ويييين البارت بطيتي علينا واايد

البــــــــــارت الـــوآحد و عشــرون .

- عنـد ندى -

ندى : وآو هالألعاب العدله ، مب مال دبي مول ، ألعاب يهالوه .
ميره : بس ندى لازم نلعبهم كلهم .
ندى : منن عيونيي .
سيف : اوففف زححمه كيف نلعبهم.
ندى : ماعلييه بطوفكم افا عليكم .
سيف : بنشوف يالخطيره .
ندى : هههه زين زين .. يا أطفال إلحققوني .

" ندى ؛ صرت امشي فالطابور واقوللهم ، - لوسمحتوآ شوي مستعيلين ومآدري شو ، وعاد الشباب من يشوفون بنيه يطوفونها …. و بدينـا نلعب تقريبـًا لعبنـا كل الألعاب و مآكنت ادري بالعيون اللي ترآقبببنـا "

- - - - - - - -


ندى ؛ نزلت من آخر لعبه ، كنت اترنح بمشيتي ، تعبت واللعبه اتدور بالرآس .. كنت مآسكـه ميره بـ إيد ، و إيدي الثانيه مآسكـه سيف وكآن شكلي تقريبـًـا مبهدل فـ كنا سآيرين لـ جهه الحممام عسب اتعدل .. كآنت خصلات من شعري طآيحه وطآلعه من تحت الشيله ، شكلها شبآصتي انكسرت بسبت هاللعبه ! .. و فجأه طلع فـ ويهنا خليفه و ربعـه .

نهيان : اوه خليف مب جنهم هذيل اخوانك الصغآر ؟ "وبعد ما دقق النظر" واو يايبيلهم بيبي ستر روسيه ؟
خليفه "ضربه ع جتفه" : ياحممآر هذي اختي من ابوي .
ميره"من شآفت اخوها رآحت ركض لـ عنده وحضنته، اما ندى تمت واقفه بعيد مع سيف" : خليييفه اننت ماقلت انك بتيي .
خليفه : حبيبتي مياري ، شـ يايبنكم هني ؟ ليكون يايين بروحكم مع ندى ؟
ميره : لا يايين مع عمتي ام سعيد .
احمد"عقب مآخلص من تفحص ندى بـ عينه إلتفت لـ ميره " : حبيبتي هالصغيرونه .. لاتلعوزون ندى وايد .
خليفه : احمد ؟
احمد : ليش قلت شي غلط ؟
ميره"ضحكت" : أصلن نحن مانلعوزها بس شوي .
احمد : لآ ياقلبي لاتلعوزنها حليلها ماتستاهل .
ميره : انزين ..
خليفه : زين حبيبتي روحي عند ندى ... احين انا وياربعي ، وماعليج من كلام احمد ، لعوزوها قد ماتقدرون.

" خلوف ؟ صج شرير " .

ندى : اوف ، ميروه كم مرره اقولج لاتروحين عند حد وتخليني .
ميره : زين آسفه بس ها خليفه مب حد .
ندى : زين كان مع ربعه ! زين جي خليتي الشباب يتطالعونا .
ميره : انزين خلاص خلاص آخر مره .
ندى : يالله طولج يآروح .

" ورحنـا ، بعيد عن الألـعآب ... من التعب اللي فينـا . خذنا تكسي ورجعنا للفندق ، و أول مآدخلت الغرفـه "

ندى : شييييت نسييت !!
سيف وميره : شو ؟
ندى : عممممتي !!
سيف : اوييه ، حتى انا .
ميره : وانا بعد نسييت ان رحنا معاها .
ندى : اوفف اكيد اححين بتعصب .

" وعنـد الألعآب "


ام سعيد : وينهم ماتشوفينهم ؟
فاطمه : مآدري .. زحمه هني وين بنحصلهم .
ام سعيد : اوف ياندى .. متى بتودرين عنج حركات اليهال هذي .
فاطمه : آممي دقيلهم احسن .. من ساعه ونحن ندور .
ام سعيد : زين زين . " واتصلت لـ ندى "

ندى : ألـو ؟ عممتي والله آسسفه .
ام سعيد : وينج انتي ؟ ليش شـ مسويه بعد .
ندى : نسسييت ان يينا معاج ورجعت بتكسي .
ام سعيد : رجعتي بتكسي ؟ انتي كيف تجرئين أصلن ؟ لا وبعد ساحبه اليهال معاج .
ندى "اوفف احين شو يفهمها" : عممتي والله مانقصصصد بس رآسي كان مفتر ونسيت .
ام سعيد : زين جي مخلتنا ساعه نحوس وندورج واخرتها انتي متفيزره وراده بتكسي ؟
ندى : اسسسفه والله ، اخخر مره .
ام سعيد : آآه ، يارب عونك ! خلاص احيين بنيكم الفندق .
ندى : ليش ؟
ام سعيد : ع بالج بنخليكم بروحكم عشان تطلعين ب مصيبه ثانيه .
ندى"اوفف" : زين زين.

- وفالفندق ، بعد مايت العمـه -

ام سعيد : سييف شو اتطالع شهالمصاخه .!
سيف : عمتي ها فلللم ! فاست اند فيورست مال سيايير .
ام سعيد : شو ها كله مفاصيخ عيب بعدكم صغار .
سيف : عمممتي . . خليه حللو .
ام سعيد " شلت الريموت وغيرت القناه " .
ندى : بسس ؟ كنا مندمجين .
ام سعيد : عيب عليج تخلينهم يشوفون هالاشياء .
ندى " اوفف ! "
" و بعد سآعـات من مجآبل عمتي اللي مب مخلتنا نتنفس حتى اليهال لاعت جبدهم وراحوآ يرقدون .. رجعت زينب و ابوي . . . "

زينب : ها استآنستوآ ؟
ندى"بضجر وهي تطالع عمتها" :ايي وايد .
زينب : ان شاء الله دوم ، إلا وينهم ميره وسيف ؟
ندى : رآحوآ ينامون .
زينب : غريبه ! ماحيدهم ينامون هالحزه دوم يسهرون ع الافلام .
ندى : اييه ماعليه ناموآ بفضل عمتي !!
ام سعيد "تتحرآ ندى تمدحهـا " : ايي والله ، محد مخربهم غير هالافلام ، زين خليتهم يرقدون .
ندى " طع ، مصدقه عمرها ؟! اوف ندى عيب عليج مهما يكون هاي عمتج"
ام سعيد : إلا وينه بورآشد .
زينب : مدري توه كآن ورآي ! شكله دخل يرقد .
ام سعيد : اها ، زين عيل استأذن انا .
زينب : لا وين تو الناس .
ام سعيد : بخليكم ترقدون حبيبتي و بروح اجابل بيتي وريلي .
ندى " وأخيرًأ " .
فاطمه : يمما عادي ارقد مع ندى . "وإلتفتت لـ ندى بـ نظرات رجا"
ندى"انصعقت و فخاطرها تقول هاللي ناقص؟!"
ام سعيد : لا يا يما ..
ندى "ماقدرت ع نظرات فاطمه لها ": لا عادي عمتي خلها ترقد وياي .
ام سعيد : بس ماشي مكان وين بترقد .
ندى : لا ماعليه الغرفه كبيره وتكفي .
ام سعيد : زين عيل .

" ورآحت ام سعيد وتركتلي البلوه بنتها ، احين كيف اتصرف ؟ مب ع اساس اطلع مع امون آخر اللليل ؟ اوف خل ادقلها واخبرها. "

امون"تصآرخ" : ششو تقولين يعني مابتطلعين ؟
ندى"بصوت وآطي" : شسوي بنت عمي بترقد عندي .
امون : اوفف زين هاتيها معانا .
ندى "بصوت وآطي " : لا وين ، هذي مطوعه ومتدينه وكل شي اصلن شكلها من تحت لي تحت ..
امون : اوف مآداني هالنوعيه من البنات المعقدات .
ندى"بصوت وآطي" : ايي حتى انا بس شسوي .. الله يصبرني .
امون : زين جوفيي .. حاولي تطلعين من الغرفه ولو نشبتلج .. شليها معاج .
ندى : اوك ..

" ندى ؛ كآنت غرفتنا انا وفاطمه منفصله عن باقي الغرف ، وكانت اكبر الغرف .. لأن ميره وسيف معاي .. إلتفتت لـ فاطمه اللي تلعب بـ الفون "

ندى : مابترقدين ؟
فاطمه "تطالع الساعه اللي تشير لـ 12 " : لا وين تو الناس .
ندى "ماشي حل الا اشلها": زين شرايج نطلع .
فاطمه : هالحزه ؟ الوقت متأخر .
ندى"توه تقول تو الناس ؟ " : هآآ .. لا بس فالفندق مابنروح بعيد .
فاطمه : والله فكره نغير جو .
ندى : يعني بتين ؟
فاطمه : ايي اكيد .

" لبسـنـا و طلعنـا ، وتلاقينا مع امون "

فاطمه :ماقلتيلي ربيعتج بتي !
ندى : هأ ؟ اصلن برحي ماكنت اعرف .
امون "تسلك معاهم" : اوه والله صدفه ياندى شفتي كيف .
ندى : ايي فديتج والله .
"و رآحوآ يمشون "
امون"تهمس لـ ندى" : ترآهآ جميله .. يعني بالنسبه لـ وحده معقده .
ندى"تهمسلها" : ههه ايي ماشاء اللله عليها حليوه فطوم .
فاطمه"نطتلهم" : ترا سمعت اسمي !
ندى : ها .. لا نقول انج حليوه وجي .
فاطمه"احمرت خدودها": عيونج الاحلى .
امون"تطالع ندى" : ترا لازم نخبرها .
ندى: نخبرها شو ؟ لالا عيب .
فاطمه : تخبروني ؟ عادي قولوا اللي عندكم !
امون : كح .. نقول انج وايد متستره ومتدينه وجي !
فاطمه"مب فاهمه قصدهم" : كيف يعني ؟!
امون : همم يعني من هاييل اللي كل شي عندهم حرام وعيب .
فاطمه : لابسم الله علي انا مب نفسيه لهالدرجه !
ندى"بإستغراب" : وامممسس ؟
فاطمه"منحرجه" : هآ .. لا بس جدام اممي و اهلي.. لان تدرون ابوي وآيد مشدد ، واخواني بعد .
ندى : سعيد و سعود ؟ شحلاتهم هذيل طيبين .
فاطمه : لا والله .. علي انا اختهم وايد مشددين وعصبيين ..
ندى : اوف ماحب اللي جي مع خواتهم ..
فاطمه : ماعليه .. برايهم ، بعرس وبفتك .
امون : هههه ايي كفو عليج . تعالي تعالي بوديج جي بي آر ي قلبي .
ندى : اممون ؟ بتخربين البنيه .
فاطمه : هههه .. عادي ترا احب جي بي آر .
ندى : صج بسيرون ؟ ترا ودي اشوفه .
امون : افا عليج دام امون موجوده مابيتم شي فـ خاطرج .


" وخذنـا تكسي ورحنـا لـ جي بي آر ، اللي كآن زحححمه و نآس من كل دول العآلم . . بس أكثرهم خليجين .. "

ندى : وآو ، كل الكوفيات هني .
امون"غمزتلها" : نضبطج نحن افا عليج .
ندى : خخاطري ستآربكس .
امون : آه ياندى ويا هالستآربكس ، سآحرنج شو ؟
ندى : ههه والله احببه ..
فاطمه : زين خلاص انا بعد باخذلي .
امون : زين زين طوفوآ ياقوم الستآربكس .
فاطمه"آختآرت طآوله من الطآولات اللي برع " : خل نقعد هني .
امون "تطالع الطآوله كانت جي يعني مطله ع الشآرع " : اوه والله مكان استرآتيجي ، جي بنشوفف كل حد ههه . .
ندى : زين شرآيكم اروح اطلب وانتوآ تحجزون المكان .
امون : خلاص تم .
ندى : شتبون اطلبلكم . ؟
امون : همم نفسج .
ندى : وانتي فطوم ؟
فاطمه : مادري ، هاتيلي اي شي حآر .
ندى : اوك .
" ودخلت ستآربكس و طلبت اثنين وآيت موكآ مع ثلج لي و لأمون ، وكآفي لآتيه حآر لـ فطوم . . و آنـا طالعه قلت خل اودي الحار اول لفطوم وبعدين ارجع اخذ البآقي .. دعمت وآحد و انصب عليه شوي من الكوفي .. وصررخ صرخـه .. رفعت عيني انصصدمت .. سعود ؟؟؟ "

سعود"قبل لا يرفع عينه" : وجججع الله ياخذج حرقتيني عممميآ شو ؟ " وانصصدم من شآف عينها تلمع بالدموع .. هالعيون العسليه ؟ " نننننندى !! " مآعرف أحن لها ، ولا اعصب و اصارخ ؟ وضآع بين كومة المشآعر" .
ندى"طلعت كلنكس معطر من شنطتها وقعدت تمسح كندوره سعود-ع صدره" : سععود آسفه مب قصدي .
سعود : ..
ندى : سععود والله مآشففتك ووكنت مستعيله . سعود لآتم سآكت دخيلك قول شي .
سعود : شو أقولج ياندى ؟ هالحزه يايه ستآربكس يالصآيعه ؟
ندى"انصدمت" : سعععود ! يايه مع ربيعاتي وبعدين مب قصدنا شي .
سعود : ربيعاتج ها ؟ "وطل من الزجاج يتطالعهم و انصدم يوم شآف اخته وصصرخ " يالللييي ماتستحيين ساحببه اختي معاج يالصآيععه !!!
ندى : سسسعود اعصصآبك !! الله يخليك .
سعود : مالييي كلام وياج . "وطلع سحب اخته من شعرها" .
فاطممه"وسط الدموع": سعععود هدددني .. النناس يتطالعون ..
سعود : ممآني هآدج لين مآنوصل السياره .. وحسآبج معاي فالبيت .
ندى"إلتفتت لأمون" : انا لآآآزم ألحققهم !
امون : انا اراويه اصلن مابسكتله .
ندى : لالا ، لاتكبرين الموضوع هذا اخوها . . خلاص انا بلحقهم .
امون : اوك بيبي تحملي بعمرج . !
ندى " ركضت ورآ سعود و فطوم اللي وصلوآ لسيآرتهم ""
سعود "يتطالع ندى": نعععم انتي وين يايه ؟
ندى : سعود فطييم مايخصها .
سعود : انتي اللي مايخصج ، والله اختي وكيفي !
ندى : سععود اسمعني . !
سعود"إلتفت لـ فاطمه" : انتي ركبي السياره .
فاطمه"ركبت بدون مآتقول ولآكلمه"
ندى : سععود صببر ..
سعود"إلتفتلها ، وطآحت عينه بعينهآ ، يالله ياسعود للحين مآتقدر تقآوم سحرها ؟" : شتبين ؟
ندى"مسكت ايده بترجي ودموعها بدت تسيل" : سعععود دخيلك لآتسويلها شي ، هيي مايخصها ، يت عشان ترقد عندي و بس انا اللي قلتلها خل نطلع .. انا الغلطانه ...
سعود"متكهرب من لمسسـة ندى .. من ايدها اللي مآسكتنه تلخبطت مشآعره وماعرف شو يقول .. وخصيصـًـا عقب مآشآف دموعها وخشمها المحمر .. صآر ضعيف جدامهأ .. وين رجولتك ياسعود ؟ ويين .. و لا إرآدي حط ايدينه ورآ ظهرها و قربها لـ صدره .. بكل بسآطه حضنهـا .. و ايده تربت ع ظهرها وهو يحآول يوقف دموعهـا " . .
ندى"بتوتر" : سـ سعود .. "وحآولت توخره ، بس حضنه كان أقوى منها" .
سعود : نندى .. ماتحمل أشوف دموعج .. خلاص "وخرها عنه .. وحط ايدينه ع جتفها . . وحط عينه بعينها" حصل خير ماصار شي .
ندى "ابتسمت بخجل وهي مب عارفه شـ تقول .. وآخيرًآ ؟ سعود رد طيب معاها نفس قبل رجع يحبها ؟ " .
سعود"يتطالع كندورته مكآن صدره ... مكآن مآندى حطت رآسها يوم حضنها " .
ندى : اوه .. سوري بالأول جبيت عليك كوفي و احين خيستك بدموعي"وضحكت" شوية جحآل ..
سعود : وي عآد احين الوالده شو بيفهمها .. هآ اذا دخلتني البيت .
ندى"ضحكت بـعفويه وبعدها قالت " : انا آسفه .
سعود : انا اللي آسف .. اللي صآر كآن لآ إرآدي .
ندى " لآ إرآدي ؟ حضنك الدافي ؟ "
سعود"مستغرب من سكوتها" : فـ شو تفكريين ؟!
ندى : هآ ! لا ماشي ماشي .. اوه فطيم نسيتها فالسياره ..
سعود : اوه صح .. يالله بروح .
ندى : زين بلييييز لاتسويلها شي !
سعود : ي قلبي ع هالطيبه اللي بقلبج ! زين خلاص حصل خير ! هالمره عشانج بس .
ندى"ابتسمت بـ راحه" : مشكور سعود .
سعود : اوه ندى كيف بتردين ؟
ندى : تكسي !
سعود : تتحرين بخليج ! ركبي ركبي لا اضربج احين .
ندى"خآفت من حزمه و ركبت " .
سعود"ضحك عليها فـ داخله و حآول مآيبين ضعفه مره ثانيه ".

- وصلهـا للفندق .. و رآحت للـغرفـه ، و الصدمه انها رجعت فـ نفس الوقت الللي خليفه رآجع فيه -

خليفه : هالله هالله ، طاع منو اللي توه رآجع ، وين كنتي ياروح امج ؟!
ندى"شيت شو ارقع احين" : مايخصك !
خليفه : وقاصه علينا يازعم شريفه مكه .. وهي شارده من الغرفه بآخر الليل .
ندى : مايخصصك مايخصك . "وركضت تبي تدخل"
خليفه"سحبها وحط عينه بعينها" : سممعي ياندى .. ان ماخليتج تندمين ع صياعتج هذي مآكون انا خليفه .. لاتتحرين اني بسكتلج .
ندى : اوفف وخرر عنـي ، شوف عمرك بالاول .
خليفه : انتي اللي شوفي عمرج . . "وركز اكثر ع ريحتها ، ريحة عطر سعود ! عطره الرجآلي المركز ياللي ريحته مآشي اقوى منها " . . شهالريحه مب جنها عطر رجالي ..
ندى : ممايخصك مايخصك .
خليفه : ترا مابنسآلج هاليوم ياندى .. وتراني مب هالغبي .. هالعطر مستحيل تحطه بنيه …. وشكله اللي فـ بالي صح !
ندى : هددني أوففف .. "ودزته ورآحت "
خليفه : هيين ياندى ! انا اراويج . .


" ندى ؛ دخلت الغرفـه ، وقبل لأ ابدل .. مسكت عبآتي وقعدت اشمههـا .. ياحلات هالريححه ! وعآني من سرحآني صوت مسج من فاطمـه "


فاطمه "كآتبه": أوه .. طلعتوآ عشـاق .

" ندى ؛ شيت شكلها شاففت .. وي اكيد فهمت غلط !! اصلن نعم مبين كل شي .. يعني اي وحده تشوف اخوها حآضن وحده بتفكر فـ نفس الشي .. شـ ارقع احين ، رديت عليهـا بـ "

ندى"كتبت" : ههه .. ترآ بالغلط .

فاطمه " كتبت" : مبين .. حرككآت ها ندوي .. أصلن كنت اعرف من قبل بس توني تأكدت .

ندى"تبي تغير الموضوع " : إلا سعود ماقالج شي ؟

فاطمه"كتبت" : وين يقولي شي وحبيبة قلبه توسطتلي عنده .

ندى"كتبت" : هههه خلاص فطيم ترا استحي جي .

فاطمه"كتبت" : يالله يآربب تفرحونآ انتوآ الاثنين وتكونون من نصيب بعض .. ترا وايد لايقين ع بعض .

ندى"كتبت" : لا وين .. هالشي مستحييل .

فاطمه "كتبت" : ليش يَ قلبي ؟ انتوآ تحبون بعض .. محد يقدر يمنعكم .

ندى"كتبت" : ترآ الأمور معقده اكثر من مآتتخيلين ، ماعليه الله كريم ، انا راضيه بـ اللي الله كاتبه .. المهم حبيبتي بخليج بنام احين .. تصبحين ع خير .

فاطمه"كتبت" : وانتي من اهله حبي .. بس خلي عندج امل انج بتاخذين الشخص اللي تحبينه .



" ندى ؛ فهالليله مآقدرت أنـام .. كآنت الافكآر توديني و اتيبني .. يعني معقوله في امل اخذ سعيد ؟ احين نحن نحب بعض ؟ و حمدان شو موقعه من الإعرآب ترآه يعشقني !! حتى مايد اللي يبيني اكون من نصيبه ؟ أأخ شهالخيارات اللي أحلآهم مر ! ياكيف الوحده تكون محتآره يوم تختآر بين اثنين .. بس انا صرت لازم اختآر بين ثلاث !!! اوفف بعدني صغيره ع هالامور .. بس حتى لو .. السنين تممر بـ غمضه عين .. لازم اقرر من احين .. لازم أختآر وآحد و آدآفع عن حبي لـه و اسوي المستحيل عشان يكون من نصيبي .. أوك حمممدان يعرفني من زمان .. و اسرآري كلها كانت عنده و يعرف عني كل شي و فاهم شخصيتي اكثر من اي حد ثاننني .. و سعود ولد عممي اللي حبني من أول نظره و صرت آستآننس يوم اشوفه .. و أرتآح من اسمع صوته .. و مآيد ؟ الشآب اللي انغرمت بـ جماله و تفآجئت من عرفت انه خطبني وشكله جآد فـ علاقتنـا … يالله شسوي ! استسلم للوآقع ؟ ولآ ؟ ! "

- - - -

" و فـ صبآح يوم السبت . . . . كنـا فـ بوظبي ، أدرس لإمتحآنات الفصل الثآلث . . . "

بورآشد"دخل ع بنته اللي كانت مندمجه فالدرآسه ومحطيه رآسها بين الاورآق " : شدي حيلج يابنتي بيضي الويه !
ندى " وآو ، ابوي كلمني ؟! من بعد صمت طويل .. رفعت رآسي ابي ارد عليه بسس كآن اسرع مني ،، طلع وسكر الباب ! أخ ان شاء الله يا ابويه ببيض الويه .. قطع علي صوت فوني "

ندى : أوف ماتخلون الواحد يذاكر .
عليا : يالزززلمى قومي بنطلع .
ندى : اييه يالحماره خليني اذاكر .
عليا : يالللله ترا كلنا بنطلع .
ندى : اوففف .. نو وي .. بطلع معاكم فالاجازه .
عليا : اوففف راسج يابس .
ندى : اقولج ويا ويهج قعدي درسي احسن لج .
عليا : أوف مآلي خلق ادرس .. غششيني فالامتحان .
ندى : طع هذي .. نشاده عنج انا .. خسي اغششج .
عليا : حماره نيدو . . زين خلاصص بذاكر .
ندى : الحمدلله واخيرًأ .
عليا : بس مب اللحين ، باجر قبل الامتحان احسن .
ندى : كيفجج بس بتندمين عقب .
عليا : زين زلمكو ، كملي كملي . يا مصطفى انتي .
ندى : اوف علوش ماتعطين ويه .. باي بدرس "وصكيت فـ ويهها " .

-ـ-ـ--ـ-ـ-ـ-ـــ--ــ--ــــــ-----ــــ--ـ-ـ-ـ-


" ندى ؛ كنت أدرس و أدرس .. خلاص محد بيفيدني إلا دراستي ، ع الاقل ابيض الويه ولو مره وحده .. ياما يبت المشاكل والمصآيب .. خل اسوي شي عدل احسنلي … "

خليفه"دخل ع ندى اللي تدرس " : أوه اونج تدرسينن .
ندى : ايي عندك مانع .
خليفه : حبيب القلب يترياج تحت .
ندى : حبيب القلب ؟ منو ؟
خليفه : من كثرهم .. نزلي وبتعرفين .
ندى : اوفف مالت عليك .. " ونزلت وانصدمت بـ مايد " .

\|\|\

مآيد : هلا ندى شحآلج . ؟
ندى"لفيت وقآيتي وبعدها رديت " : تمام وانت ؟
مايد : الحمدلله .
ندى : شـ يايبنك ؟
مايد : شو قصدج ؟
ندى : ماشي بس مستغربـه .
مايد"حط ايده ع جتفها وعينه بـ عينها" : يآي اقولج يـا شطوره .. شدي حيلج و بالتوفيق .
ندى"بغبآء" : هآه ؟
مايد : شدي حيلج فـ الامتحآنآت .
ندى : احين ياي عشان ها ؟
مايد : ياربيه .. اقولج شدي حيلج لأن مجهزلج مفآجأه .
ندى"بغبآء اكثر" : مـفـ مفـاجأه ؟
مايد : يا الله . . ! سمعي . . انت في سوي ينجح .. وانا في يعطي انتي مفاجأه هديه كبير وآجد وآجد .. ها في معلوم احين ؟
ندى : ههههه ايوآآآ احين فهمت .
مايد : ويقولون فيها عرج تركي .. إلا طلعت هنديه البنيه .
ندى"ضربته ع جتفه" : اييييه .. شدراني انت من الصبح تخربط وين افهملك .
مايد : لآ صج صج .. استيعآآآآبج بطييييئ ..

" ندى ؛ مآكآن يدري إنـي منعجبه بـ جماله .. و آموت بنظره عيونـه ! مآكآن يدري ان الحيآ ذآبححني .. و سجآجين تنغرز بـ قلبي .. يآربيه ليش مآخطبني وآحد خسف .. بدل هالـمزيون !! جآن احين مآبفكر فيه هالكثر .. اوفف "

مآيد : ححوو .. اكلمج .
ندى : هاه ؟ شو قلت .
مايد : ياربيه .. امسككي هالجيس ياحظي .. انا بيروح بيتنا ، بيت مال أنا و انتي في يدرس وآجد وآجد .
ندى"ضربته" : اييييه .. خلاص خلاص فهمت يالله روح .
مايد : هههه انزين يالله بيبآي ..

ندى " اترييته لين مآرآح بعدها فتحت الجيس .. كآن من كرسبي كريم مال الدونـات ، كوفي وعلبه دونآت صغيره و مكتوب ـ Good luck babe بيسآعدج عالدرآسه . . " وآو جد شكرًآ مآيد كنت محتآيه شي يهدي اعصآبي طلع طيب ! ..

. .

خليفه : ها شـ يايبلج حبيب القلب ؟!
ندى : مايخصك .
خليفه : ترا بعدكم مآصرتوآ لـ بعض عشان ايي بيتنا .
ندى : جان قلت لعمرك ، انت اللي ناديتني .
خليفه : انتي اللي قايلتله ايي ، ادريبج !
ندى : انا شخصني وبعدين انا حتى ماكلمه .
خليفه : هي قصي علي .. تتحريني بصدقج ياللعيبه .
ندى : اوفف مايخصك فيني ياخي روح .. " ودخلت الغرفـه وصكيت الباب شكله محد فالبيت الا انا وهالعله" .

- - -

"عند خوله أخت مآيد . "

خوله : اوفف لا بعد قال لأمي انهه بيروح يشووف ندى .
ميعاد : صج .؟ وامج شو قالت ؟
خوله : دلوع الماما و ولدها الوحيد وين تقوله لا .
ميعاد : شكلها هالندى مآخذه عقله و قلبه .
خوله : ايي والله ، بس انا اراويها ، ان ماخليته يكرهها كره العمى مآكون انا خوله .
ميعاد : كيف ؟
خوله : بخبرج عقب افا عليج .. احين ببند ببرشم حق الامتحان .
ميعاد : اوه ، تكفين حبيبتييي خولوه برشميلي وياج .
خوله : يالله منآك ، نفسي أولًأ !
ميعاد : هآ .. وقت الحاجه بس اتين .
خوله : إنجلعي زين .. خلاص ببرشملج درس وآحد بس .
ميعاد : ايي جي تعجبيني ..
خوله : زين يالله بيبآي .
ميعاد : بيبآي .




نهــايـه البآرت الوآحد و عشـرون .
اتمنـى ان ينال إعجابكم .
وبإنتظآر تعليقآتكم و أرآئكم .

البارت وايد حلو

☺️

عجججججييب البارت روووعة 😍😍 تسلميييين فديتج
وف انتظار التكملة