البارت الثاني عشر
حطوا الغدا و الكل اتيمع ف مكان واحد و بالصدفه شيخة جابلت منصور و ذياب و كانت يالسه حذال ابوها
بو شيخة : يا بنتي كلي عدل
شيخة (بصوت واطي): باباتي يالسه آكل
بو شيخة : وين تاكلين , كأنج قطوه حد جيه ياكل كبري لقمتج
الكل ضحك على كلمة قطوة
شيخة : الحين زين خليتهم يضحكون علي
باس راسها و قال : فديت بنتي انا الحين بخليهم يعتذرون لج
شيخة : يالله
بو شيخة : يالله اشوف كلكم تعتذرون حق بنتي ليش تضحكون عليها
الشباب : آسفين
شيخة ضحكت و قالت : امووووت فيك باباتي
الكل كان ملتهي بأكله و ثنين كانوا يراقبون شيخة و هي تاكل
طبعاً شيخة طريقتها بالأكل مختلفه عنهم , الكل ياكل بأيده الا هي و تاكل ع راحتها ف هذا الشي اللي جذب منصور اكثر
منصور يطالعها و قال ف نفسه : كل شي فيها يجذب ,عيونها خشمها شفايفها هههه حتى تقويمها , رموشها حياتها , صوتها وجسمها عذااااااب استغفرالله شو يالس اقول , طريقتها فالأكل دلعها رقتها ها كله يجذبني لها بس شو اسوي ف علياء اااه
اما ذياب فكان ياكل و رفع راسه و شافها وقال ف نفسه : ياليت ما سويت فيج جيه ولا خليتج تكرهيني , يا ليت ما تهجمت عليج ف البيت و لا ضربتج ااااه
الكل خلص الاكل و قام ما عدا شيخة اللي تاكل على راحتها و اليازية و مايد و سيف
مايد : سيفووووووه
سيف : عيون سيف
مايد : فديت عيونك أنا
سيف : فدا قلبي
مايد : سمعت اليديد فديتك
سيف : لا والله
مايد : يقولون الله يسلمك في وحده تعزف على الجيتار
سيف : صدق
مايد : هي حبيبي صدق و تغني بعد
سيف : اويلي انا ابا اسمعها
مايد : من عيوني فديتك , انا بخبرها و بشوف شو بترد
طبعاً شيخة سوت طاف ولا كأنها تسمعهم و يزوي استغلت الفرصه
يزوي : شيخة سمعتي اخر خبر
شيخة :لا والله
يزوي: يقولج هالأيام منتشر عندنا هاذيل مادري شو يسمونهم اظن الجنس الثالث
شيخة : هيه هيه هذيل الشاذين وع عليهم
يزوي: هيه و عاد المخانيث زادو عنا الله يغربلهم
شيخة : صدق ماشي مريله عيل ريال يحب ريال وع (و قامت هي و اليازية و دخلوا داخل)
سيف : مايد
مايد : سيف
سيف : سمعت
مايد : هيه
سيف : استوينا مطنزه عندهم
مايد : حسيت , عيل نحن شاذين هاا
سيف : اسكت الله يغربلك لوعت جبدي
مايد : قوم قوم الله يلعن الشيطان بس
-----------------------
يزوي :هههههههههههههههههههههههههههه والله ما اروم اسكت شفتي شكلهم
شيخة :ههههههههههههههههههههههههههههههههههههههههههههههههه ســ--كتـ----ي دخيلج ههههههههههههه اهم شي اشكالهم وهم مصدومين
يزوي : كانو تحفه
شيخة :هههههههههه الله يغربلج يزوي ها كلام اتقولينه اونه الجنس الثالث ههههههههه
يزوي: ههههههه يتأدبون ههه و انتي كملتي وياي
شيخة :ههههه
-------------------------
مر الوقت و استوى الفليل , الكل كان يالس ف غرفته
يزوي : اقوووول شيخوو الساعة كم ؟
شيخة : اووف لا تقولين شيخوو ما أحب
يزوي : المهم الساعة كم ؟
شيخة :اممم 8 و نص
يزوي : قومي نطلع برع
شيخة : اوك بس بزقر عبود
يزوي : انزين انا بشل جيتارج و بطلع
شيخة : اوك
طلعت اليازية من الغرفة و اتوجهت للبحر , أما شيخة ف سارت غرفة عبود و سيف
دق دق دق
سيف : منو؟
دق دق دق
سيف :منوووووووووووووو؟
دق دق دق
عصب سيف و سار يفتح الباب
سيف (بدون ما ينتبه على اللي جدامه ) : عله انشاءالله ليش ما تردون (ويوم شاف شيخة انصدم )
سيف :ااا اسف ما كنت ادري انج شيخة
شيخة سوتله طاف و قالت : عبود يالله تعال اترياك (و غمزتله)
عبود (شق الحلج ) : ياي الحين
سارت شيخة و توه عبود بيطلع
سيف : ليش بتسير وياها
عبود شافه بنظرا و طلع عنه
سيف : بلاه هذا بعد , اووه صح نسيت انه ما يكلمنا
-----------------------------------------------
شيخة : يالله آمر تدلل , اي غنية تبا
يزوي : أنا أنا بختار
شيخة : جب أنتي , يالله عبود
عبود : اممممم أغنية سكوتك طال
شيخة : اوك
بدت تعزف و تغني بصوت فيه شي من الحزن:
سكوتك طال ياروحي أخاف أنك علي زعلان
عسى ماشر يالغالي اشوفك ماتكلمني
أنا لو جيت أشرح لك ظروفي قلت لي غلطان
حبيبي مادريت أنك على كلمة تحاسبني
أنا مثلك بشر أخطي أعيش بداخلي أنسان
ترا ألي صار يا عمري حقيقة لو تصدقني
رغم هجرك وتعذيبك وجودك كان بالحسبان
ولو حاولت نسيانك ترا طيفك يذكرني
يهون المر في نفسي لأجل عينك عذابي هان
تكلم يانظر عيني ترا صمتك يعذبني
صفر عبود و يزوي تمت اتصفق
شيخة : ههههههه , اخجلتوني الصراحة
عبود : شو رايكم نغني ويا بعض
يزوي : هيه كشخة
شيخة : اوك بس أي اغنية تبون
عبود : نفسها
شيخة : يالله 1 2 3
بدت تعزف و بعدها غنوا
شيخة : سكوتك طال ياروحي أخاف أنك علي زعلان
عسى ماشر يالغالي اشوفك ماتكلمني
عبود : أنا لو جيت أشرح لك ظروفي قلت لي غلطان
حبيبي مادريت أنك على كلمة تحاسبني
يزوي : أنا مثلك بشر أخطي أعيش بداخلي أنسان
ترا ألي صار يا عمري حقيقة لو تصدقني
شيخة : رغم هجرك وتعذيبك وجودك كان بالحسبان
عبود : ولو حاولت نسيانك ترا طيفك يذكرني
يزوي : يهون المر في نفسي لأجل عينك عذابي هان
و غنوا كلهم بصوت واحد : تكلم يانظر عيني ترا صمتك يعذبني
سمعوا صوت تصفيق , استغربوا و صدوا كلهم مره وحده , شافوا ذياب واقف و مايد و سيف و كانوا مبتسمين
مايد : والله صوتكم طررر , اول مرة اعرف (و ابتسم )
سيف : هيه والله مشاءالله عليكم طلعتوا مب هينين
ذياب : حتى العزف كان روعة (وشاف شيخة )
شيخة : انا بدخل داخل (وسارت عنهم )
يزوي : استغفرالله ما تخلون الواحد يستانس (وسارت تلحق شيخة )
عبود : اووففف دوم اتخربون اللحظات الحلوه (وكان بيروح بس)
سيف : عبود والله نحن آسفين ما كنا نقصد و الحين ينا نراضيك انت و شيخة
مايد : يالله عبود لا تدلع و سامحنا
عبود : ميوووووود
مايد : اسولف وياك
ذياب : يالله سامحتنا
عبود : والله بفكر
سيف : ترانا عطيناك ويه
عبود : ههههههههههههههه احب اذلكم ياخي ( وشرد)
مايد : ههههه حيوان , تعال بسرعه (وسار يلحقه )
ذياب : بس ترانا ما صالحنا شيخة
سيف : شو نسوي الحين
مايد : والله مادري
عبود : تدرون أحسن شي كل واحد فيكم يسير يعتذر بروحه
ذياب (ما صدق ) : هيه احسن يكمن جيه تسامحنا
مايد : قوموا انسير نتعشا
سيف : يالله , بس وين منصور
ذياب : سار يتمرن فالصالة اللي فالفندق
سيف : اها
و ساروا داخل
----------------------------------------------------------------------
أتمنى أشوف ردودكم و توقعاتكم و رأيكم عن البارت و الشخصيات

اسفة على التأخير حبايبي :)

المشاركة الأصلية كتبت بواسطة راقيه باسلوبي (المشاركة 1045673336) مسموحهههههه والبارت طررررر والله يعين هل شيخه بتسامحهم المهم ....... نتريا البارت الياي

المشاركة الأصلية كتبت بواسطة يتيمة حبيبي (المشاركة 1045673424) اهلين حبوباا .. روايتج جميلا استمري .. اممم كومنت واحد عليها البارتات .. اختج .. يتيمة حبيبي ..