احمم حبيت روايتج واآيد وآايد 😍 واترٓياا الباَرت الياايٰ 🌹

البــــــــــــــــــارت الثآني و العشرون 2 2 . .

\
/
\
/

صبآح يوم الأحد . . .

" ندى ؛ كنت قاعده اتريق و خليف يتطالعني بنظرآت ".

خليفه : انتي مآ ورآج امتحان ؟
ندى : امبلا .
خليفه : يالله ققومي ! خلصتي الأكل .
ندى : بل ، حسد حسد . . ليكون دآفع من جيبك ؟
خليفه : ماشاء الله .. مآتعرفين تسكتين لازم تردين !
ندى : والله لسآني وكيفي .. أوفف .. الحمدلله شبعت "وقآمت بتروح " .
خليفه : لازم تشبعين لآحسه الصحون .
ندى : جب لاه . . "وطلعت .. رحت لـ سيآره الدريول اللي دآيممًـأ يتريآنني … وو وصلت المدرسـه " .


عليا : وصلت الخقآققه اللي نستنآ .
ندى : اووه انتوآ هنني .. "وسلمت ع عليا و رنا وامون " سسوري والله بسس ادرس .
امون : انتي تدرسين و ريم ومريوم مختفين !
ندى : ايي صح وينهم هذيل .. حتى خلود مختفيه .
رنا : الله يستر ، هذيل مايختفون الا يوم يسسون مصيبه ..
ندى : اشتقتلهم احس .
عليا : يعني نحن مانكفي ؟
رنا : ايي والله عليوه ققومي نروح عنها .. خلاص ندى زعلنا .
ندى : ايييه امزززح .. يالسخييفات تعالوآ .
عليا : هههه صدقت .. ياغبيه بنروح ندرس ، قعدي مع امون .
ندى"إلتفتت لأمون" : وانتي مابتدرسسين ؟
امون : همم لا درست فالبيت .
ندى : زين عييل بنيلس نسولف "وإلتفتت لـ رنا وعليا" خلاص انجلعوآ روحوآ ددرسوآ .
. . .

امون : إلا بنت عمج شصآرلها ويا اخوها ؟"
ندى : هآ .. مآشي تفهم الموضوع .
امون : احين بتقنعيني ان هذآآك الوحش تفهم الموضوع ؟
ندى : هههه حرآآم عليج مب وحش ، بس كان معصب شوي .
امون : اي شوي الا كان بيذبحهـأ ، شو اللي خلاه يهدى ويتفهم ؟
ندى"بخجل" : الحـب .
امون"بغبآء" : امبيه يحب اختـه !
ندى : ياغبيييه .. "واشرت ع نفسها " .
امون : يحب مريولج ؟ .
ندى : ياغبيه مب ثيابي "اشرت ع ويهها "
امون : يحب ويهج ؟
ندى : يا ربيي غبيه غبيه .. يحبني انا .
امون : يحبج !؟
ندى : أححم ، ايي .
امون : تحبين شباب ؟
ندى : شـ قصدج ؟
امون : مماشي .. بروح انا . "ووقفت" .
ندى"وقفت ورآها" : تعالي شصصآر .
امون : ماتوقعت منج .
ندى : اممون شفيج ؟! .
امون : مماشي .. بروح .
ندى " رآحت امون وتميت بروحي .. بعد دققآيق يتني خلود معصبه *للعلم خلود ربيععت امون المقربه و اكثر وحده معآهآ* " .

ندى"وقفت و اقتربت من خلود المعصبه ، مآوعيت إلا ويآني كف منهـا " .
خلود : اننننتي ماتسستحيين صصح !
ندى"حطيت ايدي مكان الكف! مآكآنت الصفعه تعور ، قد العوآر اللي ف قلبي ! " : آآه .. خللود .. شصصآ آير .. !
"يت اممون من بعيد و دزت خلود وقالتلها" : انتتتي ليش ضضربتييها .
خلود"تصآرخ" : لأنههها غبيه وانتي اغبى لأنج حبيتيها .
ندى " امون تحبني ؟! امون شآذه ؟ " .
امون"تصآرخ ع خلود" : انا مآقلتلج اضربييها ! انتي شو مآتفهمين .
خلود : اوفف خلج بـ غبآآآئج . "ورآحت" .
امون"اقتربت من ندى وحطت ايدها ع خد ندى مكآن الكَف" : آسسفه انا السبب .
" فهالوققت رن الجرس " .
ندى"شليت ايد امون من ع خدي ودزيتها شوي بعيد عني" : خلاصص امون . "مسحت دموعي وتوجهت لـ قاعه الامتحآن " .

" فالامتحآن . . صآدف إنـه خوله اخت مآيد تقعد ع يميني . . وكآنت كل شوي اتطالعنـي ، أظن تحآول تغش منـي ، مب مكفنهـا برآشيمها اللي مغطيه طاولتها ؟، أوفف مليت منهـا . "

ندى"بصوت وآطي" : انتي اييه بسج غش . !
خوله"بعصبيه" : وانتي شو يخصصج . !
"المس المرآقبه إلتفتت " : خوله و ندى !!!
خوله : مس هاي ندى تبيني اغششها .
المس"بعصبيه" : ننندى !
ندى : مس والله جذذآبه .. جذآبه .
المس"سحبت ندى و وصت مس ثانيه عشان تراقب البنات" .
ندى : مس ترا مايخصني وشوفي طاولتها وفتشوها ، ترا كلها براشيم .
المس " ودت ندى لـ لجنه خآصه ، و رجعت لـ خوله " .

خوله : شفيج أبله ؟
المس : خوله وقفي اشوف .
خوله"وقفت ، والمس قعدت تفتشها واتطلع البرآشيم " .
المس : شنو هذآ يآ خوله ؟
"وحده من البنات " : هههه برآشيم بعد شو .
المس : سكتي انتي محد كلمـج . وانتي ياخوله جدامي يالله .
خوله " هيين يآ ندى ، انا اراويج يابنت الـ ** " .
" عنـد ندى " .

ندى : مس زين برجع الكلاس بمتحن هنـاك .
المس : لا حبيبتي انتي بتمتحنين هنـي ، من اليوم و لين آخر يوم امتحانات .
ندى : ياربيه . . .
" وكملت امتحآني فهاللجنـه الميته ، اللي كافيها إلا 4 بنـات .. و الغرفه بآرده ومملـه و هآديه زياده عن اللزوم .. مآنسمع إلا صوت السآعـه ، تميت أكتب و أكتب لين مآخلصت الامتحآن ، حطيت رآسي ع الطاوله ورقدت . .لين مآنقزت ع صوت الجرس .. سلمت ورقتي ووقعت و طلعت " .

خليفه : يا حلوه ! تعالي .
ندى : نعم ؟ والدريول وين ؟
خليفه : ههه خبرج عتيج ! الدريول بح ، رآح .
ندى : رآح ؟ كيف ؟
خليفه : مب جنج وآيد ترمسين .. يالله فكيني بوصلج ..
ندى : يآربيه . .
" وركبت مع خليف السخيف ….. لين مآوصلت البيت .. كآنت زينب فالصاله قآعده ع الارض وتصيح و تصآرخ "

زينب : آآه ، أنــا السبب ، انا السبب .
ندى "ركضت لـ صوبها" : شفييج زينب ؟
زينب : أخوي يآ ندى …. عق ديون الدنيا كلها ع ابوج . . "وكملت صيآح " .
ندى : زينب شو تقولين مافهمت شي .. اي ديون ؟ زينب عادي ابوي عنده فلوس يروم يسدد .
زينب : شو يسدد ياندى .. ابوج يطآلبونه 55 مليون ، من وين بيبهم ياندى .. ندى رحننـا فيها .
ندى : 55 مليون !!!!!! كييف ..؟ "وتذكرت يوم زينب خبرتها ان اخوها عنده توكيل عآم .. ويقدر يتصرف ع كيفه فالشركه ويكتب جيكـات ويسوي معآملآت وصفقـات ! ".
زينب"تصآرخ" : يييآنندى .. خلاص أبوج بيطلقني .. وبينسجن بعد .. اخوي خخرب كل شي ياندى .. كل شي .
ندى " كـان الخبر يصعق .. يعني احين نحن ع الحديده ؟ ابوي عليه دين كبير ؟ … ركضت لـ غرفتي وخليت زينب المسكينه .. شكله ابوي كنسل الدريول وبآع سيآرته .. وشكله بيبيع كل شي .. أأخ خل ادق لـ رشود .. "

رآشد : هلا والله .. بالقممر اللي استقبلتني فالمطآر .
ندى : كحح . . اهلين .
رآشد : شفيه صوتج يَ قلبي .. فيج شي ؟
ندى : مآعرف شـ اقولك يآرآشد .
رآشد : حبيبتي ققولي .. انا أخوج .. !
ندى : رآآشد .. أبوي طآيح فـ مشكله كبيره .
رآشد : مشكلة شو ؟
ندى " خبرتـه السآلفه " .
رآشد : لاحول ولاقوة إلا بالله .. شنسوي احين .
ندى : عن نفسي .. بعطيه من ورث امي .
راشد : ياويلج يا سوآد ليلج لو سويتيها !!!
ندى : ليش يارآشد !! لازم اساعد ابوي .
رآشد : اممي لو كآنت موجوده ، جآن عمرها مابترضى … هالفلوس ياندى حققج خليها بتفيدج انتي .. ابوي خله ترآه يعرف يتصرف .
ندى : ماقدر يارآشد لازم اسساعده !
رآشد : ندى ! طلعي من الموضوع .. يعني حتى لو دفعتي هـا حتى مابيي ربع المبلغ .. وابوي جي ولا جي بينسجن ! خله يمكنن يتأدب لا تضيعيين فلوسج ع الفاضي .
ندى : يا قسى قلبك يا راشد !
راشد : ندى .. حبيبتي .. لمصلحتج .. دخيلج سمعي الكلام … ولاتخلين هالموضوع يأثر ع دراستج .. ماعليج ابوي بيتصرف ياما طآح بـ ازمآت ومشآكل وطلع منها .
ندى : . .
رآشد : حبيبتي ندى فكري صح .. واحين يالله خل عنج درسي حق امتحآنآتج احسنلج .
ندى : إن شاء الله .
رآشد : يالله حبيبتي بالتوفيق يابعدهم .
ندى : زين يالله بيبآي .
رآشد : هييه صح لحظه لحظه .
ندى : شفيك ؟
رآشد : همم هذيج ربيعتج .. سآره آخت حمدان .
ندى : شفيها ؟
رآشد : همم مآشي بس شحآلهآ .
ندى : ماعرف من زمان ماكلمتهـا .
رآشد : اففآ ليش !
ندى : ماشي لاتهتم .
رآشد : كلميها زين تراها ربيعتج .
ندى : زين بشوف ، بس غريبه ليش تسأل عنها ؟
رآشد : هآه ؟ بس جي .
ندى : هه ، هيه صدقت ..
رآشد : ايييه ندوي .. يالله باي باي ، درسي .
ندى : هههه زين حبيبي بيباي .

..

" سكرت التلفون .. وسمعت صوب أبوي تحت يصآرخ ركضت عشان اتسمع فـ سمعته يقول ( أنتي السبب ياللي ماتخآفين ربج ، أنتي طالق ، طالق ، طالق .. يالحرآميـه ، يالنصآبه .. شلي ولدج وطلعي برع بيتي يالله ) .. يآحرآم ، زينب ماتستآهل ، وبعدين اي ولد يقصد - خليفه ؟ اوك وميره وسيف شو بيصيرلهم ؟"

- - -

" وبعد سسآعه … بدأ الودآع ! زينب وخليفه شآلين شنطهم وبيروحون وابوي كآن رآفض رفض تآم انها تشل ميره وسيف ".
بو رآشد : لحظه لحظه .." وإلتفت لـ زينب" انتي هآتي ذهبج كله وكل شي غالي اشتريتلج اياه ! وسويج سيآرتج ! "وإلتفت لـ خليفه " وانت بعد هآت سويجك !
خليفه : بـ ـ س ؟
بورآشد : السيآرآت بإسم منو ؟ بإسمي .
بفلوس منو ؟ بفلوسي ! لا بسس ولا غيره يالله .
خليفه : ونحن كيف نروح ؟
بورآشد : في شي اسمه تكسي .. ولا تبون اطلبلكم وآحد .
خليفه : !! .. "مد سويجه لإبوي .. وبعدها ابوي رآح ورآ زينب عسب تعطيه ذهبها وكل شي عندها ، يعني مآتم غيري انا وخليفه " .

ندى : شفيك اتطالعنني !
خليفه : ماشي ياندى .. بس ماعليه يابنت أبوج انا اراويج انتي وابوج …
ندى : بس خليفه انا مايخصني باللي صآر .
خليفه : كله من تحت رآسج ادري اصلن انتي تتمنين اليوم اللي ابوج يطلق فيه امي .. قلبج اسود وتكرهينها .
ندى : لالا خليفه ها كان قبل والله .. احين اعتبرها نفس امي .
خليفه : ايي قصي علي .. تراني اعرف سوالفج ومايمشي علي هالتمثيل .
ندى : خليففه ؟
خليفه : انجلعي زين ! "واتطالع امه اللي كانت يايه" يالله اميي نحن مالنا مكان هني .
زينب"حضنت ندى" : يابنيتي ماوصيج ع ميره وسيف .
ندى"دمعت عيني " : يعني مابترجعين ؟
زينب : ماعليج بيي يوم وبيرجع المآي لمجرآه . . بس دخيلج تحملي ع عيالي انتي تدرين انهم يمكن حتى يحبونج اكثر مني … ديري بالج عليهم .
ندى"ابتسمت وسط الدموع .. اكره لحظات الودآع ! " : بسس انتي امهم ، انتي غير ..
زينب : ماعليه احين المهمه لج ! ادري انج كبيره وقدها .
ندى : ان شاءالله ..

" ورآحوآ ! بهالبسآطه .. ابوي حتى ماكلف ع عمره و ودعهم ، او حتى ماسألهم وين بيروحون ! الله يسآمحك يا ابوي … "

- - -

" رجعت لـ غرفتي عشـان ادرس ، خلاص تعبت .. كل ها فـ يوم وآآحد ؟! الله يعيين …. شوي إلا اسمع اصوآت فالصآله فـ نزلت "

.. : ماشاء الله تبارك الرحمن البيت حده كبير .
- - : ايي والاثاث .. جنه قصر مب بيت .
بورآشد : خلاص نقول مبروك ؟
.. : مادري بنتشاور وبنرد عليكم خبر .
بورآشد : زين حبوبي ، بس دخيلك ابي ابيعه خلال هاليومين .
.. : ماعليه ان شاء الله خير .
" ورآحوآ " .
" ركضت تحت لأبوي " : يبا من صجك بتبيع البيت ، ونحن ؟
بورآشد : نحن ؟ ترآ مافيها نحن ياندى . . كلنا إلا 4 .. عادي أي شقه صغيره بتكفينا .
ندى : لي متى يا يبا !
بورآشد : لين ما اموت !
ندى : بسم الله عليك يابوي .
بورآشد"بسخريه" : وطبعـًا ها لو مآ انسجنت قبلها .
ندى : لا يبا ان شاء الله بتسدد ديونك .
بورآشد : روحي روحي يايما شعرفج فهالامور .. كملي دروسج احسنلج .
ندى"اتطالعته بـ نظره ، وبعدها رحت للملحق .. مكان ما ميره وسيف دايمـًا يلعبون " .
ميره : نندى وينها ماما.. كل يوم اتي عندنا.
سيف : ايي صح اليوم مايت .
ندى"ياهي وهقه" : حبيبي ماماتك سآفرت .
ميره : سافرت ؟ هي ماقالت انها بتسافر .
سيف : اصلن هي قالت لو بنسآفر ، بنروح كلنـا ، هي مابتروح بروحها .
ندى : لآ حبيبي هي قالتلي ويا الدوآم يومين وترجع .
ميره : يعني ما بتتأخر . ؟
ندى : لا حبيبتي ..
سيف : الحمدلله .. لأن هي قالت فهالاجازه بنسافر .
ندى : صج ؟ وين بنروح .
ميره : هي قالت بنسوي مفاجأه لـ ندى ، و بنوديها تركيا !
ندى" ي قلبي يا زينب ؟ تركيا ؟ صج وناسه .. بس احين مآشي فلوس .. ولا زينب ! :( "
سيف : ننندى .. نكلمج نحن ؟
ندى : ها ؟ شو قلتوآ .
ميره : نقولج هناك برد ولآ .
ندى : اييي .. هناك عادي حلو الجو .. وفيي ثلج بعد .
ميره : اللآه صج .
ندى : اييي يوم بنروح برآويكم .
سيف : وناسسه ..
ندى : يالله احين بروح ادرس .. وانتوآ قعدوآ لعبوآ .

" ورححت ، ادرس .. لين مآتعبت و نمت . . وقمت اليوم الثآني … نزلت تريقت و بعدها … وين ابوي ؟ اوففف شيت محد يوصلني ! شسوي اللحين ! خل اشوف بنات الشله ….. كلهم فوناتهم مسكره ! ايي فالسكول اكيد مسكره .. مالي حد .. اوفف .. ايي صح حمدآن ! "

- عنـد حمدآن -

حمدآن : أأخ .. من متصل هالحزه مايخلون الوآحد يننآم ويتهنى بإجازته .. "و رد ع ندى "
ندى : ألوو حمدآن !
حمدآن"بصوت كله نوم" : هللأآ .. منو ؟
ندى : شدعوه ماعرفتني انا ندى !
حمدآن"نقز من سمع إسمها" : نَدى !!! اوه ندى ليش متصله هالحزه .
ندى : همم ماعرف شو اقولك .. بس انت قلتلي انك نفس اخوي الكبير وادقلك لو عندي مشكله او محتآيه شي .
حمدآن : ايي فديتج .. قولي شتبين .. تحت امرج انا !
ندى : همم .. تروم توصلني المدرسه ؟ تدري عندي امتحان ومحد يوصلني .
حمدآن : افا عليج .. اكيد اقدر .. كم ندى عندي .
ندى : تسلم حمدآن ، مشكور وايد .

" كلهـا دقآيق ووصل حمدآن ، شكله ياي طيرآن ! المهم ركبت فالسيت اللي ورآ .. والحمدلله حمدآن مآقال شي .. و فالطريج حب يكسر حاجز الصمت "
حمدآن : وينه دريولكم اكيد رآقد ها ههه ؟
ندى : همم لا .. بس ابوي كنسله .
حمدآن : ليش ؟
ندى"مآيحتآي اخبره اللي صآر " : بس جي .
حمدآن : اوه .. زين منو بيوصلج كل يوم .
ندى : بدبر عمري ماعليه .
حمدآن : تبيني اوصلج كل يوم ؟
ندى : لالا ماله داعي حمدآن .
حمدآن"يتطآلعها من المنظره" : ولو ، لأجل عينج كل شي يصير !
ندى"احمرت" : حمدآن !
حمدآن : زين سوري .. يالله سسمو الشيخه وصلنا .
ندى: مششكور وآيد .
حمدآن : العففو . . وبالتوفيق .
ندى"نزلـت ،و يا حلات الصدف ! هه .. خوله كانت توها يايه واخوها موصلنا وشافني يوم كنت مع حمدآن .. ع طول حضرته نزل ويا يكلمني "

مايد : ندى منو هذا ؟
ندى : ممايد .. البنات كلهم يتطالعونا !!!!
مايد : مايهمني .. ياندى تكلمي ويا منو كنتي .
ندى : هآ ؟ ماشي ولد جيرآنآ … لان شاف ان محد يوصلني فـ قالي بيوصلني عشان مايروح علي الامتحآن .. ووو حتى اانا قعدت ورا وماتكلمت معاه ابد .
مايد : وانا ياندى وين رحت ؟!
ندى : مايد ؟ عيب .
مايد : شو العيب ؟ خلاص كل يوم انا بوصلج .. ترا الا انتي واختي فـ نفس المدرسه .. عادي كل يوم بتروحين وتردين معانا .
ندى "اوفف عاد من زود ماحب اختك " .
مايد : ها شوقلتي ؟
ندى " شفت البنات كلهم يتطالعونآ ،وامون مرت وعطتني نظرره كرهتني فـ عمري وخوله واقفه مع ربيعاتها وتأشر علي ، فـ قلت لمايد عشان اصرفه " : خلاص اوك اتفقنا .
مايد : يالله غنـاتي بالتوفيق .

"ورآح مآيد بيرجع لـ سيارته وشاف حمدان يتطالعه " .

حمدان : انت شفيك مع البنت .
مايد : خطيبتي وكيفي انت اللي شفيك ؟!
حمدان : خطيبتك ؟
مايد : ايي ان شاء الله ! يعني انت اللي مايخصك فالسالفه . "ورآح عنه" .

- - - - - - -

ندى : بنآت شفتوآ امون ؟
عليا : مادري .. ليش شصآير ؟
ندى : ماشي بس مايد اخو خوله كان يكلمني وهي مرت وعطتني نظره .
رنا : همم جنه بتحصلينها تحت الدري .
ندى : اوك ،، بروحلها .
" ورحت تحت الدري ، شفتها متسآنده ع اليدار وقاعده بروحهـا ، قعدت مجآبلتنها " .
ندى : امون شفيج .؟
امون : تحريت تحبين واحد ! بس ماشاء الله ولد عمتج .. واخو خوله .. واللي وصلج ! منو بعد ؟
ندى : امون خليني افهمج .
امون : شو تفهميني ؟ إنج طلعتي راعيه شباب ؟ لا بعد وآيدين مب واحد .
ندى : امون والله … هذاك اللي كان معاي ولد جيرانا ووصلني .. اما مايد اخو خوله فـ هو ع اساس خاطبني .
امون : يامكثر اكآذيبج ياندى .. قصه ورآ قصه .. ماتشبعني ؟ مب كفايه لعبتي بـ قلبي ؟
ندى : لعبت بـ قلبج ؟ بس انا ماسويتت شي !
امون : الله يسآمحج ياندى ! الله يسآمحج . "وقآمت ورآحت .. وخلتني فـ حيرتي " .

- وبعدهـا رن الجرس وانا رايحـه لـ القآعه مريت ع خوله وربيعاتها -

خوله : اوه بنات طآعوآ اكييه رآعية الشباب يت ..
ميعاد : هههه ابد مايليق عليها ويه البريئه .
خوله : ايي والله .
"يتهم من بعيد " .
امون : انتوآ اييه شفيكم ع البنيه .
خوله : اوه حتى انتي منخدعه فيها .
امون : انتي جب ومايخصج فيها "إلتفتت لـ ندى" وانتي روحي لـ قآعتج يالله .
ندى : إنـز إنزين . . "ورحت لـ قآعتي .. ياربيييه احين امون شتبي مني .. انا ربيعتهااا ! ماتوقعت ان لها مشآعر نحوي .. وبعدين انا مب لزبيآن عشان تحبني … !! اوفف انا الغبيه اللي مآشيت هالشله شكلهم كلهم جي وانا نفس الهبله بينهم ماعليه بتفاهم معاهم عقب الامتحان خل احط حد لعلاقتي معاهم و خلني مع ساروه احسنلي نفس ماقال اخوي رآشد ..…. "


نهــايـه البآرت الثآني و عشـرون .
اتمنـى ان ينال إعجابكم .
وبإنتظآر تعليقآتكم و أرآئكم .

حبآيبي متآبيعيني ، ع رآسي والله .
اهم شي عندي رضآكم .. :$

مشكوره على البارت وايد
البارت ولا اروووع😍

ررررررروووووعــة كملي !!