منتدى استراحات زايد - أنا وأنت ، وسما بوظبي تجمعنا / بقلمي

البــارت التـــــاسع و العشـــــرون . .

/
\
/
\
/

عنود"تقهرهم" : ترآ بعدها مابدت الحففله ..
ندى: حفففله شوو ياخيي قوليلنا . .
فاطمه : حممآره عنودوه .. ادريبها مابترمس .
عنود"تضحك عليهم " : صج يوم يقولون ومن الفضول ماقتل .
ندى : ماشاء الله .. اسمها من الحب ، مب من الفضول .
عنود"تعطي ندى نظره" : زيين يا راعيه الححب .. أصبروآ انتوآ شوي .. وبتعرفون كل شي .

-ـ-ــــ-ــــ-ـ-ـ---
عنود : زيين بخليكم ، ماميي تناديني .
فاطمه : عشتوآ ، جي ولاجي ، مامنج فايده .. روحي روحي .
ندى : أووف زهقت .
فاطمة : حتى اناا … احس جننه الاطرش فالزفه .
ندى : ايي والله صدقتي ..
فاطمة"تأشر لباب الحوي" : أوووه وصل وصل .
ندى : منننووو ؟
فاطمه"بإستهبال" : الشيخ .
ندى"نقزت" : أووه اي شييخ ..
فاطمه : طع هاي صدقت ـ ، شدرآني ، بس طآعيي كلهم رآحوآ عند الباب إلا نحن ..
ندى : خل نروح نشوف من اللي ياي .
فاطمه : لا استحي .
ندى : فكيينا زيين ، يالله طووفي .
فاطمه : هفف ، زين عمتي ….

" ومشينا لبـاب الحوي ، الكل كآن متيمع و ملتم حول شخص ، يسلمون عليه ويباركوله ويتحمدوله إنه رجع لهم ، وهو من فرحته نسى كل شي .. حتى نسى انه طلق زينب طلقه أولى وطردها هي وخليفه ، كآن يضحك ومستآنس لأن الكل متيمع عشانه و الكل فرح بطلعته … آكيد عرفتوه .. - أبويه ، بو رآشد - … أما انا من الصدمه تصنمت ف مكاني لين مآشفته يفتح ذرآعه عشان اركض فأحضآنه …. ويآنيي صوت فاطمه من ورآي "

فاطمه : يالله رووحي لـ باباتج شو تتريين … "دزيتها شوي ، لان ادري انها منصدمه بعدها" .
ندى" مآكنت قآدره اتحرك ، كنت اتطالع ابوي و سعيد وسعود حذاله من شفتهم احس مابي اروح ، بس من دزتني فطيم ، طررت ، ركضت و طحت فـ حضن ابويه و قعدت اصيح " .
بو رآشد : خلاااص باباتي شفيج تصيحين ماصار شي .
ندى : لا يببـا انا اصي اصيح من الونـ نـاسه . .
بورآشد : حبيبتي انتي ياقلب ابوج … خلاص لاتصييحين …
ندى : يببـا خفت انك مآترجع … "وزآد صيآحها" .
بورآشد : خلاص حبيبتي ، وانا اقدر اخلي بنوتي بروحها ؟

سعود : يآ ربييه من هالدلع …
سعيد: لا شكلنا مابنخلص اليوم …
رآشد"سمعهم" : ايييه انتوآ ، شفيكم ع اختي ، كييفها دلوعتنا مايخصكم فيها .
سعود"ينغز": والله محد بيخربها الا هالدلع ..
سعيد : ايي والله .
رآشد : اييه انت وياه .. جب .
سعود : طع ها ، شفيه معصب .
رآشد : كله ولا اختي …
سعيد : لا شكله مآيدري عن شي .
راشد : نعم نعم ؟
سعيد : هآ ؟ ماشي سلامتك الشيخ .
راشد : الله يسلمك .

- - -

بورآشد "خلص من ندى و إلتفت لهم" : ها بتخلونا جي واقفين عند الباب ..
بو سعيد : اووه اسمحلنا ، خذتنا الفرحه ونسينا .. حياك تفضضل ، …
بورآشد"وهو يمشي" : اوب ، ماشاء الله ها كله حققي ..
بوسعيد : تراك تستآهل هذا وزود ..
بورآشد : تسلم اخوي ، ربي لايحرمني منك ..

- - - -
" فـ طآوله ، ندى - فاطمه - عنود - هدى " .

ندى"تاكل وهي مستآنسه وكل شوي تضحك" .
هدى : انتي اييه خبله شو ؟
عنود"تنغز اختها" : اييه خليها مستآنسه .
ندى : شفيها هذي ؟
هدى : خلاص درينا انج تحبين ابوج هالكثر .
ندى : ايي احبه ليش فيها شي ؟
فاطمه"وقفت أكل" : خلااص عاد … بسكم ، خلونا نعرف ناكل .

- - - - -

ندى " هدى ؟ مآدري شفيها هالبنت ، كل شوي تقولي شي ، ابدًأ مب عايبنها شي فيني ، حتى اناا ماكان عايبني ستايلها … ولا اسلوبها ولا شكلها .. كآنت لابسه فستآن سمبل ، نفس تنوره وقميص وبينهم شريطه ع الخصر .. ومن فوق كامل شفاف ، وو شيلتها بعد كآنت شفافه ، صج إنها ماتستحي …. جدام الشباب وجي لابسه !!! انا اللي مستغربه منه عممي كيف خلاها جي تلبس ، الله يهداه بس ، اللي عرفته من فاطمه انه مدلع بناته لان ماعنده الا هالبنتين …. عنود و ماشاء الله عليها قممه فالاخلاق والادب و الستر ، عككس هدى تمامًا … ! ولا جنه خوات .. اوفف خلاص مايخصني فيها … "

فاطمه : أأه ، الحمدلللله .. كككان لذييذ …
عنود"تضحك" : ايي طبعـًا لذيذ خلصتي نص البوفيه .
فاطمه "إبتسمت إبتسآمة رضى" : ايي الحمدلله .. "وفجأه شهقت" ، نسيييت السوييت …
ندى : هههه مابنخلص اليوم .. كل هذا وبعد بتاكلين سويت .
فاطمه : انتوآ ايييه شفيكم بتحسدوني .. يالله يالله قوموآ بنروح نحطلنا سويت .
هدى : زين روحوآ انا مابي .
عنود : انا بيي معاكم .
ندى"إلتفتت صوب طآولة السويتآت" : منو هنـاك … سعيد وسعود ؟ خلاص خلاص مابروح .
فاطمه : ايييه بتين غصبن عنج .
هدى : أوه خلاص حتى انا بيي ..
عنود"فهمت قصد هدى " : لآ انتي خلج سوي رجيم .. " لأن هدى كآنت امتن وحده" .
هدى : رجيم قالت ! حبيبتي كل حد عايبنه جسمي ، عيل تبيني اكون يآبسه نفسكم .
ندى"حست بالإهانه" : والله اهون من دبه .
هدى"عطتها نظره" : انتي حد كلمج ؟
عنود : ايي انا كلمتها ! ندى فطيم ، يالله نروح .

" ومشينـأ ، وطبعـًا الإخت هدى لحقتنـا " .

- عند سعيد و سعود -

سعود : أوه الحب يايه .
سعيد"إلتفت ويت عينه ع ندى " : ماشاء الله مسرع ماصارت حبيبتك .
سعود : ياغبي قصدي حبيبتك انت .
سعيد"بصدمه" : ندى ؟
سعود : ههههه لا ياغبي اللي وراها .
سعيد"إلتفت" : اوه قصدك بنت عمي ، شسمها .؟ ؟
سعود : هدى هدى ، مسرع مانسيت .
سعيد : ياخي البنت حلوه .
سعود : نعم نعم ؟
سعيد : لا يعني مقبوله ، انت قلتلي انها مب اوك ابدًأ ،، بس احسها اوك وآيد .. جميله .
سعود : ههههه لا شكله مسوتلك سحر .
سعيد : جب جب ، مليق . قمم نروح .. وصلت ندى .
سعود : ليش شفيها ؟ خلنا بعدنا ماخلصنا .. بحطلي كيك بعد .
سعيد : كيك ولا انستقرام . ؟
سعود : هاهاهاه ، اقول طير بس . ..
سعيد : بل محد ينكت وياه زين "ورآح عنه " .

- - -
"وصلوآ البنـأت ، طبعـًا عنود و ندى فالمقدمه هه ، اما هدى و فاطمه ورآهم .. و طبعـًأ هدى كانت عينها ع سعود تتحراه سعود ، وفطيم مستغربه منها " .

ندى"تهمس لعنود" : ها مابيروح شو . .
عنود"تهمس لها" : مادري اتجدمي خل نحطلنا ، ويمكن يروح لو شآفنآ .
ندى "تهمس": آوف لا استحي .
عنود"تهمس" : ههههه طع ، زين انا بمشي جدامج …

- -

هدى : اييه فطيم اخوج ليش يطالع ندى . .
فاطمه : شدرآني ، إسئليه .
هدى : أووففف .. "وتجدمت لـ عند سعود" انت ماتستحي شو ؟
عنود + ندى " ردوآ لـ ورآ منصدمين من جرأة هالبنت " . .
سعود : خيرر شفيج ؟ انتي اللي ماتستحين ، وبعدين انا سويتلج شي ؟
هدى"ترفع صوتها" : من الصصببح وانت تخز -اتطالع- ندى ونحن سآكتيين عنك .
" عآد محد كان صوبهم يعني بس سعود والبنات وسعيد واقف يتسمع، البباقي كلهم بععيدد وو حشره فـ مانتبهوآ لهم " .
سعود : والله كيفي اتطالع اللي اباه عندج مانع ؟
هدى : صجج انك ماتستحي ..
سعود : خليت الحيا لج !!
هدى"اتقفففطت شوي وبتصيح" : الله ياخخخذك …. كريييه شووف من اللي بتوآفق عليك .. خسي أخذ واحد نفسسك .. "وركضت لـ الفيلا " .
سعود"يضحك" : ههههههه شفففيها هاي ، شكلها تتحراني سعيد ، هههههه "اتطالعها وهي تركض وصرخ" شوي شوي يالدبه عن اتطيحين ..
ندى"توها تفهم ، إتطالعت سعود بـ لوم" : حرآآم عليك …
سعود : حتى انتي ؟ والله هي الغلطانه .
فاطمه : اوووف سدييتوآ نففسي .. "ورآحت للفيلا " .
عنود : ححتى انا بروح اشوف اختي "ولحقتهم" .
سعود"إلتفت لـ ندى" : اننتي بعد لحقيهم ، روحي عند سندريلا ..
ندى"فدآخلها: عاد من زين علاقتي وياها روحنا نكره بعض" : لا انا مآبروح .
سعود"يتلفت" : عييل بتقعدين مع الشباب ؟
ندى"إتطالعته منحرجه" : من قال بقعد معاكم ، وبعدين منو الشباب ؟ إلا انت وسعيد .
سعيد"نط من سمع اسمه" : ايييه ايييه ، طايح من عينج شو ..
ندى"بتشرد" : أووه خلاص عاد ، بروح عند اخوي "ويت بتروح" .
سعود : تراه قاعد مع خليففه .. !
ندى"تصنمت" : شيت ، صج ؟
سعود : ايي .. يالله اشوف روحي !
ندى : خلاص هونت … بروح عند باباتي .
سعود : حتى ابوج ! معاهم .
ندى : اوففف وين اروح ..
سعود : قعدي ! مآبنآكلج .
ندى"مينونه انتي ؟ أوفف ماشي حل ثاني إلا سعود وسعيد ، أو الحريم ! طبعـًا ماداني يلسة الحريم فـ خلني هني " .
سعيد"يتطالع ندى اللي قعدت بعيد عنهم -يعني الجهه الثانيه بس ع نفس الطاوله" : ههههه لهالدرجه نحن نخوف ..
سعود : ايي والله شففت كيف . . شكله تتحرا فينا مرض معدي .
سعيد : هههه صددقت .. مادري شفيها علينا .

- دآخل الفيلا - .

فاطمه : هههدى حبيبتي ، سعيد يحبج ويحترمج .
هدى : انتيي شفتييي رددده ! حقير .
عنود"حابسه ضحكتها" : ياغبيييه ها سعود مب سسعيد !
هدى"فجت عينها منصدمه" : شيييت انا شسويت …. شـ بيقول عني سعيد .. احين لازم اروحله اكلمه .
عنود : بل بل .. اييه قعدي عيب .
هدى : انتي جب مايخصج .. فطوم تعالييي رآوييني من سعيد و من سعود !
فاطمه : هههه زيين .. "إلتفت لـ عنود" تعالي عن يفوتج .
عنود"ضحكت" : زين بيي ..

"وهم يمشون " .
هدى : طططع اللي ماتستحييي قاعده معااااهم !!!!
فاطمه"تطالع ندى" : تترآ عادي .. عيال عمها ، وجي ولاجي ساكنين فـ نفس البيت .
هدى"بصدمه" : شششووو !! نفس البيييت ! يعني هذي قاعده عندكم !
فاطمه : ترا لين مايطلع عمي من السجن .
هدى : ممماعليه ، بقعدلها انا .
فاطمه : شو تقصدين ؟
هدى : اليوم بعد بتبات عندكم ؟
فاطمه : ايي اكيد .
هدى : خلاص حتى نحن بنبات .
عنود : ع كيفج ..
هدى : جب جب ..

" ووصلوآ لعندهم"

ندى"وقفت ع طول من شافتهم" .
فاطمه : تععالي نيدو بنيلس ع طاولة بروحنا .
هدى"بعنآد راحت حذال سعيد وسعود" : لااا نحن بنيلس هني .
عنود "بصوت وآطي" : بلل هذي بايعتنها .
ندى : ايي والله .

هدى"تأشر لـ فاطمه ، اي وآحد سعيد " .
فاطمه : هههه ، اللي ع اليمين .
هدى"رآحت وقعدت حذاله " .

سعود"ينغز" : بنننات اخر زمن ، هم اللي اييون للشباب .
سعيد : سعود ؟ عيب .
سعود : هاه ، احين عيب .
هدى : بنات قعدوآ ، ولا بتمون واقفين .
فاطمه"ماعرفت شتقول فـ قعدت حذال اخوها سعود ، وعنود و ندى قعدوآ الجهه المقآبله" .

- بعد دقايق -
ندى : فطييييم تعالي هني ..
عنود : ايي تعالي بنقولج شي .
سعود"يتطالعهم" : لاخلهها … فطيم خلج .
فاطمه : لا بروح اشوف شفيهم .
سعود"مسكها" : ممماشي روحه ، قعدي ، اللي يبااج اييج .
ندى"سوت مالت ع سعود " .
سعود : علييج ياحماره .

عنود"تساسر ندى" : اووفف شكلهم ناشبين .
ندى : ايي بالقوو .. اقولج طاعي هدى انتي بس .
عنود"إلتفتت لـ هدى شافت داقه سوالف وضحك ويا سعيد" : ادريبها ماتستحي هالبقره .
ندى "همست" : ههههه .. خلاص مب زين اختج الكبيره هاي .
عنود"تهمس" : تزق ، خسي .
ندى " ضحكت" .

سعود " عصب عليهم من الصبح يتسآسرون ويضحكون" : انتوآ ايييه ترانا ع طاوله وحده .
ندى "تنغز" : طاع اللي حذالك اول ، ولا ماتقدر الا علينا بس "تقصد سعيد و هدى" .
سعود"إلتفت لأخوه وضربه" : اننت زين جي فشلتنا جدامها .
سعيد : أييييه انت يالدفش .. "إلتفت لـ هدى" أقولج هدى قوممي نروح بعيد عنهم .
سعود : ايييه ماتستحي انت .
سعيد : جب مايخصك "وسحبها وراحوآ يتمشون فالحديقه " .

عنود"تهمس لـ ندى" : اكييه وحده ماتستحي ولقت وآحد مايستحي .
ندى : ايي والله .
عنود "تهمس" : اقول ضحكي ضحكي ، خل سعود ينقهر ..
ندى : أوك . . ههههههههه ..
عنود : هههههههه ..

سعود"صرخ" : اييييه بسكم .
فاطمه : ايي والله حرام عليكم ، انا بموت من الملل وانتوآ من الصبح تضحكون .

ندى : والله قلنالج تعالي هني انتي مب راضيه .
عنود : ايي والله .

فاطمه : اوفف شسوي ها مب مخلني .
سعود : ايييه فطيم ، تمي لاتخليني بروحي .
فاطمه : اوففف .. نشبه.
سعود"يخوفها" : شوو قلتتتي ؟
فاطمه : هاا .. لا ولاشي ولاشي .

- - - -

" وتميينآ انا وعنود نسولف ونضحك وفطيم تطالع و فخآطرها تعرف شـ نقول …. والباقي كلهم متيمعين حول أبويه … اما سعيد و هدى مختفين ماندري عنهم شي …. لين ماخلص كل شي " .

بوهدى : وينها هدى اختج ؟
عنود : مادري يبا .
بوهدى : يالله حبيبتي ناديها تأخرنا وورآنا درب .
عنود : يبا نحن بنبات هني .
فاطمه"نطت" : ايي عممي خلهم يباتون .
بوهدى : زين حبيبتي عنود شوففي امكم لو رضت .
عنود : يباا ، اممي واعرفها اكيد بترضى ، خلاص بنبات .
بوهدى : وعقب منو بيردكم .
بوسعيد : ماعلييه يا بلال انا بردهم بس خلهم الليله خل يستآنسون ، بنات عم ومن زمان ماشافوآ بعض .
بوهدى : ان شاء الله ومشكور ياخوي ماقصرت والله ينعم عليكم ان شاء الله .
بوسعيد : العففو بس هذا الواجب و نحن اخوان والاخوان لبعض .
بوهدى : زين عيل ياخوي بروح انا احين ورآنآ درب .
بورآشد : أوه ، ححتى انا برووح تأخررت وبآجر ورآي اشغال .
بوسعيد : لا عاد اننت لازم تقعد وترتاح .
بورآشد : اسسمحلي والله ماقدر "وإلتفت لـ فاطمه" بنيتي ناديلي ندى .
فاطمه : ان شاء الله عممي ، "ورآحت لـ ندى دآخل الفيلا" .

- - - -

ندى : أحححلفي ؟ يعني بنرد بووظبي ؟
فاطمه : ايي شكله جي ، ابوج يقول وراه اشغغال .
ندى : لاااااا مااابي … نسيتي مخططنا لليله وبعدين مايصير اكوو عنود وهدى بيقعدون .. حتى انا ابي اقعد .
فاطمه : ايي صحح .. زين خبريه انج بتباتين .
ندى : اخخخاف .. مادري احس لو قالي تعالي ع طول بروح وبقوله اوك .
فاطمه : ممالت .. لسانج اتطلعينه علينا بس .
ندى : هههه ايييه جب ، يالله حليلي الموضوع .
فاطمه"تفكر" : زييين شرآيج اقوله انج رآقده او تعبانه وماترومين .
ندى : أيي جيي احسن ..
فاطمه : اووك عيل يالله سوي عممرج راقده لان يمكن ايي ولاشي .
ندى : اووك ..

- - - -

فاطمه : عممي ندى ماتروم اتيي حليلها رقدت ، وأصلن طول الوقت وهي تقول رآسها يعورها .
بورآشد"بخوف" : سسسلامات شففيها ؟ ليكون صايرلها شي .
فاطمه"شيت خوفته" : لالا تططمن عمي مافيها الا العافيه بس صداع خفيف واحين رقدت و ان شاء الله بيروح .
بورآشد : آآه .. خلاص عيل برجعلها باجر .
فاطمه"شقت الحلج من الونآسه" .

- - - - - -

ندى : ها شصآر رآحوآ ؟
فاطمه : يب .. كلهم خلوف و مرت أبوج وعيالها راحوآ مع ابوج .
ندى : وققوم عمي بو هدى وهدى وعنود ؟
فاطمه : عمي ومرته راحوآ بس بناته تموآ ..
ندى : أووففف .. نشبه .
فاطمه : حرام عليج ترا عنود طيوبه وسوالف .
ندى : أقصد اختها .. وانتي تعرفين .
فاطمه : هدى ؟
ندى : ايي ماشي غيرها العقربه .
فاطمه : همم صح كلامج هي عليها حركات .. بس تراها طيوبه والله .
ندى : ايي باين . .
فاطمه : همم لانج ماعرفتيها عدل .
ندى : أوفف مايخصنا فيهم .
فاطمه : أووه ع طاريهم ، نسيتهم تحت .. صبري بناديهم .
ندى : آآه شكله الليله مابناخذ رآحتنا …
فاطمه : أمبللا ماعليج .
ندى : يعني بنسبح ؟
فاطمه : ايي ..
ندى : متى ؟
فاطمه : بنيلس نطالع أفلام لين ماينامون أخواني وبعدها بنروح تحت مع البنات .
ندى : أوك عيل بروح المطبخ ايبلنا جبوس و عصآير وهالسوآلف .
فاطمه : أووك .. أقولج ابي ردبول .
ندى : خخ أصلن عندكم ؟ ولامره شفت فـ بيتكم .
فاطمه : أظني شي ،لو مالقيتي خل سلوم أخوي يروح ايبلنا من الدكان ..
ندى : ليش الدكان مايوصل شو ؟ ..
فاطمه : ههه لا لان شوي بعيد .
ندى : هفف زين .

- ورآحت ندى المطبخ أمـأ فاطمه فـ راحت اتدور عنود وهدى - .

"عند فاطمه كانت فالصاله " .

فاطمه : عنوودوه وينها اختج عفست البيت ومالقيتها .
عنود : مادري . . تهقين طلعت مع سعيد . !
فاطمه : أوه صصصح .. يمكن .. صبري بجيك ع سعيد .

"ورحنـأ وماحصلناه " .

عنود : أوفف منها هاي تحب الفضآيح والمشاكل .
فاطمه : شو تقصدين ؟ ليش شصآير ؟
عنود : ها لا ماشي .. اقولج صبري بدقلها بشوف وينها .
فاطمه : زين خل نقعد فالحوي .. عسب نشوف متى بيردون .
عنود : أوك .. إلا أقولج امج وابوج وين ؟
فاطمه : أظن رقدوآ ..
عنود : أها ، أووك ..

" عنـند ندى " .

ندى : أووففف شو هالثلاجه مافيهها شي .. حتى الجبوس والحلويآت كلها مخلصه .. الله يسآمحهم ميره وسيف مآخلوآ شيي مولييه .. صفرووها .. خل اروح عند سلوم آشوفه .
"ورحت لـ غرفه سالم " .

سالم : أووفف مب فاضيلج خليني ننايم .
ندى : اييييه سلوم لاتستهبل قووم رووح هاتلنا اغراض .
سالم : أأخخ الله والاغراض ، اخرتها اشياء سخيفه ، اقولج طلعي وسكري الباب ورآج ، خليني انام .
ندى : أوففف انت شو من البشر ماتحس ؟ ديايه شوو .. ققوم ياخي ابي من الدكان .
سالم : أووف ياهي نشبه .. "ورآح لـ ندى دزها لـ برع الغرفه و صك الباب وقفله .. "

ندى "أتدق باب الغرفه" : سللوم لاتستهههبل ..
سالم : خل حد ثاني ايبلج …
ندى"آتدق ع امل " .
سالم" اختفى صوته ، شكله نام " .

ندى : أوووفففف يهال أخر زمن ، حممار ، غبي ، سخيف .. احين كييف بنطالع فلم .. اوفف اوف .. خرب عليننا كل شي .. يعني شو بيصيرله لو رآح إلا 5 دقايقق ..

سعود"طلع من حجرته ع حشرة ندى اللي قاعده تتحرطم فالممر اللي جدام الغرف"
ندى"كآنت اتحوس وتلف نفس النحله ، وعاد من طلع سعود دعمته" : أخخخخ ،"ررفعت رآسها" ، بسم الله الرحمن الرحيم ، اننت شـ يابك هنني ؟
سعود : مآتشوفين شو ؟ انتي اللي شو يآبج ، وليش محتشره .؟
ندى : مايخصصك .
سعود : صج ماتنعطين ويه .. عيل توه اسمعج تتحرطمين ع سلوم تبين من الدكان .
ندى "بصوت واطي": بل ، يتسمع مايطوفه شي .
سعود : نعم ؟ شقلتي ؟
ندى : ها ؟ لالا ماشي ..
سعود : زين ماتبين من الدكان ؟
ندى "استانست": ايييي امببلا .. بتيبلي ؟
سعود : هه ، لا طببعـًا اشتغل عند ابوج انا ؟
ندى : أوففف عيل ليش تسأل . ؟
سعود : روحي بدلي بوديج وخذي اللي تبينه .
ندى: لالا مابي اطلع معاك .
سعود : إلا هو الدكان ، مب مودنج بارتي انا .
ندى : أوفف .. بس وياك !
سعود : يالله تبين ولا ؟
ندى : زين زين .. اتريا .
سعود : بترياج فالسياره ، 5 دقايق لو ماييتي بغير رايي .
ندى : طع يهدد بعد .
سعود : بتين ولا ؟
ندى"ضحكت ضحكه شريره " .
سعود : امييه بلاج ..
ندى : انت اللي بتدفع صح ؟
سعود: ها ؟ ايي اكيد .
ندى : أووك ..

- - - -

ندى "شليت فوني ودقيت لـ فاطمه " .

ندى : ها وينكم ؟
فاطمه : ماشي ويا ست الحسن هدى توها يايه .
ندى : شييت هالحزه ؟ وين كانوآ ؟
فاطمه : مادري والله ع قولتها رآحوآ البحر هي وسعيد .
ندى : مالت ، زيين اقول تعالوآ سعود بيودينا الدكان .
فاطمه : سعود ؟ ماشاء الله اعتدلت العلاقات .
ندى : لا ! بس عشان الدكان .
فاطمه : ههههه مصلحه ..
ندى : تربيتج هههه ..
فاطمه : زين كفوو عليج ..
ندى : اقولج ضبطتلكم اياه ، تعالوآ كلكم ع حسابه ترا .
فاطمه : ههه اووك ..

- - -

سعود : ليش يالسه ورآ ؟
ندى"بإبتسآمه شر" : ترآآ أختكك بتيلس جدام ..
سعود : هاا ؟ اختيي ؟
" شوي ولا يركبون هدى و عنود وفاطمه " .
سعود : بل بل ، انا قلتلج تعالي بروحج ماقلتيي هاتي القوم ..
ندى : ها اشوفك هونت .. !!
سعود : أوفف … ركبتوآ كلكم ولا باققي حد بعد ؟ ماشاء الله عازمين الفريج كله .
ندى : لو سمحت ممكن تحرك ؟

سعود " تمم يسوق وهو ينآففخخ ، وكأنه يدري ان الدكان مابيكفينا فـ ودآنا سوبر مآركت جريب " ..

ندى : وآو ، يبيعون اشيآآءء مآشي منها فـ بوظبي ..
فاطمه : هههه حلفي ؟ ليش ع بالج دبي امريكا مثلاً ؟
ندى : لا صجج ، مشروبآت الطآققه غيرر .. ماعندنا سوبرمان فبوظبي أول مره اشوفه .
فاطمه : أووه ها مجربتنه حلوو ..
ندى : خلاصص باخذلنا عيل ..
عنود : أققول انتوآ خذوو ردبول وهالسوالف وانا بخمم من الجبوس والكاكاوات ..
ندى : أووك .. اقوولج ترا بممر عقب صوب الكآكآوآت .. أحب اختآر ..
عنود : أوه زين وفرتي ، عيل انتي خذي وانا باخذ جبوس .
ندى : أوك .
فاطمه : ويت نيدو ، شوففي هدى وين طارت .. عن تشرد بعد .
ندى : ويا هالهدى حتى فالسوبر مآركت …

" وتشريينـأ وخلصنـأ ، خمييينآ من كل شي ماشاء اللله عليننـا .. وهدى ماقصرت خذت بطآيق رصيد تكففي سننه " .

فاطمه : إلا وينه اللي بيدفع الحسآب .
ندى : هههه شكله فالسياره حتى مانزل .
فاطمه : بل ، مخوفيينه نحن شو .
ندى : هههه شكله جي .. فطيم روحي نادي اخوج .
فاطمه"مدت السله لـ ندى " : عييل يودي شليي هاي .
ندى"حاولت تشلها" : أأأخ ثققيله .
هدى : دلع دلع !
ندى : نعم ؟ اقول فطيم يودي السله ، انتوآ خلكم ، انا بروح انادي سعود ..

"ورحت للسيآره ، عند بآب السآيق .. اددق الجآمه ، هالغبي مآيفتح ، ومخخفي غآمج مايبين شي فـ فتحت بابه .. شفت الاخ سآدح السيت ومحطي ايده ورا راسه وراقد ، ها وقته ؟ كفخته ع راسه " .

سعود : أأأخ يالدفففشه … بسم الله شـ يابج انتي خربتي الحلم ..
ندى : ما أمدددى رقددت ! اوفف .. يالله مب ناوي تدفع .
سعود : أأخيج .. يودي يودي "وعطاها البوك" جوففي كم الحسآب ودفعي .
ندى : زين بابا !
سعود : هههه .
ندى : لهالدرجه تضحك ؟
سعود : روحي روحي ..

- - -

فاطمه : ها وينه سعود ؟
ندى : مايا .. بس عطاني بوكه ..
" كنـا قاعدين نحآسب" .
عنود : ها رفييق ، كم الحساب ؟
ندى : هههه يخرب بيتج ها فلبيني مايقولوله رفيق ..
عنود : ههه كله واحد ، لا وبعد مايفهم ..
ندى : اكسيوزمي هاو مج ؟
المحآسب : 350 مدآمم ..
ندى"بعدم رضى" : بس ؟
فاطمه : ههههه تحريت اكثر .. اقول زيد بعد بطاقه رصيد 200 ..
ندى : إلا زيد ثنتين مب وحده ، خل نفقر هالسعود .
هدى : انا بعد ابي .
عنود : ماتكفيج ، توج ماخذه .
هدى : لا ماتكفيني ، طلبولي معاكم ..
فاطمه : زين زين …

ندى "فتحت البوك بطلع الفلوس ، بوكه كله بطايق مال البنك ، مال الجامعه ، الهويه ، ثقه .. أما الفلوس فـ خرده ماظن تكففي .. لفت انتبآهي الجيب الشفآف اللي فيه صور .. كآن فيه صوره لـ سعود وصوره لـ عمـي ، وورآهم صوره بس مب مبينه … طلعتها ، انصدمت ، هذي مب جنها تشبهني .. هذي انا يوم كنت صغييره صح ؟ شليت الصوره وجلبتها كان مكتوب اسمي من ورآ .. نعم ليش محطي صورتي فـ بوكه ؟ "

فاطمه : ايييه حوو ..سننه اتطلعين الفلوس ..
ندى : ها .. ماحصلت الا هالخرده مايكفون .. صبروآ بروح اقول لسعود .
هدى : زين بسرعه لاتفشلينا جدام الناس ..

- - - - -

ندى " رحتت لـ سعود ، ع طول فجيت الباب " .
سعود : شو بعععد ؟ سننه ، ماخلصتوآ ؟
ندى "مديت له صورتي " : هذذي شتسوي عندك ؟
سعود : ها ؟ واننتي ليش منبشه فالبوك ..
ندى : كنت ادور فلوس بعد شو … ويالله جاوب !! من وين يبتها اصلن .
سعود : مايخصج .. يالله خلصوآ ، مليت تراني .
ندى : أوففف .. كريه .. قصيت علينا . دام ماعندك فلوس ليش متفلسف .
سعود : فعيينج ماعندي انتي مادورتي عدل ..
ندى : ويين ها ؟
سعود : اححيد شي 500 فبوكي .
ندى : هه ، مايكفون ي حبيبي .
سعود : حبيبج ؟
ندى : أوه ، مب قصدي اصلن والله .. بس يعني مايكفون .
سعود : هههه زين ، هاللي يعزم البنات ، حشى جنه مب جايفين خيير .
ندى : ايييه اسمعك تراني ..
سعود : أوفف .. قوومي بنزل .
ندى"وخرت عن الباب ، نزل سعود وسحب البوك عنـي ورآح دفع بالفيزآ كارد و فالطريج ونحن رادين البيت " .

سعود : أأأأخر مرره اعزمكم ماعليه ، مب وييه عزيمه .
ندى : أوف انت شفيك صآير زططي .
سعود : زطي فعينج تدرين انا كم دفعتلكم .
ندى : مذله .. عفان الله ..
سعود : ايييه استهبل ، خلاص عن تزعلين .
هدى : لهالدرجه تهمك .. ؟
سعود : انتي محد كلمج !!!

- - - - - -

" وصلنـا البيت ، كانت تقريبـًا 2 فالليل ، الكل رقد تقريبـًا ، أو يمكن للحين سهرانين فـ حجرهم ، اما نحن البنات فـ كنا فالصاله اللي فوق محطين فلم ع الـDatashow ، مسوين سينما ! وننـاكل ونشرب ومستآنسين … "

ندى : فطييييم … متى بنسبح …
عنود"نطت" : نسببح ؟
ندى : ايي فـ مسبحهم .
عنود : هههه عشان عمي يذبحنا .
ندى : لا حبيبتي كلمناه ووافق ..
عنود : وننآسه ، بس حساففه مايبنا ويانا لبس سبآحه .
ندى : ماعلييج اشتريينا وآيد انا وفطوم ..
هدى : زين عيل انا بعد ابيي ..
ندى : بسس .. !!
هدى : بس شو ؟
ندى"استحت " .
عنود : أأأ فهمتج ، هههه هدوه وين تبينهم ايبون قياسج ..
هدى : عادي حلاته يوم ضيق !
عنود : الحمدلله والشكر .
ندى : همم اذا جي اوك ، بس مابترتاحين لو ضيق مابتقدرين تتحركين .
هدى : لاعادي .
عنود"تنغز" : عايبنها الضيج هاي .
ندى : زين فطومم متى بنروح ..
فاطمه : صببري احين شوي وبيخلص الفلم ..

- - -

" فـ غرفة سعيد و سعود " .
سعيد : واخيرًا سكروآ التلفزيون ..
سعود : ايي والله صدقك ، احين بنعرف نرقد ، اوفف كيف كانوآ مسوين ازعاج .. ياكرهي للبنات .
سعيد : ههه احيين ياكرهك لهم ها .. لحينك ماشفت شي ترا .

- - -

" عند البنآت ، لبسنآ بكينيآت … والحمدلله القيآسآتت صحح .. ورحنآ للمسبح وعاد طبعـًا بالدس ومحد يدرري …. وبدت فطيم تعطينا دروس فالسبآحه ههه " .

فاطمه : يالله ننندى نترياج ..
ندى : أمببيه ، اخاف خلاص مابيي ..
فاطمه : يالله عاد نيدو ..
هدى : انتي اييه ، تبين تسبحين تعالي انزلي فالمسبح ، مب تخربين علينا .
ندى : أوفف زيين زين .
عنود : هدوه شوي شوي ع البنيه ، ترا اول مره لازم جي تخاف .
هدى : تحسيس ..
ندى"قهرتني هدى ، كآن المسبح عميق شوي … ف نزلت وفاطططمه تممت تعلمنيي ، وعاد بلعت نص ماي المسبح هههه .. صصدري عورني ، كحييت وآيد .. بس للحين احاول اتعلم …. "

- عند التوأم - .

سعيد : ياخي غريبه أول مره ينامون بوقت .
سعود : انت شفيك مانسيتهم ، اسكت خل نرقد .
سعيد : لا صج لان هدى كانت تسولف معاي فجأه كتبت برب واختفت ..
سعود : عيل يمكن ناوين ع مصيبه .
سعيد : قووم نشوفهم .
سعود : شكلنا مابنرقد اليوم بسبتهم ، زين يالله طوف ..

" رحنـا حجرت البنات ومالقيناهم " .

سعود : وين طاروآ يعني .
سعيد : مادري ، نشوفهم ف حجره رشود ؟
سعود : شـ يسوون فـ حجره رشود يالغبي ؟
سعيد : يالاهبل تراها ندوي دوم هناك عند اخوها .
سعود : اوك ندوي وباقي البنات .
سعيد : خل نشوف ، و بنسأل رشود اكيد يدري ، اخته تخبره كل شي .
سعود : اووك يالله . .

نهــايـه البآرت التاسع و العشـرون .
اتمنـى ان ينال إعجابكم .
وبإنتظآر تعليقآتكم و أرآئكم .

البــــــــــارت الثـــــلاثــــــون 30

/
\
/
\

سعود : وين طاروآ يعني .
سعيد : مادري ، نشوفهم ف حجره رشود ؟
سعود : شـ يسوون فـ حجره رشود يالغبي ؟
سعيد : يالاهبل تراها ندوي دوم هناك عند اخوها .
سعود : اوك ندوي وباقي البنات .
سعيد : خل نشوف ، و بنسأل رشود اكيد يدري ، اخته تخبره كل شي .
سعود : اووك يالله . .

- - - -

سعود + سعود "دخلوآ ع رشود غرفته وفتحوآ الليتآت وعآد الحبيب كان راقد" .

رشود : ايييه اييه ،وين داخلين .
سعود : غرفتك بعد وين داخلين .
رشود : ممآتشوففوني رآقققد شوو .. يالله ذلفوآ برع لا اقوملكم ..
سعيد : طع ها ، يا بابا قوم اختك مححد .

رآشد"نقز" : ممممحد ؟ ويين يعني محد ؟ شردوآ ؟
سعود : شدرآآنآ حالنآ من حالك مآنعرف شي ..
راشد : أووف ، بس اختي ولا كلهم ؟
سعود : منو كلهم ؟
راشد"صرخ" : البببنننآت بعد منو غيرهم ..
سعيد : ايي كلهم كلهم .
سعود : أخخ هذيل كل مايتيمعون يسوولنا مصيبه .
راشد : لآ لا مستحيل اختي تسويها ..
سعيد : لا ، ألأخ نايم بالعسل ، مايدري ببشي .. اقول قمم قم ..
راشد : انت اييه بتتصفع تراك .. انتوآ دورتوهم فالحوي؟
سعيد+سعود : لا .
راشد : زين عيل ليش مخوفينا ، اكييد هم فالحوي .. قوموآ نروح .

"ورحنـا للحوي" .

سعود : ها وينهم .. اكيد فالحوي ها .
راشد : جب انت . . صبروآ بجيك ع باب الحوي . "ورآح يجيك "
سعيد : ها شو ؟
راشد : البيبآن مقففوله يعني مستحييل طلعوآ .
سعود : عيل وين رآحوآ ..
راشد : مادري، مادري ..خل ندور داخل الفيلا .
سعيد : زين .
راشد : انتوآ دقيتولهم ؟
سعيد : ايي ، كلهم مايردون .

- - -

" عنـد البنـات "

عنود : بنات جنـه طولنا وايد .
ندى : خلننا وناسه .
فاطمه : هههه احين وناسه توه تصآرخين وعافسه الدنيا .
ندى : هههه شسوي ، طلع ححلو المسبح .
عنود : زييين يالسبيحه انتي .
ندى : إححم .
فاطمه : بننات تخيلوآ الشبآب يقومون ومايحصلونآ .
ندى : لا ويين شو يقعدهم هذيل .. من يرقدون مآيدرون عن شي .
هدى"شهقت" : امممبيه انا كنت اكلم سعيد قبل لا ننزل المسبح ، وقلتله بروح شوي وبرجع .
فاطمه : ططع الغبيييه وخلليتيه يتريا كل هذا .
هدى : شدراني ماكنت ادري انه بنتأخر .
ندى : عيييل اكييد احين قعد يحاتي ويدورنا.
عنود : ايي صح .. وعاد نحن الغبيات مخلين باب غرفتنا مفتوح .
فاطمه : اوووه صحح نسيت اققفل الباب .
ندى : أخييج .. خل ندقلهم .
هدى : انا فوني فوق .
عنود : حتى انا .
فاطمه : وانا بعد .
ندى : طع الفالحات .. عيل شنسوي احين .
هدى : زين خل ناخذ الاحتياطات …
فاطمه : مثل شو ؟
هدى : تخيلوآ اييون ويجوفونآ ونحن جي . "احمرت خدودها" .
ندى : ههاه ، شكله هاللي تتمنينه .
هدى : فـ عييينج ، بس قلت يمكن !
عنود : اييه انتوآ بلا هالكلام الفاضي ، بنقوم نبدل ملابسنا وخلاص .
فاطمه : لآآآآ حرآمم ، والله ونآسه ، والماي داففي .
عنود : احسن من ما ننفضح عاد شو يفكنا من لسآنهم .
ندى : زيين ترا عادي نحن خبرنا عممي .
فاطمه : بس تراه قال لاتخبرون حد ومايبي حد يعرف .
عنود : أوففف .. عيل قوموآ نبدل .
ندى : عندي فكره أحسن …

- - - - -

رآشد : زييين سممعوآ .. يمكن رآحوآ تحت .
سعيد : تحت ؟
راشد : عند المسبح يعني .
سعود : ههه ، شو يسوون هنـاك يدرون ان المكآن محظور .
راشد : ايي صح .
سعيد : لالا يمكن كلام رشود صح ، تراهم ملقوففآت وعادي نحصلهم هنآك .
سعود : زين يالله عيل . .

" ونزلوآ عنـد المسبح ـ ،كآن المكآن شبـه مظلم ، والليتات كلها مسكره ماعدآ ليتآت المسبح اللي تحت المآي .. "

سعود : هه ها ويينههم !!
سعيد : أوففف مالقيناهم لا داخل البيت ولا فالحوي .. وين اختفوآ هالصايعات .
راشد : انت اييه ، اختي مب صايعه .
سعيد : هاه ، اوه سوري نسينا ان اختك الملاك معآهم .
راشد : سعععيدوه بتنضرب ترا .
سعيد : اوفف زين سوري .
سعود : خلاص خل نروح .
راشد : وين نروح ؟
سعود : نرقد .
راشد : لاحبيبي انا مابرقد لين ماحصل اختي .
سعيد : عيل خل نروح نخبر عممـي .
راشد : لالا مب زين نخوفه .
سعود : اوففف هذيل مايشبعون من المشاكل شو .
سعيد : بنات ، شو بنحصل وراهم .

- طبعـًا البنآت منخشآت ويتسمعن - .
ندى : اوففف هالكلاب بسهم .
فاطمه : هيييه والله قطعوونـا .
عنود : خخخ شكله منقهرين لأنن مالقونا.
ندى : أحسسن يعلهم يموتون قهر ، إلا اخوي حبيبي فديته .
هدى : انتي ايييه لا تدعين ع ريلي .
ندى"بصوت واطي" : الله والريل .
هدى : تتمنينه انتي اصلن .
ندى : اها ، ايي وايد اتمناه .
عنود "بسخريه": ايي والله حتى انا اتمناه هههه .
فاطمه : انتوآ اييه بسسكم ، عن يسمعونا .
ندى"تقصد هدى" : تراها إلا تباهم يسمعونا .، عشان ريلها يشوفها بالبكيني .
هدى"صرخت" : جبب انتي مايخصج . ايي ابا يشوفني عندج مانع .
ندى"حطت ايدها ع حلج هدى" : اييييه سكككتي فضحتينا .

"ياهم صوت من وراهم"
سعيد : انتوآ ايييه شتسوون هني .

"نقززن البنات ، وكل وحده تصآرخ وتغطي عمرها بايدها " .

سعود"لحق سعيد" : اووه طلعوآ هننني ، ططططع طع !!!
راشد"سحب سعيد وسعود" : استغغغفر الله ، انتوآ ماتسسستحون شو . "اشر ع البنآت بدون مايطالع" اشوف كل وحده تحط فوطه ع جسمها .
سعود : ايييه رشود شففيك ، همم المتفصخات مب نحن .
راشد : وانتوآ ماتستحون اتطالعون .
سعيد : والله محد قاللهم …

- رآحوآ البنآت كل وحده تغطت بـ فوطتهـا وبعدها رآحت ندى لـ راشد -

راشد : زيين جي ؟ عفسسسنا البيت عشانكم واخرتها منخشات هني.
ندى : رشود حبيبي سوري ، بس اصلن حتى مايا فبالنا انكم واعيين لهالحزه.
سعود : ياماما نحن ذيابه مانرقد.
ندى : هه مادري من اللي رقد فالسياره مجابل السوبرماركت.
سعود : اييه يابنت ..
راشد : ايييه انت لاتصارخ ع اختي.
سعيد : اختي ، واختي ، ترا مابناكلها نحن …
سعود"بصوت واطي" : ايي والله جنه محد عنده اخت الا هو.
ندى"بنبره ترجي": زين رشود بليز ممكن تروحون وتفضضون لنا المكان .. لان بعدنا ماشبعنا .
سعود"شهق": اممما ، كل هالسساعات وماشبعتوآ .
ندى : والله كيفنا ..
راشد : زين حبييبتي تحملي بعمرج .. "وإلتفت لـ سعيد وسعود" يالله جدامي ، ولا ماسمعتوها شـ قالت.
سعيد+سعود : سمعنا سمعنـا ..

"ورآحوآ " ..

عنود : ياقللبي اخوج رشود طيب ومؤددب مب اخوان فطيم قليلين الادب .
ندى : هههه ايي حبيبي رشود .
فاطمه : انتوآ اييه شتقولون شفيهم اخواني .
عنود : قليييليين ادددب ..
فاطمه : ايي ادري من زمان .
عنود : هههه تحريتها بتدافع عنهم .
ندى : اتدافع ع شو يا حظي سواد ويوهم .
فاطمه : ايي والله صح كلام نيدو .
هدى : لا حرام عليكم .. سعيد مب قليل ادب .
ندى : انننتي ،، شش ، كل اللي صار بسببج .
هدى : والله انتي اللي بديتي ، وبعدين اكو مآصآر شي .
فاطمه : زين زين خلاص لاتضآربون .
عنود : ايي بسكم ، يالله بننسببح شوي وعقب بنروح نصللي الفير ونرقد .
فاطمه : ايي احسن .. بس بعده ما اذن .
عنود "تطالع الساعه المعلقه ع اليدار" : بباققي شوي ..

- - -

" صبآح اليوم الثـاني .. مآكآن صببآح أصلن ، كان الظهر … بما إن لا البنآت و لا الشباب رقدوآ ، فـ ققعدوآ يتريقون ريوق متأخر ، مع بعض …. ع نفس الطاوله بس رآشد مب معاهم كان مداوم" .

سعود : إلا شو كنت تقول سعيد ، عممي قال للبنات لاتخبرون حد إن بتسبحون .

ندى"غصت" : كححح ، كح .
فاطمه : صحه صحه ، يودي "ومدتلها ماي" .

سعيد"يكمل المسرحيه": تخييل نخبرره ان شفناهم بالبكينيات .
سعود : والله لايغسل شراعهم .
سعيد : ايي ها لو ماذبحهم .
سعود : خل نخبره ان هم اللي قالوللنا انييهم المسبح .
سعيد : لا ححرام .
سعود : شو اننت نسييت هذيل شمسوين فينا قبل .. خل نخربها .
سعيد : هييه صح يستآهلون .

"طبعًا البنآت كل وحده تبلع ريجها " .

هدى : انا واختي مايخصنا ، فطيم انتي وندى المسؤولآت عن كل شي !
فاطمه : هاه احين نحن السبب ها ؟ نسينا منو اللي كانت تكلم سعيد وخلته يشك .

. .

ندى"وقفت بعصبيه وحطت ايدها ع الطاوله " : زييين قولوآ شالمطلوب .
سعود : مطلوب شو ؟
ندى : ترا فاهميينكم ، تبون شي .. قولوآ شتبون .
سعيد : اوه طلعتوآ ذكيات … يعني بتسوون اي شي ؟
ندى : ايي .. فكونا شتبون .
سعود : انا متأأكد مليون بالامييه ان مابترضون .. بس غصبن عنكم توافقون .
سعيد"يخرط" : ع فككره ترانا اممس صورناكم .

ندى"شهقت" : جذذذذاب ..
سعيد : تبين اراويج الصور ؟ بس براوي عمي اول عقب براويج .
ندى : اوفففف فكونا شالمطلووب .
سعود : زيين نبيكم كلكم تنفذون … ولو وحده فيكم رفضت .. الصور عند عمي .
سعيد : ايي وعاد تعرفون نحن نحب نزيد كلام ، فـ بنعطييه شويية بهارات .
فاطمه : ندى خل يولون خبري اخوج عليهم .
ندى : ايي بخبر رشوووود عليكم !!
سعود : والله ياندى .. وكاني حلففت .. لو درا راشد … بخلييج تندميين لآخر يوم فحياتج وانا عند كلامي .

عنود"قامت" : الحمدلله انا شبعت . ." وراحت للغرفه" .
هدى + فاطمه " لحقوها " .

سعود : يالله روحي .. اكيد ينطرونج تراج ال big boss مالهم .
ندى : جب مايخصك .
سعود : تكلمي بأدب ! ولا بنلوي لج ذراعج .
ندى : أوففف .. "ورآخت " .
سعيد : هههه كففو عليك تعرف تمثل .
سعود : تربيتك .. تهقى خوفناهم ولا ؟
سعيد : مادري اظن .. ماتشوفف الصغيره شردت .
سعود : تقصد عنود ؟
سعيد : ايي … واصلن حسيتهم متوترات ..
سعود : ايي والله .. ابوي قاللهم تسبحوآ بس ماقال تفصخوآ .. !!
سعيد : زين عيل بنأدبههم …
سعود : كفوو علييك .

--------

ندى : فطيييم شو جييي خوااانج !!! يستهبلون شو ؟
فاطمه : لا ياندى ! للأسف لا . . . اخواني واعرفهم ، وحافظه حركاتهم الخايسه .
عنود : اوفف الله ياخذهم .
هدى : انتي ايييه لاتدعين ع ريلي .
ندى"عصبت" : انتي اييه اذييتينا ريلج وريلج الله والريل عاد ، صدق لي قالوآ الطيور على اشكالها تقع … يهددج وانتي مستآنسه .
هدى : والله ماهددني ، هددكم انتوآ ، وانا مايخصني !
ندى : لا والله كل هذا ومايخصج ؟ وانتي ساس البلا مشكلتينا !
هدى : لو سمحتي تكلمي عن عمرج .. انا مامشكلت حد ومحد اشكتى .

عنود : انا اشتكيت .. عندج مانع ؟ البنت كلامها صح ، انتي السبب ..
هدى : انتي اييه انا اختج الكبيره احترميني مب توقفين مع الغريبه ضدي .
عنود : والله آسففه انا اوقف مع الحق !

فاطمه : بننات عاد بسكم ضرآبه ، ترا هالنجره مابتفييدنا بـ شي .. وهالكلام مايودي ولا اييب . .
ندى : شنسوي عيل يا طمطم ؟
فاطمه : همم ماعرف .. نشوف شو اخرتها مع اخواني ؟
ندى : ماعرف احس اخاف يطلبون مننا اشياءء قويه ، عاد تعرفين حققآرتهم !
فاطمه : ايي حتى انا خايففه من هالشي .
ندى : لزوم نردلهم الحركه !
فاطمه : ايي بزياده بعد …. ياما سكتنا عنهم لي متى بنسكت .

هدى : الله يعينكم ! سورري بس مايخصني ولو سمحتوآ لا اتدخلوني بمشاكلكم ، انا وحده ورااي زوآج ! مابي الريال يهون بسبتكم .
عنود : طع هاي ! ماتفكر إلا بعمرها ومصلحتها .
هدى : ايي عيل ف شو تبيني افكر ؟ تبين اعور راسي عليكم ؟ سوري بس انا انسانه اشتري راحتي .
ندى : أوففف .. عيل طلعيي شـ مقعدنج معانا دام مايخصج فينا …
هدى : حبيبتي مب انا اللي انطرد ! وماعاش من يطردني .

فاطمه"عصبت" : ننندى ! هدى … خلاصصص عاد نحن ف سالففه وانتوآ فسسالفه .. بسسكم .. وندى عيب عليج تطرديين البنت .
ندى : فططيم .. حبيبتي مب قصدي …
فاطمه : اوففف من ييتي ونحن كل يوم مشكله خلاص ععاد تعبببت انا ,,,
ندى : فففاطمه !!! شفييج علي .. انا مايخصني والله .
فاطمه : عيل من اللي يخصه ؟ بتقولين هدى ؟
ندى : فطيم هدي اعصابج خل نتفاهم .
فاطمه : ممابي اتففاهم معاكم .. طللعووآ برآآ كلللكم !!!

- - - -

سعود : هههه تسمع الصصريخ ؟
سعيد : شكلله تضآربوآ .
سعود : ابركها من ساعه ، خل كل وحده ترد بيتهم ويففكونا ..
سعيد : مب جنه حرام .
سعود : ها حرام ؟ شالحرام فالموضوع ؟
سعيد : ماعرف .. اخاف هدى تكرهني !
سعود : من زينها عاد ، واصلن جي ولا جي البنت ميته عليك .. أو علينا ، وميته ع العرس .. ولو شو تسوي فيها مابتغير رايها .
سعيد : ايي والله معاك حق .
سعود : ققوم نطلع ..
سعيد : وين نروح . ؟
سعود : اننت قووم وبققولك ..

نهــايـه البآرت الثلاثــين .
اتمنـى ان ينال إعجابكم .
وبإنتظآر تعليقآتكم و أرآئكم .