منتدى استراحات زايد - ++::بعد ماجفيت ترجع تقول احبك وانا احبك::++

الجزء الثالث
يوم الخميس بالنسبه لخليفه احلى يوم فى حياته وفى الطرف الثانى ساروه بتموت من كثر ما تصيح الكل استغرب حتى زايد للى اقرب واحد لها من اخوانه ماعرف شو يسوى طلعوا وقعدت ساروه بروحها فى البيت وهيه كل دقيقه تحس عمرها بتموت خلاص خليفه بيتزوج و انا بموت الدموع صارن شى عادى لها لازم الدموع تلمس خدها ...
بيت سعيد بن سالم الكل مرتبش على الخطبه و الملجه للى استعيل فيها كلهم مستانسين ولطيفه طبعا كانت جميله بس مب ذا الجمال للى ساره تدلع فيها ويزيدها غرور دخل خليفه بيت سعيد بن سالم مع عيال خالته و عمه ووصل الوقت للى بيشوف فيها لطيفه كلهم قعدوا ودارت عيون خليفه على الحريم و لطيفه قاعده عداله وقعد يدور بس يلمح طيفها التفت على عمته : عمووه وين ساروه
ام زايد: فى البيت
خليفه: ليش مايات معاكم
الا واشوى يرن تلفون زايد للى استغرب منو متصل من البيت لايكون ساروه
زايد: الووو
مارى((خدامتهم)): hello sir this is me marry please help me
زايد: اييه مارى شو صار
مارى: ms sara will die
زايد: this is not a good time for joking
مارى: please come
زايد: okay bye
ام زايد: اشفيك ياولدى
زايد: بسير البيت ساروه وايد تعبانه
حمدوه: ياربى عليها ((تلتفت على خليفه و تصيح )) انته السبب
خليفه((فتح عيونه)): انا
ناصر: خلاص انا افهمه اطلعوا انتوا خلاص
خليفه: بسير انا
لطيفه: بعده الوقت
خليفه: برااايج
طلعوا صوب بيت ام زايد وكلهم خايفين و خليفه وناصر لحقوهم بس ناصر قاله يوقف السياره علشان يقوله شى
خليفه: يالله قول اريد الحق عليهم
ناصر : تريد تعرف ليش ساروه مريضه
خليفه((باهتمام)): لييييييييييييييييييييش
ناصر: انته
خليفه: شوفيكم انا و انا شو السالفه
ناصر: ساروه تحبك ياخليفه
خليفه انصدم كان هذا اخر شى يتوقعه ساروووه تحبه وهو للى متاكد انها مستحيل تحبه فى يوم بس كيف و متى وبسرعه البرق بدون ماينتبه حق الاشارات طار خليفه بالسياره ويوم وصل بيتهم وهو يريد يوقف سوى صوت بالسياره وفتح الباب و دخل البيت وشاف زايد واقف يدق البيت بدون اى جواب ..
خليفه: انا بفتح الباب قوم
زايد: كيف
خليفه: شووف الحين
زايد: ان شاء لله
الكل قعد يطالعه وهم خايفين خليفه تقرب من الباب وحط اذنه على الباب وتنهد : سارررروووه
ساره من سمعت صوته فتحت عيونها و هيه تردد بينها و ين نفسها خليفه معقوله ما اصدق بس دموعها كالعاده كانن اقوى من انها تستجمع قوتها و تفتح الباب بس صرخت وللى خوف خليفه انه سمع صراخها و كسر الباب وسار صوبها و الكل دخل كانت الغرفه مظلمه وايد يوم فتحوا النور خليفه صدمه شكله ساره التعبان للى تحاول انها توقف او انها تقوم من مكانها تجمعت الدموع فى عينها ما استحمل الموقف طلع برع وصرخ صرخه ذنب ماقدر يستحمل ويردد بينه و بين نفسه : انا السبب اناااا الغبى
حمدوه: خليفه
خليفه: نعم
حمدوه: لطيفه تريد ترمسك
خليفه: قوليلها تنسى
حمدوه((باستغراب)): شوووووووووووو
خليفه: قوليلها مايباج وبس
حمدوه: و الخيبه تخيب العدو مستلبس شو
خليفه: شو بعد ما اريدها تخيلج حمدوه
حمدوه: انزين
حمدوه و هيه تدخل صوب الصاله كانت ترمس عمرها وماشافت للى جدامها واول مارفعت عيونها استحت نزلت راسها كان زايد : ها ماشفتينى و انا للى صاير جثه على قولتج
حمدوه: هههههههههه لا و لله كنت ارمس خليفه للى استلبس مره وحده
زايد((بنظره جمدت حمدوه)): ليش استلبس
حمدوه((فاجه حلجها)): هاااا .....شو ....
زايد: شوفيج ؟؟!!
حمدوه((مستحيه)): لا ماشى
ام زايد: زااايد
زايد: وووووووويه قوليلها انا برع عند خليفه
حمدوه: ها انزين
زايد: برايج
حمدوه:............ سرحانه ..............((اتشوفه وهو يطلع))
ام زايد وقفت ورى حمدووه و هيه سرحانه: حمدوووه
حمدوووه ولا على البال اطالع الباب للى طلع منه زايد...ام زايد هزتها هزه : حمدوووه وابويه عليج
حمدووه: شو عموووه ((نزلت راسها))
ام زايد: وين سرتى هااا من الصبح واجفه انا
حمدوه: سمحيلى عموووه كنت افكر بشى
ام زايد: هيه انزين امج تباج فوق ..بس يابنتى شفتى زايد وين راح
حمدوه: على ما اظن طلع عند خليفه برع
ام زايد: هزرج
حمدوه: انتى سيرى وشوفى لانى شفته يركض برع يوم شاف خليفه
ام زايد: لله يرضى عليج سيرى عند امج الحين
حمدوووه: ان شاء لله عموووه
حمدوه سارت صوب امها و تفكيرها كله فى زايد للى دخل قلبها من دون استئذان ((بينى وبينكم اصلا زايد ينحب من اول نظره )) وهيه تمشى وعيونها ادور على صور زايد من كان صغير لين ما اتخرج من الجامعه وحطت ايدها على قلبها الصغير للى يعرف يختار بس قعدت تفكر زايد يحس باللى احسه انا ؟؟ وقفت وقفه ثابته وسارت صوب امها وين قاعده لما دخلت حمدووه شافت سارووه وركضت صوبها و حظنتها وتحاول تهديها وكل شى بيصير تمام التفت حمدوه على امها : امااايه
ام خالد: خير يابنتى
حمدوه: اماايه ...... خليفه ((اطالع ساروه للى فتحت عيونها ))
ام خالد: شوفيه لايكون صار فيه شى
حمدوه: ههههههههههههههههه لالالالا
ام خالد((تضرب بنتها على جتفها)): عيل اشفيه
حمدووه: مايريد لطيفه بنت سعيد الهاملى
ام خالد: لا ولله يافضيحتى جدام العرب اكيد اخوج اتخبل
حمدوه: لا اماايه ولدج عقل ((اطالع ساروه بابتسامه تبشر بالامل ))
ام خالد : بسير اشووفه قعدى مع سارووه
حمدوه: برايج اماايه
بعد ما طلعت ام خالد من غرفه ساروه قفزت حمدوه عدال ساروه و تضحك وياها : شخبارج الحين
ساروه : ...........................((لفت راسها صوب الطوفه))
حمدوه: دبووووه ارمسج انا
ساروه: شو تبينى اقول يعنى
حمدوه: انتى لازم تكونين اول وحده تفرح مب انا
ساروه((باستغراب)): ليش انتى تفرحين
حمدوه انسدحت عدال ساروه: اصلا انا ما احبها لطيفه كانت دايم تتقرب منى علشان اخوويه مب علشان سواد عيونى وعاد ياليتها حلوه الواحد يقدر يطالعها جمالها عادى بس اخويه عيونه فيها حول
ساروه: لا تقولين جذا عنه
حمدوه((تصفق)): هههههههههههههههه محامى الدفاع بدى يشتغل بعد ما استجمع قواه
ساروه: بس بالله عليج
حمدوه: تعرفين امايه مستحيل ترفض طلب حق خليفه
ساروه: اشمعنى عندها خالد وناصر وانتى
حمدوه: ماماتى هذا اخر عنقود الاولاد
ساروه: لا و لله
حمدوه: على فكره انا اعرف انج تحبين خلووف
ساروه((وقلبها يدق بسرعه)): هاااااااااا من قال
حمدوه: ساروه افهمج انا و لله و اعرف ان حبج له حب صادق وتحبينه علشان نفسه خليفه وبس ماتحبين الماده ولا علشان ان عنده فلوس او ان ابوه من كثر فلوسه يتصدق بهن انتى مستحيل تنوجد وحده مثلج فى حياته
ساروه: بس حمدووه
حمدووه: لا بس ولا شى للى يبا الصلاه ماتفوته صح والا انا غلطانه
ساروه: هيه صح
حمدوه: يالله قومى خذيلج حمام يهدى بالج وانزلى تحت فاهمه
ساروه: مابنزل تحت اخاف ((تنزل راسها))
حمدوه: يالله عن الدلع تحركى ..
ساروه: انزين
طلعت حمدوه من غرفه ساروه نزلت تحت سمعت خليفه يغلس على امه ويرمس وهو يقلد صوتها وقعدت تضحك عليه وهيه نازله من على الدرى شافت نظرات زايد للى قعد يطالعها وهيه تنزل و يبتسم ابتسامه تاخذ عقل العاقل و المينون وصلت الصاله وقعدت صوب امها ..
زايد: اذا جذا العرس بيسوى مابنعرس
ام زايد: انته خبرنى ليش غيرت رايك هااا خلوف
خليفه: بس ما اباهاا لاعت جبدى يوم شفتها
عبدالله: ههههههههههههههههههههههه ضحكتنى و لله هذا مب سبب
فهد: بنشوفك عاد انته شو بتسوى يوم بتاخذ حرمتك
عبدالله: طال عمرك انا مابشوف حرمتى الايوم العرس يعنى يوم بتكون فى بيتنا هذيج الساعه يصير خير
خالد: رياال و لله انك ريال تعلم ويا هالويه ((يطالع خليفه))
خليفه: ممكن دروس خص...................................((سكت وهو فاتح حلجه))
كانت ساروه نازله مثل الاميرات للون الوردى كان روعه عليها رغم التعب بس كانت جميله بمعنى الكلمه شعرها الاسود كان امبين من تحت الشيله للى لا بستنها ..تنورتها كانت سوده مطرز بشكل روعه بخيوط ورديه و البلوزه للى لابستنها كانت بلوزه برقبه ورديه ..اول ماوصلت خليفه قعد امبحلق فيها وناصر يطالع اخته ويعلن علامات النصر ..زايد مب مستغرب لانه يعرف ان اخته حلوه وايد .قعدت ساروه عدال امها للى خافت عليها
ام زايد: اوديج عند الدختور يابنتى
ساروه((بصوت خافت)): لا اماايه
ناصر: خليفه عطنى الكوب للى جدامك ((خليفه فى مكان ثانى ))
فهد: ههههههههههه خلوووووووووووووف
خليفه: ...............................((سرحان))
زايد: اشفيه هههههههههههههههههه ((تقرب من خليفه)) خلوووف
خليفه: اعوذ بالله من الشيطان ياربى تعرف انك تخوفنى
عبدالله: من الصبح يزقرونك
خليفه: محد زقرنى
حمدوه: هههههههههههههههه للى ماخذ بالك يتهنابه ((اطالع خليفه وساروه))
ام خالد: عنلاتج دواج عند خالد
حمدوه: وانا اشقلت هااا ((حطت ايدها على خصرها ))
عبدالله ((يقلدها)): ماقلتى شى
ناصر: هههههههههههههههههههههه حمدووووه
حمدوه: ها شو عندك
ام خالد: انا اريد اعرف انتى بنت والا ولد
حمدوه: انا حمده بنت محمد
زايد: خالتى شوفيج حرام مب زين لها ((يرفع حياته حق حمدوه للى صخت من سمعته يرمس ))
ام خالد: فالك طيب ياولدى بس انا ما بفتك منها الا يوم ريلها ياخذها
زايد: وانشوف عيالها
ام زايد: وانا متى بشوفك معرس
زايد: ردينا على السالفه للى ما احبها
ناصر: عمووه خليه براحته مب زين تحنين
ام زايد: ياولدى ..((قطع رمستهم خالد))
خالد: هيه عموه من صدقه ناصر مب زين الحنه ((يلتفت شاف ساروه)) ووووووويه سارووه اميره العايله كلها شحالج جولييت
ساروه: بخير ربى يسلمك
خالد: تصدقين صوتج عسل يقطر
زايد: اييييه بلاك اختى هذى
خالد: هههههههههههه انزين ماقلنا شى ((التفت على خليفه)) ها خلوف سمعنا انك كنسلت كل شى
خليفه : هيه احسن جذا اصلا انا ما اريدها فهموا عاد
ناصر: فهمنا و لله فهمنا
ام زايد: اشفيكم ترمسون وانا ما افهم
خليفه: ههههههههههههههه عمووووه ترى الارسال عندج ضعيف
ام زايد: انا عندى ارساال
ام خالد: لا يكون انا بعد عندى ارسال ضعيف بسير اكشف
خالد: لله يخسك ان شاء لله هههههههههههههههههههه
زايد: لا اماايه ههههههههههههههه الارسال بس فى التلفون انتى موبايل
ام زايد: عنلاتك ياخلوف تضحك على
خليفه: لالالالالالالالالالالالالالا هههههههههههههههههههههههه احبج و لله
ام خالد: ياويلى منه انا
خالد: اماايه مب جانج نسيتى ابويه فى البيت
ام خالد: ياربى نسيته
ناصر: هههههههههههههههههههههههههههه حلوه هذى
ام زايد: لله يعينج على عيالج
ام خالد: لله يعينج انتى بعد ياوخيتى
الكل قعد يضحك عليهم بس الشخص الوحيد للى ما ابتسم ساروه للى كانت اطالع خليفه بكل حب و حنان و بنظرات شوق ولهفه نظراتها بدت تراقب كل حركه من حركاته وخليفه كان حاس بهذا الشى بعد ماطلعوا كلهم رجع ايب مفتاح سيارته وشاف ان ساروه قاعده مكانها تفكر فى مكان بعيد تقرب منها واشر بايده على ويها : ساروووه
ساروه : هاااااااااااااا ((فتحت عيونها يوم شافته))
خليفه: وين رحتى ((يبتسم))
ساروه: لا ماشى ((كانت تريد توقف بس ايد خليفه كانت اسرع ))
خليفه: قعدى بقولج شى
ساروه((نزلت راسها)): شو
خليفه: ليش ماصارحتينى ..وخليتينى ابنى اوهاااام وقصور وهو ماله داعى
ساروه: ما اعرف
خليفه: انته تفهمين شو قصدى بقولج شى قبل لا اسير لا تنسن انى موجود ((ياشر على قلبها)) اهنيه فى قلبج و انتى فى قلبى مع السلامه ((حب راسها وطلع))
ساروه قعدت اطالعه لين ماطلع من باب الصاله ياناس اول مره احس مثب هالشعور ناس تحب و تموت من الحب وناس يحبون بس يفترقون رغم الحب وناس يتمسكون فى للى يحبونه لين مايلاقونه ساروه صارت اسعد انسانه خاصه فى هذى لليله ..

الجزء الرابع

سارووه ماقدرت تنام لان الموقف للى صار لها مستحيل اتصدقه خليفه يرجعلها وياشر على قلبه انها بتكون موجوده فيه للابد ..قاعده فى غرفتها الساعه 8 الصبح وتفكيرها كان كله فى خليفه ااه لو تدرى عن حبى للى فى قلبى وانقطع حبل افكارها عبدالله للى مب مصدق على لله انه واعى من الصبح زيدق على باب غرفه سويره
عبدالله: سااااااااااااروووووووووووووووه فتحى يالدبه
ساروه: اشفيه هذا صبر بفتح انزين
عبدالله: بسرعه عاااد
ساروه((فتحت الباب)): شوفيك عبووود
عبدالله: شحالج شخبارج اليوم هيه صح يوم الخميس بنسير البر بنقعد ثلاث ايام العايله كلها بتسير
ساروه ((بفرح)): شو اليوم عبوود
عبدالله: الاربعاااااااااااااااااااااااااااااااااااااااااااا اااااااااااااء
ساروه((بحزن)): يالجذاب ...جذاب عينى عينك بعد يالله برايك
عبدالله: ههههههههههههههههههه لا و لله صدق بنسير الخميس هذا البر العايله كلها بتتجمع
ساروه: اليوم السبت وااااااااااااايد باقى
عبدالله: شو يعنى يا سلام بسير اجهز دراجات الشباب عااد تعرفينا نحن
ساروه: ههههههههههههههههههه انزين سير بالله عليك مافينى عليك
عبدالله: يالله مابتنزلين تتريقين
ساروه: زاايد تحت
عبدالله: لا طلع عنده شغل
ساروه: منو تحت
عبدالله: ييييييييييييييييه يااه بدينا التحقيق تبين تنزلين يالله ماتبين برايج

الا و اشوى فهد كان طالع من غرفته
فهد: السلام عليكم
ساروه+عبدالله: و عليكم السلام و الرحمه
فهد (يصد على ساروه)): ها الغاليه شحالج اليوم
ساروه: بخير و الحمدلله
عبدالله: جيه انا ولد البطه السوده و الا لاقطين من صدوق طماااااااااط
ساروه: الاختيار الثانى
فهد: ممكن اتصل بصديق
عبدالله: هيه اطنزوا على انته يالله ننزل
ساروه: انزلوا انتوا بلبس و بنزل
فهد: يالله نترياج
عبدالله: يالله بسبقكم
نزلوا فهد و عبدالله يتريقون مع امهم للى من الصبح واعيه علشان زايد للى عنده شغله ضروريه لازم يخلصها اليوم و ما يقدر ياجلها ..لان هو البجر و اكبر واحد من اخوانه ويدير ورث ابوه للى كان عباره عن محلات تجاريه الى عقارات و سنترات و مولات و من غير العمارات و غيره و غيره
الكل كان يشهد حق زايد بحسنه السيره و السلوك على الرغم من الجمال ونظرته للى تبين انه خقاق بس هو عكس ..فى السياره زايد قاعد جدام مبنى البلديه يريد يشترى ارض و يبنى عليها وقاعد يجهز باوراقه علشان يدخل ..يوم نزل من السياره شاف وحده وقفت جدام بالظبط مايفرقها عن زايد غير خطوه او خطوتين
البنت: السلام عليكم
زايد: و عليج السلام اى خدمه اختى
ندى: لا الغالى ((وافده ترمس مواطن))
زايد: عيل ليش واقفه فى طريجى
ندى: بصراحه عيبتنى و اتمنى اكون ربيعتك اذا انته محد شاغلك
زايد: سمعى يابنت الناس انا مب راعى هذى السوالف و لا لى دخل فى كل هذا اذا انتى تبين حد يسير وياج ويسهر وياج فالسموحه دورى غيرى
ندى: انته بعدين دخلت خاطرى و انا من اريد الشى اخذه
زايد: نعم ماسمعتج عدل ممكن تعيدين شو قلتى
ندى: كلام الملوك لا يعاد
زايد: اسمعى انا محترمنج لانج بنيه مب علشان شى و لله ترانى انا ما انزل راسى بناس شراتج
ندى: افهم من كلامك
زايد: اجلبى ويهج يالله
ندى: لا و لله صح انى مريت بعلاقات وايد بس كل للى مريت فيهم مب شراتك
زايد((اتضيج)): يالله شو هالبلوه الحين –يصرخ- خير شو تبين الحين ممكن افهم
ندى: ههههههههههههه ليش تصرخ بيسمعونك بعدين بقول انك انته تحرشت بى
زايد(وصل حده): نعم ممكن اتسيرين عن دربى اصلا انتى حرام حد يطالع فى ويهج

مشى زايد عنها و هيه كلها قهر وقعدت تتوعد له خذت رقم سيارته وسارت صوب سعيد للى يشتغل فى المرور وعطته رقم سياره زايد تريد تعرف اسمه ...وبعد المحاولات والجذب للى الفته حق سعيد للى معروف عنه مغازلجى رقم واحد فى العين وكل اسبوعين متعرف على بنيه وندى يعتبرها مثل اى وحده تلبيلها رغباته المينونه ...ندى حطت فى بالها انها كسبت و عرفت انه هذا اسمه زايد
ندى: وين تروح منى انته بس الحين عرفت اسمك وباجر رقمك ((حاطه وايد اماااااااااااااااااااااااااااال ))
زايد خلص اوراقه فى البلديه ويوم طلع شافها بعدها واقفه عدال سيارته وقعد بتافف ياربى هذى شو تبا الحين بتصل حق خالد احسن
اتصل حق خالد
توووووووووووووووت تووووووووووووووووووت
زايد: وينه هذا مايريد
خالد: هلا و لله بابو سلطان
زايد: تعال دخيلك تساعدنى
خالد(خاف): شو مستوى ؟؟!!
زايد: وحده مطفرتبى قسم بالله بصفعها جدام خلق لله
خالد: هههههههههههههههه انزين الحين باييك
زايد: يالله اترياااك ((سكر الخط)
مشى زايد لين وصل السياره وهيه واقفه عداله و اطالع بنظرات دقايق الا واحد نازل من سياره بورش سوده وقفت هيه متسمره مكانها فاجه حلجا ياربى كل واحد احلى عن الثانى يوم قرب الريال انصدمت
ندى: خالد مستحيل ((بخوف))
خالد: هاندى اشوفج ماتعبتى
زايد: هاااااااااااا وابوويه من وين تعرف هذى
خالد: منو مايعرفها هذى ..
ندى: احترم نفسك
خالد: هههههههههههه خلينا الاحترام لج يا محترمه
ندى: لا و لله ماصرت اشوفك فى الكوفى
خالد: باباتى خالد للى كنتى تلحقينه كشفج وعرف انتى منو .
ندى: نعم اخويه ((تحاول تعدل رمستها المواطنه))
زايد: شو من الجنسيات
ندى: مواطنه
خالد: ههههههههههههههههه يالجذابه انتى لو تيبين ظفر بنت بلادى ذيج الساعه رمسى
ندى: خلاص عاد
خالد(بكل جديه): اسمعى اذا تقربتى منه ياويلج يولاه فاهمه يالله
ندى: تهديد يعنى
خالد: افهميها مثل ماتبين يالله ترانى و لله ابلغ الشرطه
زايد: مافينا على المشاكل وندخل السجن بسبب هذى الاشكال
ندى: مالت عليكم
راحت ندى عنهم و هم يضحكون عليها من الخاطر شكلها يضحك و لله وافده وتشرط بعد ..
زايد: يا اخى فكيتنى من هالعله و لله
خالد: انته ريال اشكبرك و ماتعرف تصرف
زايد: شو اسووى فيها تعرف انى ما احب احتك مع هالاشكال ..هيه اشعرفك فيها انته
خالد: هذى دوم فى كوفى العين مول عاد الشباب مايقصرون فيها
زايد: كيف يعنى
خالد: خلها مستوره مافينا نرمس حتى نحن عندنا خوات
زايد: هيه نعم يالله عيل بتخاوينى البيت و الا
خالد: شورايك انسير عند سلوووم
زايد: شو اسوووى اهناااك
خالد: والا اقولك مافينى تعبان
زايد: عنلاتك تعزم و انته بعدين تتعايز عن السيره
خالد: شو اسوى ياابووووك
زايد: هيه صح بتخاوينا البر يوم الخميس
خالد: هيه نعم بس طالع قبلكم انا بيوم يعنى
زايد: لا و لله بخاويك عيل
خالد: وعموووه من بايبها
زايد(بنظره سخريه): عندها فهود و عبود
خالد: عيل خلاص الاربعاء الظهر بنظهر صوب البر انجهز المكان مع العمال انزين
زايد: ان شاء لله
سار زايد صوب البيت وهو منهد حيله خاصه الموقف البايخ للى صارله وصل البيت وسلم على امه و اخوانه و طبعا الدلوعه سارووه
زايد: امااايه انا يوم الاربعاء بطلع البر مع خالد
ام زايد: بتسيرون تعدلون اهناك
زايد: هيه نعم اماايه لانكم بتوصلون الصبح اهناك
ام زايد: ان شاء لله ياولدى على خير
زايد: هاسارووه بتسيرين
ساروه: هيه بسير عيل اقعد بروحى شو اسووى
عبدالله: سوى غدى عشا كل حاجه
فهد: لله يخسك هههههههههه جان بتشغل اختى خدامه
زايد: بس انته ويااه انا بسير غرفتى فوق اذا تبون شى العصر خبرونى ما اريد حد يدق على
ساروه: ان شاء لله
ام زايد: ما تبانى انجبلك غدى
زايد: مالى خاطر و لله اماايه
ام زايد: براحتك ياولدى

طلع زايد غرفته يوم دخل عق بعمره على السرير سكر عيونه مر طيف حمده جذا بدون سابق انذار وفتح عيونه شو السالفه شى فينى انا اليوم ليش افكر فى حمدوه الحين انا افففففففف ياربى راسى يعورنى ..فى الجهه الثانيه حمدووه مستانسه وايد لانها بتسير البر وان العايله بتكون متجمعه وهيه نازله من على الدرى شافت ناصر قاعد يشوف التلفزيون وتصرخ لانه سرحان
حمدوه: بووووووووووووووووووووو
ناصر: بسم لله حشى مب بنت و لله هب بنت
حمدوه: هههههههههههههه اشفيك يادب عيل وينه خليفه
ناصر: سار الحمام الحين باييج
حمدوه: يقولون لطوووف حاشرتنك بالتلفونات
ناصر: شو اسوى باخوج يوم فر بطاقته على
حمدوه: ههههههههه حليلك اخوى
ويدخل خليفه
خليفه: هلا و لله نفاذ
حمدوه (باستغراب): منو نفاذ بعد
خليفه انتى يا هبله
حمدوه: انا يا بوراسين نفاذ
ناصر: بدينا انتو الاثنين بس عاد الصراحه راسى يعورنى
خليفه: هاقعدنا سكتى اريد اشوف الفلم
حمدوه: شوف انزين عنلاتك
خليفه: هيه صح مشكوره على فكره البر
حمدوه(بفرح)): بتسير
خليفه: ما اعرف يمكن لا و يمكن هيه
ناصر: اشعنه
خليفه: ما اعرف
حمدوه: اقولك ناصر التيس لو بترمسه من اليوم لين باجر ما بيرد عليك
خليفه: هههههههههههههههههه غصب اروح يعنى
حمدوه: شو بتسوى اهنيه بروحك يعنى
خليفه: قلت يمكن انا ؟؟!! خبله و لله
ناصر: اسكت عنها احسن مافينا على لسانها و لله
خليفه: انزين هههههههههههههههههههههههه
حمدوه: جب انتوا الاثنين
قعدوا خليفه و ناصر يطفرون بحمدوه ويضحكون عليها ..الكل على اعصابه تمر الايام و اليوم للى بيجتمعون فيه العايله وصل ميعاده زايد و خالد من يوم الاربعاء موجودين فى البر واليوم الخميس الكل طلع بس خليفه بعده راقد طلعوا قبلها يمكن يلحقهم ..الكل وصل المكان للى بيقعدون فيه كان المكان عباره عن مزرعه كبيره وارثنها بومحمد من يده مساحتها وايد كبيره بس فى البر كانت غير المزارع لانها فى البر وفيها كل شى من خضره و نخل وفواكه و من غير الخيول و المسابح ..اول ماوصلن السيارات الكل نزل و اجتمعن الحريم و البنات و الرييايل فى القعده للى برع
زايد: هلا اماايه شحالج
ام زايد: بخير ربى يسلمك فديتك
عبدالله: بدينا عااد
زايد: هههههههههههههه بس عاد شو تغار من اخوك
فهد: هيه بعد شو
زايد: وين ساروه
عبدالله: مع البنات ما اتشوفها
زايد: شفتها خلاص

ساروه وموزه قاعدات يتمشن ..
سارووه: يالله خليفه ماباى اليوم
موزه: اففففففف منج شو اسوي يعنى
ساروه: ليش ماي
موزه: سكتى بالله عليج حمدوه وصلت

حمدوه: السلام عليكن
ساره+موزه: وعليكم السلام
ساره: شحالج حمدوه
حمدوه: بخير يعلج الخير فى بعض الناس راقدين ومايو معانا اليوم
ساروه((نزلت راسها)): ليش؟؟
موزه: انتى تعرفين
حمدوه: بالله عليج ما اعرف ان سويره تحب خلوف اخويه الطمه
موزه: ههههههههههههههه ماشاء لله مريم نور بسميج
حمدوه: تخسى هالعيوز
ساروه: بس انتوا الثنتين ((تاشر على ميره)) ميروووووووووه اهنيه اهنيه تعالى
حمدوه: فديتها و لله ماشفتها

وصلت ميره..
ميره: شحالكن بنات
البنات: بخير
ميره: ها ساروه شو هباتج اليوم
حمدوه: ههههههه الحمدلله بس تحطمت الشعور
ميره: ههههههههه شو ؟؟!!
ساروه: فضحتينا تراج ((مستحيه))
ميره: اصلا ادرى انج تترين خليفه
ساروه وموزه منصدمت ميره اشعرفها خيبه هالكثر الحي يلاحظونه على ..حشى مب ويهى على يمتص الاشعه بسرعه الا و اشوى ام خالد تزقر البنات علشان يقعدن مع يدهم ..عااد خبال البنات واصل 180 درجه دام ان حمدوه معاهن قعدن يركضن لين وصلن المكان للى اهلها قاعدين فيه ...
بومحمد: هابنات اشحالكن
البنات: بخير ربى يسلمك يدى
حمدوه: يدى
بومحمد: هلا بنيتى
حمدوه: قول حق الشباب يعطونا الدراجات
بوخالد: عنلاتج شو تبينهن ماعندنا بنات يركبن دراجات
حمدوه: ابوووووووووووويه عاااد و لله اشويه
ام خالد: تبين تشوفين شكلج وانتى متفيزره على الدراجه تقولين بقره
حمدوه(برطمت)): خلاص انسوا
ام خالد: احسن

والشباب ماصدقوا على لله نقعوا ضحك عليها و هيه تخزهم بعين وتتوعدلهم : ماعليه انزين اذا ماحرمت عليكم الدراجات وقطع حبل مخططاتها خالد للى من يسولف يذبحهم من الضحك
خالد: اقول خالوووه
ام سالم: هاياولدى
خالد: كم بنت عندج
ام خالد: اشعنه بتتنقى و الا تتطنز
سالم: خالووو مافيها شى
زايد: عدهن هذان جدامك
خالد: صبروا ميروووه
ميره: شو اصغر اعيالك ميرووه
خالد: جب الحين لا الصق هالفنيال فخشمج
صخت ميره وماقدرت ترمس ..وقعدت اطالعه وهو يضحك
خالد: جذا زين لخبطينى
ام سالم: ياولدى عندى سالم وميره ونوره وموزه
خالد: خالوه احيد سالم ريال هب بنيه
سالم: ههههههههههه عنلاك يالخام
بوممد: ياويلى منكم من عيال عيل وينه خليفه يخمكم كلكم
فز قلب ساره من سمعت طاريه وتلتفت اطالع فى مكان بعيد ااااااااااااااه يا خليفه وينك مب حلوه المزرعه بلاك
حمدوه: سارووه
ساره: هااا
حمدوه: تبين جاى
ساروه: لا

نش بومحمد وبوخالد ((ولده)) و الحريم صوب بيت المزرعه وقعدوا الشباب بروحهم ...
ناصر: سولفوا
زايد: وين انسولف ياابوك ماتشوفهن مجابلاتنا
حمدوه: شو عله على قلبك
نوره: زايد ((بدلع))
زايد فخاطره يقول لوعتى جبدى : هااا شو
نوره: اريد اركب الدراجه
ناصر: فرى عمرج من فوق
سالم: ليش فوق
عبدالله: عيل شو تسووى ..
خالد: تحفر قبرها هههههههههههههههههههههههههههههههههههههههههههه
زايد: خس لله بليسك ياربى بس عاد ذبحتنى من كثر ما اضحك
موزه: اريد ماى
عبدالله: اقول شباب كانكم سمعتوا شى غريب
ساروه: هههههههههههههههه عبوود
عبدالله: لحظه بشوف مصدر الصوت
موزه((تفر الكلينكس عليه)): انا للى ارمس
عبدالله: انتى حلفى و لله ..تعرفون شو تحسبتها
الشباب: شوو
عبدالله: هههههههههههه سيده ملعقه
موزه: انا سيده ملعقه يالهرم
عبدالله: لا سيده ملاس
خالد: من متى و انا اتصل على هالخام
زايد: منو
خالد: خليفه
ساروه(معصبه –طبعا حبيب القلب ): عطونى الاكواب
زايد: ليش معصبه انزين
ساروه: مالكم دخل
حمدوه: هههههههههههههه هدى اعصابج ساروه
ميره: بس حمدوه ساروه وايد حساسه
حمدوه: هزرج خلاص بسكت
موزه: يوعااانه
عبدالله: شو تبين
سالم: اشوفك داق سوالف ويا اختى
عبدالله: مابينا شى انزين جب ((يلتفت على موزه)) شو تبين
موزه((اطالع عيونه الا و اشوى بيطيح مغمى عليها)): ما اريد شى
عبدالله: أكيد
موزه(مستحيه): هيه
نوره: موزه شو يباج عبدالله (جدام الكل)
موزه(بارتباك): ماشى
نوره: الا شى (تلتفت على سالم) من الصبح يتهامسون ويطالعون بعض
زايد: اييييييييييييه انتى لا تقعدين تتبلين فاهمه و عبدالله حسبه اخوها يالله و لا كلمه
نوره: وانته اشدخلك
زايد: بدخل ونص وبعدين هذا اخوى فاهمه
سالم: سيرى داخل نوره مب ناقص حشرتج
نوره: بسير مالت عليكم
خالد: لحظه لحظه
نوره(بدلع): نعم
خالد: بسم لله الرحمن الرحيم شوفى البقره (ياشر عليها)) تشابهج
نوره: سخيف
زايد: هههههههههههههههههه حلوه منك
سارت نوره وهيه معصبه خلاص وتدخل غرفتها للى بالمزرعه وتصك على عمرها الباب ..الشباب بعدهم فى قعدتهم الا و اشووى يسمعون صوت اغانى واصل لين اخر الدنيا سياره استيشن سوده مخفى كامل ماينشاف منها شى نزل منها خليفه وكان حاط اغنيه راكان الهم (( مهموم فى يوفى تمنى هم على هم ..هم فى راسى متعبنى و هم فى قلبى ثبت و تم ))
خليفه: مرحبا السااااااااااااااااااااااااااااااااااااااااااااااا ااااااااااااااااع ((يشوف ساروه))
ساروه من شافته حطت ايدها على قلبها .وقعدت اطالعه ..كان لابس كندوره سوده على سفره حمره روووعه كانت عليه من غير النظارات الشمسيه للى لابسنها توايهه هو و الشباب وقعد مجابل البنات ..
حمدوه: اخويه ماشاءلله متكشخ اليوم
خليفه: تبين اى بكشه مثلج تقولين ماسكتنج كهربه
حمدوه: مالت على يوم رمستك
خالد: اشفيج يسولف
حمدوه: من متى هذا يسولف
خليفه: ياربى ذبحتينى ناقص عمر تعلمى كيف تكونين رقيه بليييييييييييييييييييز ولو مره وحده جذا محد بيخطبج
حمدوه: وليش عاد شو ناقصنى
زايد: ماينقصج شى بنت محمد
حمدوه: تسلم ولد عمتيه
خليفه: علشت الاخت (يطالع ساروه للى منزله راسها) سوووووووووووويره شحالج
زايد(يطالع خليفه): مب جانك ادلع اختى
خليفه: هيه انطم الحين
زايد: اها انزين اوكيه
خالد: و لله انتو الاثنين يبالكم كفخه
ساروه: بخير ربى يسلمك
خليفه: شو صحتج الحين
ناصر: ياسلام تحقيق هو هههههههههههههههههههههههههههه
خليفه: لو سمحتوا يعنى ممكن لا تتدخلون ((يبتسم))
الشباب: لا و لله
ميره: ترانا بنقوم
خليفه: قومى اذا ماكسر ريولج جونقر ((قصده خالد))
ميره: منو جونقر ؟؟!!
زايد: هههههههههههههههههههه ياغبى بتفضحنا انته شكلك
خليفه: ههههههههه احسلى اسكت (يطالع خالد)) هيه وانزين خالد
خالد: شووو ؟؟!!
ناصر: يدارك الموقف يعنى (يصرخ على فهد)) فهووود
فهد: ها ترانى عدالك ليش تصرخ
ناصر: لا بس علشان عبود يسمعنى
عبدالله: ليش قالولك اصمخ
موزه: هيه و لله قالولك اصمخ ((بدون قصد الحبيبه قالتها))
عبدالله: شو
موزه: هي ساروووه تحيدينا ابلتنا الصمخه ((تغير من موقفها ))
خليفه: هيه زين جان ابلتكم صمخه بعد
حمدوه((مبرطمه)): خلونا نلعب بالدراجات قوموا
زايد: لا مب زين حق البنات الدراجات
حمدوه: ليش يافيلسوف زمانك
زايد: لانج يمكن تتعورين
خالد: ويمكن تنفلعين ((يلتفت على زايد)) انويدهن صوب الحوض
زايد: فكره (ياشر على البنات) قومن يالله انسير
البنات: ووووووووووووووووووين
الشباب: صوب الحوض

كلهم تحركوا صوب الحوض الكبير للى مصممينه بشكل يتناسب مع شكل المزرع بس بصراحه وايد حلو شكله الحوض الشباب شلوا معاهم شورتات علشان يتسبحون . البنات قاعدات و مستحيات خالد كان فنان فى السباحه يعنى يعرف كيف يسبح عدل لان من صغره كان مشترك فى مركز هواه السباحه و الفروسيه زايد و خالد وسالم و عبدالله وفهد كلهم فى الحوض الا واحد اللى هو خليفه للى من الصبح واقف مايدرون شو يسوى
خالد: ااااااااايه خلوف يالله تعال
خليفه: لله يخسك شوف هالشورت كيف و لله فشله
زايد: تعال ما بيطالعنك
حمدووه: يالله عاااااااد عن الدلع
خليفه: خليته لج (يرمس زايد) قول حق البنات يسكرن عيونهن لين ما ادخل الحوض و لله مفتشل
زايد: هههههههههههههههه انزين (يرمس البنات) سكرن عيونكن

دخل خليفه بثقه ودش الحوض للى كان صدج بارد من الخاطر وقعد يرتجف عاد خليفه كله ولا شعره كان مسونه قصه امريكيه حلو واايد ..فتحن البنات عيونهن وساروه مستحيه من الخاطر حست ان شى وراها التفت علشان تشوف منو ..شافت نوره..
نوره: ماشاء لله عليكم تعرفون تسبحون
الشباب مسويلها طاف ولا على البال .
نوره: ساروه تعرفين تسبحين
سارو: لا ما اعرف انا اخاف من الماى
نوره(محاوله لانتقام من زايد وخالد): ساروه تعالى شوفى
ساروه: شو
نوره: شوفى مب هذا حق خليفه
قامت ساروه من مكانها للمكان للى اشرت فيه نوره و للى يبعد حوالى عشر خطوات عن خليفه دزت نوره ساروه داخل الحوض و الكل التفت يوم سمعها تصرخ ..بس كان خليفه اسرع من انها تغرق او يصير فيها شى سحبها لين السطح وهيه تصيح وحاول يسكتها لين ماوصل زايد
زايد: ساروه حبيبتى استوى فيج شى
ساروه(بخوف): لالالالا ( تحظن اخوها من الزياغ))
زايد: بس حبيبتى خلاص عاد ساروه
خليفه(خايف): سارووه صار فيج شى
ساروه: لا بس ملابسى كلها مااااااااااااااااى
نوره: حبيبتى و لله
ساروه: شلى ايدج عن ايدى لا افرج بالقوطى للى جدامى
خليفه: عاشت ساروه لا قصدى خماسى
ساروه: انا خماسى
خليفه(يطالعها بعيونه): عيل
ساروه: ها ..هيه هاااااااااااااااا
خالد قعد يطالع نوره لان يعرف انها فرتها عن عمد بس لله ستر ان خليفه كان اهناااك حب ينغزها بالرمسه
خالد: هانوره ليش ما مسكتيها
نوره(بخوف9: مالحقت عليها
ساروه: اصلا انتى متعمده تفرينى
سالم: ياربى بسكم خلونا نستانس احسن عن نوره وسوالفها البطاله
نوره: انا الحين بطاله يا....
سالم: يا شو كلمى ماالفج بكف يوديج عند امج
حمدوه: عصب الجبريت
خالد: حمدوه بس
حمدوه: هههههههههه انزين
نوره: للى يقعد وياكم انزين
خليفه: نحن ماطلبناج تقعدين ويانا بعدين
نوره: انا بروح انزين
ميره: بس نوره خلاص عااد
موزه(اطالع عبدالله): فشلتنى هذى شو اسوى انتحر و الا شو اسوى بعمرى
عبدالله: اتشوفين الحديده للى فوق
موزه(اطالع): وين
عبدالله: هناكى هاااااااااااااا شوفى عااد كل هذا حول
موزه: هيه شفتها
عبدالله: ربطى عمرج وطيحى بتموتين مثل السمجه ههههههههههههههههه
موزه: عنلاتك وانا صدقت
ساروه: انتى كل تصدقينه و لله خبله
ناصر: ههههههههههههههه بسم لله اشفيكم
فهد: جبريتات مستويين
خالد: شو جبريتات اول مره اسمعها
فهد: هذى العربيه عندى
الكل قعد يضحك ونوره محترجه مكانها وسارت و لا عطت حد ويهه ..بعد المغامره الحلوه فى المسبح صار وقت العشا الكل سار يصلى و اتجمعوا يتعشون وبومحمد ماقدر ياكل الا لين يشوف عياله كلهم حواليه اجتمعت العايله .
بومحمد: ها ياعيالى عساكم مرتاحين ما تشكون باس
بوخالد: الا مستانسن و متشققين
خالد: و لله انى فرحان بالقو تصدقون
زايد: اقول جهزوا عماركم بينفجر من الوناسه للى عدالى
ناصر: يالله اتجهزت انا
عبدالله: عيل وين البنات
سالم(يغمز له ): البنات الحين بيوصلن .(يبتسم) ليش اشحقه .
عبدالله: مااااااااااااصخ ماعندك سالفه
خليفه: يالله بردان
فهد: على ما اظن نحن فى عز الصيف
بوخالد: كيف ماتريد تبرد و انته تحت المكيف قم يالله
بومحمد: عااد كله ولا خليفه اشفيك عليه
بوخالد: شوف وين قاعد انزين
خليفه: بقوم ها (قعد عدال ابوه)

دخلن البنات وحده ورى الثانيه بس ساروه وموزه بعدهن مانزلن .قاعدات يدورن شيلهن .ماحصلنها وين وقعدن فوق امبرطمات لين دقت ميره الباب و عطت حق كل وحده شيله ونزلن تحت ..اول ماوصلت ساروه الصاله طاحت عينها فى عين خليفه للى من طالعها ابتسم و حط ايده على قلبه ولف علشان محد ينتبه عليه بس نوره ملقوفه تحب تحرج ساروه وايد لانها مثل ماتقول انها السبب فى ان زايد مايحبها .
نوره: امااايه
ام سالم: هايابنتى
نوره: بطنى وايد يعورنى اليوم وايد كلت اناناس
زايد فى خاطره يقول يالله كل يو معلشان نفتك من لسانج وخالد نفس الشى موزه قاعده تلعب مع عبدالله بلاى استيشن تو ومستانسين الحبايب ..
بومحمد: يالله ياعيالى تعالوا نتعشى
الكل: ان شاء لله طويل العمر
قعدوا كلهم عدال بعض تقريبا الشباب من صوب و البنات من صوب لحسن الحظ كان جدام خليفه السلطه للى تحبها ساروه و هيه قاعده تتحرقص شافته ياكل منها وفى خاطرها تقول اذا انته كلت جانى انا للى ماكله فديتك يوم تاكل
نوره: ساروه تبين السلطه
ساروه: اى سلطه
نوره: للى عند خليفه
ساروه: لا ما اريدها خليه ياكل ليش جذا انتى
ام زايد: اشفيكن
خليفه: عمووه طبيها هذى نوره تحب اتسوى من الفول فيل
ساروه: ههههههههههههه فيل الا فيله
خليفه: هيه بعد شو
زايد: بدوا الاثنينه الحين
بومحمد: خلهم يعيبونى انا جذا
ساروه: هات العصير للى جدامك
خليفه(يمسك العصير): ها يودى (نوره تاخذ العصير عنه)
نوره: هات انا اريده
ساروه: انا طالبتنه
نوره: هيه تراه هذا خصوصى
خليفه: ترانى و لله يا افتحه على راسج
ساروه: ههههههههههه بتصير مسيو طماط
زايد: هيه عندكم اياها
حمدوه: هيه عاشت بنت عموووه طيرى
ساروه(باستغراب): وين اطير
خليفه: خليها هالخبله تعالى وقفى عدالى
ساروه: اشحقه
خليفه: تعالى لا المج بكف يفر فجج الحين
ساروه: ههههههههههههه هااا انزين وقف (وقفت عداله و الكل يضحك)
خليفه طويل وايد وافتشلت ساروه من جذا
خليفه: ها ياست نوره تتحدينا
نوره: نعم نعم
ساروه: مثل ماسمعتى
نوره: ماسمعت شى
ساروه: خلوووف (فتح عيونه خليفه) لا تعيد رمستك كلام الملوك لا يعاد
نوره: ههههههههههه ياراعيه خليفه
بومحمد: عيب عليج يابنت
نوره: يدى هم للى بدوا
بو خالد: بس عيب (يطالع خليفه) اقعدوا

قعد خليفه وساروه واقفه يسحبها من ايدها علشان تقعد
خليفه: حووووووه خلاص قعدى
ساروه: ههههههههههههه انزين بسير بمكانى
خليفه: انزين
خالد: اريد ارقد تعبان
زايد: وانا بعد بطنى مترووس اكل و لله واريد ارقد
بومحمد: سيروا رقدوا ياعيالى
ناصر: انا بسير ارقد (حب راس يده وابوه) اسمحولى

الكل سار يرقد ويجهز حق باجر لانه بيكون فيه اشياء وايد قرروا يسونها ..........

فى غرفه البنات .((ساروه و موزه))

موزه: سارووه شوفيج
ساروه: اريد اشوف اذا خليفه راقد و الا لا
موزه: عنبوج الساعه 2 الحين اكيد راقد
ساروه: ما اظنى
موزه: شو بتسوين يعنى الحين
ساروه(عدلت قعدتها): بسير اشوفه وانتى معاى
موزه: لا اخاف
ساروه: تعالى عاد
موزه: انزين يالله شو نسوى

نزلن تحت البيت كان وايد هادى ماشى صوت ابدا دخلت الصاله شافت التلفزيون مشتغل تقربت اكثر كان حد راقد شغلت لليت شاف خليفه وبسرعه سكرت لليت ويابتله لحاف علشان تغطيه ..خليفه مب راقد بس مسكر عيونه شاف ساروه تتقرب اشوى شوى يريد يضحك بس ماسك عمره يوم تقربت عدال ويهه قعدت تتامل ملامحه الا واشوى
خليفه: بوووووووووووووو
ساروه: ااااااااااااااااااااااااااااااااااااااااه روعتنى
موزه: بس قصرى حسج
خليفه: ليش مب راقدات
ساروه: مايانى ارقاد
خليفه: حتى انا و لله
موزه: لله الجو حلو ساروه شورايج نمشى اشوى برع
خليفه: اييييييييييييييه يالمينونه شو الحين ما تخافين بروحج شو
موزه: لا ها ساروه شو قلتى
ساروه: اخااااااااااااااااف
خليفه: يالله نسير نمشى اشويه برع
ساروه: و لله (بفرح)
خليفه: هيه
موزه: يالله (فتحت الباب وطلعت)
موزه وساره متجدمات خليفه للى يمشى وراهن قعد يتامل هالملاك للى جدامه يتامل كل حركه وكل كلمه تقولها ياربى شو صاير فينى اكيد بديت احبها هذى منى وفينى من زمان صح انى كنت احبها بس لين الحين احبها ولا وحده من للى رمستهن يساونها اااخ ياساروووه لو هذى الطمه موزه اشوى اتسير ..فخاطرى اقولج احبج بس كيف اخاف تفهمينها غلط ..وقطع حبل افكاره ساروه تناديه: خليفه تعال شووف
خليفه(انتبه): هااا شو
ساروه: شوووف
خليفه: ياسلام حلو ولله هالطير
موزه: يسمونه طير الجنه حلو صح
خليفه(منبهر): وايد حلوو
ساروه: شورايك فيه
خليفه: اقولج وايد حلو واايد
ساروه: موزه تعالى نغنى
موزه: شو انغنى انتى صوتج حلو
خليفه: صدق يالله غنى ساروووه
ساروه: شو لا ما اريد استحى
خليفه: اقولج غنى يالله
ساروه شافت فى عيون خليفه نظرات اصرار فرضخت لامر الواقع وبدت اتغنى الاغنيه للى ترددها دووم: يالله اسمع عااد .
خليفه: سمعنا ..
ساروه: ((يابوى ضاع العقل منى فى شفه خلى ناعم العود
امس ابتعد يابوى عنى واليوم فكرى معتمى زود ..
.عفت الحياه بلاه كنى منقاد انا الاحزان ياقود
..دوم الزمان معاندنى ليته يزيح الهم وايوود .
..باول زمانى كنت اغنيه و احيدنى به كنت محسود ..
..واليوم غارق بالتمنى وسط البشر مانى بموجود ..
.اسرح واهوجس به واونى وادعى عسى ايرد ويعود
..يابوى ضاع العقل منى فى شفه خلى ناعم العود)) سلامتكم

خليفه: روووووووووووووعه بصرااحه
موزه: يبالها كلام
ساروه: بس عاد استحى انا
خليفه: تعالى اريد ارمسج فى سالفه
موزه: اسير انا
خليفه: امممممممممممممممم ما اعرف بس فى خاطرى رمسه
ساروه: ارمس خليفه عاااد
خليفه: موزه ممكن اشوى
موزه: ان شاء لله (بفرح)

التفت خليفه لين شاف ان موزه دخلت البيت صد صوب ساره للى من الصبح قافطه ماتعرف شو اتسوى
خليفه: اييييييييييه بلاج
ساروه: ماشى
خليفه :ساروه بسالج بس اتجاوبينى بصراحه
ساروه: أكيد
خليفه: من متى تحبينى
وقف قلب ساروه للى نزلت راسها من القفطه هذا شو قاعد يقول : هااااااااااااا ليش هذا السؤال بالذات
خليفه: اعرفج مابترمسين بس بقولج عنى انا
ساروه(بخوف): شو
خليفه: انا صح احبج ولين اليوم بس حاولت المح لج بس ماشى فايده حاولت لين تعبت شفتج ماتبادلينى المشاعر .صرت اتعب نفسيا كل بنت كنت ارمسها كنت اشوفج انتى اقول فخاطرى اااه لو تحس فينى ساروه بس وين انا و انتى وين
ساروه: كنت ترمس بنات
خليفه: لا تقعدين تمسكيلى على الوحده يالله جاوبى
ساروه: انا ماكنت اعرف شو مشاعرى تجاهك كنت احاول نفس انته ماتحاول بس ماشى امل حسيت ان ماتهتم وقبل كنت كل ما اطالعك اتصد عنى
خليفه: تعرفين ليش؟؟
ساروه: ليش؟؟!!
خليفه: لان عيونج تذبحنى و لله بس اريد اقولج الحين وفى هالوقت وهذا المكان انى احبج ساروه
استحت ساروه و نزلت راسها ورفعته وطالعت خليفه : وانا بعد و لله
خليفه: ادرى
ساروه: كيف
خليفه: اصلا انتى مرضتى و السبب انا صح
ساروه: كنت حاسه انى بخسر حياتى وانا السبب فيها
خليفه: خلى بالج ترانى وراج وراج ولا تنسين انى عايش
ساروه: لله يخليك ان شاء لله
خليفه: لج ان شاء لله
استحت ساروه وسارت عن خليفه للى راقبها لين دخلت البيت ولارض مب شايلتنها