منتدى استراحات زايد - أنا وأنت ، وسما بوظبي تجمعنا / بقلمي

الــــــبــــــارت الســــــــــادس عشــــر

/
\
/

خوله : انتوآ بس طآعوها شـ لابسه ، مبين عليها **** من لبسها هذا!
.. : خوله شوي شوي ع البنت ! عيب عليج .
خوله : انتي مسويه عمرج طيبه لانج ماتعرفين سوالفها ، صبري بخبركم . .

- - - - -
خوله : ولا خله عقب بالأول بخبر اخوي حبيبي ..
ندى : نعم انتي مآسمحلج تتبلين علي !
خوله : خدآمتنآ اليديده و كيفي . اوبس قصدي مرت اخوي . !
ندى : نعم نعم ، نعم ياعيوني ؟ فأحلامج انتي واخوج ..
خوله : هه ليش حيآتي وآيد معتزه بعمرج و مصدقه ان حد بيرضى ياخذج ؟
ندى : ايي الحمدلله ألف من يتمنآني ومب ميته ع اخوج ، مالت عليج و على اخوج ..
خوله"بعصبيه" : انتيي اييه مآسمحلج ، وحده نفسج من الشآرع تغلط ع اخويه ..
ندى : والله كيفي ، فـ بيتنآ ! مب عآيبنج طلعي .
" البنتين الثآنيآت كآنوآ يتطآلعون خوله و ندى بإستغرآب ، مآتوقعوآ كل هالعدآوه اللي بينهم . . . فـ وحده منهم حآولت انها توققف هالمهزله اللي قآعده تصير ! "
بشآير : بنآت خلآص بسكم ! ذكروآ الله ..
ندى"إلتفت لـ بشآير وقآلت وهي متلومـه" : آسسفه بس مآقدرت امسك اعصآبي ..
بشآير : لا عادي حبيبتي .. قعدي قعدي مآعليج من خولوه دومها جي تتضارب ويا النآس وماتعرف شو تقول ..
ندى : ايي والله !! حتى فالكلاس دومها جي ويا الكل .. !
خوله : نعم نعم ؟
ندى : محد كلمج ..
خوله"تستنجد بإختها الكبيره" : بشور طآعيها شو تقوولي ..
بشآير : خولوه ؟ خلاصص .. جنكم يهال والله ..
هديل"الإخت الصغغرى" : وآو و اخيرًا خلصنـا .
خوله : انتي سكتي يوم الكبار يتكلمون اليهال يسكتون ..
هديل : ايييه كيفي كيفي ..
خوله : طلعلج لسآن بعد يا هدول ..
بشاير : خلاص خولوه انتي ويا كل حد تبين تضآربين ..
خوله : اوف زين خلاص سكتنـا .
بشاير"تحاول تلطف الجو" : زين يا ندى ، وين اخوآنج ؟
ندى : هـا ؟ مآعندي إلا اخو وآحد اللي هو رآشد ..
بشاير : بس ؟
ندى : وو ، من زنوب اوه قصدي مرت ابوي .. عندي خليفه وو الصغآرييه سييف و ميره ..
بشاير : حلـو عندكم صغآريه بس وينهم مآشوفهم ..
ندى : تصدقين حتى انا من زمان مآشفتهم .. صبري بنآديهم لج ..

بشآير"إبتسمت ، ومن طلعت ندى ، بشور قعدت تأدب اختها خوله "
خوله : زين شفيج كل ها عشان ندى ..
بشاير : ياخي عيب عليج والله ..
خوله : تراج ماتعرفينها والله هذي شريه من تحت لـي تحت .
بشاير : زين خلاص انا احكـم ع اللي اشوفه ..
خوله : مالت طول عمرج بتظلين غشيمه ..
بشآير : جب جب .. ع الاقل احسن عنج . . !
خوله : بـ شو حبيبتي ؟ ياشريفه مكه انتي ..
بشاير : احترمي عمرج يا خولوه انا اختج العوده .
هديل : خلاص صوتكم عالي ..
" بشآير وخولـه سكتوآ .. لين مآدخلت ندى ومعآهـآ ميره وسيف .. "

بشآير : يَ قلبي عليهم كيوتين ..
ندى : ايي اكيد دام يشبهون ابوي . الحمدلله مب طالعين ع النسره ..
بشآير : هـا ؟
ندى"انتبهت ع اللي قالته" : مآشي مآشي
- ندى شآفتهم منشغلين فـ قآلت بتروح صوب الحريم تتسمع شوي . . -

"عنـد الحريـــم "

أم بشآير : زين خلهـا خطبـه بس . .
زينب : لآ عيـوني خذوها حلالكم .. البنيه كبيره و بآلغه وفآهمه ..
أم بشآير : بسس حرآم عليج بعدها صغيره ..
زينب : وين الحرآم أنـأ يوم قدهـا تزوجـت ويبت عيآل . !
أم بشآير : بسس زمنـا كآن غير ..
زينب : ولـو ، ترآ هذآ احسن عمر للزوآج .. خل ولدكم يآخذها وهي بهالعمر احسن ..
*أخت ام بشآير* : مب جنـه تبون الفكـه من بنتكم .. ؟
زينب : نعم ؟ هذي بنت ريلي . مب بنتي .. و عيب اخليها فالبيت مع ولدي خليفه . ! شفتوهـا كيف تلبس ؟ وكيف تتدلع جدآمـه ! والشيطآن مآمآت ترآ !!!
*أخت ام بشآير - بدت تتفهم- * : أهـا ايي صدقتي والله مب زين ..
أم بشآير : زين ع الاقل خل تخلص ثنويـه . .
زينب : يعني بننتظر سنتين ؟
أم بشآير : زينب ؟ مب قادره تستحملينها ؟
زينب : لآ مبب جي .. بس تدرين نحن ربيعـات من زمآن وجي فـ اضمنهـا لكم قبل لآ ياخذها حد من عيـال عمهـا ..
أم بشآير : بس هذا اللي خايفه منه ؟
زينب"اقتربت من ام بشآير و وطت صوتهآ" : وبعد يآ وخويتي تدرين البنآت هالأيام و مشآكلهم و الصرآحه ابوها تعب منها ، كل يوم مشكله يديده ..
أم بشآير"هزت رآسهآ بأسى" : لأآ حول ولآ قوة إلا بالله .. عندنـا وعندكم يآزينب .. آه الله يكفينا من هالمشآكل اللي تتحذف علينا من كل صوب ..

- عنـد ندى اللـي تتسمـع و دموعهـا فـ عينهـا ، يت بشآير من ورآهـآ -

بشآير"حطت ايدها ع جتف ندى" : ندى ؟
ندى"نقزت" : آمميه ، بشآير ؟ شفيج ..
بشآير : انتي شفيج حبيبتي ؟ شو تسوين ؟ وو ليش تصيحين ؟
ندى : اصييح ؟ "ومسحت دموعها" ممآشي مآشي ..
بشآير : انتي فيج شي ؟ تكلممي ..
ندى : مآعرف يآ بشـاير مآعرفف ..
بشآير : خلاص حبيبتي .. مآعليج ، اعتبريني نفس اختج .. قوليلي اللي تبينه ..
ندى : إن شاء الله ..
بشآير : يالله خل نرد الصآله !
ندى"ابتسمت" : آوك ..
" ورجعنـا و كملنـا كل شي بشكل طبيعي .. لين مآرآحت ام بشآير وبنآتهـا ، و تمووآ بآقي الحريم ، فـ سحبت ندى ميره وسيف و رآحت لـ حجرتهـا ، حدرت المسن و شآفت وحده من ربيعآتها .. "

ندى"كتبت" : اققولج هدوي تعرفين روآيه جيي فيها عن وحده حرمة ابوها تعذبها ولا شي جي …..
هدى "كتبت": ايي شيي روآآيه حدههها حزييينه عن وحده امها ماتت ومرت ابوها تعذبهااا وجي .. اسمها ** ..
ندى"كتبت" : اووك ع ضمآنتج ! ثآنكس حبيبتي ..
" ورآحت ندى دورت الروآيه فآلنت و يمعت كل الاجزآء فـ فآيل وآحد و طبعتهم … و دبستهم و ردت لـ سيف وميره "
ميره : نندى قلتيي بتلعبينا ..
ندى : ايي بلعبكم ..سمععوآ اللعبه هيي ، ان تسيرون غرفـه امكم و اتدورون اورآق مدبسه نفس جيي "واشرت ع الروايه اللي طبعتهأ " وو اتيبونهـأ ، وبعدين تحطون هذي مكانها . .
سيف : بسس ؟ سههله .. انزين الفآيز شو بتعطينه ..
ندى : هاا ! لحظظـه " وفتحت وآحد من الادرآج طلعتلهم كآكآوآت " بعطييه هآييل ..
سيف"بحمآس" : كللهم ؟
ندى : ايي كلهم ..
ميره : زيين يالله بروح ادور ..
سيف : غشاشه اترييني ..
ندى : اووه ، لالا لاتضآربون ، خلاص روحوا مع بعض و بعطيكم اثنيناتكم ..
" ورآحوآ سيف وميره و بدلو الروآيـه .. "
سيف : ششككرًآ نندى ..
ميره : شكرًآآ ..
ندى : عفوًآ حبآيبي.. وييت صبروآ ..
سيف و ميره"إلتفتوآ لهـا" ..
ندى : لاتخبرون حد ..
سيف و ميره : أوك ..
ندى : اتفقنآ ؟
سيف وميره : اتفققنـآ .. " ورآحوآ مستآنسين بالكآكآوآت و الحلآويـآت ..

- - -
ندى : وآخيـرًآ .. ! خل اكمـل اقرآ !
" وفتحت روآيـه حمدآن . . . "

ندى : انا وين وصلت ، وين وين ؟ ايي هنيي ..

حمدآن : اوفف .. ليشش تصيحين ليش ؟
ندى : ابيي ماما ..
حمدآن : انـا ماما ..
ندى " من قلتلها انا مآمآ سكتت وتمت تطالعني . . "
ندى : جذآب انت مب ماما .. "وردت بتصيح "
حمدان : انززين لاتصيحييين عشان ماما ماتزعل ..
ندى : بسس انت مبب ماما ..
حمدان : زين ماماتج الصجيه بتزعل لو عرفت انج كله تصيحين ..
ندى : ليش ؟
حمدان : لانج انتي احين كبيره لازم ماتصيحين ..
ندى : اننا مبب كبيره ..
حمدان : آآه ، انزين انتي صغيره بس شآطره صح ؟ لازم ماتصيحين ..
ندى : صصـح ..
حمدان : زين تعالي تبين نلعب ..
ندى : ايي ..
حمدان : نلعب مع ساره ؟
ندى : لالا مآحبهـا ..

" و مرت امي علينـا . . "

ام حمدآن : أوه ندى مآتصيح ! أول مره اششوفها سآكته شحلاتها .. من يومها وكله تصيح .. عفيه عليك ياحمددان عرفتلها .. "ويت قربت من ندى "
حمدان : اميييه لآآآ عن ترد تصيح ..
ام حمدان : زين زين ! خلاص مايخصني فيها خلها عندك لين ماترد امها ، محد يعرفلها غيرك ها "وغمزت لي "
حمدان : هههه شفتي كيف ولدج !
ام حمدآن : ماشاء الله عليك .. زين يالله بخليك ويا بنتك ..
حمدان : ممماما عاد ..
ام حمدآن : ههه شفييك نمزح ويآك .. " وروحت"
ندى : يعني انت بابا ؟
حمدان : ايييه صدقتي انتي بعد ..
ندى "بصوت وآطي" : اصلن انت احسن من بابا ..
حمدآن : ليش ؟
ندى : ماعرف ..
حمدان : همم شرآيج انطالع تلفزيون ..
ندى : انزين ..
" تمينآ نطآلع رسوم ، وشكله ندى عآيبنهـآ كآنت مندمجه لـ درجه إنها مآترد عـلي .. كنت قآعد ع الارض لأن الغرفه مآفيها إلا قعده ارضيـه ، و ندى كانت محطيه رآسها فحضني ومنسدحه و كنت ألعب فـ شعرها .. "

حمدآن : نندى ؟ خلص آحط قنآه ثانيه ؟ ندى ؟
ندى : --
" نزلت رآسي لـ مستوى رآسهـا ، كآنت مغمضه عينهآ و و بس ! نآيمه بهدوءء و بعمقق .. والابتسآمه مرسومه ع شفآتهـا .. شليتهـا وكآنت مثل الريـشه ! وديتها لـ غرفـه سآره حطيتها ع السرير ولحفتها .. أول مره أستآنس مع طفله ! مع إني مب وآيد مع اليهال .. انا أختي سآره عمري ما اهتميت فيها لهالدرجه ! المهم رحت لـ أمي اللي كانت فالمطبخ "

ام حمدآآن : وينها الصيآآحه ؟
حمدآن : مماما حرام عليج .. حليلها ندى لو تشوفينها كيف وهي نآيمه ..
ام حمدآن"صرخت بصدمه" : نننامتت ؟
حمدآن"بخوف" : ههه ايي نآآمت امييه شفيج ترا ماصار شي غلط ..
ام حمدآن : هههه والله وطلعت مب هيين ياولدي ! امها اللي هي امها قالتلي ان ندى مستححيل تنآم الا وهي معاها .. واحين انت تقولي انها نامت ؟
حمدان : هههه مآدري شكلها حبتني ..
ام حمدآن : ههه روح روح يآولدي شوف البنيه مآظنن رقدت ..
حمدان : والله ننامممت نامت شفيج ماما مب مصدقتني..
ام حمدان : زيين خلاص خلاص !اقعد بنحط العشا ..
حمدان : وندى ؟
ام حمدان : هالكثر شاغله تفكيرك هالندى ! مب تقول رقدت ..
حمدان : شفيج ماما .. يعني اسألج البنيه ما بتتعشى شو ..
ام حمدان : لاقآمت يصير خير .. بس مآظن اتطول فـ نومها ..
" مآكمملت 5 دقآيق إلا وسمعنـا صريخ ندى .. وصيآحها الحآد اللي يخترق يدرآن البيت كلها . ."
سآره "اللي قآعده تاكل بهدوء" : ممماما سكتوها كله تصيح تصيح تصيح .. انا ماصيح مثلها ..
ام حمدان : آه الله يسآمحهم اهلها بلونا فيها ..
حمدان : يممآ ؟ شذنبها البنيه .. خلاص بروحلها ..
ام حمدان : يمآ حمداني كمل عشآك ..
حمدان : ماما البنت تصيح ..
" ورحتلها .. و مثل مآتوقعت ، كآنت الغرفـه شبه مرعبـه ، يعنـي مظلمه وتخوف شوي .. شكلها ندى خآفت ، او يمكن تخاف من الظلام "
ندى "من بين دموعها": ويين ماما ؟
حمدان : حبيبتي مااماتج مآيت بعدها ..
ندى : ممتى بتتتي مابي اتم بروحي"وكملت صيآحها"
حمدان : ننندى ! انزين خلاص "وسويت نفسي اتكلم تلفون"
ألو أم ندى ؟
انتي وين ؟
اللحيين بتين فالطريج ؟
زين لا اتين ندى بعدها تصيح ماسكتت ..
زين احين بشوفها "وإلتفتت لندى " ندى امج تقولج لو سكتتي بتين ..
ندى"حطت مسحت دموعها بسرعه " : انا مآ أصييححح ..
حمدان : أوكك .. ام ندى تععالي اللحين ..
يالله بيبآي .. " وأوني سكرت التلفون .. "
ندى : ماما اللحيين بتيي صصح "وابتسمت "
حمدان : ايي صح "وابتسمتلها ابتسآمه كآذبه .. عشان ماخرب عليها وناستها"
ندى"تثآوبت" : فيني نوم ..
حمدان : زين حبيبتي نامي ..
ندى : اخخاف ..
حمدان : زين بخلي الليت مفتوح ..
ندى : انزين لاتروح ..
حمدان : انزين يالله ناممي ..
ندى " طآحت ع السرير .. غمضت عينها وقعدت تسولف معاي لين مآنآمت .. "
حمدان : وبعد شو تحبين . . ؟
ندى : --
حمدآن : آه شكلها ناممت ..
" وسندت ظهري ع الكرسي اللي كنت قآعد عليه لين مآغفت عيني ونمت .. "
- بعد سآعتـين . . -
ام حمدآن : يمما حمدان "وهزت ظهري "
حمدان : ها ماما "وانتبهت ل ندى النايمه فـ سحبت امي برع الغرفه " شفيج ماما ..
ام حمدان : يالله تأخر الوقت .. وو اهل ندى تحت يايين ياخذونها ..
حمدان : كم السآعه ؟ "وشفت سآعة ايدي اللي تشير لـ 2 " اويه .. ساره وين نامت ؟
ام حمدان : عـادي نامت معاي فالغرفه .. يالله احين قعد ندى و ودها لأمها تحت .. بروح انام انا ..
حمدان : بسس البنت نآيمه ؟
ام حمدان : يالله حمدان .. ! "وروحت"
حمدان : أوف .. انا آسف ندى . . "وكآنت من اكثر الاشياء اللي ندمت عليها …. خربت على هالملاك نومهـا "
ندى "تحرك ايدينها وحطتهم ع ويها" : ممابي مابي ..
حمدآن : ياربيه هالدلوعه .. زين بشلج .. "وشليت ريشتي ! و وديتها لأمها "
أم ندى : اوه ندى كيف نامت ..
حمدان"بإعتزآز!" : انا رقدتها ..
أم ندى : بططل حمدان .. "وشلت ندى مني"
حمدان : يالله بيبآي ندى "ومسحت ع شعرها"
ندى"وكلها نوم" : بيبآي ..
أم ندى : هههه .. صرآحه اول مره بنتي تآخذ وتعطي مع شخص ! العآده كله تصيح .. وابوها اللي هو ابوها للحين مآتتكلم معاه ..
حمدان : بسس .. كآنت زينه .. حتتى سولفنا ولعبنا و اتطالعنا تلفزيون مع بعض ..
أم ندى "آستغربت مني وحست بإهتمآمي الغريب لـ طفلتها" : يممكن إرتآحتلك و حستك مثلي . . لأن اللي بهالسن صعب يتعلقون بـ حد غـير امهم و فهالايام يتعلقون فالخدم ! المهم اكثر شي يتعلقون فالشخص اللي يربيهم ومايبون غيره ويبونه دوم معاهم .. ويمككن ندى وثقت فيك وحست انك شخص مختلف عن الباقي..
حمدآن "إبتسمت وكأني مستآنس من اللي سمعته وطلبت من ام ندى ان اتيب بنتها دوم لأن صج ونستني هالبنت ! و بعدها ودعت ندى و أمها و رجعت لـ غرفه امي "
ام حمدان : ها حمدان رآحوآ ؟
حمدان : ايي ماما .. نمتي ؟
ام حمدان : احين ..
حمدان : زين تصبحين ع خيير ماما .. بروح غرفتي..
ام حمدان : وانت من اهله .. حبيبي حمدان قفلت باب البيت و الحوي ؟
حمدان : ايي ماما ..
ام حمدان : زين شآطر يالريال .. يالله حبيبي روح نام ..
حمدان : إن شاء الله .

" و قبل نومي قعدت استعيد ذكريات أول يوم لـي معآهآ ، اللي خلاني اكتشف وآيد اشيآءء ،مثل ان كآنت ندى ، مآتحب تلعب مع سآره ، أو بالأحرى مآتحب حد يشآركها اللعب عشآن تكون محط الاهتمـام و اهتمآمي كآمل يكون لـهـآ ، وكآنت تكره أبوهـا بشدده .. شكله وآيد لآهي عنهم ومآتحصل منه اي اهتمآم أو حب .. وكنت بنظرها احسن منـه . . كآنت تعتبرني مثل أخوها ، ويمكن ابوها وأمها بعد ههه ! وكآنت تخآف من الظلآم .. و الوحده .. وسلاحها الدآيم كآن دموعهـا .. وصيآحها .. وصوتها الححآدد الللي للحين اتذكره .. "

- ندى ، انصدمت بـ نفسي .. انا كنت جي ؟ هههه كلنا يوم يهال مستآنسين لأن مانذكر كيف كنا بس الأصعب ان يكون في حد يذكر كل شي و يذكرنا فييه !! خلاص بنآم تعبت بـكمل بآجر .. -

* اليوم الثـآني . . . *

خليفه : نندى ؟ ندى فجي البآب ..
ندى : اوف مصيبه يديده ! صببر احين .. "وفجيتله البآب"
خليفه : يبتلج شي ..
ندى : مصيبه ؟
خليفه : هه لا يالظريفه لهالدرجه مستعيله .. مسكي "ومد لها فونها"
ندى : اوه ففوني .. ثآنكس خليف ..
خليفه : ترا مآيبته ، ربيعاتج اللي يابوه لين البيت ..
ندى : حبايبي والله .. زين خلاص انجلع ..
خليفه"مسكها من شعرها ": انتي اييه مب انا اللي تكلميني جي ..
ندى"زآغت مآتوقعت" : اممميه .. أأي يعور .. خلاصص هدني ..

خليفه"دزها بالقو وطلع رآح لـ غرفته . . "

ندى : اوفف دفشش .. "سكرت باب غرفتي .. ولآ إرآديـًا اتصلت لـ حمدآن قبل لا اكلم ربيعاتي او اسوي اي شي ثآني .. "

حمدآن : اكيد قريتيي الروآيه ..
ندى : ايي بس مآخلصتها بس دقيت اسأل ..
حمدان : تفضلي ..
ندى : اللي مكتوب كله صج ؟
حمدان : ايي والله مآجذبت فـ ولا شي ..
ندى: ليش انا ياحمدان ؟ ليش كل اللي صآر معآي ؟
حمدان : شقصدج ندى ؟
ندى : ليش اخترتتني ؟
حمدان : يا ندى مب انا اللي اخترتج ..
ندى : عيل ؟
حمدان : امج هي اللي دقت بابنـا .. اهلج هم اللي يابوج عندنا ..
ندى : بـسس ..
حمدان"قآطعها" : ندى هاللي ربج كآتبه ، كل هذا يصير بينـا مب بايدي ولا بايدج.. وانا ابيج تقرين الروآيه كآمله بعدين اتصليلي ..
ندى : زين ياحمدآن ..
حمدان : بسس أممانه لحد يقرآها غيرج ..
ندى : ليش ؟
حمدان : بتعرفين بعدين ..
ندى : زين .. شكرًا حمدآن .. بكلمك بعدين ..
حمدان : العفو ؟ اوك مع السلامـه ..

" سكـرت عنـه ، وو كنت بسوي شي ثآني بس جذبني صوت الضرآبه اللي صآيره برع غرفتي فـ رحت اتسمع "

بورآشد : انتيي ع كيييفج تخطبين و ع كيفج توافقين ..
زينب : ترا البنيه اخرتها الا بتطيح بـ جبدك ..
بورآشد : يازينب البنيه عندها عم و عيال عم يبونها !
زينب : يا بورآشد لو يبونها جان مآفروها عندك و لا حتى سألوآ عنها .. من يوم مآيآبوها للحين كمم مره دقولك ؟
بورآشد : ولآ مره ..
زينب : عيل خلاص .. دام هم نآسيينها و اخبارهم منقطعه اكيد مآيبونها ولاشي ..
بورآشد : إنا لله و إنا إليه لـ رآجعون يآ ربيه شسوي فهالبنيه ..
زينب : لو مخلينها عند يدتها مب احسن !!
بورآشد : زينب خلاص ..
زينب : بس هذا كان كلامك يا بو رآشد .. انت اللي تعبت منها و ماتبيها ..
بورآشد : بس مهما يصير هذي بنتي ..
زينب : احين بنتك ؟ نسيت شـسوت و لا اذكرك ؟
بورآشد : زينب خلاص خليني فحالي .

- - - - - - - -

ندى : صح كلامها زنوب .. عيال عمي محد سأل عني ، ولا حتى بنات اعمامي .. شكله صج نسوني .. اصلن كيف يذكروني و هم مآتعودوآ علي حتى .. ادقلهم ؟ لآلآ خلني جي احسن . ومآبشيل هم شي .. " ورن فونهـا "

ندى : ألو ؟
رنا : حبيبتي ندى شحالج . ؟
ندى : تمام ياقلبي ..
رنا : شصار مع اهلج ..
ندى : لا تحاتين ماصار شيي > تجذب.
رنا : ابد ولاشي؟
ندى : ولاشي صدقيني ..
رنا : الحمدلله ..
ندى : ايي ، زين قلبي قولي اللي تبينه ..
رنآ : نيدو ترومين تطلعين ؟
ندى : ليش ححبي شصآير ..
رنا : ابي تسآعديني فـ شي ..
ندى : يخص نهيان ؟
رنا : ايي ..
ندى : زين والبنآت ؟
رنا : نددى تدرين كييف هم رآعيات مشآكل بيضآربون و بتكبر المشكله بدل مآتنحل .. لازم نحلها بالهداوه ..
ندى : زين حبيبيتي بسآعدج .. بس بشوف لو بيخلوني اطلع ..
رنا : اوك قلبي ..

- - -
" ونزلت لـ تحت "

بورآشد : وبعد تبين تطلعين ؟
ندى : يبا دخيلك افهمني ؟ زين ضروري بس بروح بيت ربيعتي ..
بورآشد : وانا ماقلتلج مآشي فون ولا طلعات ..
ندى : يبآ ؟ تبون تزوجوني زوجوني وسسوو اللي تبونه فيني .. بس مب تحرموني من كل شي وانتوآ اصلن مب فاهمين شو السالفه ..
زينب : شفت ! اقولك البنت قويه مب مصدق ..
بورآشد : زينب خلاص ! وانتي يا ندى بسسج خلاص طيحتي سمعتنا فالقآع شتبين اكثر ..
ندى : يبا انا مآيخصني والله افهمني دخيلك ..
بورآشد : تبين تطلعين ، طلعي .. بس لآ تنهآرين عقب يوم بنسوي اللي فـ رآسنآ ..
ندى : انهآر ؟
بورآشد : مب انتي قلتي نسوي اللي نبيه ؟
ندى : زين بس خلني اطلع احين ..
بورآشد : زين روحي .. وعقب لو شو تسوين .. مآبمشي ع كلامج !
ندى : " رحت مطوفـه لأبوي اللي كان يهدد ، يتحرآني اخاف ! ترآني تعودت ان القدر يفآجئني بأشياء اكبر عني ، وياما صبرت وتحملت .. فـ عادي .. المهم احين اساعد ربيعتي فـ محنتها .. "

نهــآيـــــــــــة البــــــارت السآدس عشـر . .
أتمنى أن ينـال إعجابكم . .
و يآ ترى ، شو مصير ندى المجهول؟
خوله بتخبر اخوها عن ندى وبتشوه سمعتها ؟
شـ قصه الروآيه و حمدان شو كآتب لـ ندى؟
و نهيان ع شو نآوي هالمره ؟
وو بو ندى شـ نآوي يسويلها ؟

بإنتظار تعليقـاتكم و آرائكم و توقعـاتكم . .
والسمـوحه ع التأخير ! *