|
اقتباس:
وسوري السمموحـه حبيبتي .. بحآول انزلـه ع اليوم ان شاء الله :( وتسلمين اتشرف بـ متآبعتج وبـ إنتظآر تعليقآتج .. |
اقتباس:
|
يلا حبيبتي نزلي البارت وايد طولتي علينا |
فالانتظار بس اتمنى ان يكون البارت طويل |
فالانتظار واكره الانتظار الطويل :( وعدتيني تحطينها من يومين وماشفتها ياخي :( بليييز انزين ؟ |
البـــــــــارت الــــرآآبــــع عـششـرر .. خليفه"خَش شَـي فِـ جيبه وجَآوبْ بتَوتِرر" : نَعمْ نَدى ! ندَى : شُهالبرودْ ! شُتسسسَوي هنييي .. !! وشُو خَخذت !! --------------------- خليفه : مآشيّ .. شو بآخِذ مِنّج يَعني هِه .. "وطِلَـعْ مِتجهْ لـ غِرفتَـهْ" .. ندّى " إلتفتّ لِـ أغرآضِي أَحَآوِلْ أَكتِششفّ الغّرَضْ المِخْتِفي ! اللّي خِليفه شلآّه .. !! قِعَدّت اَتأكَدّ منّهم .. لينْ مَ دآرْ رآسـي .. فـَ بآخذلي شور وبدرسّ وعقبْ بَشوفْ هآ شو موضوعـَه .. " خليفه " رِجَـعْ لِـ غِرفتَـه و طَلعّ مِن جيبَـه تلِفون ندىّ .. فتحـهْ ورآح يفتتش .. *طَبعـًا الفونْ كآن بدونْ بآسوردْ* رَآح لـ البلآكبيري مآسنجر .. شَـل بن كودآتْ الشِلـه *رنآ-عليا-امون-خلود* طبعـًا عرفهم مِنْ سُوآلفْ القروب*الانفآيت* ، وعِرفْ إنهم بيسيرونْ شنقريلآ ! المُهم ! بعدهـآ جذبـه المسّج اللي وُصلْ .. " حمدآن \ وينجْ من زمآنْ ؟ مختفيَه ! ترآ مآشي بَس حآب آتطمن .. ويوم سأَلت سَآروهْ قآلتلي مآدري عَن ندىْ و مآيخِصني فِيهآ .. خِير عَسى مآشر ؟ متضَآربين ؟ . . . خليفه " اِنصّدَم ، فَـ رآحْ للرسَآيل اللي قَبل يتأكد لَو بينهمْ شَي ولآ ! ممآ خَلاه ينصِدم أَكثَــرر " خليفه"فدَاخلهْ" : مآعَليه يآ نَدى ، يآمآ تحت السَواهي دواهي !! طلَعتي تكلمينْ أُخو ربيعتجْ يالوصخَه ! .. " ورآح لـ الأرقآمْ ، لـقى رقـمْ فتح خط تركيَا *بس مآعرفْ إنه تركيآ *، المهم وكآنْ مسيفْ بـ إسم Babe Rashood♥ عآد خليفه مآصدق ع طول سيف الرقْم يتحَرا ربيعْ ندى.. وهو أَصلنْ أخوها رَشودْ .. " - عِند نَدى .. - نَدى : فُوني ويينَه ؟ تَوه كآنْ هني .. !! ليكونْ .. "وصرخَت" خخخليييفَه !! " ورآحت لـ غرفتَه . ." ندى: هآآتْ تلفوني ! مبْ كفآيَه الأَول و ضَيعته ! خليفه : شـو آبي فـ فونْج أَنا ؟ نَدى : طلعَه يالله !!! خليفه : إنجَلعي لآه مب فآضيلج .. ندى : يالكلب فُوني ! أنا متأَكده إِنه عندكْ .. خليفه : أوه قصدجْ هذَآ ؟ "وطَلَع الفونْ" .. شكلجْ إشتقتي لـ حَبيبْ القََلب عآد مآيندرىَ أي وآحد فيهمْ يآكثرهم .. مسجآت و إتِصآلاتْ ! .. "وفـر الفونْ فـ ويه ندى .. " آحين آسمحيلي مآكلم اشكَالج .. " وسكْر البآب فـ ويها " .. ندى" إنصددمتْ وتميتْ متصنمَه فـ مكَانيْ .. آحَآول استوعبْ اللي صَآر شفييهْ ولد زنوبْ قآم يستَقوى علي و أونهْ زآخ علي شي !! أوفف عآد مآيهِمني يولي *وشلت الفون ورآحت لـ غرفتها*.. " ندى : يخخْررربْ بيييتَه اللهْ يآخذَه الكلبْ سسوآ فورمَات لـ فوننني !!! أمبيهْ كِل شي إنمسسح .. أوفف كيفْ بكلمْ البَنـات حق الطَلعه بآجرر ! آستغغفر الله .. ماعلييه يآ خَلوف أنا ارآوييك والله .. مآكونْ بِنت ابوي اذآ مآرآويتكك ! " ندى ؛ قعدت اتريا البنآت يسوولي ري-انفآيت ع البلاك بيري ، لين مآغفت عينـي و رقدت و آنآ ادعي ع خلفوه .. " - اليــــُومْ الثَآنيْ ؛ الـثلآثَـاءْ .. 8 الصبحْ - ندى ؛ فتححت عيني بـ صعُوبَه .. فِيني رقآآدْ ! شِفتْ السآعَـه ، الحمدِلله بعدهْ شَي وقتْ …. نزلتْ اتريـقْ .. محَد فالبيتْ إِلى أنـَــأ و السّآحره زَنوبْ .. كَآنْت ترمسْ فونْ .. فآلصـاله .. وجي مآشآفتني فـ قعدتْ اتسمع > يآحبي للقآفه هههه .. زينب : وكم سحبت هالممره .. خييبه !! بسس بورآشد بيعصبب . . يالكلب ترآه بيشل عنك التوكيل اللي مسولك إيآه .. !! ششو ؟ انا شـخصني اننت قصيت عليه و قلت بتسآعده فالشـركـه !! نعم نعم ؟ ششـو ؟ بيطلقني لو عرف .. أققول !! مآيخصنني فيك خخلآصص غسلت إيدي منك ياللي مآتخآف رببك !! يآلله فآرج !!! *وسكرت* ندى : بَل بَل ، هذِي كِلهْ تتضآرب .. يعلهآ هالعيوز .. زينب"إلتفتت لـ ندى اللي قآعده تكلم نفسهآ": أنتيي آييهْ يآ ترمسينْ بصوت عآلي ولآ تنجعمين ! ندى : امييه بسم اللهَ خلاصصْ بنجعم بنجعم .. زينب : يكونْ آحسسنْ ! "ورآحت" ندى : نفسيه وحده . . " ورنْ فونْ ندىْ " ندى : أوف احين هآ رقم منو ؟ آخآف ارد يطلعْ حمدآن وآخآف مآرد و يطلع حد من البنآتت .. - الفون بعده يرنْ- ندى : أوف زين خلاص برد .. "وردتْ" عليآ : هآآ ندوي ويينج ! ندى : أأ ، عليوه ؟ عليا : طع ، اونج مآتعرفين رقممي .. ندى : هآآ ، ؟ لآ فوني صآرله فورمآت وجي .. عليا : اوه ، ايي هآي مشكللة البلآك بيري هالايآم !! يخرفف ويسوي فورمآت بروحه .. ندى"تسلك" : ايي والله كل مرره جي يصيرلي ! عليا : ماعليه ماعليه المهم سيفي رقمي يآقلبي ! ندى : من عيوني . عليا : زيين أققولج بتين صح ؟ ندى : وين شنقريلأآ ؟ عليا : ايي .. ندى : مب جنـه تو النآس .. عليا : ترآ بنسير بيت أمون أول بنقعد وياها .. ندى : زين و مريوم وريموه بيون ؟ عليا : لآ أبوهم مآطآع .. ندى : ليييش ؟ عليا : ترآ ابوهم شوي مطوع وجي ! ندى : أوننهْ ؟ مآيبين عليهْ .. عليا : ايي بسس هو وآيد متشدد عليهم وجي .. ندى : اللهْ يعينهم . عليا : زين زين مآعلينآ .. بتمرين علي ولآ ؟ ندى : لآ عآدي بممرر عليج . عليا : زين بيبي .. انتي جهزي ويوم بتطلعين دقيلي عسب آدليج بيتنا .. ندى : أوك خلج جآهزه ! بيبآي . عليا : بيبآي . - رآحت ندى لـ غرففتها - فتحت كبتها دورتلها شي تلبسه، لبست قميص فوشي نص كم و لقينز كحلي و بعدها اختارت عباه ايدها واسعه عسب اتبين اساورها وبعدها اتجهت للتسريحه ، وفتحت شعرها الطويل وقعدت تمشطه وبعد ما رتبت ندى شعرها رفعته ونزلت خصلات ع رقبتها و نزلت قصتها (القذله) وطلع شكلها رووعه وكيوت، كـ عادتها ماتحب تحط ميك اب لان اصلن ويها ابيض وخدودها متورده وفيها جمال و ويه طفولي ف حطتلها جحال اسود ورسمت عينها بشكل جميل عشان تبرز عيونها العسليه ياللي تتميز بلونها الفاتح و الخطوط الخضرا ياللي داخلها و بعدها حطت روج احمر ع شفايفها الورديه و ابتسمت لنفسها برضى وابرزت غمازتها اللي ع خدها اليمين، مسكت عطرها 'ون مليون' وتعطرت ولبست شيلتها وعباتها وطلعت من غرفتها نزلت ع الدري الرخامي رايحه للطابق الارضي للفيلآ وهي تغني " مجنون أحب غيرك انا، وش فيني صايبني عمى، حبيبي شايف هالبشر تسواهم عندي انا ". . زينب : عمى يعميج قولي آميين، مدري من قاص عليج وقايلج صوتج حلو. . ندى : بيت ابوي الله يحفظه ويطول بعمره كيفي حره اسوي اللي ابيه. -وطلعت وصكت الباب ف ويه مرت ابوها ورآحـت للدريول اللي كآن ينطرها .. و دقـت لـ عليآ خذت العنوآن ومرت تآخذها ورآحوآ لـ بيت أمون - عليا : يآربيه اي وآحد بيتهم ها ولا اللي ورآه .. ندى : طع ما اتدلينه ؟ عليا : هآ ! امبلا بس أخربط شوي .. ندى : همم دقيلها .. عليا : مآآتترد !! ندى : مآتعرفين موآترهم .. عليا " قعدت تطآلع السيآييـر " عليآ : آظن هذيل موآتر اخوآنهآ .. ندى : اخوانها مايدرسون شـو ؟ عليا : وآحد توه مخلص ، والثآني توه رآد من امريكآ عنده إجآزه ، أممآ الثآلث فـ يدرس فـ كليه مسآئي .. ندى : مآشآء الله كم أخو عندها . ؟ عليآ : 4 .. ندى : الرآبع وينـه .. عليا : الرآبـع معرس .. ندى : وانتي مآشآْءالله تعرفين كل شي ؟ عليا : هههه ربيعتي لآزم .. ندى : زين زين .. عيل دام كل هذيل اخوانها .. اكيد هالبيت اللي جدآمه وآيد سييآيير .. عليا : قوممي ننزل خل نطب عليها .. ندى : وي لآ آستحي .. عليا : ققوممي عآدي دوم آيي بيتها اوعيها هههه . ندى : أوه ههه صج خبله . عليا : يالله يالله لآ تستحين . ندى: أوك زين . ويت بـعدل شيلتي .. " ولفـت شيلتهـا بشكل مرتب " - و نزلوآ الثِنتينْ دقوآ الجرسْ ودخلوآ - ندى : مب جنـه عيبْ ؟ محد رد علينآ .. عليا : ههه شفيج ترآنآ مب دآشين نسرقْ . ليش خآيفه ؟ ندى : هآ ؟ مآشي مآشي . عليا : خل نسيرْ حجرتهآ نوعيها . " ندى ؛ مشينآ ع آطرآف أصآبعنا جنننه حرآمييـه ، شكلـه كل اللي فالبيتْ رقُود ، المهمْ مشينآ لين مآوصلنآ غرفـة أمونْ دخلنآ عليهآ .. كآنت منسدحـه ع السرير بالمجلوب واتطآلعْ السقف . " عليا : الحمدلله والشـكر ع نعمه العقل نحن ندقلها و الاخت هني تطآلع السقف .. امون"نقزت من شآفتهم" : بسسم الله انتوآ هني .. عليا : لآ هنآآك تعآليي سلمي يالجلبه .. امون : هههه طع هذيل .. ليش ييتوآ ؟ عليا : صج كلبه ؟ يايين عشآن نطلع ، من الصبح ندقلج .. امون " بملآمح حزينه أونه بتكسر خآطرهم" : ترآ اخوآني مآرضوآ اطلـع .. عليا : طع هآي .. اكلمهم ؟ امون : ويها لوح هالعليا .. عليا : عيل خيسي فالبيت .. امون : لالا ابي ايي .. عليا : زين بكلمهم . امون : رقود آحين لو وعيتهم بينحروني .. عليا : بسم الله صج عآيله مجرمـه .. ندى : همم زين يصيـر نطلع بدون مآيعرفون .؟ امون : يعني شـرده ؟ ندى : ايي .. امون : وانا اتحرآهـا ع نياتها طلعت بلآوي .. ندى : هههه زيين اانا ماقلت شرده .. بس يعني شوي نروح ونرد .. عليا : ايي والله يالخوآففه يا آمون يالله نشرد ! امون : خوآفـه فـ عينج خلاص بيي .. عليا : زين بنتريآج .. امون : ويآ منو يايين ؟ ندى : دريولنـآ . امون : همم زين اتريوني فالسيـآره بجهز ع السريع وبيي .. عليا : زين لا تتأخرين علينا .. " ورحننـا للسيـآره ، نتريآ الشيخّه آمونْ .. " عليآ : مبب جنننهآ تأخررت .. ندى : العروسْ آمون لآزمْ !! * وبعد دقآيقْ * عليآ : أوه أممونْ تتصل …. عليآ : ألوو .. آمون : عليوهْ إلحققي .. عليآ : ششفيج يَ قلبي ؟ امونْ : آممي زختني قبل لآ أطللع من البآب .. وقعدت تهزبنني وقآلتلي - يعني قلنآلج مآشي طلـعه ، تطلعين بدون شورنآ ليش - ، وقعدت تتفلسسف علي .. أووف كريهيين .. عليا : زيين أعصصآبج انتي احين فوين ؟ امونْ : فـ غرففتييي .. أممي قالتلي اونهْ من يقومونْ إخوآنجّ بخليهُم يِتصَرفونْ مَعآجّ !! .. عليآ : آمبييه ، خلآآصصْ مآعليجْ بنققعد معآج .. امون : لآ لآ مآبي أخرب عليكم الطلعه .. عليا : امون ؟ مب مهم الطللعه ، المهم نتيمع ويا بعَض ! خلاصْ بنقعد معآج ومآظن أخوآنج يهزبونج لـو شآفونآ .. امون : زين علآيه حبيبتي و الله .. أحببج .. عليا : ههه ادري ادري .. يالله جلبي ويهج احين بنيي .. امون : هههه وآفدييتها .. عليا : يالله يالله .. * وسكرت * ندى : هآ مآشي شنقريلآ ؟ عليا : ممآعليه يمكنْ نتغدآ هنآك ! ههه .. احين خل نيلسْ مَع امون .. ندى : و بآقي الشله ؟ عليا : بدققلهم خل اييون .. ندى : أوكك .. " وتيمعنـآ كلنـآ فـ بيت امون ، - عليا ، ندى ، خلود ، رنا ، حتى ريم ومريم أبوهم رضآ يوم درآ انهم بيسيرون بيت امون .. " خلود : شـو هآ ملل مآفي شي نسوييه ؟ امون : هآآ ؟ صبروآ صبروآ بطلب من الدكآن .. عليآ : حشى ملآهي مب دكان .. امون : آطلب ولا ؟ عليا : لالا طلبي الله يخليج :) ع الاقل نتسلى .. امون : ادريبكم انا يآحببكم للأكل .. ندى "فآجـه عينهآ تطآلعهم يطلبون " امون : ألوو رفيق ؟ جيب عشـره ليز حآر ، و خمس شيتوس .. خلود"تضربهآ" : زيدي الشيتوس .. امون : انتي جب هآ غآلي خلكم ع الليز .. عليا : زط زط .. امون"تكمل" : زيين رفييق و عشـره ليز ملح ، و خمسه دوريتوس . . و سته ديو ، و خمسه كت كآت ، و عشـره هآ كآكآو مآل بونص .. عليآ : زط زط زط .. امون : انتي جب خل اعرف اطلب ، بنات شـ تبون بعد ؟ ريم : اققول دبوه ، خل ايييب الدكآن كآمل .. امون : جب جب ، آصرف عليكم انا .. عليا : اقولكم زطيه .. امون : هييه زطيه جب ، زين رفيقق سسـو بعد مكس جبوس مآل بو نص .. بـ عشـره درهم .. وهآت بعد حلآوه مآل توفي و جلي .. كم الحسآب ؟ بل .. زين خلاص سجل ع حسآب بابا .. "وسكرت" عليا : طععع هاي !! زطييه والله .. امون : جب جب ههه ، خلاص احيين بيي .. مريم : الله يسآمحج يـأ امون بتريقينا جبوس وحلآويات .. ندى : مآشآء الله عليها مآخلت شي .. امون : اوه ذكرتيني خل ازيد ع الطلب كروسـون .. ريم : لالا مآنبي ع بالج فالمدرسه شو .. امون : عييل لآ تتفلسفون .. ريم : إن شاء الله ماما .. عليا"إلتفت لـ رنا وخلود اللي مآنطقوآ بكلمه " عليا : شفيكم انتوآ صصآخآت ؟ خلود : أأ مآشي .. " ورجعت نظرهآ لـ شآشه فونهـآ .. " " كككآنوآ البنآت فالميلس مشغلين التلفزيون ع قنآة OSN Movie وو كلهم قآعدآت ع الارض إلى خلود و رنآ كآنوآ يآلسآت شوي بعيد ع الكنب لآزقآت فبعض.. وكل وحده ع فونها .. " رنآ : خل نخبرهم .. خلود : لالا مآيحتآي .. أمون : انتوآ اييه تكلموآ شفيكم .. ؟ رنآ : أأ بتكلم زين خلود ؟ خلود : أوف عقب مآفضحتينآ .. زين قوليلهم .. رنآ : شي وآحد مسولنآ آدد ع البلآك بيري و مآنعررف منـو .. وققآل إنه يعرف كل شي عنآ ومآدري شو .. ويوم قلنآله منو آننت قآللنآ اليوم بتشوفوني . .! ندى"صرخخت" : أوووه لييكون خلففوه ، !! رنآ : همم لآ .. نكـه غـير .. ندى : وآنتوآ شدرآكم بـ نك خلفوه ؟ رنآ : كل البنآت يعرفونه ! ندى : بـل مآخلى حد هذآ .. خلود : وآحد نفسه شـو تتوقعين ممنـه .. ندى : أوف الله يفكنـآ من شـره .. خلود : آمين ، بعدين تعآلي شدرآج انه يمكن خليفه ؟ ندى : أأ ، هو آمسس شلآ فوني ! خلود " آتطآلعتهآ بنظره" : آنتي مب قآفله فونج شو .. ندى : هآ ؟ لآ مآتوقعت حد يشله .. خلود : زين خلآص اقفلييه آحسسن !!! - فـ مكآن ثآنـي - نهيآن : متآكد إنهم يآييين … شنقريلا ؟ خليفه : ايي متأأأكد !! بس مآدري شفيهم تأخروآ .. نهيان : آآخ متى بيون ، انا ارآويهم هالمنحطآت .. خليفه : ليكون صآيره سآلفه يديده بينكم و بين هآلشله ؟ نهيآن : إلآ سوآلف مب سآلففه ! انا ارآويهم دوآهم عندي .. ويت بدق حق جسوم خل اخبره .. خليفه : زين انا برووح مآفيني اتمشكل ويآهم روحي ماطيقهم .. نهيان : زين حبوب توكـل ! .. نهيآن * آتصل لـ جسوم * جسوم : هآ شفيك هيون ؟ نهيآن : تحيد هذيلآك البويآت اللي تضآربنـآ وياهم فالمآرينـآ و عقب قعدوآ يسبونآ ع تويتر .. جسوم : ههه آيي حد ينسآهم هذيل ! وانت بعدك تبي تنتقم ؟ نهيآن : ايي و الله لآ رآويهم .. جسوم : انت حصلهم بالأول هههه .. وبعدين هذيل محد يروم عليهم .. نهيان : لعلمك ترآني محصلنهم واحين بيون شنقريلآ .. جسوم : آححلف ؟ نهيان : والله .. ! تعآل لآ يفوتك شي .. جسوم : خلآص احين بييلك طيرآن .. نهيآن : أوك اتريآآك .. - صآآر الظهـر ، والبنآت بعدهم فـ بيت امون .. - امون : هآ مسحتوآ هاللي ضآيفنكم .. خلود : ايي افتكينآ ممنه ومن تهديدآتـه .. رنآ : ايي والله يتحرآنآ خفنآ ، يولي يسوي اللي يسويـه .. امون : زين خلاص خل نفلهآ شوي .. ندى : اقولج امون حطي قنآة ونآسسـه هههه .. امون"مسكت الريموت" : اوه لعيونج عيل يالمستطربـه .. - وبدوآ تصفق ، ورقص وغنآ و خبآل - بطي : يمآآ وينهآ بنتج ؟ ام آمون : فآلميلس ويآ ربيعآتهآ .. بطي : زيين ، شفيج عليهآ من الصببح .. ام امون : والله مآدري .. بس مب مطمنـه من ربيعآتهآ كل يومين مصيبه و اليوم محتشره كآنت بتطلع معآهم .. بطي : وليكون خليتيهآ ؟ ام امون : لآ طبعآ .. مآتشوفهم قآعدين عندهآ .. بطي : شكلهم ورآهم مصيبه هذيل .. زين يممآ متى بيروحون نبي الميلسس نحن .. ام امون : قععدوآ فالميلس الثآني ! بطي : يمآ ؟ همم من الصبح هنـي مآتعبوآ خل يطللعون .. ام امون : والله آنآ مآروم عليهم تبي روحلهم انت . بطي : يمآ شو آروح للبنآت عيب .. ام امون : ليش تستحي ترآ بنآت خآلتك مريم و ريم معآهم .. و بنت عمـك عليآ .. بطي : هذيل كلـه فـ بيتنآ ! خلاص عيل بروحلهم .. بطي " يددق البآب ويقول فـ دآخله حشى شهالصوت ديسكوآ مب ميلس " : امون بططلي البآب .. - دآخل الميلس - امون"قصرت صوت التلفزيون " : جننـه حد يدق البآب .. "ورآحت عند البآب" ندى : يمآ ، منو هذآ ؟ عليآ : أخوهآ بطوي .. ندى : مآشآءالله عليج تعرفينه من الصوت ! عليا : ولد عمي ترآ . ندى : أونـه ؟ يعني تصيرون لـ بعض .. عليا : اييي حتى مريوم و ريم يصيرون لـ امون عيال خآلتهآ .. ندى : أوه طلعتوآ آهل ، عسب جي كله ويا بعض ؟ عليا : ايي عليج نور .. امون : بننآت تغطوآ ، هالملقوف يبي يدخل ! بطي"من ورآ البآب " : محد ملقوف غيرج يآلله فكينآ .. - آلبنآت كل وحده لبست شيلتهآ وعبآتهآ .. - بطي " دخل و عآد بطوي مآيستححي من حد ، قعد يطآلع آجيآس الجبوس و الككآكآوآت اللي متنآثره ع ارض الميلس " بطي : حششى وحوش بشريه مب بنآت ! هآ كله كلتوه .. امون " ضربته" : يآححمآر قول مآشآء الله .. بطي : اوف انا بس ودي اعرف البنآت وين يودون الاكل .. امون : جب جب ، خلصنآ شـ تبي .. بطي " ضربهآ ع رآسهآ " : يآ حمآره انا اخوج الكبير .. امون : آي يعور .. يالله لاه خلصصنآ شتبي .. بطي " يتطآلع البنآت " : اوه مآشآء الله شي عضوه يديده ! امون : بطووي ؟ بطي : زين زين .. اقوللكم ! لو سمحتوآ يعني لو سمحتوآ .. نبي الميلس.. امون " ضربته " : صج مآتستحي .. عليا : يعني طرده محترمـه ؟ بطي : ايي بنت عمي عليج نور يالذكيه .. خلود : ترآ طلعـه من البيت محنآ بطالعين .. مريم : ايي والله بنتتتم مب عآيبنك روح الميلس الثآني .. ريم : ولو مآعيبك طقق رآسك فالطوفـه .. ندى "إستحت" : زين خلاص مآعليه بنروح احين .. رنآ : ححتى انا بنآت بروح .. بطي : ايي هالممؤدبـات مب انتوآ يالنشبه .. مالت عليكم .. "ورآح" امون : اللله يفشلك يآ بطوي نفس مآفشلتنني .. اسمحيلي ندوي .. ندى"قاطعتها" : لا عآآدي اصلن نحن طولنآ .. عليآ : لا تروحيين ندوي ولاتزعلين ترا بطوي جي مآعنده اسلوب .. ندى : لآ بس احس تأخرت لآزم اروح .. رنآ : حتى آنآ .. - فـ شقريلآ - نهيان : اوف وينهم هذيل .. جآسم : مآقلت بيون ؟ صآر الظهر و مآوصلوآ .. نهيان : زين اصبر خل نتريآ .. جآسم : آآه آمري للـه ! كلمهم ع البيبي .. نهيان : قصدك خلود و رنآ ؟ سوولي ديليت .. جآسم : مآلت ، جرب تكلم هذيج الطويله .. نهيان : قصدك آمون ؟ افا عليـك .. - ف بيت أمون ، رنآ و ريم ومريم و ندى ، طلعوآ ، مآبقى إلا خلود و عليآ .. و عآد راحوا يقعدون فالصآله من بعد تهديدات بطوي ..- - فالسييـآره ، ندى رآحت مع دريول رنآ لآن دريولهم مآكآن يرد - رنآ : نروح نتغدى فـ مكآن ؟ ندى : ايي والله اححس يوعآنه وادريبها زنوب كالعآده مآتطبخلنآ شي . رنآ : وي الله يعينج ع هالعقربه .. ندى : صدقتـي ، عقـربـه . رنآ : زين تولي مآعليج منهآ ، احيين بغديج فالمكآن اللي تبينه افا عليج .. ندى : نروح شنقريلآ اللي تمدحولي اياه من الصبح ؟ رنآ : بسس وين نتغدى فيـه .. همم .. ندى : ليش مآفيه مطآعم حلوه شو .. رنآ : اوه صصح شي مطعم هندي هنآك عجييب .. ندى : هنندي ؟ رنآ : واللهه ححلو حلو .. ندى : زيين عييل خل نسسير .. - رنآ ؛ طبعـًآ خبررنـآ البنآت ان بنسيـر نتغدآ هنآك وجي - امون : يالخونه تسيرون بدونآ .. رنآ : عيل نموت يوع يآ ام الجبوس ؟ امون : ماعليه ماعليه بالعافيه ! رنآ : الله يعآفيج يالله عيل آخليج .. امون : سي يو .. - آمـون سكـرت عنهم و قعدت تلعب فـ الفون لين مآوصلتهآ رسآلـه PIN Message - . .: يالله متى تبون شنقريلآ ؟ ترآنني انا نهيآن .. وو نتريآكم ! امون "صرخخت " : خخلود عليووه ، طآعووآآ هآ .. "ورآوتهم المسج" خلود : يخررب بيته هآ من وين طلع .. عليوه : اقولج شكله ناوي ع مصيبه .. خل ندق لـ رنوش قوليلهآ لآ تسسيـر شنقريلآ .. امون : أوك " وجربت أتدق لـ رنآ" ، عندهآ خط ! عليوه : ويت عيل بدق لـ نيدو .. " ودقت " خلود : هآ ردت ؟ عليوه : لآآ .. خللود : دققي بععد ، حرققي الفون …. بطي : أوفف ألـو ؟ عليوه : بسم الله بطوي ؟ بطي : اقولكم حشرتونآ .. ترآ رآعيه الفون نست فونها فالميلس ، تعآلوآ شلـوه .. *وسكر* امون : بننآت قوموآ خل نسيرلهم .. عن يسووبهم شي .. عليا : ايي والله وانا رايي من رآيج .. خلود : زين امون اخوج بيرضى نطلع ؟ امون : مآدري خل نسأله .. - عند رنوش و ندى .. - رنآ"تكلم امهآ فون" : زين مآمآ مآبنتأخر .. ام رنآ : منو ويآج انتي ؟ رنآ : ندى ربيعتي .. ام رنآ : عطيني بسلم عليهآ .. - وقعدت تكلم ندى ، و عقب مآسكرت . . - رنآ : بحطط فوني فالشنطـه ، خله سآيلنت ادريبهآ اميي كل شوي بتتصل تسأل عنني .. ندى : ياحظج .. رنآ : هههه ليش يآحظي والله حشـرره كل 5 دقايق تتصل .. ندى : عقب بتشتآقين لـ حشرتها "وابتسمت" رنآ : لآ مآآظنتي ! - عند البنآت - بطي : قلتلكم مآشي طلـعه .. ! امون : والله مموضوع خطييرر .. بطي : موضوع خطير هآ ؟ قصوآ علي .. عليآ : ولد عمممي والله والله مآنقصص عليك .. بطي : اذا خبرتونـي بفككر إني اوآفق .. عليآ : زين بنخبرك .. امون : لآآآ ! "وإلتفت لـ عليا وهمستلها" مينونه انتي ؟ بطي"بنظرآت شك" : لهالدرجه موضوعكم خطير ! حمستوني ترآ ... نهــآيـــــــــــة البــــــارت الرآبـع عشـر . . أتمنى أن ينـال إعجابكم . . و يآ ترى ، شـو بيصير لـ ندى ورنآ ؟ ونهيآن و جآسم ع شو نآوين وشو علاقتهم بالبنآت ؟ و زينب ؟ من الشخص اللي كآنت تكلمه وعلى شو نآوي ؟ و بطي ؟ بيعرف عن الموضوع ولا ؟ وشو بتكون ردة فعله ؟ بإنتظار تعليقـاتكم و آرائكم و توقعـاتكم . . والسمـوحه ع التأخير *مجرد ظروف ! * |
روعة اتريا التكملة حبيبتي و لا تتأخرين علينا :) |
و يآ ترى ، شـو بيصير لـ ندى ورنآ ؟ مادري احس بيوصلون وبتستوي مشكله وجي ونهيآن و جآسم ع شو نآوين وشو علاقتهم بالبنآت ؟ بيسون مشكله ها شي اكيدددد و زينب ؟ من الشخص اللي كآنت تكلمه وعلى شو نآوي ؟ احس ناويه تسرق فلوس الي فالشركه ولا شي جي و بطي ؟ بيعرف عن الموضوع ولا ؟ وشو بتكون ردة فعله ؟ احس بطي بيعرف فالموضوع فانتظار البارت الياي واتمنى انه يكون طويلللل فلانتظار |
السلام عليج كاتبتنا بااااااااااااااااااااارت ابددددددددددددددددددددداع اكشن والله تحمست ابي اعرف شصااااار لهم توقعاتي و يآ ترى ، شـو بيصير لـ ندى ورنآ ؟اتمني ما يصير لهم شي بس ان شاء الله بطووي اخو امون و امون و شلة يلحقون عليهم ونهيآن و جآسم ع شو نآوين وشو علاقتهم بالبنآت ؟ ما بينهم شي غير يوم اضااااربو معاااااهم و ها المرة شكلهم ها الاثنين ناوين اكثر من الضرابه و زينب ؟ من الشخص اللي كآنت تكلمه وعلى شو نآوي ؟ اممم واحد تعرفه من زمان شكله تبااه ياخذ اموووال بو راشد و بطي ؟ بيعرف عن الموضوع ولا ؟ وشو بتكون ردة فعله ؟ يب اعتقد يوم بيوصل في البداية بيعرف السالفة و بيعصب بس عقب بيفهمونه االسالفة و نتريااااااااااااااااااااج لا تطوووووووووووولين و نترقب البااااااااااارت الياي |
عجبتني الروآيه .. أستمري يالكاتبه |
اقتباس:
اقتباس:
وو إن شآء الله مآبطول و تسلمييين حبيبتيي .. و ان شاء الله بيكون طويييل .. ومشكوره ياقلبي .. |
اقتباس:
حبيت تعليقج و توقعآتج .. و حمآسج وتفاعلج معآي .. و ان شاء اله ما بطول وتوقعآتج تققريبآ صح :1711: اقتباس:
وان شاء الله بستممر .. |
- بنزل البآرت اليآي يوم الثلآثـآء إن شاء الله .. والسموحـه .. |
نهــآيـــــــــــة البــــــارت الرآبـع عشـر . . عجيب عجيب البارت والله :"( أتمنى أن ينـال إعجابكم . . والله نال اعجابنا واكثر افا عليج ههههه :eh_s(1)P: لو زيدتي بارتين من طول الغيبات جاب الغنايم :1711: بس شفتج بخيله حبتين علينا :20: :( يعني يهون عليج .. بس الصراحه طلعتي انتي حبتين هههه :*:mxinthgnwzmhqn0vrjy و يآ ترى ، شـو بيصير لـ ندى ورنآ ؟ الله يسلمج احس ندى ورنا بيوصلون وججييي ونهيان بيشوفهم وبتستوي مشاكل وبيضاربون وجي وبعدين بيي خليفه وبيحصل اخته اللي مب اخته المهم بيحصل ندى وجي وبتستوي مشاكل زود وقوم امون والربع بيون وبيفزعون لربيعاتهم وججيي يعني .. ونهيآن و جآسم ع شو نآوين وشو علاقتهم بالبنآت ؟ علاقتهم اكيد يبون يتعرفون والبنات سابينهم لين ماقالو بسسس وججيي يعني وناويين ع شر و زينب ؟ من الشخص اللي كآنت تكلمه وعلى شو نآوي ؟ احس يا انها تكلم خليفه ولدها او تكلم واحد متفقه وياه يسحب من بيزات ريلها وججيي وتستفيد هي وياه بالنص بمقابل او بدون بس مايندا عاد و بطي ؟ بيعرف عن الموضوع ولا ؟ وشو بتكون ردة فعله ؟ يمكن يعرف ويمكن لا واذا عرف مابيخلي اخته تسير او يمكن مايعرف بس هو يتبعهم وججي اوو بعد يمكن تخبره ويسير يحايز عن قوم ندى واحس يمكن بيحب ندى هههههههههههههههههه بإنتظار تعليقـاتكم و آرائكم و توقعـاتكم . . والسمـوحه ع التأخير *مجرد ظروف ! * [/SIZE][/QUOTE] الباارت خطيييييييييييييييييييير بسسسس بقولج شي لا تزعلين ؛ طولتي وايد وتعرفين شو قلت ؟ قلت اكيد بتيينا ببارت اطول اطول او بارتين طواااااااااااااااااااااااااااااااااااااااااال ^لانه من طول الغيبات جاب الغنايم طال عمرج .. وتسلمين ياقلبي |
الروااااية قممممة في الروعة 😍👌 ابدعتي أختي عناد بوظبي ماشاء الله عليج ونحن فانتظار التكملة 🕠❤️ |
ما هذا البآرت الفرنسي الخوقاقي:141:؟ هههه و يآ ترى ، شـو بيصير لـ ندى ورنآ ؟ - مم بيجوفون نهيآن و جاسم:11: و بيستوي شي هههه ونهيآن و جآسم ع شو نآوين وشو علاقتهم بالبنآت ؟ - ناويين ع شي مب زين ههه والله ماعرف مخي ما يشتغل :d-uae09: و زينب ؟ من الشخص اللي كآنت تكلمه وعلى شو نآوي ؟ - هآي زنووب الخايسه يا ترمس خلووف يا ترمس واحد تحبهه من الشركهه و هو بيسرق البيزات و جي ** اشتغل اشتغل و بطي ؟ بيعرف عن الموضوع ولا ؟ وشو بتكون ردة فعله ؟ - بطووي بيعرف و يمكن يحرج لأنهم متضاربين وياهم و جي بس أظن بيساعدهم و بيكون له دور ف الروايه ههه و فانتظااارج حبييبتي و شسمهه سلمي ع نيدوو هههه:wrd: |
وين البارت |
Waiting 🕠 نترياااج حبيبتي |
فالانتظارررررررررررررررررررررر |
شـوي و أنزلـه ، و مشكورين و السموحه من الكل .. |
البـــــــــــــــارت الخآمـس عَـشّر ! / \ / \ بطي : اذا خبرتونـي بفككر إني اوآفق .. عليآ : زين بنخبرك .. امون : لآآآ ! "وإلتفت لـ عليا وهمستلها" مينونه انتي ؟ بطي"بنظرآت شك" : لهالدرجه موضوعكم خطير ! حمستوني ترآ ... - - - - - أمون : أوفف بطوي عآد مآيصير نقول سوآلف بنآت .. ! بطي : خلاص عيل مآشي طلعـه .. امون : بـسس . . بطي"قآطعهآ" : لآ بس ولا غيـره مب فآضلكم انا بروح الميلس الشبآب ينطرونـي .. "ومشى عنهم" امون : مممالت بسس ! بطي : "إلتفت وقال"" عليج .. " ورآح " --- خلود : يعني مآطآع ؟ امون : لآآآآ .. أوفف ككرييه .. " ورن فون ندى اللي كآن عند امون*بطي مآعطنها اياه*" امون : أووه يرن أرد ؟ عليا : شووفي من متصل .. امون"تقرآ الأسم" : الكَلب الحقير خَليفه عليا : بل .. منو هآ .. خلود : محد غير اخوها هههه .. ردي ردي يمكن اهلها يحآتونها .. امون : زين مع إني مآلي خلق اكلمه ! خليفه : هلآ ندوي .. امون : أأ ، ندى نست فونها فـ بيتنآ .. خليفه : وهي وين رآحت .. ؟ امون : شنقريلا ويا ربيعتنآ .. خليفه : شنن شننقريلا ؟ من متتى ؟ امون : قبل جي نص سآعـه يمكن .. خليفه : اها يعني توهآ .. زين زين عطيني عنوآن بيتكم .. امون : عنوآآن بيتنـا ليِش ؟ خليفه : بيي اشل فون اختي ولا ناوين تسرقونه بعد ! امون : شهالكلام ! تتحرآنآ مب شآيفين خير شـوو .. خليفه : زين عطيني العنوآن فكينآ .. امون "نزلت الفون من اذنها وحطته mute شوي و إلتفتت للبنآت" : اوفف اسلوبه ززق ! عليا : ههههه خلفوه لازم .. امون : هييه و أونه بيي بيتنآ يشل الفون .. يتحرآنآ بنسرقـه .. خلود : عطيني عطيني اتفآهم معآه . . امون : لا مآفيني عن يطلع حرته ع ندى المسكينه .. بعطيه العنوآن .. عليا : ايي والله .. مآتستآهل نيدو .. امون"شلت الmute و ردت ع خليف اللي كآن يصآرخ" خليفه : تو النآس يالصمخخه مخلتني سآعه انطرج ! رصيدي طآر عليج يالعنز .. امون : انت اييه مآسمحلك ترآني .. خليفه : سمحتي ولا مآسمحتي .. عطيني العنوآن خلصينآ ياللوث.. امون : عنوآن مآني مآعطتك زيين يالخروف .. عدل اسلوبك الزق يالزق بعدين تععال كلمنني ! "وسكرت فويهه " عليا : بل بل .. توه شحلاتج .. امون : كرييه الله يآخخخذه .. - عِند خلوفْ - خليفه : مآعليه يآلخرآطآت ، أَنا أرآويكم … " وشل فونـه دق لأبوه " بورآشد : ها خليفه يآ وليدي شفيك .. خليفه :همم اول شي شلونك ؟ بورآشد : تمام والله وانت .. ؟ خليفه : من سمعت صوتك صرت بخير .. "يقردن ابوه" بورآشد : ربي يخليك لي .. خليفه : ويطولي بعمرك يا يبا .. بورآشد : زين حبيبي آممر شـكنت تبي ؟ خليفه : همم يبآ ندى …. بورآشد : ندى ؟شفيهآ ندى ؟ ليكون صآيرلها شي ؟ خليفه : يبآ آسسف ع الكلمه بس البنيه صج مب متربيه وبنت شوآرع .. بورآشد"إعتفس": خلووف ! شـقصدك بهالكلام .. خليفه : يبا انـا مآيبت شي من عندي .. روح شنقريلآ وشوف بـ عينك .. بورآشد : من صجك يآخليف ! خليفه : ايي والله .. بورآشد : زين مآعليه "وسككر" --- " فـ شنقريلآ ، الحبآيـب توهم وآصلينْ " ندى : وآو شيي ستآربككس .. خل نآخذذلنآ .. رنآ : نييدوو قلننآ غدى مب ريوق .. ندى : إهئ يآخي آعششقه .. رنآ : هههه زين عقب الغدى .. ندى : آوك اتفقنـآ .. " و إتجهنآ للمطعم الهندي" ندى"إلتفت لـ ورآ وعقب رجعت بصرهآ لـ رنآ " : رنوش مآتحسيين ان هالاثنين يلحقونآ .. رنآ"بدون مآتلتفت" : مآعلييج آكيد حد من هالخرفآن .. ندى : لآ هذيل جنـهم غيير احسهم يخوفون.. رنآ : مححد غير هني يآندى .. كلهم خرفآن .. " و آخترنآ طآوله وقعدنـآ ، وطلبنآ . . . و بعد ربـع سآعه تقريبـًـآ هالشخصين دخلوآ المطعم و قعدوآ فالطآوله اللي جدآمنـآ " ندى"آنتبهت و شهقت" : رننآ هذيل اللي كآنوآ يلحقونـآ .. رنآ "رفعت نظرهـآ و آنصدمت" : امـبييه .. نهـ نهيـان !! ندى : تعرفيينـه ؟ رنا : هذذآ خلود واممون !! تدريبهم يحبون يضآرربون ، تضآربوآ معآهه ومن يومها وهو متحلفف لنـآ .. ندى : احين يآهل هو عسسب يتحلفلكم بسبت ضرآبه ؟ رنآ : يآآ ندى "وبصوت خآفت" خـلود مدت ايدهآ عليه .. بإختصصآر عطته ككف ! ندى : شيت مآتوقعتهآ جي شهالجرأه اللي فيهآ و بعدين نعم كيف تعطي وآحد كفف .. ؟ رنآ : لآتفهمين غغلط.. هو اللي بدآ وتحرش فينآ بطريققه وصخه وهي يت اتدآفع .. وهو عصبب وقآل أن فحياته محد مد ايده عليه .. ندى : وو شسوآ ؟ ضربهآ ؟ رنآ : لآ .. "وضحكت" شردننآ عنهم .. ركضضنآ .. ندى : طع الخبآيل .. و بس ؟ رنآ : لآ ، حرققنآ التآيم لاين اللي فـ تويتر .. سبينآهم و فضحنآهم وشوهنـآ سمعته و سويناله منشنات ههه .. ندى : كيييف يبتوآ اكآونتتتته ؟ رنآ : تستهبلين نيدو ؟ هآ نهيآن رآعي الفرآري الحمرآ .. اللي رقمهآ ثنآئي .. كل البنآت يعرفونه ! سألنآهم و عطونـآ .. ندى : مآشآءالله عليهم يعرفون كل حد ! رنآ : الله يخلي (تويتر و انستقرآم و .. إلخ ).. ولآ جان محد يدري عنـه .. ندى : زين احيين ليش يتطآلعنـآ ؟ انتي سويتيله شي ؟ رنا : هـو حآفظ اشكآلنا لان دوم نشوفهم .. بس نشرد .. - وصل الأكل و كلنـآ الحمدلله ، تجآهلنـآ العيون اللي كآنت ترآققبنـآ ، كآنوآ يتريونـآ نخلص ع مآ آظن ! و يوم خلصنـآ - رنآ"وقفت و شهقت" : شيت جنـه قآم من ع الكرسي قوممي نروح عن يسويلنا شي .. ندى: بسس ؟ "وإتطآلعـت النآس اللي فالمطعم" طآعي كيف زحمه مآظن يقدر يسويلنا شي .. " نهيان و جآسم اقتربوآ و قعدوآ مقآبل ندى و رنآ ع نفس الطآوله " - - *نرجـع لـ ورآ خمس دقآيق* نهيآن : جسسوم منو هالبنيه اللي ويآهـآ .. جآسم : مآدري بس طرر .. واحس شكلها بريئ .. نهيان : هههه ترآهآ وحده منهم .. جاسم : لآ مآظن ويآهم .. نهيان : ياما تحت السوآهي دوآهي يآ جآسم .. وترآ المنآظر خدآعه .. جآسم : آحس جمآلهآ غربـي .. نهيان : مآيخصنـآ فيها ، خلنآ فـ هذي .. شسمهآ ؟ جآسم : قصدك رنآ ؟ نهيان : ايي هذي هي .. ياللي نكها رنوش هه .. يالله قووم .. جآسم : وين ؟ نهيان : نتغدى عليهم .. قبل لآ يشردون .. جآسم : شـو بتسوي .. نهيان : ققوم وبتعرف .. - - - رنآ : انت من سمحلك تقعد ؟ نهيان : كيفي .. ! ندى"وقفت وقآلت بتوتر" : رنآ قومي بنروح .. نهيان : قومي و شوفيي كيف بنشر هآ .. " ورفع فونه يراويها صورهآ " رنآ : صصـ صورتي ، ككيف يببتها ! يالححقير .. "ويت بتسحب الفون من ايده " نهيان : مب بهالسهوله يآ حلوه ! اقعدوآ خل نتفآهم .. ! رنآ"إلتفتت لـ ندى بنظره ترجي ، ندى فهمتها و قعدت " نهيان : ههذي يبتهآ يـوم عرفت بن كودج بس و مخسر فلوس عشآنج ي قلبي اشتريت هالبرنآمج .. "و فتح لآبتوبـه اللي كآن عند جآسم " \ / \ / http://im77.gulfup.com/kce32.gif رنآ "الدموع ف عينهآ" : !! نهيان : تتحرينا مآنعرف حق الهكر نحن .. ! شوفي شوفي .. " وفتح فآيل كلـه صور بنآت .. " - فهاللحـظه . . - ندى " إنصصدمت يوم شآفت ابوهـآ دآخل المطعم و ع طول نظـر لهم .. مآمدآهآ تتحرك .. تقوم . او حتى تعدل شيلتهـآ " بورآشـد"آقتترب و هو مععصصب " : نننندى !! ندى "وقففت ، مآوعيت إلآ بـ ككف من ابوي .. طيحني ع الأرض .. فهآلحزه نهيآن و جآسم شلوآ قشهم و شردوآ .. رنآ "مسكت ذرآع بو رآشد " : عممي تكفى ندى مآيخصهآ .. بورآشد : آننتي يالـ ** .. مآيخصج فيها .. وانتي "إلتفت لـ ندى" يالله تععالي "وسحببها بالقـو " - رنـآ ع طول رآحت بيت امون .. دخلت و هي تصيح - امون : شصصصآآرر ؟ نهيان سوآلج شي ؟ رنآ : عنننددده صصوري يآ اممون .. بس خلج من نهيان ! نندى نندى .. عليا : شفييها ندددى تكلممي ! رنأ : ابوهآ طبب عليينا .. وشآفنا مع نهيان و ربيعه الززفت يراوونا صور البنات اللي عندهم ،، وضضربها و يمكن ذبححها بعد.. خلود : شيـت رننوش خلاص ماعليه " وحضنتها" .. لاتصيحين فهمينا السالفه من اولها شصآر !! رنا : لآآ ـ ، لحقوآ ع ندى هيي مآيخصهـآ .. عليا : زين قلبي خبرينا السالففه .. ! رنا " قالتلهم كل اللـي صآر " خلود : هالككلب ! ماعليج يا رنا إن مـآ . . عليا"قاطعتها" : تراككم تزييدون المشاكل خلاص مايخصنا فيهم لا تتصرفون تصرفات عقب نندم عليها .. "دخل عليهم بطي ، اللي كآن ورآ البآب و سمع كل شـي " بطي : اها ، ! نهيان هـا ؟ هاللي خآشينه عنـي ؟ " البنآت كـلهم قعدوآ يتطالعون بععض .. مب عآرفين شو يرقعـون ! و رنـا اللي عينهـآ محمره من الصيآح .. ؟ " - صبآح اليوم الثـآني . . . - ندى " فتحت عيني بتعب .. لقيت نفسي نآيمه ع أرض غرفتي .. ع الرخآم البآرد ! .. بسم الله شـ يآبني هنـي ؟ حاولت آحرك جسمي المتكسـر .. آخر شي اذكـره .. خليفه و هو يشيش ابوي علي و يسبني .. و يضربني .. وابوي بعد كان يضربني جنـه .. ! و كآنوآ يقولولي .. من ييت وانا كل يوم مصيبه . وطلعه مع شبآب وفآشله فالمدرسه .. و طبعًـآ خلوف قعد يخرط ع ابوي شوَّهْ ام سمعتي .. وجنـه سمعت ان زنوب يايبتلي معرس وبيزوجوني عشآن يفتكون ؟! .. و قآلولي مآشي فون ولا طلعـه .. اصلن فوني مآدري وينه جنـه فـ بيت امون .. .. صرآحـه ابي اصيح بس احس مآفيني دموع . . اصلن عآدي بقص ع نفسي ولاكأن صآر شي .. بقعد اقرآ روآيآت احسنلي .. بس ويت ؟ جنـه قريتهم كلهم .. هالكتآب ؟ وهذا بعد .. أوففف شسوي احين .. " - قطع حبل تفكيري صوت البآب .. - روز : mdam nada , this is from your friend sara " ومدت لهـا كيس " ندى : اوك ثآنكيو " وسكرت البآب ، وقفلته .. ورآحت لـ جهه السرير " ندى - فتحت الجيس .. كآن دآخله اورآق مطبوع عليهآ كلمآت ؟ و كآنت مدبسه .. قريت النوت اللي كآنت ع صفحه الغلآف .. ( ندى هذي البدآيه اتمنى تعجبج - حمدان ) .. كآنت روآيه حمدآن ؟ كان العنوآن بخط عريض مكتوب .. سما بوظبي تجمعنـآ .. خل اقرآهـآ يمكن انسى المصيبه اللي انا فيها!! - - سمـا بوظبـي تجمعنـا - \ بقلم حمدآن . -المقدمه- أنـا حمدآن الفلاسي عمري 26 سنـه حاليـًا ، من صغري و أنـا احب الأدب و الشعر ، و الروآيات .. و كل مآ اتمنـآه إنـي اكتب روآيه ، بس طبعـًـأ ماتكون خيآليه ابيهآ تكون روآيه وآقعيه .. و يعيشونها القرآء مثل مآعشتهـآ انـا ! وبمـا إنـي اتميز بـ ذآكـرة قويـة و من صغري و انـا اكتب مذكرآتي مثل مآعلمني ابوي .. بدمج هالشيئين فـ روايتي الأولى ، والأخيره .. اللي حآب اهديهـا لـ ندى .. - الفصل الأول - فالبدآيـه ، بعرفكم ع عآيلتي ! أعيش مـع أمي و أبوي ، و سآره .. بس قبل لآ آتيي سآره ابوي مرض .. بسبت التدخين .. و الامرآض الوراثيه و و إلخ .. هـو مآكآن يعلمنآ بـ كل شي .. لأنه من النوع الكتوم فـ مآنعرف السبب بالضبط .. المهم .. اللي نعرفـه إن ابوي أجرولـه عمليه إستدعت إنه يشلون إحدى رئتيه - شقوآ ظهـره وو طلعوهـآ ! وتركولـه خياطه من اول ظهره لين آخره - .. يعني احين ابوي عآيش بـ رئه وحده .. و على حسب كلام الأطباء قالوآ انـه مآبيعيش وآيـد ،، وحزتهآ ابوي كآن يبي يكون لـي اخو أو اخت و مآ آعيش وحيد .. مثل مآعآش هـو .. بلا أخوان و لا خوآت .. بس بعد العمليه ابوي تعب وآيد و امي كآنت خآيفه عليه فـ قرروآ ينتظرون لين مآ تستقر حآلته لأنه كان تحت الاجهزه و مرت عـشر سنين و بعد هالعشر سنين استقرت حآلة ابوي تقريبـًا بس كآن لآزم يسآفر للخآرج بين كل فتره و فتره عـشآن يتلقى العلاج .. المهم .. امي حملت بـ اختي سآره ع طول من بعد ماستقرت حالة ابوي. . وانـا بـ عمر عشر سنين !!! . . بعدهـا ابوي سآفر .. و طبعـًا امي ودها تسآفر معـاه بسس يآحليلهآ مب قآدره تخلينـا ونحن فهالسن .. المهم .. مثل مآكآن ابوي يوصيني .. إنـي اكون ريآل البيت .. و اكتبله مذكرآتي .. كل يوم بالضبط شسوي و شصآر .. لأن ابوي حبيبي وده يكون معآنا بس مآيقدر وحالته الصحيه حرجـه وآيد ! ويوم سآره صآر عمرهـآ 4 سنين تقريبــًـأ .. إنتقل لـ منطقتنآ سكـآن يدآد اللي هم عآيلـة بو رآشد اللي ( الأبو و رآشد و ندى و الأم البحرينيه). . وعآد كنـآ نسمع هوآشهم اليومي ! و حآسين بالجو المتكهرب ياللي بينهم .. فـ أمي بسبب وحدتهـا تعرفت ع أم رآشد و عزمتهـا ع بيتنـا و عاد انا كنت اتسمع كالعآده *فضولي*! . . . ام حمدآن : زين حبيبتي ليش مآيبتي عيالج ؟ ام رآشد : آآه ، بو رآشد مآيخخليني أطلعهم معآي ! يخآف اشرد .. ! ام حمدان : تشرديين ؟ ام رآشد : لأن مره قلتله إني تعبت و بروح البحرين و بشل العيال .. ومن يومها وهو مآنعني أطلعهم معآي خآيف اسويها و قبل امس اخوه طلب من اخوه ياخذ رآشد ويخليه يتربى مع عياله سعيد و سعود من خوفه إني اشل العيال.. ام حمدآن : احين هو يحب عياله ولآ !! ليش كل هذا عيل ! ام رآشد : كلـه من السكرتيره المغربيه شكلهآ سآحرته . . . صآير خآتم ف صبعهآ ! ام حمدآن : سكرتيرته ؟ شسمـها قلتيلي .. ام رآشد : زينـب يآ ام حمدآن .. آآه الله يآخذها مثل مآخذت ريلي مني .. ام حمدآن : حبيبتي مب زين تدعين عليها عن ربج يبليج .. ام رآشد : شسوي يآ ججآره علميني !! مآلي غيرج .. والله خآيففه ! ام حمدان : انتي شو تعرفين عنهـا ؟ ام رآشد : مثل مآخبروني هالزينب عقـرببـه كآنت متززوجه وآحد موآطن .. خلته يطلق حرمته الاوليه عشـانها .. واحين اتطلقت منه . شكلها سحبت فلوسه وخلته . . واحين دآخله ع طمع !! ام حمدان : حبيبتي لآ تسيئين الظن .. يمكن ظروفهـأ .. و تبي تضمن مستقبل عيالها .. ام رآشد : تضمن مستقبلهم ع حسآبي؟ ام حمدان : لاا ، مب جي .. بسس ماعليج انتي ألزم ماعليج عيالج .. ام رآشد :ع هالطاري .. وينهم عيالج .. ؟ ام حمدان : لحظه اظن حمدان فالحجره اللي حذآلنا "وصرخت شوي" حمددان يما .. حمدان : ها مامما .. ام حمدان : تعال سلم ع خالوه .. ام رآشد : مماشاء الله عليك حمددان شهالزين.. "وقرصت خد حمدآن" خلاص بخطبك حق بنتي شرآيك ؟ حمدآن"آستحيت و سكتت" ام حمدآن " ضحكت وبعدها جآوبت" : افـا عليج ، كم عمرها بنتج ؟ ام رآشد : ندى ؟ 4 سنين .. ام حمدآن : وي جنها صغيره وآيد ع حمدآن . . قد بنتي سآره .. ام رآشد"اتطالعتني بإستغرآب .. لأني قصير وضعيف و يبين علي اصغر من عمري " : حممدآن كم عمرك انت ؟ حمدآن : 14 . . ونص ام رآشد : وي مآشآءالله عليك ريآل .. حمدآن " استآنست لأنها قالتلي ريآل .. و عقبها امي اشرتلي ان اروح .. رحت و قعدت قريب الباب اتسمـع . . " ام رآشد : يآحلاته ولدج .. بس وآيد يستحي .. ام حمدآن : ايي هآي مشكلتـه .. ام رآشد : ليش مآتخلينه يطلع مع الاولآد بدل القعده فالبيت ؟ ام حمدآن : ممآيرضى . . آصلن مآيحب الطلعه ابد .. يقول إنه ريال البيت لازم مايطلع . ام رآشد : ههه يآحليله حممدآني ! - و بعد آيآم قليلـه ، دق جرسنـا بـو رآشد وكآن مكتئب بعض الشي وكآنت هذي أول مره يطلب منـا ان يخلي بنتـه ندى عندنـا . . ع مآ اظن امها تعبت عليهم فـ نقلوهـا للمستشفى و طلبوآ منا نخلي بنتتهم عندنا لين مآيرجعـون . . وعآد ندى . . آآه .. كآنت مجرد مصدر للإزعآج ! كآنت تصيح صيآح متوآصل بصوتهآ الطفولي الحآد .. - ام حمدآن : شش ندى ماما خلاص .. سآره حبيبتي قوميي شوي .. - امي كآنت محطيه ندى فـ حضنها تحاول تسكتهآ و سآره من الغيره كانت تحاول تسحب ندى و تشلها من حضن امي وكانت تقول ماما مالي .. وامي ياحليلها متلعوزه فالثنتيين اللي متعبينها ، و فهاللحظه دخلت انا عليهم . . شفت ندى لأول مره .. كآننت صغغيره وآيد و شعرها طويل و اشقر و بشرتها بيضه وصآفيه مآعدا خشمها المحممر ! كانت ملامحهـا جميله بـ معنى الكلمه ، نففس عيال الأجآنب بالضبط ! سـو كيوت ! بس رغم جمآلها صيآحها المزعج كرهني فيها .. فـ قلت لأمـي بحده - حمدآن : يممما سكتيييها ! ام حمدآن : وانت شو جآيفني اسوي ؟ بروحي تعبت . حمدان : اوفف احين كل هالصوت يطلع من هالنتفه ! لا وبعد مب قآدره تسكتينها يـا يمآ ! ام حمدآن : حمدآن ؟ اشوفك وآيد تتأمر .. تعال سكتها انت .. حمدآن : يمما تعاليي .. ام حمدآن " شلت سآره و طلعت من الغرفه " حمدآن : أوه شكلي توهقت فيج . ! خلاص شش .. " مسكت ايدها ، اكره اليهآل . بس احب لمسـه ايدينهم الطريـه و ريحت جلدهم النآعم .. كنت ألعب بأصآبعها الصغيره وهي سكتت وقعدت تطالعني . . " حمدآن : وآو ، مابغيتي تسكتين .. ندى ؛ "ردت للصيآح " حمدآن : اوفف .. ليشش تصيحين ليش ؟ ندى : ابيي ماما .. حمدآن : انـا ماما .. ندى " من قلتلها انا مآمآ سكتت وتمت تطالعني . . " = ندى ؛ قططع علي الروآيـه صوت النسره اتناديني من ورآ باب الغرفـه = ندى : هآ هآ ، ؟ زينب : فجي الباب بكلمج . ندى : زين لحظـه . . " وفتحتلها البآب . . زينب : انتي شتسوين ؟ ندى : ارقص . . فغرفتي شسوي يعني ؟ زينب : بلا طولة لسآن .. يالله جهزي وتعالي تحت . ندى : ليش ؟ مابي . زينب : مب كيفج بتنزلين و غصبن عنج .. ندى : سوري ، بس مابي اسمع كلامج .. زينب : ها كلام ابوج مب كلامي .. ندى : زين خلاص بنزل .. زينب "لمحت الاورآق-روايه حمدآن" : شو هذآ ؟ ندى : مآيخصج .. زينب "سحبت الاورآق " : يخصني ونص .. ندى : هاتييهم مالييي .. " وحآولت تسحبهم من ايدين زينب" زينب : شكلـها روايه حلوه ؟ ونسخه خاصه بعد .. ! " دزت ندى و شلتهم .. و طلعت من الغرففه " ندى : زيييينب آممآنه هاتييهم ! زينب ؟ زينب ؟ ..اوفف الله ياخذج .. - ندى ؛ رحت تسبحت .. و عقب رحت عند المنظره .. تأملت شكلي . خدي المحمر من الكف ؟ عادي بعتبره بلاشر طبيعي ! يعني بس بحطلي جحآل و مسكره وآيلآينر .. وو ، لا ويت منو هذيل عشآن اكشخ عشآنهم .. بس بحط جحآل وو خل احط روج عنآبي . وبس ؟ يآي جي حلوه .. اوك وشو ألبسلهم ؟ همم هييه فكره خل ألبسس فستآن قصير ، كيفي ألبس اللي ابيه ! هم مآقالولي شو ألبس ! .. بلبس هالفستآن اللي لونه ابيض و عليه شريطه عنآبيه ع الخصر و يوصل لـ الركبه .. وبفتح شعري و بخليه جي ع طول الفستآن .. ايوآ جي شكلي بيرفكت .. احين بنزللهم .. - " ونزلـت تحـت . . " - طبعـًـا الحريم كآنت عينهم ع ندى و زينب معصصبه مآتوقعت ان ندى تلبس جيي جنه لبس بآرتي !! مب عزيممه محترمه . . ، كآن عدد الحريم تقريبـًـأ 4 وو البنآت 3 .. خوله " وججع يوجعهـا هذي ندى بنت كلاسي ؟ ندى اللي مففكرين يخطبونها حق اخوي؟ " ندى - سلمت عليهم ، كآنت مبينه ابتسآمتهم الكآذبـه ، والغيره اللي مبينه عليهم .. مآرتحتلهم ! والصدمه الاكبر يوم سلمت ع خوله وهمستلي بإذني "بتندمين ياندى" استغربت وابتعدت عنها وكنت و كأني الاطرش فالزفـه ! احين عرفت معناها - زينب "تتظآهر بالحب!": ندى يما روحي ويا البنآت الصآله الثآنيـه . . > أونه سوآلف حريم و جي ! ندى : إن شاء الله يـا "مدت ع الكلمه " مـــــرت أبـــــوي ! زينب"إفتشلت يوم شآفت الحريم يتطآلعونهـا " ندى " اشرت للبنآت الـ 3 ان يلحقوني و رحنا للصـاله الثآني ، وناديت الشغآله تحطلهم السويت و الفواله.. " خوله : اونها حرمت بيت ! قاعده تمهدين عشان تاخذين اخوي ها ؟ ندى "بإستغرآب": نعم ؟! خوله : انتوآ بس طآعوها شـ لابسه ، مبين عليها **** من لبسها هذا! .. : خوله شوي شوي ع البنت ! عيب عليج . خوله : انتي مسويه عمرج طيبه لانج ماتعرفين سوالفها ، صبري بخبركم . . نهــآيـــــــــــة البــــــارت الخـآمس عشـر . . أتمنى أن ينـال إعجابكم . . و يآ ترى ، بطي شـو بيسوي مع البنآت عقب مآعرف؟ نهيان ؟ بينشر صور رنآ ؟ وزينب بتقرآ الروآيه ؟ وشو بتسوي فيها ؟ و ندى شو بيصير معاها ؟ بإنتظار تعليقـاتكم و آرائكم و توقعـاتكم . . والسمـوحه ع التأخير ! * |
مشكورين ع المررور و الردود اللي تسعد .. اتمنى منكم إنكم تتقبلون إعتذآري ، على تأخري و على عدم الرد ع تعليقآتكم .. بس إنشغلت شوي .. لأن منزله الروآيه فـ اكثر من منتدى ! وو احاول استغل الوقت . . و ان شاء الله ما اتأخر عليكم . و *احبكم* منورين . |
السلام عليج كاتبتنا اشحاالج تسلم ايدددددددددددج علي بااااارت الجنااااان و الطرر و يآ ترى ، بطي شـو بيسوي مع البنآت عقب مآعرف؟ اممم اتمني انه ما يعصب و يفهم السالفة بالاول نهيان ؟ بينشر صور رنآ ؟ اتمني انه ما ينشر صورها لانه شكله في البارتت الياية نااااوي علي شي وزينب بتقرآ الروآيه ؟ وشو بتسوي فيها ؟ اتمني انه ما تقرررررا الروايه رغم اني اعرف انها بتقرراااها و احتمال تعصب عليها و تشقها و تعصب علي ندي و ندى شو بيصير معاها ؟ حسبي الله علي خليفة ظلمها و هيه مالها ذنب في الي صااار اتمني انه ابو ندي او اتمني ندي تشرحله و ان شاء الله يعطيها مجال انه تشرح له لانها ما تستاهل الي صااار لها و اتمني انه محد يجبرها علي زواج و نتريااااااااج و نترقب البارت الي بعدو |
مسموحهههههه حبيبتي بس ممكن اطولين البارت شوي |
روووعة البارت 👌❤️ |
طرررررررررررررر قسسسسمم بالله :( كملي |
اقتباس:
تممام حبيبتي وانتي ؟ مآبححرق عليج ف مآبخبرج لو توقعآتج صح و لا .. :Afk_r: المهمم ، تسلمين حبيبتي والله منوره و ان شاء الله مآبطول فالياي .. وو آشكرج ع التفآعل الجميل واتشرف بـ متآبعتج حبيبتي :wrd: اقتباس:
تسلميين غلايه ، ان شاء الله من عيوني بحآول أطوله قدرر المستطآع .. وشكرآ :wrd: اقتباس:
|
اقتباس:
و ان شاء الله الياي قرريب <3 |
البـــــارت اليآي يوم اليمعه إن شاء الله وو شكرًا حبآيبي .. |
بدايه ماعليها كلام الصراحه ابدعتي بتفككيرج |
متى ايي يوم الجمعه اوهههه ما احب اتريا |
بالأول روايتك خطيرة وكمليها وتوقعاتي:- و يآ ترى ، بطي شـو بيسوي مع البنآت عقب مآعرف؟ بيساعدهم نهيان ؟ بينشر صور رنآ ؟ اتوقع انوا هو بس يهددها او ممكن ينشرها عشان ينتقم وزينب بتقرآ الروآيه ؟ وشو بتسوي فيها ؟ بتقراها وعشان تنتقم اكثر بتعطيها لابو ندى و ندى شو بيصير معاها ؟ ماعرف بس انا حابة انها ما تتزوج اخو خولة او ممكن تهرب وتروح دبي وتفهم اخوها بالموضوع اتمنى ندى تتخلص من هالموضوع واصدقائها يروحوا ويخبروا ابوها بالسلفة كلها والنسرة زينب يطلقها ونفتك منها ................ *_^ تحياتي princess sAra |
وين البارتتتتتتتتتتتتتتت طولتي ... |
حلوه الروايه أتمنى أنها ما تخلص .. |
بنزززززله فالليل + برد ع ردودكم .. :) وو *احبكم* |
ثنكس ونحن اكثرررر |
نترياااج حبيبتي 🕠😎 |
يلالالالالالا عاد وينج |
طولتيييييييييييييييييييييييييييييييييييي |
؟؟؟؟ وينج بطيتي ؟ |
| الساعة الآن 05:17 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir