منتدى استراحات زايد - ...... > ♥ لو أخليـج أرتكب أكبــر غلطـــة في حيــاتــــي ♥

...... > ♥ البــــــــارت الخـــــــامس♥ < .......

نقز خــــــــالد من مكانـــــه وســــــــار متجـــه صوب البـــــاب

فتح البــــــاب و طلــــــــع يركض ..

شـــــاف نيرس من بعيــــــــــد قـــــــام يزاقرهــــا ..

خــــــــالد : نيرس !! .. نييييييييرس ..

صدت النيرس صوبـــــــــه ..

خــــــــالد : نيرس في حريقـــــه !!

النيرس : ايوااا ولازم نطلـــع المرضـــى

خـــــــالد : نيرس بليز ســـاعديني نطلــع فطامي ..

النيرس : حاضــر ..

اختبص المستشفـــــــى فوق و تحت ..

و النــــــاس فــــــي حـــــــــاله .. و محـــــــد قــــــــادر يأخذ نفس ..

عنــــــــد ســــــارووه اللي كانت ميتــــه خوف ..

سمعــــــــت صوت ..

" آخ راســــــــي .. ســــارووه شو صــــاير ؟! "

حاولت تيلس ..

ســـاروه : فطامي !!!! >>>>> ( نشـــــت من الحشرة اللي حوليهــــــــــا )

فطامي : سارووه بلاج ؟!

ســــاروه : فطيم لازم نطلع من المستشفـــــــى بسرعــــــــة

فطامي : ليش ؟!

ساروه : فـــــي حريقــــــه

فطامي : شووووووو ؟؟!

ســــاروه : فطيم تقدرين تطلعين

فطامي تحس بصداع : أظن ..

شوي انفتح البـــــــاب و دخل خــــــــالد و معـــــاه النيــــــرس ..

ســــــــارت النيرس عند فطامي و بطلت المغذي عنهـــــــا ..

و ســـاعدتهــــــا تقوم من السرير ..

وقـــــامت تمشيهــــــا شوي شوي

خـــــــالد : على ها الحال بنحترق .. قومي عني

ســــــار خـــــــالد و شــــــل فطامي ..

( عــــــــاد فطامي ما تحب حد يشلهــــــــا هع )

فطامي : خلوووودي نزلنـــي أروم أمشي

خــــــــالد : جب ..

ساروووه : يلا خل نطلع ..

خـــــــالد : يــــــــلا ..

و طلعوا من الغرفــــــــــــــة .. و مشوا في الممر اللي كان زحمـــــه ما تقدر تمر ..

خـــــــالد : يا هـــــــي من مصيبــــــة

ساروه : يا ربـــــــي متـــى بنظهر

فطامي : خلووودي أنــــا خايفــــــــة

خـــــــالد : لا تخافين حبيبي

النيرس اللي توهــــا واصلــــه : أوه الممر هذا بعد مزدحم ..

خـــــــالد : و الحل ..

...... > ♥ ............... ♥ < .......

( في جهة ثانيـــــــة وصلت الخبر عند أم محمد و أم خـــــالد )

( فـــي صالـــة بيت أبو خــــــالد )

( كانوا أم محمد و أم خالد و ريم و اليدة مريم )

أم محمد : يا ويلي على بنيتي

اليدة مريم اللي مب مستوعبــة شيء : ويه بلاج أم محمد ؟!

أم خـــــالد : عمتي بلاج المستشفــى يحترق

اليدة مريم : أحسن خل يحترق من زين علاجهم

أم محمد و هي تصيح : بنتـــي هنــــــاك

اليدة مريم ببرود : بلاج خرفتي هذي بنتج حذالج

أم محمد شوي وبتذبحهـــــا : فطامي فطامي

اليدة مريم : هييه .. جان قلتي من البدايـــة بنتج

أم محمد : لا حول ولا قوة إلا بالله

أم خــــــالد : يا ربي خالد ما يرد عليي

ريم : ماما أنـــــــا خايفـــــــة ..

ســـــــــارت أم محمد وضمت ريم ..

أم محمد : يا رب رد لي بنتي سالمــــة يا رب

أم خــــــالد : إن شاء الله بيردون ..

شوي وانفتح الباب بالدفـــــاشـــــــه ..

و دخل وهو مب قــــــادر يأخذ نفس ..

محمد : أميــــه صدق اللي سمعتــــــه !!

أم محمد وهي تصيح: هييه يا وليدي هييه

محمـــد : و خـــالد و ســـارة وياها

أم محمد : هيييه

محمــــــــد : لا حول ولا قوة إلا بالله .. عن إذنكم

أم محمد : وين بتسير

محمد : وين بسير .. أكيد المستشفـــــــــى ..

وطلع محمــــــــــد من عندهم يركض .. طلع السويج من مخبـــــاه

و ركب سيـــــــارتــــــه و طيراااااان على المستشفــــــــــى

قامت ريم من مكانهــــــــا و ســـــــارت فوق ..

دشت غرفة ســـــــــارة طاحت على السرير و تمت تصيح

ريم : يا رب .. يا رب رجعهم بالسلامــــــــة ..

...... > ♥ ............... ♥ < .......

( في رااااااك )

( كان فهــــــد كل العادة يالس مع الشباب )

( مايد و ذيــــــــاب )

مـــــــــايــــــد : و أخبارك فهوووود

فهــــــد : حالي مثل ما تشوف

ذيـــــــــاب : هاه شو أحوال التجهيزات للعرس

فهـــــــد : أمييه و شوق ما قصــروا

مــــــايد : هههههههه العروس بعدهـــا في العين ؟؟

فهـــــــــد : يعني ما رمست فطامي

مــــــايد : لا ..

ذيــــــاب : الأخ محصل وقت

مـــــــــايد : و الله ويا وفوي ما أقدر أخذ راحتــي

فهــــــــــد : هههههه فديتهــــــا والله

مــــــايد : إييه مالك خص بـ أختـــي وخلك مع حرمتك

فهــــــــد : هههههههههههه

ذيـــاب : هههه عجب فطيم

مـــايد + فهــــد : ليش ؟؟

ذيــــــاب : خريش ها البنت

فهــــــد : يا ويلي عليهــــــــــا

مـــــايد : فيني رقـــــــــــــــاد

ذيــــــــاب : وليش ما رقدت أمس

مــــــــايد : أحوط المولات

فهـــــد : حد قالك أحس البنــــــــــات

مـــــــــايد : شو قالوا لك شراتك

ذيــــــاب : هههههههه أكيــــــد وفوي

مـــــــــايد : أكيد ومليون بعـــــــــــد

...... > ♥ ............... ♥ < .......

( عنـــد شوق وراشـــــــــد )

كان راشــــــــد منسدح ع السرير .. شوي وبيرقـــــــد

دشــــت عليـــــــــه شوق ..

شوق : حبيبي رقدت ؟؟!

راشــــد : على وشك

قام راشد وعدل يلستــــه و يلست شووق حذاله ..

شوق : حبيبي

راشــــــد : هلا

حطت شوق راسها على كتفــه ..

شوق : شو تتوقع جنس البيبي ؟؟

ابتسم راشــــد : الله أعلم .. بس أتمنى ولد

شوق : إذا يبت ولد شو بتسميـــه ؟؟

راشـــــــــد : بسميه ســــــالم ..

شوق : و إذا كانت بنــــــــت ؟

راشــــــــد : اممممم بسميهـــــا ........

رن مبــــــــايــــل راشــــــــــــــد ..

( سعيـــــد أخوه )

راشـــــد : هذا سعيد

شوق : رد عليه

راشـــــد : إن شاء الله

رد راشد عليـــــــــــــه ..

راشـــــــــد : ألوا

سعيـــــــــــد : السلام عليكم

راشــــــــد : وعليكم السلام ورحمـــــه

سعيد : شحـــالك أبوي ؟؟

راشـــــــــــد : قصدك أخوي هههههه

سعــــيد : أبوي أخوي ما فرقـــت

راشــــــد : أنـــا حمد الله بخير و أنت شحالك ؟؟

سعيـــــــــد : تمام التمام

راشـــــــــد : و طبعـــــا ً في طلب .. أنت ما تتصل إلا و في شيء

سعيــــــــد : يا ريال حرام أسأل عن أخوي

راشــــــــــد : ما صارت من قبل لكل اتصال طلب مرة فلوس مرة محامي مرة ما أدري شو

سعيــــــــد : رشوووود خلك من ها الخرابيط و تعــــــــال

راشـــــــــد : وين أيي ؟؟

سعيــــــــــــد : تعال الميلس

راشـــــــــــــد : يوم بتوله عليك بيي

سعيـــــــــــد : لا حمدان هنـــــــــــي و أبيك تي تسلم عليـــــــــه

راشــــــــــــد : حمدان !!!

سعيـــــــــــد : هييه حمدان

راشـــــــــــد : خلاص الحين بيي

سعيــــــــــد : يلا عيل مع السلامــــــــــــة

راشـــــد : فمان الله

وسكر عنـــــــــــــــــه ..

شوق : شو الســـالفـــــــــة ؟؟

راشــــــــد : ما شيء حمدان ياي بسير أسلم عليه

شوق : اهاا يعني بتتعشى هناك

راشــــــــــد : لا لا ما بطول

شوق : أوك

راشــــــــــــد : إذا صار شيء دقي لي

شوق : أوك

راشـــــــــــــد : يلا مع السلامــــة

شوق : يحفظك ربـــــــــــي ..

وطلـــــــــــع راشــــــــــــد من عند شوق ..

وطاحت شوق على السرير و رقــــــــــــــدت ..

...... > ♥ ............... ♥ < .......

( عنـــــــــــــــــــد محمد )

اللي توه وصـــــــــــــــل صوب المستشفــــــــــــــى ..

و كان المكـــــــــــــــــــان زحمـــــــــــه .. محد يقدر يمشـــــــــــــي فــيه

محمد و الخوف بايـــن عليـــــــــه : الحين وين بحصلهم ؟؟

شوي سمــــع شباب يرمسون ..

" فــي مجموعــــة ما قدروا يطلعون "

" حرام من بينهم بنت تعبــــــــــانـــــة "

فز قلب محمد ..

محمد يسأل الشباب : تدرون منو هذيل اللي ما قدروا يطلعون

واحد من الشباب : يقولون بنتين وولد

حس محمد بطعنـــــــــه و تجمعــــــــــت الدموع فــي عيونــــــــــه ..

محمد في خاطره : لا مستحيل .. مستحيل يروحون لاااا

شوي سمـــــــــــــع صوت من بعيد ..

" محمـــــــــــــــــــــــــــــــــــــد "

صد محمد لمصدر الصوت شاف خالد و سارة و فطامي

جاااااان يركض صوبهم ..

شل فطامي و ضمهــــــــــــــــــــا

محمد وهو يصيح : خفت تروحون مني .. ما أتخيل حياتي بدونج

ابتسمت فطامي : حمودي أنـــا بخير

محمد : إذا تعبــانـــه بوديج مستشفـــى ثاني

فطامي : لا لا بس كنت تعبـــــــــــانه شوي

محمد : صدق !!

خـــــــــــالد و هو يضحك : بلاك هدي شوي

محمد : ما تدرون شكثر اللي في اليت خايفين عليكم

فطامي : خل نروح البيت ما حبيت المكان

خـــــــالد : يلا ..

المهم ركبــــــــــــــوا السيــــــــــارة وســــــــــاروا البيــــــــــت ..

أول ما دشوا حصلوا استقبــــــــــــــال حزين هع ..

أم محمد : بنتي !! .. بنتي فطامي !!

ركضت فطامي لحضن أمهــــا : ماما أنــــا بخيــــــر

أم محمد و هي تصيح : خفت عليــــــــــج .. شو فيج ؟؟

فطامي : أنــــا بخير بس كنت تعبـــــانـــه شوي

أم خــــــــــالد : الحمد الله على السلامــــــــة

فطامي : الله يسلمج خالوا

مسك خــــــالد فطامي و قــــال لهــــــــا : لازم ترتـــــاحين

فطامي : خلودي أنــــــا بخيـــ .. و قبل لا تكمل كلامها

خـــــــــالد : اششش يلا تعالــــي و طيحي بالغرفـــــــــة أنــــــا بنام اليوم في الصـــــالــــــــة

فطامي : بــــــــس

خــــــــــالد : بتسمعين الكلام ولا ؟؟

فطامي بدلع : شو بتسوي

ابتسم خــــــــالد و شلهــــــــــــا ..

فطامي : لا لا خلوووووودي نزلني لااااا

خــــــــــالد : و إذا ما نزلتج

استحت فطامي ..

اليدة مريم : خويلد هب لازم تشلهـــا أظن عندهـــــــا ريول وتروم تمشي

خــــــــالد : بس هي تعبــــــــانـــــه

اليدة مريم : هب تعبانـــه ولا شيء جذاااابـــــة تدلع ..

مسكت فطامي خــــــــــالد بالقوة : نزلني

خـــــــــــالد : فطامي !!

فطامي : نزلني

نزلهــــــــــا خــــــــالد ..

صدت فطامي صوب اليدة مريم و قامت تطالعهـــــــا بنظرات

فطامي تكلم خــــالد : للأسف أقدر أمشي بدون عكاز

أم محمد : فطامي !!

اليدة مريم : آي يا جليلت الحيــــاا

فطامي بكل براءة : أنـــــــــا !!!!

اليدة مريم : آخ يا بنت أبليس

عصبت فطامي : أنتي شو مشكلتج وياي ؟؟

اليدة مريم : ما احبج .. ما أدانيج .. و ما أطيقج

فطامي : دخيلج اللي يقول أنـــــــا اللي قادرة أحبج و أدانيج و أطيقج

اليدة مريم : جيييه ما متي ..

فجوا الكل عيونهم ..

خــــــــــالد : يدتي مريم بس عــــــــــاد زودتيهــــــــــا

اليدة مريم : خل تموت أحسن

خــــــــالد بدون ما يحس : جــــــــــــــب

الكل انصدم ..

خــــــــــــالد : تـــرى ادري بكم ما تبونـــي أتزوج فطامي

صدت فطامي صوب خـــــــــالد

ســــــــــــار خـــــــــــالد و مسك إيد فطامي : شوفوا تــــرى من الحين فطامي زوجتــي خلاص

احمر ويـــه فطامي ..

أم خــــــــــــالد : بس يــــــــا خالد

خــــــــالد : مالي خــــــــص .. أنــــــــــا بعد عرس ريمووه بســــــــافر و بشــــــــل فطامي وياي

فطامي : خلووودي

خـــــــــــالد : خلاص أنتـــي زوجتــــــــــــي و انتهــــى الموضوع ..

اليدة مريم : بس يــــــــــا خالد

خـــــــــــالد : قلت انتهى الموضوع و خلاص سكروا

وســــــــــار خــــــــــــالد حجرتــــــــــــه ..

انسدح على السرير ورقـــــــــــد

أمــــــــــا فطامي ســــــارت عند ريم وزقرتهــــــــــا

عسب بيروحون .. خلاص بيرجعون راك ..

مـــــــرت الأيــــــــــــام بســـــــــــرعـــــــــــــــة ..

و يــــــــــا اليوم المنتظر .. ليلـــــــــــة العرس ..

كـــــــــــــــــــــــــــــــــــت ..

...... > ♥ نهــــــايــــة البـــــــــــارت♥ < .......

شو رأيكم في البـــــــــــــــــــــارت ؟؟

و شو تتوقعون يصيـــــــــــــــــــــــر ؟؟

يـــــــــــلا أبغي أشو توقعاتكم ؟؟