منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

.

.

البارت الـ 151

.

.

.

يطلع الدكتور وهو يشوف مهره : حرمته ؟

مهره : هيه . . طمني دكتور . .

الدكتور يبتسم : مافيه شي . . الجرح سطحي . . الحمدلله ما دخلت فيه الرصاصه . . لا تحاتين واحنا سويناله اشعه والنتايج سليمه

مهره : عيل ليش ما طلع للحين . .

بطلو النيرسات البيبان يسحبون سيف لغرفه ثانية بـ سرير متحرك . .

مهره تروح صوبه وماسكه ايده ودموعها تنزل . .

مهره تكلم النيرس : ليش مش واعي . .

النيرس : مافيش حاقه ماتخافيش . . هوا بس تحت تأسير البنق . . " مافيه شي لا تحاتين ، هو بس تحت تأثير البنج "

مهره مشت معاه لـ وين ما ودوه . .

النيرس : دلوئتي لازم تخليه يرتاح . . ما تزعقيهوش

مهره : مابسوي حشره . . اترجاج بس خليني اتم معاه . .

النيرس تطالع النيرس الثانية . .

النيرس الثانيه : خليها خلاص . .

وطلعو . .

اما مهره راحت صوب سيف ومسكت ايده وتمت تصييح بهدوء . . حطت ايدها ع راسه وهيه تسمي عليه وتدعي ان يقوملها بالسلامه ..

.

.

.

محمد يطالعها : خلص المغذي فديتج . . قومي خلينا نرد البيت . .

عنود تطالعه بعيون مليانه دموع : وامي ؟

محمد يتنهد : ادعيلها بالرحمه والمغفره . .

عنود ترص ع عينها وتنزل دموعها بغزره وتحط ايدها ع بطنها : كيف امي ما بتشهد ع ولادتي . .كيف ؟

محمد قلبه يعوره ومايعرف يتصرف ولا يعرف شو يقول . .

عذاري تدق الباب وتدخل مع روضة الي خبروها السالفه ويت على طول . . : عنووود . . .

عنود من شافتهم تمت تصيح اكثر . .

طلع محمد وخلاها تصيح واطلع الي في قلبها اكثر . . مهما كان هاييل بنات ويفهمون لبعض ويعرفون كيف يهدون ورمستهم بتقنعها اكثر . .وبيعطونها تشجيع انهم بيكونون معاها وما بيقصرون . .

طلع متوجه صوب حمد . . يدوره يمين ويسار مش محصلنه . . فجاه سمع صوت صراخه وتوجه لمصدر الصوت وهو يركض . .

حمد يصارخ : ما اطلعووووووووووووونها من اهننننننننننننننننننني . .

بو خالد يمسح دموعه بالغتره : . .

حمد : ابووووويه قولهم ما يششششششلون امي . . " يصارخ" كيف ترضى امي ما ترد ويانا البيت . . كيف بتبات الليل وهي مش عدالك ابويه ؟؟؟؟؟

محمد : حممممممد . .

حمد يطالع محمد بنظرات مكسورة . . بنظرات قلب متحطممممممم . .

محمد سار صوبه ومسك ايده : اذكر الله ياخوي . .

حمد يغمض عينه ويرص ع شفاته بقوه : إنا لله وإنا إليه راجعون . . " يت عينه على عين سلامه الي متكوره ع روحها في الكراسي الي برع الغرفه . . وتنوح بهدوء . . "

حمد طلع من الغرفه وعينه بعده صارمه متوجهة لسلامه : على شو تصيحين ؟

سلامه تطالعه بعيون غرقانه دموع ووييها بكبره جروح وكدمات . .

حمد رفع ايده بيعطيها كف لكنه باخر لحظه ضرب اليدار . . : حقيييييييييييييره . . بنت حراممممممم . . انتي مش بنت امممممممي . . ما ربتتتتتتتتتج امي . . انتي مش من عرررررجنا ولا نعررررررفج . . اختفففففففففوووووووووووووووووو . .

اما منصور كان قريب منها ويسمع الحوار وبس مسكر عينه . .

>> اعذريني . . انا اكتفيت من جروحي منج . . ماقدر اوقف معاج ولا اقدر اساعدج ولا اقدر احميج . . ماقدر امنعهم من الي يسووونه " يحط ايده ع قلبه " مع انه قلبي يعورني . . ماتحمل اشوف دموعج .. مع انه قللللللبي يعورني ماحب حد يجرحج ويزعلج . . لكن مصدوم . . مجروح . . جرحتيني وجرحتي كبريائي . .فضحتيني وفشلتيني جدام الناس . . صغرتي ويهي وخليتيني ما اسوى يا سلامه . . لهاللحظه وانا مش ريال لاني واقف قبالج . . .

منصور يطالع سلامه : سلامه . .

سلامه تصد تطالعه وحمد بعد . .

منصور يطالعها عين بعين : انا زرعت فيج الامل بوايد امور . .. انا خليتج تفكرين بالحياه من اول ويديد ، اناااا . . رضيت اخذج وانتي ما تمشين ، انا لاني بغيتج حلالي حاولت قد ما اقدر امحي امور سودا انتي متعوده عليها لكن للاسف انتي ما بغيتي تمشين صح . . انا زرعت فيج الامل عشان تثقين بالله ومن ثم فيني وتمشين . . اهلج " ياشر ع حمد " ما حاولو فيج كثر ما انا حاولت . . اهلج !!! ما اتعنو يودونج المستشفيات كل يووووووووم تراجعين الدكتور وتسوين جلسات عشان تمشين . . انا كنت مودر اهلي ومودر دوامي عشان بس اتم معاج واشجعج تمشين .. وكنت اتعنى اوديج كل يييييييووووووووم واتم بالسسسسسسساعات بس اراقبج من بعيد عشان لو احتجتيني تحصليني موجود . . " ينزل راسه ويبتسم " لين مشيتي . . انا ما اتمنن لكن من عقب الله الفضل لي . . وانا فخور بهالشي . . فخور اني قدرت اخلي عاجز تمششي . . وزرعت فيها الاراده والحماس . . لكن مع الاسف . . لو خليتج عاجز جان ما صار الي صار . . جان ما يتج الجراه تركبين فوق راسي وتطلعين تروحين عند ريايييل . . " يهز راسه يمين يسار " حسافه . . . انا الي كنت اوديج . . " يطالعها " حاولت اعدل فيج لكن . .

حمد يطالعها بنظرات فظيعه . .

منصور : سامحيني لو قصرت . . اوووو لـو ماكنت الريال الي انتي تبينه . . اصلا انا مادري انتي شو تبين ؟ ولا ادري ليش سويتي جي .؟ ماحيدني قصرت عليج بفلوس او بشي . . كل شي تحت ريلج يوصلج . . لكن ماعليه . . بعد سامحيني . . " يطالعها بنظرة جديه " انتي طالق بالثلاث . . والله يرحم امج ويغمد روحها الجنه . . " يطالع حمد " وانا بي العزا ان شاء الله وبقوم بالواجب . . " يبتسم " مع السلامه . . .

وطلع من المستشفى . . . .

حمد يطالعها : خسرتي ريال ماشي منه فالدنيا اثنين . . خسرتي ريال قسم بالله انه ريال بقول وفعل . . انا لو مكانه ماكنت بخليج عايشه . . يمكن ما اقدر امد ايدي عليج لاني عمري ما مديت ايدي ع بنت لكن كنت بخلي اي حد يذبحج . . والله ماكنت بخليج تتهنين وتعيشين مرتاحه . . خيبتي ظنا كلنا فيج . . ليتج ما مشيتي في يوم وتميتي شرات ما قال منصور . . عاجز طول عمرج . . قومي خذيلج تاكسي وردي البيت . . ما ينخاف عليج يوم انج تردين ويا ريايييل غرب تعرفين تتصرفين . . ردي محد طايق يشوف ويهج اهني . . مالج لزوووم . . ردي يلاااااااا . .

.

.

.