منتدى استراحات زايد - روآية في بعدك دنياي تنعاف\بقلم شموخ بدوية

عيون الناس؟
تحسدني عليك ..
وانا عيني تغض عنك البصر♥.

البآرتّ آلعشرين ؛

كآنوآ اربعتهم شآبكين على سكآيب...
سلآمي؛ ما تحسون حممدوه متغغيرة!! مول ما تتخبر عنآ !
عيود : انا حسيت انها متغيرة , يعني ابد ما سمعنالهم حس من اجزنآ ’ عنبوه جان اجازة الفآينلز جي بتسوي فيهآ !
نوروه تدافع عن حمدوه : انتوو بلاكككم جيه ترمسون عن البنية وهي مش موجودة! عنبوه هاي ربيعتنا من سنين جيه تقولون عنها , جان انتو اتخبرتوآ عنها؟ في وحدة فيهم كلفت على عمرها وطرشتلها مسج؟ ولا اتصلتلهآ ؟ ماتعرفون شو مستوي وي هالمسكينه!
عوآش : لاآآ؟ بسم الله شو استوى ارمسي لا تزيغينآ ..
*وخبرتهم كل السآلفة *

آلجازي حست انهم طولوآ عليهآ , يايه بتطلع برع الميلس بس سمعت صوت الشباب ياين وتيبست وردت مكانها وين تحت المغسلة وحاضنة ريولها وبتموت من الزيغه , دخلو الشباب الميلس ويلسوآ وبدت اصواتهم تعلى وانصدمت من سوالفهم! وكان حمد ياي بيغسل ايده ويزوي تحرته اخوها ومسكته من طرف كندورته.
حمد : بسسسسسسم اللله!! *وطالع يزوي*
خليفة:بلاككك ولدد عمي؟ عسى ماششر؟
حمد يرقع : هاآآه؟ هيه تروآلي شي .
كانو الشباب كلهم موجودين في الميلس.
حمد بصوت وآطي : انتي شو تسوين هنيه في ميلس الريايل تدرين اخوانج لو يدرون ...
يزوي على طول دموعها على خدهآ وبصوت واطي: الله يخليكك حمد الله يخليك اخواني لو يدرون بيذبحووني الله يخليك سو أي شي!!
حمدآن : عنننبوه انته تغسل ايديكك ولا تتتسبح؟
كلهم ضحكوآ وحمد قال : والله عايبتننني اليلسة
حمد طرش مسج حق حمدآن قآله انهم بيسون كذا وكذا وكذآ "عقب بتعرفون"..
حمد بصوت وآطي : يوم بتسمعيني اقول يا الححقير اطلعي من الميلس انزين؟
يزوي يتها ضحكة بس زختها لانه مول مب وقته : ليش شو بتسوي!؟
حمد : انتي بس سوي اللي اقولج عليه.
يزوي : ان شاء الله ..
حمد يطلع من الحمام"عزكم الله" ويلس وفجآآآآه ...
حمد كان يراقب الموجودين اللي كان يلعب سوني واللي يلعبون بته واللي يسولفون وآلخ , وبدون ماينتبهون حمد اتصل حق حمدآن وحمدآن عارف الخطة ورد ..
حمدآن يسمي عمره منصدم : شوووووه!! *والكل كان يطالع حمدآن* صبر شوية وبددقلك!
حمدآن يسير صوب حمد ويضربه بكس"كله تمثيل في تمثيل" , حمد يمش الدم اللي طلع من خشمه"صدق"!
وصارخ حمد وقآل : يا الححححححقير!!
وادافنوآ والشباب كلهم ملتهيين يفجونهم عن بعض..
هنيه فهمت الجازي انها لازم تطلع وانتبهت للشباب اللي في عالم ثاني ويا حمدان وحمد وركضت برع وهي تتنفس بصعوبة ...

نرد للشبآب ..
يآبر يفجج من بينهم : ياااا جمااعة الخير صلو ع النبي
حمد وحمدآن بعدهم يتضاربون وحمد طيح حمدآن عالارض وقاله خلاص بس وحمدآن قآم ونفض كندورته وقام بيطلع من الميلس , وحمد قآم وطلع بعد
ذيآب : انتو هدوآ خلوهم ع راحتهم بيتراضون عقب .

حمد يتصدد يمين ويسار وشاف يزوي تركض ركض وراها وسحبها من ايديهآ وقآلهآ ..
حمد :تعتعتعتع وين وين سايرة؟
يزوي تطالعه ايده اللي مسكت ايدها وقالت :حححممد!
حمد يحج راسه ويقول : اسفين اسفين
يزوي ابتسمت غصب وقالت : هااااه شو تبآ؟
حمد : تخبريني السآلفة كلهآ؟
يزوي : الله يسلمك كنا نلعب كوك وكل ما اسير ابا انخش مكان تي وحدة وبتقولي مكاني ودخلت وشفت الميلس فاضي دخلت وانخشيت *تضحك* تحت المغسلة , ويلا الحينه شو تبا؟
حمد يسمي عمره منصدم وشهق:هئئئئئ شو آبآ! تكفخت عشانج وي هالراس وتعالي انتي ما لقيتي تنخشين الا تحت المغسلة؟
يزوي تضحك : جب جب , شو اسوي انزين ما لقيت مكان
حمد يطنز : مغسسلة عاااد
يزوي : جب اقولكك
حمد يسمي عمره سآير وقال : ما عليه بخبر اخوانج بقولهم اختكم لقيتها منخشة تحت المغسلة في ميلس الشبآب
يزوي شهقت ويت وسحبته : لالااااااا خلاصص والله لاااااا
حمد يضحك : هههههههههه والله انج هبلة
يزوي طالعته عين بعين : لا تقققققول هبلة
حمد يطالعها مثل ما تتطالعه : هبلة وهبلة وهبلة
يزوي حست انه الجو توتر شويه وضحكت: انت ليش جججي نذل؟
حمد يطالعها : منو النننذل؟
يزوي زاغت : انااااااااا النذلة واكككبر نذلة بعد
حمد كانت فيه ضحكة وابتسم وقال : هيه جيه زززين , انزين ماشي شككرا حمد ماقصرت , انت ريآل والنعم فيك جي من هالرمسة وهاه تبيني اعلمج بعد
يزوي تبتسم وقالت بعبط: شكرآ ولد عمي ما قصرت انت ريال والنعم فيك
حمد يضحك : ههههههههههههههههه لا والله
يزوي تضحك : هيييه والله , *سارت يزوي وقصت وردة صغيرة من الزرآعة وعطتها حمد وابتسمت وقالت* شكررآ حممد.
حمد شل الوردة وهو يضحك وقآل : عفوآ يزوي
وركضت يزوي عند البنآت وهو تم يطالعها لين ما دخلت دآخل وسار وتوجه لسيآرة حمدآن وركب وتم سآآآآآكت ...

حمدآن كان مستغرب من هدوء حمد و صد صوبه ولقاه ساكت وكل شوي يبتسم ويضحك .
حمدآن : اللهم سكنهم في مساكنهم بلاككك؟
حمد يبتسم : خشعت قلبي يا ريآآآآل
حمدآن يصد صوبه : ليكون هاي اللي انضربت عشآنهآ ؟
حمد يضحك : هههههههههه هيه , كان يلعبون كوك تخيل ومنخشة تحت المغسلة واخوانها لو دروآ بيكفخونها تكفيخ
حمدان يقاطعه : انته يبالككك ضرب صددق شوف شوف خشمي يصبصب من الدم *يمش الدم اللي ينزل من ع خشمه* حششآ مب ايد ملآس
حمد يضحك : ههههههههههههه اذكر الله ايدي بتنكسر احينه
حمدآن يضحك : ألف من ذككره .
ونزلو من السيآرة وردوا دشوا الميلس ع اساس انهم ترآضوآ ههههّ.

عند آلبنات ..
يزوي دشت الخيمة وتساندت على الباب وحاطة ايدها على قلبها وتنهدة تنهيدة طويلة ...
يزوي بعدها حاطه ايدها ع قلبها ومبتسمة من قلبها وقالت : اخوج حيوآن والله
كلنآ ضحكنآ ..
انا اطالعها باستغرآب : انتي ويننن كنتي؟
يزوي تضحك : هههههههههههههه كنت منخشة في ميلس الشباب
البنات شهقوآ وتموآ يقولون : شو استتتتوى , ليكون حد من الشباب شافج , وين انخشيتي ماشي مكان؟ , والخ ..
يزوي تضحك : هههههههه انخشيت تحت المغسلة تخيلو.
كلهم ضحكوآ :هههههههههههه
ويمعتنآ كلنآ في دآئرة وخبرتنآ عن شو استوى وياها وي حمد كلنآ متنا من الضحكك عليهآ ..
انا اغمز حق يزوي : هاااااه مرتت اخخي ؟
يزوي تضربني بقوة : يا ححححيواااانه لااااا
البنات كلهم ضحكوآ ...
جميعه تضحك : ماخبرتكم عيل شو استوى ويايه انا؟
عقب ما حصلنآ مريوم بشوي , يتنآ جميعه وهي تركض , خلنآ نشوف شو استوى ويا جميعه!!

كانت جميعه يالسه وتصيح وكان المكان وايد ظلآم , وكان في شخص متوجه لغرفة البشآكير لفت انتباهه صوت شهقات ...
ذيآب : منووه هنيه؟
جميعه ركضت وهي تصيح وحضنته وقالت : يآببببررررر , نحن كنآ نلعـ ـ ب كوك وانخشـ ـ يت هنيه وكان ظلآم زغغـ ـ ت يطلعععلي شـ ـ ي ,
ذيآب متشنج ما يتحرك ابد وتم سآكت وجميعه تصيح وبعدها تكلم وقآل : انا مب يآبر انا ذيآب انتي منوه؟..
جميعه حست انه الاكسجين خلص , ماتت , تتمنى الارض تنش وتبلعها وخازت عنه وتمت تصآرخ ...
ذيآب ضحك عليهآ وعقبها ابتسم ومشى في دربه وهو يفكر منو ممكن تكون؟ ..

البنات كلهم : هههههههههههههههههه اويه.
جميعه ويهها احمر : افتشلتتتتتت افتششلت من الخآطططر بعد!!
الجازي ترفع ايدها فوق : الحمدالله الحمدالله اللي استوآلي اهون
آسمآ تتطالع جميعه بنظرآت وتغمزلها : ها كيف الحضن ؟ حلو ولا؟ عاد ذيآب مجسم و ...
يايه بتكمل لكن جميعه قاطعتها ويهها يالس يضرب ألوان احمر اصفر ازرق وفرت عليها كرتون كلينكس وكلنآ ضحكنا على عبطهآ
مريوم كانت سآكته .. استغربنا من سكوتهآ !
منى تحط ايدها على يبهة مريوم : انتي فيج شي اليوم؟ مريضة؟ شي يعورج
مريوم بكل هدوء : لآ .
هند تتطالعنآ : لالا البنت مول مب طبيعية!
انا سرت صوبهآ وقلتلهآ : مريوم فييج شي ؟
ميروه تتقرب من مريوم : بسم الله عليج؟
كانت تتطالعنآ انا وميروه بنظرآت مش مفهومة؟ وفجآآآآه! انفجرت من الصيآح كلنا كنا مستغربين من صياحها !!!

نهآآآآآآية البارت.

*كلام من الكاتبة*
شحآلكم؟ عساكم بخير وسهآلة:blushing: .
الحمدالله بقدرة القادر قدرت اوصل عشرين بآرت:6:
ولاحظت انه الكل يسأل عن كم بارت بتكون الروآية؟:glare:
لين الحينه ماعرف كم بالضبط لكن ان شاء الله خمسين :183:
وتراني يالسه آحاول قد ماقدر اطول البارتات بس ماحب استسبق الاحدآث :090:
ماعليه سامحوني , البارت واحد وعشرين بينزل ع حسب تشجيعكم:10:
وعلى حسب كمية الردود اللي القاها هنيه وفي الاسك .
شآكره لكم من اعماق قلبي , اختكم :شموخ بدوية.