسره خاطري
هدى: جلبه هههه احسها حقووووووووده و غيوووووره و انانيه و هيك ههههع
فطوم و العنود: حبووبات و جي طيباات و أظن سلطاان وااحد فطووم ترمسه ع اساس انه يحبها ههههه
سعيد و سعود: يا الله شو حبيتك ههههع
و ثانكيوو ثانكيووو ثااانكيوو <<< خلاص برووح التجنييد

تقبلي خطفتي و فانتظاارج و اذا طولتي........

مراحب حبيبتي ، تمـام ومن صوبج ؟
ربي يسلمج حبيبتي ومنوره . .
سعيد و سعود ؛ صح ان يحبون ندى ، بس اكثر اللي يقولونه يكون ، استهبال وخبال ، يعني مب صدق ..:1711:
ومشكوره حبيبتي ع رآيج الححلـو ، و يعطيج العافيه . .
ان شاء الله بنزل بارت يوم الخميس ، أو باجر . .

هههههههههههههه ، ان شاء الله . .
حبيبتيي والله . . تسلميين حبوبه ع المرور ورايج الجمميل . .
منووره والله . . ان شاء الله البارت الخميس . . وبحاول انزله قبل . . :1711:

فانتظار ندى أاقصد انتظاارج حبييبتي هههع

حبيبتي والله ههههـ احين بنزله:1711:

البـــــ ـ ـ ـارت الــــخـــامـ 5 ـس . .


/
\
/
\
/
\






نهــآيـــــــــــة البــــــارت الخــــامـــس . .
أتمنى أن ينـال إعجابكم . .
بإنتظار تعليقـاتكم و آرائكم و توقعـاتكم . .

مرحبة كاتبتا شحالج
بصارحة البارحة كان ابداع و طررر و جميل
زينب: دايما مرت الابو تبقي غيورة و حقودة و ظالمة تظلم البنت شكلها ناوية علي مصيبة
ابو ندي: عمرك لا تشك فيها هاي بنتك و المفروض تثق فيها لو شو ما كان و ما تصدق مرتك وبعدين شي طبيعي ندي تخاف علي ولد عمها
راشد: حليلك مالومه يوم تم ايقول لندي لا تسيرين اهناك من كثر خوفه عليها
سارة و حمدان : و اخيران يا فرحتكم بتشوفون ندي و هيه بتشوفكم
فاطمة: طيبة و حبوبة و عا نياتها
ندي: علي رغم الناس و ايعاملونها باذي تم نفس ما هيه و طيبة و حبوبة
خليفة: بخصوصه كل صغيرة و كبيرة لازم ينقل و يقول حق امه كل شي
و في انتظارج غلايه لا تطولين علينا

تمـام حبيبتي وانتي ؟
مرورج الأجمل غلايـه . . .
ايي نعم . . :eh_s(1)P:
وخليفه لأن ولد مرت الأبو لآزم يكون ضدد ندى .. :no_6:

~ ان شاء الله مابطول .. احتمال اليوم انزل بارت
وتسلميين حبيبتي

ههههه الله يسسلمج حبيبتي ، مننوره ..
آححب ردج و حماسج تسلميلي والله . . :1711:
خليفه نآوي ع نييـه . . :66:
ان شاء الله بحاول ماطول ..
بس لازم اتغلى عشان اشوف الحماس :112:

بإنتظــار ردود اللي يقروون من خلفف الكوآليس ..
ترآآ لو مآشي ردود ، ماشي بآرت :112:

لا نبأ بارت

ياقققلبي .. انتي تستاهلين اطرشلج بارتات ع الخاص هههه :1711: