|
في هواھ طحتّ طيحه يا ملا ما قدرت أقوٰم♥ . . . . . . روايه : في هواھ طحتّ طيحه يا ملا ما قدرت أقوٰم♥ . . . . * السلام عليكم و رحمه اللہ وبركاته . . مبارك عليكم الشهر و عساه يعود علينا كل سسنه وكل حول . . قرآء المنتدى و الأعضاء حبيت انزل روايتي اللي بذلت فيها كل جهدي و اتمنى انها تعيبكم و هي بعنوان : في هواھ ّ طحت طيحه يا ملا ما قدرتَ اقوٰم* و اتمنى بعد أنكم تتفاعلون ويايه:kk_ed: و تشجعوني اذا عيبتكم و اذا ما عيبتكم ها شي ثاني :3 . . . . . . . . مازال طرف العين والقلب مردود وكل الجوارح عندكم يا غناتي والجسم ما يهناه قوتٍ ومشهود وعيني جفنها بالكرى ما يباتي قضّيت ليلي افتكر فيك بتعود واللي جعل لك في فوادي مقاتي غالي ومالي حد غيرك من الذود وانته جدا لعيون انته حياتي وانته الفجر لي ييلي الليل و النود وانته الذي لولاك تفنا حياتي وانت الكرى لي يداعب العين و ايعود للجفن لي مسهود نومه يواتي ياليت ما تبعد عن العين بالرود لو كنت حاضر في حشايه تباتي اهواك وانته الرجا فيك معقود لا تبتعد خلّ النظر فيك شاتي ما انساك لو طال المدى بين لحدود وما انسى غرامك لو دنت لي وفاتي احب لي يهواك وللي لك ايعود أهلٍ وربعٍ والذي لك يحاتي عسى المدى يقصر، و وصلك لي ايعود يا من يداري والوفا فيه ذاتي لك نور عيني والموده بلا حدود اهواك من صغري وقربك هناتي يا الله عساك اتعيش في العمر مسعود وتهنا بدار الوصل دار الصّفاتي . . . . . . انا يلست ع طرف المسبح و سرحت ب فكري و سرت صوب اللي لهم القلب يشتاق . . حمدان . . ولد عمي قااسي شويه . . خقاق . . بس ما توقعت اني ف يوم من الايام بحبه . . او بالأحرى اعجب فيه . . لان الشي اللي امر فيه يسمونه اعجاااب و ليس حب ! لانه ما يدري عن هوى داري .. و راعي بنات و بطران . . انا معجبه فيه .. يعني ما احبه "ابتسمت" اصلا هو كرييههه عسب جي ما اطييقه ولا أطيق ايلس وياه .. مريوم من وراي : بوووووو .. انا فزيت و كنت بطيح ف المسبح : بسم الله الرحمن الرحيم .. اعوذ بالله من الخبث و الخبائث .. مريوم : جيه يالسه ف الحمام شو؟ اللي ماخذ عقلج يتهنى به .. انا : محد ماخذ عقلي .. مريوم : وينج انتي .. من الصبح آحوس ف البيت ادورج ما حصلتج .. انا : شو بلاج .. مريوم : جاوبيني وين كنتي ؟ انا : وين بسير يععععني ؟؟ و بعدين نحن يالسين ف العزبه وين بسير يعني ؟ مريوم : اووه نسيت انه عندنا عيال عم تارسين البيت .. أنا غمزتلها : و من ظمنهم حبيب القلب .. مريوم : اي حبيب !!! انا : حمدان .. * معلومه انا انعجبت ف حمدان ولد عمي سعيد و ما حبيته و تأكدت من هالشي .. و مريوم اختيه تحبببه و اظني هو يحبها * مريوم استحت : احم .. انا : خل عنج . . وين الشله الكريمة ؟ مريوم : اليازيه و ميروه داخل . . يدي مسولهم محاضره .. انا : لا تقولين لأنهم 24 ساعه يالسين ع فوناتهم .. مريوم : هو في سبب ثاني .. أنا : و الباقين ؟ مريوم : امج يدوه مستلمتنها يالسه تهزبها .. انا : حق شووه ! مريوم : يعني اونج ما تعرفين يدوه ؟ انا : اوووهووو لازم كل يوم ضرابه .. مريوم : اللہ كريم .. انا : سمعت حمود يقول انه علي ولد عمي سالم اليوم .. مريوم : صدق والله ؟ انا : سمعتهم جي يقولون .. مريوم : عاد ها متغرب 8 سنين برا البلاد شكله يوم بيي ما بيعرف يرمس شراتنا .. انا : يقولون لج متغرب .. يعني هو ولد عمنا و اكيد يعرف يرمس شرات الخلق و الأودام .. مريوم : قومي ندش داخل .. انا : يالله . نشيت و دخلنا داخل .. حامد : وينكم انتوا ؟ الحين بيحطون الغدا .. مريوم : كنا نشم هوى .. حامد : لا والله ؟ أنا : لايكون تبغينا نشم هوى من الدريشه .. حامد : يكون احسسن و بعدين ليش لسانج طويل .. انا : تعال قصصه .. "شردت" يدوه : اممممف عليييج . . صدق انج مب منا و فينا .. انا : يدوه هدي يدوه بلاج ؟ شو مستوي ؟ يدوه : اممج اونه سايره تسوي الغدى و جان تحرقه .. اميه : قلتلج ياا عموووه ماعرف اطبخ لا تجبريني !! مريم : امايا هههههه ما تعرفين تطبخين .. اميه طالعتها ب نظرة .. مريم : خلاص اسسفه .. انا : يوم انها ما تعرف حق شو تخلينها تسويه .. يدوه انتي الغلطانه .. يدوه : سكتي اننننتي .. يعني منو يسويلكم الغدى ؟ مريم : البشاكير .. يدوه : لا والله ؟ و عيال عمج تتحرينهم ما يجزون .. انا : يدوووه .. بس خلاص .. استهدي بالله .. يدوه تسوي حق اميه مالت : مااالت .. يوم قلت لـ سهيل لاا تاخذها هاي بتبلشنا فيها ما صدقني .. اميه حطت ف خاطرها لان يدوه دوم تضاربها ب سبب و بدون سبب . . ودوم تسبها و تحط عليها .. يدي يا صوبهم : يااربي متى بتصلح من بينهم متتتتى ؟ مريم : هاي يدوه هي اللي تبدأ .. يدوه : جب انتي اووص ولا كلمه مسسوده الويه .. بدال لا تقولين بوقف ويا يدتيه تسيرين توقفين ضدي ويا هالـ عنقريزيه > الانجليزيه .. انا : يدوه صدقها مريووم نحبكم ثنتينتكم شو نسوي . . مريم : يعني اقص قلبي نصين .. نص حقج و نص حق اميه ؟ يدوه : جب انتي ججب .. مريم : خلاص يدوه سسوري .. حامد و محمد و حمدان و زايد دخلواا علينا .. محمد : شو مستوي .. لا تقولون ضرابه .. حمدان : شكلها ضرابه قويه بعد .. ما تشوف يدوه زاخه الملاس شوي و بتصفع عنود فيه .. أنا فجيت عيني ع وسعها : انااا اشدخلني .. حمدان ابتسم : جي كيفي .. مريم انقهرت لانه دوم يضارب وياي و هي تغار اونه و حركات .. الخدامه يت : ماما مافي غدى ؟ يدوه : شووو نسوي يوم هااي أمم المصصاايب حرقت الاكل .. زايد حب راسها : يا يددوه استهدي بالله .. خلاص بسير اييب لكم غدى ع حسابي شو تبين اكثر ؟ يدوه : وااااافديييتك يياا زيييود أخير واحد فيهم كلهم .. . . . . |
بـدايــه حلــــــــــوه .. كمليها احسني اتحمست ابا اقراها خخخ بالتوفيق |
روايتج حلوه كملييهاا + اضمني اني وحده من متابعيينج :kk_ed: |
رواييييتج طررررررررررررررررررر كملييييييييييي |
البارت الـ2 .. . . . . . أيا غناتي لك أنا دون تشكيك وانته بعد لي يا ملاكي مودي .. صدّيت عنكم يا حياتي وانا ابكيك صبّرت نفسي بالغصب والتعدي .. اموت يا مضنون عيني انا فيك واحيا بعد يا زين لي صنت عهدي .. . . . . . سار زيود و ياب لنا غدى من المطعم ع حساب شباب العايله طبعاً .. و تغدينا شوي و قيلنا .. . أبويه دخل غرفته و فصخ غترته : السلام عليكم .. اميه : و عليكم السلام .. ابويه : تغديتوا .. اميه : هيه .. ابويه : شو بلاج ؟ اميه : ماشي .. ابويه : صدق ؟ اميه : ليش متأخر ؟ ابويه توههق : كان عندي ششغل و تأخرت .. اميه : شو هالششغل حزة الغدى ؟ ابويه : عقب بقولج الحين برقد .. اميه : ارقد أنا بظهر .. "ظهرت" ابويه : كيف اقدر ارمسسها او افاتحها ف الموضوع .. آه أسميك ياا سهيل توهقت .. اللہ يعيني .. . . . . . ميره : الو حبيبي .. شحالك ؟ الحمدلله .. لا يالسه ف بيت يدي . . مادري يمكن نطول .. فديت حسك انا .. لا ماقدر .. بشوف .. يالله مع السلامه .. يزوي : متى بتودرين هالطبع اللي فيج ؟ ميروه : يوم بنفتك منج .. يزوي : مب منج من اللي يالس يجابلج .. ميروه : محد قالج جابليني .. يزوي : مالت عليج .. "ظهرت" ميروه : انا انسسسانه حره و محد له خص فيني .. خصصوصا انه اميه و أبويه توفوا . . و ما بقى حد مسسؤول عني غير زيود و حمدان .. مريم دخلت عليها : حووو انتي . . شو بلاج يالسه 24 ساعه ف غرفتج لا يكون فيج مرض التوحد و نحن ما ندري ! ميره : انتي سخيفه و عبييطه تصدقين؟ مريم : لا ما اصدق .. يدوه تباج تحت يالله "ظهرت" ميره ترمس عمرها : لازم اششرد من البيت .. بيجتلوووني هالاهل .. يدوه تقول ليش ماسكه فونج 24 ساعه .. و يديه يقولي اقري قرآن و أستغفري و عبدي ربج عساس اني كافره الحين .. لبست شيلتها و نزلت .. تحت عند يدوه و يديه و اميه و انا و مريوم و مهروه يالسين نأكل خبز خمير و نشرب جاهي .. يديه : قربي ميروه ابويه تعالي كلي .. ميروه : اعععع ماحب اكل هالاكل .. مريم : اعععع فـ خشمج ها العود .. هاي نعمت ربج انزين .. مريوه نششت : اوووف محد ييلس وياكم .. يديه : يا ميره عيزت وأنا ارمسج .. نحن أهلج لازم تيلسين ويانا .. لازم تسولفين ويانا و تسألين عنا .. امج و ابوج خذاهم ربج من 6 سنين .. انتي كبرتي و يبالج ريـِل .. خلاص عقلي .. ميروه يلست : خلاص يدي عشانك بس بيلس وياكم .. دخلوا الشباب كلهم : السلام عليكم .. الكل ؛ و عليكم السلام .. زايد : انا بسير ارقد .. وعوني يوم بيأذن المغرب .. يزوي : خيبه شو تباها رقدت العصصر ؟ زايد ابتسم لها : تعبان .. يدوه : الله يبعد عنك التعب يااا حبيبي .. حامد : الحب كله صوووب زااايد و حمدان .. و نحن مالنا نصيب .. يدي : ترا هي تحب زايد وحمدان و انا احب انته وحموود .. محمد ابتسم : اووه مخططين يعني .. يدوه : أنا ما خططت .. ها يدك .. يدي : فديتكم أحبكم كلكم .. حمدان : بنت عمي شوفي شو يبت لج .. أنا طالعته : انا ؟ حمدان : لا امي .. هيه انتي منو بعد .. أنا : يالله اشوف شو يبت لي .. حمدان : يبتلج شي وايد حلو .. بس غمضي عينج .. انا طالعت اخويه حمود .. محمد ابتسم : انا اقول لا تغمضين .. ما تعرفين حمدانووه و سوالفه .. انا : انا ملققوفه "غمضت" يالله افتح .. حمدان حطه ف ثباني و شرد عني سار صوب الشباب .. سمعت صوت صريخ ميروه .. فجيت عيني .. انا : اااااااععععععع ... اللہ يقرفك يااا حمدان .. مريم يابت كلينكس و شلت الصرصور و فرته ع ويه حمدان .. أنا : حيييوواااان كريييييههه اكرررررههك .. حمدان اونه يصيح : انا اللي اموت فيج .. اميه : عنووود !! حشمي شوي .. انا طالعته ب نظره : اسفه اميه .. يدي : حمدان شو هالحركات ؟ زين جي اختك صارخت لين طاحن بلاعيمها ؟ يزوي طالعت ميروه : ههههههههه طاحن بلاعيمج .. ميره نشت : سخيفين .. انا طالعت مهروه : اختج شو مشكلتها ف الحياه ؟ يزوي هزت راسها بـ معنى ماعرف .. انا نشيت ابا اظهر .. حمدان : صاحت صاحت .. انا : هاهههاهاها .. انا ما اصيح مب ياااهل .. محمد : بسألك انته ليش تحب تطفر ف اختيه ؟ حمدان ابتسم : احب اطفرها شسوي ؟ محمد : عندك مريم .. شو تباها عنود .. حامد : اووه نطق نطق الحبيب .. ما يرضى على أخته .. محمد : اختي انزين .. حمدان وصل له مسج مكتوب فيه *ولد عمي انا باجر بوصل البلاد .. أجلت السفر لان عندي شغل شوي و ما أباكم تستقبلوني لأني مابغي اتعبكم وياي* حمدان : باجر بيي علي .. حامد : ذكرني بسير وياك .. محمد : ما يبغينا نييبه .. حمدان : يقول هو اروحه بيي .. حامد : هيه زين والله .. . . . . . انا جابلتها : انا بنت عمج .. و بحسبه اختج .. خبريني قولي شو بلاج ؟ ميره : مافيني شي .. انا طالعتها عين ب عين : ميروه .. لا تخششين عني شي .. ميره : اووهوو كلكم مآا تفهمون ما تفهمون !! أنا : ميروه خبريني قوليلي شو فيج و اوعدج اني بساعدج قد ما اقدر .. ميره : وعد ما تخبرين حد ؟ انا ابتسمت : وعد .. ميره : ولا حتى حمود اخوج ؟ انا : ولا حتى حمود .. ميروه : أكيد .. انا : اكييدين .. ميروه تصدد يمين و يسار : ترا انا . ." سكتت" انا : انطقي انتي شو فيج .. ميروه وقفت : أمم .. لازم اسير .. انا : تعالي ما خبرتيني . . ميرره : ما اقدر اقولج .. سوري .. انا تنهدت : برايج بنت عمي .. . . . . يزوي يالسه ويا مريوم فـ الصاله ويا يدي و يدتيه و حمود .. حمود يطالع يزوي : ايي انتي قومي صبيلي جاي .. يزوي : عندك ريول .. قوم فز تعال صب حق عمرك .. يدي : يزووووي ! يزوي فزت : لبيه .. يدي : صبيله .. يزوي : ان شاء الله يدي … محمد ابتسم ب نصر .. انا دشيت .. يدوه : عنود تعالي المطبخ اباج .. سرت وياها .. يدوه : ودي هالـ رطب و الفواله حق يرانا .. انا : جيه يدوه استحي .. يدوه : من ششوه تستحين من شوو ها ؟ انا : يدوه انا بنت . . خلي واحد من الشباب يسير .. يدوه : اووووه محد هني غير زايد وهو راقد فديته و محمد اخوج يالس يأكل .. انا : آمري لله .. بسير .. يدوه ابتسمت لي : فديتج شلي وياج وحده من بنات عمج ولا اختج يزوي .. شليت الصحن و سرت ويا مريوم بيت يران يدي .. فتح لنا واحد كبر اخويه حامد يعني عمره 26.27 .. الريال : الفواله و الرطب من بيت قوم منو ؟ انا : من بيت وديمه حرمت احمد .. > يدي و يدتيه .. الريال ابتسم : سلمي عليهم .. مريم : ان شاء الله .. الريال طالعني : انا منصور .. انا بلامبالاه : و النعم . . الريال : و انتي العنود صح ؟ انا استغربت : هيه شدراك ؟ .. الريال : اعرفج .. مريم : يالله نترخص نحن .. الريال ابتسم مره ثانيه .. مريم : شكله معجب فيج .. انا : و من متى انا عندي معجبين ؟ مريم : من اليوم هههه .. انا و مريوم يالسين نمشي و كانن شي سياايير يايه صوبناا انا و مريوم انخشينا ع طرف .. انا زاعجت : اااااإآأأآإ "شردت" .. مريم تربع وراي : يااا الععنز ليش تصارخين .. انا : جلب ورااااج .. مريوم تمت تنااقز .. و الجلب ينبح .. شردت و يوم شفت حامد نزل من السياره سحبته و ربعت . . يا الجلب صوبي و انا ماعرفت شو اسوي جان الوي على حامد ب قوو .. حمدان ياي صوبي و يزاعج : انتي ما تستحين !!! انا نشيت : ايييه ليش تزاعج علي ! حمدان و الشرار يطلع من عينه : انا براويج عقب .. انا : لا تحسسني .. حمدان : اونج ما تششوفين الشباب اللي ويانا .. انا : ايييييه حمدااان السياره مسولها مخفي يعني مغيمه .. كيف اطالعها عيوني فيها اشعه تحت البنفسجيه ششوه ؟ حمدان : و تطنزين بعد .. والله لراويج .. انا : ترا مريوم اختيه وياي .. بس مادري وين سارت الهرمه .. مريوم طالعت حمدان من بعيد و ابتسمت .. و .. دخلت البيت انا : سوري حبيبي حامد .. حامد : شعندج يالسه تربعين .. انا : جلب .. حامد : ام لسسان لا تسبين .. انا : هههههههه مب يالسه أسبك والله كان شي جلب وراي .. حامد : انزين دشوا داخل بنسير نسبح ف المسبح .. انا : انا ابا اسبح .. حامد : لا ماشي .. انا : حرام عليك .. حامد : انزين انزين عقب .. انا ابتسمت : والله ؟ حامد : هيه والله .. . . . . .. يزوي : ححررر ابا اسسبح .. ميروه : انا بعد .. انا : استريحي انتي وياها .. الشباب معسكرين ع المسبح اليوم .. مريوم : اووفف يعني ما ناخذ راحتنا . . . . . . . . . . . اليوم الثاني انا نشيت ع صوت العنز و الهوش و الدبش و الدياي .. انا تنهدت : نحن بعدنا ف العزبه ! نشيت و سرت اتسبح .. لبست مخورة حمرا و شيله صفوه حمرا و حطيت لي قلوس و تجحلت و نزلت تحت .. آنا : ميري .. ميري ابتسمت : قودمورنينق .. انا : قودمورنينق .. ميري : وت يو ونت فور بريكفست ؟ انا : اني ثنق اند بليز وذ نسكافيه .. ميري : اوكيه مام .. انا سرت الصاله يلست أقرى الجريده .. شوي و اندق الجرس .. انا استغربت منو ياي عزبه يدي هالوقت .. سرت فجيت الباب .. الريال : السلام عليكم .. انا : وعليكم السلام ؟ الريال ابتسم .. انا تنرفزت منه ليش يبتسم : لو سمحت اذا تبغي شي قول و اذا ما تبغي فارج . الريال : الشيخه وين يدي ؟ انا انصصدمت اكيد هاا علي .. وااااااححسرررتي ويين سار وييههي .. بسير القط ويههي .. يااويييلي .. انا نزلت راسي : راقد بس منو انته الشيخ ؟ علي ابتسم : علي ولد عمج سالم .. انا شهقت . . ها متغير 180 درجه . . معظل و ضعفان شويه و مطول شعره . . انا : السموحه ولد عمي .. علي : ماعليه اختيه مسموحه .. انا تلومت و انحرررججت : تفضل .. علي ابتسم : شو ريوقكم انا ياي من السفر يوعان .. ميري يت : اي هاڤ دون ذا بريكفست .. انا : اقرب .. علي : قريب قريب .. ميري : اوووهماايقاااد يووو آر سوو كييووت .. علي ابتسم : ثانكيو .. ميري ابتسمت و سارت .. انا : يالله ولد عمي بسير اوعي اخواني عسب اييون و يلسسون وياكـ .. علي : اوكيه .. "سرت عنه" . علي ولد عمي سسالم الوحيد ما عنده اخوان .. و عايش 8 سنين برا يدرس و يشتغل و لان عمي سالم ماعنده غير هالولد مخلنه يمسك شغل كل الشركات اللي برا و الفنادق و المنتجعات اللي ف لندن .. من زمااان مااا شفناه .. و ماا نعررفه زين و ما نعرف طبعه بس يدوه تقول انه رزين و راكز .. و اسسلوبه حلو ... . . . . . . انا : ايييه بسسكم رقااد علي ولد عمي سالم تحت .. مريوم فزت : حلفي انتي بس .. انا : والله ؟ مريوم سارت تغسل ويهها و تتعدل عسب تشوفه .. انا : مييروه !! يزوووي . . برايكن والله نفاااد ما تبن تشوفنه .. يعععق الطير من السسما .. مريوم مسكت ايدي و يرتني : انا ابا اشوفه انا الاهم .. انا : خفي علينا .. سرنا وقفنا صوب الدري .. مريوم : ما أشوفه عاطني مقفاه .. انا : حس انج تبين تشوفينه و عطاج ظهره .. مريوم : جب انزين .. علي وقف و شل الصينيه و سار المطبخ .. مريم تغمض عينها : محلاااااااااااه .. غرررششششوووب .. من وين ضااوي هذا !!! لا يكون أجنبي .. وااااي توني ادري انه ولد عمي ملك جماااال .. انا : هههههه .. مريم : ابيض شراتج يعني بس بياضه حلوو .. خشمه سيف و صدق انه سيف و وصف السيف ينطبق له .. و شفايفه متوسطه مرسومه رسسم .. عيونه وسساع لونهن بني غامج و ناعسسات . . معظل و طوله حلوو .. يعني جسمه متناسق و ويهه بعد متناسق .. و جميييل فيه غمازه وحده .. محلاااااه يااا وييللييي يااا وييللااااه .. انا : هههههههه نتفتي الريال خيييببه .. ماا سلم منج .. مريوم : قومي بنوعي حمود و حامد و حمدان و زيود .. انا : انزين قومي .. سرنا نوعي حمود و حامد من الرقاد .. و عقب. شفنا يدوه فـ ويهنا .. انا حبيت راسها : صباح الخير .. ش اصبحتي عيوزي ؟ يدوه : بخير دام شفت ويههج من صباح الله .. الله يخليج لاهلج يا عنيييد . انا : يدوه انا العنود مب عنيد .. يدوه : ههههه .. مريوم : يدوه لو تعرفين منو شفنا تحت ! يدوه : منوو ؟ انا : ولد عمي سالم تحت .. يدوه : من صددققكم ترمسون .. مريوم : هيه توني شايفتنه .. انا : قومي بوديج عنده .. يدوه : الهيييس الاربد يوم شاف عياال الغرب نسااااانا .. انا ابتسمت : ليش يدوه حرمته على غفله ؟ يدوه ابتسمت : عننببوووه من لسسان .. ظهرت يدوه برا و شافته يالس ع الكرسي اللي ف الصاله تحت .. علي ابتسم : هلا ياااا مرررحبببااا بشيييخخه الحريم .. علي : شحالكم بنات عمي ؟ مريوم : بخير و نعمه .. انا ف خاطري > حلوو يوم يبتسم .. جميل .. غربلات بليسج يااا مرييوم كيف وصفتيه .. يدوه : احلووويت يالهرررم .. يبااالك حرمه .. علي : يدووه توني راد من السفر .. لاحقين ع العرس .. يدوه : ليش في حد في بالك ؟ علي ابتسم و طالع البنات : لااا .. يدوه : عندك بنات عمك العنود "أشر علي" و مريم "اشر عليها" و ميره محد راقده يمكن هي و اختها أشر ..عاد انته اختار .. علي : تسسلمين يدوه .. يدي يا صوبنا : منووو ها اللي ياي من صباح اللہ خير ؟ يدوه : علي ولد سالم .. يدي : يااا هلاااااا و مررححببااا نورت دار بو خليفه نووورت .. علي : هلا يدي منوره فيكم .. يدي : ما سرت سلمت على ابوك .. علي : لا والله ظهرت من المطار و ييتكم هني .. يدي : عقب سير عنده فديتك .. علي : بسير بس يوم بشبع منكم .. يدوه : مريوم آمييه ييبي ريوقي اللي مسوتنه انا .. بخلي علي يأكل منه .. علي أبتسم : توني متريق .. يدوه : صدق ؟ علي : هيه بس عادي باااكل مره ثانيه .. عاد انا متولهه ع اكل يدوه .. يدوه : فدييييييييتتتك انااا .. علي طالعني و ضحك و انا طالعته بمعنى ليش تبتسم ؟ دخلوا الشباب و سلموا على علي و سولفوا وياه .. حمدان : هيه عنوود تعالي بقولج شي .. انا : قول هنيه .. حمدان : لا لا ما يستوي .. يدي : حمداااان لا تحسسني انك مالج عليها .. تبغي تقول شي قول هني .. حمدان : ااخخ يا يدي .. انا : قول قول .. حمدان : تعالي وياي .. انا وقفت .. مريوم ب قهر : يمكن هالمره يايبلج عقرب ولا حلجه .. انا : لالاااا والله لكسسر راسسه .. حمدان : جربي انتي .. يدي : حمدان سير و فكنا اذيتنا تراك .. حمدان ابتسم و سحبني من جتفي : تعالي ... .. انا : امر الشيخ حمدان .. حمدان ب قهر : شو مسويه امس ؟ انا ببراءه : ماشي .. حمدان تقرب مني لين ما لصقني ف اليدار و حط ايده على خصري .. انا توترت : حمدان .. اييه قوووم .. حممددااان .. حمدان ابتسم ب خقه : آمري يا نصخ حمدان .. انا : ققووووم عني ياااخي ووخررر .. حمدان : مابا .. علي كان ساير غرفته و شافنا .. ابتسم و كمل طريجه .. انا قمت عنه : حييوااان .. حمدان : كرييييههه .. انا : محد غيرك .. وسرت عنه .. . . . . انا لويت عليه : وينك انته من زمان ما شفتك .. عبود : كنت عند ذودي > جودي *البشكاره* انا حبيت خده : فديتك .. مريوم : حبيبي اخوي وينك انته .. اميه يت : عنود غناتي سيروا صلوا الظهر عسب نتغدى .. انا : ان شاء اللہ اميه .. مريوم : وين منصور ؟ عبود : عند ذودي > جودي .. . عبود اخويه الصغير عمره 3 سنين و ولد عمي منصور اخو ميروه و يزوي عمره 3 سنين بعد .. . . . . |
البــاااااااااااااااااارررررررررررررررررررت طررررررررررررررررررررررررررررررررررررررررررررررررر .. تسلمين غلايه ع البارت الحلووو .. بس حمدان يبا منو الحين =) ؟ |
البآآآرت عجيب ما عليه كلام بس ماعرف اكتب راي عن الشخصيات الحين و فانتظارج… |
أستمـري ألغـآلية أختي دآهييية بصرآآآحةة مبدعةة و مااعليجج كلآلآم في انتظآر يديد أنآملج الحلوة البـآرت حبييييته وااايد و مع كل تمنياتي لجج تقدم |
البارت الـ3 .. . . . . يا شوق قلبي ٰعلى شوف الغضي المحبوب .. صغيّر السن خلي مازر الاطرافي .. لّي بحبّه دعاني مولعٍ مشغوب .. أنوح والعي ودمعي يا ملا ذّرافي .. . . . . . . . . محمد و زايد : السلااام عليكم .. محمد : هلاااا ب ولد العم .. شحالك شخبارك .. علي ابتسم : مرحبا انا بخير ربي يعافيك .. زايد : ها شعلومها لندن ؟ علي : تسسلم عليك .. زايد : شي غراشيب ولا ؟ علي : هههههه شي شي .. تارسين المكان هناك .. زايد : يبالنا نسير هناك نترغد .. دخل يدي عليهم : هااااا ياللررررغييد انته من يييووومك رغيد .. زايد : ههههههه نتمصخر يا ريال .. يدي : قوموا صلاه .. ابويه محمد قوم ازقر عيال عمك بنصلي جماعه .. محمد : ان شاء الله يدي .. يدي طالع زايد : وانته زييييود ان مااا اصطلبت لامرغك ب هالعصصا .. زايد : يدي ريلاكس .. انا مصطلب من زمان .. يدي : اششوفك تعلم علي سوالفك هاي الخايسسسه .. زايد : ههههه افا عليك "طالع علي" تبغي دروس خصوصيه ؟ علي : لا علني فدا خشمك مشكور .. زايد : هههه .. . . . . . فليل الساعه 9 .. ميره : حلو ؟ يزوي : ييعععق الططير من السسما صح عنود ؟ انا تذكرت شكله يوم يبتسم : هيه صح .. يزوي : هههههه .. مريم : حمدان أحلى .. يزوي و ميروه : شششو ؟ مريوم : شو بلاكم لا اله الا اللہ .. قصدي حمدان حلو بعد .. يزوي : اييوا .. مع اني احس انه وراج شي .. مريوم تطالع وراها : لا والله ماشي وراي .. ميره : انزين انا بطلع أشم هووى شوي .. انا : تبين مرافق ؟ ميره : لا لا مشكوره .. اميه دقت الباب : عششى .. تعشينا و عقب يلسنا ف اليلسه اللي برا . . حامد شب الضو و يلسنا .. يدي : بو حسسن .. علي : آمر يدي .. يدي : اقصدلنا .. محمد : قصده غردلنا .. زايد : يمدحون صووتك ولد العم .. علي ابتسم : ههههه .. يدوه : شل شرات بن روغه .. علي : بشل لكم على ذوقي .. الكل : اووكيه .. مريوم : ويت ويت .. حمدان : ششو ؟ مريوم : صبروا شوي .. "سارت تييب الكام" و ردت .. زايد : شو سرتي تسوين ؟ مريوم : سرت اييب الكام عسب نصور فيديو.. علي يتحمحم : احم احم .. يا طير سلم عالحبيب … قله تراني مستصيب … واجروح قلبي ما برت … وانت الدوا وانت الطبيب … ما طاب نومي يا الظنين … قلبي حزين ومستهين … "طالع الكيمرا و عقب طالعني و ابتسم" احبيبي روحه شكل ما له وصيف .. يبري العلايل والظما سكر وممزوج بحليب … حلفت بالله العظيم اني بحبه مستهيم … لنه حبيبي والنديم وهوه مقاتي والشريب … يدي : صح لسسانك .. علي : صح بدنك .. يدوه : تسسلم ع الشله الطيبه .. علي : ربي يسلمج الغاليه .. يزوي تصفر : ياااي ولد عمي حلوو صوتك .. انا ابتسمت له .. علي ابتسم : مشكورة من ذوقج .. أبويه يا صوبنا : السلام عليكم .. مرحبا مرحبا منو عندنا اليوم ؟ يدي : ها علي ولد أخوك سالم .. أبويه يتخاشم وياه : هلا بالغالي .. هلا ب المتغرب . . علي : هلا عميه شحالك .. ابويه : بخير و نعمه .. اسمع صوت شله .. علي : هههه هيه توني شليت لهم .. يدوه : علي شل ل عمك .. ابويه : لالا مرة ثانيه فديتك انا تعبان بسير ارقد شوي .. أنا : تعشيت ابويه؟ ابويه : هيه غناتي .. الا وينها امج ؟ انا : رقدت قبل شويه .. راسها يعورها .. ابويه ابتسم : من اميه صح ؟ يدوه : انا مااا قربت صوبها من يوم ماا حرقت الغدا .. ابويه : و عبود راقد .. يزوي : هالولد 24 ساعه راقد . انا : لا اله الا الله قولي ماشااءالله .. يزوي : هههههه ما شاء الله .. ابويه : يالله اترخص انا تصبحون على خير .. . . . . . . ميره : هزااع . . انا ف العين . . ف عزبه يدي .. كيف اشوفك كيييف !!! هزاع : حبيبتي ماروم استحمل .. من زمان ما شفتج .. من اسبووعين صح ؟ ميره : صح .. هزاع : بموت ان ما شفتج بموووت تفهمين شو يعني بموت ؟ ميره تنهدت : باجر بشوفك .. هزاع ابتسم : اكيد ؟ ميره : اكييد .. هزاع : اوكيه بتين عندي الفندق .. ميره : بيي .. "ابتسمت" ترياني .. هزاع ابتسم بـ خبث : بترياج قلبي .. . . . . . سهرنا شوي لين الساعه 10 و نص .. و عقب الشباب دخلوا داخل و نحن البنات تمينا نسولف .. يزوي : اخخخ رااسي يعورني .. انا ابتسمت : حبيبي يزوويه سلامت راسج .. يعله ف مريوم ولا فيج .. مريوم شهقت : اناااااا انا ابتسمت : هههههه لااا اميه .. مريوم نشت : والله لروايج .. تفاااوليين عليه .. انا شردت و دخلت داخل .. شفت واحد من عيال عمي عاطني ظهره و الصاله مبنده ليتاتها .. انا دزيته : ايييه قوووم .. اباا ادخل .. طالعني و سحبني لين ما دخلنا داخل .. انا ما شفت ويهه لانه ظلام و ما يبين شي .. شربك أصابعه ف أصابعي و مشى وياي لين ميلس الحريم .. كان مفتوح و مشغلين الإضاءة الخفيفه ... انا استغربت : علي ! علي ابتسم : آمري .. انا توترت .. ابتسساامته تذبح .. علي تقرب مني و انا ارد ع ورا .. انا : اييه .. شو بلاكم اليوم عليه .. علي لصقني ف اليدار و حط ايده ع جتفي : العنود .. انا نزلت راسي : هاا ؟ ظهرت شعره من قصتي و ردها ع ورا .. انا اتصدد يمين و يسار : علي ! شبلاك ؟ علي ابتسم : ماشي .. انا خزت عنه و سرت .. علي : آه يا ويل حالك ياا علي .. من متى بنت عمي غرشوب و سوالف .. . . . . . . يدوه ترش عليه ماي .. انا شهقت : يددددوه !!!! تبغين تجتليني ؟ يدوه : هههههه نشي عنبوج زاد .. انا : حرام عليج الماااي بااارد .. يدوه : الساعه الحين 1 الظهر .. شو مرقدنج .. انا : حرام عليج يدوه كل البنات راقدات ما ارتحتي الا يوم سبحتيني انا .. يدوه : يزوي ناششه من غبششه و ميروه و مريوم و انتي راقدات .. انا رديت ارقد : خلاص ظهري يدوه و ان شاء اللہ 5 دقايق و بتحصليني تحت .. يدوه تزاعج : يالله نشششن .. مريوم : اخخخخخ يدوووه لازم تحشرينا .. ما نتهنى ف رقااادنا .. انا نشيت و تسبحت ع السريع . . لبست مخوره سودا و فيها عيناوي و شيله سودا و نزلت ويا يدوه .. انا شفتهم يالسين برا .. فارشين حصير ويالسين .. سرت صوبهم أقود يدوه .. يدوه : شووو هالحششره .. زايد : سامحينا عيوزي .. يدوه : هيه صح .. ترا اليوم المغرب برد بوظبي انا دار الظبي .. محمد : ليش بعد ؟ يدوه : تولهت على بيتي .. يدي : والله يبغينا هو ايي عندنا .. يدوه : صدقت .. حمدان : خلاص عيل انا بردكم .. علي : لالا انا بردهم على طريجي .. يدوه : حمدان ابويه سير ويا عمك و عياله .. حمدان : ليش بعد .. يدوه : تراكم ساكنين ف دبي ولا خرفت .. حامد : لا تلومونه خرف شوي اليوم .. حمدان : خرفت ف عينك .. يدي : هيه صح لا تنسسسون تزهبون اغراضكم .. ترانا بنتحول بنسير دبي .. انا شهقت : ف ذمتك يدي !!! يدي ابتسم : هيه والله . انا : و شعنه محد مخبرني ! يدي : جيه محد يدري غيري انا و سهيل و سالم .. يدوه : متى بنتحول ؟ يدي : باجر .. محمد : زين والله زين .. زايد : عشان نكون كلنا يران .. يدي : ترا بيوتنا متلاصقه ف بعض يعني يران .. حامد : بنشتاق ل بوظبي .. حمدان : علننني فدااا دار الظبي واللي فيها .. علي تذكر حمدان و موقفه وياي "طالعني" انا بصوت خفيف : شو بلاك ؟ علي ابتسم غصب : سلامتج .. غمض عينه و يحس انه صدره يععورره و يحس ب ضيج .. يدي : يالله بتتغدون ؟ يدوه : قومي ابويه العنود قوديني لين المطبخ عسب احط الغدى .. انا ابتسمت : ان شاء الله الغاليه .. علي وقف و يحس انه ريله مب قادره تشله : انا بسير غرفتي شوي .. محمد : شعنه ؟ علي : بسير اييب تيلفوني .. زايد : لا تبطي .. علي : ان شاء الله .. سار غرفته و يحس انه بيموت .. شرب دواه و حطه ف الشنطه .. حس ب راحه و علي غمض عينه يتذكر قرب حمدان مني .. تنهد تنهييده طويييله آثار الغيرة هاي ولا شو بالضبط .. علي يرمس عمره > مستحيل احبها .. كيف احبها وأنا امس متعرف عليها .. هيه جميله و تنحب بسرعه و تدخل القلب بسرعه بعد .. بس " مسك القميص صوب قلبه " اخخ .. اووه صح نسيت ارمس الدكتور .. علي : ألوو شحالك دكتور فارس ؟ الدكتور : بخير كيفك علي ؟ علي : الحمدلله .. الا بغيت اتخبرك دكتور رد لي الويع شسوي ؟ احس انه قلبي مكبوت .. الدكتور : انته لهلأ عم تاخذ الدوا ؟ علي : هيه .. و بإنتظام بعد .. الدكتور : لا تخاف ما راح يجيك شي .. بس ضروري تروح ع المستشفى و تعمل فحوصات .. علي : خلاص دكتور ف اقرب وقت بسير .. الدكتور : و انتبه ل صحتك .. علي : فااالك طيب .. الدكتور : مع السلامه .. علي يكح : فمان الله .. بند من عند الدكتور و بدا يكح و يكح و يكح .. لين ما حس ان روحه بـتطلع .. . . . . . انا طالعت مريوم : مب مشتهيه .. مريوم : برايج .. كلوا البنات تغدوا و انا سرت داخل .. سمعت صوت حد يكح و يكح .. تجدمت صوب الغرفه .. و عرفت انها غرفه علي لانه قبل ما ايي كانت مقفوله . . جفته جدام عيني يكح و مب قادر يتنصخ .. انا ما رمت استحمل و نزلت دموعي .. تجدم صوب الباب و فتحه .. علي تفآجأ : بنت عمي ؟ انا مسحت دموعي بسرعه : هلا ؟ علي : شو مستوي ؟ انا : ماشي .. علي : ليش تصيحين ؟ انا : بس جيه .. علي : تغديتي ؟ انا : لا مب مشتهيه .. علي : ايوا .. انا عطيته ظهري و كنت بروح .. علي : العنود .. انا : هلا ؟ علي غمض عينه : سامحيني ع تصرفي امس .. مادري شو كنت اسوي.. انا : مسموح ولد عمي .. "سرت" علي تنهد : ليش ترمسني ب برود .. و تحسسني جني البشكار ؟ ماعليه انا براويها .. "سار الحمام تسبح ب ماي حاااار و شغل المكيف و رقد" . . . . . . . انا > ليش كان يكح ! معقوله هو مريض .. لالا ما بفكر جيه .. لانه لو مريض بيخبرنا .. بس كان مب قادر يتنصخ بسم الله عليه .. شو ياه .. "غمضت عيني و رقدت" . العصر يدوه مطرشه يزوي توعيني .. يزوي : نششي .. انا : اوووهوو مابا ما بنش .. يزوي : حرام عليج عنودي من الصبح و انا انششج .. انا : لا تقولين انه يدوه مطرشتنج .. يزوي : هههه هيه يدوه .. انا : سيييرري لااااه .. يزوي : عنووووود .. انا : لا صبح نرقد ولا ظهر شو اسوي اموت ؟ يزوي : جب لا تفاولين .. فاتج الشباب كل واحد لابس لبس الفروسيه و يايبين خيول هنيه .. انا : ف ذمتج ! يزوي : والله .. انا : أوكي اوكي .. خمس دقايق و بنزل .. غسلت ويههي و احس ان عيوني منتفخه من الرقاد .. يزوي : ها ننزل رباعه ؟ انا : هيه .. نزلنا مع بعض .. و سرنا برا .. كل واحد من الشباب لابس لبس فروسيه و راكب فوق حصانه .. يدوه : يااا حاافظ عليج .. 24 سااعه راقده .. عنبوج خستي .. انا : احب ارقد يدوه شسوي .. مريوم عيووونها ع حمدان : حلو الحصان .. انا : الحصان ولا حمدان ؟ مريوم : الاثنين .. انا : هههههه .. يزوي : شوفوا شوفوا علي .. ااخخ قلبي يتعذب يوم اشوف حلاااه .. انا : سلامت قلبج حبيبتي .. . . . . . الساعه 6 الكل عقب صلاه المغرب رتب أغراضه لان كل حد بيسير بيته و من هناك بنتحول بنسير دبي .. يدي يقول بيوتنا متلاصقة و جي احسسن لنا .. رتبنا اغراضنا و ردينا البيت .. اميه : اااه اشتقت لـ بيتنا .. مريوم : ما واحالج اميه الا أسبوع سايره عنه لو تسيرين شهر شو بتسويين .. اميه : ما اروم اصبر .. ابويه : هيه صح ما قلتلكم باجر من صباح الله خير .. بنسير بيتنا اليديد .. مريوم : اييي بيييت ! أبويه : اللي ف بوظبي .. و بنستقر هناك عدال بيت عمومتج .. مريوم : يياااااييي .. انا : حلوو الشي .. ابويه ابتسم : اهم شي انه عايبنكم .. انا حبيت راسه : اللہ يخليك لنا .. الكل : أمين .. . . . . . . عمي سالم : هلااااا هلاااا ب ولدي حششاشه يوووفي .. علي يحب راسه : هلا ابويه شحالك ؟ عمي سالم : بخير دام شفتك وليدي .. علي : عيل وينها اميه ؟ عمي سالم : ف المطبخ .. علي ابتسم : بسيرلها .. سار المطبخ و كانت امه ترتب صينيه الاكل .. علي حب راسها .. ام علي صدت صوبه و من الدهششه انكسر القلاص اللي ف ايدها : علي !!!!!!!! علي مسك ايدينها و حبها : فديتتتتج ي الغاليه فديت روووحج انااا .. ام علي تلوي عليه و تصيح : أسميك قطعتناااا و لا تتصل ولاآآ تسسلم !!! علي : مشغول امايا .. ادرس من صوب و شغل شركات ابويه ف صوب .. ام علي : اهم شي انك رديتلنا وانته بخير و عاافيه .. علي : الحمدلله .. ام علي مسكت ايده : لك وحشششه قسم بالله .. علي : تتحريني ما تولهت عليكم .. والله اني اشتقت لكم .. ام علي : و نحن اكثثثر .. عمي سالم : باجر بنسوي ذبيحه .. علي : حق شو ؟ عمي سالم : لانه ولديه رد بالسلامه و هو ناجح و رافع راسنا فوووق .. علي ابتسم : مشكور أبويه .. ام علي : عساك دوم مبيض الويه .. علي : ان شاء اللہ دوووم ارفع رأسكم و ابيض ويههكم .. عمي سالم : فديتك يااااا علي اشتقناالك .. علي : و انا بعد ابويا .. عمي سالم : هاا شو الشغل هناك .. علي : الحمدلله عال العال .. عمي سالم : الحمدلله .. . . . . |
البارت الـ4 .. . . . . . تطاير فكري واحساسي من الخفّاق دون شْعور .. وصار القلب ما يْميّز وانا ما اميّز احساسي .. . . . . . اليوم اللي عقبه نشينا من غبششه و سرنا دبي لان هناك بيتنا اليديد .. بوصفلكم بيوتنا .. اول شي بيتنا و حذاله جهه اليمين بيت يدي و الصوب الثاني لاصق فيه بيت عمي سالم يعني بيتنا ف النص بين بيت عمي سالم و يدي وٰ حذال بيت عمي سالم بيت قوم عمي سعيد اللہ يرحمه "بو حمدان و زايد" نزلنا من السيايير و البقعه حلووه يعني شي جدام كل بيت حشيش و المنطقة السكنية يديده و مطوره و كلها متروسه فلل .. بيوتنا من برا نفس اللون بني محمر و ديزاينه ديزاين اوروبي شرات بيوت الرييف .. و شي جدام كل بيت كراسي و مظله .. بس ف بيت يدي شي نخل عسب يدوه تخرف .. هههه و شي ورا البيت مسبح عووود .. و البيت من برا شكله واااايد حلو .. بس من داخل كل البيوت فارشينها و مأثثينها يعني البيت جاهز .. ف كل بيت 6 غرف .. فوق 3 و تحت 3 من غير حجرة الخدامات و صاله الرياضه و الصاله العوده و ميلس الحريم و الرياييل و المطبخ .. سرت غرفتي و فصخت عباتي و عقب تيمعنا ف بيت يدي الرياييل فـ صوب و الحريم ف صوب .. يدي : ها شرايكم فـ البيوت .. محمد : ما علييهم كلام .. زايد : وااايد حلو و مرتب .. حمدان : احلى شي انه كلنا عدال بعض .. ابويه : اهم شي انه عيبكم .. حامد : جنه يالسين ف المانيا و لا لندن .. ابويه : ههههههه .. يدي : صدقه حاامد البقعه خضضرا .. . . . . . . يدوه : عنود .. عننووود .. انا : هلا يدوه .. يدوه عطتني تيلفونها : اتصلي لـ عمج سالم .. انا اتصلت له .. و عطيت يدوه ترمسه .. يدوه : وييينك ابويه ؟ عمي سالم : الحين بنظهر .. انتوا وصلتوا ؟ يدوه : هيه من ششوي وصلنا .. عمي سالم : خلاص عيل نحن يايين .. يدوه : يالله نترياكم .. عمي سالم : نحن بنييب غدى من المطعم .. يدوه : حق ششو ؟ عمي سالم : مسوين ذبيحه عشان علي و لانه مبيض الويه .. يدوه : هيه فديته يستاهل .. عمي سالم : مع السلامه امايا .. يدوه : شوي شوي عن السرعه .. عمي سالم : ان شاء اللہ اميه .. يدوه : فمان اللہ .. "سكرت" مريوم : بييون ؟ يدوه : هيه .. سيري قولي ل يدج انه عمج سالم مسوي ذبيحه عشان علي .. مريوم : ان شاء الله "سارت" عبود : أريد اثبح >اسبح .. يزوي : وين تثبح ؟ عبود يأشر ع المسبح : هنااكي .. انا و منثوور .. منصور يناقز: هيه ثباحه ثباحه .. يزوي : عقب بنسبح انزين ؟ الحين غدا .. عبود : اوكيه .. يزوي : سيروا عند جودي .. منصور مسك ايد عبود وساروا .. . . . . . . علي يسوق سيارته البورش و الدريول يسوق سياره علي الثانيه "الرنج" و عمي سالم ساير ويا ام علي بروحهم .. علي ف خاطره : اقولهم ولا لاء .. "تنهد" ماعرف شو اسوي .. اخاف أخبرهم و يقلبونها مناحه "ابتسم" انا بخير ما فيني شي .. الحمدلله ع كل حال .. وقف سيارته صوب الكافتريا و خذ له سندويج جبن و كرك .. تريق و شرب دواه .. اتصل له أبوه و قال له "انا بتأخر لين ما اييب الغدى .. انته سير عند قوم يدك ".. سار عند بيتهم وقف السياره عن الكراج و نزل سار صوب بيت يدي .. و لان بيت قوم يدي عدالنا لازم يخطف جدام بيتنا عسب يسير بيت يدي .. انا و مريوم تونا بنظهر من البيت .. لانه مريوم ردت البيت تبغي تشل تيلفونها .. علي طالعنا و ابتسم . مريوم : قومي نسلم عليه .. انا : لا مابا .. سيري بروحج .. مريوم سحبتني و سرنا صوبه : هلا ولد عمي شحالك ؟ علي : بخير .. شحالج انتي .. مريوم : بخير دامك بخير .. علي ابتسم : صدق والله ؟ مريوم : هيه .. انا ف خاطري > مب ها علي اللي امس كان شوي و بيموت . . حصصان عنبووه .. علي : هههههه .. "طالعني" شحالج العنود؟ انا : طيبه طاب حالك .. لان نحن ف فصل الشتا .. نزل مطر و نحن واقفين جدام بيتنا .. علي : يالله دشوا داخل بتمرضون .. انا : بنسير بيت يدي . علي : انا بعد بسير .. بنسير رباعه .. انا : اوكيه .. مريوم : تجدموا و انا بسير بيتنا بييب شي .. انا : شو هالشي ؟ مريوم : عقب بخبرج .. "سارت" علي ابتسم : ليش تكرهيني ؟ انا : ما اكرهك .. علي : عيل ليش ترمسيني جيه ؟ انا : كيف تباني ارمسك .. علي : شرات كل حد .. انا عطست .. علي : يرحمج اللہ .. انا عطست مره ثانيه .. علي فصخ جاكيته و حطه على ظهري : دشي داخل بتمرضين .. انا ابتسمت له : مشكور .. علي رد لي الإبتسامه : خليه عندج .. رديه عقب .. انا : اوكيه .. "دخلت" علي حب راس يدي : السلام عليكم .. يدي : هاا وصلت ؟ علي : هيه الحمدلله .. محمد : توك يوم ييت نزل مطر .. علي : احححم .. حامد : ايلس ايلس عن الخقه .. علي يلس عدال يده .. يدي : متى بيي ابوك ؟ علي : ما ادريبه .. قال بيتأخر شوي .. يدي : عيل بنترياه .. . . . . . يزوي ب خبث : هاا عنوود منو عاطنج الجاكيت ؟ انا : مال علي .. يزوي : منو علي ؟ انا : ولد عمج .. يزوي ابتسمت : اييوااا .. انا : اييه جب جب .. وصل عمي سالم و تغدينا .. و عقب الغدى ميره قالت بتسير بيت ربيعتها لان أهلها متوفيين و مادري شوو حمدان رقد و زيود عند عيال عمه ... يدوه : خلي وحده من بنات عمج تسير ويااج .. ميره : يدووه ربيعتي ما تعرفهم .. يدوه : عادي .. تراج الا بتسلمين .. ميره : يدوه .. بسير عزا عزا مب سسوق .. يدوه : ميييروه الحين الساعه 3 الساعه 4 اشوفج ف البيت .. ميره : يصير خير .. سارت بيتهم و حطتلها رووج احمر و جحال و بلشر و تعطططرت .. لبست سكيني و قميص احمر .. لبست عباه مفتوحه و ركبت ويا الدريول .. قالتله يؤديها الفندق .. نزلت و اتصلت له .. ميره : الو هزاعي وينك ؟ هزاع : ف الفندق .. ميره : انا ف الفندق بعد .. هزاع : وين بالضبط .. ميره : تحت عند الرسبشن .. هزاع : يالله ياينج .. "سكر" ميره ف خاطرها > اخاف يدوه تخبر زيود ولا حمدان . . هزاع يا صوبها : هلا بـ الحلوين هلا .. ميره ابتسمت : اهلين .. هزاع مسك ايدها : نسير فوق ؟ ميره : يالله .. ساروا فووق و هزاع قفل الباب .. ؤ ؤ ؤ >< . . . . . . يزوي : عنود ما شفتي ميروه ؟ انا : لا .. يزوي : يااااربي .. انا : ليش وينها ؟ يزوي : مادري .. انا : تخبري يدوه .. سرنا عند يدوه .. يدوه : سارت بيت ربيعتها .. انا : شحقه تسير بيت ربيعتها ونحن هني .. يدوه : أهلها متوفين و سارت تعزي .. يزوي : افففف .. انا : شو بلاج ؟ يزوي سحبتني : ترا ميروه ترمس شباب .. انا شهقت : حلفي ! يزوي غمضت عينها : والله .. اخاف تكون ظهرت ويا واحد منهم .. انا : لو حمدان عرف .. والله ليجتلها .. و زييود نفس الشي .. يزوي : اوووهو والله خايفه عليها .. انا : ماعليه يوم بترد بنرمسها .. مريوم يت : هاااي صباايا .. يزوي شوي و بتصيح .. مريوم : يزوووي .. "طالعتني" شو بلاها ؟ انا : خايفه على ميروه .. مريوم : ليش وين ميره ؟ انا : ظهرت .. اونه سارت تعزي ربيعتها .. مريوم طالعت يزوي : هاي ليش تصيح .. انا لويت على يزوي : بلاج اقولج خايفه ع اختها .. يزوي مسحت دموعها : مافيني شي .. دخلوا الشباب .. حمدان : يالله البنات آوت .. نبغي نيلس ع راحتنا .. انا : ايلس .. البيت شكبره .. حمدان : نبغي نيلس ع راحتنا .. انا : جب جب .. حمدان : انا جب ؟ انا : لا اميه .. حامد : اوووهوو بدت بدت الضرابه .. انا : هو اللي بدا .. محمد : مريوم ليش ما ترمسين ؟ لا يكون قصوه لسانج ؟ مريوم ابتسمت : لا بعده موجود .. حمدان : وين ميروه ؟ كلنا سكتنا .. زايد : يزوي وين اختج ؟ يزوي : أمم مادريبها .. اكيد فـ بيتنا .. حمدان : زين والله افتكينا من وحده تمن 3 .. علي : حرام عليك ليش تحب تطفربهن .. مريوم : ااااخخ ابن عمي والله انك عسسل ع القلب . حمدان : عسل ؟ عسسل ها ؟ مريوم : هيه عسسل .. علي ابتسم .. حامد : عنوود جاكيت منو ها ؟ انا توترت : شفته ف الصاله و لبسته .. حامد : جيه تلبسينه منه و الدرب .. انا : يعني بردت و لبسته .. "سرت عنهم" محمد : فديتها اختيه .. حامد : تراها اختيه بعد .. حمدان : تراها بنت عمي بعد .. علي ف خاطره > يعني محمد واااايد ويا العنود .. "ابتسم" محمد يطالع حمدان : انته اييييه لا تحط دوبك من دوبها .. حمدان : كيفي .. محمد : والله ان تشكت منك بمردغك هني .. حمداان : واااي خفت منك .. حامد : مريوم ليش يالسه هني قومي أنتي و بنت عمج .. يزوي : عايبتنا اليلسه هني .. علي : لايكون يالسين فوق راسك و نحن ما ندري ؟ حامد فر مخده على علي : ايييه خلني اطفربهن .. علي : حرام عليك .. زايد : رمس مفتي مكه .. علي : ههههه .. محمد : ياخي تعالوا نلعب ورقه .. علي : انا بسير المطبخ و برد العب .. حمدان : نحن ما بنيلس نترياك .. علي فر عليه مخده : غصبن عنك بتترياني .. "سار" . . . . . انا فاجه البيبي وٰ يالسه ارمس ربيعاتي .. علي دخل و يلس مجابلني .. انا طالعته : فيك شي ولد عمي ؟ علي غمض عينه و تنفس ب صعوبة : مااي .. انا ربعت يبتله ماي و عطيته .. علي طلع حبوب من جيبه و شربهم ويا الماي .. انا انصدمت > علي !!! يعني صدق مريض .. علي ابتسم و نش .. انا : علي .. علي : آمري ؟ انا : شو فيك ؟ علي : ماشي .. بس مزجم .. انا نزلت راسي : اوكيه .. انا : سمعتك يوم تكح هاك اليوم .. علي : عادي كل الناس تكح صح ولا لاء ؟ انا : صح .. علي : عيل خلاص .. انا : ليش ما تخبرني الصدق .. علي ابتسم : الصدق ولا الجذب ؟ انا ابتسمت : كريييههه .. علي سار الصاله .. . . . . . ميره تصيييح : ششووو سوييت فيني يالخسيييس .. هزاع ابتسم : مب ها اللي كنتي تبينه من البدايه ؟ ميره : والله ما كنت ابا يصير جيه والله .. الحين شو اسسوي ف عمررري !!! هزاع لبس الروب : سيري بيت أهلج بعد شو تسوين ؟ ميره : ضيييعت ششررفي .. خررببت عيشتي .. هزاع جابلها : حبيبي ميره .. ميره : حيييووووان ******** جلللللب حققييييير .. هزاع سار الحمام : بتسبح و قبل ما اظهر اباج تنفديييين بيت اهلللج .. ميره نشت ولبست عبااتها و ظهرت من الفندق بكبره . . اتصلت ل الدريول عسب ايي يشلها و سارت ويا الدريول .. . . . . . علي : فزززززت .. حمدان : اصلا عاااادي ... علي : ههههاااااي غلبتكم .. محمد : عاد نحن ما نروم عليك ... زايد : هههههه خششمك ولد عمي "يتخاشم ويا علي" علي : ههههههههه اسميكم مصصخره .. حامد : عآادي عآادي تيك آت إيزي .. حمدان نش : غششاشيين .. يزوي : لا تصيح انزين .. حمدان : جيه قالولج منصور ؟ مريوم : لا عبود .. حمدان : سخيفييين .. يزوي : ههههه شراتك .. علي : كفج .. يزوي تسويله من بعيد .. يدي دخل : صلااااااه ... ساروا الشباب يصلون .. و يوم ساروا ميروه يت .. ميره دخلت البيت وهي تصيييح .. يزووي : ايييه مييروه .. بلاج ؟ مريوم : مييروه ششو فيج ؟ انا ظهرت و شفتها تصيح : مييروه !! ميره لوت علي و تمت تصيح .. انا : خلاص حياتي شو فيج ؟ ميره هدت و مسحت دموعها : تأثرت على حال ربيعتي .. انا سايرتها : اييوا .. اللہ يصبرهم .. يزوي مسكتها من جتفها : تعالي بوديج بيتنا .. انا : صلي و ريحي شوي .. "ساروا" مريوم : اقص ايدي اذا ما كان وراها شي .. انا : شي كبير بعد .. مريوم : ماعليه الخبر اليوم بفلوس و باجر ببلاش .. انا : ههههه .. . . . . . أم علي : ياااا علي يا ولدي ترا انا رمست اختيه مهره عن بنيتها سلامه و ابغيها تكون حرمه لك .. علي عصب : و ششله امايا ترمسين خالتيه ؟ ام علي : لا تفهم غلط !!! انته ريال و النعم فيك ادب و أخلاق .. و الحين لازم ندور لك البنت اللي تناسبك .. علي مسك أعصابه لانه ما يبغي يزاعج على امه : و هزرج سلامه تناسسبني ؟ ام علي ابتسمت : مااشي احسسن عنها .. علي حب راس امه : اميه اللہ يخليج انا توني راد من السفر ما كملت شهر .. و تبغين تخطبين لي ع الأقل اجلي السالفه لين بعدين اللہ يخليج . . ام علي : ان شاء اللہ .. . . . . . . |
اقتباس:
. . مرورج الطر حبيبتي <3 و اوعدج كل شي بتعرفينه عقب :) . . |
السلالام عليكم .. اشحالج خيتو عساج بخييير.."" حبيييت الرواية + البارتات طرر وروعة.."" حبيت الشخصيات بس أكثر شي ( العنود +حمدان + علي)).."" يسلمووو ع البارتات .."" نتريااج بالي بعده لا طولين ع علييينا.."" |
وين البارت ؟ |
السلام عليكم شحالج . . حلواات البارتات ونترياج |
البارت الـ5 .. . . . القلب ماهو لعبة في يدينك ياللي المشاعر كلها عندك اوهام .. الفرق واضح صار بيني وبينك مثل اليقين ومثل طريات الاحلام .. . . . . عمي سالم : علي سير ييب الاوراق من سيارتي .. علي : أوراق شو ابويه ؟ عمي سالم : أوراق ابغيك توقعها و تراجعها .. علي : ان شاءالله .. "سار" رن تيلفون علي اول مره و محد رد عليه .. يدي : اوووو ياا سالم رد ع التيلفون ذبحنا يوواااوي .. عمي سالم : مب تيلفوني .. محمد : رد عليه عمي .. عمي سالم : الو .. الدكتور : الو .. كيفك علي ؟ بس حبيت اقولك انه التحاليل ظهرت و انته فيك التهاب ف الرئه و لازم تعمل عمليه و نسبه نجاحها ضئيلة جدااً .. بس 42٪ .. عمي سالم وقف : شششوووو !!!! الدكتور : مين انته ؟ عمي سالم : اناا بوو علي .. الدكتور : ايوا .. ممكن تبلغه باللي قلتلك إياه .. عمي سالم غمض عينه و تنهد : ان شااء اللہ .. ان شاء اللہ .. يدي : ششو بلاك ياا سالم طيحت فوااادنا .. عمي سالم : علي مريض .. الشباب كلهم : ششششووووووو !!!!!!!!! محمد : شو بلاه ؟ زايد : كيف مريض و من متى ؟ حمدان : ليش ما خبرنا .. حامد : و ليش يخش عنا .. علي يا صوبهم : ابويه ما حصلت أوراق بس هذيلا .. عمي سالم : ابوويه علي انته مريض ؟ علي اختبص ويهه .. عمي سالم : انا أسألك قولي انته مريض ؟ علي نزل راسه : هيه ابويا .. عمي سالم : و شععنه ما تخبرنا ؟ ماااا عنددددك ضميييييير !!!!!! يدي : صبروا صبروا .. علي ششو فيه ؟ علي : التهاب ف الصدر .. عمي سالم : و ليش ما تخبرنا لييييش ؟ محمد دمعت عينه : مااا فكرت تخبرنا ولا تقوولنا !!! علي تنهد .. يدي : ليش خشيت عنا لييييش !!!!!! زايد : شو اللي خلاك تدس عنا هالشي ؟ علي : عطوني فرصه اوضحلكم .. حامد : توضح ششو تقول ؟؟ حمدان : ليش ما تراجع الدكتور و تهتم ف عمرك ؟؟؟ علي : خلوني ارمس .… يدي : عطوا الصبي مجال .. علي : مشكور يدي .. مره كنت راقد فجأه حسيت ب خنقه و حسيت اني اختنق اغمى علي و ودوني المستشفى قالي الدكتور انه فيني الربو .. و الربو تطور ل التهاب ف الصدر وصف لي ادويه و عقاقير .. محمد قاطعه : و ليش ما قلت لنااا ؟ عمي سالم : مااا هان عليكك تتصل ولا تطرش مسج !!!!!! تتحسسب مححححد بيحااااتتتيييييك ؟؟ علي : ابويا انا متغرب هناك عايش بروحي .. كيف أخبركم حتتى نسيت اشكالكم و اسماائكم حطيت كل همي ف الدراسه و نجحت و ربي وفقني ما كنت ابا اخبركم عسب ما تنصدمون و انتوا ف بلاد و انا ف بلاد . . و بعدين قالولي بس ربو مب التهاب .. وقبل كم يوم تطور ل التهاب ف الصدر . . يدي : لا تضغطون ع الولد صح كلامه . أبويه : علي فديتك انته بحسبه ولدي مب ولد اخويه بس ليش خشيت عنا و ما خبرتنا ؟. علي مارام ينطق و ما أتحمل انه بيفااارقهم عقب ما حبهم و تعود عليهم .. و نزلت دموعه .. حامد ربت ع جتفه : اللہ كريم يااا ولد عمي .. عمي سالم : قال الدكتور لازم يسوون لك عمليه .. علي : بسوييها .. عمي سالم : بس نسبه نجاحها 31٪ .. يدي صاح : ماا صدقت انك بتي هني جدام عيني ... تمررض و بتسير عنييي !!!! علي حب راس يده : الأعمار بإيد اللہ ياا يدي و ربك كاتب كل هاذا .. محمد حط أيدينه على ويهه : بترووووح ولد عمي بتروووح .. زايد نزل راسه و دموعه طاحت ع الارض : تعودنا عليييك و حبيناااك و الحين الدنيا بتآخذ عنا .. علي ما تحمل يوم شاف دموعهم و ظهر .. *زايد و محمد اكثر اثنين ويا علي* . . . . . انا سرت غرفتي و انسدحت . . فككرة تييبني و فكرة توديني شو سبب الحبوب ليش شربهم ؟ ششو سبب اهتمامي فيه و ليش اصييح عليه انا احبه ؟ لاا ما اصصدق انا مستحيل حد اييب راسي مستحيل احبه بس خفت عليه مجرد خوف بس محلاااااه جمييل .. يعق الطير من السما .. و أسلوبه ذرب .. هو مريض اكيد مريض يعرف شي و خاشنه عني . . مب عني عنناا كلناا .. . . . . . البنات عرفوا انه علي مريض و فجوا مناااحه ام علي تصيح من صوب و يدوه تصيح و تنوح من صووب .. يدوه : مرييييوم سيري زقرييييه ابغي اششوفه ابغي اشوف ولدي .. مريوم : ان شاء الله .. "سارت الميلس و خلت حامد يخبره انه يدوه تبغي تشوفه .. دقايق و دخل الصاله" علي : هووود هوود .. البنات : هدا .. يدتيه تصيح : ووااااحسسرتي على وليدي .. علي : يااا اميه انا بخير والله بخير .. يدوه : لاا تحلف لااااا امرغك ب هالعصصا . علي ابتسم : يدوه ما تشوفيني شرات الحصان .. يدوه : لاا حصصان ولا خرابيط .. علي يمسح دموعهاا : والله غاليه عليه هالدموع والله .. يدوه : سير عند أمك .. اللہ أدرى بـ حالها .. سيرلها .. علي : من عيوني بس انتي لا تصيحين .. يدوه : سير سييير .. علي ابتسم : بسيير .. "سار بيتهم و دخل غرفه امه" علي : اماااياا جيه تصيحين ؟ ام علي : كيف ما تباني اصيح عليك .. كيف ؟ علي : اميه ربج كاتب كل هاا .. و انا مالي خص و ما اقدر اغير المكتوب .. صح ولا لاء ؟ ام علي : والنعم ب اللہ .. صح كلامك ابويه .. علي حب راسها : خلاص لا تصيحين ي الغاليه ... ام علي مسحت دموعها : الله يسهل عليك .. و اللہ ييسير عليك .. ان شااء الله ف عدوينك ولا فيك .. علي : امايا المرض ما يعرف لا صغير ولا كبير .. ام علي : اللہ يشافيك يا امااايه .. اللہ يششاافيك و نفرح فييك ياااربي .. . . . . . . انا مليت من اليلسه بروحي و ظهرت من بيتنا سرت بيت يدي و قبل ما اسير شفته ياي من بيتهم .. علي ابتسم لي : هلا هلااا ب العنود .. انا : هلا فيك ولد عمي .. علي : ها على وين ؟ انا : بيت يديه .. علي : ايوا .. يالله بسير وياج .. انا ابتسمت و مشيت وياه لين بيت يدي .. اول ما دخلت شفت شكلهم ما يبشر ب خير .. اميه زعلانه و يدتيه تصيح .. و البنات يبين من شكلهم أنهم كانوا صايحين .. بإستثناء ميره يالسه ع فونها .. انا زغت قلت يمكن حد توفى. ولاآ استوى شي .. انا : يدووووه .. شبلاكم ؟ يدوه تصيح و تأشر لي بمعنى تعالي .. سرت لويت عليها و هي تصيح .. انا : يدووه شفيج ليش تصيحين ؟ منو توفى ؟ "طالعت مريوم" مريوم ش السالفه ؟ مريوم بحزن : ولد عمج فيه التهاب ف الصدر .. انا انصصدمت و مايا على بالي غير علي .. اكيييد هوو .. انا : اللہ يشافيه بس ليش تصيحون هالكثر .. يزوي : بيسوي عمليه و نسبه نجاحها ضئيله و احتمال يموت .. انا ماا صدقت .. علي بيموت .. علي بيرووووح عنناااا ... منو بيبتسم لي ؟ منووٰ ب يضحك ف ويههي ؟ منووٰ ؟؟؟ خزت عن يدوه و سرت بيتنا واناا اركككض .. قفلت ع عمريه الباب و تميت اصيييح .. مادري ليش اصيح بس احسس اني بفقده .. بششتاااق له .. ليش بيروح عنااا ؟؟ تذكرت جاكيته و سرت شليته و تميت اشششمه ... واااه فدييييت ريحتك ييااااااا الغالي . . فديتهااا و فديتك ب كبرك عللللللني فداااااااك .. انسدحت و احس اني شايله هم اني بفقده و بفقد ضحكته .. و ع هالافكار رقدت .. . . . . . . علي يطالع زايد و محمد : عيال عمي أبا اظهر .. شرايكم نظهر مع بعض و نستانس ؟ محد عطاه ويهه .. كلهم متكدرين و محد له هبه ل شي .. محمد : انا مالي خاطر .. زايد ابتسم : قوم ولد عمي .. علي : فديت خشمك .. وين بنسير ؟ زايد : البحرررر .. علي : يالله نسيير .. ساروا البحر ب سياره زايد .. علي رفع بنطلونه من تحت و حط نظارته على راسه : ارمس ولد عمي احسس انه وراك سالفه .. زايد : ههههه شدراك ؟ علي : عيل حد ايي البحر و ما ف قلبه شي ؟ زايد : بقولك شي بس ما ابغيك تخبر اي حد .. علي : لا توصي .. زايد : كنت احب .. وحدده . علي : وبعدين .. زايد : توفت .. علي : اللہ يرحمها .. زايد ابتسم ب حزن : لا تقاطعني و لا ما برمس .. علي ابتسم و ربت ع جتفه : ارمس حبيبي ارمس طلع اللي ف خاطرك .. زايد : اليوم هو ذكرى عيد ميلادها 15-5 لو كانت حيه بتكون دشت 20 و كنت خطبتها و أسست عايله .. احبها احبها و مستحيل انساها .. علي : صدقك والله .. اللي يحب ما ينسى .. زايد ابتسم بـ الم .. علي : انزين انته من الصبح ترمس بـ الألغاز فهمني شو تقول .. فضفض لي .. زايد : كنت احب .. اعششق مب بس احب .. بس اللي حبيتها ماتت آآآآآآآآآآه لو ما ماتت بكون عمرها 20..ليش يا دنيا حرمتينى من أغلى إنسان..إنسان في القلب حبة متمكن.. إنسان مرت عليه السنوات والأيام وبتمر علية الدهور ولا حبه تغير ولا أختلف..إنسان طيوفة تمر في كل لحظة وتخاويني في كل مكان... علي ف خاطرة > ما توققععت زااايد يحب !!!!!! و يحب وحده توفت .. "غمض عينه" زايد يكمل : موتها رسخ في قلبي وخلانى بلاقلب من بعدها..وتبرمج تفكيري بها وبقت طيوفها في البال تتجول.. رسمتها في خيالى .. "يصيح" أحبها و هي عنى غايبة..غايبة والرب كاتب جيه وقدري مكتووووب جذي سارت عنى وأنا عايش على ذكراها.. علي : اذكر اللہ يا زايد .. زايد : لا اله الا اللہ .. علي يبا يغير السالفه : قووم قووم .. "ابتسم" خلنا نسير نتعشى .. بعدين لا تقول ما عزمتك هاااا .. زايد ابتسم : يالله .. علي : ترا انا عندي اجتماع عقب ويا مدير شركه المقاولات الحديثة .. بتخاويني ؟ زايد : ريلي فوق ريلك .. . . . . . الشباب متيمعين ف ميلس الرياييل و قافلين الباب .. يالسين ويا عمي سالم و ابويه و يدي .. و مسويين حششره .. يدي يزاعج : صصه شبلاكم تناعرون جنكم يالسين ف سوق سمج .. عمي سالم تنهد : نفكر فـ علي .. ابويه : لا تخاف يااا ساااالم ما بييه شي ان شاءالله ما عليه شر . . عمي سالم : بتصل لـ الدكتور و بشوف متى العملية .. حامد : اتصل الحين .. عمي سالم اتصل للدكتور .. الدكتور : الو السلام عليكم ؟ عمي سالم : و عليك السلام و ألرحمه .. الدكتور : ايوا عرفتك من صوتك انته ابو علي .. عمي سالم : هيه بس بغيت اتخبرك متى العملية .. الدكتور : ورا بكرا .. عمي سالم : زين .. مشكور .. الدكتور : عادي ولو بس بدي منك ما تخاف عليه لانه النتيجه ضعيفه و لكن العمليه مضمونه .. عمي سالم : خااايف عليه وااايد والله العظيم .. الدكتور : لا تخاف .. بس العمليه بنعملها ف ألمانيا .. عمي سالم : و شووو يوديكم هناك ؟ الدكتور : هناك الطب عندهم عالي و متقدم و اكييييد ما راح يتضرر اذا عملها هناك .. عمي سالم : هيه صح لان هناك عندهم خبرة اكثر .. الدكتور : ايييواا عليك نور .. و انا حددت موعد ل علي مع اشهر دكتور فـ المانيا .. و ان شااء الله العمليه راح تنجح .. عمي سالم : وين تنجح و النسبه ما تبشر ب خير .. الدكتور : لا تآكل هم النسبه .. ف أزا ممكن بكرا تسافروا لانه ورا بكرا العمليه .. عمي سالم : ان شاء الله ان شاء اللہ .. يدي : هاا شو قال لك ؟ عمي سالم : العمليه ورا باجر .. يدي : اللہ يسهل عليك يا علي .. ابويه : اميين .. عمي سالم : لازم نسافر المانيا ... محمد : عمي انا بسير ويااااكم ما بتم اهنه .. حامد : وانا بسير عسب ولد عمي .. حمدان : و انا بعد ساير وياكم .. ابويه : لااا والله منو بيتم وياا الحرمات ؟ عمي سالم : كلنا بنسير .. "طالع يدي" ابويه بتسير ويانا ؟ يدي : ريلي على ريلكم .. ابويه : يالله ان شاء الله تنجح العمليه و نفرح .. يدي : اللہ يسمع منكم .. عمي سالم : ورا باجر العمليه و ضروري باجر نسافر .. و اذا كلكم بتسافرون .. "طالع الشباب" قوموا شباب حجزوا لنا .. حامد : كلكم ؟ ابويه : هيه .. سيروا حجزوا من الحين .. و نبغي درجه البزنس و رجال الأعمال .. عمي سالم : هيه صح لانه عندي لكم شغل بطرشه ب الايميل و ابغيكم تخلصونه قبل ما نوصل بـ السلامه .. حمدان : ي هالششغل يربع ورانا ورانا .. يدي : الا وينه علي ما أشوفه ؟ محمد : سار ويا زايد .. حامد : يالله برخصتكم بسير أحجز .. حمدان : بسير وياك .. ساروا حمدان و حامد يحجزون و محمد سار يخبر يدته .. محمد : يدتييه .. يدوه : هاااا ؟ شعندك تبااغم ؟ محمد : باجر بنسافر المانيا .. يدوه : لالالالالا ريلي ما بتطبها داار الكفررة .. محمد ابتسم ع منطوق يدته : يدوه مب جيه .. الدكتور يبغينا نسافر عشان علي .. هناك بييسون له عمليه .. يدوه يتها الغبنه : اااااه ياااا وليييديي .. قلبي يتقطع على ولد عمك .. محمد حب راسها : يالله انتي جهزي قشارج الحين و رقدي شوي .. يدتيه : ان شاء اللہ .. ظهر محمد من عند يدته و سآر بيت عميه ٰسعيد المرحوم .. و خبر ميره و يزوي .. و ظهر من عندهم .. ميره : يااااااااي بنسسااافر .. يزوي بدون اهتمام : عادي شو يعني ؟ ميره : اللله وناااسه .. يزوي نشت : صدق انج قليله ادب .. بدال ما تكدرين عمرج عششان ولد عمج تبتسمين و تفرحيين .. ميره : عادي ترا جيه ولا جيه بيموت .. يزوي عصصب : فال اللہ ولا فالج ع الأقل احترميه ولد عمج هااا .. ما شفتي منه الا الزين .. عنبووو هالتربيه اللي علييج .. . . . . . . محمد يدق الباب : ادخل ؟ انا مسحت دموعي و خشيت الجاكيت : ادخل .. محمد ابتسم لي : ما رقدتي ؟ انا طالعت ساعتي : تو الناس الساعه 9 .. محمد : تعشيتي ؟ انا : هب مشتهيه .. محمد : انزين رتبي اغراضج الحين لانه باجر من غبششه بنسافر .. انا : يعله ف ذمتك ؟ محمد نزل راسه : عشان علي .. انا عيني امتلت دموع : اوكيه .. محمد حب راسي : يالله فديتج ريحي شوي .. انا : وين بتسير ؟ محمد يثاوب : بخبر مريوم و اميه و برقد .. انا : سير ارقد انا بخبرهن .. محمد ابتسم : تصبحين على خير .. سرت غرفه امايا و خبرتها و خبرت مريوم و رتبت اغراضي و خلصت .. انسدحت و شميت ريحه جاكيته و رقدت .. . . . . . . |
تسلم اناملج نرقب ابداعج |
الباررت واايد حلو أتوقع علي بتنجحه عمليته وبيقوم بسلامه . . |
الرواية حلوة كملليها |
. . . . مشكورين كلكم ع الحماس و أن شاآءالله أكون عند حسن ضنكم :blushing: الصراحة فرحتوني ب تفاعلكم بس ما اقدر ارد عليكم وحده وحده مادري بلاه بس شكله معلق :walla: و مشكورين مرة ثانيه و أتمنى تدوم هالمتابعه:10: . . . . . . |
البارت الـ6 .. . . . . عندي حبيبي من يساويك.... ماحد أبد في الكون يسواك .... اطلب عيوني والله اعطيك.... وكل لي بغيته كله افداك .... . . . . . ف كوفي من كوفيهات بوظبي ..… علي و زايد مسويين اجتماع بينهم و بين مدير شركه كبيره .. و سكرتيره علي *مها* يالسه حذاله و لاصقه فيه و علي مب حاس لانه يالس يرمس المدير .. مدير الشركه : انااا موافق على كل شروطكم .. علي ابتسم : عيل نقول مبروك ؟ مدير الشركه : و مبروكيين بعد .. علي طالع مها : لو سمحتي ييبي الأوراق .. مها عطته : تفضل أستاذ .. علي : وقع لو سمحت .. مدير الشركه وقع و وقف علي عسب يسلم عليه .. مدير الشركه : أشكرك لأنك وافقت على دمج الشركتين مع بعض .. علي : افاا عليك .. زايد : و النسبه طبعا فيفتي فيفتي 50٪ علي : النص ب النص .. و طبعاً اسهمك اللي ف السوق مالها خص ف أسهمنا .. مدير الشركه : ايوا اعرف .. علي : يالله برخصتك .. مدير الشركه : مرخووص و لا تنسى تبلغ الوالد .. علي : يبلغ .. "ظهر من الكوفي" علي : مها .. مها : نعم أستاذ ؟ علي : منو اتصل ؟ مها : راعي العقارات .. يبغي يعقد اجتماع عسب المنتجع اليديد .. علي تنهد : اجلي الاجتماع لين باجر .. و اغلقي كل الخطوط .. مها : ان شاء الله . . اي أوامر ثانيه ؟ علي ابتسم : لا مشكوره .. مها ابتسمت > ااااه محلااااه .. فددييييتك و فديييت ظحكتك .. علي : مها .. وياي ؟ مها : ايوا أستاذ .. علي : يالله تصبحين ع خير .. مها : و انته من أهله .. ركب سيارته و سار .. مها : كل ما أغمض عيوني اششوفه .. ااااه محلاته .. والله انه يعععق الطير من السسما .. محلااا صصوووته .. و عيونه و كل شي فيه .. ان شاءالله يكون من نصيبي "ابتسمت ابتسامه بارده" . . . . . . اليوم الثاني الساعه 9:00 سرنا جدى المطار . . خلصنا كل الاجراءات و رتبنا الشنط و عقب سمعنا صوت * الرجآء من المغادرون إلى ألمانيا رحله رقم 88540 التوجه إلى البوابه رقم 123* ابويه ابتسم لي : عنود غناتيه قودي يدتج .. انا : ان شاء اللہ .. يدوه : انا مابا حد يقودني .. انا : يدوه بتتعبين .. يدوه : اوووهوو شوو نباااها السسفره نحن ؟؟؟ انا : امايا وديمه نسيتي حق شو نحن بنسافر ؟ يدوه : ما نسسيت ما نسيت .. مشيتها و مشيت وياها لين ما وصلنا عند البوابه... مريوم : حششى ي عنووود اسمييج تراكضيين .. انا : تراني آقود يدوه .. مريوم تطالع يزوي : وين ميروه ؟ يزووي : مادريبها .. مريوم : خلوهااا هني عسسب ننساها و نفتك منها .. انا : ههه حرام عليج .. يدوه : صه ... شهالصدعه سكتن .. علي يا صوبنا : امايا شحالج ما شفتج اليوم .. يدوه : فديييتك اناا بخير .. علي ابتسم : دوووم ان شاء الله .. . . . . . ميره سارت الحمام . . و ف طريجها كان شي شباب من شافوها تموا يرقمونها .. ميره : عنلااااااااتكم .. يعلني بلاااكم .. سمعها واحد من الشباب : اووب اوووب معصصبه . . ميره سارت الحمام عدلت جحالها و كثرت من القلوس و ظهرت شافت ستاربكس عدالها طلبت كوفي و سارت صوب الطياره .. حمدان : وييينج انتي ؟؟ قلتيلي بسير الحمام .. ميره : اوووووووف حتتتى ف طلعتنا مااا نتهناااا ؟؟ حمدان : حششمي شوي .. والله لو مب جدام الناس جان اناا دافننج هني جدام الطياره .. ميره : سيير لاااه .. حمدان : يلسي عدال يزوي .. ميره : اوكييييه .. ركبنا الطياره ف الدرجه الاولى .. انا و يدتيه و الشباب .. و الدرجه الثانيه الحرييم و البنات .. و يدوه اصصرت علي اني ايلس عدالها .. انا و شكلي ينرحم : يدوه دخيييلج بسير ايلس وياا مريوم . . والله ما بسووي حششره والله .. حمدان : هههههههه يلسي يلسي هنيييه .. انا طالعته : جب جب جب لا تدخل .. يدوه : ششو هاي جب بعععد ؟ انا : خلاص آسسفه يدوه .. *الرجاء من الركاب إغلاق الأحزمة* يدوه : ها الحين بتطير الطياره ؟ انا : هيه .. يدوه مسكت أذنها : سوي شراتي .. انا : ههههه امايا انا اكل لبـــان .. يدوه : خل عنج اللبان و سوي شراتي .. انا سويت شراتها .. يدوه : يالله سكتي خليني ارقد .. انا : رقدي يددوووه يععلله رقااااد العاافيه .. يدوه : رقدي انتي بعد .. انا : ان شاء الله اماايا .. سكتت شوي و يلست اطالع الدريشه لمده ربع ساعه لين مااا رقدت يدوه .. يلس عدالنا ف الكرسي الثالث : شحالج بنت عمي ؟؟؟ انا وقفت : طيبه طاب حالك .. علي : وين بتسيرين ؟ انا : عند اختيه .. علي ابتسم لي : ليش ترمسيني بدون نفس ؟ انا : لأنك جذببت علييييه و قلت انك مزجم و طلع فيك كل هاااا .. علي : ربج كاتب جي .. انا ما سويت له سالفه و سررت عند مريوم و يزوي و ميره .. > الاخت كانت سايره الحمام .. مريوم : وين كنتي ؟ انا : عند امايا وديمه .. يلسنا نسولف شوي .. . . . . . اميه : عببووود كل بس لا تخيس عمرك !! عبود يضحك : كاااكاااااو .. اميه : فديتك شوي شوي .. "طالعت سونيتا" لا تخلينه يخيس عمره .. سونيتا : اوكيه مام .. ابويه : فديت روحج الغاليه بسير عند سالم و ابويه عسب اخلص شغلي . اميه : اللہ يحفظك .. سار ابويه صوب عمي سالم و يدي و يلسوا يسولفون عن الشغل و يرمسون عن العقارات و الأسهم و الشركه .. صوب الشباب : علي و زايد كل واحد فيهم مشغل الاب ماله و يشتغل .. و محمد يقرى الملفات و يوقع .. و حامد و حمدان راااقدين .. محمد : بس ياابوووكم بس بس حتى فـالطياره شغل ؟ علي : صخ عني عندي واايد شغل .. زايد ابتسم : انا الحين بخلص .. علي : لا تتفلسف واايد بخليك تكمل شغلي .. زايد : اففاااا عليك . . آمر بس .. علي : هههه احم احم .. خلك جذه تسمع رمسه شيخك علي .. محمد : سكتواا خلوني افهم .. زايد : خف علينا يا بو التركيز .. اقووول جب يالله .. علي : انا باخذ بريك .. بسير عند امايا وديمه شوي .. محمد : هكي الدرب .. . . . . . يدوه نشت و ما حصلتني تمت معصصبه .. علي سار صوبها : واااه فديت عيوزي .. يدوه : صخ اناا مععصبه .. علي : منوووو هاا اللي ما يستحي عصب بج؟؟؟ يدوه : العنود بنت عمك .. سير ازقرها والله لامرغها ب هالعصصى جدام الناس .. علي : حراام عليج امايا .. عنود طيبه .. يدوه : سير ازقرها لا امرغك الحين ب هالعصى .. علي : ههههههه .. دقايق .. يزوي : انزين عنووود يبالنا نأخذ فساتين و اكتسوارات حق العيد من هني .. مريوم : هيه والله يبالنا .. انا : خلوا العمليه تعدي على خير اول . . علي تجدم صوبنا : بنت عمي . . أمايا وديمه تباج .. انا : متتتى نشت ؟ علي : قبل ششوي .. انا زخيت راسي : الحين بتهدني .. علي ابتسم : ما بتهدج .. انا موصنها .. مريوم : علي تعرف انك حلووو يوم تبتسم .. يزوي : مقوااج … علي : ههههه مشكورة بنت عمي .. مريوم : اااااااخ متى بيي اليوم اللي بيضويني واحد شرااتك .. علي : وليش ماا اكون انا ؟ مريوم : ههههههه لا .. "طالعتني" انته بالك عند عرب .. علي : و ليت هالعرب يحسسون فيني .. انا نشيت و سرت عند يدوه عصبت علي شوي و عقب ثلاث ساعات … *هبطت الطيارة ف مطار فرانكفورت اللي في المانيا* لين ما خلصنا الاجراءات كانت شي سيارتين يتريونا .. و لان علي دارس ف المانيا 6 سنين و عقب سار لندن درس 3 سنين فيها … يعني يعرف الأماكن و جيه .. اول ما وصلنا سرنا الفيلا ... علي بناها يوم كان يدرس .. و الفيلا قريبه من جبال الآلب .. يدوه : ااآااآإأآه احسس البرد ف ضلوعي .. حمدان : هههههه وين ف ضلوعج اللہ يهديج لابسه جلابيتين و عباه و جاكيت من وين بييج البرد ؟ يدوه : صخ عني بموووت .. علي : بسم اللہ عليج يدوه .. وصلنا نحن اول . . آنا و مريم و يزوي و ميره و علي و زايد .. الفييلا حلووه و هي عوووده واايد فيهاا ورد و جوري .. و ف نص البيت شي نافوره .. انا : اللللله .. حلووووه .. مريوم : الأثاث حلو و الديكور حلو بعد .. علي : ههههه ترا انا مختار كل شي .. يزوي : حلوو ذوقك ولد عمي .. علي : انزين تعالوا براويكم البيت .. زايد : يالله .. علي : من داخل ع اليمين قسم الحريم 3 غرف و ع اليسار 3 غرف .. زايد : حق عمي سالم و عمي سهيل و يدي و عمتيه و يدوه و ام علي .. علي : و فوق ع اليمين 4 غرف حق البنات و ع اليسار 4 غرف حق الشباب .. و ف الصاله اللي فوق شي كتب و حوض سمج . . و ف كل قسم شي تلفزيون و دفايه و مكيف و ف كل غرفه فوق شي بلكونه تطل ع جبال الألب .. يعني تبعد عنا نص ساعه بس .. مريوم : يبالنا نسير هناك .. انا : ههههه هيه والله .. علي : الحين بوديكم بس يوم بينزل ثلج تحلمون اوديكم لانه بيكون بببررررد .. زايد : انزين وين غرفتك ؟ علي : لاني اسكن ف هالبيت بروحي .. و مصممنه حقكم متى ما تبون تييون .. غرفتي ف جنااح بروحها … زايد : خف علينا هههههه .. علي : تبون تدخلونها ؟ مريوم : هيه .. سرنا غرفته و الاثااااث يجنن .. السرير عووود وايد . . و شي ف الغرفه مكتبه و تلفزيون و بلكونه و غرفه حق الثياب بسس . . انا : الأثاث راااقي .. علي : يالله الحين ظهروا بتسبح و برقد .. زايد : تروغنا يالهييس .. علي : ههههه تعبان ابا ارقد .. زايد : يالله تصبح على خير .. علي ابتسم : و انتوا من أهله .. شرب علي دواه … تسبح و شغل الدفايه لانه برد .. و حط راسه و رقد .. . . . . . وصلوا قوم امايه .. يدوه : رزيقه رزيقه > الخدامه .. رزيقه : نأم ماما .. يدوه : شغلي الكوار بسسرعه .. رزيقه شغلت الكوار ..… حمدان : يدددوووه حق شووو كوار ؟ ترا شي دفايات ما شفتوهن ؟ يدوه : صصخ عني .. انا ما اسوى شي بلا كواري .. حامد : ههههه اللہ يهديج .. يدوه : ولديه حامد تعال ودني غرفتيه برقد .. حامد مشى وياها لين غرفتها … حب راسها و سار يرقد .. . . . . هزاع : الوو ؟ ميره : نعم خير شو تبا ؟ هزاع : ابا اشوفج .. ميره : انا ماااباا اششوف رقعه ويهك .. هزاع : ميرووووتي .. ميره : انا مب ف البلاد .. هزاع : ليش وين انتي ؟ ميره : مسافره .. هزاع : انزين ابغي ارمسج .. ميره : تراك ترمسني الحين .. هزاع : أريد اششوفج و ارمسج . . ميره : اوففف .. هزاع : تولهت علييج . . ميره : و انا مااا تولهت عليك . . اجلب وييهك . . . . . . . كل حد سار غرفته يرقد .. آليوم اللي عقبه علي و ابويه و عمي سالم ساروا المستشفى عشان العمليه من غبششه … و نحن راقدين .. انا نشيت بسرعه لانه كان برررد ... تسبحت ب مااااي حاااااار و لبست تنوره تركوازيه و قميص ابيض .. لفيت شيلتي و نزلت .. يدي ابتسم لي : صباح الخير .. انا حبيت راسه : صباح النور .. يدي مسك ايدي : تريقتي ؟ انا : لاء .. يدي : زين عيل تريقي وياي انا موصنهم ايييبون الريوق اهنه .. انا ابتسمت .. يدي : تدرين ولد عمج و قوم عمومتج ساروا المستشفى .. انا : ليش ؟ يدي : عمليه علي اليوم .. انا تنهدت : ان شاء اللہ تعدي على خير .. يدي : ان شاء اللہ .. تريقنا انا و يدي و عقب يدي قال لي اتصلي ل عمج سالم سأليه عن علي .. يدي : سويييلم شخباره ولدك ؟ عمي سالم : والله من ساعه و نص داخل غرفه العمليات و ماا ظهروه .. يدي : الله يعينه . . من يظهر اتصل لي طمني عليه . . عمي سالم : ان شاء اللہ (سكر عنه) الدكتور ظهر .. أبويه : هاا بشرنا نجحت العمليه ؟ الدكتور واقف و يطالعهم .. عمي سالم : ارمس تكلم شعندك ؟ ابويه : أبويه بلاك انته مخرف ؟ عمي سالم : تخبل هالدكتوور ولا ششوو ؟ الدكتور : آي دونت سبيك ارابيك .. . . . . . . |
البأأرتاات روعه و هالدكتوور بكفخه و الصرااحهه حسيت اني مساافره المانيا ويااهم هههه و ف انتظار الباارت اليااي 3> 3> |
ما شاء الله عليج مبدعة ف الرواية .. ناطريين اليااي .. |
البارت الـ7 .. . . . . . حيث ما تسري بفكرك تسري افكاري وراك ... ياغرامي ياوجـودي ياحياتـي والنظيـر... لا وحق اللي خلقنـي ان قلبـي مانسـاك ... وان بعدت شوي عني جيتك بروحي اطير... . . . . . انا مليت من اليلسه تحت و سرت اوعي مريوم .. انا : خيبه مريوم حجرتج بكبرها مثلجه .. مريوم : انا عايبني جيه .. انا : انزين لبسي شي ثجيل يوم بتظهرين .. مريوم : افففف مااا نرقد يعني ؟ انا حطيت ايدي على خدي : مريووم .. مريوم : هااا ؟ انا : علي سار المستشفى … مريوم نشت : لا تقولين عسب العمليه ؟ انا ب حزن : هيه .. مريوم : يارب تسهل عليه .. انا : يااارب .. مريوم : عنود ترا يبين انج تحبينه ... انا : ماحبه ... بس احاتيه .. مريوم : لا تحبينه ... ما تشوفين عمرج كيف مهتمه فيه ؟ ترا بدايات الاهتمام الحب .. انا ابا اغير الموضوع : يالله نزلي تحت مليت وأنا يالسه بروحي .. مريوم : ماعليه غيري الموضوع بس صدقيني يوم حد ثاني بيلاحظ اهتمامج بيخبرج و بتنكرين و بتقولين مريم قالت .. انا : مريييوم !!! مريوم : خلاص انزين بنزل ..... ظهرت و شفت يزوي ف ويههي .. يزوي و الابتسامه شاقه الويه حبت خدي : صباآح الخير يااا الجميله .. انا ابتسمت : صباح النوور .. شو مخلنج مستانسه جي ؟ يزوي : احس اني فرحاانه اليوم و واايد مرتاحه .. انا : يعله دوم ان شااء اللہ .. يزوي : أمين .. تريقتي ؟ انا : هيه .. يزوي : شرايج نظهر برا الفيلا .. نتحوط صوب الورود و المسبح ؟ انا : مغامرات من صباح اللہ خير .. يزوي : شنسوي بعد .. انا : يالله فوووقه .. يزوي ابتسمت و نزلنا تحت .. يدوه : يالله بصباح خير … يزويه و عنود وين سايرات ؟ انا طالعت يزوي و قلتلها بـ صوت خفيف : شو نقولها الحين ؟ يزوي : جذبي عليها .. انا : اماااياا نسيت تيلفوني ف سياره حمود اخويه .. بسير اييبه و برد .. يدوه : الللله ياااا هالزززمن مووول بنات هالايام ما يعييشن بدون تيلفوناتهن .. انا : ههههه يدوه بنسير نييبه و بني ما بنبطي .. يدوه : سيرن بسسرعه و ردن لا تبطن .. يزوي : ان شاااء اللہ امايا .. سرنا ورا الفيلا صوب الورود .. يزوي تأشر على باب صغير لاصق ف يدار الفيلا : هزرج باب ششو هاذا ؟ انا : شدراني ؟ يزوي : تخيلي مكان سري يكون ورا الباب .. انا : خيالج وااسع بنت عمي .. يزوي فجت الباب و دخلت .. انا دخلت وراها … وٰ كان داخل ألعاب سوني و psp و قيم بوي و اونو و ورقه ..... و شي بعد اشرطه افلام … كل فلم مكتوب اسمه و شو نوعه يعني ياباني ولا هندي ولا اجنبي … و شي دي في دي و لابتوب شكله يديد … ؤ شي ثياب وااايد و ملابس تنكريه … يعني بـ اختصار المكان هاذا شرات الاستور .. يزوي : اكيد كل هالأغراض أغراض علي .. انا : اكييد تراه كان عايش هنيه .... يزوي : بس بصرااحه حلووو .. انا : ههههههه هيه حتى انا حبيت الألعاب .. يزوي : شرايج نسهر اليوم ؟ انا : هيه والله .... انا و انتي و مريوم .... يزوي : تعالي نظهر .... بنسير نخبر مريوم .. انا : يالله .... سرنا داخل شفناهم كلهم متيمعين و يالسين يتريقون .... يدوه : بطييييتن .. مب تيلفون هااذا .. يزوي تغير السالفه : يدوه شو ريوقكم يوعااآنه اناا ….. يدوه : قربي قربي فديييتج .. انا حبيت راس اميه : ها اميه ش أصبحتي اليوم ؟ اميه : بخير و عافيه فديتج .. يدوه : لاااازم بخير عااافيه بلااادج هاااي بلااااد الغرب الكفره .. مريوم : يدووووه حراام عليج تهدين من صباح اللہ خير .. حمدان : جب انتي جب .... خشي راسج ف كوب الجاهي .. مريوم اونها مؤدبه : اللہ يسامحك … . . . . . . ابويه : وت هابن فور ذا بيشن ؟ الدكتور ابتسم : ايفري ثنق إز اوكيييه .. عمي سالم ابتسم : الحمدلله .. ثاانكيوو ... الدكتور : ههههه دونت ووري هي إز اوكيه .. لفت انتباهم الممرضه ساحبتنه ب السرير صوب غرفه ثانيه ... عمي سالم : الحمدلله .. الحمدلله يااااارب .. ابويه ربت ع جتفه : الحمد و الشكر لك ياا الله .. خلوه راقد 4 ساعات لانه محطيين له مخدر .... و عقب يوم نش قالوله عادي بيظهر بعد 24 ساعه يعني عقب يوم كامل بيكون بخيير و صدره ما بيعوره .. عمي سالم : الحمدلله ع السلامه .. علي : ربي يسلمك أبويه.. ابويه : ششو تحس الحين ؟ علي : والله احسسن عن اول بـ وااايد .. ابويه : الحمدلله .. علي ابتسم : لااا تخافون انااا ذييب .. عمي سالم : وأنا اششهد .. أبويه : عيل ارتاح الحين .. علي : متى بيرخصوني ؟ ابويه : باجر ان شاء اللہ .. . . . . . . يدوه : قوووم سهييل و سسالم بططوا !!! يدي : هيه والله لا يكون شي استوالهم .. ام علي : ما بيستويلهم الا الخير .. اميه : هيه والله .. يدوه : سكتي انتي السووسه .. اميه سكتت .. يدي : ياااا وديمه شووو تبينها حرمه ولدج ... خليها ترمس ما بتم عاقده لسانها .... اميه ابتسمت : مشكور عمي .. يدي : كل الناس ترمس و يوم يت عليج سكتتج ... يدوه : دااافع عنها ما تستحي ع ويههك توقف وياها ضد حرمتك .. يدي : حرمووج و قعدووج ف زريبه هووش .. ام علي : ما تستاهل عمتيه تيلس ف زريبه هوش .. يدي : لاا من مستواها تيلس ويا عيالها اللي ما يابتهم .… يدوه : فدييت هووشي انا .... مادري عن حالهم .. و شخبارهم .. يدي : خلي واحد من العيال يتصل على البيدار و يتخبره .. يدوه : شكلي جي بسسؤي .. . . . . . . انا : اللللله يننزل ثلج !!!! مريوم : جنج مب شايفه ثلج فـ حياتج .. يزوي : صدقها ثلج المانيا غيير .. انا : قووومي بنظهر .. يزوي : صبري بلبس جاكيتي .. انا : بسسرعه .. لبست يزوي جاكيتها و ظهرت ويانا انا و مريم .. يدوه : تببغن تموووتن ؟؟؟؟ انا يالسه هني و احسس عظاامي تتقرقع .. انا : امايا مب كل يوم بنشوف ثلج .. يدوه : ظهرن بس اذا مرضتن مب منني ... مريوم : ما بنممرض ان شاء اللہ .. برا الثلج مغططي كل شي .... و تقريباً كل شي لونه ابيض حتى السيارتين .. و الورد و كل شي ..… تمينا نفر ثلج على بعض .. يزوي : هههههههه .. انا فريت عليها كوره ثلج عوده و شردت .. يزوي :ههههه والله براااويج .. مريم : شوووفوا رجل الثلج مالي .. جمييل .. انا : ههههه مب شي .. تميت اربع و يزوي تربع وراي .. انا : هههههههه ... مريم : يهاااال علني بلاكن ... يزوي : خلينا نستانس .. ظهروا الشباب و سووو حششره .. يزاعجون و يفرون ع بعض ثلج … هههههه استوى الجو ربشششه … . اليوم الثاني نحن يالسين نتريق و حمدان ينكت .… انا ب أرف : حمدددااان صصخ .. عنبوه مب لسسان عليك .. حمدان يتلفت يمين و يسار : هاي اللي تباني افلعها .. كيفي لساني .. انا شليت كوب الكوفي مالي و ظهرت … يلست على الكراسي البيض اللي جدام باب البيت ... مرت خمس دقايق وأنا افكر ف علي .. الحين تأكدت من حبي له ... لأني افكر فيه 24 ساعه ... يزوي : تفكرين ف منو ؟ انا حطيت الكوفي ع الطاولة : افكر ف علي .. يزوي : ياااا هالـ علي … مصيره بيرجع هني و بنشوفه ... انا : و اذا ما رجع .. يزوي : خل عنج ... قوي إيمانج ... ان شاء الله بيرجع لنا يربع شرات الحصان .. انا : ان شاء اللہ .. شوي ويت سياره عمي سالم الكاديلاك .… دخلت و وقفت جدامنا ... نزلوا منها قوم عمي سالم و أبويه .. يزوي : هاا عمي بششروا ؟ ابويه : الحمدلله نجحت العمليه .. انا لويت على ابويه : اششتقت لك … ابويه : هههههه ما يرزى علينا الا يوم واحد غبت عنج .. اناا ابتسمت له ..... دخلوا داخل و الكل عيونهم على ابويه و عمي سالم ..... و دخل علي وراهم .... زايد انتبه : اوووو انته هني ؟؟ "سار عنده و لوى عليه" محمد ابتسم : نستاهل سلامتك ولد عمي ..… حامد : الحمدلله انه السالفه عدت على خير … علي ابتسم و طالعني .. انا ابتسمت له : الحمدلله ع السلامه … علي : ربي يسلم غاليج .. مريوم ابتسمت : وانته اونه ما تعرف منوو غاليها ؟ علي : ههههه لا منو ؟ مريوم غمزت له : عقب بخبرك ... انا : ايييه لا تيلسين تألفين ... مريوم : ان شاء الله عمتي .. يدوه تصيح : والله لو كنا ف البلاد لاااا اذبح لك 10 ذبااااايح .. يدي : و نوزع باااارد ع الفريج كللله ... علي حب راسهم : مابغي منكم شي .. اهم شي انه الحين اناا بخير و سلامه ... ابويه : الحمدلله ... علي : عيل خلاص تغير سبب سفرنا من العلاج للسياحه .. حامد : عاد انته دارس هني كم سنه .. قوم حوطنا ... علي : من عييووووني .... بس صبروا عليه شوي .... بسير أبدل ثيابي و بيي .. يدي : فديييت روووحك يااااا علي … . . . . انا : تصدقين مريوم ؟ باجر عيد ميلادي .. مريوم : صدق ؟ انا ب حزن ؛ هيه ... مريوم : و ليش الحلو زعلان ؟ انا : كل سنه تسووون لي حفله أما هالسنه شكلكم ما بتسوون .. مريوم : اللہ كريم .. ان شاء الله السنه اليايه بنسويلج عيد. ميلاد .. يزوي يت : يالله علي بيحوطنا اهنه ف المانيا … انا : بسير اتجهز ... سرت لبست بنطلون وسيع شويه بس استريج لونه رمادي و قميص ابيض .... تعطرت من عطر Versace .. تجحلت جحال ابيض .... كثرت منه و حطيت لي روج احمر ... لفيت شيلتي و نزلت ..... مريوم : الله ش هالحلااااه ..... يزوي تزغرط : نزلت العروووس ... كولوولييش ... انا ابتسمت و سرت صوب ابويه .. ابويه ابتسم : الله الله فديت القمر انا ... انا : هههه .. ابويه غمز لي : متعدله حق منوو هالكثر ؟ انا : متعدله حق امايا حبيبتي .... ابويه : الحين امج حبيبتج ؟؟ وانا ششو؟ انا : انته ابوي الغالي و قلبي و روحي ..... حمدان : اذا تمينا على مغازل عمي و عنود ما بنسير بقعه ..... حامد : هيه والله قوموا يالله .. يدوه : هااا ابويه علي وين بنسير ؟ علي : بوديكم حديقه جريبه من هني … ظهرنا براا صوب السيايير .... مريوم : اقولكم من الحين انا بسير ويا علي ..... حامد : ليش ان شاء الله ؟؟؟ مريوم : كيفي .. علي : انا بشل البنات و امايا وديمه .... عمي سالم : يالله ركبوا .... و نحن بنلحقك .. سرنا الحديقه و كااانت تجننن ..... فيها بركه عووووده و هالبركه فيها بط و وز ..... و شي دكان و محل كوفي و محل ورد ..... و شي بعد ريال يبيع هاي البلونات اللي ع شكل حيوانات او رسسوم .... عبود يصيح : ابااااا بلووونه ... ابويه شله : استويلك بلونه ... و خذ له بلونه و عقب منصور قال ابا .... و خذولهم هم الاثنين .... يدوه : رزييقه رزيييقه ..... رزيقه : نأم ماما .. يدوه : فرششي حصير اهنه تحت الشيرة .... علي حط ايده ورا رقبه يدته و مشى وياها : هااا امايا .... حلوه البقعه ؟ يدوه : الاااا تينن .... بس بيني و بينك وااايد برد .... علي : هههههه لازم امايا هاي مب دار بو خليفه ... يدوه : عللللللنننني فدااا دار بو خليفه ولهت عليها .... علي : ها امايا تبغين شي دافي يدفي على فوادج ؟ يدوه : هيه فديتك ابغي جاي كرك ... علي ابتسم : من ويين اييبلج كرك الله يهديج ؟ يدوه : عيل ماااابغي منك شي ... علي : يالله انا بسير عند عيال عمي .. برخصتج امايا .. يدوه : مرخووص ... ** انا تميت اصور الحديقه و عقب شفت علي يمشي ويا يدوه ... جان اصصوره .. ابتسمت ... حمدان : هاااا شووو تسوين ؟ انا : اصور ... حمدان ابتسم : صوريني .. انا : من زينك اصورك .. حمدان ب خقه : نااااس يتمنون اعطيهم نظظره بس .. انا طالعته من طرف عيني : يالخقاااااق .. مريوم و يزوي يوو عندنا .... انا ابتسمت لان ادري انه مريوم ما بتنطق .... تتخبل من تششوف حمدان ... حمدان : الحمدلله و الشكر ... خبله .. انا ضربت جتفه : خبله ف عييييينك ... حمدان : انا بسير عند عيال عمي .... سوالفكم بااايخه ... يزوي : مشششكوو اخويا ... ايي منك اكثثر .... حمدان ابتسم : العفووو .. "سار" انا : اووووه مريوم انتي هني ... "ابتسمت" مااج حسس ... مريوم تحط ايدها ع قلبها : ااااااخ قلبي ....... فديييتك و فديييت الخقققه انااا .. انا : من زينه حمدان المفلع ..... مافيه شي حلو غير تقويمه .. يزوي : اخويا هااا ... انا اقلدها : اخويا هاا ..... من زيينج ولاا من زين اخووج ... يزوي : اعترف اني انا احلى عنه ... انا : و اناا اششهههد ..... مريوم : يغغغغرم ...... اموووت اانا .. انا : بسم الله عليج ... لا بالله. تخبلتي .. يزوي : اقول .... مريوم : قولي يااا كثر ما تقولين ... قطعتي حبل افكاري ... يزوي : خلاص مب قايله ... انا : عن العبببط قولي .. يزوي : ابا اسكريم ... مريوم : تخبلللتي ..... خيبه برررد .... شوفيني كيف اتناافض ... يزوي : ماا يخصني ابااا اسكريييم .... انا : هيه انا ف خاطري اسكريم ... يزوي : يبرد ع فوااادنا ..... انا : صدقتي والله ... سرنا نأخذ اسكريم و شفنا يدي واقف وياا يدتيه عند المحل مال الكوفي ... يدوه رافعه العصا ف ويهه الريال : عنننلاااااااتك ياللي ما فيك خير ..... وين الكرك مالي هاا ؟؟ وينه؟؟؟ عنبووووك سساعه ..... انته تسوي كرك ولاآ تطبخ غوووزي ؟ تعال شوف دار زايد كيف .... بييبونه ف دقيقه ... انته مااا تخاف ربك ؟ من الصبح ارمسك و انته مبقق لي عيونك .... ارمسس انططق ياااالبهييييمه ... انا من سمعتها تهاد الريال مـت من الضحك ... ما رمت استحمل .... انفجرت .. و يزوي من سمعتني اضحك تمت تضحك وياايَ .. يدوه : علللللني بلاااااكن ... شوو اللي يضحك هااا ؟ يدي : انتي كل ما شفتي حد هديتي عليه .... خافي ربج شوي ... يدوه : بهد عليه و لكسسر رؤوسكم بعععد ... مريوم تمت تفهم الريال و قال ما عندهم غير جاهي أمريكي ... ماشي كرك ... ف طلبت 3 قهوه حقها و حق يدي و امايا وديمه .. . . . . . . مريوم : أححم ... هاااي قااايزز .. حامد : نعم شو تبين ؟ حمدان : خلصينا .. علي : بلاكم ع البنت ؟ شوي شوي عليها ... مريوم ابتسمت : والله لو ماا الحشييمه جان حبيت راسك والله فدييييتك تسسواهم كلهم .. علي : الصراحه اخجلتيني .. محمد : و انااا يااا مرييووم اناا اخوج ؟؟ مريوم : عيل ف ذمتيه انكم احلى اثنين و اكثر اثنين احبهم من شباب عايلتنا ... محمد : صبروا بستحي ... زايد : ييااا شين الدلع ع البقر .. محمد : انا بقره يااا الناقه ... زايد : اناا ناقه ؟ حمدان : و لا تخافون كلكم دبش الا انا .. حامد : اووونه ... سير انجلللع لاااه ... مريوم : افففففف يعني ماا ارمس ما ارمسس ؟؟ علي : غردي بنت عميه ... مريوم : تعال اباك ف كلمه رااس .. حمدان : و شمعنى حمدان ؟ مريوم : بقوله شي .... كلمه راس ياخي .. حامد : راس ولا ريل ؟ ابا اعرف ش السالفه ... مريوم : بتعرف بس ليش مشتط جيييه ... صبر ششووي ... "طالعت علي" قوووم ابااك ... علي : يالله ياي ... مريوم مشت وياه ف الحديقه و قالت له ... مريم : علي بقولك شي .... علي : امري ... مريم : باجر عيد ميلاد اختيه .... علي : عنود ؟ مريوم : هيه ... علي ابتسم : و تبين نسوي لها حفله ... مريوم فجت حلجها : شدراك ؟ علي : سسااحر ... مريم : علني بلاك ... علي : ههههههه خلي كل شي علي ... مريم : يعني اعتمد ؟ علي : افا عليج ... لا تحااتين ... مريم : بس لا تخبر امايا وديمه ... بتهدنا ... علي : فالج طيب ... مريم : فالك ماا يخيب ... مريوم ابتسمت : يالله اخليك ... علي سوى لها باي ... مريوم : هههه .... باااي ... . . . . . |
وااااااااااااااااااااااااو حللوه رواايتج و جميله استمري ربي لاهانج *---* |
اقتباس:
. مشكوورة حبيبتي تسلميين :001_wub: اتمنى تدوم هالمتابعة :walla: . . |
اقتباس:
. مرورج الواو غناتيةة .. مشكورة من ذوقج :blushing: .. . . |
متى البارت فديتجج ؟ |
السلام عليكم^^ شحالج عساج بخير اتمنى انج تكملين الروايه والصراحه انتي مبدعة وانشالله تتقبلين مروري " ..! |
البارت الـ8 .. . . . . انت نبض القلب فيني تجري بعروقي دماك ... باختصار..البعد عنك شي لايمكن يصيـر ... . . . . انا مليت من اليلسه قلت بروح اتمشى ... شفت ابويه يالس ويا يدي و امايا وديمه و عمي سالم .... يلست وياهم ... ابويه : فديييييت بنتي اناا تعالي تعالي ... عمي سالم : و كبرتي ياا عنووود ... انا ابتسمت : لازم عمي ... عمي سالم : و احلوييتي و غديتي حرمه ... يدوه : وين حرمه و مااا تعرف تطبخ ... انا : يدوه يوم بكبر باخذ كورسات منج ... يدي : انتي هب صغيره فديتج ... انا : بعدني 19 ... يدي ابتسم : كبيره ... و بيي اليوم اللي تعرسين فيه .... انا حطيت ايدي على يبهتي : وينه بعده مااا ضوى ! يدوه : اسسميج الااا ملغث ع العرررس .. انا : مب الا انا امايا .. كل بنت تحلم بـ الزواج ... يدي : خلاص عيل حمدان من صوبج ... انا : الالاللالالاا يدي مشكور ... يدي : افا ؟ شحقه ما تبينه ؟ انا : حمدان شرات اخويه ... يدوه : زييود حقج ... انا : يدوه انا ما ابا اعرس الحين ... خاصةً ف هالفتره ... خليني اخلص جامعه اول و عقب بفكر ف الزواج ... يدوه : على هونج ... ابويه ابتسم لي .. وأنا رديت له الإبتسامه ... قمت عنهم و سرت صوب ميروه ...... ميروه : وييينج انتي علي ولد عمج شل مريوم و يزوي و ساروا... انا شهقت : ف ذمتج ؟ ميروه : والله .... شلوا عبود و منصور وياهم .. انا : شششت ... خساره ما سرت وياهم .. ميروه : انا كنت بسير بس اونه قالولي زقري عنود و يوم يييت ابا ازقرج ساروا .. انا : هههههه بيردون ... ميروه : اكيد سار يحوطهم ف المانيا ... و نحن اهني شرات الهوووش محبوسسات ف الحديقه .... انا : وين محبوسسات اللي يهديج .... هني اميه و يدوه و يدي و ابويه و عمي ..... ميروه : قومي نسير عند خالتيه ام علي ... أنا : يالله .... ام علي : الا وينهم اليازيه و مريم ؟ انا : لا تتخبرين خالوه .... شردوا عنا ... ام علي : وييدييه كيف شردوا هاي بعد ؟ ميره : هربهم ولدج ... شلهم و ساروا .. ام علي : ما عليكم و انتوا ليش جيه زعلاانات ؟ انا : تراهم ماا شلونا وياهم ... اميه : شو تبين تظهرين انتي ؟ انا : ابا احووط ... اميه : خلي واحد من إخوانج يحوطج .. ام علي ابتسمت : ما باركتولي ... اميه : جيه منو عرس ؟ ام علي : خطبت ل ولدي علي ... انا انصدمت ... نزلت عيوني و لعبت ب أظافري ... ميره : و منو هاي اللي خطبتيها ؟؟ ام علي : سلامه بنت اختيه .... اميه : مبرووك .... اللہ يتمم لهم على خير .. ام علي : اميين .. ميروه : بس يدوه ما بترضى ... ام علي : لييش ؟ ميره : ما تحب تظهر برا الحدود العائليه ... بنت العم اقرب ... ام علي : خلاص انا خطبت و خلصت ... انا : أممم... و شو كانت رده فعل علي ؟ ام علي : ما خبرته .... اميه : جيه ما تآخذين رأيه ؟ بيهدم كل شي عققب ... ام علي : رايي اناا الأهم ... ميروه : خالتيه لا تقولين انج ما رمستي عمي سالم بعد ... ام علي : ههه ما رمسته .. . . . . . يزوي : بسها حششى خذنالها فوق ال10 هدايا ... مريوم : هههههه قولي انج تغارين ... يزوي : هيه والله آغار ... يعني هي هداياها من المانيا ... علي : افا عليج ف عيد ميلادج بسويلج نفس الشي ... يزوي : عاد نحن نبغي شي يديد ... علي : تآمرين امر ... عبود : اباا حلااوه .... منصور ينقز : حلاوه حللوووه .. علي خذ لهم حلاوه .... مريوم : انزين وين بنودي كل هالأغراض ؟ علي : بطرش الدريول يشلهم و يحطهم ف غرفتي ... يزوي : و الكيك ... علي : رمستهم ... قلتلهم كيكتين كاكاو و وحده فانيلا من Miss j ..... عاد كيك المانيا غير ههههه و بعد طلبت كب كيك و سويتاات و عصااير ... مريوم : ماا تقصر علي ... علي : ههههه بعد كل ها و احس اني مقصر ... يزوي : لا مقصر ولا شي .... علي : هيه صح .... خذيتلها باقه ورد عووده .. مريوم : هيييييه هاا اللي نسيناه ... علي : و خلاص يعني كل شي رتبناه ... يزوي : هيه ... مريوم : مشكور علي .... علي : العفو .. بس لا تنسون الساعه 8 فليل خليها تجهز ... مريوم : ان ششاء اللہ ... علي : يالله الحين بعزمكم على نسكافيه ... يزوي : لالا ع حسابي ... علي : ما يحتاي .... ع حسابي انا .. يزوي : لاا انته من الصبح تدفع .. علي ابتسم : ما يغلى عليكم ششيّ ... يزوي ابتسمت ... مريوم : يالله نرد ... وايد طولنا ... علي : مب واايد شويه ... يزوي : يالله نرد .. اكيد عنود يالسه تدورنا الحين ... ساروا يركبون السياره .... منصور : وين بحط بلونتي ؟ يزوي : بنشلها ويانا حبيبي ... منصور ابتسم ... . . . . . . انا تنهدت و سرت عنهم بعيييد .... سرت صوب البركه و يلست اطالع البط .... ااااه يااا علي الحين انته مخططوب ... و مب لي اناا ل غيري .... غمضت عيني ... حط ايده على عيني ... أنا : مب متفيجه .... خوز أيدك .. لمست ايده و عرفت انه مب حمود لان حمود ما يلبس ساعه ... و حامد ما يحب هالسوالف .. انا : حمدان .. حمدااااان يااالحييوان علني بلاك خوز أيدك ... انا : اففف .... خوز ايده و ابتسم : انا حمدان ؟ انا ما رمت اطالعه لانه ابتساامته خبااااال .. علي يلس عدالي : شو بلاج ؟ انا حاولت ابتسم : ماشي .. علي : محد يعرفج كثري ... رمسي .. انا : قلتلك ماشي... علي : براحتج ... انا : اوووه صح نسيت ابارك لك ... علي : على شو ؟ انا : قالوا انك خطبت بنت خالتك ... علي : انااا ؟؟ قلت ل امايا لا تخطبينها و اصلا ماا اباها ... انا نشيت .. علي ابتسم ف خاطره < والله ل اغير مزاجج اليوم .. انا : ليش تضحك ؟ علي : تعرفين انج شينه ؟ أنا : مب مهم رأيك ... علي : عبييطه .. انا : كرييهه ... تعرف اني اكرهك ؟ علي : افاااا والله افااا .... تعرفين اني اموت فيج ... انا لفيت عيوني الصوب الثاني ... علي بروحه استغرب من عمره يوم قالها .. علي ابتسم : حسسافه والله حسسافه .. ناااس يتمنون اعطيهم ويهه و انتي 24 ساعه جدامي و ما تحمدين ربج .... آنا : من زينك ... وووع مب حلووو ... تلوع بالجببد ... علي : يعل تنفقع جبدج ... انا : بسم الله ع جبدي ... شو يايبنك عندي؟؟ علي : تصدقين تولهت عليج ..... شردنا عنكم و ييت أطمن على بنت عمي .. انا : تهبني هبوب العافيه يوم ما اشوف رقعه ويهك ... علي : فديت ويههي والله ... انا ابتسمت : من حلاته ... علي : بالله عليج ليش أنا مب داخل مزاجج ؟ انا : و ليش تدخل مزاجي اصلا ؟ علي : أولاً انا رجل أعمال ... ثانياً غني و الخير وايد الحمدلله .... ثالثاً جميل ... و الكل يعترف بـ هالشي ... رابعاً أسلوبي ماشي شراته .... انا : الللله شكلها سلامه يوم بتاخذك بتنعجب فيك (سرت عنه) علي يرمس عمره : والله اني بييب راااسج يا بنت سهيل ... "ابتسم" من صوب ثاني ... ابويه : تمللنا و نحن يالسين اهنه ... نبغي نسير مكان ثاني .. عمي سالم : هيه والله ... حامد قوم ابويه ازقر علي و خله يظهرنا ... حامد : ان شاء الله عمي ... سار حامد و خبر علي ... علي : شرايكم اوديكم حديقه الحيوان ؟ يدوه : عندنا حيوانات الحمدلله و الشكر .. ميره : شقصدج امايا ... شو تقصدين ؟ يدوه ابتسمت : ما اقصد شي .. علي : ها بتسيرون ولا ؟ يدي : بنسير ... سرنا حديقه الحيوان ... و هالحديقه فيها كل الحيوانات النادرة .... فيها شبه من حديقه حيوانات العين .. بس هاذي أحلى و اكبر ... فيها مقاااهي و مططااعم .... و يوم دشيناها كانت زحححمه ... و الحديقه مرتبه كل حيوان في قسم ... و الاليفه ف صوب و الشرسه فصوب .. ابويه لوى علي و مشى وياي : حلوه الحديقه ؟ انا : هيھ ... بس تعبت من المشي ... ابويه : ههههه اشلج ؟ انا : ههه لالا .. ابويه ابتسم .. ** يدوه : وه وه وه تعبت ... تكسسرن رويلاتي .. يدي : دواج .. محد قالج ظهري من البيت ... قري ف بيتج احسن لج ... يدوه : تعبت ... علي : أمايا شي قطار هني بيخطفنا ف الحديقه كلها ... يدوه : ركبني ولا بموت ... علي ابتسم : بسم اللہ عليج امايا ... حمدان يزاعج : حمووووود حاامد بنركب القطار ... ركبنا القطار و تمينا نصور و نسولف ... يزوي : انا ما تروعت غير من هالشمبانزي . انا : يبالنا نفرج عنده تيلسين وياه كم يوم .. يزوي : ايييه .... مريوم تطالع ميروه ... انا طالعت ميروه لقيتها سرحاانه ... مبين انها حزينه و مضايجه ... انا ابتسمت : حبيبتي ميروه شو فيج ؟ ميره ابتسمت : ماشي .. وقفنا طلبنا لنا سندويجات و عصاير ... تغدينا و ظهرنا من الحديقه تمشينا شوي ف المانيا .. و ردينا البيت و من التعب الكل رقد .... بس انا ما رقدت ... مريوم تهمس : ليش ما رقدتي ؟ انا : ما فيه رقاد .... حليلها يزوي رقدت ... يزوي بطلت عيونها : مااا رقدت … آنا : تعالوا بنسهر .... يزوي : اوكيه .. مريوم طالعت بجامتها : ابدل ؟ انا : لا لبسي شيله بيت ... لبسوا شيله بيت ... و ظهروا .... انا سرت المطبخ : تبون اييبلكم شي ؟ يزوي : سويلنا أندومي ... مريوم : يزوي تعالي وياي برا بييب الدي في دي. ... يزوي : خييبه مابا اخاااف ... انا : سييرروا يالله ... مريوم سحبتها : تعااالي … سارن صوب الاستور اللي ورا البيت ... و شلللن الدي في دي و كم فلم .... مريوم : يااااي ... حلووو المكاان ... يزوي : بس فليل يخوف ... تخيلي يطلع لنا قناص شرات اللي ف الافلام و يجتلنا .. مريوم بلعت ريجها : لالالا كل هاذا خرافات ما تستوي الا ف الافلام ... سمعن صوت من وراهن ... : شوو تعابلن هني ؟ يزوي من الزيغه صااررررخت : أأأإآآأأإإآإآأإآأإ..... علي : ههههههه شياكن تروعتن ... مريووم : حسبي الله .... شو يايبنك اهنه ؟ علي : شفت الباب مفتوح قلت ابدخل ... يزوي : ليش ما رقدت ؟ علي : ما ياني رقاد ... مريوم : تعال اسهر ويانا ... علي : امممم ما ابا اضايجكم .. يزوي : علللي ... شو هالرمسسه ... تعال اقولك تعال .... . . . . انا سويت 5 اكياس اندومي و شي حلاوات ف الثلاجه ظهرتهم و حطيت كل شي ف صينيه مرتبه ... ظهرت البيبسي و العصاير و الاسكريم و عدلت كل شي .... و اهم شي البوب كورن .... مريوم بصوت واطي : بوووو ... انا : علني بلاج ... مريوم : ههههههه ... يزوي : علي بيسهر ويانا ... انا استانست بس ما بينت ... شليت الاكل و وديته عنند قسمنا و علي يلس يركب وايرات الدي في دي لين ما اشتغل .... و عقب تمينا نطالع الفلم و ناكل ... علي يلس فوق ع الكنب و نحن يالسين تحت .. مريووم اندمجت ف الفلم : مسكيييين حرراام جتلوووه .... يزوي : و البنت انتحرت عقبه كسسرت خاطري والله ... مريوم : ما اتخيل ريلي يموت و اموت وراه ... يزوي : مالت عليج شدراج ... هاي يسمونها التضحيه ... علي : صدقتي يزوي ... انا : بسير برا بشم هووى .. مريوم : تحذري لا اييج القناص ... يزوي : بيذبحج و بيشرب من دمج ... انا : عن العبببط ... مريوم : هههه سيري اللہ يحفظج ... انا ابتسمت و ظهرت ... ما حسيت به بس هو ظهر وراي ... علي : العنوود ... انا : هلا ؟ علي : بقولج شي ... انا : قول .. علي : اممم .. . . . . . شو تتوقعون علي يقول لـ العنود ؟ و شو بتكون رده فعلها ؟ |
الباارت واايد جميل . شو تتوقعون علي يقول لـ العنود ؟ أتوقع هو يحبها وشو بتكون رده فعلها ؟ بتنصدم و ما بتعرف شو بتقول |
السـلآم عليكم ورحمة الله وبَركآتة ,, أشحالج ؟...عسآج طيبة ,, , , بصَرآحة روآيتج قمة فَ الأبداع وايد حبتها ,, تسلم ايدج ,,,, , , يعطيج ألف عآفية .." |
البارت ال9.. . . . . ارحموا ذا الروح لاهنتوا ... لي لكم بالشوق توّاقه ... . . . . علي : سمعي هالقصيده .. انا ابتسمت .. علي : لك حروفي قصيد ولك قصيدي شعور ولك شعوري خفوق نبضه الحَيّ إنتي ولك غلا في صَميم الروح حَاضر حضور واشهد انك بقلبي وْلا عن العين غبتي يا سَنا الكون كلّه والعواطف بحور يا ظيا العين ياللي في وَسَطها سكنتي يا بَعَد كل من لي يا أريج الزهور يا أعذب حروف تظهر في كلامي وصمتي يا شعاع تحلّى وْلا على النور نور بس ما غير نورك يظهر ليا ظهرتي ويْا ملاكٍ خلقه الله لعمري سرور وش تفيد الحياة بْيوم لا من زعَلتي أعتذر لك ياعمري ولو بعذري قصور وانتي قدرك عَ راسي وْلا حشا بيوم هنتي إبسمي يعل ربّي يحفظك م الشرور تبتسم لي حَياتي وقت فيه ابتسمتي ان زعلتي عَلّيه كن كوني مهجور وان رضيتي تسابق ابتسامتي فرحتي إنحنَتَ لك قصيده ساجدة ع السطور كثر ما انتي بمَكه يا اطهر الناس طفتي ... .. و سلامتج .. انا : ربي يسلمك . . حلووه القصيده .. علي : دامها عنج اكيييد حللووووه .. أنا ابتسمت ب حيا : هههه .. علي : انزين العنود بسألج سؤال .. انا : اسأل .. علي ابتسم بـ خبث : ف ذمتج ما حبيتيني ؟ انا توترت ماعرفت ششو اقول انصصدمت جنه حد رش علي ماي بااااارد .. علي : هاا جاوبيني . . انا نشيت : ماعرف .. "سرت عنه" علي مسك ايدي : تعالي ما جاوبتيني .. انا سكتت . . كيف أقوله اني احبببه .. حتى كلمه احببه ف حقه قليله . . الا اموووووت فيه . . مادري كيف حبيته مع انه عندي عيال عمي زايد و حمدان ليش علي ب الذات حبيته ؟ علي ابتسم : يالله قولي . . انا : لااء ماحبك .. علي تلاشت ابتسامته شوي شوي : بسير ارقد برخصتج .. انا حسيت انه زعل : عللللي !!!! . علي : ما ينجبر قلب على قلب ..ما دام قلبك ما هواني.. لا حبك أول وآخر الحب...ولا أنت الوحيد بزماني... صحيح لشرواك ينحب..حسن وأخلاق ومعاني.... لكن ما قدر الرب..ألقى على بحرك مواني..... لك درب في الدنيا ولى درب..روح عسا تعيش هاني.... وأنا على ذكراك برقد..ربي يعوظني بثاني.... مسموح ما لك بالهوى ذنب...لو شفتنى عقبك أعاني... ما ينجبر قلب على قلب..ولا يستوي العاشق أناني... كان يقول الكلمات وقلبة يتقطع..كيف ما تحبني ....ليششششششششششش؟؟؟؟ انااااا انحححب و كل النااااس يدرون بس هي ليييش ما تحبننني ؟؟؟.. انا : علي .....صبر...... علي : دخيلج..بس....... انا : علي........صبر...صبر...... علي : عنود..دخلي ..الجو بارد....سيري داخل بتمرضين... انا : لالا ما بسير.. علي : شو تبين مني ؟؟ خليني بروحي.الله يخليج.. انا اصيح : علي .. دخيلك لا تكلمنى جيه.. علي اول مره يشوف دموعي ... استحى و نزل عيونه : شو تبين ؟؟... الععنود سيري .. انا : ما بسير ... بيلس وييااك .. علي : ليش تبين تيلسين ويااي؟ انا : بس جيه .. علي : العنود سيري...... انا : ما بسير......بيلس وياك....... علي : ليش؟؟؟؟؟.......ليش تبين تيلسين وياي؟؟؟؟؟؟؟ انا : قلتلك بس جيه ... علي : الللله يخلييييج .. انا اصيح : أنا ما كنت أقصد الكلام إلى قلتة والله العظيم..... علي : عادي..أنا ما زعلت .. صدقيني .. انا : علي .. آآآآآسفة .. علي : قتلج والله عادي..حبيتيني ولا ما حبيتيني بتبقين بنت عمي سهيل .. انا .. أصيح..على أنه ابا اقوله الحقيقة بس مب قادرة ..هو فسر الموضوع غلط ....... دخلت القسم و انا اصيييح .. مريوم : ايييه عنووود بلاااج ؟؟؟؟ . . . . . يلس يفكر فيني وقلبة يعورة على إللى إستوى وإتمنى أنة ما كلمني ولا حتى قالي ..حرام كان يحبني ..وكان بس يتمنى أني ابادله الشعور نفسة.. بعدين قام علي : والللللللللللله أنها ما تستاهل حتى أني أفكر فيها ولا أني أضيع الوقت عليها..تنفد بالنفاد إلى شلها وإللى خالقنها بيخلق غيرها..والله ما تستاهل حتى حد يكلمها..بس انا الغبي اللي حبيتها .. زايد من وراه : حبيت منو ؟ علي صد و طالع مصدر الصوت : محد ... زايد : لا تخش عني شي ... علي تنهد و مسح ع شعره : ااااااخ .. مولعة فيني وتقول إنها نستني....تبغي شعور المولع تستفزه مادرت كيف بهواها ولعتني...لين صارت في خيالي بكل حزه لو بقول جنون ..والله جننتني....تلعب بقلبي مثل طفل بمنزه حيرتني في هواها حيرتني..ولا دريت إنه دلع والا معزه آه يا قلبي صغيره ومشكلتني..كنت أظنك كالجبل ماشي يهزه بس مالومك ولو هي تيمتني...فاتنه يا ويل من هو تستلزه عينها خجلى وبالعين سحرتني... ويل من با عيانها الخجلى تخزه بين كل الخود يا ناس فتنتني..تنفرد من زينها في كل برزه اكتفي منها ولو هي ما كفتني..من غلاها كل غالي ما نعزه .... "تنهد" احبببها والله العظيم احبها .... و حبيتها من اول نظظره و أول كلمه .... و الحين يوم قلتلها تحبيني ؟ قالت لاا ... زايد : نفاااااد يشششلها ... لا تكدر روحك عششانها ..... والله انها ما تستاااهلك .. . . . دخلت القسم اصيح........قامت مريوم و يزوي .كانت ميره راقده .. مريوم : عنووووووود شبلاج؟؟؟؟؟؟ ارمسي طيحتي فوادي ... اناخبرتهن كل شىء......... مريوم : وقسم بالله أنج هبلة.....إنتي خبلة...عنلاتج ليش قلتيلة جيه؟؟؟؟؟؟؟ يزوي : صدقها مريوم....ليش قلتيلة جيه...؟؟؟؟؟ انا : ما عرف ....ما عرف ... مريم : وينة هو؟؟؟؟؟ انا : احيدة برى ......... مريوم : أنا بسير افهمة السالفة.......إنتي غبية.. يزوي : صبري بسير وياج..... لبسن شيلهن و ظهرن جدام عيني .... و انااا تمنييت اني اموت ألف مره قبل ما ارمسه بـ هاالطريقه ..... و يلست اعض صبوووع الندم ع اللي سويته .. . . مريم : ولد عمي ... زايد : انا ولا هو ؟ مريم بـ عبط : هو ... علي أبتسم بس مب من خاطره : هلا مريم .. يزوي : اووووه شششت ... زييود توني شفت حمدان مععصب و يالس يدورك ... زايد عرف أنهم يبون يرمسون علي بروحه ... زايد : خلاص بسير له ... "طالع علي" تصبح على خير .. علي : وانته من أهله ... مريوم صاصرت يزوي ... يزوي ضحكت و سارت .. مريوم : قوم ولد عمي ابا أمشي وياكـ .. علي : صبري بسير اسويلي شي يدفيني و بيي .. مريوم يلست : لاا تتأخر .. علي : اوكيه ... سار المطبخ ... و يلس يعابل و يحر الماي عسب يسوي قهوه ... . . يزوي يت تربع : عنوووووود ... انا : هاا ؟ يزوي : فاتج فاتج ... مريوم تصيح ... انا : بلاها ؟ يزوي : مادري ... انا : وينها ؟ يزوي : ف الصاله الصغغيره .. انا نشيت و نزلت تحت بسرعه ... سرت الصاله بس وقفت عند باب المطبخ و صحت .. انا : علي ... علي انتبه لي و حرق عمره بالغلط : ااااييي .. انا شليت ثلج و حطيته فوق صبعه ... علي : قومي ... مابا منننج شي .. انا : علي حرام عليك تعاملني جيه ... علي : شلي الثلج ... انا غمضت عيني : علي والله احبك احبك و قسم بالله اني ما اجذب .... حتى كلمه احبك قليله ف حقك و كل يوم حبك ف قلبي يزيد ... علي انصدم من قووه الكلام ... وين اللي توها تقول ماحبك .... انا كملت : و قبل شو مادري ب شو كنت افكر بس اللي اعرفه هو شي واحد اني احبك و مستحيل يتغير الحب اللي ف قلبي لك .. علي ابتسم ... انا فجيت عيني و شفته يبتسم ف ويههي ... ياويلي من هالابتسسامه والله تذووبني ..... آآه محلاااته ... يخرب بيته من وين ضاوي .. ماحيد عميه بـ هالجمال ... علي بعده يبتسم : وأنا بعد احبج ... و مستحيل أتخلى عنج ... انا عطيته ظهري و سرت ... و احسس اني مستاانسه و بطير من الفرحهَ ... سرت غرفته و خشيت راسي ف المخده و ضحكت ... غمضت عيني افكر فيه لين ما رقدت .. . . . . . . علي تخبل و سار قسم الشباب و دخل على زايد .. لقاه يتعبث ب فونه ... علي : ياخي احبك .. زايد ابتسم : انا ولا العرب اللي عيونهم وسساع ؟ علي : لا العرب اللي عيونهم وساع مالك حايه فيهم .. زايد : هههههه عنلاتك شو اللي جلب مودك ؟ علي : اعترفت لي ب كل شي .. زايد : ف ذمتك ؟ علي : هيه ... قالت انها تحبني ... احم ... اصلا ما في حد ما يحب علي خريج اششهر جامعات بريطانيا .... ولد صاحب أكببر شركات المقاولات اللي ف البلاد ... زايد : يااااالخققاااق هاي سيره ذاتية ولا شو ؟ علي : هههههه احم .. أعرفك على نفسي .. زايد انسدح : سو لي فيفرت و اظهر و سكر الليت وراك .. علي : ياخي اسسهر شو وراك ... زايد ابتسم : خلني احسسك اني ف الجيش ... علي : مالت عليك .. زايد : اظهر و سكر الباب ... علي فر عليه مخده : ماااباا ... ظهر علي و ما سوى له سالفه ... سكر الليت زايد و رقد ... . . . . . . . اليوم الثاني الكل نش و تجهز لان علي واعدنهم يوديهم قصر نيفن بورج ... نزلنا و القصصصر صدق انه قصصر فخم ب معنى الكلمه ..... من جدام شي نافورة عوووده و شي بحيره بط .. و ورا القصر شي حدااايق و ف النص نهر يمشي ... ع آليمين مقاهيه و محلات و حدايق .... و ع اليسار شي تلال خضضرا و جببال ... عبود : برررد ... اميه شلته و حبت خده : قول ل سونيتا تلبسك جاكيت ... عبود : وينه جاكيتي ؟ اميه : ف الشنطه عند سونيتا ... عبود لبس جاكيته و يلس ويا منصور ... منصور : عبود ؟ عبود : ها ؟ منصور : يدوه شو اسمها ؟ عبود : ماعرف ... اسمها يدوه .. منصور : هيه صح عششان جي كل حد يزقرها يدوه .. عبود ابتسم : هيه اسمها يدوه ... سونيتا و ماري و جوان .. ضحكوا على سواالف اليهال ... ابويه مسك ايد اميه و ساروا يتمشون بعيد ... و يدي و يدتيه يلسسوا … و انا و يزوي و ميروه و مريوم سرنا صوب الكوفي شوب ... و قوم حمدان لحقونا .... علي كل شو يطالعني و يبتسم ... مريوم ترمس علي : ياخي يااا علي ... ياا ولد عمي خلاص أحرجتنا ... انا صدقت انحرجت و حسيت ب خدودي تحترق ... مريم : خلااص عاد اخجلتني ... علي : ههههه انا ما طالعتج ... مريوم : انزين ادري ... علي ابتسم ... ميروه : علي يحببببج عنووود صصح ؟ انا سكتت .. يزوي : هيه ... ميروه : لايقين ل بعض .. يعني انتي ملكه جمال عادي تآخذين ملك جمال ... انا ابتسمت .... مريوم : قوموا بنطلب ... يزوي : ع حسابج ؟ مريوم ابتسمت : هيه ع حسسابي ... زطيه طالعه على اخوج هالمفلع حمدان ... حمدان سمعها لانه كان ياي ياخذ له كوفي حقه و حق الشباب بس لوى ايدها وهي تمت تصارخ .... مريوم : يااااا جلب فجج ايييدي ... حمدان ابتسم : مابا ... مريوم : اكررررههههك .... حمدان : صدقيني انا اكثثر ... مريوم خازت عنه و دعمت ف واحد ... طاحت ع الارض و حززت ف خاطرها كلمت "صدقيني انا اكثثر" و دمعت عينها ... الريال ف خاطره > تصيح .... شكلها خليجية محلااااااها ... اكيد أمها اجنبيه ولا ما بتكون جييه ... هاي جمالها مب طبيعي ماشفت شراته .... اكيد يوم أنا دعمتها صاحت ... اففف منك يااا حمد ... حمد : السموحه الشيخه ... مريم نشت : مسموح .. حمد ابتسم و رد يكمل طريجه صوب الحديقه اللي كانت تلعب فيها أخته الصغغيره عايشه و وياها اختها بانه ... بانه : وين سرت ؟ حمد : اتمشى ... لو تدرين منو شفت ؟ بانه ابتسمت : منو ؟ حمد : شفت القمر اللي منور المانيا ... بانه ب خقه : أحلى عني ؟ حمد : مااا تيين صوبها والله .... بانه : لهاادرجه حلوه ؟ حمد : والله العظظييم انها دشت خاطري ... عايشه تسحبه من طرف جاكيته : حمد ... حمد .. حمد : عيون حمد ... عايشه : ابا اسكريم .. حمد ابتسم : برررد اروحج لابسج جاكيتين وين ترومين على اسكريم أنتي ؟ عايشه تأشر : شوف ناس ياكلون اسكريم ... حمد : هاذيلا متعودين ع البرد ... مب شراتنا ... عايشه : اوكيي أبا نثكافيه ... حمد : نثكافيه ؟ باانووه اختج سيلانيه ... بانه ابتسمت : حمد لا تطنز عليها ... حمد : عيل حد يقول نثكافيه ... بانه : سير خذلها .. و خذلي انا بعد .. حمد : اوكيه تموا هني لان بعد شوي بنرد .. بنسير عند قوم امايا ... بانه : اوكيه ... سار حمد و يتمنى ف خاطره و ييدعي ألف مره انه يشوفها ... ذيج اللي سحرته و ملكت قلبه ... من صوب ثاني ... يزوي : مرييوم ... اقولج اييه .. مريوم لانها كانت تفكر باللي دعمها حركت ايدها و طاح الكوفي مال يزوي من ع الطاولة .. و أنجب كله ع الارض .... يزوي : مررريوم ... مريوم : هاا؟ يزوي : سيري ييبي واحد ثاني مريوم : أنزين .. صبرت عليها يزوي بس مريم ما نشت ... يزوي عصبت : جبيتي مالي ... "تخصرت" مايخصني قومي هاتيلي غيره .. مريوم : اييب ششو ؟ يزوي تأشر تحت .. مريوم : سيري لااااه ... يزوي بدت تصيح : سيري .... مريم : فديت الدلوعه "حبت راسها" خلاص إسفين ... بسير اييبلج ... سارت مريوم و وصت اللي يشتغلون هناك على كوفي ... شوي و تجدم صوبها حمد ... مريم : سكيوزمي ؟ كويكلي بليز ... يدوه يت هي و ميروه تقودها ... يدوه : مريم ؟ شو تسوين هنيه ؟ حمد ابتسم و قال ف خاطره : مريم .. مريم : أتريا يخلصون القهوة حق يزوي ... يدوه : و انا من امس اتوله على كرك ما عندهم كرك هاذيلا ؟ حمد سمع الصوت اكثر عن مره و حس انه يعرف راعيه الصوت ... طالعها و ابتسم ... حمد : أمايا ودييييمه .... يدوه : منو انته ؟ حمد : اناا حمد ولد بنت اختج شيخه ... يدوه : ويديه لايكون انته بجر غانم ؟ حمد ابتسم : هيه انا ... يدوه : شحالها أمك ؟ علها بخير ؟ حمد : بخير و دومها تسسأل عنج .. يدوه : دامها تسأل عني ليش ما تييني دبي ؟ حمد : عاد يدوه انتي تعرفين أمايا شيخه فيها الروماتيزم ما تروم تتحرك مووول .. يدوه : سلم عليها .. حمد : ان شاء اللہ ... يدوه : ياي ويا منو اهنه ؟ حمد : ويا الأهل .. يدوه : عيل ازقرهم بنسلم عليهم .. حمد : اميه و ابويه ف الفندق ... بانه و عايشه هني .. يدوه : ازقرهم ابغي أسلم عليهم .. مريوم طول الوقت وهي سسرحااااانه ف ملاااااامحه .... عيونه لونها اسسود فيها شوي من الغرابه ... نااااعسه بس تجذب الكل يشوفها ... عشان جي جذبت مريم .. و خشمه صغير مرتب .. و شفايفه متوسطه كل اللي قدرت تقوله مريم : ماشاءالله .. يدوه ضربت جتفها : شو ما شاء اللہ؟ مريوم فزت : اقول ماشاءالله عليه خلص الطلب بسرعه ... يدوه : هيه تحريت بعععد ... مريم ابتسمت : اللہ يهديج يالغاليه دومج تسيرين بعيد .. . . . . تتوقعون الموقف اللي بين حمد ومريم ممكن بهالسرعه حمد يسميه حب ؟ و شو تتوقعون يصير في حفله العنود ؟ |
مبدعة اختيي .., البااارت جميييل جداا ,.. وااصليين ابداعج .. متاابعيينج .. ودي ~ |
البارت الـ10 .. . . . . كم واحد ضايع ويترجّى ما بين بْحور .. ومركب حبّكم يبحر ولا يصبح لها راسي .. ترى من يطعم الاخلاص ما يرجع يبي عنقور ولى ضاري على المصعاد ما يمشي بمنكاسي .. . . . . بانه حبت راسها : شحالج أمايا ؟ عساج بخير؟ يدوه : بخير فديتج انتي شحالج ؟؟ هاا خلصتي الجامعه ؟ بانه استحت : كملت و وقفت .. يدوه : شله وقفتي ؟ بانه : افتح معرض كل شهر عسب اعرض لوحاتي ... يدوه : حق شو هالششغل؟ ابووج اكبررر بخيييل ف العالم مييود بيزاته ف ايده .. بانه : هههههه يدوه مب جيه ... انا ابا أعتمد على نفسي ... يدوه : زين والله ... "طالعتنا" جان بناتنا بيغدن شرواج و بيعتمدن على نفسهن ... مريوم : حلووووو يكون عندج معرض خاص فيج ... بانه : ههههه هيه حلو بس تحسين ب مسؤليه كبيره .. بانه ابتسمت لنا ... انا ابتسمت و ارتحت لهاا وايد : انا العنود .. و عرفتها على كل وحده .. بانه : ما شاء الله ما عرستن ؟ يزوي : ههههه لا ليش ؟ بانه : مستحيل حد يشوف هالجمال و ما يخطب ... كلكن جميلات بس مستحيل حد يششوفكم و ماا ايي يخطب .. يزوي ضحكت : هههههه عاد تعرفين انتي نحن نرفض .. يدوه : هاا يسمونه دلع ... و ما تصطلبون الا يوم نيوزكم ولد عمكم .. يزوي : امايا شو تقصدين ؟؟ * يدوه من متتتى حاطه ف بالها انه يزوي محيره حق ولد عمها محمد بس محد يدري ب هالشي .. مريوم : بانه شرايج تييون عندنا البيت ؟ يدوه : اسسمييه مخج القوطي طلع يشتغل ... "طالعت بانه" تعالوا تغدوا عندنا ... بانه توترت : بس امايا ف الفندق ويا ابويه بروحهم .. يدوه : ماعليه بنخليهم اييون عندنا ... بانه : بخبر حمد و عقب بنرد لكم خبر .. يدوه ابتسمت ... ميروه تأففت : انا بسير احوط شوي .. انا نشيت : انا بعد ... "طالعت بانه" تعالي ويانا .. سرنا نتمشى و حصلنا عايشه تلعب ويا منصور و عبود كررووك ... مريوم : اللللله محلااااها اختتتج .... جميله ... بانه ابتسمت : تشبه اميه .. يزوي : ماشاءالله عليها ... تمينا نسولف وياها لين ما يانا زايد ... زايد نزل عيونه : بنات عمي قومن بنسير نركب السفينة .... أنا : اي سفينه ؟ زايد رفع عيونه و تم مبقق عينه .... مستحيييل مهااا مااتتت ... ماااتت و راااحت عنه .... بس هاي نسخه عنها ..... كوبي بيست .. سبحان الله الخالق .... كيف جي قدر يشوف مها بعد ما ماتت ... تمت الافكار تدور ف باله ع اساس انه مها ماااا مااتت لين الحيين حيييه ..... عايشه تصيح : باااانه .... "اشرت على منصور" ضربني ... زايد صحى من احلامه و عرف انه اسمهاا بانه .. مريوم : اي سفينه ؟ ما اشوف سفن ؟ زايد : جدام شي سفن و شي بحيره .. بانه : عيل انا اترخص .. زايد حس انه ماااا شببع من شوفتها : لالالا حمد بيسير ويانا ... بانه استغربت و ابتسمت ... زايد ابتسم بـ إحراج : يعني انتوا بتييوون ويانا بعد ... سرنا بحيره شتان بيرج .... هالبحيره فيهاا سفن يسسوون لكم جوله ف البحيره كلها ... و حوالين البحيره شي مقاهي و دكاكيين … ركبنا السفينة و انا اول ما ركبت يلس يطالعني و مبهت فيني ... انا استغربت قلت هاذا اكييد خبل .... محمد عصصب و قال ف خاطره > ادري ان اختي جميييله بس مب لدرجه انك تيي و تدقق ف ملامحها جدامها .... محمد يتحمحم : ااحم .. اححم .. انا صديت صوبه … مسكت ايده و يلست عداله : وينك عني اليوم ؟ محمد ابتسم : لهيت ويا عيال عمج ... انا : اييواا … من صوب ثاني .. حمد حس ع دمه شوي : أكيد هاي أختها ... وايد تشبهها .. بس هاي أحلى ... بانه : حموود وين وصلت ؟ حمد ابتسم : ولا مكان ... انا وياج .. بانه : عيل قولي عن شو كنت ارمسك .. حمد : مادري .. بانه : شفت انك مب ويايه .. حمد : انزين قولي شو كنتي تقولين ؟ بانه : مع انه توني اعرف هالناس اللي يقربولنا من بعيد بس حبيتهم واايد .. حمد ابتسم : وأنا بعععد ... . . . . . مريوم معسسسكره عينها على حمد و تراقبه من بعيد .... و ياا ف بالها حمدان حبها الأول ... كيف ما يسويلها اي اعتبار ... و يكرهها و ما يدانيها .... شو ذنبها ؟ ذنبها انها حبته من كل قلبها ... بس الحين حبت اللي شافته اليوم اكثر عن حمدان المغرور اللي ما يسويلها سالفه ... و دوم يقفطها و يطنز عليها ... ع الأقل يحس فيها مب ساير راد يجرح فيها .. "دمعت" اللہ كريم ... بس كل أفعاله تخليني اكرههه اكثر و اكثثر ... يزوي : مريوم وين الكام ؟ مريوم عطتها الكام و ما تكلمت ... يزوي عرفت انه مريوم شي فيها : مريوم بلاج حبيبتي ؟ مريوم انفجرت صياح : ماااا يحبني يزوووي ما يحبني شرات ما انااا احبببه و اعزززه و اغلييه و اموت فيه و هو ما يدري عن هوى داري ... بيخليني أكرهه والله بكرهه ... يزوي : اشش .. لا تصيحين ... قوي عمرج .. خلاص آنسيه ... واللي ما يبانا ما نباه ... يسير في 60 ألف داهيه .. و عله مااا يرجع ... مريوم ابتسمت على كلامها : مب جنه ها اخوج ؟ يزوي : شوو اسوي فيه ... انتي اغلى منه .. مريم ابتسمت ... * * * عند الشباب كل واحد يتصور ويا ربيعه و يحطها دي بي ... و يتخقق المانيا تايم ... أوت وذ كزن'ز ... علي : دقايق بسير وٰ برد ... حامد : دير بالك لا تغازل ... السفينة كلها حريم ... علي : ليش قالولك شراتك يااا أخ حامد ؟ حامد : ههههههه قلت يمكن اكون عديتك .. علي : هههه لا تخاف .. سار علي صوب مريوم و يزوي : مريوم ... مريوم طالعته .. علي : لا تنسون اليوم الساعه 8 يزوي : شششت كنت بنسسى زين انك ذكرتني ... علي : ههههه هذا اللي انا أباه ... "طالع مريوم و ابتسم .. مب متعود على هدوءها بالعاده تااكلهم ب لسانها اللي ما يسبح ب خير " . . . . حمد يحب راسها : امايا عاد سامحينا .... بنترخص ... يدوه : مب مساامحتنكم مووول ... حمد : ليش عاااد ؟؟ يدوه : شحقه بتسيرون ؟ حمد : والله ابويا اتصل و هو مععصب قال وينكم الحين ؟؟ و اصر علينا نرد البيت ... يدوه : انزين شل اهلك و تعالوا تعشوا عندنا .. حمد ابتسم : تآمرين .... كم عيوز عندي انا .. يدوه : لا تطنز .. حمد : ان شاء اللہ ... "حب راس يدي" يدي : يالله يااا حمد لا تقطعنا عاد ... حمد : ما بقطعكم ... يدي : نترياك فليل ... بانه كانت واقفه تسلم علينا و مستحيه ... كل شوي يشوفها زايد و تنزل عينها .... لين ما حست انه هاااذا مااا يحس مافيه دم ... ليش يطالعها جنه شوي و بياكلها ... انا : يالله مع السلامه ... بانه مسكت ايد عايشه و ابتسمت : بااي ... . . . . في فلي هزاع في العين .... سعيد : ياخي اناااا اباها ... خالد : و انته كيف تعرفت عليها بالأساس ؟ سعيد : مررره وحده شفتها ... و عقب تعلقت فيها ... خالد : خف علينا يا بو حب من اول نظره .. سعيد : ههههه لا تتمصخر علي .. خالد : انته من صدقك بتعرس ؟ سعيد : هيه اناا ريااال ... خالد : و انا ريال بعد بس عمري 21 توني صغير ... سعيد : شو صغير ؟ ريال بـ طولك ب عرضك اذا ما عرست آليوم بتعرس متى ؟ خالد : افففف عاد انا ما اداني طاري العرس ... سعيد : انا اللي اموت فيه .. خالد : انزين قولي شو اسمها ؟ سعيد : ما يستوي اقولڪ .. خالد : ليش ؟ سعيد طالعه ب نظره : حرمتيه هاي .. ام العيال .... خالد : اذا وافقت ... سعيد : و ليش ما توافق انا ألف من يتمناني .. خالد : انزين قوم منو ؟ سعيد : قوم بالـ ......... خالد فج عينه : اااححححللف !!!! سعيد ابتسم : والله ... . . . . . . ردينا البيت الساعه 6 ... و علي مطرش حرمتين عسب يسسون لنا مكياج و تسريحه .. بس انا ما كنت ادري شو السالفه و كل ما اسألهم مريوم تقول :" علي مطرشلج هالحريم عسب يعدلونج و يشوفج حلوه" و يزوي تقول :"ترا اليوم بييون اهل بانه و لازم تكشخين لهم" ...... الشباب ظهروا و ساروا البيت الزجاجي اللي ف الحوي ... و البنات و الحريم داخل ..... طبعاً سوو لنا مكياج خفيف و تسريحه خفيفه .... و لبسنا و تعطرنا و يوم قالوا انه اهل بانه يــــوو نزلنا تحت ...... ام بانه تدعي و تسمي بصوت عالي على الملاك اللي نازل من الدري.... ام بانه تطالعني : شحالج غناتي ؟ عساج بخير ؟؟؟ انا : بخير خالوه شحالج انتي ؟ ام بانه تطالعني و تبتسم : اللہ يحفظج من العين ..... أنا ابتسمت لها مع اني مب حاطه ف ويههي شي غير الايلاينر و الروج البرتقالي ... رافعه شعري و لابسه السلسله بس اللي تنلبس ف اليبهه و لابسه فستان عيناوي و فيه حزام ذهبي تحت الصدر ... بانه ابتسمت لي : شكلي لازم اخطبج حق اخويا حمد ... مريوم قالت بسرعه : لالالالالا .... بانه استغربت : ششو ؟؟ مريم تهمس : عنود محيوزه حق ولد عمي علي .. بانه : صدق ؟ انا استحيت : هيه .... سرنا نحن البنات فوق ف الصاله الصغيره و الحريم تحت و الشباب برا ..... بانه ابتسمت : حق ششو كل هالكششخه ؟ كنت برمس بس مريوم سبقتني ... مريوم : لانه انتوا يايين عندنا ... بانه : ايواا ... يزوي : بانه انتي ترمسين صح ؟ شرايج ترسميني ؟ بانه : من عيووٰني ... بس هاتيلي ورقه و قلم رصاص ... تمت بانه ترسم يزوي و يلسنا نسولف لين ما قالت بانه ... بانه : شرايكم تييون المعرض اللي بفتحه هالشهر ؟ انا : اوكيه ... بس متى ؟ بانه : تاريخ 12-7 ... في صاله روتانا .. انا ابتسمت : خلاص بنيي ... مريوم : بس تبين الصدق انتي مبدددعه .... بانه : مشكوره حبيبتي تسلمين .... يزوي طالعت مريوم و مريوم طالعتها ب نظره اقوى ... مريوم : برخصتكم بسير اييب شغله .. يزوي : و انا بسير الحمام ... سارن غرفه مريوم ... مريوم : كيف نخبرها ؟ يزوي : شدراني .. مريوم : اففف ... شوفي الساعه الحين 8 و علي قال الساعه 8 تبدا الخطه ... يزوي طلعت من الدريشه و شافته واقف ويا زايد ... جان تزاعج ... يزوي : عللللي .... علي يأشر لها من بعيد انه اوكي ... يزوي ابتسمت و ظهرت هي و مريوم .... مريوم : شرايكم ننزل تحت ؟ يزوي : يالله بسرعه ... انا لبست شيلتي لان ادري انه ف اي وقت بيدخل حد من عيال عمي .... و نزلت ... يوم بغينا ننزل من الدري انقطعت الكهرباء... انا : ايييه اخاف انا من الظلام ... مريوم مسكتني : تعالي انا هني ... نزلنا من الدري ب حذر و عقب تفآجأنا انه المكان صصخه ... يزوي بعبط : وين اختفوا الحريم ؟ مريوم : ظلام وين بتشوفين حد ... يزوي فجت الدريشه و شافت علي يقول لها شغلوا الليت ... سارت يزوي بدون محد يشوفها و ردت الكهربا ... انا تفآجأت ما توقعت انهم بيسوون لي حفله عيد ميلاد ... الكيكتين جدامي و فوقهم شمووع ... و عدالهم العصاير و الكب كييك و ميني جيز كيك .... و شي بوفيه صغير يتضمن ورق عنب و مشاوي و معكرونه ب البشاميل و تبوله و سلطات ... و فوق الطاوله شي هدايا وااايد و اجيياااس ... الصاله كلها بلونات و شي بطاقه لونها وردي فاتح و شكلها كيوت مكتوبه ع الطاوله : *هابي بيرث دي حبيبتي ... عسى السعاده في حياتج تخاويج و يضحك لج الحظ على طول دنياج .... احببببببج* ماعرفت خط منو ها بس تأثرت وااايد اول مره ادري ان كل اللي حواليني يحبوني لهدرجه ... مريوم لوت علي بقووو : حييياااتي كل عام و انتي بخيييير .... انا أبتسمت و صحت ... وايد أتحسس من هالاشياء ... يزوي مسحت دمعتي : لا تصيحين ... "ابتسمت" بتستوين خسفه عقب .. انا : هههه.... بانه تقربت مني : هابي بيرث دي حبيبتي تستاهلين كل خير ... ما خبروني ولا كنت بييب لج هديه ... انا : ما يحتاي حبيبتي .... يدوه : العععننوووود ... انا ابتسمت : هلا يدوه ... يدوه ابتسمت : والله و كبرتي و اسوتيتي شيخه الحريم ... انا حبيت راسها : علني ما اخلا منج يدوه .. يدوه : عقبال 100 سنه .. اميه لوت علي : حبيبتي .... عقبال ما نشوفج عرووس ... انا ابتسمت : حياتي اميه احبببج ... اميه : انا بعد .... يالله قصي كيكتج ... مريوم كانت تولع الشموع بالولاعه اللي عندها ... مسكت السجين و فجأه دخل و وقف يطالعني دقايق و ابتسم ... علي ف خاطره >" الله يحفظها محلااااهاا يااربي سحرتني ب حلاها ب أسلوبها ب نظهرتها ب جمالها ... ماشااءالله عليها كل يوم تزداد حلاه ..... الله يخليها لي "... تقرب مني و انا ارد على ورا ... علي : فديييييت العيينااااوي ... انا قلت اكيد استخف هاذا ... يدوه : مبروووك مبرووك عقبال ما نشوفكم معرسين ... انا طالعت يدوه و على ويههي 10000 علامة استفهام .... يدوه : شششو ؟ تراه ملج عليج ... انا : بس انا ما وقعت شي ... و اصلا محد خبرني ... محمد دق الباب و خلا مريوم تظهر له عسب تشل الدفتر ... انا استغربت واااايد ... أولا نحن مب ف البلاد من وييين يايبين المليج ؟ ثانيا انا محد خبرني ب سالفه الملجه .... ثالثا. مب ع كيفهم يسوون كل شي ... علي ابتسم لي : كل عام و انتي بخير .. انا : وانته بخير ... علي مسك ايدي و لص يبهته ف يبهتي جدام الكل : اللہ يخلينا ل بعض ... انا حسيت بـ خدودي تحترق .... اميه : وقعي فديتج ... ام علي ابتسمت لي : انا واثقه من اختيار علي و واثقه انج بتسعدينه .... انا ماعرفت شو اقول ... علي ابتسم ابتسامه خبث : وقعي ولا تبيني اوقع عنج ؟ انا وقعت و انااا ارررجف ... خلاااص انا بلعت لسساني ... ماروم انطق ... مادري ليش بس لبست شيلتي ... حسيت ب احراج ... خاصهً انه الفستان مفصخ شوي ... دخل و تقرب مني ب كل وقااااحه و وحشششاننيه ... سحححب ششعري و يلس يضضارب ويااا علي ... و علي ما قصر كفخه تكفييخ ... و كسر خششمه .... علي دزه و يلس يضربه لين ما حس انه روحه بتظهر ... انا لين الحين مب فاهمه شي و منو هاذا و شو يبا ؟ حمدان بعصبيه : ولللد عمج تخسين تآخذينه .. انا زاعجت : مالك حاااايه فيني .. اسوي اللي اسويه .... حمدان خلاص وييهه احمر من كثر ماهو معععصصب ...... علي صفع حمدان طراااق خلاه يرد ل وعيه و يسكت يحاول يتذكر شو يبا يقول ... انا شعري عورني وايد بس سكتت ... حمدان تقرب مني ... علي : لااااا تقرب منها يال******* حمدان مسك بقوووو : تعالي ويااااي ..... انا : مااااا بسير وييااااك بققعه .... اذلف عن وييهههي .... حمدان ضرب ايده على المرايا اللي ف زاويه الصاله و نزفت ايده واااايد ..... البنات شهقن و كل وحده حطت ايدها ع ثمها ....علي طول هالوقت يالس يبعد حمدان و يصفعه بس ماشي امل .... كل مااا يدزه يرد يتقرب من يديد ... حمدان طالعني : خليييه يطلققج ... انا : ماااابااا واللي مااا تروم له ب ايدك اوصله ب ريييلك يااالخاايس والله والله مستحيل اسامحك و مستحيل انسسى انك مديت ايدك علي ف يوم من الايااااام اكككررررررههههك ........ علي مسك ايدي و شلني فوق ... اميه : بلاااك حمددددان ع البنيه ؟؟؟ شو سوت لك مسكينه ..... حمدان تنهد و حاول يتنفس ب صعوبه : عمتيه انا احبببها لا تخلون علي ياخذها ... يدوه : حمددددان انته عااقل و مب ياااهل .... كبرت على هالسسوالف خلااااص ... البنت مااا تباك ... لو انته تباها كنت رمستها و قلت انك تباها من البداااايه .... حمدان وقف : والله يدتيه احبها احبهها و مااا اتخيل اشوفها ويااا حد غيري ..... ام علي : دخيلك حمدان ابتعد عن طريجهم .... حمدان : مااابااا .... ظهر حمدان و كانت بتظهر ورآه يزوي بس مريوم ظهرت بدالها ... حمدان : نعم ؟؟ يايه تتشمتين انتي الثانيه ؟ مريوم : ليش اتشمت فيك ؟ حمدان : ماعرف ... مريم تطالع الفراغ اللي جدامها : حمدان اناااا كنت احبك ... احبك وااايد واايد ... بس بعد كنت اغار عليك من عنود اختيه ... حمدان سكت و عقب طالعها : يعني هي ودرتني عشانج ! مريوم : اصلا هي ماا تحبك ولا تفكر فيك ... انا اللي حبيتك من كل قلبي اليوم كرهتك ...... كرهتك وااايد و أستويت استحقرك على اللي سويته ف اختيه و هي ما سوت لك شي ....... حمدان ما رد عليها ... مريوم دمعت عينها بس مسحتها بسررعه لانها دوم القويه .... اللي محد يهزها ..... مريوم : كل يوم اصيح لأنك متجاهلني ..... اصيح لأنك مب مسولي ساللفه و مااا تدري عن هوووى داري .... ما تهتم فيني ولاآآ حتتتتى تحس فييييني .... حمدان انصدم معقوله بنت عمه اللي ما فكر فيها تطلع تحبه !!!! مريوم : ساكت لانه ماعندك شي تقوله ... ساكت لأنك تعرف انك غلطان .. صدقني انا مستحيل ارجع احبك او افكر فيك من يديد ... انته خليتني اكرهك هالكثر .... "عطته طراق" لا تقرب من اختي ولا تقرب مني ... مالك حاااايه فينا لا تدخل ف حيااااتنا وانته مب موجود فيها ...... دخلت البيت و هو تم منصدم ... معقوله حبه ل بنت عمه العنود نسسساه الكل ... الحين خسسر بنات عمه الثنتين ..... اه يااا حمدان شو سويت ... المفروض ما أمد ايدي عليها وأنا مالي الحق اصلا .... كيف صفعتها كييييييف؟؟؟؟ الحين مستحيل ترمسني .... اكيد قالتها وهي طالعه من قلبها "اكرهك" .. . . . . . . انا رجفه شفايفي و كنت بصيح بس صبرت لين ما يظهر عسب اصيح واطلع كل اللي ف خاطري .... علي كان ساير راد اييب ثلج و يحطه على خشمي و يبوسه ... انا حسيت انه خشمي تجمممد : علي ... بس دخيلك ... علي ابتسم : صبري قلبي... انا ابتسمت غصب ... علي ياب كلينكس و مسح فيه الدم اللي ع خشمي : الحين احسن ؟ انا : هيه ... علي مسك ايدي : كل اللي أباه منج شي واحد ... انا : ششو ؟ علي ابتسم : انسي كل شي استوى اليوم ... عشاني ... انا نزلت راسي و اتدوخت .... ابتسسامته تششفي غليلي .... حلاااااتها والله اااموت انا .... بس تفشلت لان حمدان ضربني جدامه مع انه ماله حق يمد إيده عليهّ ... علي : يالله فديتج بننزل نآكل كيك و نتعشى .. انا : اوكيه … نزلنا تحت و الجو متكهرب ..... يدوه : حمدان صدق انه مضييع مذهب هالججلب اللي ما يستحي ... ام علي : قدر الله وماشاء فعل ... اميه : حسبي الله عليه ... زين ما جتلها ... مريوم دشت هالوقت الصاله و ابتسمت براحه ... ابتسمت لان كل اللي ف قلبها ظهرته ل واحد حققير و سااافل شراته .... حست انه هم و انزاح عن جتفها ... ميره موجوده وياهم بس جسسمها وياهم اماا بالها مب موجووود وياها ابد !!!! كانت تفكر ف هزاع و ف اللي سواه فيها معقوله تسامحه و ترجع تحبه و تواعده من اول و يديد ... دخلوا الشباب كلهم و كانوا معصبين و اكثر واحد معصب شوي و بينفجر هو ابويه ... كيف تجرأ حمدان مد ايده علي و هو مااااله حق !!!!! أبويه : ويييينه هااا مسود الويييه ؟ يدوه : ظهر ... ابويه : خل يرد والله لروايييييه ... علي حب راس ابويه : عمي خلاص أنسوا اللي استوى و استانسوا لي ... اليوم ملجتي ... ابويه تنهد و اشر علي بمعنى تعالي ... انا لويت عليه و قال : غنااااااتي كبرتي ... و ملجتي .... بس اللي انا متأكد منه هو شي واحد ... واللي هو حب علي لج ... بيقدر يسعدج ... وانا ادور سعادتج ... انا ابتسمت له و فيني غصه ... زايد : يااااخي بلااااكم جنكم مييتيين ؟؟ صبروا صبروا ... "ظهر سي دي من مخباه و شغل الدي في دي" عمي سالم : تخبلت زايد ؟ زايد ابتسم و هو مرتبش يالس ايبس : شكلي .... علي سار و يلس اييول و يرزف ويااه ..... انظموا لهم محمد و حمد و حامد و ابويه و عميه ..... الجووو ربشششه .... و صوت الاغاني وايد عالي ..... علي و محمد ساروا يرزفون حذال يدوه و يدي .... استانسنا وااايد .... اختيه مريوم عيونها على حمد و تبتسم و تتفداه ف خاطرها ...... حمد بالصدفه طالعها و ابتسم .... امااا زايد مرتبش ع الاخر و يطالع بانه و يغني ..... و محمد فديته واقف عدالي و زاخ ايدي عسب ارزف وياه ... انا ابتسمت له ... محمد : مبروك غناتي ... انا : الله يبارك فيك و عقبالك .. محمد ابتسم : اول ما نرد البلاد برمس ابويه في الموضوع .... انا : عن يزوي صح ؟ محمد طالعها : هيه .... علني فداها .. انا استانست عليه لانه قرر يعرس ...... . . . . . |
البـــــــــــــارت طرطرييييييييييييييييييييييييييييييييشن حمدان يقهرررر ويا راسه .. مريوم غمضتني ان شاء اتكون من نصيب حمد علي و العنود احللللللللللى ثنائي الله لا يفرررقهم نتريا البارت الياااااااي |
البارت الـ11... . . . . . غريمي هواكم والهوى هوب لي عادي .. وارى الحب عندي كلّ ما قلّ يزداد .. . . . . . بعد شهر و نص تقريباً .. { ميره عرست و خذت سعيد *ذكرته قبل* سعيد مستانس واايد أما ميره مب رااضيه و و كااارهه عمرها عسب جي ردت لسوالفها الجديمه ويا هزاع و مترف > واحد متعرفه عليه جريب ... و أحلى شي ف حياتها ان سعيد مدلعنها واايد و هو دوامه في دبي ما يرد الا ف الويكند … و بيت ام سعيد *غبيشه* واايد عود بس يسكن فيه سعيد و امه و بنت بنت غبيشه يعني حفيدتها اسمها ساره... و هاي راعييه مشاكل مع انها ف الروضة بس لسانها طوييل} { محمد خطب يزوي و الحين هم بيعرسسون بس عقب كم شهر لين ما تخلص يزوي زهبتها و كلهم مستانسين و يزوي وااايد مرتاحه ل محمد } { زايد صوره بانه مطبوووعه في جفونه و كل مااا يغمض عينه يشوفها و يشوف مها و يلاحظ الشبه الكبير اللي بينهم اللي يخليه يحب مها اكثر و يتمنى لو انه مات بدالها } { مريوم استوووت تعععشق حمد لدرجه انه يوم ايي بيتنا عسب يسسولف ويا محمد و حامد تشوفه و ترمسه لانها استوت تححبه و هو يحبها بعد بس بعده ماا رمس امه ف السالفه } { انا و علي عرسنا و سافرنا شهر العسل روما و تعلقت فيه لدرجه اني مابا افارقه دقيقه .... بنيلس ف روما شهرين نبا نبتعد عن الأهل و نتم مع بعض } . . . . . . . "وصلتنا بطاقه دعوه ل معرض بانه" قالتها مريوم و هي تبتسم ... اميه : سيروا فديتكم ... مريوم : ميروه محد و عنود محد بعد ... بسير انا ويزوي ... اميه : خلي حد من إخوانج يسير وياج .. مريوم : لالالا بس انا و يزوي ... اميه : انزين سيري خبريها ... مريوم لبست شيلتها و سارت رككض بيت قوم يزوي .... مريوم : يزززوووووويييه ... يزوي ابتسمت : هلا ؟ مريوم : وصلتنا بطاقه دعوه لـ معرض بانه .. يزوي : صدق والله ؟ مريوم : هيه و لازم انتي تيين وياايَ ... يزوي بدلع : بتخبر حمودي اول .. مريوم : حمود طيب بيودينا ... يزوي : بس بستأذن منه ... مريوم : اوكيه خليه هو يودينا ... يزوي : زين بس متى ؟ مريوم : العصر الافتتاح و بييون صحافييين .. يزوي : عيل شلي الكام عسب نصور .. مريوم : اوكيه ... يالله انا بسير الساعه 3 بيي عندج عسب نكشخ و نسير المعرض .. يزوي ابتسمت : تم .. . . . . . . في بيت غبيشه .... ميره يالسه فوق ف حجرتها ترمس واحد من اللي تعرفت عليهم ... اسمه مترف .... دخلت عليها ساروه و هي كاااشخه لانها بتسير بيت أبويا .. يلست وياها فوق الشبريه ... ميره بندت الفون بسرعه : ماااشي ادب .. ساره : خليت الادب حقج .. ميره : مالت .. ساره : على ويهج ... ميره : شو يايبنج هني ؟ ساره ابتسمت : اليوم بسير بيت قوم عبود .. ميره : انزين ... ساره : بيطرشون دريولهم كريم عسب ايي يشلني ... ميره : انزيييين ... ساره : ما بتين وياي ؟ يدوه غبيشه قالت تعالي وياي .. ميره تخصرت : لا يكون انا مسؤولة عنج ؟ ساره طالعتها ب نظره : اعرف انج تكلمين ريال ... ميره ف خاطرها > ما سارت بعيد طالعه على يدتها هالسسوسه ... ساره : اذا خالي سعيد يدري بيضربج ... ميره خافت انها تخبر سعيد و يلعن خيرها… ميره ابتسمت : حبيبتي انتي جيه بتسيرين ؟ ساره : هيه ... ليش مب حلوه ثيابي ؟ ميره : حلوه بس شعرج كششه .. ساره : يدوه راقده و ماماه محد منو بيسحيني ؟ انتي ؟ ميره : هيه انا ليش لا .. ساره ابتسمت و سارت تييبلها مششط … . . . . . . "احبج احبج احبج احبج … ولو اقول هالكلمه من اليوم لين عشر سنوات جدام ما بتوفي حبي لج …" علي قال لي جي و ابتسم ابتسامه عريضه .. انا وقفت مجابلتنه : و اناا احبك بعد ... و امووووت فيك .. علي لوى علي : فديت ريحتج انااا ... انا ابتسمت ... علي : يعلني مااااا انحرم من هالابتساامه ... انا : يوعانه .. علي : قومي تلبسي عسب نظهر .. بغديج ف اححلى مطعم في روما بكبرها… انا : ههههه انزين ... سرت لبست لي قميص ابيض فيه كلام ب الوردي و جاكيت مخطط ب ألوان قوس قزح ... و ليقنز اسود ... لبست فلات اسود و تعطرت ب عطر علي vip212 ... رسمت عيني ب الجحال الأسود و حطيت روج برتقالي ... علي لوى عليهّ من ورا : فديتهم انا .... علللللني فدااااهم ... انا ابتسمت له ... علي : توني اقولج محلا ريحتج .. ليش تسيرين تتعطرين ب عطري ؟ انا صديت صوبه : لأني احبك ... علي حب خدي : بيوقف قلبي انا من كثر ما تقولين جيه ... انا : بسم اللہ عليك .. علي مسك ايدي و نزلنا تحت ف البيازا اللي تحت الفندق اللي ساكنين فيه .... شافنا صاحب المطعم : Hi cute couple , do you want to eat something ? علي : yes please give us the Menu .. ابتسم صاحب المطعم و سار اييب المنيو ... علي طالعني : مستانسه وياي؟ انا : فوق ما تصور .. علي مسك ايدي و هو يالس مجابلني ... تغدينا و عقب سرنا نتمشى ف أنحاء البيازا … علي حط ايده على جتفي و مشى وياي : شرايج ف روما ؟ حلوه ؟ انا ابتسمت : وااايد ... حتى الجو حلو ... علي ابتسم : كم مره اقولج لا تبتسمين ... اذووووب انااا ... انا ابتسمت اكثر : خلاص ما ببتسم مره ثانيه ... علي قرص خدي : اموت ف هالغمااازه اناا .. انا : انزين حبيبي شرايك نرد البلاد .. علي : لالالا انا ما شبعت منج ... انا : انزين تولهت على هليه ... علي : أنا بعد "بخبث" يوم بشبع منج بردج البلاد ... انا : انزين تعال ندخل هالمحل ... . . . . . . . ساره دخلت البيت بدفااشه : دريولكم هااا كنسسلوه .. اميه ابتسمت : كم مره اقولج سلمي اول ما تدخلين ... ساره ظهرت و ردت تدخل : السلام عليكم ورحمه اللہ وبركاته .... شحالج خالوه ... "حبت خدها" اميه : بخير .. ساره : خالوه ابااا العب ويا عبود .. اميه : سيري له ... يالس فوق ويا منصور .. ساره : انزين .. سارت سارونا فوق و دخلت عليهم ... كانوا يالسين يلعبون و ياكلون كيك ويا عصير ف الخيمه الصغغيره مالتهم ... منصور ابتسم : سسارونا ييتي ؟ ساره ابتسمت : يا غبي هيه ييت ... منصور : لا تقولين جي انا ماحبج ... ساره : خلاص اسفه .. منصور ابتسم .. عبود : شو يبتي وياج ؟ ساره تبطل شنطتها : يبت لكم حلااااوه و مصصاص و جبس ... مريوم دخلت عليهم : اووووه ساروه هني ؟ و انا اقول البيت ليش مظلم ... ساره : اصلا انااا احبج و اعرف انج تحبيني .. مريم حبت خدها : فديتج استانسي وياهم انزين انا بظهر .. ساره ابتسمت : أوكيه باي .. مريم : ما يت وياج ميروه ؟ ساره : لا ميروه مشغوله ف البيت .. مريم ب طنازه : ما عندها سالفه ... ساره تبا تيود عمرها عسب ما تخبر حد ان ميره ترمس شباب ... . . . . . . . . حمد توه مبركن جدام بيتنا .... نزل و تمشى ف الحديقه ... وايد يحب حديقتنا لانها مرتبه و ريحه شير اللوز و الليمون حلوه ... استنشق الهوا و سار صوب الميلس الخارجي ... اول ما كان يبغي يدخل شافها ظاهره من بيتهم ... ابتسم لها و هي انتبهت له و ابتسمت .. حمد سار صوبها : هلا هلا ... مريوم : مرحبا... حمد : شحالج مريم ؟؟ مريوم : الحمدلله بخير و نعمه ... حمد : دوم ان شاء اللہ .. مريوم ابتسمت ... حمد : الا وينه محمد ؟ مريوم : ف بيت ولد عمي زايد ... حمد : لا يكون مشغول ؟ مريم : هيه بيودينا العين.. حمد : خلاص عيل انا استأذن .. مريوم : انزين ليش ما تيي ويانا العين ؟ حمد : توني ياي منها ... مريوم : ترا نحن بنسير معرض اختك بانه .. حمد ابتسم : والله اني ياي عسب اخبر محمد اييبكم ... مريوم ابتسمت : خلاص بنسير المعرض .. حمد : يالله اترخص انا .. مريوم : لا لا تعال بيت زايد ولد عمي .. حمد : انزين .. مريوم : يالله انا بتجدمك ... ودته مريوم بيت عيال عمي سعيد اللہ يرحمه ... اول ما دخلت سارت حجرة يزوي و تمت تخبرها عن حمد و هي مستانسه ... يزوي : الحين من صدقج تحبينه ؟ مريوم غمضت عينها : الآااا اموووت فيه... يزوي : لو يباج .. مريوم قاطعتها : بيخطبج من ابوج ... خلاص والله حفظت هالجمله من كثر ما تقولينها ... يزوي تنهدت : مالي خص فيج ... محمد اتصل ل يزوي و قالها يالله بنسير ... ساروا العين مع بعض .. و أولهم زايد لانه يبا يشوف بانه ... و ف الدرب كل شوي محمد يغازل يزوي و تستحي و مريوم تنقع من الضحك ... و زايد يسولف و حاطين اغاني و ربششه ... وصلوا العين الساعه 4 ضبط .. ساروا فندق روتانا .... و دخلوا ... بصراحة كل حد يلس يمدح بانه و رسمها لانها صدق رسسامه و من ضمن ال12 لوحه اللي رسمتهن باعت 10 و ثنتين مريوم و يزوي خذنها ... يزوي : وينها عاد نبا نشوفها ... زايد متحرقص يبا يشوفها : سيري مريوم دوريها .. مريوم : اكيد مشغوله ويا الصحفيين ... الحين بتييكم صبروا شوي ... دقايق و ظهرت بانه من الحشد اللي كان ملتم عليها .... سارت صوبهم و أبتسمت ل مريوم : مرحبا حبيبتي .... مريوم حبت خدها : وينج انتي يوم انشهرتي نسيتينا ؟ بانه : هههه لاا بس وايد يسألون هاذيلا ... محمد : ماشاءالله عليج رسسامه مبدعه ... يزوي : مبروك باعوا كل لوحاتج ... بانه : اول مره كلهن ينباعن مره وحده ... زايد : يبالج ترسميني ف يوم من الايام .. بانه ابتسمت لانه رمسها : يوم بيي دبي برسمك بس ذكرني لا تنسى ... زايد ابتسم : من عيوني ... خطف عدالهم ريال شال صينيه فيها عصاير .. زقرته بانه : سكييووزمي ... سار الريال صوبها و خلتهم يشربون عصير و هي تسير تكمل مقابلاتها اللي بتنكتب ف المجلات و الجرايد ... الساعه 10 تعشوا في الفندق و ردوا دبي ... . . . . . . . ميره بدلع : الو حبيبي .. مترف : الو ... يالله ما بظهرين وياي ؟ ميره : بظهر وياك بس عقب ما ترقد هالعقربه .. مترف ابتسم : عمتج ؟ ميره : وععع عمى ب عينها ... مترف : يالله سيري شوفيها رقدت ولا لاء .. ميره : اوكيه حبيبي .... "فجت الباب" و ظهرت .... محد ف البيت و عمتها راقده .. مترف : رقدت ؟ ميره : هيه ... مترف : يالله اترياج .. ميره : باي حبيبي ... (سكرت) دشت حجرتها و شافتها يالسه تاكل من الباتشي اللي مطرشنه مترف ... ميره ب عصبيه : انتي شو تسوييين ؟ ساره : آكل ... ميره : يعلللللج يالحيوانه ها حققي ... ساره تبطل حبه باتشي ثانيه : بتظهرين وياااا ربيعج صحح ؟؟ ميره : حسبي الله عليج شدراااج ؟ ساره تأشر صوب الكرسي : انا كنت يالسه هناك ... ميره حطت لها ميك اب بسرعه بسررعه و لبست عباتها المفتوحة و شلت غشوه و طالعتها : والله ان خبرتي حد ياويلج .. ساره : بخبر عمي سعيد .. ميره ابتسمت : حبيبتي انتي كلي الباتشي كله بس لا تخبرين حد أنزين ؟ ساره : انزين .... ترا يدوه راقده سيري و ردي بسرعه .. ميره : انزين .. ظهرت ميره و رمست مترف .. قالت له بند الليتات يوم بتدخل الفريج ... مشت على أطراف اصابعها و ظهرت برا البيت .... شافت سيارته و ركبت وياه ... مترف : هلا بالزين كله ... ميره ابتسمت ،، مترف : ها وين تبين اوديج ... ميره : المول .. مترف : بوديج فيستيفال ... ميره لبست غشوتها : اوكيه ... مترف : غشوتج وايد خفيفه و شفافه .. ما تخافين حد يشوفج ؟ ميره : لا عادي ... لا تحاتي فديتك ... ساروا فيستيفال و تموا يحاوطون .. . حامد كان موجود و ميره انتبهت له ... بس هو لاهي ويا ربعه ... مترف : منو ها ؟ ميره : ولد عمي ... مترف شهق : صدق ؟ ميره : هيه ... مترف : و عادي عندج ؟ ميره : ما شافني .... مترف : زين تعالي بعشيج .. ميره ابتسمت : اوكيه ... "دشت وراه" و حامد طالعها .... حامد ف خاطره > جني شفتها هاي ؟ اعرفها ولا يتراوى لي ؟ تعشوا قوم ميروه و مترف و عقب ردها البيت .... ميره طرشت صورتها ل مترف و مترف طرشها ل ربيعه عبدالله ... عبدالله : شوف شوف هالغزاال ... حامد فج عينه على وسعها : اششوف ... عبدالله عطا حامد الفون : ف ذمتك مب حلوه ؟ حامد مسح الصوره و ظهر من عنده بسرعه ... . . . . . . . ابويه انتبه انه توهم ردوا ... محمد حب راسه : مساآء الخير ابويا .. ابويه ابتسم : مسسى النور ... ها استانستوا ؟ مريوم : واااااايد .... "تراويه اللوحه" شوف شوف رسم بانه مااشاءالله عليها ... ابويه : ماشاءالله ... مريوم : بعلقها ف الصاله .. ابويه : انزين فديتج سيري رقدي ... "صد صوب محمد" وين أخوك حامد ؟ ما سار وياكم ؟ محمد : لا ... يمكن راقد ... ابويه : انزين تعال ابغيك ف سالفه .. محمد : عسى ما شر ابويه ؟ ابويه طالع مريوم : تصبحين على خير فديتج .. مريوم : و انتوا من أهله .."سارت" محمد : شو مستوي أبويه ؟... ابويه : تعرف خليفه بن ناصر ؟ محمد : ربيعك اللي يشتغل ف الشركه ؟ ابويه : هيه ... محمد : بلاه ؟ ابويه : خطب اختك مريم ... محمد تنرفز لان خليفه وايد كبييير اكبر من مريوم بـ 8 سنين .. ابويه : ها شو الرأي ؟ دامك البجر لازم استشيرك ... محمد : ابويه تدري ان خليفه بحسبت ابوها ؟ ابويه : هههههه لا مب لهدرجه ... انا اصغر عنه .. محمد ابتسم غصب : الشور شور مريم ... و انا ابويه ما ابغيك تغصبها اذا هي ما تباه .. ابويه وقف : يالله باجر بخبرها ... تصبح على خير .. محمد : و انته من أهله .. سار محمد فوق .. و ف الممر شاف حامد .. محمد : الساعه 1 ليش ما رقدت ؟ حامد : افكر .. محمد : ف شو ؟ حامد ابتسم .. محمد : لا يكون تبا تخطب ؟ حامد : ههههه عنلاتك .. محمد ابتسم : ترا خدامتنا تبا واحد مواطن ... تعرفها ؟ سونيتا ؟ حامد : لالالا ماباها ... محمد : ههههه بسير ارقد عنك ... حامد : احلم فيني ها ،... ما أوصيك .. محمد : تامر الشيخ ... شي اوامر ثانيه ؟ حامد : لا سير ارقد .. محمد : باي .. دخل حجرته و سكر الباب .. . . . . . |
البارت الـ12 … . . . . دايمٍ ذكراك يطرن لي لو جسا قلبك ولا لاني . . . . يوم الاثنين الساعه 9 الصبح اليوم بيبدا المهرجان .... روما متزينه ب أحلى الشرايط ؤ اللوحات و الالعاب و التماثيل ف كل مكان و شي جوائز نقديه و ماديه ..... و خلق الله متيمعين في كل صوب عسب يشوفون العروض و الفعاليات … و مشغلين اغاني و صوتها واصل لين عندنا … علي : حبيبي ... قومي بسج رقاد ... انا تجلبت : خلني ارقد .. علي يخرب شعري : بسج حياتي .. انا : علاوي انته بتعدله عقب ... ماروم انا ... علي ابتسم : من عيووووني بس نشي .. انا : تعبانه ابا ارقد .. علي : سمعي صوت الأغاني ... مرتبشين برا .. قومي بنظهر .. انا : اظهر بروحك .. علي : أهون عليج ؟ انا ابتسمت : لا طبعاً... انا نشيت و احس اني متكسسسره و مصدعه بالقوووو ... سرت الحمام ... غسلت ويههي و تسبحت بسرعه و ظهرت ... علي : نعيماً حياتي .. انا ابتسمت له و رسمت عيني و حطيت روج وردي و شويه بلشر ... تعطرت و طالعته .. انا : متى لحقت تزهب ؟ علي : تلبست يوم كنت اوعيج .. انا : تعال عدل شعري .. علي ابتسم و يلس يرتبه ... انا : بقصه وايد معذبني .. علي : ياويلج ... جمال البنت ف شعرها شدراج انتي ؟ انا طالعت شعري اللي واصل لين تحت اخر ظهري ... واااايد طويييل بشكل فضيع من زماااان مااا قصيته ... علي رتبه و رفعه على فوق .. انا لفيت راسي صوبه و حبيت خده : صباح الخير .. علي ابتسم و أشر صوب شفايفه ... انا استحيت : حاطه روج .. علي : عادي ... انا مسكت ايده : عقب عقب .. علي ابتسم اكثر : الحين ... انا بسته بسرعه .. علي : فدييييييتتتتهم انا ... بس بس ولا والله بتهور .. انا لبست نعالي : لالا ... علي شلني و نزلنا تحت ... ف البيازا يايبين فرقه تانغو إسبانيه و خلق الله مرتبشين و يرقصووون و كل حد مستانس ... علي بعده شالني و يدور فيني ... انا : ايييييه عن العبط علااااااوي ... علي : صبري شوي بخلي حد يصورنا ... انا : لالالالا .... علي رمس واحد و قاله يصورنا ... عطاه تيلفوني و تيلفونه ... و يلس يصورنا .... علي حب خدي و انا استحيت جدام الريال .. و الريال ماااصدق على طول صورني ... الريال ابتسم : او ام جي يوووو آر سوو كيووت كوبلز ... علي : ثانكيو ... "نزلني" انا شليت فوني : والله خليتني اتفششل جدامه ... علي ب خبث : بعدج ما شفتي شي .. انا ابتسمت و مسكت ايده .... سرنا نتريق .. طلبنالنا فرنش بريكفاست ... انا مسكت ايده : حبيبي تدري انه باجر العيد .. علي رص على ايدي : هيه ادري حبيبي ... انا سكت ما عرفت شو أقول له .. علي ابتسم : حجزت لنا على اول طياره .. باجر بنرد البلاد .. انا استانست لانه صدق تولهت عليهم .... و لويت عليه : حبيييييبي والله احبببببك .... علي ابتسم : عيل كل يوم بسفرج اذا بتمين تقولين حبيبي و احبك .. انا حبيت خده ب قوو و ما أنتبهت للناس ... نصهم شهقوا و نصهم ابتسموا .... علي : طبع الروج ع خدي صح ؟ انا ببراءه : صح .. علي ب خبث : ماعليه بعدين براويج ... بس الحين كلي .. . . . . . . "شو تقول انت شو تخربط" مريوم طالعت محمد و قالت له : مابا مابا .. محمد : مريوم الريال طيب و ما عليه كلام و الحمدلله انه عنده خير شراتنا ... و يروم يسعدج... مريوم : حموووود قلتلك لااا ... محمد : ممكن افهم ليش ؟ مريوم : حموووود الله يخليك ماباه .. محمد : ليش ساامعه عنه شي ؟ مريوم : لاا .. محمد : عيل ليش رافضتنه ؟ مريوم : محمد دخيلك ماباه ... قول ل ابويه .. محمد وقف : ما بقول ..... اول شي استخيري و عقب رديلي خبر .. مريوم صاحت : اوووف ... محمد حب راسها : والله مادري راسج ليش جيه يابس .... انا بس ابا سعادتج ... مريوم : سعادتي مب وياااه مب عنده ... محمد : خلااص لا تصيحين ... انا برمس ابوي بس عقب ما تستخيرين ... مريوم مسحت دموعها و ظهرت ... . . . . . . . ميروه بدون نفس : الو .. سعيد : الو حياتي بلاه صوتج ؟ ميروه تدور جذبه : تعبااانه ... سعيد : ايوا ... خلاص عيل رقدي فديتج .. ميره : باي .. (بندت) سعيد : بلاها هاي ؟ تعبانه انزين بس مب جي ... ردت ميره ترمس متترف و تدلع عليه ... ساره دخلت : اييه انتي .. ميره : هيييي انتي ليش ما تدقين الباب ؟؟؟ ما فيج حيا ؟ ساره : هويتي ف بير ماله قاع ... كيفي كيفي كيفي كيفي كيفي ... ميره : اففف خلصيني شو تبين ؟ ساره : يدوه تباج تحت ... ميره : قوليلها راقده .. ساره : ماااااباااا ،... ميره : اففف .... "نزلت تحت بسرعه" غبيشه : وينج آنتي 24 ساعه يالسه فوق .... سألي عن اهل البيت يلسي ويانا شوي ... ميره : عمووووه شو تبين ؟ غبيشه : يلسي سولفي وياي عنبوج من بنت .. ميره يلست : يلسسنا .. غبيشه : دريتي عن اليني اللي ف البيت .. ميره تروعت : اييي يني؟ غبيشه : امس شفته ظاهر ف الحوش ... ميره عرفت انها شافتها : صدق عموه ؟؟ غبيشه : هيه والله ... لونه اسسود .. اول مره اشوف يني انا .. ميره نشت : خلاص عموه بسير ارقد .. غبيشه : زين .. . . . . . . . اميه : وينها عنود غطت عنا شهرين بكبرهم .. أبويه : خليها فديتها مستانسه ويا ريلها .. اميه : ما يصير جيه باجر العيد .. يدي : ماعليه بنتصل لهم عقب .. يدوه : شووو عقب ؟؟ تولهت على عنود و علي ... من زمان ما شفناهم .. يدي : ان شاءالله يكونون مستانسين ؟ يدوه : ان شاء الله .... أبويه : هيه صح ما قلتلكم ... خليفه خطب مريوم ... يدي : منو خليفه ؟ أبويه : خليفه بن ناصر ... يدي : واااابوووييييه .... خليفه كبر أخوك سالم ... أبويه : بس ريال ماعليه كلام ... و عنده خير و سمعته طيبه .. يدي : شاور البنت ... و لا تغصبها ... يدوه : لالالا عيال عمها اقرب الناس لها .. أبويه : اميه ما ايووز اقطع نصيبها بعد .. يدي : سووو اللي قلتلك عنه ... لا تغصبها .. . . . . . . . يزوي : انته تعال عندنا ... محمد : لالا انتي تعالي .. يزوي : محمد عن العبط ... يالله عاد .. محمد : والله تعبان ... يزوي : سلامتك من التعب .. محمد : يالله ببند .. أنتي تعالي .. يزوي : انزين .. باي .. محمد : باي ... يزوي تعدلت و ظهرت سارت بيتنا .... يزوي ترمس الخدامه : وير إز مريم ؟ سونيتا : ان هير روم .. يزوي : آند محمد ؟ سونيتا : مووهامد ان هيز روم توو .. يزوي : اوكيه ثانكيو ... سارت يزوي حجره مريوم و لقتها يالسه تصيح ... يزوي : مرييوم !!!! بلاج تصيحين ؟؟؟ شو مستتوي ؟ مريوم تصيح من الخاااطر ... يزوي : مريوم خوفتيني عليج قولي شو بلاج ؟ مريوم : بيزوجوووني بالغصب ... يزوي : ليش ؟؟؟ عرفوا عنج انتي و حمد ؟ مريوم : لاا .. دخيلج يزوي اباا رقمه ابااا ارمسسه ... يزوي ظهرت فونها و اتصلت ب بانه .. بانه : هلا والله .. يزوي : اهلين بانه : شحالج يزوي ؟ يزوي : ماا اشكي بأس .. شحال امج و ابوج كلهم بخير ؟ بانه : هيه الحمدلله .. يزوي : اممم .. بااانووه ترا اخويه زايد يبغي رقم حمد .. بانه بإستغراب : مب عنده ؟ يزوي : لا مب عنده .. بانه : زين عيل سجلي عندج 050 ******* يزوي : مشكوورة حبيبتي .. عيدج مبارك مقدماً .. بانه : ههههه العفو فديتج ولو ... كل عام وانتي بخير .. يزوي : و انتي بـ صحه وسلامه ... يالله عاد تعالوا باجر عيدوا عندنا .. بانه : ان شاء الله ... يزوي : يالله مع السلامه .. بانه : فمان اللہ .. مريوم سجلت الرقم عندها و اتصلت له .. يزوي : مريوم مب زين اللي تسوينه ف عمرج .. مريوم : بموت تدرين شو يعني بموت ؟ يزوي : بعيد الشر .. مريوم : ما يرد .. يزوي : اتصلي بعد .. مريوم : اوكيه .. اتصلت له هالمره و رد عليها .. حمد : الو .. مريوم تمت ساكته .. حمد : الوووو ؟؟؟ مريوم ما تحملت و انفجرت من الصيياح .. حمد : منو انتي او منو انت ؟ مريوم تصيح و ماترد عليه .. حمد تقطع قلبه من هالصوت : منو آنتي ؟ مريوم : شحالك حمد ؟ حمد عرفها من صوتها : مريم ؟ بلاج تصيحين ؟ مريوم : حمد انا بعرس ... حمد : نعم ؟ ليش ان شااءالله ؟ مريوم : بالغصب حمد بيزوجوني !!! حمد : ارفضيه ... مريم : كيف ارفضه و اهليه مقتنعين فيه ؟؟ حمد : خلاص انا بيي اليوم و بخطبج ... مريوم استانست : صدق والله ؟ حمد ابتسم : هيه صدق ... مريوم : يالله اتريااك .. حمد : مستحيل حد ياخذج مني انتي ملكي انا و بس .. مريوم ابتسمت : باي .. حمد : فمان اللہ .. . . . . . رتبنا الشنط و الاغراض و يلسنا ف الصاله نطالع تيلفزيون ... علي : حبيبي انا بسير عندي شغل شوي و برجع .. انا : اوكيه حبيبي لاتتأخر ... علي : ان شاء الله ... انا : الله يحفظك .. علي حب خدي : بسير بسرعه و برد بسرعه .. انا ابتسمت .. سار علي وانا يلست اشوف فلم في mbc2 . . . . . نزل تحت عند الاستقبال ... علي : everything is okay? الريال : Sure sir .. علي : Don't forget my room number .. الريال : I know I know Room 133 .. علي : Would you come with me naw ! الريال : wait please .. اتصل الريال ل اللي ف المطبخ و يابوا الطاوله ... علي دفع له الحساب : Thank you so much .. الريال : never need .. سار علي و خذ الطاوله وياه لين فوق ... بدون ما يدق الباب دخل الطاوله غرفه النوم و يلس يعدلها ... انا كنت يالسه ع البلكونه و عدالي كب كيك و عصير ... اطالع الساير و الراد ... علي لوى علي من ورا : اشتقت لج ... انا ابتسمت : انا بعد ... علي يأشر علئ العمارة اللي مجابلتنا : خييييبه شوفي شو يسسون ... انا فجيت حلجي ... علي ابتسم ب خبث : تبين اسويلج جيه .. انا : لااا .. علي مسك ايدي : احبج تدرين ؟ انا ابتسمت : ادري ... علي ظهر من مخباه أقلام الليزر ... انا : حق شو ؟ علي : سوي شراتي ... كل ما نشوف حد يخطف نصوب عليه و نموت ضحك يوم يشردون ولا يدورون مصدر الضوء .. انا انفجرت ضحك : ههههههههه .... علي : ههههه فديت هالضحححكه انااا.... انا ابتسمت ... علي شلني غرفه النوم … انا استغربت من وين مرتب و مزهب كل شي ... الشموع فوق الطاوله و تحت ع الارض .. و فوق الشبريه ورد جوري اححمممر متنااثثر و مبند الليت مشغل الإضاءة الخفيفه ... و على السرير ثلاث بوكسات لونهم احمر شكلهم مرتب و حلوو .. انا نزلت و حطيت ايدي ورا رقبته : حبيبي ليش متعب عمرك .. علي حب يبهتي : تستاهلين اكثر عن جي ... انا ابتسمت ... علي : على فكره شي هديه ثانيه اكبر عن جي ... انا : بمناسبه شو ؟ علي : بمناسبه اني احبج ... انا : ما يحتاي .. علي : لا صدق بمناسبه العيد ... انا ابتسمت له : فديييتك والله ... علي : يالله ترا الطياره الخاصه تتريانا عقب ساعه كامله ب الضبط ... انا : بنسافر اليوم ؟ علي : هيه حبيبي ... لان باجر يوم العيد عندي مقابله ف التلفزيون ... انا : صدق والله؟ علي : هيه والمذيعه مزيونه ... انا : خلاص عيل رد البلاد بروحك .. علي مسك ويههي ب ايدينه الثنتين : عيييني هاااي ما تناااظر غيرج .. انا : متأكد ؟ علي : هيه ... انا ابتسمت ... علي مسكني من خصري ؤ ؤ ؤ >< . . . . . Cut . . . . . . |
يــــــــــآآآآآآآآآآآآربيييييييييييه علي و العنود خبـــــــــال فديييييييييييييتهم و ميره هاي مسودت الويه لازم حامد يخبر ريلها و يصلبها .. نتريا البارت اليـاااااااااااااااااااااي |
البارت الـ13 .. . . . . عيدڪ مبارڪ … و شوفڪ يوم عيد .. *music*♫ . . . . . حمد : عمي انا ياينك اليوم ابغي اطلب منك طلب ... أبويه : تم ... حمد ابتسم : ابغي أخطب بنتك ... أبويه : بس بنتي مخطوبة ... حمد : عمي انته قلت تم ... أبويه : عيل خلاص انا موافق عليك .... دامك ولد أصول و ما عليك رمسسه .... حمد : و اللي خاطبنها قبلي شو بتقولون له ؟ ابويه : بستسمح منه و ما بيقول شي خصوصاً انه اكبر عنها بوااايد .. حمد وقف و حب راسه : مششكور عمي .. ابويه : لا مشكور ولا شي انته ولدنا ... حمد : يالله بتآمر على شي عمي ؟ ابويه : وين ؟؟ تعال بتتعشى عندنا ... حمد : لا عمي دخيلك ... ابويه : جب ولا كلمه .... ايلس اهنه بخليهم اييبون لك العشى و بتبات عندنا ... حمد : عمي ما اتفقنا على جي ... ابويه سار عنه عسب اييب له العشا و ما سوى له سالفه ... . . . . . . انا : السسلام عليكم … مريوم لوت علي : وعليييييكم السلام .... اميه : فديتج والله تو ما نور البيت .. تو ماا نورت زعبيل تو ما نورت دبي و الامارات بكبرها … انا ابتسمت : فديتج اميه وحشتيييني … مريوم : وانا ؟ انا طالعتها : والله اشتقت لج وايد … مريوم ابتسمت : اليوم برقد عندج .... خلي ريلج يسير يووولي ... انا : حراام عليج … مريوم : لالا ما يخصني شهرين ما شفتج ... والله وااايد ... انا فصخت عباتي : خلاص عيل تعالي رقدي عندي ... دخل علي : هوووود هووود ... اميه : هدا هدا .. علي حب راسها : شحالج عمتيه ؟ اميه : بخير يوم شفتكم .. علي : فديتج والله ... مريوم : خلاص علي انا برقد عند حرمتك اليوم ... علي ابتسم : لا انا ابااها .. انا ابتسمت .. مريوم : عادي ليله وحده ما تضر .. علي :اوكيه رقدي وياها ... انا : وين ابويه ؟ مريوم : ف الميلس عنده ريال ... اميه : سيروا رقدوا الحين ... ارتاحوا يايين من السفر ... انا اتثاوب : انا بسير ارقد ... مريوم : وين ؟؟؟ تو الناس الساعه 10 ونص .. علي وقف : خلاص عيل اترخص انا ... انا ابتسمت له و مسك ايدي و ظهرنا ... علي : بشتاقلج .. انا : انا بعد .. علي : يوم مريوم ترقد تعالي عندي .. انا : ههههه ما يستوي اجذب عليها ... علي : انزين رمسيني ف التيلفون … انا : ان شاء اللہ ... علي : يالله بسير .. انا لويت عليه : احبك .. علي ابتسم : والله انا اكثثر .. آنا : يالله تصبح على خير ... علي : وانتي من أهله .. يالله باجر قبل ما اسير بيي أعيد عليج .. انا ابتسمت : انزين اترياك .. علي حب يبهتي : مع السلامه … أنا تميت اطالعه لين ما اختفى عن عيني … دخلت داخل و سرت ارقد عند مريوم … . . . . . . . سعيد ابتسم و فج الباب ... ميره نشت و فجت عينها ببطئ ... سعيد حب راسها : شحالج غناتيه ؟ ميره : بخير ... سعيد : قومي بننزل عند اميه ... ميره : ابغي ارقد ... انزل بروحك .. سعيد : امممم براحتج ... نزل تحت عند امه و يلس يسولف ... . . . . . . يزوي حبت راسها : عيدج مبارك ... يدوه : عسساج من العايدين و السالمين ... يزوي : وين يدي ؟ يدوه : سار المسيد ... يزوي ابتسمت : عيل انا بسير أتريق .. . علي : عيدج مبارك الغاليه .... ام علي : فديتك والله عساك من عواده .. علي ابتسم ... ام علي : الا وينها حرمتك ؟ علي : راقده ف بيت أهلها ... ام علي : جيه ما تسير تسلم عليها ؟ علي وقف : يالله بسير .. . ف بيتنا الكل مرتبش و مستانس لان اليوم عيد .. انا و مريوم نتمكيج و محمد وحامد سايرين المسيد ويا يدي .... و اميه ترتب الفواله و تامر البشاكير و أبويه يالس ف الميلس يسولف ويا حمد و يبارك له ... مريم : بس بس عنود ... لا تحطين واايد ... انا مسحت روجها : انزين .... مريوم : يالله مشكوره حبيبتي ... بسير البس و بيي .. انا صكرت الباب و سرت اتسبح .... لبست مغربيه لونها ازرق ويا ذهبي ..... رفعت شعري و نزلت قصتي .. سويت لي آيلآينر و شويه شدو ذهبي و حطيت لي روج وردي .... تعطرت و لبست الكعب مالي و نزلت … اميه : اللهم صلي و سلم على النبي .... اللهم لا حسد ... انا حبيت راسها : عيدج مبارك ... اميه : عساج من العايدين و السالمين ... انا : شو الريوق ؟ انا يوعانه ... اميه : تعالي يلسي هني ... نزلت مريوم و يلست عدالي ... اميه : اقرن على عماركن لان بعد شوي بييون حريم .... مريوم : ان شاءالله ،.. اميه : مريوم شلي المدخن ودخني الميلس ... مريوم : اوكيه ... شلت المدخن و سارت الميلس تدخن ... اول شي أطمنت انه سياره حمد محد ... و عقب ارتاحت نفسياً .... عدلت شيلتها ... و سمعت صوت من وراها ... حمد ابتسم : عيدج مبارك .. مريوم من الزيغه طيحت المدخن ... و انكسر ... حمد : بسم الله مريم شبلاج انا حمد ... مريوم ظهرت برا و طرشت خدامه من الخدامات عسب ينظفون .. . علي : صباح الخير ... انا و اميه : صباح النور ... اميه : تريقت فديتك ؟ علي : لا عمتيه .. اميه : تعال ايلس تريق ... مريم : عللللي ليش لابس جيه .. الحبيب لابس بدله رجال الاعمال .... الجنتل .. علي : احححم عندي مقابله ف التلفزيون .. مريوم : تصدق اني ماعرفتك ؟ جيه يعني جسمك حلو ... علي ابتسم و طالعني : الحمدلله ... انا طالعت مريوم : ايواا ... جسمه حلو و شو بعد ؟ مريوم ب عناد : كل شي فيه حلووو من ساسه ل راسسه ... علي مسك ايدي و وقف : يالله عيل انا اترخص ... مريوم : بتشلها وياكـ ؟ علي : لا ... بس بسلم عليها ... مريم : هييييييه .... سلم عليها جدامنا ... علي : لا ما يصير ... ظهرنا برا ف الحوش و علي ابتسم لي : محلووووه ... انا : مشكور ... علي جابلني و حب يبهتي : اقري ع عمرج .. انا : بعدين .. علي حط صبعه ع شفايفي : اوووش ... أعوذ بكلمات اللہ التامه من كل عيين هامه و من كل شيطان و لامه ... أنا ابتسمت له ... علي حب خدي : احبج .. انا : انا بعد ... علي : يالله بسير انا .. انا : شوي شوي ع عمرك .. علي ابتسم لي : مع السلامة .. انا : فمان الله ... . . . . . . أبويه : مريوم .... مريوم : هلا أبويه ؟ أبويه : وين اختج ما شفتها من يت .. مريوم : اظني برا الحين بتيي .. أبويه يلس : زين والله ... مريوم : ابويه منو الريال اللي كان وياك ف الميلس ؟ ابويه : حمد .. مريوم ب فضول : ابوويه ... اممم شو يبغي منك ؟ أبويه يبا يحرق أعصابها : يبغيني ف سالفه .. مريوم : سالفه شو ؟ ابويه : جيه تحقيق هو ؟ مريوم : لا هب جي بس اتخبر . ابويه ابتسم : عقب بخبرج ... انا دخلت و حبيت راسه : عيدك مبااارك .. أبويه : فديتج والله شوفتج عندي عيد .. انا ابتسمت : وين عيديتي ؟ أبويه : آمري تدللي قولي كم تبين ؟ مريوم : الحب كله صوب عنووووود وانا حليلي محد يحبني .. أبويه : لا تحطين ف ذمتج .. كلكم غلاتكم ف قلبي سسوى .. انا : انزين انا اباا اممم ... مريوم : طلع بوكك و نحن بنختار .. انا : ابغي بس 2000 شويه صح ؟ أبويه ابتسم : هيه شويه .. عبود نازل من الدري يربع .. أبويه : هلا هلا ب شيخنا عبدالله .. خشمك .. عبود تخاشم وياه : باباتي ابا عيديه .. أبويه عطاه 500 .. اميه يت : يالله ما بتسيرون بيت عميه ؟ أبويه : يالله بنسير ... بس عقب لكم من عندي مفآجأه .. انا : شووو المفاجاه ؟ مريوم : امايا انتي تعرفين ؟ اميه : هيه ... مريوم : خبرينا .. اميه ابتسمت : عقب عقب .. سرنا بيت يدي و فيه وااايد حريم .... و معازيم و خوات ام علي و ربيعات اميه و عيااايز واايد .. يدوه : قربوا قربوا ... انا حبيت راسها و سرت غرفه فاضيه و شغلت التلفزيون .. المذيعه : مرحبا ملايين فيكم مشاهدينا في اول حلقه مباشره من حلقات يوم عيد الأضحى ... ان شاء الله تستمتعون ب فقراتنا و تستمتعون ويا ضيوفنا : علي الـ******* و هيفا الـ****** و حسن الـ****** و نقولكم عيدكم مبااارك و عساكم من العايدين و السالمين ... حسن : احب أزف أغلى الأماني و التبريكات ل صاحب السمو الشيخ خليفه رئيس الدوله حفظه اللہ و نائبه الشيخ محمد بن راشد حاكم اماره دبي .. المذيعه : شو أجواء العيد عندكم ؟ علي ابتسم : والله ماشي حالها .. مريوم و يزوي دخلن عندي ... يزوي : اوووو مب جنه ها علي ؟ انا ابتسمت : هيه ... مريوم : يخرب بيتها كيف تطالعه ... شوي و بتاكله عافاني اللہ ... يزوي : جميل ولد عمي اللہ يحفظه .. انا : قولي ماشاءالله .. يزوي : ماشاءالله .. مريوم : المذيعه بايخه ... شيينه .. انا : اشششش خلوني اسمع .. المذيعة : ممكن تسمعنا شي ؟ يا علي الـ...... علي : هههه اكيد .. حسن : اول شي اعترف إهداء ل منو ؟ علي ابتسم : لـ حرمتي .. المذيعه : اووو ما كنا ندري انك عرست ؟ على بالنا معزب .. علي : تقريباً عرست من شهر و نص ... المذيعه : تفضل .. علي : احم احم .. ياحبيب الروح يا خلّي يا أمل عمري ووجداني في هواكم طحت معتلّي روف بي يا دعج لعياني كم عليك ادموعي اتهلي وكم قضيت الليل سهراني في شقا والحال ينسلّي ما عرفت اللي تبلاني لانّ حبّك في الحشا حلي ولك غلا ما حلّه انساني دايمٍ ذكراك يطرن لي لو جسا قلبك ولا لاني مبتلي لفواد و مولّي ضايعٍ عقلي و برهاني يالغضي ويّاك ش الحلّي لا تشمّت كل عدواني تبتعد يا زين وتخلي ذا الفراق اسبابه و احزاني من فضلك اتكون صافٍ لي بالعهد لي بيننا كاني وانا لك في الطوع و مذلّي والعمر لجلك ترى فاني لك سلامٍ عدّ ما انهلي امطرٍ بنزف م المزاني و سلامتكم ... المذيعه : ربي يسلمك .. حسن : صح لسانك .. علي : صح بدنك .. انا ابتسمت ... مريوم : اووووب منو قدج ... يزوي : و الاهداء على الهواء.. المذيعه : اممم انزين نرجع ل محوارنا ... كيف تحتفلون في أول يوم من ايام العيد ؟ هيفا : ماشي والله بس نكشخ و نسير نتيمع في بيت اليد او اليده .. المذيعه : انزين الحين نسير ل هالتقرير و رادين لكم بأذن الله .. انا غمضت عيني : فدييييييييته والله ... مريوم : بدينا بـ حركات الرومانسية .. وصلني إهداء على التيلفون .. انا : سكتوا خلوني اسمع .. اغنيه كل عام وانت الحب بصوت محمد عبدو .. يوم خلصت الأغنية : هذه الأغنية إهداء من صاحب الرقم 050/77***** يزوي : حلوووو رقمه كشششخه ... انا ب خقه : لازم .... فديتج علي هاذا مب اي حد ... يزوي : ياليت ريلي يحبني جيه .. انا طالعتها : انزين حمود يحبج جي و اكثر .. مريوم : اففف متى بعرس ... انا : بييج نصيبج .. مريوم : ماباه نصيبي ... ابا حمد ... انا : اذا ربج كتب بياخذج ... يزوي تطالع المذيعه : شوفوا شوفوا شقى تضحك ... ضحكتي من سرج بلا .. هيفا : ههههههه مب لهدرجه عاد .. المذيعه : عيل في حد ما يبغي عيديه ؟ هيفا : بس خلاص يعني كبرنا والكبار ما ياخذون عيديه .. حسن : العيديه للصغاريه بس ... علي : انا عن نفسي اعيد على كل حد .. المذيعه : كريم ماشاآءالله عليك .. علي : هههههه من يومي ... المذيعه : استانسنا وياكم واايد واايد .. "طالعت حسن" كلمه أخيره توجهها ل المشاهدين" حسن ابتسم : كل عام وانتوا ب ألف خير .. المذيعه طالعت هيفا : و انتي يا هيفا ؟ هيفا : مشكورين ع الاستضافه الحلوه و عيدكم مبارك ... المذيعه : و انته يا علي ؟ علي ابتسم : عيدكم مبارك و عساكم من عواده العيد .. المذيعه : إذاً مشاهدينا الكرام تابعونا على نفس القناه و ف نفس الوقت مع ضيوفنا و الحين بنسير نضيف علي و حسن و هيفا ... نتلاقى على خير و مع السلامه ... يزوي : تصدقون يدوه قالت انها بتخطب ل حامد ... انا طالعتها ب استغراب : بس حامد ما يبا يعرس .... كااارهه العرس بدرجه فضيعه .. مريوم : يمكن غير رأيه ... دقت الخدامه الباب و قالت : مدام انوود ... قراند ماذر سااايز ذاات شيي ووونت يــوو .. انا نشيت : بسير عندها ... سرت لها ويا مريوم و يزوي و طلعت تبانا نعاونها ... . . . . . . ميره تكشخت لابسه دريس هادي بني .... و راسمه عيونها و مكثرة من الرؤوج الاحمر ... و مبطله شعرها كله .... سعيد لوى عليها : فديييييتج والله ... ميره ابتسمت : قوم ودني عند اهليه ... سعيد : اول شي بنسلم على اميه و عقب بسير انا وياج ... ميره : اوكيه ... لبست عباتها و تعطرت ... و نزلت .... غبيشه من طرف خشمها : عيدج مبارك ... ميره : كل عام وانتي بخير ... سعيد حب راسها : يالله مع السلامه اميه ... وصلها بيت يدي و نزلت هي وياااه ... يزوي كانت ظاهره لانها بتسير بيتهم تييب عباتها و حصلت ميره ... يزوي لوت عليها : اششتتتقت لج .. ميره : انا بعد ... يزوي : حياك سعيد اقرب .. سعيد ابتسم : قريب قريب .. يزوي ودته صوب الميلس : كلهم اهني .. سعيد : مشكوره .. يزوي : افا عليك يا النسيب ما سوينا شي .. سعيد ابتسم و دخل داخل عند الشباب ... ميره : شي وايد حريم داخل ؟ يزوي : يعني 9 حرمات ... ميره : اففف .. يزوي : بلاج تتأففين ؟ ميره : مابا اسلم عليهم .. يزوي دخلت : برايج .. ميره تمت واقفه برا ... و ف نفس الدقيقة ظهر حامد ... حامد تذكر يوم شاف صورتها و فاااار من الغيييض ... ميره اتصلت ل مترف .. مترف : ألووو .. ميره : هلا حبيبي .. مترف بدون نفس : عيدج مبارك .. ميره : فديتك هذا احللللى عيد لأنك ب قربي .. مترف : ايوا .. ميره : يالله باي .. انا بس حبيت اسمع صوتك ... مترف : باي ... بندت فونها و دخلت داخل عند الحريم .. . . . . . . "تعالي ابا اشوفج ... انا ورا بيتكم ب الضبط" مريوم طالعت المسج وٰ ابتسمت ... "تراك شفتني اليوم" "لا ماشفتج عدل" "انزين اخاف حد يشوفنا" "محد بيشوفنا حبيبتي ... والله متولهه عليج" "اممم انزين دقايق و بيي" "اترياج <3" لبست شليتها وٰ ظهرت .. يدوه : على وين ؟ مريوم : والله ما بسير مكان بس بتمشى شوي .. يدوه : تمشي بسرعه و دخلي .. مريم : ان شاء الله .. يدوه : يالله انتفضي ... مريم تمت ترررربع لين ما سارت ورا بيتنا و تمت تطالع وراها و تربعع .... ما انتبهت له واقف جدامههااا .. جان تدق صدره ب قوو .. مريوم طالعته : سسوري ... حمد ابتسم : دامها منج عادي ... تموا ساكتين ل فتره ... مريوم : اممم ما يووو قوم بانه و خالتيه ؟ حمد : يقول أبويه انه يابهم بس مادري جان وصلوا ولا لاء ... مريوم ب عفويه : فديت بانووه تولهت عليها .. حمد : والله ؟؟؟؟ تتولهين عليها وانا حليلي طررطورر جدامج مريوم : لا مب جيه ... حمد : عيل ؟ مريم تبا تغير السالفه : احبك انزين .. حمد : انا اكثثر يا هبله .. مريوم : مشكور .. حمد ابتسم .... مريم مشت بسرعه و غابت عن عينه .. . . . . . . |
آلسلآم عليج .. شحآلج ؟؟ روآيتج رووعه .. نترياج :* |
| الساعة الآن 12:04 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir