منتدى استراحات زايد - روآيـۃ فـآرقنـي اڷڪڷآم . . ♥!*

•ι[» اڷبـآإرت الـرآبـع «]ι•

( الشوقَ ) ﺎبد - ماالہ دواا . .*
صبرت وصبري : مَ نفع !!
.. الــبااب / لااهزه هواا
فزيتَ وقلت - ﺎنہ رجع♥

.

₪

.

حطيت ايدي ع حلجي .. و يبست ابمكاني يوم اجوف البالونات و اوراق صغيره تتطاير جدامي و صرااخ الاهل مفاجاه ما توقعتها .. جفت يدوه و آمـآيه و بنآت خالتي ظبية و ميثه و انصدمت اكثر بوجود اربيعـآتي سلامـه و فطيم .. طاحت عيني ع الكيكة الموجوده فوق الطـآولة و الشمعة اللي على شكل رقم 22 .. و ماغير الهدآيـآ و الورد ..

ابتسممت يوم كلهم قـآلو بصوت وآحد
" Happy Birthday Remooh "

تجدمت مني اماية و سلمت علي و بعدهـآ يت وحده ورآ الثانية ..
قلتلهم و انا فيني غبنه : الله يخليكم لي ..و الله ماتوقعت هالمفاجأه ..

تجدمت مني سلامه و حضنتي : و الله و كبروآ اليهـآل
كلهم ضحكوآ : ههههههههههههه

ظبية : ترآ مسويين البـآرتي بعد عساس تخرجج من التقنية و ماغير حصولج ع الليسن

ميثة : يعني تقدرين تقولي ضربنـآ ثلاثة بوآحـد

قلت : و الله احرجتوني ..

طاحت عيني ع الهدايـآ الموجوده .. قعدت اتمأملهم . .

يدوه : عن تطلع اعيونج من مكـآنهـآ . . جان فخاطرج فجي الهدآيـآ
الكل : ههههههههههههههه

تجدمت و انا اضحك لتعليق يدوه : ههههه بفجهم الحينه

فجيت اول هديه كانت طقم الماس .. جفت بطاقة مكتوب عليها من ظبية و ريلها مروآن ..

اما الهديه الثانية كانت بكس من باريس غاليري .. فجيته .. كان بداخله مجموعه عطوور .. كان من سلامه .. احرجتني ابصراحه ..

و فجيت جيس كبير كان بداخه ثلاث شنط وحده من ديور و الثانية من لويس فيتون و الثالثه من بربري و بعد حاطه ظرف فيه بيزات لمحت الالاف فيه بس مادري كم .. كان من امايه ..

و بعدها فجيت هديه فطيم .. كان صندوق مكيـآج ..

حبيت الهدايـآ .. صج اللي يايبينه اشيـآ رآقيه و حلوه .. اما ميثة اكتفت انها اتييب لي باقه ورد .. فديتها ميثوه بعدها صغيره و يايبه لي هديه ..

صديت صوبهم و عيوني بدمع : و الله استانست ع الهدآيـآ و حبيتهـآ .. مشكورآت

لوت علي امايه وقعدت اصيح
ميثه : يلا عاد بيدنـآ بالافلام الهندية

آربيعتي فطيم : يلا قطعوآ الكيك خلونـآ انروح . . و الله مستعيليين . .

امايه : ماتروحون انتي و سلامه إلا لما تتعشون عندنا

سلامه : اسمحيلنا خالو .. خيرها فغيرهـآ

اماية : انزين ع الاقل تغدوآ معانـآ . .

سلامه: ان شاء الله خير

ميثة : يلا عاد قطعوآ الكيك و الا باكلها عنكم كلها ..
ظبية : عاد ميثوه اختي ماتحاتي الا بطنهـآ . .

ضحكت : ههههه ماعلييج ميثاني يلا الحين بقطعها
اتجدمت قعطعت الكييك ..
و بعدها قعدن ياكلن ..

يت صوبي سلامه و همست باذوني : عنود تستسمح منج لانها مايت .. تعرفين توها مطلقه و مب حلوه بعد طلاقها تطلع و لا بعد اتيي تحتفل ! شو بيقولون الناس ! ..

ابتسمت : انا اصلا عاذرتنها بدون لا تقولين ..تراهاا بالعده

ردت لي سلامه الابتسامه . .

اتجربت ظبيه مني . . ترمسسني و هي تطالع المكان: ريموه تدرين .. كنا مرتبين كل شي عساس البارحه ع الساعه 12 فليل نحتفل بج .. بس لانه طلعنا متاخر و مالحقنا نرتب الاغراض اهنيه و انييب الكيكه .. فاقترحنا نسوييها الحين ..

ابتسمت و انا عيني ع ولدها عبدالملك : عادي فديتج .. بالعكس حلاته هالوقت .. عسب قدروآ اربيعاتي يشاركونا هالحفل ..

ربع صوبي عبدالملك و لويت عليه .. و شلته و يلست ادور فيه من الوناسه و هو يضحك .. بسته ع خده و قلتله : تحب ريم ؟

هز راسه بمعنى لا و قال : احب ماما

يسته مره ثانيه: فديت الصغيرون .. ادري تحبني .. بس تخاف تزعل امكك ..

حاس بوزه لما جاف امه حذالي : مـآمـآآ " يمد ايده لامه "

بس ماعطيته لامه ..

ظبيه : مايدري آمه حامل بالطفل الثاني ..ومابدلعه شرات الحينه ..

استانست لها : حااامل ..!!

هزت راسها بمعني هيه ..
قلت لها : و ملووكي حليله ..! تصدقين صار لي فتره ماجفته .. اذكر اخر مره كان يحبو .. و الحينه ماشاء الله عليه يمشي و يركض بعد ..

ظبية : مصير الولد بيكبر ..

يت سلامه صوبنـآ ..
رن موبايل ظبية : ويه فدييت ريلي يتصل فيني
و راحت بعيد عنـآ

سلامه : منو ريلهـآ ؟

قلت : مروآن

سلامه باستغراب : منو مروآن ؟

غمزت : اخو حمدان .. ترآه متزوج ظبية " اشرت لعبدالملك اللي كان فحضني " ها ولدهـآ

سلامه : الله يخليه لهـآ ..

قلت متعمده : يلا عقبال مانجوفج عروس

سلامه : يالله متى يتصل فيني حمدان جذآ

فتحت عيوني ع وسعهن : لا بالله تخبلت البنت هههههه

انحرجت سلامه .. نزلت راسهاا و سكتت ..
ضحكت عليها : هههههههههه دوم فهالمواقف ماتعرفين تردين

سلامه بعدها محرجه : بس عاد ..

سالتها : شو صار البارحه .؟ جفتيه .؟

هزت راسها بـ لا .. و قالت : تخيلي رمسني و يقولي مشتاااق و ذابحنه الشوق .. بس استغربت انه ماطرآ لي انه يبا يجوفني ..

قلت : و ليش ماقلتيله انتي .؟

سلامه : استحي اقوله تعال ابي اجوفك .. نعمم يعني وين يالسين نحن .. بيقول انا عاقه عمري عليه ..

قلت : انزين تعرفين البارحه توه واصل .. اكيد انشغل مع اهله .. و خاصه بطلاق اخته ..

سلامه : ماعليه مسموح حمدآن " تطالعني " بس خساره الكشخه اللي كشختها البارحه ..

قلت : ماعليه .. لنفسج هالكشخه ..

اتجدمت فطيم صوبنا : شفيكم؟

اطالعت سلامه : و لا شي ..

ما خبرتها شي لانه محد يعرف الحب بين سلامه و حمدان غيري .... دوم تفتح لي قلبها و مأمنتني ع اسؤارهـآ .. و ماتخبر افطييم شي ..
و انا بعد اعتبر سلامه اختي اللي مايابتها امي . .

يت ظبية : يلا اعطوني ولدي .. برقده ..

خذته و راحت للغرفه ..

و بعدها قعدنا نسولف انا و فطيم و سلامه و ميثه بموآضيع وآيد و بعدها استاذنوآ سلامه و فطيم و رآحوآ .. و كل وحده منا راحت غرفتها .. حسيت جنه مب قاعدين فمنتجع هيلتون .. الجو جو بيت ووناسه ..

موااقف ! صغيرهةة قد تظهر لگگ مكآنتكك لديههم ̷̷̷

.

₪

.

دخلت الغرفه .. اطالعت الساعه كانت الساعه 4ونص .. يعني مأذن العصر .. دخلت الحمام " و انتو بكرامتكم " توضيت و طلعت ..

جفت بكس صغير ع الكوميدينو ..رفعت حياتي .. منو دخل الغرفه ! قلت بصلي عقب بجوف من منوه .. صليت العصر .. وقعدت اقرا قرءان و استغفر و قريت اذكار المسا ..

خلصت رحت صوب البكس الصغير .. جفت بطاقة مكتوب عليها .. " كل عام و انتي بخير .. هزاع "

بلعت ريجي .. غمضت آعيوني .. مادري ليش تمنيت انه مايكون حلم ..

بس منوه موصل الهديه للغرفه ! معقوله هو دخل ! لا كيييف !

ماانتهت انه حد دش الغرفه ! ولا سمعت حس ولا صوت !

معقوله عطاها لحد من خواته توصلها للغرفه ! و ليش ماعطاني جدامهم !

ياربي انا ليش افكر هالكثر فيه ! خلااص هديه ووصلتني !

انا مكبره الموضوع ليش !

فتحت البكس .. جفت بداخلها بس شريط تسجيل و بطاقه.. مكتوب فيها شعر

"
كل عآم وخآفقي معج دآيم سعيد .. كل عآم وآنتي آجمل مآ عرفت
كل عآم ي آلريم وحبي لج يزيد .. كل عآم وآنتي آروع مآ سمعت
آلريم ي آللي سآرقه فوآدي بعيد .. حبج سقآ يوفي و ضيعني وضعت
يَ آللي مآ توفيج حروف آلقصيد .. و آنآ غير عينج عيني مآ هوت

"

ملاحظة : جميع الحقوق محفوظة لدى الكاتبة " عذبة المعاني "

و اخر البطاقه مكتوب .. هديتج موجوده فالحوي فبيتكم

رفعت حياتي .. و ليش محطنها هناكي !

خلاص من آرجع البيت بجوف شو هديته ..!

ياربي هالانسان كيف غامض ! ليش هالحركات يعني !

يحب يخلي فراسي مليون استفهام ..!

بس اللي فهمته من قصيدته اللي كاتبنها انه صج يحبني ..

سبحان الله .. مال قلبي له في يوم ميلادي ..يعني حبي له بيكبر معاي كل سنه ..

قطعت علي حبل افكاري لما دشت امايه لي الغرفه ..

اتجربت صوبي و عطتني فونهـآ و قالت : اخوج من متى يتصل بج ماتردين .. فاتصل لي يباج ..

شلت فون امايه بدون ماارد عليها و قلت : الوووو

عبود : يقولون الريم كبرت اليوم

ضحكت : ههههههههه يوم اقولك انته اصلا متى تذكرت شي

عبود : اهم شي الحين تذكرت

قلت : هيييه . . زين

عبود : ها شخبار الهدايا ؟. مااوصيج النص لي و النص الثاني لج

قلتله : كلها هدايا خاصه فالبنات .. شو بتسوي فيها ههه !

عبود : عادي حق زوجه المستقبل

قلت : اقولك اجلب ويهك احسن لك

عبود : وانا متعني متصل ابارك لج و بعطيج اثمن عن هالهدايا

قلت : شو بتكون هديتك مثلا ! سياره لا سمح الله !

عبود : الله و اكبر .. و انا صار لي ادور عن عويجه و اخيرا حصلتها

صرخت : عبووووود

عبود : صج انتي جنيه ! شدراج اني بهديجج سياره !

حسيته يستهبل : عن تكون الهديه سياااره بس

عبود بجد : عيل احلف لج انها سياره

صدقته : فديييت اخويه و الله .. لا خليت منك

عبود اونه زعل : الحينه عرفتي اني اخوج ! خلااص خلااص غيرت رايي

قلت : هاللي بيذلنا عاد ..

عبود : ماعاش من يذلج .. انزين ريموه انا بعطيج سيارتي الثانية ( البورش)

قلت اتمصخر : بعد مستعمله !

عبود : انتي احمدي ربج .. بعد تتشرطين .. انا فكرت انه هاي احسن هديه .. قلت دامج خذتي الليسن

ابتسمت و قلت : رضينا و امرنا لله

عبود يضحك : ههه اصلا غصبن علييج

سمعت اصوآت الشباب حذاله يزقرونه ..

عبود : المهم ريموه من ترجعين البيت بتحصلين مفتاح السياره فغرفتي و تقدرين تستعملينها .. و خذيها لج

قلت بوناسه : اوكيييه . . و انا اقدر مااخذها ..

عبود : ههه يلا بخليج .. مع السلامه

صج عبوووود غير عن اخوي نهياان .. احبه .. يحس فيني .. يعرف شو ابا و شو ماابـآ ..دعيت ربي الله يخليه لنـآآآ ..

عطيت امايه فوونها : هاج فونج ..

امايه شلت فونها و ظهرت من الغرفه ..

صديت صوب الورقه اللي كاتبنها هزاع بخطه .. و انا متششته بافكاري .. انسدحت ع الشبرية و انا اطالع السقف .. افكار تاخذني و افكار اتييبني ..

سمعت الشريط التسجيل .. كان مسجل فيه صوته يلقي هالشعر و بعد اشعار ثانيه .. حبيت صوته لما يغني اغاني بصوته .. حضنت الشريط ..

احس اني احبببه ! لا لا ..
مسستحيل . .

اتنهدت .. بطلع احسسن لي .. انا يايه اهنيه عسبت اغير جو ..

لبست شيلتي طلعت الصاله .. جفت امايه و يدوه ..
سالتهم : وين ظبيه و ميثه .؟

يدوه : اكيد بتلاقينهم برع يشمون هوآ ..

رديت الغرفه .. لبست عباتي .. بعدها نزلت و طلعت برع .. جفت هزآع حذام الفيلا و يطالع البحر .. ماسك بايده الزقاير و يدوخ .. شكله ماانتبه لوجودي ..

تحمحمت ابا اسأله عن خواته : احمم احمم ..

طالعني و ابتسم : صحه على قلبج ..

رديت له الابتسامه : ماجفت خوآتكك ..

طالعني بنظرات .. خوفتني هالنظره .. هزآع : شو تبين فيهم .. ترآني انا معاج الحينه
استغربت من رده .. عطيته ظهري بدش داخل .. بس زقرني : ريم ..

صديت له بسسرعه ..

هزآع : احسسج غير عن كل المرات اللي كنت اجوفج فيهـآ .. تصدقين احس طعمج عسل..

رديت عليه : يالله شكثر خياالك وآآسع ..

هزآع : صج .. احس طعمج عسسسسل ..

قلت باستغراب : انزين ليش العسل بالضبط .؟!

هزآع جاوب و جنه مجهز الرد : لانج حلووه و عسسسل شراته .. و مثل ماتعرفين اذا زدنا العسل للجسم يتعبه ..

قلت و انا اسايره : صج !

هز راسه بمعنى هيه و سالني : وانتي .؟ شتحسين طعمي .؟

ماخذت وقت للتفكير .. جاوبته ع طول : احس طعمك مثل الزقاير ..

سالني : وانتي ماتحبين الزقـآير ..؟

جاوب : طبعا هيه .. مااحبه .. بس الزقاير لها ريحه مميزه .. صح فالبدايه ندمنها لكن بالنهايه نموت بسببها ..

ابتسم و جنه فهم مقصدي .. عرف اني اكن له مششاعر ..

طالعته .. بدون لا احس ترجيته : بتترك التدخين عشاني .؟

هزآع : و انتي من شوو خايفه .؟ انا اللي بنضر مب انتي

قلت بصوت عذاب : اخـآف ع قلبك ..

هزاع يطالعني بشراسه : و انتي ليششش تحاتينه ..

قلت ابصراحه : لاني ادري انا فييه ..

ضحك هزأع و قال : لا تحاتيين فديتج .. مكانج دآخل الشرايين ..

استحيت ماعرفت شو ارد عليه .. نزلت راسي و انا منحرجه بكلامهه .. و قلبي يرقع ابسسرعه .. حبيت الشعور اللي خذني اتجااهه ..

بلعت ريجي لما سمعت حس من وراي : انتووو شو تسوون اهنيه اروآحكمم .؟

مـثلـهہ مـا لـقيـت فـيۓ هالـكون هو اللـي يسـمـونـهہ نـادر وجـودهہ

.

₪

.