|
تسلم يمناج ع القصه |
ميييييييييييييرسي اويي الصراحه القصه حلللللللللوه.. |
مشكورة ع القصة الحلوة |
هـــــــذا الجــــــــزء الثـــــــــــالث من القصة واتمنــــــــى ايعيبكم ...... ++++++++++++++++++++++++++++++++++++++++++++++++ بيدي دفتــري بصفحاته البيضاء المعهودة.... قد تبدو صفحاته { فارغة} للجميــــع ... ولكنني أرى // بوضوح // ×× خفاياهم مسطــّرة بها... جلست في مكاني المعتاد...عند هذا { البــاب} .... فتحت صفحـــة جديــــدة من دفتري...وبدأت أخــط مـــا أرى... هــــا هــــي ملامحهم بدأت تظهر لي شيئاًً فشيئاًً........ لـــــــي ولكــــــــــم... ×× لخفــــايا قلــوبهُم { بيــــبان } دقـيتهــا البــارحة و // طلـــّيت ×× الجزء الثـــــالـــث ][ ~ حارب من يوم ما وصلنه صور ليلى واللي هي صور "الريـــم " في الواقع وهو مب في حاله …والافكار اتييبه واتوديه … يتطالعها 24 ســاعة….يحب يرمسها ويسولف وياها …لكنه ايحب يتأملها أكثـــر ….أحيـــان اتيه افكار غريبة ان راعية الصور لا يمكن اتكون ليلى…هو مب انه ايشك فيها …لكن ملامح البنيه والطيب في عيونها ما يركبون ويا سوالف ليلوه وحركاتها …والا يمكن في خاطره تمنى لو انها اتكون حد من هله والا ييرانه ..المهم وحده بشخصية ثانية باسلوب ثاني وعرفها فظروف ثانية بعيد عن سوالف المغازل والرمسه من تحت لتحت …ومب انها تكون وحده غريبة عرفها عليه ربيعه !! توه مسكـــر عنها …عقب ما تأكد انها بتي العرس …وقالها انه بيــول عشان خاطرها …ويبى يشوفها ولو من بعيد ….قالتله بتلبس وردي …وعباتها كلها فصوص وردية ….وتمنى في خاطره لو انه يشوفها وتبتسم له نفس الابتسامه اللي شافها فأول صوره ….( ابتسم وهو يتطالع صورتها مبتسمة ) …فديتج والله …ولو ان سوالفج ما تركب عليج لكنج عسسلللللل…. +++++++++++++++++++++++++++++++++++++++++++++++ الســـــــــاعة 1 فليل …. تتأمــــل حنــــــــاها ….عايبنها وااايد….وتفكر برمسة موزان .." يونج ما تدرين انه يحبج " " كل العيلة تعرف " " دوم يهاذي بج ويطريج " .." من تتخرجين بياخذج"…..صراحة الرمسة اللي عقتها عليها موزان ما كانت هينة بالمره عليها ….لدرجة انها من يوم ما قالتها للحص وهي شعور غريــــــــب بالمره فقلبها …جنها خايفه والا تتريا شي …ومـــا يفارجها الموقف اللي صار في الصالة اليــــــوم …… ((( عقب ما روحت شموه وروحوا هلهم ما تم الا بنات عمها … موزان …و مهرة 19 سنة ….والصغيرونه ساروه صف اول …وحرمة عمها واللي هي عوشه ..وامها.....كانوا يلوس كلهم في الصاله .....يتريون دريولهم اييهم ....شوي سمعوا حد ايدق ع الباب وقال بصوته الرجولي : هـــــــــــــــــــود... ام حصـــوص : اقرب بويــــه مايــد محد هنيه الا خواتك .... فز قلب حصوووص..ولا عرفت تنش وتروح حجرتها ..والا اتم في بقعتها ...كل اللي عرفته انها ما رامت اتفكر بشي معين وتركز..هم قالولها الدريول بيي محد ياب طاري ميوود....لكنها وقفت بصعوووبة احتراماً له ..... توه يدخل ....كندورة كركمية..وسفرة حمرا...ابيضــــاني ...وابتسامته ع ويهه...ملامحه واااايد طفولية.....وجذاب .....ويدخل وراه حارب ...وسلطان (...خو حصوص العود) ....عقب ما كانوا يسولفون خاري ..... مــايد : اشحالج عموه .. ام سلطان : بخير وعافيه علني فداك انت اعلومك ؟؟ مـــايد : بخير وسهاله والله ....( يدورها بعيونه ...هذي ها ...منخشه ورا امج ما عليج ) وايوجه رمسته للحص : اشحالج بنت العم ؟؟ حصوص زاااغت اوووه يرمسني : الحمدلله بعافيه ...( قالتها وهي تطالع امها ونزلت عيونها ) حصوص في خاطرها .."..الله يسامحك ...شو تباني تسالني عن حالي ..انا بالغصب احينه واقفه...وبعدين ما تشوفنيه منخشه عنك...وااااالله ..." ويلس مايد و سلطان وحارب وياه ع صوب ...وام سلطان وام مايد قراب منهم ..يا غير البنيات ارواحهن ع صوب ....ومايد كل اشوي يتطالع حصوص ويتبسم من يلمحها اتسولف وتضحك ....وكله كووووم ويوووم طاحت عينها بعينه كوم ثاني ...ابتسم الها من الخااااااطر ههههه ضرس العقل لو انه مب مجلوع بيبين ...حصوص نزلت راسها و زمت شفايفها عن تظهر ضحكتها ....كان شكله يضحك وهو تعمد ايسوي الها هالحركه ...تم يضحك عقبها وهو يطالعها ...وطبعن عيوزتين مشغولات بالسوالف ويا سلطان وحارب ..))) ههههههههه ضحكت حصوص وهي تذكر ويهه ....يالسه تعقص شعرها ....باجر ورانا يوم طويييييييييييل الله يعينا ....فديتج والله نوفووه جنج بتروحين عني ....فديت شواخي بنتم انا وهي بس في البيت ..." شيخة حرمة خوها سلطان " ....... ++++++++++++++++++++++++++++++++++++++++++++++++++ ++++ الخميــــــــــــس ... الفيــــــــر .. ام نــــــاصر ..ناشة حليلها ع صوت الاذان ...وسايرة بتوعي بنتهـــا الوحيدة ريمــــــان .....حليلها من يوم سافر نـــاصر كنــــدا وهي اتحاتيه واتحاتي عيالها أكـــثر عن قبل .....فجـــت البــــاب ....لقتها رااااااقدة ..يلست حذاها ع الشبريه ....وتذكر كيف ان بنتها كبرت فغمضة عين ماشالله .....يالله عساااج تتوفقين فحياتج وربي يرزقج بريل زين وافرح بج وبخوانج....نست انها بالاساس يايه اتوعيها ......وجان تزقرها ... ام نــــاصر : ريمــــــــان .. لا تعليــــق من ريم هههههههه ام ناصر وصوتها هالمره اعلى : الريــــــــم ريمان : هممممممممممم ام ناصر : نشي علني فداج صلاة ... ريمان : ان شالله امايه ...(نشت ريموه وهبطت الحمام " اكرمكم الله " اتيدد ...هنيه ام ريم تمت تتطالع شبرية بنتها ...... ام ناصر : واااابـــويه انا ع هالبنيات....وشله بعد مرقده كتبها وياها .؟؟؟؟..( واتشل العيوز كتب ودفاتر بنتها واتحطهم ع الكومدينه .....وظهرت سارت غرفتها بتصلي .....بس قبلها حبت تتأكد جن عبدالله ناش والا جذب عليها كالعاده ...الا شافته ظاهر من غرفته وايعدل السفرة ...حبها ع راسها وسار......بوه يترياه تحت بيروحون المسيد ريمان من ظهرت من الحمام " وانتوا بكرامة " انتبهت ع التغيير اللي في الغرفة ....شبريتها مرتبه وكتبها ع الكومدينه ..فابتسمت ....فديتج يا امايه .....صلت ريمان ودعت ربها انه يحفظ امها وبوها وخوانها وايخليهم لها... دومها تدعي للكل وتنسى عمرها...طيبه فديتها ....يلست اشوي ع الشبريه وتمت اتفكر فخوها ناصر ....هي تعرف طباعه...لكنه ع الفترة الاخيره تغير تماماً .........هو اييهم في الاجازات ...الا تصرفاته وااايد تغيرت عن قبل...الحمدلله بعده يحترم امه وبوه وخوانه وايحبهم...لكن طلعاته ويا ربعه يوم ايكون في البلاد ولا يرد الا ويه الفير ....وكل يوم وهو قابض خطوط صوب دبي والامارات الشماليه .....قليله كانت يلسته في البيت....امممممممممم عسى بس ما ايكون اللي في بالي ....الله يهديك يا ناصر .... اووووه صح انا نسيت ....اليوم بنتيمع ويا قوم عمي خالد في المزرعه ......اتضايجت صراحه اول ما قالولي ان بنسير عندهم وبنقيل بعد....مب متعوده عليهم .... والا بنات عمي هند و علايه ....وحده ما تسويلي سالفة بالمره ...والثانيه ان سولفت اتم اتعق عليه رمسه . محد غير خوله يصبرني ...فديتها والله من نتلاقى انا وهي ما تودرني اروحي...... ريــــم سمعت حس تيلفونها ....غريبه منوه يدق هالوقت راحت الريم اتشل تيلفونها ......اوووه عبـــــود شو يبا ههههههههه الريم : هلا هلا عبدالله : واشحاااااااااااااااااالهااا .. الريم : بخيييييييييييير واتسلم ع خووووهااا ...واتقول اشتااقت له عبدالله : جذوب لو انج مشتاقه هذي غرفتيه الا فرة حصاه ... الريم : ويوم انك اتعرف انها فرة حصاة وشله داق جان ييت اتونسني .. عبدالله : لالا برستيجي ما يسمحلي ادخل غرفة بنات ... الريم : ههههههههههه الله والبرستيج عادا ...سوالف والله قوم الاعداديه عبدالله اونه معصب : مب داق اسولف وياج ..داق ابشرج الريم : اووووه شعندك ؟؟ عبدالله : اليوم ما بنقيل في المزرعة .. الريم استاانست : الحمممممممممممدلله عبدالله : لحظة لحظة حبوبة خلينيه اكمل رمستية ....حن ما بنقيل الا بنبـــــــــــــات... الريــم : افاااااااااا...لا تقول . عبدالله : لا بقــــول حبيبتي ...والساعه 8 ونص بنويه صوب قوم عمي خالد ....وبنظهر رباعه ...فلمي قشارج انتي من احينه ادريبج ما بتنشين الا الساعه 9 ... الريم : خلاااااص اوكي شسوي بعد ...عبود ياخي نبى نستانس هناكي ...بتشلون الدراجات ؟؟ عبدالله : بنلشهن الا اسميج بتبطين ما ركبتيهن .. الريم : عبووووووود حرام عليك ...( ريمان فهالسوالف يهمها راي خوها الصغير لانه الوحيد اللي يقدر يقنع بوها ...بما انه كان يلازم بوه في الفترة اللي غاب فيها ناصر ...وبو ناصر من شافه يخاويه وايسولف وياه ومن ايشوفه اروحه يتيلس وياه حب ولده زود واتعلق فيه ...ودوم ايظهره وياه ) عبدالله : وين تبيــــــــن ...عيال عمومتج بيون .. الريم : انزين الا الصغاريه ... عبدالله : لاا منوه قاللج .....سالم بيـــي ...و أزيدج من الشعر بيت ...يوسف رد .... الريم : قـــــول غير هالقول ...متى؟؟ عبدالله : والله انه في البلاد من اسبوعين احينه .....المهم انتي يللا رصيدي بيخلص عليج قفلي ها من الحمرا ترى ... الريم : ههههههههه سخيف .....( قفل ع ويها ) ما عليك مسود الويه ..... تمت ريموه اتفكر .....متى يا من الكويت ........ عادا يوسف هذا مسكت ...مسوي طاف للناس وعايش حياته ...والا منوه يروم ع بلاده ..خمس سنين تام هناكي ...وان رد ما يرد بيت عمي ...بس يخبرهم انه في البلاد..عازل عمره عن الناس..ولو اشوفه ما اظن بعرفه ....نسيته ....اممممممممم شو ابغي به انا ...ما عليّه الا من خوله وجنه لقينا فرصه بنركب الدراجات وان ما لقينا مب مشكله .... وحطت ريموه اغراضها فشنطتها ورتبتهن ...وراحت بترقد اشوي يلين 7 ونص .... ++++++++++++++++++++++++++++++++++++++++++++++++++ ++++ الســــــــــــاعة 12 الظهــــــــــر نـــــوف حليلها متروعة واتحاتي ...بتييها راعية الصـــالون يلين البيت .....وحصوص يالسه اتسولف وياها واتهديها ..وعندهن شويخ حرمة سلطـــــــان .... نوف : والله صدق حلو فستاني ؟؟؟ حصوص : يابنت الحلال حلو حلو .. نوف : صدق والله .. حصوص : لا هب حلو الا ابغي اسكتج .. شويخ : اسكتي انتي ( تضحك حصوص ) ما عليج منها نوفه اينن فستانج .. حصوص : وحتى الميك اب اللي نقيتيه وااااااااايد حلووو وهادي ...فابشري ...منصـــور ما بيزيغ الليله " منصـــور ريل نوف " . نوف : الله يعين ...تعالي منوه بيسير وياج الصالون ؟؟ حصوص : بنات عمي ...موزان و مهره .....واظن عموه عوشة بعد ....وانتي شويخ ؟؟ نوف : لالا بتعدلها اللي بتعدلني برايها شواخي عندي ... حصوص : لاتخربين عليها يمكن ما تباج ( وتظهر لسانها ) شويخ : لالا صدق حصوص ما بوردها ارووحها ....وانتي وياج بنات عمج .... حصوص : اوكيك ....برايكن عيل بسير بتسبح .... وتروح عنهن حصـــوص .........وهي تدخل غرفتها ...واتقفل الباب وراها ........يالله اليوم بشوف ميــــود .....والله ما اصدق ان هالمزيون ايحبنيه ....اتطالعت عمرها في المرايا " فديتنــــي انا مزيونة بعد " ....وهو الحق ينقال حصـــوص واااااايد حلوة ...وأحلــــى عن شمــــوه بعد ...حتى انها احلى عن ميــــود نفسه ....الا هي ما تشوف هالشي ...." هو صح اني ما احبه ...الا استانس من اشوفه .....اوووووه اتذكرت .........فجت آخـــــر درج من تواليتها ...وظهرت البوم صـــور عــــــــــود وجديـــــــــــم .....وتمت اتجلب هالصــــور ...تضحك ع بعضها ..وتقلد بعضها وتتمصخر..يليـــــــــن وصلت للصـــــــــورة المطلوبة ....ههههههههه شكله يضحك ...فضيحة هالصورة ياخي .....كانت صورة جديمة و الوانها مب واضحه ....الصورة كانت لميـــــود ...وهله حاطين له حصوص فثبانه هههههههه كانوا يهال ...هو عمره 7 سنين وهي عمرها سنة ...دبدووووبة كانت حصوص ...و ميـــــود يطالع الكاميرا وعويهه اكبـــــر علامة استفهام ...هههههههههههه......عموه عوشه حركات هي ورا هالصورة ادريبها ......ردت الالبوم مكانه وراحت اتسبح .....عقب الغدا عطووول بتسير الصالون ....وبتلاجي بنات عمها هناكي ..... ++++++++++++++++++++++++++++++++++++++++++++++++++ +++ من يوم مـــا وصلوا قوم ريم بيت عمهم وفي حد كان يراقبها 24 ســــــــــاعه ...."يوســـف ولد عمها 26 سنــــة .....يوسف انسان غامض ....وطـــايش لدرجة كبيــــــرة .....ورغم نصايح ورمسة ســـالم خوه العــــود 28 سنة ...الا انه اذن من طيـــن واذن من عيـيـــــــــن ....عايش حياته بالطول وبالعرض ....ورافض انه يرضخ لأي حـــد ....في نظره العيش في ظل الاسرة يساوي السجن .....طبعاً اصدقاء الســــــــوء لهم دوور كبيــــر في اللي وصل له ....دون ما ننسى فترة السنة اللي عاشها في السجن ...واللي محد يحب يرمس فيها .....رغم ان غلطته كانت بسيطه الا ان العم خالد ما تقبله اول ما ظهر من السجن ... وكان يعتبر دخوله السجن فضيحه ووصمة عار للعيلة ...خاصة ان محد قبله سواها ....حتى انه كان يرمسه جنه غريب وبكل استحقار ....بس ولو انه غلط تراه لقى يزاه ...والمفروض العم خالد يحسسه انهم مسامحينه ويبونه ...لكن على العكس تماما ً .....كان يعتمد ع سالم والصغاريه...ومسوي اكبر طاف ليوسف....ولو بيظهر بياخذ وياه سالم وقام ما يعترف بوجود يوسف بينهم.....وهالشي خلا يـــوسف ايحس بالغربة وهو فبيت بوه ....شــاف ان ناسه متغيرين عليه...ربعه يستحون يمشون وياه ....حيـــاة مختلفة عن حياته قبل السجــن ...فما تحمل القعدة وقرر انه يبتعد ...وينعزل ...يلين ايحنون ليوسف الجديم و لين ما يحن هو لهم ....قرر انه ايعيش في الكويت لفترة....بس كان ايي البلاد في المناسبات..وحتى انه ايي وايروح و ما يخبرهم احيان ...وان خبرهم تراه بيسلم عليهم وبيروح بس وين ايروح الله يعلم مب مخبر حد ومحد ايعرف بالمكان اللي يبات فيه.......هذي حياته ...... انســــان اللي ينظر لهـ يحس بقوته وهيبته ...بس محد ايعرف انه في داخله مريـــض ومجروح ويعــــــــــاني ........ ريـــــــم تتريا اللحظة اللي يقولون لهم فيها نشوا بنويــه ......يالسه في الصاله ومفتشله من نظرات يوسف الصريحة....هي منحرجة من وجوده...ياربي وايد متغير شكلك يا يوسف .....طبعاً ما كانت تشوفه الا من دخل عليهم الصاله سلم ويلس ....كانن خواته ....هند وعلايه وياهم حرمة سالم شوق ...وام ناصر وام سالم يسولفن ...والا الريم يالسه اخر وحده ولا اتسولف ..طبعها هادي وبعدين ما تسولف وريال وياها فنفس المكان ...فشو بالكم كان يوسف يالس وياهن...رغم ان سالم وخوانه والعم خالد وبو ناصر كلهم في الميلس ....وهو امبونه ساير اييب اغراضه عقب ما تغدوا ....الا من لمح ريم يلس وتم يتمقل يازتله السالفه ............ |
ريم في خاطرها ....وينج يا خوله الله يهداج .......قالت بتسير اتييب الجرج ولا ردت ......وبعدين قالولنا بنظهر الصبح...وشله أخروها يلين عقب الغدا ..... استغفر الله نظرات يوسف من قوتهن احس ابهن وانا ما اطالعه .... وهنيه نش يوسف وطبعاً من أول ما يلس عندهن ما نطق بشي الا احينه : علــى فكـــرة ...( صدوا صوبه كلهم عدا ريم اللي رفعت حايبها ...) يوسف : ترا يتريونكم ... ام سالم : وابويه عليك وشعنه ساكت الله يهديك .... يوسف وهو يمشي عنهم : توني الا اذكر... " شـــل قشاره وظهر " ام سالم : بينني هالصبي ... ام ناصر : هههههه حليله جاد انه نسى.. هند ترمس علايه وهي اتطالع ريمان : هيه بينسى يوم هاي يالسه ومظهره قصتها ...عقي الشيله مره وحده ..... سمعتهن ريمان الا ما عطتهن ويه ...هي كانت رافعه قصتها وشيلتها طايحه اشوي فظاهره قصتها ...هي ما تسوي جي عسب تلفت حد الا اتعودت ع جي ..... نزلت خوله وهي لابسه عباتها ....وهنيه دخل خوهن الصغيرون : يلا بابا ايقولكم يللا انقفضن . نشن الحريّم ولمن قشارهن وظهرن ع السيايير ...وام سالم تمت اتوصي البشاكير ....ريمان وهي يالسه ورا ع الدريشه و فجت الجامه ..لان خوله ناولتها مجلة .... يت بترفع الجامه عقب ما راحت خوله ... وانتبهت له انه يطالعها ويدقق فملامحها ...بنظرة طويـــــــلة ....استغفر الله ...صدت ويها الصوب الثاني ورفعت الجامه ......وهو راكب سيارته ...وبعده يطالعها .... يوسف في خـــاطره : بيـــــــــنا الأيــــــــام يـــــا بنت العم !!! ++++++++++++++++++++++++++++++++++++++++++++++++++ ++++ الســــــــاعة 4 ونص العصــــــــر واقفة جـــدام مرايـــا من مرايـــــات الصالون .....أول مرة ايعيبهـــا مكياجها ......اتطالع الفستان ...عينــــاوي وكله كرستالات ....ما تم الها غير التسريحة ... اممممممممم حصوص اتفكر .... ارفعه ؟؟؟ والا اسويله حركة من جدام واودره مفتوح ....ممممممممممممم خلاص بفتحه احلـــى ...وبخليها اتسويلي حركه خفيفه صوب القصــة .... موزان تتطالع حصوص ....وهي مب رايمه اتحدد موقفها منها ....صح انها بنت عمها ...بس هي مقهورة منها لانها دوووم اتســـوي طاف لخوها ..وتتعمد تتجاهله ....بس اللي ما تعرفه موزان ان حصـــوص ولا عندها خبـــــر بهالموضوع ..وبالنسبة لهلها ...يمكن هم فاهمين السالفه و حاسين بمشاعر مايد صوب حصة ...الا الرمسة فهالسوالف يتجنبونها .....والكل يتحراها تدري ......والا حصوص من يوم خبرتها موزان وهي بعدا مب مصدقة ....حتى انها مب قادرة اتفسر هالشعور اللي فيها .....مستانسة وخايفة فنفس الوقت ...... مهرة خت موزان وهم يعابلون شعرها ( بصوت اشوي عالي ) : موزان .." صدت موزان صوبها " .....توه مـــايد يتصــــل يقول انه بيخطف علينا وبيوصلنا بيت عمــــــي ... جاوبتها موزان بعيونها ....وقالت في خاطرها أدريبه يبغي ايشوفها ......" وطبعاً موزان يالسه تتريا دورها يسوون لها تسريحه من ايخلصن غلامتين ... والا حصة اللي كانت يالسة وبينها وبين مهروه كرسي ...حست بقلبها ايفز من رمسة مهرووه .....اونه ...شو يبى بعد ايوصلنا .....لا ايكون يبى يشوفني ...( نزلت راسها وهي مستحية من هالافكار اللي قامت اتييها على غفلة ).... ++++++++++++++++++++++++++++++++++++++++++++++++++ ++++ الســـــــــــــــاعة 5 العصـــــــــر .......قرب المزرعة ... هل ريمان اشوي وبيوصلون المزرعة ....ريموه امبونها متضايجة واللي زاد ضيجها ظهور هاليوسف .......وكانت هي وخوها عبود وبوها وامها فسيارتهم ....و يوســف محد وياه غير خوانه الصغارية فسيارته ....وسالم وياه حرمته وامه وخواته هند وعليا .... وأخيراً العم خالد (بو سالم ) ومحد وياه غير خوله بنته .....وما ننسى الدريول اللي شال وياه الدراجات .... وصلوا أخيــراً .....نزلوا وكل واحد فيهم شل قشاره وياه .......ريمان حطت اغراضها داخل الغرفة اللي بتبات فيها ويا امها وبنات عمها ....وهي ظاهرة من الغرفة تمت تتامل هالبيت اللي بانينه فنص المزرعه بس اشوي على صوب ....صح انه بسيط لكنه واســــــع فنفس الوقت ....فيه حول الخمس غرف ...غير الصالة ... امممممممم تغير المكان والله ....مرتب والمزرعه واسعه ماشالله وخضرا ....وهواها نظيـــف وايرد الروح ......ابتسمت ريمان ...وكملت طريجها تبغي تروح لين السيارة و اتعاون امها .....لان بعدهم ما نزلوا كل اغراضهم ....ومن اوصلت اتفاجأت به واقف وحاط يده ع سيارته والثانيه يمسح ابها لحيته ... ويطالعها جنه كان يرتياها ..استغفر الله وايد غريب هالانسان ...محد خاري غير ام ريمان ووياها حرمة عمها يظهرن الاغراض وايعطونها الصغاريه يسوقونها داخل ....والا بنات عمها الثلاث كانن يرتبن الاغراض في البيت .... ريمان تجاهلت نظراته ووجوده بالمره وراحت صوب امها : امايه تبيني اشل وياج شي ... ام ناصر : هيه فديتج خذي هالجيسه ووديها المطبخ ....( وكانت ثجيلة اشوي ) ريمان وهي تتطالع الجيسة : وشو حاية هالصحون كلها جنا سايرين البر ..ماشالله مطبخ عمي مزهب وايسد ... ام ناصر : وابويه عليج ....وجنه قصرنا صحون والا شيات شو تبينا انسوي ؟؟ ريمان ( ابتسمت ) : فديت ويهج ..خلاص احينه بوديها تبيني ايي ودية ثانيه و أشل شي ؟؟ ام سالم : لالا بنتيه برايج .. وخطفت ريموه عنهن وسارت صوب المطبخ اللي كان ورا البيت ....الجيسه ثجيله عليها .....وهي يالله يالله اتشل عمرها ...ههههه استاهل منوه قاللي اسير واعرض خدماتي .... فجأة رفعت حايب يوم سمعت خطى حد يمشي وراها ....افا !! منوه يتبعني ؟؟؟ انتبهت لظله وعرفته ...لا حـــــــول ....شو يبى مني ؟؟؟ بسوي طاف احسنلي وبكمل دربي ..يالله ما تم شي ع المطبخ ...وتوها ريمان تدخل المطبخ وهي حاسة بخوف طفيف فقلبها ..خاصة ان " يوسف" ما نطق بحرف ......دخلت ... وهو وقف عند الباب...امممممممم وين احط الجيسه ؟؟ خلاص بحطها عند الوعيان .....وحطتها ع طالة محطوطه آخر المطبخ ....وهي متخوفه من انها اتصد وتجابله عسب اتكمل دربها .....بس خلاص مالها بد من انها اتشوفه اليوم ...وبعده ليلهم طويـــــل وقعدتهم بتطول في المزرعة ....توها بتصد ما وعت به الا وهو ايي صوبها بسرعه ...زااااااااغت ريمان هنيه وشهقت ....ياويلي شو يبا ... يوسف وهو يطالعها : نسيتي هذي ... ريمان وهي اتحس بقلبها ينبض بقو وابتعدت عنه اشوي بس الخوف كان واضح فصوتها : خير ؟؟ يوسف ( وبنبرة هــــادية وبرود) : هـــذي ..... ورفع ايدينه .. وكانت مجلة ريمان .. ردت ريموه نصخها واتطمنت اشوي ..بس توها اتمد يدها بتاخذ المجلة ...والا يوسف ايفرها ع الطاولة ....ويظهر بليا حرف ...... وريمان تطالع باب المطبخ وهي فاجة عيونها ...وحاسه ويها حار من الخوف ..... : يالله بالستـــــر .... ما حسيت غير بقلبي بيظهر من مكانه ...لا اله الا الله .. تمت ريموه فترة دقايق في المطبخ ...تبغي تضمن انها من تظهر ما تتجابل ويا يوسف بأي شكل .... ++++++++++++++++++++++++++++++++++++++++++++++++++ ++++ الســــــــاعة 6 ونص المغرب ...... حصوص ...و مهاري ..وموزان ..يترين حارب ....اللي تاخر عليهن اشوي .....وهن كلهن ماشالله عليهن ظهرن حلوات ..الا حصوص ظاهرة غيـــــــــر ....المكياج محلنها واااايد ...وظاهرة كيوووت .... مايد يتصل بموزان وايقولها انه وصل .... ظهرن البنيات .....وركبن عند ميـــــود ....يلست موزان جدام وراها مهاري ...وحصوص ورا مايد ...وبينهن ساروه الصغيروة .... سلمن ورد مايد السلام .....وانتبه ع حصوص انها متغشية...وفي خاطره .( مسودة الويه ...مستحية اونها ...ما عليج حصيصة )..... مهاري وبليا قصد حليلها : وشله متغشية حصوص ؟؟ بتستحرين وبيخترب مكياجج ...عقي غشوتج يلين نوصل البيت ... حصوص انحرجت ولا عرفت بشو اترد ...هي مستحيه من مايد ...بس فنفس الوقت قالت فخاطرها ترا الا البارحه شايفني ..يللا بعقها وانا لله وانا اليه راجعون ...رفعت غشوتا وحطتها ع راسها ...هنيه ميود ما صدق خبـــر ...وتم يتطالعها من المرايا...حست به حصوص وانحرجت ....لا حوووول ... ميود وهو قاصد برمسته : محلوييـــــن ما شالله .... موزان فهمت عليه و مهاري ضحكت ....ولا تعليق من حصوص اللي ماتت مستحى ... موزان : أقول الحص .. رفعت حصوص راسها : هلا موزان : منوه بيودينا القاعه ؟؟ مايد ارتز : افا والله ..جيه انا وين رحت ؟؟ موزان وهي توجه رمستها له : بتودينا ؟؟ مــايد وباصرار : نعـــــــم....وعن حد يتعذر عقب ( قاصدنها بعد ) رفعت حصوص عينها جدام وطاحت لثواني عينها بعينه وابتسم ...وااااااايد انحرجت حصوص اليوم ....وتمت اتقول في خاطرها ...لالا مب قاصرة فشايل أزود عن جذي ...انت يا ميوود هذا ويهي جني ركبت عندك ... كلها رمستك نغزات فنغزات ..مسود ويه .. وصلهن بيت عمه ..واللي هو بيت حصوص .... وع الساعة 7 ونص ظهروا صوب القاعة كلهم ....و نوف حليلها ركبت ويا حارب خوها اروحها ويلست ورا عسب فستانها .... ++++++++++++++++++++++++++++++++++++++++++++++++++ ++++ الســـــــــــاعة 7 ونص شمـــــوه يالسه ترتب مكياجها وعندها ختها المعرسة فطيم .. يت عسب تحظر عرس نوف اللي هي ربيعتها فنفس الوقت .....شموه لابسه فستانها البرتقالي ...ورافعه شعرها ...ومكياجها خفيف ...وظاهرة حلوة ....و ختها فطيم بعد كاشخة .... شموه : شرايج فطيم ؟؟ فطيم : حلوة ماشالله استانست شموووه ... شموه : ابغي اشوف حصوص ..داقة تتخقق ههههههههه اتقولي ظاهرة ملكة جمال ... فطيم : حليلها الحص ...بس اتوقع معازيمهم وايد شموووه .... شموه : هيه امبونهم ماشالله عليهم .. فطيم : بس هالمره لا تنسين انهم ماخذين من برا العايلة ...ونسايبهم ما شالله يوم الملجه وكانوا تارسين البيت فشو تتوقعين اليوم ؟؟ شموه : هيه صح ...يللا ان شالله خير ...بتسوقين يلين القاعه ؟؟؟ فطيم : هيه ان شالله ... ++++++++++++++++++++++++++++++++++++++++++++++++++ +++ الســـــــــــاعة 8 ونص ... محتشرة ع الدريول ...ومعصبة .... ليلوه : وينه الله ياخذه ..قايلتله الساعه 8 بظهر لازم يستهبل ... وهي واقفة عند باب الصالة لمحها خوها العود ....نايف 29 سنة ومعرس ...ودومه ضرايب وياها ..لانه يعترض ع لبسها وطلعاتها الزايدة .... شافها كاشخه آخر كشخة ...وكلها تتلامع ع بعضها ...عباتها شيلتها ...وحتى مكياجها ...كل اللي فيها يلفت النظر .... نايف وهو بدى يعصب : ع وين ان شالله ؟؟؟ ليلى لوت بوزها : أوووف ..بسير عرس ربيعتيه ... نايف : لا والله ؟؟ اسمعي انتي كل يوم وعرس ربيعتيه والا ملجة فلانة ....ماشالله اخافج مرابعة نص بنات العين بس .. ليلى : وانت شو يخصك ( وبدت اتعلي حسها ) يوم تبغي تتحكم سير عند حرمتك قبل واصلبها ... هنيه نايف حس انه بيصفعها ع ويها وبيأدبها ...يودها من ايدينها بقوو ... نايف : اسمعي انتي ...لا يكون ع بالج بوج متوفي يعني خلاص مالج ولي ولا رقيب ...ترا بعدنا عايشين سمعتي والا لا ...وانا ترا ما عليه من امايه وبزاها الزايد لج ...والله يا ليلوه لو اني بس شميت خبر عنج ما تلومين الا عمرج وما بيحصل خير .....وفر يدها وراح عنها وهو يتحسب عليها ليلى : الله ياخذه كسر ايديني .....وهو شو ايخصه صدق .....جان يبغي يتحكم عنده حرمته ... هي ثواني ويوصل دريولهم ....ركبت السيارة وبغمت عليه يلين قالت بس.... حشرة هالانسانة ... ++++++++++++++++++++++++++++++++++++++++++++++++++ ++++ الســــــــاعة 9 الليـــــــــل _ المزرعـــــــــــــــــة ... هالوقت العايلة كانت متيمعة ع العشــا داخل البيت..الحريم ع صوب والرياييل ع صوب ....وعقب العشـــــا الكل يلس جدام البيت ....البقعه ماشالله منورة من الكشافات ....بس في جوانب مظلمة من المزرعة على الاطراف........فارشين حصيرهم ....ومتيلسين .....بو ناصر وياه بو سالم ...وسالم وياه خوه يوسف عبدالله خو ريمان عقبه ام سالم وام ناصر وحذاهم الصغارية خوان سالم وعقبهم البنيات ....ريم ..خولة ...هند...علاية .... بو سالم ( العم خالد ) ايسمعهم قصايدة ...وهم مستانسين عليه ...وايصفقون هههههههههه خاصة ان قصايدة كلها مصخرة ....وعبود خو ريمان ما يودر عمه في حاله وايلعوزه ...والكل مستانس على عبوود .... ريمان حاولت انها ما تظهر من البيت الا ويا امها وحرمة عمها عسب تتجنب اتجابل ويا يوسف ....والحمدلله غير ذاكي الموقف العصر ما استوا بينهم شي...الا نظراته لها اللي ما تخلص .... العم خالد ....من يقصد عليهم بقصيدة غزل يتم يتطالع حرمته ام سالم ويغمزلها هههه والكل يضحك عليهم .... عبود : طالع ها الشيّاب مصدقين عمارهم ....بويه ..ما تغار ؟؟؟ غازل امايه وحليلها .. هههههههههههه الكل ضحك عليه الا ام ناصر .. ام ناصر : ما عليك أسود الويه ..تتمصخر على امك .. عبود : أصلن خلاص ما تليق عليج هالسويلفات ..كبرتي .. ريمان : لالا ما ارضى على امايه فديتها بعدها فعز شبابها ... يوسف : صدقها الريم ..( تتطالعه ريمان ..هذي اول مره يرمس فيها ) ..فديتج عموووه توج شباب.. عادا ام ناصر استانست : فديتك والله ولدي..هب هذا ( وهي تأشر على عبود ) يغث القلب .. عبود : فديت قلبج عيل ... وتمو يتناقرون هو وامه ....والا يوسف من سكت عنهم رد يسرح فريم من يديد ...ريموه حاسه بنظراته الواضحة لكنها تحاول تستانس بهالظهره ...خاصة ان هند وعلايه ملتهيات بالسوالف اليوم ولا أذنها .... ++++++++++++++++++++++++++++++++++++++++++++++++++ +++ الســـــــــاعة 9 ونص قـــاعة العرس الكل مستانس و كاشخ .....شموه من وصلت عقت عباتها و تمن هي وريمان يسلمن ع اللي يعرفنهن ...وشويخ تيلس ويا نوف فغرفة العروس اشوي وتظهر اتسلم اشوي......وبنات عمهن موزان ومهاري بعد مب مقصرات ..... حصوص عرفت شمامي ع خوات المعرس...وستانست عليهن حليلهن طيبات ....وبنات عم المعرس بعد يايات وكاشخات ...والعرس كان ربشة ماشالله ... حتـــى ليلوه ظاهرة حلوة ومرتبشة ويا ربيعتها سموي اللي خطفت عليها وخذتها .... سموي : تعاالي ....احينه منوه خواته ؟؟ ليلوه : عنده خت وحده غير العروس ...هاي ام فستان عيناوي .. سموي : هيـــه حلوة ماشالله ..عسى خوها مزيون شراتها .. ليلوه بخقه : أكيـــــد حبيبتي .. سموي : تعالي هاي مب جنها من بنات الجامعة ؟؟ ليلوه : هيه لاحظت اكثر عن بنيه ويانا في الجامعة .... ع الســــــاعة 10 ...دخلوا العروس ...وكانت حلوه ماشالله عليها ...مكياجها سموكي على وردي ...وفستانها منفوووش وعليه فصوص وكرستالات باحجام مختلفه .....وحصه اتطالع ختها واشوي بتصيح ....وشموه يالسه وياها اتهديها .... شموه : عنبو يا حصوص هدي هدي حصوص ( اتمش دموعها ) : والله نوفوه غاليه عليه ياخي .. شموه : اللي يسمعج احينه ايقول ما غير قصابها البنيه الليله ...هذوه بيت ريلها الا فرة حصاة .. حصوص وهي تغايض شموه : لا اتخليني أذكرج يوم عرس فطيم ختج شو سويتي ... شموه : ههههههههههههه نذلوه خلاص انزين ... حصوص : تدرين شموه .. شموه : هاه ؟؟ حصوص : قومي بنرقص ؟؟ شموه : هههههه روحي استحي حصوص : حرام عشان نوف حليلها بنسير عندها بنلسم عليها وع الخفيف بنرقص ما بنطول عسب تستانس .. شموه : يللا ولو اني خايفة أبدع فوق هههههههههه ( تضحك ويااها حصوص ) شموه : شرايج انقول حق بنات عمج يرقصن ويانا .. حصوص :هيه والله صدقج ...تعالي بناخذهن ويانا لمت حصوص بنات عمومتها وبنات خوالها ..وسارن فوق الكوشة عند نوف اللي استانست من شافتهن مستانسات وايسولفن وياها ويرقصن هدى خوفها حليلها ...والبنات سون لها جو ....خاصة حصوص...مرة ترقص مصري ..ومره هندي ..ومره تنعش شموه : ايه انتي حصيص..اثبتيلج على شي ما عرفنالج ياخي ويضحكون ع حصوص حصوه : وهي اتظهر لسانها حق شموه واتكمل رقصها .. في هالاثناء حارب يرمس ليلوه ... حارب : أقولج عن تظهرين ثواني بيدخلون المعرس وبندخل عقبه .... ليلى تبا تتهرب منه بأي طريقة وهي اصلن بتتم ما بتظهر : ما اقدر خويه حاشرني يباني ارد البيت ... حارب : لالا ماشي امره هاذوه ها المعرس بيدخل احينه ...و ع الاقل شوفيني واظهري ما بشوفج حتى ليلوه بيــاس : خلاص اوكي شسوي بتم عشان خاطرك .. حارب : فديتج والله ..عادا ابغي رايج فيولتيه ... ليلوه : هههه ان شالله وسكر عنها ..... البنيات لبسن عبيهن وتسترن.... ثواني وان المعرس يدخل ....وماشالله عليه منصور هيبة ...دخلوا وياه حارب وسلطان خوان نوف وحصوص .....ومن شافته ليلوه و فيدينه السلاح عرفته .. ليلوه : فديييييييييته سموي هذوه راعي الكندورة البيضااا اللي قابض سلاحه ... سموي منبهره من جماله : هييييييييه حلووو والله احلى عن خواته .. ليلى بخقه: اكيد دامه ايحبني بيظهر مزيون ...( وصدت اتطالعه وهو ايول ) سموي حاست بوزها بشماته وقالت في خاطرها : وين هو وين انتي ...هو حليله عاشق البنيه وانتي قاصه عليه ...حليله ايول من خاطره ...كشخه يولته ....وانتي يا ليلوه من ايعرف انج هب راعية الصورة عليه انه بيتف ع ويهج وبيسويلج اكبر طاف ... انقهرت سموي من ليلوه بشكل خاصة من شافت وسامة حروب وجماله ...ويولته وهي تعرف انه ايول عشان خاطر ليلوه .....سوري ..عشان خاطر ( الريــــــم ) ارتبشن البنات من شافن يولة حارب ....خاصة انه نزل وسار ايول صوب خته حصوص وهي اتصفق له ....والبنات اللي تتفداه واللي تدعي ربها ان ريلها ايكون بوسامته ....واللي مستانسه ع حركاته ....وليلوه ما خازت عينها عنه واتخبلت عليه باختصار .... غطوا نوف بغطوتها البيضا لان بيدخلون خوان المعرس وعيال عمها....بيسلمون عليه وبيوولون ........ وحصوص من سمعت ان ميود بيدخل ربعت عند شموه اتخبرها .... شموه : أيــه لااااااااازم اتروينيه أيـــــاه ... حصوص متحرقصه : اوكي دخلوا خوان المعرس وميود وياهم وعيال عمومتهم الثانيين ما دخلوا .....خوان المعرس كانوا 3 وميود الرابع ... شموه تتطالع وحصوص مهوسه ع يد شمووه شموه تتطالع حصوص: ايه اشوي شوي يديني لا اتقطعينها مب ميود حشا عنتر بن شداد غادي... حصوص : آه يا شموه اتخيلي هذا ايحبنيه انا ....يا ويل حالي والله العظيم شموه : اشوي اشوي ع عمرج يا بوج ...وينه هذا روينا ااياه ... والشباب قدهم بيركبون الكوشه .. حصوص وهي تأشر : شـــــــــــــــــوفي ...هــــذوه راعي الكندورة البنية ...مزيــــــــون صح ....ما اعرف كيف موزان اتقول انه ايحبنيـــه ومن يوم ......( فجــــأة الحســـــوس كلهـــا ضــــاعت ...وانعدمت الاصوات......وشمـــــوه مــــا قدرت انها تسمــع باجي رمسة حصــــوص ...وحست ان كل اللي في القاعة صخوا....والاغاني ع ربشتهــا مــا قامت تسمعهن ...افكــــــــــارها اتشتـــتت....ونظراتها مصدومــــــــــة .....تطالع اللي يصيـــــر جدامهــــــا وجنه حلــــــم من وســــط أحلامها اللي قامت اتيــــــــها من فترة .....تشــــــــوفه وتتــــــأمله.. وجنـــــه ياي من المستحيـــل.....لا يــــاربي .....مستحيــــــــــل ......هــــذا ...مــ ..مــــبـــــــــــــارك ....!!!!!!!!! :: من خفايــــا قلب { مصْــــــدوُم }:: دارت ابنـــا الايـــام يــــا / خِلـــي والسنيــــــن ْ مثـــل مـــا سنيــــنكـــ و هالْقــــِدر } دار وامضن ع ذاكـــ الفْـــراق دمعات و ونيـــــــــن وامضـــــن عـــى خلــــِك { أصعب } الاقدار شـــوف هجران الامـــــــــس وصلنـــا لويــــن !! ولا اظن تذكرني // نسيـــــتنــــا // باختصـــــار مــــا كنــّي فـــــي يوم سكـنتـــــك الـــ ع ــــين ولا كنـــت لقلبي غلاهـ و // أصْدق جــــــــار مــــا تذكــر شعــوري حين ابتدى من} عـــامين ؟؟ ولا اسمــي ؟؟ وهمســــي ؟؟ وفرحــة الانتصــــار ؟؟ صدمتنـــــي البـــارحة تدري وقبلها // مرتيـــــن وانــــا بيــن واقـــعي و بيـــــنك محطة " احتــــضــار" جالسة بوسط // جرحـــي // و أذكرك يالظنيــــــن ورغم قساك مـــا نسيـــتك و لا أيــــام الجـــــوار مـــــاهنت رغم الجفـــا ولا كــــــان يا زيـــــن لازلت } أشــوفك رمز المحبــــة و الاختـــــــيار ولازلت أرقب وصــــالكـ / ســاعة/ يبيـــــن توضـــــحلي خافي امورك وتفسر الذي } صــــار واحس به } دفــا } صوتكـ في حِنــــاياي / دفيــن و// شـــــــوف بيــــت ودّك ما غطاهـ الـ غ ـــبار واذكر قلت لي : غلاكـ يتلي غلا الوالديـــــــن وقوافيــــــك اللـــــــي / تنــــافس أشعــار شــ ع ّـــــار {ويـــــنهـ } ؟؟ يـــا غريــــمي حبن ملا الشرايين ؟؟ واللــــــــه إنـــــي فيك من } العــــام} محتـــــــار ][ تصــدق انـــي أتخوّف احاكيك بحرفيـــــن !!! لانـــــي لا جيــــت أبحكي { تعقــــد} الحـــوار ][ ++++++++++++++++++++++++++++++++++++++++++++++++++ ++++ الســـــــــــــــــاعة 11 الليــــــــل المزرعـــــــــــــة نشت ريم عطشــــــانة ....وتبغي تشرب مـــا ....في البداية استصعبت الفكرة .....بس يوم حست انها مب قادرة ترقد من العطش قالت الا تنش وتشرب .....وخاصه ان الكل رقووود لنهم ناشين من الصبح ...ومنهم اللي من صلاة الفيـــــر مــــــا رقــــــد....ياربي كيف بسير اروحي .....فكرت اتدق لخوها عبود ....طرشت له مسج عن اتوعي اللي حولها ..... " عبــــــود تعال ويايه المطبخ عطشـــــــــانة و اخاف اسير اروحـــــــي " ثواني ويوصلها الرد : " مــــن العميل 113 الى بشكارة القاعدة حوّل ...ديايووه بوج وعمج وعيالهم سهارى خاري ...وعن الرمسة الفارطة نصاص الليالي ..حوّل " حمـــــــار .... استقوت ريموه وشلت بعمرها ولفت شيلتها ...من ظهرت شافت بوها وعمها منسدحين خاري ...وبوها كان تقريباً راقد ...وعمها على وشك ... بو سالم : مرحبـــا بنتي ريمان : هلا عمي اشحالك بو سالم : بخير وعافية ..اشعنه ما رقدتي ؟؟ ريمان : لالا راقده الا نشيت عطشانه ... بو سالم : هيه فديتج سيري شربي ...هذوه بوج شرب حليب يلين طاح راقد .. ريم : هههههههههههههههه ( وراحت المطبخ ) ريم اتدندن : يـــــامن على الحسن زااااد ....حسنة جمال واناقه هههههههههه وتضحك ع عمرها ..صدق اني جديمة ...وين القلاصات ؟؟؟ اهااا هاذن .....صبتلها ماي وشربت ......وصبتلها مره ثانيه .... وخذته وياها عن تعطش فليل...ويوم يت بتظهر سمعت صوت اشوي بعيد ...لكنه عالي : حقــــــــي ؟؟ زاااااااغت ريموه : امايه !! : بلاج بسم الله عليج ؟؟ بلاج فلختي.. اقولج حقي صبيتي الماي .؟؟؟. ريمان .........هذي ثاني مره ايسويها فيّه ..وفنفس المكان ...شو سالفتك ياخي ....لا اله الا الله .. ريمان : اصبلك ماي ؟؟ يوسف : اها يعني مب حقي ..هيه صبيلي ... ريمان حطت قلاصها الي صبته ع الطاولة ... وراحت بتييب له قلاص ...غسلته وصبتله ...صدت وهي منزله عيونها ..و اتمد قلاص الماي ريمان : تفضل .... بس ما سمعت له حس ...رفعت راسها ...وينه بسم الله ؟؟؟ ؟؟ توه هنيــــه ....وين قلاصي ؟؟؟انتبهت ان قلاصها اللي صبته حقها وحطته ع الطاوله مب موجود .....ففهمت انه خذاه ....ضحكت ريمان هههههه والله انه غريب وخذت القلاص اللي فيدينها ودخلت داخل ......وهو تم ايطالعها من بعيد ويشرب الماي .... : اممممممممممممم والله وكبرتي يا الريم |
| الساعة الآن 08:11 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir