وطتّ رجليّ علىً دربه و لآآإ آإدريّ وشّ نؤوى فيني .!
 

وطتّ رجليّ علىً دربه و لآآإ آإدريّ وشّ نؤوى فيني .!


للكآإتبه :: ضَحِيًة حِبُيًبُيً

البارت الاول
على السآعه 8 الصبح فتحت عيونهآ على رنه المسج . .
" صباحيه مباركه يا عروسه "
ابتسمت مهره وودرت الفون . .
تلفتت يمين يسار . . كششت شعرهآ وقامت . . تغسلت و لبست عدل وحطت الشيله على رآسهآ بس بطريقه مظهره قصتهآ . . وظهرت من الحجره بدؤن نفس . .
كان فويهآ اول مابطلت البآب وصرخت : ييييييمه .!!!!!!!!!!!
اطالعها بنظره تخرع : خفتي . .
مهره بخوف اكثر بس بدون لا تبين : لا
سيف ابتسم واشر لها عشان تخوز من الباب . . خازت و بقهر مشت عنه ولا سوت له سآلفه ولا اعتبار . .. . وهو بالمثل راح الغرفه الي هي كانت فيهآ وتم يدور ع ـشي .!
سيف : مممم . . > بصوت عآلي
مهره وقفت عند الباب : ادور ع شي ؟
سيف : شنطتي الي فيها اغراضي وين .؟
مهره : انا حطيتها فالغرفه الثآنيه امس !!
سيف بضيج : من امسس !! وانا راقد امس بكندوره اترياج تنشين عشان اخذ اغراضي . . الله يسامحج . .
مهره بحيره : انزين قلتلك شذنبي يوم انك ما سمعت . .
سيف يطالعها بدون اهتمام : حصل خير . .
وطلع من الغرفه . .
انسدحت ع السرير وحاطه ايدينها ورى رآسهآ وهيه تذكر فالدرب شو دار بينهم . .
سيف : جؤوفي مهره . . انا عارف من عنود انج مغصؤبه عليه . . وانتي عارفه من عنود بعد اني مغصوب عليج . . اني احبج وانج تحبيني هذا شي بحد ذاته مستحيييييييل . . مستحيل اني احبج ومستحيل انج تحبيني . . مستحيل اني اتقبلج ومستحيل انج انتي بعد تتقبليني . . زواجنا عشآن ابوي جبرني و انا ماتعودت اقوله لا وابوي كبير ما ابي له يصير مثل ما صار في عمي . . وبعدين انا احب وحده وابوي مارضى اني ازوجها . . علشان امايا كانت مرمسه امج بدون شوري حزتها . . وقالي ابوي تاخذ الي امك اختارتها و عقب كيفك جان بتاخذ عليها الي تباها . .
مهره تقاطعه : لاا تكمل . . اعرف الي بتقوله شوو . .
سيف : لا بكمل . . ولا تقاطعيني . . ادري انج تعرفين . . لكن ما تعرفين كل شي . .
مهره تتافف بشويش وفي خاطرها " كمل يا مال الدحق " . .
سيف : راح نعيش شرات الاخوان . . او خليني اقول شرات الربع . . يعني الي تبيين تسوينه سويه انا مالي علاقه فيج . .
تقاطعه مهره بهدوء : شو قصدك ؟
سيف : لا تفهميني غلط . .انا اعرف انج متربيه عدل وانج مش راعيه حركات . . الي اقصده . . اطلعي وردي واستانسي ويا ربيعاتج ع راااااحت راحتج ما بقولج لا ولا تاخذين حتى شوري . . ارقدي نشي اسهري اظهري كلي الي تبيييينه ويخطر عبالج وما سويتيه في بيتكم سويه عندي . . وانا بالمثل طبعا . . ما ابيج تدخلين فـ ولا شي يخصني . . ولا حتى تحشرين نفسج فيه . . من البدايه خلينا نتفق . . رااح تشوفيني اكلم الي احبها لين ما نكمل فتره ع الاقل كم شهر وعقب اروح اخطبها . .
مهره بدون اهتمام : سو الي تبيه . . موافقتي يت لان ابوي ما راح يخليني اكمل دراستي فـ الجامعه لو ما تزوجتك . . وما راح يخلوني اتزوج بالاساس لو ما وافقت عليك انت بالذات . . امي ربيعت امك الروح بالروح . . و صاحت عندي امي اني لو ما وافقت بتخسر صداقتها الي من 40 سنه ويا امك . . ويوم طولت فالتفكير ياني ابوي معصب ويهددني لو ماوافقت راح ايلس فالبيت طول عمري لا دراسه لا جامعه ولا شغل . .
سيف مبتسم : يعني اتفقنا . .
مهره : اتفقنا . .
سيف : صح نسيت شغله . . راح نمثل جدام الاهل . .
تقاطعه مهره : ان نحن عايشين قصه حب ومستانسين وحياتنا ولا اروؤؤع . .
سيف : ايوووا . . عليج نور . . ويوم بتزوج الي احبها العذر بيكوون . .
تقاطعه : اني ما اييب عيال وحرام انت تظلم نفسك . .
سيف ابتسم ويطالعها وهو يسوق : عفيه عليج . .
ابتسمت بدون نفس . .
.
.
قامت من هالذكرى وهي تسمع صوت آآآآآه طلعت . .
ركضت صوب مصدر الصؤؤت وشافت مجموعه قلاصات الي فالمطبخ طاحن ع الرخام وانكسرن وفي كم زجاجه دشت فريله بالقو . .
ركضت صووب شنطتها ادور وادور لين يابت علبه صغيره وسارت صوبه وماسكه ريله بقوه . .
مهره : لا تتحرك ولا حركه . .
سيف بآلم مغمض عينه :آآآآآآآآآآه . . .
مهره مرتبكه : ويت ويت شوي . .
تبي تلم الزجاج المنكسر عشان تروم تقعد مجابلته . . ومن غير ما تحسس صرخت
مهره : آآآآي . .
سيف يطالعها ويشوف ايدينها كلها دم . .
سيف : اطاعو الغبيه بس .. يايه اداويني جرحت روحها . . احين بتداويني ولا بداوين روحج ؟
مهره تطالعه : ان شاء الله اقعد ع الهوى واداوي ايدك ؟
سيف : لا قعدي ع راسي . .
يحاول يطلع الزجاجه من ريله وهزبته وضربته بخفيف ع جتفه بايدها الي ما انجرحت . .
مهره : اتريا لا تسوي شي بروح وبرد . .
سارت غسلت ايدها بمآي بآرد و حطت عليه لززق . . ودورت شي تلم فيه الزجاج وحصلت . .
لمت الزجاج بسرعه بالمكنسه . .
ويلست قباله طلعت الزجاج بحذر وهو يتألم بقوه . .
على طول عقب ما طلعت الزجاجه عقمت ريله بـ سبيترو وصرخ اكثر لانه حرقه . .
سيف : انتقمي انتقمي مني . .
مهره ابتسمت : لو بنتقم جان دخلت الزجاجه ما طلعتها . .
سيف يبلل شفاته بتعب : خلصتي ؟
مهره : شوي بس . .
لفت ريوله بشاش خفيف . . وثبتته . .
مهره : احين خلصت !
سيف : انزين كملي معروؤفج وساعديني اقوؤؤم . .
مهره ما عرفت شو يقصد . . .
< ساعديني ؟ كيف يعني ساعديني . . ها يستهبل شوو . . يعني لو اقومه لازم اخليه يتكي علي . . ولو اتكا عليه يا بيمسك جتفي يا بيمسك خصري . .
مهره تطالعه : قوم برؤؤؤحك مافيك شي .!

البارت الثاني

سيف وهو ع الارض مد ايده : قوميني جي يالهبلا شفيج . .
< يعني بعد بمسك ايده ؟ اؤؤف . .يالله ماعليه ايده اهون ولا يمسكني هو . .
مدت ايدها بتقومه بس وين رامت على جسم ريال . . بدال لا تقومه هي الي طاحت ..
سيف يتنهد : لا حول ولا قوه . .
مهره تطالعه : انزيييييييين شسوي تتحرا روؤحك ريشه . .
سيف ابتسم : انزيين يالريشه انتي . .
وقوم روؤحه وبعدها مد ايده عسبت يقومهآ . . لكنهآ قامت بسرعه برؤؤوحهآ وطلعت من المطبخ . . استغرب حركتها بس ما علق ّ . . رآح الحجره الثانيه الي هيه حاطه فيها اغراضه وقعد يدور بين الاغراض ع بدله يلبسهآ . . طلع له اي بدله من غير ما يهتم لانه مستعيل . . لبس ع السريع وشل فونه وظهر من الحجره وهو يزاعق . .
سيف بصوت عالي : ميثآآآآ .!! " ضرب ايده ع رآسه . . : شت هاي مش ميثا
مهره فـ حجرتهآ سوت عمرهآ مآ سمعت . .
رد زقر بصوت آعلى : مهــــــــــره !!!
مهره طلعت من الحجره : هلآ| ؟
سيف عاقد حياته : مازهبتي للحينه ؟
مهره تطالعه باستغراب : ازهب ليش ؟
سيف : عشآن آنسير انسلم ع اهلي واهلج لان طيارتنا بتكؤؤن الساعه 1 الظهر. .
مهاري تشوف ساعتها تشير للـ 10 . . اطالعته بحيره . . وعقب قالت : نحن بنسآفر ؟
سيف : هيه بنسآفر ماليزيا اليؤوم الساعه 1 الظهر وبنرد عقب اسبوعين ونص . . شهر العسل . .
مهآري باستغراب : شهر عسل .!
سيف : ايوا بس تمثيل طبعآ . . احنا لا بنسآفر ولآ شي . . هاي مجرد قصه جدام اهلي واهلج . ونحن بنتم قاعديين فالشقه هذي لمده اسبوعين ونص . . ع اسساس انه نحن مسافرين . .
مهآري وتوها استوعبت : آهآآإآ .!!! اؤوكي . .
دخلت حجرتهآ وهيه تحس بضيج . . وتمت تكلم عمرهآ بصوت يا دوب ينسمع . .
مهره : اؤؤوكي يعني انا ما احبه وهو ما يحبني . . وموول ما قادره ابلعه ولا هو قادر يبلعني . . ووجودي وياه غلط . . والجو كله متكهرب بينآ . . ع الاقل نسآفر نغير جوو . . حرام اعيش شهر عسل صدقي . . طزز فيه ما ابيه يطلع ويايه . .انا ابا اسافر ابا استاانس ابا اغير جووو . . معقوؤؤله بتم عاايشه جي ؟ كل حياتي تمثيل ب تمثيل ..!! لا يخسي . . من يقرر يتزوج الي يحبها انا بودره وبطلب الطلاق . . وهو اوردي مآ يباني . . فـ عآدي بتسهل السالفه . . " عقب سكوت بسيط " انزين وامايآ ؟ وابوية ؟ شو بيكون شعورهم وانا رادتلهم مطلقه . . ابويه بينكد لي حياتي . . وامي بتتعسر علي . . هذا اذا ما اختربت علاقتها ويا امه واكون ما سويت شي بزواجي هذا . . اااااااه ياربي شسوي . . شسوي ؟
تنهدت بضييج ونكد . . وسارت صوب اغراضها تدور لها شي تلبسه . .
اما هو حطا راسه ع اليدار الي عند باب غرفتها وهو يفكر بكلآمهآ . . شو بيكون حالي وحالج . . كيف بنقدر نتكيف بالوضع هذا . . انا ماا ابي انكد عليج . . ولا ابي اعطيج حب وهمي . . دق ايده باليدار وراح ع الغنفه وهو يقول بصوت عالي . .
سيف : مهررررررررره تاخرتي !!!!!
مهره في حجرتهآ عاقده حياتها : شفيه هذا ؟ ما مداني 5 دقايق ويقولي تاخرتي . .
لبست لها لبس صباحيتها . . جلابيه نمريه . . لبست عليهن ذهب فرفشه . . تمكيجت مكياج خفييف . . وكثرت من البلاشر اللماعي . . نزلت قصتها ع ويهآ الدوآري . .ولبست الدبله الوهمية . . عقبهآ تمت تدور عباه تلبسهآ . . عقدت حيآتها . . وهيه محتاره بين اثنين . .
شوي واندق الباب .!
سيف : عادي ادخل ؟
مهره تطالع صوب الباب : هيه . .
سيف يطالعها . . وهو يسمي بالرحمن في خاطره . . ماشاء الله عليهآ حلوه . . و كشيخه . . وذويقه . . كل الي قدر يقوله : حيا الله العروس . .
ابتسمت مهره غصب : الله يحييك يالمعرس الوهمي . .وتمت تطالع لبسه . .
مهره : ليش لابس جينز ؟. . بعدك ف البلاد . . " بطريقه طنازه " مش ف مالييزيا . .وفوق هذآ انت معرس ما يستوي تسير لاهلك جي . . انا بعباتي وحاله وانت ببدله تحؤؤؤط .!
سيف عاقد النونه : عااادي . . " يبي يغير السالفه " ما خلصتي ؟
مهره تطالع العباتين : بعدني اتشاور اي عبايا البس . .
سيف يلس ع سريرهآ وشاف علامه الصدمه ع ويههآ مما خلاه يوقف . .
مهره : يعلك ان شاء الله . .
" وسارت صوب السرير وشلت شيلتهآ " واطالعته بنظره لوم . .
سيف بخؤؤف : اسسف .!
مهره : احمد ربك ما اتقرفصت وايد . .
سيف يحج راسه : انزيين الحمدلله . .
مهره ردت تشوف العباتين بحيره . . وسيف هالمره تحذر . . قعد ع السرير وقبلها تاكد انه ماكو شي ع السرير . .
سيف : وريني وانا بختار لج . . ذوقي حلوؤ . .
مهره وهيه شاكه فيه : يالله اختآإر . .
سيف : هآإي الي ع اليمين حلوؤؤه . . فيها كذا لون ومنعشه . . والي ع اليسار حلؤؤوه وفيهآ لون بني يلمع وبارز . . وانتي لابسه نمري بني . . يعني العباه هذي بتناسبج اكثر . . البنيه . .
مهره وهيه مقتنعه حييل : هيه والله . .
سيف يدق ع صدره بالقو : شعباالج . .
ابتسمت . . وسارت صوب التواليت . . تعطرت وآإيد . . وهو تام يطالعها من الجامه . . يابت صوبه الدهن عود وعطته . .
مهره : اندؤؤك . . حطه . .
سيف : ماله دااعي . .
مهره بحايب مرفوع : له داااعي . . عسبت نبين صج معاريس . .
سيف : انزيين . . وحطا له شويه ورد عطاها . . وعقبها ظهر من الحجره . .
6 دقايق ع التزهيبات الاخيره وظهرت من الحجره .. .
اول ما طلعت صدت يمين يسار ادوره ما حصلته . . قعدت ع الغنفه تترياه . . وشوي سمعته يزقرها . .
سيف : مهره تعالي شوي . .
سارت صوب مصدر الصوت وكان ف حجرته . . وقفت عند باب غرفته بحيره . . وشافته تام بفانيله و وزار ويقولهآ . . : اي واحد البس . . الكندورة البنية . . ولا السوؤدآ . .
مهره : اثنينهم حلؤؤين . . بس دامك اخترت لي البنية . . البس البنية . .
وظهرت من الحجره وهيه تبتسم ماتعرف ليش . . بدت تحس انها عروس . .وشوي شوي كلمت روحها فخاطرها . .
< ايه يا هبله شفيج . . نحن معاريسس وهميين . . المفروض ما اعيش الدور وايد . .
سيف في غرفته ويكلم رؤؤح ـه . .
؛< وبعديين احنا زواجنا مؤقت . .يعني لا اتعود عليها ولا تتعود علي احسسن . . من متى انا اخلي حد يختار لي الي البسه اصلا ؟
وطلع من الغرفه يطالعها بحيره . .
مهره : شفييك ؟
سيف : ماعندي عطر . .
مهره ابتسمت . . وسارت حجرتها ولحقهآ . . مدت له اكثر من عطر . . تعطر من كل عطر شوي . .
واطالع روحه فالجامه : شرايج فيني الحين . .
اطالعته من غير لا تتكلم . .
<< وسيم . . يجذب حييل . . من شكله له شخصية وهيبة . . الي يشؤوفه ما يقول عمره 22 . . يعطيه 26 او 27 . . او . . " قاطع تفكيرها "
سيف : شكلي جني ولد امس . . ولد 18 . . صح ؟
مهره بحايب مرفوع : هآ ؟
سيف بحايب مرفوع : صح ؟
مهره : هيه صح صح . . " تغير السالفه " يالله تاخرنآ . .صارت الساعه 11 ونص . . لين نوصل رااك . .
سيف : يالله انا زاهب . .
طلع قبلها من الغرفه وطلعت وراه . . قفل الشقه . . وعطاها المفتاح . .
سيف : خليه عندج . . بنرد دبي عقب ما نسلم عليهم . .
مهره خشت المفتاح ف شنطتهآ ومشت وياه . .
طوؤؤل الطريج سآكتيين . . خذوؤ ساعه الا ربع لين وصلو راك . . و لا حرف طلع منها و ولاحرف طلع منه . . مشغلين اذاعه القرآن وكل واحد فيهم يسمع . . او يسرح بفكره شوي . . اول ماوصلو صوب بيت اهله اطالعته بخوف . .
ابتسم لها : ليكوؤؤن خايفه ؟
مهره : هآ .؟ لآإ ابدآ . .
سيف : يالله ما بنطؤؤل بنسلم وبنطلع ماله داعي الخوف . .
اول مانزلو من السياره بلعت ريجهآ . . مشؤو لين الباب الرئيسي . . وقبل لا يبطلون الباب اتبطل لهم . .
ويت سلامه تربع وتحظن سيف : اششششششتقتلك مع انك امسس طالع من البيت . .
سيف : ياا مكرررج يا سلاموؤؤ . .
سلامه اطالعت مهره : حياااج مرت اخوووي . . اووه سمحيلي ما سلمت عليج . .
وتلوي عليهآ . . : يا حيالله من يانا . .
اول ما دخلو داخل ارتجفت بالقو ع الحركه الي سواها . .
<< انزين اوؤؤكي هيئني قبل . . مش تفاجئني جيي .. خلني اعيش القصه مش تخليني اتفاجأ فيهآ . . رصت ع ايده بقوه عشان تقرمشه باضافرها . . تبي توصل له رساله ان حركته بايخه . . اما هو اكتفى ان رص ع ايدها بقوة اكثر عشان يوصل لها رساله " عورتيني " اكتفت انها تطالعه بنظره مجرمه . . وهو بادلها النظره . . مما خلا سلامه تستغرب .!
سلامه : اعوذ بالله شو هناك . ؟
مهره تبتسم : ها اخؤؤج . . عليه حركات . .
سلامه بخبث : الله عليك يا العيااار . . شاد حيلك هاا . .
مهره بحيآ : عنود وين عيل ؟
عنؤد تي صوبهم : انا اهنيييي . . يا مرحباااااا الساع والله . . تو ما نور البيت . . واخيرااا . .
مهره فجت ايد سيف . . وهو احتقر الحركه . .
مهره تسلم على عنود وتحظنهآ . . وآيد تحب عنؤؤد . .قبل لا تعرف انها اخت سيف كانت صديقتها المقربه . .
عنود بصوت واطي : شوو صار ؟
مهره وهيه بعدها حاظنه عنود تفكر .. تقول ولا ماتقول ؟ . .
عنؤؤد : هيييه قولي الصدق لا تيلسين تألفين وتفكرين . .
سيف الي يا فجاه صؤبهم . . جنه حس ان عنود تبي تستدرج مهره . .
سيف : ها عنؤدو ام كشه . . كاشخه اليوم . . ولا عشان تبينين حق مهور انج اونج حلؤوه فالبيت . .
عنؤد تطالعه : اصلا مهؤؤؤر تعرف اني حلؤؤه دؤؤوم صح مهور ؟
مهره تبتسم لها : صح عنؤؤد . . ماعليج من كلام العذال ..
عنؤد : ههههههههه فديتج والله . . ما يغيرج الريل ابدا . . قدعه من يوؤمج . .
سلامه : بتمؤؤؤن واقفين جيي . . يلسسؤؤ . .
يلست مهره حذال عنود وسيف قعد ع زاويه بروحه وسلامه سارت فوق تزقر امها وابوها . .
شوي يا خالد " اخو سيف الاكبر 25سنه " صوبهم . .
خالد : السسلام عليكم معرسنآ . .
سيف يوايهه . . : عليكم السلام ورحمه الله .
خالد مستحي منزل راسه وصاد صوب مهره : شحالج حرمت اخويه ؟ عساج طيبه . ؟
مهره بحيا اكثر : الحمدلله طيبه طاب حالك . .
خالد : حياج بين اهلج . . لا تعدين روؤحج غريبه . . امرره لو سيف رفع صبع السبابه بس عليج دقيلي رنه . . بييج لين عندج وبمرغه جدامج . .
مهره : ههههههههه ما تقصر . .
سيف مبتسم . . : ويين ظاهر شكلك
خالد : هيه والله ساير العزبه . .
سيف : علؤؤؤم الهوش والبوش ؟
خالد : يسلمؤؤن عليك . .يقولون وين سيف مايا صوبنآ . .
سيف يقؤم لانه شاف امه نازله من الدري تهلل وتبارك . .
وتم يطالع مهره بنظرات مش مفهمؤؤمه . . وهيه مستغربه تقوله بصوت واطي شو ؟
سلامه تي صوبها : انا فهمت . .يقولج سيري حذاله . . مشتط الريال . .
مهره تضرب سلامه ع جتفها بشويش : مستخفه انتي . .
مهره تطالع عنود : اسير ؟
عنؤؤد : هييه سيري شو تتريييييين . .
مهره تسير حذال سيف . .
شوي وتي امه . :. يا حيا الله من يانا . . ياا الله فديت شوفتكم عندي كم تسوى . .
سيف يبوس راس امه . . وامه يت صوب مهره وتبوسها وتحظن فيهآ . .
خالد يقوم : امايا ابويه مطول ؟
ام سيف : ابووك ظاهر من عز الصبح و قومك الف مره انته ما نشيت . . قال بيي ع العشا
خالد : اووه عيل تترياني حريجه فالعزبه . . يالله عيل انا اترخص . .
الكل : مرخؤؤص الله وياك . .
قام عقبه سيف واطالعته امه بنظره : ويديييه ؟ وين ساير ؟؟
سيف يطالع مهره : يالله نششي !
ام خالد : وييين تمشي البنت ؟؟؟؟
سيف : بنسسير امايا نسلم على اهلها قبل السفر . .
ام سيف : تحمل على بنت الغاليه . . ما اوصييييك فيها يا سسييف . . خلو ايدكم في ايد بعضض .!!! لا تفارجون بعض دقيقه . .
عنود : اعنبؤؤؤؤؤؤه متى الطيآ‘ره ؟؟ اتريو اشويه . .
سيف : طيارتنا عقب ساعتين ! يا دوب يمدينا نسلم على قوم عمؤه ( ام مهره ) ونسير المطار . .
سلامه : سيفوووه شو بتييب لي ؟ " تطالع مهاري " ما اوصييج . . مكياج شنط . . فلسسيه . .
ابتسمت مهره : ان شاء الله . .
عنود تحظن مهره : بتوحششششششيني . .
مهره تحظنهآ بقوه مما خلا عنود تششك شوي . .> صديقتها وتعرفها عدل . .
عنود تخوز مهور من حظنها : مهور ؟ فيج شي ؟
مهره : سلامتج . . . دعوااتج بسس . .
عنود : ما بعديها لج . . بعرف السالفه . .
سيف يطالعهم بحذر .. يخاف مهره تزل بحرف . .
ام خالد في خاطرها تقول " فديته كيف يطالع حرمته . . شكلها دشت خاطره " . .
ماتدري المسكينه انه خايف .!
سيف : يالله مهره مطوله !
عنود : الله يعينج عليه هذا تدرين . . اي شي يسويه اصفعيه كف سكتيه . .
ضحكت مهره . .
سيف : عيبتج يعني . .
وسسحب ايدها وسار صوب امه . . سلمو عليها هم الاثنين وطلعو من البيت . .
اول ماطلعو من البيت خوزت ايدها بشكل سريع . . صدلها بعصبيه . .
سيف : ششفيج ؟؟؟ ع الاقل تحملي لين نطلع من البييت . . .
مهره تطالعه بنظرات قهر ومشت بسرعه صوب السياره . .
عنود كانت تراقب من البلكونه واستغربت وايد من الحركه الي صارت . .!
< لاالالالا في شي .!!! انا متاكده في شي . . ولازم اعرف شسالفه !!
ركبو السياره وكل واحد فيهم ساكت ولا ينطق بحرف . . رن تلفون سيف على رنة . .
" قبلك فؤادي انا غارق فاحزانه واليوم حبك ترى نساه حرمانه . . يا تاج راس محبك . .يا تاج فوق الراس "
تنهد واسترخي ورد بسسرعه .. : مرحباا السسسسساع .!
ميثا : مرحباني بهالصصوت . . شحالك حبيبي ؟
سيف وهو مبتسم ومتجاااهل مهره ( بدون ما يتعمد ) : بخييير يعلني فدى هالحس . . وانتي شحالج حبيبي ؟
انقبض قلب مهره وصدت صوبه تطالعه بنظرات عصبيه . . بس هو ابد مشش منتبه لها . .
ميثا : ويين الي بيتصل بي عقب ما يطلع من الكوشه ؟
سيف : اسمحيلي حبيبي والله رديت تعباااااان ورقدت . .
ميثا بحيرة : ما صار شي مني مناك ؟
سيف بحزم : مسسسسسسسنحيل !!!!!!!!!!!!!! ولاتيبين لي هالطاري مره ثانية
ميثا : سوري حبيبي بس والله عشت بوسواس قلت يمكن يصير شي
سيف : خلي عنج هالرمسه انتي تعرفين ليش تزوجت انا
ميثا : وانت وين الحينه ؟
سيف : توني طالع من بيتنا . . " يضحك " هههه على اساس انه اونه بنسير شهر العسل . .
ميثا : هههههههههه . . والله ؟ ومشت عليهم كلهم عاده ؟
سيف : مششت ليش ما تمشي . .
غمضت مهره عيونها بحرقه وصدت صوب الجامه . .
< انزين ادري اني مجرد حقيره في حياتك . . خذتني بس جي . . بس لا ترمسها جداااااااامي . . احترررمني والله بس احترمني . . بزواالك انت وياها والله انكم ما تهموني بسس عيب والله عيب . .
كتمت الشهقة الي فيها ورصت ع ايدها بقو . . كانت تقرمش ايدينها بدون ما تحس عشان تشفى هالغليل وقلة ادب ها الي حذالها . .
ميثا : وينها مهره عيل الحين ؟
سيف الي توه حس صد يمين : اهني احذالي بنروح دبي الحين الشقه . .
ميثا مبتسمه : بشوووفك اليوم ؟
سيف : هيه حبيبي بشووفج . . ليش ما شوفج ؟
ميثا : انزيين حياتي . . خلاص عشان ماتكرهني حرمتك اكثر ههههه ببند . .
سيف : ليش تكرهج . . لازم تستوون حبايب . .قريب بتستوي عديلتج . .
ميثا : ياااااااا الله يا حبيبي متى هاليوم بسسسس . . والله ما اخليك عندها دقيقه . .
سيف : حبيبتي انتي والله . . قريب ان شا ءالله قريب
ميثا: الله يسمع منك . .
سيف : خلاص حبيبي بكلمج بعدين . .
ميثا : طمني اول ما توووصل . .
سيف : من عيؤؤني . .
ميثا : فديت عيونك يالله حبيبي باي . .
سيف : مع السسلامه فديتج . .




مـآ يهزنـي ريـحمشاهدة الملف الشخصيعرض كافة مشاركات مـآ يهزنـي ريـح

بحط الروايه كامله يوم اشوف تفاعل وياي وردود تونس :eh_s(1)P:

البارت الثالث


في بيت بو سيف . .
ام سيف : هاا يا بنات ما علقتن ؟؟ شوو شفتن الوضع ؟
عنود : ما يبشر بخيير . .
ام سيف : هيييييييي انت سكتي شوو عرفج . . انتي شو تقولين يا سلامه ؟
سلامه : انا اشوف ولدج جنه اول مره في حياته يشوف بنية !! اعنبوو اعيونه عليها وين ما تروؤح . . وبالذات يوم مهره كانت ترمسس عنودو باندماج .. عيونه شوي وبتدخل بنيهم . .
عنود في خاطرها " ايوووا شكله خااف انها تقولي شي . . لالا السالفه فيها أنّ "
ام سيف : الله يهنيييهم ان شاء الله . .
عنود : ان شاء الله . .
سلامه : عيل وينها سمؤؤي ؟
عنود : اففففففففف بركه . . ان شاء الله راقده وفاكتنا من مشاكلها . .
سلامه : هيه والله صدقتي .. نوم الظالم رررررررررحمه . .
ام خالد : عيب عليكن ترمسن على حرمت اخوكن وهيه مش ويانا . . يالله قووومن من اهني اشوف . . بيوني حريم احين .. عندنا رمسات كبار . .
سلامه وعنود يطالعون بعض . .
ام سيف: ما يخصصصه . .ماشي عرس ولا هالمواضبيع .. ارتااحن . ..
سموي وهيه توها تنزل من ع الدري . . : السلام عليكم . .
عنود وسلامه يتأففن بهدوء : وعليكم السلام
ام سيف : وعليكم السلام والرحمه . . وين اميي . . توه مهره وسيف عندنا . .
سموي بدون نفس : والله ؟ كنت راقده عمووه . .
ام خالد : هييي . .يالله بتشوفينهم عقب ما يردون من السفر ان شاء الله
سموي : ان شاء الله . . عموه خالد طلع ؟
عنود : هييه طلع . . ما تدرين عن ريلج شووو ؟
سموي وهيه مطنشه عنود : عموه متى طلع خالد ؟
ام سيف : مال نص ساعه جي تقريببا . . تعالي امي ايلس كلي . .
سموي : لا عموه بقول للخدامات ييبون لي الاكل فوق
ام سيف : ع راحتج . .
سارت عنهم فوق .. ولحقوها البنات بيسيرون غرفهم ..
" في السيارة "
سيف : ليش ساكته ؟
مهره تصد لها بقهر : من متى اسولف وياك اصلا .؟؟؟
سيف : بل بل . . حريجه . . انزين خلاص اعنبوه . .
شوي ووصلو بيت اهلها . .
دشت البيت قبله و تأفف من حركتها . .
دشت وهيه تزاعق : السسسسسسسسسسسسسسسلام عليكم . !!!!!
ام عبدالله ( امها ) : تعالي اميييي تعالي انا اهني . .
وتربع تسير صوب امها واطيح ف حظنها . .
ام عبدالله : وييديه شوي شوي يا امي . . انتي حرمه الحين . .
مهره : اي حرمه اي بطييييخ . .
ام عبدالله : وين ريلج عنج عيل ؟؟
يدش سيف : هود هوود . .
ام عبدالله تقوم : هدا هدا . . اقررب ابويه . .
سيف يبتسم ويبوس راس عمته : شحالج عموؤؤه ؟
ام عبدالله : بخير فديتك وانته شحالك ؟
سيف : الحمدلله عموه بخير . .بس من بنتج مش بخير . .
ام عبدالله تطالع بنتها بنقمه : ويديه . . مهررررره ؟
مهره تطالع سيف بكرره : ماعليج منه جذاااااب . .
سيف وهو ميود ضحكته " انا بروايج كيف الانتقام يكون " : عمووه كله تصارخ علي . . والله ياعموه وانا احلف لج . . اقولها فالسياره ليش ساكته . . زين ما نط لها عرج . . صرخت علي من قمت راسها تقولي من متى اسولف وياك . . هاي رمسه حرمه تنقال حق ريلها ؟
ام عبدالله تطالع مهره : خووزي من اهني ( حظنها يعني ) .. هاا الادب الي علمتج اياه . .
مهره وهي مغمضة عينها : لا اله الا الله . .
سيف يضحك : ههههههههههههههههههههه . . ماعليه عموه بتحملها بتحملها ..
مهره وهي متجاهلتنه : وين خواتي امي ؟ وين عبدالله و ناصر ومنصور ؟
ام عبدالله : ناصر ومنصور سايرين البر . . وعبدالله اخوج شال عياله و خواتج وسايرين يتمشؤؤن ف المول وبيتغدؤؤن اهناك . .
مهره : اعنبوؤه ما تريوني لين اي واسلم عليهم . . > بوزت
ام عبدالله : يا امي طيارتج باجر بتشوفينهم العصر ولا المغرب . .
سيف : لا عموه طيارتنا اليوم عقب ساعه ونص . .
ام عبدالله : عيل لييش ناصر قايلي انه باجر !
سيف : انا قلتله انه اليوم بس شكله نسى . .
ام عبدالله : وزهبتو اغراااضكم ؟
سيف : هييه عمؤؤه خلصنا . .
مهره ما حبت الوضع انها تجذب على امها وجي . . اكتفت بابتسامه بارده . . وردت حظنت امها . .
سيف حس شوي . . بس تم ساكت . .
ام عبدالله : الله يعينك عليها .. عاد بنتي دلوؤؤؤعه . . اكبر وحده من بناتي وبعد دلوؤؤعه
سيف مبتسم وبثقه : وما بنقصر عليها ان شاء الله . . بتم مدلعه ومعززه ومكرمه . .
ابتسمت مهره باستهزاء وقامت من حظن امها . .
سيف : يالله مهره نشي يادوب نلحق نسير المطار . .
مهره تبوس راس امها : يالله امي تحملي ع روؤؤحج ولا تنسين ادويتج . . دخيلج لا تودرينها . . وهالله هالله ف خواتي . . لا تضغطون عليهم وااايد . . وابوي بعد ذكريه ب ادويته تدرينه وايد ينسى . .
ام عبدالله : لا توصين يا امي . . ان شاء الله من عيؤؤؤني . .
مهره : وعيال المرحؤومه حرمت عبدالله . .
ام عبدالله تقاطعها : يا امي لا توصيني على عيالي ولا تحااااتين .. خلج مستانسه بسس . .
مهره بابتسامه بارده : ان شاء الله . . يالله امي بنسير الحين . .
وباست امها وباس سيف راس عمته وطلعو . .
ام عبدالله وهي ماسكه قلبها : بنتي مش طبيعيه . . . .
" فالسياره "
تركب وتغمض عينها بسرعه . . تكتم الدموع الي ودها تنزل . .
صد صوبها ماعرف شو يعلق او شو يقول . . حس انه بيظلمها وياه واايد . .
< لا تحيريني يا مهره دخيلج لا تحيريني . . ماباا اظلمج وبنفس الوقت ماابا اعشمج ب شي انا ماروم اسويلج اياه . . انا قلبي بس ل ميثا . . انا قلبي مكتوب باسمها مستحيل في يوم اقدر اعطيج حتى لو جزء منه . . هيييه اول واخر انسانه احبها . . مااا اقدر احب غيرها . . انزيين ليش ما اسعدها لكن مش بالحب ؟ خل نطلع ونستاانس . . ترى نحن نفس الربع . . بنعيش نفس الربع . .! لازم نستانس مع بعض ونعيش حياتنا . . سالفه الطلاق لازم نتكلم فيها . . مستحيل اطلقها واخليها تعيش طول حياتها ع اساس انها مطلقه . .!!! بس يمكن تحصل واحد احسن عني ويعوضها . . ماادري ماعرف شو افكر . . بس لازم نتكلم اانا وهيه فالموضوع . .
صد صوبها علشان يفاتح ـها بالموضوع بس شافها تغشت بالشيله وصدت صوب الجامه . . فهم انها بترقد . . ! حرك السياره وسكت . . اما هيه خلت دموعها تنزل على راااحتهم بدون لحد يحس او يسالها شفيها . . !
.
.
عبدالله يرمس فون : ها رواضي ؟ وينكم ؟
روضه : اهني صوب الالعاب . . بنتك وفوي مش راضيه تنزل من اللعبه . .
عبدالله : قوليلها بابا بيضربج ضرب . .
روضه : تعااال انت صؤؤبنا ..
عبدالله : يالله ياي . . و جسوم وينه ؟
روضه : جسوم ويا عذووؤر تلعبه سيايير . .
عبدالله : اتصلي فيها واتيمعو مكان واحد عسبت نروح . .
روضه : يالله اوكي . .
عبدالله : باي
.
.
.
نآصر : اتصدق انا قلت حق امي ان طيارت مهوور باجر ؟ واثاريه اليوم ؟
منصور : احين انا قلت بتقول شي مهم . . انزين شوووووو يعني . . امك بتدري بتدري . .
نآصر : مآ آتصلنآ انغلس عليهم شويه . .
منصور : عندك رقمه ؟
نآصر : هيه .. احين بدقله . .
ويدق ويحط سبيكر . .
سيف يرد ومبتسم : مرحبا النسسيب . .
ناصر : ووووشششحالك بو هناد ؟
سيف : بخيير يسرك الحال ومن صؤؤؤبك ؟
ناصر : امرره الامور طيبه تسسرك . .
سيف : الحمدلله . . ييناكم اليوم ما حصلناكم . .
منصور : شردنا عنكم . .
سيف : ههههههه يا زيييييييين هالصوووت . .
منصور : امفف عليك . . مش كافتنك حرمتك يالس تتغزل بصوتيه
سيف : مش اخوها انته لااازم . .
مهره من سمعت اخوها خوزت الغشوه وصدت صوب سيف . .
سيف ابتسملها ودق سبيكر . .
سيف : اييه لا تسب ها . . حطيتك سبيكر ترا . .
ناصر : مهوووووووووووووووووووووووووووووووووووووووووووووووو وووووور
مهره بدون لا تحس مسكت ايد سيف علشان تقرب الفون صوبها : يا لبييييييييييه . . حي هالصوت
ناصر : ووووووشحالج ؟؟
مهره : بخيير من سمعت هالحسس والله . .
منصور : حسسستوني جنه من سنه ما شايفين بعض . . ولا جنه امس كانت عندنا . .
مهره : منصوووووروه انته اهني بعد . .
منصور : لا اهناك هااهاهاهاهاها . .
ناصر يطالع منصور : بخصوص السخافه ؟
سيف : نضحك مثلا ؟
ويضكون كلهم . .
ناصر : هاا وين رايحين ؟
سيف : المطاار . .
منصور : والله ؟ بنيييكم عيل . .
سيف ومهره يطالعون بعض ومع بعض قالو : لالالالالالالا ماااله داعي . ..
منصور : بل ؟
ناصر : شعنه ما تبونا نيكم . . ؟
سيف : حق شو العباله . . ما يحتاي والله . . نحن بنكون مشغولين بالاجراءات وجي مش متفيجين نقعد وياكم . .
منصور : هيه صح معاريس بعد ما يستوي نخرب عليكم . .
مهره : نصور . . منصور . .ما ااوصيكم في امايا وابووويه . . دخيلكم لا ترفعوون ضغطهم . .
منصور : عاد شو بيسكتها احينه . .
ناصر : ان شاء الله لا توصين فديتج . . انتي اهم شي استانسي ولا تحاتين شي . .
منصور : خلاص بند . . احس اني ثجيل ومخرب الجو . . هههههههههههه
ناصر : هههههههه . .
سيف : لا عادي خذو راحتكم . .
مهره بصوت واطي : امحق جو . .
سيف اطالعها . .
مهره : شوف شوف جدامك لا تدعم فينا . .
ناصر : اووه شغالين ونحن ع الخط بعد . .
منصور : ههههههههه بند يا ريال اسميك لزززقه عنزروت مسستوي . .
ناصر : خلاص بو هناد بنخليكم عيل . .
سيف : اوووكي .. لا تقطعونه عاد . .
ناصر : اول ما اطلعون رقم اتصلو فينا خل نطمن عليكم . .
سيف : ان شاء الله . .
ناصر : فمان الله . .
سيف : فمان الكريم . .

البارت الرابع


عقب ما بند . .
سيف : تصدقين نسيت سالفه الرقم . .
مهره بطنازة : عاادي ما يغلبك شي . .
سيف يطالعها : انتي اييييييييه . . بصصفعج ترى . .
صدت صوبه ماتعرف هو يسولف او يرمس جد . .
سيف ابتسم : امزح امزح لا تخافين . . خذذذذذذذي راحتج جني واحد من ربعج . .
مهره ما سوت له سالفه وطنشت . .
سيف : ياخي سولفي ! قسسم بالله طفران ورانا درب . .
مهره : ماعندي سوالف وماااابا اسولف اسكت فكنا . .
سيف : مامنج فايده . .
شل تلفونه دق حق حبيبت القلب بس ماردت عليه . .
طنش وكمل دربه . .

.
.
.

عذاري : وااي عبود يالله خل نرد البيت والله تعبااانه . . عيالك شيبووووني
روضة ماسكه ايد وفوي : شياااااااطين الله يحرسهم . .
جسوم متعلق ف ريول ابوه : بابا ششلني . .
عبدالله : بابا وين اروم اشلك المفروض انت تشلني الحين . ." وشل ولده "
عذاري تطالع وفوي : تعالي حبيبتي بمسك ايدج . .
وفوي : لااااا . . انا بمسك ايد عموؤؤؤه رووضه . . ماحبج انتي
عذاري : يا مكررج انتي . . " تطالع روضه " وااايد متعلقه فيج بشكل كبير . . الله يعييينها ع فراقج يوم بتعرسين . .
روضه : والله ريلي اذا بغاني يرضى في بنت اخوي قبلي . . ولا ما اباه الريل . .
ابتسم عبدالله وصد صوب روضه : انا ما بخليج اتشلين بنتي اصلا . .
روضه : عقب 5 سنوات وانا اربيها تقولي بتششلها عني ؟ والله نجؤم السسما اقرب لك . .
شربكت وفوي ايدها ب ايد روضه اكثر . . وسبقتهم روضه . .
عذاري اطالعت عبدالله وتبادلو الابتسامات ومشو بيردون البيت . .
.
.
.

عنود : شرايج نتصل فيهم ؟
سلامه : ياخي انتي لج بارررررررررررض . . شو تبنهم خليهم معاريس يا امي . .
عنود : افف مايخصج انتي . . شلت تلفونها واتصلت ع مهره . .
مهره من شافت الرقم تنهدت وردت ع طول : حي الله العنؤؤد . .
سيف صد صوب مهره : اختي ؟
مهره تهز راسها بمعنى " هيه " . ..
عنؤد : عيل لو مش اخته منو بكون . . شغالته مثلا . . شحالج ؟
مهره مبتسمه : يسرج الحال . . وانتي شحالج . .
عنود وهيه تطلع من حجره سلامه متوجهة لحجرتها . : اتريي شوي . .
اول ما وصلت حجرتها قالت : ألوؤؤؤؤؤؤؤؤؤؤؤؤه
مهره : اعووووذ بالله . .
عنود : ترا سلامو كانت ويايه وما خذت راحتي وجي . . المهم ماعلينا شحالج صدق صدق
مهره : الحمممدلله يختي . . كم مره اعيد . .
سيف يسوق وهو اذنه وياهم . .
عنود : مهور جاوبيني ب هيه او لا . . في شي صاير صح . .
مهره ابتسمت " عنود ما بتودرها يعني ما بتودرها . . بتم جي لاصقه . . وانا ماروم اخش عنها شي . . جي ولا جي بقولها . . ف ليش احرق اعصابها اكثر . . بس في واحد شوي وبيدش ف السماعه "
مهره : هيه . .
عنود : ايووووووووووا مثل ما توقعت . . شو الشي . .
مهره : لا والله .؟
سيف حس ان الرمسه تحولت لالغآز . .
صد صوب مهره : انزييييييييين . . حبيبي وين تبينا نتغدى ؟
مهره وهيه ما بلعت حركته وتحس بتعطيه طرااااااااااااااااق . . اكتفت بحاجب مرفوع وقالت : بنروح المطار حبيبي ولا نسيت ؟
عنود عقدت حياتها . . حبيبي ؟ من متى !!!

سيف : انزين حبيبي لين متى بتمين قابضه الفون . . بس عاد . . " وبنبره خبيثه " بندي . .
عنود حست بالاحراج : آ آ آ آ > مال ارتباك . . انزييين مهور ببند بدقلج عقب . .

طوط طوط طوط . .
< لييييش يا عنود بندتي . . والله كان خاطري اشكي غليلي واقولج عن سواد ويه اخوج . .
نزلت السماعه من اذنها و اطالعت سيف بنظره قهر : سخييف . .
ضحك سيف من قلب وكمل سسواقه وهو مستانس . .

تقريبا ساعه و شوي وصلو الشقه . . عطاها المفتاح . .
سيف : ادلين الشقه وين صح . . الطابق الـ سادس غرفه رقم 2
مهره " تقاطعه " : اع ــــــــــــرررررررررررف .!!!!
وسكرت باب السياره بقوه . .
اول ما شافته غاب عن عينها تنهدت . . تمت تمشي بهدؤؤؤء . . تدور شوي ع البناية . . منظرها وايد راقي . . والمسبح شكله رؤؤؤؤعه . . ألوآنه هاديه . . و الشمس عاكسه عليه . . سارت صوب المسبح وتمت تلاعب الماي بايدينها . . تحركه يمين . . يسسار . . يمين . . يسار . . غمضت عينها وهيه تستمتع بهالجو . . ما حست بـ الربع ساعه الي مرت ابد . . وصلها مسج مما خلاها تنش من ع المسبح . . ونشفت ايدينها ب عباتها وقرت المسج . . " مهووور ؟ ركبتو الطياره ولا بعدكم ؟
مهره تضرب ع راسها وتشوف الساعه ( وتقول ف خاطرها ) شششت !!! المفروض طيارتنا اونه طارت الحين . . ان شاء الله ما تزخني عذور . .من الله مخ عليها . . لازم اغلق الفون الحين . . بس خل اتصل حق هالغبي اقوله اول . . ا
اتصلت فيه شافت فونه مبند . . : يوووولي . .
قبل لا تغلق الفون طرشت مسج حق عذور " طيارتنا تاخرت . . الحين بطير الطياره وبغلق الفون . . سلمي ع الكل . . ومن نوصل بطرشلكم مسج . . لا تحاااتوني ! .. احبكم واايد . .
وغلقته بسرعه وفرته فالشنطه . .
تتتتتتتتتترررررراششششششش
مهره صدت ورا شافت ان التلفون طاح فالمسبح بدل لا يطيح فالشنطه , .
< وش هالبليه ياربي . . شوو الحل الحين . . . راااح البي بي ملح . .
حاولت تنزل ايدها صوب المسبح بس ما راامت . . وايد عميق . . وفي عز المحاولات ومن غير ما تحس . .اندغششششت واتشقلبت ع المسبح وطاحت فيه . .
< ياوييييييييييلي . . " تشوف ايدها " الهاند باق غرقان وياي . . راحت فلوسي . . راح مكياجي . . راح كل شي حلؤؤؤؤ فالهاند باق . . اهي خاربه خاربه . .
تمت تسبح عسبت تيب البلاك بيري . . من عقب ما وصلته . . شلته وطلعت ولا جنه شي استوى . .
كااان شكلها اكسسسسسسس ! بكبرها ماي والشيله مرصوصه ع راسها لان الماي يبسه . . وغير شنطتها تقطر . . لكن الي محلي السالفه . . ابتسامتها الي ماتعرف شو سببها . .
مهره وهيه شاقه الحلج تكلم عمرها : امحق شهر عسل . . امحق ماليزيا . . " تسوي مالت ع عمرها "
< الحين بالله انا كيف بدش جي ؟ اخاف ادش اللفت اتكرهب واموووت . . خل اقعد اتشمس شوي . . لين يهدى وضعي شوي . .*

البارت الخامس


عقب 3 ساعات . . بدت تعطس وتحس بالبررد . . . الجو اليوم ع حظها مش مشمس وايد . . . وبررررد . . .والهوا كل شوي يبرد اكثر . . ماعرفت شو تسسوي . . خطفت حذالها وحده . .



:: الغاليه فيج شي ؟
مهره بنبره تعب : لا فديتج بس طحت ف المسبح ومش رايمه ادش داخل . . وتلفوني ما راضي يفتح ابا اتصل في " بلعت ريجها " ريلي . .
البنت طلعت لها تلفون : اندؤؤؤج فديتج خذي راحتج . . . انا بقعد اهناك . . " تأشر لها " بطلب لي عصير وبرد لج . .

مهره : ههه واثقه فيني وااايد . . تخيلي ما اهف فونج . .
البنت : من صوووبج . . دامج بنت زايد هاي مش من سواياج . .
مهره : والنعم ف مذهبج . .
البنت : يالله برؤؤوح وبردلج . .
ابتسمت لها مهره . . ويايه بدق . .
مهره : هاا الغبي انا ما اعرف رقمه اصصلا . . واصلا صح انا دقيت له وكان فونه مبند ّ! ولو اتصلت ف خواتي بيقولون لي انتي ما سسافرتي للحين .!! لا حول ولا قوه الا بالله . .
تجدمت مهره بتودي الفون حق البنت . . .
مهره : الغاليه . .
البنت ابتسمت : اسمي شوق . .
مهره مبتسمه : عاشت الاسامي . . وانا اسمي مهره . . . وهذا تلفونج . .
شوق مستغربه : رمستي ؟
مهره : لا خلاص ماله داعي . .
شوق : انتي ساكنه اهني ؟؟
مهره : هيه عندي شقه . .
شوق : مأجرينها ولا شارينها . .
مهره : لا شارينها . .
شوق : كشششخه . . لاني انا توني شاريه شقه انا و ريلي بعد . . وماعرف حد اهني . . بكون يارتج ان شاء الله . .
مهره ابتسمت : ياا لبى والله . . اتشرف فيج . .
شوق : اي طابق ساكنه ؟
مهره : السادس . .
شوق : وانا فالخامس . . رقم الشقه 24 وانتي ؟
مهره تحاول تذكر . . سيف قالها ان الرقم يبدا بـ 2 .! بس هيه قاطعته وما خلته يكمل . .
مهره : والله ماذكر . .
ضحكت عليها شوق : فالحه . . ايلسي بعزمج ع شي دافي . .
مهره : بتاخذيين اجر فيني . .
شوق : انزين شرايج لين يخلص تروحين تسألين الرسبشن عن رقم الشقه . . عطيهم اسم ريلج وبيعطونج رقم الشقه . . و سيري بدلي ملابسج وتعالي لي اهني . .
مهره : هيه والله فكره . . يالله دقايق وبرد لج . .
شوق مبتسمه : بتريااج اهني . .
مهره : اوكي . .
وراحت مهره عنها الرسسبشن . . سوت الي قالته شوق وعطوها رقم الشقه . . وقالتلهم انها مضيعه تلفونها وتبي تتصل ف ريلها . . طلعو لها الرقم من الكمبيوتر ودقولها . .
::: ألوؤؤه . . ؟ " تضحك " ههههههههههه حبيبي والله بتتصفع . .
مهره انبلع لسسانها وبندت . .
اطالعها اللبناني الي يشتغل ف الرسبشن : فيكي شي ؟
مهره تطالعه : انت شكلك غلطت ف الرقم . . تقدر تتصل مره ثانيه ؟
اللبناني : تحت امرك . .
ورد اتصل . .
::: ألوؤؤؤؤؤؤه منوو ؟؟؟ ألووو . . " لمده 19 ثانيه " الووو والله ببند . .
سيف : ميثاني هاتي الفون انا بشوف منوو . .
ابتسمت مهره وبندت مره ثانيه . .
استغرب اللبناني بس ما قال شي . .
اتنهدت وابتسمت للبناني وقالت له : مشكور خيوؤ ما قصرت . .
ما رد عليها . . احتار وتم يفكر .. يا ترى شو صار ؟
.
.
.

سيف : ألؤؤ ؟؟ ألوؤؤؤ ؟
ميثا : بندوؤؤ ؟
سيف : هيه مبندين . . خ ـيولون . .
ميثا مبتسمه وتلعب بشعره . . : متى بتخطبني . . ؟
سيف : توني عااده ثاني يوم ع عرسي . . اصبري شوي . .
ميثا: انزين ف المحكمه ع الاقل . . مش لازم كل حد يدري . .
سيف : يعني حبيبي صبرنا كل هالمده ما نصبر شوي ؟
ميثا : مستعيله . . ابا احظنك . . ابا البس الفستاااان الابيض . .
سيف : يا لبيه ع الفستان الابيض . .
ميثا : الله يجمعنا قريب ان ششاء الله
سيف : ان شاء الله حبيبي . . الله يسمع منج . .
" يشوف الساعه "
< مم . . انا غالق تلفوني عنها . . ورقمي الثاني هي ماتعرفه !! . . كلت ولا ماكلت . . يمكن فيها شي ؟ شو بيكوؤؤؤن فيها يا حسره . . معززه ومكرمه فالفندق ولو احتاجت شي بدقلهم وبتطلب الي تبيه . . وانا حاطلها ع الطاوله ظرف متروس فلوس . .
ميثا : هاا الي ماخذ باالك . .
سيف : محد ياخذ بالي غيرج . .
ميثا : يعت انا حبي .! قوم ناكل . .
سيف : يالله احين بوديج احلى مطعم ف دبي . .
.
.
.
مهره منسدحه ع الغنفة وتتكلم بصوت مسموع وتطالع غرفته : والله انا ما احبك . . ولا حارقه عمري على شي . . بس انت وصخ . . مش قادره اتخيل اني انا قاعده ويا واحد وصخ . . قاعد ويا بنت . . حتى لو تحبها . .حتى لو تحبك . . شهالقذذذذاره . . بعدكم مش محللين ل بعض . . وكل واحد يتميع للثاني . . استغفر الله . . اعووذ بالله من هالامور . . انا اعيب ع خلق الله ! والله يبليني ب ريل وصخ و بهالمستوى !!!!! الله يكؤؤن بعوني والله . .
تمت منسدحه ومنسدحه وتتكلم لين ما غفلت . .
>
<
>

بطل الباب ودش . . شافها بويهه منسدحه ع الغنفة الي ف الصاله . . ابتسم ع طريقتها ف الرقده . .
سكر باب الشقة ب هدوء . . و نزل الاكياس الي شارنهم جريب من الباب . .
تجدم صوبها بكل هدوءءء . . قعد ع الطاوله الي مجابله الغنفة . . وتم يشوفها . .
ملامحها هادية . . عينها وهيه مغمضه طالعه هادية . . خشمها صغير . . شفايفها صغيره . . خدودها متورده بزياده . . كانت راقده بالشيله والعباه . . الشيله شبه طايحه ومطلعه شوي من شعرها الناعم الاشقر . .
< ممم حلووه حرمتي . . مش حلوه وايد مثل ميثا طبعا . . بس تجذب الواحد . . ملامحها وايد هادية . . حتى وهيه راقده حوايبها معقده . . اعنبو فلفل كله والعه حتى وهي راقده . . !!
يبا يعدل قعدته وطاح كوب الماي من ع الطاوله . . مما خلا مهره تفز برررعب . . . وتحط ايدينها ع قلبها . .
سيف وقف من الارتباك : اسسسسف !!!
مهره بعدها نفس الوضعيه . . تتطالعه بغرابة . .
< وع . . فقدت هالشيفه الوصصصصخه . . بو البنات . . حد يوم ينش يجابل هالويه . . خل يوخر عني احسن له . . جااازززه منه هالقذر . . ما يندرى شو كان يسوي ويا القذره الي وياه . .
اتنهدت من غير ما تقول شي . . وشافت الساعه الي في ايدها تشير ع الـ 1 فليل . .
< ماشاء الله عليه بو البنات . . طاعو متى ياي بسس . . وانا لييييش محتره . . خ ـيوووولي . .
اطالعته بحاجب مرفوع لانه بعده واقف ويطالعها ولا تحرك من مكانه !
مهره : في شي اخ سيف ؟
سيف متنح: هآه ؟ لا مآفي شي . . " يصد يمين يسار " آآآ . . آنآ‘إ بسير اسبح . .
ما ردت عليه اكتفت انها قومت نفسها ودخلت غرفتها وسكرت الباب بالقو . .
دخلت تغسلت وبدلت ملابسها وصلت الصلوات الي فاتتها . .
لبست لها بجامه ثجيله من البرد . . وتمت تعاطس اكثر عن مره . . كان خاطفت صوب حجرتها وسمعها تعطس وتكح . .
سيف يدق الباب : عادي ادخل ؟
دخلت السرير ع طول وتلحفت وسوت عمرها راقده . .
بطل الباب بشويش وشافها متلحفه . . استغرب ما قال شي . . تجرب من السرير من غير ما يطالعها . .
سيف : مهره فيج شي ؟ مريضه ؟
مهره : مااااااافيني شي . . ولا ادش حجرتي مره ثانيه . . مريضه مش مريضه حق نفسي . .
سيف : انزين انزين . . خلاص اسسف . . انا الحيوان الي ياي اطمن عليج . .
مهره : زين يوم عرفت انك حيوان . .
سيف عاقد حياته : طاع ويهج انتي . . خذتي علي بسرعه اشوف . .
خوزت اللحاف عن ويهها واطالعته بنظره تطلع الشرار منها . .
سيف : خلاص انا كنت طالع اصصلا . .
سار صوب الباب بهدوء وطلع . .
قعد ع الغنفه الي هي كانت فيها . . وحس انها متبلله شوي . . تم يتلمس المكان بكبره . . استغرب . .
ليش مصبوب ماي اهني ؟ وليش هي راقده بشيله وعباه اصلا . . اصلا حتى شعرها شوي كان مبتل !
وانا شوووو يخصني . . كيييييييييييييييفها . .

البارت السادس


تم يلف ويدور بالشقه متملل . . مش عارف شو يسوي . . طلع من الشقه بيتم يتمشى برا البناية شوي .. اول ما وصل صوب الرسبشن شاف اللبناني وسار يسلم عليه . .
سيف : انته بعدك اهني ؟ ما خلص دوامك ؟
اللبناني : لا والله . . الي لازم يحل مكاني هلأ مريض . . ولازم ابئى مكانو . .
سيف : ايووا . . زين زيين . . الله ييقويك ان شاء الله
اللبناني وهو مبتسم : المدام اكيد مرضانه ما هيك ؟
سيف : مرضانه ؟ممم لا ليش ؟
اللبناني باستغراب : ما مرضت ؟ والله الحمدلله . . . انا شفتها وهي خرسانه بالمااي . . واجتني وهي عم ترجووف . . وطلبت مني اسال عن رقم الغرفه لانو ناسيتو . . وتلفونها تعطل و كان بدها تحاكيك . .
سيف باستغراب اكثر : تحااكيني ؟؟؟ وبعديييييين ؟؟؟
اللبناني : ماا بعرف حاكتك المره الاولى ظلت ساكته وبعدين آلتلي ( قالتلي ) ارجع اتصل فيك . . ولما رجعت اتصل ، غمضت عينها وحسيت انها مو ع بعضها . . وو بس راحت . . لكنها ما حكت شي ابدا . .
سيف غمض عينه : ششت . .
اللبناني : خيير في شششي ؟
سيف يتنهد : يا ريال شو اقولك . . خلها على الله بسس . .
اللبناني : لو فيني ساعدك ألئي . . ما بئصر . .
سيف يبتسم : شو اقولك يا . . .؟ ماعرفت اسمك عفوا . .
اللبناني : اسمي رامي . .
سيف : والنعم فيك يا رامي . .. ماعندي شي اقولك اياه بس ادعيلنا . .
اللبناني مبتسم : هونها يا رجاال . .
سيف : خلاص ماعليه مشكور وما تقصر .. ولو في شي صار مش غريب دخيلك خبرني . .
رامي : اكييد ما توصي . .
سيف : يالله حبيبي مع السلامه . .
رامي : الله معك . .



ومن راح سيف عنه . . رامي يقول ف خاطره " والله الواحد بيشوف بلاوي غيرو بتهون علي بلاويه . . الله يكووون بعووونهووون "

.
.
.

منصور يدق فون . .
ناصر : ألووو ؟
منصور : ويييينك انته . .
ناصر : ف الحجره وانت وين ؟
منصور : فالصاله . . تعال انزل بنسسولف . .
ناصر : شو من سسسوال الحينه . . خلني برقد ورايه دوام باجر . .
منصور : تعال بنلعب ورقة . .
ناصر : اقولك منصور بند بند . .
منصور : مامنك فايده . . باي . .
ناصر : باي . .

اكبر واحد من اخوان مهره . . عبدالله . . . كان متزوج وحرمته توفت . . وعندها منه وفوي وجسوم .. جسوم متعلق ف ابوه وايد . . اما وفوي . . متعلقه ف عماتها وبالذاات روضة . . بعد عبدالله تي روضة . . عمرها 26 سنه . . ماتزوجت علشان تربي عيال اخوها . . تحبهم موت . . لكن وفوي عندها شي ثاااااااااني . . بعد روضة بكم سنة يو منصور وناصر . . ( توأم ) وايد قراب من بعض . . ووايد يشبهون بعض . . كل واحد متعلق فالثاني . . واغلب امورهم مشتركه . . وهوايتهم وحده . . 22 سنه . . منصور يشتغل ف دايره حكومية . . ويصرف عليه وعلي ناصر اخوه . . لان ناصر ما حصل له وظيفه ادش مخه للحين . . بعد منصور وناصر بـسنتين مهره . . 20 سنة . . ( ما بتكلم عنها وايد الحين ) واخر العنقود عذاري . . ثانوية عامه . . شوي فيها هفات . . ربيشه وقريبه من اخوانها الاولاد كلهم بشكل عام . . ابو مهره وامها علاقتهم جيده . . وبيتهم مستقر . .


عذاري : هاا شششو قال ؟
ناصر : ما يبا يي . . بيرقد . .
عذاري : خلاص بنلعب انا وانته ورقة . .
ناصر : طااااااااع ويهج . . متفيج العب ويا يهالو اناا . . قومي قومي سيري رقدي وراج مدرسه . .
عذاري تطالعه بنص عين : مش منك . . مني انا الي ابا اسليك . .
وخازت عنه . .
بعد ما راحت عنه بـ 10 دقايق رن تلفونها . .

ناصر : من وين ياي هالصوت ؟؟
تم يدور لين لقى الغنفة الي هي كانت قاعده عليها ولقى تلفونها . .

شاف الرقم مسيف بـ " لزيم الرؤؤؤح "
عقد حياته مستغرب ورد وتم ساكت . . سمع صوت انثوي . .
.. . : الوووووو ؟
جان يبند . .
ناصر : بعد هاي غير شكل . . تسمي ربعها باسامي حركات . لكن والله انا ما ستحي ع ويهي امسك تلفونها . .
رد الرقم رن مره 2 . . ما رد . . ودره وشغل التلفزيون . . واتصل مره 3 و 4 و 5 . .
عصصب . . يبا يحطه سايلنت مش قادر لان هي محطية عليه قفل ولازم يفتح القفل عشان يحطه سايلنت . .
رد ب نفس خايسه : نننننننننعم ؟
. . : نعامه ترفسسج يابقره . . وينج انتي
ناصر فج حلجه : واي لهدرجه صوتي رقيق يعني ؟
. . . باستغراب : انته ايييه . . انته منوو . . هاا تلفون عذوور . . يا الغبي يا العبيط من وين يايب تلفونها . .
ناصر مبتسم : انا اخوها . .
البنت : خيييييييييييرر يا طير . . اخووها اونه . . وليش تشل فونهاوترد عليها ؟ والله انك ما تستحي . . امفففففففف ع رييياييل اخر زمن . .
طوط طوط طوط . . بندت فويهه . .
ناصر يضحك : هههههههههههههه والله انها هبلا . .
طنش ورد انسدح صوب التلفون . . اتحمس . .يباها تتصل . . تم يتريا ويتريا بس ما اتصلت . .
ناصر : افف ماحفظتت رقمها ولا جان رديت دقيت . .
بند التلفزيون وقام بيروح يرقد . . ورن التلفون مره 2 . . ع طول سار صوبه . . وحفظ الرقم وسيفاه عنده . .
ابتسم بسمه خبيثه . . وودر تلفونها مكان ما كان . . وراح حجرته . .

في غرفة روضة . .

وفوي تصيح : عمؤؤؤه . . عمؤؤه . . يعورني . .
روضة : فديييت ضررسج انا . . انتي نامي الحين وانا باجر من الصبح بوديج العياده انزييين ؟
وفوي : يعوورني > تصيح . .
روضه تحظن وفوي بقوه وتقرى عليها قرآن وتدعي ان ألمها يخف . . تمت تقرا وتقرا لين نامت وفوي بحظنها . .

لبارت السابع


صعد الشقه وهو مش عارف شو يسوي . . يفكر بألف فكره متخربطه . . . تم منسدح ع الغنفة الي هي . متخرسه ماي . . يسمعها تكح وتعاطس . . ماعرف شو يسوي . . .! ششاف الساعه تأشر على الـ 3 من الليل . . دق ايده ع راسه بالقو : اووووووه نسيت !!!
<< الحين المفروض احنا واصلين من زمااان . . وللحين ما طمناهم .. اكييد بيحاتووون . .
شل تلفونه واتصل ع ميثا . .
ميثا بصوت رقاد : الوو . .
سيف : حبيبي سوري خربت رقادج . .
ميثا تقوم : بسسم الله عليك فيك شي ؟
سيف : لالا لا تحاتين ما فيني شي . . بس اقولج الرقم مال ماليزيا للحين عندج ؟
ميثا وهيه تثاوب : اي رقم ؟
سيف : يوم سافرتي ويا اهلج اخر مره . .
ميثا تفتح السده الي حذال سريرها : ممم اصبر " وقعدت تنبش " هييه حبيبي . . موجوده ليش ؟
سيف يتنهد : دومج تنقذيني . .
ميثا : ليش ؟ شسالفه
سيف : حبيبي افتحي البطاقه الحين . . واباج تكتبين هالمسج " احنا وصلنا بالسلامه .. وهذا رقمنا . . والحين بنغلق الفون لان بنرقد نرتاح من تعب الطياره . . والسموحه ما طمناكم بسرعه لان ما حصلنا بطاقة بسرعه . . بنكلمكم باقرب وقت "
ميثا : وحق منو اطرشه . .
سيف : حق لستت أرقام الحين بعطيج اياها . . اهلي واهلها . .
ميثا : اهل مهره . .؟
سيف: هييه . . وباجر بييج بشل البطاقة بخليها عندي مؤقت حق تكملة التمثيلية . .
ميثا : انزين حبيبي . . اصبر خل اركب البطاقة في تلفوني الثاني . .وو عييد المسج مره ثانية .. و عقب عطني الارقام . .
<
؛<
كانت تسمع الحوار . . وهي تسسبهم سب . .
<< بكل وقاحه الغبي حاااطنها سبيكر . . يالـ وووصخ يا القذرر . . اففففففف " تتنهد بقهر " شو هاللوث الي عندي . . قسسم بالله لو يطيح بايدي . . لا اخليه شاورما واشويه شوووي . . " تعيب ع صوت ميثا " اوكي حبيبي . . حبتج القراده . . مستانسه ع قراده حظج . . اعنبوج مافيج احساس ما تحسين انه ريال معرس . . ما تحسين ع دمج . . حتى لو تمثييل . . ناس ابد مات عندها الاحسساس . .
تمت تتحرطم وتتحرطم وتسسب . .
بطل الباب بكل قوه : انتي ايييييييه . . اعنبوووه صوتج وصل لين اخر ششقه . .
مهره حطت ايدها ع حلجها وبصوت واطي : انا كنت ارمس بصوت عالي شووو ..
سيف عاقد حياته : بصوت عالي؟ كنتي تصاارخين . . ليش محتره احين شفيج منطره . .قلنا لج بنعيش جنه اخوان . . جنه اصدقاء . . لحقتي تغارييين؟؟؟
مهره توقف ع السرير : شو شو ششششششششششو ؟ اغااار على منو يا حظي . . " تسوي مالت عليه " مااالت بس مالت . . من زييينك ولا من حلاتك ولا من ششو . .
سيف مبتسسم : كل هالحلا ومش عايبنج . .
مهره : يا عمممممي طيير . . اذا انت من برع اونك اونك اونك " باستهزاء " اونك جميل . . تراك من داخل تلووع الجبد . .
سيف : ولييش الوع بالجبد ان ششاء الله ؟ لاني احب ؟
مهره : يااااااخي حب لين تنقع . . لازم تسمعني . . ماتعرف تحب بالسايلنت . . لازم تخليني اجز منك اكثر من ما انا جاااززززه . .
سيف : انتي نسيتي اتفاقيتنا ششو . .
مهره تتنهد وترد تقعد ع السرير : ماا نسسيت شي . .
سيف : خلاص عييل . . قلتلج انا برمس الي احبها جدامج ولا من وراج . . شي راجع لي . .وقلتلج شي يخصني بليز بليز بليز لا تدخلين فيه اوكي ؟ لاني جد مش ناقصنج انتي بعد . . واذا مره ما عيبج الوضع ترا الطلاق انتي تعرفين شو نتايجه . .
مهره تغمض عينها بقهر " الله يسامح اهلي الي كانو السسبب في الي انا فيه "
سيف بهدوء : عيشي حياتج مثل ما تبين . . لا تحرقين عمرج فيني . . راح تكملين دراستج فالجامعه عقب اسبوعين . . وراح تشتغلين عقبها لو تبين . . وراح اتمين تطلعين وتسيرين وتردين بلا شور . . كل شي ع راحتج شو تبين اكثر عن جي . .
مهره تطالعه بتعب : اطلب برع وسكر الباب . .
سيف : موووووووووووول ما عندج اسلوب تفاهم . .
مهره وهي تعطس : اطلع دخيلك . . ولا تدخل علي مره 2 جيي الا اذاآآ سمحت لك . .
سيف : ما تبين تروحين العياده . .
مهره : معاك ؟. ما ابي اروح مكان . .
سيف : انزين بطلب لج سياره توديج . .
مهره تطالع ساعتها " 3 ونص " ونعم الريال والله . .
مهره : ادخيلك مابيك اطيح من عيني اكثر عن جي . . اطلع وسكر الباب وراك . .
سيف يقعد ع الكرسي الي مجابلنها : مهره . . اسمعيني . .
مهره : اسمع شو ولا شو . . انته الحين ليش قاعد تغصص بي . . اطلع فكني من حشرتك ..
سيف : بس فكري فيها . . انا ما سويتلج شي . . والي تشوفينه تراج وافقتي عليه في البداية . . " ابتسم " لو بغيتي شي دقي علي باب الغرفه . .
وطلع من عندها . . وسكر الباب
مهره تصفق :طيب طيب . . ماشاء الله الطيبة تنبع منك . .
سيف سمعها بس طنش . . وانقهر وايد منها . .
>> لو مش متفق وياها بنقول . . لكنها جد بقره . .
<< ماالت عليه . . يعني حتى لو متفق وياي . . ما يحس انه الي يسويه مقزز . . ما يستحي مني ؟ حتى لو ما يعرفني حتى لو ما يعتبرني حرمته . . يعني اقل شي يعتبرني اخت . . بيرمس الي يحبها بهالطريقه وجدامي . . اعووذ بالله بسس .
سيف تم يفكر ويفكر . . " لازم باجر نطلع ارقام يديده . . ما يستوي جي انتم كله بتلفونات مغلقه . . وبسير باخذلها تلفون هي بعد . . تلفونها المسكين غرق . .حتى تلفونها مش متحملنها ويبا فرقاها . .اعنبوه من لسان عليها . . ولا لسان مصرية . . "
تمت هالافكار في باله لين ناام . .
اما مهره . . ف تمت طول الليل تكح وتعاطس . . تحس بتعب فظيع وبحرارة بس كبريائها ما خلاها تطلع له ابد . . تمت تقاوم وتقاوم لين حسست ان الدنيا ادور فيها و خلاص مش قادره تتنفس .. قامت من مكانها بدور لها بندول او مسكن او اي شي . . فتحت السدات بس ما كانت مركزه عدل من الدوخه الي فيها . . ووووووو ماحسست بعمرها وهي اطيح فجاه . .
>
؛<
<
ام عبدالله ( ام مهره ) : يا عذااري . . يالله امي نششي . . ما يمديج تلبسين . . كلهم جاهزين وبيسيرون عنج . . .
عذاري تتلحف : خلاص ما بروح اميه ما برووووووح والله تعبانه وفيني رقاد . . وامس ما نمت عدل . .
ام عبدالله: لا حول ولا قوه الا بالله العلي العظيم . . اااخ منج من بنت بس . . كيفج " وسكرت الباب ."
نزلت ام عبدالله تحت شافت عيالها يتريقون . . كلهم يو حواليها وباسو راسها . .
عبدالله : ها منصور اوصل لك ولا ؟
منصور يغمز له عسب يسكت : هاا . .لا بييني ربيعي . .
عبدالله يبتسم بخبث : يالله انا سساير . . تامريني بشي امايا
ام عبدالله : سلامتك فديتك . . " تطالع منصور " وينها سيارتك ؟ ليش بيمر عليك ربيعك . .
منصور يحج راسه : أأ . . سيارتي فالكراج خربانه . .
ام عبدالله ترفع العصا الي بيدها : قول الصدق . .
منصور يمسك العصا : الاعصااب . .اهم ششي الاعصاب ام منصور . .
ام عبدالله : تكككككككلم . .
منصور : آأأإ . . حد دعمني والله انا ما يخصصني . . قسم بالله ما يخصني مبركن في . . .
وتقاطعه ام عبدالله وتعطيه من الزين بالعصا الي كانت بيدها . . قام منصور من مكانه يركض . .
ام عبدالله : وين بتسير عني يالجذااب وين بتسير . . بترد البيت تراك . .
منصور : اوكي اوكي اطاعي انا ريال شكبري وللحين تضربيني . .
ام عبدالله : جب ولا كلمه لو انت ريال وشكبرك تعال اوقف اهني . .
منصور فيه ضحكه : احبج يالدلوعه انتي . .
ام عبدالله : دلوعه امك . .
منصور يضحك : فديتها امي فديتها . . "يرن تلفونه ويرد بسرعه " : يالله الحين ياينك . .برع انته ؟ اووكي الحين بطلع .. .
من بعيد يطرش حق امه بوسه : دعواااتج . . .
ام عبدالله : ماعليه يالهرم ماعليه . .
ويطلع ويسكر الباب وراه ..
ام عبدالله تتنهد : الله يهديك ياوليدي . .
تنزل روضة من فوق وهيه شاله وفوي . .
ام عبدالله : نزليها يا امي ظهرج مش زين . .
روضة تبتسم : وحليلها ريشه يا امايا . . " تبوس راس امها " صبحج الله بالخير الغاليه . .
ام عبدالله : صبحج الله بالنور والسرور . .
بو عبدالله ينزل من فوق بعد : هاا روضوو ، جاهزه ؟
ام عبدالله : جيي وين سايرين ؟
بو عبدالله : بنودي هالصغيرونه العيادة . . ضرسها يعورها . .
روضة : امس مول ما رقدت من العوق فديتها . . . ترقد ساعه وتنش ساعتين تصيح . .
ام عبدالله : انزين انتي خلج امي ارتاحي . .أبوج بيوديها . .
وفوق ماسكه رقبت روضة بالقو : لااا . . بروح ويا عموووه . .
ام عبدالله : انا بووديج . . اماياا ما تبين امايا . .
وفوي : مااباج . .
ام عبدالله : امفف عليج يا بنت الخايس . .
بو عبدالله : احين عبدالله الفقير شو يخصه . .
روضة تبتسم : يالله ابويه خلنا نستعيل عشان تلحق تسير دوامك . .
بو عبدالله : ام عبدالله نسيت اخبرج . . البارحه طرش مسج سيف يطمنا انهم وصلو . .
ام عبدالله : الحمممممدلله ع سلامتهم يارب . . زين ريحت فوادي الله يريح قلبك . .
روضة : عندك الرقم ابويه ؟
بو عبدالله : هيه بعطيج اياه فالسياره . . يالله خل نسير . .
روضة : يلا . . " يالله امي فمان الله "
ام عبدالله تدعي : درب السلامه ياربيه . .
>
<
عنود : صباح الخيير اماايا . .
ام خالد ( ام سيف ) : صباح النور امي . .
عنود : الدريول بررع ؟
ام خالد : هيه برع من الصبح يضرب هرنات . . تحيرتي عليه . .
عنود : سلامو وين ؟
ام خالد : وداها خالد اخوج المدرسة . .
عنود مبتسمه : انزيين . . " تبوس راس امها " الله يعينج بتيلسين ويا النسره بروحج . .
ام خالد : عييب عليج . . استحي ع ويهج . .
عنود طلعت من البيت وماردت ع امها . .
سموي تصارخ من فوق : عمووووه .. عمؤؤؤؤؤؤه . . قولي حق الغبيه خدامتكم تيب عباتي فوق . . تأخرت ع دواامي . . اعنبوه سااعه لين تكويها . .
ام خالد : ان شاء الله امي ان شاء الله احين بقولها . . . " تقوم ام خالد من مكانها وتطلع برع تزقر الخدامات ييبون حق حرمت ولدها العباه "
>
<

البارت الثامن

مهره تفتح عينها بتعب . .وتطالع المكان حواليها وتبلع ريجها . .

سيف مبتسم : الحمدلله ع السلامه عنيده خانوم . .

تطالعه باحتقار وما رددت عليه . .

سيف : اوكي شكرا . .انا ادري ادري . . تبين تسألين انا وين وكيف طحت . . انا بجاوبج . . الله يسلمج امس في الليل من حسن الحظ اني منسدح ع الغنفة الي حذال غرفتج . . واسمع طراخ طيخ . . كسرتي الابجورة الي كانت ف غرفتج . .

سيف وهو يركض صوب غرفتها ويبطل الباب : مهرررررره ؟؟؟

مهره طايحه ما تحس بعمرها بس تقول بصوت متقطع : انـ . . ا ت ـع ـ . . ب . . ااا . . ن . . ه .. وااي د


سيف يتنهد : الله يهديج قلتلج بوديج المستشفى ما رضيتي . .

مهره تمسك ايده بقوه : خ . . .ااا . .ي . .فه . .

انقبض قلب سيف : من شو خايفه فديتج . . مافي شي يخوف . .

مهره تغمض ع عينها وترص عليهن بالقو : لا . . . ت ـخ . . .ل . . ي . . ن . . ي . .

سيف ماسك ايدها بقوة : ما بخليج . . " يبوس يبتها " اسم الله عليج غناتي . .


مهره تقاطعه وتطالعه بعين مرفوعه : جذااااااااااااااااب . . ماشي شغله انا بيلس اقولك لا تخليني وحالتي حاله . .

سيف مستغرب : شفيج صدق . . وانا اقولج هديني . . وانتي تمسكيني بقوه تقولين لالالا . .

مهره : شوف يا ترمس وتقول الصدق . .يا تطلع برع مابا اشوف ويهك . .

سيف : بل جكتني . .

مهره تطالعه عسب يرمس . .

سيف : انزين بقول بقول . . الله يسلمج نفس ما قلتلج سمعت صوت وربعت سرت لج الحجره . .


;


سيف : مهررره شو يااااج ؟.؟

مهره بتعب : خووووز عني . .

سيف : شفيج الله يهديج خوز عني وخوز عني . .قومي بوديج المستشفى . .

مهره : مابا منك شي . .

سيف ما سوالها سالفه وشلاها . .

مهره تمط شعره : انت ايه وين بطلعني جيي . .


:


مهره : لا حول ولا قوه . . سيفوو ارمس عدل ولا والله بكرهبك ب هالوايرات الي جدامي . .

سيف يضحك : ههههههههههههههههههه . . عنيفه حرمتي . .

مهره بنص عين : لا تقول حرمتي . . حرموك وقعدوك بين الهوش . .

سيف : براايه . . اموت فيهم الهوش . .

مهره يئست منه . . كل شوي يخرط عليها بسالفه . .الي تذكره بس انه هو لبسها الشيله والعباه . . وعقب غابت عن الوعي . .

مهره : يعني ما بتقول خلاص . .

سيف بخبث : افف شو سويت فيج امس . .

مهره تضغط ع الفص الي يزقرون فيه النرسات . .

ثواني ويتها النرس . .

مهره : لو سمحتي طلعي هذا برع . .

النيرس بظرافة دم : ازااي . . . داا قووزك . . طول الليل ما نمشش وهو بيئرا عليكي . .

مهره تتنهد : لا حول ولا قوة الا بالله العلي العظيم !!!!

سيف يضحك > مستانس ما يعرف ليش . . سوا حبتين حق النيرس وطلعت النيرس . .

مهره : ع شو مستانس يا حظي . .

سيف : شو ابا اكثر . . انتي قاعده ومقيده ما ترومين تتحركين . . وانا يالس اسبج واطيح فيج . . واخرط عليج والعووزج . . وانتي ما ترومين تسوين شي . . ( يضحك بلؤم ) مسكينه مسكينه . .

مهره طنشته وعطته ظهرها : خلاص اسكت ابا ارقد . .

سيف : اعنبوه ما شبعتي . .

مهره : ما شبعت . . فاكرمنا بسكوتك عشان نرقد . .

سيف : انزين وشخبارج بعد . .

مهره صدتله وعطته نظرة . .

سيف : خلاص انا كنت طالع اصلا . .

وطلع . .

دقيقه ورد دخل . .

سيف : تبين شي من الكافتيريا . .

مهره : الله المسسسسسسسسسسسسسستعان !

سيف : انزين خلاص خلاص . . .

وطلع عنها . .

غمضت عينها شوي . . ورن تلفونه . .

" نبض قلبي "

ابتسمت . . عرفت انها ميثا . . ودرت تلفونه مكان ما كان . . بس التلفون ما سكت . . اكثر عن 5 مرات . . انزعجت مهره حييل . . شلت التلفون وردت . .

مهره : سييييييييف محد !!!!! وتلفونه اهني . . ممكن تتصلين عقب ؟ ؟

ميثا : ششششوو ؟؟ ليش تلفون سيف عندج . .

مهره وهي لايعه جبدها : والله عندي ما عندي شي ما يخصج . . فـ لو سمحتي

" دش سيف "

مهره تطالعه وتكمل : لو سسمحتي عن الحشره وفكينا . .

عقد سيف حياته ويا صوبها بكل عنف وشل تلفونه . .

مهره :آآآآآآآآآآآآآي . .

قرمشها لانه سحب التلفون بقووة . .

سيف : اخر مره . . " يتقرب منها لين ويهها " والله لو كررتيها ما اطوفها لج . . والله . ! وانا حلفت . .

فرر عليها الكيس الي بايده وشل سويجه الي كان حذالها وطلع . .

مهره بعدها منصعقه مكانها .. . ما تحركت . . ماسكه ايدينها الي تعورت ومغمضه عينها . .

<< انا شوو سويت . . . ليش ادخل . . شو يخصني . . شلت الكيس الي فراه عليها وحطته ف الطاوله الي حذالها . . وردت انسدحت وهيه تطالع السقف . . تحس ب حرقة ف قلبها . . وما قالت غير

مهره : الله كريييم . .


>

<


ميثا بعصبيه . : انزين ليش معصب الحين شفييك . . ليش كل هذا ؟

سيف يركب السياره ويزاعق : يعني حركتها عاديه . .

ميثا : لا مش عادية . . بس عييب . . شو هالاسلوب الي ترمسها فيه . . والله انك ما تستحي . . اوكي ما تعاملها تراك مثل حرمتك . . لكن عااملها انها بنت . . ومتنومه فالمستشفى وتعبانه . . ما تستحي انته شو . . مش ريال؟؟ عيل باجر انا كيف بتعاملني . .

سيف : ييييييييييا ميثااا . . انتي سمعتيها الخايسه كيف تصارخ عليج . . سمعتيها كيف ؟

ميثا : ما تنلام . . . حرمه . . حتى لو انها ما تحبك . . بسس شي يحرق . . انا لو مكانها جان حارقتنك من زمان . .

ضحك سيف : لا والله . .

ميثا: مش وقت ضحك . . والله حركتك مول ما عيبتني . . وجد جد زعلت منك . .

سيف : يا ميثا والله انتي الي المفروض تزعلين . .

ميثا: لا يااا سيف . . كل شي عاد له حدؤؤؤد . . انا ماتوقعتك تعامل حد جي . .

سيف : قلبج ابيض . .

ميثا : انزل اشوف واتاسف لها . . يلاا . .

سيف : توووووووووووووووووولي . . والله ماا انزل . .

ميثا : انززل واتاسف . .

سيف : خلاص حلفت الحين . .

ميثا : انزين اوكي انتي حلفت ما تنزل . . بس من تشوفها راح تتاسفلها سمعت ؟

سيف : يصير خيير . . ماعلينا . . ابا اشووفج . .

ميثا : ما اقدر الحين . . وتراني شفتك الصبح . .

سيف يدور فالسياره : رقم ماليزيا وين حطيتيه ؟

ميثا : ف السده جدام . .

سيف بطل السده وحصله : خلاص ماعليه . . ما بشوفج يعني ؟

ميثا : لا اا . . وخلاص بند لاني جد منقهره منك . .

سيف : خلاص انا اسسف حبيبي . . اوعدج ما اكررها . . و راح اعاملها شرات انثى ع قولتج . .

ميثا: هي جييي انت سيف الي اعرفه . .

سيف : ماتغارين ؟ ما تخافين انها تششل قلبي . .

ميثا مبتسمه : اعرف محد يملي عينك غيري . . واعرف انك راح تعاملها شرات اختك لا اكثر . .

سيف مبتسم : ويلوموني ليش احبج ؟


.

.

.

على السساعه 12 الظهر . .


منصور : نصصور ؟ نشش يالله بيمر عليك عزوز عشان تسيرون الكاراج تشلون موتري . .

ناصرر يثاوب : يا ريال ما رؤؤؤؤؤم . .

منصور : نصوور عاد سو شي زين ف حياتك لو مره . . ياخي انا ما بطلع من الدوام لين 4 . .

ناصر : افففف . . يالله انزين خلاص . .

منصور : دخيلك عاد نشش ولا تسويلي طاف . .

ناصر مبتسم : ههه بنش بنش . . يالله بند . .

منصور : باي . .


بند ناصر عن اخوه وقعد يشوف اخر التطورات الي واصلتنه ع البي بي . .

شوي وذكر رقم ربيعت اخته . . ضحك بخبث . . اكييد فالمدرسه هي احين . . بتصل فيها عقب . .


قام بيسير يسبح . .


.

.

.

البارت التاسع


>> هآ حآإلي الحينه ؟ قاعده بروحي فالمستشفى . . لا اهل لا قريب لا صديق . . " ابتسمت بحسره " ليتج يا عنود مش اخت سيف . . ولا جان اتصلت فيج وشكيت لج الحال . . محد بيحس فيني غييييرج . . لكن ماباج تعرفين سسوات اخوج . . ماباج تعرفين افعاله . . الله كرييم بسس . .
" نزلت دمعه حارقه بقوه " غمضت عينها بحسره خلت العنان لعنونها . . عقب كم ساعه مرت دخلت عليها النيرس وقالتلها انها تقدر تطلع بأي وقت . . قامت مهره ووقعت ع كم ورقة . . ولبست عباتها وتمت تتريا . .
مهره : الحين ها كيف ادقله . . كيف اتواصل وياه . . . كيف برد الشقه !
تمت ف الغرفه تتريا لين ما يت النيرس تقولها انه بيدخلون مريض ولازم تطلع . . ماعرفت شو تسوي . . طلعت من الغرفه وتمت تمشي وتمشي وتمشي لين وصلت عند باب المستشفى . . تمت تتريا وتتريا . . بسس ابد . . سيف ماله حس . . وقفت برع لمده ساعه ونص . . وما حصلت غير هندي بـ تاكسي ياينها . . ركبت وقالتله اسم الفندق ووصلها . . دخلت الفندق ب تعب . . ما لقت غير اللبناني . .
رامي : مدام مهره كيفك ؟
مهره بحيا : ممم ممكن اطلب طلب ؟
رامي : لك تؤمري أمر . .
>
<
>
سيف : كييييييييييييييييف طلعت ؟؟؟
النيرس : خلاص بئا مفيش غرف فاضيه . . وهيا طاابت . . . نامت ليله وحده ودا كفايا . .
سيف : والحين راحت وييين؟
النيرس : وانا ايش عرفني !
سيف يتنهد ويمشي بسرعه " والله انها بقره . . طلعت وين راحت هالغبيه بعد . . انزين اقعدي اترييي . . وين الحين اقعد ادورها . . . " فجاه خطر عباله رامي . . وبسرعه اتصل . .
سيف : راامي . . المدام يت الفندق ؟
رامي : ايه اجت . . من ساعه تقريبن . .
سيف يتنهد : اااااه ريحتني الله يريحك . .
رامي : بس الحال ما يطمن . . .
سيف : خلاص ماعليه . . بكلمك من اوصل الفندق . .
سيف كان ينبع منه نار . . عصصصبية . . ما بيفضيها الا على مهره . . الليله ما بتعدي ع خير . . والله بسسسسسسسفل فيها تسفيل .. يالسين نلعب نحن شو . .
وصل الفندق ورامي كان بيكلمه بس سيف طنش وسار الشقه ع طول . .
بطل الباب بعصبية وهو يزاعق : مهـــــــــــــــــــــــره !!!!!!!!!!!!
بطلت باب غرفتها بسرعه بتعب : شفيييك ؟
طرااااااااااق عـ ويهها خلاها تنسسسدح ع الارض . .
مهره تطالعه وهيه طايحه : ششو سويت بعد ؟
سيف : كييييييييييييف تطلعين من المستشفى جيييييييي كييييييييييييييييييف ؟؟؟؟؟؟ خبريني كيف . . تعرفيييييييين اني ساااعه كامله ادور فالمستشفى ادورج من مكان لين مكان . .
مهره تصيح وبحرقة قلب .. وبصوت متقطع : وانته تعرف اني اتريييتك ف الغرفه لمده سااعتين بالضبط . . وقالولي لازم تطلعين في مريضه يايه و تمييييت ادور فالمستشفى ساااعه ونص كامله . . واخرررتها طلعت من المستشفى وتميت اتريااك عند الباب سساعه وشوي . . . بحدود الخمس ساعات انا ضايعه واترياك من مكان لين مكااان . .
سكت سيف مره وحده وماعرف شو يقول . . . انبلع لسانه . .
كل الي سوته شاتت الباب بريلها عسب يتسكر عليها . . وارتفعت فوق شوي ققفلت الباب . . ورد تنسدح ع السيراميك وهيه تصيييح . . ما تصيح مثل كل مره بهدووء . . ! كانت تنووووح . . كانت تششهق . . تحسس بروحها تطلع . .
يلس عند باب غرفتها وهو يسمعها وهي تصيح . . اتقطع من الخاطر . . ماعرف شو يسوي . . ولا عرف شو يقوول . . كل الي قدر يقوله وبصوت واطي . .
سيف : انا اسسف . . اسف . .
وطلع من الشقه . .
مهره اتكورت ع روحها وتمت تصيح . . لين متى بتم اعيشش جيي انا لين متى !! لين متى بذوق هالعذااب . .. ليشش ليش . .
.
.
.
عنود تتصل ع رقم ماليزيا اكثر عن مره بس محد يرد . ..
عنود : افففف والله مشتاقتلهم ابا ارمسهم . .
عذاري : انزين معاريسس . .يوم بيحصلون فرصه هم بيكلمونج . .
عنود : تعالي انتي ليش ما داومتي اليوم ؟
عذاري: والله مالي خاطر يختي . .
عنود : قلنا لج لا تهملين هاي ثانوية عامة مش لعبه . . شدي حيلج شوي بس عسب تيبين نسبه وتفتكين . .
عذاري : ان ششاء الله . . بتيني اليوم حصوص البيت . . وبتقولي شو سسوو وشو ما سوو . . وبنحل الواجبات والمشاريع الي علينا . .
عنود : زين تسسوون . . يالله ااانا بسير عنج ارريح شوي . .
عذاري: وانتي سايره اتصلي ع تلفوني . . مادري امس فليل وين وودرته . .
عنود : اوكي . . .
اتصلت عنود . . وحصلته عذاري بسرعه . . شافت المس كولات من ربيعتها وابتسمت واتصلت . .
حصوص : لاااا تووووووووا الناس .. ّ!!!!
عذاري : فوديييييييييييت هالصوت انا . . وشحالج . . ؟
حصوص : زززفت . . ليش ما داومتي اليوم ؟
عذاري : والله ما رقدت امس زين . . وحسيت اني جد مدوخه . . لو ييت ما كنت بفهم اي شي . .قلت خل ارقد احسن لي . . المهم ماعلينا . . بتيني اليوم صح . . ؟
حصوص : ع كيف كيييييييفج . . . طاعي شيفتح تقررين ع كيفج شو . .
عذاري : يالله يالله قومي لبسي وصلي العصر واترياج انا . .
حصوص : بششششاور امي اصبري . .
عذاري : انتي بس قوليلها بتيين عندي ما بتقول شي . .
حصوص : الله ع الثقه . . يالله انزيين بشوف الوضع وبطرشلج مسج . .
عذاري : اوكيك . . باي . .
حصوص : باي . .
.
.
.
ناصر معصب : لا جد والله تسستهبل صراحه . .
منصور : انزين انا شو لي . . انا قلتله يييك . . عبالي ياك ماا دريبه انه ما يا . .
ناصر : منششني من رقادي ومخلني اسبح وحالتي حاله . . .واخر شي ربيعك ما ييي . . هذا ويهي لو طلبت مني طلب وسويته لك مره ثانيه . .
منصور : انا ادري ها كله عسبت اني خليتك تسبح . . اباك تتنظف ياخي . . ريحتك وهف . .
ناصر معصب وجد ماله خلق : منصور اطلع برااا . .
منصور ابتسلمه وطلع من حجرته . .
نزل منصور من فوق ويسمع تلفون البيت يرن . . ومحد يرد . .
سار صوبه ورد . .
منصور : مرحبا . . .
:: السلام عليكم . .
منصور : وعليكم السسلام ورحمه الله . .
:: ممكن اكلم عذاري ولا روضة ؟
منصور : هههه حلوه هذي . . منو تبين بالضبط
:: اي وحده فيهم عادي . . ممكن ولا . . يلا مستعيله انا . .
منصور مستغرب : انتي منو ؟
سلامه : انا سسلامه اخت سيف نسيبك . .
منصور متهلل : هلا والله باالنسايب كل ابوههم . . وشحالكم . .
سلامه عاقده حياتها " شو هالاهبل " : تمام . . يالله وين . .
منصور : شو طراره انتي . . الله يعطيج . .
سلامه : افففففففف . .
طوط طوط طوط . .
منصور : عثثثثثثثثثثره . . قوية صراحه . .
وبند التلفون وابتسم . .
منصور : سلامه ؟ " يبتسم " شكلي لازم استعيل وارمس امي فالموضوع . .
.
.
.
.
سلامه عاقده حياتها : اهبل عافان الله . . ما شابه خواته . .
سموي يتها وتبتسم بخبث : منو هذا ؟
سلامه : ياك الموت يا تارك الصلاه . .
سموي تيلس حذالها : كنتي ترمسين واحد ششو ؟
سلامه : ما يخصج . . ولو سمحتي خلي بيني وبينج حدؤد . . لاتحاولين تسولفين وياي . .
وقامت سلامه من مكانها ويودتها سموي . .
سلامه عاقده حياتها : ششو تبين . .. !
سموي : ما يزتي عن حركاتج شو ؟
سلامه : سمية شو تبين مني . . شو تبين مني ؟
سموي : ابا صور يديده . .
سلامه : ننننننننننننننننننعم ؟؟؟؟ وانتي اخر مره شو قايلتلي . . مش قايلتلي خلاص !.
سموي : بتسمعين الرمسه ولا شو . .
سلامه تعض شقايفها : الله ياخذج ان شاء الله . . الله ياخذذذذج يارب . .
سموي تقوم وتصفع سلامه كف : شكلج تبيني انفذ تهديدي صح . .
سلامه : وخري عني . .
يا خالد : سسسسسسسسسمية ّ!
سموي : ها حبيبي . .
خالد عاقد حياته : شفيج على سلامه . .
سموي تتصنع البرائه : اناا ؟ " تطالع سلامه " سويتلج شي . .
سلامه تبتسم : لااا . . نسسولف كنا خلود عادي . .
خالد استغرب . . : سوالف جي ؟
سلامه ابتسمت : اششبلاك عادي . . يالله انا بروح فوق . .
سموي : لا تنسين الي قلته . .
خالد : شوو ؟
سلامه خايفه وتطالع سموي وخالد . .
سموي : ولا شي حبيبي شغل بنات . . لا تشغل بالك . .
ابتسمت سلامه بخوف وراحت فوق غرفتها وتمت تصييييح وتصيح . .
شو اسسسوي يارب ششو اسسوي !!!! لازم القى حل لااااااااااازم . .

البارت العاشر



رامي : و مثل ما ألتلك . . كانت عم تبكي كتيير . . كل الي فهمتو ان آلتلي ادفع اجرة التاكسي . .

سيف يتنهد : شوف رامي . . اي شي تباه لا تقصصر فيها . . وسجل لهن كلهن . . وانا بدفع لك .. ولك مني زياده بعد . .

رامي : لا عيب شو هالكلام . .

سيف : يا ريال استفييد من ورانا شوي . . . كفايا اخذ من وقتك وتسمع لي . .

رامي : بدك نصيحتي ؟

سيف : قووول . .

رامي : روح هلأ راضها واطلعو تمششو شوي . .

سيف : مستحيل يا رامي الوضع متوتر وايد . .

رامي : لك جرب . . موو رجااال انت ؟؟ بتئئئئدر . .

سيف : شووو اسسوي انزين خبرني . .

رامي : انا راح ألــك . .

>

<


يدق الباب . .

مهره بتعب تقوم وتفتح له الباب . .

شاف ويهها بكبره دمووع . . . بلع ريجه بحسره . . شو سويت فيها انا . . شو سويت . . .!!

سسحبها صووبه بسرعه وحظنها . . . ما توقع ردة فعلها انها تصيح اكثر . .. كان يربت عـ جتفها ويهديها . .

سيف : والله اسسف . . والله ماكررها ..

مهره وهيه تشهق : انت مآ قلت كل واحد فينا يتصرف ع كيفه . . ليييش تحااسبني ليش ؟؟؟ شل ايدك من مسسوؤؤليتي وخلاص . . لا تعذبني وياك دخيلك . . انا مش ناقصه . . انا طالعه من بيتنا معززه مكرمه . . لا تذلني عندك . . .

سيف : خلاص يا اميه خلاص . . " يجابل ويهها . . ويمسح دموعها " يختي ع الكتكوت . .

ابتسمت غصب . . وفخاطرها شوي وبتصفعه . .

سيف انجبر يبتسم ما يعرف ليش . . بس حس ان الوضع حلو . .

سيف : شو تبين تسوين فيني . . كيف تبين تتقمين مني ؟؟؟

مهره تطالعه بنظره تخوف : اضربك ضرب اليهد . .

سيف يرجع ريوس : ووووووووووعثره . .

مهره تبتسم : مابا منك شي . .

سيف : لا والله ما يصييير . .. هااا " يقعد ع سريرها ويغمض عينه " بكبري بين ايدينج . . سوي فيني الي تسوينه والله والله وانا احلف ما اتحرك من مكاني . . ولا اوقفج وامنعج . .

مهره عاقده حياتها : متاكد ؟

سيف يحط ايده ع شواربه : وهااي الششوارب ها . .

مهره مبتسمه : اوووكي . ..

تمت تراقبه وهي تمشي شوي بعيد . . . سارت يابت لها جحال . .

سارت صوبه وتم يحس بلمسات ايدها . . . مبتسم لا شعوريا . .

>> ايدها دافيه . . وناعمة . . وحنوؤؤنه . . . ووووو . . بس بس شفيني قاعد اتمدح فيها . . مادري شو يالسه تخبص ع ويهي وامدحها . .

سيف : هااا ابطل عيني ؟؟

مهره :لاااااااا ..!! بعدني ما سويت شي اصلا . . .

وسارت عنه . . شلت لها ورقة وقلم وكتبت عليهم كم شي . .. وحطته حذاله . . .

تمت تفكر شو تسوي بعد . . كيف تبري غليلها منه . . .

ما حسسست الا وهي هاااجمه ع شعره وتكششه وتيره بالقووووو . . .

سيف منصصصعق : آآآآآآآآآآآآآآآآآآآآآآآآآآآآآآآآآآآآآآآآآآآآآآآآيي يييييييييييييييييي

مهره تمط وتمط وتنتفه وترفعه يمين ويسار . . فوق وتحت . . . وكانت ايدها قوية .. شاله عليه وايد المسكينة . . .تقريبا مال 3 دقايق . . وعقب وخرت ايدها وشفت الحلج . .

مهره : انا خلصصصصت . .

اول ما افتح عينه انسدج ع سريرها . . وتم حاط ايده ع شعره . . : حرام عليج . . . انا قلت بتوسيني شي جي . . طلعتي متوحشة والله . . .

مهره عقدت النونة : ابوسك اونه . . طاع ـووو منو يرمس بس . .

سيف وهو يحس بصداع من كثر ما مطت شعره . . . : الله يسسسامحج . .

صد يمين يبا يشوف شو سوت في ويهه . . ابتسم وقبض ضحكته . .

كانت كاتبه ع يبهته . ." عـنز الفريج " لا وراسمة حبتين بعد . . .

اطالعها بنظرة بريئة : ما تقصصصصصررين مهره خانووم . .

سارت صوبة وعطته الورقة . . . وعقبه القلم .. : وووقع . .

سيف يقرا الورقة . . " اتعهد انا سيف . . اني ما امد ايدي ابدا عليج يا مهره . . واذا رديت مديت ايدي عليج . . عاقبيني لمده 3 ايام . . وانا ريال والتزم فهالشي بموجب القانون واذا ما التزمت فيه يعني انا مش ريال وبحلق شواربي بعد . . "

سيف ضحك : هههههههههههههه . . يا حرممه شو هذا .

مهره حاطه ايدها ع خصرها : ما يخصني . .ووووقع . .

سيف مبتسم : يعني شدراج اني بلتزم فيه . .

مهره : عاد انت وضميرك . .لاتوقع عليه الا اذا انت واثق انك بتلتزم وانك بتتعاقب لو ما التزمت . .

سيف يحس بالمتعه . .. ابتسم اكثر وخذا القلم وووقع . . .

سيف : وهذي الورقة وووقعناها . . . الحييين قوومي هاتيلي مزيل مكياج عسبت تخوزين هذا من ع يبهتي . .

ابتسمت له وسارت تيب له كلينكس . .

سيف : هاا مزيل مكياج احين . .

مهره : هيييه . . جرب ويخوز . .

سيف يعطيها : سسسوي انتي يلاااا . . عطيتج ويه وايد . .

مهره عاقده حياتها : رووووووووووووووح طير . . اطلب عدل اول . .

سيف فاج عينه : تعالي اقولج . .

مهره : مااااااااابي . .

" وتمشي عنه بتطلع برا الحجره . . . ويرد يزخها ويسسحبها صوبه وايد ! مما خلاها تتوتر وهو توتر . . "


وخرت ايدها عنه بسسرعه . . وهو حاول يلطف الجو . . .

سيف : يلا يلا بلا هالحركات ووخري اشوف . .

عشان ما اطول السالفه خذت الكلينكس عنه وقعدت توخر . . كانت ايدها اليمين الي تخوز المكياج و ايدها اليسار محطوطه ع عينه اليسار وهيه مش حاسه . . وهو مغمض . . .حاس بدفا فظيع . .

اول ما خلصت يايه بتوخر ايدها بس سبقها وثبت ايدينها ع مكان عينه . : لا تتحركين . .

مهره تحس برجفه . . . تمت واقفه دقيقه . . وعطست عقب مما خلاها تخوز ايدها بقو وتقوم عنه . .


سيق يبتنهد . . . يحاول يذكر شو قال رامي . .لان كل الي قاله رامي هو ما سسواه . . اللهم بس قاله رامي دش عليها واتاسف . . وبعديين ؟؟ نسسى ّ!!!

ما حب يطلع من الغرفة . . يبا الجو يتلطف اكثر . . يحس انها يبا يستمتع وياها . .

مهره : يالله اطلع عشان انام . . .

سيف : وانتي حياتج كلها نوووم . . ." يشوف الساعه " الحين الساعه 5 العصر . .شو يرقدج ؟

مهره تثاوب : احسس بتعب ياخي . .

سيف : انزين نامي شوي بس . . ولا اقولج . . قومي قومي بنطلع . .

مهره تطالعه : نطلع وييين . .

سيف : بنتمشى برا ششوي وبنتغدا . . انا للحين ما كلت شي ويوعاان . .

مهره حاطه ايدها ع بطنها . . . حتى هيه يوعانه بس ما قالت

سيف عرف من شكلها انها يوعانه . . وابتسم : ههه يالله لبسي لبسي . .

مهره ابتسمت : انزيين . .

سيف يطالعها وهيه تطالعه . . . عقدت حياتها . . .

مهره : شوو تتريا اطلع . . . ابا البس ..

سيف : اووه نسسيت . . " وطلع عنها "

ترا الرواية موجوده ف هالقسمم بعد
يعني ما يحتاي تكملين

ادري
بس حبيت احطها للناس اللي ما قروها وابي احطها كامله
السموحه اختي

البارت الـ 11


عقب 5 دقايق بالضبط دق عليها الباب . . .
فتحت الباب وكانت بس لابسه قميص احمر كم طويل . . ووو بنطلون جينز ابيض مقطع شوي ع الريل . .
ابتسم سيف وقال : خلاص بس . .
مهره عقدت حياتها : شوو قوول ؟
سيف راواها : كنت يايبلج هالقميص الاحمر ( يراويها ) عسب اقولج شرايج فيه . . ينفع البسه ولا . . بس طلعتي بروحج لابسسه احمر . . ف خلاص بلبسه بنطقم . .
وراح عنها . . عقدت حياتها اكثر باستغراب . . : شفيه هذا . .
سكرت الباب . . ودورتلها عباه مسكره . . . لان البنطلون مقطع وكاشف عن ريلها شوي . .



حصصلت لها عباه واسسعه من الايد . . تكشف اايدينها كلها . . بس ما اهتمت لان لابسه قميص طويل . . ومطرزه العباه ع الاطراف ب فصوص بسيطه حمرا . .
سارت صوب التسريحه . . حطت لها بودره بزياده . . عشان تخوز ملامح التعب . . اكتفت بروج احمر فااااااقع وجحال . . ولبست لها ساعه شوبارد . . تعطرت ع الخفيف . . ولبست لها كعب احمر عآإلي بما انها مش طويله وايد . . تمت ادور ع شنطة حمرا بس ما حصلت . . اخر شي حصلت شنطة ديور سودا . . نفعتها وحطت لها الميك اب والعطر فالشنطة . .
ومن خلصت دق عليها الباب : خلصصصتي ؟
مهره : هييه خلصت . .
طلعت له وشافته كاشخ ب جينز وقميص احمر ولاحظت انه لابس ساعة تلمع وايد . . مفلل شعره بطريقة وايد حلوؤه . . وعطاها بوكه ومبايله . .
سيف : حطيهم ف شنطتج . .
سوت الي قاله . .
سيف : اووه صح تذكرت . . " رد حجرته مره 2 "
يابلها بلاك بيري يديد ..مع رقم يديد . .
مهره : مششكور . .
سيف يبتسم : لا تشكريني . . يلا مشينا . .
طلعو مع بعض بكامل اناقتهم . . دقو ع اللفت بس وايد تأخر . . كل واحد فيهم يطالع الثاني بتوتر . . هذي اول طلعة بيطلعونها ويا بعض . . اول طلعه ولين الحين الامور هادية . . والوضع زيين . .
سيف : تعالي بننزل من الدري . .
مهره فتحت عينها : هاا ؟
سيف : يلا يلا . . " وسبقها "
تمت تطالع الكعب . . بينكسر ظهري . . كم بنزل . . من السادسس لين تحت . . !!!!!!!!
كان يمشي مشيات اسرع عنها . . اما هيي على الراحه . . تك تك تك تك . .
سيف يزاعق لانه شوي بعيد عنها : يييييييييلااااااااااااااااا شو تمششين هالكثر . .
مهره : افففففف . . " عجلت من مشيتها شوي " وتمت تنززل وتنزل وتنززززل لين تعلقت العباة بالنعال وخلاها تتزحلق . . واطيييح . .
طلعت منهاا : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آه . .
سمع الصوت سيف ورد يصعد بسسرعه . . شافها طايحه ف المساحه المربعة الي تي بعد الدري عشان الواحد يلف . . كان فيه ضحكه بس قبض عمره . .
سييف : اعنبوج ماتعرفين تمشين شوو . .
مهره ترص ع عينها : ااي راسي . .
سيف ما قدر ايود عمره تم ناقع من الضحك . .
مهره تطالعه بعصبيه : ضحكت من سسرك بلا . . يا الخايس انا لابسه كعب ماااااا كنت اروم انزل من الدري . .
سيف : وانا شدراني تراج ما قلتييييي . .
مسك ايدها يحاول يقومها وسمع انها بس تتلوى من العوق . . ف كل مكان يلمسها تقول آآآي !
.
سيف : لا حول الله . . من وين اقومج يعني . . تدرين كييييف . .
بايدينه اليمنى شل راسها وظهرها وايدينه اليسرا شال ريولها . . يعني باختصار شلاهاااا . .
مهره من كثر الاحراج غمضت عينها وخشت ويهها ف صدره بقووه . . عشان ما تشوف ردة فعله او تلاحظ القرب الي بينهم . .

سيف مبتسم وحاس انها مستحية . . بس سكت ما قال شي . . >> المكار بروحه مستحي . .

نزل بمشيات بطيئة عشان ما اطيح . . والحمدلله وصل بالسسلامه بس ما نزلها . . >> عايبنه الريال
مر صوب الرسبشن وانصدم رامي يوم شاف . . صد سيف صوب رامي وغمز له . .
رامي يضحك ويسوي له بايده (( اوكي اوكي . . تعجبني ))

وصصلو صوب السياره و قبل لا ينزلها قالها . .
سيف : وصلنا . . ترومين تنزلين ولا ادخلج السياره جي بعد . .
ماردت عليه . .
سيف مبتسم اكثر : مهررره !
مهره : بنزل بنزل روحي ..
سيف رخى ايده شوي وخلاها تنزل من فوق بشويش . .
فتح لها الباب وبطله : تفضلي يا برنسيسه . .
مهره ما تسويله سالفه : ركبت وسكرت الباب بقوه . . وسارت صوب وين هو بيسوق وقفلت كل البيبان .
يوم سار سيف صوب الباب بيفتحه يشوفه مقفول . . استغرب . . تم يأشر لها من الدريشه . .
سيف : افتحيييي . .
مهره حاطه ايدها ع ويهها . . .
سيف يبتسم : لا تستهبلين . .
خطفت كم سياره تطالعهم باحتقار . . جنهم مواعدين . . وسيف مبتسم مثل الاهبل . .
" عقب 3 دقايق "
سيف : مهووووور لا تستهبلين فتحي الباااااب . . " ويدق بقو ع الجامه الجدامية "
مهره رفعت راسها واخيرا : اووبسس . . " وسارت تفتح القفل "
سيف ركب : شفيييييييييج " حاط ايده ع يبهته : انحررجت قسم بالله . .
مهره صادة صوب الدريشه ما تقول شي . .
سيف يطالعها بتحدي : انزيين . . احسبيها هاي .. واحد صفر . . مردوده انزين . .
سكتت ما قالت شي وتامه لاصقه ف الباب . .
ابتسم سيف وحرك السيارة . . وشغل الراديو عشان يلطف الجو شوي . .
.
.
.

عذاري صوب باب الصاله : يا مرحبا السسساع . . تو ما نورتينييي . . ما بغيتي اعنبو . .
حصيص : شسوي . . . الدريول عنلااااااااته . . " تفر الكتب ع الغنفة بقوه " وااي شقى حر حر . .
عذاري تطالع الغنفة : وووو الخيبة . .
حصيص : شفيج . . ؟؟؟؟
ناصر يشل الكتب عن ويهه : ماااا فيها شي . . بس خافت علي اني يمكن فقدت الذاكره ولا شي . .
حصيص تعطيه ظهرها : اوووويييييييييييييييييييييه . .
عذاري تضحك : يالله حصل خييييير . . سلامات اخويه . .
ناصر بعده تحت تاثير الضربه وساكت ومنسدح ع الغنفه مش مستوعب . .
سارت عذاري صوبه ومطت شعره ع الخفيف : لا تدلع . .
" شلت الكتب ويايه بتسير فوق " . .
حصيص بتلوم فظيع : سسوري والله سوري . .
ناصر مارد عليها . .
راحت فوق ويا عذاري وهي منحرجه . . . وتمت عذاري تسسولف واااااايد ووتتريا من حصيص رد بسس ماشي فايده . . كانت منحرجه بالقوووو . .
عذاري : يا امي شفييييييييييييج خلاص ما استووووى شي . . .
حصيص : انتي بقره بعد ارمسي قوليلي اني في بهيمه راقد . .
عذاري تضحك : هههههههههه لا تسبين اخوية . . كله ولا ناصر
" ناصر كان توه صاعد فوق وبيسير غرفته وسمع هالجمله . . . "
ناصر : بعد اسبني الحيوانه . . " سار صوب باب الغرفه وعلى صوته . . "
ناصر : بدال ما يتاسفون ويحسون بتانيب الضمير يسبوووووووون . . مالت . .
راح عنهم غرفته وهو يحس بصداع والسبه هالكتب الي مشعت راسه وعيونه . .
.
.
.

البارت الـ 12


عنود : امووووت واعرف ليششششش ما تتصل مهووور . . مسسستحيل مهور تسكت عن سيفوه وما تكلمني . . تعرف اني بحاتيها . . وتعرف اني موصصصصصصصصتنها الف مره . . والله في شي . . واقص ايدي اذا مافي شي . . بس ماعليه كل شي بيبين . .


.

.

.


فـ السياره . .

سيف : وين تبين تسسسرين ؟

مهره تطالعه : عادي اي مكان . .

سيف : يعني وين ؟ وين حاطه في بالج . .

مهره تفكر : ممم ششرآيك في . . ( يقاطعها ويرد ع تلفونه )

سيف : هلا حبيبي . .

ميثا : كيييفو الحلو . .

سيف مبتسم : تمام حبيبي . . وانتي شحالج ؟

ميثا : زعلاانه . .

سيف : افااا . . ومنو الي ما يستحي واستجرأ وزعلج ؟ أشري انتي بس . .

ميثا : اسكت اسكت . . وينك عني انته . . لا اتصلت ولا سالت عني ولا شي . .

سيف : حقج علي . . ما استحي ع ويهي . . شو يرضيج امري . .

ميثا : يرضيني . . ممم يرضيني كوووفي يعدل لي راسي . .

سيف يطالع مهره : انزين بنتغدى انا مهره ف مطعم وعقب بمر عليج . .

مهره تصد الصوب الثاني . .

ميثا : انته طالع وياها ؟؟

سيف : هيه . !.

ميثا : انزين مرو علي انتو الاثنين . .

سيف : لا حبيبي ششو . .

ميثا : ليشش . . بتعرف عليها . .

سيف : مهره عادي نمر عليها ؟ وناكل رباعه . .

مهره انصصصصصصصعقت من وقاحته الزايده عن حده . . اطالعته ب نظرات مش مفهومه . .

مهره : ردني الشقه الحين . .

سيف : اردج ليش ؟

مهره بعصبية وبصوت عالي : ررررررررررررررررررردني الحيييييين ابا ارد مااابا اطلع وياك مكان . .

ميثا : خلاص حبيبي خلاص . . لا تمر علي . . سيررو كلو براحتكم . .وبشوفك وبتعزمني وقت ثاني . .

سيف معصب : نععععععم ؟ ؟ " انفعل اكثر " وليش ان شاء الله . . " يطالع مهره " تتحرين روحج منؤؤؤؤ ؟؟؟ هاي تاج راسسج سمعتي . . تتمنين تقعدين معاها دقيقه بس . . ليش جي انتي ما تنطاقين اعنبوه . .

مهره تطالعه بصدمه : مابا اظهر وياك مكان . . خلاص اول واخر مره . . ردني الشقه . .

سيف : ووووولي . . بردج . . عبالج مشتهي القعده وياج مثلا . . " يرمس فون " حبيبي بدقلج عقب . .

وبند ما تريا منها شي . .



تم يسرع بشكل جنوني . . لين شاف زحمة السسيايير . . شكله حادث مستوي . . تم يدق هرنات وهرنات ماشي فايده . .

ماكاانت تحس بالدموع الي تنزل . . كل الي مسوتنه حاطه راسها ع جامة السيارة ومغمضة عينها . .

ما صد صوبها ابد . . ولا حتى عطاها نظرة او اهتمام . . مرت عليهم ربع ساعه والسياره واقفه بعدها من الزحمه الي مش طبيعية . . الدرب الي يوديهم الشقه مسكر كامل . . اضطر انه يسير صوب اللفه ويغير دربه . . بدى يهدى شوي اول ما لف . . تم يمشي ويمشي ما يعرف وين يروح . . انتبه انه الساعة صارت 6 . . والمغرب اذن . . خطف بن بطوطه مول وبركن ومن غير ما يطالعها . .

سيف : يالله نزلي . . بنصلي وبناكل شي وبنرد . .

مهره اكتفت انها تبطل باب السياره وتنزل . .

تجدمت عنه ولا عطته اهتمام . . كانت تمشي ب بطء فظيع . . سكر السياره ولحقها . .

<< انا ليش جي سويت . . ليش . . حرام اصارخ عليها . . حرام اجرحها . . شو قالت الحين . . قالت ردني الشقه انا ليش اعاندها واقولها لا . !!! يعني هي ما قالتلي ودني وعقب سيرلها ولا قالتلي لا تسير لها . . قالتلي بس اردها . . ليش انفعلت وعقيت عليها كلام مثل السسسم .!!!!!

سار صوبها بحنية . . مسك ايدها بقوة . . حاولت توخر ايده بس مارامت . . قبضته كانت اقوى . .

اكتفت بالسكوت . . واكتفت انها تمشي على كيف كيفه .! يوم يمشي بسرعه تراه يحركها وياه . . ويوم يدلع فالمشية تضطر تبطي وتمشي شوي شوي .. ّ

وصلو صوب المسيد . . .

سيف يطالعها : تلفوني مفضي . ." يطالع شنطتها " وانتي ما يبتي تلفونج ؟

مهره تخوز ايده عنها : لا . . " من غير ما تطالعه " بترياك اهني من اخلص . .

سيف : خلاص اوكي . . ممم . . " قرص خدها " يلا روحي . .

ورراح عنها . . تمت تطالعه لين دخل داخل وتنهدت وسارت تصلي . .

عقب 10 دقايق . . ظهرت له وكان هو الي يترياها . .

سيف : تقبل الله . .

مهره : منا ومنكم . .

سيف : هاا شو تبين تاكلين ؟

مهره : اي شي . .

سيف : شو كنتي بتقترحين فالسياره .. ؟

مهره سكتت . .

سيف : ممممم يلا بنروح صوب قصر الهند . . تط

تمت تمشي معاه . . طلبو لهم اكل . . وعلى بين ما توصل الطلبيه . . هو مجابلنها وهي سرحانه تطالع يمين . .

سيف يدق ع الطاولة : صوبنا انزيين . .

مهره تطالع ـه عين بـ عين وبقوه وحايب مرفوع . . .

سيف يبتسم : شوي شوي ع عيونج عن اطيح . .

مهره تطالعه : اضحك يعني ؟

سيف يبتسم : هيه اضحكي . .فرفشي شوي . .

مهره تصد يمين . .

سيف صد يمين : منو تطالعين ؟ معجبة ف امنوه . .

مهره تطالعه : ع بالك انا فاضيه لهالشغلات التافهة . .

سيف: اي شغلات . .

مهره مبتسمه بدون نفس : سلامتك . .

سيف : يلااا عاد . . ابتسسمي شوي . . والله ماكنت اقصد . . انفعلت بدون ما احس . .

مهره : انزين !! اوكي . . سكر السالفه خلاص . .

سيف : يعني سامحتيني . . ادري ادري قلبج ما يشل علي . .

مهره عاقده حياتها : مادري امنؤؤه عاده عسبت ماا اشل عليك . .

سيف مبتسم : انا ريلج بعد ششو . .

انقرص قلبه ما قالت شي . . وهوبعد يته نفضه . . ماعرف كيف قال جي . . قطع عليهم هالاحساس الهندي الي يايب الاكل . . حطالهم البرياني والبيبسيي والفتوش . . ووراح . .

كلو بهدوء من غير محد يتكلم . .

استعيلت مهره على اخر اللقمات . . مما خلاها تشرق .

سيف : شوي شوي . . ما بيطير الاكل " يعطيها ماي " . .

شربت الماي وماردت عليه . .

::: مهررررره ؟ " من بعيد شوي |"

مهره تطالع صوب الصوت وابتسمت ووقفت وتجدمت شوي عسبت توصل للبنت : هلا والله . .

:: شحالج ؟ اسمحيلي خربت عليج . . " وتضربها ع جتفها بخفيف " ويين الي قالتلي بصعد دقايق بلبس وحاله وبنزل ..

مهره : اسمحيلي يا شوق . . خذتني غفله والله . . وبغيت استسمح منج بس ماعندي رقمج ولا شي . .

شوق : ماعليه مسموحه . . يايه ويا ريلج ؟

مهره مبتسمه : هيه . .

شوق : خربت عليكم صح هههههههههه

مهره مبتسمه : لا والله افا عليج . . انتي يايه بروحج ؟

شوق : هيه والله يايه بروحي . . ريلي ساير عند ربعه وييت اهني اتمشى . .

مهره وهي تفكر شوي . . : انزين دقيقه بس اترييني . .

مهره سارت صوب سيف : الحمدلله انا شبعت . .

سيف عقد حياتها : انزين قعدي ..

مهره تطالعه : لا ما ييت عشان اقعد . .! بس يايه اقولك اني بطلع ويا ربيعتي . .

سيف عاقد حياته : ربيعتج ؟

مهره تبتسم : نسيت اتفاقنا قبل شو ؟

سيف بقهر : ما نسيت . . روحي فديتج روحي . .

مهره : و انته بعد سير عند حبيبت القلب عشان ما تتاخر عليها . .

سيف : بروح عبالج يعني بتم اهني بروح ـي . !!!

ما تريته يكمل كلامه وسارت . .

مهره تمسك ايدها : يالله مشينا . . بنتمشى . .

شوق مستغربه : وييه ؟ وريلج بتخلينه اهني بروحي . . عنلاتج البنات بيهفون ريلج عنج . .

مهره مبتسمه : لا ماعليج يحب ما يشوف غير حبيبته ف عيونه .

شوق سكتت ما علقت . . بس مشت ويا مهره . .

<

>


>>> انا ليييييييييش معصب انزيين . . طزززززز فيها . . تروح وين ماترووح . . ليش منقهر . . اصلا انا كنت ع طول بردها الشقه وبسير عند الحب . . بفتكر فيها مثلا ؟

.
.
.
البارت الـ 13 . .


نزلت حصيص من فوق ادور كتاب الجيولوجيا الي ما شلته عذاري . . انقهرت لانها ما حصلته . . ماسكه البي بي وتسوي بنق اكثر عن مره حق عذور عسبت تقولها وين الكتاب ما حصلته . . بس عذور مودرة البي بي . . وانقهرت لانه ماعندها رصيد تتصل . . في عيون مجابلتنها من بعيد واستغلو الفرصة ودقو لها . .
ناصر : السلام عليكم ؟
حصيص : شوف انا مش فاضية . . شو تبا الحين . . ؟
ناصر : بل .! انتي تعرفين انا منو اصلا ؟؟
حصيص : نعم خير ؟ انت متصل الحين شتبي . .
ناصر : ابا درهم عندج . .
حصيص تبند فويهه : صصصصصج ناس تفاهة . .
ابتسم ناصر وكان شال كتاب ف ايده . . : انا تافه ؟
حصيص بقفطة : محد كلمك . . كنت ارمس فون . .
ناصر اونه ما يدري : ترمسين فووووووون . . ايووا . . زين والله . . سلمي عليهم المره اليايه . .
ما قالت شي " انتبهت حق كتابها الي في ايده |"

حصيص من دون ما تحس : اوه هكووو الكتااااااب . . " تششققت " سحبت الكتاب عنه بسرعه وسارت فوق . . وناصر يطالعها . .
ناصر قابض ضحكته : ياهل ياهل . .
دش منصور : السسلام عليكم . . ترمس منوو انت ؟
ناصر : وعليكم السلام ورحمه الله وبركاته . .ارمس عمري . .
منصور : مينووون ششو . . يالله يالله قوم اتلبس بنظهر نتعشى ويا قوم رشود . .
ناصر : آآآآ لا اليوم انا ماابا اطلع . .
منصور : وليششش ان شاء الله
ناصر : بس عندي كم شغله فالبيت . .
منصور : شو من شغل ؟
ناصر: شغل شغل . . يالله برايك سير . .
منصور : شبلاك مدوووده. .
ناصر : منو قال . . بالعكس انا عادي . .
منصور يتقرب منه : عنلاتك ليكون يايب حد البيت . .
ناصر ضحك : طاع التفكييييييير بسسس . .
منصور : تسويها يا ريال . .
ناصر : لا ما يايب حد اطمن . .
منصور يمشي عنه بيسير فوق . .
ناصر يلحقه : وين ساير . .
منصور : شفيك مستوي عيوز . . شو تبا الحين
ناصر : وين ساير انزين . .
منصور : بسير عند عذور يايلها اغراض هيه طالبتنها . .
ناصر يبتسم : شو يايبلها . .
منصور : مذكرات حق الامتحانات . .
ناصر : عطني عطني . . انا بعطيها . . اصلا انا عندي كلمة راس وابا اكلمها ومنها بعطيها ..
منصور عطا ناصر المذكرات بتعجب . .
منصور " غريييييييييبه !! نصور الي ما يتوالف ويا عذور يتعنى لين عندها ويعطيها المذكرات "
.
.
.
سلامه تصيح : شو اسوي ياربي شو اسوي . . ليش طحت بهالورطه . . أشمعنى انا الي جي يستويلي اششمعنى . .
ادق عليها سموي الباب وتدخل عقبها ع طول : ها تصورتي ولا . .
سلامه تسير عند ريول سموي : دخيييلج اعفيني من هالشغله حرام عليج والله حرام . .
سموي ادزها بريولها : وووووووووخري لا تلوعين جببببببببدي . . يالله بسسرعه بسرعه . . هالمره ابي الصورة بدؤؤؤن أي ششي . . بدون ملابسس . .

سلامه تحط ايدها ع وييهها . . : دخيييييييلج سموي خلاص كاااااافي الي تسوينه فيييني كاافي . .
سموي : شكلج تبين خالد وسيف يعرفون سسوالفج صح ؟؟
سلامه تسير صوب ريلها : شو تبين . . فلووس ؟؟ والله بعطييج بس اعفيني من هالششغله اعفيني . .
سموي : كم بتعطيني ؟ ألف ؟ ألفين ؟ ششسوي فيهن هذول . . انتي تعرفين صورج ع كم ابيعهم ؟
تسير صوب السرير وتقعد عليه . . .
سموي : مم تقريبا 40 ؟ 50 ألف . . هذا بعد يختلف من صوره لين صوره . . و لا اذا نفذت طلب الشخص الي يبيه اوووه احصل واااايد . . . صور جسمج تسوي مشاريع . . تنباع ف السسوق . . تنباع براا . .
سلامه تغطي ايدها ع ويهها : حسبي الله ونعم الوكيل فيج . . حسسبي الله ونعم الوكيل . .
سموي تبتسم : اترياج اليوم . . ولا اقولج باجر قبل لا تطلعين وتسيرين دوامج اباهن . . سمعتي ؟
وتطلع من الحجره . . اتم سلامه ع الارض تصيح ع الي هيه فيه . . .
ما كملت دفايق الا ودشت عنود . .
عنود : سسسلاموه جي اصيحين ؟؟ شوووو فيج خبريني ؟؟ هالسوسه قالتلج شي . .
سلامه تمسح دموعها : لالالا ما قالتلي شي . . بس خايفه من النتايج لا تحاتين . .
عنود : انزين بعدها امتحاناتج .. قلنا ثانوية عامه بس لا تذبحين روحج جي . . تبيني اوديج عند عذوور بتدرسين وياها ؟
سلامه : مش اليوم . . باجر ان شاء الله بروح . . اعتقد اليوم ربيعتها حصوص عندها . .
عنود تمسح دموعها : انزين . بس خلاص قومي غسلي ويهج . .
سلامه تبتسم : ان شاء الله . . .
.
.
.

" في غرفه عذاري ., , "

يندق الباب بقوة . .
حصيص : وسسسسم ان شاء الله . . انتي كيف عايشه بهالهمجية . .
يرفس ناصر الباب بقو : همجي يدخل ف خشمج وما يطلع سنه ان شاء الله . . انتي لسانج ليش جي فالت . .
حصيص مغمضه عيونها : عذور لا تقولين ها اخوج النحيس ؟
عذاري تبتسم : مع الاسف ومش اي اخو بعد . . ناصر يا قراده حظي . .
عدلت حصيص شيلتها وسوت عمرها مشغوله بالاوراق . .
ناصر : عذووووور " عاقد حياته " اندوج . . هاي المذكرات الي طالبتنن من منصور . .
ويفرررهم على راس حصة بالقــــــووووو . .
طلعت منها ااااااااااااااااااااااااااااه . . . .!!!!!!
وطاحت ع الارض . .
عذاري تركض صوبها : حصووووووووووووووووووووووص . .
ناصر الي توتر . . وسار صوبها وحطاها ع ريله : والله العظيم ما كنت اقصد . . ابا ارد الحركه بس . . ما يا في بالي جي بيصصصير انا اسسف . .
عذاري معصبه : انته ششششششو سويييت شو سسسسويت . . ؟؟
.
.
.
شوق : ايووووا . . وجذي السالفه يعني . . .
مهره : هييه يختي . .جذه السالفه . .
شوق : حالتج انتي امرره مش احسن عن حالتي . .
مهره تطالع شوق : ليش انتي شفيج ؟؟
شوق تبتسم : خلينا نركب السياره بقولج . . ولا تبين بعد تاخذيلج لفه اهني . .
مهره تصد ورا : ها مش جنه يلاحقنا ؟
شوق : خليه يولي . .
::: 3433**** . . . اتصصااالات هااا . . اتريا ولا ما اتريا . .بس قولي اذا اتريا علششان اعرف

يي سسيف ويعطيه بوكس من الزين . . : انت ما تستحي ع ويهك . .
مهره وشوق واقفين ما يتحركون . . والبكس ناقع بينهم هم الاثنين . . دقيقتين على هالحاله لين يو ششباب وفججوهم . .
شوق سحبت مهره ف نص الضرابه وظهرو . . .
سيف يلتفت يمين يسار ما حصلها . .
<< يعني ما صدقت على طول راحت . . .انزين حتى مبايلها ف السياره ناستنه . . استغفر الله . . ما بعصصب اكثر ما بعصب . . اصصصصصصصصصلا ليش محترق انا . . الحين بسير عند ميثانه لزيمه الروح فديتها . . " تطلع تنهيده من الخاطر " افف انزين وين بيسيرررون الحين . . وهذي منو . . ومن متى تعرف مهررررررره . . وين بتوديها الحين . !
تم على هالافكار يمشي ب عصبية . .لين اتصلت فيه ميثا وقالتله يمر عليها . .
>
<

شوق : شرايج نسسير المرسى ؟
مهره : يبالنا . . علشان نشكي ع الراحه . .
ابتسمت شوق وركبو السيارة وسارو صوب المرسى . . اول ما وصلو خذولهم قارب ودخلو البحر . .
شوق : ممم . . .الله يسلمج انا متزوجه غصب . . متزوجه واحد اكبر عني بـ 40 سنه . . لاا وتخيلي كله ميهود و عياله مزوجينه عسبت حرمته " وتبتسم " يعني انا . . اكون شغاله عنده . . انظف واغسل واسبح واطبخ . . لاا وتخيلي " تضحك " احصل راتب بعد . . اخوانه يعطوني و عياله يعطووني . . واحصل من كل صوب . . . " تتنهد بحسره " يالله . . ع الاقل هذا فقير . . ومسكين ما يقولي شي لو ظهرت . . وخلاني اظهر ليسن عسبت احوط واسير وارد وما اتملل . . " وتبتسم " وبسس . .
مهره : وووووليييش انزين . . ليش غصبووج عليه ؟؟؟
شوق : بس جي . . مرت ابوي ما تباني اتم فالبيت . . امي وابوي مطلقين . . وامي متزوجه ومسافره برا . . وابوي متزوج وفارني عند مرت ابو نسرة . . دبرتلي الريل عشان اطلعني من البيت . .
مهره عضت شفاتها : الله يكون بعوونج يا قلبي . . بعد انتي مش احسن عني . .
شوق : احمدي ربج . . ع الاقل سيف شباب . . ومن شكله مهتم فيج . . وفي امل انه الله يسخر قلبه ويلين ويحبج . .
مهره تقاطعها : حببببببه برص . . ماباه هالحب . .
شوق تبتسم : لا تقولين جي . . لين متى تبين اتمين عايشه بهالوضع ؟ ولا ليكون تفكرين بالطلاق ؟
مهره : لا . . الطلاق صعب . . وما افكر فيه ابد والله . . اتم جي احسن لي . . دامه عنده حبيبه وبياخذها جريب . . الله يهنيهم . . والله يخليج لي بظهر وبتونس وياج . .
شوق : جان زين الظهرات والوناسة والسهرات كل شي . . جان الكل سعيد . . بس للاسف . .
مهره تتنهد : هيه والله صدقتي . .! " تبتسم " بسسنا من هالموؤؤد . . كلمي هالهندي خليه يردنا المرسى بنسير الكافيه بنقعد شوي . . ترى كله ع حسابج انا شنطتي ف سيارة ريلي . . " تحط ايدها ع شفاتها " اقصد سيارة سيفوه . .
شوق : هههههههههه . . افا عليج انتي بس . .

.
.
.

ميثا : شفيك حبيبي ليش متوتر . ..؟؟؟
سيف وهو مغمض عينه ويتنهد : مافيني شي . .
ميثا : انزين ممكن تبطل عيونك وتشوفني شوي . . ابا اكلمك ف موضوع . .
سيف يبطل عيونه ويتنهد . . يحاول يسترخي قد ما يقدر . . : اتكلمي حبيبي . .؟
ميثا مبتسمه : انا موافقه . . .
سيف يطالعها باستغراب : موافقه على ششوه ؟
ميثا : نسيت !! ع زواجنا بالسر . .
سيف فتح عيونه ع الاخ ــر . . : الحيييين !! وبهالسرعه . . . شو الي غير رايج فجججاه !!
ميثا : احترت وياك !! يوم ااتاخر تقولي ليش متاخره ويوم استعيلت تقولي ليش غيرتي رايج فجاه . . سيف اذا ما تباني ترا بعده شي وقت . .
سيف : شووووو هالكلام بعد . . انتي تعرفيني شكثر اباج . . وميت اتريا هاليوؤؤؤم !! بس حاليا صعب . . اصبري شوي . .
ميثا : بصبر حبيبي العمر كله . . بس انا رديت عليك برايي !! متى ما زهبت وضعك بتحصلني اترياك . .
سيف مبتسم : ويلوموني ليش مغرم فييج يابنت . .
ميثا : يالله عشني تاخر الوقت . .
سيف : من عيووني " يحط ايده على عيونه " هذي قبل هذي . .

" عقب العششا . . "

>
<

سيف يطالع الساعه صارت 11 . . .
ميثا : انت شي عندك . . كل شوي تطالع الوقت ليش . . ؟؟؟
سيف : مهره ماعندها فون . . واخاف تحتاي شي . .
ميثا : شو بتحتاي حبيبي . .تراها ويا ربيعتها .. ما بتقصر ربيعتها فيها . .
سيف : يالله انزين قومي عشان اوصلج البيت . .
ميثا :بل .. ! طرده محترمه . .
سيف يبتسم بدون نفس : نشي يالله . .

.
.
.

.
[align=center]
.
البارت الـ 14


عذاري : نصصصصصصصصصصور اطلع من الغرفه الحين .
ناصر يضحك : طلعتلها صعروره . .
عذاري : انته انطقها عدل اول . .
حصيص معصبة وتطالعها بنظرة خايسه : لك ويه تتكلم . .
طلع ناصر من الغرفه وهو يتذكر اللقطه . . كانت طايحه ما تبي تتحرك لانها قافطه . . وهو خاف عليها وسار وشوي وبيشلها .. ّ!! وهيي تبي تندس عنها وهو يتحرا فيها شي ويسحبها صوبه . . حس بالحمإآإسس . . جي دخلت البنت فرآسه وآإيد . . ابتسم بسمة خبيثة وطلع من الغرفة . .
عذاري متلومة : والله سسوري حصصصصصيص . . انتي دومج تعرفينه نصور . . مول ما ابلعه ولا يبلعني . . مادري شو ياينه اليوم . .
حصيص : لاني مقروووده عشان جي . .
عذاري قابضه ضحكتها . .
حصيص : اضحكي اضحكي . . .
ناصر من ورا الباب سمعها ضحكه تحطيييييييم بالقو . .
جان تشل قلم وتفرره ع الباب بقوة . . مما خلا ضحكته تتلاشى لانه نقز . . *
حصيص : يالله الدريول وصل . . سيري خلي اخوج يروح وسويلي درب . .
طلعت عذاري وشافت ان ناصر محد . . سحبت وياها حصوص بسرعه وربعو تحت . . وصلتها لين باب البيت و اشرت لها بااي ودخلت داخل . . ونقزت لان ناصر كان واقف جدامها . .
عذاري : بسسسسسسسم الله نقزتني . .
ناصر : رررررراحت شو ؟
عذاري وهي تمشي : هيه . .
ناصر : هيه وياج فالكلاس صح . .
عذاري : ناصر لا تستبهل . . يعني حصيص ربيعه الصغر والحين ياي تقولي جي . .
ناصر يحج راسه : انزين اوقفي شوي . .
عذاري تصد له " تجابله " : ماعندي معلومات عنها ولا بقول شي . . ريح بالك . .
ناصر : منو قالج ابا اعرف عنها شي اصلا . .
وراح عنها . .
>
<
عذاري ترد ع تلفون الصاله : ألووو ؟
ما كانت تسمع عدل لان البنت المتصله تشاهق من الصياح . .
عذاري : شوووو فيج . . منو معاي . . مهووور ؟؟؟؟
سلامه : لاا . . " وتشهق " انا آنآ سسلامه . .
عذاري تحط ايدها ع قلبها : شششششفيج سلامه شو مسستوي اتكلمي . .
سلامه : الله يخليج . . " تشهق "تعاليلي الحين . . انا تعبااانه . .
بندت عنها عنها بسرعه ولبست عباتها . .
طلعت برع ما لقت حد . . . تمت تتصل ع الدريول بس ما يرد عليها . . اتصلت على منصور ورد عليها من اول رنه . .
منصور : هلا . .
عذاري : منصور انت وييييييييييييييييين
منصور : جريب البيت . . شووو مسستوي ؟؟
عذاري : تعال بسرعه دخيلك ضروري . .
منصور : يالله ياي ياي . .
وبند عنها . . ما كمل دقيقتين ووصل . . ركبت وياه بسرعه . .
منصور : وين اوديج ؟؟
عذاري : بيت قوم سيف . .
منصور مارام يسوق : مهره فيها شي ؟؟؟؟
عذاري : لاا مافيها شي . .اخت سيف مادري شو فيها . .
منصور متوتر بس قال : واحنا شو يخصصنا فيها
عذاري معصبة : شو ؟؟ هاييل قبل لا يناسبونا ترا امك موصية عليهم . . وماتعرف مهور ليش تزوجت ولدهم يعني . .. عشان غلات امهم عند امك
ساق بسرعه وهو توتر لان عذاري وايد متوتره . . . عقب فتره بسيطه تكلم . .
منصور : مم منو فيهم . . . سلامه ؟
عنود تطالعه : هيه سلامه . . شعرفك ؟
منصور : شو فيها ؟؟
عنود تتنهد : والله مادري علمي علمك . . بس كانت تشاهق وتقولي تعالي لي . .
اتصلت عذاري ع مبايل سلامه مره ومرتين بس محد يرد . . تمت تتصل وتتصل لين ردت عليها عنود. .
عنود تصيح : عذوووووور . .
عذاري : شووو فيج ؟؟ . . شو فيها سسلامه . .
عنود : سلامه مغمي عليها . . وممحد فالبيت غيري انا والدريول ما ادريبه ويييييين . .
عنود : لا اله الا الله . . حاولي تلبسينها عباتها بس احنا احين جريب بيتكم . .
عنود: خلاص اوكيي . .
تمت ترش ماي على سلامة وايد . . تفتح عيونها شوي وترد تسكرها . . لبستها عباتها وحاولت اتلبسها الشيله بس ماقدرت . . خلتها ع جتف سلامه . . وشوي يت عذاري فوق . . سحبو سلامه هم الاثنين ونزلوها تحت لين الباب .
عنود : انا ما اقدر اي . . البيت بيخلى . . . ابوي وامي فالشارجه ويا امج وابوج . . وخالد سحب حرمته وطلعو قبل ساعه . . ماا اقدر اودر البيت جيييييه . .
عذاري مبتسمه : لاتحاتين انا وياها .. . يعني الحين تعدييني غريبه الله يهديج . .
عنود ماسكه ايد عذاري : دخيلج طمنيني اول باول . .
عذاري : ان شاء الله . .
سحبت سلامه لين السيارة وركبتها ورى . . وخلها تنسدح . . وبسرعه ركبت جدام . .
منصور مرتبك وايد . . ما يحب هالمواقف . . ووايد يرتبك . . وما يعرف يتصرف لانه يتوتر وايد . .
عذاري تطالعه : ششششششششو تتريا سوق ودنا المستشفى . .
كانت سلامه فالسياره تنووح . . وتشهق وما على لسانها غير " حسبي الله عليها " . . " فضحتني " . . " لعوزتني " " انا تعبت . . "
هالكلمات كل شوي تعيدها على مسامع منصور الي الف فكره وفكره في باله . . عذاري صادة راسها ورى وماسكة ايد سلامه وتسمي عليها بالرحمن . .
>
<
جاسم : عمووو . . عموه عنود ليش طلعت براا بثثرعه . . .
وفوي تصيح : ..
روضة تحظنهم : مافيها شي عمووه . . بتسير تودي صديقتها المستشفى وبترد . .
" يرن تلفون البيت "
تسير ترد عليه . .
روضة : الووو ؟
مهره : مرحببببا ؟
روضة الي تهللت ويتها الغبنة . . .
مهره : فدييت روحج انا . . ليش تصيحين يا قلبي . .
روضة : شحالج
مهره : الحمدلله بخير وانتو شحالكم . . طمنيني عنكم . .؟
روضة : نحنا بخير " تنتبه ع الكاشف " انتي متصله من رقم البلاد ؟ ها رقم منو . .
مهره : أأأ . . ترى سيف بعيد عني . . وها رقم وحده انا اتعرفت عليها . . وانا طالعه وياها الحين وعطتني فونها ارمسكم . . خبريني شو الاخبار والتطورات . .
روضة : ابوي وامي راحو الشارجه ويا عمتج ام ريلج هي وابو سيف بعد . . ناصر برا البيت . . ومنصور وعذور طالعين .. وف حظني وفوي و جسسوم . .
مهره : وايه فوديتهم كلهم . . امانه سلمي عليهم كلهم . . وبوسسيلي اياهم كلهم . . ورمسي عنود اول ما تحصلين فرصه وقوليلها اني بخيير وما حصلت وقت اكلمها ومن احصل فرصه اكيد برمسها . . وامي وابوي بوووسيهم اقوى شي سمعتي . .
روضة : ان شاء الله حبيبتي يوصل . . تحملي على روحج وهالله هالله ب سيف . . وسلمي عليه واايد وايد . .
مهره بصوت واطي : امحق سيف . .
ضحكت شوق . .
مهره : يالله غلاي مع السسلامه . . ما اقدر اطول ب تلفون البنت . .
روضة : الله يحفظج حبييبتي . . ..
.

.
.

البارت الـ 15


سيف بعد ما وصل ميثا البيت . . راح الفندق بسرعه . . اول ما دخل سوا عمره عادي . .
شوي وتم يدورها وما حصلها انقهر . . السساعه صارت 11 . . هاي من صدقهاا شو . . " يغمض عينها وينسدح ع الغنفة " وت اييفر . . ماتهمني . . اصلا انا قايللها تتصرف ع كيف كيفها . . خل اقوم ارقد احسن لي . .

.
.
.

" في بحر جميرا "
شوق : ان ششاء الله ارتحتي . .
مهره مبتسمه : مع ان احس شي مستوي فالبيت . . بس بعد واايد ارتحت والله . . تسلمين لي شووقي . . ما بنسسى هالوقفه موول . .
شوق : وسيف ما بتتصلين فيه . .
مهره تطالعها : تدرين اصلا حتى رقمه ماعرفه . . وتلفوني في سيارته . .
شوق : عيل لو تبينه كيف ترمسينه ؟
مهره مبتسمه : اتصل ع رامي الي ف الفندق ويدقله وارمسه . .
شوق : ههههههههههه رامي حتى وياكم . . الله يا رامي . . كاتم اسرار الفندق بكبره . .



مهره بدون نفس تبتسم . .
سارت عنها شوي شوي بعيد .. .
مهره تطالعها : وين رايحه . .
شوق : بييب شي من السياره وبردلج . .
وهي تمشي . . اتصلت في رامي . .
شوق : مرحبا رامي . .
رامي : لك اهلين مدام شووءء . .
شوق : الله يا رامي . . اثاري كل الي ف الفندق يعتمد عليك مش بس انا . .
رامي يضحك : ههههه لك تحت خدمتكوون انا . .
شوق : انزين بغيت منك طلب . .
رامي : أمرييييني . .
>
<

بعد دقايق ردت شوق حق مهره ويايبه معاها بيبسي . .
مهره تطالعها : قومي خلينا نرد . .
شوق تقعد حذال مهره : لا توا الناسس . .
مهره تطالع الوقت : الساعه 11 . .
شوق تبتسم : تخافين يستهم عليج ؟
مهره تبتسم بطنازه : هه يستهم علي ؟ ها اخر شي ممكن سيفوه يسويه . . تلاقينه لاهي ويالحب . .
شوق : مم اشتعلت الغييره ششو . .
مهره تطالعها : اي غيره اي خرابيط . . شكلج بعدج ماعرفتيني عدل . .
شوق : ماعليه . . خلينا قاعدين شوي بس وبنقوم ..
مهره : انزيين . .

.
.
.
" ف المستشفى "
عذاري : هلا عنود . .
عنود : طمنيييييييييييني . .
عذاري : مافيها شي لا تحاتين . . مجرد انهيار عصبي وسوء تغذية . . وعطوها حبت مهدء الحين . . وهي راقده . . بس لازم اتم لين باجر . .
عنود : لين باجر ليييش ؟؟؟؟
عذاري : علشان المغذي . . وعلشان يوم تهدى باجر يشوفها الدكتور و يتخبر عن حالتها . .
عنود : بس هاي خوااافه ماتقدر ترقد روحها . .
عذاري : لاتحااااتين شوو فيج . . انا بتم وياها . .
عنود متلومه : مايستوي . . والله فشله . .
عذاري عاقده حياتها : شو فشله ما فشله . . عن هالرمسه احنا اهل . .
عنود : انا بتصل فيج أول بأول . .
عذاري : ياعنود لا تحرقين قلبج . . والله انا شفتها . .راقده الحينه ومافيها اي شي . . انا بروح انسدح حذالها وارقد . . وان شاء الله ما يصير شي . . لو صار شي بسيط انا بدقلج على طول . . وعد . .
عنود : مشكورة يا عذور ما اطلع من يزاج والله . .
عذاري : لا تشكريني ع شي . . يالله ببند انا الحين . .
عنود : اوكي الغاليه . . مع السلامه . .
>
<

ردو خالد وحرمته من برا . . ومثل العاده سحبته حرمته ما خلته حتى يسلم ع عنود . .
عنود تتنهد : غبتي ما غبتي يا سلامه . . محد بيحس ب غيابج والله . . الله يقومج لنا بالسلامه . .
>
<

منصور : يالله عذور . .
عذاري تعض شفايفها : ياخي اخاف لو حد درى من اهلها تستوي سالفه . .
منصور : محد بيدري ب شي . . خلاص يالله روحي ناصر يترياج من متى . .
عذاري : اففف . . انزين انزين . . يوم بتصل فيك رد علي فهمت ولا ..
منصور : انزين برد يالله روووووووحي . .
تنهدت عذاري وراحت عند ناصر الي يترياها برا . .
اول ما ركبت السيارة . .
ناصر : بسسسسسسسرعه لا اروح عنج . .
عذاري معصبة : انزييييييييين لا تصارخ . .
ناصر : والله اني كنت بروووح . . ششششو تسوين ساعه كامله . .
عذاري تسمع فونها يرن وتتجاهل ناصر : هلا حصيص . .
ناصر الي راق شوي وحرك السياره وما علق . .
عذاري : عقب عقب بخبرج ماروم الحين . . الجو متكهرب . .
ناصر يصد صوبها : شو من سوالف مخشوشه . . ارمسي شو بسوي انا يعني . .
عذاري تطالعه : ياخي رمسسسات بنات شو تبا انته . .
ناصر : هيييهيياا . . الحين شو تبا انته . .
عذاري تجاهلته : انزين حصيص . . خلاص بكلمج من اوصل البيت . .
ناصر : واذا ما رديتج البيت . .
عذاري تطالعه : وين بتوديني يعني . .
ناصر : بنحوووط . .
عذاري مصدومه : انته بتحوووووطني . . هييه خير ان شاء الله . .
ناصر يأشر لها بعصبية ويرمس بصوت خفيف : اييه لا تشوهين سمعتي جدامها . .
عذاري تضحك : هههههههههه عاد مول ماتعرف هي شي . .
ناصر : الي يدلعج ويطلعج . . انتي مال طلعه اصلا . . رمسي رمسي ف الفون وفكينا . .
عذاري : هييه والله صدقج مينون . . هااا ؟ هيييه هههههههههههههههههه . .
ناصر يطالعها ويسحب الفون . . : سبيتي صح سبيتي . . . " تغير ويهه " وعطاها الفون . .

عذاري تطالعه وتشل الفون : ألوو ؟ ألوووو . . " طلعت منها ضحكه لا اراديه . ."
ناصر ب انفعال : اسكتي ترى والله بكفخج . .
>
<

شوق : ممم مهره دقيقه بتصل ف ريلي وبرد لج . .
مهره تتنهد : اوكي . . .

" 10 ثواني . . "

سيف : الي ماخذ عقلج يتهنى به . .
مهره تصد وراها وتنقز . . : اعوذ بالله . .
سيف رافع حياته : شايفه يني ؟
مهره : لا . . ابليس . .
سيف : ماتقصرين ماتقصرين . . يي منج اكثر . .
تجاهلته . .
اما هو تجدم ششوي ويا جابلها . .
انصدمت من حركته بس ما علقت . . وتجاهلت وجوده وتمت تطالع البحر . .
سيف : ان شاء الله استانستي ويا ربيعتج . .
مهره تطالعه عين بعين : وايد فوق ما تتصور . . وانته ان شاء الله استانست ويا حبيبتك ؟
سيف : وااايد . . فوق ما تتصورين . .
مهره مبتسمه بدون نفس : الحمدلله . . " تقوم "
مسك ايدها بقوه . . : على وين ان شاء الله . .
مهره : بسير بطالع ربيعتي وين راحت . .
سيف مبتسم : مسكينه انتي . . ربيعتج سارت من زمان . .
مهره عاقده حياتها : شوووووووو . .
سيف بخبث : هيه . . رواحنا اهني . .
مهره باشمئزاز وخرت ايده ومشت . .
استغرب من حركتها وقام وراها ومسك جتفها بالقو وخلاها تجابله . .
سيف : شووو فيج . . ليش هالنظرات الي مالها داعي . . ليش هالنبره الخايسه . .؟
مهره : اشششمئز منك . . ما اطيقك موول . .
سيف يبلع ريجه وباحتقار : يعني انا الي ميت فيج . . . والله انتي مش ويه حد حتى يفكر فيج . . او يتعنى و يي لين اهني عشانج . .
مهره : نعمممم ؟؟ وليشش ييت اصلا ؟ انا ما قلتلك تعااال . . ودخيلك لا تمثل لي دور الزوج الحين . . نحن مش جدام اهلنا . مثل ما قلت قبل . . خلك على راحتك وخلني على راحتي . . ولا ها بديت تتغير ؟
سيف بعصبية وكاتمنها بصوت واطي : ماتغيرت . . ولا بغير شي . . خلج مثل ما انتي . . احاول اتقرب منج . . عالاقل تكون علاقتنا زينه . . ناخذ ع بعض . .
مهره تقاطعه : نااااااخذ على بعض ليش . . انته ليش ما ترمس بواقعيه . .
سيف : خلاصصصص سكتي يا ام الواقعيه انتي . .
ومشى عنها بسرعه وركب سيارته . . استغربت من حركته . . . بس عنادها خلاها تصد راسها وتمشي بعيد . . .
مهره وهيه خايفه ومعصبة .>> كيييف يستجرء يخليني ويروووح . . فهاللييل .!!!!!!!!!!!!!!!!!! كيييييف رااااااااح . . شو هالووووووووقح . . والله انه وقح . . لو ع قولته يبا يعدل العلاقه جان ما فكر انه يررروح . . انا شو بسوي اهني . . شو بسوي روح ـي !!!!!!!!!
تمت تمشي بخووف لين تعبت وقعدت . . خشت ويهها بايدينها وتمت تصيح . . ليش عاندته ليش . . جان رحت معاه . . بس هو يوم يبا يعاملني بطيب . . ويوم ما يبا يخسف فيني !!! انا مش لعبه عنده . . خل يكون ع قرار واحد عشان ما يتعبني معاااه . . . انا مابي امثل شخصييتين . . كفايا علي اجذب على اهلي واهله . . شو يبا مني احين اكثر . . اقل شي يخليني ف حاالي وما يلعوزني . .
تمت على هالحاله تصيح وتشكي والخوف مقطعنها . . مرت عليها ساعه ونص وهي على هالحاله . . كل ما تشوف حد يجرب منها تبتعد وتنخش . . وتمت على هالوسواس اتلف وادور من مكان لين مكان . .

.

البارت الـ 16

دخل عليها منصور وهو متوتر حييل . . ما يعرف شو يسوي . . او شو يقول . . عدل لها الشيله وقعد ع الكرسي الي مجابلنها . . شو القصه الي وراج يا سلامه . . فضضولي ذبحني . . وفي شي من داخلي يبي يعرف الي فييييج . . . احسه شي مش هين . . وشي مش سهل . .
دخلت النيرس تطمن عليها وقالها سيف انها راقده . . . النيرس حست انها ريلها وانه محتاج يقعد معاها بروحهم . . ف راحت من غير ما تقول شي . .
اما هو جرب الكرسي من اليدار وتساند ع اليدار يبي يغفل شوي علشان يخف الصداع الي فيه . .
قامت سلامه وهي تقول بصوت واطي : لااا . . ما بتصور . . والله مابا اتصور . .
فتح عيونه منصور بسرعه وسمعها . . .
فتحت عيونها بتعب وهيه تطالع المكان الي هي فيه . . والريال الي قاعد حذالها . .
غطت جسمها ب اللحاف وف عيونها خوووف . . : انت منووووو ؟
منصور يطالع حالتها وما يباها تخاف : انا . . انا اخو عذاري . !! انا اخو مهره حرمت سيف اخوج . . لا تخافين . . انتي مافيج شي . . وانا اهني بس بشوفج وبطمن عليج . . هدي عمرج . .
سلامه وهيه تبلل شفايفها وتعدل شيلتها : وين اهلي . . ليش انت الي اهني . .
منصور بحيره : والله ماعرف . . بس الي اعرفه انه اهلج ما يدرون . . بس عنود تدري وما خبرت حد . .وعذاري ماتقدر ترقد عندج لان امي تتصل على البيت الف مره وشاكه ان في شي . . عذاري اضطرت تروح علشان تكلم امي من تلفون البيت وتقولها ان مافي شي . . لان لو امي عرفت . . اكيد بتخبر امج . . وما نبا حد يحاتيج دامهم فالشارجه . .

وهو يتكلم سلامه تطالعه بحيره . . ليش يتكلم بخوف وارتباك وليش يوضح لي ادق التفاصيل . . مسكين شكله على نياته وايد . .
سلامه وهيه تتنهد : انزين . . انت مش مجبور اتم عندي . . خلاص روح . .
منصور يقوم : ما تبيني اتم ؟ بترياج برع . .
سلامه بغرابه : لاا تترياني روح بيتكم خلاص . . انا مش ياهل . . وما اخاف اتم بروحي . .
منصور : الي تبينه . .الي يريحج بسويه . . .
طلع بسرعه من غير ما يقول شي . . اما هيه اتنهدت بعذاب وحطت راسها . . اطلقت العنان لعيونها وهيه تشكي لحظها . . .
سلامه : غلطه وحده سويتها ف حياتي دمرتني . . غلطه وحده ضيعتني بكبري . . شو الي بيدي الحين . . منو بيرضى فيني الحين . . " تبتسم بعذاب " لا حياه . . لا مستقبل . . لا زواج . . لا عيال . . واذا درو اهلي . . لا اهل بعد وقرايب . . " تتنهد " حسبي الله عليج يا سموي ونعم الوكيل . . ليش ضيعتيني ليش . . اااه يا هالدنيا الردية . .
اما منصور . . كان متساند ع الباب . . وسمع كل حرف هيه قالته . . استغرب من كلامها . . وكل حرف قالته كان في باله ما انمحى . . ألف فكره وفكره يت في باله . . سلامه في ورطه كبيرة . . ولو شو ما كانت الاسباب . . شكلها هيه الي غلطت ف البداية والامر تدهور . . ها الي فهمته . .
قام عن الباب وقعد ف كراسي الانتظار . . << يمكن تحتاج شي وما تحصل حد . . يمكن ودها تتكلم . . يمكن . . . . " وتم منصور على هالحاله لين رقد وهو ما يحس . . "

>
<

اما مهره . . . لين الحين ف البحر . . !! الساعه صارت 2 . . . وسيف ولا حتى افتكر ييها . . كانو يمرون صوبها ناس ويحسون انها لوث وتامه بروحها لسبب وضيع . . علشان جي اغلب الي يمرون من الحريم ما يعطونها اعتبار . . . كان في واحد يجابلها يشوف ملامحها ويروح . . ويرد يي يشوف ملامحها ويروووح . . وهي ابد ما انتبهت لهالشخص .!!!!
ترتجف من البرد . . قامت تبا تنش . . حست بحد يلمها من ورى . .
:: شو تسوين اهني ؟. . .
مهره . . << هالصوت !! هالحنية . . . هالدفى . . هالخووووف . . ما يجتمع الا في حمد . .
مهره تصد وراها بس هو راص عليها اكثر . . مانعنها تشوفه . .
مهره : انت منووووو !!!
::: معقوله . . معقوله نسيتي صوتي عقب هالسنين كلها . .
مهره توخر ايده . . . : لا تلمسسسني . .
يرص على ايدها بقو ويخليها قباله . . . : شو تسوين اهني ..
مهره تطالع هالملامح . . هالنظرة . . هالايد كم تمنت انها تلمسها . . هالحظن بغته لها بالحلال . . بس للاسسف . .
مهره تنزل راسها بالارض : لاتلمسني دخيلك . .
حمد يرفع ويهها بايدينه : شو تسوين اهني ليش ما تجاوبيني . .
مهره تخوز ايده : حمووود لا تلمسسني . .
حمد يوخر ايده عنها : جاوبيني . .
مهره تطالع : يعني انته بتقولي انك ما تعرف اني تزوجت غصب ؟
حمد بهدوووء : تزوجتي !!!!!
مهره منزله راسها : تزوجت . . وتبغي تعرف منو الي خذته " تبتسم بحسره " . .
حمد وهو يمشي شوي بعيد عنها ويقعد قبال البحر : وينه عنج الحيين . . .ليش مخلنج لهالوقت بروحج . .
مهره : لانه حقير . . وما فيه ذره احساس ورحمه . .
حمد مبتسم بعذاب : مهاري بعتيني . .؟؟؟ قلتلج اترييني وتزوجتي . . ؟؟
مهره تسير صوبه وتجابله : انا الي ببببببببببببعتك يا حممممممدا اناا !ّ!! انا الي قلتلك سافر وادرس برا . . مش انا الي قلتلك رمس اهلك وتعال اخطبني وعقب سير ادرس 4 سنين برااا . . شو كنت تباني اسوي ششووه . .
حمد بنبرة حزينة : اانا ما رمست اهلي عشان ما اطول الخطبة ويفكرون تفكير غلط فيج . .
مهره : وهاي النتيجه . . انا شذنبي الحين . . . انت تعرف لو بيدي ما اتزوج غيرك . . انت كنت حلم بالنسبه لي . . . " تبتسم ودموعها تسيل " واحلى حلم تمنيته . . وما كان عندي غير هالحلم ف حياتي وللاسف تبخر . . .
حمد يطالعها بعذاب ويمسح دموعها . . على طول وخرت ويهها . . .
حمد : ليش تمنعيني عنج . . .
مهره تطالعه : انا ماخليتك تلمسني وانا عند اهلي . . بخليك تلمسني وانا متزوجه . . ؟ وعلى ذمه ريال . . ماقدر حمد . . ماقدر . . . حتى لو هو خايس وما يصوني . . انا ما قدر اخونه . . واحسني اخونه حتى وهو ما يباني .. احس اني اخونه مجرد وقفتي معاااك . . .
حمد يغمض عينه . . : ليش خلاج وراح ؟
مهره تقوم عنه . .. : اااه ياحمد . . خلها على الله بس . .
حمد : قومي بوصلج . . وين ساكنين الحين .؟
مهره تطالعه : ما بروح مكان معاك . . لو اموت اهني بس ما اقدر اركب معاك. .
حمد معصب : شو اتميين اهني بروحج . . مينووونه انتي . . والله ما اخليج . . .
مهره تشوف الفرق بينه وبين سيف . . >> يا الله يا حمد . . حتى وانته مجروح مني تحاتيني !!
مهره : خلاص حمود . . رووح . . لازم بييني في وقت . . ادري انه يبا يذلني بس . .
حمد بعصبية يعض شفاته بالقو : ماعاشششش . . ماعاااااش الي يذلج . . والله اجتله بايدي . .
مهره تبتسم : يالله رووح . . اذا تباني ارتاح روووح . .
حمد يسحبها من ايدها ويوديها السياره غصب . . وهي ما تقدر تصارخ علشان ما تلم الناس عليها . . بس كانت ترمس بهدووؤ . .
مهره : حموووووووود خلني . . دخيلك خلني . . مااااااااااااقدر اركب معاك مااقدر . .
حمد وصل عند السيارة : اركبي ورا . . ماباج حتى تقعدين جدام . . بس المهم تكونين معاي . . ماقدر اخليج ف مكان مثل هذا روحج . . انتي ماتعرفين ان عيال الحررررام اهني واااايد !! يمكن واحد سكران يششلج ويسوي فيج عمايل . . ما تخافين انتي شو . . .
مهره استسلمت لكلامه وركبت ورى . . .
اما هو هدى يوم ركبت . . وسار يشغل السيارة . . . كان يشوفها من جامت السيارة وهي تمسح دموعها . . .
حرك السيارة وهو ساكت . . .

>
<

سيف . . .:: وييين راحت !! " حاط ايده ع يبهته " كيف خليتها اهني ورحت . . يمكن حد شلها !!!! لالا ماعتقد حد شلها . . اكيد اتصلت ف شوق وقالتلها توديها . . " حاط ايده الهنتين على راسه " استغفر الله . . انا شسووويت شسويييييييت . . البنت وين راح ــت . . .
تم على هالحاله يدورها .. يدور من مكان لين مكان يدور بس ابد ما حصل لها اثر . . قعد قبال البحر وهو يتنهد . . . : اي شي بيستوي فيها انا المسؤول عنه . . . !!! والله ما اسامح روحي على اي شي يستويلها . .
اتصلت فيه ميثا حزتها بس ابد ماكان له خلق .. بند فويهها وغلق الفون وفراه ف جيبه . . تم متكدر وقاعد مكانه . . على امل انها تمشي وتلاقيه . . .

.
.
.

.
.
.

البارت الـ 17

ناصر ف الحجره منسدح . . ماسك الفون بايده محتآر . . آتصل ولآ مآإ آتصصل ؟
حصيص : ألوو ؟ ألووو " بتعب " افف . .
وبندت فويهه . .
نآصر يتنهد . . : آآآه يآ حآل حآلك يآ نآآآصصر . .
تجلب وحاول يرقد . . .



>
<

عنود تتصل ف عذاري . . ردت عذاري عليها بمسج " ماقدر ارد عليج بس لا تحاتين . . والله مافيها شي لو صار اي قلتلج بقووولج . . حد سأل عنها ؟"
ردت عليها عنود " لا محد سأل . . وخلاص حبيبتي اسمحيلي ع الازعاج والحين برقد بس بغيت اطمن عليها "
ردت عليها عذاري " اول ما تنش بخليها تتصل بج وتكلمج . . لاتفكرين تيين المستشفى قبل لا تعطيني خببر سمعتي ؟ "
عنود ردت عليها " ههه اوكي فديتج . . ياهل وتهدد . . "
عذاري " يوم انج انتي عيوووز شسوي فيج . ناامي يلا "
عنود " عيوز ام ريلج . . انا بعدني ب عز شبابي . . الا اكبر عنج ب سنتين . .خلاص فكينا "

وماردت عليها عذاري . . حولت الفون سايلنت ونامت . .
.
.
.

سلامه تحس انها تمللت وهي منسدحه والف فكره وفكره في بالها . . شافت الساعه تشير على الـ 3 ونص فليل . . قامت من ع السرير . . و بطلت باب الغرفة . . انصدمت بلي شافته . .ّ!!!
سلامه : انت شو تسوي اهني ؟ ليش ما رحت ؟
منصور يفتح عينه ويقوم : آآ . . .
سلامه عقدت حياتها . . .
منصور : تبين شي ؟ تحسين ب عوار ؟
سلامه تبلل شفايفها : لاا . .
منصور : انزين ادخلي ارتاحي ليش طالعه" يشوف الوقت " توا الناس . .ردي نامي . .
سلامه : مافيني نوم . . وتعبت وانا طايحه . .
منصور: انزين دشي داخل . . ممنوع تطلعين برا وتتمشين . .
سلامه ماردت عليه ودخلت داخل . .بس استغربت من تواجده . . مسكين يكسر الخاطر . .
بعد دقايق دق عليها الباب ودخل . .
منصور : عادي ايلس ؟
سلامه بتردد : هيه . .
منصور سار ويلس ف ابعد كرسي عنها . . .
سلامه تطالعه بنظرات مش مفهومه . . .
منصور مبتسم بالغصب . . . : ممم . .
سلامه : عندك شي تبا تقوله ؟؟
منصور : ممكن تعتبريني شرات هالكرسي ؟ اتكلمي ووقولي الي ف خاطرج وخليني اسمعج ..
سلامه عاقده حياتها : وعلى اي اساس اتكلم .؟
منصور : على اساس .. " بحيره " ممم . . مادري اعتبريني اخ . . او اي شي . . بس خليني اساعدج ب الي انتي فيه . . الي اعرفه انج طايحه ف ورطه مش هينة . . ودامني اعرفج . . او بالاحرى احنا نسايب ووو نعرف بعض . . بكون لج ستر وغطى واكيد اني بروم اوقف وياج ولو ما قدرت اوقف وياج بقدر اشل عنج ولو شي بسيط . .
سلامه الي ارتاحت من كلامه ترددت شو تقول . . مهما كان هذا ريال والكلام مستحيل يتقبله . . اكتفت ب نظرات حييره لا غير . .
منصور يبتسم لها : تكلمي . . خذي راحتج فالرمسه . .
سلامه مغمضة عيونها " خل اتكلم . . يمكن يفكني من الي انا فيه . . بس شو بتكون رده فعله "
منصور يقطع تفكيرها : لا تحطين في بالج انا شو بفكر او شو باخذ عنج انطباع . . . تكلمي ريحي روحج من الي انتي فيه . .
سلامه تتنهد : انا كنت اكلم واحد من سنتين تقريبا . .
منصور ما عطى اي تعبير على ويهه . . تم ساكت يترياها تكمل . . .
سلامه : ممم . . عذاري اختك كانت تعرف . . وتعرف كيف اني احبه موووت . . لكن منعتني منه اكثر عن مره . . قالتلي لو يباج خل يخطبح و خل كذا وكذا وكذا . . بس انا ماسويتلها سالفه بحكم اني وايد احبه . . . طبعا . . كنت اتصور له دووم . . دوم كان يبا يشوف صوري . . وانا كنت مثل الهبلا اطرش واطرش . . لين ما مره هددني لو ماطلعت وياه بيفضحني . . وكنت اصيح واترجااه . . خطفت حرمت اخوي صوب الغرفه وسمعتني واناا اصيح واترجا . . كانت قبل على ايامها وايد زينه . . وكلمته و قالتله انها بتعطييه الي يبا بس بشرط يحذف كل صوري . . ماادري كيف يابت راسه بس اقتنع . . والي اعرفه عطته مبلغ كبييير علشان تسكته . . مررت الشهور وو انجلب الحال . . سموي مرت اخوي ما خلتني ف حالي . . كل يوم تي وتعايرني وتخوفني . . لو ماا سويتلها الي تباه بتخبر علي اهلي . . لو ماسويتلها الي اباه بترد ترمس الي كنت احبه وبتقوله يفضحني . . لين استسلمت لرغباتها . . ." تغيرت ملامحها وغطت ايدها بويهها . . "
منصور عقد حياته : شو قالتلج . .ششششو طلبت منج . .
سلامه وهيه تصيح : اتصور وانا عارية . . اتصور بحالات بششعه ما يتصورونها الا الخايسات والرخيصات . .
منصور يغمض عينه : وهدفها الفلوس طبعا . .
سلامه بهدوء ودموعها تنزل : اكييد . . .
منصور : لا حول ولا قوة الا بالله . . وو من متى تسوين هالشي ؟

سلامه تبتسم : سنه تقريبا . . .
منصور بحسرة : شسويتي بعمرج يا بنت الناس . . سودتي ويه اهلج . . منو بيرضى فيج الحين . .
سلامه تطالعه : ادري محد بيرضى فيني . . وانا ماااابا حد يرضى فيني . . انا ابا حد يفكني من الي تسوييييه فيني بنت الحراام .
منصور : تدرين لو صارحتي اهلج ب مشكلتج ما كان بيستويلج كل هذا . . شو كان بيستوي عليج لو كلمتي عنود اختج اوو سيف اخوج . . صح انج كنتي بتحصلين كف وضرب . . لكن ما تستلمين لوحده خايسه مثل حرمت اخوج . .
سلامه : اناااااااا كنت صغيييييييييييره . . وكنت اخااااف انضرب . . ماكنت ابا انضرررب . .
منصور : شوفي اخرتها . . وثقتي ف واحد ما يستاهل وطحتي في ايد وحده ما بتهدج ف حالج ., .
سلامه تصييح بعذاب : دخييييلك كاافي . . انا اتعذب كل يوم الف مررررررره . .لا تززززيدني . . .
منصور : الي سويتيه مش هين . .
سلامه تشاهق . .
منصور من صدمته فيها طلع من الغرفه . . . ما حاس انه قادر يتم عندها . . يحس باشمئزاز . . صح انها مالها ذنب ب الي سوته فيها حرمت اخوها . . لكن لها ذنب انها اصلا رضت تكمل الي تسويه . . ورضت قبلها انها تستصغر روحها . . لييش قلبي ارتاح لوحده مثل هذي . . لييش قلبي يدق بقوه وابا اساعدها . .
تنهد بحسسره وقعد ع الكرسي الي كان فيه من غير ما يرد عليها بشي . . اما هي . . تندمت ع رمستها له . . تمنت لو انها سكتت وما قالتله شي . . بس حست براحه انها رامت اطلع الي فيها لشخص . . حتى لو ما بيفيدها بشي . .*

.
.
.

.

.


البارت الـ 18

مهره : بس حمد لين اهني وبس . . ادل الشقه وبروح روحي . . .

حمد : انزيين بعطيج رقمي بس طرشيلي مسج انج وصلتي وانج داخل . .

مهره : لا . . . " ونزلت من السياره بتعب "

حمد نزل من السيارة . . ومهره تتصدد يمين ويسار . .

حمد : ليششش خايفه يوم انج ما تحبينه . . .

مهره : حممد دخييلك ررررؤؤؤح . . انا ما سويتها وانا مش معرسة اسويها الحين . . حل عني دخييلك . .

وسرعت من مشيتها وسارت صوب رامي . .

رامي : مدام وييينك انتي ؟ ماشفتك اليوم كتير . .

مهره بتعب : سيف اهني ؟

رامي : لا مو هون . . بدك تحاكيه ؟

مهره : اتصل فيه وقول له اني ف الشقه . .

رامي : لك تؤمري . .

مشت شوي وردت له مره ثانية . .

مهره : ولا اقولك خلاص . . لا تخبره بشي . . مابي ازعجه . . شكله مشغول حده مع ناس . .

رامي : متل ما بدك . .

ابتسمت وراحت الشقه فوق . .

دخلت وانسدحت ع الغنفة . . .

<< يالله يا حمد . . ششؤؤ الي ردك الحييين . . ليتك بس خطبتني قبل لا تسافر لييتك . . جان ما صار الي صار . . ليتك صارحت امك ع الاقل انك تبيني علشان تكون عارفة انك لي . . واني لك . . ااااه ياحسرة قلبي . . بس لو شو ما يصير . . لو كيف ما كانت معاملة سيف خايسه . . انا ما اتربيت اني اخون . . ما اتربيت اني اسوي شي غلط . . " تغمض عينها " مع ان سيف ما يستاهل واحد يصونه . .


>

<


بعد 3 ساعات بالضبط . . اذن الفير . . سار سيف المسيد يصلي . . ودعى ربه ان مهره تكون بخير . . اتنهد بعذاب وسار الشقه . . كان يتمنى يشوف رامي ويساله . . بس ما شاف رامي موجود . . ركب اللفت وبمشيات تعب وصل الشقه . . اول ما بطل الباب شافها جدامه منسدحه ع الغنفة وراقده . .

سيف وهو يتساند ع الباب : الحمممدلله يارب . . الحممدلله . .

سسار صوبها وحطا ايده ع راسها . . حست فيه وبطلت عيونها . .

سيف بتعب : انتي بخيير ؟

مهره والي تحس دموعها بتنزل : كييف خليتني بروحي . . ما خفت علي . . ؟

سيف : اانا مارحت والله مارحت . . ركبت السيارة وكنت ابا اهدى وبرد لج . . بس ماقدرت اتم ف مكان انتي فيه . . خذت لي لفه سريعه ورديييت بركنت السيارة وتميييت قاعد . . مر الوقت بسرعه ويوم حسيت فيها يييتج مثل المينون ادورج . . . والله ما اقصد . . " يمسح ع شعرها " ويقول ف خاطره " اهم شي عندي انج بخير الحين " . . .

مهره وخرت ايده ويايه بتقوم بس مسك ايدها : وين رايحه . .

مهره بقشعرريره : غرفتي بصلي وبنام . .

سيف يتنهد . . : عادي احظنج ؟

اطالعته بنظرات مش مفهومه . . بس سحبها صوبه وحظنها . . غمض عينه و رص عليها بقوة . .

سيف : جد كنت خايف عليج . .

مهره وهيه مستغربه : ليش تخااف علي . . !!

سيف وهو يخوز عنها ويبتعد شوي : مادري . . بس كنت خايف . . " يقرص خدها بخفيف " يالله قومي صلي ونامي . .

مهره : ان شاء الله . .

سيف ابتسم لها وقام . . وراح غرفته يحط راسه ويرقد . .


اما مهره تمت ف نفس المكان دقايق . . . تحس ب قلبها ينبض . . يخاف علي ؟ وعقب تفكير بسيط . . سارت تتوضى وتصلي . . . وعقبها حطت راسها تبي تنام بس ما قدرت . . حنانه حلو . . وحظظنه دافي . . ابتسمت بعذاب . . وحاولت تتجلب وترقد . .


عقب ثواني بسيطه . .!


انتبهت لصوت ورقة تنخش من تحت الباب . . قامت من ع السرير وشافت الورقة . .

" اتعهد انا سيف . . اني ما اخليج مكان ثاني بروحج . . واذا سويتها مره ثانية . . يعني انا مافيني ذرة رجولة . . "

ابتسمت براااحه . . وقعدت عند الباب وهيه تتنهد . . . شوي وضحكت . . وسمعت صوب ضحكات عند الباب . . قومت روحها وبطلت الباب . . لقته هو بعد متساند ع بابها من برا . . ومبتسم . .

سيف : ليش مارقدتي . .

مهره بتوتر : ماا ياني رقاد . . انت الي كنت تعبان اكثر . . ليش ما نمت ؟

سيف : مادري . . حاولت ارقد وما ياني النووم . . .

مهره : ممم . .

سيف يقوم من ع الارض . . . : قومي بنطلع . .

مهره تشوف الساعه 6 الصبح . . : وين نروح الحين . .

سيف : اي مكان . . مابا اتم اهني . .

مهره : مم . .

سيف يدزها من ع ظهرها ويوديها حجرتها : يلا يلا . . لبسي عباتج بسرعه . .

مهره ضحكت ع حركاته . . وهو ضحك بس مايعرف ليش . . لبست عباه سادة بدون اي نقش . . ولبست بعد شيله هادية عليها فصوص صغيرة كريستال ع طرف . .

سحبها من ايدها : يلاا يلا بسسرعه . .

مهره : انزيييييييين اترياا . .

سيف : لالا ما بترييا . . يلا بسسرعه . .

سحبها بقوة وهيه تزقره بس مش عاطنها المجال . . من وصلو صوب اللفت قرصته ع جتفه . .

سيف : أأي . . شفيييج . .

مهره تأشر ع ريولها . .

سيف يضحك : هههههههههههههههههههه . . ويييييين نعالج . .

مهره : انت عطيييييت الواحد مجال يلبس نعال اعنبو . .

سيف مبتسم : يالله انزيين روحي لبسي بترياج . .

مهره مبتسمه : انزين . .

وراحت عنه بسرعه . . لبست نعالها وردت له . . ردت صوب اللفت بس ما حصلته . . تمت تلف يمين ويسار . . بس ماشي فايده . .

مهره : معقوله بعد هالمرة خلاني .!! " تبتسم بعذاب " قالي بترياج . .

سيف وراها : انا اهنييي . .

مهره الي صرخت بقوة من الرررؤووعه . . مما خلا سيف يحط ايده ع حلجها ويسكتها .

سيف : اشششششششششششش . . بتواعين خلق الله . .

مهره تعضه ووسيف وخر ايده بسرعه : بل شفيج . .

مهره : ما نفذت وعدك . . يعني انته مش . . . .

سيف يقاطعها : لالالالا ما اتفقنا ع جي . . انا موجود بس سرت هناك " ياشر لها صوب الجامه " شفت عمري شوي ورديت . .

مهره اقتنعت : انزيين . .

سيف بخبث : عاد انتي ع طول . . سويتيها مش ريال . . يا الله منج . .

خذو لهم اللفت ونزلو . .

صد سيف صوب الرسبشن يبا يشوف رامي . .بس رامي شكله انتهى زامه وراح . .

ركبو السيارة . . . وحررك سيف . .

سيف : وين ناوية تسيرين . .

مهره تشوف الساعه : يعني الحين الساعه 6 وربع . . وين الواحد يروح . .

سيف : مطعم هندي يتريق . .

مهره تبتسم : هندي عاد من الصبح واكل حاار . . . قول لبناني قول شي خفيف . .

سيف وهو مستمتع بهاللحظه وايد : من عيووني . .

حطا ايده ع جيبه وفتح تلفونه . . لان فونه كان مغلق . . اضايقت شوي مهره انه فتح الفون بس ما علقت . . وصلته مسجات وااااااااايده . . المسج الاول " انت ويين ليش ماترد . . "

المسج الثاني من اتصالات " نبض قلبي " كانت متصله 45 مره . . والمسج الثالث من اخوه . . " 3 مرات "

استغرب سيف . . . وكان يكلم نفسه . . و عطول اتصل . .

بس محد رد . . .

مهره : شفيك ؟

سيف : اووه شت . . رقم ماليزيا عندج؟

مهره باستغراب : لا . .

تم يدور تلفونه الي فيه رقم ماليزيا ف سدة السيارة بس ما حصله . .

مهره : شو ادور خبرني . .سوق انته وانا بدور . .

سيف : شوفي ورا يمكن تلفوني . . فيه رقم ماليزيا . .

صدت مهره ورا وتمت ادور . . شافت وايد اوراق ووايد رسايل ومن بينهم رساله مكتوب عليها " عمري ما راح اتخلى عنك حبيبي . . واذا شليت القلاده ف يوم بقص راسك . . احبك "

عضت ع شفايفها بقوة . . وتمت تنبش اكثر واكثر لين حصلت التلفون . .

مهره تعطيه بدون نفس : هذو . .

سيف شلاه عنها واستغرب شفيها ترمس بدون نفس بعد . .

بس ما علق . . فتح التلفون بس ما طاع يفتح . .

سيف :افف مافيه جرج . .

ما علقت مهره وكمل سواقه لين وصلو مطعم لبناني . . دق هرناات بس المطعم مش مفتوح . .

سيف : شو هالنحاسه . . انا صدق يووعاااان . .

مهره تحط ايدها ع بطنها : انا بعد . .

سيف : خلينا بنرد الفندق بناكل اهناك عيل وبنرد نطلع عقب . .

مهره : انزيين . .

شغل اذاعه الاف ام . . بس هيه قلبت الموجه بدال الاغاني حطت قرآن . . وهو ما علق . .

اول ما وصل الفندق وبركن السيارة ونزل . . انتبه للسيارة الي مبركنه جدامه . . واحد متساند ع السيت شوي وراقد . .

سيف : هذاا مش جنه حمد ؟

مهره الي تطالع تنهدت بقوة : ماعررف . .


.

.

البارت الـ 19
منصور : هلا عذاري . . هيه الحمدلله . . . لا ما صار شي . . لا تين الحين . . خل ناصر ييبج على الساعه 10 . . لان 10 بيرخصونها . . هييه . . لا لا بنشلها بنوديها بيتهم على طول . . يا بنت الحلال الحين الساعه 7 شو بتيلسين تسوين والبنت راقده . . الدكتور قال الساعه 10 بتظهر يعني بتيلسين شو تسوين . . اذا اتصلت فيج اختها عنود قوليلها انها راقده . . ماعلييج ف السياره بنتفق ويا سلامه وبنقولها . . لالا انا ما دخلت عندها الا شوي عشان اشوف اذا هي واعيه ولا راقده ولا اذا تحتاج شي . . خلاص تمام . . مع السلامه . .
عقب ما بند عنها دق الباب بشويش ودخل الغرفه . .
سلامه وهيه تبطل عيونها . .
منصور : كملي رقادج . . " بشويش " ارتاحي . .
سلامه وهيه تحاول تيلس : لا مابرقد . . تعال ابي اكلمك شوي . .
دخل الغرفه وقعد ف المكان الي كان قاعد فيه مساعه . .
سلامه : الكلام الي قلتلك اياه . .
منصور يقاطعها : لا تحاتين . . مافي شي بيطلع من صوبي . .
سلامه تبلع ريجها : انا ارتحت يوم خبرتك كل شي . .
منصور يطالعها : يوم بتردين البيت بترتاحين بعد . . مرت اخوج بتقولج مافيج شي وقومي تصوري . . شو بتسوين حزتها . .
سلامه تطالعه بدون لا تعلق . .
منصور : هالمشكله لازم تنحل . . لازم تفكرين لج ب شي . . صدقيني ما بتحصلين حد يوقف معاج غيير اهلج . . ألجئي لهم . . صارحيهم . . قبل ما يفوت الفوت . .
سلامه تغمض عينها : انت ما تعرف اخواني . . سيف بيذبحني وخالد بيدفني وانا حية . .
منصور : لو اكتشفو الامر من وراج هالشي هم بيسوونه . . لكن لو انتي الي رمستي بغلطتج وشرحتيلهم كل شي صدقيني بيكون الامر هين اكثر . .
سلامه : يعني . .
منصور يقاطعها : يعني اتخذي قرارج بنفسج . . يا يوقف هالشي يا يتكمل للابد وتروحين وطي . .
سلامه : مم
منصور : هذي نصيحتي لج . . وصدقيني لو شو ما سوو فيج . . بيكون اقل من اذا اكتشفوه بنفسهم . .
سلامه : ان شاء الله . .
منصور مبتسم ويقول ف خاطره " لو صج يا سلامه نيتج صافيه وصارحتي اخوانج بتكبرين بعيني وبقدر اتقدملج . . لكن لو سكتي لو شوو ماكانت اسبابج . . ماعتقد اني بحطج ف بالي ابد "
منصور : ارقدي الحين . . ع الاقل كم ساعه . .
سلامه : تعبتك وياي واايد . .
منصور مبتسم : ماعليج . . صح نسيت اقولج . . عنود اختج ما تدري اني معاج اهني . . يعني قوليلها انج كنتي راقده ويا عذاري . . انا بغيت اتم علشان افهم السالفه واساعدج لا غير . .
سلامه سكتت ما ردت عليه . .
منصور : يالله ارتاحي . . وانا بترياج برع . .
.
.
.
ناصر مستغرب : وليشش ما تسيرين المدرسه . .
عذاري : ياخي تررررررررررى قلتلك بروح المستشففى عند منصور . .
ناصر : انزين انا بوديج المدرسة وعقب بي بشلج وبوديج المستشفى . .
عذاري فاجه عينها : . .
ناصر : بقره شايفه حريجه شوو . .
عذاري : انت بتتفيج لي يعني . .
ناصر : هييييييييه بتفيج لج . . . افا عليج كم عذور عندي . .
عذاري : ياارك الله . . من متى يالعييييييييييييار . .
ناصر :يالله قومي قومي ماشي وقت . .
قامت لبست لها ع السريع لبس المدرسة وشلت شنطتها وركبت وياه . .
اوصل ما وصلو المدرسة اشتغل ناصر رادار يدور يمين يسار . .
عذاري احين فهمت السالفه . . وابتسمت بخبث : ما بداااوم اليوم . .
ناصر يطالعها بصدمه : وليش ما بدااااااااااااااااااااااااااااوم ؟؟
عذاري تنزل : لا تنسى تمر علي 10 . . واذا ما مريت بيتوهق منصور اهناك ويا البنت وبتستوي مشاكل . .
ناصر بقهر سب حصوو سب . . وصيح وييلات وسسار . .
وهو فالدرب اتصل فيها كذا مره وردت عليه وهيه راقده . .
ناصر : لييييش ما بداومين ان شاء الله . .
حصيص بتعب : شتبي انتي . . من انت
ناصر : يالله قومي تعالي المدرسة بسررعه . .
حصيص : سيررر انتحر . . " وبندت فويهه "
ناصر رد اتصل بس لقاه مغلق . .
ناصر يدق راسه ب جامه السيارة : اف افففففففففف . . هاي الياااهل مسوتلها راس والله . .!!!
.
.
.
سيف ينزل من السيارة ويسير صوب سيارة الريال ويدق الجامه . .
حمد يبطل الباب وينزل : هلا والله . .
سيف يتخاشم وياه : انت متى رديت . . ؟
حمد مبتسم : البارحه . .
سيف : وانت على طول ف دبي . .. ؟؟؟
حمد : هيه من المطار تميت ف دبي ما خبرت حد . . .
سيف : ووليششش يا ريال شبلااك ؟
حمد يدق جتفه : ماعليك مني . . خبرني شحالك وشو العرس وياك . .
سيف يغمض عينه بقوة : تراك زخيتني . . محد يدري اني فالبلاد . .
حمد مستغرب : ليش ؟
سيف : قايل حق قوم امايا اني ف ماليزيا ويا الحرمه " ويأشر ع سيارته الي مجابله سيارة حمد " . .
حمد الي تجمد مكانه . . .
سيف : لحظة . .
سار صوب سيارته ودق الدريشه عشان مهره تنزل وتسلم . .
نزلت مهره بارتباك فظيع . . سحبها سيف من ايدها وسار صوب حمد . .
حمد منصدم وما قادر يتحرك من مكانه . .
سيف : حمد هذي حرمتي مهره . . اكيد تعرفها عاد . .
حمد بعذاب مبتسم : اكيد . . .
سيف يصد صوب مهره : وهذا حمد اخوي . . اكيد تعرفينه . .
مهره بدون لا تتكلم ابتسمت . .
سيف : انزييين المهم اسمع . . ترى امايا وخواتي و قوم عموه ( ام مهره ) ما يعرفون ان نحن فالبلاد يعني لا تخوورها . . .
حمد بعده منصدم اكتفى انه قال : ان شاء الله لا تحاتي . .
سيف : حيا الله حمد . .
حمد : الله يحييك . . خلاص عيل بترخص عنكم . .
سيف عاقد حياته : ويين ساير . . وبعدين ليش راقد فالسيارة ؟ وليش انت اهني فهالفندق ؟
حمد : آآ . . لاني كنت ابا احجز واقعد اهني كم يوم . . وخذتني رقده ورقدت فالسيارة .
سيف : وليش ماتروح البيت ؟؟ ليش اتم ف فندق . .
حمد : قلتلك . . مابا اجابل حد ياخي . . ماعليك مني يالله رووح . .
مهره تطالع سيف : انا بترياك فالسيارة . .
سيف يمسك ايدها : لا اصبري . .
انعصر قلب حمد وهو يشوف ايد سيف قابضه ايد مهره بقوة . . اخووي يا مهره اخووي . .
حمد : خلاص سيرو انتو الحين . .انا بدقلك خلاف . .
سيف : لالا مش سايرين مكان . . تعال بترقد عندي شكلك تعبان . . ومن تصحى بتسير مكان ما تبى . .
حمد : يا سيفوه والله ما يحتاي . .
سيف : ماشي والله ما اخليك . . يالله تعال . .
تجدم سيف شوي عشان يبند السيارة . . .تمت مهره ويا حمد يتبادلون نظرات غريبه . .
حمد بعذاب : سيف . . سيف يا مهور . .
مهره تطالعه وقابضه روحها علشان دموعها ما تنزل . . : علشان جي قلتلك ياريتك كلمت امك ع الاقل عشان تعرف ان خاطرك فيني . . عششان ما تزوجني لاخوك وهي ماتدري . .
حمد يتنهد ويبتسم : ماعليه . . كل شي خيرة باذن الله . .
سيف يكلمهم من بعيد : يالله تجدمو بلاكم واقفين اهناك . .
تجدمت مهره ووراها حمد الي يحس بسجين طعنته . . ولا يعرف شو يقول او شو يعلق . .
.
.
.

.
.
البارت الـ 20
روضة : ألوو ؟ هلآإ آمآإيآ . . الحمدلله انا بخيير . . كلهم بخيير ومن صوبكم ؟ الحمدلله يارب . . . هييه مهره اتصلت فينا جريب . . والحمدلله بخير وبغت ترمسج بس كنتي محد وقالت ما تقدر اتطول . . هييه قالتلي بتتصل جرييب لان ما يحصلون خطوط . . . هيييه الحمدلله . . متى ان شاء الله بتردون البيت ؟ باجر ؟ يالله بالسسلامه ان شاء الله . . الله وياج . . .
ناصر توه داش البيت : منو كنتي تكلمين . .
روضة تطالعه منفعل . . : ارمس امايا . . شو فيك ؟؟؟
ناصر : مافيني شي . . ليش واعيه من الصبح ؟
روضة : بسم الله عليك . . تراني كل يوم انش الصبح عشان عيال عبدالله فديتهم . . جسوم من وفوي تقوم يقوم ع طول . . . وهيه سارت الروضة وهو يلعب فوق فالغرفه . .
ناصر بدون اهتمام يقوم : مادري لين متى بتمين تعابلين فيهم . . . استويتي عانس حتى . .
روضة تغمض عينها بقوة .. جرحها بالقوو .. دايما ناصر يعيد ويزيد عليها هالكلمه . . عاانس . . مايدري كيف تطعنها . . اكتفت ب السكوت وسارت عنه فوق . .
..
.
.
ف الشقة . .
سيف : هااي غرفتي . . فدوه . . ارتااح فيها وارقد . .
حمد مستغرب : ليش انت ترقد ف غرفه منفصله عن حرمتك ؟
سيف توتر : آآآ . . لآآ مش جي . . بس لان هيه اغراضها وايد ف انا مخلي اغراضي اهني . .
حمد ذكر ف البحر يوم سأل مهره عن ريلها . !
>
<
حمد: وينه عنج الحيين . . .ليش مخلنج لهالوقت بروحج . .
مهره : لانه حقير . . وما فيه ذره احساس ورحمه . .
>
<
حمد >> ليش قالت عن سيف حقيير ومافيه احساس ورحمه . . اكيد مسفل فيها . .
حمد يطالع سيف : زوجوك غصب ؟
سيف ييلس ع السرير : آآآه شو اقولك يا حمود . . .
حمد ييلس ع الكرسي الي مجابل السرير : شوو قوول . . .
سيف : امايا من عقب ما سافرت انته ما حصلت غيري . . وحنت علي الاا اتزوج وبسسرعه . . وانا ف خاطري وحده ثانية . . ومارضت اخذ الا مهره . . وقالت لي عقب مهره خذ الي تباها بس هالبنت لا تفوتها . .
حمد عاقد حياته : ااااماياااا ؟؟؟؟؟؟ اماايا قالتلك اتزوج ع مهره . . . .
سيف يطالع حمد ب حزم : هييه !
حمد : مافيكم قلب انتوو . . شو ذنب بنت الناااس شوو . .
سيف : صح مالها ذنب . . لان هي بعد انجبرت علي . . والسبه علاقة امايا ف امها . .
حمد يقوم ويسير صوب الدريشه . يعطي سيف ظهره وما يقدر يقول شي . . شو بيقول وشو بيخلي . .
سيف يقوم وراه : ماعليك مني . . . كل الامور بتتيسر . .
يقاطعه حمد بعصبية وبصوت عالي : شووو الي بيتسير شووو . . . طلققققققها من الحين عيل . . ليش مخلنها ع ذذذذذمتك . . تبا تعذبها اكثر .. ؟؟ يمكن تلاقي حد يسستاهلها اكثر عنك . . دامك تحب غيرها ومخلنها بس جيييه وناوي تيبلها عديله طللللللقها . . اكيد في غيرك يستااهلها ويباها
مهره كانت ف الصاله وسمعت صراخ حمد وكلامه . .اكتفت انها تحط ايدها ع شفاتها وتصيح . . وركضت حجرتها . .
وهيه تركض دعمت الطاوله وطاحن القلاصات الي كانن عليه . .
بطل سيف باب الغرفه بسرعه وطلع يشوف شسالفه . . شافها تمشي بسرعه جدام عينه وتسير حجرتها وتقفل الباب . . لحقها بسرعه . .
سيف يدق الباب : مهره والله ان ما فتحتيه بكسره . .
مهره تشهق ورا الباب وماسكه شفاتها بقوه عسبت ما اطلع صوت . .
سيف : والله بكسسسسسسسسسره حلفت . .
مهره تمسح دموعها بسرعه وتاخذ نفس عميق وتبطل الباب . .
سيف بلهقة ع طول مسك ايدها : تعورتي . . " يجوف جسمها كامل " فيج شي ؟ شي انكسر عليج . .؟؟
مهره بتعب : لاا . . انا مافيني شي . . .
سيف يتنهد : شفيج تركضين جي يا بنت الناس . .شوي شوي . .
مهره تبتسم بدون نفس : خلاص قلتلك مافيني شي . .
سيف : زين لاتقفلين الباب بردلج . . .
مهره تطالعه باستغراب
قرص خدها : بنطلع . . انا قاايل اليوووم ما بهدج . . بحوطج لين تقولين بس . .
مهره : مالي نفس والله . . ابا اناام . .
سيف : لالالا ما بخليج تغقلين دقيقه . .
مهره : والله مالي خاطر . .
سيف باصرار يمسك ايدها ويسحبها وياه لين غرفته . . . عدلت شيلتها الي عليها بسرعه . .
شافهم حمد وما لاحظ سيف نظرات الانكسار الي فـ عيون حمد . . نظرات الغيرة وعينه علة اييد سيف وهو ماسك ايدها بقوووه . . اكتفى انه قال . .
سيف : بنكمل نقاشنا عقب . . بوديها بحوطها . . وبررد لك . . .
حمد مبتسم : انا برقد . . اسستانسو عااد . . كله ولا مهره . . " بحرقة قلب " ونسها . .
سيف يرد له الابتسامه بابتسامه اكبر : لاااا تووصي . . وانت البيت بيتك وخذ رااحتك . . بيييب لك اكل وانا راد . . اذا سويينالك سالفه ورديينا من وقت يعني ههههه . .
حمد : خذوو راحتكم . . انا اذا ابا شي بطلب لي . .
" يرن فون سيف "
سيف يرد : ألوو . . .
ميثا تصيح : حبيييييييبي ألحححححححقني ألححححححححححقني . .
سيف يودر ايد مهره : شووو مسسستوي شصاير . .
ميثا : ااااانا ششششردت من البيت . . تعااال ششلني بسرعه . . انا ف بيت عمتي . .
سيف عاقد حياته : ششششو صاااير انزييييين فهميييني . .
ميثا تصيح وتصارخ : تعاااااااااال شششششلني . .
سيف : يالله يااي . . مسافة الطريج بسس . .
يكمل حواره وهو يمشي بسرعه ويطلع من الشقة وهو يركض . .
حمد عاقد حياته ويطالع سيف لين طلع من الشقه . . .
غمضت مهره عينها وابتسمت ابتسامة ألم . . . عضت ع شفايفها بقوه وخلت الدموؤؤع تنزل . . .
حمد باستغراب : هذاا ششو . . شو هذاا . .
فتحت عيونها تطالع حمد . : دوم جي يسوي فيني . . دووم . .
ماات حمد . . . سار صوبها . . يحسس انه يبا يحظنها . . . يبا يريحها من هالعنا الي هي فيه . . استحقر اخوه وحركت اخوه الي سواها . . ما لحق يسير صوبها لان خطواتها كانت اسرع وطلعت من الشقه . .

.
.


البارت الـ 21

سارت عذاري صوب الاخصائية . . لان شافت الساعه صارت 10 وربع وناصر للحين ما ياها . .
دقت حق البيت ومحد رد . . ودقت المره الثانية ردت روضة . .
روضة : الووو
عذاري : روضوووو . . وين نصور ليش لين احين ما ياني ؟؟؟ انا لازم اسير المستشفى الحين . .
روضة : كفايا الي ياني من ناصر مابا ارمسه دخيلج . .
عذاري : جيي شو مسستوي ؟
حصيص تقرص عذاري : يلا انتي خلصينا . . .
الاخصائية تطالع عذاري . . .
عذاري نست انها وايد ماخذه راحتها : مش وقته روضوه . . .دخيلج سيري اطاعيه لازم نسير نشل سلامه من اهنااك . . .



روضة : افف . . خلاص بسير اشوفه . .
من بندت عذاري . .دش ناصر وراها . .
حصيص : بسم الله . . لو طاريين مليون . ..
ناصر تشقق فجأه : هلا ابوووي . .
الاخصائية وقفت : لووو سمحت انت داش مدرسة . . مش فالسووق . .
ناصر الي قفط . . ضحكت حصيص بصوت مسموع . .
الاخصائيه : وووووووووووانتي . . " تطالع حصيص بعصبية " ماعندج حصة الحين . . .
ناصر حط ايده ع حلجه . . . اونه ميود ضحكته. . .
اطالعته بنظرة احتقار وسارت . .
وقفت عند باب الاخصائيه بتتريا عذاري لين تطلع . .
سوت لها ورقة الاستئذان وطلعو من الغرفه . . .
حصيص وهيه مطنشة ناصر : وين شنطتج يا حظي . . .
عذاري مش متفكره : اووه ايبهم انتي البيت العصر . .
حصيص : اشتغل عن ابوج انا . .
ناصر : ايييه تغلطين ع ابوي جدامي . .
حصيص بتجاهل تام : يالله بينا الوو . ..
ناصر بخبث : منو بالضبط . .
عذاري تطالع ناصر . .
حصيص تسوي له مالت وتروح . . .
طنشت عذاري السالفه وسارو السيارة . . . ودقايق بسيطه ووصلو المستشفى . . .

عذاري : خلاص انت رووح . . برد ويا
قاطعها ناصر : سسسسسسسسكري الباب فكينا . .
ومن سكرت الباب راح . .
عذاري : صج مصلحجي . .
وراحت عذاري فوق وين غرفة سلامة . . .
من الجهة الثانية منصور توه داش الغرفه ع سلامه . .
سلامه مبتسمه . . .
منصور : هاا جاهزه . . ترا دقايق وبتووصل عذاري . .
عذاري ادق الباب : ووووصلت ما يبالي اووصل بعد . . اووه شو هالويه الحسسن . . لالا انتي اليوم بخير وايد . .
سلامه مبتسمه : الحمدلله وايد وايد احسن بعد . . .
عذاري : يالله زهبي عمرج عشان نروح . . ماشي وقت . . يمكن اهلنا يردون عقب كم ساعه . .
منصور : هيه زاهبه وانا رتبتلها كل شي حتى ورقة الترخيص . .
عذاري >> اشفيهم اخواني الاثنين مخبل . . . عافان الله يوم يطيحون ف الحب يصيرون طممه . . ابد ماشي ثقل . . ماشي رزينه . .امبااع جدام الحبايب . .

سلامه تقوم : يالله نسير . .
عذاري مسكت سلامه من ايدها اليمين . . ومسكت اخوها من ايدها اليسار . . : يالله نروح . .
ضحكو اثنينهم ع حركتها بس ما علقو . . . وتوجهو ل بيت سلامه عسب يردونها . . .

.
.
.

سيف : شفيييج شو مستوي تكلمي خوفتيني . . .
ميثا وهيه تمسح دموعها : ابوي يبا يزوجني علي ولد عمي . .
سيف بعصبية : ششششششششوووووووووووووووووه
ميثا : وماعااطني المجاااال اقول راايي . . . خلاص بيذبحني بيذبحني اذا ما وافقت . . .
سيف مغمض ع عيونه : ياااربي وششششو الحل الحين . . .
ميثا : سيف انا حااااااااااامل . . .. حااامل . . .
سيف يطالعها من غييير ما يتحرك . . . وهو يذكر اخر مره شافها فيه . . . قبل اسبووع . . قبل ما يعرس ب يوومين . . يذكر ان نفسيته كانت دااون وبعدييين !!!! تهور معاها . . .
ميثا تصيح : شوو الحل يا سيف لازم تاخذني الحييين لازم . . . وانا بصارح اهلي اني متزوجه . . .
سيف بدون ما يحس يسير صوب اقرب محكمه ويتصل لاثنين من ربعه عشان يشهدؤون . . .
.
.
.

حمد يتصل ع سيف ألف مهره بس تلفونه مبند . . ماعرف شو يسوي ولا شو يتصرف . . تم ف حاله لا يرثى لها . . شاف تلفون مهره طايح ع الارض . . شلاه وحطاه ف غرفه سيف . . فتح السده عشان يحط التلفون داخله شاف كم ورقة . .
<< هالخط . . هالاحسآس . . حرف الميم مميز ف الكتآبه . . وحرف الحآء بطريقتها ما تغيرت . . حط مألووف ومستحيل يكون متشآبه ل حد غيرهآ . . آسيرتي . . أسيرة حمد وقلب حمد . . .
شاف الرسآله بتمعن وآهتمآم . .
اتعهد انا سيف . . اني ما امد ايدي ابدا عليج يا مهره . . واذا رديت مديت ايدي عليج . . عاقبيني لمده 3 ايام . . وانا ريال والتزم فهالشي بموجب القانون واذا ما التزمت فيه يعني انا مش ريال وبحلق شواربي بعد . . "

ابتسسم بحسرة . . وطلع من بوكه ورقة . . . معفوصة حيل وشوي مطرطرة . .
" اتعهد انا حمد اني ما الحقج من مكان لين مكان . . وما اييج المدرسة واشوفج . . واتعهد بعد اني ما اسويلج حركات واطالعج بنظرات . . واذا سويتها راح تزعل مني مهره 3 ايام . . وصدق بتزعل . . .
((( حمود وقع بورقة ثانية وخلها بينك وبين نفسك وانا واثقه فيك . . واذا مش موافق ترى بزعل . . يعني فالحالتين لازم توافق انزيين ؟ وبس لا اطرشلي رسايل وانا مابطرش بعد . . ))))
ابتسم ابتسامه عريضه وهو يذكر هاليوم . . . كانت رايحه بيتهم تسلم على عنود وتدرس معاها . . وخشت له الورقة عند باب غرفته . . وهو دايما يقفل باب غرفته لان يعرف ان هي كل ما تي راح تحط له رساله تحت الباب وما يبا حد يدخل وينتبه للرساله . . .
غمض عيونه ودخل الورقة البوك وخش البوك ف كندورته . . .
>> وين رحتي يا مهره . . ويين . . !!

.
.
.

البارت ال 22 . .

وصل منصور بيت سلامه . . . نزلت من السياره بشويش . . كان يطالعها من الجامه لانها كانت قاعده وراه . . ردت لان عباتها عالقه . . اطالعته من الجامه وقالت بدون حس " مشكور وايد . . "

ابتسسم لها . . .نزلت من السياره براحه فظيعه . . نزلت وراها عذاري . . .

عذاري : يالله عاد شدي حيلج عشان اطيبين بكبرج وماتردين تتعبين . .

سلامه : والله تعبتج ويااي وايد . . كفايا مظهرتنج من المدرسه . .

عذاري : حالي من حالج تراج مش مداومه بعد . . . قلتلج شدي حيلج باجر اباج نشيطه فالمدرسه !!

سلامه : ان شاء الله . .

عذاري تبوسها : سسلمي على عنود والباقي . .

سلامه : ربي يسسلمج ان شاء الله . . .

دخلت عنها داخل . . . اما عذاري ركبت ويا منصور . . .

منصور : هااا المدرسسه ؟؟

عذاري : لا دخيييلك . .

منصور مبتسم : اسميحلي ثانوية عامه لازم تردييين . .

تاففت عذاري . .

منصور : لكن بوديج باخذلج ايسكريم باسكن روبنز عقب بردج . .

اتشششششقت وسارت صوبه باسته ع خذه مما خلاه يضحك ع ردة فعلها . . .

اما سلامه دشت البيت بهدوء وعلى طول بطلتلها الباب عنود . .

سلامه : بسسم الله . . كيف عرفتي

تقاطعها عنود وتحظنها : بسم الله علييج . . شو يااااج شو استوالج خوفتيني عليييج . .

سلامه مبتسمه بهدوء : لا تحاتين انا وايد وايد " وتفكر ب شي " مرتاحه . . والحمدلله وايد زينه بعد . .

عنود : يالله الحمدلله ع سلامتج . . . زين انج صرتي زينه . . باجر امابا بتي وبتستخف لو شافتج بهالحاله . .

.

.

.

سيف منزل راسه وما يتكلم . .

مسكت ميثا ايده سايرين صوب السيارة . . . : ليش زعلان حبيبي ؟

سيف بطالعها : كان ودي نسوي حفله عوده . . واشوفج بالفستان الابيض . .

تقاطعه : يعني انا ماكاان ودي ؟؟ في بنت ما تحححححلم بهالششي يا سيف . . لكن مجرد تفكيري اني معااك يخليني انسسى هالحلم . . . مااتخيل يزوجوووني غييرك ماتخيل عقب مارسمت كل احلامي معاااك . . " توخر ايده "

يجابلها ويمسك ويهها بايده الثتين : خلاص حبيبي خلاص . . اهم شي نحن ويا بعض الحين . .مابيج تفكرين ب اي شي . . بس خبريني شو ناوية تسوين ويا اهلج .!!

ميثا : انا قلت ل عمتي ترمسهم وتقولهم اني عندها ومابا اشوف حد . . ع الاقل يعطوني مده شهر افكر ب القرار . . . وعمتي حنت عليهم وقالتلهم خلوها تفكر البنت ع راااحتها .

سيف : واذا قالو بيشوفونج ؟

ميثا مبتسمه : ماعليك عمتي بتغطي علي ..

سيف : وعقب هالشهر . .

ميثا : حبييبيي انت شبلاك كل شوي اطلع لي سالفه . .!!! قول انك ما تبيني وخلاص . .

سيف : ينقطع نصصصصصخي يا ميثا لو ما ببااج . . .

ميثا : فديت نصخك انا . .

سيف يطالعها بنظرات . . .

استحت ميثا منه وسبقته السياره . . .

ركب عقبها . . وهو يطالعها : وين تبينا نسير . ؟

ميثا : اي مكاان حبيبي . . .

سيف حرك السياره وبدا يفكر شوي .. وعقب تفكير . .

سيف : لازم اخذلج شقه بعد . .

ميثا تطالعه : لا حبيبي مش لازم . . انا بقعد عند عمتي ومتى ما تبيني بنلتقي . .

سيف عاقد حياته : لااااااااا والله !!! انا ماصدقت نتزوج وتقوليلي بقعد عن عمتي . . ودامها قالت بتغطي عليج اسسسسسسسسسسمحيلي . . ماتنازل عنج ولا دقيقه . .

ميثا : لاحق علي انزييين ما بطيير . .

سيف يود ايدها : ابا اعيشش كل لحظه معاج . . .

ميثا تمسك بطنها : ومع الي اهني . .

ابتسم لها : فديتج انتي وفديت الي في بطنج . . . والله اخذلج الحين شقه . . خل نوصل بس . .

ميثا : بنفس الفندق الي انت ومهره فيه ؟

سيف : اكيد ّ!!! عششان اكون معاج كل وقتي . . وااذا احتاجت هي شي راح تحصلني بسرعه عندها . .

ميثا : لا حبيبي انا جي ما برضى . . لازم تعدل . .

سيف يقاطعها : اعدل لييييش . . نحن كان بينا اتفاق من البدايه . . وخلاص هيه وافقت عليه .. .

سكتت عنه . . خلته يكمل دربه من غير لا ترد عليه ولا تتكلم ف اي شي . . .




.

.

.


حمد كان ف الرسبشن . . . بسال كل حد ومحد شافها. . ما كان ع بعضه . . يدور ويدور ويدور . . بسس ابد ماشي فايده . . ما حصل لها اي اثر . .

حمد : معقووله طلعت بسسرعه ؟. معقووله منخشه ف مكاان . . " يغمض عينه بقوه " ليش يا مهره هالحررركاات لييييييييييييييش . . . .


.

.

.


شوق يابت لها كوب ماي : خلاص اهدي اهدي . .

مهره تمسح دموعها : ماقدر . . كيف تبيني اهدى . . الي يستوي فيني يا شوق شووي ؟ بالله عليج قولي شوي . . والله محد يتحمله . . .اتخيلي اتخيلي حمد ف المكان الي انا فيييه والله لو ابا اقدر اسوي كل شي معاااااه ماشي سبب واحد يخليني احشم سيف واصونه ماشي الا خوفي من ربي وتربية اهلي مابا في يوم اشوه سمعتهم " تصيح بانهيار " بكل وقاحه راح . . ماسك ايدي وراح . .

شوق تحظنها : حسبي الله عليه . . والله ما يستاهلج والله . . . خايس وووصخ . .

مهره تمسح دموعها وتطالع شوق : تلاقينه يحاتيني الحين . .

شوق : في عيييييييييينه . . الي مثله ما يعرفون المحاتاه . .

مهره : لا . . ماقصد سيف . . اقصد حمد . .

شوق : تبين تكلمينه ؟ عندج رقمه . . .

مهره ف خاطرها " الرقم محفوور ف قلبي . . " : مابا اغلط شوق . . انا اخاف من الله . . مابا اخون سيف . .مابا اخون ثقة اهلي . .

شوق مبتسمه : والنعم فييج والله . . . وينك يا سيف . . ودرت بنت الحشيمه وركضت ورى . .

مهره تقاطعها : لاتطرينها . . . الله فوق . . لا تطرينها ب اي شي . .

شوق : مم عطيني الرقم . . انا بطرشله مسج . . .

مهره : شو بطرشين له ؟

.

.

.


حمد كان ف السياره بدور من مكان لين مكان . . . انتبه ل رنه مسج . . ع طول فتح المسج ولقى مكتوب " انا ربيعة مهره وانا معاها الحين . . لا تحاتيها "

اتنهد حمد براحه . . ورد على طول الفندق . .

حمد مبتسم : تعرف اني بحاتيها . . . تعرف كيف هي في بالي والحاله الي شفتها فيها كان ممكن تنفدني . . . شسوي معاج شسوي . .

خذا تلفونه واتصل ف سيف . . بس لقاه مغلق . ..

حمد: مغلق يا خايس ؟ ماعليه يا سيف . . ماعليه . .


.

.

.

البارت الـ 23

سلامه : عيل وين الشيخه ؟

عنود : مادريبهم والله . . ليش ؟

سلامه تطالع عنود : ممم . . ابا اسالج سؤال . . .

عنود باستغراب : أسسئلي . .

سلامه : لو غلطتي غلطه كبيرة . . . كبيره فوق ما تتصورين . . شراح تسوين . . يا انج تكملين الغلطه طول حياتج . .. يا انج تخبرين حد وتنذبحين . . شراح تسوين ؟؟؟

عنود باستغراب اكثر : ليش هالسسؤال ؟؟؟

سلامه : آآآ . . ربيعتي سألتني وماعرف شو ارد عليها . .قلت بسمع رايج . .

عنود : ممم والله تبين الصدق ماعرف .. بس ما اقدر اني اتم ع الغلطه طول عمري . . دام انها كبيره لازم اكلم حد فيها . .

سلامه مبتسمه : مم زين . . يالله ااانا بقوم برقد . . العصر ابا اروح عند عذاري ادرس واعرف علوم المدرسه . .

عنود : زين تسوين . . يالله حبيبتي قومي ريحي . . .

عقب ما راحت عنها . . . رن تلفون عنود . .

عنود : بل بل . . هاي وين ذكرتني . . .

ردت . .

عنود : مرحبآإ . .

:: مرحبتيين . .

عنود : حي الله هالصووت . .

:: الله يحيييج . .

عنود : وششحالج ؟

:: تمام الحمدلله وانتي شحالج ؟؟

عنود : والله تمام .. غريييييييبه شموووس متعنية وداقتلي . . لالا في شي . .

شموس : ههههههههه بغيت اباركلم . . اعنبوه مافيج خير ماطرشتي لنا حتى مسج . .

عنود مستغربه : تباركين على ششو ؟

شموس : ع زواج اخوج بعد ششو . .

عنود : هيييييييييه " تضحك " هههههه عبالي عندج شي ويا راسج . . الله يبارك فييج ان شاء الله . . منو خبرج انتي ؟؟

شموس : كيف منو خبرني . . شفته اليوم هو وحرمته يايين المحكمه . .

عنود باستغراب : اي اخو تطرين ؟

شموس : سيف اخوج بعد منوو . .

عنود : ههههههههه اسميج الا مخرفه . . سيف اخويه ف ماليزيا ويا حرمته . . ام سلوم نشي . .

شموس : عنود عن هالحركات . . اي ماليزيا الله يخليج . . والله اني شفته اليوم . .

عنود : شموس يمكن مخربطه انتي . .

شموس : كيف مخربطه . . انزين حرمته مش اسمها ميثا ؟؟؟؟

عنود : ميثا ّ!!!!!!!!!!!! شموس انتي شو يالسه تخربطين . .

شموس : استغفر الله . . يعني انا ف المحكمه واسم اخوج شفته وكتبته ع الكمبيوتر بأيدي الثنتين . . حتى معلوماته كلها عندي تبيني اخبرج ؟؟

عنود : عندج رقمه ؟

شموس : عندي الي تبينه . .

عنود : عطيني الرقم . .

عطتها شموس . .

عنود : برد ادقلج . .

شموس باستغراب : ليكون اخوج متزوج بالسر . .

عنود : يمكن في سوء تفاهم . . خليني بعرف السالفه وعقب بخبرج . .

شموس : خلاص تمام . .فمان الله . .

عنود : فمان الكريم . .

>> مستحيل يا سيف . . مستحيل .. انت بالذااات ما تسسويها . . اتصلت ع رقمه الي هيه تعرفه شافته مغلق . . واتصلت ع الرقم الي عطته اياها ربيعتها . .. بعد شافته مغلق . . استغربت حييل . .

عنود : لازم اتصل فيه من رقم ثاني . . يمكن يميز رقمي . . بس بجرب اتصل عقب . . الله يستر !!!!


.

.

.

مهره : ادري ثقلت عليج . .صارت الساعه 3 . . " نشت " خلاص بخليج . .

شوق تمسكها : والله ماتتحركين من مكانج . . انا شو عندي يختي . . حتى ريلي الي اتحمل منه اليوم عياله شالينه عندهم اجتماع خاص ع قولتهم . . . ايلس ارتاحي اهني . .

مهره : والله مابا اثقل عليج . .

شوق : مافيها لا ثقل ولا شي . . . " يرن فونها " ويه ها حمد يتصل . .

مهره مستغربه : لالالا لاتردين . .

بس شوق ردت وابتسمت : مرحبا . .

حمد بتردد :السلام عليج اختي . .

شوق : وعليكم السلام . .

حمد : اسمحيلي اختي ازعتج . . بس بغيت اطمن على مهره . .

شوق : الحمدلله هي بخير . . لا تحاتيها . . " اندوك رمسها " وتحط الفون ع اذن مهره الي غمضت عينها بسسرعه . . .

شوق طلعت من الغرفه وخلت مهره تاخذ راحتها فالرمسه . .

عقب سكوت بسيط . .

حمد : بتمين ساكته يعني . ؟

مهره تتنهد : حمود ليش متصل . .. انا شو قايلتلك . .

حمد : انزيين ردي الشقه وارقدي واقفلي ع عمرج الباب والله ما بتتصل ولا بتعرض لج . . ولا حتى بكلمج . . بس ابا ارتاح انج بخير .. جي انا مشش مرتاح . . والله مش مرتاااااااح . .

مهره : حمود انا يالسه ويا ربيعتي . . ربيعتي ف نفس الفندق . . .

حمد مستغرب : والله ؟

مهره بتنهد : والله . . خلاص بس خلني الحين . .

حمد : انزين لحظه . . متى بتردييييين !!

مهره : من احس اني ارتحت برد . . .

حمد : زين ماعليه . .

مهره : ولا تتصل ع هالرقم مره ثانية . .

حمد : من عيوني . .

مهره ف خاطرها " ربي يحرسهن يارب " . . . :

حمد مبتسم : اعرف . . واحس ب الي تقولينه ف خاطرج . .

مهره فجت عينها : يالله باي . .

وبندت بسرعه . . .

ااما حمد ابتسم ابتسامه عريييضه وقعد يذكر موقف . . .


حمد شاق حلجه : الحلو في بيتنا . .

مهره معصبه : حمود والله تروح الحين . .

حمد بخبث : اديييته انا الي يستحي . .

مهره غمضت عينها بقوه ورصت عليهن : ياربي . .

حمد يتقرب منها : شحالج العرووووس ؟

مهره تطالعه : بخيير . . يالله روووح . . .

حمد : اول قولي احبك وبروح . .

مهره تقوم من مكانها ويزخ ايدها حمد : والله ماتروحين خلاص . .

مهره وخرت ايده : يالله رووووووووح . .

حمد مبتسم وبخبث : من عيووووووووووووووووووني . .

وراح عنها . . .

عقب نص ساعه يته عنود وكانت ترمس فون وميته ضحك . .. . .

حمد مستغرب : انتي شفيييييييج

عنود تطالعه : ارمس مهور . . تعيب علي لاني ارمس روحي شوي . .مش جنه قبل نص ساعه يوم كانت ف بيتنا . . اول ما يييت عندها مغمضه عينها وتقول الله يحرسهن الله يحرسهن . . الله يحرسهن ويخليهن لي وبس هههههههههههههههههه . .

ابتسم حمد ابتسامه فظيعه . . وهو يقول ف خاطره " فدييييييييييت عمرها انا . . "

اليوم الثاني حمد كان يحر السيارة بيودي عنود المدرسه . . وكانت مهره يايه مع الدريول وبتشل عنود وبيسيرون رباعه . .

اول ماشافها نزل من السياره ودق عليها الدريشه . . . ماطاعت تنزل جان يفتح الباب . .

مهره معصبه : وبعديييييييييييييييين ويا حركاتك . . والله بزعل . .

حمد : فديييت هالويه المعصب من ع الصبح . . بس شي واحد والله بس شي واحد . .

مهره تتنهد : قوول ششو . .

حمد : البارحه . . الله يحرسهن الله يحرسهن . . قلتيهن لي صح ؟

مهره انحرررررررررررجت ماعرفت شو تقول . . .

حمد حس فيها وضحك : ههههههههههه والله تقوولين والله . . حلفت تبيني اموت ؟؟ خلاص بموت . .

مهره : بسم الله عليك . . ." يودت شفاتها بقوه " اففف . . مش حقك والله . . حق عيوونك بس يلا رووح . . . وسكرت الباب بسرعه

حمد حطا ايده ع قلبه وهو يبتسم ويقولها : يدق دق طبوول . . .

ضحكت ع عبطه واشرت له يروح لان عنود احتمال تي بأي وقت . .

راح عنها وهو خلاص طاير من الونآسه . .


صحى من هالذكرى على صوت سيف وهو يكح . .

حمد يطالعه مبتسم ويشوف الساعه تأشر على 7 المغرب : حي الله سيف . .

سيف مرتبك : آآ . . الله يحييك . .

حمد يعدل قعدته : ويين ماشاء الله . . طرت فجآه ؟

سيف يلف راسه يمين ويسار . . : آآ وين مهره ؟

حمد : مادري . . شعرفني انا . . حرمتي ولا حرمتك ؟؟

سيف : طلعت من البيت ؟؟

حمد : هيه . . اول ما انت طلعت، هي طلعت وراك . .

سيف عاقد حياته : ويين سارت بعد . . ؟؟

حمد : وانت ليش معصب .؟ خلها برايها . . مش انت ماتهمك مهره وعندك الي تحبها ؟

سيف : بس بعد . . ما يستوي تطلع جي وتقول هي وين راحت . . اعنبو انا طالع من الصبح والحين بيأذن العشا وهيه ما ردت ؟؟

حمد اطالعه وما علق . . اما سيف تم متوتر . . يطلع ويدش . . يدخل الحمام يغسل ويهه ويرد يطلع . .

حمد يطالعه : سيف ! تحاتيها ؟

سيف يطالع حمد ب عصبية : بزوالها تلتعن . . اهم شي عندي اني تزوجت الي احبها . . خل تولي هي . .

حمد يقوم : ششششششششششو ؟؟؟؟؟

سيف يطالع حمد وبصوت عالي : هييييه تزوجت ميثا .. تزوجت حلم حياتي . . عندك اعتراااض مثلا .؟ ولا مش شايفني ريال جدااامك . . .

مهره بهدوء : بالبركه . . تسستآهل . .

كانت ف الصاله . . وهم ف حجره سيف ومبطلبن الباب . .

صد سيف ع طول ورى وهو يطالع ملامحها .. .

وحمد نفس الشي . . مطعوون من نظرتها المكسورة . . من ويهها المرهق .!! من علامات الصدمه الي فويهها لكنها مخبتنها . . .

.

.
البارت الـ 24
سار صوبهآ بسرعه وبنظرة لئيمه ممزوجه ب قهر . . : الله يبارك فيج !!! ششرفتي . . توه الناس جان ما رديتي البيت بعد . .
مهره تبتسم باستفزاز : لا تدخ ـل فيني . . . ولا تحاول بع ـد . . انته تعرف حدؤوودنا ويين . .
عض ع شفايفه بقهر ومطها من شعرها ودخلها الغرفه ب عنف . . .
حمد بغا يسير صوبه بسرعه بس قبض روحه ودق ايده باليدار باقوى شي عنده . . .
مهره تمسك ايده : وخخخخخخخخخخخخخر عني . . وخخخررررررر
سيف عقها ع الارض : بوخر عنج . . بس حدودج اهني . . ما بتطلعين من هالغرفه . .
توقف ع طول وتسير صوبه وتضرب صدره : مااااااا يخصصصك فيني . . انت ما يخصصصك فيني . . مثل ما بتعيشش حياتك خلني اعيش حياتي . . .انت الي اقترحت تكون حالتنا جيي . . لا تبين لي اهتمامك الحين . . " تنزل دموعها . . " انت تزوجت الي تحبها . . شتبي فيني الحين . . . خلاص روح لها شوو تتريا . . .مابا منك شششي والله مابا منك شي . . . بس خلني ف حااالي . . .
مطها من شعرها بقوو وشاف دموعها وصياحها زااد . . .
مهره : انت لييش جي تسوي فيني لييييش . . .
بطل حمد الباب بقوه . .
حمد بعصبيه : انت حيييييييييوان شششو .. حيووووووووووان . .
سيف باستغراب : حمد الزم احدودك واطلع برا . . . " يصد صوب مهره ويشوفها بلا شيله . . "
وخر ايده عن شعرها والشيله الي كانت ع رقبتها حطاها ع راسها وسحب ايدها بيظهرها من هالمكان . .
حمد يغمض عيونه ماقادر يشوف مهره تنضرب ويخاف مشاعره تفضحه ووتتوهق مهره اكثر . . .
حمد بتردد : اسف . .. اسف لاني دخلت جي . . بس تفاااهم . . تفاهم معاها مش بالعنف . .
سيف يسحب مهره معااه وهيه تقاومه بقوه . . . لكنه كان اقوى عنها وسحبها بسرعه . . .
>> حمد . . وين بتوديها يا سيفوه ويييييييييين . . حرام عليك الي تسويه قسسسم بالله حرااام . . .
.
.
.
" بعد مرور يووم كآإمل "
يندق على سلامه الباب . . . تزيد دقات قلبها وتسير تفتح الباب . . .
تمسك فونها بايدها . . . وسوت شي ! وحطته ف جيبها . .
سموي بابتسامه خبيثه : ها حبيبتي . . يقولون مريضه . . سلامااات . . .
سلامه تاخذ نفس عميق ويمر كلام منصور ف بالها باختصار . ..
سموي تربت ع جتفها : لا شكلج اليوم وايد احسن . . هاا يلا . . يبت لج لبس . . وبخبرج الوضعيه الي تتصورين فيها . . .
سلامه : سميه لين اهني وبس . .. يا تحترمين نفسج وتصونين اخوي . . يا اني افضحج واخبره بكل سوالفج و بكل الي سويتيه فيني . .
سموي تضحك : هههههههه حتى انا عندي وااااايد اشياء اقولها حق خالد . . وبتبلى عليج وبركب عليج امور عمرج ما تخيلتيها ف حياتج . . .
سلامه تبتسم : بسبقج وبخبر اخوي ب غلطتي . . ولو ذبحني برايه . . لكن ما بتنازل اكثر عن جي .. انتي شو خليتي فيني . . . خلااااص . . انا لووث . . صرت لوث والسسبه افعالج . . .
سموي : لا تنسين انه انتي صدق لوث ومنبع اللوث . . .
سلامه بعصبية : تهبييييييين . . . انآ صح غلطت !! لكن خير الخطآئين التوابين . . ومن اليوم ورايح . . احلمي تشوفيني الانسانه الضعيفه الي كنتي تستغلينها لمده طويله . . .
سموي عاقده حياتها : تذكري حرف حرف قلتيها . . " تبتسم " بنتلاقى حبيبتي . . وتزهبي للي بييج . .
سلامه مبتسمه ب ثقه : ما بتراجع عن اي حرف قلته . .
طلعت سموي من عندها من غير ما تنطق بحرف . . .
طلعت وراها سلامه بتسير غرفه اخوها . . ترددت تدخل . . . والف شيطان قالها ردي لـ سموي ولا ضرب اخوج . . ردي لـ سموي الا كم سنه زياده وبتمل منج . .. لكن قوت نفسها ودقت الباب على خالد !!
.
.
.
ام عبدالله ( ام مهره ) : رووويضض . . .
روضة وهيه شاله جسوم ف حظنها : ها امايا امري . .
ام عبدالله : وييين اختج . . لا اتصلت اعنبوه لا سالت لا قالت عندي ام بطمنها . . . من شافت هالسيف ما شفنا لها اثر . .
روضه : كلمناها امايا يوم انتي محد وماقدرت اطول . .
ام عبدالله : صدق بنت مافيها خير ما تشتاق لامها . !!! ما تبا تسمع حس امها . . .امفف عليها . .
عذاري تنزل من فوق : جيييه امايا . . خليها تتهنى . . الا باقلها اسبوعين وبتردلج . . .
ام عبدالله : انزين لو حتى يوم . . تتصل تطمني تسلم علي . . .
عذاري ترد ع مبايلها الي يرن : ها حصيص . . . ؟
حصيص : ياخي عذور اخوج لوع جبدي . .
عذاري تخوز عن قوم امها . . : اي اخو بسم الله . .
حصيص : منو بعد . . نصصور . .
عذاري تضحك : ههههههههههه ليش شو مسوي ياحظي . .
حصيص : يالس يدور صوب بيتنا . . وحاطلي اغنيه ميحد حد مثلي بات مشجنه . . .
عذاري : هههههههههههههههههههههه فديته اخوي متعذب . .
حصيص : يختي بيفضحنا . . اتصلي فيه قوليله خـل يفارج . .
عذاري : ما بيسويلي سالفه ولا بيرد علي حتى . . ماتعرفينه يعني ما ييني الا للمصالح . .
حصيص : اقولج لو ظهر له ابويه بيكنسل ويزته . .
عذاري : احسسسن يباله حد يصلب عوده . .
حصيص توايق من الجامه : لا ولو تشوفين بعد . . .يرزف لي بعد . . اخوج وايد قاص على عمره ترى . . .
عذاري ميته ضحك : هههههههه ها االي اول مره يحبون ، يتحمسون ويطلعون كل طاقتهم . .
حصيص : خبله عافاااااااان الله . .. يالله انزين برايج بروح ارقد . . . تعالي بتين المدرسه باجر ؟
عذاري : لالا مابي . . الاخصائية ترى قالت لا تون وذاكرو حق الامتحانات . .
حصيص : انزين يمكن الابله بتراجع ولا شي . .
عذاري تشوف ساعتها : خل عنج اللقاعه الزايده وروحي رقدي ، صارت الساعه 11 . . يلا عشان ننش باجر من الفير ونذاكر . .
حصيص : هيه اكيد اخوج بيتصل بيواعيني . .
عذاري : هههههههه فديته منه فايده . .
ابتسمت حصيص : امحق فايده . . يلا انزين . . بيباي . .
عذاري مبتسمه : الله وياج حبيبتي . .

.

البارت الـ 25

تتصل عنود . . مره مرتين . . ثلاث ! لين انفتح الرقم . . .

سيف : ألووو ؟؟ الؤؤؤؤؤؤ من معآآآي ؟

بندت عنود بسرعه . . .

عنود وهيه تحظن الفون : ششت !! طلع معرسس . . . يعني هو صدق . . معرس على مهره !! وف فالبلاد مش مسااافر . . والله حسيت ان في شي والله . . . مهووووور ويييين الحين . . مهور شوو حالها .. استغفر الله شو سويت ف ربيعتي ششوووووه . . . " تحط ايدها ع خدها " انا السبب . . لو مهور متلعوزه ويا سيفو والله ما بسامح رووحي . . انا الي جمعتهم اااناا . . انا الي وزيت رااس امايا . . ياارب كون ف عوووني يارب . . .


اما سيف استغرب . .

ميثا : شفيك حبيبي . . . ؟؟

سيف : مادري ياني رقم غريب . . .

ميثا : انزين خلاص بند التلفون وخلاص . . ماصار شي يعني . .



سيف يطالعها . .

ميثا تبتسم : ولا تبيني ابنده عنك . .

سارت صوب فونه وغلقته بروحها . .

ميثا : ممم . .

سيف : لا تقوليلي اسير افتح لها الباب . .

ميثا : حرام عليك حبيبي . . مهره ما سوت شي علشان تعاملها جذي . .

سيف يغمض عينه : انتي الي وايد وايد طيبه . .

ميثا تبتسم : عطني المفتاح .. انا بفتحلها . .

سيف : لالا . . عصبت بي مابا . . خليها برايها . .

ميثا تسحب ايده وتخليها ورا جتفها . . . عشان يحظنها . .

سيف : حبيبي لا تقردنيني . . قلتلج لا

ميثا : حبيبي انا بقولك شي . . . كلامها كان صدق انته من البدايه الي اقترحت هالشي ليش تعاتبها عليه !!! هي مول ما سوت شي . . فكر بعقلك شوي . . وبعدين انا معاااك . . شو تبابها انته . . خلاص خلها بحالها . . " تبتسم له بخبث " خل ترد اهناك . . ما بناخذ راحتنا اهني . .

ابتسم سيف : سوي الي تشوفينه زين . . .

ميثا تبوسه ع خذه : فوديته الي ما يردني ب شي . . ياحظي فيك انااا . . .

سارت صوب المفتاح شلته . . . وسارت صوب الغرفه المسكره . . .

بطلت المفتاح وسارت صوب مهره . . .

ميثا تضرب ع ويه مهره بخفيف : مهره . . . مهره . . .قومي حبيبتي . .!!

مهره تفتح عينها تشوف ميثا ماسكه خدها . . دزت ايد ميثا بقووه . .

مهره : وووووووووخري عني . . مابا مثل هالاشكال يلمسسوني . .

ميثا مبتسمه : مشكووره وما قصرتي ويي منج اكثر . . .

مهره تشوفها باشمئزاز : شووو تبون فيني الحين . . . ليش مخليني اهني . . .

ميثا : سواف ياني وقالي ابطل لج الباب . . وبرايج جان تبين تروحين . . مرخصنج . .

مهره تبتسم بدون نفس وتطالع ميثا من فوق لين تحت .

ميثا تتنهد : لو تبيني اساعدج ب شي قوليلي . .

مهره : مشكورة مابا منج شي . .

سيف يدخل : خلبييييييييها . . مش ويه أدب . . مش ويه حد يعاملها ب طيبة . . وايد عاطتنها ويه انتي . . تعالي ميثوه تعالي . .

ميثا تطالع سيف ب عصبيه وعقدت حياتها . . .

سيف : ششوفي قلتلج لا ادافعين عنها . هاي وحده والله انها ماتستاهل . . . تعالي يلا خليها تلتعن . . .

حاولت مهره تقوم بس مافيها قوة . . . امس ضربها ضررب . . .مارحمها مول . . يايه ترص ع عمرها وتقوم باقوى ما عندها وبغت اطيح وساعدتها ميثا بسرعه . .

مهره توخر ايد ميثا : لا تفكرييييييييييييييييييين تلمسسسسسيني . . ماشرف ب لمس ايادي قذره . .

يا سيف بكل عصبية وعطا مهره طراااق خلاها ترد تنسدح ع الارض . . .

سيف يمسك ايد ميثا: تعالي والله لاخليها اهني اتموت . . هاي ويه حد يحترمها .. .

ميثا تقاوم : يا سيييييييييف حرام عليييييييييييك . . لاتتتتسسوي جي . .

اما سيف كان اقوى عنها وطلعها برا الغرفه وقفل الباب . .

خلاها طايحه ع الارض . . . لا تقدر تصيح . . ولا تقدر تنطق ب حرف واحد . . . اكتفت بالسكوت واكتفت انها اتم طايحه مثل ما هي . .


.

.

.


خالد : ادخل !!

ترددت سلامه وايد . . .

خالد : سلامي دخلي حبيبتي شبلاج . . .

سلامه تغمض عينها . . . " ما يندرا بطلع وبتم تزقرني ب حبيبتي ولا " . .

خالد مبتسم : يلسي فديتج . . شوو فيج ؟؟

سلامه تقعد مجابلتنه . . وتطالعه بنظرات حيرة . . .

خالد : تكلمي . . شوو فيج سلاموووه . . .

سلامه تلعب ب قميصها ومحتاره . . كيف تبدى فالرمسه . . .

خالد : يلااا يا اميه شووو فيج ارمسسسسي !!

سلامه : خلود ابا اقولك شي بس خايفه ومش عارفه كيف ابدا معاك . .

خالد : ارمسي شو السالفه . . ؟؟؟

سلامه : خالد انا . .. آنآآآ . . .

خالد : انتي شووو !! خوفتيني بترمسين ولا شو

سلامه : انا مره غلطت وكلمت واحد . . .

خالد : ادري !

سلامه باستغراب تمت تطالعه . .

خالد مبتسم : شوو فيج ادري . . خبرتني سموي . .

سلامه بنظرات اغرب : والله اناا . .

خالد : لا تبررين شي . . اعرف كل شي . .

سلامه : شو الي تعرفه يا خالد . .

خالد : اعرف كل شي . .

سلامه باستغراب : شو الي كل شي ؟؟؟ تعرف انه حرمتك يالسه تستغلني ؟؟؟؟

خالد : هيه اعرف . .

سلامه وقفت : تسستغلني تخلينني اتصور ب وضعيات خلييييعه . .. تعرف هالشي . . تعرف انها تكسب من ورى صور جسسمي الملاااااييين . .

خالد يضحك : هيه اعرف . . عيل احنا كيف عاايشين معززين ومكرمين . . الا من ورى خيرج . .

سلامه تطالع اخوها ب خوف . . ب حيرة . . هذا ششششوووووه يقول . . .

سموي تطلع من الحمام وهيه تضحك : هههههههه عبالج يايبتله شي يديد . .

سلامه تطالع اخوها : انت ما تغاار ع عرضك . . ع خوااتك . . اضررررررربني اذببجننني . . بس لا اتم جي . .

خالد : اضربج ؟؟؟ انا مستفيد من وراج لييييييش اضربج ؟؟

سموي : شفت عاد كيف اختك تبا تقطع رزقنا . . لا وبعد اقنعها تتصور هالمره مش راضيه . .

خالد : انزين انتي لانج ماتعطينها شي . . عطيني كم ألف . . تراها تتعب لين تصور . . ع الاقل تستفيد هي بعد . .

سموي : من عيوووني سلامه . . قوليلي كم تبين وانا بعطييج . . والله ما يغلا عليج . .

سلامه تطيح عند ريل اخوها وتضربه : اووعى خااالد . . انت مسسحوور . . .اوووعى . . .مسستحيل انت مش اخووي . .. كيييف رااضي كيييف . . .

خالد : سلامه ليش مكبره الموضوع ؟؟ المهم ويهج مش طالع يعني . . مش شي كبير . .

سلامه تصييح وتنزل دموعها بحسسره : وانا الي بغييتك عووووون . .

خالد : انا عون لج . . اييب لج شغله سهله وف البيت وتحصلين من وراها فلووس قد شعر راسج . .

سلامه تعض ع شفايفها وتطلع من الغرفه وهيه تركض . . : هذاا شو يقوول . . . شو يخربط . . شو يهبب . . . !!!!!!!!!!!!!!


.

.
.

البارت الـ 26
حمد كان قاعد يلف ويدور ع الشقه . . . تعب من كثر ما يفكر . . حس انه لازم يطلع من الشقه وجوده اهني يمكن يسبب مشاكل اكثر . . بس ما يقدر . . . تفكيره ف مهره ذااابحنه . . الف فكره ف باله . . يخاف سيف يسوي فيها شي . . . يضربها . . ماقادر ينسى الموقف الي هيه تنضرب فيه وهو سااكت ولا يقدر يسوي شي . . كان مكتفي انه طايح ع سرير سيف ويفكر بألف شغله وشغله . .

انتبه ل تلفونه يرن . . عنود متصله ؟ شسالفه . .
رد من اول رنتين . .
عنود : حمد ؟؟ انت فالبلاد بع ــد !!!
حمد : هيه فالبلاد . . منو خبرج . .
عنود : اتصلت بالصدفه . . شكييت فيكم كلكم . . .اعنبوه اخوي الاول معرس حرمتين بنفس الوقت . . لا وقاص علينا اونه ف ماليزيا وهو اهني . .. اكيد انت تعرف صح . .
حمد يتنهد : هيه يا عنود اعرف . . .لكن شو تبيني اسوي . .
عنود معصبه : كيييييييف ما تسوي شي كيف . . .
حمد معصب اكثر : شو الي بييدي اسويه خبريني شوو . . . كفايا ان الي احبها رااحت يا عنود كفايااا . . " تنزل دموعه بحرقه "
عنود باستغراب : انت تحب مهور ؟
حمد سكت ما قال شي . .
عنود : حموود رد علي . .
حمد : وشو الي بيغير يا عنود لو كنت احبها او لا . . البنت راحت عندي خلاص . . .البنت بأيد واحد جلب مش راحمنها . . جدام عيني يضربها . . جدام عيني اشوفها تصيح بحرقه . . . اشوف عذابها جدام عيني . . .
ماقدر يتحمل وبند فويه عنود وفر التلفون . . .
ترك عنود تفكر وتفكر وتفكر .!!!!!
>
<

عنود : مهووووووور . . انتي تحبين صح . . .
مهره تطالع عنود : احب منوو . .
عنود : منو حرف الـ حآء المصوؤؤن الي ف كل الكتاب ..
مهره : آآآ حآء . .!! مآدري محد بس انا احب هالحرف . . . . .
عنود : اعنبو انا شرات اختج وتخبين عني . . قووولي . .
مهره : عنوودوه يوزي عني . . . انتي 24 ساعه وياي . . يا في بيتنا يا في بيتكم حتى لو طلعنا بتطلعين معاي . . " بارتباك " يعني وين بحب . .
عنود تبتسم : يالله دامنا ربع بحب حرف الحاء وياج . .
مهره وعنود يضحكون . .

تتنهد عنود ب صوت مسموع . . . وهيه تذكر بعد شي !!
كانت مهره تصيح تصيح وماتسكت . . . عنود تاخرت لين يت المدرسه وسالت البنات قالولها ان مهره ف الحمام تصيح . . وماحضرت الحصة الاولى . . .
عنود : مهووور خبريييييني ليش تصيحين ليييش شوو فيج . . .
مهره تمسح دموعها : مافيني شي حبيبتي . .
عنود : مهور بروحي ميوده عمري بصيح . .
مهره تطالعها : وليش تصيحين . . عشان حمد بيسافر ؟ ؟
عنود باستغراب : انتي شدراج . . .
مهره بارتباك : انتي قلتي لي . . .
عنود : متى قلتلج . . هو فاجئنا اليوم انه ييسافر . . .
مسحت مهره دموعها : مادري انا جني سمعت من امي او من حد . . مادري . .
عنود ماحطت ف بالها شي حزتها . . . سحبت مهور وهدتها وسارو الصف . . .

>
<

يت في بالها اخر ذكرى !!!
مهره حارقه فون عنود . . . وع اخر مره ردت . .
مهره بصوت مبحوح من الصياح : عنود ليييييييييييش ماتردين . . صدق الخبر الي سمعته ؟ صدق امج تبا تخطبني حق سيف ؟؟؟
عنود : هيييييييييه . . . وانا الي رشحتتج بعد . . . وقلتلها ما بتحصلين وحده احسن عن مهرووه ربيعتي . .
مهره : عنود بسس . .
عنود : شوووو بسس . . يلا يلا . . لازم توافقين . . عشان ما تسيرين بعيد عني . .
مهره : حمد اخوج ما دقلكم ؟
عنود باستغراب : لا ما دق ليش ؟
مهره : وصله الخبر ؟ وصله انه اخوه بيعرس . .
عنود : هييه خبرناه . .
مهره : وخبرتوه منو . .
عنود : لا ما خبرناه . . انا دقيت له ابا اخبره بس مشغول . . قلتله ان اميه تبا تزوج سيفوه . . قال برايها اناا شو بسوي بوقف ف نصيبه مثلا . .
مهره تصيح . . .
عنود : مهور ليش اصيحين . .لو ما تبين سيفوه قولي . .
مهره : لالا عنود مش جي . . بس . . مادري ارتبكت . .
عنود : ههههههههه ارتباك عرووووس . . يالله ان شاء الله تكونين من نصيبه . .
مهره : عنود لو ما وافقت بتزعلين ؟
عنود : هيه هيه بزعل . . دام محد ف قلبج ياخي تزووجي اخوي ماشي احسن عنه . .وبعدين وين بتسيرين عن امج هههههههههه تعرفينها ربيعه امايا الروح بالروح مابتودرج الا وانتي موافقه يعني وافقي ب كرامتج احسن . .

.>
انسدحت عنود ع السرير وهيه تصيح ب صوت مسموع . . شسويت فيج انا يامهور شسويت . . دمرت كل شي . . والله دمرتلج كل شي . . .

.
.
.

سلامه كانت ف وضع ثاني . . منهاااااااااااااره . .
<< شسوي الحين شششششششششووه اسوي !! يوم اخوي العود يشجعني ع الخرابيط الي اسويها . . يشجعني عشان ياخذ فلوس حرام من ورايه . . . وين اروح شوه اسوي بعمري شوه . . . ماشي الا حل واحد . . ماشي غيره . .
بكل انهيار سارت صوب الحمام . . وشربتلها ديتوول كاااااااامل . . . وطاحت !!!

.
.
.

سيف : وين تروحين الحين حبيبي . .
ميثا : والله حبيبي ما بطول . . عموه اتصلت وقالتلي انه بتي اختي اهناك ولازم امثل اني ساكنه اونه عند عمووو . .
سيف ب ضيج : افف . . .
ميثا تبوس خده : تحمل ع روحك . . .
سيف : انزين تعالي . . " فتح بوكه وعطاها مبلغ بـ الالاف من غير ما يشوف كم " يمكن تحتاجين . .
ميثا مبتسمه : والله ما كان له داعي . . بس دامك عطيتني مابردك . .
سيف : ههههههههههههه مكاااااااااااااااره . .
ضحكت وراه وطلعت من الشقه . .
سيف : تعالي تعالي . . . " ياشر لها " بوستي . .
ردت لها باسته بقوه وطلعت من الشقه

كانت تسمعهم وتبتسم . . .تبتسم ب عذاب . . . حسبي الله ونعم الوكيل . . ليش مخلني اهني . . ليشش ؟ شتبيني اسمع وشتبيني اشووف . . ليش تسوي فيني جي لييش . . . وينك يا حمد . . وينك يالغاالي .. وينك يلي لو قالولك اني ميهوده بس طول الليل عند باب بيتي تدعيلي . . . لييش انكتب لنا هالمصير . . . لييش . . ليش ماكنت حلالك انت . . ليتني الحين اقدر اصيح ف حظنك واقولك اني تعباانه . . واقولك اني تعيسسه ب كل معنى الكلمه . . . ابي اقولك وايد اشياء يا حمد وايد اشياء . .
تبطل عليها الباب بهدوء . . ب كل هدوء سار صوبها . . وقومها من ع الارض . .
ما دفرته ولا عصبت ولا قالت اي شي . . خلاص مافيها حيل تقاوم ابد . . منهد حيلها ومافيها اي طاقه . .
قومها وساعدها عشان تقعد ع السرير . . قعد حذالها . . . وخر شعرها من ع ويهها ورتبالها اياه . .
سيف يتنهد : محد معذبنا غيرج لسانج الطويل وعنادج . . ليش تعانديني ليش . .
تطالعه ب نظره مكسورة : انت الي مش قد كلامك . .
سيف يصد الصوب الثاني : عصبتيني . . . ما حبيت اني ارد الشقه وماشوفج . . " يقوم من مكانه ويسحب له كرسي ويجابلها " رديت ابا اتاسف لج . . ابا اقولج اني اسف لاني خليتج ورحت بهالطريقه . . فررت يوم عرفت انج محد . . وراده متاخر . .
مهره عاقده حياتها : وشو الي ياثر فيييييك . . انته من البدايه قلت مالك اي دخل فيني . . ليش تعور راسسسك . . خلاص الي تحبها في حياتك الحينه . .
سيف : مادري لا تساليني . . مادري ليش صار كل هذا . .
مهره تغمض عينها ب تعب . .
سيف : انا اسف . . اسف اني سويتلج كل هذا . . اسف اني مديت ايدي عليج . . واسف . . .
مهره تقاطعها :دوم تتاسف يا سيف وترد تكرر كل شي . . خلاص ما يفيدني اسفك ب شي . . ابا ارد بيتنا . . خلص هالمسرحيه بسرعه . . خل ننهيها وانا بتحمل كل الي بييني . .
سيف عاقد حياته : تبينا نطلق . .
مهره : هييه اباك اطلقني . . خلاص انا مابا اعيش ف هالحياه . . مابا اكون طرف ثالث متعذب . .
سيف : بس . .
مهره : دخيلك لا بس ولاشي . . خلاص الي تحبها معااك . . والله يهنيكم . . وكل الي سويتلي اياه انا مسامحتنك عليه . . بس خلني ف حالي واطلق سرااحي . . مابا اتم مقيده فيك . .
سيف : ماعليه . . بنتكلم ف هالموضوع . . قومي بنرد الشقه . . بتبدلين ملابسج . . وبنروح ناكل . .شكلج وايد تعبان . . لازم تاكلين لج شي . .
مهره تطالعه : لا تبين لي اهتمامك . . لا تمثل انك مهتم فيني . .
سيف : انااا ما امثل . . والله اني ما امثل . . . انا جد اباج ترتاحين وتاكلين لج شي . . "يقرص خدها ب خفيف " ويهج تعبان . .
نزلت ايده : خلاص . . خلني ارد الشقه وانا بسوي لي شي وباكل اهناك . . مابا اطلع مكان . .

سيف : مش ع كيفج . .
اطالعته باستغراب . . بس تجاهل نظراتها . . شلاها مثل ذيج المره . . . وطلع بسسرعه . . ما قاومته . . ولا طلع منها اي حس . . . استغرب بس ما علق . .
سيف من دون لا يطالعها : يا حلووج وانتي هاديه . . تريحين الواحد . . . يالله انزلي وصلنا اللفت . .
بس ماردت عليه !!!
حاول يدق زر اللفت ب كوعه . . ودخل اللفت وهو شالنها . . ليين وصلو الشقه . . دق الجرس ب كوعه بعد اكثر عن مره بس محد يفتح . . تم يدق ويدق . . لين فتح له حمد !

.
.
.

.

.


البارتـ 27

سيف باستغراب : ليش ما تفتح بسرعه . .

حمد ب تعب يشوف المنظر هذا بس ما قال شي . .

سيف يدخل : شو فيك . .

حمد : آآ . . كنت راقد . . ما سمعته . . " تم يمسح ع عينه عشان يشوف . . " شفيها مهره ؟



سيف مبتسم : تدلع . .

انقرص قلب حمد بس ما قال شي . .

دخل سيف الغرفه . . : مهوور بسسسج . . يالله وصلنا . . .

ما شافها نزلت . . وايد استغرب . . حطاها ع السرير وكانت ماسكه كندورته مما خلاه يميل وياها ما يقوم . . .

خاف . . . قرب خده صوب نصخها . . . سمع نفس خفيف . . . اتتنهد براحه . .

على التعب الي هيه فيه . . بس قبضة ايدها لـكندورته قوية !! ما يبيها تقوم . . . اكيد التعب الي شافته منه مش هين ابد . . . خذاله مكان حذالها . . . وسحبها لـ صدره بزياده . . تم يربت ع جتفها بخفيف وهو يقول . . .

سيف : بسسم الله عليج . . . بسم الله عليج . . . بسم الله . . . . .

لين رقد وهو ما يحس . .


اما حمد كان ف حجرة سيف يترياه . . بعد انتظاار طويل تحرك الصاله وانتبه ل غرفتها الباب مفتوح . . طاحت عينه ع السرير على طول . .. على المنظر الي هم فيه . . مهره متكورة ب صدر سيف لدرجه ويهها مش امبين . . .وهو لامنها ب كل حنية وراقد . . .

حمد غمض عينه ب عذاب : اانا شسوي اهني . . شو الي مخلني قاااعد . . . لازم اطلع . . .بس قلبي ما يطاوعني . . اخاف تلعوزها يا سيف .. مع انك حنيين وطيب بس ليش جي تسوي فيها . . لازم اتصرف وادخل انا . . لازم اسوي شي . . يا مهره تيني . . يا مهره ترتاح ف حياتها معاه . . .

انتبه ل الطاوله الي ف النص . . فيها سويج سيف ومبايله . . غلق الفون وشل السويج والفون وحطاهم ف جيبه . . .

سار صوب الباب بشويش وهو يغض البصر . . سكر الباب وطلع من الشقه . . .


.

.

.

كانت عنود تصرخ ب حاله هتسيريه . . . وتدق الباب ع خالد بسسرعه بس طلعت له سموي . .

سموي : افففففففف يعني الواحد ما يرتااح فهالبيت . . شوووه ششوه تبين .!!!

عنود تطالع سموي وتصيح : سس . . سلالامه !! سسلامه مااتتحرك ف الحمام طايحه . .

سموي فاجه عينها : شووووووووووووووووووه . .

ركضت صوب خالد : الحق اختك شكلها انتحررررت . . .

خالد يركض ويسيرون صوب سلامه هو وسموي وعنود وراهم . .

خالد يضربها ع ويهها : سلاموه نشششي نشششي. .

سموي تطالع سلامه باشمئزاز : افف . . يعني ما بغت تنتحر الا يوم نحن نبا نسافر ونبا فلوس عشان نلعب فالسفر لعب ..

خالد يطالعها بس ما قال شي . .

سموي : ليش ماتتحرك يا حظي شلها خل نوديها المستشفى ع الاقل تحيا وناخذلنا فلوس السفر وعقب بزوالها . .

دخلت عنود عقبهم وهيه تصيح . . . : يلا خالد شششو تسوي .. شلها خل نودييها المستشفى . .

خالد بلوع ـة جبد : اففف والله ياويلها مني والله . . خل تقوم بس . .

شلها من غير شي وييطالع سموي ب عصبيه : سيري هاتي السويج وخل نوديها . .

عنود : انا بي معاكم . . .

خالد : لا خلج انا بوديها وبرد . .

سموي : ويي وانا شو يخليني اتريا بي معاك . ..

عنود باستغراب " سموي تتعنى عششان اختي !!!!! متى صارت "

خالد : امي وابوي وين ؟

عنود ودموعها تنزل : مادري يمكن سارو العزبه . . .

كانت عنود متوتره وتصيح وخايفه ماتعرف شو تسوي . . .وتشوف البرود الي فيهم . . مش مريحنها الووضع . . . بس ما قالت شي ما حطت في باالها . . . تمت تستغفر وتدعي ان سلامه تقوم بالسلامه . . .


طلعو جدام عينها بسرعه . .

عنود : سموي بليز يوم بتصل فيج ردي . .

طلعت سموي من غير ما ترد عليها . ! ورااحو . . .


.

.

.


فـ نصصص الليل . . .!


ناصر يدقلها بحدود الـ 42 مره بس ماترد عليه . ! وفالمره الـ 43 ردت . .

حصيص : وبعدين وياك تراك لوعت جججججبدي . .

ناصر وهو مبتسم : تدرين . . انا متصل ابا اهزبج واقولج ليش ماتردين واقول وايد رمسات . . بس من اسمع صوتج يخوز العتاب كله . . .

بندت فويهه . . رد اتصل فيها مرات ورا بعض وهيه تنبند فويهه . .

سارت صوب الدريشه وشافته للحين موجود . .

حصيص : الله ييييييييييييييخسه بيفضحنا هذا اليؤؤؤؤؤؤؤؤؤؤؤؤؤؤؤؤؤم . .

اتصلت فيه ورد عليها من اول رنه . . .

ناصر : ابوي انا .! امري تدللي . .

حصيص بعصبيه : انت وبعديين وياك . . روح خلاصصصص . . والله بتسويلي مششششاكل

ناصر : والله اني ارتاح اهني . . والله . . انا ارتاحلج وايد وايد .. ماعرف هذا حب او لا .. بس احس اني قريب منج . . مرتاح ماتتصورين كيف . . .ماتبيني مرتاح . . . انا مش ضارنج ب شي ..

حصيص : منو قال مش ضااارني . . واقف عند بيتنا شو بيقولون الناس . . تخيل حد خاطف . .

ناصر : انا مسكر الليتات ومبركن شوي بعيد . . محد بيدري ان في بني ادم فالسياره . .

حصيص بقهر : اففففففففففف اففف . . . تلوع الجبد

ناصر مبتسم :يا لبيه . . هالكلام الحلو الي الواحد يحب يسمعه . .

انقهرت وبندت فويهه . .

وبنفس الحزه وصلها مسج . .

عذاري اطرش مسج حق حصوه . . " رقدتي ؟؟؟ "

حصوه " لا . .. اتريا اخوج يفارج . . . شوفي صارت 3 واخوج بعد برا . . "

عذاري : وااي والله لك بارض يا نصور . .

جان ادق له . .

ناصر : هاا . . .

عذاري : الساعه 2 انت شو تسوي في بيت ربيعتي استح ع ويهـ . . .

طوط طوط طوط . . .

عذاري طرشت مسج حق حصوه " وووووووووووووووووووووقح بند فويهي اوني بهزبه "

حصوه " ههههههه ادري . . طرشلي مسج . . . "

عذاري " خيبه لحق . . توها السسسالفه اعنبوه . . . انزين بطلي البي بي بنسولف "

حصوه " مقطوعه الخدمه وخلاص ما بجددها . . المهم نامي ورانا نششه لازم نذاكر باجر حق الامتحانات !! "

عذاري" بحاول . . يالله حبيبتي قود نايت "

ماردت عليها حصيص .! كانت سرحانه تفكر . . وعلى هالسرحان نامت . . .


.

.

.

الساعه صارت 5 الفير . . . وعنود حارقه فون سموي وخالد وكله يعطي مغلق . .انهاارت ماعرفت شو تسوي . . وهييه جذبت ع امها وابوها وقايلتلهم انهم سارو يتمشون . . تمت ع نار تصيح وتصيح . .


.

.

.


على الساعه 6 الصبح تحركت مهره بقوه مما خلاها ادق راسه ب طريقه خفيفه . . .

فتح عيونه وفتح عيونها . . . انصعقت يوم شافت القرب الي هم فيه . . .

<< هااا شوووووووووو يسسسسسسسوي اهني . . كيف راقد اهني وكيف انا راقده عند صدره وب هالقررررررررب . . .

اما سيف >> ششت . . انا توقعت اني بفتح عيوني قبلها . . احين شو بقولها شو برقع شو بخرط . .


خازت عنه بسرعه وهيه تتنهد . . .

سيف حس ب فراغ كبير من قامت عنه ! اكتفى ب تنهيده وقام ع طول . .

سيف : آآ . . امس كنت ابا اييبج اهني . . ووو رقدتي ما حسيتي . . ووووكنتي قابضتني " يحجج راسه بارتباك " قابضتني ب قوه وما بغيت اخرب رقادج . .

مهره تطالعه وما تتكلم . .

سيف : آآ انا بقوم بصلي الفير . . فاتتنا الصلاه وبرقد . .

راح عنها . .

انا مهره تمت مصدؤؤمه حوالي 5 دقايق !! وعقب حطت ويهها ع المخده وصرخت ب كل قوه . .

سمعها وابتسم . . . ما علق ولا قال شي . . اكتفى ب ابتسامه عريضه . . .

عقب ما خازت عن الصدمه تنهدت بقوه . . . طلعت وراه وشافته توه طالع من الحمام ومبتسم . .

>> واي سخييف مافي اي شي يضحكه . . .

سارت صبت لها كوب ماي وعقبها راحت تصلي . . .

عقب الصلاه . .

كل واحد ف غرفته يتجلب!! يحاولون ينامون بسس .! ماشي فايده . . .

تمت ادور فونها !! وين حطيته انا . . . ملت من الطيحه وسارت الصاله ادوره . . سمع سيف صوت سدات تنفتح . . ف طلع من الغرفه . . .

مهره بارتباك : آآآ . . سسوؤري لو سويت لك حشره بس كنت ادور فوني . . .

سيف : فونج عندي . . " سار غرفته وفتح السده الاولى وطلع لها اياه " اندووج . . .

مهره تطالعه وهو يطالعها . . خذت الفون عنه بسرعه وسارت حجرتها بس خلت الباب مبطل ..

اما هو قعد ع الغنفه الي ف الصاله . . مجابله حجرتها . . ويطالعها قاعده ع السرير وتعابل ف الفون . .

سيف : اليوم لازم نرمس اهلج واهلي . . . فتره طويله ما كلمناهم . . .

مهره اطالعتها : انزيين . .

سيف : خل نكلمهم احين . . .

سار ياب التلفون وركب البطاقه واتصل ف امه . . .

ام خالد كانت ف عز رقادها : بو خالد قووم . .. التلفون يرن . . خير اللهم اجعله خيير . . .

قام بو خالد ورد ع الفون : الووو . . .

سيف يحط سبيكر : السلام عليكم ابويه . .

بو خالد : حي الله حممممد . .

سيف يبتسم : انا سيف ابويه سيف . . نسيت صوتي . .

بو خالد : سسسيف . . هلا ابوي شحالك . . وييينك انت غطيييت عنا مره وحده . .

ام خالد تقوم : هذا سيفو . . عطني اياه الهرم . . .

سيف يمشي ويضحك متوجه غرفه مهره . . وهيه ابتسمت ع تعليق امه . .

سيف يعطي الفون بسرعه ل مهره . . .

ام خالد : الووو . . سيفوه يالهرررررررررم . . . يلي مافيك خير . .

مهره بصوت واطي : استحي " تكلم سيفوه " كلمها انته .

سيف بحرك شفايفه : بتعصب علي . . كلميها انتي اول عشان تهدى . .

حطت ايدها ع الفون من غير ما تحس ان ايدها فوق ايده . . ااما هو يته قشعريره ! بس ماتحرك ولا قال اي شي . . يحب الدفوه الي في ايدها ..

مهره : السلام عليج عمووه . .

ام خالد : حي الله مهره . . وشحالج اميه . .

مهره : متولهين عليكم عمو . . انتو شحالكم . .

ام خالد : والله بخير وسهاله كلنا بخيير . . . وييين اميه لا تسالون ولا شي . . وهذا سيفوه جنه مش مصدق زوجناه . . غط مره وحده . . حتى رقمكم نتصل عليه يعطينا كله مبند . .

مهره ب لوم : شو نسوي عموه . . ماعليج اهم شي نحن بخير . . .

ام خالد : مقصر عليج سيف ؟؟ قولي امي لا يردج الا لسانج . .

مهره تطالع سيف وتتنهد : ماعليه قصيره عموه . .

ام خالد : مرره لا يردج الا لسسانج . . قولي بس . .

مهره : لا عموه ماعليج . . مبيض الويه . .

سيف : احم احم . .

ام خالد : امففف عليك يا راعي هالصوت . . يلي مافيك خير . .يلي مافيك احساس . . يلي . . .

سيف يخوز الفون شوي بعيد عنهم . . : ما بتخلص . . يالله سولفي . . صدقيني ربع ساعه بتم جي . . .

ضحكت مهره مما خلا سيف يبتسم من قلب . . رد للفون : هلا امايا . .

ام خالد : جب . . لا تقول امايا . .لو امايتك انا جان اتصلت بي اطمنت علي وطمنتني عليكم . .

سيف : يا امايا نتستاانس ترى . . نغير جو . .

ام خالد : متى الرجعه ان شاء الله . .

سيف يطالع مهره ب ج ـد هالمره . . : آآ . .بنطول شوي .. بعد يبالنا اسبوعين ونص . .

ام خالد : يالله ماعليه تستاهل مهره . . اتونسو ابويه ولا تقصر عليها وحطها ف عيونك . . بنت الغاليه هذي . . ان من شفتها قلت هذي ما تناسب الا ولدي سيف . .


سيف مبتسم : ان شاء الله امايا . . سلمي انتي ع الباقين . . .

ام خالد : يووصل ان شاء الله . .

مهره : عموووووه سلمي على عنود وايد وايد . . . وقوليلها اني وايد متولهة عليها دخيلج عموه لا تنسين . .

ام خالد : من عيوني يالغاليه يووصل فديتج . .

سيف : يالله امايا مع السلامه . .

ام خالد : الله يحفظكم ويرعاكم يارب . .

.
البارت الـ 28
سيف : يالله دور اهلج . . . " يعطيها الفون "
كانت ادق ع الارقام وهو يطالع ملامح ويهها . . يت شعره ع ويهها وهو بلا شعور وخرها . . اطالعته ب حيره . . واستغربت . . .
مهره : شفيك . . .؟
سيف بدون شعور مبتسم : ماعرف . . .
ردت للفون وماعطته ذاك الاهتمام . . . وهو يطالعها ب كل حنية . . ابتسم وهو يناظرها . . حلوه . . شوفتها تريح . . فيها أمان ونظرة حنان . . . لو بس توخر هالعناد الي فيها بتكون زينه . . .
مهره تدق سبيكر : الووووه . .
سيف نقز من الي يفكر فيه وابتسمت مهره . .
سيف ردالها الابتسامه . . .
روضة : مهووور ؟؟؟ شششششششششحالج حبيبتي . . وحشششتيينا والله . . .
مهره : فديتج يا رويض . . . والله شوقي لكم اكبر . . طمنيييني عنكم . . . ان شاء الله كلكم بخير ؟
روضة : كلنا بخير وسهاله الحمدلله . . .
مهره : الحمدلله . . قوم امي رقود صصح ؟
روضة : هييه رقوود . . . الساعه 7 شو يوعيهم . .
مهره : يالله ماعليه وصلي لهم السسلام كلهم لا تنسين مع اني ولهانه ع حس امايا وايد . . وسلمي ع عذور وقوليلها تشد حيلها ف الامتحانات . .
روضة : لا توصين حبيبتي . . . مهووووور عرفتي ان حمده ردت من السفر . .
مهره بارتباك (( يرمسون بالالغاز . . يقصدون حمد )) : هيه عرفت . . وحليلها . . . المهم . . ما بنطول عليج وبووسسيلي عيال عبدالله . .
روضة : ان شاء الله وانتي سلمي ع سيف وايد وقوليله يهتم فيج . .
سيف ابتسم : قوليلها من عيوني . . .
مهره مبتسمه : يالله الغاليه فمان الله . .
سيف عاقد حياته : ليش ما قلتي لها ؟
مهره : اكيد سمعتك . .
سيف : اممم . . منو حمده ؟ ربيعتج المقربه ؟
مهره تطالعه ب حيره : آآآ هيه . . .
سيف مبتسم : شكلج وايد تحبينها . . .
مهره : ليش يعني ؟
سيف : لان اختج ما بتتعنى وبتطريلج انها ردت من السفر مني والدرب الا اذا كانت وايد تهمج . .
مهره تطالعه : هيه تهمني . .. الله يحفظها وين ما كانت يارب . .
سيف مبتسم : اميين ان شاء الله . . .
" لحظه هدوء "
تطالعه بحيره !! جنه تقوله مطول وانته قاع ـد اهني !! . .
سيف > شكلي غلط واناا جي يالس . . لازم اطلع لي موضوع . . .
سيف : قومي بنطلع بنتريق . . انا وايد يوعان . . .
مهره تطالعه : الحين ؟
سيف : هيه شي بوفيه كل يوم الصبح تحت من 6 يفتح . .
مهره : مم اوكي . .
سسيف انشرح لانها وافقت . .
سيف : بسبقج بلبس . . .
راح عنها . . اما هيه حطت ايدها ع قلبها وحمدت ربها ان سالفت حمد عدت !!
دورت لها لبس . . ما لقت جدامها الا قمبص اصفر كت . . مرسوم ف نصه بنت ب اللون الاسود . . كان وايد خفيف . . لبست معاه بنطلون اسود . . .
< مهره . . دام ان ف الفندق وما بنطلع. . ممم بلبس عباه مفتوحه . . .
لبست لها عباه مفتوحه . . سكرت الفصم لين تحت الركب . . تحجبت عدل وتجحلت . . كثرت من العطر . . احتارت اتحط روج او لا !! لين دخل عليها سيف . .
سيف عاقد حياته : انتي شـ لابسه . . ؟
مهره تطالعه بدون لا ترد . .
سيف : اشوف اشوف . . . تعالي اهني . .
مهره خافت : شووو . .
سيف : تعالي شوي جدامي . . .
مهره سارت صوبه . .
سيف : عطيني ظهرج وامشي شوي . .
استغربت من الي قاله . . بس سوتها !
داس ع عباتها من ورا وهي مشت . . تفتحت كل فصم العباه . .!
سيف : اشوفج احين . .
صدت له باستغراب . .
سيف : اتخيلي صار هالموقف بررا .؟ بتخلين كل الهروووم يشوفون جسسمج جي . .
مهره فجت حلجها بس ما قالت شي . .
سيف عاقد حياته : ردي يالله قوولي . . .
مهره : . . . !!
سيف مبتسم : بس لبسج وايد حلو . . سكري سكري الفصم عدل . . دامج وياي خذي راحتج . .
وطلع !!
ثواني ورد دخل . .
سيف : لا تستانسين وايد . . . انا سكت بس لان فالفندق ما بنطلع برا . . .
ورد طلع . .
ابتسمت ابتسامه عريضه : مينؤؤؤؤن . .
اما هو كان عند اليدار . . الي حذال باب غرفتها . .
>> شفيك يا سيفو . . شو هالحركات . .اثقل يالله عييب . . .
تم يحج رقبته ب حيره . . . مش عارف الاحساس الي فيه شو !! بس عايبنه . . يحس انه مستمتع فيه . .
مهره ردت حطت لها روج بني غامج . . . لبست لها ساعه اقنر . . دورت بين النعله . . حصلت لها كعب اصفر مش طويل وايد . . لبسته وشافت عمرها نظرة اخيرة وطلعت . .
انصدمت يوم شافت سيف متلصق ع اليدار الي ب غرفتها . .
مهره : انت شو تسسوي اهني . .
سيف : آآآ . . كنت ياي اسالج . . لبسي اوكي ولا ؟
مهره تطالعه بنظرات تشكك : هيه اوكي . . .
سيف يحاول يلفت انتباها : البس جوتي ولا نعال . .
مهره : عادي اي شي .! ترى بس بنتريق وبنرد . .
سيف : هييه صح . . خلاص يالله تمام خل نطلع . ..
كان سيف لابس له جينز اسود . . وقميص ابيض نص كوم . . وفوقه جاكيت اسود بس ع الصدر بدون اكمام . .
سيف : يالله خل نطلع . . .
طلعو من الشقه . . سحب ايدها بقوه . . ماعلقت . . . بس تجاهلت احساسها وقلبها الي يدق !
دقو ع اللفت بس اتاخر وايد . . .
سيف يطالعها : بتنزلين من ع الدري عادي . .
مهره تطالع ـه : لا طبعا . . انا لابسه كعب . .
سيف بخبث : اول مره يعني . . ادريبج ليش تلبسين كعب . . بس عسب تنشلين . .
ما خلاها ترد وشلاها . . . اما هي غمضت عينها . . . لصقت ويهها ف صدره . . وايد استحت منه . . . اكتفت انه تقوله لييين مانزلو كلمه وحده !!
مهره : سخييف . . سخييييييييييف . .
يوم وصلو تحت . . كان رامي بيصعد الدري ووايد استانس يوم شافهم جي . .
رامي : ولاك صباح الحب والرومنسسيه . .
اتلوم سيف شوي ونزل مهره وهو مبتسم : لك يسسعدلي يوووماك كلوو تؤبرني . .
ضحك رامي : كيفيك مدام ؟
مهره ب حيا : الحمدلله . .
مسك سيف ايد مهره ورص عليها . . .
سيف : يالله ميتين يوع . . بنشوفك عقب . .
سيف غمز ل رامي وضحك رامي وراحو عنه . .
رامي بابتسامه : الله يديمها يا عرسسان . .
كان حمد ف الرسبشن يقرا الجريده . . ومن انتبه لهم يسولفون ويا رامي حطا الجريده على ويهه . .
عقب دقايق . . راح صوب الرسبشن . . وخذا مفتاح شقته اليديده . .
.
.
.

.
البارت الـ 29
السساعه 7 ونص الصبح . . .
تلفون البيت يرن ويرن ويرن ويررن !
قامت ام خالد من نومها . .
ام خالد : خيييير اللهم اجعله خير . . ألوووو ؟؟
:: السلام عليكم . ..
ام خالد : وعليكم السلام ورحمه الله
:: هذا بيت خالد ؟
ام خالد : واايه ولدي .. . هييييه هذا بيته شو مسستوي ؟؟؟
:: تعالو مستشفى **** الحين . . .
ام خالد : شو مستووووووي خبررررررررني . . .
:: ماعرف الوالده . . انا خبروني اتصل ع هالرقم واقول هالرمسه بس . . .
ام خالد تبند وتسير صوب بو خالد . .
ام خالد : الححححححححححقني يا بو خالد الحححححقني . . . خالد ولدي ف المستشفى مادري شو مستوي . . .
قام بو خالد بسسرعه ولبس ولحقته ام خالد لبست ع السريع وتوجهو المستشفى . . . كانت عنود ف الحوش قاعده تتريا ع نار وخافت يوم شافت امها وابوها ظاهرين جي . .
عنود : امااااايا وين سسسايره شو مستوي . .
ام خالد : قوومي لبسي عباتج بسرعه وتعالي . .
عنود حاطه ايدها ع قلبها " خالد . . سلامه " . . . : يممممه خبريني شو مستوي . .
ام خالد : بتييييين معانا لبسي عباتج ولا انطمي وايلسي . .
سوت الي قالته امها بسسرعه وركضت صوب السياره . .
وتوجهو صوب المستششفى بسرعه جنونية .!
.
.
.
ميثا : هذا ليش تلفونه مغلق .!!!! من فليل اتصل به كله مغلق .!! اكيد راقد . . افف . . مافيني يعصب علي . . بطرشله مسج . .
" حبيبي متى ما فتحت تلفونك اتصل بي . . . اول ما وصلت بيت عموتي قالتلي انه اختي غيرت رايها وما بتيني . . وبس اتصلت ورمستني ف الفون . . ومن فليل اتصل بك فونك كله مغلق !! "
.
.
.
حمد من عقب ما خذا مفتاح شقته توجه لها . . . شافها مرتبه وحلوه . . ما حب يغييرها . . لانه بيقعد فييها فتره بسيطه . .
طلع من جيبه فون سيف وسويجه ! تردد يفتح الفون او لا ! بس اخر شي فتحه . . وشاف مسج ميثا .! تم يشوف الرسايل المرسله علشان يعرف اسلوب سيف معاها كيف . . خذاله فكره بسيطه ورد عليها
>
<
" هلا حبيبي . . اقولج خلج ف بيت عمتج ولا تتصلين فيني ابد . . انا طايح ف مشكله كبيره ويا اهلي . . بخبرج فيها اول ما اشوفج . . لا تتصلين ولا تطرشين اي شي . باقرب وقت بييج . . احبج "
استغربت ميثا . . !!!! شو الشي الي صاير . .
" شو مستوي حبيبي خوفتني ؟؟؟؟؟ "
" اول ما شوفج بخبرج "
" انزين حبيبي . . من تحصل فرصه كلمني ضروري . . "
" اوكي "
.
.
.
سيف يطالعها : ليش ما تاكلين . . .
مهره : يالسه اكل . .
سيف : جيي ياكلون ؟ لقمه وتترييينها لين تدخل معدتج وتهدين المعده ب كوفي وعقب اللقمه الثانيه . . بتخلصين باجر بااابا ؟ . .
مهره عاقده حياتها : والله كيفي . . هاي طريقتي ف الاكل .
سيف : انزين بل شفيج عصبتي . . . اسولف معااج . .
مهره طنشته وكملت التوست ب هدوء . .
ابتسم . . بل . . حريجه اعنبو . . ما ينعرفلها متى تكون رايقه . .
رفعت عيونها عليه وشافته مدقق فيها . . مما خلاه يتوتر ويسوي عمره يشوف فوق . . .
كملو اكلهم بهدوء . .. عقب الاكل . . طلب له سيف كيكه نسكافيه صغيره . .
سيف يطالعها : سسولفي . .
مهره تطالعه : شو اقولك . .
سيف : ممم قوليلي . . يوم اونه بنرد من ماليزيا . . وين تبين تقعدين . . ؟ في الشقه الي احنا فيها ف دبي . ؟ بخلينها مستقرر لج . . ولا تبين اخذ بيت ف راك جريب من اهلج . . شو الي تبينه .؟
مهره تطالعه : ممم ماعرف والله . . خل يمرن هالاسبوعين ونص الي باقيات وعقب بنشوف . .
سيف : ممم انا عن نفسي احس احسن لو نتم بعيد . . يعني انتم ف دبي احسن . ومتى ما تولهنا عليهم نروح لهم . .
مهره بابتسامه استهزاء : ليش انت بتم عندي يعني . . اشوفك مصدق ان نحن صدق معاريس . .
سيف الي رجعت في باله الذكرى . . ويت ف بالها ميثا ! صح . . ميثا كيف غابت عن بالي . حطا ايده ع جيبه يدور فونه !
سيف : شكلي نسيت الفون ف البيت . .
مهره ابتسمت وف خاطرها " من نغزه وحده رمت تذكرها "
سيف : لو عندج شي قوليه ..
مهره تطالعه وتتنهد : ماعندي شي .! شو بيكون عندي يا حسره . . "صدت يمين شافت شوق قاعده تتريق بروحها " . .
قامت مهره من غير ما تقول شي وسارت صوب طاولة شوق . . .
مما خلا سيف يغمض عينه من العصبية . .
مهره : شوووووقوو . . شحالج حبيبتي . .
شوق غصت ف الشاي : خوفتيني . .
مهره : ههههههههه فديتج وحشتيني والله . . .
شوق : والله انا بعد اشتقتلج اكثثثر .!!!!
مهره : هاا ششو تسوين اهني . . .
ما حست الا ب قبضة ايد تسسحبها . . .
مهره عاقده حياتها : شششبلاك ؟
سيف يسحبها وما خلاها تكمل كلامها وسسارو صوب اللفت . . . وهو ساحبنها . . .
مهره توخر ايده بقوه : شووو هالحرركات . . شوو تبا منننننننننني . .
سيف قابض اعصابه : مابا اسمع لج ولا حرف .!!!!!!
مهره عاقده حياتها وصدت الصوب الثاني . . .
خوز قبضته وركبو اللفت ولا واحد فيهم يرمس . .
من وصلو صوب الشقه سبقته . . ومسك جتفها بقوه . .
سيف : لا تتحركيييييييييييييين . . " بصوت هادي فيه عصبيه " يوم انا واقف لا تسبقيني جييييه !
بلعت ريجها ب خوف منه بس ما قالت شي . . .
حمد : سيف !
سيف الي وخر ايده عنها وطالع وراه : هلا . .. حموود ؟ انت اهني . .
حمد : هيه ! انا خذتلي شقه جريبه منكم !َ اسمعني . . .
سيف يقاطعه : وشششعنه شقه وانا اهني ؟ تستهبل حمود . .
حمد مبتسم : لا ماعليه . . اريح لي . . وابا اخذ راحتي . . المهم . . ترا قوم امايا ف دبي . .
سيف يطالعه ب صدمه : شوووووووووو . .
حمد : هيه اتصلت انا ب عنود اليوم وقلتلها اني بي البيت وقالتلي ان محد ف البيت كلهم طالعين بيون دبي . . هالرمسه من ساعتين يعني تلاقيهم وصلو الحين . . ف لا تطلع وحاسب . . الله يخليك مافينا امايا تيها جلطه من سواياك . .
سيف يطالع مهره الي دخلت الشقه وما سمعت باقي الحوار . .
تنهد سيف : خلاص ماعليه . .
حمد ب عذاب : سيف شوي شوي عليها . .
سيف يطالعه باستغراب ..
حمد : يعني حرام" توتر " مهما كان تبقى بنت وفيها احساسيس . . بالهون عليها . .
سيف ابتسم له : والله انا زين وياها بس هي تغاضب بي . .
حمد : ماعليه انت الريال انت العاقل .. انت لازم ترخي روحك شوي . . البنت شكلها فقيره وزينه . . كفايا متحمله هالعذاب وهالعيشه . . ماشي اي حرمه ترضى فيها والله . . . وماخذ فوقها عديله بعد . . مش هين هالشي . .
سيف الي حس شوي : ماعليه ان شاء الله . . " يربت ع جتف حمد " لا تحاتي انته . . ومششكور فديتك . .
حمد مش مطمن : العفو . .
راح سيف عنه وهو يفكر ب كلام حمد . . انا الريال ولازم انا الي ارخي . . اعوذ بالله من الشيطان الرجيم . .
فجاه سمع صوت تكسير . .
ربع بسسرعه صوب حجرتها . . . شافها تكسر كل شي ع التواليت وتكسر الجامه . . . و تفر فر كل شي جدامها . ..
سار صوبها سيف بسرعه وهيه ماسكه المزهرية ف ايدها . .
مهره تصارخ : والله لو قربت لاكسسره عليك والللللللللللله . . .
سيف يتقرب وباصرار : اكسريه . . انا اباج تكسرينه علي . . يالله اكسسري اشوف . .
تقرب منها بسرعه ورفعت المزهرية ب تفره عليها بس ايده سبقتها وشلاه عنها بسرعه ب قوه . . وحطاه ع طرف بايد . . والايد الثانيه ماسك ايدها ب قوه . .
مهره تصارخ : هدددددددددددددني . .اقوووووووولك هددني . . .
سيف حطا ايده ع شفاتها : خلااااااااص . . . " يصارخ " اهددددددي . . مابي اسمع صوتج . .
مهره تقاومه ب قد ما تقدر . . .
سيف ب عصبيه : خلاص ششششششبلاج شووووو صاار الحين . . مينونه انتي مينونه . .
فج عنها شوي . .
مهره : هيه مينووووونه " تصارخ " انا مينووونه . . شو تبا فيني . . . ليش يالس تدخل ف حياتي. . انا مااباااك مااباك . .
سيف ب قهر يصارخ : ولا انا اااباااج . . .
مهره تصارخ و بعصبية : عييل ليش تعصب علي وليش تعاملني جي . . كيفي اشوف ربيعتي اروح لها ليش عصبت . .
سيف يزاعج عليها ويسير صوبها ويمسك رقبتها ب عنف : لا تصااااااااااارخين . .
تمت تكح وتكح وهو يرص عليها اكثر . .
سيف : ان سمعتج اتصارخين علي جي مره ثانيه ادفنج اهني . . . تسمعيييين . .
فج ايده عنها وطاح ـت عالارض منهد حيلها . .
تمت تكح وتكح لين ردالها النفس . . .
نزل لها تحت وهو قابض اعصابه : ليش تسوين جي . . شو صار الحين . .
مهره تطالعه : انته تباني ع مزاجك . . متى ما انت اوكي لازم انا اكون اوكي . . . ومتى ما تكون زززفت . . تباني اتحملك وانطب واسكت . . . عندك حبيبتك . . روح لهاا . . حبستني ف الغرفه يوم كامل عششانها . . والحين مستخسر علي دقيقه ودرتك فيها ورحت عند ربيعتي . .
سيف يعض ع شفايفه بندم . .
مهره تطالعه : انا مش علشان جي انقهرت وسويت كل هذا . . انا بس تعبت . . انا فيني طاقه وقوه احتمال . . وماقدر اتحمل لين اهني . . بسسس . . لين اهني طااقتي . . اكثر عن جي اموت والله اموت . .
سحبها سيف بسرعه ل حظنه . . وخلاها تصيح ب اقوى حس عندها . .
سيف : خلاص فديتج . . هدي بالج خلاص . .
مهره تشهق من الصياح : والله انا وايد تعبت . . تعبت من هالتقلب الي فيك . . يا تكون اوكي طول الوقت يا لا . . لا اتم على هالمزاجين علي . . لا تخرربطني معاك . . والله انا مااعرف شو الي تباه انت بالضبط . .
سيف يمسح ع شعرها : ولا انا اعرف شو ابا والله . . . يوم تكونين معايه احس باحساس حلو . . والله احساس حلو . . ماحبج تخربينه . . اليوم وايد كنت متحمس ع الطلعه معاج . . ماحبيت حركتج اتقومين من عندي . . بغيتج عندي وبسس . . صح انا كلامي تغير عن قبل . . بس والله مش قادر اتحكم ب اعصابي . . مش قادر اتحكم بعمممري افهميني . .
اما هيه اكتفت ب سكوتها وصياحها ف حظنه ع الارض .!
.
.
.
الدكتور منزل راسها . . . : عظم الله اجركم . . .
عنود دموعها تنزل وهيه تشوف اخوها وحرمت اخوها متشوهين .! فححححم . . ما يبين فيهم حتى العيوووون . . . محروقين بالقوو . . .
ام خالد تغمض عينها ب هدوء : لا حول ولا قوه الا بالله العلي العظيم . .. اننا لله وانا اليه راجعون . . اننا لله وانا اليه راجعون . . .
بو خالد قعد ع الكرسي ما رايم يشل عمره . . .
عنود سارت صوبه وحظنته وتمت تصيييح وتصيح وتصيح . . ..
ام خالد الي ايمانها بالله كبير . . ما على لسانها غير انا لله وانا اليه راجعون . . .
النيرس : البنت ف العنايه . ادعولها تقوم بالسلامه . .
تمت عنود تصصيح ب حرقه قلب . . . الله يقومج بالسلامه يختي . . الله يقومج بالسلامه . . .
.
.




مـآ يهزنـي ريـحمشاهدة الملف الشخصيعرض كافة مشاركات مـآ يهزنـي ريـح

.
.
البارت الـ 30
الساعه 11 الصبح . . .!
حصيص تتصل ف عذاري ومحد يرد . . لاعت جبدها وماعرفت شو تسوي . .. ما لقت الا ناصر . . اتصلت عليه وما رد عليها . .. ما كملت ثواني الا ورد دقالها . .
سارت صوب الدريشه وردت عليه . .
حصيص تشهق : انت راقد عند بيتنا ؟؟؟؟؟؟
ناصر ب تعب : هيه . . .
حصيص : افف . .
ناصر يفتح عيونه ويتثاوب : صباح الخير . .
حصيص : ابا اكلم اختك ضروري . . اتصل بها ع مبايلها ماترد . . لازم اكلمها الحييين . .
ناصر بدا يصحصح . : شو مستوي ؟
حصيص : يوم بكلمها بقولها . . .
ناصر : خلاص تمام . . برد البيت الحين وبقولها ترمسج . . تامرين امر انتي . .
حصيص : انزين بتريا . .
ناصر : من عيوني . .
تمت تشوفه من الدريشه لين حرك السياره وراح . .
حصيص : باي . .
وبندت ما تريت منه يقول شي . .
>> حصيص ! يالله زيين منه فايده بعد " وابتسمت " صدق مخبل . .
.
.
.
من صاحت رقدت ف حظنه وهو ما قال شي . . خلاها اطلع الي فيها لين نامت وماحب يوعيها . . يحب هالقرب الي بينهم . . . شعور في داخله وراحه ما يعرف يوصفها ب شو . .
فتحت عيونها ولقت نفسها مرتمه ف حظنه . . حنوون . . وايد حنون . . بسرعه يعصب وبسرعه يهدى . . . وهذا احلى شي مميزنه . . ما يعرف يتم معصب . . . يعرف يهدييها بسرعه !!! صح انه يخليها توصل ل مرحله الانهيار ف العصبيه بس اخرتها يهديها وووو لاجنه صار شي بع ـد . .
ترددت تفتح عيونها ولا اتم مرتمه ف هالحظن الدافي . . لكن مجرد تفكير ياها انه مش لها خلاها تقوم ب هدوء . .
انتبه لها وابتسم . . .
سيف : صحح النوم يا حلو . .
مهره اطالعت ملامح التعب الي فيه . . : انت مانمت . . !!!
سيف يثاوب : لا ما نمت .. قلت بترياج تنشين وعقب بنش ارقد . .
مهره : الساعه كم الحين ؟
سيف يشوف ساعته : ممم 11 وربع . .
مهره ف خاطرها " 3 ساعات تقريبا وهو قاعد ع السراميك البارد . . الي يكسر الظهر ومخلني ارقد ف حظنه !!! "
سيف يبتسم لها . . : يالله قومي كملي رقادج ع السرير . . .
مهره تطالعه : ان شاء الله . .
سيف باس راسها ب حنية وقام بيطلع من الغرفه . . قبل لا يطلع اطالعها نظرة وابتسم وراح . .
مهره تمت تطالعه وهو يختفي عن عينها . . ودها تصارخ تقول . . لا تروح لا تروح . . .
تنهدت وجنه قلبها انجلع من مكانه . . . قامت من مكانها وهي تحس ب ضيج خفيف . . حطت راسها ع السرير وتمت تفكر وتفكر لين ردت نامت . . .
ااما سيف الي كان مسطل من 3 ساعات يتجلب !!! يحاول يرقد مش قادر . . .
اتنهد ب ضيج . .
> شبلاااااني انا . . .ليش مش قادر ارقد . . وليش هالضيج المفاجىء . .
قام من مكانه وهو يمشي ب هدوء صوب غرفتها . . .ويحس قلبه يدق ويدق ويدق . . .
سيف حاط ايده ع قلبه : اسكت بتفضححنا . . .
بطل باب غرفتها شوي شوي . . انتبه لها راااااقده ب تعب . . . سكر باب الغرفه ب هدوء . . ومشى على اصابع ريله وسار صوب السرير ع طررفه اخر شششششششي !
عق بعمره ب هدوءءء وابتسم . . . وهو يكلم عمره . .
>> راحه فظيييييييعه . . والرقاد يدور ف راسي الحين . . . " ابتسم " احين الواحد يروم ينام . .
مهره بصوت واطي : بسسم الله . . . انت شو تسوي اهني . . متى دخلت ومتى ييت . . .
سيف الي سوا عمره ما يسمعها واونه راقد. . .!!
مهره بهدوء : سسسيف . . . سيفوو . . " تعلي صوتها شوي " سسيف !ّ!! بسم الله . .
خافت . . وتقربت صوبه . . حس انها يالسه تتقرب . . . حطت ايدها ع خشمه عشان تشوف لو شي نصخ . . اما سيف من حس انها يالسه تتقرب وقربت ايدها منه وقف نفسه . .
مهره تدق ويهه : سسيف . . سيف . .
بس ماشي حركه . . .
مهره بصوت عالي : سسسيف . . سيفوو شو ياك بسم الله عليك . .
تمت ادق ويهه ب شويش وماعرفت شو تسوي !! حق منو تتصل !!! حق منو تقول . . .ماعرفت شو تسوي موول . . .
ركضت برع الغرفه ووو يابتله كوب ماي وجبته شوي ع ويهه مما خلاه ما يقاوم وينقز من مكانه . . .
انتبه ل ويهها .. ! ل دموعها . . . ل رجفت ايدها . .!!! القلاص شوي وبيطيح من كثر ما ترجف . . عينها ججججمر . . والدموع اطييح ما تتوقف . . .
سيف ب تلوم : كنت امزح . . . ليش تصيحين لييش . . انا ما فيني شي . . .
ركضت صوبه ودخلت روحها ف حظنه . . بين ايدينه . . طلع ــت تنهيده من الخاطر من سيف . . تنهيده وقلبه يدق من الخاطر . . . فاجئته ب حركتها . . اول مره تيييه من نفسسها . . كل مره هو يسحبها ل حظنه ويهديها . . بس هالمره فرت روحها ب قوه . . اررتبك لاقصصى حد !!! تم مغمض عينه . . وهيه راصه عليه ب قووه وتصيح بدون صوت . .



سيف يربت ع ظهرها : بس . . بس غناتي . . انا مافيني شي . . .
انتبه لروحه . . . غناتي . . ؟؟؟ انا شو اقول . . شو يالس اهبب . . لا لا انا مش طبيعي ابدا . .
مهره يايه بتقوم من حظنه بس رصها بقوه : لا تقومين . . خلج . . خلج اهني دخيلج . . .
مهره بهدوء : خوفتني عليك . . . خفت عليك وايد . . . والله خفت يصير لك شي . . بغيت امووت . .
غمض سيف عينه ما قدر يقاوم اكثر . . .
سيف : كلامج مثل السجين . . يدش القلب يطعن . . بس طعنته حلوه . . . طعنه لها طعم يخليني ما احس برؤؤحي ابد ولا احس انها طعنه تعور . . .
وخرها من حظنه وخلاها تجابله وهو ماسكنها من جتفوها .. :: شسويتي فيني يا بنت الناس شسويتي . . .
ووووووووووووووووووووووووو بعديييين !!!!!!!!!!!
>
<
>
<<< """"" صصار الي ما بغــــاه يصصصصصيييييييييييير " >>>
.
.
.

.
.
.

البارت الـ 31

حصيص : ووووووووووووينها ؟؟؟
ناصر : دقيت عليها الباب الف مره ما ترد علي . .
حصيص : افففففف انت ما منك فايده . .
ناصر : الله يسامحج . . انا ييت لين البيت عشان ترد بس . .
قاطعته : خلاصص هكي تتصل ع الخط باي . .
بندت ع طول ! وردت ع الخط . .
ناصر يرمس الفون : طرطور طرطور انا . . .

>
<

عذاري : ششو فيج انتي من ع الصبح . .
حصيص : عذوور . . سمعتي ب الي صار . .
عذاري تفج عينها : بسم الله شو مستوي من ع الصبح .؟
حصيص : خالد و حرمته وسلامه طالعين ب سياره الصبح مادري وين بيسيرون وسووو حادث . . دعمتهم شااااحنه و انجلبت السياره تجليب . . فوق الـ 5 جلبات . . . وتخيلي خالد وسموي محكورين ف السياره ف هالـ 5 جلبات لين انفجرت عليهم . . اما من الجلبه الاولى سلامه انكسر بابها وطارت منه .!!! وحالتها وايد وايد صعبه ف العنايه . . .
عذاري مصدومه . : حصو انتي شو تقولين . . انا امس مادري اول امس عند سلاموو . .
حصيص : ها الي صار الي اعرفه ان خالد وحرمته ماتو . . مش متاكده . . بس سلامه ف العنايه حالتها وايد خطيره . . .
عذاري تغمض عينها وتصيييح . . :لا حول ولا قوه الا بالله . . شو هالفاجعه الي صارت . . .
حصيص : الدنيا مشلوله شل ع الحادث الي صار كيف ماتدرين انتي . .
عذاري الي دموعها تنزل ب عذاب : كنت نايمه . . انا بخليج الحين بقوم اشوف شصار . .
حصيص : بتخبرون قوم مهور ؟
عذاري: مادري حصوه بخبرج عقب يالله بندي . .
حصيص : انزين باي . .
عذاري: باي . .
طلعت عذاري وهيه تصيح وشافت ب ويهها منصور الي عقد حياته يوم شافها تصيح . .
منصور : عذوور شو فيج .؟
عذاري تطالعه وهيه تصيح : ودني المستشفى ابا اشوف شو صار ف اهل سيف . .
منصور : هيه خبرتني امايا توه انا خالد وحرمته فيها . .
عذاري تطالعه : وسلامه بعد . .
منصور الي انصعق من الخبر : سسسسسسلامه ّ!!!!!!!!!!!!!!!!!!!
عذاري تصيح : هيه . .
منصور : لبسي بسرعه عشان نسير . .
.
.
.
كان حمد حاط راسه ويفكر . . . يذكر موقف وايد يحبه . . . موقف لمس فيها ايديها غصبن عنها . . اطول يوم من عرفها فيه . . . كانو اهلها و اهل سيف ف المزرعه !! وهيه وعنود ف البيت يذاكرون حق الثانويه العامه ! اتصلت في امها وقالت حق امها انهم خلصو دراسه ويبون يوون عندهم . . . جان يطرشون حمد يشلهم . . . اول ما وصل حمد صوب البيت اتصل ف عنود . . . راحتله عنود وقالتله انها بتروح البيت بس بتسبح وبتلبس . . . وطبعا ما ردها ابد . . . استغل تلفون عنود وطرش مسج ل مهره . . . " تعالي السياره يالله نحن جاهزين " . . .ومسح المسج من مبايل عنود بسرعه . . وركب سيارته المخفي وقعد يتريا . .!! لفت على السياره من ورى ما انتبهت ان مافي احد قاعد جدام !!! وقعدت ورا عنود الي ماكانت موجوده اصلا . . سلمت . . ورد عليها حمد السلام وحرك السياره !!!
كان هدؤؤء بسيط لمده دقيقه . . .
حمد : مهور . .
مهره الي انصدمت وتمت ساكته . .
حمد يضحك : ترى عنود محد . . .
مهره ع طول شافت جداااام وانتبهت ان محد يالس . . .
حمد يسسرع اكثر . . : وحششتيني . .
مهره : حمود انت مينووون . . شوو هالحررررررررركات . . ردني يالله . .
حمد : بردج والله . . . بس مش قبل ما امسك ايدج . .
مهره : حمود والله بنزل . .
حمد يصد ورا : اهدي خلاص . .
ما ردت عليه وتمت معصبه . . . واثقه فيه . . تعرف انه ما بيضرها . . بس غلط الي يسوووويه . . وما ترضى فيه ابد . . .
وقف صوب البحر . . .و نزل من السياره وقعد ورا . . .



مهره صاده صوب الجامه وما عاطتنه ويه . .
حمد : ما بتصدين شوي . .
مهره تطالعه : حمد والله هالحررررررررررركات ما احبها . . وألف مره قلتلك حركات تهوور ما ابا . . ما تستحي . . كيف ترضاها علي . . كيف اتسوي جي . .
حمد يطالعها : والله وحشتيني . . ما لقيت طريقه ثانيه . .
مهره : ما لقيت طريقه ثانيه تقوم تسوي جي ؟ احين اهلي مأمنيين فيك عشان تشلنا وانت جي تسوي . .
حمد : والله مش بايدي افهمي . . واحششتني موت ..
ماردت عليه وتمت معصبه وصاده صوب الجامه . .
سحب ايدها الي كانت ع ريلها . . ورص عليها . .
اطالعته بنظرات وهيه معصبه : حممممد عن الوقاحه . . . هددددددني
حمد : اسكتي خلاص . . مابا اسمع صوتج . .
ضغط ع ايدينها ب قوه وغمض عينه . : احبج مهاري . . والله احبج . .
حطا ايدها ع قلبه : انتي اهني . . . مكانج اهني . . . متى بمسك ايدج جي بالحلال متتتى ؟ متى تكونين من نصيبي . . . متى بشلج بين ايديني وبصعدج الدري وبنزلج . . مهوور . . احس باحسساس غريب ما اعرف شو . . . والله ماعرف شو هالاحساس الي خلاني اييج واتمسك بايدج . . خايف . . بس لا تساليني ليش خايف . . .
مهره تبلل شفايفها وتحس انها بتصيح : لا تسافر قبل ما تخطبني حمود . . لا تسويها . .
حمد مبتسم : انتي حلالي . . . محد بياخذج مني محد . .. لاتحاتين هالشي . . .
مهره وخرت ايدها عنه : يالله ردني . .
حمد مبتسم : عنييده . . .
ردت له الابتسامه ونزل وراح يسوق عشان يرد البيت ! ومن حسن الحظ ما حست عنود بهالشي . .

>
<

حمد : بس خذووج عني . . " تنزل دمعه قهر " وخذاج اخوووي . . خذاج اخوي الي من لحمي ودمي . . اخوووي . . صرتي حلاله وهو الي يقدر يمسك ايدج ويلاعب شعرج و يحظنج و يشلج " يبتسم ب عذاب " يشلج ، يصعدج وينزلج من الدري . . . آآآه يا حرقه يووفي . . . ليتتت الزمان يرجع جان ما ضيعته بدون لا اخطبج . . . ليتتتت بس لييت . . الحين عرفت سبب هالخوف . . .عرفت سبب احساسي اني امسك ايدها بقوووه ذاك اليوم . .

.

ليش ماكملتي الرواية

ليش ما كملتي الرواية يختي

اختي الموضوع بيغلق الرواية موجوده من عند الكاتبة نفسها

وشكراً ،