|
الباااااارت عجييييييييييب أحس مهاصار لهاشيء نتريااااااااااااج على أحرمن الجمر |
تسسلمييييين ع بااااارت يجننننننننننن طررررر فديييتج والله خذيةهالبوسه اموااااااااح تسلميييين جد عيييبني بااارت ومهوووي كاسره خاطري فديتهاا وزين م ستوى شي لنانا وفاطمه وام منصور مالهن حسسس ومريم حيوااانه جد حقيييره وتسلمين ع هيك بااارت مره 2 |
البوح الثالث والعشرون .~ غاية.~ بعد ما طلع عني مايد . . عشان أخوه سلطان أتصل حقه . . رد لي عقب ربع ساعة وطلعنا يميع للمطار . . أنا وديمة وريلها بسيارة مايد اللي يسوقها . . سلطان ومها والي يوصلهم عممي علي . . ! بالبداية استغربت وضع مها . . متغيرة وايد . . وضعفانة ! بس مايدد خبرني لي صار لها . . بالصراحه كسرت خاطري . . أنشغل مايد بالكلام مع عمي سعيد . . أما ديمة قالت انها بتغفل شوية . . سلطان .~ على الساعة 10:15 وصلنا المطار تقريباً باقي 45 دقيقة بس عن الطيارة وطبعاً أبويه ما نسى توصياته . . على مها ! وتوصية مايد على حرمته . . وعمي سعيد على حرمته . . وأنه يهتم بعلاجها إطالعت مها: تبين تأكلين شيء ؟ هزت راسها بلا . . هزيت راسي مب قادر عليها . . ولا أبي أغصبها خليت عمي سعيد ومايد يروحوا ويخلصوا الإجراءات . . وأنا تميت معاها ومع البنات . . من مساعة سمية زاد عليها الويع . . وشكلها بتربي قريب . . يعني بتربي وأنا بعيد عنها ! بس دقايق . . ما عديتهن . . قال مايد إنه لازم نروح الطيارة لأنه خلاص ما بقى وقت وفعلاً الساعة 11 إلا ربع ! قضينا قريب 8 ساعات قضيناهم بالطيارة . . ما بين إشتغفار . . قراية قرآن وغفلت شوية . . خلصنا كل شيء . . وشلينا جناطنا عمي سعيد: مفتاح الفلة معاي . . يلا بنشوف لنا تاكسي ولا شيء يوصلنا الوقت احينه متأخر يمكن 3 ولا 4 . . أنا: زين . . [ أطالع مها ] تبين تنامين ؟ هزت راسها بلا . . وانتبهت أنه مايد يسأل حرمته نفس السؤال !! . سمية .~ من أمس قبل لا يطلع سلطان وأنا أحس بويع . .واليوم الصبح خلاص ما قدرت مب قادرة أتحرك . . فصرخت أزقر أميه . . أنا: إمييييييييييه . . اااااااه . . شوية سمعت حس أميه يمي . . أميه: شوفيج ؟! أنا [ ماسكة بطني ]: مادري ماعرررررررررف . . أللللللللللم . . مب قادرة أميه [ بخوف ] :شكلج بتربين . . [ تقومني ] يلا قومي بلبسج عباتج على ما أبوج يشغل السيارة أنا: لا لا ماروووم . . أخااااااااااااااااف أميه: عن هالدلع [ بعصبية ] يلا قومي بسرعة أبويه [ يدخل ]: شوفيج على البنية ؟ أميه: سير شغل سيارتك . . بنلبس عبينا وبنييك . . شكلها خلاص واصل أبويه: بتربي [ بصدمة ] ماجأنه بعدها ؟! أميه: لا هي داخلة التاسع من كم يوم . . هذيييييييل يسوووولفون . . وأنا حالتي حالة . . صرخت: أمييييييييييييييييييييه لحقيييييييييييني . . مايد .~ وصلنا الفلة . . وركبنا فوق . . سعيد [ يأشر على باب غرفة ] : هذي غرفتي . . [ يطالع حرمته ] ترا قلتلهم يعدلونها . . أحم المهم [ يطالعني ويأشر على غرفة قريبة من غرفته ] هذي غرفتكم . . قلت حق الخدم يهتمون فيها ويعدلونها . . أنا: إن شاء الله . . سعيد [ يكلم سلطان ] : والغرفة اللي هناك [ يأشر ] حقك . . والي ملاصقة لها لأختك سلطان: إن شاء الله . . [ يمسك مها ] يلاب وديج مها [ هزت راسها ومشت معاه ] . . هالإنسانة ما أعرف كيف بترجع طبيعية ! سعيد: ترا المطبخ اللي تحت موجود . . والطباخ بالمطبخ الخارجي . . متى ما أحتجتوه اتصلوا بالتلفون لي بالغرفة . . رقمه 22 . . والمطبخ الي بالبيت رقمه 21 . . لو كنتوا يواعى يعني ابتسمت له : أنا ميييييت نوم. . ما ذقت النوم أبداً بالطيارة . . يوم بنش بناكل سعيد: إن شاء الله . . [ يكلم حرمته ] تبين شيء من حرمة مايد . . ولا تروح مع ريلها حرمته : لا خلها تروح أنا بصرف عمري . . سعيد: هيه يصير خير . . [ يمسكها ويمشيها للغرفة ] تصبحون على خير وأنا سويت نفس الشيء . . بس أنا غير شوية . . لما تأكدت أنه المكان فضى . . شليتها . . غاية [ تشهق ] . . أنا [ بهمس ] : قصري حسج . . الكل موجود غاية [ تهمس نفسي ] : نزلني . . أنا: لا . . [ مشيت للغرفة ] يلا وصلنا . . بطلي الباب بطلت الباب بشويش . . وكملت أنا . . بغفلة مني نزلت . . ابتسمت لها . . ورديت سكرت الباب وقفلته أما هيه . . فصخت عباتها وعلقتها . . ابتسمت لها أنا: بدلتج حلوة ! غاية [ تبتسم ]: عيونك الأحلى حبيبي أنا: ناوية علي يعني غاية: ليش ؟! أتقربت منها . . : يا بنت الناس ارحميني . . خل ننام غاية : ببدل ملابسي أول أنا: ثيابج زينة . . يلا . . مسكتها . . وانسدحت على الكرفاية غاية [ توقف ] : بلبس لي لبس مريح أنا: تعالي قلتلج . . ترا الجناط تحت . . مافيني أييبها غاية: عياااااار . . ليش ما يبتهم ؟ أنا [ بتعب ]: تعبان . . يلا تعالي يمي غاية [ تقعد على السرير ] . . بحركه سريعة سحبتها لحضني . . أنا: خلج اهنيه . . لا تروحين بدور .~ قمت من النوم . . وأنا أحس بتقلصات ببطني . . ياربي من وقتك أبداً . . ! بطلت عيوني . . وأنتبه على سلطان الصغير حاط راسه على بطني وبدوري نايمة بطريقة أنها مسويتني مخده . . ! بعدتهم عني وأنا أحس بألم . . وعيت خالد . . أنا: خالد تعبانة . . [ أدمع ] بطني ما أدري شفيه !! خالد: شو فيج ؟! أنا: ما أعرف . . عيالك نايمين علي مسويني مخده .. خل نروح العيادة يمكن صار شيء بالياهل . . خالد [ فز واقف ] : يلا يلا قومي بدلي . . أنا بتغسل على السريع حاولت أوقف . . عشان ألبس عباتي بس ما قدرت . . خالد [ يفر الفوطة على الكرفاية ] : صبري بييب عباة سحب عباة من التعليقة . . ولبسني . . خالد [ يمسك إيدي ] :يلا قومي . . بشويش أنا: خالد الياهل فيه شيء ؟! خالد: إن شاء الله لا . . يلا . . بخلي جوري اتي عندهم وطلعنا بعد ما وصينا جوري اتشوف اليهال ! سلطان .~ بعد ما قلت للخدامة اتيب الجناط من تحت . . مها دخلت تبدل ملابسها . . ترييتها على السرير لين اتي ! مها [ تطلع من الحمام ] : أنا خلصت أبتسمت لها : يلا نامي . . تصبحين على خير . . ييت بطلع . . بس مها: لا تخلييييييييييييييني روحي . . [ تصيح ] أخااااف أنا: ليش تخافي ؟! محد بيي اهنيه مها [ تهز راسها ] : أخاااااف رديت لها وحضنتها وأنا أهدي فيها . .وأقولها أنا موجود محد بيييج . . ! لين ما حسيتها هدت . . وغفت بين أيدي حطيتها على السرير . . ولحفتها . . تأكدت من التفدئة لأن الغرفة باردة ! دورت بالغرفة فراش ثاني . . ولقيت في كبت من الكبتات . . ففرشت على الأرض ورقدت أرجوان .~ تقريباً أحينة الساعه عشر ونص . . الحبايب الي رايحين لندن المفروض واصلين من ثلاث ساعات أو أكثر بس محد طمنا ! حمدان: يمكن نسوا . . وصلوا ورقدوا ما عليه يوم بيقوموا بيتصلوا أبويه: مايد نسى . . غاية نست . . سلطان وأخته نسوا .. معقولة الكل بينسى ! أنا: أبويه الغايب عذره معاه . . صدقه حمدان يمكن ارقدوا من التعب ونسوا أبويه: بنتريا . . شو ورانا نحن ! حسين [ ينزل من فوق ] : أبويه أنا بروح عزبة عمي عبدالله ذياب [ عاقد حياته ] : ما كأنك مطيح بس في عزبتهم ! حسين : لا أحم . . أنا أروح بس للخيول . . ترا أنا أدرب على ركوبهم ! ذياب : خيول . . اها . . حسين: شوفيك ؟! ذياب: ماشي . . أبويه أنا ببات الليلة في دبي . . عندنا شغل بالكلية باجر الصبح .. وبيكون صعب علي أطلع من الفجر أبويه: زين .. ربي يحفظك حسين [ يطالع أبويه ] : بروح مع العم ياسر أوك ! أبويه: زين سير . . [ يطالعه وهو يطلع من البيت ] شكله مستصيب ! بطلت عيوني . . شو قصده أبويه ! أبويه [ يبتسم لي ] : ييبي الولد الي بحضنج ابتسمت له . . وقمت من مكاني . . حطيت ولدي بحضن أبويه . . وقعدت يمه حمدان: أمس بالليل بلاه يصيح ؟ أنا: ما أدريبه . . كله يصيح أبويه: فديته والله يدخل خالد وهو ماسك إيد حرمته . . خالد [ يطالعها ] : روحي إرتاحي فوق . . بدور: إن شاء الله سلمت علينا وعقب راحت فوق ! أبويه: بلاها حرمتك ؟! شو صابها ! خالد [ يبتسم ]: البنية الي فيها راقدة بطريقة معورة لها بطنها . . أنا: بنت ؟! خالد: هيه . . أنا: عيل خلاص محجوزة لولدي . . خالد: نعم !! أنا: لها الشرف أصلاً تأخذ الشيخ سلطان بن منصور . . الكل ضحك . . ذياب يشوف فوني يرن : ردي على أبو الشيخ سلطان . . الكل رد يضحك مرة ثانية . .! شليت الفون . . وقمت من عندهم . . أنا: السلام عليكم . . منصور: هلا حبيبي شحالج ؟ أنا: الحمدلله بخير . . وأنت ؟ منصور: الحمدلله بخير دامج بخير . . شحاله البطل أنا: يدلع . . كله يصيح منصور: طالع على أمه . . ! أنا: يا حظه . . منصور: هيه والله . . أرجواني حبيبي العصر بنمركم أنا والوالدة تبي تشوف الولد أنا: حياكم . . منصور : بكوون معاكم ما بخليكم رواحكم أنا: إن شاء الله . . [ أسمع صوت سلطان يصيح ] هذا ولدك صاح بروح له منصور: حاس أنج تكلمين أبوه ! أنا: هيه . . يلا دير بالك على روحك منصور: إنتي روحي ضحكت . . : يلا مع السلامة سكرت عنه . . ورديت لصوب أبويه . . شليت سلطان أنا: شكله يوعان . . بروح أرضعه فوق . . تبون شيء ؟ أبويه: شحاله ريلج ؟ أنا: الحمدلله بخير . . العصر بيي صوبنا هو وأمه أبويه: حياه الله خليتهم ومشيت لين غرفتي . . وأنا بالطريق . . أسمع حس جوري مدري من تكلم !! جوري: ما أقدر . . شو . . لا لا مستحيل . . أصلاً بعده عن هالكلام وقت . . بعده وقت . . [ تطالعني ] بكلمج بعدين . . لا هذي أختي يايبة ولدها عندي . . خلاص حبيبتي نتلاقى . . [ تسكر الفون ] هذي ربيعتي . . أنا [ قعدت يمها ]: زين ليش متوترة . . ! وبعدين ليش تبررين حقي تصرفاتج . . جوري: ماكو . . [ تطالع سلطان يحرك ايده ] فديييييته قمت : بروح أرضعه . . عقب بييبه لج جوري: أوكي . . سعيد .~ جي على الساعة 12:00 عندنا في لندن . . قمت من النوم . . لقيت ديمة راقده يمي . . الحمدلله الي خلانا نتلقي . . وتكونين من نصيبي . . [ شليت فوني ] . . شفت فوق 20 مس كول . . من سلطان . . من عبدالله . . من علي . . حتى عيالي جنان وعبدالله . . ويييييييييه شقايل نسينا انططمنهم . . اتصلت في سلطان ولد عمي . . سلطان: ألووه أنا: السلام عليك ولد العم سلطان: وعليك السلام . . توه النااااس . . ولا ضمنت الحرمة وشردت ضحكت . . : شوه الكلام ؟! خذتني نومة . . من التعب سلطان: شكلي غلطان يوم زوجتك بنتي . . شيبة ما تصلح لها . . أنا: لا شو . . بعدني شباب أنا سلطان: شحالها بنتي ؟! أنا: الحمدلله . . ترا هي بعدها راقدة . . على العصر بنروح السفارة عشان المستشفى سلطان: وشحال الباقين ؟ أنا: الحمدلله . . سلطان: يلا ما أطول عليكم . . سلم عليكم كلهم . . وطمنونا عنكم أول بأول أنا: إن شاء الله . . في أمان الله سكرت عنه . . وسمعت صوت ديمة ديمة: أبويه ! أنا: هيه . . [ أقوم ] بنصلي أوكي ؟ ديمة: نادى لي غاية تساعدني ! أنا: احم وأنا ليش موجود ديمة [ سكتت ] . . أنا: خلاص بصلي وعقب بناديها أوك ؟ ديمة: زين جنان .~ لبست لي لبس طويل . . وشيلة ع أساس بقعد مع أرجوان وعمتها ! أنا: السلام عليكم . . الكل : عليكم السلام . . مشيت لعمة أرجوان وبست رأسها أم منصور: قالولج عيوز تبوسين رأسي !! اطالعتها بصدمة . . عقب مشيت لصوب أرجوان وقعدت يمها أم منصور: هيه أنا بعدني بعز شبابي . . أنا [ أهمس بأذن أرجوان ] : باقي تبلس لج قصير . . وتفل شعرها وتقول تعالوا أخطبوني أرجوان [ تضحك على الخفيف وعقب همست لي ]: خس الله بليسج . . سكتي أم منصور: بلاكن تتساسرن ؟! أرجوان: ماشي عموه . . أنتي شحالج . . زايرتنا اليوم أم منصور: مب عشان سواد عيونج . . يايين نشوف ولدنا أرجوان [ تشهق ] : أنا عيوني سوودا !!! عيوني رمادية . . مب سودا أم منصور: هيه . . محطية من هالعدسات . . اللي تقول أنا قطوة !!! ضحكت . . أثاري هالعيووز تعرف العدسات بعد !! أرجوان: حرام عليج عموه . . أم منصور : ما علينا وينها هاي خالتكم ؟! . . شو أسمها ؟ أنا: عايشة ؟ أم منصور: هيه وينها ؟ أنا: موجوده . . بتي أم منصور: بدل ما تستقبل الناس . . [ تحيس بوزها ] عيايز أخر زمن [ تدخل خالوه عايشة ] . : السلام عليكم أم منصور [ تقوم وتوايهها ]: عليكم السلام . . شحالج يا أم سهيل خالوه عايشة : بخير يام منصور . . ونتي شحالج ؟ عساج بخير ! أم منصور: أنا اسمي موزة . . بعدني على ام منصور . . خل أتنعم بشبابي بالأول أنا [ أهمس لأرجوان ]: تلاقي خالوه عايشة أصغر منها بوايد !! أم منصور [ تطالعني ]: خالتكم هذي . . يوم أنا كنت بالقماط هيه كانت تلعب ويا عيال الفريج خالوه عايشة: حرام عليج .. أنا عيالي صغار توهم بالعشرين . . أما أنتي عيالج شكبرهم ما شاء الله أم منصور: هيه تراج ما كنتي اتييبي عيال بالأول . . عيلتي على كبر ! واااااااي من لسانها !! أم منصور [ تطالع أرجوان ]: قومي نشي ييبي ولدج . . خالوه عايشة: البنت بالاربعين مب زين لها الحركة وايد . . يبالها راحه . أنا بسير أييبه [ تطالع أرجوان ] وينه ولدج ؟ أرجوان: عند أبوه خالوه أم منصور: سيري ييبيه يلا . . منصور [ من ورا الباب ] : هود هود عدلت الشيلة . . أرجوان: هدا . . إقرب منصور منصور [ تدخل وهو شال ولده ]: السلام عليكم [ يطالعني وعقب نزل راسه ] ما كنت أعرف فيه غريب اهنيه أرجوان [ تقوم له ]: لا عادي حياك . . محد غريب منصور [ يحط ولده عند أرجوان ]: سمي بالرحمن أرجوان: بسم الله . . [ توديه صوب عمتها ] هذا سلطان عموه . . أم منصور: هذا طالع على أهل أمها . . ما طالع علينا !! منصور: جي أحلى .. يوم يطلع على امه ياخذ حلاتها أم منصور: مب حلوة أمه . . جان طلع علي أنا بيأخذ الزين كله منصور: أميه . . عاده هو طلع على أمه . . الولد الياي إن شاء الله بيطلع عليج أم منصور: ليش ناوي اتيب منها ولد بعد !! منصور : ليش مب حرمتي . . ؟ أم منصور: شلي ولدج . . أرجوان [ تشل ولدها من عند عمتها ] : إن شاء الله . . أم منصور [ تقوم ]: منصور أنا بترياك بالسيارة . . يوم بتخلص تعال [ وطلعت ] خالوه عايشة: بسم الله . . شو فيها ؟ منصور [ بإحراج ] : إسمحولي والله . . امسحوا كل شيء بويهي أرجوان [ تروح له ]: بتروح ؟ منصور: هيه . . [ تمرر صبعه على خشمها ] بس بكلمج بالليل أوك ؟ أرجوان [ بإحراج ] : إن شاء الله حبيبي خالوه عايشة: عندنا يهال إهنيه [ تأشر علي ] قمت بإحراج : خذوا راحتكم . . أنا بروح الكل ضحك علي . . غاية .~ بعد ما قمت من النوم . . سحبت وصليت . . وطلعت البلكونة الي بغرفتنا . . مايد [ من وراي ]: بوووه . . أنا [ ابتسمت ]: ما خوفتني . . مايد: هيه . . حرمتي شجاعة ما تخاف [ يتساند على سور البلكونة ] الجو خبااال صدق الجو بارد .. جمييييييييد . . انتبهت أنه شعره مبلل . . وواقف بالبلكونة والجو بارد ! أنا: مايد دش داخل . . شعرك مبلل شحقه ما نشفته مايد [ يغمض عيونه ]: أتريا حرمي المصون يسوي حقي ! ابتسمت دايم يحسسني بحاجته لي . . أنا: زين خل ندخل داخل . . بسويه حقك مايد [ يبطل عيونه ويأشر عليهم ] : من عيوني الثنتين دخلت ونشفته حقه بالمجفف . . مايد: الله حلو . . كل يوم بييج أنا: اوكي . . مايد [ يقرب مني ]: أحبج حد يدق الباب . . ! مايد: وقته !! . . ضحكت . . مايد [ يهمس ] : حسابج بعدين راح للباب . . شوية وعقب رد ! مايد: هذا سعيد يبيج تساعدين مرته . . أنا: أوكي . . بلبس شيلتي وبروح لها مايد: أنا وسعيد بنروح الصالة الي تحت . . وبنشوف جان سلطان ومها قايمين أنا: اوكي لبست شيلتي . . ورحت غرفة ديمة وسعيد . . أنا: سلام . . ديمة [ تبتسم ]: عليكم السلام أنا: شحالج ؟ ديمة: بخير .. ونتي ؟ أنا: بخير . . هاه صدق صباحية مباركة يا عرووس ! ديمة: اي عرووس . . أصلاً ما صار شيء من الي ببالج أنا: صدق ! ديمة: هيه . . ليش انتي صار ؟ أنا: جب جب . . [ أغير السالفة ] شو تبيني أسوي ؟ ديمة: أبي أسبح . . طبعاً بسبح بروحي . . بس لازم تمشيني عسب أعرف الأماكن وجي أنا: أوكي . . أعرف انه ديمة تستحي . . وما رح ترضى تخليني . . حتى لو كانت بملابسها كاملة ! ديمة: أبيج تختارين لي لبس حلو . . أنا : أوكي . . بوصلج الحمام . . وبقرب لج كل شيء وعقب بختار لج بدله أوك ديمة: زين . . دخلتها الحمام [ عزكم الله ] رويتها مكان كل شيء . . وحسيتها عرفت . . أنا: لو حسيتي ما توهقتني زقريني ديمة: سكري الباب وطلعي ضحكت . . سكرت الباب من برع . . ومشيت لصوب جنطتها اخترت لها بدلة حلوة عبارة عن قميص وتنورة . . بس الي يشوفهم يحسبهم كندورة أصلاً لونها أحمر مع أسود . . ! ديمة: غاااااااااية خلصت تعالي طلعيني أنا [ أقرب للباب ] : أوكي ويت جفتها ساترة عمرها بفوطة طوويلة . . وفوطة ثانية على شعرها . . ديمة: على السريع سبحت أنا: أوكي مشيتها للسرير ورويتها البدلة ووصفتها لها . . ديمة: حلوة ؟ أنا: وايد . . يلا بغمض عيوني ولبسي عشان أنشف شعرج واعدلج شوية ديمة: غمضي عيونج غمضت عيوني . . وهي بدت تلبس . . بعدين قالت لي انها خلصت . . فنشفت شعرها ومشطته لها . . لبستها اكسسوارات خفيفة . . وعطيتها شيلة سودا لبستها وطلعنا . . سمعت صوت مها تصيح . . ولامها سلطان بالممر سلطان: مها خلاص حبيبي . . مها: ما أبي اروح للدكتورة ما أبي سلطان: بس لازم مها: لا لا ما أبي سلطان [ يشوفنا ] : شوفي بنات عمج يايين . . مها تبتسم لنا . . وعقب قالت: أبا أرد الحجرة . . ومابا اسير الدكتورة ! وردت الغرفة . . ديمة [ تكلمني ]: ليكون أنا بسوي نفس الشي يوم بتقرب العملية !! أنا: لا دخيلج لا تصارخين . . بتسوينها يعني بتسويها . . [ أطالع سلطان ] شحالج ولد عمي سلطان: الحمدلله . . انتي شحالج ؟ أنا: الحمدلله بخير . . اسمح لنا بننزل تحت سلطان: مسموحين مشيت مع ديمة لين تحت . . واحسها متعوده على البيت . . يعني تتوقع اهنيه في دري . . ! مريم .~ قاعده بغرفتي . . من بعد سالفة مها والكل قاعد يحتقرني . . ولا مسوين لي سالفة والكل صار يشدد علي . . أميه [ تدخل ] : شو تسوين أهنيه روحج ؟ أنا: حرام ؟ اميه: يمكن تلعبين مرة ثانية . . شدرانا أنا: اميه حرام عليكم أميه: ومب حرام عليج الي سويتيه في أختج ؟ نزلت راسي وسكتتت . . اميه: ترا صقر يبيج . . ومحد خبره السالفة . . عرسج عليه بيكون قريب يمكن قبل لا توصل أختج . . أبيها ترجع وهيه ناسية . .ما أبي وجودج يخرب عليها أنا: بتبيعوني !! أميه: مثل ما بعتيها . . اسمعي أنا بسير عند مرت سلطان والده . . وأبوج بيتم في البيت . . إياني وياج لو عرفت أنج طلعتي ولا رمستي بالفون ولا شيء [ بصوت عالي ] سمعتي !! هزيت راسي . . وطلعت اميه . . حطيت راسي على المخده . . صحت . . ليش جي ظالمنيني . . !!!!!!!!!!! |
رااااااااااااااااااااااائع مهاحلييلها إن شاء الله تتعالج ديمة بعد الله يشافيييها أم منصورعيييييييوووووز ونص وننتظرج على أحرمن الجمر |
سموووحه منج م رديت علييييج كانت عندي ظرووف وتسلميييييييييييييييييييييييييييييييييييييين ع بااااارت يجننننننننننننننننننننننننن ابدعععععععتي وربي طررررررررر نانا فدييتها ومهوي اعششق هالاسم والله كااسره خاطري وفديت ودوم ان شاااء الله ينننننننننجح العلاج ومريييييم جد حقيره اف شقد اكرهههههها وام منصور نعم اختي ويييين تبييييييين مع نفسسسسسسج قالت بعدني شبااب قالت طييييييري وسموحه منج مررره 2 |
البوح الرابعوالعشرون .~ ذياب .~ أتفاجأت بأبويه ماد لي موبايله ويقولي : هاك . . !! أنا: أمنوه ! أبويه: أنت خذ وبتعرف . . شليته منه وقريت إسم أخويه عبدالله . . [ عمي عبدالله ] . ! أنا: ألووه . . عمي عبدالله: هلا ذياب شحالك ؟ أنا [ أقعد يم أبويه ] : بخير الحمدلله . . من صوبك عمي ؟ عمي عبدالله: ما نشكي باس . . ذياب أنا: آمرني عمي .. بغيت شيء عمي عبدالله: عندي لك طلب وأتمنى ما تردني أنا: أفا عمي . . أنا أردك . . ما عاش من يردك الغالي . . عمي عبدالله: تسلم يا ولدي . . والله أنه قلبي يحبك وغالي علي أنا: ونت بعد عمي . . خير شو طلبك ؟ عمي عبدالله: عندي البنات عندهم إجتماع وماعرف شوو في جامعه بدبي . . وأنا ما أبيهم يروحون مع الكلية رواحهم أنا: إنزين عمي . . عمي عبدالله: عاد أنا سمعت من أبوك أنك أنت بتروح . . وشكله المكان هو نفسه كليتهم . . شرايك تشلهم معاك اليوم . . وأنا بردهم يوم بيخلصون أنا: أ أ أ مادري والله عمي عبدالله: لو بيثقلون عليك . . برايهم . . أمبوني أنا مب راضي يروحون أنا: لا ليش عمي . . بيستفيدون وايد . . عمي عبدالله: ترا الشغل مالهم لين أسبوع . . أنا: ما عليه عمي .. دراستهم أهم عمي عبدالله: يعني موافق ؟ أنا: عادي عمي بوديهم .. بس أنا ببات في فندق . . أحجزلهم معاي ؟ عمي عبدالله: هيه . . وفلوس الحجز علي . . أنا: لا عمي وين . . إنزين أنا بطلع من البيت الساعه 8 المسا . . بمر عليهم عمي عبدالله: وبالمرة تتعرففون على بعض قبل الخطبة . . أنا [ سكتت ] . . عمي عبدلله: عطني أبوك أكلمه أنا: إن شاء الله عمي . . أنا من اوصل بيتكم بتصل بك مديت الموبايل لأبويه . . ورحت غرفتي . . ! واي يا عذبة . . بكون معاج في مكان واحد !!! على المسا . . مريت بيت عمي . . وركبوا في ملتقى مسوتنه كليتنا في دبي . . وطالبين مجموعات من مختلف الكليات . . وبيستمر لين أسبوع . . كنت برد الفجيرة آخر اليوم . . صح تعب . . بس شو نسوي !! بس شكلي دام بنات عمي موجودين . . ببات في فندق . . عشانهم . . وعشان عمي يطمن أكثر من ركبوا بالسيارة وهم ساكتات . . بس سمعت منهم السلام . . وسألوني عن حالي . . وبس ! يوم وصلت قريب محطة من المحطات . . تقريباً كانت الساعه 9:00 نص ساعة جي وبنوصل أنا: أنا بنزل المحطة . . تبون شيء [ أطالعتهم بالجامة ] .. وحده منهم : لا سلامتك . . أنا: أكيد ؟! هي: هيه أكيد نزلت السوبر ماركت الي بالمحطة . . وشريت شبس . . كاكاو .. ادري وقت عشا . . ! بس قلت نقضي فيه لين نوصل . . رديت السيارة . . شليت دبة ماي . . وكيت كات ومديت الكيس لين ورا . . ترييت حد يمد إيده . . بس محد شله أنا: شلن الكيس . . ما يرد الكريم إلا اللئيم . . بنت عمي [ تشله ] : ليش كلفت على روحك ؟! أنا: لا كلافة ولا شيء .. بس أككيد يواعى . . ييت بحرك السيارة بس إنتبهت على سيارة وقفت وراي . . والي يسوقها نزل . . !!!!!!!!!! أنا: أوووف هذا وقتك ؟!!! سمعت رنة تلفون . . وشفت فون إنمد . . أنا: شوو !! [ عقدت حياتي ] . . هي : ولد عمي هذا تلفون أختي عذووب . . هالرقم مأذنها وايد . . شليت الفون منها . . أنا: أخاف حد من ربيعاتكم . .؟! هي: لا . . رديت . . بس تميت ساكت . . ياني صوت رجولي ضخم: وينكم ؟! أنا: إمنوه معاي ؟ هو: آ آ آ أنت منوه ؟ أنا: متصل وما تعرف لمنوه ؟! هو: ها تلفونك ؟! أنا: عيل شو ؟! هو: اسمحلي شكلي غلطان ؟!! أنا: مرة ثانية انتبه . . يلا فارق سكرت الفون ورديته ورا . . إطالعت الجامة . . جفت بنت عمي . . [ والله ما أدري شو اسمها ] تمد الفون للي عدالها . . ابتسمت هذي عذبة . . ! سلطان .~ توه رادين من عند العيادة . . الدكتورة النفسية هذي وايد شاطرة . . وهي مواطنة بس مستقرة مع ريلها بلندن. . هيه كانت تدرس في جامعة مايد . . طب نفسي بس عقب فتحت لها عيادة خاصة . . ما شاء الله عليها . . عندها نظرة ثاقبة . . قالت لنا تقريباً اسبوع بالكثير وبنحل عقده مها . . وهالشيء يعتمد على تفاعل مها وياها . . إن شاء الله بتنحل ! إطالعني مايد : وينها ؟ أنا: رقدت . . اليوم وايد تعبت بالعيادة . . ووايد صاحت مايد [ يتنهد ]: لي متى ؟ أنا: الله كريم مايد: لو مخلني أنهد عليها . . والله لييب نهايتها ! أنا: مايد الصبر زين . . مايد [ يحط إيده على راسه ]: كيف بتتزوج ! أنا: نقدر نقول للي يبيها . . ولو صدق بخاطره بيرضى فيها مايد: ما بيعايرها ! أنا: لو يحبها ما يعايرها أبد مايد: الله كريم [ يقوم ] أنا بروح بطلع مع الحرمة تبي شيء ؟ أنا: سلامتك . . أنا بطل على مها . . مايد: يوم بيي سعيد وحرمته . . خبره أن نحن برع . . أنا: إن شاء الله . . توكل الله يحفظك رحت للغرفة اللي فيها مها . . جفتها راقدة . . ولامة روحها . . قعدت على الغنفة . . وكلها دقايق ورحت بنومة ! أرجوان .~ قاعده مع البنات . . سهرانات بغرفتي . . أنا: ما كأني بالاربعين . . وعندي ياهل . . مسهراتني . . ! جوري [ تكتب على اللاب ]: يعني من الله هو يصيح وواعي ! أنا: شو تسوين ؟! جوري: أكتب تقرير . . فاينال ! أنا: موفقة ! جوري: أجمعين . . [ ترد تكمل شغلها ] جنان [ تنسدح ] : ملل . . ! أنا: فاقدة ديمووه . . جنان : واايد . . فديتها . . أنا: صارت مرت أبوج . . جنان: يا حظها فيه !! أنا: زين أنا ابي انام جنان : شرايكم نطلع نتمشى . . حديقة مكان . . أنا: كيفكم قرروا وخبروني . . بس حطوا في بالكم ولدي ! جنان: هذا أهم واحد فديته والله [ تقوم ] جوريوه كملي شغلج بغرفتج خلي البنت تنام [ تبوسني ] تصبحين على خير . . أنا: وإنتي من أهله . . جوري [ تسكر اللاب ] : بروح أرقد أنا بعد باجر دوامي الساعه 8 . . تصبحين على خير أنا: ونتي من هله . . جوري [ تطل على سرير سلطان ]: فديييته القمر . . ياللبي . . نانا تعالي رقديه قمت له . . شليته . .وبسته أنا: يلا روحوا سكرت الباب وقفلته . . قعدت على السرير ومددت سلطوني جدامي . . أنا: فديته ولدي .. بدا يحرك ايده بحركاته العشوائية . . عذبة .~ وصلنا الفندق . . قالنا ذياب أنه هذا أقرب واحد للجامعه . . ذياب: تبون سويت . . ولا غرفة ؟! أنا: كيفك . . ! ذياب: لا قولوا . . عليا: أنت بتاخذ غرفة غير عنا ! ذياب: أكيد .. خلاص بحجز سويتين واحد لكم وواحد لي عليا: زين . . بعد دقايق . . صعدنا فوق . . ودخل لنا ذياب جناطنا . . ذياب: لو احتجتوا شيء خبروني . . [ يأشر على باب مقابل لنا ] هذا سويتي . . عليا: إن شاء الله ذياب [ يطالعني ]: ممكن فونج ؟! طلعت فوني من الجنطة وعطيته . . ذياب [ يشله ]: بسجل رقمي . . شوي ورد لي الفون . . ذياب: لو صار شيء اتصلوا . . أنا: إن شاء الله ذياب: يلا دخلوا داخل وتأكدووا انكم قافلين الباب عدل ولا تفتحون لأي حد عليا: أوك أوك . . [ تهمس ] بدينا سوالف التوصيات !! ذياب [ يبتسم ابتسامة جانبية ]: عشانج بنت عمي وراح . . دخلنا السويت . . وانا متفشلة من عليووه . . أحيان لسانها يفصل !!!! خاصة انه احينه قرب وقت نومها . . فاصصصصصصصلة !! عليا [ تنسدح على أول سرير ] : وااا فدييييييييته . . جمييل . . أنييق [ تطالعني ] فديت البدلة اللي عليه أصلا هي مب حلوة بس هو حلاها !! إطالعتها بنظرة . . هذي فاصلة .. ولا تستهبل ! أنا: لو سمحتي ابتعدي على خطيبي أحسن لج عليا [ تقعد ]: نعم نعم !! خطيبج ! قعدت على السرير الثاني وفصخت شيلتي . . أنا: هيه خطيبي . . وبعد كم يوم بعلن موافقتي . . عليا [ ترد تنسدح ]: رااح علي !! خسارة [ تبتسم ] بس والله جميل . . وسيييييييييييييم دقايق وراحت بنوووم عميق . . بثيابها . . غاية .~ طلعنا نتمشى أنا ومايد . . وطبعاً لأنه الجو خبال . . فضلنا نمشي مع أنه الجو بارد . . بديت أفرك ايدي ببعض . . مايد [ يطالعني ] : بردانة . . أنا [ أخش ايدي بجاكيتي ] : هيه مايد : في محل يبيع قفازات قريب بنشتري أنا: أوكي . . ساندت راسي عليه . . وهو لمني بيده . . ودخل ايده اليمين بجيب الجاكيت . . وتم حاضن إيدي ابتسمت وأنا أحس بالأمان في قربه . . يا عسى ما انحرم منه ! مايد: غاية . . تحبيني ؟! أنا: تشك ؟! مايد: أمووت أنا !! أنا: لا تقول جي . . مايد: إن شاء الله . . جوفي وصلنا المحل . . يلا ندخل دخلنا المحل . . هادي . . أثاثه بني خشبي . . وباين عليه البساطة وفي عيوز لابسة نظارة قاعده على الطاولة . .تقربنا منها . . مايد: مساء الخير سيدتي . . < بالانجليزي العيوز: مساء النور . . كيف حالك ؟ مايد: بخير . . جلبت لكِ زوجتي . . العيوز [ تطالعني ]: أرى أنها مختلفة عن من تحضر بالعاده معك . . هل تركتما بعضكما وتزوجت بآخرى ؟! مايد [ تطالعني ]: آ آ آ . . هذي ابنة عمي وهي زوجتي الآن . . ونحن قادمون للمحلك لشراء قفازات فهي تشعر بالبرد . . العيوز [ تبتسم ]: المحل مليء بالقفازات .. دعها تنتقي ما تحب مايد [ تمسك إيدي ] : تعالي نختار قعد تختار لي قفازات ويشاورني بألوانهم . . بس أنا عقلي مب معاه . . عقلي مع ذيج . . اللي كانت لمايد قبلي !!!!!!!!!! منوووه هيه منووه . . ليش ما خبرني ! مايد [ يرفع قفازين لونهم بني نفس لون جاكيتي ]: هذيل نفس لون جاكيتج شرايج ؟! أنا: حلوين . . مايد: نأخذهم . ؟ أنا: كيفك . . مايد راح يحاسب . . وأنا ظليت في دوامة أفكاري . . أحس عقلي مب قادر يفكر !!!!!!!!!!!!!!!!!!!!! سمية .~ بعد ثلاث أيام طلعت من المستشفى مع البنت . . اللي سميناها نوير . . على اسم أم سلطان بس الدلع . . كيفي بنتي وبنت سلطان ونحن دورنا الاسم . . وحصلناه . . ! كنت راقدة بتعب على السرير . . ومب قادرة أتحرك . . لما دخلت إميه وتحاول تأكلني إميه [ تبا تلقمني ]: فجي حلجج . . أنا: مابي مابي . . إميه: مب زين لج . . من الصبح مب ماكلة . . مب زين والله أنا: مب مشتهيه [ أغمض عيوني ] تعبانة . . وهذي [ قصدي البيبي ] كله تصيح ما رقدت إميه: الياهل أول الأيام كله جي .. لازم تتحميلها أنا: شليها عندج . . مابيها . . تزعجني إميه: هذي بنتج . . ظناج . . أنا: يوم بتسكت ييبيها . . بس ما أبيها وهيه تصيح . . ماعرف لها إميه: أعرف إنه نفسيتج تعبانة من الولادة ولا ما بتقولي هالكلام . . أنا بخليها عندي لين ترتاحين شلت البيبي من سريرها وطلعت برع . . وأنا غطيت في نوم عميق . . عذبة .~ طلعنا من الكلية . . مع ذياب .. ولما وصلنا الفندق بدلنا ونزلنا نتغدى مع بعض . . أنا وعلاية قعدنا على طاولة وهو على طاولة مقابلتنا بس في مسافة فاصلة بيننا . . باجي بس يومين وبنخلص الملتقى . . حسيت بذياب وايد حبوب . . وينحب بسرعة . . وفرفوش . . عليا [ تدزني ]: إيه بلاج . . انتبهت .: شوو ؟ عليا [ تهمس ] : بلاج تتأملين الريال ؟! أنا: أي ريال ؟! عليا:خطيبج الوسيم [ تبتسم تغايضني ] أنا: لو سمحتي مالج خص فيه ! عليا: صح . . أنا ما أفكر بالزواج أصلاً جدامي مستقبل لازم أحققه .. لي حققته بتزوج أنا: وجهه نظر !! انا بعد عندي خطوة لازم أسويها قبل لا أعلن موافقتي . . وإهنيه وأنا معاه لازم أقعد نتفاهم بروحنا . . بدون عليا . . ما أبيه ينظلم معاي !! أرجوان .~ بعد الغدا . . قعدت أكلم منصور . . أنا: منصوري منصور: هلا حبيبي ! أنا: شرايك أرد البيت عندك ؟ منصور: بس أنتي بعدج أنا: صح . . بس صرت زينة . . واقدر أعتمد على روحي منصور: لا خلج في بيت أبوج لين تخلصين كامل . . أنا [ بوزت ]: ما تبي قربي ؟ منصور: حد ما يبي قرب روحه . . بس حبيبي أجلي الموضوع أنا: خلاص أوكي . . شحالها عموه منصور: زينة . . أنا: بلاك تقولها من دون نفس ! منصور: ماشي . . حبيبي شحاله سلطان ؟ انا: الحمدلله . . بخير منصور: يباله أخو يربى معاه . . بطلت عيوني . .: منصوووور ضحك : هيه بعد شوو . . من تردين البيت عندي تحملين . . لين سنة أو اقل بتيبي ولد . . وبيربى مع سلطان أنا: منصور . . يعني توه والده !! منصور: أمزح معاج حبيبي . . يلا بخليج أحينه . . ديري بالج على روحج وعلى سلطان أنا: ونت بعد . . اهتم بروحك منصور: إن شاء الله . . يلا بحفظ الرحمن سكرت عنه . . ورحت صوب غرفة جوري . . ييت أدق الباب . . بس في صوت وكلام خلاني أوقف . . جوري: والله أحبك ليش ما تصدقني . . تراني أدرس بعد شو . . لا مابي . . مابي تخطبني احينه . . بعدين ما بأخذ راحتي . . جي أحسن . . رديت غرفتي على طول . . جوري منو تكلم !!!!!!!!!!!! سلطان .~ اليوم رحنا للعيادة . . أنا ومها . . الدكتورة [ تكلم مها ]: شحالج اليوم ؟ مها [ ابتسمت لها ]: بخير الدكتورة: تبين أخوج معاج ؟ ولا لا ؟ مها: لا ابيه . . ما أبيه يخليني الدكتورة [ تطالعني ] عيل تفضل إقعد اهنيه وأنا بقعد مع مها على الكرسي هذاك . . أنا: إن شاء الله . . راحت مع مها . . قعدت مها على الكرسي الطويل اللي غالباً يكون موجود في العيادات النفسية . . والدكتورة قعدت على كرسي يمها . . الدكتورة: صدقيني يا مها لو تفاعلتي معاي . . هذي بتكون آخر جلسة [ يلا غمضي عيونج ] مها [ غمضت عيونها ] الدكتورة: أبيج ترجعين بذاكرتج شوي . . مها: لين متتى ؟ الدكتورة: لين اليوم اللي رحتي فيه مع أختج مها [ بدت شفايفها تهتز ] معلنة بدئها في نوبة بكاء . . ! الدكتورة: شو تشوفين ؟ مها: مريم خلتني أروح . . ويوم شافت ريال دخلت ! الدكتورة : كملي . . شو بعدين ؟ مها: بعدين [ بدت تبهت ] بعدين تقرب مني . . وخفت . . ووو الدكتورة: لا هو ما سوى شيء !! مها: بلا سوى . . سوى الدكتورة [ بحركة سريعة فرت مخده جدام مها وعطتها سكين ماعرف من وين طلعتها ] .. إطالعتها بخوف . . اخاف مها تأذي روحها . . بس ابتسامه الدكتورة خلتني أطمن شوي الدكتورة: أنتي ضربتيه . . تذكري . . هذووه بين أيدج ضربيه تمت مها تطعن المخده . . وهي تقول . . ما بخلييك تسوي شي حقي . . ما بخليك . . بدت تتنفس بصوت عالي جداً يدل على إجهادها . . شوية بدت حركة ايدها تخف . . الدكتورة: خلاص ما بييج مرة ثانية . . ما بييج مها إطالعت الدكتورة وعقب أغمى عليها . . وقفت ورحت لها بخوف . . الدكتورة: لا تخاف هذي رده فعل طبيعية . . خلها ترتاح وصدقني يوم بتقوم بتكون طبيعية . . أنا: إن شاء الله . . مشكورة دكتورة . . ابتسمت الدكتورة . . سعيد .~ كنت راقد عقب الغدا . . وأحيد ديمة راقدة يمي . . فزيت من النوم وأنا أسمع شيء أنرض بأرض شفت ديمة قاعدة على االأرض شكلها دعمت بالطاولة . . كانت قاعده بطريقة غريبة . . وشكلها شوي وبتصيح تقربت منها . . حاولت ألمها بس ما خلتني . . وعقب أنهدت تصيح وتصارخ ديمة: لاااااااااااااااا تلمسسسسسسسسسسسسسسسني . . |
Tslmeen 3 al paaart |
تسلم إيدج على البااااارت الرهييييييب إن شاء الله مها تقوم بالسلامة جوري تكلم عبدالله ذياب وعذبة وديمة بلاها شو سالفتها ونتريااااااااالبااااااارت القادم |
تسلميييييييييييييييييييييين ع بااااااااااااااااااااااااااااارت يجنننننننننننننننننن شراااااااااااااتج فديييتج والله بارت خطيييييييييييييير ذيابو وعذووبه فديتهم انااااااا وميووووووود حرااام م قال لغايه عن مرته وجووووري اكيد ترمس عبوووووود ومهوي ياخي والله احبج انتي واايد تعيبني وان شاء الله تقووم بالسلامه وديموووووووووووو شو مستووووووي بلااااااااااااااهااااااا؟؟؟؟؟؟؟؟؟ وتسلمييييين ع باااااااااارت يجننننننننننننننننن!!!!!!!!!!!!! |
بارت رائع فانتظار كل جديد |
البوح الخامس والعشرون .~ سلطان .~ بعد ما طلعت الدكتورة . . ردت وهيه بيدها ماي . . رشت شوية على مها . . اللي بدت تصحصح الدكتورة: شحالج احينه ؟ مها [ هزت راسي يعني بخير ] الدكتورة: ما تبين ترجعين البلاد ؟ مها: أبي . . اشتقت لهم وايد . . الدكتورة: حق منو ؟ مها: ماما وبابا . . وخواني الدكتورة: منو من خوانج أكثر شيء ؟ مها: كلهم . . مايد . . راشد . . ميراني .. حتى سلطان الدكتورة: [ تبتسم ] الله يخليج لهم . . [ تطالعني ] خلاص هذي أخر جلسة .. . أنا: مشكورة دكتورة . . مشكورة والله الدكتورة: واجبي هذا . . سلمت مها على الدكتورة . . وطلعنا . . سرت دفعت فلوس الجلسة ورديت لها حضنتها بيدي: فدييتج حبيبي مها [ تبتسم وتطالع جدام ] : تعبتكم بدينا نمشي : لا بالعكس . . حستيني نفس أبوج .. وانج بنتي . . ما تنامين إلا بحضني مها [ بإحراج ]: تعبتك معاي أنا: مهووي . . إنتي حبيبي أختي الغالية لا تقولين هالكلام مها: ما إشتقت لسمية ؟ أنا : أه . . إلا إشتقت وإشتقت . . [ أطالع فوني من الجاكيت ] برويج شيء . . مها: أوكي . . دورت صورة نوير . . ورويتها مها : حييييييييييييييييياااااااااتي والله . . شو سميتوها ؟ أنا: نوير . . تصغير إسم الوالدة مها: يا عيني . . شحالها سمية ؟ أنا: الحمدلله . . [ ابتسم واشل الفون من عندها ] شرايج نغلس عليها شوية مها [ تضحك ]: حرام عليك . . دقيت على طول للإمارات . . حق سمية ترييت دقايق . . وياني صوتها النعسان سمية: ألوووه أنا: فدييت هالصوت والله مها [ تطالعني ]: نحن هنا . . ! حركت شفايفي [ جب ] . . أنا: شحالج حبيبي ؟ سمية : بخير . . [ بصوت تعبان ] إشتقت لك والله أنا: وأنا بعد . . شحالها نواري ؟ سمية: زينة . . شلتها أميه [ عقدت حياتي ] : ليش ؟ سمية: كانت تصيح . . وأنا تعبانة أبي أنام . . ما تخليني أنام أنا: اها . . ما عليه حبيبي .. هذي ياهل شدراها . . باجر بتكبر وبتفهم سمية: زين . . بس أنا ما عرف لها . . كله أخليها عند ماما أنا: زين وعموه بتعرف لها .. وبتعلمج . . تعلمي منها . . ترا يوم برجع بشلكم بيتنا . . مو عقب تقولين ما أعرف لها . . ما أعرف لها . . أوكي سمية: زين . . شحالها مها أنا [ أطالع مها ] : بخير الحمدلله . . ترا يمكن نعجل الرده للبلاد سمية : صارت زينة ؟ أنا: هيه . . صارت زينة . . وايد زينة سمية: الحمدلله سلم عليها . . [ بتعب ] يلا حبيبي بنام . . أنا: زين نامي عدل . . وتغطي عدل أوكي سمية: إن شاء الله . . أنا: مع السلامة وسكرت عنها . . إطالعت مها أنا: تسلم عليج مها: الله يسلمها . . سلطان ديمووه متى بتسوي عمليتها ؟ أنا: أظني قريب . . بس يسوون لها تحاليل وهالسوالف مها: أها . . [ ترد تحضن إيدي بإيدها ] أحبك أخوويه حضنتها . . وبست راسها : وأنا بعد . . يلا خل نرد مها: أوكي . . عذبة .~ بعد ما شفت عليا نامت . . قلت أروح أكلم ذياب . . طلعت بالصالة وسكرت على عليا الباب دقيت على رقمه ع أساس أتاكد لو موجود ولا لا ؟! ذياب: ألووه . . أنا: هلا ذياب: عذبة ! أنا: هيه . . ذياب: أمري عذبة . . محتايين شيء ؟ أنا: لا سلامتك . . بس . . [ سكتت ] ذياب : بس شو ؟! تكلمي . . خذي راحتج أنا: ذياب أنا دريت أنك خطبتني . . ذياب: إنزين . . أنا : [ سكتت شوية وعقب قلت ]: شوف أنا عندي كلام أبي أقوله بس هو شوي خاص ذياب: يعني هالكلام ما ينقال بالفون . . ؟ أنا: تقريباً . . لانه عليا موجوده وما أبيها تعرف ذياب: أوكي . . شرايج نقعد تحت ؟ أنا: أنت فاضي ؟ ذياب: هيه فاضي . . وأنا بعد عندي كلام أبيج تسمعينه أنا: خلاص أنا بعد شوية بطلع . . بس بلبس عباتي ذياب: خلاص أنتظرج .. رحت بسرعة لبست عباتي . .وتأكدت من عليا انها نايمةة . . شليت فوني وطلعت جفته واقف ينتظرني .. لابس تيشرت رمادي وجينز . . هالريال أبداً ما شفته بكندورة !! ابتسمت له وسكرت الباب . . ذياب : يلا نزلنا تحت . . ولقينا طاولة على طرف فاضية وقعدنا فيها . . تقريباً المكان شبه فاضي ذياب: تكلمي أسمعج ؟ أنا: أممم . . أنت قلت عندك كلام . . قول أنت قبل ذياب [ يبتسم ] : أنت طلبتيني قبل !! يلا قولي أنا: الي بقوله شوية خاص . .وو ذياب: لا تستحين . . [ يبتسم عشان يطمني ] صدقيني بسمعج . . ولو هو سر وما تبين حد يعرفه ما بتكلم أنا: أنا حالياً ما أبي حد يعرفه بس عقب عادي . . ذياب: يلا قولي أنا: قبل كم سنة . . كنا بالعزبة مالتنا . . تعرف رواض أختي تحب الخيول . . ذياب: صح . . أذكرها أنا: في هذا اليوم . . كنت ابي أركب الخيل . . وروضة كانت بتركبني معاها . . بس ريموه أختي زقرتها تلعب معاها . . فركبته روحي . . مشيت فيه شوية . . بس عقب ما عرفت لها . . فتم يسرع فيها لين ما فرني من عليه ذياب [ يطالعني بصدمة ]: زين !! أنا: الكل التم حولي . . ودوني المستشفى . . بس الحمدلله ماشي كسور ولا شيء ذياب: الحمدلله . . زين وبعدين ! أنا: بعدين . . عقب يومين . . كان عندي موعد مرة ثانية عشان نستلم التقارير . . والنتايج الثانية . . يعني بيشوفوا لو الطيحة سببت شيء ثاني . . في هاليوم أميه كانت مريضة . . فرحت بروحي مع الخدامه والدريول . . [ أطالعه ] الطيحه سببت لي عقم ذياب: [ إطالعني بصدمة ] شوو ! أنا: هيه . . [ أدمع ] عقم .. يعني ما بقدر أييب عيال . . ذياب أنا ما أبي أظلمك وياي ذياب: لا يا عذبة لا تقولي هالكلام . . [ يطالعني ] عذبة بقولج قصة صارت لي من زمان . . أنا: قول . . ذياب [ يمد لي كلينكس ] : هاج مسحي دموعج . . مسحتهم . . وهو بدا يسرد لي قصته . . ذياب: في يوم من الأيام . . كنا بعدنا صغار . . أرجوان أختي كانت عنيده . . تعاند الكل . . عاندتني وقررت تطلع تلعب بالشارع [ يبتسم ] جي مزاج على قولتها . . تخيلي المنظر الي شفته . . هيه بنص الشارع . . سيارة مسرعة ياية بصوبها . . شو تتوقعين بسوي !! شهقت : أوييه . . شو سويت ! ذياب: ركضت صوبها . . ودزيتها وخليت السيارة تدعمني . . أنا: أويه .. شو صار فيك ؟ تعورت ! ذياب: مب وايد . . خدوش بسيطه . . بس تعرفين شو الي صار بعد ؟ أنا: شووه ! ذياب: نفسج . . [ يبتسم بحسرة ] عقيم انصدمت . . ما توقعت . . يا قلبي .. والله ما يستاهل بسبب تهور اخته استوى جي ذياب: بسبب تهور أختي صرت جي . . أنا: ذياب . . ذياب: عذبة . . من نرجع بنملج . . وبأخذج . .ترا زواجنا عمره ما رح يكون ظلم أبتسمت له . . ذياب: يلا خل نرجع .. يمكن أختج تدورج ! أنا: أوكي . . غاية .~ قاعدة بالغرفة مع مايد . . للحينة تفكيري بس بالي كانت يعرفها مايد قبلي . . يا ترى من بتكوون ؟! معقولة تكون وحده أجنبية ؟! هيه ليش لا . . معقولة ونص . . مايد [ تدزني ] : وين سرحانة . . طالعته بنظرة بدون أي معنى مايد : بسم الله بلاج ؟ تنهدت وصديت الجهه الثانية : ماشي مايد: صدق صدق بلاج ؟ ييت برد . . بطلع كل الي بقلبي . . بصارخ . . بعلن تمردي لأول مرة . . بس قطع علي دقات الباب . . مايد: بشوف منو . . ! راح صوب الباب ودقيقة ورد وهو حالته حالة مايد: سيري بسرعة لين ديمة . . عمي سعيد يقول ما يعرف بلاها تصارخ وتصيح وطايحه على الأرض أنا: شوو !! مايد: بسرعة يلا سحبت شيلة من التعليقة ورحت ألبسها . . وسيدة لين ديم دخلت غرفتهم . . شفتها طايحه على الأرض وتصيح بصورة هستيرية . . وشعرها متناثر على ويهها حضنتها بالقو . . وأنا أهديها أنا: ديموووه حبيبي إهدي شو فيج ؟ ديمة: [ تهز رأسها تبي تتكلم بس طريقة صياحها مب عاطنها فرصة تقول شيء ] أنا: إهدي شوية . . خذي نفس . . يلا تنفسي تمت شوية . . وعقب قالت ديمة: كنت أبي أقوم بروحي . . ما أبي سعيد يتعب معاي . . بس في طاولة ما كانت موجوده أمس . . ما أعرف متى يات . . أنا متاكده أمس مب موجوده [ تأشر عالطاولة ] عقب دعمتها وطحت على راسي . . ضرب راسي اليدار . . عقب يووم يا سعيد . . تميت أصيح . . لأنه . . [ سكتت ] أنا: لأنه شوو . . ديمة [ تمد إيدها وتحطها على ويههي ] : لاني قمت أشووف . . الطيحة الي طحتها ردت لي نظري . . إطالعتها بصدمه . . صح صح . . توها أشرت لي على الطاولة . . شقايل ما إنتبهت ! أنا [ بفرحه ]: فديييييييييييييتج والله . . خوفيتنا على الفاضي . . [ أقوم ] بسير أبشر عمي سعيد . . ديمة [ تبتسم ]: صحت . . لأنه أول ما رديت أشوف شفته . . وأنا اللي ما شفته يوم عرسنا ! والله شكله متغير . . حالق لحيته . . شكله غير غير . . أنا: هيه تراه معرس . . [ أغمز لها ] والله بيستانس لج . . وبفرح . . ديمة [ تقوم ] : سيري خبريه [ مسكتت ايدي ] ولا أقولج . . خليه أيي أنا بخبره أنا: إن شاء الله . . يلا بروح . . بستها على خدها . . شكثر مستانسة لها والله طلعت برع والابتسامة بعدها مرسومة على خدي . . عمي سعيد: هاه شو فيها ؟ أنا: كل خير . . إدخل لها . . ما فيها الا العافية عمي سعيد: متأكده ؟ أنا: لو تشك بشيء دش وتأكد . . عمي سعيد دخل غرفته . . وعقب جفت مايد .. مايد: شو السالفة ؟ انا: ماشي . . عقب بتعرف . .[ مشيت للغرفة ] قعدت على السرير وجفت مايد ياي وراي . . مايد: أبي أعرف شو سالفتج إنتي ؟ ترا مب هذي غاية الي أعرفها ! أنا: يعني ممنوع نتغير ! مايد: لو للأحسن بنطوف . . بس الصراحه أنتي صايرة بارده . . وإطنشيني . . وكله سرحانه . . [ بصوت عالي ] لو ما تبيني قولي .؟ أنا: هيه عشان ترد لها صح !!! مايد [ بصدمة ]: أرد لمنو ! أنا: للي تحبها قبلي . . للي تتمشى وياها قبل لا تتزوجني . . للي كنت تروح معاها السوق وتتشرى لها . . للي تعرفها ذيج الحرمة العيوز .. مايد [ بجمود ] : غاية !! أنا [ بديت أضيع . . ما أعرف شو أسوي ] . . ما أقدر أتخيل مايد زوجي . . اللي حسيت بالأمان معاه . . اللي أحسه عوضني عن حنان أبويه . . بيروح مني . . بيتركني . . ما أقدر . . مايد [ يحضني ] . .: غاية إهدي . . هذا مايد . . بلحضة يحضني ويذوب كوم الثلج اللي تراكمت على ظهري . . يذوب كومة الهم اللي تناثرت علي . . أنا [ أدز صدره ] : خلني ! مايد: لا !! . . مابي أنا: بلا تبي . . خلني . . [ أضربه ] أنت ما تحبني ما تحبني . . مايد [ ودر حضني وراح بعيد ]: صح أنا ما أحبج . . هييه هذا اللي كنت خايفة منه . . هذا !!! بس رد يقولي : أنا أموت في حبج . . بدور .~ قاعده مع بدوري الصغيرة نحل الواجب . . بدور الصغيرة: ماماه اليوم الأبلة عطتني هدية مصاصة . . أنا: عشانج شاطره حبيبي بدور الصغيرة: صح . . اليوم جاوبت صح . . أنا: دوم ذاكري عدل وبتجاوبي صح . . بدور الصغيرة: وبحصل هدايا وايد خالد [ ايي ويقعد معانا وبحضنه سلطان ]: وأنا بعد بييب لج هدية عووودة بدور الصغيرة [ بفرحه ] : صدق ! خالد: هيه . . صدق . . اليوم بنروح الألعاب أنا: خالد ما كلمك أحمد ؟ خالد [ عاقد حياته ] : ليش ؟ أنا: قرروا يسوون حفلة عرسهم . . خالد: أها . . الله يوفقهم إن شاء الله . . يستاهل أحمد أنا: هيه .. ترا أحمد بيكمل دراسته في لندن وبيشلها معاه . . خالد [ يبتسم ]: وإنتي ما تبين تكملين دراستج ؟ انا: لا . . بربي عيالي . . سلطان يحاول يشل عقال خالد بس ما قادر يوصل له أنا: خلود عطه العقال . . خالد [ يبتسم ]: بعطيه . . [ فصخ غترته والعقال وفرهم على الغنفه ] . . سلطان شل العقال بفرحه . . خالد: باجر بروح أفصل له كنادير يديده يلبسهم . . أنا: عيل شرايك اليوم بما أنك وعدت بدوري بالألعاب . . بالمرة بنروح نشتري لهم ملابس أحس يبالهم ثياب يديده خالد: إن شاء الله . . بدور أنا أبا أرد أشتغل مع أبويه بالشركة شرايج ؟ أنا: شور زين . . وبعدين الشركة شركتكم . . إذا ما عاونتوا أبوكم من يعاونه . . خالد: صح . . أصلاً ذياب يوم بيتخرج بيتوضف بالشركة بعد أنا: الله يوفقكم يارب . . خالد [ يدغدغ سلطان ] : شو تبا بالعقااال هاااه سلطان يضحك . . أنا: خلوود مب زين جي تضحكه . . والله خالد [ يودر سلطان ] : جم باجي لج عن تولدين ؟ أنا [ ابتسم ]: إن شاء الله 6 شهور ولا أقل بشوي خالد: الله يقومج بالسلامة .. أنا: خالد البنت بسميها منى . . خالد [ يبتسم ]: أصيلة والله جوري .~ طلعت من غرفتي بعد ما خلصت من الرمسة مع عبدالله . . هالإنسان أزعجني الا يبي يخطبني احينه !! جفت أرجوان طالعة من غرفتها وبيدها سلطان نايم . . أنا: فديته نام ؟ أرجوان: هيه نام . . جوري أبيج شوي ممكن ! أنا: هيه ممكن . . أرجوان : جنان ما يات ؟ أنا: بلا هيه موجوده تحت . . أرجوان: عيل تعالي غرفتي . . عندي لج كم كلمة رحت وراها وانا مب عارفة شو السالفة ! أرجوان [ تحط سلطان بسريره ] : إقعدي قعدت وهيه يات وقعدت يمي . . أنا: شو السالفة ؟ أرجوان: مساعة ييت غرفتج وجفتج تتكلمين بالفون . . بلعت ريجي [ هذا اللي ما كنت حاسبة حسابه ] : زين أرجوان: من كنتي تكلمين ! أنا: ربيعتي أرجوان: وربيعتج بتقولين لها أحبك . .ومابيك تخطبني احينه ! أنا: نانا هذا عبدالله ولد عمي سعيد . . أرجوان: متاكده [ تطالعني بشك ] أنا: هيه وهو يبي يخطبني بس أنا أبا أأجل الموضوع أرجوان: لو تبين تكلمينه براحتج خل يخطبج . . على الأقل الكل بيعرف . . اليوم أنا سمعتج .. الله يعلم منو باجر .. ترا صح أخوانج مخلينكم تقعدون مع بعض . . وتروحين وتردين معاه . . بس كل شيء وله حدود أنا: زين . . أرجوان: خل يكلم أبويه . . على الأقل يعرف انج بخاطره أنا: أوكي . . [ أقوم ] عن إذنج طلعت من غرفتها ونزلت تحت . . جفت حمدان وعبدالله قاعدين مع أبويه وعلى طرف جنان قاعده ترسم . . سلمت عليهم وعقب رحت صوب جنان . . أنا: ما شاء الله . . من زمان ما رسمتي جنان: صح . . ولهت على الرسم [ تطالعني ] روحي قعدي بعيد عني يلا انا: حاضر . . رحت قعدت يم أبويه . . أبويه: شحال دراستج ؟ أنا: الحمدلله . . أبويه: ممشية الحال ؟ أنا: أكيد .. حمدان: وينها أرجوان ؟ أنا: سلطاني ولدها نايم وهيه معاه حمدان: أها . . [ يطالع أبويه ] أبويه ترا سهيل متصل فيني كم مرة وما شفته . . ما أدري شو عنده ؟ أنا: تلاقيه وله عليك . . لاصقين ببعض دووم حمدان [ يطالعني ] : تغارين !! أنا: يقولون . . [ أطالع عبدالله وعقب رديت أقوم ] أنا بروح غرفتي . . حمدان: شوفي حسين بغرفته ولا لا !! ابويه: حسين في مزرعة عمه . . رحت غرفتي . . صح . . حسين شو عنده مطيح في مزرعة عمي !! عبدالله .~ اليوم طنشتها عقب كلامها . . أونه لا تخطبني . . أدري توها إطالعتني . . بس ما عبرتها . . خل تتأدب . . شوية . . عمي سلطان: ما كلمت أبوك ؟ أنا: بلا كلمته مساعه . . عمي سلطان: شحالهم بخير ؟ أنا: الحمدلله بخير . . وسلموا عليكم إنتبهنا كلنا على سهيل اللي دخل . . وكانت حالته حالها عمي سلطان : شو فيك يا سهيل ؟ سهيل: عمي اليوم أبويه عطاك عمره . . عمي سلطان [ يوقف ] : كيف ؟ سهيل: اليوم وهو طالع من المحكمة . . دعمته سيارة . . أم سهيل [ من ورا ]: شوو !! سهيل [ يطالع أمه ويرفع أوراق بيده ] : اليوم رايح المحكمة مسجل البيت باسمج .. وهو طالع دعمته سيارة وتوفى . . [ يمسح دموعه ] توني ياي من المستشفى أم سهيل: كييف !! . |
أويييييه صدمة شو ها ؟؟؟ ننتظرج الحمدالله ديمة ومها تعالجوا عقبال ذياب و عذبة وبالتوفيق |
صددددددددمه قووويييه ماااات بس عاااادي<< ادري اني نذله م عندي احساس حمدلله ديموووو تشوووف وفدييت مهوي قلبي ذي البنت فديييتها حمدلله ردت نفس قبل و م ذكرت اسم مريم و تسلميييين جد جد ع بااااارت يجنننن شراااتج |
البوح السادس والعشرون .~ بعد مروور قرابة خمس سنوات . . أرجوان .~ واقفة جدام منظرة الحمام [ عزكم الله ] وسرحانه . . الوضع اللي أنا فيه . . يخليني جد أسرح . . !! منصو ر [ يدق الباب ]: أرجواااااان يلا تأخرتي !! ورانا حفلة بنجهز لها !! صح . . المفروض نحن مسوين عزيمة حق يوم ميلاد سلطان . . اللي كمل خمس سنوات اليوم !! يالله كيف الوقت يطوف بسرعه . . ما كأنه أمس مولود . . !! منصور [ يدق الباب ]: أرجوااااااااااان . . صح مصختها . . لازم أطلع . . طلعت من الحمام وجفت منصور واقف ومساند ظهره على اليدار ومجتف ايده . . !! منصور: توه الناس .. تحركت وتقربت منه: وين سلطان ؟ منصور: في غرفته ويا أخته روضة . . [ روضة بنتي عمرها تقريباً . . 3 سنوات ] منصور [ يحضني ] :بلاج ؟ أنا [ أدزه ] : منصور . . خلني روحي مب طايقة عمري . . ! منصور [ يطالعني بنص عين ]: ليش شفيج ؟! أنا [ أرفع له تحليل الحمل ] . . منصور [ يبتسم ]: وهذا الشي يخليج مب طايقه عمرج !! أنا: إيه . . ماني متخيلة اني ببدأ الوحام . . وبتلوع جبدي . . !! منصور[ يبتسم ] أنا [ أقعد على السرير ]: أحينه حرمتك هذيج بتتكلم .. مافيني على كلامها . . بتقول شمعنى أنا احمل وهيه لا . . منصور: ما عليج منها هيه وأمي . . عليج مني . . أنا أبيج اتيبين لي ياهل . . ! أنا: زين منصور تبي بنت ولا ولد ؟ منصور: اللي ايي من الله يا مرحبا فيه . . ما أتشرط أنا !! [ قرب مني ] أنا: منصوور خلني والله مابي منصور: شو ما تبين على كيفج هوو !! أنا: منصور الليوم معزومين عشان عيد ميلاد سلطان في بيت أهلي . . ما فيني أتأخر !! بس منصور كالعاده ما عطاني فرصة أبداً . . ذياب .~ كملنا تقريباً أربع سنين من عرسي على عذبة . . ما سوينا حفلة عودة . . بس عائلية . . وما سرنا شهر عسل عشان دراستنا . . بس عوضتها بعد ما تخرجت . . ومسكت شغلي عند أبويه عذبة [ تطالعني ] : ذياب أبا أكمل ماستر . . أنا: عادي [ أبتسم لها ] تلهين روحج شوية . . عذبة: إن شاء الله . . رحت فصخت الكندورة . . وفريتها بالسلة . . وييت بنسدح يمها . . عذبة [ تبتسم ]: والغدا ؟ أنا: المهم أنتي كلتي . . [ أغمض عيوني ] أنا تعبان والله يوم بقوم بكل عذبة: حفلة ولد أرجوان اليوم !! أنا: هيه . . [ بعدني مغمض ] عذووب خليني أنام عذبة : تتوقع العلاج اللي سويناه بيفيدنا ؟ أنا: وكلي أمرج لله . . وبعدين نحن مب ما نبي يهال . . كفاية يهال العائلة . . عذبة: حراام عليك . . شحلاتهم والله أنا [ فتحت عيوني ]: عذبة ما ننام اليوم ؟!!! عذبة [ تبتسم ]: ذياب أنا حامل . . !! ما أستوعبت اللي قالته . . تميت أطالعها بنظرات مصدومة .. وهيه طبعاً ضحكت . . وتمت تضحك تضحك . .قمت لها أبي أقرقطها . . ! بس صرخت : ذيااااااااااااااااااب اليااااااااااااااااهل . . أبييييييييييه نسيييييت .. !!! مريم .~ إطالعت صقر اللي صار ريلي. . ومب عارفة كيف أقوله هالكلام . .! أنا: صقر . . صقر [ يطالعني بدون نفس ]: نعم !! أنا: أنت ليش جي تعاملني ! صقر: وشقايل تبيني أعاملج إن شاء الله !! أنا: أنت ما كنت جي ! صقر [ يطالع التي في ]: أنتي اللي جبرتيني أعاملج بهالأسلوب . . أنا: بس أنا تغيرت .. والله صقر [ يقاطعني ]: شو يضمن لي . . ! أنا: صقر أنا حامل . . قلتها جي . . ما عندي صبر وهو بحركاته يقهرني صقر [ يطالعني بعصبية ]: من منووو !! أنا [ أطالعته بصدمة ]: انت ليش تشك فيني ؟! صقر: من سواياج . . [ يقرب مني ] قولي من منووه َ! أنا: والله منك . . والله صقر: جذااابة أنا مستحيل أخليج تحملين . . [ تقرب مني وضربني على ويهي ] . . شوية بدا يضربني بهستيرية . . وهو يصارخ جذابة . . لين حسييت أني خلاص بفقد وعيي بالدنيا !!! غاية .~ حطيت ايدي على بطني . . اهنيه في روح بتكبر . . مايد [ يحط ايده على جتفي ]: شو تفكرين فيه ؟ أنا: ولا شيء . . مايد خلاص ماشي رده للندن صح ؟ مايد: صح . . إلا لو زياره ! أنا: لا بس عاد الغربة مب حلوة والله . . [ أبتسم له ] صح نكون بروحنا بس بعد قرب الأهل وايد حلو مايد : خلاص ما بنرد . . [ يبتسم ] تدرين استانست يوم جفت نتايج تحليلج اليوم بالمستشفى .. أنا: وانا بعد استانست يوم خبرتني . . [ سكتت ] مايد سامحني لو في يوم شكليت فيك مايد [ يحضني ] : وأنتي بعد سامحيني لانه خبيت عليج الماضي أنا: بس خلاص أنا نسيت . . وبعدين أنت اللي كنت تحبها . . أووه أقصد بس معجب فيها لانه البنت الوحيده اللي تقربت منك . . وهيه تسهلت لبيت ريلها . . وتحبه . . [ احط راسي على صدره ] مايد أوعدني ما تناظر غيري مايد [ يمسح على ظهري ]: وعد يا نظر عيوني . . هذا هو مايد اللي أعرفه . . صح تاخرت في الحمل بس عينه ما ناظرت غيري . . وفي حضنه أحس بالحنان . . والأمان . . الللي ياما فقدتهم في غياب أبويه جوري .~ توني راده من دوامي . . تعب والله تعب . . أداوم من 8 لين 5 . . صح في استراحه بس بعد تعب . . فريت جنطتي على السرير وفصخت عباتي . . والشيلة شوية سمعت صوت الفون يرن . . رحت له وشليته ابتسمت يوم جفت اسم عبدالله على الشاشة . . أنا: ألووه عبدالله: تووه الناس .. أنا: عبدالله والله توني راده من الدوام . . منهد حيلي وايد عبدالله: محد قالج اداومين .. اسمعي يوم بنعرس تقدمي استقالتج أنا: خل نعرس اول !! عبدالله: أنتتي اللي مأجلة الموضوع . . أنا: نعرس اليوم . . باجر . . أممم عبدالله: شرايج نحدد العرس بعد شهر . . وخلاص هالمرة مافي تأجيل !! أنا: أوكي . . زين عبود بروح أسبح وأكل .. تدري عندنا حفلة اليوم عبدالله: على شرط . . تتعدلين عشان أشوفج أنا: أوكي . . إلا شحال أبوك ومرته !! عبدالله [ يضحك ]: محسسيني مراهقين . . والله يوم أكون معاهم أحس أنا أكبر من أبوية !! أنا [ ضحكت ]: الله يخليهم لبعض . . من زمان ما شفت ديمة .. اشتقت لها عبدالله: اليوم أكيد بتشوفيها . . يلا بخليج احينه تخلصين أشغالج أنا: أوكي . . ربي يحفظك . . هذا عبدالله . . اللي ما وقف أبداً في طريق دراستي ولا شغلي . . وأدري بعد ما نعرس مستحيل يضغط علي أترك الشغل إلا لو كنت مقتنعة . . إنسان متفتح وواثق فيني . . ومستعد يسوي المستحيل عشاني . . سلطان .~ قاعد مع نوير بنتي وأمها . . عائلتي صغيرة وايد . . سمية ما تبي اتيب ياهل إلا لما نوير تخلص الروضة عشان تحطيها فرصة أكبر من الرعاية نوير [ بدلع ]: باباه سووف الأبلة حتت لي ندمه مننيه [ شوف الأبلة حطت لي نجمة منيه ] . . انا: شاطره بنتي . . عفيه عليج نوير [ بدلع ]: أستاهل هدييه . . أنا [ أبوسها ]: تستاهلين أكبر هدية . . سمية [ تقعد ]: وأنا ؟ أنا: أنتي الأصل [ أغمز لها ] هديتج بعدين بالليل سمية [ أحمرت ]: مب جدام البنت . . أنا: واللي يقول بتفهم احينه . . [ أطالع نوير ] نواري قولي لماماه أبي أخت . . نوير [ بدلع ]: ماماه موبي أخت . . أبي اتم لووحي [ روحي ] أنا [ بصدمة ]: طااع ! سمية [ تبتسم ]: البنت تعودت تكون بروحها أنا: إنتي اللي عوديتها . . ماخذه الدلع كله منج . . سمية: أحسن عشان يوم أكون محد تشوفني في بنتي . . وفعلاً نوير طبجه أمها . . تشبهها حيل . . سمية [ تطالعني ]: اليوم رد علي أخويه يكلمني عن مها . . يبي يخطبها مرة ثانية أنا [ أتنهد ] : قصدج مرة رابعه . . سمية مها مستحيل توافق . . خليه يخطب وحده ثانية سمية : قلتله . . بس يقولي لو ما خذتها من بيرضى فيها . . كلمها سلطان . . يمكن تسمع منك أنا: أوكي سمعنا دق الباب . . رحت بطلته . . جفت ميرة اللي صار عمرها تقريباً 13 سنة وبدت تكبر ميرة [ تبتسم ]: أبي نوار . . أنا [ أفتح لها الباب ]: دشي هيه عند أمها . . ييت بطلع . . ميرة: وين ؟ أنا: عند مها . . رحت صوب غرفة مها . . وجفت راشد اللي صار بالعشرين . . ماسك سويج السيارة وشكله بيطلع أنا: على وين ؟ راشد: طالع أنا: شوي شوي عن السرعه . . ما فيني أتحمل تهورك إستاذ راشد راشد [ بخبث ]: تبوني أودر طيشي زوجوني . . ! أنا: راشد صاير جريء . . أنت تكلم حد ؟ راشد [ بتوتر ]: لااه أنا: صدق !! راشد: هيه صدق . . إلا صح حسين ولد عمي هو اكبر مني بسنة . . ويوم تخرجت روضة بنت عمي عبدالله من الثانوية . . تزوجها وشلها معاه أمريكا . . يدرسون أهناك . . شمعنى أنا ما تبوني أعرس ؟ أنا: أنت أثبت في شغل أول .. شلك في العرس والمسؤوليه ؟ راشد [ يتحرك ]: أنا مستعيل . . يلا بخليك أنا [ بخبث ]: سلم على ريم . . راشد [ يطالعني بصدمة ] أنا: تتحسبني غافل عنك . . وراك وراك . . راشد [ بخليني ويطلع ] . . والله يتحسبنا غافلين عنه . . والكل أصلاً يعرف أنا يبيها !!!!!!!!!!!! رحت صوب غرفة مها دقيت الباب . . مها: تفضل أنا: عادي . ؟ مها [ تبتسم ]: أكيد . . شحالك أخويه ؟ أنا: الحمدلله . . أنتي شحالج ؟ مها: بخير . . زايرني اليوم ؟ أنا: هيه . . عندي موضوع وحاب أنا اللي أكلمج فيه . . مها: قوول . . أنا: مها تدرين اليوم كم واحد خطبج مني ؟ مها [ تتنهد ]: كم ؟ أنا: ثلاث . . علي أخو سمية . . حمدان ولد عمج سلطان . . مها: والثالت أنا [ بعد مده صمت ]: فارس . . مها [ تنتفض ]: هاه أنا: فارس تغير يا مها . . صاير متدين وايد . . صلاته كلها بالمسيد حتى الفجر ما يطوفها وكل سنة لازم عمرة ولو قدر حج . . صلي إستخارتج وجوفي لمنو ترتاحين . . لانه الثلاث مناسبين لج ولو شفت فيهم عيب ما ييت أخبرج يا مها مها [ تبتسم ]: إن شاء الله . . اليوم بروح معاكم بيت عمي سلطان عشان حفلة سلطان الصغير أنا: عشانه سميي بوديكم . . مها: أنا بعد لو يبت ولد بسميه سلطان أنا [ ابتسمت لأنها بدت تتقبل الفكرة ]: إن شاء الله . . ييت بقوم بس سمعت حس إميه تزقرني . . وشويه فتحت الباب إميه: سلطان إلحقني . . نقزت على طول . . أنا: خير إميه شو فيج ؟ إميه: أختك مريم بالمستشفى . . تعبانة . . قوم ودني لها أنا: إن شاء الله الغالية . . ببدل ثيابي وبييج إميه [ تصيح ]: بسرعة يا سلطان . . ما أعرف صقر هذا شو مسوي فيها عشان اطيح عليهم مسألة أنه صقر مأذنها أبداً ما دخلت بالي . . هيه دوم تقول أنه يعاملها أوك !! روضة .~ قاعده في الصالة اللي بشقتنا في أمريكا . . أنا خلصت دراستي . . بس تامة إهنيه عشان حسين اللي يوم بيتخرج بيصير دكتور . . وأنا واقفة معاه وشاده من همته . . !! حسين [ يطالعني ]: شو فيج ؟ أنا: ولا شيء . . أفكر بالماضي اللي جمعني فيك . . تهورنا اللي تعب كل أهلنا . . وياما حاولوا يمنعونا من بعض . . وعقب زواجنا . . ودراستنا . . ومستقبلنا حسين : ندمانة على تهورج ؟ أنا [ هزيت راسي ]: مستحيل أندم . . يمكن ندمت إني أعاند .. بس حبك ولو كان مجنون مستحيل أندم عليه . . حسين: تدرين حفلة سلطان ولد أرجوان اليوم ! أنا: إيه . . شو صار على الهدية ؟ حسين: وصيت ناس يوصلونها على وقت الحفلة بالضبط . . أنا: زين . . أتريا اللحظة اللي أشوفك فيها متخرج . . ونرد البلاد حسين [ يلعب بخصلات شعري ]: مليتي مني أشووف ؟ أنا [ ابتسم بشطانة ]: أمل من الكون كله ولا أمل منك فعلاً هذا حسين اللي أعجبت فيه . . وحبيته . . اللي ياما خواتي مب راضين عن قربي منه . . وحتى خوانه . . بس هو عمره ما خان الثقة . . الله لا يغير علينا يا كل دنيتي . . جنان .~ واقفة جدام الغرفة ومغمضة عيوني الثنتين بيدي . . وأعد . . 1 ، 2 ، 3 ، 4 ، 5 ، 6 ، 7 ، 8 ، 9 ، 10 . . خلصت العد . . بطلت عيوني ولقيت الجو هادي جداً . . الكل أختفى بمكان . . أنا [ بصوت عالي ]: تراني بطلت عيوني . . بيي أزخكم . . بس بعده المكان هادي . . ابتسمت يعني يبوني أنا اللي أدورهم . . لفيت الصالة . . ما حصلت حد . . بس قبل لا أطلع منها سمعت همهمة . . صوت خفيف وقفت أتأكد . . نزلت راسي للمسافة اللي بين الغنفتين . . وجفت سالم [ اللي عمره 2 سنتين ] واقف بالمسافة . . ويضحك على الخفيف . . رحت له . . وقرقطته . . وأقوله: زخييتك وهو يضحك بصوت عالي . . شليته وبست خده هالانسان شكثر أمووت فيه. . كل مرة نلعب اللعبة ويتخبى في نفس المكان كل مرة !!. . أنا [ أهمس له ]: أششش . . سلوومي تم منيه بروح أشوف وين باباه أشش عن يشرد أوك سالم [ يضحك ] : دين رحت للغرفة متأكده بشوفه إهنيه . . دخلت وشفته لابس لبس الشرطة . . تساندت على الباب وإطالعته بنظرة . . سهيل [ يضحك ]: بلاج ؟ أنا: دوام ؟ سهيل: لا . . قلتلج أجازة . . إجازة . . [ يبتسم ] يعني بكون عندج أنا [ عقدت حياتي ]: عيل ليش لابس لبس الشرطة ؟ سهيل: أجربها . . اليوم يايبنها من الخياط . . ! أنا: أها . . سهيل دير بالك على روحك . . مابي أخسرك سهيل [ اييي صوبي ويحضني ]: من عيوني . . مستحيل أأذي روحي وأنا أعرف أنها تهمج ! أنا. . . [ تعلقت في حضنه خايفة يضيع مني ] . . ! مايد .~ لما حسيت بغاية غفلت بحضني . . نيمتها على السرير وطلعت عنها . . صايرة تنام بأي وقت . . وبدون شعور . . كل هذا من تأثير الحمل . . ! إستغربت لما شفت أميه لابسة عباتها وواقفة . .! أنا [ بتعجب ]: على وين الغالية ؟ تبيني أوصلج ؟! إميه: أختك مريم بالمستشفى . . خالتك متصلة تقولي شايفتنها تنزف بالغرفة . . [ بخوف ] خايفة عليها . . سلطان [ ينزل ]: يالله الغالية مشينا . . أنا: أنا بيي معاكم . . إميه: هيه تعال الله يخليك . . مشيت معاهم . . وركبنا السيارة . . [ طول الطريق وأنا أفكر ] تنزف . . !! شو سبب النزيف ؟ ! معقولة طايحه . . إنزين لو طايحه ما تنزف وايد !! . . سلطان [ يزقرني ]: ماااااااااايد . . أنا: هاه ! سلطان: وصلنا . . يلا انزل ويا امي عشان تشوف شو فيها ولا تكلم الدكتور . . أنا برجع البيت ماله داعي وجودي أنا: زين . . [ نزلت مع اميه ] . . أنا: إميه أي قسم ؟ إميه: خالتك تقول قسم الولاده .. أنا: ولاده ! إميه: هيه تراه شكلها كانت حامل وعقب طاحت وسقطت . . أنا [ شفت الدكتورة المسؤولة ]: لو سمحتي أنا أبي أسال عن مريضة اسمها مريم علي محمد ال . . . الدكتورة [ ترفع أوراق كانت بيدها ]: دكتور. . المريضة فقدت دم كتير سبب في وفاة الجنين . . لو كانوا جايبينا أبل بوأت كان ممكن أنقزناه . . أنا: وهيه الحينه شحالها ؟ الدكتورة: منيحه . . أبل شوي نألناها للغرفة الخاصة . . هيأ بتأربلك موو ؟ أنا: إيه . . هيه أختي . . الدكتورة [ تطالع إميـه ]: دكتور ممكن شوي نحكي على جَنَب ؟ إطالعت إميـه: إمايه روحيلها الغرفة . . [ أسال الدكتورة ] أي غرفة الدكتورة: في غرفة [ . . . ] . . إميـه: زين . . بسير لها . . عقب ما سارت إميه مشيت مع الدكتورة . . اللي صدمتني بكلامها الدكتورة: أنا مضطره أستدعي الشرطة . . سبب سقوط الجنين . . ضرب شديد . . وباينه الكدمات على كل جسما . . أنا [ عقدت حياتي ]: ضرب ؟!! منو ضاربنها . . الدكتورة: ما بعرف . . عن إزنك دكتور عندي شغل لفوأ رأسي . . أنا: اوكي روحي . . كملت طريقي للغرفة . . جفت خالوه قاعده سلمت عليها وبست راسها إطالعت مريم اللي ويهها جداً شاحب . . ! أنا: إميه . . خالوه . . أبا أكلم مريم شوية ممكن ؟ إميه: كلمها . . هذيه جدامك ؟!! أنا: لا قصدي بروحنا . . ممكن ! إميـه وخالوه [ قاموا ]: خذ راحتك ! بعد ما طلعوا . . سحبت كرسي وقعدت مقابل مريم . . اللي إطالعتني بتعب تتريا شو بقول ! أنا: مريم أعتقد تعرفين شو بقول . . ! مريم : لا ما عرف ! أنا: مريم صقر ضربج ؟ مريم [ إطالعتني بتوتر ]: لا أنا: بلا . . هو إعترف لي . . ضربج . . بس ما قال ليش ؟! [ حبيت أكذب عليها واستدرجها للككلام ] . .! مريم [ تدمع ]: هو كله يشك فيني . . كله يمنعني من الطلعة . . كله حابسني بالغرفة . . حتى فون يشله عني . . [ تعض شفاتها تحبس دموعها ] أمس عرفت اني حامل واليوم خبرته . . عصب علي يقولي من منووه . . [ تطالعني ] والله ما أعرف حد مايد والله ماعرف حد غيره . . بس هو ضربني ضرب ويوم شافني أنزف طلع . . أنا [ عصبت ]: الحيوااااااااااان أنا الللي بربيه . . مريم [ مسكت ايدي ]: مايد خله يطلقني . . مابيه يذلني أكثر ! أنا [ ابتسمت لها ]: وغلاتج بقلبي بتردين بيتنا معززة مكرمة ! ابتسمت لي . . مهما يكون هذي أختي اللي ما أبي أي شيء يأذيها . . حتى لو كان ريلها ! عليا .~ طالعة من غرفتي ملانة . . أووف والله كل يوم قاعده بروحي . . ! إميه: بلاج ؟! أنا [ قعدت يمها ]: ملانه إميه ملانه . . كله بروحي . . حياتي ملل في ملل . . أبويه [ يطالع الجريده ]: أنتي اللي بغيتيه لعمرج . . خبريني كم مرة ألقى لج شغل وتقولي ماباه . . ! أنا [ أبوز ]: عاد أنته ما اتيب لي شغل يعيبني شو أسوي بك .! أبويه: حتى الشغل في شركتنا عفتيه .! انا: ما أبا أجابل عيال عمومتي . . حشى مب واحد ولا ثنين . . كلهم ؟! أبويه [ يعق الجريده ]: قولي ما شاء الله !!!!!!! أنا [ أبوز ]: ما شاء الله . . [ أقوم ] بروح أشوف ريمووه أحسن لي من كلامكم اللي يغث ! أبويه : لو شفتيها مشغولة لا تقعدين على قلبها !! أنا [ أصارخ لاني أبتعدت ]: عشانج بس بقعد عللة على قلبها . . !! دخلت غرفة ريم بدون لا أدق الباب . . جي مزااج !! ريم من شافتني عقت الفون تحت اللحاف . . ! إطالعتها بإستغراب . . شفيها ؟! رحت لها . . وشليت الفون وهيه إطالعتني بنظرة . . طنشتها وشفت الفون الشاشة بعدها منورة . .بإسم [ راشد ] .. والمكالمة صار لها فوق النص ساعه !!! أنا: منوه هذاا ؟ !! [ أصارخ ] منووووه ؟! ريم [ تطالعني ]: مالج خص . . ردي فوني ردييه . . أنا [ مسكت شعرها ] : إن ما أدبتج ما كون عليا. . هين إن ما خبرت عليج أبويه . . أنا قلتله هذي ياهل بتضيعها من يدك . . قالي تربيتي . . [ أصارخ ] تعال يا أبووي شوف تربيتك !!!!!! ريم [ تصارخ ]: مالج خص فيني . . [ تصيح ] بطلي شعررررررررررررري أبويه [ من وراي ]: عليوووووووووووووووه بطلي أختج . . ! نقزني . . وخلاني أبطل شعر ريمووه هالحيوانه . . وريم من هديتها أبويه حضنها وقعدت تصيح بحضنه أبويه: شفيج على أختج ؟ أنا: بنتج مسودة الويه . . يالسه تكلم مادري منووه بالفون . . ويوم دخلت عليها فرت الفون خيفانة ؟! أبويه [ يطالع ريم ]: حبييبي منوه كنتي تكلمين ؟ ريم [ تصيح ]: والله أبويه كنت أكلم راشد . . حتى شوف فوني . .! أنا [ عقدت حياتي ]: طاع أبويه أعترفت لك . . أبويه [ يبتسم لريم ]: ريامي غسلي ويهج وسيري لأمج خل تعدلت اليوم راشد بيشوفج . . ريم [ أحمرت خدودها ]: زين أبويه . . [ وراحت ] . . ! أنا: أبويه !! أبويه [ يقعد ]: سمعيني زين يا علياا . . هذي أخر مرة أسمح لج تمدين ايدج على خواتج . . زين أنا: بس أبويه . . ! أبويه [ يقاطعني ]: عليا . . يوم أتكلم تسكتين . . ! [ يوم شافني ساكتته ] عليا راشد هذا ولد عمج . . وهو خطيبها . . وأنا اللي سامح لهم يكلمون بعض . . ومن تخلص ريم المدرسة بيملجون . . فرجاءً يعني مابيج تتعرضين لطريق أختج . . أنا: أبويه من صدقك [ أطالعه بصدمة ] هذي ياهل . . مو كفاية روضة . . ! أبويه: والله اللي أشوفه أنها هي أعقل منج . . ! أنا : شووه ، وبعدين أبويه أنا الأكبر . . أشوف زوجت الأصغر مني وخليتني أنا ! أبويه: انتي اللي يبتيه لعمرج . . تذكرين حمدان المسكين شو سويتي فيه ؟! غمضت عيوني . . أسترجع الماضي [ قبل أربع سنين . . ريم [ تدخل غرفتي بعد ما دقت الباب ]: عليا اميه تقولج بدلي ونزلي تحت تبيج ضروري . . أنا: زين . . [ عقدت حياتي ] شو تبيني ؟! ريم [ هزت كتوفها ]: ماعرف . . [ وطلعت ] رحت لبست لي لبس حلو . . ونزلت . . ! جفت أرجوان أخت حمدان قاعده ومعاها خالوه عايشة . . [ سلمت عليهم ] . . أرجوان [ تبتسم لي ]: حي الله العروس . . أنا: عروس . .! أميه: يايين يخطبونج . . حق حمدان أخوها . . [ تبتسم لي ] هاه شورايج ؟ أنا [ سكتت بصدمة ]: . . . أرجوان [ تبتسم لأميه ]: خالوه حرام عليج أحرجتيها . . المفروض تسأليها بروحها . . إميه: ما عليج منها . . عليا . . أنا [ أوقف بعصبية ]: اميه خبريهم اني مب مال زواج . . [ أصارخ ] مستحيل أخذ واحد مثله . . مستحيل اميه [ صفعتني ]: أسكتي . . أنتي ما تستحين . . ! الناس قاعده ابويه [ يطلع من الميلس ] : شو فيكم أصواتكم واصلة لأخر الشارع ؟! أميه [ تروح صوبه وتيرني معاها ]: بنتك سودت ويهك . . تصارخ جدام الناس مستحيل أتزوج هذا . . ! أبويه [ يطالعني ]: ليش بلاه ؟! . . حمدان ريال ولد ريال . . أنا [ اصارخ ]: مستحيل أخذ واحد عقيم . . مثل أخوه . . ولا تبوني أتعذب مثل أختي . . هيه أنتو ما عليكم منا . . الأهم منو تناسبو صح أبويه [ صفعني ]: جااااااااااب . . الريايييل بالميلس . . [ يصارخ ] قسم بالله إن بغا الليلة ياخذج لبيته حمدان [ اللي صدمني يتكلم من الميلس ]: لا يا عمي . . لا تغصب بنتك على شي ما تباه . . يلا من رخصتك عمي . . وطرش لي الحريم أنا بترياهم برع أبويه [ يمسك شعري ]: عايبنج اللي صار . . ] أنا: هيه عيل تباني أخذ واحد عقيم . . أبويه [ يطالعني ]: ردينا على نفس السالفة . . شدراج أنه عقيم ؟! أنا: بيطلع مثل أخوه . . أبويه: ومنو قالج أخوه عقيم ؟ أنا: تكذبون علي مثلاً . . لو مب عقيم . . شحقه عذبة ما حملت للحين ؟ أبويه [ يبتسم ]: سمعيني يا عليا . . أدري كلامي ما بيغير الماضي ولا شيء . . حمدان ما بيرد ياخذج . . هو خطب مها بنت عمج . . بس اسمعي . . ذياب وعليا مب عقيم . . هم عندهم مشاكل بس . . وقدروا يتغلبون عليها ويتعالجون . . أمج أمس طمنتني انه عذبة حامل . . أنا: صدق ؟ أبويه: هيه . . [ يقوم ] ريم مالج خص فيها . . أنا: مالي خص بحد أنا . . أنت بتودينا بيت عمي سلطان ؟ أبويه: هيه . . تجهزوا من بعد المغرب بوديكم أنا: المغرب ؟ أبويه: هيه . . رحت غرفتي أتريا المغرب يأذن . . وعسب أصلي وعقب أتعدل . . ولا افتكرت في ريم ولا اني أعتذر لها . . ! أرجوان .~ قمت على أذان المغرب . . [ إطالعت منصور اللي كان يمشط شعره بعصبية ] . . منصور [ يضحك ]: بلاج . ؟ أنا: قلتلك ما أبي . . طاع احينه تأخرنا . . مب نحن أصحاب العزيمة واني أخر ناس !؟ منصور [ يبتسم ]: عادي أنزين . . روحي اسبحي على السريع ولبسي وأنا بلبس اليهال أنا: لبس سلطان كندورة . . اليوم يبون يشوفونه بكندورة . . منصور: عاد ولدج مب مال كنادير . . أنا [ خليته . . رحت سبحت على السريع . . ] . . وطلعت لبست لي جلابية مخصرة . . لونها عنابي . . وبديت أحط لي ميك أب . . وعدلت شعري . . منصور [ يحضني من ورا ]: عرووس .. أنا: منصور خلني أكمل . . منصور: كملي وسيري لبسي رواض . . معانده تبيج أنا: فديتها والله . . وسلطان منصور: سلطان بعد يبيج . . بس عقب رضى ولبسته البدله اليديده اللي شريناها أمساتت له أنا [ ابتسم ] : العنابية ؟ منصور: هيه . . ولبسي رواض نفسج . . [ يبتسم ] بس أقروا على روحكم . . عن يعطونكم بعين أنا: إن شاء الله . . [ كملت تعديلي . . وطلعت طقم الذهب اللي شراه لي منصور أمس . . ] أنا: منصور لبسني . . منصور: من عيوني . . [ لبسني السلسلة . . والحلق . . ] . أنا: الخاتم منصور [ يبتسم وعقب لبسني الخاتم وشل دبلتي اللي على الطاوله ولبسني ياها ] شليت عباتي ولبستها . . بس تذكرت روضة . . فخليت الشيلة والغشوة . . ورحت لها أنا [ اطالع روضة مبوزة ]: فدييت المبوز أنا . . شفيج روضة: لوواادي تبي ماماه . . بابا ما يعلف يلبسني . . [ رواضي تبي ماماه . . بابا ما يعرف يلبسني ] أنا: فديتها هالرمسة المحيووسة . . لبستها فستان لونه عنابي . . من نفس درجات لبسي . . بس قصير ولبستها هيلاهوب . . عشان منصور ما ينازعني . . [ شفت سلطان على صوب قاعد ] أنا: شفيك بعد ؟! اليوم يوم ميلادك المفروض تستانس سلطان: أنا مستانس . . [ يبتسم ] يوم الأحد بودي هدايا لربعي . . اليوم هم عطوني وأنا أبا أعطيهم ابتسمت له : إن شاء الله حبيبي . . بوديك تختار لهم ألعاب . , خليته ورحت لبست وخلصت . . وطلعنا كلها كم دقيقة ووصلنا بيت أهلي . . وكل العاده . . ذياب واقف لي يم الباب ذياب: بعد جان ما ييتوا .! أنا: ذياابي هذا كله من منصور . . ذياب [ يطالع روضة ]: أهم شيء أميرتي موجوده . . برايكم أنتو ! خليته مع روضة يسلم على منصور ومسكت إيد سلطان . . ملك الحفلة وأمير قلبي . . دخلت داخل عند البنات . . جفت ديمووه اللي بطنها واصل جدامها أنا: ديموه متأكده فيج واحد . . مب 2 بطنج كبير ديمة [ شهقت وتمت تمسح على بطنها ]: بسم الله . . قل أعوذ برب الفلق . . عمي سعيد : أرجوان لا تأذينها . . بروحي يالله يالله هديتها أنا: ليش ؟! عمي سعيد: خايفة من الولاده . . ديمة [ تطالعني بخوف ]: خايفة . . والله . . وبعد 2 أكيد بمووت أنا: بسم الله عليج حبي . . طالعي أنا يبت سلطان وروضة . . وما صار فيني شي ديمة: إن شاء الله ما يصير شيء [ تطالع سلطان ولدي ] يا ربي . . على اللي صارو رياييل . . تعال بعطيك بوسة . . سلطان [ يطالعها بصدمة ]: مابا . . أنا ريال ماباج تبوسيني ! ضحكت . . ورحت صوب جوري اللي واقفة يم عبدالله وتضحك أنا: يالله عجلو بعرسكم . . خل نفرح فيكم عبدالله [ يكلمني ويطالع جوري ]: أختج حددت بعد شهر . . جان أجلته بشله بدون مشاوركم ضحكت . . الله يخليكم لبعض . . سمعت صوت خالد أخويه . . يدخل : أحم . . رحت له . . شفته شال ولده محمد الصغير اللي عمره شهرين . . ووراه بدور اللي شاله منى . . اللي بتكمل خمس سنين بعد كم شهر . . أنا: يعني بعدها منى ما تبي محمد ؟ خالد [ يتنهد ]: متعلقة بأمها . . وما تبيها تمس البيبي أبداً شفت وراهم سلطان ولد خالد وبدوري الصغيرة . . بستهم وابتسموا بخجل أنا: وأنتو بعد ما غرتوا من حمود ؟ بدور الصغيرة: لا نحن نحبه . . بس هذي منى دلووعه . . خالد [ يهمس ]: طالعه على ماماه صح ؟! سلطان وبدور الصغيرة [ يهمسون ] : صح !! [ وضحكو ا ] بدور [ تبتسم ]: جوفي منى خليتيهم يضحكون علينا منى إطالعتني وبوزت . . هالبنت مادري شفيها ما تبي حد !! جفت أبويه واقف يدور سلطان ولدي . . أنا: [ بست راسه ]: أبويه سلطان أكيد راح يلعب مع اليهال ! أبويه : بعطيه هديته . . أنا: الغالي ما يبي منك شيء ! أبويه [ يبتسم ] : السمي . . فديت روحه أنا: الله يخليك لنا الغالي . . دورت حمدان . . بس ما لقيته . . الكل موجود ما عداه . . هو وغاية . . ومايد ومريم . . سلطان وسمية توهم وصلوا . . وبنتهم قاعده مؤدبة يم أمها أبويه: حمدان ماسك مها يكلمها . . [ يبتسم ]: إن شاء الله تواقف على خطبته له أنا: إن شاء الله . . بدت الحفلة . . ومنصور ياب الكيك . . أنا: سلطان وين ؟! منصور: توه إهنيه . . دخل سلطان ولدي ماسك إيد روضة . . سلطان: ماماه روضة تبي تركب فوق البيذامه . . [ ينازعها ] سباله إنتي !!!!!! منصور [ يطالعني ويبتسم ]: . . . أنا: ماماه تعالو بنقص الكيكه . . سلطان تعال بتقصها ذياب راح شل روضة . . ووعدهاا باجر يوديها صوب البيذام لانه الحينه ليل . . حمدان [ يسمع الجرس يدق ]: بروح أشوف . . راح ورد بصندوق كبير . . حمدان: بإسم سلطان منصور . . من أمريكا ابتسمت حسين ما نساه . . يودت إيد سلطان وقصينا الكيك . . ووزعناه على الكل . . ووزعنا الأكل والعصاي ر.. وكل إثنين قعدوا يم بعض . . ويسولفون . . اطالعتهم . . وابتسمت . . الله لا يغير علينا . . [ وإنتهى لقاء الأحبه .. ♥ ] |
وكان هذا البوح الأخير . . وكالعاده في نهاية الرواية . . ينتهي لقاء الأحبه . . كنتم أنتم الأحبه الذين سرني متابعتكم . . وسرني تعليقكم . . أتمنى ألقاكم في رواية قادمة . . إن كان لي عمر . . [ إلى لقاء قريب أيها الأحبة ] . . . |
لالالالالالالالالالالالالالالالالالالالالالالالالا لالالالالا كمليييييييييييي والله رورااااااااااااايه طررررررررررررررررررررررررررررررررررررررررررررررررر ررررررررررررررر ياخي لييييييييييييييييييييييييش هذا النهاااااااااااااااااااااااااايه ليييييييييييييييييييش>< حراااااااااااااااااااااام مريم كاااااسره خاااااااطري حرااااااام الي ستوا فيها وزميود وغايه ياخي يجننوووون وصقر كرههههههته حيواااااااااااااان ونانا ومنصور فديتهم الله يخليهم لبعض ويخلي لهم عيالهم وعذبه وذياب مبروووك ع ياااااااهل وعليا صج كرهتهااااا وايييييييييييد حيوااااااانه ومهوي قلبي ذي البنت احبهااا الحين تاااااخذ حمدان ولا فااااااارس؟؟؟ وانتي ياااخي احبببببببج حسسسسسي فديييتج انتي والله روااااااااااااااااااااااايه طرررررررررررررررررررر تسلميييييييييييييين ع روايه بكبرها سموحه منج |
روووووووووووووووعة \ حرااااام تعودت عليها اتمنى نلقى إبداعج في رواية جديدة |
السلام عليكم ورحمة الله وبركاته انتهاء مبكر للرواية لكن ع العموم هي روايه رائعه مع احداث جميله وتعيش بعض من عصرنا الحالي شكرا على السرد واتمنى ان اقرا كل جديد لكم والسلام عليكم ورحمة الله وبركاته |
ثانكس على الردود اللي تبرد القلب . . |
روووووووووووووووووووووووووعة |
تبون أكتب لكم رواية يديدة؟ لأني أفكر إذا إيه علموني عشان ابدأ اكتب ()! |
هي نبغي ليش لاء نبيها مثل عادتتجج غامضهه وممتعه نتحمس للي تكتبيهه كتبين عن روايات غير واقعيهه مب وااقعيهه حزينه واكشنن وجي يعني تحياتي الدانه |
الرواية سو بيلا و انا ف انتضار الرواية الثانية |
| الساعة الآن 07:09 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir