منتدى استراحات زايد - أبسألج يا أرض وش اللي خلااني أحبهـ .... الكاتبه جهوووون ..

.................................................. أبسألـج يا أرض وش اللي خلآآني أحبهـ

البارت الحادي عشر ..

العنود بخاطرها : هااااااا منوووين طلع اوهوووه ومن يكوون يولي... لاااهـ بحذفهـ ..

وقبل لاتحذفهـ قرت شي عمرها ماقرتهـ وخافت وبقوووه .. لييييييييييش ياربي ليييييش

أمشي على درب المستحييل .. لأتنفس هواكـ

عنود عنود انا شامس .. ولد خالتج بتقولييين من وييين يبت ايمييلج ... ؟

شليييته من زماااان .. لما كنت بالبلاااد من منى اختي بس هييه ماتعرف أو بالأصح سرقته وبعد كل هالاسنيين ضفتج ... واناا ماعرف كيف بتكوون ردت فعلج

العنود : ياربي شو هالوهقهـ الحييينه ليش بعد كل هالسنيييين يرجع شامس ويرمسني بعد هذييكـ الساالفة اللي صااارت من زماان ما ينذكر لما اتضاارب ويااهااا وصفعني صفعهـ عمري ماتوقعتها ليش انا شو ذنبي انا مالي خص ... ليش صفعتني .. <<< ورجع الحزن لقلب عنوود بعد مانسته رجع الحزن بعيونها ودموعها نزلت شرات الماااي .. وهيييه تتذكر الماااضي

لما كانت العنوود بعمر 15 سنهـ كانت هييهـ دوم فبيت خالتهاا عند ربيعت روحهاا منى .. وفيوم من الأياامـ

منى : اقووولج عنوود قووومي بنظهر شوووي برع

عنود : لا منووه يلسي مكااانجـ مافيناا على المشااكل

منى : أقوولج عنود عادي قووومي بنرووح شوووي برمسه وبرجع

عنود : شوووه اقوولج انا اخااف وبعديين انتي كيف اتكلمييينه ماتخافين

منى : اوهووه الااا هوووه ولد جيراناا

عنود : بس انا اخااف

منى : قومي شوووي بكلمه وبرجع انا مواعدتنه هالسااعة وبعدييين محد في البيييت

عنود : بس بسرعه

وظهروو لبرع البيت ..

و سلطان لما شافهمـ يهـ صوبهمـ ..

كان سلطان بأول ثانوي .. يعني أكبر عنهمـ .. ولعاااب بدرجه قوويهـ ..

سلطان وعيونه على العنود ويرمس منى : يا هلاا والله بأحلى منى بهالعالم

منى : يا هلابك زود

سلطان وبعده يلتفت يميين يسااار يطالع العنود ومنى وبخاطره منووه هالمزيييوونه اللي ويا منى : اقووول منااوي شو راايج نرووح شوي بعدييين عن ربيعتج

منى : لا حبيبي اخااف وبعديييين بنت خالتي مابخليهاا بروحهاا برع

سلطان : بسرعه يالله تعالي ويااي

ومسكـ يدهاا وسحبهاا لورى الشيره وعنود مليوون علامه استفهام على رااسهاا

سلطان : اقوولج منى تراا انااا وايد متوله علييج ليش ماترضييين تضهرين ويايه بالييل

منى : لااا لاااا اقوولك مستحييل ماتفهم انتي

سلطااان : اقوولج بس بنروح بمكااان نيلس فيه ونرتاح فييهـ

منى : لا ما أٌقدر

سلطان : أويييه اوويييه اخووج

وتربع منى صوب عنوود وهيييه زايغه

شامس : شو هااااا عنودووه من وين يايييهـ وليش جي تربعييين ومنوه هذاك الولد اللي ترمسسييينهـ ..

العنود حياره بين عيونه اهيييه مالهاا ذنب هاااي اخته

سلطان بعصبيه : ردي علي يالحقيرة ... وصعفهـ صفعهـ طاحت على أرضهاا ودمووعهاا تنزل بكثرة على خدووودهاا ..

اما منى فكانت خايفه انه اخوهاا يعرف هييه هب العنود ..

رجعت للوااقع .. ولقت نفسهااا تايه وحاايره ليش يا منى ماقلتيييله انج انتي .. يالله اللي راح راح .. بس ايدهاا بعدها معلمه على خدي كنه الحين صافعني .. اه ياقلبي شو اسوووي الحينه ..

برد عليييه وامري لله ــ

قلبي مثل قبري مايشيل أثنييين

ياهلاا شامس ..

شامس: وأخيرا ردت علييييه ..

أمشي على درب المستحييل .. لأتنفس هواكـ

يا هلا ومرحبااا فبنت خالوتي

قلبي مثل قبري مايشيل أثنييين

يا هلا فييك

أمشي على درب المستحييل .. لأتنفس هواكـ

وعلوم الأهل أخباارهم عساهم بخيير

قلبي مثل قبري مايشيل أثنييين

والله كلهم ترتووب

أمشي على درب المستحييل .. لأتنفس هواكـ

الحمدلله يارب

قلبي مثل قبري مايشيل أثنييين

همم شامس انا الحييينه بظهر بروح عن الأهل ..

أمشي على درب المستحييل .. لأتنفس هواكـ

اوكي بس طلبتج ماترديييني

قلبي مثل قبري مايشيل أثنييين

همممم لبييه

أمشي على درب المستحييل .. لأتنفس هواكـ

ما أبيج تخبرين حد أني أرمسج

قلبي مثل قبري مايشيل أثنييين

ليش . ؟

فخاطرها >> الله يعلم شو ورااك يا شاامس ..

أمشي على درب المستحييل .. لأتنفس هواكـ

ما أبيهمـ يفهمونج غلطـ .

قلبي مثل قبري مايشيل أثنييين

اوكي خلاااص يالله مع السلاامه

أمشي على درب المستحييل .. لأتنفس هواكـ

مع السلاامه وديري بالج على عمرج

و بندت الكمبيوتر بالكامل وراحت وصحت هدى ويلست تفكر معقووولهـ يكلمني .. شو يبااا فييهـ الله يعييين ومايرد السالفه اللي صارت .. .ظلمني ظلمني ؟؟؟ شو يباا شويباا .. أنا اكرهكـ يا شاامس أكرهكـــــــــــ ..

الساعة 5.30

وشلت هالأفكار من بالها ونزلت تحت وهيهـ نازله يلست ادندن ..

تمنيتكـ تحس فيني تناظر حبك بعيني

وتعرف كم أنا احبك وانتي شقد تعذبني هيييه والله شقت تعذبني

تمنيتك تحس فيني

تناظر حبك بعيييني وتعرف كم انا احبك ..

وأنت شقد تعذبني ...

... أنا أحبك أنا أهوااكـ .. أنا من قلبي أتمناك

وهل في يوم أنا بنساكـ ..

العنود : وينهمـ هذييلهـ .. لاافوووق ولا تحت ... وتصرخ .. هدووووهـ ... مهاااا .. أميييييييه ابووويه وينكمـ ..

هممم أكيييد يالسييين وياا قومـ بيتـ عمي في الحووي .. أرووح عندهمـ ..

وراحت الحوووي ولقتهمـ كلهمـ هناكـ متيمعييين ..

العنود : مرحباا الساع يا هلااا والله

الكل : أهلييييييييين وعليكم السلاامـ

العنود قفطت : احم احم .. السلاام عليييكم

حمدان : وعلييكم السلاام تووو الناااس ...

العنود : بس بس ... شحالكمـ .. علووومكمـ ..

الكل : تمام وانتي ..

العنود : ترتوووب والله<< ويلست على الكرسي القريب من هدى

هدى تهمس للعنود : أووف شو هالإنسااانهـ ..

العنود : بلاااج عن منوه ترمسييين ..

هدى بتملل : عن وحدهـ غبيييهـ ..

العنوود : عيب بس تراها بنت عمج .. هب حد غريب جي تكرهييينهـااا

هدى: ما احبهااا نسيتي شو سوت فييينيي الله ياخذهاا

العنود عصبت : بس عيب لا تقولين جي سالفه وانتهت .. انتي اللي تضاربتي معاها هب أهييهـ واحترمي حالج أبرك لج ولا اخبر ابووي علييج

هدى تأففت وسكتت ..

حمدان أنتبه علييهمـ بس سكت لأنه يعرف ان هدى تكره الود يييس

مارمس وتم سااكتـ ويطالع العنود اللي ريحته وحلت المشكلهـ ..

حمد : أقووول عميي ..

بوحمدان : نعم يا ولدي

حمد يأشر لحمييد يرمس بس حميد سوااله طااف فخاطره الله يخليييك يا حميييد هذاا وقتكـ

حمد: عمي شورايك نسافر هالسنه ماليزيااا

حمييييد : أبووي .. لا تقووول لااااء خاطري نرووح كلنا..

حمدان: والله فكرة شورايك ابويه ..

بوحمدان: والله مادري بفكر بالسالفة

هدى: دخيلك أبوي لا تقول لاااء من زمان وأحناا هب مسااافرين

الود : هيييه عمي خلناا نرووح

المها : ولييش نرووح ماليزياامااأبي

حمد : لا والله حلفي انتي بس

حميد : مهووه سكتي لاخربين علينا .. بلييز يعني احترمينا بسكووتج

حمدان: اذا ماتعرفييين ترمسييين صخي ابرك لج

االمها : بل بل كلتووني خلااااص بسم الله رجعت بكلمتي .. حشى هب اخواان وعيااال عم إلا وحووش

حمد : بس سكتي ام لسانييين هههههه ,,, هاا عمي شو قلت

بو حمدان : بعد ما أحتشرتوو على المهااا خلااااص ماشي رووحهـ ... اعتذروووا لهاا وبعديين يصير خيير

المها : ويحبوون ايديي وتبتسم بخبث ..

حمدان وخالد وحمد وحميييد : خسي مااااشي شغل ..

حمدان : من حلات اييييدج انحبهاا

خالد : اونه حبووو ايدي وين تبيين انتي روووحي اصلا عمي مابيسمع رمستج

حمد : هيييه مهووووي ارضي علينااا ماعليييج من حمدان وخالد

حميييد :: هييه مهووووي اسفييين بس لا تخربين عليييناا

مها: يالله الكل يعتذر

حمدان وخالد : أسفييين

حمد وحميييد : اسفييين عمتناا الشيخه

هدى والعنود : احناا مالنا خص بس ماعلييه .. اسفييين

الود : مب اسفه ..

الكل : هههههههههههههههههه

المها : وليش ان شاء الله

الود : بعدييين بخبرج.. وغمزت لهاا

بوحمدان : خلاااص تم .. بس شووراييكمـ نرووح بعد كمن يووم المزرعه .. ونباات هناكـ ..

يعني الخميس والجمعه والسبت ننرجع . .. وبنشووف ام سلطااان اذا بتاخويناا ..

حمدان : والله فكره وأنا من زمان هب رااكب الحصااان ...

خالد : هيييه والله .. انروووح ونتساابق بالأحصنهـ ..

المها : وانا وياااكم لو سمحتواا

حمد وحمييد : لا لا لالا لا

العنود : وليش ان شاء الله لا لا لا لا

هدى : يجربوون اصوااتهمـ

حميد : بدت الملسوونه

هدى : فديتني والله

حمييد : بس جب ماتنعطييين وييييه باليااهل

هدى : ياهل بعينك

حميييد : أكيييد بعيييني عيل بعيييينج

هدى : اوووب ياربي وبعدييين يعني .. عيني احلى عن عينكـ

الكل : بدوووا

بوحمدان : أنتوا ال2 إذا ماسكتوا الحيينهـ بكنسل الرووحهـ ..

الكل سكت ..

بوحمدان : يالله على خيير .. هالأسبووع ان شاء الله مروحييين .. وقااام .. أنا بروح ببيت بو محمد قالي أمره . يالله مع السلاامهـ

ام حمدان وام خالد : واحناا بنحدر دااخل ..

ام حمدان : ولا تروحوون مكااان يا عيالي العشااا عندنا اليووم فاهمييين ..

ولما راحوو ...

.

.

.

.

.

هممم شو سالفة هدى والود .. ؟ والمهاا والود شو اللي يعرفوونه والمهاا لما تذكره تنهاار .. ؟ وووو .. توقعاتكمـ