|
السلام عليج شحالج ربج الا بخير؟ البارتات روعهه ، وتسلم ايدجج ع الروايييه مم بس احس يعني وايد ابعيد ع الامتحانات ف لو تنزلين بارت ع الاقلل يحمسنااا اكثثر وو بس نررقب |
السلام عليكم شحالكم ؟ السموحه على التأخير بس صارت عندي ظروف وما قدرت انزل ان شاء الله باجر اذا قدرت بنزل لكم ومع السلامة . |
البارت التاسع . . . زايد تقرب وسحب ايدي وانا صارخت وقفني وحظني وانا بس اشاهق قعد يمسح على ويهي وهديت شوي حسيت بدفا وحنان من حظني بعد عني بهدوء وطلع وسكر الباب وانا طلعت وركضت فوق وكان الكل قاعد تحت بعدهم في صدمة وهدوء وخليفة يجوف الفون ويرد يقرا المسجات من بدايه مب مصدق شي شوي وقف وصارخ : لححظة كيف كل المسجات اليوم ؟ تقربت سلامة وسحبت الفون وجافت ان كل المسجات اليوم واصله وانها كانت بنفس الوقت اللي كنت قاعدة تحت عندهم تقربت من البنات وصارخت : محد لوث غيركم تقربت من ابوي وقاللت : هذي المرة الثانية تضربها وهي ما يخصها في شي وتطلع السالفه كلها جذب حرام عليك هذي بنتك احنا عيالك يا ابوي احنا بناتكك يدي : حسبي الله ونعم الوكيل خليفة طلع برع وشغل سيارته وروح سلامة يات عندنا فوق ييدوه دخلت غرفتها وكان هدوء في الصاله . . . فيصل : مريوم مريم : آمر فيصل : انا طالع الحين اخوج بيمر علي وبطلع وياه مريم : منو رشود ؟ فيصل : هي دقايق وبيكون تحت مريم لبست شيلتها : قوله ينزل بسلم علييه فيصل : يالله انزين نزلي وياي نزلت مريم ودخل راشد الحوي وسلم عليها وكانت مريم وايد مشتاقه له وراحو وهي دخلت داخل قعدت مع منى وحميد وهي تجوف ضرابتهم كل يوم سحبت منى وقعدت تسولف وياها وحميد طلع مع ربعه .. منى : اقولج شو قالو بنت ولا ولد ؟ مريم : بعدهم ما يعرفون الحين منى : اذا بنية على اسمي انزين مريم : ماشي واصلن انا وفيصل متفقين من زمان منى : أي اسم المهم احنا نترياه مريم : بيوصل جريب ان شاء الله . . . سلامة : الله يخليج سمعيني رددي علي لا تسكتين نورة : خلاص سلامة خليها ع راحتها اذا بترمس احنا كلنا موجودين كنت واقفه جدام الدريشه واطالع برع رحت صوب السرير وتلحف وغطيت ويهي : وانتو طالعين بندوا الليت كلهم طلعوا ونزلوا تحت عند يدي والكل انصدم من يدوه انها مب مهتمه قاعدة تبخر الصاله وتوصصي الخدامات على الاكل صح اننه هي اللي تطبخ بس توصيهم على التقديم .. يدي : طمنوني عليها ؟ شمة : يدي ما رضت ترد علينا سساكته واحنا نرمسها ومطنشتنا آخر شي تلحفت وتبا تنام يدوه : ليش ترقد قولولها تقوم ولا بالععصا الحين عرب بييون وهي ترقد اكيد بيسئلون عنهها يدي قام ودخل الغرفه .. يدوه رفعت العصا : كل وحدة تقوم وتبدل الحين العرب شوي وبيوصلون نورة : يالله يا يدوه عاد ما ادري منو العرب عيال شيوخ واحنا ما ندري يدوه قربت العصا من نوير وضربتها : قومي تلبسسي وانتي ساكته وقومو مواز ولا بالععصا كل البنات راحوا فوق يتلبسون والأولاد في الخيمة برع يدوه راحت المطبخخ ويدي قاعد في الصاله مع امايه وام صالح وام عبدلله وام شيخة وام خالد والريايل في الميلس .. شمسة : قومي يدوه بتضربج بالعصا ما رديت عليها .. نورة : ححبيبي انتي سامحيهم وهم اكيد انصدموا من هذا الشي والكل اصلن مب مصدق دخلت اماية وقعدت على السرير خوزت اللحاف وانا كأني جثه ما اتحرك قعدت تمسح على راسيي .. ام خليفة : يالله حبيبتي قومي الحين بيوون واكيد بيسألون عنج : شو أبا فيهم قولولهم راقده تعبانة أي شي ام خليفة : الحين ام ريلج بتتي بعد : أي ريل الله يخليكم شو يبا فيني وهو شاكك فينني وانا اصلن مابا خلااص يدوه دخلت : شو هذي الرمسه بعد خلاص بتقومين الحين غصبن عنج وانا نازله ربع ساعه ان ما نزلتي وانتي كاشخه بالععصا بماي وملح نورة : يدوه حرام عليج شوي شوي علييها وابوها جفتيه مرتين ضربها وانتي بععد يدوه : انتي ما يخصج ولا تتدخلين انا قلت رمستيي واترياكم كلكم تحت ، طلعت يدوه .. ام خليفة : قومي امايه تلبسي انا ما تعودت عليج جي قمت بتعب ودخلت الحمام : خلاص ققمت طلعوا برع طلعت امايه وتموا البنات يطلعون لي لبس طلعت من الحمام وانا اجوفهم .. نورة : اخترتنا لج هذا والله شكله حلو يعني تنورة وقميص : انا ما بلبس غغير مخور شمه : شو مخور يلا عاد تحسسيني عيوز طلعت لي مخور لونه اسود وفيهه دواير بيضه : هذا احلى شي دخخلت الحمام وبدلت وطلعت وكل وحدة طلعت لها مخور بس مب نفسي ، قعدنا نتمكيجج ونكشخ دخلت الخدامة وهي ماسكه المدخخنن : ماما كبير يعطي انا حق انتو نورة : ززين روحي شكرا الخدامة : ماما موزة ماما كبير يبا انتي : صبري بخخلص وبنزل لهها شمسه قربت صوبي وعطرتني ودخنتني وسوي لها نفس الحركة تعودنا كل وحدة تسوي للثانية ونزلنا كلنا تحت جفنا امايه وام زايد وام ميرة وام شيخة وام عبدلله وام صالح وام خالد وام مكتوم وام سلمى والباقين ما عرفناهم سلمنا وقعدنا على صوب ودخلوا حور وخديجة وريم وسارة لانهم روحوا .. قمت وحظنت حور : اشتقت لج وايد حور : فديتج قلبج انا قعدتها عدالي : شحالج حبيبتي ؟ حور : الحمدلله وانتي ؟ : انننا الله يعلم بحالي حور : شوصاير ؟ تقربت ريم وسارة لانهم راحوا يسلمون قعدنا كلنا نسولف وارتحت شوي لاني كنت احس بضيج .. . . . ترنن ترنن ترنن ترنن .. زايد بحزن : ألوو خليفة : صح كلامك وانت تقول انهها شيختهم وانها احسنهم طلعت بريئة ومالها خص في السالفه وكل هذي طلعت سوالف سلمى ودلال جفت انه الرسايل كلها واصله بعد صلاة المغرب زايد : انت شو تقول ؟ بعد ما عمي ضربهها يعني للمرة الثانيه ؟ خليفة : هذا كل اللي صار وتعال نترياك انت وحمدان زايد : ما اقدر اييكم حمدان بيي خليفة : مب على كيفك انت بتتي وحمدان وياك وسرعه وسكر الفون نزل راسه .. حمدان : شو صار ؟ زايد : ما يخصها في السالفه كله من سلموه واللي وياها حمدان : لا حول وبعدين وياهم زايد : ابوها للمره الثانيه يضربها جدامهم وهي ما يخصها حمدان قام وقومه : يلا نروح ما نبا نطول عليهم ورمسها باجر في المللجة . . . ام طلال زقرتني ورحت قعدت عدالها : هلا خالو ام طلال : الحين انتي شو تبين في زايد طلال احسن منه وما بيقصر فيج : ما عليه خالو الدنيا نصيب ومكتوب للي اني اخذ زايد ام طلال : ارفضيه حبيبتي وانا اوعدج باجر بنييكم : لا خالو انا أبا زايد وطلال الله بيسعده ام طلال : كيفج عاد بس بتندمين انج ما خذتي طلال قمت : ما عليه خالو انا الحين بروح عند البنات يدوه تأشر لسميه تروح ترمس الخدامات ييبون القهوة والجاهي سميه راحت ما جفت حد من الخدامات طلعت من باب المطبخ اللي يطلع برع ما جافت حد يات تبا تدخل مسك ايدها وقربها منه.. ...: شحالها الحلو سميه عضت شفايفها وغمضت عيونها ...: لا تخافي محد بيجوفنا بس حبييت اجوف الحلو سميه : بعد لا اصارخ وكلهم يجتمعون هني ...: حبيبي وايد ضحكتيني وانا بجذب عليهم وبقولهم انج انتي اللي يتيني سميه : شو تبا ؟ وانت اصلن منو ...: انتي فتحي عيونج وعقب بقولج انا منو ... بصراخ : طططلااالل طلال بعد عنها : نعمم يا البطل عمر عمر : بعد عنها طلال مسك ايدها وقربها صوبه وصار ظهرها في حظنه : يالله يا بطل راوينا جشاعتك عمر قرب ومسك ايده ودورها *عواها* وسحبها بإيده الثانيه : اقلب ويهك لا افضحك طلال يتألم : ما عليه الأيام بيننا يا بطل هه عمر سميه كانت منهاره من الصياح وترتجف وعمر توهق شو يسوي دقيقه من دون ما يحس قربها لحظنه بقوة ، سميه حست براحه حست بأمان شوي دقايق وبعد عمر بهدوء وراح عنها .. . . . ام زايد قربت صوبي وقاموا البنات : شحالج امايه ؟ اتصنع الابتسامه : الحمدلله عموه بخير ام زايد : ما يبين عليج احسج تعبانة : لا تخافين عموه لانني قايمه الصبح وما رقدت ام زايد : هي فديتج ارقدي عدل : ان شاء الله ام زايد : جهزتي لباجر ما ناقص شي ؟ : لا عموه انا جاهزة ام زايد : عيل ليش ما تحنيتي : ممم انشغلت ام زايد : ماعليه بتتحنين عقب : ان شاء الله ام زايد : ف ميلس الحريم في حد ؟ : لا محد كلهم قاعدين هني ام زايد قامت ومسكت ايدي : عيل تعالي وياي ارتجفت ومشيت وياها ودخلنا وقعدت ترمسني وتوصيني على زايد وانا احمريت وهي تضحك وشوي ودخلوا ريم وحور وقعدوا يزيدون من الرمسه عن زايد طلعت ام زايد وحور وريم يضحكون وانا اطالعهم ومستغربه .. ريم : حسينا انج ممستحيه من رمسه امايا الله يهديها : جب انزين حور : بقولج عن زايد اذا عصب لا تقربين صوبه ولا تحاولين انج ترمسينه مر الوقت بسرعه وكل واحد رجع بيتهم الا احنا وعمومي وانا رحت فوق سرعه ودخلت الغرفه وسكرت الباب جفت سميه كانت موجوده وتصيح تقربت صوبها وهي من جافتني حظنتني وزاد صياحها قعدت اهديها وماكنت أبا اغصبها انها ترمس ربع ساعه وهي بروحها رمست انصدمت من طلال وامه تقولي بعد خذيه وبتندمين مالت علييهم ، قومتها وانسدحنا ونامت وهي فحظني . . . . يوم الجمعه نورة : قومي سرعه خليفة تحت بيودينا : مابا خخليه يروح نورة : لا تستهبلين قومي كلهم راحوا : لا تجذبين سلامه ما روحت انا بروح وياها شمه : سلامة راححت تبا تخلص مب مثلج الحين بيأذن العصر وانتي بعدج راقدة : ما يخصكم فيني انتو روحوا ولا تتأخرون وتجهزوا سليمه : يعني احنا نكشخ والعروس هنني راقدة : افففف لا تتحرطمون وايد قلت مع خليفة مب رايحه مكان صالحة : يعني انتي زعلانه من خليفة : انا ما قلت زعلانه بس خله شوي يتأدب ويعرف انني متربيه مب لووث شيخة: انزين هو كان ف صدمه يعني انه يجوف بعيونه : اففف خلاص سكتتوا دخلت ريموه وهي معصبه وتقربت وباست خدي وقعدت عدالي .. قرصت خدها : بلاه الحلو زعلان نورة : يعني احننا مالنا رب ما تحبينا ريم : انتي جب بخبر عليج بابا سكتي ما احبج : شوفيج ؟ ريم : هذا الحيوانين رشود وهزاعوه يضاربوني : خليهم يولون انتي شو تبي فيهم ؟ ريم : انا اترياكم وهم يضاربوني تقربت من اذنها وهمست لها قالت : اوكك خالو نورة : شو قلتي حققها : صبروا اذا ياتت بتقولكم قامووا البنات يعدلون اغراضي لانني قاعدة ومب راضيه اسوي شي.. دقايق ودخلت ريموه : خالو رشود يقول هو ياي مع هزاع يعني اذا بتروحي وياهم تعالي ولا تتأخري ويقول هزاع بروحش بس انا وياش نورة تصارخ : يعني بتروحي وياهم وخليفة من ساعه يتريانا : خلاص نوير راسي مصدع لا تصارخين وبعدين هم ما شككوا فيني وما رمسوا لاننهم واثقين في تربيه يدي مب مثل ابوي وخلوف ويدوه شمه : مواز انتي وايد تغيرتي : صح قمت اتغير لانه كل شي صار عندهم غصب وانا طيبتي ما بتنفعني وبعدين انا تعبت تعرفي انا كاتمة ل ما انفججرت ومن انفجرت تغيرت قمت ودخلت الحمام سبحت على السريع وبدلت وطلعت لبست عبايتي وخذت شنطتي الصغيرة حطيت فيها فوناتي والجرج وطلعت وهم قاعدين بصدمه ، نزلت تحت جفت خليفة وراشد وهزاع يسولفون من جافووني قربوا .. خليفة : مواز انا كنت اترياج من ساعه وكنت بطرش البنات مع راشد وهزاع : خليفة لا تخاف انا ما ازعل من حد وسكر السالفه ومابا اسمعها وبعدين البنات بيروحون وياك انا بروح مع راشد وهزاع خليفة : بس احس انج زعلانه وما تبني ترمسيني : والله مب زعلانه من حد بس انصدمت وانا اجوفك انت ويدوه تشكون فيني الكل سككت اما ابوي توقعت منه يذبحني بعد خليفة : لا تزعلين وتتضايجين انا جفت بعيوني وكنت بصدمه مسحت دموعي : خليفة والله مافيني شي بس شوي أبا ارتاح ولا تتطرون السالفه خليفة : ترا باجر الصبح طيارتي قعدت اصيح قرب صوبي وحظنني رصيت عليه والله اشتقت له ولحظنه هذا الغالي هذا اخوي وحبيبي .. خليفة : بعدج زعلانه : لاا خليفة : حلفي وانا ادري انج ما بتجذبي ابتسمت : والله مب زعلانه خليفة : بتروحين وياي هزاع : لا لا انا اباهها في سالفه خليفة: شو تبا في اختي ؟ هزاع : بقولها سالفه : يالله نركب ياني فضول أبا اعرف السالفه خليفة : من يومج ملقووفه اقولكم انزين لا تتأخرون لاننها للحين ما سوت شي واليوم بيجوفها تنرفزت ممن الطاري : انزين يلا نروح خليفة قرص خخدي : يلا روححي : جرب تعيدها مرة ثانيه راشد : يالله ابوي احنا من ساعه نتريا العروس تقوم لا تتأخرين سلومه تقول الصالون في بيتكم : يلا انزين نروح رككبنا السيارة والبنات ركبوا مع خخليفة وريموه ركبت ويانا هزاع : بنت عمي منو اللي كانت وياكم ذاك اليوم : أي يوم ؟ هزاع : يوم الاثنين منو كان في بيتكم ؟ : البنات هزاع : منو الغوي اللي طلعت تفتح الباب : ما ادري انا كنت في الغرفه هزاع : انزين في حد كان وياكم غير بنات العم : هزاع لوين تبا توصل ؟ هزاع : انا جفت وحدة وعيبتني : كنا احنا البنات وخوات محمد هزاع : انزين منو شو اسمهم ؟ : اصيلة وشمسة هزاع : أتوقع شمسه : بس شمسه بعدها تدرس في الجامعه راشد : اصيله تشتغل ؟ : لا يعني انا اقصد اصيله تدرس ثالث ثنوي اما شمسه تدرس في الجامعه ريم : انتو ترمثون عن منو ؟ راشد : انت شو سالفتج ترمسين زين عقب تقلبين رمسه الخدامة اذا بترمس نفس رمستنا انا وهزاع : ههههههههههههههههههههههههه ريم عصبت : اكيد الخدامة حرمتك وبعدين انت شو يخصك خالو ثوفيه راشد : والله انها تجوفني : حرام رشود هي يعني قامت تعدل رمستها بس يعني بعدها ما اتقنتها صح راشد : زين انتي الحين ف الحضانه ؟ ريم : لا السنه اليايه بلوح الحضانه راشد : الله يعينها ابلتج ععيل ريم : انا بأدبها اذا ما سمعت كلامي هزاع: لحظة لحظة منو اللي لازم يسمع كلام الثاني ريم : ما على كيفها راشد : عيل كيفج بنت حمود ريم : بخبر عليك بابا راشد : روحي خبري يعني انا بخاف من حمود ريم : انزين انت ليث تغير الثالفه عن منو كنتو ترمسون ؟ هزاع : خخيبه انتي ما تنسي وبعدين انتي ليش يايبتنها تدرين انها بتفضحني : هههههه يالله عاد احنا وين عايشين اطلع بروحي مع عيال عممي ولا تقولون ماشي ثققه والله الكل واثق فيكم واكبرهم خلوف واثق ولا مابيرضى وانا ما كنت ادري انه هذي سالفتكم هزاع : جب انتي يالحيوانه الحين بتخبر الككل قربت من ريم وهمست لها وهي ابتسمت : اوك ما بخبر حد راشد : شوقلتي لها ؟ : مايخصكم بيني انا وريموه هزاع : اهم شي ما بتخبر : انزين رشود عادي تمر الشيشه هزاع : بنت عمي متى تبي توصلين البيت وهذي الشيشه زحمه اللي بعدها بوديج : لا تجذب علي بعدها ما شي شيشه على طول بتدخل فريجننا وانا عادي بتخلص سرعه ما بسوي وايد راشد: ان شاء الله بنت عمي ومروا الشيشه نزلنا راشد وهزاع ريموه مخبله فيهم وعاد هي قزمه وما توصل لفوق وهم ييبون لها وخذت الشيشه كلها انا رحت صوب الايس كريم وخذت لي وللبنات وخذت زيادة لخوات محمد وخذت زيادة احتياط ادريبهم بنات عمي مضايجين منني مع انني ما سويت شي وخذت ردبول و رحت صوب ريموه واجوف السله اللي بييد راشد وهزاع ينزل لها الحلاوة سحبتها ورحنا وقفنا شوي بعيد وراحوا يحاسبون لانه وايد كان زحمه راشد اشر لي انني اتقرب منهم لاننه جاف شباب ججريب منا وهزاع يشهق يوم يجوف الحساب يزيد ، ابتعدنا شوي عنهم رفعت ريم وقعدتها فوق الطاوله اللي فيها كروسون وصمون ريم همست : خالو أبا عصير همبه : من عيوني كنت بروح لكن زقرني هزاع واشر لي اقرب صوبهم وهمس : لا تروحين بعيد شباب وايد واذا تبي شي قولي لهذي بتييب لج : انزين ، رمستها قلت أبا مانجو جوز ريم تصارخ : خالو انا مابا مانجو انا أبا همبه همبه كل اللي في الشيشه قعدوا يضحكون عليها وانا من الفشله : حبيبي تراه هو مانجو ريم : انتي ما تعرفي انا برمسها : تعالي يعني كأنها بتفهم لج انج تبين عصير همبه ريم راحت صوبها : انتي اييهه ييبي لي عصير همبه عاد هي ما فهمت لهاقرب منها هزاع وشلها ورفعها فوق وهي تصارخ ريم : والله ان طلعتي برع بتفل في ويهكك انا صديت الصوب الثاني مفتشله منها وراشد قاعد يحاسب وكانه ما يعرفنا وهو يبا ينقع ضحك لانه يدري انه هزاع مفتشل منها ، قربت منه وشليتها وهمست وعلى طول سكتت وهزاع يأشر لها ماعليه دواج عندي بعدين وههي تضحك وتقول : هزاعوه ليش تأشر انا ما افهم عليك ، خذوا الاكياس وطلعنا برع وراشد يضحك ركبنا السيارة وهزاع شلها عني وقعدها فوقه انا قاعدة ورا وراشد يسوق وهزاع عداله .. هزاع : يحيوانه فضحتيني جدامهم انا براويج في البيت ريم : هزاع انا ما سويت شي اول شي خالو تقول لها اونه مانجو وانا أبا همبه بس طلعت تفهم وبعدين انت كنت بتطلعني برع واعرف انه رشود بياخذ شي زيادة هو وخالو ولازم اخذ نفسهم وبعد انت تأشر علي وانا ما فهمت يعني راشد : انتي وايد ترمسين سكتي خليني اسوق ومن أوصل بعطيج طراقق يحيوانه انتي رايحه شيشه ابوج تاخذين كل هذا : رشود كم خخذت بردها لك ؟ راشد : سري لاهه شو تردينها بنت عمي : انزين قول كم خذت راشد : 173 ريم : خخيبه انا خذت كذا اصلن انتو خذتوا بعد وتنازعوني هزاع : انا بس خذت ردبول اثنين لي ولراشد ريم : وبعد خالو خذت أيس كريم لها وللبنات راشد : انزين بس آيس كريم ليش هو بمميه ؟ ريم : انزين هي بعد خذت ريدول هزاع يضحك : ححسبي الله ههههههههههههه شو ريدول راشد : بنت عمي تشربين رد بول ؟ ريم : هي رشود وايد تشربه هي وانا اقولها أبا اشرب تقول مب ذين هزاع : طلعيه سرعه بسررعه : هزاع والله كان بخاطري فيهه هزاع : ماشي يلا ولا واحد تشربين : يعني انتو تشربونه عادي وانا لاء راشد : مب زين للبنات هزاع : بحلف والله ان جفتج تشربينه بتجوفين سمعتي : انزين آخر مرة راشد : ادريبج بنت عمي تسمعين الرمسه وتراه مب زين واحنا نهزبج عشان مصلتحج هزاع : اصلن زايد لو يدري بيذبحج احان جافنا في المزرعه نشرب هزبنا واحنا أولاد يعني : عيل خلوني اشرب قبل لا انحرم منه هزاع : يالله ما عليه بس واحد اليوم راشد : منو ف بيتكم ؟ وايد سيايير ؟ : اححلف ! راشد : جوفي بعيونج بعد : اخيييه اكيد ناس داخل هزاع قاطعني : يعني منو بيكون حيوانات داخل : جب انزين ككيف انزل لهم جي ريم : والله خالو انتي ذمميلة راشد : عاد شو نسوي بخالتج مب راضيه تصدق هزاع : لو خالتج مب جميلة زايد ما بيخطبها : ججب انتو وبعدين كيف انزل افففف يعني لازم امايه تخخبرني هزاع : ادخلي من الباب اللي ورا : في أخاف يكون باب الصاله مفتوح راشد : انزين تععدلي وخلصيننا : صبروا شوي ، اتصلت في الخدامة وقلت لها تسكر باب الصاله لانني بدخل من ورا ونزلت عنهم وريموه تصارخ رجعت لها : نعمم ليش تصارخين ؟ ريم : خالو وايد أكياس منو بيشلهم خذت عنها ثلاث أكياس وهي خذت كيسه وطبعا الكياس من الكبار ، دخلنا الباب الخلفي وتأكدت انه الباب مسكر وصعدت فوق بسرعه دخلت غرفه سلامه وجفتهم كلهم قاعدين : بنتج تعبتني بالاكياس سلامة : شو داخل ؟ طلعت من كيسي آيس كريم ووزعت عليهم : الله يسلمج خفت انه البنات زعلوا وقلت بمر الشيشه اخذ آيس كريم لنا مرينا ووبنتج قاصه عليهم راشد ماسك السله وهزاع ينزل لها لانها قزمه فلسته طلع الحساب 173 سلامة : خخيبه ، وتطالع ريم : مب عيب وقلتي لهم شكرا ؟ ريم : هي ماما قلت : اقولكم منو تحت ؟ سلامة : ربع ابوي من العين وخوات امايه وحرمت خالي من قطر وعيالها وأهلها والجيران كلهم في بيتنا : خخخيبه شو يايبنهم عاد انا ما احب جي سلامة : عاد انتي تدرين انه امايه لازم تعزمهم كلهم سليمه : انا بنزل يمكن وحده تخطبني لولدها : قلتها قبل والحين ندممت شمه : خلاص يالله عاد بلا ضيج اليوم ملجتج انسي انج مغصوبه وتخيلي انه كله صار برضاج سلامة اشرت لهم يطلعون وقعدت انا وياها وقلت : لا توصيني على زايد تراني مليت يعني شو خايفين منني اذبحه انا مب مينونه سلامة : منو قال جي ؟ انا بقولج نفس رمستج لي قبل الملجة تذكري لما كنت بموت ومابا : أتذكر كل شي بس ما توقعت انه بيصير لي انا بعد سلامة : اليوم ملجتج وكل بنت تفرح وتطير من الفرحه وبعدين مثل ماقالت شمه انسي انج مغصوبه انتي ف حياتج ما حبيتي وانا ادري عطيه فرصه ججربي تراه هو ما يخصه امه وابوه هم اللي خطبوا له : ان شاء الله وبحاول دخلوا الفلبينيات مال الصالونة ووراهم البنات صرخت عليهم : روحوا الصاله هناك بتعدلكم ، طلعوا وانا طلعت وياهم هم راحوا الصاله اللي فوق وانا رحت غرفتي دخلت وقفلت الباب دخلت تسبحت وحسيت براحه شوي طلعت فستان من عند البنات هم ماخذين لي فديتهم خليته على الشبريه وطلعت طقم ألماس من عند امايه وطلعت الكعب رتبتهم كلهم فوق الشبريه وصورتهم حطيتها على الانستقرام وبيبي ام جفتهم وايدين قعدوا يياركون لي تعايزت افتح وارد عليهم فريت فوني وانا اطالع الفستان واتخيل هذا اليوم رنن الفون طنشته عقب ما رضى يسكت رحت ورديت بعصبيه : نعم ؟ .....: بلاها العروس معصبه ؟ خفت : انت منو ؟ .....: الله يعلم وحبيت اسلم عليج وابارك بج وعقبال ما نجوف عيالج ارتجف: انت منو ؟ .... بحزن : بس مابا حد يدري بإتصالي لج : قول ....: انا حميد : ومنو تكون حميد؟ حميد : هدي مواز اليوم انتي عروس ومانبا نضايقبج : قولي انت منو وخلصني حميد بحزن وبضيج حسيت من رمسته كأنه مهموم وبكثير بعد : ألف مبروك يا حبي الأول والأخير ومثل ما يقولون لو راحوا عند غيركم تمنوا لهم السعاده والله يهنيج ويفرحج وعقبال ما اجوف عيابج لا تسألين انا من أكون لانني ما بقولج المهم ما نبا نأخرج روحي تكشخي لريلجج والله يهنيج : حميد انت منو ؟ حميد : انسان عشقج من كنتي وصغيرة وللحين يعشقج وبيحضر ملكتج مع انسان ثاني : بسس ...... حميد : خلاص مواز الله يهينج وبكون من الموجودين ان شاء الله والله يسعدج مع زايد مابا حد يدري بإتصالي وفمان الله سكرت وانا خايفه ما احب انحط في هذي المواقف وقعدت افكر منو هو شدراه فيني ، نوير قلبت ام علايه عند الباب وهي تدق فتححت الباب من ازعاجها .. نورة : شكلي حلو صحح ؟ كانت جميلة حبيت شكلها واشكال البنات كلهم دخلوا الغرف يتبدلون زقرتني سلامه : يلا احنا خلصنا تعالي دورج ، قربت منهم وقعدت على الكرسي تقربت مني ريم وقعدتها فوقي وهي مضايجه قلت: بلاها الحلوة ريم تدمع : محد راضي يسوي شعري كلهم خلصوا الا انا مسحت دموعها وبستها على خدها : فديتج انتي انا بخليهم غصبن عنهم يعدلونج قالت لي الفلبينية كيف تبين شعرج ولااحنا نسوي لج ، قلت لها شو أبا وهي منصدمة لانني اخترت شي رقيقق وايد سمبل ، زقرت وحدة فاضية وقلت لها تعدل ريموه وبدت فينا وريموه طايرة من الوناسه ، خلصت وقلت لها بس ترسم عيوني مابا شي حطيت روج احمر هادي لا فاتح ولا غامج دخلت غرفتي جفتهم كلهم قاعدين الكل انصدم كيف جي مسويه انا .. نورة : تبين طراق ولا ككف انتي عروس شو هذذا سميه : احنا الاغبياء خليناج بروحج : ياخي كيفي انا أبا جي وبعدين حلو صح ؟ سميه : انتي عروس ملجتج اليوم ريلج بيجوفج جي متعدله ليش ؟ شمه : تدرين حالج من حال الضيوف صارخت : طلعوا برعع محد له خص فيني برععععععع كلهم طلعوا وانا لبست فستاني من دون نفس ولبست الكعب وقفت جدام الجامه وانا اجوف شكلي ف خاطري : افف شو هذيل البنات كله يحبطوني والله احس الشي حلو يعني أكون سمبل اصلنن ما يهمني رايهم ملجتي وكيفي ، هه ضحكتيني يا مواز ومب جنه مغصوبه بس ما عليه بنعطيه فرصه شرات ما قالت سلامه ، قلت لها ترفع شعري كله فوق ويكون بسيط ورفضت اسوي شي فوق يعني كأنها بس تلفه بس بطريقه حلوه وكنت بس راسمه عيوني وفستاني وايد حبيته كان من فوق كله فصوص ويلمع ل بطني عقب قطعه ساده سوده لتحت والكعب كان كله فصوص وحطيت شرات الربطه على شعري ودخلت امايه وقعدت تقرا علي وشوي دخلت ام زايد وتسولف دخلوا البنات يستهبلون وام زايد تهزبهم سلامة دخلت : العروس يتريونج تحت : مابا ام زايد مسكت ايدي وقومتني ونزلت تحت وقفت صوب الصاله وكانوا البنات داخل ووايدين واكثرهم ما عرفتهم طلعت ام زايد ولبستني سلامة العباه والغشوة انها تغطي شعري وويهي كامل ، طلعنا وكانوا كل البنات متغطيات لانه مرينا على جدام ميلس الرياييل ، كانت عيون تطالعني وانا ما حسيت فيها طلعنا برع البيت ويعني يكون فويهنا باب الخيمة فصخت عبايتي وشيلتي دخلت على زفه وانا ارتجف ابتعدوا البنات عشان اطلع بروحي في التصوير مشيت وانا اطالع يمين ويسار ، الحريم قاموا يرمسون ليش جي متعدله ؟ ورمسه الحريم ما تخلص حسيت انه الكوشه بعيييده وحسيت انني وايد مشيت وأخيرا وصلت ووقفت شوي وعقب قعدت ، تقربوا الحريم وسلموا بس اللي صدمتني سلمى يايه تسلم وكانت لابسه فستان لفوق ركبتها وكان ازرق فاتح وشفافف جي على شكل خيوط وتحته قطعه بيضه انصدمت منها سلمت عليها ببرود وراحت وقاموا البنات يرقصون.. . . . اتمنى اجوف ردودكم هذا اللي يخليني اتحمس للتكمله .. |
نايسس باارتت احلاا شي انهم درو عن سالفه سلمى و دلال ، كرهتهمم هايييلاا و احسهم بيحاولو يخربو بين موازز و زاييد ف انتظارر البارتت الياي |
السلام عليكم , شحالكم ؟ مروك عليكم شهر رمضان , حبيت اقولكم انه تنزيل البارت بيكون كل اسبوع يعني انا ما ادري أي يوم على حسب الظروف , وانا ما بشغلكم ولا بشغل نفسي عن قرايه القرآن وكثرة العبادات , واتمنى اجوف ردود اكثر وتعليقاتكم , وفمان الله |
| الساعة الآن 06:09 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir