|
البآآرت {7} شوق :: شو هزين اكيد حق نآآس نورة :: جب جب زيين شوق :: نورة اعرفج انا و همستلها عيبج هااه نورة :: شوقوه بعدين بعدين شوق :: جيه و لا جيه انا بعرف كل شي نورة :: زيووووووودي حبيبي تعااااااال زايد :: عمو نووله ع فكــــــره زاآآيد أكثــر وآآحــد متعلــق بنورة و نوره تحبهـــ و محد معلمنهـ يغني غيرهـآآ >>> مصيعتنهــ .. و ثنيناتهمـ يموتون ع شــي اسمهــ بسكوت نبــيل و جان يلوي عليها زايـد :: انتهــ وين لاحيتي انا ادولج نوره :: كنــت بالبيت الحــين ييت زايــد :: انا ساليت مع طلال و ساالوه نلعب عند البحل نورة :: تسبحت زايد :: لا لا ماماه ما خلتي نورة :: تعآآل أنــا بقـولها وسـآآرووا يلسـوا ع الحصير أم عبيد :: عيل نسوولج يا نوير نورة :: اصـل انا زعلاآنهــ شيخهــ :: نحن خليناج فـي البيـت مـآ عقينـآج في الرقعهـ نورة :: لا ما ريد و مدت البوز أم سعيد :: مب علينا هـالدلع و أنـا عمتج نورة :: لا اصـل ما ادلع مهره :: مول و حليلج و يلســوا يسولفـون ع السـآآعهــ 1:30 عـآيشهــ :: يلا عيـل جـآآن بنغرف الغـدآء شهـــد :: ناصر يابه ولاأ نورة :: هيه مبلا يابه شفتهــ في سيارتهـ شيخهـ :: عيل ميشووه قومي ازقريه و قوليلهـ ايبه شيمـآء : خادمتكن يلا منآآكـ ام منصـور :: وابويه قومي اخدمي غدي هابة ريح شيمـآآء :: عفـوآآ يا أمـي انا اخدُم لا أخدِم أم منصور :: اخدم لا اخدم قومي منهـ يلا يلاآ البنـآآت :: ههههههههههههههـ شوق :: واهآآآ ام سعيد :: انتي بعد شوقوووه يلا انفعي شيخهـ :: لقطي ويهج يا بووج ام سعيد :: جب انتي جب ما تكلمين مهره في خاطرها (( الحين اذا رمست بنهزب )) ام مصبح :: انزين وحده منكن اترووح تزقر ناصر اينزل الغداء شيماء :: انا بسير اطالع العيال شو يسوون شوق :: هيه وانا بعد >>>>> جذبااات يبغن يشردن شيخهــ :: لا طالعوني انا استحي شهــد :: تعااابل في تلفوونهآآ و تصفر اونها و لا داريهـ بشــي نورة :: اعرفكن ما تبغن تقوومن و قــآآمت نورة و راحــت صوب حصير الريايل نوره :: السلام عليكم عبيد :: وييه انتي يتي نورة :: هييه يت اليـد :: فديت نورووتي مرحبـآآبج من ريحتي لين يتي نورة :: و تحب خشم يدهـآآ عني ما اخــلى منكــ الله يطـول بعمركـ اليـد :: بغيتي حايهــ فديتج نورة :: هييه مبلا و صدت صوب نـاصر الي كآن يطالع كوب الشاهي في يده نورة :: نـآآصر ... نآآصــر نـآآصر في عآآلم ثاني ما يسمع شي موليهــ في خاطره (( معقولهـ انا احبهـآآ لا وين إلا أمـس شا يفنها امـس يا ويلي من أمس فديت خصرهـآ انا ويييه قمـت التفدي . امحق اتفدى منو ما يشوف ذاك الجمـاآل و الخصـر لا و ذيج الأبتسامهـ الي تعــق الطـير من السمآء و مـآ يتفدها و لاآ يوم تنطقـ بأسمـي ياي اذوب اذووب يالله خاطـري تزقرنـي الحين )) نورة :: وييه بلاه ما يرد . نــآآصـر نــآآصر في خاطره ويييه صدق زقرتني و صد صوبها :: لبيهـ نورة :: وين بالكــ نـآصــر بصـوت خفيف مـحد سمعاه :: عندج نوره :: اذا سمحت نزل الغدآء من السياره بنغرفهـ و بتسمت نـآآصر بخـآطرهـ يا ويلي :: اوكيه و فز من مكـآآنه و راح صوب الأستيشــن و نزل الغدآآء و راح به عن الحريم ام منصور :: نفعت وليدي شهد :: ايييه نصووور من وين يايب الغدآء نـآصر :: من الهند شهد :: ههههههه تنكت شيخهـ :: اكيد من مطعم مسـآفي ما غيره نـآصر :: لا عااد من مطعم خـآلد حريهــ شوق :: عآآشـو راقـي أخوي نـآصر :: هيه لا مهره :: هاي مال عبود هيه لا و هيه لاه نـآصر :: عادي انزين و غرفـوآ الغدآ وو زعووا السلطهـ و الروب و هـ الأشياء شوق :: انـزين حد يودي هـ الريايل عبود من وراها :: انا اهنه احمـ احمـ شوق بخاطرها محلاهآ الاحمـ منكـ :: هلا هلا عبدالله عبود :: اهليين عنج عنج حرمتيه >>>>> اونه يسويلها علووم و يقردنهآ شوق بتموووت من المستحى نوره :: هااه بلاج غديتي طمـآطهـ شويق عبود :: ايييه انتي مـآ يخصج بحرمتيهـ يلا اذلفـي نوره :: ويحك اتطردني عبود :: نعم نعم اطردكــ نوره :: اذا سوف اذهب >>>> يا عيني ع الفصحآ ههههه شوق :: انا بروح باي عبود :: الله بحفظج حرمتي نورة :: تراك اذيتنا ما صارت حرمتي و حرمتي عبود :: هييه حرمتيه غصبن عنج شوق نشت وراحت عنهم بـــــــــــ ع ــد الغدآآء شيخهــ خذتلهـآآ غرشـة سفن أب و يلست شويهـ وبعيد عنهم و تتأمل البحــر بخـآآطرهـآآ ((( اه يا بحر انا كــم بشكي كـم بشكي والله انـي احبهــ بس هوه مب حـآآس كيف يحـس اصلـن عنده حرمهـ ليـش يا ربي اشغل بآآلــي فيهــ الله يسعده يا رب تصبرني و تخليني انسـآآه ))) صــوب الريايل يرطنوون عن العمارات و الفلوس >>> هاي حالت الشواب الحيــنهـ و الشباب كل وااحد بالهــ مب ويآآه خلنا انشوف شو فخواطرهمـ مصبــح ( انا واعد عواشي احوطهـآ في راس الخيمه بس راسالخيمه شوفيها من الحلاه كل يوم نحوط و نحيس فيها لي ما اخذها دبي احسن هييه صدق دبي فدييت عوااشي بتفرح اووه اليهاالوو خلاص بخليهم عن شهدو و مهره ) عبيد ( يا ربـي ليش قلبـي ناغزنـي افففف ان شاء الله ما يستوي شي الله يحفظك يا زيوود و يحفظ امك ) عزوز هــذا سكتوو مندبغ ويا الشوآآب و ملعوزبهم يستهبل عليهم عبودووه ( اهــ من قلـــب غدى حبهـ جنوني و اهـ منج يا شوقووه كيف خذتيني >>>> خرب الأغنيه .. انزين احين انـى لازم اتغير إذا مب عشاني عشان شوق ادريبها تحبني و انا احبهـآ و انـا لازم اثبـتلها انـي بتغير عشـآآنهــ ) سعيد ( تاتاتاتوتوتيتيتاا تاا تيتييت >> "_* ما عنده سالفه .. انا يبالي سياره يديده نفسي في fg يا ربيه يبالي ايمعلي فلوس مني و لا مناك ) نـآصر >>>> تعرفونه حال العاشق و الولهـآآن منصـور ( بلاهـآآ فطوم هـ الأيـآم لا حس و لا خبر شكلهـى نشغلت عني فدآآهآ تولهت عليهــآآ منو هاذيج الي يالسهـ اروحـآ هناك اكييد ميشووه و لا هااي شيخهـ و حليلها ليش يالسه اروحووها خلني اروحلها ..)) و راح صوبهـآآ ) صوب خيشووه شيخهـ تغني بصوت خفيف و الكل يعرف انه صوتهآ طررررر : يـآ شموع العمــر فيني جددي جرحي العذآآب ذكرنــي باللذي صوتهـ فتح جرحي و غآآب هذآآ صوت حبيبي هذا هوه الحب الوحيد هذا من عمري لجــل عينهــ عآآيش فـي عذآآب قآآل برحـل ما أبي صوتهـ يعيد الي مضـى و منصور وراها سمع كل شي قال بخاطرهـ افففف محلا صوتهـآآ منصور و يصفق :: عااشو عاشووو شتركي في نجوم 2008 و شيخه اخر شي توقعتهـ منصور يكون اهنه :: ابتسمت منصور :: و شحالج خيشووه شيخهـ بخاطرهآ ( شفــت حال الورد من يذبـل هذآآ حـآآلي يا بـعد حآآآلي )) : تماام و انتهـ منصـور :: بخير ربي يعآفيج شيخه :: مديم منصور :: ليش يالسهــ اروحج شيخهــ :: بس جيهـ هناكي حشروني قلت ايلس اتأمل البحر ابرك منصور :: اهآآ انزين و علومـج شيخهــ :: تماااام والله منصور :: دوم دوم مب اليوم شيخهــ :: و شحـآآل (( وضرربتهــآآ غصهـ و هيه تنطق اسمها )) فــ ــاطمـ ـ ــه منصور :: الحمدالله طيبه شيخه :: عساه دووم منصــور :: تصدقين متولهـ عليهآ فديتهــآآ شيخهــ بغت تمووت ((اه والله انها ما تسواكـ و ما تستاهل لو تدري بسوالفها جان ودرتها )) فهلحظه لمعت عينها و منصور انتبه عليهـآآ منصور :: خيشووه شي فيج شيخه :: لا سلامتكـ منصور :: انزين طربينا شي بصوتج شيخه :: اممم شو تريد انته منصور :: ع ذوقج شيخهـ :: جرحي القديم ...جرحٍ أليم يا ويلي من جرحي القديم جرحي القديم ... جرحٍ أليم يا ويلي من هذا المصير ليتك تبادلني الشعور من دون صد و لا غرور تخطي و أنا أتحملك معذور قلبي دللك بأمر الهوى انته الحبيب قريب من قلبي قريب إن كنت ناوي ع الهجر برضى أنا بحكم القدر مكتوب لي هذا المصير و إللي انكتب لازم يصير |
البآآرت {8} جرحي القديم ...جرحٍ أليم يا ويلي من جرحي القديم جرحي القديم ... جرحٍ أليم يا ويلي من هذا المصير ليتك تبادلني الشعور من دون صد و لا غرور تخطي و أنا أتحملك معذور قلبي دللك بأمر الهوى انته الحبيب قريب من قلبي قريب إن كنت ناوي ع الهجر برضى أنا بحكم القدر مكتوب لي هذا المصير و إللي انكتب لازم يصير .. منصور و قف شعر جسمه بمجرد سمع حسهـآ بخاطره ليش احسهـ كل شي تغنيهـ حزين اكيـد يعكس الـي فيها شو سالفتها شيخهـ :: وسلامتكـ منصور :: صح لساآآنكــ و رن تلفونهــ .. اسمحيلي شيخه و قام عنها شيخه :: مسموح صووب اليهالووهـ طلال :: اييه زايد شو رايك نطالع منو يقدر يتم في الماي اكثر زايد :: هييه انا اتحدااك طلال :: سااروه انتي عديلنا ساره :: انزين طلال :: 1 2 3 يلا و حطوو روسهم في الماي ساره :: 1 2 3 4 5 6 7 8 و طلع طلال ..........................40 طلال :: بلاه زايد و دزه و تحرك تم يطفوو ع الماي سااره :: زايد ماات ماات طلال ربع عند الحريم و صرخ :: تعاااااااااااااااااااااااااااااااااالو زايد مآآآآآآآت عبيد ::ولييييدي و قااام يربع صووب زاايد و هند ما رامت تربع لنها حامل و نوورة مثل عبييد بسرعه طلع عبيد زاايد من البحر و يلس يظرب خده ع الخفيف عبيد :: زاايد زيود قووم حبيبي نورة : يت هوست ع بطنه تم يكح يكح و يطلع ماي من ثمه و ف ه الوقت يت هند هند :: وليدي وليدي قووم قووم و عبيد يعدل زايد لكـــن زايد لا حياة لم تناادي اغمى عليه ناصر يااا صوبهم هوه و عزوز قووموو شلووه المستشفى عبيد بسرعه شل ولده و ركبه السياره و هند ركبت جدام عزوز :: انتي نوورووه هند حامل ما تروومله قومي سيري ياهم و راح نورة معاهم الكل بعد ما دروو تحركوا و يمعووا قشهم و ردوو البيت و ام عبيد تحااتي ولدها و حفيدها ناصر مجرد وصل امه و اخته البيت ع لطووول بيروح المستشفى تذكروون يوم رن تلفون منصور خلوني اخبرك شو ستوي و من امنوه هاي المكالمه خلنا انطالع منصور :ّ: مرحبا الريال :: مرحبتين منصور :: منو معاي الريال :: فاعل خير منصور :: شوف بلا هذربه زايده بتقول منو انته و لا شووه الريال :: مو مهم منو انا المهم الي انا داق عشانه منصور :: و خيير شتبغي الريال :: انتي الحين تعتبر زوج لـ فاطمه علي الـ ****** منصور زااغ :: هييه شي بلاها الريال :: يا اخي انا بقولك هالشي عشان احذرك منصور :: نعم قول و فكنا الريال :: ترا فاطمه خطيبتك ما تم حد في البلاد ما رمسته و ظهرت معااه هاي اكبر صايعه منصور منصدم :: شقاعد تخربط انت اونك بتفرقنا فهذا شي مستحيل الريال :: لا تصدقني انزين بس عندي الدلييل ابووي هاي وحده مب حاشمه عمرها تدلع عليك و تخري فلوسك ما تخليلك شي و في النهايه تعقك اسأل مجرب والله يا منصور من طيب نيتيه انا الحين اخبرك منصور :: انا ما بصدق لين اشوف الدليل الريال : اوكي ع راحتك منصور :: الحين فاظي الريال :: افظالك منصور :: انزين نتلاقى جدام مركز بن ظاهر الريال :: تم نص ساعه و اكون موجود و رااح منصوور صووبهــ ترا منصوور روح قبل ما يغرق زايد فـي المستشفى هند اصيح و نوره لامتنهـآآ و عبيد ساير راد عبيد :: كله منج وين راغده ولدج هند :: انا وين راغدتنه ترا يلعب امنعه يعني عبيد :: ما تشوفينه غاط ويه في الماي هند :: ترا قالي بيسير عندك انا شو دراني بيسوي جيييه عبيد :: و انتي امره تصدقينه نورة تغصصت منهم :: انتووو ايييه بسكم نقييره و انتي هند بس لا تعبين عمرج انتي حامل هند :: و زاايد نوره :: زايد ما فيه إلا الخير عبيد اشر لنوره انها تقوم و يلس ينب هند و هند بتعدت شويه عنه عبيد :: هند انا آسف كنت متنرفز هند :: محد حاس فيني ترا هذا وليدي مثل ما هوه ولدك عبيد :: بس خلا انزين لا تصيحين و حضنها و هدت شويه طلع الدكتور نوره :: هااه بشر د كتور :: تماام تماام ما فيه إلا العافيه عطيناه منوم الحين و راح يتم لين صباح باجر عبيد :: شو ستوابه انزين الدكتور :: هووه شرب الكثير من المويه المالحه و انتو سويتو الصح انكم حاوتو اضهرون الماي بسرعه نوره :: الحمدالله الدكتور :: الي يبغي مع المريض مرافق واحد بس عبيد :: مشكور دكتور ما تقصر الدكتور :: العفووو و رااح دخلو عنده نوره دمعت عينها شافت زايد كيف موصلين جسمه بالمغذي و محطين مال الأكسجين ع ويهه :: فدييتك انا هند :: تمت اتصيح و حاطه راسها ع صدر عبيد و عبيد يطاالع ولده و غمضنه حاله نورة :: عبيد انا ببات عنده هند :: لا لا انا نوره :: هند انتي حامل و تعبانه روحي ارتاحي و باجر تعالي عبيد :: صدقها نوره ارتاحي هند :: كيف ارتاح و وليدي مرقد بالمستشفى عبيد :: و وليدج هذا يأشر ع بطنها يلا هنوده عشاني ردي البيت ريحي هند :: انشاء الله عبيد :: انزين نوير انتي دقي حق شيخه تجهزلج ملابس و طرشه يـى أي حد بي نوره :: بشوف طلعت نورة و يلست ع الكراسي و دقت حق شوقوه ترن ترن شوق :: هاه نوره بشري ناصر عدالها توه كان بيروح نوره :: بخير و سهاله بيترقد بالمستشفي اليوم و باجر بيرخصونه شوق :: يا ويلي عليك يا زيوودي مـا تستاهل ناصر يسمع كل شي تراا نوره :: شويق تراني انا ببات عنده اباج اتسيرين غرفتي و طلعيلي ملابس اوكي شوق :: من عيووني شو تبقين انزين نورة :: هاتيلي جلابية و تنوره و قميص و شيلة صلاه تعاالي لا تنسين عطري بتلقينه ع الكمدينو مالي لونه وردي اوكييي شووق :: اوكي منو بيودييه نورة :: طااعي جان حد بي خليه ايبه شوق :: هييه ناصر بي نورة :: تصدقين وين اسير لازم ناصر ضمن أطار الصورة شوق أطالع ناصر :: هيه لااه نورة :: هاي مال عبود هيه لا شووق :: عبود هااه نوره :: هييه لااه هههههههههههههه ناصر :: هههههههههههه نورة :: منو عندج شوق :: ها ناصر نوره :: و القفطه سمعني ناصر :: هييه سمعتج نوره بسرعهـ سكرت التلفون ناصر بخاطره (( فديتها يا ربي يعيبني مستحاها )) شوق :: انزين صبر لا تروح بروح غرفتها بيب الأغراض عشان توديها ناصر :: بسير معاج شوق :: وين تبقي انته ناصر :: اريد ادخل غرفتها شوق و اذا لقيت خالوه اهناك شو بتقولها ناصر :: عاادي داخل حجرة حرمتي ممنوع شوق :: اوب اوب ما رووم حرمتك ناصر :: هييه مب عايبتنج ورااحووو غرفة نورة و لا حــد قال لناصر شي دخــل عادي بيت عمه و را شووق اول ما دخلت شوق الغرفه شغلت الليتات ترا نورة اروحهــا مصممه غرفتها خلوني اوصفلكم اياها لون حجرتهــا سماوي لون ستارة غرفتها ازرق غامج نازل منها كرستال رووعه و عنداله كرسي خشبي هزاز و شربيتها مدوره و محطايه ع زاوية الغرفهـ و مكتبها في الزاويه الي مجابلتنها عليه واايد صور مصورتنهن و رسومات و شخابيط نوره و عداله مثل قاعده زجاجيه مثبته ع ليدار عليها كيمراتها حوالي اربع جيه و الكمدينو عداله و مب مخليه عطر مب محطتنه و كل انواع الجحال و القلوسات و ريحت حجرتها ترد الروح كلها دخون و عطوره ناصر :: يا عيني ع ديكوور شوق :: هييه شغل نوره لا يعلى عليه ناصر تم يحووط في غرفتها يلس يتأمل اصور الي مصورتنها و يتلمس كل شي بيده و جذباه شكل دفتر لونه اسود فتحاه لقى صورة نوره يوم كانت صغيره تم يطالعها و يبتسم و راح صوب الكمدينو مالها شاف عطورتها و لاحظ كل اغراضها من ماركت ديور يعني شراته كله ديوور شاف كلينكس عليها طبعت شفايف نوره >>>> من زود القلوس ههههههههه جان ياخذه و حطه في مخباه >>>>> لووتي و حراامي يت عداله شوق و دزت شوق :: ماذا تفعل ناصر :: سبحان الله شراتي كل اغارضها ديور شوق :: هيه لا ناصر :: بخبر عبود مالته هاي شوق :: عادي انزين .. حطت جحال و قلوس في الكيس ناصر :: و الخيبه باجر بترجع و بعدين ما طلبت كل هذا هييه شوق :: عادي انزين عليك خساره ناصر :: لا لا و راح عنها و يلس ع الشربيه و شاف دبدوب أزرق نااعم كبير شويه قبضاه و شمهـ ناصر بخاطر (( اه محلـى ريحتهـ ترد الروح )) جان يضمهـ بالقو جان يرمس الدبدوب << أي لوف يو امووواح >> ضحك ناصر قال مي توو شوق :: تعرف ناصر ناصر :: نعم شوق :: تشووف الدبدوب الي قابظنه ناصر :: بلاه شوق :: نورووه ما ترقد إلا و هييه حاظنتنه ناصر :: هييه اشوف ريحتها لاصقه فيه و يشمها مره ثانيه .. عني فداها شوق :: خوز شفطت الريحهـ ناصر :: جب جب حطت شوق كل شي طلبته نورة و يايه بتطلع شافت ناصر يتأمل دبدوب نورة شوق :: ناصر انته تحب نورة ؟؟ ناصــر :: والله يا شوق ما ادري هل انا أحبها ولا معجب فيها بـس شوق :: لا حياتي هذا كله و مب حب انا ابصم بالعشره انه حب ناصر :: انزين ما ادري هل هييه تحبني ولا شـوق :: انزين اصل بتحبك بتحبك ناصر :: ليش شـوق :: لأنك ريلها ناصر :: شو دراج يمكن لا شـوق :: انا مره سمعت يدي يقول ان يدووه قبل ما تتوفى موصيه انك تاخذها ناصر :: اونهـ انزين شكلنا تأخرنا يلا يلا و طلعـــووا برع مشو لين السياره و عطته الكيــس و ركب ناصر السياره في هاللحضهــ اذن العشـآآء شوق :: روح صل عقب سير المستشفى ناصر :: اوكي يلا مع السلامه شوق :: مع السلامه يتبع ؟؟>> |
ويييينج ..؟ قلتي يتبع ..؟؟ ع العموووؤم مشكوووؤرة ع البارتاااات ونتريا التكملة |
ثانكس ع البارت الحلو ونتريا التكمله |
السلام عليكم ورحمة الله وبركاته يسلموووووعلى القصه الغاويه |
| الساعة الآن 05:47 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir