منتدى استراحات زايد - أنا وأنت ، وسما بوظبي تجمعنا / بقلمي

البـــــ ـ ـ ـارت الــــخـــامـ 5 ـس . .

/
\
/
\
/
\

فطوم : سلطان بكلمك بعدين آحين انا ويا بنات عمي . .
سلطان : زين ماعليه . . بينا بعدين . .
فطوم "سكـرت ، وانتبهت لـ ندى اللي شككلها قاعده تتريـا تفسير "
ندى : فططـوم منـ . .
فطوم"قاطعتها" : أأ ندى تعالي بررع البنات يتريونا . .
ندى : بس ابي اعرف يا فاطمه
فطوم : ندى ؟ سالفه طويله بخبرج بعدين > ع امل ان ندى تنسى . .
ندى"تنهدت" : زين ماعليه ! بس لآزم اعرف !
فطوم"حست ان ندى مابتفجها اليوم . . ف سحبتها و راحوا عند البنـات . . "

---------------------------------
" فـ بوظبي ف بيت بوحمدان" ~

حمدان " مب قققادر يرقد كل شوي يسير عند غرفة اخته ويحـاول يستجمع قواه عشـان يدق البـاب . . بس يهون . . و قعد يحوس سـاير راد لين ما أخته فجت بابب غرفتها "
ساره"نقزت يوم شافته فـ ويهها" : ويي بسسم الله شـ يايبنك هني ؟
حمدان : شـايفه يني شو ؟ انتي اللي شـو يايبنج ؟
ساره : نعم اخوي ؟ تراك عند باب غرفتي . .
حمدان : أوه صح . . ابي اسألج عن شي . .
ساره : زين تععال داخل . .
حمدان"دخل وراها الحجره وسكر البـاب وتم ساكت شوي وبعدين " : أأ ، أبي اسألج عن ندى . .
ساره"باستغرآب" : خير ؟ ندى ؟
حمدان : هي بتم ف دبي ؟
ساره : ايي اعتقد بتسكن عند عمهـا ويا اخوها راشد . .
حمدان"بنظرات ترجي" : ساره دخيلج حاولي تقنعينها انهـا اتي بوظبي . .

ساره : ليش ! ويييت"وبصدمه وصوت أعلى" ليييكككون تحـبـ ـهـ . .
حمدان"قاطعه" : لآآآآ مآ أحبهـا بس أحسس اشتقتلهـا ، أبي اشوففها . . آححس ابي اقعد معاهـا . . والله هالبنت شغلت تفكيري كلـه . .
ساره: هـا اسممه حب ياحظي . .
حمدان : آآه . . شـ فايدة الحب وانـأ أكبر عنهـا بـ عشر سنين يـاساره ؟
ساره"حاست بوزهـا" : آوف محد قالك تطلع أول وآحد . .
حمدان"ضربها ع راسهـا" : جبب لـو ماطلعت أول واحد جان محد بيأدبج . .
ساره: أحح يعععوور . . خلاصص انجلع مابكلمها ..
حمدان : لالالا . . الله يخلييج سساروه كلميها "وسوالهـا بإيده ان بليز "
ساره : همم ، زين باججر اذا مانسيت . .
حمدان"الابتسـامه شاقه الويه" : لا بذككرج انا يالله تصبحين ع خير"وطلع"
ساره"تكلم عمرها بصوت مسموع" : وطلعت خروف ياحمدان . .
حمدان"يصارخ" : تتتترا سممعت ، بس عشان ندى بسكت . .
سـاره " ضحككـت"

-------------------------------

- فـ دبي . . قريب الفير . . -
هدى : يالله بنـات بروح ارقد "ورآحت"
فاطمه : احين عاد ؟ بيأذن عقب شوي "وإلتفت لـ عنود" قولي لأختج تتريا . . عسب تصلي وترقد . .
عنود"بسخريه" : ههه عشم ابليس فالجنه . .
فاطمه : ليش هي ماتصلي شو ؟
عنود : هـأ لا امبلا . . بس تراها مابترقد احين "وقالت بصوت واطي" سـارت ترضع > قصدهـا ترمس ربيعها . .
ندى"منصدمه من جرأه هالبنت وقالت بتأنيب" : عنود عيب تقولين جي عن اختج . .
عنود : شسوي فيهـا ، كل مارقمهـا واحد دقتله وتعرفت عليه . . .
ندى : زين عيب تفضحينهـا ، هذي اختج !
عنود : برايهـا لاه .. تولي ..
- فاطمـه تفككـر شـو تقول لـ ندى لو سألتها عن سلطـان ، امـا ندى وعنود قعدوا يسولفون لين ما أذن الفير ، كل وآحد رآح يصصلي و بيرقد . . -

فاطمه"منسدحه ع السرير تطالع ندى اللي بترقد حذالـها " : همم ندى ؟
ندى"بصوت كله نوم" : هـ ـلا آمري ؟
فاطمه : همم ندى لاتشكين فأخلاقي عن سلطـان ..
ندى"كـأنها توها تذكر اللي صـار ف نطت": خبببريني مننو ها ؟
فاطمه : همم ، صصـرآحه . . هـا ولد جيرانا..
ندى"رفعت حاجبها باستغرآب" : تكلمين ولد جيرآنكم . ؟
فاطمه : نندى ترا بس لأني مرتاحتلج فـ خبرتج دخيلج مابي حد يعرف . .
ندى : زين تطمني محد بيعرف بس خبريني كيف عرفتيه وليش تكلمينه ؟
فاطمه : همم ، هو ربيع اخواني .. ومن بدايه السنه وهو كل يوم يطالعنـي وانا أنزل من الباص"باص المدرسه" ، و و عقبهـا خذا بن كودي من تلفون اخوي مادري كيف .. ضافني وكلمـني وقالي دخيلج لاتمسحيني وأنـأ من زممان وانا أحس إني أحبج ..
ندى : ببـ ـس
فاطمه"قاطعتهـا" : دخيلج لاتلوميني .. ماعرفت شسوي والله ..
ندى : همم . . زين ماعليه حبيبتي .. بس لـو يبيج المفروض يخطبج من اهلج مب يكلمج من وراهم ..
فاطمه : ننندى ! أنا ماكلمه 24 سـاعه . . لاتحسسيني بالذنب دخيلج . .
ندى : زيين حبيبتي ماعليه . . بنتفاهم باجر . . "ندى حطت راسهـا ورقدت ع طول لأن صج كـانت مدوخه"
فاطمه "قعدت تتطـالع ندى . . بنظـره شفقه . . سبحـان الله عطـاها كـل هالجمـال وكـأنهـأ ملاك نـايم وخذا منهـا ، أمهـأ و نظرهـا ، ، أغلى ماكانت تملك ! "
- بــعد كـــمن يــوم . . . -
راشد "بعصبيه": يعني بترجعين بيت أبوي ياندوي ؟
ندى : راششد والله مب قصددي بس هني ممب قادره اخذ رآحتي بسبت سعود وسعيد ، لازم طول اليوم ألبس جلابيه و أححط وقايه . . وفوق كل ها استححي أخذ مصرووف من عمي ولا اطلب منه شي . . . . "وقعدت تصيح" وبعدين كم مره أسمع مرت عمي تتشكى ممن طلبأتي تقول اني وايد اطلب واتدلع . .
راشد"غمضته أخته بس بعد مايبيها تروح وقال بنبره غضب" : أووفف زين سوي اللي تبينه . . .
"بعد دقـايق يتها فاطمه "
فاطمه : شفيج نيدو قاعده بروحج . . حد مزعلج ؟
ندى : لآ ، بس رشود زعل وعصب علي لأني ابي ارد بوظبي "ودمعت عيونهـا"
فاطمه : ماعليج منـه رشود قلبه كبير مايزعل من حد ، روحيله كلميه وبيرضى . .
ندى : زيــن وديني عنده ..
فاطمه : أظن بنحصله فالحديقه"الحوي" تـوني لمحت واحد . . "ورأحوا صوب الحديقه"
ندى : خلاص مماعليه بروح بروحي ..
فاطمه : ويت ، ها هو ولا ؟ "كـان شي واحد قاعد ع الكرسي اللي فالحديقه و ماعطنـا ظهره . . . "
فاطمه : همم كمملي سيدهه . . لين الكرسي هو هنـأك قاعد . . "ورآحت"
ندى " مشت لين ماوصلت للكرسي . . وايدهـا جدامهـا تتلمس الكرسي . . شمت ريحة عطــر رجالي . . نفس ريحة رآشد . . قعدت حذاله ع الكرسي وسندت راسهـا ع جتفه و مسكت ايده بايدينها الثنتين الصغآر وحطتها فحضنهـا ، كـانت تلعب بايده و تتكلم . . "
ندى : رشود ، لاتزعــل مني ، مب قصدي والله . . .
. . : "كـأتم ضحكته ؛تتحراني رشود ؟ واي فديتهـا ، مادري اسكت واسمع ولا اتكلم "
ندى : رششودي شفـيك ساكت ؟ تككلم والله مب قصصدي خلاص لو ماتبيني ارجع بوظبي بيت ابوي مابرجع والله بس لاتزعل "وصآححت بصوت مسموع" آسسفه يا راشد اسسسفه . .
". . : عورت قلبي ، حطيت ايدي الثـانيه ورا ظهرها قعدت امسح عليه و أحاول اخفف عليهـا "
ندى : لين متى يعني ؟ زين خلاص هذا خدك "وبآسته ع خده" وبسنـأه . . رضيت ؟
. . : "كانت بوستهـا ناعمه ع خده . . حس وكأنه ذآب من بعدها . . استـانس وقرب شفآيفه من اذنها و همس لهـا . . ." ولـو أقولج اني مب راشد ؟
ندى "زآغت من سمعت صوته ع طول نقزت وبعدته عنها شوي وقالت بصدمه" : سسسعععود يالححمار "وقعدت تضربه ع صدره ودموعهـا تنزل" أكـرهكك يالححممـار انت ماتستححي شو . . .
سعود "بخببث" : انتي اللي ييتي عندي مب انـا . . .
ندى : أوفف الله ياخخذك يـاسسعود الله يآآخذك . . "ورآححت تركض تبي تدخل الفيلا ، بس دععمـت شي ! وطآآحت وهي تتألم " آآي ررآآسسي عمري مابسآمحك ياسعود . .
سعود"راح لهـا ركض" : ننندى ! عسسى ماتعورتتي ؟
ندى : ررآآسي ، رآسي "وحطت ايدها مكـان الضربه "
سعود "يطالع المكـان" : اممبييه منتفخ . . "وحط ايده"
ندى"ضربت ايده" : يالحمممـار ييعوور . . آآي
سعود : ويت بروح ايبلج ثثلج . .
" ورآح طططيرآن و رجع لهـا ، وحطلها الثلج ع يبهتها مكـان الضربه"
ندى : يالححمار لاتلمسني ..
سعود : جب ماتبينها تخف ؟
ندى : اوفف زين شل ايدك بحط ايدي ..
سعود : جب جب ، قومي نروح دداخل . ."وقومهـا ودخلـوا"
راشد"يـا عندهم بخوف" : شففيها ننندى ؟ ؟ امبييه سععود يالكلب ضضارب اختي !
سعود : لآآآ يالغبي هيي بروحهـا دععمت الشيره . .
ندى"توها تعرف انها دعمت شيره قعدت تضحك" : احيين كل ها لاني دعمت شيره وانا ع بالي شي ثاني. .
سعود : شفت ؟ اكيه تضحك الخبله مافيهـا شي يالله بروح اننا .. " ورآح عنهم وقلبه يرقصص من الوناسه ع اللي صـار"
راشد : زين ندى . . "وحوطها بـ ذرآعه وقال بصوت هادي " انا دقيت لأبوي وقالي بيي ياخذج اليـوم . .
ندى"بان عليهـا الفرح" : صصصدق ؟حبيبي رشود "قربت تبي تبوس خده بس تذكرت يوم باست سععود ، وخافت ان يكوون هالشخص سعود ، مب راشد ع طول هزت راسها عسب تنفض هالافكـار والتخيلات . . وعقب باسته "
راشد : هههه شفيج شكلها الضربه مأثره عليج . .
ندى"تبي تسلك" : ههاا ؟ "وحطت ايدها مكان الضربه" اييي ووااايد . .

- وصصآر المسـا ، حزت وصول بـو رآشد وندى . . . كـان مستـانس حده يتحرآ ندى تبي ترجعله حبـًا فيه مايدري ان عشـان سـاره . . -

بو رآشد : يالله ندى بنروح . . جهزتي اغراضج وكل شي ؟
ندى : ايي يبـا . . بس لحظه بققول لفاطمه شي . .
فاطمه: امري حبيبتي "وسحبتهـأ بعيد عنهم لان حست انها بتقوللها شي "
ندى "بهمس" : امم وين سعود ابي اسلم عليه قبل لا اروح ..
فاطمه : والله ممادري .. خلاص ماعليه بوصل لـه سلامج ..
ندى : زين حبيبتي . . - و ودعتهم ورآحت مع أبوهـا -

- "فالسيـاره " كـان الطريج طوويييل . . وأبوي سـاكت ماقال ولا كلمه . . سندت راسي ع البـاب و رقدت . . . -
بو رآشد : ندى يمـا قومـي وصلنـا .."وهزهـا ع الخفيف"
ندى"بصـوت كله نوم" : زيـن يبـا ..
بو رآشد "ابتسـم من سمع كلمه يبـا ، ومسك ايد بنته يساعدها تنزل .. ودخلها البيت "

- دآخل البيت ، كانت اتطل من البلكونه اتطالعهم -
زينب"مرت بوندى" : وي طاعوا ابوكم يايبلنا هالمصيبه . . .
خليفه"ولدها اللي بعمر راشد" : ماشاءالله عليهـا شكلهـا حليوه ..
زينب : خلوف يالحمار ! وجع يوجعك قول آمين ..
خليفه : شفيج ليكون تغارين منها ؟
زينب : اغار فـ عينك .. ليش اغار اصلن "وبنظره فخر" تراني الكل بالكل فهالبيت وهذي ماهي إلا بشكاره تحت ريولي..
خليفه : يماا ؟
زينب : ويعا ؟ شتبي انت روح سلم ع ابوك وبنته خلني بروحي ..
خليفه : يما ليكون تضايجتي مني انا آسف "وحبها ع راسها " ولاتزعلين يا شيختهم . .
زينب : تتحراني بغار من بنت ابليس ؟ عميا ليش اغار منها . . إلا احسها كاسره خاطري "وضحكت بسخريه"..

- ندى ؛ تعرفـت ع أبوي و حرمته وعيـاله . .
"زينب : حرمته . . بعمر أمي أو يمكن أكبر . . . و عيالهـا ، خليفه*من ريلها القبلي* وهو بعمر راشد اخوي . . اما عيالها اللي من ابوي هم . . سيف : وعمره 8 سنوات ، وو ميره : وعمرها 7 سنين . . "

- ندى كـانت مع ميره وسيف ، وطبعـًا ماشاءالله عليهم مايسكتون-
ميره : أنتي أمج مـاتت ؟
ندى : ايي الله يرحمها . .
ميره : أويه حرام يعني ماعندج أم ولا أبو . .
ندى"باستغراب" : امبلا ! عندي ابو ..
ميره : لا أمي قالتلي انج مب اختنا وهذا أبونا مب ابوج ..
" ندى ؛ مسرع ما أتبروا مني وانا مستانسه اقول عندي أهل "
سيف : نندى . . انتي شكلج أجنبيه أصلن مستحيل انتي اختنا..
ندى : ههه هييه لأني طالعه على أميي . .
سيف : أمج انجلينا جولي ؟
ندى"باستغراب" : هاا ؟؟
سيف : سمعت ماما معصبه علينا قالتلنا روحوا عند بنت انجلينا جولي أكيه فالصاله بروحها . .
ندى : ههههه اهااا . .

- و فـ صبآح اليـوم الثـاني / فتحت ندى عيـونها . . وكـالعاده ماتشوف إلا السـواد . . . شآفت ظلال . . حكت عينها تبي تستوعب . . شآفت الستـاره مبنده والحجره هي اللي ظلام ، مب نظرها. . . ! قاممت وراحت ركض فتحتتت السـتاره ودخلت اشععت الشمس . . حسست بعيونها تححرقهـا لأن من بعد العمى ، رجعت تشوف !! دممعت عينهـأ من قوة الضووء و من قوة الـصصدمه رجعت لـ ورا لأنها مب قادره تتحمل هالاشعه . . تأمملت المكـان . . غرففتها الفخمه ، الأرضيه من رخآم . . و االستـاير من مخمل ورديه و عليهـأ كريستـال . . أمـا اليدار كـان ورق جدرآن لونه أبيض وعليه ورود صغـار ورديه وشكله نـاعم وحلو . . والسسرير الكبير كان فـ وسط الغرفه ولونه وردي فآتح و الكبت و التسريحه ع لون السرير . . وو شي بلكونه . .اقتربت منهـا عشـان اتطل . . كانت البلكونه كبيره وفيها نفس يلسه كرسيين وطاوله ، ركضت لـ برع غرفتهـا وهي شوي وبتطير من الفففرحه … ودعععمت -
خليفه : أأخ ماتشوفيين "وتذكر انها عميـا" اوه آسسف مب قصدي ..
ندى"رفعت راسهـا ميته من الفضول تبي تطالعه ، والصدمه ماتوقعت انه جمييل .. كـان حنطاوي و ملامحه بدويه وعيونه عسليه ووسآع و شعره مدرج ع طول رقبته وعضلاته البارزه من تحت القميص . . . "
خليفه"حس بـ شي غريب من شآفها تتفحصه بـ عيونها" : اننتي تششووفين صح ؟؟؟
ندى : هيييييه رردلي بصري ، ردلي بصصري ياا ، شو اسمك نسيت ؟
خليفه : هههه خليفه . .
ندى : هيييه ردلي بصصري ياخخلوف "وكانت تناقز من الفرحه ..
خليفه "ابتسم من شافها جي تناقز من الفرحه ومسك ايدها : تعاليي نخببر ابوي بيطيرر من الفرحه ..
ندى : لححظه لحظه ، بروح اشوفني اشتقت لـ شكلي . .
خليفه : ههههه زين روحي وانا بشوف أبوي وينه ..
ندى"طارت لـ غرفتها وقعدت تتأمل شكلها بالمرآيه وكأنها منبهره ، انتبهت لـ فونها اللي يرن وشافت مكتوب فاطمه . . تذكرت يوم قالت لفاطمه تسيف رقمها " : ألــوو فطيييم . .
فاطمه : ها نييدو مسستانسه ؟
ندى : ايي بططير من الفرححه يا فططيم . . "قالت بتخش عنها الموضوع ان ردلها بصرها "
فاطمه : كل ها لأن رجعتي ؟
ندى: ايي يافطييم ، لو تشوفين ابوي كيف مستانس "تسلك"
فاطمه : حبيبتي والله ان شاء الله دووم . .
ندى : أنتوا شخببـاركم .. وو سعود شـ . .
فاطمه"قاطعتها" : آه ياسسعود ياحبيبي . .
ندى"شهقت": ليييش شفففيه سسعود ..
فاطمه : سعود سوآ ححادث ياندى .. آممس فالليل من طلع مارجع واليوم وصلنا الخبر..
ندى"عيونها تدمع" : وآححين شخباره سـ ـعود ؟ صـ ــارله شي ؟
فاطمه : بعدها حالته مب مستقره . .بعده فالعنايه المركزه . . انتي بس ادعيله .. يالله اخليج حبيبتي امي تناديني ..
ندى : مـ ـ ـع السـ ـلامه . .
" وقعدت ندى تصصصيح . . \ ندى ؛ آآه ياربي ليش كل مايصيرلي شي ححلو لازمم يكون شي مصصصيبه بالمققآبل . . آآه ، *وقعدت تذكر موقفها ويا سعود وفجأه شهقت* ليككون انا السسببب !! أننـا دعيت عليه يومها وقعدت آقققول الله ياخذك ياسعود . . لالا مستححيل ! *وطآحت ع السرير تصيح ودآفنه ويهها بالمخده * "

بورآشد "دخل ع بنته و وراه خليفه" : هآ يابنيتي صج الكلام اللي خليفه يقوله ردلج بصرج . . ؟ "واقترب نآحيه السرير" ننندى تصصصيحين !!!
ندى"تمسح دموعها" : يبببا ولد عممي فالمستششفى "وحضنت آبوها"
بورآشد : يمما يا بنيتي شفيج ؟ شفيه سعييد ؟
ندى: يا يبـأ مب سعيد ، سعود اللي مسوي الحادث "وكآنت تقول فداخلها ؛ ليته سعيد مب سعود " . .
بورآشد : زين حبيبتي خلاص لاتصيحين قطعتي قلبيي . . خلاص اليوم بوديج دبي عندهم ولاتعورين قلبج . .
ندى : صصج يبـأ ؟
بو رآشد : ايي يا عيونيي يالله جهزي بنطلع العصر . .
" خليففه اللي شآف كل اللي صآر رآح ركض لأمه وخبرها . . "
زينب : وجع ! هذي ما أمدى تعلقت فيهم جي . . شحقه تصيح ع ولد عمها ..
خليفه : مب تصيح الا ذابحه عمرها صيآح . .
زينب : شكله بينهم شي …
خليفه : إلا اككيد بينهم دام البنيه منهاره عشانه . . و الأردى يا يمما ابوي بيوديها دبي عشان تشوفه ..
زينب : آآه وابوك هالمخدي من صجه ؟ وبعدين امس يايين من دبي ليش يرد يروح ؟
خليفه : وانا ادري .. روحي زخي ريلج يا يما !
زينب : ايي والله صجكك . . احين بكلمه خل يهون و يأدب بنته اللي ميته ع الريال . .بنت ابليس صج انها ماتستحي . .
- ندى فحجرتهـا ، هدت أعصآبها و بدلت ثيابها تجهزت حق الطلعه و وقفت صصيآح يوم صصآرت عينها ححمرآ خآفت تفقد بصرررهآ ! آه ياندى ، لييش تصيحين عليه ؟ ليكون حبيتيه ؟ لالا ها نفس أخوج . . . وفجأأه سمعت صوب بآب حجرتها ينفج بقوه إلتفتت و شآفت مرت أبوها وانصدمت بالقو ماتوقعتها شينه لهالدرجه ! ككآنت سسممرآآ و مافيها أي علامه جمال .. و التجاعيد باينه عليها و طبعًا الشر مبين من ملامحها ! -
زينب : انتي ماتستحين شو ؟ أمج ماربتج ؟
ندى"رجعت لورآ " : أنـأ ؟ "وتأشر ع عمرها" انا ماسويت شي !
زينب : يالعيـاره ! أونج احين مسويه فيها انا البريئه .. وليش بعد كاشخه ان شاءالله ؟ ماشي طلعه اصلن !
ندى"بصدمه وفداخلها تقول ؛ نعم هاي شتبي" : ابوي قال بيوديني !
زينب : لاحبيبتي ، انا مب موافقه يعني ماشي سيره ! مب عايبنج طقي رآسج فالطوفه ..
ندى : مممب ع كيييفج اصصلن . . "ورآحت لأبوها"
بورآشد : شفيج ندى ؟
ندى : يبا ، انت بتوديني صح ؟
بورآشد"إلتفت لـ زينب اللي كانت تطالعه" : هـا حبيبتي ؟ ندى يابنيتي ماقدر اليوم خلها باجر ولا اللي بععده . .
ندى"ردت دموعها" : يبــا ابي اتطمن ع ولد عمي ، وبعدين هو بين الحيا والمووت ! يبـا . .
زينب"قاطعتها": شفيج ميته ع الولد ليكون بينكم شي يا أم المصآيب !
بورآشد"بدا يشك و إلتفت لـ بنته "
ندى : يبـا ؟ شو بيكون بينا ، ولد عععمي نفففس اخوي يا يبا . . وبعدين بفضله جان احين انا مارديت البلاد ..
بورآشد"اقتنع بس يتطالع الشرآر اللي يطلع من عين مرته" : خلاص ياندى روحي دآرج . . وبعدين يصير خير . .
ندى : يعني بتوديني ؟
بو رآشد : مب اليوم يا ندى . .
ندى : عييل ودني بيت سسآره !
زينب : ايهي ويا بنت الدواره ! ماتعرف تقر فالبيت غصب تبي تطلع . .
بورآشد : خلها يا زينب . . وين بيتهم يا ندى ؟
ندى : يبا ماتذكرهم ؟ جيرانا . .
بورآشد : ايي ذككرت ! ماعادوا جيرانا يا ندى نحن انتققلنا . . دقيلهم سأليهم وين بيتهم يمكن حتى هم انتقلوا ، سأليهم عن العنوان و بوصلج . . ومايصير خاطرج الا طيب . .
ندى : ززين يبـا "وباسته ع راسه" مشششككور حبيبي ابوي . . "وطارت لغرفتها"

زينب : شفت كيف ؟
بورآشد : شفيج يازينب ع البنـت . .
زينب : شوفها ! طالعه ع امها ماتعرف تقرر مكانها . .
بورآشد : خخلاص يازينب "وقام رآح عنها "

- عند نندى ، دققت لـ ساره وخبرتهـأ ، وعاد ندى ميييته من الفرحه لأنها واخيرًا بتشوفف شكل ســاره ، وحمدان ، اللي مآشافتهم من سنييين . . و تعببت وهي تتخيل كيف صصارت اشكـالهم . . . . قطع تفكيرها صوت ابوها "
بو رآشد : نندى ! خليفه بيوصلج . .
ندى : ها يبـا ؟ لالالا انت وصصلني ..
بورآشد : خلاص زينب قالت خليفه بيوصلج . . . وأصلن احس متكيسل مافيني اطلع ..
ندى"بإستسلام" : زين يبـا .. "وفدآخلها ؛ أوفف ويا هالخليفه طلع نشبه"

نهــآيـــــــــــة البــــــارت الخــــامـــس . .
أتمنى أن ينـال إعجابكم . .
بإنتظار تعليقـاتكم و آرائكم و توقعـاتكم . .