منتدى استراحات زايد - رّوآية " اهل الغـراآمـ "

رواآية " اهل الغراآمـ " :001_wub:

الجزء الخامس:

...............

محمد"

نزلت الواحه اخذ كوفي حقي وحق منال.. ابتسمت وانا اذكر علاقتي فيها .. منال هيه زميلتي فالعمل سابقااا وعشيقتي حاااليا .. فالبدايه كنت الاحظ نظراتها الي تفضح اعجابها الكبير فيني بس مع الايام قامت تبين لي هالشي وبشكل مباشر!! .. يعني مرات كنت احصل يوميا ورده حمرا على سيارتي!! .. ومرات تكتب لي كلام غزل على ورقه وتخليها عالمكتب !! .. بس لما حست وشافت صدي لها يت فيوم و قالتها فويهي " محمد انا احبك " .. ما انكر اني فالبداية كنت احاول اتجنبها وايد ولاسباب كثيره .. اولا كنت توني معرس يديد يعني علاقتي ويا فطيم كانت سمن عالعسل .. وثانيا لاني كنت اشوفها جريئه وااايد !! ..يعني لما صارحتني بحبها استغربت منها وايد.. كيف ماستحت تقولي مشاعرها وهيه بنت والمفروض انها تخجل ؟؟.. يعني الي اعرفه ان الريال هو الي يبادر فهالحركه !! .. وثالثا منال مب من النوع الي احبه من البنات .. يعني منال ماتتحجب نص شعرها برع والعباه مفتوحه !! ..ومن النوع الي تاخذ وتعطي ويا الموظفين بزياده .. وانا هالستايل ماحبه ابدن .. كنت دايما اضارب وياها على هالموضوع بس لما بديت احبها و اتعلق فيهاا نسيت كل عيوبها وماقمت اشوف الا حبها وبس .. ماعرف شو السبب؟؟ .. يمكن بسبب اهتمامها الزايد لي خلتني اتغاضا عن اشيااا كثيره فيها !!.. الله اعلم !! .. شليت الكوفي و دخلت السياره شفتها ميوده فوووني تتعبث !!

انا : حياتي شو تبين بالفون ؟

منال بتوتر: مما ماشي حبي كنت ادور لعبه

انا : زين فديتج يودي الكوفي مالج .. مثل ماتحبينه .. سكر زياااده

منااال بدلع و هيه تبوووس خدي : يسلموووو حموووودي

انا : انا ماعرف ليش تطلبينها سكر زياده ؟ ... انتي روحج سكر ...يعني حطي صبعج فالكوب وانتهى الموضوع!!

منال : هههههههههههههههههه حمود عاد ..

انا : والله حبيبي صدق .. وفري عالدوله شوي

منال : هههههه انزين بحاول .. مممممم محمد حبيبي وين بتوديني اليوم؟؟

انا : حبيبي انتي امري بس ويين تبين تسيرين ؟؟

منال تبتسم : امممممممممممممممممممممم بيتنا

انا مستغرب: بيتكم!!

منال: هيه ..انت ماوعدتني تكلم ابوي وتخطبني منه ؟

انا: حبيبي نحن اتفقنا نأجل هالسالفه شوي .. وقلتلج اني بحاول افتح هالموضوع ويا فاطمه هاليومين.. خلينا نشوف ردة فعلها.. يمكن تقتنع ؟؟

منال زعلانه : يعني حبيبي انته بتيلس تشاورها ؟؟ .. ." يودت ايدي وشبكت اصابعي باصابعها" .. يعني افرض قالت لا ... بتخليني مثلا؟؟

شليت ايدها ابوسها : لا حبيبي مب جي.. بس الي اقصده ان يمكن فاطمه توافق بدون لا اضطر اني اخش عنها !!

منال : انزين ولو ماوافقت ؟

انا : بالطقاق حبيبي انا الي علي سويته .. عطيتها خبر عشان ماتنصدم لو سمعت من غيري بعدين !!

منال بابتسامه حلوه : فديتك

انا : كم مره اقولج لاتبتسمين جي!!

منال : ليش حياتي ؟؟

انا : انتي ماتعرفين اني اذوووب من اشوفج تبتسمين .. استخفففف انا اتييننننن

منال بمياعه: هههههههههههههههههههه حبيبي انته والله

كملت طريجي وانا مستانس على الوقت الحلو الي اقضيه معاها ..مرات احس اني ماشووف غيرها بعيوني .. احس اني اعمى و منال البنت الوحيده فهالكون !!... هو صحيح ان عندي فطيم حرمتي !! .. بس منال غير .. اشوف فيها كل الي يعجبني .. يعني مب مثل فطيم زنااااانه و حنانه وتخلي من الحبه ؤوبه مثل ما يقولون ... وبصراحه انا ريال ادور راحتي!! .. وراحتي اشوفها مع منال وبسس..

....................

سلطان"

وصلت المطار بالسلامه الحمدلله .. بس ماعرف كيف برد البيت؟؟ ..اصلا انا ماقلت لحد اني بوصل اليوم!! .. حبيت اني اخليها مفاجاه للكل .. وحشتني امي وايد .. وابوي وغايه ومحمد وربعي كلهم .. طلعت رقم بريطانيا من الفون ودخلت بطاقتي مالت الامارات .. ابتسمت وانا اخذ نفس طوييييييييييييييييل اشم فيه ريحة هالبلاد الغاليه!! .. هو صحيح اني كنت زعلان لما فارقت لندن بس الي يوصل البلاد ويشم ريحت هواهاااا ينسى اي مكان ثاني .. فتحت تلفوني وانا محتار اتصل لمنو عسب يوصلني البيت ؟؟ ... يلست افكر وايد واعصر مخي .. بس لقيته !! .. هو ماشي غيره .. ربيعي حمدان .. اتصلت له سيده وعلى طووول رد علي...

حمدااااان : سلطوووووووووووووووووووووووووووووون

بعدت الفون بعيييد عن اذني .. صمخني الحيوان بصريخه ههههههههههههه

انا : ههههههههههه هلا والله بالصديق الصدوق

حمدان : وحشتني يالكلب!!

ابتسمت : وانته بعد واحشني اكثر والله .. شحالك عساك بخير؟؟

حمدااان: مب زين .. من سافرت وخليتنا وانا حالي مب على بعضه

انا : ههههههههههه خل عنك هالسوالف واجل كل شي بتقوله لبعدين .. تعال خذني الحين يلا

حمدان مستغرب : اخذك من وين ؟؟

انا : انا فالمطار توني واصل .. ومب مخبر حد

حمداان مستانس : احلف ؟؟...

انا : ههههه اجذب عليك يعني .. والله توني واااااصل ..

حمدان : حمدلله على السلاااامه ياريال تو مانورت البلاد

انا : منوره باهلها الغالي .. يلا تعال لاتيلس تقرقر وايد ... انا خست هني !!

حمدان : يلا يلا الحين ياينك مسافة الطريج بس ... فلسع

انا : هههههههههه فلسع

هههههههههههههه ضحكت عليه الغبي .. فلسع هاي كلمته المشهوره لما ينهي اتصالاته.. حمدااااان ربيعي دمه خفيف وااايد وعليه مسطلحات تولهت عليها والله ههههههههه .. تريته تقريبا ثلث ساعه لين وصل .. اول ماشافني حضني وتم يبوسني جنه مب شايفني من 20 سنه !! .. يلسنا ناخذ علوووووم بعض وقالي انه من فتره قصيره يداوم فشركه كبيره للاستثمارات ونصحني اني اقدم اوراقي فيها بما ان تخصصي فمجال ادارة الاعمال .. وعدني انه بيساعدني وبيتوسط لي عند المدير بحكم علاقته القويه معاه .. واظن اني مب محتاج بما ان شهادتي من الخارج وهني فالبلاد يبوون اي حد دارس برع !! .. نزلت من السياره بعد ماتفقنا اني اروح معاه باجر ونسلم على باجي الربع .. متوله عليهم واحد واحد وعلى قعداتهم الي تونس ..

دخلت البيت وانا احس اني متوتر وخايف شوي ..مممم يمكن لو عطيتهم خبر كان احسن !! .. دشيت داخل وسمعت صوت امي فالصاله .. شكلها كانت تكلم حد بالفون !!.. اول ماشافتني طاحت السماعه من ايدها وتمت مبهته جنها مب مصدقه الي شافته جداامهاا!! .. نزلت دموعي من عيني بدون ماحس !! .. فريت كل الي بايدي وركضت لحضنهااااا .. صحت وانا ارص عليهاااا...صحت مثل اليهااااال!! ..صحت من شووووقي الكبير لها .. صحت من غلااااهااا الي يزيد فقلبي كل يوووم وانا بعيد عنها .. مستحيل حد يعوضني غيااابها مستحيل .. آآآآه شكثر ولهت عليييج يا امايه .. ولهت على حضنج وريحتج و لمسة ايدج .. ولهت على كلااااامج وخوفج و دعواااااتج لي ليل ونهااار .. ولهت على صوتج.. ولهت احط راسي على ريولج وانتي تمسحين على شعري وتقرين علي .. ولهت على طبيخج وعلى ويهج الي اصبح عليه كل يوم.. ولهت على حبج وعلى حنانج وعلى عطفج ... ولهت على كللللللللللل شي فيج على كككل شي يااااا ام سلطان !!...

امي وهيه تصييييح : سلللطااااان .. سلطااااااااان .. قرت عيني بشوفتك يا نظر عيني..

كنت ابوووووس راسها وايدهااااااااا وارد احضنها و ابووووسها وانا اصييح

انا: ولهت عليج يا اميييييييييييييي ولهت علييييييييييييج

امي : الحمدلله على سلاااامتك حبيبي الحمدلله .. كلنااااااااااا تولهنا علييييييييك يامي كلنااااااااا .. خلااااااص لاتودرنا لاتحرمني منك اكثر عن جييييي ...لاتحرمني من شووووووفتك يا سلطااااان

انا : خلاااااص امييي خلاااااااااااص انا خلصت دراستي وتخرجت .. مابخليج من اليوووووم مابخليييييكم مووول ..

امي ترفع ايدها : الحمدلله لك يارب الحمدلله.. اشكر ربي واحمده انه رجعك لي ساااااالم الحمدلله

تميت طايح فحضنها .. اباااا اشبع من حنانهااا الي افتقدته .. اباااا ارتااااح من تعب الغربه كل هالسنيييين!! .. ابا اكمل حياااتي وانا اعيش وسط هلي... ابا اعوض كل يووووم قضيته وانا بعيد عنهم كل دقيقه ... يارب يارب لاتحرمني من قربهم يارب

...............

ميثه"

واخيييييييييييييرا اجزنا .. الصراحه مابغينا.. حسيت ان هالكورس كان عن 5 سنين ..يالله الحمدلله لك يارب .. المهم ان علاماتي طلعت وكانت كلها زينه الحمدلله .. احس براحه مش طبيعيه !!.. هم وانزاح ياربي .. والله من الفرحه ودي انش ارقص رقص هههههه .. بس مأجله الهز لبعد يومين .. عرس سعيد ورا باجر .. فرحااااااااااااااانه .. من زمان محد عرس عندنا !!.. حتى ملجه سعيد كانت بسيطه وعاديه!! .. ملجو فالمحكمه بس... وصيت الدريول يمر على المصمم الي مفصله عنده فستاني .. وكانت وياي هجور ربيعتي .. احب اخذ رايها بكل شي .. هجور ذويقه وخاصه باي شي يتعلق باللبس .. رايها يهمني وايد .. يلست اتخيل شكل سعود بالبشت وهو داش .. فديييييييييييته ياربي شيخ والله شيخ .. بما ان سعيد البجر فبيتنا .. يعني عرسه بيكون ولا كل الاعراس .. دايما فرحت البجر غير!! .. انتبهت لهجور الي ساكته من اول ما ركبنا السياره .. لالا !! .. مب من الحين .. هيه من مده على هالحال ماعرف شو فيها !!! .. مب طبيعيه !! .. حركت ايدي على ويها فوق وتحت عشان تنتبه

انا : هاجر ... هاجر

هجور تخرعت : ويييي بسم الله .. شو فيج يالحيوانه ؟؟. خرعتيني !!

انا : انتي الي شو فيج كله سرحانه ومسهيه .. من فتره الاحظ انج مب على بعظج .. شو بلاج؟

هاجر بتوتر : أأ ما ما فيني شي .. بس تعرفين يعني فترة امتحانات وجي .. منو يكون على بعضه الله يهداج !!

انا : انزين حبيبتي .. اليوم اباج تركزيييين وياي عدل تفهمين .. شوفيلي فستاني كيف!! .. اخاف مخربنه هالمصمم .. اول مره اتعامل وياه !!

هجور : لاتحاتين .. قلتلج ان هالمصمم فستاتينه طرررر والله .. صدقيني بيعيبج .. حتى فستان عرسج بتاخذينه من عنده وبتشوفييين

انا بظيج : اوووهووو .. لاتيبين هالطاري .. لاتطرين عرسي مول .. كل ماذكر ان باقيلي سنه وبعرس اظايج

هجور : ليش ان شاءلله ؟؟ .. ناويه تيلسين بيت اهلج لين تعيزين !!

انا : لا طبعا مب جي .. بس انا مابا اعرس الحين!! .. ابا اشتغل ابا احقق حلمي ابا افتح شكرتي الي احلم فيها دوم .. ابا اشوف الحياه شوي .. مب من حكره لحكره .. من الجامعه للعرس سيييده

هجور : انزين شو المانع تتزوجين وتشتغلين؟؟

انا : انتي ماتعرفين منصور كيف!! .. منصور بعمر سعود اخوي تقريبا يعني انا متاكده ان يفكر شرات سعود لو مب اخس عنه بعد ..وبعدين انا لازم ارتب عمري من الحين عقب اخليه تحت الامر الواقع .. مب يمشيني على كيفه من ياخذني ويقعدني فالبيت !!

هجور تصفق : الله عليج يالذكيه ..تصدقين عاد .. ماشفت اغبى عنج !! .. يعني الريال لو يبا يرووم يلزمج بقعدة البيت حتى لو كنتي اداومين قبل العرس .. باختصار محد يروم يقوله شي دام صرتي على ذمته هو صار ولي امرج!!

بعد ماحسيت باحباط : اقولج عاااااد .. انتي لاتيلسين تحطميني ..اففف منج .. يلا نزلي نزلي وصلنا

دخلنا وطلبت من الفلبينيه تيب لي فستاني اجيسه ..و اول مايابته سمعت اطراء هجووور

هجور : وااااااااااااااااااااااااااااااااااااااااااااااااو .. والله روعه روعه ميثووووووه . اينن !!

انا : حلفي هجور .. صدق حلو؟؟ .. انزين شو رايج فاللون .. احسه باهت

هجور : بالعكس .. روووووووووعه . البطيخي هاااادي وناااعم ويناسبج وايد .. واللون عليج بيطلع يجنن .. قومي جربيه ابا اشوفه عليج .. نشي بسررررررررعه !!

انا بحماس : اوكي لحظه

دخلت اقايس فستاني وانا مستانسه ان المصمم سوالي اياه مثل ماطلبته بالضبط ..بسيط بس بنفس الوقت فخم !!.. كان لونه بطيخي وفيه شغل عالصدر من نفس اللون على شكل ورد ومن تحت الصدر حطيت ربطه مخمل لونها احمر على شكل فيونكه وبعدها الفستان نازل مخصر وراص على جسمي بقصه السمكه .. ومن ورا كان مفتووووح لين اخر ظهري .. ادري ان امي بتحتشر وبتسمعني كم كلمه.. بس قررت اني افج شعري واخليه مموج .. و بما انه شعري طويل يعني بيغطي على ظهري شوي!! .. طلبت من المصمم يسويلي ورده حمرا للشعر وحطيت فبالي المكيب يكون روج احمر مع شدو للعيون لون واحد بس الي هو البطيخي الفاتح و اي لاينر ممدود برع العين شوي ..ممم يعني قريب من ميكب الستينات .. خلصت لبس وزقرت هجور تشوفني !! ..

انا : يلااااا تعالي تقدرين تدخلين

دشت هجور وفجت عينه باعجااااااااااااب

هاجر : وااااااااااااااااااااااااااااااااااااااااااااااااا اااااااااااااااااااو

ضحكت عليها

انا : هههههههههههههههههههههههه

هاجر : ميثوووووووه .. والله طالعه جناااااااااااااااااااااااااااااااااااااان .. ماشاءلله ماشاءلله عليج.. تف تف تف

انا بقرف : بس بس .. الله يغربلج خيستيني

هجور : وااااو ياحيوانه جسمج طالع رووووووووعه قسم بالله

انا بثقه : ادري ... عشان تعرفون بس انا كيف رشيقه .. ااآآاه فديتني ياناس

يلست اطالع عمري فالمنظره باعجاب ..وقلت

انا : شكلي بيااااااااااخد العقل مو هيك ؟؟ .. " بجديه" ... هجوووور .. احس اني بلفت الانتباه بالعرس وبسرق الاضواء عن العروس هههههه

هجور : اخاف انتي الي يسرقونج والله

ضحكنا انا وياها

انا : ههههههههههههه .. يلا زين طلعي طلعي خليني ابدل.. اخاف تكفخني هالفلبينيه الحين

هجور : يلا اوك اترياج برع

فصخت فستاني وانا راضيه على شكله الحمدلله .. ما باقي الا اني امر السوق اخذلي شووز مناسب و بس

.............................

خالد"

دشيت بيت عمي امي موصتني اوديلهم اغراض مادري حق شو .. جدوور على اكل على دخووون يعني شغلات الحريم الي ماتخلص!! .. شفت غايووه الهبله يالسه عالكرسي عاطتني ظهرها ويالسه تحرك ايدها وتصفق وترد تلعب بخصل شعرهاااا وترد تصدفق.. شكلها بعاااااااااااااالم ثاني !!.. قربت منها اكثر سمعتها اتغني وهيه حاطه السماعات فإذنها وكانت مندمجه عالااااااااااااااخر .. هههههههههههه ذبحتني ضحك ذبحتنييييييييي ..شكلها كان يضحك وخاصه يوم تصفق .. يلست اضحك وانا ميووود بطني مب قادر اوقف

غايه بصوت عالي :

يخرب بيت الهوي يقطع إبليسه

شلي دبسني يا ناس تدبيسه

" رفعت ايدها تحركها " .. خذني بغفله أخذ سنيني من عمري

سرق هالقلب من بدري "وتاشر على قلبها "

وأنا مسيكين وما أدري ... و عاشو عاشووو

عاشو عاشو !!!!!!.... ماقدرت ايود عمري اكثر

انا بصوت عالي : هههههههههههههههههههههههههههههههههههههههههههههههههه ه

انتبهت لي غاية وقففففففففطت بالقووووو .. انصبغ ويها احمر ووقفت بسرعه.. لبست شيلتها عدل وقالت وهيه منحرجه وتصارخ

غايه: اننننننننننت ايه يالسبااااااااااااااااااااااال !! .. ماتعرف تقوووول هوووووووود .. وين دااااااش بيتكم ؟؟

انا بعدني اضحك مب قادر اسكت ... يلست اكح من الضحك وانا اسمعها تقول

غايه بصوت خفيف : الله يغربلك ان شاءلله يعلك الموت

انا اضحك : هههههههههههههههههههههههههه اخ بطني .. يخرب بيت صوتج الصراحه هههههههههه.... شكلج كان ههههههههههههه مصخره والله

غايه : ها ها ها .. مايضحكك

انا :ههههههههههههههههههههه انتي سمعتي صوتج ؟؟.. خايس قسم بالله ؟؟ .. ههههههههه .. منو قص عليج وقالج غني ؟؟

غايه معصبه : ماطلبت رايك انزين !! .. خوز عن ويهي

خطفت بتروح عني

انا بسرعه : ههههههههههههه خلاص تمي تمي والله مابقول شي

غايه تتافف : اففف .. نعم .. شو تبا؟؟

ابتسمت : ولهت عليج والله

فجت عيونها منصدمه ..

كملت انا : صوتج خايس .." وغمزت " .. بس انتي محلوه

رفعت ايدها اتهدد بس مسكتها بسرعه

غايه : يا حيواااان .. انت تستهبل شوووو !! ... هد ايدييييييييييي

انا بعند : مابا .. كيفي

غايه تحاول تسحب ايدها : خالد لاتستهبل هدهاااا قلت

انا : قلتلج مابا .. تبين اهدها ؟؟؟ .... بهدها بس بشرط!!

غايه : بدووون شروط يالحيوووان .. هدها احسنلك ... ترا والله اصااارخ اخليهم ايوووونك الحين

خالد : عادي عندي .. وبعدين انا اعرف محد هني .. ماشوف مواتر برع!!

غايه : افففففففف فكني انزين .. شو تبا قوووووول خلصني !!

انا : غنيلي

فجت عيونها منصدمه : نعم !!

انا : اقوووولج غنيلي

غايه : لا والله .. تستهبل حضرتك صح .. هد ايدي اقووولك هدهاااااااااااااااااااااااااا

رديت ارص على ايدها والفها ورا

غايه تصاارخ : انزيييييييييييييين خلاص خلاااص بغني والله يغني ....بس هدها

خففت من قبضت ايدي

انا : يلا اسمعج

غايه : شو تبا اغني انززين ؟

يودت ضحكتي وقلت : صبوحه خطبها نصيب

غايه : نعم !!!!!!!!!!!!!!!!!

انا واتصنع الجديه : شو ماتسمعين انتي ؟؟ .. قلتلج صبوحه خطبها نصيب

غايه شوي وبتصيح : خالد لاتستهبل .. شو هاي اغنية الحين!!!

انا : والله انا كيفي عاد .. ولا تبيني ارص على ايدج اكثر ؟؟

غايه : لالالالالالا خلاص بغني بغني

غايه وهيه مبوزه وعيونها شوي وبدمع :

صبوحة خطبها نصيب
رغبانة وابو

انا فاطعتها : لالالا مب جي ..

غايه وهيه مبوزه : هاااا عيل كيف !!

انا : قولي صبوحه خطبها نصيب .. اووووووووووووه خطبها نصيب ...

غايه تضرب ريلها عالارض : خااااااااااااااااااااااااااااااااااالد

انا : هااااااااااا هااااااااااا .. رصيت رصيت

غايه نزلت راسها : خلاص انزييييين

انا : وبعدين قوليها وانتي مستانسه وطربانه مثل توج ... مب جي مبووووزه جنه حد ميت !!

غايه : انزييين

ردت تغني وراسها تحت وعيونها متروسه دموووع

غايه :

صبوحة خطبها نصيب ... " تطالعني بقهر " .. اوووووه خطبها نصيب
رغبانة وابوها غلب
وسرى الليل يالعاشقين

" اشرت لها بإيدي يعني كملي " ... صبوحة تحب الحبيب ... اووووه تحب الحبيب
ماترضى بوزن الذهب
وسرى الليل يالعاشقين

كانت تغني وانا ميييييييييت ضحك .. كنت اضحك اضحك اضحك لين دمعت عيوني ماقدرت اوقف ..بس لما سمعتها تصيح وشفت دموعها تنزل على ويهها .. سكت... كسرت خاطري .. مب قصدي اصيحها والله .. كنت ابا العوزها شوي .. احب العوزها .. هديت ايدها وقربت منها شوي

انا : غايه

كانت منزله راسها وتصيح مثل اليهال

انا : غايووووه

ماردت علي !! .. قربت منها اكثر ورفعت راسها.. يلست امسح الدموع الي فويهاا بايدي ... حبيبي عورت قلبي .

انا : غاااايه حبــ

بس فجاه انفجرت علي!!

غايه ادزني وتصارخ : بس يا حيواااااااااااااااااااااان بس... لا تلمسني .. انته شوووووووووووووووووووو!! ... يارب تمووووووووووووووت يالخايس يالسبال يارب تمووووت .. " قربت مني ويلست تضربني على ايدي " .. اكرهك انا والله اكررررررررررهك اكررررررهك ..

يودت ايدها الثنتين اهديها : بس غايه بس .. والله ماقصدت شي .. كنت امزح وياج شووو فيج ؟؟

غايه وبعدها تصيح: تمزح وياي جي ؟؟ ...

انا متلوم : كنت ابا العوزج شوي بس .. ماكنت اباج تصيحين والله .. انا اسف

غايه : انزين هد ايدي

انا : غايه !!

غايه : خالد قلتلك هد ايدي ..

هديت ايدها وانا اقول : خلاص انزين.. انا اسف والله.. اوعدج ماعيدها

غايه : قووول شو تباااا ؟؟

انا : هاه ؟؟

غايه تصااارخ : ياااااااااااااي هني شو تبا؟؟

بعد مافهمت عليها : هيه صح .. " اشرت لها بادي وانا قافط " .. امي مطرشه حقكم هالاغراض

غايه : انزين خلها واطلع برع

انا : غا

غايه معصبه : خلاااااص خلوود قلتلك خلهااا واطلع برع .. ولا والله والله اخبر عليك محمد الحين

انا : انزييييييييين خلاص برووووح .. بس لاتمين زعلانه جي .. ماحب اشوفج مضايجه

غايه بتهديد : بتطلع ولا ؟

انا : طالع طالع والله طالع .. سلمي على عمتي .. يلا باي

شفتها شلت الاجياس ودخلت داخل .. يلست اطالعها لين دشت .. ماكنت اباها تصيييييييح عورتلي قلبي ... انا احب امزح وياها ابا اسمع ضحكتها واشوفها فرحانه .. ماكنت اباها تضايج!!.. تذكرت شكلها وهيه تغني ..ههههههههههههههههه..انا مالقيت الا هالاغنيه عااااد هههههههههه .. كيف طرت على بالي اصلا هههههه .. ركبت سيارتي وانا مبتسم واتفداها فخاطري .. "فديت صوتج انا " .. ااااخ بس متى ايي اليوم الي اشوفج بين ايدي يا غايه وراقده فحضني متى ؟؟ ... الله يصبرني عليج بس!!

.......................

غايه"

دشيت البيت وانا معصبه عالاخررررررر واسبه فخاطري .. السبال الجلب الطفس الخايس الحيوان الهرم كل شي خاااايس بالدنيااااااااا هووووو كككككككل شي .. زفت واحد زففففففت .. ها كيف يتجرأ ويمسك ايدي جي ؟؟... يالس يضحك علي وانا الهبله الي يالسه اغنيله!! .. يودت ايدي الي تعورني .."آآآآآي .. الله يغربله ايدي تعورني واااااااايد" .. شفت فويهي امي وفطيم مرت اخوي محمد .. عقيت الي بايدي بقووو وقلت وانا معصبه

انا : ها..يودووو

فطيم : بسم الله شو بلاج تعقين الاغراض جي ... ومنو يايب ها كله؟؟

قلتلها بأرف : اخوووووج

فطيم : اخوي منو؟

عصبت وعقيت حرتي فيها : يعني في ثقيل دم عندكم غير خلود!!

امي معصبه : جب .. سود الله ويهج .. حد يقول عن ولد عمه جي؟؟

انا حسيت ان الدموع انترست فعيني : امي انتي ماشفتي شو سوااااا فيني ما شفتيييييي !!

امي معصبه : بسس بسس صخي

فطيم تضحك : ههههههههه افااااا غاااايوه .. ها زوج المستقبل جي تقولين عنه !!

انقهرت : خسي والله انا اخذ هااااااااااا

شفت امي طالعتني بنظره تمووووووت .. بس برايها كيفها !! .. هالغبي خسي انا اخذه خسي .. ولا باحلامه !!.. مابااااااااااااااه لو هو الريال الوحيد فهالدنيا انا مااااااااااااباه مستحيل اتزووووووجه!! .. شسوي عشان يفهمون اني مابا هالانسان؟؟..وبعدين انا غير خلييييييييييفه ماباخذ ومحد بيلمسني !!... مقهووووره مقهوووووووره .. كم مره لمحت لخليفه اني ممكن اضيع من ايده باي لحظه بس اكثر عن جي ماقدر المح!! .. انا بنت وعندي كرامه ومابا افرض نفسي عليه!! .. مادري متى بيحس ؟؟ ... خليفه شافني بين ايده متى ماطلبني حصلني ومب حاس ان ممكن نخسر بعض باي وقت !! .. اصلا هو من فتره مب سائل ولا مهتم لانه يدري ان الغبيه اول مايتصل فيها تبرد عليه قبل لا يرن التلفون حتى !!..... اففف .. يعني لاني احبه وامووووت فيه يذلني بهالطريقه ؟؟ تعبت وانا اصبر نفسي .. تعبت وانا اسمع اعذاره واطوف له .. بس لمتى؟؟ ... لمتى غايه؟؟ .. شليت ميره من حظن فطيم ويلست اكلمها كالعاده

انا بهمس : ميروه

اطالعتني بنظراتها البريئه الي اعشقها..

انا : ميروه شفتي خالج الحيوان شو سوا فيني ؟

ميره ابتسمت وقالت بلهجة الاطفال الحلوه : خالي دوووود!!

هههههههههههههههه ضحكتني .. " تقصد خلود " ... هيه والله صدقتي يااا ميروووووه ..صدق انها دوووود

انا: ههههههههههه .. شفتي كيف سوالي وااااااااااااوااااا خالي دووووود السبال .. قولي سبال قولي .. قولي خاااالي دوووود سبااااااااااااااال

يلست اعلمها تقول عن خلود سبااال وهيه كانت تضحك مستانسه .. تميت الاعبها وانا امسح على راسها واقرص خدودها.. فديتج يا ميره .. ليتني صغيره بعمرج .. ليتني صغيره توني اكبر جان عرفت منووو احب ومنو اختاار .. ليتني ياهل ماعرف شو يعني الحب ولا عذابه !!! .. ليتني ياهل كل همي العب واتنطط .. تنهدت وانا اطالع تلفوني.. شفت خليفه يتصل فيني ..تو الناس خليفه تو الناااس !!... يودته وانا متردده ارد عليه ولا لا؟؟؟... حسيت بظيج وحطيت فوني عالسايلنت وفريته .. مابرد عليه لاني لو رديت وسمعت صوته بنسى كل الي يسويه فيني وبرد اسامحه .. برد اسامحه لانه بيقص علي بكلامه الحلو مثل كل مره!! .. بس لااااا مابرد .. بخليه يتعذب مثل ماعذبني .. بخليه يشتاق لي مثل ما انا بمووووووووت من شوقي له .. بخليه يتعلم شوي ويحس !! تعلم شوي خليفه تعلم.. وحسس فيني.. حس بالي تسويه بقلبي حسسسس !!

..................

نهاية البارت