|
اقتباس:
وانا اكثر مفتقدا الكتابة ومفتدقدا راي حبايب قلبي اعضا استراحات زايد .. ولله ماقدرت انزل البارت امس انشالله اليوم المسا .. ويوفقج غناتي .. اقتباس:
انشالله اليوم المسا بنزل البارت .. ويوفقج حبيبتي .. |
*البارت الرابع* اه يا صوت"ن قديم مر صدفه مسمعي بعد مرور الاحداث السابقة بكم ساعة : انا وصلت متى بتي : اوكي انا شوي وياي : اوكي اترياك لا تطول : اوكي باي : باي ****** : يقولولي اني اعرفها : انزين يمكن هي بنظرة مكسورة: لا ماظن انت تعرف شصار فيها : خلاص يا ريال انسى الله كريم : احمدوه عن سوالف الحريم ويلا خل نقوم نتمشى احمد: ههههه سواف متصللي وحالتك حالة واخر شي سوالف حريم سيف: هههه شو اسوي من البلاوي الي اجوفها احمد: الله يعينك سيف: امين ****** احمد: 29 ربيع سيف وحيد امه وابوه ابوه متوفي وعايش ويا امه يشتغل ف الجمارك *********** في مكان بعيد قاعده ف غرفتها الي حجزتها لها السفارة البريطانية بعد ما قررت ترجع وتستقر ف دبي المكان بارد وظلام بس مولعه شموع واقفه على الجامة الكبيره الي تطل على شوارع دبي وماسكه الكوفي وتتامل المناظر وفي نفس الوقت تفكر تكلم عمرها بصوت واطي اقرب للهمس: ياترى احين شو قاعد تسوي اكيد عرفت برجعتي اكيد تراقبني مثل ما انا قاعدة اراقبك بموت من الشوق بس كرامتي فوق كل شي انت الي بديت وانت الي بتتحمل مب شما الي تركض وراك يا ***** *********** شما 27 سنة امها بريطانية وابوها من كبارية دبي كانت عايشة ف دبي بس بعدين صار لها شي خلاها تنتقل تعيش عند امها واحين رجعت دبي عندها اخت واخو سهام: 25 سنة انسانة ماتهتم حق حد حياتها كلها سفر وشغل حميد: 30 رجل اعمال ناجح مثل ابوه بس بعد يستكع ما يفكر بالزواج بس يونس عمره بل سهرات اليلية بو حميد 51 سنة مطلق حرمته مخلي عياله على هواهم مايتحكم فيهم انسان مهمل لابعد حد طبعا هو من كبارية السوق كل التجار يعرفونه وكل كم يوم مسافر ام حميد "بيرشكا" 49 سنة انسانة صايعه ضايعه ملتهيه بحياتها تزوجت بو حميد بعد ما حملت بحميد وهو تزوجها عن الفضايح ********** في ارقى مناطق دبي >> دبي بكبرها راقيه ماعليكم تراني وطنيه : طويل العمر السيارة جاهزة وقف بهيبته وهو شال بشته وطلع فتحله السايق الباب وسكره بعد مادخل وراح قعد ف مكانه : حرك على فندق ارماني "الفندق عجييييييييب انصح كل الي يبي يروح دبي يروحا الفندق ف داون تاون" عم الصمت ف السيارة لين ما وصلو عند الفندق يا الحارس الي واقف على الباب وفتح باب السيارة نزل بشموخ ومشى وهو رافع راسه واثق من نفسه ولا مهتم حق الناس الي يطالعونا وحرسه ملو المكان راح عند الفت فتحه العامل وركب معاه وصلاه لوين ما يبي نزل من الفت و وراه حرسه وصل عند الجناح وطلب منهم يفتحونه وفتحوه *********** بركن سيارته وفتح اليت عدل بدلته وعدل شكله تعطر وخذ بوكه وفوناته وقفل السيارة وخذ سويجه ونزل : يا الاخو لف عليه: خير تكلمني انا يالحبيب : هي انت وهو مستغرب ورافع حياته: هلا امرني بغيت شي : هي ممكن تتفضل وياي شوي : بس انا عندي موعد ويا شخص يترياني داخل : انزين ما عليه دقيقة مابتاثر : شورك وهدايت الله ومشو مع بعض وفجاة ..... *********** لفت صوب الباب بعد ماسمعت صوت باب الجناح ينفتح ردت لفت صوب الجامة قالت ها اكيد الروم سيرفز انفتحت ليتات الجناح كلها وانفتح باب غرفتها اتففت لفت بتروح تطردهم خل ايون ف وقت ثاني اتجمدت ف مكانها من الي تجوفه جدامها باستهزاء: سمعت انج رجعتي ما صدقت شما بنت امها رجعت دبي شما وهي مبتسمه باستهزاء: جفت كيف يابوي المصون بو حميد: يت اعزمج عشان تتكرمين تردين بيت ابوج عشان مايقولون شما بنت بو حميد تبات ف الفنادق وهاده قصور ابوها شما: انت شو ردك مانسيتني بعد كل ها السنين بو حميد: عن الرمسه هاي ترا كلها ست سنين شما: شو من قلب عليك انت انت ابو انت تقولها بكل برود ست سنين جنها امس بو حميد: قولي حق عمرج ولا جني ابوج اتين تسلمين علي شما: اطلع برا الرمسا وياك ضايعا بو حميد: عندي شغل وايد وقفته عشانج وتقوليلي جي لا لا ماتوقعتها منج يا بنت امج المهم اليوم لو ماجفتج ف البيت بعرف كيف اردج بطريقتي الخاصة ولف وسكر اليتات وطلع ولا جنه سوا شي قعدت شما على الكنبا وهي تصيح: خلفنا ونسانا واحين يبينا نروح له حقير حقير كيف عرف مكاني مسحت دموعها لا ياشما مب انتي الي تصيحين على هاي الاشكال انتي قويه الحرما ما تصيح انتي حرما كبيرة عيب تصيحين على هاي الاشكال وراحت بدلت ملابسها وطلعت تتمشى ********** فجاة .... : هاذا هو الي قلتلي عنه يطالعهم وهو مستغرب عن شو يرمسون هايل: خير بغيتو شي : لا مب هو : اعذرنا يا الاخو مشبهين عليكم عقد حياته وهز راسه وراح عنهم دخل المطعم رفع راسه اول ما جافها ابتسم ونسا كل شي صاير وكل شي ياي عشانه وهي وقفت من الشوق من شهر ونص مب جايفين بعض بسبب الظروف قرب حذالها يا بيلمها مارضت بعدت عنه : شحالك حبيبي : مشتاق وتعبان وكل هموم الدنيا فيني وهي تقعد حذاله:بعيد الشر شصاير : شقول وشخلي : فهد لا تخرعني قول شصاير فهد: تعبان خولة تعبان خولة: من شو حبيبي فهد وهو مشتت نظرا: ابوي بيزوجني بالغصب خولة وهي مصدوما: كيف وانت رضيت فهد: طبعا لا خولة: منو يباك تاخذ فهد: بنت عمي خولة: وهو خطبها فهد: ولله علمي علمج خولة وهي تصيح: فهد ليش جي قاعد يصير فهد: حبيبي لا تصيحين انشالله كل شي بيصير اوكي خولة: انزين وهو ما قال شي يوم رفضت فهد: طردني من البيت و قال لو مارضيت لا انا ولده ولا اعرفه خولة: ليش ياربي ليش فهد: الله كريم يلا قومي بنطلع من هني قامت خولة وقام فهد طلعو من المطعم وتمو يتمشون ف السياره فهد: بنروح الفندق اوكي خولة: شو نسوي خلنا نشم هوا هني احسن فهد: تعبان من الظهر وانا افتر ف الشوارع خولة: اوكي حبيبي حجزت فهد: لا بابا احين بروح خولة: اوكي يلا خل نروح *********** وهي تدق باب الصالة: السلام عليكم ام زايد: عليكم السلام هلا ميثا اميه حياج ميثا: اهلين خالوه الله يحيج شحالج ام زايد: بخير بنتي وانتي شحالج ميثا: بخير الحمدلله جي قاعده بروحج خالوه ام زايد: توهم ريم وشيخة راحو فوق و بو زايد احين بيي قاعده اترياه ميثا: انزين خالوه بروحلهم ويوم بيي عمي بنزل اسلم عليه ام زايد: روحي بنتي مافي حد ميثا: الشباب محد ام زايد: لا حمدان وزايد ف الشركة ميثا: وفهد اكيد نايم كل ما ايي يكون نايم ام زايد: لا فهد مب فوق ميثا: يلا عيل خالوه ما طول عليج احلام وحمده وهن نازلات: مسا الخير ميثا: هلا هلا بالمختفيات احلام وهي مبتسمه: سنه الحياة وسلمو على بعض حمده: شحالج عموه ام زايد: هلا بنتي انا بخير وانتي شحالج حمده: زينة الحمدلله احلام: عموه فهد بعده مارجع البيت ام زايد: لا ليش موصتنه على شي احلام: عموه بلاج نسيتي ام زايد وهي تقاطعها: وين العيال حمده دقت احلام من الطرف عشان ماتنتبه ميثا: هي عموه فوق يلعبون احلام وهي توها تنتبه حق ميثا جان تغير الموضوع: وي عموه نسيت اقول حق ريم وشيخة ام زايد: هي عقب خبريهن لا تنسين احلام: انشالله نزلن ريم وشيخة: هلا بحريم اخواني احلام و حمده: اهلين فيكم شو تسون فوق ريم: في شي ثاني نسويه نتصل حق فهد احلام وهي تقاطعها: هي صح ريم ماجفتي ميثا يت ريم: وي بسم الله ماجفتها وراحت حذالها عشان تسلم عليها ميثا وهي متجتفه: بلاكم في شي صاير كل وحده قاعده ترقع حق الثانية حمده: لا مب صاير شي يتهيالج ميثا: انزين انا بروح ريم: ميثوه عن الزعل قلنالج ولا شي صاير ميثا: هي مبين صراحة انفتح باب الصالة ام زايد وقفت على امل انه فهد بس تحطمت كل امالها لما سمعت صوت بو زايد وهو يسلم: السلام عليكم كلهم: وعليكم السلام راحو كل البنات يبوسونه على راسه بوزايد: افا الميث زعلانة من عمج ما تسلمين عليه ميثا وهي تقرب صوب عمها: محشوم عمي بو زايد: بلاها بنتي الحلوا زعلانة ميثا: ما فيا شي عمي بو زايد: كبرتو وقمتو تخشون عنا ميثا: ولله عمي مافي شي صاير انا حالي حالك ماعرف شو الي صاير من اول ما يت وهم يرقعون حق بعض جنه يت في وقت غلط على العموم انا احين رايحا بو زايد بحده: ميثا قعدي ف مكانج ما بتطلعين من هني ميثا وهي تهمس: انشالله عمي ********** ف باركنات فندق ميراج كان هناك مبركن بطلنا فهد ويا خولة فهد وهو يفتح السدات ويسكرهم خولة: شو تدور قولي على الاقل اساعدك فهد: هويتي خولة: ليش مب حاطنها ف بوكك فهد: لا من كم يوم كنت طالع وطلعتها بعدين ما رجعتها ف البوك خولة وهي تدور وياه: انزين يمكن مب ف السيارة فهد: وين بتروح انا حاطنها ب ايدي ف السيارة خولة: انزين سولك جيك ان على هويتي فهد: انا متاكد حاطنها ف السيارة لا ماينفع اذا صار شي بيستدعونج انتي خولة: شو بيصير بعد يلا حبيبي طاع كيف شكلج صاير يبين انك تعبان فهد وهو شال فونة خولة: حق منو بتتصل فهد: بكلم ريم خل تدورها ف غرفتي فهد: هلا ريومه اقولج ريم: هلا حبيبي امرني فهد: مايامر عليج عدو حبيبتي روحي غرفتي جوفي هويتي هناك ريم: ليش مب حاطنها ف بوكك فهد: امبلا بس طلعتها واحين ماعرف وينها ريم: اوكي اصبر بجيك وهي تركب على الدري: فهد فهد: هممم بابا ريم: فهد ميثا عندنا ف البيت فهد: انزين ! ريم: ولا شي بس كنت اقولك فهد: حصلتيها ولا بعدج ريم: احين واصلا عند غرفتك فهد: يلا ريم واقف جني حارس جيكي بسرعا دخلت ريم وحاست الغرفة فوق تحت: ماشي فهد تذكر وين حاطنها فهد: ماعرف كانت ف السيارة ريم: انزين اصبر بسال جيري اذا جافتها فهد: اوكي راحت ريم المطبخ: جيري جيري: يس مام ريم: يو سي ذا ايدنتتي فور سير فهد جيري: نو مام بات ويت اي ول جيك ات ذا واش روم ريم: اوكي وراحت حاست ورجعت: ثيرس نو مام ريم: سمعت ماشي فهد: افففف احين كيف ادخل ريم: انت وين فهد: ف ميراج ريم: كلم عمي سيف خل ايي يسويلك جيك ان فهد: اوكي حبيبتي باي ريم: فهد فهد: عيوني ريم: تسلم عيونك امانة فهد امانة يوم بتصلك رد علي بس بتطمن عليك فهد: ما اوعدج ريم: لا فهد امانة عشان غاليك فهد: انشالله حبيبتي ريم: وتحمل على عمرك واي شي تباه كلمني اوكي حبيبي فهد: انشالله ريومتي ريم: يلا ما اطول عليك كلم عمي فهد: اوكي حبيبتي باي وسلمي على امي وشواخي ريم: اوكي باي بعد مابندت فهد: ماحلصتها وانا ماحصلتها شسوي احين تمت خولة ساكته فهد: بلاج حبيبي خولة: جان بعد دخلت من الفون وبستها وحظنتها ابتسم فهد وقعد يطالعها: حتى من خواتي تغارين خولة نزلت نظرها: من كل حد فهد من كل حد فجاة ضحك فهد خولة: اسكت مايضحك ويلا خل ننزل فهد: دقيقة بتصل على سيف خولة: انزين اتصل فهد على عمه: هلا سيف سيف: اهلين فهد انت وين فهد: انا عند ميراج اقولك هويتي ضايعا ايبلي هويتك بسوي جيك ان وبردلك اياها سيف: هويتك انا اليوم جفتها فهد: احلف وين سيف: ماعرف ف سيارتك فهد: جلبت السيارة عليها سيف: روح دور من صوبي فهد: انزين يلا باي سيف: باي نزل فهد راح صوب خولة قعد يدور ما لقاها وهو ياي بيسكر الباب لمحها طايحا تحت ضحك وخذاها: هههه الحيوانة خبلت فيني ضحكت خولة ونزلت قفل فهد السيارة وخذ شنطتة وبوكة وسويجة ونظارته الشمسية دخلو الفندق وخلصو كل شي راح فهد وخولة الغرفة عشان فهد يسبح ويريح شوي ويطلعون ******** انتهى البارت الرابع ادري انه قصير بس اعذروني ماحصلت فرصة عشان اضيف عليه انشالله ع الاسبوع الياي بحط لكم بارت طويل بس مب اكيد احطه ف الويكند بيكون الوقت وايد قريب والويكند عندي عزيمة الخميس العشا والجمعة بروح بيت يدتي بقعد طول اليوم والسبت معزومة على الغدا الحب عازمني >> فهودي ابي توقعاتكم على الشخصيات -شرايكم ب شخصيه خولة ؟ وهل حبيتوها او لا؟ -شرايكم ب شخصية شما ؟ وشو تتوقعون سالفتها او الشي الي خلاها تسافر؟ -بو حميد هل حبيتوه او لا ؟ وهل في وراه سالفه او شخصيه عادية ف الرواية ؟ -وفهد شو بيصير بينه وبين خولة ؟ وخصوصا هم بروحهم ف السويت .. - واحلام وحمده حبيتوهم او لا .. - تتوقعون ميثا بتعرف شو صاير ف البيت او لا ؟ وانه فهد انطرد بسببها واذا عرفت هل بترضى على الي سواه عمها ولا بتزعل عليه .. قراءة ممتعة للجميع اختكم .. يتيمة حبيبي .. |
|
-شرايكم ب شخصيه خولة ؟ وهل حبيتوها او لا؟ شخصيتها حلووه.هي حبيتها حسيتها تحب فهد وماتبي تستغله حتى يوم كان بيحظنها ماخلته وهذا اكبر دليل ان حبها عفيف -شرايكم ب شخصية شما ؟ وشو تتوقعون سالفتها؟ شخصيتها قياديه بس حساسه"احس انها متظرر من جهت ابوها ان غاصبها على شي او ان سوالها شي فالسالفه ان -بو حميد هل حبيتوه او لا ؟ وهل في وراه سالفه او شخصيه عادية ف الرواية ؟ اكييييييد لاء"شخصيته متغطرس شخصيه قويه ساجذ لا وراه بلاوي هذا واحس هو راس البلا ورى عياله -وفهد شو بيصير بينه وبين خولة ؟ وخصوصا هم بروحهم ف السويت .. احس بتصير مشاكل لخوله وفهد وبتوصل السالفه لشرطه - واحلام وحمده حبيتوهم او لا .. شخصيتهم عاديه بس احلام واايد تفلت بالرمسه - تتوقعون ميثا بتعرف شو صاير ف البيت او لا ؟ هي بتعرف وبتحتج على عمها وبتقول مهما يكون هو رايه وانا ماابي حد مايبيني انا خاطري اعرف هذا اللي دخل فندق ارماني وان شاء الله يكون من نصيب ميثا عجبتني ان شخضيته قوويه وااوثقه احس ان بيكون له دوور كبير في حيات شما ولا اأحمد بيكون في حياتها حلو البارت بس بس حسيت شويه يلخبط احس بنوع من الحماس للبارت الياي ان شاء الله تنزليه بأقرب وقت نترياج الحب اختج\ دااانه غير |
روعة اتريا التكملة حبيبتي و الشخصيات روعة والبارت كل يم احلى عن الثاني اتريا البارت الياي على حر من جمر :) :) |
| الساعة الآن 05:52 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir