منتدى استراحات زايد - روآيـۃ فـآرقنـي اڷڪڷآم . . ♥!*

•ι[» اڷـبـآإرت الـسآدس «]ι•

( خبني ) عن زحمہ هَ العاالم ابيگك

و انت تغني خافقي ععمن سواككَ

ايہ هَ ابييككَ .. شفيككَ بسم اللہ هَ عليككَ

ھ الشعور االلي غزآآني مَ غزاككَ ؟!

₪

صديت صوب ظبية اللي فاجئتني بسؤالهـآ ..

جاوبتهـآ : مابينـآ شي .! " جذبت " و انا ما جد سولفت معاه ..

ظبية : بس كانت نظراته لج مب طبيعيه .. و طول الوقت يطالعج ..

ماشاء الله ع ظبيه ذكيه و عندها قوه ملاحظه.. منتبه ع كل حركه ..

قلت و انا اهز كتفي : مادريبه ..اسالييه

ظبيه ابتسمت لي ..

وصلنـآ الفندق .. رحت الغرفة صليت المغرب و السنة و استغفرت .. قعدت فالغرفه إلين أذن العشا .. صليت و تميت قاعده .. اما ظبيه و ميثه .. صلوآ و قعدوآ فالصاله مع امايه و يدوه ..

انسدحت ع الشبريه . . احس ظهري متكسر مادري ليش ,, سمعت صوت قبضه الباب .. عقدت حياتي .. طولت يوم تفتح الباب .. اكيد هالطمطم ملووك مايعرف يفتح الباب ..
شويه جان ينفتح .. من جفته تفديته و لويت عليه ..

ملوكي يمد ايده : ليموووووه ها من خالي

جفت فأيده ورقه .. قلت : شكرن بابا .. بس لا تقول لحد انزيين

هز راسه بمعنى هيه و قال : لييم ..

قلت : عيونها !

ملوكي : ابا الوووح الجمعيه ..

قلتله : عيل انته شو حياتك غير اكل حلويات و جبسات .. " سألته "تعشيت مع ماماه .؟

ملووكي هز راسه : لا

قلتله : بنتعشى عقب بنروح الجمعيه .. انزيين ؟

ع طول وافق : انزيييين

و طلع من الغرفه مستـآنس و شااق الحلج ..

احترت افتح الورقه او لا .. الحينه هزاع اشقايل مأمن الورقه عند ملوك .. ما تخيل اذا عطاها لحد غيري .. ترآ ملوك صغيير و طمطم ..

ياني فضول شو بيكون كاتب في الورقه ..! .. صح الفضول ضاربني بس يودت عمري و مافتحتهـآ .. ادريبه يبي يعتدر لي و من هالسوالف .. عسب سمعت رمسته ..

حطيت الورقه فالشنطه عسب مانساها بمكان و يجوفهـآ حد .. حطيتها داخل بدون لا اقراهـآ ..

طلعت من الغرفه .. جفت نهيأآن و عبوود و ملوكي و منصور قاعدين فالصالة

منصور فاج التلفزيون .. و مندمج ع اخبـآر الامـارات

و عبود و نهيان قاعدين مع ملووكي

سالت : وين الباجيين .؟

نهيـآن : رآحـو يتعشون ..

انقهرت و عقدت حياتي : كيف نسووني !!

عبود : جان تبين .. روحي انزلي لهم .. رآحو المطعم .. بس اتصلي تاكدي أي مطعم ..

عضيت ع شفايفي .. لانه فوني محححد ..

"سالت ملوكي " حبيبي وين مامـآ ؟

ملووك: لاحت مع بابا ...

نهيـآن : مسكين محد خذااه يحليله ...يحليله ملووك خلوه ابروحه اهنييه . .

ملوكي يصارخ و يصيييح : واااااااااااااااااااااااااااااااااااااااا...

ويعفد ع نهيـآن يضربه بصدره ...ضحكت ع الموقف من خاطري ملووك شيطون .. و اول مره اجوف نهيـآن دمه خفيف وله بارض يلاعب ملووك .. او بالاصح له بارض لشي و يبتسم..

عبوود : تعال ملوك تعال انا بوديك برع .. بنحوط و بنتعشى . .

ملووك ماد بوزه شبرين اونه زعلان : مابااااآآآآآ ..

عبود: بببببببل ..!!

انا و نهيـآن : هههههههههههههههههههه

نهيان : يحليله مسكين ..
ملوكي من يسمع صوت نهيان يقعد يصارخ و يعفد فوق نهيان مره ثانيه يضربه .. فكرت اخليهم و اروح ادورهم و اتعشى معاهم

رتبت الوسايد الي كانت طايحه عالارض ورديتها عالكنبات قبل ما اظهر من الصاله .. هذي اكيد ملوكي الطفس فرنها ع الارض .. مب مخلي شي فحاله . .

هددته: ملوك اذا جفت مخده طايحه عالارض يا ويلك..

ملووك تذكر و دزني: ابا الووووووح الجمعيه .. "ويصرخ" بلووح اييب نعالي .. " و يربع "

عبوود : عفانا الله هالولد مب جايف خير ..

ضحكت عليه : ههههههههههههههههههه صجك

رجع ملوك مع نعاله و يصرخ : يلا انلوووح

نهيان طفر من صراخه : زييييييييييين لا اتصرخ منو بياخذك ...؟؟

ملووك يصرخ: ليييم .. " صرخ اكثر " يلاآآ..

نشيت صوبه : الله يغربل ابليسك بس لا تصرخ .. " طالعت نهيان " مادري طالع لمنوه

عبوود فهمهاآ : هههههههههههههههه

كنت بلبسه نعاله بس ييرهآ عني وربع برع ..

نهيـآن يطالعنا : ها الولد مب جايف خير .. عفانا الله . .

ضحكنا .. طالعت الساعه جفتها تسع و نص فـ ليل ...

لبست عباتي و شيلتي .. طلعت مع ملووكي .. نزلت رحت صوب الجمعية و اشتريت له الحلويـآت .. و قلت بروح المطعم بجوفهم .. يوعـآنه ابا اتعشى .. كيف نسوووني !

طلعت من الجمعيه .. مشيت و حذالي ملوك .. ماسكتنه بطرف صبعي .. وصلت لعند المطعم .. صديت يمين و يسسار ماحصلت حد..

طلعت تذكرت انه ماعندي فون .. رجعت بخيبه امل للفندق ..

جريب الفندق.. انصدمت بكتف بنت جدآمـي .. ماانتبهت لوجودهـآ لاني كنت منزله راسي ..

قلت بسرعه : اوه سووري .. اسمحيلي اختي .. ماانتبهت

ابتسمت و قالت : عادي فديتج حصل خيير ..

جفت واحد حذالهـآ يطالعني بنظرات غريبه ..

قلت للبنت : شكلج مب غريب علي .. احس اني شايفتج من قبل

البنت : لا الغـآليه.. شكلج مشبهه " ابتسممت " انـآ ماعرفج

مديت ايدي : معـآج الريم

البنت : و انـآ دآنـه ..

قلتلهـآ : تشرفنـآ ..

دآنه : يلا اسمحيلنـآ بنروح الحينه ..

قلت : خذي راحتج ..

ابتسمت دانه : نتلاقى عقب ع خير ..

قلت : مع السلامـه

كنت بمشي بس وقفت ابمكاني لما سمعت صوت الشاب اللي حذالها يقول : لحظه لحظظه لو سمحتي ..

صديت صوبه .. انصدمممت .. انا صج ماكنت مركزه فالبدايه ع ملامحه .. و اخته نسخه منه .. و انا اقول ليش مشبهه فيها .. بلعت ريجي .. هاللي ركبت معاه السياره بالغلط .. كنت اتحراها سياره سلامه .. وآي فشله ..

طلع آيفون من جيبه و مد ايده لي : ها فونج نسيتيه بسيارتي ..

طالعتنا دانه بنظرات شك .. و كيف نعرف بعض .. و انا بعدني متيبسه ابمكاني ..

ملوكي راح صوبه و شل فوني .. و دانه تسألنـآ : انتو تعرفوون بعض ..

مسك اخته و قال : تعالي .. بعدين بفهمج السالفه ..

و رآحـوآآ ..

ملوك يهزني : لييييم .. هذا تلفوونج ..

قلت : هيه حبيبي .. " خذت عنه الفون "

شليت ملوك مشيت الين وصلت الفندق .. و دخلت الصاله .. تفاجأت انه محد موجود اهنيه .. اختفو الشبـآب .. و ملوك رقد ع كتفي .. حطيته ع الكنبة اللي فالصالـه ..

حطيت ايد ع بطني .. حسيت بيوع .. ماروم اتصل لهم و اجوفهم وينهم .. فباكل لي شي خفيف و بعد ملوكي راقد فالصاله محد عنده غيري ..

رن فوني .. انصدمت ..جفت المتصلة العنود ..

رديت ع طول : هلالالالا

العنود بصياح : ريمـوؤه الحقي علي ..

خفت : بسسم الله عليج .. شفيج عنوود !! شو صااير !!

العنود تصيح : تخيلي .. قبل شوي راجعه من المستشفى انا و حمدان

تذكرت الاتصال اللي رد عليه حمدان و جلب حاله .. عرفت الحينه ان العنود كانت متصله به .. قلت باستغراب : انزييين ! و بعدين !!

العنود بحسره : انـآآ حـآآمل

حطيت ايدي ع حلجي استانست لها : شووو ! صج ! و اخيييرن بصير عمه ..

العنود بصوت متقطع : انا فالشهر الثاني ..

قلت : حبيبتي العنود و اخيرن بتصيرين ام ..

العنود بجد : بس انا مابا هالولد

انصدمت : عنوود استغفري ربج .. و هذا ضناج ..

العنود : استغفر الله

قلت : بقول لنهيـآن .. اكيد بيستانس

عنود : لا تقوليله ماباه يعرف .. و بعد ادريبه ما بيستانس ..

قلت : مستحيل في اب فهالدنيا مايستانس ان بييه ياهل .. خاصه هالياهل .. صار لكم سنه تتريونه ..

العنود : سامحني ريموه بس لو خليت هالياهل يعيش آخـآف يتعذب شرات امه وانا ما اباه يتعذب ..

قلت باصرار : ابوه مستحيل يضره .. و بعدين حرام ماتخبرين انهيان ..

العنود : بس انا هذا قراري .. يمكن يأثر علي في البدايه اني بترك هالولد بس مع الايام بعرف اني ما غلطت ..

قلت : شققايل ماغلطتي و انتي تبين تجتلين الولد !

العنود : دخيلج ريموه مابا حد يعرف عن حملي

قلت : بس قبل توعديني

العنود : شووه !

مالقيت حل غير هالشي .. فقلت : ماتجهضين .. و لاتسوين شي بالياهل

عنود سكتت

هددتهـآ : والا و الله العظيييم الحينه بخبر نهيان يتصرف

العنود باستسلام : خلااص . . اوعدج ماراح اسوي شي

قلت : اتفقنا

العنود تصيح : بس ريم .. تععععبت و الله

قلت : ماعليه اصبري عشان هالطفل اللي فبطنج ..

العنود : ان شاء الله .. بخليج الحين ,, بكلمج بوقت ثاني ..

رديت عليهـآ : اوكييه فديتج .. بس طمنيني عنج دوم . . مع السلامه ..

و بندت عنهـآ .. و حطيت فوني فوق الطاوله ..

رحت صوب المطبخ ادور لي شي اكله .. آعنبوه جني في مجاعه .. فتحت الثلاجه .. طالعتها ما فيها شي ينوكل ..

ماعرفت شسوي لي .. سمعت باب المطبخ ينفتح

قلت و انا التفت : زين ييتـوآ ابـآآ .....

و صخيت ع بالي حد من البنـآت

كمل هزآع جملتي : اشتريلج شي ؟

طنشته و كنت بظهر من المطبخ بس سد عني الدرب و سكر باب المطبخ ..

رفعت راسي اطالع ..

سالني و عيونه متعلقه فيني : شفيج ..؟؟

همست : ماشي خلني اطـلع

هزآع : ليش ما تبين ترمسيني .. ؟ ليش مارديتي ع رسالتي ؟

تذكر اني مافتحتها للحين عضيت ع شفايفي : ماقريتهـآ..

صك ع اسنانه : ليش تتجاهليني ! ..

قلت : ماله داعي هالحركات هزآع .. انت انسان جريب بتخطب و بتتزوج ..

زخني من ذراعي بقوه حسيت بالم .. بس طنشت و قلت : ماله داعي حركاتك البايخه اللي اتسويهـآ ..

بطل اعيونه : شو سويت؟

رص ع ايدي اكثر فصرخت : آآآآآآآآآآآآآآآآآآي انت قاعد تعورني ..

شل ايده و رد سالني : شو سويت .؟

قلت : تقعد تطالعني وايد جدام اهلك .. ترى ظبية ملاحظه .. و بعد اطرش رسايل عند ملوك ماتخاف حد يجوفهـآ !!

اصطلبت ابمكاني يوم حسيته لصقت فيني و نبره صوته عذاب : بس انتي خبلتي فيني ..

مدري ليش كلامه ما عيبني فالتفت له ابسرعه و انا اتذكر هذيج البنت اللي كان يرمسهـآ وقلتله : جب لا تكمل رمستك

طالعني و جنه مب مصدق يسمع مني هالرمسه بس كان لازم اقسى عليه عسب مايتعدآ حدوده معـآي ..

همس بصوت عذب: الريم انتي حيـآتي ..

قلته بسرعه و انا اابتسم بعذذاب : بس حياتك مب لي ..

هزاع : انزين انا اباج انتي .. انتي اللي كنت ابا اخطبهـآ ..

سكت اطالعه .. كمل كلامه : فنفس اليوم اللي جفتج فيها فليل .. خبرت يدوه اني ابا اخطب ..

تجرب مني .. رديت لورا فطاحت خصلات من شعري ع ويهي .. كان يراقبني .. وقال : و ما خبرتها منو هي .. و وعدتني من نرجع من فندق هيلتون تخطبهآ لي . . علشانج بسوي كل شي ..

تجدمت مني اكثر : و انت روحي و كل شي بحياتي .. تعرفين هالشي من زمـآن

رديت شعري ع ورا بحركه لا اراديه و خذت نفس ..

طالعني بنظرات مش مفهومه ..انتبهت انا وايد كنا جريبين من بعض و ممكن اي حد يدش علينا المطبخ .. فابتعدت ابسرعه و سالته : تعشيت ؟

هز راسه و يلس ع الطاوله : ما كلت شي اليوم ..

قلت : انا بعد ماكلت شي .. ثواني بسوي لنا عشى خفيف ..

ابتعد عنه اعابل في المطبخ .. ماعرف منوه مشتري الاغراض .. لاحظت انه كان يراقبني .. بس انا كنت اشغل عمري بالطباخ و هو مشغول بافكاره .. سويت باستـآ ..

سالته فجأه : ما تخاف حد يجوفنـآ نحن هنيه بروحنـآ ؟

هزاع : لا .. بنت خالتي تطبخ لي عشـآ مافيهـآ شي ..

يلست احط صحون ع الطاوله و حطيت له الباستا..

قال بهدوء : منو يتوقع اني اليوم باكل من طباخج ..

يلست جريب : و ها تسميه طباخ الا هي معكرونه ..

لصق فيني اكثر و قال : انزين اكليني بيدينج

ابتسمت له .. مادري اي اخبال ياني و شلت اللقمه ,,فتح حلجه و زخ ايدي ... كل اللقمه و ابتسم لي

حسيت اني بحلم .. و خفت لانش منه ..
كانت لحظات سريعه تمر . . بس كنت احس بكل ثانيه . .
لاول مره احس بالحب .. و بهالشوق للانسان .. معنه كان جريب مني . .
تمنيت هاللحظات ماتخلص . .

قلته بصوت رقيق : جنا بحلم ..

هزآع بنبره حب : انتـي حقي انا و بس ..

رفعت راسي اطالعه نبره صوته اسرتني .. فاجاني يوم قال : اعيونج اتخبل بي ..

ع كثر ما عيبني قربه ع كثر ما كنت ابا ابعد عنه يوم اتذكر اللي كان يرمسها ..تخبلت يوم تجرب مني اكثر ..

بس قلت بسرعه و جني انهي هاللحظات الحلوه : يلا انا بروح ..

حسيت ملامح ويهه انجلب و قال : ما احب الي يصدني .. و انا ولا بنيه صدت عني "وسكت "

قلت بصدمه : يعني تعترف لي انك شكثر البنات اللي ترمسهم

صرخ : ريموووووووه !

استغربت ليش جي انجلب علي و ليش رمسته صارت جافه ..

طالعته بنظرات عتاب و لوم فسكت ع طول ذكرته : و هذا اول يوم لي اقعد فيه معاك ..

فهاللحظه رن تلفونه اللي كان ع الطاوله .. جفت المتصل " القلب "

قلت : اكملت .. !! رد رد علييهاا

قمت من مكـآني .. مشيت .. لحقني و زخني من ذراعي : خليني افهمج

قاطعته : شو تفهمني فيه .. الحمدلله ربي كشششششفتك .. زين ماابليت فيك .. عرفت الحين .. انت موتك و بنات حواء ..

حرج علي : مب لها الدرجه ..شو جايفتني حيوان ..!!

طالعته بنظرات كل معناتها اتهام و غضب .. و انا احاول اكتم الصياح . .

سمعت صوت ضرب الطاوله ...و صرخ : غبيه غبيه .. افهمي قبل ..

دز الطاوله فتناثرت الصحون ع ارضية المطبخ ..

و طلعت من المطبخ و تمنيت اني اطلع من هالحيـآه بكبرهـآ ..

ماقسيت عليك إلا من سواياك .. ولا إنت كنت بدنيتي شي ثاني

₪

•ι[» اڷبـآإرت الـسـآبع «]ι•

ماني بضايق منگ وش داعي الضيق
اللي ﺣصل من ضيق وقتي " گفاني "
قبلگ تقهويتَ المواجع على الريق
و أمسي بها لامن ﻟيلي غشاني ..!

.

₪

.

دخلت الصاله .. و هزاع طلع من الفيلا .. جفت ملوك بعده راقد .. رحت بسته ع خذه .. نقز و قعد يصيح .. حضنته و قعدت اصيح معاه .. حسسسسافه .. حبيت انسسان مايستاهل هالحب ..

سمعت صوت الباب ينفج . . لمحت ظبيه و عطيتها ظهري ..
مسحت دموعي بظهر ايدي قبل لا اتجوفني ظبيه ..
ربع ملوكي الى حضن امه ظبيه .. شالته و قعدت تبوسـه ..

صدت لي ظبية : ريموه انتي تصيحين !

قلت و انا احاول اعدل صوتي : لا .. ليش اصيح ..

ظبية بشك : ريموه تخبين عني شي ..؟

سكت ماعرفت شو ارد عليهـآ ..

ظبيه : هزاع كان مسويلج شي ؟

قلت ابسرعه : لا

ظبيه : لا تنكرين .. انا جفته لما ظهر من اهنيه .. كان معصب و انتي هنيه داخل تصيحين
" مسكت ايدي " اعتبريني شرات اختج .. قوليلي كل شي .. صدقيني انا معاج .؟

احترت اقولهـآ .. والا اخبي كل شي ..

ابتسمت و اكدت لي كلامهـآ : انـآ معاج ..

تنهدت و قلت : انـآ .. انـآآآ

ظبية : انتي شو ؟

جذبت : ماعرفت اطبخ شرات البنات .. " نزلت راسي " ماعيبه طباخي و انا اضايجت من هالشي

ابتسمت ظبيه : السالفه ماترزآ فديتج .. لا اتضايجين روحج

حليلهـآ ظبيه ع نيـآتهـآ .. سامحيني مااقدر اعترف بحبي له .. اخاف توقفين معاه ضدي لانه اخوج ..

سالتني : تعشيتي ؟ و الا اتصل لمروآن اييب لج عشـآ ..

قلت : لا خلاص تعشيت ..

سالتني : وين الباجيين ..؟

هزيت كتفي اني ماعرف .. و قلت : كلهم طلعو يتعشون بدون لا يقولون لي و تميت انا مع ولدج ملوك

ملوك يضرب امه :ماماا .. مااامااا

تصد له ظبيه : ها مامـآآ

ملووك : خالي هدااع قال ..

خفت لا يقول له عن سالفه الورقه ..او يفتن عن اخو دانه يوم عطاني فونه .. اعرفه ملوك طفس ويسويهـآ .. يخور كل الكلام ..

ظبيه : شو قال ؟

ملووك : انتي بتوديني باجر الالعـآب

حطيت ايدي ع قلبي .. الحمدلله .. اكيد قاله جي عسب وصل لي الورقه و حذره مايفتن

بعد ما اطمنت انه ملوك ما قال و لا شي . . استاذنت من ظبيه ..
قلتلهـآ تعبانه و بروح ارقد .. دخلت الغرفه .. غمضت اعيوني .. و ما صدقت ع طول رقدت ..

بس مدري كم من الوقت مر ... يوم حسيت باب حجرتي ينفتح .. يلست ابسرعه و غطيت روحي باللحاف ارتجف .. جفت يدوه ..

يدوه : يمه ريم .. مب يوعانه ؟

تنهدت بعذاب و قلت : الحينه تذكرتوني ..

يدوه يلست حذالي : عبدالملك ولد ظبيه قال انج ماتبين فرحنا عنج ..

استغربت .. ملوك قايل لهم ! .. مااستبعد انه هزاع هوو اللي مسوي هالحركه وقايل لملوك يقولهم .. عسب يستفرد معاي هنيه و يرمسني ..

قلت : هيه ماكنت مشهيه ..

يدوه : شو اللي مضايق فيج ؟

مسكت ايدها و بستهـآ : هالدنيـآ

يدوه : ما ترزآ ترآ

قلت : يدوه قلبـي يعورني

يدوه : تبين افركه لج بفكس

ابتسمت بالغصب و قلت : الله يهدييج يدوووووووه شو فكس

يدوه : ترآ تقولين قلبج يعورج ..

الحين شقايل افهم يدووه ..تتنهدت محد فاهمني ..و سكت

يدوه : يمه الريم .. قومي توضي و صلي لج ركعتين و اذكري ربج و ادعي .. بيوسع صدرج

قلت : ان شاء الله

طلعت يدوه من الغرفه .. وسويت مثل ماقالت لي يدوه .. حسيت براحه و آمان ..بعد ماصليت ..

نشيت من مكاني و رحت صوب البلكونه اطالع برع حسيت بالبروده بس الجو كان رهيب كل شي من حولنا بحر .. صدق احس اني دخلت بعالم ثاني..

غمضت اعيوني .. و احس بالهوى يضرب بويهي .. شعور جميل بس بيكون احلى لو كانت علاقتي بـ هزاع احلى ..

بعدت هالافكار عن بالي .. خلااص لازم من اليوم انسى هزاع .. و المفروض مااتعلق فيه زياده عسب مااتعب .. بس خبل فيني هالانسسان .. وربي حبيته ..

قررت اطلع برع صوب البحر .. صح الوقت متاخر .. بس طار النوم من عيني بعد ماقومتني يدوه ..

لبست عباتي و شيلتي .. طلعت متوجهه للبحر .. وقفت جدام البحر و النسيم يضربني ..

صديت الصوب الثـآني ع صوت اغاني .. جفت شاب واقف يتأمل البحر ..

ها شكله متعذب بعد شي .. يمكن صاير له شي او مفتقد شي غالي بحياته..

نقزت يوم التفت هالشاب صوبي ..تلومت لما ابتسم لي .. صديت عنه ..

اكيد انتبه اني كنت اطالعه .. بلعت ريجي يووم جفته ياي صوبي رديت لورا خايفه كنت بروح الفندق ..

نقزت يوم سمعت صوته وراي ..و كانه كان يقرا افكاري ..

كان جريب مني يوم قال : انا شو قلتلتج لا تطلعين بهالوقت ..

قلته مرتبكه : حلو الجو برع .."ورديت طالعت الشاب الي ياي صوبي "

جفت هزاع يطالعه بنظرات .. فاضظر الشاب يغير طريجه و شكله تلوم ..

ما عطاني فرصه زخ ايدي ومشى و ما قلته شي ..

يلس ع الصخره و طالعني بنظرات حاده ..

طلع الزقاير من جيبه ترجيته: دخيلك لا ادووخ ..

طنشني وولعها و قال : منو هاا .؟؟

طالعته و انا اراقب الزقاره الي كانت في ايده و قلته : منو ..؟

عفد عليه فشهقت وزخني من ذراعي : لا تستهبلين علي ..

بطلت حلجي كنت برد عليه ادافع ع روحي بس تروعت يوم حط اصابعه ع اعيوني و جنهم يبا يفقعها و قال : لا تطالعيني بها النظرات شو مسويه عمرج بقمه البراءه ..

تميت اطالعه مستغربه من حركته حسيت انه انسان مش صاحي ..دزني بعيد بغيض
قلتله : ترآ هالحركـآت ماتبرر موقفك و تتحرآني بنسـآ كل شي

هزاع : يعني تعترفين انه امبينكم شي

قلتله ابسسرعه : تتحراني شراتك !

هزاع رفع ايده يبا يعطيني كف .. بس بسسرعه نزل ايده

صرخت : جان صفعععععتني .. جان مديت ايييييييييييدك .. تعرف انك انت الغلطان .. وانا ماعندي هالحركات ..

هزاع رص ع اسنانه : لا اطلعيني عن طوري

قلتله : انته شو تبـآ مني !

هزاع : افهمي اباج انتي .. اباااااج

رفعت راسي وواجهته و قلته : انا ما اباك .. خلالاص

خذ نفس ورفع شعره لفوق و تجدم مني و قال بنبره تهديد : لا تزيديني

طالعته من فوق لتحت : انا ماتشرف اكون لانسان واطي شراتك همه بس بنـآت

يبست ابمكاني لما عطاني كف ع ويهي .. حطيت ايدي ع خذي متالمه من الصفعه و بنفس الوقت منصدمه انه مد ايده علي ..

هزاع ينافخ من الغضب : عاد لهنيه و بس .. مابا اسمع كلام يجرح اكثر عن جي .. كنت بقولج بتغير عشانج و بودر كل شي عشانج .. صح اني ارمس بنـآت و اقولج اياها .. بس انتي ماعطيتيني فرصه اقول شي ..

و مشى عني و خلاني بروحي .. و انا بعدي مصدومه .. و ايدي ع خدي احس فكي تكسر غمضت اعيوني متألمه و صحت بصمت.. معقووله هزاع يحبني لهالدرجه ..

معقوله انا اللي خربت كل شي .. معقوووله كان يبـآني و بيضحي عشااني .. ياربي شسوي !! يارب ساعدني !!

رجعت و انا مكسوووره ..و احس بريولي ماتشيلني .. اتسحبت ببطء إلين وصلت ..

حطيت راسي ع المخده .. صحححت بدون صوت الين رقدت ..

ساآحبک بَ مفردک .. وساعشقگ بَ جنون و سَافعل گل ششيء يجعلک معيَ

.

₪

.

ع الصبح .. تجلبت و انا احس راسي بنفجر ..فتحت اعيوني و رديت غمضتها .. عذبني راسي يعورني لما تذكرت اللي صار البارحه كنت بصيح مره ثاني ..

ما اعرف كم الوقت الحينه اصلا .. رحت صوب التسريحه .. طالعت ويهي فضيع ..كنت بصيح يوم جفت خذي جي وارم .. أأأأأأأأأأأأأي تعورني..

سبحت و صليت ..والحينه كيف اطلع برع .. خدي وارم .. بس مب وايد .. طنشت و طلعت ..

جفت يدوه و آمـآيه فالصـآله ..

قلت :: صبـآح الخيير ..

آمـآيـة : صبـآح النور ..

سالتهم : وينهم البنـآت .؟

آمـآية : ميثة داخل غرفتنا فاجه اللاب او ع البيبي .. و ظبية طلعت مع ريلهـآ وولدهـآ .. و الشباب فدواماتهم ..

رحت صوب يدوه .. سالتهـآ : ها يدوه شرايج فالمكـآن .؟

اليده : لو مخلينـآ فالبيت احسن لنآ و آآمن ..

قلتهـآ : دخييلج يدوه .. هنيه وآيد استمتعنـآ

يدوه صدت راسهـآ .. مب عايبنهـآ كلامي

ضحكت يوم سمعت صراخ ملوكك ياي من برع .. و ابوي ردت الحشره .. هاللي مسوي لنا جو اهنيه

ظبيـة داشه الصاله: السلام عليكم ... وابوي خبل فيني ولد مروآن ..

رديت : و عليكم السلام ..

ملوكـي يصيح: ما اباهالي اللعبه ما ابااهـآآآ ..

دزته ظبية امعصبه منه : طوف لااه ..لوعت بجبدي . .

طاح ملوكي ع الارض ربعت صوبه و شلته: حرام عليج ظبووي ..

ظبية يلست عالكنبه اتنافخ من التعب .. و ملوكي كممل صيااح

قلته: زين اسكت طريت طبلتي ..

نشت ظبية من مكانها و راحت صوب يدوه و باستها ع راسهـآ.. و يلست حذالهآ تاكل
و قالت: خلوني اسد يوع بطني احسن لي ..

قلتها: كلي زين ..علشان الحمل ..

ظبيه حطت ايد ع راسهـآ و ايد ع بطنهـآ .. و قالت : مصصدعه راسي يعورني مااقدر اتحمل "اطلع فونهـآ من الشنطه " بتصل لمروآن ,,

ما مداها تكمل الجملة و الا طاحت مغمي عليهـآ

صرخت و ربعت صوبهـآ : ظبيييييية !!!

يحّفظگ رَبي وينْ مَا ترّسِي خَطاويگ ، و تحّرسگ عِينْہ اللِي مَا تنْامَ

.

₪

.