مرورج الاحلى حبيبتي واتشرف بـ متابعتج ...
وربي يسلمج الغلا .. وو كلآمج صح .. :191:

وو ان شاء الله الياي جريب .


مرورج الاروع حبيبتي و ان شاء الله جريب .

مرورج الاحلى حبيبتي و ان شاء الله بستمر للنهايه .

مرورج الاكشخ ي قلبي ومنوره الموضوع ...
وو ايي نعم ، ع نفس الموضوع !
و ان شاء الله بكمل للنهايه ، وكلج ذوق حبيبتي ..

أشكر كل المتآبعيين .. من كل قلبي .
واسمحولي ع التأخير اللي ان شاء الله مايتكرر ..
واتشرف بـ متابعة الجميع .. واسمحولي لو مارديت ع بعض المشاركات .
بس ترااني اقرا كل المشاركات .. واستآنس عليها !

وو جآري كتآبه البآرت :) .

البارت جميل جداً و تسلم ايدج حبيبتي ♥️♥️♥️.

بخصوص اللي آمون سوته!!😐غمضني سعيد
اممم شو السالفه اللي سعيد بيقولها حق سعود احس عن آمون و ندى

و و نحن نتريا البارت 💗💗💗💗💗.

العفو من ككل قلبنا :)
و مسموحهه ، البارت واايد جميييل
واحسس سعود قريب بيعتررف بحبه *كيفي*
وحمدان ، اخخخخ يا حمدان *شو موقعه من الححب ها *
ندى خل تقوم من عالمها البارد ههه
ونحن بانتظاارجج الخفوق !

البـارت الخآمس والعشرون . . 25

/
\
/
\
/
\




سعيد : سعود تعآل الحجره بكلمك شوي .
سعود : شتبي مآفيني .
سعيد : اققولك تعال ماتفهم !
سعود : أوفف وبعدين وياك انت ماتخلينا قاعدين .. قول ع اساس حد بيسمع …
سعيد : بتي ولا ؟
سعود : زين خلاص يااي ..
" وقآموآ وطلعوآ من الصآله "

ندى : فطييم شفيهم اخوانج ؟
فاطمه : والله مادري .
ندى : خل نروح نتسمع ،.
فاطمه : صج لققافه ، تصدقين حتى انا ودي ..
ندى : زين يالله !
سالم"صرخ" : اييه يالملقووفآت والله بفتن لو رحتوآ .
فاطمه : اوفف منه ها .

- - - - - - -

"سعود ؛ دخل الحجره ورآ سعيد ، وسكر الباب ، وهو مستغرب من نظرات الحقد و الشر الموجهه له ! " : سعيد شفيك ؟
سعيد : ولك عين تسأل بعد ؟!
سعود : بسم الله الرحمن الرحيم ! شففيك شصآيرلك !
سعيد : ماشي ي راعي البنات ! يعني تكلم وتغآزل ماعلييه بس سالففت انك تيلس تحضن وتسوي حركات جدام النناس ! فضحتتنا لعنبوك انت مآتحس شو ، ماتققول عندي اخو توأم ؟ !
سعود"منصدم" : شفييك انت شتققول !
سعيد : من الآخر شـ موضوعك مع ندى !
سعود : وانت شو يخصك .
سعيد : يخصني ونص يالحمـار .. يقولون حآضننها جدام الاوآدم .
سعود : حبيبتي وكيفي .
سعيد : اها حبيبتك ؟ وانا انظلم بسبتك .
سعود : وانا شذنبي اذا انت تشبهني !
سعيد : نععم يا سعود ؟! نسيت انيي عمري ماكلم بنيه ف مكان عام، عشان ربيعآتك مآيعصبون عليك لو شآفوني وتحروني انت ؟! .. نسيت يوم تخليني اواعد بدالك ؟ نسيت يوم خليتني اروح بيت ربيعتك عشان اراضيها ؟ نسيت يوم كان عيد ميلاد مها ، وانت كنت موآعد وحده فـ خليتني اروح للمسكينه ع اساس ان مسولها سبرآيس وبآرتي وإلخ ؟ نسيت ولا ؟ .
سعود : يووه ، سعيد خلاصص ها كان فالماضيي خلاص انا ودرت كل هالحركات ..
سعيد : ونندى !؟؟ انا تمشكلت بسبتك وانت مب حآس .
سعود : اوفف وانت شفيك ع ندى .. خلاص ياخي خلنا فحالنا مايخصني فيك.
سعيد : مايخصك فيني ؟"وقال بعصبيه" اوك خلاص عيل إنسى ان عندك اخو توأم . "وسحب سويجه وطلع" .
سعود"يلحقه" : سعيييد تععال ، ي ريال مب قصددي .. ،، اوف ها وين بيروح هالحززه !


" عند البنـات " .

ندى : إلا وينه رشود هو دومه يتأخر جي ؟
فاطمه : همم ، ايي مسكين ، لان دوامه شفتآت فـ ايي اخر الليل .
ندى : ي حبيبي ي اخوي ! شرايج نقعد لين مايي .
فاطمه : صج متفيجه ! بس ماعليه بس لان اجازه بيلس معاج .
" سعيد مرر عليهم ، - لأن الباب الرئيسي للبيت موجود فـ أول الصاله - "

فاطمه : سعود وين رآييح ..
سعيد"اقترب منها وحط ايده ع رقبتها" : انتي اييه سمعي ! من اليوم ورآيح إن غلطتي بإسمي وناديتني بإسم اخوج القذر بتشوفيين شي عمررج ماشفتييه !
فاطمه"تكح" : هددني بتذبحني ..
سعيد"حس شوي ، ووخر ايده عنها ، وإلتفت لـ ندى اللي اتطالع وهي منصدمه" .
ندى "تأشر ع مخها و تقوله " : انت مينون ؟!
سعيد : انتي ! تستقوين ع اخوي وتتمكنين منه ، مب يعني ان تستقوين علي انا بعد .. ومحد مينون غيرج ي بنت ابليس !
ندى"انصدمت من كلامه وماعرفت ترد فـ نزلت رآسها " .
سعيد : ايي شو بتقولين بعد .. آآخ الله يبعدنا بس عن اشكآلج . "وطلع بعصبيه وسكر البآب بأقوى ماعنده " .
ندى " ركضت لـ غرفة اخوها رآشد اللي كان مكانها فالطآبق الارضي، فرت عمرها ع السرير وتمت تصيح " .

فاطمه "رآحت لـ ندى ، دخلت عليها وشافتها دافنه رآسها فالمخده وتصيح .. " : ندى حبيبتي شفيج .؟
ندى : خلينيي بروحي يافاطمهه .
فاطمه : حبيبتي تعالي غرفتي بنرقد .
ندى"صرخت" : انا بننام هني ، خلييني بروحيي ..
فاطمه : اوك حبيبتي اللي يريحج . "وطلعت ولقت بويهها سعود اللي كان يبي يدخل ع ندى " .
فاطمه : خير وين ياي ؟
سعود : بشوف البنيه ! سآلم يآ عندي ركض وقالي إلحق ع ندى . !
فاطمه : اوفف ها صج فتآن ، اقولك البنيه ماتبي تشوف حد خلها فحالها .
سعود : زين زين ، بروح انام .
فاطمه : زين حتى انا . " ورآحت الغرفه ، شافت ميره راقده ع سريرها فـ غطتها باللحاف عدل ، ورقدت حذالها " .

- ع السـاعه 2 ونص ، رجع رآشد و ع طول رآح غرفته وهو تعببآن وهلكان وخلآص وآصل حده وده يرقد -

رآشد " بدل ثيآبه وبعدها انصدم " : بسم الله منو رآققد هني ! "شل اللحآفف ، شآف شعرها الطويل الاشقـر اللي مغطي ويهها … شل الشعر عن ويهها عشان يتأمل فـ ملامحها " : ي قلبيي يا ندى … عاد ترقدين هني ؟
ندى"حست فيه، ع طول فتحت عيونها وصرخت" : رآآآششد ..
راشد : يا عيون رآشد …
ندى"حضنته وتمت تصيح" .
راشد : شفيييج نيييدو ؟ نيدو تكلميي مايصير اتمين تصيحين .
ندى : …
رآشد : يآربيه …
"ومرت دقآيق ع هالحآل ، رآشد قاعد ع السرير و ندى حاضنتنه … "
راشد : زين ندى هديتي احين ؟ "ونزل رآسه يتطالعها ، انصدم يوم شآفها رآقده ع صدره " .. ي قلبي .. "قآم عنها ولحفها عدل وبعده رآح لـ غرفه سعيد وسعود " .

- عند سعود . . -

سعود : بسم الله شـ يايبنك هالحزه ؟
راشد : دووام بعد شو ؟! انت اللي بسم الله شو موعنك هالحزه .
سعود : ماشي ماياني رقاد .
راشد"يتطالع سرير سعيد الفاضي" : إلا وينه اخوك ؟
سعود : لاتسأل عنه .
راشد : ليش شالسالفه ؟
سعود : ماشي بس مايستاهل.. زين انت شو يايبنك هني ؟
راشد : مماشي بس هالدلوعه رآقده ع سريري ف قلت ايي ارقد عندكم.
سعود "ندى؟ " : زيين زين ، ع الاقل تونسني ، مب متعود ارقد بروحي .
راشد : هااه ليكون تخاف ؟
سعود : هههه لاوين ، بس متعود حد يونسني قبل لا ارقد .
راشد : صج ياهل.
سعود : نعم نعم ؟
راشد : ههه ماشي ماشي ، "سكر الليت وبعدها رآح ع سرير سعيد " آآخ ماشي احلى من الرقاد.
سعود : اييه حو لاترقد .
راشد : نعم اخ سعود ؟ شففت الساعه ؟ شش .
سعود : أوف .
" رقد رآشد ، اما سعود قعد يتجلب طول الليـل .. ي حليله ".

- - - - -

"السـاعه 5 الفجر . . . "

سعيد " توه رآجع البيت ـ ، ع طول راح لـ غرفه راشد وشآف شخص تحت اللحاف ، بس مب مبين " .

سعيد "قعد ع السرير": رشوود ، قوم ابي اكلمك . "وبعدها حس بحركه تحت اللحاف ، فـ عرف انه واعي " .
ندى:"بسم الله ها جنه صصوت سعيد ؟ لالاشكله احلم" .
سعيد : رشود بلا هالحركات ابي ارمسك … شوفلي دبره ويا سعود لعوزنيي … ماكففوه البنات اللي يعرفهم ، رآح وقص ع ندى المسكينه … وعاد روحي احس متلوم منها .. ماتستآهل !
ندى : " ؟؟ "
سعيد : رشود شففيك تراني اتكلم عن ندى اختك ؟ ليش سآككت ؟ .أأخ ، زين برايك لاتتكلم ، بس شسمه بنام معآك لاني متضآرب مع هالحقير اللي فوق . "ووقف ع السرير ورآح للجهه الفاضيه .. ويآي بينسدح " .
ندى"قعدت وصرخت" : اييييييييه وييين ياي انننت .
- كآنت قاعده ، وسعيد قاعد حذالها وتفصلهم مسافه صغيره - .
سعيد"منصعق" : ننندى ؟؟!
ندى"حست انه قاعد يتطالعها فـ ع طول غطت عمرها باللحاف" : اطططلع بررع .
سعيد : زين صصبر صبري ، خل نتفآهم .
ندى"صرخت" : اططططلع يا سعيد.
سعيد"طلع من الغرفـه ، وطلع فويهه سعود اخوه ! ترا ماياه رقاد وشكله نازل يتطمن ع ندى ! "

سعود"صرخ" : سعيييد ؟كككنت مع ندى فالغغررفففه ؟؟؟ وصلت فيك المواصيل ؟
"ندى اللي داخل الغرفه من سمعت الصريخ ع طول طلعت -لان كانوا عند باب الغرفه - "
سعيد : كيفي ! اسوي اللي ابيه .
ندى"اتطالعت سعود اللي ملامحه تغيرت وبدا الشك مبين عليه " : سعععود ترا انتتت فاهم غلط والله .
سعود"اتطالعها بـنظره" : مابي افهم شي .. خلكم جي لايقين ع بعض ! "ورآح" .
ندى : اوفففففففف انا شسويت .
سعيد : اوه الحلوه زعلانه عشان حبيب القلب .
ندى "اوف ها شفيه مره وحده صآرر *** !! ي كرهي لك " : جب مايخصك . "ودخلت الغرفه " .
سعيد : ههه والله ناس مريضه ! ."ورد طلع من البيت! " .


- - -

سعود " معققوله ؟ ندى وسعيد ؟ شكله عشان جي عصب يوم درا اني احبها .. والله ماتوقعتها منك ياخوي وانت اقرب الناس لي ، وتغدر بي ؟ " .

- - - - -

" 10 الصبح ، الكل متيمع ع طاولة الطعآم يتريقون ، ماعدا سعيد " .

بوسعود : إلا وينه سعيد ؟
راشد"دومه يرقعلهم" : مماشي طلع مبجر يقول عنده شغل ضروري .
بوسعود : غريبه اول مره يطلع بدون مآيتريق ، ولايصبح علينا ! .

ام سعود : يمما سعود شفيك شكلك جنك مب راقد عدل ؟.
سعود"إلا مارقدت بالمره! " : لا يمما رقدت ، بس لان شوي مصدع .

"ندى وفآطمه " .
فاطمه : شفيه روميو حتى مآلتفت صوبج ؟
ندى"بضيج" : بخبرج عقب .. "وقآمت" الحمدلله شبعت .

ام سعود"تطالع ندى" : بس انتي ماكلتي شي .
فاطمه"ترقع" : يمما تقول بطنها يعورها ، بتاكل بعدين .
ام سعود : سلامتها .
ندى: الله يسلمج عموه .
راشد"نقز" : نندى حبيبتي اوديج المستشفى ؟
ندى : لا راشد مايحتاي ، شوي وبيخف . "وابتسمت لـ اخوها ، و فاطمه ، وبعدها رآحت فوق لـ غرفه فاطمه " .

- - -

ندى : أوفف ، عمري مابعيش يوم حلو فـ حياتي ـ ، لازم شي يخرب ..
"انتبهت لـ فونها اللي كان يرن " .
ندى : ألو ؟
مايد : صبآح النور بيبي .
ندى : سوري من وياي ؟
مايد : انا مايد ماعرفتيني .
ندى "صج محتآيه حد اكلمه ! " : اوه سوري، بس من وين يبت رقمي .
مايد : من زينب .
ندى : زينب مرت ابوي ؟
مايد : ايي .. وو هي خبرتني كل اللي صآر .. انتي احين فـ دبي ؟
ندى : ايي .
مايد : اشوف بوظبي مظلمه ! .
ندى : ههه ، ايي صدقت .
مايد : ايي جي ضحكي . بسج حزن .
ندى : شدراك اني حزينه ؟
مايد : من نبرة صوتج ! يالله قولي من هاللي مايستحى وزعل خطيبتي .
ندى"ضحكت ع كلامه " .
مايد : ايييه اتكلم صج .
ندى : انا ماصرت خطيبتك .
مايد : بتصيرين ، ع الاسبوع الياي !
ندى : لالا ..وبعدين كيف وابوي فالسجن .
مايد : ابوج فالسجن ؟ مادريتي ي قلبي ؟
ندى : عن شـو ؟
مايد : ريلج بيدفع الفلوس !
ندى : من صصجك ؟ أصلن من وين لك ههه ؟
مايد : طع هذي .. الحمدلله عندي .. ولاتحاتين بدلعج دلع .
ندى"إستحت" : مآقصد جي ، بس اللي اذكره ان المبلغ وايد كبير .
مايد : خلاص اعتبريه اندفع ! وابوج ع الاسبوع الياي بيطلع ، لين ماتخلص كل الاجرآءآت .
ندى"آستتآنسست" : مششككور مآيد .. والله انك ريييال .
مايد : ههه ليش كنتي شاكه فيني شو ؟
ندى : ها ؟ لالا ماقصدت جي . بس يعني انك قوو وجي .
مايد : ايي رقعي رقعي .
ندى "ردت ضحكت" .
مايد : ي قلبي ! ي عساها دوم هالضحكه .
ندى " آستححت َ! "
مايد : هههه ي حلاتها يا ربي ..
ندى : اييه خلاص مايد ! :$
مايد : زين ترا بس دقيت ابشرج ! . وو ببند احين .
ندى : اوك ، والله احلى بشاره .
مايد : حبيبتي والله ! .. يالله تيك كير وتحملي بعمرج وياويلج لو زعلتي ولاتضايجتي .
ندى : إن شاء الله ، اننت بعد .
مايد : اوك .. يالله فحفظ الله .

- - - -

فاطمه "توها تدخل الغرفه " : وي ماشاء الله شاقه الحلج ومستآنسسه .
ندى : كلمممت ممايد .
فاطمه : ممايد؟
ندى : خخبرني ان ابووي بيطلع من السسججن.
فاطمه : وي زيين مبرووك ، بس منو ها مايد .
ندى : خطيبي .. !
فاطمه : و اخخوي ي ندى ؟ انتي تلعبين؟
ندى : فاطمه ؟ اخوج دوم شاك فـ اخلاققي ، وضرآبه بينه هو و سعيد .. وو اصلن سعيد قال ان سععود يعرف وايد بنات .. وانه يلعب علي !
فاطمه"حآست بوزها" : بخصوص انه يعرف وايد ، ترا صج .. بس مادري يمكن تغير .
ندى : ترآ ذيل الجلب طول عمره عوي .
فاطمه : اخوي جلب ؟
ندى : ها ، لالالا ها مثثل بس يعني جي ، احس مابيتغير ، وبعدين هو مايثق فيني ابدًا …. ولو يحبني جان خطبني .
فاطمه : آخ منج ياندى ! زين انتي منو تحبين .
ندى"بتوتر" : ممماعرف ، ماعررف .
فاطمه : لاتتهورين ي ندى وتسوين شي عقب تندمين عليه .
ندى : فطييم ، غيري الموضوع ، مابي اتضآيج .
فاطمه : زين سوري .
ندى : إلا شحاله ولد جيرانكم .
فاطمه"بآنت عليها ملامح الحزن" .
ندى : وي شفيج شوي وبتصيحيين .
فاطمه : سسسسآآآففر .
ندى : سافر ؟ سافر وين رآح .
فاطمه : لندن .
ندى : زين ليش تصيحين ، خل نكلم عممـي ونسآفر نحن بعد !
فاطمه : هههه من صدقج .. ابوي مطوع . وين يرضى .
ندى: شدخل … عادي بكلم مايد .
فاطمه : ممايد ؟ شدخل مايد ؟
ندى "إحمرت" : عـشان يسويلنا واسطه ، يكلم بابا و عاد بابا اكيد بيعرف يقنع عمي .
فاطمه : تتوقعين بيرضى ؟
ندى : ايي اكيد مايد مايردلي طلب .
فاطمه : قصدي ابوج .
ندى : مادري بس احس من عقب اللي مايد سواله اياه ، مستحيل يردله طلب .
فاطمه : تصدقققين عمري ماركبت طياره .
ندى"شهقت" : مننن صدققج ؟
فاطمه : هههه والله .
ندى : ماعلييه بتركبين جريب … أوعدج .
فاطمه : وافديييتج يا نييدو"وبآستها" .
ندى : وافديتني ها ؟ هاتيلي اكل يوعااانه بموت من اليوع .
فاطمه : طع توه الريوق جدامج ماكلتي .
ندى : كنت مضآيييجه .
فاطمه : زيين تعاليي تحت .
ندى : أوك انتي نزلي وانا بسبح وببدل وبلحقج .
فاطمه : ترا بننزل تحت ، مابنطلع .
ندى : هههه شفييج ، ترا عشان اطلع من الحزن واستآنس .
فاطمه : الحمدلله والشكر ، زين روحي روحي غسلي احزانج انا بنزل تحت .

- - - -


نهــايـه البآرت الخامس و عشـرون .
اتمنـى ان ينال إعجابكم .
وبإنتظآر تعليقآتكم و أرآئكم .

البارتت ططرر ،،

حلاتهه انه بو نندى بيطلع من السسجنن ،،

قهرني سسعود عصب بدونن لا يفهم ،، ححتى سسعيد ف البدايهه عصصب ع نندى

ف انتظارجج و تسسلممم ايدجج

البارتتتتتتتتتتتتتتتت روعهههه

بس ياترى ندى منوووووووو بتحب ؟؟؟؟

ومشكورههههههههه حبيبتي وايد واتمنى انه ايكون اطول

نتريا البارت احر من الجمررررررررررر

تحياتي : راقيه باسلوبي

حبيت البآرت وآايد وجي ")
ونترياا البآرت الياي~)

جميل البارت و شكرًا جداً جداً جداً 💗💗💗💗

سعيد ؛ ضحكني ها الانسان والله اهم شي الموقف😂😂
سعود ؛ حرام ظلمهم أوكي افهم ، و و انصدمت منه ان يكلم بنات وجي 😔
مايد ؛ احسه طيب وايد و حبيبي أحسن شي بيدفع عن أبوها و بيرجع 💘💘💘

و و نتريا البارت ♥️♥️♥️♥️♥️♥️♥️

واييييد ححلو البارت ابدعتي ماشاء الله
فديتج في انتظار التكملة
طررر الرواية 😍😍😍✌️مشكورة حبيبتي

وينجججججججججج

طر طر الروووواايه
كملي

مرورج الطرر حبيبتي ومنوره ..
لأن مآكآنوآ يدرون عن الموضوع ، وطبعـًا كل وآحد يغآر من الثاني .
وان شاء الله الياي جريب .
واتشرف بمتآبعتج حبيبتي .


مرورج الأجمل حبيبتي ..
والله مآندري للحين :( .
وان شاء الله بحاول انزله اليوم .
ومشكوره حبيبتي

مرورج الأروع حبيبتي ..
والله ماندري للحين :( .
والعففو وآيد و ان شاء الله يكون أطول .
و ان شاء الله بنزله قريب .



منوره حبيبتي و من ذوقج .
وان شاء الله الياي قريب و اتشرف فيج .



مرورج الطرر حبيبتي ،
وان شاء الله بكمل للنهايه ، ويعطيج العافيه .




مرورج الاجمل حبيبتي و عفففوآ منوره وايد .
هههه ، وان شاء الله دوم يضحكج ، و سعود من غيرته وعصبيته
وكل انسان يغلط -- و تسلمين حبيبتي اتشرف بـ متآبعتج منوره .
وان شاء الله الياي يعجبج .

مرورج الأحلى حبيبتي ،
وان شاء الله التكمله قريب .
و مرورج الطرر والعفوو ، منوره .
واتشرف بـ متآبعتج .

انا في انتظار البارت 👀

البـــارت الســــادس و العشرين . .

/
\
/
\



فاطمه : زيين تعاليي تحت .
ندى : أوك انتي نزلي وانا بسبح وببدل وبلحقج .
فاطمه : ترا بننزل تحت ، مابنطلع .
ندى : هههه شفييج ، ترا عشان اطلع من الحزن واستآنس .
فاطمه : الحمدلله والشكر ، زين روحي روحي غسلي احزانج انا بنزل تحت .

- - - -


"تحت فالصاله "

-سعيد توه داخل البيت - .
فاطمه : ماشاء الله توك شرفت ؟
سعيد : اوه فطيم شـ مقعدنج .. إلا البرنسيسه ندى وينها عنج .
فاطمه : ماشاء الله اشوفك تسأل عنها .
سعيد : بنت عمي كيف ماتبيني اسأل عنها ، زين ماجاوبتيني ؟
فاطمه : اها ، احين شوي وبتنزل .
سعيد : زين عيل بقعد اترياها . "وقعد حذال اخته "
فاطمه : اييه ققوم .. خل البنيه تاخذ راحتها فالبيت .
سعيد : ليش ان شاء الله ؟ تراه بيتنا مب بيتهم .
فاطمه : عيب عليك ي سعيد عيب ! "ورآحت للحجره " .
سعيد : شفيها هذي صايره نفسيه محد يتغشمر معاها .

-سعود توه يدخل الصاله - .

سعيد : اوب اوب ، وصل روميو زمانه .
سعود : انا روميو ؟ يـا كازانوفا !
سعيد : كازانوفا ؟ ليش تتحراني نفسك مسونها مع مليون ألف وحده … إلا بس سويتها مع بنت عمي !
سعود"منصعق" : انت اييه احشم ! وبعدين شو جآيفنيي عسب ارقد مع بنات ! تراني ماوصلت لهالمرحله من الحثاله .
سعيد : لا ياحبيبي انت وصلتها وعديتها بعد . "يبي يقهر اخوه " و على الاقل انا يوم سويتها مع ندى ، ضمنت انها بتكون من نصيبي واصلن وين بحصل احسن من بنت عمي.
سعود"هجم ع اخوه وصرخ" : وهدى يالحققيير ؟ انت بتتزوجها ، شتبي فـ ندى .
سعيد : ياحبيبي الشرع حلل أربع .
سعود : محد بياخذ ندى غيري يالحقير "وبدآ يضرب" انت شسويت فالبنت ، ضيعت شررفها ياللي ماتخاف ربك ..

"دخل عليهم راشد منصدم " .
راشد : اييه شفيكم تضآربون ؟ وبعدين منو هاي اللي مضيعيين شرفها !!! .

"سعيد و سعود وقفوآ ضرآبه و قعدوآ يتطالعون بعض " .

راشد : ايييه اكلمكم انـا ! .
سعود"اقترب من راشد " : اسمع ي راشد انا بقولك بس مب عارف كيف.
سعيد"يحاول ينهي الموضوع لأنه كله ع بعضه جذب! " : اييه يالغبي شو بتقوله ، رشود ماعليك منه .. بس الغبي حلمان ويتحرآه صج ..
راشد"يتطالع سعيد اللي مبين عليه الجديه" : أهـا ! صج خبايل ، الحمدلله والشكر تضاربون عشان حلم .. "ورآح " .
سعيد"يتطالع اخوه بتهديد" : انت مينون شو بتققول للريال ؟
سعود : بققوله انت شسوويت فأختته !!
سعيد : انت غبي ؟ تبيه يذبحها ؟ .. اطلع من الموضوع ، مايخصك .
سعود : مابطلع .. وندى لو ماكانت لي ، مابتكون لـ غيري دام رآسي يشم الهوآ .
سعيد : هه مسوي فيها انا البطل ، روح يا بابا روح .


- عنـد ندى ؛ توها مخلصه شور وآنصدمت يوم شآفت فطيم - .

ندى : بسم الله شو مقعدنج انتي ماقلتي بتنزلين تحت ..
فاطمه : أوف سعيد العله تحت مخرب الجو .
ندى : اوفف ، خلاص عيل انسدت نفسي ماشتهي اتريق .
فاطمه"اونها تفكر" : همم ، شرايج نتريق برع .
ندى : ايي والله احسن .. بس ابوج بيرضى .
فاطمه : لاطبعـًا . .
ندى : مالت ، عيل خل افكارج لج .
فاطمه : لالا سمعي ، لو انتي بتكلمينه اكيد بيوافق .
ندى : تهقين ؟
فاطمه : ايي .. انتي بس كلميه .
ندى : احس استحي .
فاطمه : عادي ترا عممج ، يالله روحي كلميه .
ندى : زين وينه احين ؟
فاطمه : اكيـد تحت عند المسبح .
ندى : عندكم مسبح ؟ *عيونها صآرت قلوب *
فاطمه : ايي توه تكتشفيين .
ندى : ونناسه ماكنت ادري ..
فاطمه : هههه زين دريتي شو بتسسوين .
ندى : بنتسسبح فيه بعد شو .
فاطمه : ههه عشان ابوي واخواني يذبحونج ، انا مايخلوني بيخلونج انتي ؟
ندى : بجرب حظي .
فاطمه : زين خلنا ع سالففه الريوق احين ، وامسحي سالففه المسبح من راسج لانها مستحيله .
ندى : اوف زين ، يالله ودينا عند المسبح مادله ترا .
فاطمه : من كبر بيتنا عاد .. سيري باللفت ، بتحصليته فالطآبق 0 - تحت الطابق الارضي .
ندى : صج ماتستحي .. ياحماره امشي جدامي يالله .
فاطمه : ليش ؟ حد مخوفنج فـ بيتنا شو ؟ روحي روحي .
ندى : "وي هذي ماتدري ان اخوانها وحوش" حبيبتي لو ماييتي مابروح اكلمه .
فاطمه : اوفف زين زين بوصلج .

ندى ؛ ومشيت ورآ فاطمه ، مرينا ع الصاله ، غريبه فاضيه ! يمكن تضآربوآ وذبحوآ بعض ؟ لا اكيد اكيد مب يمكن . وركبت اللفت اللي أول مره اركبه ، وصلنا لـ طابق كله رخام يمتتد لـمسبح كبير و جآكوزي ، وكانت الإضاءه خافته و الجو شوي رومنسي وهادي وفكل زاويه شي مخدآت و قعده حلوه ومرتبه ، وكان عمـي قاعد يقرآ جريدته و يشرب قهوته اليوميه .

http://im50.gulfup.com/mafsaF.jpg

. .

فاطمه : شفيج مبحلقه عينج جي ؟
ندى : والله الجوو طرررر .. ليش ماقلتيلي عنه من زمان ؟
فاطمه : لأن مانقدر انيي هني وآيد .
ندى : أمبيه ليش ؟
فاطمه "نزلت راسها": لأن أخوي الصغيـر مآيد توفى هني .
ندى : امبييه ! عندكم اخو بعد ؟واسمه مآآيييد ؟؟
فاطمه : ايي بـ عمر سيف ولد حرمة ابوج ..
ندى : ححرآم الله يرحمه ! حبيبي كيف مات ؟
فاطمه : لأن المكان بعيد ومنعزل .. يعني ان تحت البيت فـ محد يسمعه .. وكنا ع اساس كل يوم ننزل نسهر ونسبح .. و فـ ليله رمضان كنا كلنا منشغلين فـ محد نزل إلا مآيد ومآكنآ ندري عنه فـ مآوعينا إلا وهو غرقـان .. ومن ليله الحادث ومحد ايي هني .. إلا أبوي .. فـ صار مكان ابوي بس .. ومحد يتجرأ يقوله ان بيسبح .. يعني صار بس زينه .
ندى : أمبييه .. حرام ، واحين مخلين المسبح ع الفاضي ليش ؟
فاطمه : تبين ابوي يجتلج ، كلميه عن الموضوع .

"بو سعيد انتبه لـ فاطمه وندى اللي وآقففآت بعيد "" .
بوسعيد : ندى ، فاطمه ؟ تععآلوآ شـوموقفنكم هنناك .
فاطمه"مستغربه أول مره ابوها يرضى ان حد غريب ايي هالمكان" : انـي عندك ؟
بوسعيد"ضحك" : ايي تععالوآ شوتسوون هنـاك .

- ومشينا لـ بوسعيد - .

بوسعيد : آمروآ ي بنآتي بغيتوآ شي ؟ حد مزعلنكم بـ شي ؟
ندى"همست لـ فاطمه" : خل نكلمه عن المسبححح .
فاطمه : شش ..انسي .
بوسعيد : شفيكم تتسآسرون ؟
فاطمه : هـا ؟ لاماشي بس ندى يوعانه ومالها خآطر تآكل من اكل البيت فـ تبي نروح نتريق فـ كوفي .
بوسعيد"رفع عقد حآجبينه" : كوفي ؟
فاطمه : ايي يبا كوفي شوب .. ( ستآربكس ) !
بوسعيد "قعد يتطآلع نظرآت الترجي مآقدر يقول لآ " : زين روحوآ بس لاتتأخرون .
ندى : زين عمي ، نروح مع الدريول ؟
بوسعيد : لآآ ، مآشي روحه مع الدريول ، مب زين بنات تروحون بروحكم ! خل حد من الشبآب يوصلكم .
فاطمه : بسس يببـا سعيد وسعود اليوم مب ع بعضهم و حتى رآشد .
بوسعيد : ليش شصآير لهم .
ندى"بصوت وآطي" : نفسيـات .
فاطمه"تهمس لـ ندى" : انتي شش .
بوسعيد : شفيكم يبا ؟ ماتبون تسيرون معاهم خلاص كيفكم روحوآ مع الدريول .
فاطمه : صجج يبـا ؟ مشككور حبيبي ابوي "وبآسته ع رآسه" .
ندى"ابتسمت" : تسلم عممـي .
بوسعيد : ولو ! انتي مثل بنتي .

" انتي مثل بنتي ؟ صج إإن اللي سوآه شي تآفه ، بس مقآرنة بـ حياة فاطمه المعقده عمرها ماخلوهآ تطلع بروحها لا وبعد مع دريول … بس احين عمـي قام يعـاملني مثل بنتـه و اكثر بعد .. صآر يسمحلي بـ اشياء مآيسمح لـ بنته ان تسويهـا .. ويقولي اني مثل بنته ؟ يآترى هو يحبني اكثر من ابوي ؟ "

فاطمه"ضربت ندى" : ايييه يالله قومي شفيج .
ندى : آي يععور .. زين زين .

" ورحنـا ، تلبسنـا و كشخنـا وتعدلنا ، ( هآكله حق ستـاربكس ؟ ) هذي كآنت جمله الأخ سعيد أول مآشآفننـأ " .

فاطمه : ايي وانت شـحآرنك ؟
سعيد : لا بعد مع الدريول .. من متى قمتي تطلعين مع الدريول بروحج ، ولا من يت سآس البلا تغير كل شي .
ندى"منصدمه ، شفيه هذا ؟ " : عففوًآ أخ سعيد ؟ من سآس البلا ؟
سعيد : والله كل وآحد ادرى بنفسه .
ندى " لآ الوضع ماينسكت عنـه " : أقول مآدري شفيك علي وشآيفف عمرك يآخي حيآتنا وكيفنا نطلع مع اللي نبيه ، انت شو يخصك ؟ اكووه عمي راضي وماقاللنا شي ، من انت عشان تقعد تتفلسف علينا ؟
سعيد : ماشاء الله طلعلج لسآن ؟ والله اختي ومارضى تطلع بروحها عندج مانع ؟ .
ندى : يوم بتصير ابوها بعدين تفلسف ! فاطمه يالله نروح .

" ومرينـا من جدآم سعـيد وطلعنـا ، ! حليله مآتوقع ان ندى ترد عليه اصلًآ ، من وين يتها كل هالجرأه ؟ ندى اللي مآكآنت تقدر تحط عينها بـ عين ريال !؟ "

ندى : وينه دريولكم ؟
فاطمه : هو دوم يوقف برع ..
" ومشينـا لـ برع الحوي ، لقينـاه يتريـانا بسيآرته البي أم دبليو 700 البيضه ، بدون مخفي وعليها رقم دبي ثلاثي " .

- - -

" إتجهنـا لـ ستـاربكس اللي فـ مول الإمارات ، لأن فآطمه قآلت تبي تسوي تشوف محل و ندى إستغلت الفرصه عشـان تتشرآ شوي لأن نآقصتنهـا اشياءء وآيده ! و فالطريج " .

ندى ؛ كنت مرخيه شيلتي و مخليه خصلآت شعري تطآير مع المكيف ! درجة الحرآره تققريبًـا 40 أو يمكن اكثر .. خدودي إحمرت من الحرر .. غريبه ! المكيف شغآل وحآسه إني بموت من الحر ! فتحت أزرآر عباتي .. حسيت إن الحر بيذبحنـي ، إلتفتت لـ فاطمه شفتهـا تلعب بالـبلاكبيري مستآنسه ! و تغني مع الإغنـيه اللي مشغلينها ع الـ FM .. سندت رآسي ع السيت لـ ورآ … وقعدت اتطآلع من الجآمـه … شفت وآحد رآكـب كومآرو حمـرآ كل شوي ينزل الجآمه و يشل نظآرته الشمسيه من على عينه .. و يبتسم وهو رآفع حآجبه وبعدها يفصخ الكآب اللي على رآسه ويقعد يرتب شعره … كنت سرحآنه مب مركزه بس صحيت ع صرخه فآطمه .

فاطمه : وييييي حدددده كييوت يجنننن …
ندى"نقزت" : بسم الله الرحمن الرحييم شفيييج ..
فاطمه : هذذا اللي يسويلج حركات ؟
ندى"تأشر" : هذا ؟ من الصبح وهو يلحقنا مادري شفيه شكله مغلط .
فاطمه : اييه يالخبله لاتأشرين . !
ندى : ليش شالسالفه ؟
فاطمه : ي غبيييه ماشي مخفي …
ندى : شييت إحلففي .
فاطمه : والله عيل شدراه ان بنات وقاعد يلحقنا ؟!
ندى : امبببيه وانا اقول ليش جيي حرر … "وعدلت شيلتي و سكرت آزرآر عبـاتي ، وبعدها إلتفتت لقيته يضحك علينا وكأنه فاهم شي ؟ "
فاطمه : هههه صج خبله يعني ماشفتي قبل لاتركبين ؟
ندى"مفتشله" : شدددرانييي … متعوده اركب سيايير فيها مخفي ! وبعدين شسمه يعني شآفني وانا اضحك ع غباءه كل شوي ؟
فاطمه : ضحكتيله ؟
ندى : ممماكنت اقصد .
فاطمه : ههههه عيل احين مآبيودرنا .
ندى : هههه ، عادي مآظن اصلن ينزل المول .
فاطمه : ههه شدرآج ؟ شباب دبي يسسوون كل شي .
ندى"تنغز" : نفس سعود وسعيد ؟
فاطمه : أأخ ، إيي نفس سعود وسعيد ، ليكون تتحرينهم ملآئكه ع غفله ؟
ندى"حبت تتأكد" : يعني لـهم سوآبق .
فاطمه : ايي وآآيد بعد ! .

" وصلنـا للمـول ، نزلنـا - ورآعي الكومآرو ورآنا ورآنا " .

فاطمه : ندى تصرفي معاه خل يروح مآفيني يقعد يلحققنا !
ندى : اسستحي شتبين اقوله .. ماقدررر اصلن .
فاطمه : طع واخواني تتشطرين عليهم .
ندى : اخوانج غيييرر …
فاطمه : ايهي ، اوك تخيلي انه نفس اخواني .
ندى : لالا ماقدر ، انتي كلمييه .
فاطمه : اييهي ومن قالج إني جريئه اصلن ؟ كلميه انتي .
ندى : يآربيه ، "وإلتفتت لـ ورآ، شآفته يبتسم " .
زايد : قممر وربي !
ندى"إحممرت" : لوسمحت اخوي عيب عليك .
زآيد : ش اللي عيب ؟
ندى : لآحقنننا من مكان لـ مكان .
زايد : والله لو مآضحكتيلي وطيرتي عققلي جان مآلحقتج .
ندى "يآربيه ! لي متى بضعف كل ماحد قآلي كلام يلامس مشآعري؟" : لوسممحت ممكن تروح .
زايد : ممآبروح لين مآتتصلين .
ندى : سوري انا مب من هالنوع .
زايد : زين بس ضيفيني ع البلاكبيري .
فاطمه"تهمس لـ ندى" : ترآ حليو !
ندى : مممابي ، ممكن تروح .
زايد"سحب الفون من ايد ندى" : خلاصص انا بضيف نفسي !
ندى : تتلففففوننـي هههاته .
فاطمه"نغزتها" : خلاصص خله يومين ومسحيه .
زايد"سمع فطيم ، ضآف نفسه ورجع الفون وغمز لـ ندى" : ترآ حففظت بن كودج .
ندى "أوفف منج ي فطيم" : زين ممكن تروح احين .
زايد : اففا عليج .. بروح وبطلع من المول .. وبطلع من دبي بكبرها لو تبين .. المهم انج ضفتيني .

- - -

ندى : أوف مابغى يروح .
فاطمه : اييه ترآ صج حليو .
ندى : ايييه نسيتي ان عندي مايد ؟
فاطمه : مايد ؟ متى بتاخذينه يوم بتخلصين ثنويه عقب سنتين ، مب احين !
ندى : بس حتى لو ، مابي اخونه .
فاطمه : وشدرآج انه مآيخونج .
ندى : وليش يخوني .
فاطمه : كل الشباب جي .
ندى : يعني ولد جيرانكم اللي تحبينه يخونج ؟
فاطمه"تلعثمت" : ممـ مـادري .
-ومرت لحظه صمت -
ندى : زين خلاص آسفه .
فاطمه : لاعادي ، انا اللي آسفه . اكوه ستآربكس خل نتريق .

" تريقنـا و خلصنا وبعدها رحنـا نسوي شوبنق ع السريـع " .

فاطمه : نندنى ندى ،
ندى : شفييج ؟
فاطمه : تشوفين اللي يلحققونا .
ندى : وينهم ؟ هالشله ؟
فاطمه : ايي ، لاتصددين .
ندى : ليييش ؟
فاطمه : هذيل متضآربين مع اخواني .
ندى : كيف ؟
فاطمه : مادري صارت مشكله بينهم .. ومره دخلوآ علينا البيت لا احم ولا دستور .. يايين يتضآربون مع اخواني وشافوني بلا شيله ولا عباه .. سألوني وين اخوانج .. قلتلهم فـ حجرهم .. رآحوآ وضربوهم وصارت سالففه وسجنوهم لفتره .. وللحين يكرهون اخواني كره العمى .
ندى : بل بل ، ليش كل ها .
فاطمه : مادري !!!!
ندى : واللحين ليش يلحقونا .
فاطمه : شكلهم عرففوني .. والله تراهم مايستحون ولا شي .. عادي يسسوولنا شي .
ندى : خوفتيييني معآج ، شنسوي .
فاطمه : ماعررف ..
ندى : كلمي اخوانج .. شكلهم هذيل ناوين ع شر .
فاطمه : لا والله تبينهم يتذابحون ؟
ندى : عيل شنسوي .
فاطمه : كلمي زآيد ، دامه قريب .
ندى : منو زآيد ؟
فاطمه : اللي توه ضآفج .. مسرع مانسيتي .
ندى : صج اسمه زآيد ؟
فاطمه : ي غبيه مكتوب فالبيبي !
ندى : اوه مانتبهت .
فاطمه : ياربيه .. زين كلمييه ع الاقل يكون ويانا ريال .. بيخافون . ولا نكون بروحنا .
ندى : خل الدريول عيل ايي يشلنا احسن !
فاطمه : الدريول !! رآح ويا اميي السسوق قال بيينا العصر ! .
ندى : زين زين بكلمه .


- - - - -

سعود : إلا وينها حبيبتك ؟
سعيد : مب حبيبتي .. وبعدين ترا طلعوآ رآحت مول الامارات ويا اختك .
سعود"عصب" : بروووحهم ؟ انت كييف تخلييهم يروحون .
سعيد : والله هذي بنت عمك أم لسآنين محد يقدر عليها ، تسوي اللي برآسها .
سعود : ماعليه انا اراويها .
سعيد : اييه اييه ، تراك مب ولي امرها .
سعود : بس انا ولي امر اختي .
سعيد : بس ابوي ماقاللهم شي !
سعود : اوففف بتيي وياي ولا ؟
سعيد : وين ؟
سعود : بنروح عندهم المول ، بعد وين !
سعيد : اوفف زين يالمينون .

" وقبل لايطلعون ، شآفهم راشد "

راشد : اوه الحبآيب طالعين .
سعيد : ايي .. بتي ؟
راشد : ع وين .
سعود"بعصبيه" : الممول ، نشوفف الهوآنم !
راشد : اي هوانم شفيكم .
سعود : اختي واختك !
راشد : زين شفيك معصب ترا مب اول مره اختي تطلع بروحها .
سعود : بس هذي اول مره اختنا تطلع بروحها . !
راشد : زين خلهم خل يستآنسون .
سعود : لا ها صج نآيم بالعسل ، حبيبي الجو احين جو مغآزل ، الزمن تغيير .. البنآت مآيهيتونهم كل مكان .
راشد : شفيكم مب واثقين فـ اختكم شو .
سعود : نحن واثقين فيهم ، بس مب واثقين من الناس اللي هناك . بتي ولا ؟
راشد : اوفف زين ياي ،، بس لو شفنآهم فـ حالهم بنروح ومآيخصنا فيهم .
سعيد + سعود : أوك ! . "وكأنهم حآسين ؟! "




نهــايـه البآرت السآدس و عشـرون .
اتمنـى ان ينال إعجابكم .
وبإنتظآر تعليقآتكم و أرآئكم .

البارتتتتتتتتتتتتتت روعههههههه

نترياج احر من الجمر وطولي البارت ششوي

بالتوفيق

شااااااتت شو بيصير يا تراا

روووعة البااارت حبيبتي كاتبتنا
فانتظار الي بعدو

رووووووووووووووووووعه البارت
نتريا التكمله غلاي

وينججججججججججججججججججج

الرواية طرررر كملللي ...

البـــــارت الســــــــابــع و العشــــرون 27


/
\
/
\
/

راشد : اوه الحبآيب طالعين .
سعيد : ايي .. بتي ؟
راشد : ع وين .
سعود"بعصبيه" : الممول ، نشوفف الهوآنم !
راشد : اي هوانم شفيكم .
سعود : اختي واختك !
راشد : زين شفيك معصب ترا مب اول مره اختي تطلع بروحها .
سعود : بس هذي اول مره اختنا تطلع بروحها . !
راشد : زين خلهم خل يستآنسون .
سعود : لا ها صج نآيم بالعسل ، حبيبي الجو احين جو مغآزل ، الزمن تغيير .. البنآت مآيهيتونهم كل مكان .
راشد : شفيكم مب واثقين فـ اختكم شو .
سعود : نحن واثقين فيهم ، بس مب واثقين من الناس اللي هناك . بتي ولا ؟
راشد : اوفف زين ياي ،، بس لو شفنآهم فـ حالهم بنروح ومآيخصنا فيهم .
سعيد + سعود : أوك ! . "وكأنهم حآسين ؟! "


- - - -


فاطمه : اوفف ندى انا خآيففه ، هذيل ورانا ورانا .
ندى : كآهو زآيد وصل . .
" زآيد ؛ الشآب صآحب البشره الحنطآويه الفآتحه ياللي قريب للبيآض أما شعره فـ هو كثيف و مبين من تحت الكاب و طوله معتدل ع طول رقبته الطويله ياللي يميزه حوآجبه المعتدله و الشعر ياللي بين الحاجبين محلنه و رموشه كثيفه ومبينه وعينه المكحله البنيه وغمآزاته الثلاث ، وحده ع خده اليسار والثانيه تحت شفاته ع جهة اليمين والثالثه ف النصف السفلي من الذقن مما يخلي ابتسآمته تجنن ..أما جسمه طويل وعريض الاكتآف وجسمه رياضي مثل مآ مبين من وقفته ومشيته ، و عروق ايدينه مبينه وبارزه. . بإختصـار فيه علامات الجمـال كلهـا . أما صوته فـ هو رجولي بس مب خشن ولا ناعم يعنـي من الصوت اللي يكون عذب وهادي وللعلم ! صحيح إني ابالغ فـ وصف الشخصيـات لكن هذا أجمل شخصيه فالرويه بـ معنى الكلمه و طبعـًـا حلم كل بنت يهمها فالشآب مظهره ! " .
فاطمه : واي شحلاته .
ندى"ضربتها" : محد بيودينا فـ داهيه الا انتي .
فاطمه : انـا شو يخصني ترا اقولج ان حلو .
ندى : تراني اشوف ، بس عاد حلو مب يعني اضيفه ع البيبي واناديه عشان يصيرلني بدي قارد "حارس شخصي" .
فاطمه : زيين انا مايخصني اعتبريها من الظروف .
ندى : أوفف من هالظروف .
"وصل زآيد لـ جدامهم وانتبه للشـله اللي تمشي ورا فطيم وندى وابد مب مخلين الا مسافه يمكن بس سنتيمتر واحد بينهم او أقل " .
زايد : بل هذيل شـ يبون .
فاطمه : ماعرف شـكله يدورون مشاكل .
زايد : ليش مآتردون احس احسن ، حتى لو صآر شي انا وآحد وهم ماشاء الله مادري كم .
فاطمه : ايي كنـا بنرد بس محد يوصلنا .
زايد : تبون اوصلكم ترا والله ع دربي عادي .
ندى"تهمس لـ فاطمه" : لالا لـهني وخلاص .
فاطمه"تنغزها" : زين خلاص اعصابج .
زايد"ينتظر الرد" : هـا ش قلتوآ ؟
ندى"ابتسمت" : مانبي نروح بعده باقيلنا كمن غرض مآشتريناهم .
زايد : اهـا ، دام جي يالله عيل نمشي .
ندى"تطالع زآيد ؟ احين ها بيمشي حذالنا ؟ "
زايد : شفيج خآيفه ترا والله ماعض .
فاطمه"تنغزها" : بلاج ندى .
ندى"إلتفتت لـ زايد اللي كان حذالها" : اسممع لو تبي تمشي خل بينا وبينك مسافه .
زايد : لهالدرجه انا اخوف ؟ "وضحك" .
ندى"طـع ! ويهه كله غمآزآت .. so cute ! " .
زايد : ادري ضحكتي حلوه بس مب تسرحين فيني جي .
ندى"احمرت ونزلت راسها" : اقققول امش امش جدامنا احسن .
زايد"رد ضحك" : زين خلاص امرك سيدي .

فاطمه"همست لـ ندى" : ههه شـ مسويه بالريال انتي .
ندى : انتي جب .

" رحنـا لـ كمن محـل نتشرآ ، اشترينا ثياب - بجامات - ميك اب ، وطبعـًـا طقمنا شوي ، والشله للحين ورانا ! قلنا من يروحون ان بنخلي زايد يروح عشـان نفتك من الخوف اللي مسببيلنا اياه … اصلن لو تشوفون اشكالهم ! مبين خريجين سجون . . المهم زآيد حليله من بدي قآرد تحول لـ خآدم وقآم يشل الأجيآس ! لآ مب بس جي .. يوم ندفع الحسآب ينقز ويحلف علينا إلا يدفع ! فـ قمنا نخفف من مشترياتنا لأن مستحيين ! وعاد يوم نمشي لاحظنا ان البنات كلهم يتطالعونا ! لا ويت مايتطالعونا ، يتطالعون زايد ! يعني تخيلوآ نمر عند شلة بنات ، فجأه يأشرون ع زايد وبعدها يقعدون يضحكون بصوت عالي بس عشان يلفتون إنتباهه ، أما هو فـ كان مايصد أبدًا لأي بنت ولاحتى يطالع .. طلع محترم ؟ لا ويت كيف محترم ويغازل ؟ وعآد فجأه ونحن نمشي فاطمه وقفففت وتصننمت … "

ندى"بصوت شوي عالي" : شفيييج وققفتتتي ؟؟؟
زايد"اللي جدامهم إلتفت لـهم" : شصآير ؟
فاطمه"رفعت ايدها تأشر": أخوـو أخواني ! رحننا فيها !
ندى : شيت . .
زايد"رآح نظره لـ اللي فاطمه تأشر عليهم" : هذيييل ؟
فاطمه+ ندى "إلتفتوآ لـ زايد .. طلع يعرفهم ؟ "

سعيد"حضن زآيد وو يسلم عليه" : زيييوود حبيييب وينك من زمان .
زايد : والله موجود انت اللي وييينك .
سعود"يتجدم لـ زايد" : اووب صآير مزيون .. كشخنا ها من عقب الجيم والحركات .
زايد : امبونيي من يومي مزيون .
سعود : ايي صدقنا .
راشد"تجدم يسلم ع زايد" : هههه ماعليك منهم يغارون منك ، ي قلبي ي زايد .
زايد : ايي شفت كيف .. شافونا انا وانت حلوين قاموا يغارون منا .
راشد : ايي والله ياحليلهم ، لا بعد نحن نسخه وحده ولمتد اديشن وهم نسختين .
زايد : هههه ايي والله .
سعود : أصلن انتوآ تغارون ، حلاته يوم عندكم اخو توأم . "وحط ذراعه حول اخوه " .
سعيد : ايي والله "بصوت وآطي" يواعد بداله .
راشد : شفف شفف عشان جي عايبنهم .
زايد : مايستحون . !
سعود "يتلفت للبنات ، هذيل ااختي وبنت عمي المنخشين ورا زايد " : إلا الاهل شـ يسون وياك .
زايد"إلتفت لـ ندى وفاطمه المتيبسأت من الخوف ههه ، دقق فـ ندى وعقب إلتفت لـ راشد" : هذذذذي اختتتتك ! نفففس العيون والله .
راشد : هههه ايي عليك نور .. شتسوي ويا اختي ماهقيتها منك .
زايد : هذي يزاتي احرسها ؟
راشد : ههه شـ تحرس فيها ؟ شالسالفه .
زايد : "رفع نظره للشـله اللي راحوآ هالزاويه " من هذيلاك .
سعود"صرخ" : شيت شلــة نصصور مخمه .
سعيد : احححلف ويين ؟
زايد"ضحك ع الاسم" : مخممه ؟
سعود : طع ها يضحك بعد .
سعيد : اقول قوموآ نطلع احسن.
راشد : هااه طلعتوآ تخافون .
سعود : انت شفت فـ عينك اخر مره تكسرنا بسبتهم.
زايد"والفضول ذابحنه" : من هذذيل ماقلتولي ؟
سعود : هذذذيل اللي دخلوآ بيتنا !
زايد : اللي ضربووكم ؟
سعيد : ايي عليييك نور .
زايد : شيت ، دام هذيل هم ، باي شباب .
سعود : هههه من اللي يخاف احين .
زايد : ها ؟ لا بس خلاص انتهت مهمتي ههه .
راشد"رفع حاجبه" .
زايد "يتطالعه ، نفس حركه ندى ؟ سبحان الله حتى فالحركات يتشابهون" .
راشد : ايييه حووه وين سرحت .
زايد : بسم الله حتى مايخلون الواحد يسرح .
سعود : عاد تسرح فـ رشود ههه .
راشد : ليش طايح من عينك شو ؟
سعود : لالا ، حبيبي رشود .
سعيد : هههه صج م ص ل ح ه .
سعود : فـ عينك ، إلا اقول شفيهم البنات ع بالهم بنضربهم خل اييون .
زايد : ههه انتوا شـ مسوين فيهم ؟
سعود : مادري .
زايد"إلتفت لـ ندى وفطيم ، شافهم ان رجعوآ ورآ لـ خطوآت خلتهم شوي بعيد ، فـ رجعلهم " .
ندى : ها بيذبحونا ؟
زايد: هههه لآآ .. حلينا الموضوع"وغمز" .
فاطمه"تهمس لـ ندى" : ياويلي ويلاه !
ندى : جب جب فضحتينا .
زايد : يالله يبونكم ، بروح انا . "وعطاهم اجياسهم"

- - - -

سعود : ماشاء الله مخلين اخوانهم ورايحين للغريب .
ندى : كيفنا .
سعيد : تسوي الغلط وترادد بعد .
ندى"تستنجد ب اخوها" : رشووود طاعهم .
راشد : انتوآ ايييه كله ولا اختي .
سعود : زين ي البطل .. دام تحبهم لهالدرجه وصلهم انت .
راشد : ايي لاتستهبلون .. بنرد مع بعض .
ندى : اييه ليكون يايين بـ سياره وحده ؟
راشد : ايي حبي يايين كلنا بـ سياره سعود .
ندى : أووه ، مابي اركب عيل .
سعود : من قال اني بركبج .
ندى : ع اساس ميته ع سيارتك . "وراحت لـ بعيد هي وفاطمه"

فاطمه : نيدو اقولج الدريول مايرد خل نرد مع اخواني.
ندى : لاا لا كله ولا خوانج .
فاطمه : بسم الله مسويلج فلم رعب شو .
ندى : و أكثر .
فاطمه : أوه أكوو رد . "وابتعدت تكلمه "

- -

ندى : ها شصآر؟
فاطمه : ماشي قال بيي احين .
ندى : الحمدلله ـ صبري بخبر رشود .
" ورآحت خبرت رشود ، طبعـًا سعيد وسعود اعترضوآ بس رآشد تحجج ان السياره ماتكفي ، وان عرض ع سعيد وسعود يروحون لـ مقهى (ريم البوادي) ويقضون سهرتهم هناك فـ وافقوا " .

- -

"وركبنـا مع الدريول " .

ندى : أوفف متىى بتركبون مخفي .
فاطمه : ههههه ويا هالمخفي ، اقولج هالسياره حق المشاوير السريعه فـ مب لازم مخفي ..
ندى : آآه ، زين جي جنه مفصخين ، كل حد يطالع .
فاطمه : هههه زين عادي سوي عمرج ماتطالعين .
ندى : اللهم طولج ياروح .
فاطمه : ي قلبييي ، ماعليه شوي ونوصل البيت .

"علقننا فالزحمه ، وكان شي نقطه تفتيش .. فاطمه مندمجه فالاغاني اما ندى فـ سحبها الفضول ل زايد ".

- ع البلاكبيري -

Nedo : مسا الخير
Zayed : مسا النور .. وأخيرًا
Nedo : واخيرًا شو ؟
Zayed : تكلمتي.
Nedo : ايي بس تمللت فالزحمه وجي .
Zayed : دام جي عيل يا عساها دوم هالزحمه.
Nedo : لاحرام ابي ارد البيت .
Zayed : ايي وعقب مابتكلميني .
Nedo : ليش اكلمك ؟
Zayed : لأن ابي اكلمج .
Nedo : وليش نكلم بعض .. مابي اكون علاقات انا .
Zayed : مجرد صداقه والله لا اقل ولا اكثر .
Nedo : بفكر .
Zayed : اوك خذي وقتج يا اخت الغالي .
Nedo : اخت الغالي ؟
Zayed : ايي اخت رآشد .. ربيعي من يوم ماكنا صغآر .. احيد يوم يبي مني شي دوم يقولي لو سمعت الكلام بخطبلك اختي وتراها تشبهني ومادري شو هههه وانا حليلي مصدق .
Nedo : طع رشود! وانا دوم كبش الفداء .
Zayed : ههههه حليله راشد يحبج وايد ويخاف عليج من كبرنا قالي لو يبت
اسم اختي ع لسانك بقصه لك هههه .
Nedo : يا قلبي ي اخوي .
Zayed : وانا ؟
Nedo : قلنننا يا اخوي !

- -

فاطمه"تنغز ندى" : بسسج بسج وصلنا يالله .
ندى : اوه مانتبهت .
فاطمه : تكلمين زيود وين تنتبهين .

"فهالحزه زايد غير صورت العرض وحط صورته وهو مب لابس تي شيرت .. فـ عطول ندى رفعت الفون ل فاطمه " .

ندى : ططاععي طاعي الجسم هههه .
فاطمه : وي جممميل هههه .. هاللي يستاهل تحبينه .
ندى : وانتي كله حب حب .
فاطمه : عيل شو اللي بيكون بينكم .
ندى : صداقه .
فاطمه : ههاي حبيبتي ماشي صداقه بين حرمه وريال الا وكانت مبنيه ع الحب .
ندى : وي شدراج انتي .. بنصير فرند نفسي اناا وانتي لااكثر ولا اقل .
فاطمه : بنششوف .. إن ماييتيني وقلتي يا فطيم انا طحت بـ غرامه ، ماكون انا فاطمه .

- - -

"ودخلنا البيت وعاد عمي كان فـ ويهنا ، سلمنا عليه وبعدها رحنا فوق " .

ندى : إلا اقولج وين سيفوه وميروه من متى ماشفتهم .
فاطمه : ماعليه اتطمني حالهم حال سالم ، ترا كل يوم يطلع ويشلهم معاه .
ندى : يشلهم معاه ؟
فاطمه : ترا ماعليج منه ياهل ها ، وين يروح ، واد وادي ، و ألعاب القريه وسينمات ومادري فوين فـ يشلهم معاه .. وأصلن يحب اليهال .
ندى : عن يخربهم .
فاطمه : هههه انتي ايييه بعدهم يهال اصلن .
ندى : زين زين كلتينا ، اقولج خل نرمس عممي عن المسبح .
فاطمه : شفيج ويا المسبح .
ندى : من زمان وانا خاطري اسبح وجي ، عاد لو فبيتنا جان بنسبح اخخر الليل ومحد يقوللنا شي .
فاطمه : زين ليش ليكون مآسبحتي من قبل شو ؟
ندى : لآ ، ماما ماتخليني .. كانت تخاف علي . من اغرق ، او أمرض لأن المسابح هناك تكون عامه .
فاطمه : اونه .. نحن كنا نروح مسبح مال نادي الضباط وهناك تعلمنا وكل شي .. وبعدها بآبآ سوالنا الطابق الأرضي .. عشان مانضطر نروح المسابح العامه وو أصلن لأن تكون متروسه كلور .
ندى : خل نكلمه عييل .
فاطمه : انا حآس قلبيي ان ورا هالسالفه مصيبه .
ندى : فطيييم نحن مابنسوي شي ، إلا بنسبح ، وين بعد .. فـ بيتكم و الطآبقق اللي تحت الارض .. يعني محد بيشوفففنا .
فاطمه : أأخ تعبت منج .. زين روحي جربي حظج .
ندى : يآآي .. زين حبيبتي فطييم "وباستها ع خدها" .. إلا وينه ابوج ؟
فاطمه : مادري .. اظن فالصاله اللي تحت أول مادخلنا ، ولو مالقيتيه اكيد عند المسبح .
ندى : أووك .. يالله بروح .

- - -

بوسعيد : بس يا بنيتي ، انت مآتدرين شـ صآر هني . "وأشر ع المسبح اللي جدامه " .
ندى : ادري يا عممي .. و الله يرحمه بس هذا كان قضآء وقدر .. وبعدين احين الماي نظيف وتغيرونه كل فتره وفتره و تتعقمون المكان .. ليش محد يسبح ؟
بوسعيد : آسف ياندى بس مابي هالحادثه تتكرر .. ولدي مات و بسببي انا .
ندى : عممي انت مايخصك والله .. وبعدين خلاص نحن كبار ، مابيصير شي صدقني .. وبعدين دخيلك لاتردلي هالطلب والله خآطري اسسبح فـ مسبح .. و أمي الله يرحمها ع حياتها عمرها ماخلتني اروح مسبح .. "وعطته النظره الحزينه " .
بوسعيد : آه منج يا ندى … زين يابنيتي سمعي . . بس عشانج وانا كل شي أوآفق عليه لأني أحبج وانتي نفس بنيتي و أحآول اعوضج عن حنان الأب اللي عمرج ماذقتيه فـ ليتج تقدرين اني بسبت هالشي ماقدر اردلج خبر .. بس اخاف اخسرج بسبت غلطه مثل ماخسرت ولدي مايد !.
ندى : عمممي .. انا كبيره والله .. و بعدين ترا فطيم تعرف تسبح وبتكون وياي .
بوسعيد : زين خلاص خير ان شاء الله … متى تبون ؟
ندى : صصججج عادي ؟ اليييوم ؟ .
بوسعيد "يتطالع الساعه اللي تشـير لـ 6 المغرب " : عيل يمدي تروحون تشترولكم ملابس سبآحه ؟ لأن فطيم آخر مره سبحت يوم كآنت صغيره ومآظن عندها ، ولا انتي .
ندى : صجج ؟ وعادي نسبح آخر الليل ؟
بوسعيد : ايي ، بس تحملوآ تخبرون حد من الأولآد ، حتى اخوج لاتخبرينه .
ندى : ان شاء الله عممي ، مشكور وآيد "وبآسته ع رآسه" .
بوسعيد : يالله روحوآ عشان ماتتأخرون … وانا بخليهم يجهزولكم المكان .

" آه منج يآ ندى ! أنتي اللي تخآفين من المآي ، ودج تسبحين ؟ عشان تغيرين نظره الحزن اللي فـ عين بنت عمج وتجددين حبهآ لهالهوآيه؟ يا طيب قلبج . "



نهــايـه البآرت السآبع و العشـرون .
اتمنـى ان ينال إعجابكم .
وبإنتظآر تعليقآتكم و أرآئكم .

البارت روعهههههههههههه واتمنى انه يكون اطوللللللللل\



بالتوفيق ايتها الكاتبههههه

ججمميل استمري

حلووو كملللي ...

ححلو البارتت اسستمريي فديتج

روووععه ..

استمري غلاي

وينجججججججججججججججججججججججججججج

عجيبه الروايه ..

البـــــارت الثـــــامن و العشروون 28 .

\
/
\
/


" هالمره رحنـا لـ دبي مول ، انا و فآطمه بنت عمـي . . "

- - -

سعيد : يبااا ليش تخلييهم يطلعون .. بسهم طول اليوم برع .
سعود : ايي والله يبا وبعدين هذيل بنات لازم تشد عليهم .
بوسعيد : وانتوآ شـ حآرنكم ؟ بناتي وكيفي .
سعيد+سعود : وندى ؟
بوسعيد : ندى حسبت بنتي تراها … واكوه أخوها ماقال شي ..
رآشد : ايي والله عممي خل يطلعون يستآنسون ويغيرون جو .
بوسعيد : شفتوآ كيف ؟ خلكم نفسه . "وروح"

سعيد : أأخ يا برودت دمممك يا رشود .
راشد : ايهي انتوآ شفيكم شـ حارنكم احين ؟ تبون تطلعون يالله بنطلع.
سعيد : لا مب جي .. بس البنآت بيضيعون من ايدنا لو تموآ جي .
راشد : لا حبيبي تطمن ، اكوه كل البنات يطلعون مب بس اختك .
سعود : خخ سعيد ماعليك منه هذا بارد ولا بيحس .
راشد : بارد ؟ احسن من ماكون معقد نفسكم ، الحمدلله انا Open minded "منفتح العقل" .
سعود : هااه طع ها . و نحن يعني كلوز مآيند مثلا ؟
راشد : ايي ، الله لايبلينا . "وروح عنهم " .

سعيد : أننت شفيك .؟
سعود : انت اللي شفيك ؟
سعيد : أوفف الكلام معاك ضآيع .
سعود : ضآيع ؟ روح دوره .
سعيد : هاهاها .. ظريف .
سعود : لا بريد .
سعيد : استغغفر الله اليوم نآزله عليك سخآففه مو طبيعيه ..
سعود : طالع عليك توأمي حبيبي .
سعيد : يآشينك والله .

- - - - -

ناصر : شفييك زيود ، اكلمك انا .
زايد : ها ؟ وياك وياك .
ناصر : يالكلب خل عنك هالتلفون وطالعني .
زايد : شـ اطالع فيك ؟ تتحرآ عمرك كيم كرديشان مثلاً ؟
ناصر : زيييود يالكللب .
زايد : اوففف زين زين .
ناصر : اوفف عاد هالله من يكلم ملكة جمال لبنان وانا مادري .
زايد : هههه لا وين ، ماكلم جويل والله .
ناصر : آسممع حتى هاي يعرفها .
زايد : حد مايعرف ملكة جمال لبنان ؟
ناصر : ماشاء الله طافوآ عليك كل انوااع البنات .
زايد : هههه ايي شفت كيف.
ناصر : خبره خبره .
زايد : مصدق ها بعد .. انا من متى اكلم بنات؟
ناصر: واحين مثلاً شو تسوي ؟ اتطرش برودكاست عن الصلاه ؟
زايد : هاه .. لا ماشي اكلم وحده اليوم متعرف عليها .
نآصر : أخ منك يا زيود توك ماتعرف بنات .
زايد : لا بس هذذي غير .
ناصر : ليش شـفيها غير ؟ ويهها من ذهب مثلاً ؟ ترا كلهم بنات ونفس الطينه .
زايد : لآآآ والله وربي هذذذي غير عن كل البنات ..
ناصر : ههه لا الأخ منتهي .. شكلك تحب .
زايد : لالا وين أحب اليوم متعرف عليها .
ناصر : يصير ترا .. الحب من اول نظره .
زايد : لآ آظن مجرد اعجاب.. أأخ انا وين وهالسوالف وين .. من سنين وعايش هني معآك فالشقه و آسمع سوالفك مع البنات ولاعمري فكرت اتعرف أو أحب .
ناصر : ايي اشوفك .. عشان جي مستغرب منك .. احين شو غيرك ؟
زايد : مآدري ياناصر … بس هالبنت احسها غير .. لو اقولك منن طلعت مابتصدق ..
ناصر : مننوو ؟ حمستني تراك .
زايد : تعرفف رشود ، الاشقر ؟ ولد البحرينيه ؟
ناصر : اي رشود ولد البحرينيه ليكون هاك الللي يدته تركيه ؟
زايد : ايي هاك هوو .
ناصر : آووب دام من صوبه اكيد قممر ! شو تقربله عاد ؟
زايد : اختته !!
ناصر : رشوود عنده اخخخت ؟ من متىى ؟ ماككان وحيد امه وابوه ؟ من وين طلعت هاي .
زايد : خبرك عتيج يا نصور .. اخته رجعت من تركيا ..
ناصر : ودي اشوفها .
زايد"ضربه" : ياححمار مايخصصك فيها .
ناصر : آآآآي يعوور .. لا الأخ شكلك صدق تحبها .
زايد : فعيينك .. ع بالك انا نفسك .. كله حب حب .. جنه الحياه مافيها الا حب .
ناصر : عيل شهالعلاقه اللي بين الحرمه والريال ؟ لو ماكانت حب ؟
زايد : صدآقه .
ناصر : ايي قص ع عمرك .. ماشي اي علاقه بين اي حرمه وريال الا لو كانت مبنيه ع الحب .
زايد : ع كيفك يالفيلسوف ؟
ناصر : زيييود ؟ ترآ مبين من عيوونك ..
زايد : ليش ليكون مكتوب ف عيونيي اني احبها ؟
ناصر : لا . بس اشكره ساحب علي وتكلمها .. ومستآنس ، وهاللمعه اللي ف عينك .. و أول مره اشوفك جي مستآنس دومك نفسيه .
زايد : نفسسسيه فـ عينك اقولك قمم بس .. محد يقعد معاك .
ناصر : بل بل .. احين تأكدت انك زيود الدفش النفسيه ، انت وين والحب وين .
زايد : اقول طيير زيين .

" زآيد ؛ هاللي يمآشي ربع صيع .. ليكون صج حبيت اخت رشود ؟ يمكن مجرد اعجاب بيروح مع الايام و بمل منهـا …. بس صج كآنت جميله ، ملامحها ، مشيتها ، جسمها، انوثتتها ، ضحكتها ، صوتها .. أأخ كل شي فيها يذبح"

- - - - - -

- خذنـا ثيآب للمسبح …. وعآد مابقى شي ماخذناه .. جنه بنسبح كل يوم .. و طبعًـأ كله مال سريع عشان عممي مايحلف ان مايخلينا نطلع مره ثانيه .. فـ لازم نسمع كلامه ومانتأخر .. ونححن نمشي -

ندى : فطييم ويت برد ع الفون . "وعطيت فطوم الأجياس اللي فايدي"
فاطمه : زيين انا بقعد هناك "وأشرت ع الكرآسي" .

ندى : ألو ؟
رآشد : السلام عليكم ، حيالله هالصوت .
ندى : أووه رشود .. وعليكم السلام ربي يحييك يا ألبي .
راشد : وافديتها اختي .. ها وينكم ؟
ندى : فـ دبي مول حبيبي .. أنتوآ وين ؟
راشد : ردينا ريم البوآدي .
ندى : شو هذا ؟
راشد : مقهى …
ندى : شو .. يعني خمر ؟
راشد : هههه لا يالخبله بس شيشه .
ندى : ططع انت تشيييش يا رشود ؟
راشد : لالا بس سعيد وسعود .
ندى : ع بالي بعد .. بذبحك لو دريت انك تشيش .
راشد : حبيبتي اللي تخاف علي .
ندى : قلبي اخوي حبيبي .
راشد : طع هذيل كيف يتطالعوني جنه الا يغارون هههه .
ندى"تتخيل سعيد وسعود" : احسسن احسن اختك وكيفك تغزل بها .
راشد : هههه زين نيدو ماقلتيي شتسون فالمول .
ندى : ماشي نتشرآ شوي .
راشد : زين عمي توه اتصل وقاللنا ردوآ البيت .. يبينا نتعشى كلنا مع بعض.
ندى : اوه .. سأل عنـا ؟
راشد : ايي قالي كلم اختك وجي ..
ندى : اوك بيبي احين اصلن نحن مخلصين بنشوف الدريول وبنرد .
راشد : اوك عيل حتى نحن .. نترياكم فالبيت .
ندى : يالله بيبي بيباي وتحمل بعمرك .
راشد : حبيبتي وانتي بعد .. بيباي .

ـ عند رآشد -

سعود : انت ماتستحي تكلم اختك جي ؟
راشد : والله اختي وكيفي .. اكوه انتوآ تكلمون بنات جدامي وماقوللكم شي .
سعيد : زين هاك قبل .. احين نحن عزآبيه .
رآشد : والله عندكم اختكم .
سعيد & سعود " قعدوآ يضحكون " .
رآشد : قلت نكته انا ؟

- عنـد ندى -

ندى : فطيييم .. وينها هاي توها هني .

، - عند فاطمه -

فاطمه : سوري بس منو انتي ؟
امون : ماعرفتيني ؟ انتي بنت عم ندى صح ؟
فاطمه : اووه تذكرتج اللي هذيج المره كنتي ويانا .
امون : ايي عليج نور .. ابي اكلمج شوي . ندى معاج ؟
فاطمه : ايي اكيي هناك تتكلم تلفون "وأشرت عليها"
امون : ابي اكلمج عيل شوي .
فاطمه : زين كلميني ..
امون : لا مابي ندى تدري .. تععالي هنـاك "واشرت ع محل "
فاطمه : زين بس شوي مآبنتأخر ، ندوي بتعفس الدنيا لو مآلقتني .


- عند ندى -

ندى : ياحممماره من ويين يايه وين كنتي ؟
فاطمه : ها ؟ ماشي شفت ربيعتي ورحت اسولف معاها شوي .
ندى : كل هآآ من متى وااناا اتريا ..
فاطمه : اسسفه ندوي والله مآقصد .
ندى : اوفف زين يالله دقي لـ دريولكم .
فاطمه : ليشش زعلتي ؟
ندى : لالا ، بس يبونا نرد البيت .
فاطمه : اوك بيبي .

- ورجعنـا للبيت ، عآد فالدرب ندى تلعب فـ تلفونهـا ، و فاطمه تفكر فالكلام اللي قالتلها اياه امون .. وبعده قطع عليها تفكيرها يوم تذكرت سالفة السفره -
فاطمه : خبببرتي مايد إن نبي نسآفر ؟
ندى : وي شخبآري .. خبرررته من زمان .
فاطمه"بحمآس": شو قققال اكيد وافق .
ندى : قال بيفكر فالموضوع .
فاطمه : اوففف يعني هييه ولا لا .
ندى : انا روحي ماعررف .. بس يارب هييه .
فاطمه : وييت انتي متى خبرتيه وانا وياج فـ نفس الغرفه .
ندى : صح النوم ي قلبي .. انتي من ترقدين ماتسمعين ولا تحسين بـ شي .
فاطمه : انننا ؟
ندى : لا يدتي .

"وصلنـا البيت … وعاد لفت انتباهنا السيآيير الموقفه فالحوي أكثر عن اللي دوم نشوفهم و أما الحديققه اللي على طرف الحوي بجآنب الفيلا من الجهه اليمنى .. كآنت مزينه و كأنه عرس ! ليتات و زينه وحاله والبآقي مب مبين عدل لان الشير"الشجر-الاشجار" مغطيه…. وقبل لا نوصل لـ عندهم ".

ندى : شهالليتات ؟ عندكم عيدميلاد شو ؟
فاطمه : آيي والله صدقج ، شالسالففه .. والله مادري .
ندى : اليوم عيدميلاد حد من اخوانج ؟
فاطمه"تتذكر" : لآآ مآآظن . . خل نروح نشوف .
ندى : لالا جي حالتنا حاله .. خل نروح الفيلآ نغير ملابسنا ونحط اجيآسنا ونتعدل وننزل .

- - - - - - - -

" لبسنآ نفس الشي .. أنـأ وفاطمه اللي يشوفنا يقول خوآت من كثر مآ صآرت علاقتنا قويه و وآيد مع بعض ! بمأ إني ما ألبس مخورآت فـ أقنعت فاطمه بـ ستآيلي و لبسنا لقينز جينز وتي شيرت لونه بيبي بنك عليه ورود .. وفوقه جآكيت دانتيل .. و لفينا حجآبنا .. وطبعـًا هالشعرتين اللي جدام - القذله- لازم تطلع ولو شوي .. الله يهدينا .. المهم وبعدها حطينا روج وردي و جحآل خفيف و آي لآينر و بلآشر … صرنا جنه عرآيس بآربي ! وتعطرنا وتبخرنا و حطينا دهن عود عربي قديم .. ريحته تصك الرآس -أحب هالريحه- ونزلنا تحت رحنا شوي شوي نمشي للحديقه .. كنت أمشي جدام فآطمه ووقفت منصدمه من اللي اشوفه …. "

- - - -

" الكـل موجود .. ماعدانا ! العآيله مجتمعه .. عمي بوهدى وبناته هدى وعنود .. و عمي بوسعيد و سعيد وسعود و سآلم و أخواني ميره وسيف .. حتى خليفه و أمه موجودين ! و رآشد اخوي حبيبي ! و بوفيه كبيرر وطآولات مرتبه وشموع منتثره .. "
















http://im57.gulfup.com/aSXbsS.png











بوسعيد"يأشرلنا" : تعععآلوآ بننآتي .. تعآلوآ سلممو .
" آقتربنـا لهم يتنآ عنود تركض " .
عنود : وآآي اشكآلكم كييوت وآيد ..
فاطمه"تحضنها وتسلم" : حبيبتي حتتى انتي محلوه .
عنود :وقممتي تكشخين يافطيم.
فاطمه"تأشر ع ندى" : بفضلها .
عنود"سلمت ع ندى" : حبيبتي ندى اشتقنآلج ، ومبروك لآن نظرج رجعلج .
ندى "كنت أول مره اشوفها" : آسسسفه بس انتي منو ؟
" كآنت قصيره وآيد وضعيفه ! كتكوته جي .. ومتحجبه كآمل مب مظهره ولا شعره وويهها أبيض ومنور .. ومدور .. حوآجبها كثيفه شوي .. وعينها عسليه فآتحه و خدودها محمره وبآرزه ممآ يضيف البرآءه لشكلها .. "
عنود : انااا عنود أأخت هدى .
ندى"بإستغرآب" : خل اعرف عنود بالاول عقب اعرف هدى .
عنود : ههه .. زين انا عنود وهذيج هدى .
" ومشينآ لـ هدى ، سلمنا عليها وبعدها رحنا نسلم ع الكل ، ورحنآ نحن البنآت قعدنا بعيد عنهم . . "


فاطمه : مب جنه خليفه وايد يطالع .
ندى"بلآمبالاه" : قليل أدب من يومه .
فاطمه : ليش كارهتنه احسه طيب .
ندى : ها طيب ؟ هاها فأحلامج .
فاطمه : بل شفيج عليه .. زين خلاص بغير الموضوع .
ندى : يكون احسن …
عنود"يت لـ فاطمه و ندى اللي كانوآ قآعدين شوي بعيد " : انتوآ وين شردتوآ .؟
ندى : نحن ولا ، انتي اللي اختفيتي .
عنود : اوه صح ههه . . سوري آممي نادتني .. زين هآ فـ منو تحشون .
ندى"تذكرت خليف ": مماشي محدد محد .
عنود : طع من اولها يخشون عني .
فاطمه"تبي تغير الموضوع" : انننتي وينج من زمان مختفيين .
عنود : ايي تدرين انتقلنا وودعنا دبي .
فاطمه : وين ؟
عنود : ماخبروكم شو ؟ رحنا الشارجه .
فاطمه : أووه ايي صح تذكرت .. من بعد الشارجه عاد كلها نص ساعه .
عنود : لالا بعييد .. فـ قلنا بنيي فالمنآسبات بس .
ندى : ليش احين منآسبه ؟
عنود : ايي ليش ماخبروكم ؟
فاطمه+ندى"استغربوآ وسألوآ بـصوت وآحد" : خبرونا ؟ شووو ؟
عنود : مآبححرق عليكم .. بتعرفون عقب شوي .
فاطمه : اوووف عنود لاتستهبلين .
عنود : عمممي قال لاتخبرينهم . "وطلعت لسآنها" موتوآآ .
ندى : بذبببحها . . فطوم خلها تققول .. ابي اعرف شالسالفه .
عنود : لو شو مآبخبركم ، لاتحآولون .
فاطمه"تطآلع الأكل" .
ندى : طع طع الدبه اعرف تفكيرها . بدل ماتسأل شالسالفه ، تفكر فـ بطنها .
فاطمه : جب شكله لذيذ .. يصير نآكل احين ولا عيب ؟
عنود"تقهرهم" : ترآ بعدها مابدت الحففله ..
ندى: حفففله شوو ياخيي قوليلنا . .
فاطمه : حممآره عنودوه .. ادريبها مابترمس .
عنود"تضحك عليهم " : صج يوم يقولون ومن الفضول ماقتل .
ندى : ماشاء الله .. اسمها من الحب ، مب من الفضول .
عنود"تعطي ندى نظره" : زيين يا راعيه الححب .. أصبروآ انتوآ شوي .. وبتعرفون كل شي .





نهــايـه البآرت الثامن و العشـرون .
اتمنـى ان ينال إعجابكم .
وبإنتظآر تعليقآتكم و أرآئكم .

تريا التكملة حبيبتي لا تتأخرين

حبيت البآرت واآيد وايد =)
ونتريا الياي :*

وينج طولتي وايدددددددددددددددد

نتريا التكملة ...

وينجججججج ....... :(

وينننج ... 😨