البــــــــــــارت الثــــالث و العشــرون 23

/
\
/
\
ميعاد : هههه ابد مايليق عليها ويه البريئه .
خوله : ايي والله .
"يتهم من بعيد " .
امون : انتوآ اييه شفيكم ع البنيه .
خوله : اوه حتى انتي منخدعه فيها .
امون : انتي جب ومايخصج فيها "إلتفتت لـ ندى" وانتي روحي لـ قآعتج يالله .
ندى : إنـز إنزين . . "ورحت لـ قآعتي .. ياربيييه احين امون شتبي مني .. انا ربيعتهااا ! ماتوقعت ان لها مشآعر نحوي .. وبعدين انا مب لزبيآن عشان تحبني … !! اوفف انا الغبيه اللي مآشيت هالشله شكلهم كلهم جي وانا نفس الهبله بينهم ماعليه بتفاهم معاهم عقب الامتحان خل احط حد لعلاقتي معاهم و خلني مع ساروه احسنلي نفس ماقال اخوي رآشد ..…. "

- - - - - - - - -
" بعد الإمتحـان "

ندى : بننات ابي اقوللكم شي ..
رنا : تكلمي حبيبتي شفيج ..
ندى"تطالع رنا وعليا" : همم صبروآ خل مريم وريم و خلود اييون .
عليا : هذيل غسلي ايدج منهم مآبيون .. تكلمي عادي بنخبرهم نحن .
ندى"غمضت عينها وخذت نفس وبعدها قالت" : آنآ آسففه بس علاقتنا انتهت .
رنا + عليا "اتطالعوآ بعض وضحكوآ ع بالهم ندى تتمصخر " .
رنا : صج سخيفه نيدو .. اقوللكم امشوآ قبل لايصير الكانتين زحمه بموت من اليوع .
ندى : صصبروآ .. انا ارمس جد .
عليا : ههه من صجج نيدو ؟
رنا : ايي والله اصلن مالج غيرنا كيف بتنهين علاقتنا .
عليا : امشي بس امشييي خل نروح الكانتين قبل لاتموت علينا رنوش .
ندى "دمعت عينها" : شفييكم .. انا ارمس جد .. خلاص تعبت من هالشله و من نظرت باقي البنات لنـا .. يتحرونآ مجرد شآذآت !
عليا"مسحت دمعت ندى" : نيدو بيبي من وين يبتي هالكلام ؟
ندى"دزت عليا" : وخخري عني احين بيشوفونا وبيفهمون غلط ! عن يتحرونا حبايب بعد . "ومشت بتروح".
رنا"ركضت ومسكت ندى" : ننندى !! لاتروحين .. بتتخلين عن ربيعاتج ؟ طز فيهم خل يتكلمون من اليوم لين ماينطرون .. بس اننتي شو تشوفينا ؟ احين انا ابين شاذه ؟
ندى"حطت عينها المليانه بالدموع بـ عين رنا اللي كلها رجاوي" : رننا خلاصص .. اللي فيني مكفيني .
رنا : ندى نحن ضريناج بـ شي ؟ ها ياندى ؟
ندى : لآ .. "وسكتت"
رنا : حبيبتيي ترا مب كل وحده شعرها قصير صارت بويه وشاذه .
ندى : بسس .. امون تحبني !
رنا"انصعقت" : امون تحبـ تحبج ؟
ندى : خلاص رنا بسكم تمثيل لاتسوين عمرج توج تعرفففين خلاص اللي بينا انتهى " ورآحت عنهم " .
رنا : ننندى !! ما امثثل انا .. اوففف امون الغبيه شسوت بعد .
عليا : اوفف مادري بس خربت علاقتنا ويا ندى !
رنا : اخخ ي قلبي يا ندى ! والله فهمتينا غلط .. خل نروح نكلمها .
عليا : لا خلاصص .. البنيه عايفتنا .. وبعدين اعصآبها متوتره ..خل نروح نكلم امون ونشوف شو موضوعها احسن .
رنا : اوكك يالله .. ولا اقولج خل نروح الكانتين اول .
عليا : وجع كل همج بطنج .
رنا : يالله بمموت من اليوع .
عليا : أخخ زين زين امشي ..
" ندى : أوك احين بروح لـ بآقي الشـله .. المهم انهي العلاقه اليوم .. مع إنه مايهونون عليي .. بس لأجلك يـا يبـا .. مابي سمعتي تتشوه بسبتي اللي ياه مني يكفيه وأصلن اللي فيه كآفينه مابي ازيده … "

خلود : أوب أوب .. طاعوآ من يايه .
امون : بنآت انا بروح .
ندى : امون لآ تروحين .
امون : يآلله مع السلامه "ورآحت " .
ندى : أوفف .
خلود : تكلمي الشيخه ندى تبينا بـ شي ؟
ندى "طوفت لخلود و إلتفتت لـ ريم ومريم اللي كانوآ يسولفون" : بننات بخبركم شي .
مريم: أوفف قطعت السالفه .
ندى : اوه سوري .. خلاص كملوآ .
ريم : لاتكلمي .. عشـان تروحين !!
ندى"بل شفيهم كلهم نفسهم خآيسه" : همم سوري بنات بس مآبقدر اشوفكم او اكلمكم من اليوم ورآيح .
خلود : ابركها من سآعه .
ريم : از يو لايك .
مريم : ايي والله اللي مايبانا مانباه .
ندى " بل شفيهم علي هذيل " : زين خبروآ امون .
خلود : ع اساس انها ميته عليج ، جي ولاجي هي قطعت العلاقه من زمان .
ندى : زين زين ..

خوله"نطت عليهم " : ندى انتي هني عفستت السكول وانا ادورج !
خلود"إلتفتت لـ ندى" : اوه شكله هذيل ربعج اليداد ههه روحي روحي الله يوفقج وياهم ..
خوله"مستغربه" : شفيكم ؟ متضآربين ؟
مريم : وانتي شو يخصج ؟!
ريم : ايي والله .. شلي ربيعتج و روحوآ .
خوله : بل ، ندى انتي كيف مستحملتنهم ؟ ولا لا شكله كلكم نفس الطينه .. امشي بس امشي .
"ونحن نمشي " .
ندى : وين ؟
خوله : ترآ مب حبـًـا فيج .. بس لان اخوي ذبحني بحنته .. من سآعه وهو ينطرنا برع وقالي ماتركبين الا وندى وياج ! شكلج ساحرتنه عدل .
ندى : آوه ، ليش ؟
خوله : صج غبيه ! يالهبله عشان يوصلج بيتكم .
ندى : اوه صح .
" وطلعنـأ من المدرسه ، ركبنـا فـ سياره مايد كـان ياينا هالمره بـ بورش حمرآ وشكلها من اليداد .. المهم خوله قعدت جدآم وانا قعدت ورآهـا … "
خوله : اوف واخيرًا حصلت هالندى .. يالله حرك خل نرد البيت .
مايد : شفيج ع البنت .
خوله : حرك حرك .
مايد"إلتفت لـ ندى" : ماشاء الله انتي مخبله الكل ! مب بس انا . "وغمزلها " . "بعدهـا حرك السيـاره " .

ندى " من بعد مآغمزلي .. آحمرييت و حسيت بحترق من الحيـا … تميت اتطالع من الجآمه وانا سرحـانه و هيمـانه بريحه عطره اللي مآليه السياره .. آآه حتى عطره طرر نفسه ….. لين مآوقفنـا عند بيت كبيـر مكون من 3 طوآبق .. أشبه بـ قصر لأن لونه ابيض و تمليه الأعمده … ومن بين السيايير الموقفه جذبتني روز رآيز بيضه كآنت واقفه جدآم البآب . . مآشآءالله ليكون ها بيتهم ؟ وسياييرهم ؟ ابد مب مبين عليهم .. بس ليش يابني ؟! "

مايد "إلتفت لـ خوله " : يالله انزلي .
خوله : نعم ؟ تستهبل شو .. تبي تقعد معاها بروحك والله اعلم شو بتسوون ؟
مايد : نسوي اللي نسويه وانتي شو يخصج . ؟
خوله : اقول يـا أخ مايد . . ترآني اعرف سوالفك وشو مخبص قبل .. اونه حركه ببتنزلني وعقب الله اعلم وين بتروحون .
مايد : انتي اييه تراني اخوج الكبير وحمدي ربج اني اوصلج .. يالله انجلعي .
خوله : مالت بـس .. ع اساس اني ميته عليكم .. ابركها من ساعه اصلن . "ونزلت و رضت الباب بـ أقوى ماعندها " .
مايد : اييييه صصج كلبه .. الله ياخذج يالحماره كسرتي الببباب ، خربتي الشفط.
ندى"بسم الله الرحمن الرحيم مايد تحول لـ وحش ! " .
مايد "إلتفت لـ ندى .. وكآن مبتسم ولاجنه توه كآن شوي وبينزل يكفخ اخته " : ارتحتي احين ؟
ندى "خآفت" : شو قصدك ؟
مايد : قصدي همم.. من خوله .
ندى : من خوله ؟ ليش؟
مايد "حرك السيـاره و إلتفت لـ جدآم " : تتحرين مآعرف اللي بينكم ؟
ندى"توترت" : شو قصدك ؟! .
مايد : هـا .. لا يعني ان علاقتكم مب اوك .. والبنيه عمرها ما مدحتج .. ودومها طايحه ذم و سب فيج .
ندى : ايي من اول يوم شافتني وهي جي .
مايد : انتي مسويه شي .
ندى : هـا ؟ لآلآ .
مايد : همم .. صرآحه ، اختي واعرفها صح انها خقاقه و رآفعه خشمها واسلوبها خشن مع الكل .. بس معاج انتي بالذات احس في شي غير .
ندى"بثقه" : يمكن تغآر .
مآيد"اتطالعها من المنظره" : دآم شآفت وحده مثلج ، اكيد بتغآر ! .

" ووصلت بيتنـا ، اللي كآن قرييب وآيد من بيتهم .. " .

مآيد : وييت ندى قبل لاتنزلين .
ندى"إلتفتت ع بالها بيقول شي " : آممر ؟
مآيد : شوي شوي ع الباب .
ندى : ههههه زين .
" ونزلت وقبل لا اصك البآب " .
مايد : نندى !
ندى : بصكه شوي شوي شو بعد .
مآيد : همم .. قود لاك بيبي درسي عدل . "وابتسملها" .
ندى : ان شاء الله .

" ونزلت و صكيت الباب بأخف ماعندي .. ياحليله شكله متعقد .. المهم دخلت البيت شفت ابوي يتفاهم مع الشرآي اليديد " .

بورآشد : بس يآ حميد البيت يكلف وآيد .. مثل مآنت شآيفف الأرضيات كلهآ رخآم .. والثريآت كبيره و من برآ وعليهم سوآرفسكي يعني ع كل ثريا 15 ألف أقل شي و لآتنسى اللفت الزجآجي .. والأثاث كله اوروبي .. والتححف !
حميد : زين اسمحلي يا بورآشد … بس احيين اسعآر البيوت والعقآرآت فالقآع ..
بورآشد : يا حميد افهمنـي .. انا دفعت كل اللي عندي ع هالبيت …. كلفنـي اكثر من مـا تتصور !
حميد : يا بورآشد .. مآقدر ادفعلك اكثر من 3 ملآيين .
بورآشد : بسس !! بطلع خسرآن وآيد ! لاتنسى الملاحق و المسبح .. والحديقه .
حميد : آسف يا بورآشد بس مثل مآتعرف مستحيل تلقى حد يدفعلك اكثر فهالفتره لأن السوق وآقف !
بورآشد : لاحول ولاقوة إلا بالله .. زين مآعليه .
حميد : همم ومآعليه تقدر تآخذ الاثاث . بس مب كله !

- - -

" وبعنـا البيت بـ رخص تـرآب .. و بالمقآآبل لقينا شقه برخص الترآب .. و ع الكورنيش .. كآنت 3 غرف وصآلـه . . وبننتقل بعد يومين !! "

- - -

" ومرت الامتحـانات ومن بعدهـا انتقلنـا وبدت اجازه الصيف . . . . و أبوي ؟ عليه قضآيآ الدنيـا و اليوم طآلبينه .. شكله بينسجن ! "

بورآشد : تحملي عدل بـ إخوانج تراهم امانه عندج يآ ندى .
ندى : ان شاء الله يبـا .. بس انت بترجع صح ؟
بورآشد"همس لـبنته" : الله اعلم يابنتي بس مآظنتي ارجع ..
ندى : يبـا لاتقول جي .. بنترياك ع العشآ !
بورآشد : بحآول ! بس امممانه ياندى لو شو مآصصآر لاتتصلين ع زينب او خليفه .
ندى : يبا لييش ، اننت ماتعرفها عدل .
بورآشد"صرخ" : يا ندى ! خلاص لعبتها انكشفت ، يا ويلج ياسوآد ليلج لو كلمتيها أو حتى كلمتي ولدها!
ندى : ان شاء الله يبا ..
بورآشد : يالله مع السلامه "وسلم ع ميره وسيف وطلع " .

ميره : ندى بابا وين رآح . ؟
ندى : همم مشوآر شوي وبيرجع .
سيف : أوفف يا بابا كيف بتخلينا بروحنا .
ندى : ايييه انتوا مب بروحكم انا هني .
سيف : مآينففع انتي ، لازم حد كبير !
ندى : نعم ي سيف ؟! طع من يتكلم .
سيف : يععني انتي ماتسوقين ولاتشتغلين ولاشي كيف نقعد معاج !
ندى" أوفف هالصغيرون لسانه اطول عنه" : زين خلاصص بدق حق اخوي عشان ايي يقعد معاكم .
ميره"نقزت مستانسه" : خخخليفه ؟
ندى : لآ .. رآشد .
ميره : منو هذا ؟
ندى : اخوي انا !
ميره : كلممي خليفه احسن .
ندى : ميره ؟ بابا قال لاتكلموننه .. خلاص بكلم اخوي احسن .
سيف : انزين بسرعه نبي نطلع .
ندى " صج هايتين مايعرفون يقعدون فالبيت ! " : زين صبر .. .

رآشد : هلا والله ..
ندى : اهلين رشود ..
رآشد : يالبى هالصوت والله .. شحآلج قلبي وشحال ابوي وعياله ؟
ندى"مآقدرت تمسك اعصآبها وبدت تصيح " .
رآشد : غنـاتي لاتصيحين .. شفيج ندى ؟
ندى : أبـ أبوي ،
رآشد : شفيه ابوي يا ندى !!!! ابوي صآرله شي ؟
ندى : ابوي فالسجن يآ رآشد !
رآشد : سسسجن ؟ لييش ؟
ندى : بسسبت دييونه ..
رآشد : بس هو قالي ان بيعطونه مهله عشان يسددهم !
ندى : بسس مآقدر يسددهم يا رآشد ، خلاص انسججن ماشي فايده احين .
رآشد : لاحول ولاقوة إلا بالله .. وانتوآ شصآر عليكم ؟
ندى : خخلآنني مع الصغآريه فالشقه وقالي تحملي فيهم .
رآشد : زين حبيببتي تحملي فيهم واي شي ناقصنكم خبريني .
ندى : راشد ماقدررر اتحمل فييهم !! بروحي يبيلي حد يتحمل فيني :( .. رآشد انت تعال اقعد معانا .
رآشد : يالييت اقدرر ياندى ! مشككله عندي دوآم .. ومستحيل يخلوني اخذ اجازه لان من قبل كمن يوم خذت يوم رحت تركيا .
ندى : آمبيه عيل انا شسوي احين .
رآشد : دقي حق امهم .. هالحل الوحيد .
ندى : ابوي بيذبحني ، قالي لو شو يصير لا اتدقيلها .
رآشد : ياربييه .. عيل ماشي إلا اتيين دبي .
ندى : بسس ابوي يمكن مايرضى .
راشد : ليش مايرضى تراج مابتروحين عند حد غريب .. بتين هني عند عمـج.
ندى : ماعرف يا راشد .
راشد : سمعيي لو بتخبريني ، بخلي سعيد يمـر عليكم فالليل ، لانه فبوظبي ..
ندى : لالا تععال انت .
راشد : ماقدر ي قلبي خل هو يشلكم دام انه فبوظبي واليوم بيرجع دبي .
ندى : زين بشوف .. يالله رشود بخليك احين .
راشد : اوك قلبي .. مع السلامه .

- - - - - - -


" فالمـارينـا مـول ، الســاعه 4 العصـــر . . . "

خلود : شفييج امون ..
امون : مماشي .. تعالي خل نشوف هالمحل .
خلود : زين .
الأول*وآحد من الشباب* : طع هذيل مالقوآ يتشرون إلا من محلات الشبآب .
الثآني*ربيعه* : ههههه بنآت آخر زمن .
الأول: تلاقيها بويه ولا شاكه بعمرها انها بنت ههه .
امون"إلتفتت" : انننت اييه يوم بيصير محل ابوك بعدين تفلسف !
الأول : ليش ليكون محل ابوج ؟
امون : والله كيفي … وبعدين مب يايه اتشرآ من جيبك .. ترا بدفع من جيبي .
خلود"دزت امون" : اممون قومي نطلع بسج مشاكل .
امون : آوففف زين !

" امون ؛ رحت امشي وانا متنرفزه ، اوك اسمهـا حرية شخصيـة اشتري من المكان اللي ابـيه … وصدمني اننـي شفت وآحد اعرفه ! مب جنـه هذا ولد عم ندى ! "

خلود : اممون ويين ! وين رايحه .
امون : خلود خلج هني ، بروح اصفي حساباتي مع هذا .
خلود : هذا ؟ شالسسالفه .


- عند سعيــد *فالمآرينا مول* -

سعيد : انزيين شفيك ؟
** : ماشي بس ليت سعود ويانا .
سعيد : طع الحمـار وانا مب مكفي ؟
** : لآآآآ مماقلت جيي .. بس أول مره انيي بوظبي بدونه .
سعيد : ايي صح .. كان وده ايي .. بس بعده كلاساته ماخلصت وصعبه لو بنترياه بنتأخر وآيد !
** : خلاص ماعليه ان شاء الله المره اليايه .
سعيد : إن شاء الله .
** : اووه طع هذيج البنيه مب جنه يايه صوبنـا .
سعيد : ايي والله ! بسم الله شفيها جي معصبه .
** : اوه سعيد يايه صوبك .


نهــايـه البآرت الثــالث و عشـرون .
اتمنـى ان ينال إعجابكم .
وبإنتظآر تعليقآتكم و أرآئكم .

البارتتتتتتتتتتتت روعهههه واتريا البارت احر من الجمر


واتمنى انه يكون اطول

مشككورة حبيبتي ع البارت روووعععههه / فديتتج عناد بوظبي روووعة الرواية 😍❤️ الله يوفقج
فانتظار الي بعده

الباااااارت روووووووعــــــــــة

وينججججججججججججججججج