|
الشوق يا خلي حيل غلاب ما آطيق بعدك لاحشى ما اطيقـه \بقـلمـي الشوق يا خلي حيل غلاب ما آطيق بعدك لاحشى ما اطيقه (ممنوع نشر الرواية دون ذكر أسم الكاتبه لو سمحتوا) الصفحه الاولى .., عيني انا بعينها والقلوب ابعاد ،، أخشى هدب عيني يلامس هدبها مقى الحكي حينها ،، والقلب ما اعدتا على لقى اللي حبها من عرفها زايد:كلللوش مبروك يا حبيب قلبي سيف:الله يبارك في حياتك يا حبيبتي سلطان: وابويه انا عالرمسه اسطلبوا انته معرس وللحين ما عقلت عبدالعزيز: عاد الحين شو بيفكنا من لسان البدوي جاسم:هيه والله وأنت صادق عمر: مب عايبينكم البدو شو سيف : لا حشى شيوخ شيوخ حمد:فديتهم والله هل العين قبل 4 سنوات ., دخل الفلة وهو فـقمة عصبيته وشال شنطته ويقول فخاطره : كيف أبوي يسوي فيني جي أنا ولده يخليني موظف عادي وأنا دارس خمس سنوات تعب وأخرتها موظف عادي انا ولد مدير الشركة وحفيد علي اشتغل موظف عادي واسكن فسكن...! والمصيبه راتبي ما يتعدى العشرين الف ..! طلع فويهه شاب وسيم ملامحه هادية وقال: السلام عليكم رد علييه بدون نفس: وعليكم السلام رد عليه الشاب : أنا سيف انته زايد صح استغرب زايد من اسلوب هالسيف يحسه دلوع ومبزاي : هيييه والحين ممكن تزول عن ويهي سيف: باي يا حلو .. زايد ما رد علييه ويلس يطالعه بنضرات احتقار في العين داار الزين في أحد فروع ستار بوكس ..........: شفيها لو سحبنا على الدوام من أول يوم تراه أول يوم .......:عمور تستهبل فضيحه ها أول يوم حقنا عمر: سليطين لا تغث لي فؤادي ترانا غبنا وانتهى الموضوع سلطان سكت عنه ولد عمه ويعرفه طول عمره مهمل ,. الصفحه الاولى هي صفحه من عشرات الصفحات التي ستكتب فيها روايتي وهي صفحه بسيطة وقصيرة والصفحات القادمة أفضل عطوني رايكم في الرواية وأن شاء الله بتنزل صفحه أجمل من الصفحه التي قبلها ♥..لـمَسَة إבـًسَآسَ.. :987: |
الصفحه الثانية يا بحر فيني من الحزن كثر ما فيك من حزن وأوجاع وغياب وغرايب لاتلومنـي إليـا شفتنـي دايـم أجيـك ولاشفتني دايم علـى الشـط ذايـب حزني كبير أكبر من حدود شاطيـك وأقسى من جـروح الزمـان العطايـب وإن كان تنشدنـي فأنـا مقـدر أخفيـك دايم اظن ويطلـع الظـن خايـب في هالزمن أقرب حبايبـك يشقيـك إليـن تدفـع فـي غـلاه الضـرايـب !! من بعد هذا يبتعد عنـك ويجفيـك ماكنه بجنبك قضى الوقت طايـب !! وإلا الخوي اللـي توقعـت يفديـك يفديك عمره لاغـدت بـك نشايـب !! صد وتصدد مايبي سمع طاريك وياما أنت دونه أتعبتك الطلايب !! لاتقول لي بدري وتوك ويمديـك وتعال وأسمع باقي الهـرج صايـب خلك بحالك وأطلب الـرب يهديـك ولاتنشد اللي غاب وين أنـت غايـب وإن شفتني غايب عن حدود شاطيـك أعرف تراني تحت ذيك النصايب وأعرف تراني دايم إن ضقت بآجيك لأني أنا والموج صرنا حبايب !! قااام من جدام البحر وهو مهموم بعد الي صار امه و ابوه كيف يسوون جي فجآأه ركب السيارة ومسك خط أبوظبي مستحيل يتم في دبي بعد الي صاار .، العين .،،. سلطان: ها عمر بتروح الدوااام اليوم ولا بتسوي مثل امس عمر : ههه لا عااد لا تخليني احلم سلطان عطااه نظرة عمر : امزح بسم الله سلطان : هاها ضحكنا يلا امش عمر : أن شاء الله عمي أبوظبي .،،. سيف : السلام عليكم ....: وعليكم السلام سيف : شحالك عبدالعزيز عبدالعزيز : الحمدالله من صوبك سيف : مااشي الحال عبدالعزيز : وينه زايد ابد ما ييلس ويانا سيف : زايد هذا بطراان لانه ولد المدير ما يريد يكلم احد عبدالعزيز : حرام عليك سيف انا ما شفت منه شي سيف : بتشوف عزيزي صبر كم يوم بس خط دبي ااه يا رببي شو اسوي أنا ليش ابوي يطلق امي بعد هالسنين الي طافت وهم ويا بعض ليش !! صح أن امي ما تلعب دور الام ولاتسمع رمسه ابويه بس هي في النهاية زوجته وأم ولده الوحيد الله يسامحك يا ابوي ،.. الأرض لا مـن مرهـا الغيـث تحتـاس بعد الضمـى تشـرب ويذهـب جهدهـا من طيبها ينبت بها الـورد بـا جنـاس وتجلـي عـن الصـدر المعنـى نكدهـا يا حلو نبت العشـب مـن قبـل ينـداس وشوف كلباء العامـره فـي عقدهـا بعض الليالي وان غـدى ليلهـا نعـاس تسري بهـا الذكـرى وترحـل وحدهـا وبعض العلوم ان جات من ناس عن ناس يزيـل هـم الـي همومـه سـردهـا وبعض الكلام ان كان بالصدر هوجـاس يـزداد بـه حرقـه وروحـه جلـدهـا الناس يا اللـي تفهـم النـاس للنـاس والـرب عالـم غيبهـا مـع بـددهـا نـاسٍ صداقتهـم بالألمـاس تنـقـاس ما هـي تضيـع المعرفـه فـي بلدهـا الطيب فيهم ما عـرف طبـع الافـلاس وقلوبهـم مـثـل الـذهـب تعتمـدهـا وإلا الـردي نفسـه تبيعـه وينـحـاس روحه وهـي روحـه يقـوم يحسدهـا قلت الكلام اللـي كتبتـه مـن الـراس قلبـي نجـوم الطيـب حافـظ عددهـا كلباء .،،. .....: امايه تاامرين على شي امه : سلامتك يا ولدي ابتسم هذي امه ما تتغير تحبه وتخاف عليه ما له غيرها هي واخته والحين بيروح عنهم شل اخته الصغيره ...: ها مهاااري تبين شي مهرة : ابي العاب ...: هههه هذا همج أنتي يلا امايه انا بروح مهرة : جسوم لا تروح جاسم ؛ ههه قبل شوي كنتي ما تبيني مهرة : انا ابيك وابي العاب جاسم : هههه لا تخافين اي وقت تبيني بتشوفيني اوك مهرة : اوك حب راس امه ومشى أبطالنا اليوم ماسكين خط أبوظبي وبعضهم معتزلين الكلام والبعض الاخر عادي عند زايد كان في نقاش حاااد مع ابوه زايد : ابويه حراام عليك ابو زايد : ماشي حرام انا خليتك موظف عادي عشان انت بجهدك توصل للمكان الي تبيه زايد : ابويه شوف الي عندي في السكن كلهم خقاقين ابو زايد : محد خقاق يا ولدي كلهم مافي منهم الا انت نظرتك للناس ما أدري كيف زايد : يعني ما بتغيرني ابو زايد : هيه زايد : طيب يبه مع السلامه في الصفحه الثانية تعرفنا على أبطالنا .، زايد ، جاسم ، عمر ، سلطان ، عبدالعزيز ، سيف ، وولد دبي ( الي للحين ما نعرف اسمه) كل واحد حياته مختلفه عن الاخر وكل واحد فيهم عنده مشاكل من ما عنده مشااكل .، عطوني رايكم في الصفحه الثانيه .، لمسة إحساس |
نااايس بارت .. اممم ما عندي تعليق ... ونترياااا تكمل يالغلاا ..... |
اقتباس:
تسلمين يا الغالية |
البااااااارت روووعه واحس ان في اكشنات فالقصه هع هع <<< يااخي حسست عمري هههه ونتريا البارت الياااي باحر من الجمر ..... |
حلوه مشاء الله الروايه زايد:على شوو خاااق يالأخوو بس احسه بيصير متواضع هذيلا الأربع بيشكلو فريق وااحد بيصيروا ربع بالقو بتصير له موااقف ويابعض بعيشوا احزانهم وافراحهم ويابعض وكل وااحد له قصه اجمل من الثانيه بيعشوا على قلب وااحد بيصروا شرات الأخوان مانبينهم اي حواجز وكل مااطرت مشكله على الأول الثاني بيساعده حلوه رواايتج استمري عزيزتي وإلى الأمـــــــــــــــــــــام طلعي ابداعاتج بس هذا الكلام اللي ابا اقووله مع تحياتي:دااانه غير |
الصفحه الثالثة ., أبوظبي .., طلعت من الفله مع سيف وكان قدامنا زايد عزوز : هلا شحالك زايد ؟ زايد يا ليل : تمااام باي عزوز: خــييبه سيف : ههه شفت امبونه هذا بطران عزوز : الله يعين بس حمد : السلام عليكم عزوز وسيف : وعليكم السلام حمد : شحالكم عزوز وسيف : تمااام من صوبك حمد : الحمدلله الا هذا سكن شركة ال... عزوز : هييه آخويه حمد : اها أنا حمد عزوز : عبدالعزيز وسيف حمد : هلا فيكم شباب عزوز : اهلين فيك في شركة ال...., أبو زايد : حيالله جاسم جاسم : الله يحيك عمي ملاحظة : جسوم ولد ربيع أبو زايد أبو زايد : ها مستعد للشغل جسوم : هيه عمي اكيد أبو زايد : الحمدلله دخلو حمود وعزوز وسواف : السلام عليكم أبو زايد وجسووم : وعليكم السلام أبو زايد : ها يا عيال شعنه ما مداومين أمس حمد : والله عزوز : تعب و سيف : ما كنت مستعد أبو زايد : ههههه ماشاء الله الاعذار موجودة عزوز : هاا أي اعذار طال عمرك أبو زايد : انزين هني في الشركة ما تزقروني طويل العمر قولو عمي ترا كلكم مثل ولدي زايد سيوف وحمود وعزوز : أن شاء الله عمي سلطان وعمر الحيين دخلو الشركة سلطان : الا اقول عموري عمر : ها سلطان : وين مكتب المدير عمر : شدراني أنا سلطان : مولتت بس تعال نسأل عمور وسليطين : السلام عليكم زايد : وعليكم السلام سلطان : لو سمحت أخويه وين مكتب المدير زايد : تعال ورايه عمر يصاصر سلطان في أذنه : اونه خقاق سلطان : جبب عيب هنااا تنتهي الصفحه الثالثة .. احسها سخيفه سوري :Afk_r: |
الصفحه الرابعة ،.، وصّيتْ قلبي عليك وفكري وظنِّي ... ان غبت عنهم عليك عتابهم هادي ما ودِّي تجرح شعورك كلمةٍ منِّي ... وانته حياتي وعمري وومهجةْ فوادي ودي تعيش العمر راضي ومتهنِّي ... مرفوع راسك عليك العز متبادي يا تاج راسي وانته منِّي وعنِّي ... تامر وتنهي وامرك أول البادي من كثر حبِّي عليك الخوف يمحنّي ... وافقد شعوري واشوفك غاية مرادي ان غاب صوتك أناجي الليل واونِّي ... واتخيِّلك واتذكّر هامةْ بلادي مديون لك بالغلا والحب متجنِّي ... يا مستحل الفواد العاشق الغادي من يشبهك في البشر يا ذوقي وفنِّي ... يا راحتي وبسمتي وموتي وميلادي وصّيتْ قلبي عليك وقال مبلنِّي ... واحذر غيابك على قلبي مَهُبْ عادي مكتب أبو زايد .،. وعليكم السلام زايد : شحالك ابويه أبو زايد : الحمدلله يا ولدي شو كل موظفين الدفعه هني السكرتير : كلهم موجودين طال عمرك أبو زايد : اليوم عقدت هذا الاجتماع عشان تتعرفون ع بعض وعلى طبيعه شركتنا وطبيعه الشغل الحين عطوني أسماكم واعماركم ومن وين سلطان : أسمي سلطان عمري 21وانا من العين عمر : أسمي عمر ولقبي عموري مب لاعب العين طبعا عمري 21من العين سيف ماسك الضحكه : أسمي سيف وعمري هيه 21 ونص ومن الفجيرة حمد : أسمي حمد عمري 22 ومن دبي جاسم : أسمي جاسم عمري 22 ومن كلباء عبدالعزيز : أسمي عبدالعزيز عمري 21ومن الشارجه زايد من دون نففس : أسمي زايد عمري 22 ومن أبوظبي أبو زايد ابتسم : انزين الله يوفقكم ان شاء الله الشباب : أمين الشباب طالعين من المكتب ورايحين مكاتبهم ،،. عزوز : اخخ والله هذا اول يوم ويخوف سواف : عاادي عموري : انا ما يهمني زايد وكان باين انه متنرفز : اذا ما عيبتنكم الشركة هكو الباب طلعوا حمد ابتسم :محد قال الشركه ما عيبتنه يا زايد زايد شافهم من فوق لتحت ومشى جاسم ؛ شوو هاا البشري اآ ششو ها الشباب : هههه شو صار لك جاسم : اوف ينرفز حمد : انا بروح ابدآ شغلي باي عزوز : هذا الولد غريب سلطون : احس فييه شي غير ماا أدري سواف : والله هذيل الزايد وحمد محيريني عموري وهو يريد يناام : شو عليه منهم انا الله يعين ع الشغل بباي سواف : هههه والله ولد عمك عجيب سلطون : ههه من يومه خبيل مر هذا اليوم والشباب في اول يوم لهم في الشغل متعبين وما لهم خلق .،. لمسة ..، |
حلو البارت بس قصير انتي مااتحطي موااقف حلوه اتمنى انج تكتبي بارت اطول السموحه اذا غلط دمتي بود اختج:دااانه غير |
حلوو بارت بس واااااايد قصيرر ويعني حطيي اكشنات وكذا علشان نتحمس =) وسموحه |
الـصفحه الخامسه ., أنت الوحيد اللي بقى لي من الناس .. في حــزةٍ كـلآ آقفـى ونسـآني تتعبـني الـذكرى ويهلكنـي الهـوجـآس .. وآتبعــك مثــل الطيــر مقصـوص جنـحـآني جيتـك ياصاحبي مهموم ومحتاس .. آشكيــك همـي وجور الزمـاني في قلبـي عتــب وفـ رآسي وسـوآس .. والـروح تـذبل بغيـآب الأمـآني نخيتــك ياصــآحبي والنخـوة لهـآ سـآس .. لآ تـردني وإرحـم ضـريرٍ يعـآني شـف الـوفـآ فـي دنيتـي كيـف منـدآس .. تنكـر لي آقــرب قـريـب ورمـآني لآتقــول مقـدر وقــول حيــآك ولآ بــآس .. لآتقفـي عـن العيـن ويعجبــك هجـرآني خـذ القلــب وخـذ الـروح وخـذ معهــآ الإحســآس .. وعطنـي المقـآبل يـآصـآحبي آمـآن وحنـآني معــزتك عنـدي تـرا مـآلهـآ مقيـآس .. وسـط الخفـوق العـذب لـك بيـت ومكــآنـي وإن كـآن مـآتقـدر علـى وصلـي مثـل هـآلنـآس .. عـآذرك بقفــي وعسـآك بحـل وآنســآنـي طلــعت من الشركه بعد أول يوم متعب كان الجوء حار في الامارات خااصه أنه في نص الصيف يعني عذاب صح صح نسيت أتكلم عن نفسي أنا أسمي حمد من دبي دار الحي عمري الله يسلمكـم 22 أن شاء الله شهر 12 بدخـل 23 يعني بعد 4 أشهور الله يســلمكم أن أنسان فرفوش لأبعد درجه أحب المزح والاستهبال لكن الضروف تغير الانسان بس شو نقول الله يكون بعون كل أنسان مهموم طبعا أنتو تعرفون مشكلتي أن أبويه تزوج أمي قبل 24 سنه وما عندهم غيري لكن أمي وأبوي دايما تصير بينهم مشااكل لان الله يسلمكم أبويه كان يحب بنت خاله لكن يدي زوجه أمي وأمي ما أدري شو أقول المهم المشاكل يوم بعد يوم تكبر وتزيد أمي تعاند أبويه وأبوي يعصب قرر يطلقها طبعا أنا بــكون المظلوم أمي وأبوي فكروا بنفسهم ونسوني كيف بعيش وأمي وأبوي كل واحد بصـوب كل الي كنت أتمناه يكون عندي أخو يوقف معاي بس الله كاتب أني أكون وحيد اللهم لا أعترض .., طلعت من الشركة وقررت أروح دبي اليوم عشان أشوف امايه وابويه دخلت بيتنا الي كان عباره عن قصر مصغر كان البيت كله خدم وأمي وأبوي مب موجودين يلست في الصاله بعد كم دقيقة دخل أبويه حبيت راسه حمد : شحالك أبويه عساك بخير أبو حمد : الحمدلله يا ولدي كيف الدوام وياك حمد : الحمدلله تعب شويه بس الحمدلله كل شي تماام أبو حمد : الله يوفقك حمد : أبويه وين أمايه أبو حمد : في بيت خالك علي حمد بحزن : أبويه الله يخليك ما يصير جي أبو حمد : أنا أمك طلقتها وما بغير رايي حمد قام : أبويه أذا كنت تريد تشوفني مرة ثانية رجع أمايه ولا والله ما بتشوفني هني مع السلامة طلعت من البيت وأنا دموعي حبسنهم بالغصب أبويه عنييد وشكلها المشكلة ما لها حل ركبت سيارتي ورحت بيت رفيجي يوسف في بيت يوسف يوسف : هلا والله بشيخ الريايل هلا بحمود حمد : الله يحييك يوسف شحالك يوسف : يسرك الحال من صوبك حمد : الحمدلله يوسف : كيف الدوام حمد : الحمدلله زين ومرتاحين يوسف : عساها دوم الراحه يا الغالي حمد : أمين يوسف : حمد أنا اعرف شو فيك بس أنت شو فيدك تسويه حمد أبتسم : أنت الوحيد الي تفهمني يا يوسف الله يخليك لي يوسف : ويخلينا لبعض حمد : أمين على فكرة هذا رفيجي يوسف أقرب أصدقائي لي دايما يفتح لي اذنه يسمع همومي ويواسيني والله ما فيي منه أثنين الله يخليه يوسف أبتسم : متى بتروح أبوظبي حمد : بعد ساعتين تقريبا يوسف : زين عازمنك على أحلى بااسكن يحبه قلبك يلا رحنا حمد : يلا قبل ما نطلع أن ويوسف أنفج الباب بقوه ودخل علينا وشكله مب نااوي ع خير ...: يا ال.. حمد ويوسف : ههههههاي حمد وهو ميت من الضحك : هههه خلود شوف شكلك يوسف : ههههه قسم أنك طر خالد : وتضحكون بعد سبلان وين كنتو سايرين من وراي ها يوسف : هههه افا من وراك يا خلود حد يروح مكان والشيخ خالد مب ويااه حمد : هييه والله بيكون ملل والصراحه الطلعه بتنعاف خالد : اه يا الكذابين أخرط أنت وياه علي يوسف : ههه والله خلودي حبيبي نحن ما نروح من دونك خالد : هيييه هين ههه هييه هذا خلود رفيجنا أن وهو ويوسف دايم مع بعض خالد أكثر واحد فينا يضحك ويحب الاستهبال دايم يغير الجوء فجااأه خلود اذا شاف واحد منا زعلان يبوسه آونه يواسيه هههه حمد : يلا خويلد بنروح نتمشى بتروح خالد : أكيد حبيبي أكيد اصلن أنتو من دوني ماشي يوسف : هههه يا واثق خالد : أحم حبيبي واثق الخطوة يمشي ملك حمد : هههه الله يشفيك من مرضك الغريب هههه يوسف وخالد : ههههه يوسف : اخخخ بطني عورني رحنا رحنا خالد : احسن هههه يوسف شهق : خيييبه حمد : ههه رحنا ياخي يوسف وخالد : ههه يلا يآاخۈي .. زآدت ~{ ضيقة آلقلب }~ ضيقة .., ۈمن ڪثر .. صدمآت آلزمن .. صرت .. ضآيق !! صآر آلرفيق .. يخۈن [ عشرة رفيقه ] مآڪنهم .. في يۈم .. ڪآنۈآ .. رفآيق !! بس أنت .. ۈآلله ( شۈفتڪ ) لۈ { دقـيـقـة } تسۈے بنظر .. مغليڪ .. ڪل .. آلدقآيق . . . ~ طـلعت من الشركـة على الساعة 5 العصر الصراحة كنت متضايج أول يوم وتعب جي بعدين شو بيصير الله يعين بس أول ما طلعت تمنيت أني أروح الفجيرة عشـان أشوف أغلى البشر أخويه دقيت له الو سيف: هلا مايد شحالك مايد : هلا سواف بخير يالغالي من صوبك سيف : الحمدلله بخير بس مشتاق لك مايد : يا الخراط سيف : والله ما أخرط مايد : أدري حبيبي يحصلك أنت سيف : هههه أنزين ميود تعال أبوظبي عشان خاطري مايد : من عيوني كم سواف عندي أنا سيف : والله أوك اليوم ها لا تتأخر مايد : أن شاء الله الساعة 7بكـون عندك سيف : أوكي يلا باي مايد : باي أنزين أنا أسمي سيف عمري 21 سنه من الفجيرة مشااكل أمم عندي وحدة الله يعين أنا كنت أمووت في بنت خالي وقلت حق أبويه يخطبها لي طبعا أمي الله يرحمها توفت قبل ثلاث سنوات أبويه رفض يخطبها لي وقال يووم تريد تتزوج بخطب لك بنت عمك يااخي شعور يجرح الواحد تجريح أحبها وما أقدر أخليها لي أبويه حطم كل أمالي وأحلامي لكن أنا بمساعدة أخويه قدرت أتغلب على أحزاني أحم أنا عندي أخو واحد مايد عمرة 23 مب متزوج الحبيب مايد من يشوفني يقدر يعرف الي فيني سيده غير عن الكـل أنا متعلق في ميود وايد عشان جي أشتاق له بسـرعه وأتمنى يكون وياي دوم بس مايد جراح أطفال وما يكون عنده وقت عشان يكون معاي طول الوقت عشان جي أشتاق له أكثر ,. أبوظبي ., الوحدة مول ., الساعة سبع وربع المغرب .., كنت مع أخويه في واحد من المطاعم وكنت فرحان لدرجة مب طبيعيه مايد : ههههه حشى الي يسمع تقول هب شايفني من عشرين سنه سيف : ههه حرام عليك يومين وايد والله مايد : أدري سواف حتى أنا مشتاق لخويه الصغير سيف : اشش عيب لا تقول أخويه الصغير مايد : ههه أنزين سيف: ميود شحاله أبويه مايد : بخير يسلم عليك ويقول لك تعال الفجيرة شويه سيف : الله يسلمه أن شاء الله مايد : أقول سواف سيف : ها ميود مايد : ههه بعدك زعلان على السالفه سيف :أكيد بس شو أسوي أبويه ما يريد خلاص مايد : أنزين أنت شو تحب في بنت خالك الهبله ما ادري سيف : لو سمحت لا تغلط مايد : هههه أنزين سيف تغيرت ملامح ويهة للحزن مايد : سواف شوالي غيرك آلآ يآاخۈي لآتسأل // عن آللي [ حَ ـطَّـم أح ـلآمـي ] عن آلدمعة , عن آلنظرة آلحزينه , ۈآلعنآ , ۈآلــ ~ آآآآآهـ ~ عن آلبسمة , أۈ آلإحسآس , أۈ آلشقآ آللي فـ ~ أيَّـآآمـي ~ ترآ في دمعتي قصة ,, ۈأنآفي قصتي مأسآة .. أشۈف آلظلم بعيۈني .. يعذب قلبي آلظآمي ,, أشۈف آلڪره معميهم ,, ۈڪلن ملتهي بدنيآه .. أشۈف آلڪل هآجرني .. ۈيقرب لحظة إعدآمي ,, أنآ ۈآلله لي قَــلْـبٍ حنآنه هۈ [ سبب بلۈآه ] سيف بحزن : أبويه الي غيرني تتذكر قبل كيف كنت والحين كيف صرت مايد : سواف الله مب كاتب لك تتزوجها بعدين في غيرها ليش تسوي بعمرك جي والله أمي ما ترضى سيف مسح دموعه : أدري ما تشوفني أنسى مايد : واضح يا وييه النحس سيف تذكر : هههههه مايد : ههه والله أنك فشلتني ذاك اليوم سيف : أحسن ههه مايد : هييه أحسن سيف : ميود الحمدلله أنك معاي مايد : أحم أحم سيف : ههه لا يكبر راسك علينا مايد : هههه لا تخاف راسي صغير سيف : هه الحمدلله والشكر مايد : حشى يابوك راسي صدع سيف : ههه أخرط يا الكذاب مايد أبتسم ولا رد عليه . , . لمسة |
نااايس بارت =) نتريا التكمله |
الصفحه السابعة مسكــت خط الشارجة وأنا مشتاق من قلـبي لــ سعود وشواخ والريم مالي غيرهم في الدنيا ولا لهم غيري بعد وفاة أمي وأبوي قبل سنتين وبــحكم أني أكبر واحد فيهم قررت أني أشتغل من قلبي عشانهم أنا عزوز وعمري 21 من الشارجة أمي وأبوي متوفين من سنتين الله يرحمهم عندي 3 أخوان ولد وبنتين سعود عمره 19 في الجامعه يدرس طب وشواخ في الجامعه بعد سنه أولى عمرها 17 تدرس هندسة والريم عمرها 14 في المدرسة صف تاسع وعندي أخ من الرضاعة عبود عمره 20 يدرس حقوق الله يعينه وايد صعب وصلت الشارجة ونزلت عند بيتنا أول ما دخلت الحديقة شفـت الريم تدرس في الحديقة أول ما شافتني قفزت من مكانها الريم : عزوز عزوز : هلا ريومه شحالج الريم : بخير وأنته عزوز : الحمدلله بخير وين سعود وشواخ الريم : سعود في الجامعة وشواخ داخل سحبت ريومه ودخلنا البيت شفت شواخ يالسه تشوف فيلم هندي ههه مدمنة الاخت سلمت عليها عزوز : ها شواخ شحال الدراسة وياج شواخ : يااع لا تذكرني عزوز : شدي حيلج هذي أول سنه بعدج شواخ : الله يعين دخل سعود البيت وشكله تعبان من القلب سعود : هلا عزوز شحالك عزوز : يسرك حالي من صوبك سعود : زين عزوز هذا الولد فييه شي : سعود شو فيك سعود : ما فيني شي عزوز : متأكد سعود : هههه شو فيك ما فيني شي عزوز : الحمدلله سعود: الحمدالله عزوز: سعود ماتفكر تاخذ الليسن ؟ سعود: ما ادري انا عادي عندي عزوز: خلاص قدم ملف و تدرب وان شاء الله اذا خذته بخذ لك السيارة اللي خاطرك فيها سعود: فتك ..؟ عزوز: لو فراري ما تغلا علييك سعود: حبيب والله الريم: وأنا ؟ عزووز: انتي شو ؟ الريم: متى بتاخذلي جلكسي اس 4 عزوز ضحك : يوم بتيبين نسبة حلوة ان شاء الله الريم: هييه انا اييب نسبة لكن سعوودان عالبارد ياخذ كل شيء سعود: سعودان ريلج يالحولة الريم: الحولة حرمتك عزوز عصب: بتسكتون ولا ؟! الريم وسعود: خلاص بنسكت والله بعد خمس دقايق سعوود: اقوول ريموه حبيبتي ارييد السماعات ماليتج الريم : بعطييك يا اخوي الغالي لكن بعد ما تعطيني من الجبس والباونتي اللي فحجرتك سعوود: افا علييج كلهن فدوه والله عزوز: يمه من المصالح شو تسوي ههههههه شواخ: بعدك ما شفت شيء هههههههه كنت افكر كيف حياتي حلوة ويا اخواني فعلا يغيرون جوي يخلوني اضحك سمعوا صوت الجرس دخل عليهم عبود عبدالله: هلا والله الريم قامت طيران عند عبدالله: عبادي شوف سعود كله يهزئني عبدالله وهو فيه الضحكه بس ما حب يكسر بخاطر دلوعته : سعود ليش تهزء رييموتي سعود يكمل استهبال ويا عبدالله : والله هي ماتثمع الرمثه عبدالله ضحك وبانت غمازته الحلوة : ريموتي ما علييج منه هذا ما عنده سالفه الريم: والله صدق ما عنده كنت اتامل الريم اللي يوم يكون عبدالله عدالها تتحول ياهل هو مدلعنها وايد وعسب جييه هي متعلقه فييه وايد شيخة: عن اذنكم أنا بسييير ارقد وراي جامعة الكل: اذنج وياج عزوز : شحالك عبود عبدالله : بخير من صوبك عزوز :الحمدلله بخير ياني مسج فتحته لقيته من الدواام طالبيني عزوز: أوف أقول أنا بروح أبوظبي الريم : ليش عزوز : حياتي ريومه عندي شغل مهم الريم : أوف أوك عزوز: يلا مع السلامة الجميع : الله وياك طلعت من البيت ساير أبوظبي وأنا متضايج لاني ما يلست مع أخواني واييد بس الله يعين رايگم لمسة .،. |
روايه تجنن كملي اللي عيبني اكثر عزوز م يخصني حجزته حقي بروحي خلاص بنعرس الحين ههه |
الباااارت روووعه استمري .... |
الصفحه الثامنهـ ...، لبئ آلمگآن آللئ يرآفقّ ۆجَۆدگم يا هلي .. ولبئ آلهوآء آللئ يحتضن منگم آلأنفآس طلعنا انا وولد عمي عمر من السگن اليوم الجمعه ومااادام العائلة متجمعه بنروح ععندهم ماي نيم از خان اقصد سلطان آحم سوري عشت الجوء شويه ماي نيم از سلطان وعمري الله يسلمگم 21 سنهـ من العين دار الزين فديتها وفديت أهلها انا اشتغل في دار الظبي ويآ ولد عمي عمر عمره 21 مثلي فرفوش وينكگت نگات سخيفهـ لدرجه تحس نفسگ ما عندگ سالفه يالس وياهـ المهم انا فرفوش بس مب وايد جدي احيانن مب وايد بعد مثابر وأهم شي عبقري ماي نيم از خان (فيس يغمز) واتس اب 😔 أحم رگبنا السيارة فراري 😍لزوم الكشخه والبرستيج على قولهـ ولد عمي ذياب 😱 ومسگنا خط العين انزينه خلوني اكلمكم شويه عن اهلي 😇 ابويه ( خليفه) - امايه (شيخه) - اخويه حمدان 17- اخويه محمد 20- اختي حمدة 24- اختي ميثا 17- اختي عليا 13 ...، آمممم قوم عميه ..، عمي خلفان - حرمته نوره - ولده عمر 21- ولده عمير 27- ولده هزاع 19- وبنته شما 18 ...، ووووعميه الثاني .، عمي سيف - حرمته مريم - ولده ذياب 20 - ولده عبدالرحمن 19- ولده يوسف 19 - ولده خالد 17 - بنته مهرة 14...، وصلنا العين بعد ساعة وربع تقريباً ... تقولون من العين لين بوظبي الدرب ساعتين هذا عند الناس العاقلين مب عمور السبال شوي ويجتلنا وسرنا بيت يدي محمد ويدتي فاطمة .. اول ما نزلنا من السيارة شفنا ذياب سلطان : اعوذ بالله ذياب : من الشيطان الرجيم سلطان : شحالك ولد عمي شخبارك ذياب : بخير الله يسلمك من صوبگ سلطان : الحمدلله ذياب : هلا بعموري العين نورت شوف شوف عمر : ادري لزوم تنور ذياب : خقاق واحد عمر : هههه مب اكثر منگ ذياب : انا 😱 عمر ؛ لا يدي يدهم : شو فيه يدي عمر : هاا ولاشي اقول مشتاق ليدي وايد انا 😅😒 اليد : ولد خلفان بسگ كذب عمر: 😅 ان شاء الله سلطان وذياب : تم قصف الجبهة بنجاح اليد : وانتوا بعد يله اشوف جدامي يدتكم حاشرتني وين سلطان وين سلطان طول الاسبوع وهي تهاذي به عمر: اكييد هذاك الغالي ذياب: ونحن لنا الله يا ولد عمي عمر يا وحضن ذياب وتبهدلت كندورة ذياب ذياب: لز يا حمار خربت كشختي عمر : زووول لاه مب منك من اللي يواسيك بعدين انته عبالك انك كشخة وستايل ؟!! ( يستهبل يرييد يلعب بأعصاب ذياب ) ذياب: كشخه غصب عليييك اليد: يله خطفوا جدامي ما ناقص الا تتكافخون يهال محد فييكم غير سلطان. سلطان: فدييت يدي والله يعلني ما خلا ( وروح هو واليد داخل عشان يسلم على يدته ) عمر: مب جنهم كله يمدحون سلطون ونحن مسحوب علينا.؟! ذياب: توك حسيت انا من زمان حاس عمر: يا ريال مخلين الاحساس لك نحن ذياب : جب جب (دخل داخل ) عمر : 😡 داخل البيت گان الگل موجود سلطان وعمر سلمو على الگل ...، عمير : ها عمر ان شاء الله عقلت يوم اشتغلت عمر : لا يا خويه ما عقلت محمد : ها الناقص انته تعقل حمدان : اصلن لو انت عقلت بتعقل البشريه كلها يوسف : و أول حد بيعقل اذا انت عقلت ذياب ذياب : شو شايفيني خبل عبدالرحمن : بعدگ في المرحلة الاولى ذياب : انجلعو مالت عليكم من خوان 👎 خالد وهزاع يلعبون كورة وشالين الدنيا شل اليد كفخهم بالعصا : شو حريم تصارخون الباقين ؛ هههههه خالد : مالت عليگم احح يدي حرام عليك يعور والله اليده : حرام عليك لا تضرب العيال هزاع : قولي له يدوه تخيلج قولي له اي خالد : يدي خلاص اليد يكلم عياله : انتو شو مخلفين محمد : الله يهديك يدي شو مخلفين بعد بشر ناس اليد : وااضح پرب ...،، 😁 |
البااااااااااااااارت طررررررررررررر فدييييييييييت مااي نيم از خان فديت الزرب ذياب على قلبي والله فديت الكاشخ عمر انت فله ومحد شرواك نبي بااااااااااااااااااااااااااااااااااااااااااااارت اطول السموحه على ايي غلط فديتج بس حبيت أسألج:الكل له دوور بالقصه ولا ؟؟؟ مع تحياتي:داأااااانــــــــــــــــــه غير |
احممم السموحه منج مااقرأت الصفحه السابعه والحين قرأتها حبيت أعلق عليها ريم:فديتج عسووله انتي وسعوود تسوو ثنائي خبل شيخه:حسيتها هاادي عزوز:عسل هذا الريال مسكين يخلص العمر بس الشغل ماايخلص عبوود:انت طيووب ياابوو غمازه اختج:دااانه غير |
السلام عليكم ورحمه الله وبركاته متابعيني ..، أول شي شكراً لگم على قراءة روايتي المتواضعه و باقي الرواية بكمله أن شاء الله بعد الامتحانات والحين ولين اخر صفحه نزلتها بوقف وبكمل بعد امتحانات الفصل ...، السموؤحه منگم على اي خطاً في الرواية والبتوفيج والله يحفظكم 😘 ♥..لـمَسَة إבـًسَآسَ.. |
السلاام علييج،،،، شحاالج اختيي؟ انشالله بخيير،،، رواايتج جونان خخ ما عليها كلام ماشالله وايد حلوه و ليشش توقفيينهاا حراام :( عاديي الا امتحانات حتى لو تنزليين ربع باارت راضيين ههه و السموووحههـ ~ |
ناااايس بارتت و نتريا الي عقبه .. زين والله توقفينها علشان ندرس لااه خخخ |
السلام عليكم بنات انا ما بكمل هذي الرواية الحين .، ببدأ في روايه جديدة لي وهذي بحذفها وانا شاء الله برد اكتبها وانزلها بعد روايتي الجديدة سوري على هذا القرار :36: ان شاء الله روايتي الجديدة تنزل قريب أنتظروني لمسه |
لييييييييييييييييييييششششششششششششششششششششششششششششش ششششششششششششش؟؟؟؟؟؟؟؟؟؟؟؟؟ =( |
اقتباس:
|
| الساعة الآن 03:43 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir