منتدى استراحات زايد - أنا وأنت ، وسما بوظبي تجمعنا / بقلمي

البـــــــــارت الســــــادس . . . . .

/
\
/
\
/
\
/
\

"ندى ؛ ربيعتي دلتني مكـان بيتهم ، ، وهو فـ مدينه خليفه أ ، فنفس المنطقه اللي نحن سآكنين فيهـا . . . خبـرت خلوف و قالي أوك يدل المكـان "
خليفه : تععالي قعدي جدام ليش سـايره ورآ . .
ندى : احـس استحي . . .
خليفه "اتطالعها بنظره" : من شو ياحظي ؟ يالله ركبي جدام !
ندى"تتأفف" : زين . . "ورآحت وركبت جدام . . "
" فـالدرب . . "
خليفه : شفيج سـاكته ؟
ندى : شـتبيني أقول . . ؟
خليفه : زيـن ماعليه خلج سـاكته . .
" ورفع فونـه و اتصل ع حد . . "
. . : هـا وينك تأخرت ..
خليفه : احين يـاي .. أقولك انت فالشقه صح ؟
. . : ايي ، اننت ربيعتك بتي صح ؟
خليفه : ايي توني مكلمنها قالت بتي ..
. . : عيل هالكلبه اللي عندي ماطاعت .. "وضحك بسخريه" شكلهـا تعرفت ع واحد مريش ..
خليفه : هههه ايي ها همهم هاليومين ..
. . : ززين خلييف دبرلي وححده انت تعرف وايد ..
خليفه : أفـا عليك . . احين وياي وحده تبيها ؟
. . : حلـوه ؟
خليفه : ايي مموووووووت . . "وغمز لـ ندى"
. . : زين انطرك عيل . .
خليفه : أوك حبوبي مع السلامه . .

- وألتفت لـ ندى كـانت ترججف وعينها اتدمع . . . -
خليفه : شفيج ؟ أوه شريفه مكه نسيت انج ماترمسين شباب ولا تواعدين ههه . .
ندى"آآه انا شو اللي يابني هني ، تستاهلين ياندى انتي اللي يبتي هالشي لـ نفسج ، لو تامه فالبيت مب احسن، لآزمم ماصيح بحاول ابينله اني قويه . . "
خليفه"قطع عليها" : أقول دقي لـ ربيعتج وقوليلها انج مب سآيرتلها ..
ندى : لا والله ! مب ع كيفك ..
خليفه " وقف السيـاره ع صوب وألتفت لـها وقال بعصبيه" : لاتصيرين عنييده . . ! دقيلها احيين يالله !
ندى "بخوف" : زيـ ـن . . . "ودقت"

------------
سـاره : ششـو ، ماتروميين اتين ؟
ندى : سسـ ـوري مـ ـب بـايدي واللـ ـه . .
ساره : نندى شفيه صوتج ؟ صاير شي ؟ ليش تصيحين ؟
" خليفه سحب الفون منن ندى "
خليفه : أقولج ؟ ندى مابتييج اليوم وخلاص .. يالله باي .."وسكر الفون و حطاه ف جيبه "
ندى : عططني ففوني !!!!
خليفه "اتطالعها" : جـب .. "وحرك الموترر"

- عند سـاره -

سـاره : ممادري ياحمدان بس قالت مب بايدها وعقب واحد شل الفون شكله ولد حرمه ابوها .. قال ندى مابتي ! وسكر ..
حمدان : أوففف .. أحس صآير شي ..
ساره : اييي حسيت من نبره صوتها ان فيها شي ..
حمدان : اوفف "وسحب سويج موتره من ع الطـاوله ، وققام وكله ضيج" خـلاص انا رآيح ابي اغير جو ..
ساره"نطت" : شلنني وياك ..
حمدان : سـوري ساروه خليني بروحي .."نزل رآسه وطلع"

-------------------------------
- وصـلوا مكـان الشقه -
خلليفه : انزلي !
ندى : مابي انززل يالمينون انتت وين مودنني .. بخبببر اببوي والله
خليفه : عشـان يقطع رقبتج ههه .. نزلي نزلي ولا ترا والله مابتردين حيه.. "واتطالعها بنظره خبيثه"
ندى"خخـافت ونزلت "
خليفه "كـان يدزها ومخلنها تمشي جدامه عـن تشرد ، رفع فونه واتصصـل . . ."
خليفه : ألو ؟
مهره : هلآ خلاففي ..
خليفه : حبيبي جاهزه ؟
مهره : توه امي نزلتني الكورنيش واحين قاعده اتريـاك ..
خليفه : زين قلبي احين بودي البنيه حق ربيعي و بييج ..
"ندى ؛ يوديني حق ربيعه ؟ لهالدرجه انا رخيصصه وقذره ؟ لالا هو الققذر الحححقير !! "
خليفه "قطع حبل افكـارها" : صدقيني بتستأنسين "وغمزلها"
ندى : اننت ماتخافف علي شو ! انا اختك ..
خليفه : انتي مب اختي ! ماعندي خوات انا ..
ندى : وو ميره ؟
خليفه : هههـ هذيج اختج انتي ، مب اختي .. "ومد ايده عشـان يدق جرس الشققه"
أحمد"فتح البـاب، شاف ندى فـ ويهه وخليفه ورااها ،" : يـاويل حاليي شهـالققمر ! خلوف من وين لاقطنها ..
خليفه : هههه هذيي ! بنت ابوي من حرمته الأوليه .. !
احمد : ياررييال ! ماتخخاف تخبر عليك.. بتروح فيها جي ..
"|ندى ؛ انخشت ورآ خليفه ع اساس يحميهـا "
خليفه "التفت لـ ندى" : لآ ماظن بتتجرأ .. ، زين يالله خلهـا عندك بروح عند مهـاري .. بنتلاققى فالبححر"ودز ندى لـ جدام" ! "ورآح"
احمد"يأشر ع عينه" : من عيوني .. "وسحب ندى اللي كانت متجمده فـ مكانها وكأنها لعبه ماتتحرك وبعدها سكر الباب ..
ندى: …. "تصصيح طبعـًا .. " > كالعـاددده
احمد : شفيييج خخايفه "وضحك" مابغتصبج انـا ..
ندى"يتها قشعريره وخاففت وزآد صيآحها"
احمد : هههه امبيه شفيج خلج ريلاكس والله مابسويلج شي ..
ندى"رفعت رآسها واتطالعته .. كـانت بشرته برونزيـه *مبين عليها انه مسوي تـان،واللون طالع يجنن* وجسمـه كـان مرتب و عضلاته بـارزه ،كـان طويـل وعريض شوي .. *ندى توصل له لين صدره* أمـا ملامحه كانت تجذب ! عيـنه الذهبيه ، نظرآته الحنونه ،.. وابتسـامته ، وغمـازته اللي ع اليمين .. وشعره يـاللي لونه بني غـامج ، نـاعم ومكشكش شوي .. "
أحمد ؛ " كـانت آيه فالنعـومه والبراءءه والجمال .. بشرتها الصآفيه البيضضه .. و خدودها المحمره من الحيـا و خشمها وعينها المحمرين من الصصيـاح .. كـانت متحجبه و طآلع شوي من شعرها الاشقـر أما ططولها بالنسبه لي فـ هي ضئيله وآيد بالنسبه لحجمي .. وشكلهـا بصرآحه ملآكي .."
" تمـوآ لـ فتره ! كـل واحد يتفحص الثـاني بعيـونه ….. "
ندى"حآولت تتجرأ" : انـا ليـِش هني ؟
أحمد"مسك ايدها اللي كآنت ترتتجف" : همم تعالي نقعد بفهمج .. "وقعدها ع الكنبه حذاله" السـالفه ومافيهـا يـا . .
ندى : ندى ..
احمد"كمل": يـا ندى الجميله .. كل ويكند نطلع بـحر انا وخلوف ..وكل وآحد وو ويآه ربيعته ..
ندى"فجت عينها مستغربه ، هذيل ع بالهم ف أمريكا شو . . وتقول فـ داخلها ليكون بيصير اللي فبـالي آه حققيير ياخليفففه "
احمد : وو ، ماعندي ححد ف قلت لـ خلوف ايبلي وحده لانه يعرف وايد بنات بس ماتوقعت ايبج انتي .. وصصرآحه "حط عينه بععينها" انصدمت يوم شفتج لان مبين عليج محترمه وفوق كل هـا ياهله مايخصج فهالسوالف ..
ندى"الحمدلله الحمدلله شكله مايباني .. احسسن احسن "
احمد : شفيج استأنستي ؟ فالحالتين بشلج وياي ..
ندى : لآآآآ لآآآ ..
احمد : ببس هالمره ومابتنعاد!
ندى : مستحيل .. انسسى .. "وربعت ايدينها "
احمد : مابتندمين .. ماتبين تجربين ؟ يالله
ندى"ها صج تخبل" : ممكن تعطيني فونك بدق لـ ربيعتي خل اتي تشلني ..
احمد : هاه مستحيل افرط فيج ياحلوه .. "وقرب ويهه منها لدرجه ان انفـاسه كانت تلفح عليهـا . . . "
ندى"خلآآص مميته من الزيغه وطبعـًا دموعها كانت بتنزل بس من الخخوف جمددت "
احمد: هههه شفتي كييف انتي جبـانه "وابتعد" بس بتين وياي يعني بتين ..
ندى"ياربيه انا شسويت عشان ربي يبليني .. "
احمد: تععالي "وسحبها لـ وحده من الغرف وطلعلها من الكبت شـورت لونه بني فاتح قصصير وآيد و تي شيرت وآسسع وفتحته كبيره لونه وردي ففاقع مكتوب عليه بالانجليزي ،، فر الثياب ع السرير " يالله بدلي .. "وطلع"
ندى"طلعت ورآه" : بسس انننا مابي .. وبعدين آخآففف .. وو أصلن ماركب ويا شباب . .
احمد"ألتفت لهـا" : أنـا مب شبـاب ! انا وآحد بس .. يالله عـاد ياشريفه مكه يعني كلش فـ تركيا ماكنتي تسوين بلاوي ..
ندى : لآ طبببعـًا ليش شو تتحرآني ..
احمد : زيـن خلاص احين تخيلي اني البوي فريند مآلج هههه يالله ياماما ماشي وقت ..
ندى"فجت رفعت حآجبها باستغرآب" : نعم نعم ؟ مآشآء الله اشوف وآيد مطيح الميانه ولاكأنك واحد غريب ماعرفك ولاتعرفني ..
احمد"اقترب منها" : شسوي خلآص تطورنا ياحلـوه .. ومتعود ع البـنات وبعدين حمدي ربج انج صغيره وكآسره خاطري ولآ جان سويت فيج بلاوي .. "وغمز"
ندى"حطت ايدها ع صدره وبعدته عنهـا لأن كان لآزق فيها" : زيـن خلاص وخخر عني ..
احمد : أوك بدلـي وتعالي ..
- نـدى ؛ بدلـت ثيـابي . . . هه ، احين انا ياهل وجي اسوي عيل لو كبرت شـو بسوي ؟ زين انا مايخصني خلوف السبب .. *اقتربت من المنظره قعدت أتطالع شكلي* وآي فديتني طالعه كيـوت .. بس أوف اتخيل اطلع جي ؟ استغفر الله احس عمري مفصخـه .. -
آحمد"دخل عليها بدون مآتحس وآننصدم يوم شآفف شعرها الطوييييل اللي كانت رآبطتنه*ذيل حصآن*" : يالبيييييـه . .
ندى: ايييييه انت ممن متى هني ،ماتستحي شو ..
احمد "مسك شعرها من تحت" : أقـولج ها ارفعيه عن تخبلين الاوادم ..
ندى"اتطالعته باستغرآب وعقب استوعبت" ..
احمد" شل الشيله والعبـاه اللي ندى كانت محطتنهم ع السرير "
ندى : ايييه هآت بلبسس ..
احمد : هههه تستهبلين شو ؟ شيله وعباه فالبحر .. طيري بس ..
ندى : عيل اطلع جي ؟ تتحرآني انجلينا جولي شو "يتها ضحكه تذكرت سيف"
احمد : لآ فديتج ، أنتي اححلى "وابتسم بخبث"
ندى"بلآ شعور" : جـب .. >رومآنسيه الأخت :)
احمد"قرب عشآن يخوفهـا" : نعم عيدي ماسمعت !
ندى : مماشي ماشي ..
احمد : زين يالله بنطلع .. "وسحبها معـاه ، وهم يمشون متجهين لـ سيارته "
ندى"تفكر بعمق" ؛ وآختربتي يآندى ؟ . . زين مب غلطتي .. بس آحس آني فصخت الحيآ مره وحده .. ماعليه ياخلوف والله لا أرآوييك بس اصبر علي . . "
احمد"قطع تفكيرها" : اييه حـووه وصلـنا "وكأنه قالها بفخر وهو يأشر ع الشي " أحمم هآي سييـارتي ..
ندى"إلتفتت وشهقت ، كـانت دراجه نينجا ، نوعهـا بي آم دبليو .. لونها ابيض و عليها كروم . . " : مسستحححيل اركككب معاك … "وبداخلها ، اخخخخخاف"
احمد : صج خوآفه .. "ولبسها الخوذه" ترآ من سنين وانا اسوق لاتخافين بس تيودي عدل ..
ندى"اتدزه" : مممابي مابي .. مابي ارككب مابي اروحح معاك ..
احمد : ندى ! يالله النناس قاعدين يتطالعونا ..
ندى : مستحيل اركبهـا ..
احمد : آآه يآربيه منج ياندى .. زين تعالي ..
ندى : ويـ يـن ؟
احمد " رجع آلشقه ، حط سويج الدرآجه و شل سويج موتره .. *البنميرا*"
احمد"اتطالعها": احين بعد قولي مابتركبين !
ندى"بخوف" : هـا ، لالا بركب ..
- - - - - -

عنــد حمدآن / رآح الكـاسر ، قعد ع الحصى يطالع البحـر . . و سرحآن بفكره .. لفـت إنتبـأهه الجيتي سكيـات اللي هنـاك .. كان شي جيتي سكيـات عليهم بنـات و شبآب ،، حمدآن ؛ هذيل وين اهلهم عنهـم ؟ هه . . .

- - - - - -

ندى"بتردد" : همم وين بنسيـر ؟
احمد"ابتسم واتطالعها وقآل ببلاهه" : بنسـيييييير البحـرر . .
ندى : آخـااف ..
احمد : من البحـرر .. ؟
ندى"تلعب بايدينها" : ايي اخاف من البحر ..
احمد : كيـيف ؟
ندى : فـوبيا .. فيني فوبيـا من وايد اشياء ومن ضمنهم البحر ..
احمد"اتطالعها بنظره حنونه" : زين لاتخافين انـا وياج ..
ندى"دمعت عيونهـا وابتسمت"
احمد :وآيد تدلعين .. أول مره آطلع ويا وحده نفسج ..
ندى"بفضول" : انـت ويا كم وحده طالع ؟
احمد : هههه وآآيد وآآيد ..
ندى"آنصصدمت" : مايبين عليك !
احمد"ابتسم بخبث" : فديتني شكلي بريئ . . نفسج
ندى"بدآخلهـا ، مـالت طلع صآيع ومنحرف ورآعي بنـات ياويلج ياندى ان طحتي بغرآمه . . . . "

-------------------------------

بورآشد : ألـو ؟ خلوفف وينها ندى تلفونها مغلق . .
خليفه : فـ بيت ربيعتهـا . .
بورآشد : وليش غالقه فونها . . .
خليفه : شدرآننني . . شكلها مسويه مصيبه "وتذكر ندى وضحك"
بورآشد : مادريبها تربية أمهـأ مابتطلع بعيد . .
خليفه "بدآخله ؛ ههه شكله الوالده ماقصرت و شيشته عدل وترست رآسه بأفكـار . . . "
خليفه : صصرآحه يبا شكلهم طالعين لان ممريت عند بيت البنيه أششوفه ظلام وسياييرهم محد . .
بورآشد : ماعليه خلاص انا بتفاهم معاها . . . يالله ياخليفه تحمل بعمرك وشوف اختتك وينها . .
خليفه : من عيوني ، وو ندى فعيوني يا يبا . .

- - - - - - - - - - - - - -

" فـ دبـــي ، فالمستشفى عند سعـود . . . "
هدى"مسويه عمرها خايفه ع سعود " : ها سعيد شحاله سعود ؟
سعيد"مسح دموعه و قال بإستغراب" : انتي شـ يايبنج هني ؟
هدى : يايه اتطمن ع ولد عمتي "دموع تمآسيح"
سعيد"قرب منها" : زين خلاص ياهدى لاتصيحين . . سعود بعده فالعنايه . .
هدى"بتمثيل" : آآآه ياسسعود "ورفعت ايدينها تدفي" يآآرب آشفييه وقومه بالسلامه يآرب مالنـا غييره . . .
سعيد"مسكها يهديها" : خلاص ياندى . .
هدى : ندى !!! حتى انت ياسعيد ساكنه تفكيرك هالندى ..
سعيد : ها ، انا قلت ندى !!
هدى : ههه ولعلمك هالندى خبررناها ان سعود فالمستشفى حتى ماكلفت عمرها ويت .. تلاقيها ف بوظبي مستانسه ومن مول لـ مول . .
سعيد : خخخلاص ياهدى ماسمحلج ! وانتي شدرآج بظروفها ..
هدى : اللي يبـي الصلاه ماتفوته ياسعيد . . "ورآحت بقهـر . . "

- - - - - - -

سـعود \ كـان يححس بـ ثققل ع عينـه ، مب قآدر يفتحهـأ ، وككان يسسمع أصوآت الأجهزه والدكتـور اللي يككلم النيرس . . . . ؛ أنـأ وين ؟ آخر شي اتذكره . . . الحآدث ؟ كـنت اسوق وأنـأ افككر بـ ندى ، ونزلت رآسي اتطالع ايدي و آتذذكر كيف ككآنت تلعب بآصآبعي وتكلمني ع اساس إني رآشد أخوها . . . وضعـت بتفكيري لـ بعيد رفعت رآسي وآخر شي شفته آلشـاحنه اللـي طيرت موتري بعـيد !! . . . أنـأ مت ولآ ؟!

- ~ -

احمد : أكـوه خخلوف . . "ووقف موتره حذال موتر خليفه ونزل أمـأ ندى تمت فالسيـاره"
خليفه"نزل من الموتر ونزلت ربيعته مهره ، ، "
مهره"تهمس لـ خليفه" : إلا وينها ربيعت أحمددوه أكيد خونت كالعاده هههه . .
خليفه : لالا احين عنده وحده يديده "وغمز لأحمد"
احمد : هيي فديتها تسوآهم كلهم . . "ورآح فتح الباب لـ ندى عشان تنزل"
ندى : مابي انزل ..
احمد : شفيج ندى !
ندى : ممابي ، دام خليفه هني مابي . . ادري انه بيستانس لو شآيفننني جي "وآشرت ع نفسها وثيابها "
احمد : ماعليج منـه ، هو يتحراج متحطمه و مستانس ع باله انتقم منج .. بينيله العكس .. خل يشوف انج مستـانسه . .
ندى : احمدد ماقدر احس اللي بسويه غغلط . .
احمد : يالله عاد نددى .. أانا وياج .. "ومسك آيدها ونزلها ، واقترب منهم وندى كانت منخشه ورآه"
خليفه : وينها خل نشوفها ..
احمد : جب مايخصك فـ حبيبتي ..
خليفه : هههه احين حبيبتك هـا .. اققول كله ولا "قالها بإستهزاء" بننننت الغغاليه اللي ربتها احسن تربيه..
احمد : اييه مايخصك فربيعتي ، فديتها وفديت امهـا .. يالله رووح خلننا بروححنا ..
خليفه : ززين زين ، بروح .. يالله مههاري ..
مهره : زين ماششفنا ربيعت احمد ..
احمد : حقق الحسد ها .. روحوا مايخصكم فيهـا ..
" ورآحوا مهره وخليفه ، اما أحمد إلتفت لـ ندى ولققاها تصيح "
احمد : ننندى .. ندى شفيييج .. "ومسح دموعهـا"
ندى : لـ ـيش جـ ـي قـ ـال عـ ـن أمي ؟
احمد : حبيبتي ندى خلاص لاتصيحين هـو مايستحي .. فديتها امج محد يروم يرمس عنهـا بشي دآم رآسي يشم الهوآ .. ولا تزعلين . .
ندى "تصيح" : آشتققت لأممي ..
احمد"عورت قلبه فـ حضنها وقعد يحاول يخفف عنها" : ليش وينها هي ؟
ندى : أمممـ ـي مـاتتت . . . "ودفنت رآسهـا بـ صدر أحمد"
احمد : نندى خخلاص .. خلاص ندى لاتصيحين "مب عارف شو يقول" ززين تعالي بونسسج وبطلعج من هالحزن .. يالله عاد ندى يايين نغير جو نحن ..
ندى"تمسح دموعهـأ وتبتعد عنه"
احمد : ههه امبيه طاعي خشمج كيف احمر .. "ودزهـا لعند سيـاره عشان تشوف ويهها ع انعكآس المخفي"
ندى : امببيه "وضحكت ع شكلها" وآي شكلي كيوت ..
احمد"قرص خشمها" : وآفديت الوآي انا ..
ندى"ضربت آيده" : خلآصص عيب ..
احمد : احين كل ها مب عيب ويوم مسكت خشمج صآر عيب ؟
ندى"هي والله فشله،بدت ترقع" : لآ بسس ممآحب حد يمسك خشميي .. "تضيع السالفه" إلا وينه هالكلب وربيعته ؟
احمد"يدورهم" : شكلهـم استأجروا ورآحوا يلعبون.. "وآشر ع الكشـك اللي يأجرون منه ..
- آلمككـان كـان فالخالديه بلس *قبل لايسكرونه* ، مكـان ما يأجرون جيتي سكيـات . . . . -
احمد : أممبيه هآ اخويه . . .
ندى : آوه ياويلك ..
احمد : هههه لاعادي ..

. . : أوه أحمممد قمت توآعد امريكيـات .. رآححت ايام الموآطنات ها ..
احمد : ههههه اييه لااتطالعها اغـار ..
. . : ههه زين ضبطلنا عاد . .
احمد : ايه جب روح روح لآخببر عليك آمايه خل تأدبك ..
. . : وأنت ابداً ماتسوي شي غلط ؟
احمد : فديتني عادي لو شو مآسوي ماتقولي شي ..
. . : ممالت بس .. يالله باي .. "وإلتفت لـ ندى " قود باي مس وايت *ودآعًا الآنسه البيضاء* ..
احمد : مس وايت فـ عينك روح انت بس . .
ندى"ضحكت" : شفيه أخوك ؟
احمد : خبله . .
ندى: طالع ع اخوه . .
احمد"إلتفت لهـا" : نععم ؟
ندى : ها لالا ولاشي ..
احمد: اتحرا بعد .. زين سمعي قعدي هننـي وانا بروح أأجر لنـا جيتي سكي وبيي ..
ندى : اييه شو تخليني هني كله شبـاب ..
احمد : هآه ؟ زين عادي مايتحرشون فالأجانب هههه . .
ندى"ضربته" : أقوول روح روح لارتكب فيك جريمـه . .
" ورآح و أجر جيتي سكي ورجع وخذ ندى .. وركبـوا الجيتي سكـي"
ندى : أييه ليش وآحد حقنا نحن الاثثنين ؟
احمد : تبين بروحج يعني ؟
ندى : ليش لا ..
احمد : جب ماعندنا بنات يركبون بروحهم ههه ..
ندى: يعني يركبون ويا شباب عادي بس يركبون بروحهم لا ؟
احمد : ردينا ع طير ياللي .. ركبي ركبي وانتي سآكته ..
ندى"ركبت ورآه ، وإلتفت شآففت شباب يلبسون لآيف جآكيت*سترة نجآه* " : ايييه ليش مالبستني لايف جاكيت ..
احمد : لأنيي اعرف اسبح ..
ندى : بسسس انـا ممماعرف اسبح ..
احمد : انـا موجود .. "وإلتفت لـ ندى اللي قاعده وراه وابتسملها" انتي تيوددي عدل ومابتطيحين ..
ندى : لا والله ، مابيودك ..
احمد: عيل طيحيي "ودآآس رييس أقوى شي"
ندى"ع طول تشبتتت بـ أحمد من الخوف وكل مآيدخلون فالببحر آككثر يزييد خوففها لأن البحر بالنسبه لـها رععب "
احمد"يبي ينسيها هالخوف فـ قال بصرآخ" : تعرفين وين سآيرين ..
- كآنوا يصآرخون لأن صـوت الجيتي سكي عـالي .. -
ندى : ويين ؟
احمد : الكــاسسسسررر ..
ندى : الكآسر ؟ شو ها ؟
احمد : طع هاي ، احلفي انتي بس ؟ ماتعرفين الكآسر؟
ندى : أول مره اسمع عنه ..
احمد : هههه طع هاي .. زين احين براويج بس مب عاد تقولييلي هاتني الكاسر كل يوم ..
ندى : خيير ان شاء الله .. !

- وصلنـا لـ نصف المسـافه ، كانت المساففه شوي بعيده من بـحر الخالديه بلـس ، لـ الكـاسسر .. وطبعًا البحر اللي بينهم مفتوح .. و على حظهم كـانت الأموآج عالييه و احممد مسسـرع .. والجيتي سككي كآآن طيييـرآآن .. ينآآققز . . . -
ندى : آآخ عظظظامي عورتني شوي شوي ..
احمد : ههه شفييج عشان نوصل بسرعه .. تيودي لا اتطيرين ..
ندى : أووف اككرهك يا احمد ، واكرره خلوف اكثررر مننك ..
احمد : بسم الله شفييج .. " آحممد مستغرب وآيد من ندى ، اول مره يواعد بنت جي .. كـانت فـ كل شي غـيير عن باقي اللي يـعرفهم .. وكل موقف صآر بينه وبين ندى .. أول مره يصير بينه وبين بنت لأن العاده اللي يواعدهم يكونون غـير عنن ندى .. "

\
/
\
/
\

نهــآيـــــــــــة البــــــارت الســـــــادس . .
أتمنى أن ينـال إعجابكم . .
بإنتظار تعليقـاتكم و آرائكم و توقعـاتكم . .