|
السلام عليج كاتبتنا اشحالج تسلم اناملج علي هذا البارت الجنان و الابداع توقعاتي -شرايكم ب شخصيه خولة ؟ وهل حبيتوها او لا؟ خولة شخصيتها حلوة انسانة طيبة بس شي طبيعي تغاااار علي حبيبها نعم نعم انا بصارحة حبيتها -شرايكم ب شخصية شما ؟ وشو تتوقعون سالفتها او الشي الي خلاها تسافر؟ اممم تكسر الخاطر بس بس شخصيتها قوية بس مرات تضعف الشي الي خلاهاا تسافر يمكن مرضت او ما استحملت العيشة ويا ابوها -بو حميد هل حبيتوه او لا ؟ وهل في وراه سالفه او شخصيه عادية ف الرواية ؟ لا ما حبيتته اول مرة اشوف ابووووه ما يخاف علي عياله و مخلنهم فررري احس في شي في السالفة خلاه جي يصير -وفهد شو بيصير بينه وبين خولة ؟ وخصوصا هم بروحهم ف السويت .. ان شاء الله ما يصير شي بينهم غير انه ايكلمها في الموضوغ و يكلمها عن موضوع ابوه - واحلام وحمده حبيتوهم او لا .. حليلهم هايل علي نياتهم و طيبين وحبوبين و انا حبيتهم - تتوقعون ميثا بتعرف شو صاير ف البيت او لا ؟ وانه فهد انطرد بسببها واذا عرفت هل بترضى على الي سواه عمها ولا بتزعل عليه .هيه اضن عمها بيخبرها بس طبعا ما بترضي علي الي سواااه عمها حق فهد و بتزعل عليه و نتريااااج و لا تطولين علينااااا |
اقتباس:
توقعات جميلة حبيبتي وانشالله بتعرفين كل شي في البارتات اليايه .. امممم احس بتغيرين رايج لو عرفتي منو هو .. بحاول انزلة على الاحد او الاثنين .. اختج .. يتيمة حبيبي .. اقتباس:
تسلمين غناتي .. عيونج الي تقرا البارت طبعا احلى واناملج الي تعلق هي احلى و احلى .. انشالله بنزلة ع الاحد او الاثنين .. اختج .. يتيمة حبيبي .. اقتباس:
تمام الحمدلله .. يسلمج ربي حبوبا .. تسلمين عزيزتي على توقعاتج الجميلة وانشالله كل شي بيتوضح لج ف البارتات اليايه .. انشالله الغناه .. اختج .. يتيمة حبيبي .. |
اهلين حبايبي .. شحالكم .. عموما وصلتني رسايل ف الخاص عن اني بطلع السبت ويا الحب بصراحه يعني ردود ما توقعتها محد يمزح ولا شالسالفة .. على العموم ترا فهد اخوي ومب عيب لو كنت احب اخوي ولا تحكمون على الناس وانتو ما تعرفون شو السالفة يعني حتى وصلني انه انا خولة ههههه يعني لهدرجة ترا الرواية خياااال ومافيها شي حقيقي يا دوب كم موقف صار وياي .. المهم اشبعتو فضولكم وعرفتو منو فهودي ترا ابد ما حبيت الموقف ولله تضايقت وايد انه انتو ماخذين عني فكرة خايسة ترا مب يعني انا من دبي يعني انا وحدة صايعه واهلي ماعرفو يربوني ترا في وايد بنات من دبي زينات ومحترمات على العموم كلن وتربيتة و وجهة نظرا وانا احترم ارائكم كلكم لكن بدون قلة ادب رجاءا يعني لو انتو ماترضون حد يغلط عليكم ترا انا بعد مثلكم.. اختكم .. يتيمة حبيبي .. |
*البارت الخامس* العتب ما ينكتب يجي على هيئة جفا .. في فندق ارماني .. طلع بعد ما فجر قنابلة و وراه حرسه وبعدها ب نص ساعة طلعت شما وهي متردده تخاف تجوف ناس يذكرونها بالماضي شما : هاي السيكورتي: هلو بيوتيفل ابتسمت شما: كان اي هاف درايفر السكيورتي: يس افكورس ناو ذا هوتيل كار ول كام شما: اوكي اي ول ويت ات ذا لوبي السكيورتي: اوكي بيوتيفل ******** ونروح فندق ميراج دخل فهد السويت هو وخولة خولة: حبيبي روح اسبح وانا برتب اغراضك فهد: زين تسوين دخل فهد سبح وبدل وطلع من الحمام جاف خولة قاعده تحط الاكل الي طلبتا من السيرفس ابتسم لها ردت ابتسمت له راح عند الجاما وجاف شكلا وتمشط وتعطر وراح قعد على الطاولة ويا خولة فهد: يووووعان خولة: يبان عليك حبيبي كل بالعافية فهد: الله يعافيج فجت خولة الصحون وغمض فهد عينا: يميييي ريحتا شهيا خولة: ههههه كل حبيبي كل قعد فهد ياكل رفع جافها تطالعا وما تاكل: بلاج حبيبي ما تاكلين خولة وهي تنزل راسها: الحمدلله شبعانة فهد نزلت الملعقة من ايده ورفع راسها: حبيبي صاير شي خولة وعيونها مليانة دموع: فهد لا تروح عني ما اتحمل حياتي بدونك انسدت نفس فهد عن الاكل وعقد حياته: منو قال اني بخليج لو يموتون ما اتزوج او اروح عند غيرج ابتسمت خولة: انا اسف حبيبي لهيتك عن الاكل فهد وهو يبتسم: لا اصلا انا شبعت خولة: يلا فهد كل شو بعد شبعت فهد: لا عقب بنطلع وانا مستحيل ما اشتري شي خل اخلي مكان حق الاكل الباقي خولة: هههه اوكي يلا عيل نطلع ولا بتنام شوي فهد: لا خل نطلع احسن خولة: اوكي بس خل اجهزلك كم شي عقب بتقعد بروحك ما بتعرف تتصرف فهد وهو يحس بامتنان حق الانسانا الي جداما: ماله داعي خولة خولة: فهد لا تطالعني جي وشلت الاكل من الطاولة خذتا المطبخ وتمت تجهز الاغراض وتعدل طلعت الصالة جافت التي في يشتغل وفهد منسدح ع بطنا وفاصخ قميصا ونايم خولة: فهد حبيبي يلا قوم جافتا ما تحرك سكرت التي في وقعدت عدالا وقعدت تلعب بشعرا وهو ما تحرك من التعب خلتا شوي نايم وبعدين رجعت تقوما: حبيبي يلا قوم نمت وايد اشتقتلك فهد تم مثل ما هو ماتحرك خافت عليه خولا بلاا مب قاعده يتحرك تمت تهزه اقوى من المرا الي قبلها وعلت صوتها فهد بلاك يلا قوم بسك نوم عقد فهد حياته وفتح عينه شوي شوي: بلاج خولة شصاير خولة وهي يبين انها ارتحات يوم فتح عينه: خرعتني الله يهديك قاعده اقومك ما ترد علي فهد وهو يرتفع ع فوق: انتي الي خرعتيني تعباان ولله خولة: سوري حبيبي بتنام فهد: لا خلاص بقوم خل نطلع خولة: اوكي التفت فهد: وين قميصي كنت حاطنا هني خولة: وديته الغرفة فهد: اوكي يلا بروح اتغسل وبلبس وبنطلع هزت هند راسها وقعدت ع فونها لين ما يخلص فهد بعد ربع ساعة طلع فهد من الغرفة: طولت خولة: لا حبيبي خذ راحتك راح فهد صوبها وهي وقفت ابتسمت له مارد الابتسامه اخترعت خولة فهد يمشي صوبها وهي ترد ع ورا بخوف: بلاك فهد فهد ساكت ويمشي وهي ترد ع ورا لين ما لصقت ف اليدار قرب من عندها بيبوسها دزته: فهههههد فهد وجنه استوعب شو قاعد يصير: سوووري خولة ولله ماكنت ف وعيي خولة: حصل خير يلا نطلع فهد: يلا يلا طلعو فهد وخولة من الفندق وركبو سيارة فهد وانطلقووو ************** *بعد مرور اسبوع* العايلة عرفو انه فهد مسافر بو زايد كلم بو سعود "بو ميثا" انه يبون ميثا حق فهد شما رجعت بيت ابوها سيف ف حيرا اكثر من قبل عن البنت الي قالولا عنها بنات اخوانه ميثا قلت زياراتها حق بيت عمها >> بعدها ماتعرف عن الخطبا ريم وشيخة كل يوم يكلمون فهد حمدان كلم فهد وقاله انه يعذرهم وكل شي قاعد يصير غصبن عنهم فهد قاعد ف شقته ومهوم يذكر اخر لقاء كان بينه وبين خولة وكلاماتها تتردد في باله في مكان وايد بعد عن مدينة دبي كان فهد وخولة وقفين مجابلين بعض خولة: انزين واحين شو صار فهد: ماعرف خولة بس هو قالي لا انتا ولدي ولا اعرفك اذا ما تزوجتها و اكيد بيخطبها بعلمي او لا ما يهما ابوي واعرفا بيحطني ف الامر الواقع خولة: ليش فهد ليش فهد: مادري خولة لا تساليني عن شي انا مثلج كل شي صار جك بوم ما كنت اعرف بعد 5 دقايق من الصمت همست خولة: فهد روح عند ابوك انا مب من نصيبك فهد: شو هاي الرمسا خولة خولة: اهم شي رضا الوالدين فهد: توقعت كل الناس بتوقف وياه الا انتي خولة عمري ما توقعت انج بتتخلين عني خولة ودموعها تنزل : غصبن عني فهد ولله كل شي نصيب في الدنيا فهد: الحين صار نصيب ليش ما قلتيلي من قبل عشان ما اتعلق فيج واحبج خولة: خلاص فهد خلني وروح فهد: كيف اخليج والمكان هني ظلام وفي مقطعا مافي ولا ضو واحد خولة: خلاص ماباك روح روح عند ميثا روح عند ابوك روح عند اهلك انا مب لك انا لي الله مب فهد لي فهد وهو يسحبها له باقوى ما عنده وحضنها قعدت تقاوم وهو يرص لين ما استسلمت صعب شعور الفراق تفارق شخص عشت وياه دنيتك كلها عشت وياه الحلوا والمرا كنتو تمزحون تسولفون تقضون اغلب وقتكم ويا بعض بس هاي حقارة الزمن يفرق الحبايب عن بعض يفرق الام عن ولدها والابو عن عياله والاهل عن اهلهم وناسهم والريال عن زوجتة والاخو عن اخوه بس ف الاخير ما يصير الا الي الله يباه لازم نتفائل عشان نحصل كل شي حلو كل شي نتمانه وما بعد الصبر الا الفرج و الله ياخذ شي حلو ويعطينا بداله اشيا حلوه وعا فهد من ذكراه على صوت الفون رفعا جاف ريم فهد: هلا ريم ريم: هلا فهد شحالك فهد: بخير وانتي ريم: انا بخير فهد: ريم تعبان شوي وبسويلج ريم: اممم فهد فهد: بلاج ريم: ابوي يباك فهد: منو ؟ ابوي !! شو يبا فيني ريم: جوفا ماعرف فهد: لا ريم مابا ريم: عشاني فهد هو قالي اتصليلاا ما يصير ما تكلما فهد: يصير قلت كلمهتي وخلاص بو زايد: فهد فهد: ................ بو زايد: رد قاعد اكلمك فهد: ..................... بو زايد: زعلان فهد:.............. بو زايد: اظن وصلك خبر اني خطبتلك ميثا صحيح واباك ترد البيت لانه بنروح نخطبها رسمي باجر فهد: لا ولله بعدك مصر يعني بو زايد: انا قلت كلمتي واترياك اليوم ف البيت ولله يا فهد وانا حلفت لو ما جفتك ف البيت لا انت ولدي ولا اعرفك وانسا اهلك كلهم وخواتك اذا ما سمعت كلامي وذنب امك ف رقبتك فهد بقهر: مب ذنب حد ف رقبتي ذنبي انا ف رقبتكم الله لا يسامحك صدقني مابسامح حد ع الشي الي قاعدين تسونا فيني وانا بيي اليوم وبروح عند اخوك وبخطب بنتا بس لو ما عامتلها زين محد يلومني اوكي بو زايد: عن الرمسا الفاضيا هاي واترياك اليوم سكر فهد الفون بقهر وفراه ع الطاولة الي جدامه قعد يستعيد لما ريم اتصلتلا وهي تصيح لانها بتفقد اخوها ريم: فهد الحق علينا فهد فز: بلاج ريم شصاير ريم: فهد ابوي اليوم كلم عمي فهد نحن حاولنا نمنعا بس ما رضى فهد: خييير باي ريم باي انا احين ياي بوقف هاي المهزلا ريم: لا فهد الله يخليك لا اتي بيعصب فهد: خل يعصب مب ع حسابي تصير سعادته ريم: فهد خلاص انت هدي احين معصب مب قاعد تفكر صح لما تهدي بكلمك فهد: باي باي رجع فهد لواقعا وهو مهموم اليوم لازم يرد بيت ابوه البيت الي عاش فيه اجمل لحظات حياته بس بقرار من ابوه هدم كل شي بس هو بيصبر و بيجوف شو اخرتها قام بيتصل حق خولة بس فر الفون وشغل التي في يتسلا شوي بدال الملل الي عايشنا شوي وسمع فونه يرن فهد بملل: الو ريم: فهد صدق بترجع اليوم فهد: للاسف صدق ريم بفرحه: احبك فهد احبك يلا تعال بسرعا مشتاقيلك امي راحت ترتب غرفتك على ما ترجع فهد من سمع طاري امه انجلب حاله: ف اليل برجع البيت ريم: لا فهد امانة تعال الحين البيت كلا مجلوب كل حد قاعد يسوي شي لما سمعنا انك بترجع فهد: لا تلزمين على ريم ريم: فهههد عشان خاطر امي فهد: اوكي برتب اغراضي وبيي ريم: اوكي نتريااااااااااااااااك فهد: باي ريم: باي حبيبي ************* العصر في بيت بو سعود قاعدين كلهم ع السفره ام سعود: دانة دانة: امري عموه ام سعود: ما يامر عليج ظالم .. متى بيرجع اخوج فهد من السفر دانة: ماعرف عموه بس قريب انشالله ام سعود: انشالله بو سعود: اصلا هو ليش مسافر دانة: عمي عندا شغل بو سعود: الله يوفقا يارب دانة: امين ميثا: دانة وين شيموو دانة: طالعا ويا راشد ميثا: مودنها عند الحب ها دانة: هههه ماعرف هو قالي بياخذها وياه ميثا: بتروحين اليوم عند ريم وشيخة دانة: ماعرف ولله ع حسب داوم سعود رن فون دانة جافت الاسم ريم دانة: هههه عمرها طويل ريووما ميثا: هههه ردي عليها دانة: هلا حبيبتي ريم: هلا بالشيخة شحالج دانة: بخير حبيبتي وانتي ريم: عندي لج بشارة بس المقابل دانة: لج الي تبين بس قولي الي عندج ريم: اليوم فهد بيرجع دانة: صدققق الله يبشرج بالخير ريم: بعدين بقولج شصار لانج اكيد قاعد ويا الحب ولا ويا عمومج دانة: ههههه اوكي بس لازم تقولولي التفاصيل ريم: هههه اوكي دانة: متى بيوصل ريم: توا طلع وجي ربع ساعة وهو ف البيت انشالله دانة: انشالله عيل انا بحاول ايي احين ريم: اوكي نترياج باي دانة: اوكي باي ميثا: شصاير دانة: توا فهد واصل دبي ام سعود: تستاهلون سلامته حبيبتي دانة: الله يسلمج عموه بو سعود: عيل عزيمة رجعت فهد علي دانة: الله يخليك لنا عمي لا تكلف على عمرك بو سعود: لا كلافه ولا شياته ها ولدنا دانة: تسلم عمي عيل انا بروح اكلم سعود عشان اروح بيتنا بو سعود: هي امي روحي ها اخوج لازم تكونين موجوده قبل ما يوصل دانة وهي توقف: ميثا بتين وياي ميثا: ماعرف بجوف وبرد عليج خبر دانة: اوكي يلا عيل انا استاذن وراحت دانة كلمت سعود ورضا انها تروح وميثا امها ما رضت ************* بيت بو زايد كلهم قاعدين ف الصالة بو زايد, ام زايد, زايد, احلام, ساره, حمدان, حمدة, حمد, ريم, شيخة, دانة شيخة وهي تساسر دانة: ليش ما يت وياج ام المشاكل ميثوه دانة وهي تساسرها: عيب شيخة شيخة: يعني تبينيلي انج فرحانه بالي قاعد يصير ترا كله من سبتها المهم ليش ما نشبت لج دانة: امها ما رضت تبين الصراحة ارحت لما امها ما رضت شيخة: جفتي كيف حتى انتي مب متقبلتنها احسن عشان يكون جونا عائلي مافي حد يخرب علينا ريم وهي تساسرهم: انتي وياها شو قاعدين تقولون شيخة: ماشي ماشي بو زايد: بلاكم بنات في شي صاير دانة: لا بس قاعدين نقول ليش فهد تاخر بو زايد: ما تاخر انتو بس تتوهمون التفتو كلهم للباب لما سمعو صوتا دخل فهد بهيبته رافع راسه وشال شنطتا وفوناتا وبوكا ونظاراتا الشمسيا: السلام عليكم خاوته كلهم نطو صوبا وامه وقفت ودموعها على خدها بو زايد قاعد ولا مهتم حق شي ريم: انا اول دانة: لا انا الاكبر انا اول شيخة: انا دلوعتا انا الاول وهو مبتسم على خبال خواته سحبهم كلهم وحظهم مرا وحدا: ماكنت اعرف انه في حد مشتاقلي هل كثر دانة: واكثثثثر بعد ها الاسبوع جنا سنا فهد : هي ولله شيخة: وهي تغير الموضوع: فهد انا لازم بروحي لانا انا احبك اكثر وحدا ريم: لا ولله انا اكثر دانة: لا مب على كيفكم انا اكثر انا عشت وياه اكثر فهد: ههههه بسكم بتخبلون فيني رفع راسا جاف امه واقفا ابتسم لها ونزل شنطتا عند الباب ومشا صوب اما اول ما جافته ياي صوبا فتحت ايدينها دخل فهد في حظنها وهي تصيح وهو راص عليها ويمسح على راسها ام زايد: لا تخليني مرا ثانية جي زين ما مت من بعدك فهد: بسم الله عليج يومي قبل يوم هدها فهد من حضنا وراح سلم على اخوانه وحريم اخوانه وباس ابوه على راسه وهو يهمس له لما نزل صوبا: صدقني انا ابا سعاتك على طول ارتفع فهد ما يبا يسمع شي زيادة فهد وهو مبتسم: حمد تعال عند عمي يالهرم من زمان مب جايفني وقاعدلي ع ها الايباد ساره: امي انا بيي بث انت قولي وين رهت وادد فهد: هههه تعالي عالي انتي ويا هالرمسه انا رهت سلمج الله هناك بعيد ساره: ماما قالت امي راه تيارا فهد: هههه هي عمي راح طيارة كبيرااااا وقال هو يحب روني حبيبة عمي عشان روني تحب عمي ساره وهي مستحيا: امي انت دني منو قال روني تهب امي روني بث قالت هق ماما وماما قالت ما بتقول هق امي فهد: هههه العصفورة قالتلي ساره: امي سافور كبير فهد: هههههه شو بعد صعفور عصفور عصفور حمد: امي انا اارف اقول اسفور ما اقول سافور فهد: هههه ياي بيجحلها عماها اسكت لا تكلم عمي زعلان منك حمد ركض صوب عمه: اميانا اهببببك متل امو ريم وامو شيكا وامو دانة شيخة: شيكا ف عينك اسكت اسكت بو زايد: ههههه شيخة حبيبتي ياهل ما يفهم شيخة بزعل: ما يضحك باباتي بو زايد: ومنو ها الي ما يستحي ع ويها يضحك ع بنتي شيخة: في غيره فهد بو زايد: فهد اسكت عن اختك تغايض منها فهد: عن اذنكم انا بروح غرفتي ام زايد: وين حبيبي اقعد ما شبعنا منك فهد: بروح شوي وبرجع ببدل ملابسي بس ام زايد: اوكي حبيبي راح فهد بو زايد: ام زايد اليوم كلمي الجماعة عشان نزورهم باجر ام زايد: بو زايد البنت قاطعها بو زايد بصرامه: ام زايد انا قلت كلمتي وانتي تنفذينها ام زايد: انشالله يا بو زايد ما يصير خاطرك الا طيب دانة وهي تهدي الوضع:ابوي اليوم عمي قال مسوي عزيمة حق رجعت فهد بو زايد: حق شو يتعب عمرا جان خلاها باجر مرا وحدا دانة: انا قلتله ماله داعي بو زايد: خلاص انا بكلمه بقوله باجر بالمره دانة: انشالله ********* *نهاية البارت* |
هلا حبايبي .. شحالكم .. ها البارت لعيون وحدة بتغنيلي بعد شوي محمد الشحي تراني قاعدة اترياج .. اممم بخصوص البارت الياي انشالله بيكون بعد الامتاحانات عشان تلحقون تدرسون وما تلهيكم القراية وانا بعد اجهز حق سفرتي ف ما بيمديني اكتب .. ابا توقعاتكم على البارت .. خولة وفهد هل خلاص انتهت علاقتهم او بيصير شي بتخليها ترجع مثل قبل .. شما هل بتبقى ف بيت ابوها او بتمل وبتطلع منه او من دبي بترجع بريطانيا .. ام زايد هل بتوقف الي قاعد يصير او خلاص بتستمر ويا بو زايد .. فهد هل بيرضى يروح ويا ابوه او بيتخلى عنه في اخر الحضات .. ميثا بعد ما بعدو عنها بنات عمها بترضى تتزوج فهد او بتتعذر في ها العذر .. اممم ماعرف متى بيكون البارت الياي بل ظبط لاني انشالله ف الاجازة مسافرة ف يمكن بعد ما ارجع او قبل ما اسافر احط بارت .. مبروك عليكم الرحمة والله يجعلها امطار الخير يارب .. اختكم .. يتيمة حبيبي .. |
| الساعة الآن 04:03 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir