منتدى استراحات زايد - أنا وأنت ، وسما بوظبي تجمعنا / بقلمي

الـــــــــــــبـــــارت الــــــثامــن عـــــشــر . . .

\
/
\
/
\
/

زينب : خليففه ليش جي سويت بـ ندى ؟
خليفه : بس يممـا انتي اللي قلتيلي . ! وبعدين دفعتيلي عشان اسوي كل هذا !
زينب : بس انت سويت الللي انا طلبته منك و اكثر بـ وايد ..
خليفه : تربيتج يـا أمي !!
زينب : مب جنـه حرآم عليك ؟
خليفه : يمـا ؟ شكلج مريضـه .. فيج شي ؟

-----------------------------------------------

زينب : روح غـرفتك بنتفآهم بعدين .
خليفه : زين ! " شفيها امي اليوم ؟ توه يصحى ضميرها ؟ هه "

" عنـد ندى ، كـانت تقرآ من الروآيه اللي حمدآن عطـاها اياها "

- و مع مرور الأيام و الشهور و مـع الزيآرات المتكرره . تعرفت ندى ع سآره و صآروآ يلعبون مع بعض . وطبـعًـا كنت اغار من سآره احيانـًا .. ندى ربيعتي أنـا مب ساره المفروض تقعد معاي .. انا اللي كنت اسكتهـا يوم تصيح ، انا اللي كنت ارقدها ، انا اللي اهديها كل يوم ، انا اللي خليتها تصير زينه مع الغير و تلعب معاهم ، وجي تكآفئني ؟ تسير تقعد مع ساره وتخليني !
كآنت فرصتي الوحيده ان اقعد مع ندى ، يوم تمرض سـاره او تكون رآقده ! أحين وأنا ولد بدل اللعب مع اللي قدي ، صرت احب القعده مع هالطفله !

ساره : حممدآن اططلع برع خلنا بروحنا ..
حمدان : كيفي ، وبعدين ندى ماقالت شي .. صح ندى ؟
ندى : ماعرف .
حمدان : شو ماتعرفين ؟
ساره : أوف حمددان ! "وصرخت" ماما شوففي حمدان مايخلينا بروحنا !

أم حمدان : حمدان خل البنات بروحهم مايخصك فيهم ..
حمدان : أوف شسوي يعني ؟
أم حمدان : اطللع سير إلعب كوره ولاشي .. لاتيلس كله فالبيت نفس الحريم .
حمدان"قلت العذر اللي دوم أقوله" : يمـا ؟ مايصير نخليهم بروحهم هذيل بعدهم صغار .
أم حمدان : حمدان هذآك قبل ! يوم كنت اناديك تقعد معاهم بس أحين خلاص كبروآ .. خلهم يستآنسون بروحهم . سير اقعد مع الاولاد لاتتعود ع القعده فالبيت.
حمدان : يمما مابي ماحب القعده معاهم خلني هني .
ام حمدان : آه منك ياحمدان ! "ورآحت تكمل شغلها"
ساره : اوف يعني مابتطلع ؟
حمدان : ايي مآبطلع .. كيفي .
ندى : حممدان هاتلنا من الدكان !
حمدان : اففا عليج شتبين ؟
ندى : ماعرف . هات اي شي ..
ساره : حتى انا هاتلي ..
حمدان : اووك .. برووح صصآروخ .. "ورآح"
ساره : وه افتكينا ..
ندى : ههه جي نخليهم يطلعون ..
ساره : طلعتي خطيـره !
ندى : خطيره ؟
حمدآن"كآن ورآ الباب" : هآآآه تتحروني مقصه ها ! شوفوآ منو بيبلكم من الدكان "وتربعت فـ نص الصآله "

- يتحروني بخليهم ؟ كـنت أحب اتطآلعهم ! أو يمكن احب اتطآلع ندى بس .. مآعرف كيف اشرحلكم .. بس تخيلوآ لو كـأن عندكم عصففور مغرد .. ملون ! مآنمسكه بس نقعد نتأمله ، نسمعه ، و نرآقبه .. هذي ندى بالنسبه لي .. وشوفهآ بالنسبه لي هوايه .

- ممـن بعد الاضطرآبـات و شكوك أممي إني حبيت هالطففله .. وحتى شكي بنفسي اني حبيت ندى .. قررت أخليهم بروحهم .. بس مآهآن علي اني اطلع ممن البيت فـ قلت بقعد فـ غرفتي لين ماتطلع ندى .

- كآن الوقت بطيئ بالنسبه لي . حليت وآجبـاتي المدرسيه وبعدها قعدت أقرا كتب و أتصفح فالإنترنت ، لين مآسمعت صريخ امـي تحت و هي تقول "ندى ، ندى " فريت اللي بإيدي وركضت تحت .. شفت ندى تختنق .. ولونها متغير وجفون عيونها منتفخه خففت بالقو حسيت انها "بتموت!" مثل مآحست امي و اختي ساره .

حمدآن : يممما شفييها ندى !!!
ساره"وهي تصيح" : مماعرف كننـا نطالع تلفزيون و ناكل مكسرآت وو . .
حمدان"قاطعتها وانا اصرخ ، لأن هالشي كنت حافظنه عن ظهر غيب " : غبييييه انتييي ؟ يممما نسييتوآ امها قالتلنا من اول يوم .. ندى فيها حسساسيه من الفول السسـوداني !
أم حمدان"شهقت وهي تتذكر لأن هي اللي حطتلهم المكسرات وكانت ناسيه موضوع حساسيه ندى" : الله ياخخخذك يا إبليييس كييف نسيتني ! "وكملت وهي تسأل نفسها " شسوي شسوي … يما ندى تنفسي، تنفسي .
حمدان : يمما لازم نوديها المستشفى ولا بـتـ بتموت …..
أم حمدان "اللي متوتره مب قادره تفكر" : كيف ياحمدان كيف . .
حمدان"تذكرت أن امي بعدها ماخذت الليسن وأصلن ماعندها سياره للحين فـ قلت بحزم " : يمممما لبسي عباتج بسرعه بييب تكسي ..
أم حمدان : تكسي ؟!
حمدان " ركضت لـ برع بيتنا .. وطبعـًا امي مستغربه لأن نحن فـ منطقه سكنيه فـ من المستحيل أحصل تكسي .. فـ ركضت للشارع الرئيسي اللي يبعد بـ مسافه عن بيتنـا .. و أخيرًا وصلت ولقيت التكسي !! قلتله وانا احاول ألقط انففاسي من التعب " : أققـ قول .. محـ محمد ..
سوآق التكسي"شكله فهم": تعآل يركب !
حمدان"فتحت الباب وركبت ودليته بيتنا وودينا ندى المستشفى"

- أزمـه وعدت ! الحمدلله .. لو تأخرنا شوي . . كآن احين تأزمت الأمور والله أعلم شو بيصير لـ ندى .. لو مآخليتهم بروحهم أحسن صح ؟! أنـا آسف ندى بس لآزم أنشب فيكم لـ تجنب هالاشياء و ألزم ماعلي "صحتج"! و من هالموقف وانا لآزق فيهم .. و دوم تسألني ندى "أنت ليش دايمـًا تقعد مع البنات " . . كنت أضحك و اقوللها "لأني بنت" عشان ماتعيد السؤال. . كانت تموت من الضحك وتقعد تطالعني وتقولي "انزين حمدانه تعالي إلعبي معانا" .. صآر اسمي من حمدان لـ "حمدانه" ومرات تناديني "حميده" .. شكـرًا ندى صدقتي إني بنت ؟

-- ومن بعد هالصفحه .. تجآوزت وآيد صفحـات يمكن بسبب فضولي و صبري اللي نفذ عشآن اعرف النهآيه !! لين ماوصلت لهالصفحه -

- صآر عممري 18 .. واليوم خذت الليسن ….
أم حمدان : مببرووك حمدانني ..
حمدان"بست رآس الغاليه" : الله يبارك فيج يالغاليه .. "وسألتها السؤال المعتاد" يمما ماشي اي اخبار عن ندى ؟
أم حمدان : ياحمددان خلاص ! اعتبرها راحت فـ حال سبيلها مايحتاي كل يوم تسأل عن البنيه .. من سنين وانت تسألني هالسؤال كل يوم . ندى و ندى !
حمدان : يمما شفيج كارهتنها !
أم حمدان : حمدان ؟ البنت قد اختك الصغييره وانت عاشقنها !
حمدان : يمما ؟ يما .. ! شو تقولين اننتي ..
أم حمدان : اسأأأل عمممرك .. 24 سآععه ترمس عنها .
حمدان : يمما شفيج ! كننا ربع !
أم حمدان : حممدان .. انساها خلاص .
حمدان : ليش يمما ؟
أم حمدان : عشان مآتفشلنا جدام بنت خالتك .
حمدان : بنت خالتي ؟ ليش ؟
أم حمدان : لأنك بتآخذها !
حمدان : وندى ؟
أم حمدان : ردييينا ع ندى ! ميينون انت ؟ تاخذ وحده ياهله ؟ ها لو أهلها رضوا .
حمدان : يمما هي مب وايد صغيره .. قد اختي ساره . !
أم حمدان : حمدان ! أنا مستحيل ارضى .. خلاص هي قد اختك اعتبرها مثل اختك لا أكثر ولا أقل .
حمدان : إن شاء الله ! بحاول ..
أم حمدان : زين اسمع ياحمدان ، لاتطري هالموضوع جدام ابوك ابد .
حمدان : ليش يما ؟
أم حمدان : لأنه عادي عنده يخطبلك هالندى ..
حمدان : يما ؟ بس البنيه ماندري عنها .. خل احصلها اول .
ام حمدان : وانت مصدق إني موافقه ؟
حمدان : آآه .. حرام عليج .
أم حمدان : أنت اللي حرام عليك .. خل البنيه فحالها ولاتطري الموضوع لأبوك ..
حمدان : إن شاء الله يممـا ..
أم حمدان : زين إسمع ياوليدي .. انا كنت اتريا إنك تاخذ الليسن عشان ارتآح وما أحاتي.. واخليك انت واختك واساففر مع ابوك ..
حمدان : بسس ؟
أم حمدان : لاتحاتي حجزنالك بنت خالتك وعقب بنخطبها رسمي ..
حمدان : يممما ما أحااتيي هالموضوع !!
أم حمدان : عيل ؟
حمدان : ماشي يما .. تسيرون وتردون بالسلامه ..
أم حمدان : يمما لاتزعل مني .. بس صدقني لمصلحتك ! تخيل واحد يخطب اختك وهو اكبر عنها بـ 10 سنين بتوافق ..
حمدان : يمككن يحبها ! الحب مايخصه بالعمر .
أم حمدان : حمدان خل عنك هالخرابيط؟ بتخلي اختك تاخذ شايب !
حمدان : أوف .. زين يما سكري الموضوع .. يصير خير ..

- وبعد كمن سنـه .. يوم فقدت الأمل ان احصلهـا .. وامي خطبتلي بنت خالتي اللي عمري ماشفتهـا ! -
حمدان : ساروه دوريها ع تويتر ..
ساره : مماعرف شو اكتب ..
حمدان : جربي تحطين اسمها .. ندى الـ *** ..
ساره : اوك ويت ..
حمدان : ها طلع ..
ساره : لا ..
حمدان : زين حطي اندرسكور بين الاسم والقبيله ..
ساره : زين .. بعد ماطلع !
حمدان : همم جربي نيدو .. وبعدين قبيلتها
ساره : ويت بشوف ..كأنه هذا ..
حمدان : شو .. كاتبه فالبايو Living in istanbul..
ساره : هذييي هييي . .!
حمدان : سوي سوي فولو و حطييلها منشن ..
ساره : اووففف صصبر شفيك مستعيل .. علق .
حمدان : اوف ها وققته .. جربي جربي .
ساره : أوك سويت .. خلاص روح احيين عقب يوم هي بترد بخبرك .
حمدان : لا مابي بقعد لين ماترد ع المنشن .
ساره : اوفف ززين بس لاتححن..
" واتريينـا سـاعه ونص و فآينلي !! "
نيدو : منـو ؟
ساره : سـاره ، بنت جيرانكم !
نيدو : سسسسارووه اشتقققتلج ، شحالج و شحال حمممدان .. ؟؟

ساره"إلتفت لـحمدان" : إرتحححت ؟!
حمدان : ايييي .. وآفديتها !
ساره : خلاص إنجلع ..
حمدان : ايييه زين بس شوي ..
ساره : اللهم طولج ياروح !

- وططوفت الصفحآت بسسـرعه لين مأوصلت للأخيره -

- ندى .. سوري مآخلصت كتـابه بس ابي رآيج . . وكنت ابيج تعرفين شو اللي كان يصير ! و ع الاقل تحسين و تقدرين شـ كثر احبج .. بس للأسسسف مستحيل نعيش مع بعض تحت سققف وآحد ! فـ كل اللي اتمنـاه أن تحصلين اللي يحبج و يقدرج كثري وانا آآسف لأني مآقدر أطلب منج هالطلب بس كان ودي اختم صفحاتي بـ كلمه "تتزوجيني؟" بس احين اختمها بـ "ربي يوفقج مع غيري " ..

" ندى ؛ رخيت الأوراق اللي بإيدي .. وانا منصدمه .. يعني حمدان يحبني ؟ .. يحبني انا ؟ كان يترياني .. ويفكر فيني ؟ آهه وكأنه حآس إني باخذ غيره …- وكـأن هالكلمات حركت شي فـ مشاعري .. بس خلاص هو قالها مستحيل ياخذني ليش افكر فيه ؟؟ . "

- عنـد زينب كـانت تكلم أمهـا فون -

ام زينب : خلاص يابنيتي خلي البنيه فحالها .
زينب : يما تراني مخلتنها فحالها ..
ام زينب : زنوب تراني اعرففج مابترتاحين الا لو صرفتيها !
زينب : يممـا شتبيني اسوي ..
ام زينب : حرام عليج البنيه يتيمه لا ام ولا ابو .
زينب : يما ؟ ترا عندها ابوها .
ام زينب : ابوها لاهي عنها .. ابوها عندج انتي مب عندها !! من يوم ماكانت صغيره للحين !
زينب "سكتت لأن كلامها صح ، أنـا اللي خذته من حرمته القبليه ! "
ام زينب : شفتي ان كلامي صح !
زينب : زين يما خلاص اصلن بنزوجها وخل ريلها يهتم فيها ويصيرلها الام والابو .
ام زينب : تستهبلين ؟ البنت صغيره .
زينب : بس انا تزوجت وانا بعمرها .
ام زينب : انتي ؟ تزوجتي وضعتـي و شفتي شصارلج احين .
زينب : بس حالتي غير لأني ماتزوجت الريال الصح من البدايه .. اما هي بتتزوجه من البدايه !
ام زينب : يابنيتي مايصير جي . البنت بتكرهج اكثر واكثر .
زينب : بسس انا اسوي هالشي لمصلحتها .
ام زينب : ع الاقل خذذي رايها بالاول . !
زينب : زين يمما بشوف ، اخليج احين .
ام زينب : مع السلامـه . ، ولاتقسين عليها وايد !
زينب : يما ؟ ان شاء الله ، مع السلامه .

"وصـار ووقت النقآش الجآد - بين زينب و ندى "

ندى : شتبين بعد ، طلعه من البيت و مابطلع و زواج و بتزوج اي شي ثاني ؟
زينب : يا ندى انا مب قصدي .
ندى : تراج مرت ابوي هذي وظيفتج فالحياه تخربين حياتي .
زينب : ندى ، ؟ انتي لو تعرفين انا بـ شو مرييت بتعذريني .
ندى : بـ شو ؟ تاخذين الرياييل عن حريمهم ؟
زينب : لا يا ندى !
ندى : عيل ؟؟!
زينب : سمعـي ياندى .. بصآرحج عشان تفهميني .. أنـا ابي مصلحتج و ابوج من بعد ماشاف صورج فـ شقه هذاك اللي اسمه احمد وهو للحين وده يذبحج !
ندى"شهقت" : ابوي ششاف الصصور ؟ زينب والله والله انا حتى ماعرف شو هالصور "وبدت تصيح"
زينب : اعرف ياندى ! اعرف .. خليفه خبرني كل شي !
ندى : يـ يعني ، ابوي بيذ. . بيذبحني ؟
زينب : لا ياندى .. لأنج بتروحين فـ حال سبيلج و بتصيرين ع ذمـه ريلج .
ندى : بسس ، ابوي لازم يفهم ان مالي ذنب .
زينب : ابوج ماظن يتفهم .. وتدرين حزت مايعصب مايعرف حد .. بس لو تزوجتـي و شآف انج حرمـه و عاقله و صرتي ربة بيت بيرضى عليج ..
ندى "تصيح" : بسس ، اننـ ـا مابي اتزوج !!!
زينب : ليش ؟
ندى : ححرام عليـ ليكم ، أنننـا وعدت أممـ مي إني اكمل درآسـتي .. و و أصير دكتوره ! واحين بتسلبون مني كل شي ..
زينب : ندى ؟ "مسحت دموعها" زين خلاص حبيبتي من قال بنمنع عنج دراستج .. خلاص ..
ندى : يمكن تبيني اصير نفسج ، مب مكمله دراستج ولاشي "وصآحت"
زينب : نندى انا وضعي غير !
ندى : فـ شو غير ؟
زينب : تراج بتتزوجين واحد غنـي ياندى .. وبتعيشين مرتاحه .
ندى : طآع فـ شو تففكر ! ترا الفلوس مب كل شي ..
زينب : إمبلا ياندى .. حتى انا كنت جي اقول ..
ندى : ككيف !! فهميييني !!
زينب "تنهدت تنهيده طويله وبعدها " : ياندى ، انا يوم كنت قدج .. يوم كان عمري 16 سننه .. تعرفت ع وآحد و حبيتـه .. كآن ع قد حالـه .. و أهلي طبعـًـا ماكانوآ رآضين .. كانوا يبوني اخذ وآحد عنده فلوس يقدر يعيشني .. ويعيش اهلي بعد اللي ع قد حالهم و الديون تآرسه رآسهم .. "وسكتت"
ندى : زين كمـ كملي !!!!
زينب "دمعت عينها" : تزوجتـه . . و على حظي .. بدت المشآكل بينا و تضآربنا وآيد .. وهو كآن من المدخنين ! بس الزقآير مآكآنت تفي بالغرض فـ أدمن ع المخدرآت واللي سعرهـا عندنا عشر أضعاف سعر الزقاير أو يمكن اكثر .. فـ عـشنا فـ فقر بمعنى الكلمه ..كان يبيع كل شي .. ثيابي ، اغراضي .. وحتى ذهب أمـي .. و وصل لـ درجه إن يبيع شعري الطويل !
ندى"فجت عينها" : شععرج ! كييف كيف !
زينب : هددني وكآن مآسك المكينـه و حلق شعري وعطـاه للشخص اللي يعطيه المخدرآت . . لأنه كان دايمـا يقول لو مآعندك فلوس .. عآدي إدفع بـ اي شي لـه قيمه .. فـ تمآدى لين مآخلص اثاث البيت .. و ضححى بـ أغلى شي عنـدي ..
ندى"بصدمه ! " : ششـوو ؟!
زينب : عيالي .. !!!
ندى : كـان عنددج عيال منـه ؟!
زينب : ايي ياندى .. كانوآ توأم بنت و ولد .. ويجنون .. و رآعي المخدرات لمح لـ ريلي ان شي وآحد غني مرته ماتيب عيال و مستعد يدفع كل اللي عنده بس عـشان يحصله !
ندى : حققيير .. كيف استحملتي العيشه معاه !
زينب : ماعررف ياندى .. كنت احبه ! الحب اكبر من اي شي .. ماتركته ابد وقفت معاه فـ محنته نفس الغبيه !!!
ندى : وبعدين ؟
زينب : خآنني مع وحده .. عندهـا فلوس .. عشان تتحمل مصاريفه ..
ندى : ليش !! هو مآيحبج شو !
زينب : ع اساس ! بس يوم تدمنين ع شي نفس المخدرات .. جسمج يتعود ع هالماده فـ لازم تسوين المستحيل عشان تحصلينها حتى لو تبيعين نفسج .. !
ندى : بل الله يكفينا شرها .
زينب : امين ..
ندى : زين كملي شصار بعدين .. تطلقتوآ ؟
زينب : ايي تطلقنـا ورجعت لأهلي و ع طول وافقت ع الريـال اللي اختآرولي اياه وكآن عنده خيير ..
ندى : وليش تطلقتي منه ؟
زينب : لأنه ماكان يبي عيال .. وانا كنت متلهفه لـ الولد اللي بيعوضني عن كل شي وو حتى عن عيالي اللي راحوآ … بس بمـا إنه ماكان راضي فـ خيرني بينه هو و البيبي اللي كان فبطني ، اللي هو خليفه ! و انا اخترت خليفه فـ طلقني .
ندى : "لآتعليق"
زينب : وبعدهـا .. قلت بعيش بروحي بمـأ إنه بعده عندي فلوس من بوخليفه ! فـ اشتغلت فـ شركه ابوج و كآن طيب و ع نياته .. وقلت لازم يتزوجنـي قبل لا اربي عشـان اضمن مستقبل اللي فبطني .
ندى : يعني انتي تزوجتي ابوي عشان الفلوس !!!
زينب : ياندى لاتفهميني غلط .. بس مابي ولدي ينولد بلا أب .. ولا مصروف يعيله !
ندى : آآه .. زين انا آسفه ع كل شي يازينب ..
زينب : لا عادي .. المهم ان احين تفاهمنا مع بعض ؟
ندى "ابتسمت ، وبعدها تذكرت" : واهلج شو وضعهم احين ؟
زينب : الحمدلله كل شهر ادزلهم المصروف .. و اخوي اشتغل فـ شركـه ابوج و ابوج ماقصر عطـاه توكيل !
ندى : توكييل .. !!
زينب : عشان يخلص امور الشركه .. بس مآعرف احس اخاف .. لأن اخوي من بعد الفقر .. شآف كل هالعز .. احسه طمع شوي و قام يلعب بالنار .
ندى : لازم تخلين ابوي يشل عنه التوكيل ..
زينب : ماقدر ياندى . ابوج طلعني من الشركه ومن كل الامور اللي تخص الشركه .
ندى : اكلمه انا ؟
زينب : من عقب سالفه الصور ؟ لو شافج بيذبحج ههه .
ندى : ههه يما خوفتيني .. خلاص كلمي اخوج احسن .
زينب : بحاول !
ندى : زين همم .. بروح غرفتي..
زينب : صبري .. باجر تجهزي حق المدرسه اظن الفصل كان 3 ايام وخلص !
ندى : ههه ايي ماشاء الله عليج .. ان شاء الله .
زينب : ههه صدقتي ؟
ندى"بخوف" : بسم الله ليكون مابتخلوني اروح المدرسه ؟
زينب : ههههه لا بس باجر اليمعه !
ندى : اووه ههه زين زين .
زينب : خلاص طاح الحطب ؟
ندى : ايي طاح الحطب ! "وابتسمت"

- طيبه زينب المفآجأه ؟ يمكن من اللي قرته ؟ ولا ضميرها .. أو كلام أمهـا او يمكن أمهـا دعت لهـا ؟! الله اعلم .

- و فـ صبآح يوم اليمعـه -
ميره : نندى قومي قومي .
ندى : أووف ميروه خليني انام .. صكي الستآره .
سيف"يصارخ فـ أذن ندى" : ياااااللللللله .
ندى : أأأأخ بذبحكم "وحطت رآسها تحت المخده وهي تحاول تقاوم"
ميره : أوف سيف خلها تولي شكلها ماتبي اتي .
سيف : هي الخسرانه ، غبيه !
ندى "نقزت" : وين وين ؟ لندن ؟
"ميره و سيف قعدوآ بتطالعون بعض وضحكوا "
ميره : ههه لا بنرووح مكان احلى !
ندى : وييين ؟
سيف وميره"صرخوآ" : بننننروووح دبيييي ..
ندى : شو نسوي هننـاك ؟
سيف : ماعرف .. بس مـاما قالت لـ بابا ان لازم نغير جو ..
ندى " دآم بنروح دبي اكيد بشوف عممي ؟ وآو " : اوك بيي .. "ونقزت من ع السرير .. و بعدها رجعت للشياطين ، تذكرت شي " ليييكون خلوف بيي ؟
ميره : لآ مآبيي .. ! يقول عنده شغل .
ندى "بصوت واطي " : إلا موآعد هه .
ميره : شو ؟
ندى : ماشي ماشي حبيبتي .. خلاص بتجهز وبييكم ..
سيف : بسرعه بسرعه عشان مانتأخر ..
ندى : زين يَ قلبي .

نهــآيـــــــــــة البــــــارت الثامن عشـر . .
أتمنى أن ينـال إعجابكم . .
و يآ ترى ،ندى بترجع للصفحات اللي تجاوزتها ؟
شـ بيصير بين ندى وأبوها؟
زينب بتم جي ولا بترجع نفس قبل ؟
و شو يتريآهم فـ هالويكند ؟
و آخيرًا ، حمدان للحين يعتبر ندى نفس اخته ولا اكثر ؟