|
كل شخص فقد شيئاً يحبه فيّ حيآته حتى لو ضحك كثيراً!! يبقى شيئاً بداخله كل ماتذكره تألم. . . . البآرتّ آلخامس عشرّ ؛ اكبرهم"عمي سعيد" عمي سعيد"بوسيف": طيييب وايد، يخاف على عياله ، شوي متشدد ، بس ريال والنعم فيه . عمتيه عذيجة"ام سيف": حرمة بيت وراعية واجب واسميها سوالف وضحكك. سيف ولدهم العود:: عمره 24 سنه رقيب في الجيش متزوج بنت خآلته (الريم) وعنده ولد واسمه سالم وعمره سنتين ونص ، طيب وماخذ شوي من طبع ابوه ، هند: بنت حبوبه وخفيفة دم والكل يحبها وطيبه طيبة الدنيآ ، بيضآ ، رآعية سوالف ، جميلة ما شاء الله عليها ، شعرها طويل يوصل لركبها، واكثر شي يميزها عيونها العسلية. -ثالث سنه جامعه وعمرها 21 سنه- مدية : عمرها 15 سنه ، اول ثآنوي ، طيببه ب وايد ودلوعة ابوهآ الي ما يردلها طلب ، شعرها قصير يوصل لين جتفها ، وعيونها صغار شوي ، والي يسمع سوالفها ما يعطيها 15. عمير: عاد هاذا دلوع امه وعنده بطاقة من امه"ممنوع الاقتراب"محد يقدر يقوله شي ، عنيد وراسه يابس ويشبه ميثآ ، وعمره 14 سنه. عقبه ايي "عمي حميد" : عمي حميد "بو راشد" : ريال متدين متشدد معظم الوقت بس مع هذا حبوب و دايما مبتسم. عمتي سمية"ام راشد" ام طيبة مثل باقي الامهات. راشد: حبوب وراعي سوالف بس ماخذ عصبية ابوه شوي، عمره 23 ، ويشتغل في شركة يدي مصبح ، معرس يديد وماخذ بنت عمتيه "عفرا". حمدآن: عمره 21 سنه ويدرس ويا حمد اخويه وربيعه الروح بالروح في الكليه حتى داخلين نفس التخصص وهو وسيم وايد وايد بعد واللي يميزه بياضه وشعره الأسود وطوله. ميره: هالانسانه من شفتها حبيتها ، طيبة وايد ومحبوبه من قبل الجميع ، شعرها بني بس مب وايد طويل ، تشابه حمدان في بياضه ، وملامحها هادية وجميله وعمرها 18 سنه واول سنه جامعه. سعيد : عمره 16 سنه صف ثاني ثانوي شخص طيوووب ودلوووع ابوه بما انه صغير وهو وسيم مثل حمدان وأكثر واحد يشابله في الطبع والسوالف. عقب عمي حميد اتي عمتيه"شمآ" : علي "بوعفرآ": ريال متشدد شوي ومايسكت عن الغلط ، وتهمه مصلحة بناته. شمآ"ام عفرآ" حبوبه وتحب عيالها ، دمها خفيف ، وهي العنصر المحرك للبيت. عفرآ : عروس يديده ، عنيده وراسها يابس ، واللي في راسها تسويه ، قصيرة شوي ، عيونها وسآع وسود ، خشمهآ طويل ، وضعيفة وايد ، وعمرها 21 ماخذنها ولد عمها "راشد". منى: تكلمنا عنها قبل ، طيبه وحبوبه ، وعلى نيآتها ، وصدقها ميروه يوم قالت طباخها لذيذ!!! قصيرة ، ومليآنه شوي ، عيونها كبآر ما شاء الله وخشمها صغير وفيها غمازة بس على الخفيف ، وهي ثاني سنه جامعه. مريم: طويلة شوي ، خشمها طويل ، مركبة تقويم ، حنطآويه ، تخلي المتضايق ينسى ضيقته من كثر ما تنكت ، وحبوبه والكل يحبها وتحب الكل ، اما عن سعيد فهي اربعه وعشرين ساعه تتضارب وياهه نفس الشعور بالنسبة لسعيد عمرها 16 سنه ثاني ثنوي. عمتيه "جميلة": عمي فيصل"بوسلامة": متوفي الله يرحمه. عمتيه جميله"ام سلامة": ام مثل باقي الامهات. سلآمة: ماخذنها واحد من اهلها بس من بعيد وعندها بنت اسمها عليآ. حصة: حبيبة حمدان ههههههه اسولف اسولف احينه بياكلني حمدان ، حوايبها مقرونه ، خشمها صغير ، عيونها عاديات ، جمالها غير شوي لانه تميل لجمال الهنود -ثالث ثنوي-. عمي سلطان"بومايد": بو مايد"خليفة": يشابه عمي حميد في الاطباع ام مايد "سلامة": تنحب بسرعه، سوالف، وعندها مآيد فوق كل شي وما ترضى عليه. مآيد: عمره 25 سنه يدرس في أمريكا هندسة كمبيوتر وجدامه سنه ويتخرج وسيم بشكل عاااام خاصه انه عيونه عسليه ووسااع وجماله عربي أصيل. فيصل: عمره 22 سنه ، يشبه مآيد شوي ، وسيم وخفيف دم. عبدالله : ربيع حممد وحمدان ودوم وياهمم , مجسم شويه , وطويل ما شاء الله , وملامحه حلوه , واكثر شي يميزه عيونه الوساع. يوسف: ربيع سعيد الروح بالروح ، ومغازلجي عود نفس سعيد ، ابيضاني ، وملامحه هاديه ، وعمره 16 سنه. بعد ما عرفوني على العايلة كلها ويا دوب حفظتهم خذتنا السوالف وكل خمس دقايق نتضارب كل وحده عندها سالفة , وكلهم يرمسون في وقت واحد وانا شوي القط من هنيه والقط من هناكك هههههه الله كريم مريوم حاطها ايدها ع راسها وتصارخ : خلااااااااصص جبببببب اسكككتوا شوويه بعد ما ضحكنا على مريوم الخبلة , كلنا عيونا كانت عليها كأنه نترياها تقول شي مهم , شافت مريوم ان الوضع استوى هادي وقالت . . . مريوم تحمحم : اححم اححم , ما تحسون في حد ناقص؟ انا ارمس في خاطري : ياربيييه انا مب قادره احفظكم انتو في حد زياددده بعدد البنات يطالعون بعض : مننوه الي ناقصص؟ مريوم : قومممم جمممييعه انا باستغراب : جججميعه؟ مريوم تطالعني : اسم غريب صح؟ انا ابتسمت : بس ححلو. هندوه : اووويه كيف نسيناهمم! ماعزموهمم ؟ مريوم : دقيقه دقيقه بسأل اماااايااه مريوم تصارخ : اممممماياااااااااااه ام عفرآ مفتشله : يااااربببي بتفضحني هالبنية! يا امممميه البنت مايعلى صوتتتها مريوم : هااه هيه انزين ان شاء الله , اماياااه قوم خالي خليفة وخالي سلطان ما بيون اليييوم؟ ام عفرآ : هيه فدييتج ياين في الطريج , تعرففين من العين لين دبي يباله وقت شوياته. مريوم : هيييه انا اطالعهم ومب عارفه شو السالفة " دومي جيه" : انزين خبروني منو هاييل , روحي متلخبطة تلخبيططط اليهههد! ميثآ تضحكك : هههههههه حليلج والله ما تخيل عمري مكانج ايلس احفظ اسامي عيال عمي وعمتيه . انا اطالعها : هيه اضحككي اضحكي شعليج انتي , يلا بسرعه خبروني منو هايييل؟ مدية : الله يسسلمج هايلآ يستوون حق اباهتنا , شي عيال خال شي ياربي المهمم ما علينا , من انولدنا وهم ويانا , ويوم بيوصلون بنعرففج عليهم , بتحبينهم على طوللل. انآ ابتسمت . . وشويه وسمعت صوت الدراجات يوم يشتغلن , فززز قلبي *نحسسككم شويه* , جان اقوم وسحبت ميروه ويايه على طرففف. منى بنص عين : هااااه هاااه من احينه اسرار من ورانا انا وميره ضحكنا وقلت انا : ههههههه لا اسرار ولا شياته*وغمزت* بتعرفون بعددين منى : بنشووفف شو في روسكن . انا بهمس : سمعي انا بترياج هناكك هاه *واشرت لمكان بعيد وايد* , سيري قردني الشباب وهاتي وياج وحده من الدراجات وانا بسير بيب الغتر. ميروه بحماس : اوكككييه وانا يايه بربع جان اتذكر شي وقلت : ويييت ويييت ميروه : هاااااه؟ انا : وين الهااااند باق مممااالج؟ ميروه : دشي مسبببح الشباببب , وبتلقيينها ع الكراسسي انا : ايييه محدد هناككك؟ ميروه : لا يالخخديه ماتشوفينهم كلهمم هنيه؟ انا : هيه صح , خلاص يلا , بالتوفففيج بنت عمي ميروه ضحكت وسارت صوب الشباببب. انا كنت ارككض من الخاطر , وسمعت صوت من يدتي غبيشه الله يطول بعمرها " شوي شوي يا اميه بتتككسسرين" ابتسمت وكملت ركيضي ودخلت مسبح الشباب سمعت حد يزقرني صديت ورآ ويوم صديت جدام دعمت في . . . . " حمدآآآآآآآن" انا شهقت لانه كان توه طالع من المسبح وحاط الفوده ع راسه ينشف شعره ومخورتي خاست مآي !!!!! حمدآن ابتسم ابتسامة خفيفة : سبحان الله صدفة وقدرت انتقم مره ثانيه! انا كنت مستحية بس مابينت وسميت عمري معصبة: متفففيج انتتتته مخخورتي خاست ماي من وين لي وحححده ثانننيه! وتععععال تعععال حد ينششف شعررره ويممشي احينه لو دعممت عامود وتككسر راسككك نحن بنبتلش فيكك وبنوديكك الممستششفى ! *وقلت بقهر* والللللله!! مشيت عنه , وحمدان ابتسم وكان يرمس وفيه ضحكه وقال بصوت عالي : ححشى ججبررريت ما يسوووى عليه! ضحكت بصوت وآطي , وشليت شنطة ميروه وتذكرت الجحال , تميت ادور جحال في شنطة ميروه لين ماحصلته , وربعت لوجهتنا المطلوبة , كان في حمام صغير ع طرف دخلته وتجحلت زيادة , وطلعت الغتر وتلثمت , وتميت اتريآ ميروه لين ماشرفت. ميروه تسوق الدراجه ببببببطططيييء بشككل فظظيع! هاي يوم بتركب وياي شو بيستوي فيها! , وقفت وبندت الدراجة وقالت . ميروه : يعلللللللللج البرككككه يا حمدوه بيصمووونج بعين! انا ابتسمت وضحكت : اللله خخخير حافظ , تعالي بجحلج انتي بعددد . ميروه تحمست : يلا يلا ,, انا اعطيها الغترة ؛ تعالي تعالي , تعرفين تتلثمين؟ ميروه : هيه هيه , *تتطالع مخورتي* ليشش مخورتج خخايسه ماي! انا انجلب ويهي : هاااااه , سالفففة طووويلة . ميروه بنص عين : بتخبريني تراه, مابينا اسرار هاه من احينه اخخبرج؟ انا : ان شاء الله عمممتيه , الا ميروهه ماتعرفين حد عنده عبي سادة ومصكرات؟؟ لانه جيه بيعرفون انه نحن ؟ ميروه ؛ هيييه هييه , عند سلآمممي؟ انا اترجاها: ممكن تسيرين تيبين؟ ميروه : ااااااييييييه بعيد مارووووم انا : اللله يخليييييج والله ركضتتت وااايد ميروه تأفف : انززززيين انا : فدددددديت روحج والله محدد يسواج ميروه تضحك وسارت تربع ويلست انا اترياها . . . وبعد مرور الوقت , شرفت الانسه ميره وفي ايدها العبي , لبسناهن وتاكدنا انه شكلنا اوكيه , شغلنا الدراجة وركبت انا وورايه ميروه . صديت ورا وقلت حق ميروه : سمعي ميروه , من احينه اقولج عشان تمشي خطتنا مثل ما نبا , حطي ايدج ع جتفي مب ع خصري , وصراخ ما نباااا ميروه تطالعني : حمدوه انتي تسوقين شوي شوي صح؟ انا طالعتها وضحكت : تممسككي فيني عدددل! ميروه : إلهي استرننننا يا ستتاااار! كنت امشي اول شي شويه بطيء لكن من تقربنا صوبهم زدت السرعه بشكل فظيع , وميروه كل مازيد من السرعه ترص ع جتفي , جافونا الشباب وقالوآ . حمدان منصدم : شووو مددددخخخل شباابب المززززرعة كنت اصيح ويلاآت بس من بعيد شويه عشان مانبين انه نحن بنات!! سعيد : وابوووووويه شو يايبنهمممم هنيه! فيصل : اشكككالهم ماطططمن مووليه!!! تقربنا صوبهم وعطيته هاككك الووويل , وقفت الدرآجة وتقربوآ منا حمدآن وفيصل وحمد . يوسف :اننننتو من صددققكم بتسسيرون صوبهمم احينه لو شالين وياهم سجين ولا شياته , بيطعنونكم في خمس دقايق! سعيد : هيه والله صدددققه , تعالو عينوا من الله خير بروحهم بيون. حمد : تستتتهبلون شوه! بناااات وححريم عندنا هنيه ع كيفهم شوه! سعيد ويوسف صخوآ . تقربوآ منا وكان قلبي يدق هنيه خفت من ردة فعلهم , خفت من ردة فعل حمد! بيذبحني! شو بيفيدج الخوف يا حمده احينه عقب ماسويتي مصيبتج!. انا ع طول فجيت الغترة وقلت : والله كنا نبا نسوي فيكم مممقلب والله اخخخر مررره والله توبببه تووبه تووببه وميروه فجت الغترة وبعد واطالعهم وعيونها ممتزرات دموع. . . حمد وفيصل وحمدان ضحكوا كلهم مره وحده : ههههههههههههههههه. انا اطالعهم ومسحت دموعي بسرعه : يا الهرررروم والله بروايككم وشغلت الدراجة وميروه ردت تلثمت وحمد وفيصل وحمدان تموا يركضون وانا عطيته ريس كامل يالسين نربع وراهم , وحمد وحمدان وعبدالله يبون يسون اكشن وقالو "الحققققققونننننناااا" وكانو الشباب كلهم يركضون ويا بعض في سيد واحد كنا انا وميروه ميتين من الضحك نربع ورا الشباب جنهم دبش ههههههههههه وعقب من كثر ما انا ميته من الضحك وقفت وفجيت الغترة وخلاص بنفجر والبنات من عرفوا انه نحن تموا يضحكون ويعلقون ع الشباب. مريوم تي وهي ميته من الضحك : اهنييييج ع سواقتج بنتتت عمممي الشباب من عرفوا انه نحن تموا يضحكون على عمارهم . سيف ؛ غربلات عدوكم , ركضتوني لين ما قلت بس من سنين وبنين ماركضت هالككثر هند : من عرست استووويت شيبه مافيك حيله ع الرككض زين سويتي فيه حمدوه انا اضحك : افا علييييج حمدآن يطالعنا بنص عين : مايستوي جيه نحن لازم ننتققم مريوم : بنشوففف شوه بتسووون ميثآ بعدها تضحك : والله اشكالككم كانت تهلك من الضحككك تقول دبش والمشكله كلكم لابسين كنادير بيضا يعني دبش دبش. كلنا ضحكنا : ههههههههههههههه يرن فوني , رفعت اشوف الاسم وهنيه انصدمت وشهقت شهقة!! " نوروه" . انا اتككلم بسرعه : الساااااااعه كم عنندددكمم!!!! سيف يشوفه ساعته ويقول : الساعه اربع ونص بند الفون , وطرشت نوروه مسج . . . " حمدوه تستهبلين!!! ليكون نسيتي سالفة الخطوبه! اليوم عقب صلاة العشا بنيكم عشان نتقدملج رسمي =)) ! " انا كان قلبي يدق بسرعه نسيت والله نسيت تميت اصارخ : حمممممممد ويييين حممممد. حمد كان سرحان في الفون وعقب يوم سمعني يا صوبي : بلااااااااج!!! مسكته من ايده وقلتله وانا متوترة وزايغه : حمممد تعااااال بسرعه لازم انسير عند يدي مصبببح!! بسرعه بسرعه ماششي وقققت حمد واقف مكانه: انزين فهمميني شو السالفة بالاول! انا : حمد الله يخليككك بتفهم كل شي عققب بس تعال ويايييه كلهم يطالعون بععض ومب فاهمين شو السالفة ومن شافونا انا وحمد نركض , لحقونا يبون يعرفون شو السالفة , كيف بفتح الموضوع جدام يدي ويدتي واعمامي ياللللللله!!. يدي مصبح جافنا ياين كلنا ويا بعض جنه قبيلة قريش : بلاكم وابويه روعتونا يايه جيه كلكم ربااعه؟ انا مستحية ومب عارفه كيف ابدا : ابويه ابا اكلمكم في موضوع . يدتيه غبيشه ؛ بلاااج فديتج زيغتينا ارمسي غناتي نسمعج انا اطالع الجمهور الي مندمجين , وكنت مستحية ماعرف كيف ابدآ , حمدآن بهمس يرمس سعيد : قلبي ناغزني خايف يكون الي في بالي. . انا زقرت مريوم : مريووم , تعالي شوي. مريوم : هاه؟ وش تبين؟ انا بهمس : انتي خبريههم! مريوم :اخخبرهم شوه؟ انا روايتها المسج الي طرشتلي اياه "نوروه" مريوم صارخت : اوووويييييييييه مبروكككككككككك!!!!! انا نزلت رآسي وفيني ضحكة : الله يبارككك فيج! مريوم تضحك ومستانسه : يايييين يخططببببببونهاااااا الحريم كلهم : كلووووولولولللششش ام رآشد في خاطرها : كان في خاطري ايوزها حمدان , بس راحت عليه , الله يهنيها ويوفجها. والبنآت ين يسلمن عليه ويباركن لي , ويدعولي استانست وايد حسيت عمري صدق عروس! حمد يلوي عليه ويضحك :العرس عقب سنننتين , مايخصني ماشبعت منننج كلهم يضحكون : خخخخخيبببه سنتين! يديه مصبح ؛ حمده اميه هم قوم الشو؟ انا : قوم آلـ******* يديه مصبح : والننعععم وسبعة انعآم , عمي سعيد"بوسيف" مبتسم : انزين غناتي , ماقالولج متى بيون؟ عشان نعرف اذا يمدينا! انا ابتسمت ومنزله راسي: هيه عميه يمديكم , اخته قايلتلي انهم بيون عقب صلآة العشآ . عمي علي "بوعفرآ" : لالا يمدينآ وزيادده بعد , خلاص على خير ان شاء الله. يو البنات وسحبوني. . . ميروه تمثل انها تصيح : يآخخي شو هاه مايستوي ليش تعرسين بعدنا ما مدانننا انا اضحك : ههههههههه , خلاص ولا يهمج بنخلي العرس عقب سنتين ميروه بعدها على تمثيلها : لا شووويه كلهم ضحكوآ . ميثآ : تعالييي حمدووه عندج شي تلبسسينه؟ انا شهقت : اوووويه الدريس مالي في الدوبي!!! ميثآ تضحك بعبط : فديت مخخخي والله مريوم: والفاتوورةة وياج؟ انا حطيت ايدي ع حلجي : لآآآآآ , في بيتنآ *صرطت ريجي* الي في الخوانيج! مريوم :ويت ويت هددي شويه , قولي حق حمد وين الفاتورة , وايبلج اغراضج البآقية ونحن هنيه بندلعج بنسويلج كل شي بنوزع الادوار علينآ ؟ تمام؟ البنات كلهم : تمآآم. حمدآن بضيج وهو زاخ سويجه ؛ اسمحولي بويهه انآ . يوسف : هاه على وين حمدآن؟ حمدآن بهدوء ؛ بخط على ربيعي بنحوط شويه وبنيي سعيد بهمس : يبين انك متضايج! لا تتضايج وقول الله يوفجها! حمدآن ابتسم ابتسآمة صفرآ : ان شاء الله يوسف يرمس سعيد : بلاااه اخوك سعيد يجذب : مادريبه علمي علمك حصة لحقت حمدآن وقالت : ححمدان ححمدان صد صوبها وهو لايعه جبده منها ومب متفيجلها وقال بكل برود : نعم؟ خير؟ حصة بدلع : حبيبي شوفيككك؟ حمدآن صآك ع ضروسه : الله يخليج لوعتي جبدي بدلعج الماصخ! شغل الموتر وحصة ركضت دآخل تصيح . بعد مرور الوقت آستوت السآعة سبع وربع , واذن المغرب سرنآ صلينآ وسآر حمد توجه الى بيت"يدتي فاطمه" كان خاطري اسير وياه اعرف شو حالها الحينه وشو اخبارها , على كثر ما انا في قلبي عتاب بس والله متولهه عليهآ *تنهدت* الحمدالله على كل حال . . . حمد وصل بيت اليدة "فاطمه" وقف موتره , ونزل وكان قلبه ناغزنه مايدري ليش! دخل البيت والحارس دخله على طول بدون نقاش , وسار حمد وزقر البشكارة وقاللها تحط كل اغراض حمده كل شي وقاللها عن مكان الفاتورة . الحآرس : باباه مافيه موشكل انته سير دآكل . حمد يطالعه باستغراب : ليش ماما فاطمه وين؟ الحارس : اوووه ماما فاطمه ثنين يوم الهين داكل موستشفى والله باباه , ماما فاطمه تعبااان زياده! حمد بصدمه : مسسستشففففى!! من يومين!!!! الحارس ينزل راسه: هيه باباه , داخل هادا مستشفى ****** يت البشكارة ويايبه شنطتين وفي ايدها دفتر وقالت : باباه هادا كتاب مال ماما همده كلو هيا يكتب في هادا كتاب , *صاحت البشكارة* سوي سلام هق ماما هممده انا وايد يهبي ماما هممده هيا واايد زين حمد ابتسم ولازلت على صدمته , وركب موتره وهو محتار. حمد في خاطره : اخبر حمده ولا؟ لا ماله داعي , الله يشفيها ان شاء الله في المزرعه ؛ دخل حمد المزرعه , ونزل وفي ايده الدريس وفي ايده الدفتر مالي من زمان ما كتبت فيه شي وانا سرت وربعت صوبه حمد يغمز : حركات حمدوه تعرفين تكتتبين انا انصدمت انه قرآ : يا ححححيوااااان ليش تقققرأ حمد يضحك : ههههههههه والله قريت اول صفحة بس , وخذت عن الدريس وكانت الساعه ثمان بالضبط , المكياج كان على هندوه ومنى , والشعر كان على ميروه وعفور , وطبعن تشرطت عليهن وقلتلهن انه ابا كل شي سمبل عقب ماخلصت المكيآج , سرت لبست الدريس عشان يبدون في شعري . انا متوترة: ها شو رآيككم؟ مريوم تصفر : الللله اللله ش هالججسم منى تضحك :ههههههه عيب عيب اصطلبي عفور : يلا حمدددوه يلسسي عشان نلححق نخلص شعرج وخلصت كل شي وسبحوني بالعطورات وكل شي كان تمام . واستوت الساعه ثمان ونص قلبي يدق بسرعه , خلاص احينه ماشي موافقه ولا لا الحينه بيتفقون على المهر وموعد الملجة ياللللله! انا بتوتر فظيع وايدي ترجف : مدووي مدية تضحك : هاااه بلاج حمدوه ليش ترجفين خليج ريلآكككس انا ابتسمت : سيري اسألي امج ولا اي حد منو يآ ؟ مدية بعدها تضحك الهرمة : انزين انزين وشويه ويت مدوي , وقالت : اماياه تقول انه اثنين من خالات المعرس , وامه واخته , ومن صوب الريايل , ابوه والمعرس انا فجيت عيوني : نوروه هنيييه!! *مسكت فوني واتصلتلها* انآ : انتتتتتي ههنيييه يا حيوآنه! نوروه تضحك بصوت واطي : هيه , شوه بعد ها اخوويه! انآ بتوتر : متفيجه تضحكين انا هنيه بموت , تعالي تعالي نوروه مبتسمة : مادل وين انتي! انآ : اوكيه دقيقه ,*بعدت الفون عن اذني* مدوي سيري وين يالسات الحرمات بتطلعلج بنيه هاتيها هنيه. مدية : اوككيه . نوروه تدخل : هلا هلا بالعروس انا قمت وضحكت ولويت عليها : اهلييين نوروه : سمعي تخبريني احينه كل شي وعقب بنسير عند اماياه وخالاتيه اوكيه؟ انا بتوتر : اوكيه . . حمد يدخل عند الريايل وانصدم باللي شافه وقال : سهييييييل!! سهيل منصدم : حممممد! حمد يضحك : مرحبآ ملايين ولايسسدن في ذمتي ذمه سهيل يضحك : مرحببتتين ويتخاشمون . . . حمد يغمز له : هاااه ليكون الي في بالي! سهيل يضحك ومتوتر : هيه هيه خلاص تقدمت حق بنت عممك حمد يطالعه باستغراب : بنت عممي؟حممده؟ سهيل مستغرب : هيه؟ حمد : ههههههههههه مب بنت عمي! اختيه اختيه سهيل انصدم : اخخختككك!! حمد ابتسم: هههههه هيه نعآم , ماعلينا الحينه استريح . . وقلت حق نوروه السالفة كلها , ودخلت نوروه جدآمي , ودخلت عقبها وسلمت على امها وخالاتها الهنتين ويلست حذالهن , وتموا يستجوبوني ساعه !! انتي اي سنه , كم عمرج , ومادري شوه كلوني بقشوري هههههههه. -بعد مرور ساعتين بالضبط- خلصوآ الريايل والحريم بعد , واتفقوا الريايل ع المهر , وموعد الملجة قالو انه بيشاوروني وقلتلهم اني بفكر , لانه اعمامي قالولي اقول جيه عشان بالمره يسألون عن سهيل , وطلع سهيل ربيع حمد! وحمد كان يمدح فيه مدح اليهد! بس بعد احتياط , *تنهدت بتعب* اليوم وايد تعبت. دخلنآ داخل البيت الي في المزرعه ما كنا محطين في بالنا انه بنرقد هنيه بس تعايزنا نرد البيت , واهل العين بيون باجر استوتلهم ظروف , المهم ماعلينا , البيت كان مقسم كذا قسم , وانا قلت برقد ويا ميرة , والحمدالله حمد كان يايب اغراضي , عطيت ميره بجامة , وميرة من حطت رآسها ع المخدة على طول رقدت حليلها تعبتها اليوم ويايه , مسكت دفتري وفتحته وشفت كل الكلام الي كنت اكتبه لا اراديا طريت كل الاوراق وفتحت صفحة يديدة وكتبت . . . تائهة كنت في نفق لا يوجد به الا جدة و بعضٌ من أخواتٍ لم تنجبهن جنتي .. كنت تائهة حتى وجدت عائلة .. ما أسطره من حروفٍ منثورة غريب نوعًا .. ولكن هذا مايحدُث ، مثير للشفقة؟ نعم ولكنه قدري ! حصلت على سند لي يا لفرحتي، أصبح لي اخ بعد ثمانية عشر سنة! أيعقل هذا؟ لا أستطيع التعبير فأنني عاجزة اكثر من حروفي لأصف بما اشعر به من نعمة ، حصلت على عائلة يلملمونني بين أضلعهم و يأخذونني بالأحضان و يوزعون قبلات حب على جبيني و وجنتاي ، يفعلون ما يستحيل فعله لأجل اسعادي وتعبئة ذاك الفراغ الذي دام لـ ثمانية عشر سنّة ، خلف هذا الفرح قليلٌ من الحزن على جدة حنت الروح إليها ولا تعلم ما حالها .. الهي وحدك تعلم بحالها فألطف بها واسعدها اينما كانت، أشعر وكأنني في حلم لا أود أن أفيقُ منه ، هناك أمور سارّة أخرى فهناك وسيمٌ أنتظر قدومه فهو من تتمناه كل من جنس حواء أظنُ انني اتمناه ايضًا؟ ربما لوسامته؟ و لأن رفيقتي شقيقة له؟ لا أفقه لا أدري لا اعلم ، أشعر بأنني في متاهة هكذا فقط . .. الحمد لك خالقي مائة مرة على كل شيء قد حصل♥♥♥.. من كتابات #آسما_الرئيسي♥ |
الكل! يستطيع ان يبتسم , لكن! ليس بنفس النية . . . البآرتّ آلسادسّ عشرّ ؛ آلساعة الان الرابعة وتسع دقائق بتوقيت مدينة دبي وضواحيها. . . انا وميروه يالسات نتضارب على اللحاف من البرد هي تمط وانا امط , تميت امط امط لين ما استسلمت وعطيتها اللحاف , فتحت الكبت ادور لحاف بموت من البرد!! الحمدالله لقيت لحاف خذته وسكرت الكبت وطحت ع الشبرية وتلحف وتوني غمضت عيوني وسمعت . . . "الله واكبر الله واكبر " انا قمت وقلت : الله واكبر واعظم , هاه اذن الفير ومارقدت غير ساعه يا الهرمة . ميروه راقده في سابع نومة ولا تدري عني حتى! انا اهز ميروه : ميررووهه قووومي! صلاااااااه *مب طايعه تنش* الصلاااااة خيير من النووووم. تقربت صوبها وقلت في اذنها : جاااااك الموت يا تارك الصلاااااة ميروه قامت وهي زايغه وحاطه ايدها ع قلبها : بسم الله بسم الله!!!! انا ضحكت:هههههههههه ميروه حاطه ايدها ع قلبها : شو اقول عنج شو اسسبج انا اطالعها بنص عين : سيري توضي ابرككلج , انا بسير اخذ اجر وبوعيههم ميروه تتثاوب: انزين انا بتوضى وبفرش السيادة وبقرأ قرآن لين ماتين انا قمت ولفيت شيلة صلاة عليه , وطلعت من الحجرة , وسرت وعيت يدتيه ويديه , وسرت صوب عماتي وعمامي ووعيتهم وبقى بس حجرة عمي حميد " بوراشد" كنت يايه بدق الباب لكن سمعت شي لفت انتباهي !! ام راشد بخوف : يا حمميد اقولك حممدان ماردد من البارححة! بوراشد: كككيف مارددد من البارححة! جيه انتي وين عنه؟؟ ام راشد شوي وبتصيح : تراه قالي بيسير ويا ربيعه شوياته وبيرد , اخخاف استوابه شي ونحن ماندريبه. بوراشد خاف من كلام ام راشد بس مابين: لا تفاااولين على الولد يا سمية! احينه بتصلبه وبشوفه وينه ام راشد ؛ دقققققيتله مللليييون مره مايرد عليه كله يعططينه مغغللق بوراشد بدا خوفه يزداد على ولده : لالا ماعليه شر ان شاء الله تلقينه عند واحد من ربعه ادريبه حمدان انا انصدمت من اللي يالسه اسمعه!! دقيت الباب على طول مافيني يفتحون عليه الباب ويلقوني اتسمع عليهم . "طق طق طق" بوراشد: مممنووه! انا: عمميه انا حمده. بوراشد يفتح الباب: ها فديتج بغيتي شي؟ انا : لا عميه بس يايه اوعيكم على الصلاة بوراشد يقول في خاطره "وين يانا الرقاد وولدنا مب في البيت" : هيه , يزاج الله ألف خير الغالية , ماقصرتي . . . انا ابتسمت : لا افا عليك عمي , ولو . . وروحت عنهم وانا افكر بالكلام الي سمعته!معقوله حمدان من البارحة مارد! وحمدان وين بيكون في هالوقت!! -وصلت الحجرة- وتميت واقفة عند الباب وافكر وافكر وافكر . . ميروه تسكر المصحف ؛ شو الي شاغلنج؟ انا ابتسمت :لا ولا شي . ميروه تتثاوب :باجر بعرف كل شي لانه الحينه فيني رقاااد انا : لا ترقدين عني مافيننني رقااد ميروه تطالعني بعين وحدة : بموت من الرقاد , مارووم , سيري صوب الخيول , انا يوم يكون مافيني رقاد اسير صوبهم. انا : خلاص اوكيه . . دخلت الحمام"عزكم الله" وتوضيت وصلينا الفجر الحمدالله وقرينا شوي من كتاب الله , وكان الرقاد طاير من عيوني , مول مول مافيني رقاد , طلعتلي مخوره حمرا وفيها ذهبي , وشيلة ذهبية , وتجحلت بالاثمد , وطلعت من الحجرة , ويلست برع اتريا الشروق , وشوي شوي طلعت الشمس وحبيت الجو وايد وصورت"طبعن" وقمت وسرت صوب المطبخ وشفت البشاكير وحليلهن يعابلن يسون ريوق , قلتلهن يسيرن حجرهن وقررت اتفنن انا في الريوق , سويت الحليب والقهوة والجاهي وبيض وطماط , وسويت خبز رقاق بعد تتحدون هههههه , زقرت وحدة من البشاكير مالت عليه شادة حيلي اوني بسوي ريوق حق العايلة كلها بروحي ماروم , وسوت ويايه البلاليط , واللقيمات والعصيدة وعقب ماجهز الريوق استوت الساعه تسع ونص وطلعت عن البشكارة وعقب سرت صوب الخيول وشفت فرس بيضا , تخببلتتتت عليها سألت العامل عن اسمها جان يقولي . . العآمل : هادا نيم مبنودة ماماه انا مستغربة: مبنوودة؟ العآمل : لالاا مافي مبنودةة انا : بسم الله انته تراك تقول مبنودة آلعامل: ماماه هادا نيم مال هيا مبنوددة انا تميت افكر : هاااااااااه مفنووودة العامل : هيه هيه هادا نيم مال هيا. انا اضحك : ههههههه الله يهداك مفنودة مب مبنودة العامل ابتسم: مافي مألوم انا هادا مال بابا هممددان حمدان ابتسم : هيه مال بابا حمممدان انا اطالعته: بسم الله الرحمن الرحيم , من وين طلعت انتتته حمدان يتسيخف: الله يسلمج من بطن امايه. انا ضحكة ضحكة عبيطة : هاهاهاهاه يا ظرافتك حمدان زاخ ضحكته يبا ينرفزني : ظظرافه ولا اسد انا ضحكت :هههههههههه والله سخيف . حمدان ضحك : ههههههههه. انا طالعته وشفت ويهه مصفر وغترته كانت على جتفه وبدون ماحس بعمري: حمدان انته وين كنت البارحة ! حمدان كان يضحك وبسرعه تلاشت ابتسامته وقال ببرود : عند ربيعي. انا كنت اقول كلام وانا مب يالسه احس بالكلام الي يالسه اقوله! يمكن لانه خوف امه وابوه غمضني؟مادري يمكن : وبيت ربيعك ها مفتوح اربعه وعشرين ساععه!! حمدان تنرفز : وانتي شو يخصج؟اسير وين ما ابا اسير وارد متى ما ابا اعتقد مايخصج صح ولا؟ تضايجت وسكتت عنه شويه وقلت ؛ هيه مايخصني , يلا بخليك بسير ارقد استوت الساعه عشر. حمدان تلوم : ححمممده . . . انا كنت امشي وصديت ورا : لبيه؟ حمدان ؛ لبيتي في منى ان شاء الله , السموحة , كنت متضايج وماكنت ابا حد يشوفني جي. انا ببرود فظيع: متضايج واطلع حرتك فيني؟ هيه زين , لا ماعليه افا عليك , مسموح ولد عمي. فيصل ياي من بعيد وشافنا انا وحمدان واقفين ؛ هه ما شاء الله ما شاء الله الحبايب هنيه. . انا استغربت من اسلوب فيصل وقلت بقهر : ثمممممن كككلامممك يافيصصل! فيصل : انتتتي ايييييه , تتححرين عمرج منو تباغممين في ويهههي! اصغر عيالج!!! حمدان ايي ويوقف جدامي : فففففيصل احتتتتترم نفسك ولا تعلي صوتككك!! فيصل : الله يخليكك لا تسوي فيهها انا الريال! حمدان عصب : ريااااااااال وغصصبن عننننككككك!!!! ركضت داخل ودخلت الحجرة وتلحفت بكبري وتميت اصيح واصيح واصيح . . . السآعة 10:15 –صباحاً- في احدى كوفيات دبي , سهيل يالس ويا عاليا. عاليا تشرب الكوفي : وخير يا طير ؟ سهيل حاط ايده ع يبهته ؛ عاليا تستهبلين هاي ططلعت اخخت ربيععي!! عاليا تنزل الكوفي واطالعه بصدمه : اختتت ربيعككك!!! سهيل : هيه اختت ربيععي! عاليا : ياللله يعني تغيرت خططنا كلههها!! سهيل يتنهد : شو اسوي الحينه! ها مب اي ربيع! ها ححمد يا عاليا وانا ما بخسر علاقتي ويا حمد عشان هه حمده! عاليا ؛ انا عندي فككرة , شوف انته عاملها *ورصت على كلمة* باححترام , لا تسفل فيها الارض! سهيل يفكر وقال باستغراب : واذا حبيتها عقب؟ ما تغارين؟ عاليا بثقه : لا حبيبي ماغار لانه اعرف ما يملي عينك غيري ولا شو رايكك؟ سهيل ابتسم : افا عليج , بعد شو بقول رايج في محله. نرد للمزرعه . . . يدتيه غبيشه : نننيفييييين اووووه نيفيييين , غربيها الله ويننن التقععت هاي!! نيفين : نآآآآآم ماماا؟ يدتيه غبيشة : انتن سويتن هالريوووق كله! نيفين: لالا ماما هاد ماماه همده سوي كل هادا يدتيه غبيشه : وااييييه فديت روحههها ام سيف ابتسمت : ما شاء الله عليها ححرمة بيت ام عفرآ : هيه والله , ما شاء الله عليها , بناتنا مايعرفن يسون شي موليه! ام راشد ترمس ميروه : وينننها عيل؟ ميروه: راقده امممايه يدتيه غبيشه: واعليه عليههاا تعبانه ناشه من الصبح مدية : هيه هيه نحن يوم انتم راقدين لين هالوقت تهزبونا هززاااب تقولون كله من السهر واللعب ونحن وحليلنا لا نسهر ولا شياته. ام سيف : خل عنج يا الجذوب , وين لا نسهر ولا شياته عنبوه داشه عليج اربع الفير قلت بلقاها راقده الا اشوفج تتعبلين ب هالتيلفون مدية تسمي عمرها منصدمة : بسمممم الله عليج يا امايه انا اتعبل في التيلفون , لالا صدقيني انتي كنتي تحلمين ام سيف : وابووووويه انا بجذب عيوني مدية تضحك : هههههههههه يدتيه غبيشه : اميه حمده هاي تربية فاطمة , حرمة بيت وراعية واجب , وتعرف تسوي كلشي مب انتن , عفاني الله . مريوم : ليش ان شاء الله؟ منو قالج اماياه نحن مانعرف انا اعرف اسوي وايد اشيا يدتيه غبيشه : شو تعرفين تسوين؟ مريوم بعبط : اعرف اسوي اندومي كلهم ضحكوا: ههههههههههه يدتيه غبيشه:عطططططوني شي افلعها فيه , تحريتج بتقولين مجبوس شي واخر شي تقوليله اندددومي . كلهم يضحكون : ههههههههههه يدش حمدان ويقول ؛ زماااان اول البنت عمرهاا 14 سنه تذبح ذباااايح وانتن تسون كب كيك وتستانسون عليه كلهم ضحكوا : ههههههههههههه يدتيه غبيشه: هيه والله يابويه صدددقت هنود تحط ايدها ع قلبها : خيبه ذبيحة مرة ووحدة حمدان يلس : هيه نعآم . مريوم : خلاص خلاص خلونا ع الكب كيك مالنا . الكل ضحك: هههههههههه. ام راشد : حمدان ابويه تعال شويه اباك في رمسة يدتيه غبيشه: قم قم فديتك سير شوف شو تبا امك حمدان : ان شاء الله ام راشد بهمس : وينن كنت البارححة! حمدان : عند ربيعي امايه . ام راشد : عنبوه عند ربيعك لين بالباجر!ّ حمدان : يا اماياه خذتنا السوالف وماحسينا بالوقت وحلفني ربيعي مارد في هالوقت البيت ام راشد : ما عليه يا حمدان هالمرة بعديها لك! وشويه ويو الشباب والشواب كلهم ويلسوا وخذتهم السوالف وكانو كلهم موجودين ما عدا شخصين . . . "حمده و . . . . فيصل!!!!" شخص يدخل حجرة حمده ويسكر الباب ورآه . . قمت فجأه يوم سمعت صوت الباب ينقفففل!!!! انا طالعته وانصدمت : فييييييصل شو تسوووووي هنييييه!!! حطيت اللحاف ع شعري : اططططططلع بررررررررررع!!!!! فيصل يرص ع ضروسه وحط ايده ع حلجي : ولا كككككلمة!!!!! نهآية البارت . . |
لما تهتم في شخص وتخاف عليه؟ احيانا يكون اعظم من الحب نفسه! البآرتّ آلسابعّ عشرّ ؛ يدتي غبيشه : مب جنه حمده طولت في رقادها؟ ميروه تأكل : اماياه حليلها مسويه كل هالريوق وناشه من الصبح خليها يدتي غبيشه : ادريبها فديتا , بس تلقينها ماذاقت شي , سيري فديتج وعيها. ميروه تمش ايدها بالكلينكس :ان شاء الله انا وقتها شفت الموت بعيوني كنت زايغه بشكل فظيع كنت ارتجف بكبري!!! كانت حاطة اللحاف ع شعري وفيصل حاط ايده ع حلجي وكنت اصيح . . فيصل يسحب اللحاف : احححينه اونج زاااايغه وتصيحين من شوويه كنتي تباغمممين في ويهي!! تتحححريني اصصغغر عيااالج!!! انا اصيح وهو يتقرب مني :فيصصصل خخخاااف الله فيننننننني انا بنتتتتت عمممككك يافيصصصل *اشاهق* بنت عمكككك! قمت من على الشبرية وانا خايفة وركضت بدخل داخل الحمام لكن ايده كانت اقوى وسحبني وطلعني من الحمام وكنت ميته من الصياح . . لصقت في اليدار : ففيصصل الله يخليييك فيصصصل انا بنتتتتت عمكككككك! حححرام تسووي فيننني ججججيه فيصل يزغدني : احححححينه الله يخليكككك!! من ييتتتتتتي وانا ككككارهنننج مب باااااااالعنج!!!! انا منصدمة من اللي يالسه اسمعه وكنت اترجاه يفج ايده لاني حسيت عمري بموت : فيـ ـ ـ صـ ل الله يخـليـ ـ ـ ك بمـ ـ و ت فيصل يخوز ايده ويطالعني وعيونه كلها شر يتقرب اكثر لدرجة ما تفصلنا غير شعرة "دزيته بقوة" وفتحت الباب بسرعه وركضت برع وانا اصارخ وشرد فيصل وطلعت في جدامي ميرة الي انتبهت عليه وعلى فيصل اللي شرد!! ميروه تركض صوبي بخوف فظيع : سووووووووابج شششي!! ولوت عليه وانفجرت صياح . . انا اصيح واشاهق : كـ ـ ـ نـت برو و ح فيـ ـ ها , كـ ـ ـ نـ ـ ت . . . يدي مصبح وعمي بوسيف ياين يركضون لانهم سمعوا صياح وصراخ ! ميروة بهمس : اسسممع صوت يدددي وعمممي! ميروه تفج شيلتها وتصارخ : آآآآآآآآآآآآآآ الححقووونننننننننننااااااااااااا انا اطالعها بصدمة ماعر فشو السالفة جان اصارخ وياها هههههههه: آآآآآآآآآآ الحقوننننااا يدي مصبح زايغ : شششو السالفة بلاااااكن!!! ميروه تمثل انها تصيح : يددددددديه طيططططاااررررر انا امثل اني اصيح وصدقوا لانه عيوني متورمه من الصياح وميروه تمثيلها نمبر ون : يددددديه طططيطار هالكككبر , اول مره اشوف طيططار جيه! يدي يضحك : غربلات إبليسكن من بنيات , روعتونا تحرينا فيكن شي واخر شي طيططار عمي بوسيف يضحك : تدريبهن البنات يابويه , دلوعااات الشباب والبنات ياين يركضون يبون يعرفون شو السالفة جان يديه يمرغ الشباب بالعصا : امممممف عليككم ماتخيلون انتتتتو , البنيات مب متلححفات "مب لابسات شيلة" امفففففف عليككم الشباب طلعوا وهم يضحكون : هههههههههههه دخلنا انا وميروه الحجرة وقفلنا الباب . . . انا ضحكت : عليج افكككار جهنمية ميروه تضحك : عيل شو تتحرين بنت حمميد هينه انا ابتسمت :لا والله مب هينة . . ميروه تتنهدت تنهيدة طويلة : انزين خبرينني! شو سالفة فيصل وشو يسوي عندج! انا خبرتها عن كل شي استوى من روحت عنها وسرت سويت الريوق لين ما شرد فيصل . . . ميروه كانت تسمع وهي منصدمة : سوووووابج شي! انا نزلت راسي : لآ . ميروه تنرفزت : الللللله يغربلله الحححيوان ماتوقعععت فيصصصل جججيه!! جد انصدمممت! *سكتت شويه وقالت*عيل لو تعرفين انه بنتم اسبوع هنيه شو بتسوين انا فجيت عيوني : لا تقوووووولين!!! ميروه بحزن : هيه نحن روحنا تفاجأنا! يديه قال عشان كلنا نتعرف عليج اكثر وهاه وطبعن في ناس عارضوا عشان الامتحانات مابقى عليها الا اسبوع ,وكل واحد فيهم ايب استاذ طبعن , فقاللهم يدي ايبون استاذتهم المزرعه , وفليل بنسير نيب اغراضنا من البيت انا ابتسمت : فديت يدي , *فكرت شوي بفيصل* وفيصصل!! ميروه : ولايهمج من اليوم وساير مابفج عنج وقبل مانرقد بنقفل الباب على عمارننا انا : ميروه لازم نخبر حد عن هالسالفة؟ ميروه : ياليييت نقدر بس مانقدر! لانه لو قلنا بيجذبونا نحن وفيصل طبعن بينكر! انا تنهدت : حسبي الله عليه ميروه : يلا قومي انتي اغسلي ويهج وتعالي امايه اذتني ماخلتني اكمل ريوقي والسبه انتي هيه هيه على طاري الطباخ الكل يتمدح في طباخخج انا ضحكت : صدق والله؟ ميروه : هيه والله تموا يمدحونج هاك المديح ويطنزن علينا انا بثقه : عشان تعرفين منو حمده بنت عبيد ميروه تضحك : هههههه انزين حمده بنت عبيد اترياج انا بخوف : واللللله ما تسيرررين مكان الا انا وياج عن يدش عليه هالفيصل مره ثانيه ميروه تتطنز : افاااا وينها حمده بنت عبيد انا اضحك : هههههههه جب جب غسلت ويهي ومسحت الجحال وحطيت جحال مره ثانية , وطلعنا انا وميروه ويا بعض . . انا دخلت : السلام عليكم الكل : وعليكم السلام والرحمة عبدالله يأكل بشهية كبيرة وكان يرمسني وحلجه متروس اكل ههههه: تسلم ايدج بنت عمي , الريوق ما عليه كلاممم انا ضحكت : بالهني والعافية يدتيه غبيشه : ويييينها بنت عبييد ووينها انا ابتسمت : بنت عبييد هنيه يدتيه غبيشه : وايييييه فديت روحج يا الغالية , صدق انج حرمة بيت وراعية واجب. انا ابتسمت لها وقالت : مايستوي ماتذوقين شي من اكلج يالله تعالي يلسي حذايه وكلي فديتج انا : ان شاء الله , من عيوني . منى تضحك : ههههه خلاص حمده طيحت سوقي انا ابتسمت : لا افا عليج نتعلم منج نحن منى ابتسمت . . مريوم يايه صوبنا وكانت ترمس في الفون . . مريوم ترمس بالمصري: يا استاااااز ازااي ماتئدرش! انا عندي امتحاناات الاسبوع القآي! خلاص معليش معليش *وسكرت عنه* والكل طالعها وانفجر من الضحك عليها لانه كانت ترمس مصري عدل: ههههههههه مريوم : هيه هيه اضحححكوآ انا برسب في الامتححانات وانتو اضضحكوا! ام عفرآ : جييه بلاه! مريوم : يقول ما يقدر اييني!! يقولي طلاااب وايد عنده ام عفرآ : ياربي احينه من وين نيبلج استاذ عربي! حمدآن : عنبوه تحريتج بتقولين فيزيا , احيا شي اخر شي عربي! ميروه : ما شاء الله عاد انته كنت مسكت في العربي ما شاء الله عليك ونسبتك كانت . . . حمدان يقاطعها : من ستر على مسلم؟ ستر الله عليه يوم القيامة الكل : هههههههههه مريوم : يا بابا , العربي كله حفظ ! بس النحو اللي ملعوزني , وبعدين ها الاستاذ يدرس كل المواااد حمدان يفكر شويه : ليكككونن استاااذ عممماد مريوم بيأس : هيه هو حمدان يضحك : اماياه , عموه ابشركم سعيد ويوسف بيعيدون السنه ام راشد : وابووويه بسم الله على ولدي , ام مايد : فااااالك ما قبلنااااااه! حمدان : تعرفون انه هالاستاذ هو اللي مساعد سعوود ويسوف ولا هم على الحديدة يوسف: بلاهههم سعوود ويسووفف؟ مدية تضحك : بيعيدون السنة يوسف وسعيد : بسسسسسسسم ااااالله!! حمدان : استاذ عماد مابيقدر اييكم سعيد يلس والوضوع عنده عادي وقال : اووه رايحين فيه عيل يوسف نفس الشي يلس حذاله : هيه والله يدتيه غبيشه تمرغهم بالعصا: غربلات عدوكم , نحن مدخلينكم المدرسة عشان ترفعون رووسنا , والحينه تبون تفشلونا جدام خلق الله انا امش ايدي بالكلينكس :هههههه شو رايكم انزين انا بتبرع اذاكرلكم؟ كلهم : انتتتتي! سعيد : حمددوه نحن وايد وين بتقددرين روحج؟ انا اطالع ميروه والبنات : شوفوا بما انا بنتم اسبوع هنيه *كلهم انصدموا وتموا يقولون كيف عرفتي ونحن كنا مابنخبرج وهاه وتموا ساعه جان اكمل واقول* نحن بنوزع الادوار علينا , يعني الاعدادية هندوه ومنى وانا وميروه الثانوية كلهم : خلاص اوكيه . . . مريوم تحط راسها على ريول امها : ريحتوني الله يريحكم دنيا واخره كلهم ضحكوا وقالو : اميييين ام سيف : يزاكم الله خير فديتكم بتسون فينا معروف ميروه اطالع الشباب بنص عين : نبا حد يوددينا المكتبة انزين عشان ناخذ دفاتر وهالسوالف فجأة الشباب كلهم سموا عمارهم سرحانين في تليفوناتهم وانا رمست : انزين انا عندي ليسن بس ابا موتر كلهم صدوا عليه بصدمة : عننندج لييسن! ميروه : فقددددت هالويه ماخبرتيني انه عندج ليسن جان سرقنا موتر من مواتر الشباب انا ضحكت : هههههههه هيه عندي ليسن من تخرجت من الثانوية قدمت والحمدالله نجحت . حمد يضحك : هههههههه تدرين انا ولا وحدة منهن اتجرأت تسير تطلع ليسن عايشين تحت رحمتنننا انا اضحك:ههههههه ليش؟ حمد : بعد شوه خخووافااااات منى : يلاااا عااد انا قددمممت مريوم: انتي قدددمتي كم مره, مليون مره , وكله ترسبين حشى ماتعرف تسوق موووليه كلنا ضحكنا : هههههههههه انا : انزين احينه نبا موتر شو الححل؟ حمد يرفع ايده فوق : انا موتري في الوكالة مريوم : عنبوه احينه كم موتر موقف برع ومحد طايع يعطينا موتر واحد شو هالززطط الي فيككم! حمدان : خلاص خلاص , بعطيكم موتري بس والله انه شفت شخطة وحدة يا ويلكم انا كنت اطالع فوق مادري شو اطالع بس اهم شي ما احط عيني بعينه جان اقول بكل برود! : ان شاء الله ميروه بهمس : شوي شوي عليه , تلقينه كان متضايج من شي انا طالعت ميرة وسكت. هندوه : امايه هل العين متى بيون؟ ام سيف : قاللونا عقب صلاة الظهر . . هندوه تتطالع ساعتها ؛ مابققى شي على الاذآن عمي علي : يلا يلا شباب , قوموا تسبحوا وتجهزوا حق الصلاة يالله اشوفف قامو الشباب , وساروا يسوون مثل ما قال عمي علي ونحن دخلنا المطبخ , وسوينا دخون ويبن دهن عود والعطور والدنيا ,"اذن الظهر" وعقب استغلينا الفرصة ودخلنا نسبح ونص البنات لبسوا مخاويرهم مال البارحة , طلعت ويلست انشف شعري الطويل, يبالي اقصه شوي وايد متعب بشكل فظيع ساعه لين ماينشف! تميت اسشور شعري , وعقب لفيته وتعدلت شوي وحطيت الشيلة على راسي ودخلت شعري كله وطلعت ولقيتهم كلهم مرتبشين واللي تدخن ولدها واللي تدخن اخوها واللي تدخن ريلها . . . حمد يعطيني المدخن : ييتي في وقتج , ادور حد يدخنني لا حرمة ولا شياته انا ضحكت وشليت المدخن عنه : ههههههه . . ودخنته ودخنت غترته ويبتله دهن عود وعطرته طالعته وابتسمت : الله يحفظكك بعينه الي ما تنام حمد ابتسم : ويحفظج . . وساروا الشباب يصلون , ونحن البنات سرنا صلينا جماعة , سرنا نشرف على الغدآ , لانه اهل العين قربوا يوصلون , وتأكدنا انه كل شي اوكيه , وشوية ردوا الشباب من المسيد ووراهم على طول اهل العين , نزلوا الشباب يسلمون , ويو البنات صوبنا ما شاء الله عليهن جميلات! ووايهنهم , ويلسنا وي بعض وبديت اتعرف عليهم كم بحفظ انا!!! عآيلة خآلي سلطآن : بوعمار "سلطان" : ريال عصبي شوي لكن قلبه ابيض ودايمن مبتسم بس وقت الجد جد . . ام عمار "مهرة" : حرمة طيبة مثل باقي الامهات طيبة , ودمها خفيف وماترضى على عيالها . عمآر : ولدهم العود , شعره شوي طويل واسود سواد الليل , عيونه كبار شوي مب وايد , طوووويل , ووسيم بشكل عآم وعمره 24 سنه وهو رقيب في الجيش . عليآ : هآآآآآآآآدية واايد وماينسمعلها حس موول , وتستحي وايد ومن النوع الخجول لدرجة انها تتغشى جدام عيآل عمها , ولين الحينه ماشفت ويهها هههههه , وعمرها 22 ذيآب : اسمرآني وطويل *كلهم طوال ما شاء الله* شوي مجسم , عيونه عسليات , ويمتاز بجماله العربي الاصيل وعمره 20 ويدرس في كلية زايد العسكرية . آلجآزي : قصيرة بس مب وايد , ومليانه شوي ,بيضآ , وعيونها صغار وخشمها ضعيف , يقولون تستنذل ساعات ههههه, وعمرها 19 سنه. عآيلة خآلي مبارك : بو يآبر : طيب وايد بس تيه هفات يعصب , بس حنون وقلبه ابيض. ام يآبر : باختصار مثل باقي الامهات الي ذكرتهم . يآبر : عفوي وآيد , ومن يا ونحن نضحك , طويل بس مب وآيد , جميل ما شاء الله عليه , وعمره 24 وملعوز امه "مب طايع يعرس" وهو ما يداني طآري العرس موليه بنعرف بعدين ليش. جميعة : حنطاوية وشعرها طويل ما شاء الله , من ييت وهي رابشتنا , ومسوتلنا جو هي واسوم , حسيتها خبلة ع الاخير , وحبيتها على طول وعمرها 19 سنه . آسمآ ؛ هاي الخبلة الثآنية , بيضآ وايد , وعيونها وسط بس حلوآت , عفوية ورقيص هههههه تهلك من الضحك , وعفوية بشكل وطيبة وقلبها ابيض وشعرها طويل وعمرها 18 سنه هالسنه متخرجة من الثانويه. خالد وخليفة " توأم" يتشابهون بشكل فظيع , الفرق الوحيد الي من بينهم انه خالد فيه حبة خآل صغيرة على رقبته , ووسيمين بشكل عآم واعمارهم 16 سنة ومن شلة سعيد ويوسف. طبعن اول ما وصلوا توجهنآ للميلس وكان الغدآ جاهز وكل شي اوكيه الحمدالله , وسمينا باسم الله وكلنا وخذتنا السوالف , وعقب ما خلصنا خبرناهم عن انه بنذاكرلهم وجيه وشلينا موتر حمدان وتوجهنآ للمكتبة. في الموتر ؛ كانت الاجواء ولا اروع ,كنا وايد مستانسين , كنت شاله كل البنات الا حصة قلتلها تعالي بس ماطاعت والبنات طبعن"فكة , احسن " , كنا مشغلين وحاطين اغاني .. مريوم وهنود : وخدا بعهد تعدلها سكتتتت ككككككتير آسوم وجميعه يصارخون : خديت ايه ممممممصر بسككوووتك ما تستخسرش بها صوتتتك وعقب ماعرف شو ددددي بشررررة خخخخخخير. . . ضحكنا كلنا وكنا وايد مستانسين ووصلنا المكتبة وخذنا دفاتر وخذنا هاي الصبورة العودة شوية الي تتحرك , وخذنا اقلام وكل شي نحتاجه وحاسبنا وطلعنآ من المكتبة وركبنآ الموتر وشغلتها وتريتها تحر شوية , وعقب تأكدت انه مافي سياير ورآ وريوست وفجأة . . . . "طآآآآآآآآآآآآآآآآآآخ" نهآية البارت .. توقعاتكم للبارت الياي؟ وتتوقعون شو هالصوت؟ شو بيستوي بين حمده وحمدآن؟ وشو من احداث بتصير خلال هالاسبوع؟ استقبل آرائكم وانتقادتكم هنيه , وهنيه > http://ask.fm/TheStory_ وعلى حسب تشجيعكم؟ بينزل البارت الياي في اقرب وقت . واسمحولي البارت قصير بس هاذا الي قدرت عليه .. شآكرة لكم ولمتابعتكم , اختكم : شموخ بدوية<3. |
السلام . كيف الحال؟ ان شاء الله كلكم بخير؟ نزلتلكم الـ17 بارت والكاتبة لين احينه كتبت بس 17 بارت وان شاء الله كل ما تنزل بارت راح انزلكم اياه. و وهاذي كانت اخر مشاركة لها آلسلآم عليكم ورحمة الله . . . شحآلكم؟ عساكم بخير وسهالة؟ مبآركن عيدكم , وعساكم من العايدين والسآلمين. . انتهى شهر الخير اللي مر علينا بسرعة كبيرة . . الله يبلغنآ رمضان الياي لا فاقدين ولا مفقودين "اللهم امين" -اعتذر من القلب , انشغلت هالفترة وآيد , تجهيزات العيد والزحمة ويمعات الاهل , والبارت لين الحينه مابديت فيه مخي مبند على الاخر , مافي افكار ابد , بس ان شاء الله بحاول , ولا تحرموني من تشجيعكم لي , السموحة مرة ثانية . . -اختكم شموخ- * |
الصراححه الروايهه م عليها زود ططررر بمعنى الكلمههه واتمنى انج تكملينها وم تتاخرين علينا واتوقع انه حمدوهه الدفشهه دعمت موتر ولاا دعمت واححد ، الله يعينهم ، ف انتظااارجج |
| الساعة الآن 05:17 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir