|
البارت الرابع فجأه حست حد يحظنها من ورا ويحط راسه ع جتفها : الحلو ليش زعلان بسمه : انته هني ؟ ابراهيم : هي هني بسمه : ك .. ك .. كيف ابراهيم : شو كيف بسمه : انت قلت انك " وسكتت " ابراهيم عقد حياته : اني شو ؟ قلت ف بيت مرتي " لفها عشان تكون مجابلتنه.. وشافعيونها ممزوره دموع " ليش تصيحين بسمه نزلت راسها و ماقالت شي ابراهيم رفع راسها : شفيج حبيبي !!! ... بسمه : انت قلت انك ف بيت مرتك ابراهيم : انزيين تراني ف بيت مرتي بسمه : و قلت انك متزوج ابراهيم ابتسم : هييييييه الحييين فهمت .... فدييت الي يغاااروووووون انا ماعندي حرمه غيرج ... مينون انا اتزوج .. و انا عندي الي تسوى الحريم كلهم بسمه : يعني ! ابراهيم : انا كنت اهني كنـــت اتريااج .. ها بيت مرتي .. بسمه ضربته : تتعرف انك حيوواان .. حمااار . جلب .. حقيير .. انت كل شي خايس ف الدنيا ابراهيم ابتسم : لاه ! بسمه مسحت دموعها و عطته ظهرها عشان تدش البيت .. و حست ان حد يشلها .. جان تصارخ بقوه بسمه : هدننييي والله لو ابوي يشوفك بيلعن خيرك .. و لو مالعن خيرك .. بيلعن خيري انا ابراهيم : مرتي و كيفي .. اسوي فيها الي ابيه بسمه : جب .. نزلني ابراهيم : ماابا بسمه : اقوولك نزلني .. خوله : ي حييهااا ها البسمه ... الله يرزقنا شوق : صج انج ماتخيلين ... استحي ع ويهج خوله : انتي جب .. ريموه .. تعالي شوفي .. ريم : شو السالفه ؟ خوله : شوفي شوفي .. ابراهيم يسوي باي : شحالكم بسمه اطالعت فوق .. ويوم شافت ان خواتها يطالعونحطت ايدها ع ويهها : فشششله نززلللني ما سوالها سالفه ..دخلها داخل و ع حظهم قبل ما ينزلها طلع ابوها وابتسم بمجامله ابراهيم همس لها : قلتلج ما بيقول شي " و نزلها وسار يسلم ع ابوها " . . . وصل اسما وروضه الشقه ... وتوجه ل عند ميثه دخل و شافها فاتحه عيونها علي : الحمدلله ع السلامه ميثه ابتسمت ب تعب : الله يسلمك علي : شحالج ؟ ميثه : الحمدلله .. بس انا ليش هني ؟ علي عقد حيّاته : ماتذكرين ؟ ميثه : اذكر ان سرنا المطعم وانا كنت مصدعه بعدين " سكتت " علي : بعدين شوه !!! ميثه >> اذكر اني بغيت اطيح و حد مسكني !! و يوم فتحت عيني كان هوو !! ... انا متاكده انه هوو.. يمكن يتهيألي .. لا ماظن اناا متااكده << علي : حووو وين رحتي ميثه : يوم بغيت اطيح .. منو الي زخني ؟ علي عقد حيّاته: وليد ليش ؟ ميثه : وليد ! احلف علي : والله .. وبعدين بسالج .. في شي بينج وبين وليد ؟ ميثه : لاوالله مافي شي ... ليش ؟ علي : نظراتكم حق بعض !! ... ب شو تفسرينها ميثه : نظراتنا ! علي : تطالعون بعض بنظرات مادري كيف ميثه : شووف نحن مابيننا شي بس علي : بس شو !! ميثه بعد تردد كبير قالتله : احبه عليكان بيرمس بسقاطعته : بس والله مافي شي بيننا .. حتى هو اصلا ما يعرف اني احبه ..محد يعرف اني احبه غير روضه علي ابتسم : انزين انا ما قلت شي .. وبعدين انتي اختي العوده و العاقل .. واكييد ما بتسوين شي غلط ... ميثه ابتسمت << يعني حتى علي لاحظ ها النظرات .. معقوله صج يحبني >> علي : و روضوه كيف تعرف ؟ ميثه : ف المطاريوم كنا ف الامارات ... لماانت اختفيت فجاه.... يو عندنا سلمو علينا ... و عمار قال حق روضه " انا اسف ع الكلام اليي قلته ... لاني كنت اتحرا انج تبين شي ثاني ما كنت اعرف انج " وبعدين سكت بس لا تسالني شو السالفه لاني سالت روضه ما خبرتني ... المهم ..شسمه يوم ركبناالطياره خبرتها اني منجذبه ل وليد .. و وايد بعد علي : اووه ميثووه بعد تعرف تحب ميثه : ليش ؟ مب انسانه ؟... المهم ماعلينا ... شسمه هاا متى بطلع ؟ علي : باجر ميثه : لاااا نحن باجر بنروح بيت خالوو علي : بناجله انزين .. ورا باجر ميثه : لا ورا باجر ابا اسير اخذ اشياء حق منايه و ذيابووه فديييتهم .. اباا اطلع الحين علي : ي بنت النااس ما يصييير ميثه : والله يستوي علي : ما يستويي ميثه: يستوي .. قولهم اني بطلع ب مسؤوليتك علي : افففففف انزين . . . فتح باب الحجره و قعد يمشي بهدوء ..متوجه صوب وليد ..يبا يشوف اذا راقد ولا واعي زايد : شو تسوي هني !! عمار نقز : بسم الله ... اقوولك كمل رقادك انته زايد : اول قول شو تبا من الحجره داش شرات الحراميه عمار : ارقـــد انته .. انا ابا وليد زايد : وليد رقد عمار : جذاب زايد : كيفك لا تصدق " ترا وليد و زايد ف حجره ... و منصور و عمار ف حجره " عمار سار صوب وليد و شافه مغمض عيونه .. ف قرر يطلع زايد : ويييييييوو تقفط عمار : جب انته جب " وطلع " وبعد ما طلع زايد راح الحمام " الله يعزكم " ** عمارمسك فونه و طرش حق وليد " اعرف انك مب راقد .. المهم اطلع يوم زيّود بيرقد .. اوكيه ! " وليد ( هاا سنه لين ما يرقد .. بس بشوف يمكن اي ) "غصبا عن شكلك بتي .. اونه يمكن اي " وليد ( هههههههه ك ..) بعدين ودر الفون لان زايد طلع من الحمام .. زايد حاول يرقد بس ما ياه رقاد .. تم يتجلب .. بعدين اطالع وليد.. وسار صوبه و تم يلعب بشعره بهدوء و يفكر فيه << نحن ما نضحك الا وياك... يوم نتضايق ما نلجا الا لك لانك الوحيد الي تخلينا نبتسم... انته الوحيد الي تحسسنا ان الحياه حلوه و مافي شي ف ها الدنيا يستاهل ان نزعل عشانه...وانت ما تشكي لنا... دايم نشوفك تضحك .. دومك تنكت رغم الحزن الي فيك ... رغم انك وحييد و ماتعرف اذا عندك اهل .... قسم بالله انك انسان ماتتعوض ... >> قطع تفكيره صوت وليد : لين متى بتم تلعب بشعري ؟ زايد يطالعه بنظره شفقه: .. وليد : ليش جيه تطالعني .. " عدل يلسته " كم مره قلتلكم لا تطالعوني بها النظره زايد : اسف انزين وليد اطالعه وابتسم : انزيين تبا شي ؟ زايد : لا بس ماكان فيني رقاد .. المهم عمار كان يباك سير شوف شو يبا وليد : اوكيه" وطلع " زايد تنهد .. دش وليد حجره عمارومنصور وليد بصوت واطي : عمااار .. عماار" سار صوبه و من نصخه عرف انه رقد " يباني اي عنده و هو راقد " طلع عنه و رد الحجره عند زايد " زايد : انا بطلع بتي وياي وليد : ليش انزيــن .. ارقد زايد << كييف تباني ارقد .... وانا الانسانه الي احبها طايحه ف المستشفى >> زايد : مافيني رقاد وليد : اوكيه بي وياك . . . بو بسمه : شو ها الحركات الماصخه بعــد خوله تهمس حق ريم : الحين بيبدا ينكد علينا بسمه : اي حركات ؟ بوبسمه : اونه شالنج ... شو وين تتحرون عماركم !! ... يوم بتسيرون بيتكم هناك سوو الي بتسوونه ام بسمه : انزين ريلها عادي بوبسمه : انتيي لا تدخليين .. اصلا محدمخرب مخها غيرج خوله : ابويي انزين صح كلام امييه ... ها ريلها مب وواحد غريب و بعدين حراام علييك والله ... الله ما رزقنا باخوان و هي كانت تتمنى ان يكون عندنا اخو ... واعتبرت خالي سيف شرات اخوها ... تمييت تشك فيه وفيها ان بينهم شي .. وهو خالها . حتى سلام ماكنت تخليها تسلم عليه ... وهي سمعت كلامك وما كانت تسلم عليه حتى هو استغرب ليش فجاه قامت تعامله بجفاا .. والحين يوم ملجت بتحرمها بعد من احلى ايام حياتها ... مب عيشه هااي والله ممب عيشه كل شي ممنوع.. كل شي حرام .. كل شي لااء شووهااا ... وبعدين شو يقول نبا مصلحتكم ... تبا تعصب علي عصصب كييفك .. بس مب من حقك تمنعنا من كل شي . .. " ركضت راحت حجرتها عشان تصيح لانها حتى يدام ابوها ما تحب تصيح بس خواتها الي حلال عليهم يشوفون دموعها" بو بسمه سمع كلامها الي كان شرات السجيين طعنه بالقو .. كلامها كان ف الصمييم .. شل سويجه و طلع من البيت |
طلعو من شقتهم و يوم نزلو كانو علي و ميثه يايين سلمو عليهم وليد : مب جنه قالو باجر بيطلعونها علي : هي راسها يابس الاا تبا تطلع الحين وليد: لييش ميثه : بسجيه وليد ابتسم : المهم الحمدلله ع السلامه ميثه ردت له الابتسامه : الله يسلمك زايد>> معقوووله وليد يحبها ... وهاي نظرات حب ؟<< وليد : وانت ليش ساكت ؟ زايد : هاا ..شوو .. هيه ماتشوفين شر ميثه : الشر ما اييك وليد : يلا عيل ما بناخركم عشان ميثه تريح بعد .. ف امان الله علي : ف امان الكريم " وراحو " . . . عبدالله : حبيبي نوره :.. عبدالله : عمري .. انتي راقده ؟ نوره نزلت دموعها وعرف عبدالله انها مش راقده .. مسح دموعها بظهر ايده عبدالله : عممري لييش تصيحيين نوره لفت الصوب الثاني عبدالله تنهد : نووره خلاااص عااد اسيير انتحر يعني عشان ترضضين ... امي و تعرفينها .. و انا قلتلج مستحييييييل اتزوج علييج .. انا لو تزوجت ما بعدل ... والله مايرضى بظلم ... ولو عيالي ماكون منج يعلهم مايوو نوره : بس هاي امك لازم اتطييعها عبدالله : بطييعها ... بس ف ها الشي ما اقدر نوره : ولو قلتلك عشان خااطري اسمع كلامها عبدالله : اناا ف ها الشي ماا بسمع كلام حد لا عشان خاطرج ولا عشان خاطر اميه ... وبعدين الدكتوره قالت احتمااال ماتيبين .. ماقالت مستحييل نوره :بس احتماال ضعييييف عبدالله : انتي ارقدي الحيين و باجر بنتفاهم نوره تنهدت و انسدحت عشان ترقد . . . دق لها 3 مرات و ما ردت جان يطرشلها مسج " حبي ... راقده ؟ " وبعد ماردت عليه .. شل فونه وراح الصاله شيخه : وصل المعررس ابراهيم ابتسم شيخه : اقولك برهووم باجر طلعنا بنسير ناخذ لنا فساتين حق ملجتك ابراهيم : سيرو ويا مرشد و لطووف مرشد دخل : لطوف ف عيينك اسمها لطيفه ابراهيم : اسف اخ مرشد مرشد : خلاص سامحتك شيخه : وين لطوف و شهوده مرشد : ف بت ابوها شيخه : لييش !! مرشد : شو ليش بعد ! كيفها شيخه: لا ترا اول مره يسيرون يوم الثلاثاء العاده يسيرون الجمعه مرشد : ترا سيف اخوها رد اليوم عواش دشت : اونه ! مرشد : والله عواش : وانا اقووول لييش الامارات منوره " وما حست الا بكرتون الكلينيكس ع راسها " ابراهيم : استحي ع ويهج ي قليله الادب عواش حطت ايدها ع خصرها : لااوالله !! .. نسيت يوم كنت تتغزل ف بسوم ولا اذكرك ابراهيم : جب انا ريال وانتي بنت عواش تعيب عليه : انا ريال وانتي بنت ... شو يعني انا بنت !! ولا البنات مالهم رب ان شااء الله ... ع الاقل انا احبه و انتو تعرفون اني احبه .. مش شرات باقي البنات ابراهيم : لاوالله " يطالع مرشد " و انته ي الاخوو العوود ارمس قوول شي مرشد : شوو اقوول ... كيفها خ تحبه ابراهيم : لاوالله مرشد : انته يوم كنت تحب بسمه .. كنت تسوي اخس عنها .. يوم كانت اتدقلها غصب تدخل اذنك ف السماعه .. و صرقت رقمها بعد .. و هي بس تتفداه .. شو يعني ! ! ابراهيم : ككليييييتني بسم الله ... انزين ماقلت شي شيخه : الحين ها يدامنا بس يسوي عمره الاخو الي يخاف ع اخته .. هاك اليوم مريت صوب حجرة عواش سمعته يرمسها عنه و مادري شوو ابراهيم : شت جكونا مرشد : هههههههههههه . . . روضه حست ان حد دش الحجره روضه : ميثوه !! ميثه : كيف عرفتي ان هاي انا روضه ابتسمت : احساسي قالي ميثه : ماشاء الله عليه احساسج "راحت انسدحت عندها " تعرفين .. ساعات احسدج لانج ماتشوفين واتمنى اني اكون مكانج روضه : ليش يعني ميثه : لان صح الله خذ عنج نعمه البصر .. بس عطاج حواس ثانيه ... يعني جيه ماعرف... ها الاحساس الي تحسينه .. عادي شخص يكلمج و تحسين اذا ها الشخص زين ولا مش زين ... ماعرف كيف اشرحلج بس شوفي انا قبل ما اطلع اي صوت عرفتي اني ميثه .. وساعات احسدج لانج ماتشوفين .. لاني في اشياء ساعات يوم تشوفينها تتالميين ... مادري بس جد ي حظظج روضه ابتسمت : المفروض تحمدين ربج ع ها النعمه الي غيرج محروم منها .. انا بعد احمد ربي .. يمكن صح شرات ماقلتي .. . انا مااشوف بس عندي حواس ثانيه ... الشي الحلو .. اني اتخيل اشكال الناس شرات ما انا ابا =)) يعني عادي اتخيلج انتي سبونج بوب وسبونج بوب انتي ميثه : هههه لا عااد تشبهيني ف سبونج بوب هاي قويه شوي روضه : تعالي صح ! .. .انتي ليش طلعتي . .. قالو باجر بيطلعونج ميثه : ترا اذا ماتبوني برد عاادي روضه : هههه لا مب قصدي جيه ميثه : حسيت اني صرت احسن قلت حق علي يطلعني روضه : هييه انزيين ميثه : يلا لزي برقد عندج اليوم روضه : اوكييه .. وين اسوم ميثه : تطالع تلفزيون روضه : اوكيه لزت روضه حق ميثه .. ورقدو حذال بعض . . . رن فون زايد وكان صوب وليد 3nzowh is calling you وليد : عنزوه داقه زايد : هههههه هاات .. اهلا مهره : لا اهلا ولا بطييخ .. ي حماااار ما تقولين عندي اخت جميله طيوبه حبوبه كيوته اسمها مهره ارمسها اطمن عليها .. اشوف شحالها شخبارها زايد : كلييتيينييي .. بعدين اهم شي ارمس امايا انتو تلتعنون مهره : حيوااااااااااان انا التعن !!! . . . بس بتشوف براويك زايد : شخبار خلوف و ميره مهره تعيب عليه : شخبار خلوف و ميره . . اناامهرررره زايد : ادري انج مهره ي المُهره مهره : مُهره ف عييييييييينك شوهت اسمي زايد : طلبتيي انطررت .. و انتي صوتج ماراح مهره : قل اعوذ برب الفلق من شر ما خلقو من شر غاسق اذا وقب و من شر النفاثات في العقد و من شر حاسد اذا حسد تف تف تف تف زايد : ههههه حبيبتي عيوني بارده .. بعد ماسكر زايد : والله بلشه وليد << بلشه اونه ... المفروض تحمد ربك ع ها النعمه .. غيرك محرووم منها .. لو تعرف شعوري جان حمدت ربك ع ها النعمه " ابتسم بعذاب " بس الله كريم >> زايد : بخصوص ها الابتسامه العبيطه وليد ابتسمم بغباء : هاا جيه احسسن زايد : ههههه هيه ... المهم بسالك وليد : اسال زايد : تحبها ؟ وليد : حبك برص انشاء الله ... احب منوه زايد : ميثه ؟ .... و جاوب بصراحه وليد : ليش ها السؤال يعني زايد : مادري نظراتكم تقول جيه وليد : اها زايد :انزين جاوب وليد : شو بتستفيد لو جاوبت ؟ زايد : ما بستفد شي .. بس بتخلص من فضولي ولييد : فضولي مال مجله ماجد ؟ زايد : ياااربي الساخافه تقطر منك وليد : هههههههههههه زايد : يلا لا تقعد تغير السالفه وليد : امممم هيه زايد ابتسم بمجامله : عااااش رووووميووو وليد : جب لاه زايد : استحييت وليد : استحييت اونه ... جيه شو شايفني زايد : هههههه انزين .. رد الشقه ياني رقاد وليد : هيه حتى انا " بعدين تموو سااكتين " زايد >> لاا ياربي ربيعي الروح بالروح ... و حبيبتي !! ... اضحي عشانه ؟ ..روحه عايش وحيد بدون اهل و متغربل ف حياته ... و الحين طلع يحب نفس البنت الي احبها .. ش اسوي << وليد : زايد شفيك زايد : ها ماشي وليد : علينا ي حووب ؟ زايد :. وليد : ف شوو تفكر ؟ زايد : ماشي بس كنت وليد : كنت شو زايد : بقولك شي بس ما بتضايق ؟ وليد : شو قوول زايد : انا بعد احب ميثه وليد : هااا زايد نزل راسه وقال : اسف وليد سكت شوي بعدين قال : اوكيه ... بما انك تحبها انا بحاول انساها زايد اطالعه : هاا ! وليد ابتسم بالم : الي سمعته .. انا بحاول انساها رجع للواقع لما وليد ضربه ع ظهره : ف شووسرحان انته .. من متى نحن واقفين زايد : هاا هييه اوكيه وليد : زايد شـ فييك زايد : ماشي ليش ؟ وليد : من الصبح سرحاان و ف عاالم ثااني ف شو تفكر زايد : ماشي وليد بشك : متاكد زايد ابتسم : هيه يلا ننزل << خلاص انا بضحي عشانه ... وانا بحاول انساها .. لانه لو كان مكاني جان سوا نفس الشي >> . . . صباح اليوم الثاني قامت ع ازعاج فونها .. وردت بعد ماشافت منو المتصل بسمه : حد يدق من صباح الله خير حصه : والله يوم انج ملجتي ونسيتينا لازم نزعجج بسمه : انزيين اباا ارقد .. بعدين بدقلج باي حصه : صج ما تستحين بسمه : جب يلا باي حصه : انا الغلطانه لاني دقيتلج ي حماره بااي " وسكرت " بسمه كملت رقادها ... وحصه طلعت سارت الصاله حصه : امييه .. ابا اسير اخذلي فستان حق ملجه بسوم ام حصه : ليش متى ملجتها حصه : هي ملجت بس حفله الملجه ورا باجر ام حصه : هييه تستاهل .. الله يسعدها ان شاء الله حصه : عقبالي يارب ام حصه : ماشاء اللهبنتي فااصخه الحياا حصه : ههههه اممزح يااميي ام حصه : انزين خبري راشد خ يودييج حصه : وانا عندي ليسن وسياره ع الفاضي؟ ام حصه : بتسيرين بروحج ؟ لا ماشي حصه : مووو روحي جواهر و مهوي بنات خالوه بيون وياي ام حصه : هيه اذا جيه اوكيه حصه : اممموووح فدديييت اميي انااا . . . جواهر ومها وامهم عند ندى ف المستشفى جواهر : شفتيي عشان مره ثانيه تسمعين كلام ماما ندى : مايخصج جواهر : طعع ي الحيواانه انا خالتج ندى : انتي جوجو مو خالتي جواهر : جوجو ف عيينج .. انا خالو جواهر ندى : جوووجووو جواهر : قولي خالو جواهر عشان ما اي و ادزج و اخلي الصوب الثاني بعد ينطر ندى : ماتقدريين مااما مابتخلييج جواهر : اقوولج نجااتو لوو سمحتي يعني علمي بنتج الادب نجاة : اسكتي انتي مب متفيجتلج مها : افاا العيوز معصبه ... خير وش السالفه نجاه : عييوز ام ريلج انززين مها شهقت : انتي ما تستحيين .. تغلطين ع عمووتي !! .. اغلطي ع اي حد الا عمووتي ما ارضى عليها نجاة : جب لاه ندى :: ضرااابهه ضرااابه جواهر : انتي اسكتي ام عمار : جواهر خلييهاا ف حاالها ... حاااطه دوبج ف دووووب ياهل !! جواهر : انزيين ملانهماعرف ويا منووه اضارب ام عمار : وانتي ماترومين تيلسين بدون ما تتضاربين جواهر : لاا مااقدر احس انيي بمووت مها : اقوولج بدال ها الفلسفهقومي قومي .. بنسير الكفتيريا بناخذلناخرابيط ندى : بي معاكم جواهر : انتي انثبري مكانج ندى : اسكتي انتي مها : لا حبيبتي انتي اقعدي نحن بنييبلج .. شو تبين ؟ ندى : ابا كندر .. و ابا اسكريم مها : ان شااء الله جواهر تقلدها : ان شاااء الله " و طلعو " ام عمار : مابيطلعونها ؟ نجاة : امبلا اليوم العصر بتطلع ام عمار : بتين بيتنا ولا بتسيرين بيت عمج نجاه : لا فارس قال بنسير عمي ام عمار : هييه انزين ندى : يدووه .. عمي عمار متى بيي ام عمار : يوم الجمعة ان شاء الله نجاة : صدق ام عمار : هيه قبل شوي رمسته قالي يوم الجمعه نجاة : هييه زيين . . . زايد ماقدر يرقد فليل .. بسبب تفكيره .. لييين بعد صلاه الفير .. صلى وعقب من التعب رقد منصور : غريبه زيّود بعده راقد ؟ .. يعني لو انته و لا عمار عاادي .. بس ها دوم ينش من وقت وليد : مادري متى رقد ها منصور : ليش وليد : تم ييتجلب ويتجلب ليين الساعه هنتيين .. بعدين قام يصلي .. اظني سار يصلي قيام .. عقب انا رقدت ماعرف شو سوا بعدين منصور : ماسالته شفيه ؟ وليد :امبلا .. بس يقول انه مافيه شي .. قلت بخليه ع راحته منصور : اها وليد : و عمار وينه مب كابتشينو ها الي بيسوييه منصور : حسيييت وليد : بقوم بشوفه " راح عند عمار " كل ها تسوي كابتشينوه عمار : اطلع برع وليد : ماتبا مساعده ؟ عمار : اممم شرايك تسوي بدالي وليد : لييش عمار : ثلاث مرات جبيت الماي الحارع ايدي وليد : ههههههه انزين قوم قوم بسوي بدالك عمار : اوكيه " وطلع سار ييلس ويا منصور " . . . قامت وشافت انه امس فليل دقلها .. ف ردت دقتله ابراهيم : هلا بالحب ... شحالج ؟ بسمه : تمام وانته ! ابراهيم : داامني سمعت ها الصوت ... اكييد بخيير بسمه استحت وتمت ساكته ابراهيم : ويين رحتي بسمه : ماارحت مكان ابراهيم : انزين ... وجيه تعرفين انج وحشتيني بسمه : مسرع ابراهيم : لاوالله ! .. يعني انا "بدا يغني " ماوحشتج . . ماطرا اسمي ف بالج .. ولا ف الغربه بعيد صرت عني بسمه : اي غربه بعدني ف البلاد ابراهيم : الاغنيه جيه .. انتي رقعي السالفه بسمه : ههههههه انزيين ابراهيم : جد اشتقتلج ابا اشووفج بسمه : انزين تعال ابراهيم :متى اي ؟ بسمه : حياك تعال اي وقت البيت بيتك ابراهيم : اوكيه بسمه : وييب عوّاش وياك ابراهيم : الحين انتي بتيلسين وياي ولا ويا عويش ؟ بسمه : امممم شوي وياك و شوي وياها ابراهيم : لااه بسمه : هييه بعد شوو ابراهيم : اوك يصير خير بسمه : ماشي يصير خير .... اصلا اناا بخبرها ابراهيم : هههه ليش مب واثقه ؟ بسمه : ماعرف ابراهيم : لاوالله .. خلاص باي انا زعلت بسمه : هههههعادي ابراهيم : عاادي بعد ! .. اوكيه بسوم اوكييه بسمه : لاتنسى اتي ! ابراهيم : مااابي مااابي بسمه : ياخي واثقه فييك وااثقه بس بعد انا برمسها عشان اتاكد ابراهيم : لااا ماترمسينها بسمه : بفكر ابراهيم : لاوالله .. من الحيين انتي ماتسمعين كلامي ..عيل بعدين شو بتسوين بسمه : بعد العرس بسمع كلامك ان شااء الله ... الحيين كيييفي ابراهيم : اوكيه موافق . . . اما عند علي و خواته ... ف من بعد صلاه الظهر راحو بيت خالتهم . . . ع الغدا شيخه : مرشد .. عادي توديني بيت عمي مرشد : اي عم ؟ شيخه : اي عم بعد ... ابو عيسى الله يرحمه " الي هو ابو ريلها " مرشد : متى تبين تسيرين ؟ شيخه : بعد صلاه العصر مرشد : بتسييرين روحج ولا عوّاش بتي وياج عواش : لا مابسير انا مرشد : ليش عواش : عمتها عزمتها هي ... انا ارز ويهي لييش ابراهيم : انزين بتين وياي عند قوم بسوم عواش : ماعزمووني ابراهيم : طاعو هاي .. ماعزموني وماعزموني مرشد : وانت شعندك تبا تسير بيتهم .. تراك امس ساير ابراهيم : بييت مرتي و كييفي .. انته شي يعورك ؟ مرشد : هييه راسي عوّاش : اييبلك بندول ؟ مرشد : اضحك يعني عوّاش : تستهبل تراك انته قلت ان راسك يعورك بعد شوه مرشد اطالعها بنظره يعنيي سخيفه عواش : المهم براهيموو ابراهيم مسك الخاشوقه و حط فيها روب عقب صبه ع ويهها : ابراهيمو ف عييينج عواش شهقت : ي الحيوااااااااان " وحاولت تمسحه بس ويهها توصخ زياده .. فشلت عيش وحطت عليه روب عقب قامن مسحته ع ويهه .. وتمو جيه يضاربون .. و شيخه و مرشد نااقعيين عليهم من الضحك " مرشد : اييييييه بس نعمه الله عواش : هاا اخووك الحيوان ابراهيم : والله يوم بتنطقين اسمي عدل مابسويلج شي عواش : اففف . انزيين اسمع بسير وياك بيت قوم بسوم مرشد : توها تقول ماعزموني عواش : عزمووني عزمووني بس كنت استهبل عليكم ابراهيم : ماااباا مابودييج عوّاش :عندي سياره و اروم اروح روحي ابراهيم : انزيين روحي روحج مرشد : لاتستههبل ودهاا وياااك ابراهيم : انته شخصك مرشد : شووو شخصك انا اخووك العوود شيخه : مااكنت ادري تصدق مرشد : انتي جب عواش : اييه امي وو ابوي متى بيردوون مرشد : اليوم عواش : حماار وااحد .. ادري ان اليوم بس متى مرشد : بعد صلاة العشاء عواش : اوكيه . . . عند ربعناا زايد كان يحاول قد مايقدر يبين نفسه طبيعي . . بس قد ماحاول ف وليد كان ملاحظ .. بس ماقاله شي لانه يعرف انه لو سال ما بيحصل له جواب ع البيبي وليد : عماار ... انت اسال زايد شفيه .. يمكن يخبرك عمار : ماخبرك انته .. بيخبرني انا وليد : يمكن عمار : ماتوقع وليد : حاول انزييين ما بتموت عمار : اوووه اوكيه وليد : لا تنسا تخبرني عمار : اوكييه عمار سار عند زايد : اييه شفييك انته صاير نفسي زايد : انا صاير نفسي الحين ؟ عمار : هييه .. يلا قوول شفييك زايد : بقولك بس لاتخبر وليد عمار : قووول زايد : امس اكتشفت ان انا و وليد نحب نفس البنت عمار فج عينه ع وسعهن : مييثه ؟ زايد : هييه .. و ولييد مايعرف اني احبها .. المهم انا قررت اني اضحي عشانه .. وبحاول انساها .. بس طبعا مب بسهوله بنساها .. وانا اصلا قاعد احاول ابين اني طبيعي معقووله لاحظتو عمار : محد لاحظ الا وليد زايد اطالعه : احللف عمار : والله .. ماتشوفه من الصبح يتاملك ... متحرقص يبا يعرف شفيك بس لانك قلتله مافيك شي ف يبا يخليك ع راحتك .. و هو الي طرشني عشان اشوف شفيك .. وقالي اخبره زايد : لااتخبره الله يخلييك ... لان لو خبرته اعرف انه بيضحي .. حرام وليد وااايد يسوي اشيا عشان يسعدنا ... انا بضحي بداله .. و ترا البنات تارسين البلاد بحب لي وحده غيرها عمار : صح والله ... انزين شو اقوله زايد : قوله ماخبرتك عمار : اوكيه .. يلا بااي انا ح رووح "وراح عنه .. وسار صوب حجرتهم .. وليد كان يالس ف حجرتهم وفاتح الباب لان باب الحجره يطل ع الصاله . . ف شاف ان عمار قام عن زايد .. طلع من الحجره عشان يلحقه " زايد : وويين بتروح ؟ وليد : بشووف عماار زايد : تعاال لاااه خ يوولي وليد : انزيين "سار يلس عنده " زايد ابتسم : نطلع شرات طلعة امس ؟ وليد رد له الابتسامه : لا اذا شرات طلعة امس ماباها زايد رفع حايب واحد : وللييش ان شااء الله وليد : تراك امس طول الوقت ساكت .. بطلع وياك اذا كنت بتسولف بتضارب وجيه يعني زايد : افااا عليييك .. يلا بنسير نتغدا .. "وقعد يزقر " عمااااااار منصوووووور .. تعالوو بنسييير نتغدااا منصور : جني سمعت حد يقوول غداا عمار : خاااطري مره وحده يطرون الاكل وما تفز زايد : هاا ف احلامك يمكن يستوي .. لا والي يقهر انه ياكل ومايمتن وليد : اقولك صرصوور اقرا ع عمرك بيصيبونك ب عيين منصور : محد صرصوور غيرك انزيين . زايد : انزييين يلا امشوو " بعدين جيه و طلعو ,.,, و وليد نسا سالفه انه يسال عمار " ها المره بحط لكم اساله ! 1 : وليد بيكتشف ان زايد يحب ميثه ولا ؟ 2 : عبدالله بيسمع كلام امه و بيتزوج ع نوره ولا ؟ 3 : اهل عيسى ريل شيخه .. هل هم من الشخصيات الموججوده ف الروايه .. و منو هم ؟ |
باااارت يجنننن تسلمين ع هيك بارت وربي طررر 1 : وليد بيكتشف ان زايد يحب ميثه ولا ؟ هيه بيعرف ويمكن يضحي عشانه* 2 : عبدالله بيسمع كلام امه و بيتزوج ع نوره ولا ؟ اتوقع نوره بتم تحن عليه عقبها حرمته اللي بياخذها*بتحاول تقعدهم عن بعض 3 : اهل عيسى ريل شيخه .. هل هم من الشخصيات الموججوده ف الروايه .. و منو هم ؟ هيه واتوقع يصيرون لوليد اكيد هيل اهله تكفين كملييي |
اقتباس:
اول شي مسكووره وااايد ع الرد ثاني شي عيوونج الطر وان شاء الله تكون توقعاتج صحيحه ان شاء الله اول مااخلص البارت الياي بنزله |
طررررررر البارت * مسكينه بسمة بس أتوقع ابرا هيم يسولف معاها |
| الساعة الآن 02:15 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir