المشاركة الأصلية كتبت بواسطة الورد الحلو (المشاركة 506758) الجــــــــــــــــــزء 3 - { شــاغليني بنظرة تشفي المشاعر بالوله ..واجذبيني في عوالم تسحر القلب الحزين }

تكـــملهــ ..~


ميره بدلت ثيابها .. وعقت عمرها ع الشبريه على طوول من التعب .. بس ما يااهاا الرقاد مب قادره تستوعب اللي قاعد يصير .. " شوو السالفه !! .. اووهووو هب لازم اعرف .. داام هذا من حلمي وتحقق .. يالله هانت الا الريل وبفتك من هالعيشه لووول p= .. والله ما عندي سالفه ألحين افكر فالريل خلني ارقد .. احسلي لووول P= .. بس وناااسه اليوم عمري ما بنساااه .. و اخيرن مهير عيدني لووول دومه يزطط عليه .." .. بعد كل هالأفكار ميرووه قررت ترقد ...
وعالصبح اليده قاعده وتزقر الخدامه والخدامه تصاوخ ..

اليده : نوووره .. يا نووره تعالي يج السيه .. << الخدامه اسمها ميري بس اليده اسميها نوره هههه ^^
مهير نازل من الدري : استغفر الله استغفر الله من اصباح الله خير ادعين يامايه هب زين هههه p= << اواااانه يعني لووول ^^
اليده : انت خوووز ما رمسك ..
مهير : ليــــــــش بعد !!
اليده : اتهيج فالشوارع نص الليالي .. متى راد امس !!
مهير : حليلي انا امس راقد من المغر ب ما ظهرت << والعااااااااااااااااااثره يالصبه لووول p= ..
فهاللحظه رن تلفون مهير .. وعقب ما سكر اتغير ويها وعلى طووول ظهر من البيت ..

ميره نزلت وجافته طلع بسرعه ..
ميره : بلااااه هذا !!!!!!!!!
اليده : الا مستين هذا .. تلاقينا قالوله تعال اسابق وسار ..
ميره : بايع نفسه هذا ههه لووول ولا جنه خالي p=
اليده : قومي فديتج زقريلي نوريا هذي ..
ميره : ههههه انزين .. ميري !!!!! .. ميري !! .. يعلج بالسيه تعالي ..
ميري : نااام مدام ..
ميره : تصواخين يدووه مسودة الويه .. اجوف شو فمخباج ..!!!!
ميري : هذا مبايل مال انا ..
ميره : هيه هذا الللي مليهيكم عن الشغل يوم قبظوكم هالموبايلات .. بس ماعليه انا بخبر يديه .. سيري يالله جدامي الصاله ..
ميري : اوووف شو اهادا ..
ميره : لا وبعد علموج حمااااره .. يوم انا ارمسج ولا كلمه .. ما تراددين فاهمه .. يوم انا ارمسج يعني جب ولا كلمه فاهمه !!!
ميري : انزين ..
ميره : قولي انشالله
ميري : انشالله انشالله .. وراحت ..
ميره سارت قعدت عدال يدتها : الا انتوا بخبركم .. تراكم وايد مبطرين الخدامات .. تراهن يايات يشتغلن مب ممسكينهن مبايلات و يطولن لسانهن ويذمرن ..
اليده : حليلهن ترى .. يخدمنا ينفعنا ..
ميره : حليلج والله يا يدووه قاصات عليج هالبشكارات يتمسكنن جدامج .. عيل عرفن يصاوخنج ويفاتنن عليج ما عرفن يخدمن وهن ساكتات ولا يتشكن .. دومهن الا يتشكن ما يبن يشتغلن نفاااد رجعو هن ويبن غيرهن ..
اليده : جيه تتحرين نيب ونودي لعبه
ميره : اووهووو .. قلنالها جي قالتلنا هناك .. انا يوم بيي يديه برمسه .. الا كل وحده عندها ثلاث مبايلات .. شيببه ..
اليده : ترا يسون حق اهلهن ..ترى هن بعد عندهم اهل ولا ما عندهن
ميره : تلفون البيت موجود ..
وسالم توه داشه ..
سالم : ياربي ياميرووه كم تتحرطمين ..
ميره طالعته بطرف عينها وحاست بوزها : انزين السلام عليكم اول ..
سالم : السلام عليج يدووه .. شحالج شو صحج ..!!
ميرووه انقهرت منه وقامت " اوووف صراحه ينرفز الواحد .. انا اسلم عليه وهو طاف .. مالت وياويها .. شو مشكلته هالانسان "
سالم رن تلفونه ورد ..وطبعن ويها اتغير ..
اليده : بلاك!!
سالم : ابااا ماي ..
ميره دشة وكان في ايدها ماي : ابااا ماااي .. وتشرب
سالم : قام مطاااه عنها وشربه كله .. وطلع من البيت .. << لووول شو هالحركه الغبيه هههههههه
ميره : حماااااااااار اهئ اهئ مايي
اليده : بلاهم اليوم كل واحد ما رد على تلفونه انقلب ويها .. اكيد صاير شي ..!!
ميره : اهمم خلني ادق على مهير ...
دقة اول مره ما رد .. لين رابع مره رد وهو يتحرطم
مهير :انتي بلاج حشرتينا ..
ميره : انتي بلاج حشرتينا .. انزين سلم
مهير شوي وبيصيح : والله مب وقته والله مب وقته ..
ميره خافت : انزين شو مستوي !!!!!!!!!!!!
مهير : بقولج بس ما تخبرين حد .. خاصه امايه .. عبدالله سوى حادث .. ونحنا قاعدين فالطواري لين الحين ما جفنااه خلاااص اكوووه عرفتي يالله باي .. وسكر
ميره " عووذ بالله ما كنت ادري ان النكته بتستوي صدق ..لووول .. طاعو شو يظحك .. ويل حالي حليلك يا عبوود =( "

......
فالمستشفى ..

طلع الدكتور ..
منصور : هااا دكتوور بشر !!!
الدكتور : الحمدالله حادث بسيط .. بس في كسر فريله .. ولازم يستريح .. لأن عنثر الحادث اكيد بيتأثر .. وشوي صداع بييه وارهاق .. بس الحمدالله كل شي تمام ^^
مهير : تسلم دكتور .. يالله منصور انت ألحين رووح
منصور : ما با بتم عنده .. والله مالي غنى عنه << منصور وااايد كان يحاتي عبدالله .. لأنه دوم ويااه وربيعه و اخووه روح وبالروح ..

وبعد ساعتين .. طلعوا من المستشفى .. والحيااه عادي ماشيه عبود ومنصور سوالف وظحك ههه .. بس شويه عبدالله كان مصدع .. مثل ما قال الدكتور اكيد الحادث بيأثر عليه ..

الأهل عرفوا .. وشروون الله يعين سالفه لووول .. وحمدوه وميرووه ناقعات .. شرون اتقول كله منكم فاولتوا عليه هههه p= ..

وفبوظبي دار الظبي .. شيخه وايد استراحت يوم اتقربت من ميره اكثر .. وفرحانه بأنها اتسوي الشي الصح طبعن امها واااايد عصبت .. بس ما قدرت تمنعها ..

عفرا : على وين يا شيخه..!!!!!!!
شيخه : بسير بيت ابويه ..
عفرا : ماشي اتسيرين عنده وهاليمنيه اللي ويااه ..
شيخه "ع الأقل احسن منج" : بلاااهااا اليمنيه .. زين يوم اختار ابويه .. ما في احسن منها .. وماليه حياته سعاده ..
عفرا : مالت .. الا ابوج معيشنها ولا هي منتفه .. وقاعده تلهط من هالبيزات اللي عنده ..
شيخه : الله يسامحج يا امي .. وطلعت ..

عفرا سارت الصاله ..
اسمى : وين سارت شويخ !!
عفرا : سارت عند ابوها البلوشي ..
اسمى : اهااا .. انزين امايه ابا اسير المووول اليوم ..اوكيه !!!
عفرا : برايج .. انا طالعه بسير عند ربيعتي ..وطلعت .. << كل عاده دون ما تهتم وين بنتها سايره ولا راده .. طبعن الشيخه اسمى كانت سايره مواعده ..والله يعين شو بيستوي هناااك لوول والظيحه .. والله كشخه كشخه كشخه :66: ..

فالدار الزين والمزايين لووول p= .. كانوا طالعين سايرين العزبه وميره سارت ويا يدها .. والبنات ويا عبوود ومنصوور .. وسالم و مهير وحمدانووه مع بعظ .. واليده والحريم والخدامات فسياره ..وطبعن خوال ميره فبوظبي دووومهم شغلهم هنااك ..ومنووع كان رايح هالاسبوع وياهم بوظبي ..

فالسياره ..
ميره : يدي هالخدامات وااايد مسويلهم راس .. انت ما تعرف مشاكلهن وبلاويهن ..
اليد : يعني شو تبيني اسوي .. تراهن الموهيم يخدمنا ..
ميره : برايك بس يوم بتستوي مصيبه من مصايبهن قول مياري قالت << لوول لا وادلع عمرها ..
اليد ما قال شي ظحك على رمستها ..
وكانوا حاطين دبي الحربيه فيفوريت عند يدها لووول ..^^ .. الجو رقيص وكان سوو كوول .. وصلو العزبه ..والبنات ساروا يتمشون برع العزبه ..

شرينه : فديت انا عبادي مغواااه .. لوول
حمده : مالت مالت .. من زين شكله فار ميت لووول p=
شرينه تكفخ حمده : حمدانيه اييييييييه انتي ليش شريره :54: هههههههه
وكانوا سوالف وظحك ..
سالم مل وشبع وهو يطالع ميره ..

...............................

فبوظبي المارينا .. وبتحديد الألعاب ..

اسمى : هاي ..من بعيد لووول ..
راشد : ويل حالي هلا هلا والله .. اتصدقين ولا جنج 21 .. شكلج 15 14 ^^
اسمى عصبت : لا والله ..
راشد : فديت انا مياري .. ولا تزعلين بعد اصغرج لووول .. انزين وين !!!!
اسمى : ألحقني .. بنسير نقعد فالمطاعم ..
راشد : اوك ..

وساروا قعدوا على طاوله .. فالعايلات سكشن ..

راشد : والله احبج والله احبج
اسمى في خاطرها " ويل حالي يخبل " ..: بس انا ما احبك ..
راشد : !!!!!
اسمى تظحك بمكر : لأني احلى منك ..^^
راشد فخاطره واااااااااااع مالت مب من زينها .. فديتني احلى عنها بوااايد .. الله يعيني بما بلاني : هااا حياتي اكيد احلى مني ^^

راشد : حياتي في واحد وراج من الصبح يطالعج ..
اسمى تتميح : اكيد الحلى كله وين يرومون يصكرون عنونهم ..:77:
راشد فخاطره مالت ..: انزين صدي جوفي يمكن حد تعرفينه ..لأن نظارته اتخوف ..
وهني زاغت اسمى منوو ممكن يكووون .. وهذا بتعرفونه بعدين ^^

...........................
سباع خطب بنت خالته .. واانتشر الخبر والكل مشتانس الا ميره ما عرفت افكوورس .. وشيخه يتهم وودتهم المبزره وكان وناسه .. عاد واااااااايد اشياء استوت .. ولأن الاهل كلهم ساروا .. وشيخه وايد حبتهم .. وحمدان وحليله متعذب حاله .. << اول مره يجوف بنت الحمدالله والشكر ..ههه .. وميره وااايد وياا سالم .. وسالم كان مستانس انها قريبه منه .. بس كان دووم يكابر لأن خايف صدق اتحب ولد عمها << واصلن صدق ..وهي فهالايام نست اسباااع .. وعاشت يومها باحلى ما يمكن لأن باجر يوم ما يتعوظ .. ^^ ..

فاالسياره ..شيخه وميره .. سايرين يتعشن ..

مرتبشين وحالتهن حاله ..وفجأة ياهااا الخبر مثل الصاعقه ..ما عرفت شو اتسوي اتصيح .. اتفج الدريشه اتزاعق .. لأأأأأأأأأأأأأأ لايمكن هذا حلمي الوحيد ..



وضعتك في حلمي .. ولا اريدك الخرووج منه ..
ولا كنك اردت ذلك ..
وهذه رغبتك ..
سوف ابعد عن طريقك .. ولكن احلامي ستبقى ..
لن تظيع ..
سوف نلتقي مجددن ..
وتناديني بأعلى صوت ..
سندريلا تعالي ..
اني احبك ..
واريدك في حياتي ..
ولكني لست مثل ما تظن..
سندريلا الضعيفه ..
فسوف اصد ..
اقول لك اذهب ..
فأنت من اخترت الخيانه ..
والفراق ..
سوف ابقى دائما اعيش ..
في هذه الظلمه ..
في احلامن مستحيله ..
وهكذا ها هوو حلمي اصبح ..
سراب ..

by : brtshyah ..