|
مثل النجمه و القمر كبر حبنا و اشتهر البارت 10 ( في المستشفى ) انا : ( صديت جان اشوف حمد ماسك أيد حمده ) سيف : اوووف شهوود طووفي طوووفي ( سحبني لين طلعني برع ) شهوود انسي الللي شفتيه توا جنجج ما شفتي شي ( يكمل ) شو رايج نسير قيصر ؟ انا : ( احاول ابتسم ) هيه خل نسير قيصر سيف : يلا ( يكلم هيا ) هيوو سيري ازقري حمدان ! هيا : لييش انا !؟؟ قول حق ندوي انا صراحه استحي ندى : انا ما يخصني هو قالج انتي ! هيا : اوووف يعني لازم اسير ؟! سيف : هيه لازم هيا : انزين خلاص بسير (سارت عند حمدان و يوم وصلت ) حمداان ؟ حمدان : عيون و قلب حمدان ؟ هيا : ( استحت و نزلت رأسها ) اممم سيف يباك ! حمدان : الحين بي هيا : انزين ( ابتسمت و سارت ) حمدان : ( صد يطالع حمد ) انته ما تستحي على ويهك !؟؟ حمد : انا ما سويت شي حمدان : شو ما سويت شي !؟ ماسك أيد البنت و تقول ما سويت شي ! حمد : ( عصب ) انا ما مسكت أيدها هي اللي يت و يلست تتحرش فيني ( سار ) حمدان : لا حول و لا قوه الا بالله ( يا عند السياره ) سيف : ( نزل من السياره و سار عند حمدان و يلس يرمسه ) انا : ( تنهدت ) هيا : شهوود بلاج !؟؟ انا : ( احاول ابتسم ) ماشي هيا : ( ابتسمت ) يمممي بنسير قيصر ! انا : هيه يمممي سيف : ( ركب السياره و تنهد ) انا : ( مسكت أيده ) خير اخويه بلاك ؟!؟ سيف : ما فيني شي انا : ( اطالعته ب نظره معناها لا تجذب علي ) سيف : ( يطالعني ) ما فيني شي والله انا : انزين خلاص صدقتك ( ابتسمت) هيا نذهب الى قيصر الكل : ههههههه ( تحركنا كنا 3 سيارات اول سياره كان فيها سيف و انا و هيا و السياره الثانية فيها سعيد و حمد و حمده و ندى و اخر سياره فيها حمدان و زايد ) ( ف سياره حمد ) حمد : ( كان سرحان يفكر ف اللي استوى قبل شوي و شو يقول لي ) حمده : ( بمياعه و دلع ) حمودي !؟ ؟ حمد : هلا ؟ ( بدون ما يصد ) حمده : ( بدلع ) شغل لنا شي حمد : ( شغل الاف ام ) سعيد : ( سكر آلاف ام عشان يقهر حمده مثل ما قهرتني ) حمده : ( بدلع ماصخ ) سععيدوه ليييش ؟ سعيد : ( معصب ) دخلي شعرج و ألبسي عبأه محترمة و تكلمي عدل مثل الناس عقب بقولج ليش حمد : ايييه تكلم زين ! سعيد : ( يصارخ ) جبب انته سير راض حرمتك اللي مب داري عنها و هايت ويا هاي عقب تعال رمسني ندى : سعيد هدي هدي ( ف سياره زايد ) زايد : ( اللي كان يسوق ) هههههه لا والله جي كانت تقول عني حمدان : ههههه هيه والله ( الأجواء كانت حلوه كانوا طول الطريج يضحكون ) ( نرد عند سياره سيف ) انا : ( اتصل حق ندى ) آلو ندى : آلو انا : هلاا والله !؟ ندى : هلااا والله ب شهوود ( كانت متعمده ) حمد : ( يطالعها باهتمام ) انا : اقولج بنسير قيصر ندى : اووونه حظككم انا : انزين قولي حق سعيد أيبج ندى : حمد اللي يسوق مب سعيد انا : اها ، هيه صح من وياكم !؟ ندى : ( توترت ) هاا .. هيه انا وسعيد و حمد و .... انا : ( اقاطعها ) و حمده صح !؟ ندى : هيه انا : هاذي شو يايبنها رازه ويها ف كل مكان مالت عليها بس بيشوفون ( سكرت فويهها ) سيف : راكبه وياه ؟ انا : هيه مالت عليها و عليه بس بيشوفون هيا : ( تمسك ايدي ) شهوود اكيد حمد ما يخصه شو بنفسه قال ان هو يحبج انتي بس انا : ( اقتنعت برمسه هيا ) يمكن ( ابتسم ت) هيه خل اتصل حق فطوم اكيد الحين هي تبا أتي ( اتصلت ) آلو فاطمه : آلو انا : هلا والله ب فطوم شحالج ؟ فاطمه : اهلين ، مب بخير انا: افاا ليش يا القلب ؟ فاطمه : لان ما بي وياكم انا : انزين حياتي قولي حق سلوم ايبكم انتي و البنات فاطمه : قلتله قال اونه ما اقدر ! شهوود انتي قوليله بلليز ! انا : انزين حبيبتي انا بقوله يلا انا بسكر فاطمه : ( استأنست ) ثااانكس شهوود اوك يلا باي انا : باي ( و سكرت ) سيف : ( يطالعني ) منو هاذي !؟؟ انا : كزن فطووم سيف : عندنا وحده من الأهل اسمها فاطمه ؟ انا : هيه ( ابتسمت ) سيف : اووونه تدرين انا وايد أحب اسم فاطمه حتى بسمي بنتي فاطمه انا : ما يحتاااي تسمي بنتك فاطمه لان حرمتك بيكون اسمها فاطمه ( ضحكت ) سيف و هيا : ( ضحكوا ) انا : ( اتذكرت ) هيه صح خل ارمس سلوم ! ( اتصلت طلع مشغول جان اسير اتصل حق احمد ) آلو احمد : آلو هلا شهود ؟ انا ؛ اهلين ، امم ولد خالي اذا ما عليك امر ممكن اتيب البنات قيصر لان كلنا الحين بنسير احمد : أفا عليج الحين بيبهم انا : مشكور ولد خالي ما تقصر احمد : العفو ولو انا : هيه صح سلوم صوبك ؟ احمد : هيه صوبي تبين ترمسينه ؟ انا : هيه لو سمحت احمد : سللوووم الحق وحده تبا ترمسك سالم : ( اي ركض و سحب الفون من أيد احمد ) آلو انا : آلو هيه هيه يوم قالولك وحده يت ركض مالت هيه توا منو كنت تكلم !؟؟ اكيد وحده من ها البنات الخايسات ابا افهم انته شو مستفيد من ها الشي ؟ سالم : بسم الله اصلا انا ما أكلم بنات انا توا كنت أكلم حمد انا : هيه مبين مبين ما ادري منو مرقم ربيعتي سالم : انزين خلاص آسفين خلاص ما برمس بنات انا : ( ابتسمت ) انزين تعالوا قيصر كلنا الحين بنسير هناك سالم : خلاص عيل مسافة الطريج و بنوصل بااي انا : باي ( ف سياره حمد ) الكل : ( ساكتين ، قطع عليهم صوت ) حمده : اوووف متى نوصل ؟ ندى : بلاج مستعيل ها كله عشان الأكل سعيد : فقطوها ويووو ( يطلع لسانه ، يرمس ندى ) كفوووو كفووو ندى : ( ابتسمت ) أعجبك ( غمزتله ) حمده : سخيفين مالت عليكم حمد : ( عصب لانه ما يرضى على اخوه و لا على اخت حبيبته ) محد سخيف غيرج و مالت عليج و على ويهج حمده : ( شو أقولكم تفشلت استوى ويها احممر ) ندى و سعيد : ( كاتمين ضحكتهم ، شوي و وصلوا بسرعه نزلوا و يلسوا يضحكون ) انا : ( سرت صوبهم لان نحنا من متى واصلين و كنا نترياهم ) بسم الله بلاكم ؟ سعيد : ( يضحك ) فاااااتج انا : ( تحمست ) شو قولوا ؟ ندى : ( ودتني بعيد و قالتلي السالفه كلها ) انا : ( انفجرت ضحك ) ههههههههههه قفطوها سعيد : تستأهل انا :احمم انا بسير عند حمد سعيد : ( يغمزلي ) هيه سيري سيري انا : جب انزين ( ابتسمت ) ندى : ايييه ما ارضى انا : ماالت يلا انا بسير ( سرت و انا في الطريج بسير عند حمد مريت على شله شباب ) الاول : افففف شوفوا شوفوا الثاني : ياااخي غزااال الثالث : شوفوا كيف تمشي ياربيي عذاااب احمد : ( سمعهم ) يااا الحيوان يا قليل الأدب يا ....... ( و سار يتضارب وياهم ) انا : ( حطيت ايدي على حلجي ، عقب سعيد سار خبر حمد و حمد عصب كان ما بيرحمهم بس الشباب خوزوا حمد عن هاييلا الشباب ) حمد : ( اي صوبي ) شو سوا لج؟ انا : ( ساكته و يالسه اشوف ويه حمد اللي كله طالع منه دم ) حمد : ( يهزني ) شهود حبيبي قوولي ؟ انا : ( حظنته ) لا حبيبي ما سوا لي شي حمد : ( ارتاح يوم قلت جي ) شهوود انا احبج والله انا : قلبي والله انا بعد احبك حمد : ( ابتعد عني و ابتسم ) شو قلتي ؟ عيدي عيدي ! انا : ( حمريت و نزلت راسي ) انا بعد احبك حمد : ( يحظني بقو ) الله لا يحرمني منج انا : و لاا منك ي قلبي ( قطع علينا ) زايد : ( يركض ) شهوود سيري حق حمدان ما ادري بلاه معصب و يقول قولوا حق شهود انتي و لا بذبحها انا : ( ابتعد عن حمد ) شوو ؟ يذبحني ؟ انزين انزين الحين بسير ! انزين وين هو ؟ زايد : ( يمشي جدامي ) تعالي انا بوصلج ( دخلنا المطعم و سرنا الغرفه اللي فيها حمدان ) انا : هلا حمدان يقولون بغيتني ؟ حمدان : ( يمثل انه معصب ) انتي وين كنتي ؟ انا : ( عرفت ان يالس يمثل ، رفعت حاجبي و تكتفت ) كنت في المريخ حمدان : ولج عين تتكلمين ؟ انا : عندي عين و حلج و خشم و إذن و أيد و ريل حمدان : يا قليله الأدب يا اللي ما تستحين ( كان يستهبل ) انا : قليله أدب و لا كثيره أدب ؟ حمدان : ( كاتم ضحكته ) شهوود ؟ ( رفع صبعه ) انا : ( رفعت صبعي و قلت بطريقه تضحك ) حمدااانوه ؟؟ حمدان : ( انفجر ضحك ) انا : ( يلست على الكرسي لان راسي بدا يدور ) زايد : ( انتبه على الحركه ) شهوود ؟ بلاج ؟ انا : ( ابتسمت ابتسامه خفيفه ) مافيني شي بس راسي شوي يدور حمدان : ( من قلت جي خاف سيده سار صب لي ماي و عطاني ) اشربي اشربي انا : ( شربت الماي و عطيته الماي ) حمد : ( دخل علينا و يوم شافنا جي بسرعه يا صوبي ) حمدان بلاها ؟ حمدان : ماشي بس تقول ان رأسها يدور ف عشان جي عطيتها ماي حمد : ( مسك ايدي ) انتي الحين احسن ؟ انا : ( هزيت راسي ب هيه ) زايد : انا بزقرهم و برجع ( سار ) حمدان : شو تبين ؟ حمد : برياني دياي ( ابتسم ) صح ؟ انا : ( رديت له الابتسامة ) هيه صح حمدان : كيف عرفت انها تحب برياني دياي ؟ حمد : سرر المهنه ( ابتسم ) حمدان : مالت ( و طلب البرياني شوي و يوا البنات و الأولاد اول شي حمدان و جدامه هيا و عدال حمدان حمد و جدامه انا و عدال حمد سعيد و جدامه ندى و عدال ندى فاطمه و جدامها سيف و عدال سيف احمد و جدامه الريم و عدال الريم شوق و جدام شوق خليفه و عدال خليفه سالم و مجابلنه الجني خخ استهبل ) انا : ( يالسه اطالعهم و هم يسولفون فجأه رن التلفون فتحت الشنطة و طلعت الفون ) آلو اليازيه : آلو هلا شهود ؟ شحالج ؟ وينج يا القاطعه ؟ لا تسألين و لا شي ؟ انا : اهلين تمام والله و انتي ؟ شو نسوي مشاغل الدنيا ، والله اليوم كنت برمسج بس نسيت ! اليازيه : هه دوم ، انا الحمدالله تمام ، هاذي المره بسامحج عشان ملجتي وجي و مشغوله ويا حبيب القلب انا : ( حمريت و ضحكت و صديت حق هيا و يلست اسويلها حركات ان بتشوفين ) وياج ان شاء الله ، دووم اليازيه : اهم شي مرتاحة ؟؟ انا : يب يب و وايد بعد اليازيه : ان شاء الله دوم انا : تدرين ان اللي تكرهينها ويانا ؟ اليازيه : قصدج اللي انتي تكرهينها ؟ انا : يب اليازيه : تقصدين حمده صح ؟؟ انا : كيف عرفتي ؟ اكيد هاذي هيو قالتلج ! هاذي عفان الله ما تعرف تيود لسانها اليازيه و الكل : ( ضحكوا ) اليازيه : حرام عليج انا : يوم برد البيت ذكرني اقولج شي انزين ؟ اليازيه : ان شاء الله يلا عيل بخليج و بالعافيه شوشو انا : الله يعافيج ( ابتسمت ) دزيز يلا باي اليازيه : ( ضحكت ) بااي ( سكرت ) انا : يوم سكرت انتبهت اني ارمس بالايفون يعني الكل سمع ) سوا عمركم ما سمعتوا شي الكل : ( ضحكوا على غبائي الزايد ) ( شوي و يابوا الأكل ) حمدان : شهود تعالي عندي سيف : لا لا شهود تعالي عندي حمد : لا انته و لا هو شهود بتي عندي انا : ما بي لا عندك و لا عنده و لا عنده بتم ف مكاني احسن لي ( ابتسمت ) حمد : ( يهمس حق حمدان ) اييه شو رأيك نبدل الأماكن ؟ حمدان : اوكي ( يرمس الكل ) قوموا كلكم بسرعه الكل : ( قاموا ) حمدان و حمد : ( يلسو يرتبون الأماكن ) ( الترتيب اليديد : اول شي سيف و جدامه ندى و عدال سيف انا و جدامي فاطمه و عدالي انا حمدان و جدامه هيا و عدال حمدان حمد و جدام حمد احمد و عدال حمد سعيد و جدامه شوق و عدال سعيد خليفه و جدامه الريم و عدال خليفه سالم ) الكل : ( يلسوا على هذا الترتيب ) انا : ( مسكت أيد حمدان و سيف و همست لهم ) الله لاا يحرمني منكم يا أغلى اخوان حمدان : ( باسني على خدي و همس ) و لا يحرمنا منج يا أحلى اخت سيف : ( يطالعنا و يبتسم ) شكلكم مب اخوان ! جنكم ريل و مرته الكل : ( ضحكوا قطع علينا صوت دق الباب ) حمد : ( سار و فتح الباب ) خير ؟ حمده : ( بدلع ماصخ ) خير بويهك امم عادي ايلس وياكم انا : ( قمت و سرت عند حمد و يوم قمت لمحت مريم طايفه و قلت بدلع أحلى منها ) سوري حبيبتي ما عندنا مكان بس عندنا مكان واحد فاضي و هذا المكان حق مريم صح مريوم !؟؟ مريم : ( صدت لي و ابتسمت لانها فهمت ) صح حبيبتي انا : يلا تعالي مريومتي مريم : ( دخلت ) السلام عليكم الكل : و عليكم السلام انا : ( ابتسمت ابتسامه عريضه و سكرت الباب ) احمد : كفو يا بنت عمتي كفو سعيد : انتي ( يسوي ب أيده اوكي ) جي خليفه : كفو عليج ادبتيها هاذي اللي ما تستحي حمدان : هيه والله ادبتيها انا : ( ابتسمت ) أفا عليكم أعجبكم ( سرت يلست مكاني و حمد يلس مكانه ) مريم : ( سارت يلست عدال الريم ) انا : افففف يوعانه متى بيبون الأكل ! ( و شوي و دقوا الباب على أساس انهم يابو الأكل ) يمممي ( ابتسمت ) خليفة : اول مره اشوف شهود يوعانه انا : ههههه ( و وزعنا الأكل و يلسنا نأكل ) سيف : ( يحطي لقمه و يعطني ) شهود افتحي حلجج انا : ( فتحت حلجي و كلت اللقمه ) حمدان : ( يقلد سيف ) يلا شهود افتحي حلجج انا : ( فتحت و كلت اللقمة و يلسوا ياكلوني لين ما حسيت عمري شوي و برجع ) خلاص شبعت الحمدالله ( اشوف صحن سيف و حمدان ) يلا كلوا انتو ما كلتوا شي ( اغمز لهم ) و لا شو تبون حد يأكلكم سيف و حمدان : ( فهمو قصدي و ضحكوا ) ( تمينا نسولف لين ما يخلصون و شوي و خلصوا عقب ما خلصوا دفعنا الحساب و تمينا يالسين لين ما يخلصون الباقين اللي في الغرفه الثانية ) انا : ( فتحت الشنطة و طلعت الأيفون و اتصلت حق اسماء ) آلو اسماء : آلو هلا هيو ( غيرت الاسم عشان كانت حمده وياهم ) انا : ( ضحكت ) وياكم ؟؟ اسماء : هيه للأسف انا : ( ضحكت ) الله يعينكم ، انزين خلصتوا ؟ اسماء : هيه من مساعه بس نترياكم انتو مخلصين ؟ انا : اووونه حتى نحنا يلا عيل خلونا نروح اسماء ؛ انزين نتلاقا تحت يلا باي انا : باي ( وسكرت ) يلا قوموا هم بعد مخلصين الكل : يلا ( و قمنا ) حمد : ( اي صوبي ) تعالي وياي ما ابا حمده ( يهمس ) اباج انتي انا : ( ابتسمت و حمريت ) انزين ( مسكت أيده و سرنا صوب سيارته ) ( الترتيب كان غير عن قبل اول سياره كان فيها انا و حمد و سعيد و ندى و حمدان و هيا و السياره الثانية كانوا فيها سيف و فاطمه و سالم و مريم و احمد و الريم و ثالث سياره كانوا فيها خليفه و شوق و جاسم و اسماء و اخر سياره كانوا فيها حمده و سلطان و زايد و شيخه و تحركنا و توجهنا للعزبه ف الطريج ما استوى شي كنا طول الوقت ساكتين ، شوي و وصلنا العزبه و نزلنا ) انا : ( نزلت و كنت تعبانه ف سيده دخلت داخل يوم دخلت شفت الشواب و الحريم الكبار سرت سلمت عليهم عقب استأذنت منهم عشان اسير ارتاح سرت غرفتي انا و هيا و فاطمه و ندى ) ( نحنا ج كان عدنا 8 غرف و غرفه زياده حق الضيوف كنا منقسمين انا و هيا و فاطمه و ندى ف جناح و شوق و شيخه و اسماء و الريم و مريم ف جناح و حمده و .. عقب بتعرفون ف جناح بروحهم لان محد يبا يسير وياهم و عائشة و ميره و ... و ... ف جناح بروحهم ) )انا : ( سرت بدلت ملابسي و لبست بجامه و بطلت شعري و سرت رقدت ف سابع نومه الساعه 8:00 ( قمت كالعادة من وقت سرت تغسلت و توضيت عقب سرت بدلت ، لبست بنطلون سكني ابيض ويا قميص وردي علاقي و جاكيت اسود بعدين سرت صليت عقب سرت لبست البوت مال الخيل اكيد تعرفونه و يلست احطي لي مكياج خفيف عقب رفعت عدل و عقب سرت يبت لي سكارف تحجبت عدل و قبل ما اسير تأكدت ان و لا شعره طالعه و شكلي زين عطيت عمري بؤسه ف الهواء كنت بقوم البنات بس قلت حرام خلهم راقدين طلعت من الجناح نزلت تحت كنت بسير عند حمدان بس تذكرت ان هو كله يرقد ويا الشباب ما يرقد ويا سيف طبعا سيف ما يرقد بروحه يرقد وياه حمد عشان جي ما قدرت اسير سرت غرفه الطعام شفت محد هناك ) كوماري كوماري ؟ كوماري : ها ماما ؟ انا : ( أشار على عمري ) انا مب ماما المهم وين اميه و ابويه و الأهل ؟ كوماري : ماما و بابا انتي كلوو براا انا : انزين ( طلعت و سرت عندهم بست راس اميه و ابويه و سلمت على ام و ابو حمدان و ام و ابو حمد ) صباح الخير الكل : صباح النور انا : عيل وين الباقين ؟ ام حمد : الباقين بعدهم راقدين الا انتي شو مقومنج من الحين ؟ انا : لان انا امس من وقت راقده ام حمد : اها ، امس البنات و الشباب كلهم كانوا واعين لين الفجر صلوا و رقدوا انا : اوونه ( أفكر ) كلهم كانوا واعين ؟ ( ابتسمت ) ام حمد : هيه حمد كان وياهم ( ابتسمت ) انا : ( حمريت و نزلت راسي ) ام حمدان : اميه ايلسي شو موقفنج ؟ انا : ( سرت بست رأسها ) ان شاء الله خالوه الحين بيلس ( وسرت بست راس بو حمدان ) شحالك ؟ وينك ما تنشاف ها الايام ليكون ( اغمز له ) حصلت لك حرمه و سرت تزوجتها الكل ما عدا ام حمدان : ( ضحكوا ) ام حمدان : ( قرصتني ) يا اللي ما تستحين ابو حمدان : ( ضحك ) لا اميه ما تزوجت بس تدرين الشركه وجي ( يكمل ) انا اصلا ما بتزوج و لا بحب غير ام حمدان ربي يحفظها انا : ( ابتسمت و سرت يلست ف خاطري : والله ما احلاهم ربي يخليهم حق بعض ) ابو حمد : اميه شهد ليش ما تاكلين ؟ كلي اميه ! انا : ان شاء الله عميه الحين بأكل ( ارمس الشغالة ) كوماري يبي لي عصير ليمون و كروسون جبن كوماري : ( هزت رأسها ) ان شاء الله ( سارت و دقايق و يابت الأكل جدامي ) انا : ثانكس ( كلت بسرعه و شوي و خلصت ) الحمدالله و بالعافيه عليكم الكل : الله يعافيج ابويه : اميه شكلج بتسيرين عند الخيول ؟ انا : هيه أبويه لان من متى ما سرت ابويه : الله يحفظج انا : ( سرت بست راس ابويه ) و يحفظك ابويه يلا عيل انا استأذن الكل : إذنج معاج انا : ( سرت مره ثانيه داخل عشان أقوم حمد و سيف يوم فتحت الباب شفت ) حمدة : ( يالسة ويا حمد يسولفون و يضحكون وهي لابسه لبس نص صدرها طالع و ريولها و ايدها طالعه و محطيه الوقايه على شعرها باهمال ) هههههه يلا اخر لقمه ( تاكله ) انا : (لا ارادي حطيت ايدي على خصري و رفعت حاجبي ف خاطري : لا والله و تاكله بعد و يضحكون بس براويك يا حمد ، سويت لهم طاف و سرت عند سيف يلست على السرير و اهزه بالخفيف ) سوااف ؟ حبيبي قوم ؟! سيف : همم ( فتح عين وحده و الثانية مسكرة ، يتثاوب ) صباح الورد يا ورد انا : ( اضحك ) صباح النور قلبي ( بسته على خده ) سيف : ( فتح عينه الثانيه اللي كانت مسكره ) شهوود بلليز حبيبتي ابا منج طلب انا : ( ابتسمت ) امر و تدلل حياتي ؟ سيف : ( يقوم و يغمزلي ) اقول الحب ؟ عقب بقولج ! في ناس اهنيه ف ما يستوي اقول انا : ( ضحكت ف يوم ضحكت طلعت غمازاتي ) اوك ( اهمس ) سواف حبيبي بدل بسرعه و تعال الاسطبل سيف : افا عليج الحين دقايق بس ( يرمس حمده ) طلعي برع ابا البس و لا شو تبيني ابدل جدامج انا : ( تتقربت منه و همست ) خلها تولي و لا تعور راسك فيها و حمد يا قلبي خله علي بيشوف ! سيف : فديت القو انا هيه هيه طالعه على اخوج انا : افداك المهم خلص ( اغمزله ) و تعال ( وقفت ) يلا انا بترياك برع سيف : انزين قلبي ما بتاخر انا : ( طلعت ) سيف : ( يرمس حمده و يصرخ عليها ) انتي ما تفهمين شو اقولج ببدل حمده : ياخي بدل ف الحمام انا : ( دخلت لان نسيت فوني و يوم دخلت سمعتها ) ياخي الحجره مب حجرتج انزين ؟ يوم بتكون حجرتج تعالي اتمري و الحين برع برع حمده : ( منصدمه ) انا : انتي ما تفهمين ؟ اقولج طلعي برع ( سرت صوبها و مسكتها بقرف و سحبتها برع عقب دزيتها برع بالقو و سكرت الباب ) يععع ( ركضت الحمام غسلت ايدي مرتين و ثلاث و اربع عقب نشفت ايدي و شفت ايدي في الجامه تاكدت ان شكلي زين و عطيت عمري بوسه و طلعت ) سيف : ( يحظني ) فديت اللي دافعت عني الله لا يحرمني منج انا : ( ابتعدت عنه و بسته على خده و ابتسمت ) افاا عليك عيل اختك على الفاضي انا ؟؟ و لا يحرمني منك ! ( تذكرت ) يلا سير البس بسرعه عشان نسير قبل ما ايون الشباب سيف : ( يبوسني على خدي ) من عيوني ( و سار ) انا : ( ابتسمت و كنت بطلع بس وقفني ) حمد : شهود ترا انا والله ما يخصني انا : ( صديت له و رفعت حاجبي ) لا يكون و انا ما ادري هي داخله فيك و يالسه تتحكم فيك و اشكره بعد هي تاكلك لا والله و انا ان شاء الله وين سرت ؟ ولا حرمتك على الفاضي هو ؟ حمد : ( ابتسم ) تغارين ؟ انا ؛ لا ما اغار حمد : ما تغارين ؟ انزين ؟ بنشوف ( طلع برع و زقر حمده و دخلها داخل الحجره و يلس سيولف وياها و يضحك ) انا : ( رن فوني شفت المتصل و ابتسمت ابتسامه عريضه ) آلو محمد : ( اكيد تذكرونه ولد خاله هيا ) آلو هلا والله ؟ شحالج ؟ وينج يا القاطعه ؟ ما تنشافين ها الأيام ؟ انا : اهلين تمام والله و انته شحالك !؟ شو نسوي مشاغل الدنيا محمد : دووم ، انا الحمدالله تمام ، مشاغل الدنيا و لا مشغوله ويا حبيب القلب ؟ انا : ( ما ركزت يوم قال جي ) تدوم لغاليك و مغليك ، دووم ( انتبهت على اللي و قاله و ضحكت و جان تطلع غمازاتي ) كيف عرفت ؟ اكيد هاي هيو ياخي ها البنت ما تقدر تيود لسانها ! ( استهبل ) محمد : اكيد الحين طلعت غمازاتج ، ( ضحك ) هيه هي اللي اللي قالت اصلا هي مطرشته بي سي انتي تزوجتي وجي و قالت بعد انج مشغوله ويا حبيبج انا : ( سرت صوب الجامه و ابتسمت ) هههه هيه طلعت ، حسبي الله بي سي و انا اقول بلاهم الناس كل ما اتصلوا لي قالوا مشغوله ويا حبيب القلب سيف : ( طلع و كان شكلله طرر كان لابس قميص ابيض نص كم و جاكيت نفس جاكيتي اسود و بنطلون سكني اسود و بوت مال الخيول ) محمد : ( ضحك ) انا : ويت محمد ( اسير صوب سيف ) شو ها الكشخه ياخي طااالع طررر و انا اقول من وين انا يايبه ها الجمال كله سيف : احمم فديتني هيه أفا عليج طالعه على اخوج سيف مب ها الخسف حمدان انا : حرام عليك كله و لا حمدان سيف : ( ابتسم ) انزين يلا خل نسير يا الحلوة انا : ( ابتسمت ) يلا ( و طلعنا جان أتذكر ان محمد على الخط حطيت ايدي على يبهتي ) صح ( ارمس محمد ) آلو محمد : آلو انا : سوري خليتك على الخط محمد : لا عادي الا بسألج هذا اللي توا رمستيه اي اخو ؟ انا : اخويه سيف ( تذكرت ) و اللي شفته في المستشفى هذا اخوي بالرضاعة حمدان محمد : اووونه ! سيف ال .... اخوج ؟ انا : يب يب ( ابتسمت ) شرايك أتي عندنا العزبه ؟ محمد : لا شو فشله انا : لا فشله و لا شي تعال بتونسنا شوي محمد : ان شاء الله خلاص عيل انا بسكر بااي انا : يلا باي ( سكرت ) سيف : ها محمد ولد خاله هيوي صح !؟ انا : هيه صح ، بس كيف عرفت ؟ سيف : لان اصلا هو ربيعي انا : اووونه تدري انا قتله اي العزبه سيف : اوونه ، شو قال بي و لا ؟ انا : هيه بي ( مسكت أيده ) تعال لازم تأكل شي ! سيف : ( ابتسم ) انزين يلا انا : ( سحبت سيف وياي و سرنا برع حطيت له أكل و يلست انا بنفسي أكله لين ما شبع عقب سرنا غسلنا ايدنا و يلسنا نمشي لين ما وصلنا الإسطبل ) ايام هذا المكان سيف : هيه والله ايام تذكرين يوم كنا نلعب كوك كنا دوم انا و انتي و هيو و احمدوه ننخش اهنه ؟ انا : كيف ما اذكر ! بس والله كانت ايام وايد حلوه المهم خلونا نسبح خيولنا سيف : ليش هم مب مسبحينهم ؟ انا: امبلا مسبحينهم بس انا لازم قبل ما اركب لازم اسبحهم مره ثانيه سيف : ( ابتسم ) انزين يلا خل نسبحهم بسرعه عشان نتسابق \ انا : ( ابتسمت ) انزين ( يلسنا ننظف و شوي و خلصنا سرنا يبنا السرج و حطيناه عدل و طلعنا الخيول الخيل مالي كان لونه اسود و سيف بعد خيله نفس خيلي و طلعنا برع و يلسنا نمشي شوي عقب ركبنا ) سيف : يلا 321 انطلق ( سيف سبقني عقب انا سبقته عقب هو سبقني مره ثانيه جان أرد و أسبقه و شوي و وصلنا عند النهاية ) تتوقعون منو بيفوز !؟ |
روايتججججججججججججج وايد حلوه نتريا البارت الي بعدة بالتوفيق .... |
اقتباس:
ثااانكس عيونج الاحلى قريب بنزل البارت ..:1711: |
ححلو البااارتت و ف انتظارجج |
اقتباس:
عيونج الاحلى .. البارت بنزله خلال ها الاسبوع ان شاء الله |
| الساعة الآن 12:59 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir