الجزء الثامن ..
شمووه عرفت بخبر سفر فارس. عاليوم الثاني ... وتظايجت واايد ليش يسافر من غير ماتعرف.. يمكن بخاطرها شي تبا تقوله له
اووف شو هاي الحاله دووم حظي عكسي ..
شوااقه مستاانسه واايد انه عبود تغير من بعد ماحس انه خاطب .. صحيح انها خطوبه مهب ملجه .. لكن حست انه له مسؤولياات
في غرفه شمووه .. دخلت شواقه وهي مستانسه ..
شواقه: شمووه عبود خذ الليسن ونااااااااااااااسه
شموه: فديتج والله مبرووك .. الحين بتصل له وببارك له
شواقه : مستانسه .. والله بطير من الفرح .. كشخه ..ههههههه
شموه: يالله عقبالج .. هههههه
شواقه: مايطيع للاسف يقول ماريدج تسوقين
شموه: ههههههه يغاااااااااار
شواقه : ههههه فديته والله
شموه: يالله اونـج قمتي تتفدين بعد
شواقه استحت : هههههه ويا ويهج
وظهرت عنها رايحه غرفتها ..

عند فارس.. نش من رقااده .. وقرر انه ينزل ياكل له شي في اي مطعم يصادفه .. يلس يطالع الناس.. اللي معصب.. واللي مستانس.. واللي متضايج .. واللي يضحك.. ويقوول ااااه كل حد له شي يشغله .. وانا شراتهم ..من هييل الناس .. شمااااااااااااااااااا يابعد طواايفي كلهم .. احبج ..
ويلس يتذكر اغنيه ميحد حمد اللي يقول فيها ..
لاتكثر همومي وترسم عذابي.. انا تركت الناس واخترتك انت ..
قلبي فتح لعيونك السود باب .... الخ .. وسرح في الاغنيه ..


شموه سكرت عن عبود كان تبارك له على اللسـين.. ودخل حمد عليها الغرفه هو ومريامي ..
حمد : السلام عليج ختيه
شموه : هلا وعليك السلام
مريامي : شفيج مازلتي تحت يلست احاتيج ..
شموه: ماشي يتني شواقه .. وسولفت .. واتصلت لعبوود ابارك له على الليسن وجابلت النت ..
حمد : شموه حبيبتي شوفيج ؟ عسى ماشر؟
شموه نزلت راسها ..ونزلت دمعتها : ماشي حمد لاتحاتيني
حمد يرفع ويهها بإيده : شموه انا خويج قولي لي.. امم زعلانه عسب حميد ؟
شموه: لا مايهمني .. الله يهديه ان شاء الله واللي مايبونه اهلي اكيد انا ماريده..
مريامي : شموه حبيبتي.. كل حد ياخذ نصيبه .. والحمدلله انه انكشف حميد قبل مايصير اي شي
شموه وحمد : الحمدلله
حمد : عيل الحين تنشين تلبسين لانه شموس بتي معانا وشواقه بيروحن يتشرن للجامعه .. مابقى غير اسبوع ويومين ... وانتن ماتشريتن .. واحم حرمتي بتيي تتجهز معانا ..
شموه: هههههههه هيه قول جي حرمتك بتي ويانا
مريامي : هههههه هيه عيل ليش تبرع يوصلنا المول
حمد : حراام عليج يعني انا ابد ماخذكم
مريامي : ههه لا فديتك انت مافي منك ..
حمد ينش يبوس خوااته الثنتين : يالله عيل نشن تلبسن انطركن في الصاله ..
مريامي وشموه : اوكي ..
يتلبسن البنات .. ويتجهزن شواقه وشموه وشموس ونواري ورا يالسين وحمد ومريامي يدام .. مروحين المارينا .. البنات طبعا قررن يطقمن في كل شي .. اما مريامي ونواري يتشرن للعرس.. وطبعا حمد يساعد نواري في زهابها ..

فارس يالس بروحه ومايعرف شو يسوي اممم اطرش لها مسج .. والا شووو .. اممم بشوفها شو ترد علي .. لا لا هي مخطووبه وحراام اخليها تتعلق فيني .. بتصل لشمووس اشوفها شحالها



شموس يرن فونها وهي يالسه عند شمووه..
شموس : هذا فارس فديته
شموه حست بشعوور غريب من طرت اسم فارس.. وتمت اطالعها
شموس: هلا وغلا
فارس: هلا فيج اختي شحالج
شموس: بخير وعافيه ومن صوبك حبيبي
فارس: انا بخير دامكم بخير .. هاا وينج اسمع حس طريج
شموس : ههههههه هيه انا وبنات خالو ونواري بنت خالي مروحين مع حمد المول نتشرى .. ونغير جو لشموه فديتها تعرف مزاجها متعكر من سالفه حميد ..
شموه تبتسم واطالع شموس وشموس ترد لها الابتسامه ..
فارس مستغرب شو صاير: شموس ليش بلااها شمووه وشو سالفه حميد ..
شموس: اوييه فرووس انت ماتدري
فارس: رمسي شو اللي مادريبه انااا
شموس تقول له السالفه كلها .. فااارس حس براااااااااااااااااااااااااااااااااااااااااااحه فظيعه .. واستااانس .. ومايعرف شو يسوي في عمره ..
فارس: حلفي قولي والله شموس
شموس: بعدين فارس .. وتقلل نبرة صوتها : الحين الكل عندي .. والله العظيم جي صاار لاتتخبل الحين
فارس: فديتج والله احبج اموااااااااااااااااااااااااااااااااااح ريحتي قلبي ..
شموس: ههه فديتك .. فرووس متى بترد ؟
فارس: باااجر
شموس : اوووف ليش بهالسرعه .. ماصار لك 4 ايام
فارس: مليت .. وبعادكم مرض
شموس :هههه بعادنا مرض.. وتتطالع شمووه .. طبعا شموه فهمت عليها وعرفت انه هي المقصووده..
فارس: هه ويا ويهج سلمي على الكل ..
شموس :أوكي يوصل الله وياك
فارس: مع السلامه

فارس معقووله كل هاا يصير وانا مش حااس .. يالله شو هالدنياا ااااااااااه شموووووووووووووووووووووه احبج .. واخيرا صرتي لي انا وبس..

شموه مستغربه معقوله فروس ماكان داري عن السالفه .. ااه يافارس.. احبك .. احبك وامووت فيك ..
ويلست تسمع اغنيه يوسف العماني .. .. ماعاد لي .. شي يذكرني بحزني للابد .. واللي احبه صار قربي ومافي مثلنا احد ..
اشتاق له وهو جنبي وهو بعد يشتاق لي .........................

في بيت بو فيصل ..
عبود : برايك متى ؟
فيصل: انت الحين بدش التقنيه ويبالك وقت .. اصبر .. البنت مابتطير ..
عبود : اممم انزين انا اريدها تكون حلالي ..
فيصل: بعدك ياعبود خلك عالخطوبه وبعد ماتدش التقينه عالسنه اليايه املج ..بعدين حمد ومريامي ونواري ومحمد .. قريب بيملجوون وفي نص السنه بيعرسوون .. انت بعد ماهم يعرسون املج ..
عبود : جي رايك
فيصل: هيه
عبود : شورك وهدايه الله ..

في بيت قوم بو مانع ..
مانع: انزين يماا ومتى ؟
ام مانع: خلاص حبيبي اتصل في ربيعك وقول لهم نحن باجر ياايين لهم ان شاء الله
مانع: صدق؟
ام مانع: هيه حبيبي ..
مانع: خلاص انا بتصل في سالم الحين باااي
وظهر يرمس سالم يخبره انه باجر بيروح يزوره هو والاهل .. وسالم طبعا رحب به وخبر امه وابوه .. عسب يقومون بالواجب ..

دخلت شمووس البيت وهي تشوف فاطمه حرمه سالم يالسه عند التلفزيون
شموس : مرحبااااااااااااااااااااااا حرمة اخوي
فاطمه: مراحب هلا شموس يلسي
شموس : لا بروح اغير ملابسي .... هاا شو اليديد شو صار؟
فاطمه: والله ماشي فارس اتصل وقال باجر بيرد على طيارة الساعه 11 الظحى ..
شموس : هيه ادري كلمني وقال لي
فاطمه : هيه وقوم امم تعرفين ربيع سالم مانع اللي شفناه في السعوديه .. قال باجر هو واهله بيون البيت ودهم يتعرفون علينا وجي
شموس ماصدقت معقوله هااي شو تقول منو بيي مانع واهله بعد ليش اممم تعارف .. ااااااااه ماانع .. اريد اشوفه .. استغفر الله شو اقول انا : حياهم الله .. يالله فاطمه بروح ابدل .. بنام تعبانه
فاطمه: خلاص برايج عيل تصبحين على خير
شموس: وانتي من اهله ..

راحت شموس فوق وهي مستانسه اتصلت لفطيم اختها وقالت لها : مابتين شوو ؟
فطيم : لا بيي اكيد اصلا امايه اتصلت فيني وقالت تعاي
شموس : هي اريدج تكونين موجوده بعدين فارس بيي باجر
فطيم: هيه فديت روحه ماشفته من يوم سوا الحادث ..

وكملو سوووالف ومستانسين ..

فليل شمووه تفكر في فارس.. معقوله يكون مايعرف.. بس كيف ترا السالفه صارت قبل مايسافر بيوم ؟.. يمكن مايعرف ماادري

عند فارس.. امممم اطرش لها مسج .. هي بطرش بشوف شو ترد علي .. هههه فديتج شمووه مادري ليش احس انج تحسين فيني .. ويلس يكتب المسج ..

شموه اطالع السقف وماتروم تنام ..وصل لها مسج .. اتعايزت تفتحه .. بس نشت بعدين .. فتحته وفتحت عيونها معاااها معقووووووووووله فاارس..
( شما السموحه اطرش لج مسج بهالوقت لكن انا دريت عن حميد متأخر وان شاء الله يسعدج ربي مع الريل الصالح اللي يقدرج .. فارس ولد خالتج ) ..
شمووه استانست من المسج وردت عليه ..
( تسلم فاارس وماحد ياخذ الا نصيبه .. والحمدلله على كل حال ..)
فارس يقرا المسج ومستااانس .. واخيرا شمووه بديتي تحسين فيني .. اممم شو اكتب لها شو اكتب ..
(انزين يالله رقدي باجر بشرف الامارات واريد منج استقبال حاار هههه .)
شمووه تضحك بخاطرها فديته والله واطرش ( بتنور الامارات بوجودك .. واكيد بسوي استقبال حااار على قولتك هههه .. يالله تصبح على خير )
فارس مستااانس من رمستها ( هههه بنشوف ..والنور نورج .. وانتي من اهله )
وماردت عليه.. ورقدوو وهم مستاانسين



اليوم الثاني .. نشت شمووه وهي حدها فرحاانه ..دخلت المطبخ وساعدت امها .. وسوت sweet وقررت تاخذه معاها بيت خالتها .. راحت غرفه شواقه
شموه: شوااااااااااقه نشي بسج رقاااد
شواقه: شموه حراام عليج خليني ااانام ظهري بررررره
شموه: شوااقه الله يخليج نشي بقولج شي حلوووووووو واااااااااااااااااااايد
شواقه: اووف عليج.. عدلت يلستها : هاا شو تبين
شموه: ترا فارس اليوم بيوصل .. احم
شواقه: انتي ماعندج سالفه موعتني بس عسب تقولين لي فارس بيوصل
شمووه: ههههه لا لا والله اممم بعد امس احم
شواقه: شو امس شو صار ؟
شموه: امس طرش لي مسج وانا رديت عليه
شوااقه: شووووووو حلفي شو كاتب انه يحبج وبيخطبج
شموه:هههههههههه لا يالمينونه ..هههههههههه يقولي عن حميد انه مادرى الا متاخر ويقولي باجر يبا ترحيب حار يوم يوصل ومن هالسوالف
شوااقه: احم احم اونــه ترحيب حاار
شموه: ههه سخيفه ويا ويهج يستاااااااااااهل ولد خالو
شواقه: هيه صح يستااهل .. وترفع حياتها لها تغيض فيها
تنش شمووه تضرب شواقه بقوطي الكلينكس .. وتظهر من الغرفه

شمووه اممم بروح الصالون .. هيه هيه بخلي نواري اتي معااي . بروح اقص قصتي واعدل ويهي اشوي ..
وطبعا خذت اذن ابوها وامها وراحن نواري وشمووه الصالون خبرن شواقه قالت بتنام ومالها خلق..

فارس وصل البيت والكل مستاانس على ردته كانه غايب سنه .. سلمت عليه فطيم اخته والكل ..

صار العصر وقروو قوم بوفيصل وبو حمد ايوون بيت بو سالم عسب عزيمه العشا لانه قوم بومانع بيوون وعسب فارس..

وصلووو بيت بو سالم وفارس يطالع بعيونه ويدور شمووه .. شااف وحده ملكه جماال ..
شموه كانت مسويه تنظيف بشره ومتحنيه وقاصه قصتها .. وكانت محطيه جحال وغلووس ووايد محلوووه وتخبل عليها فارس..
سلموو عليه الكل .. وصلت عنده شموه تسلم عليه ..
شموه: الحمدلله على السلامه نورت الاماارات..
فارس يقرب صوبها ويخفض صوته: منوره باهلها .. والله يسلمج .. امممم محلوة اليوم كل ها عشااني
شمووه استحت ونزلت راسها .. وخطفت عنه ..
شمووس سمعت اللي دار من بينهم وتمت تضحك مستانسه على اخوها وبنت خالتها ..
يسلوو الكل يسولفون .. قررو الحريم والرياييل يروحون يلسوون في الحوش .. اما الشباب والبنات يلسو في الصاله ..
فارس طول الوقت يطالع شمووه وشموه ميته مستحـى ..
نشت شمووه ..
شموس : وين مروحه ..
شموه : اليوم سويت sweet بردت فارس وبروح اقول للبشكاره تجهزه
فارس: اوه اوه يسوون لي هههه مشكورة
شموه: العفو ههه
راحت شموه صوب المطبخ.. ونشت شواقه وراها هي وشمووس ..
عبود يطالع شواقه ومعصب عليها ليش مطنشته اليوم .. بس شواقه جي تتغلى عليه هههه
في المطبخ ..
شموس : شوالسالفه احم احم
شموه تضحك: ههه شو فيه ؟
شموس : ماشي بس كيك وكشخه وابتسااامه حلوة تعذب ومادري شوو ونظرات وخجل
شواقه: ههههههههههههههههه مسكينه اختي
شموه: ههه هيه حليلي مسكينه
عبود يدش المطبخ .. : احم احم
شواقه تتطالعه : اوويه انت شو يايبك اهني
عبود : الحقج
شواقه : مو وقته روح عن حد يشوفك
عبود :عااادي شفيج كلكم هني
شموه: هههههههه يالله ياعبود ماهقيتها تلحقها لين المطبخ .. مشكله اللي يحبوون
عبود :هههههههههه شو اسوي امووت فيها والحقها وين ماتروح
شواقه استحت: انزين بسك رمسه روح ..
عبود : يوم تروحين بروح
شواقه: انا بروح الحين .. وتروح عنهم الصاله .. معصبه من حركه عبوود
عبوود :ههه بلحقها عن تعصب عليي
يلحقها عبوود ويشوفها يالسه في الصاله راح يسل عدالها .. وسولف وياها وهي من شافته نست كل شي ..

فارس: وينهن البنات
حمد : اووف لهالدرجه بطنك يعورك تبا تاكل ههههه
حصووه: حليلك بطنك بيعورك لاتاكل من اكل شموه
فارس : حراام عليكم والله الكيك مالها لذيذ..
فيصل: صح هههه ليش انتو حاطين عليها
مريامي : ههههههههه بسرعه تعصب
فهود : وتزعل وتدلع هههههههههه
فارس: يحق لها تدلع ههههه
حمد : فروووس شو ياك على اختي هااا ههههه
فارس: لا وحليلي ولا شي ههههه
الكل : هههههههههههههههههههههههههههه

يت شموه وشموس وياها وراهم البشكاره .. وزعت الكيك . والكل مدحه واكيد فارس اول واحد ..

يلسو سوالف وضحك وكل حد يحط عالثااني .. أذن المغرب والشباب راحو المسيد مع الشواب .. اما الحريم دخلو داخل يصلوون مع البنات وينطروون قوم بو مانع..

تسلمون عالمرور .. ان شاء الله بتعرفون كل شي بالبارت ال 9..
وماقصرتو ..