|
للي ما فتح عندي الرابط انا بكمل القصه ... |
الــــــــــــــــــــــــــــــجـــــــــــــــــ ـــــــــــزء الـــــــــثــــــــلاثــــــــــــــــــيــــــــ ــــــــــــــــــن *** عقب شهرين من الأحداث السابقه وبالتحديد في الاسبوع اللي عقب عيد الأضحى*** طلعت من كلاسي .. من فوق شفت حمدوه وشمسوه طالعات يربعن .. خفت شو ياهن .. نزلت بسرعه وركضت وراهن .. أول ماشفتهن زقرت عليهن من بعيد العنود: حمدووووه .. شميس وقفن ولفن صوبي .. مشيت بأسرع خطوات قدرت عليها لين وصلت عندهن وأنا ألهث العنود: شو بلاكن تربعن سحبتني حمدوه من ايدي ومشينا بسرعه .. طلعنا من الجامعه وركبنا السياره العنود: شو صاير .. شو فيكن حمدوه: حارب وعلي في المستشفى شمسوه: غرين روح مستشفى توام بسرعه العنود: ليش .. شو السبب شمسوه ( تصيح): سووا حادث اليوم الصبح العنود( منصدمه): حادث!! رديت الغشوه على ويهي من حسيت بالدموع ينزلن على ويهي .. مب قادره أتحمل هالصدمه .. وصلنا المستشفى .. وقف غرين عند قسم الطوارئ .. نزلنا بسرعه .. ماعرفنا وين نروح .. مشت حمدوه عند الرسبشن وسألت عنهم ... وشمسوه اتصلت حق شيخه تتخبرها .. شفت خليفه توه داخل المستشفى .. رحت صوبه خليفه: العنود!! شو تسون هنيه حمدوه: خليفه دخيلك ودني عند علي .. أبغي أشوف حارب خليفه: انتن هدن الحين .. ردن البيت الرياييل كلهم ميتمعين شمسوه: ما بروح .. دخيييلك خلوف فديت روحك .. خليفه: لا إله الا الله .. مشن رحنا ويا خليفه .. مشينا في ممر كان زحمه .. كله رياييل دخلنا في وحده من الحجر لقيت شيخه وسلامه وعموه أم عبدالله فيها .. رحنا صوبهن .. حمدوه: أمايه حارب وعلي وين ؟ محد رد علينا .. وكل وحده منهن يالسه وتقرا من صوب .. دخل سالم ويبين على وييه انه تعبان ومهموم ورحنا كلنا صوبه أم عبدالله: سالم دخيلك ودوني عند عيالي سالم: استهدي بالله يدوه ماعليهم شر أم عبدالله : وين ما عليهم شر وحارب محطوط في العنايه العنايه!! .. حارب في العنايه!! لا يا ربي لا .. ياااااااااالله يا ربي انك تخليه ..دام انه في العنايه أكيد ان حالته خطيره .. سالم: أمايه ادعوله .. لا اتمن تحنن لا أردكن البيت كلكن الحين سلامه: وعلي .. فدييتك يا وليدي طمني على علي سالم: علي الحمدالله مافيه الا كل خير.. بس بيسووله عمليه سلامه: شمن عمليه؟ سالم: بيسووله عمليه في ريله .. شمسوه: سالم دخيلك أبغي أشوفهم سالم: وين تشوفينهم .. علي الحين في العمليات .. وحارب تشوفين الزحمه عنده .. الدكاتره داشين طالعين .. قعدت عموه على الكرسي اللي عدالها .. كأنها منهاره .. قعدت عدالها مب قادره أستوعب اللي يصير .. طلع عنا سالم وعقب دقايق رحنا وراه صوب العمليات .. ماقدرنا نتحمل القعده في غرفة الانتضار .. الوقت يمر ببطئ فضيع .. والأصوات توترني أكثر .. طول الدكتور داخل ولا حد منهم طلع .. كنت واقفه على طرف بعيد عن أي كلمه .. وقفت شمسوه عدالي ومسكة في ايدي بقووو شمسوه: عنودي علي بيموت ؟ هالكلمه كانت بمثابة طراااق على ويهي .. من سمعتها حسيت الدنيا تدور بي العنود: شمسوه انتي شو تقولين شمسوه: عنودي أنا أحبه .. ما أتخيل اني ما بشوفه من عقب اليوم خرت على الأرض ويلست على ركبها .. يا ناس أنا اروحي محتايه حد يهديني ..قعدت عدالها العنود: شمسوه علي بخير .. الحين بيطلعونه .. ادعيله انتي بس شمسوه: من ساعتين من دخلوه لين الحين محد طلع منهم .. وقفتها ويلستها على الكرسي اللي عدالي العنود: الحين بيطلع ..الله بيعينه وبيطول في عمره شمسوه: ياااااااااارب .. اني لا أسألك رد القضاء انما أسألك اللطف فيه .. قعدنا تقريباً ساعه زياده .. طلع الدكتور من داخل شمسوه ماقدرت توقف العنود: شمسوه خلينا نروح نسمع الدكتور شو قال شمسوه( تصيح): عنودي مب قادره أوقف أحس ريولي ما تشلني العنود: بروح أشوفهم وبرد خليتها ورحت عندهم .. قده الدكتور راح عنهم العنود: حمدوه بشريني شو قال حمدوه( تصيح): الحمدالله الحمدالله من شفتها تصيح .. صحت وياها .. وبعدني ما أدري شو صار العنود: حمدوه بشريني حمدوه: نجحت العمليه .. رحت عند شمسوه أبشرها بسرعه .. العنود: شمسوه .. شمسوه بس شمسوه ما ردت عليه .. هزيتها طاحت على الأرض .. يت النيرس وشلتها .. اغمى عليها .. ما قدرت تتحمل أكثر .. عقب ما قامت شمسوه بشرتها .. ردينا صوب العنايه المركزه .. حارب وعلي كانوا عدال بعض .. علي حطوه في العنايه لحد ما تستقر حالته من عقب العمليه.. سالم: أمايه قومن .. لا اتمن هنه فضحه .. ردن في الحجره أم عبدالله : مابروح عن وليدي .. خلوني عنده عبدالله: يا امايه فديت روحج .. يلستج مانها فايده أم عبدالله: انتوا شدراكم .. أنا أعرف الحربي مابييرتاح الا وأنا عداله وأقرى عليه عبدالله: لاااا إله الا الله امايه توه الدكتور واصل والحين بيمر يشوفه أم عبدالله: أنا برمسه الدختور أعرفكم انتوا بتقصون عليه سالم: برايج يدوه انتي تمي وانتن روحن رحنا غرفة الانتضار .. كنا نتريا الدكتور يمر يشوفه .. من البدايه كان الدكتور المناوب .. والحين بيوصل الدكتور المسؤول ... شفناه مار رايح صوب حارب .. طول عنده ونحن نترياه يطلع .. لحظة الانتضار صعبه تخلي الواحد يتوتر ... طلع الدكتور عقب ساعه عن حارب .. ماقدرنا نروح صوبه .. الرياييل التفوا حوله ... بس اللي ألاحظه الرهبه والخوف على ويوهم .. عقب ماراح الدكتور ..دخل سالم وقعد على أقرب كرسي له .. شكله مايطمن بخير .. سلامه: سالم فديت روحك ريحني .. قولي شو أخبار حارب سالم: ادعوله الله يشفيه شيخه: شوقالكم الدكتور نزل سالم راسه وحطه بين ايديه .. حمدوه: سالم دخيلك ارمس .. سالم: يتريون حالته تستقر ... محتاي 48 ساعه .. اذا مااستقرت حالته .. العنود(باندفاع): اذا مااستقرت حالته شوووو ... شيخه:سالم شوقالكم الدكتور .. قولنا الصدق .. طلع سالم عنا وخلانا في حالة ذهول .. ماخذنا منه لاحق ولا باطل .. وكل وحده منا تشوف الثانيه .. قعدنا في المستشفى لين الساعه سبع ونص ... وردينا البيت .. من وصلت البيت دخلت تسبحت .. عقب ماطلعت خذت وقتي أصلي وأدعي حق حارب وعلي .. الأمل في حياة حارب ضعيف .. هذا اللي سمعته من واحد من ربعه يوم رحنا نتوضا بنصلي العصر.. بس سالم ماقالنا هالشي .. عرفت بالصدفه وخواتي مايدرن .. شمسوه وحمدوه ما يدرن .. تميت على حالتي ماتحركت من مكاني لين الساعه عشر .. طلعت في الصاله لقيت عويش يالسه اروحها شكلها تعبان ومهموم .. بغيت أخفف عنها بس ما قدرت .. رحت حجرتي .. انسدحت أبغي أرقد .. بس النوم جافاني .. مش مستعده أتحمل صدمه ثانيه .. مش مستعده أخسر انسان غالي عليه .. أبويه ومن عقبه امايه والحين حارب .. هيه حارب غالي عليه وأحبه هيه أحبه لين متى بكابر وبسكت .. وبقص على عمري .. أحبه وأموت فيه بعد .. نزلت دمعه من عيني وتبعتها دموع .. أتمنى لو أشوفه الحين .. أتمنى أخفف عنه .. يالله لو أقدر أشل شي من التعب اللي يحسه .. تجلبت على الشبريه وأنا أهويس وأوسوس .. أهدى وأرد أصيح .. قعدت مكاني .. أبغي أرقد أشرد من هالوسواس ومن التفكير بس مش قادره .. انصدمت يوم سمعت صوت الأذان .. يمكن يتهيأ لي مديت ايدي للتيلفون شفت الساعه .. كانت الساعه خمس .. ماحسيت بالوقت .. ولا قدرت أرقد .. قمت صليت ويلست أقرى قرآن وأدعي ربي ان الله يشفيهم .. الساعه سبع .. أحس مالي خاطر أروح الجامعه .. أريد أروح المستشفى .. أريد أروح أشوفهم .. بس القعده في البيت مابتفيد .. اتصلت حق شمسوه .. شمسوه( بصوت مبحوح): ألو العنود: هلا شميس شمسوه: هلا عنودي العنود: بتروحين الجامعه شمسوه: هيه عندي امتحان اليوم العنود: لحظه شمسوه .. رحت صوب المكتب فتحت الدرج طلعت الجدول .. اكتشفت اني أنا بعد عندي امتحان اليوم .. العنود: تصدقين .. أنا بعد عندي امتحان اليوم شمسوه: الساعه كم العنود: الساعه عشر شمسوه: أنا بعد امتحاني عشر العنود: خلاص عيل .. بغير ثيابي وبييكن سكرت عنها .. الامتحان غاااب عن بالي .. مع ان الدكتور ذكرنا فيه المحاظره اللي طافت .. آآآآآآآآه .. غيرت ثيابي ورحت بيت أم عبدالله .. دخلت الصاله مالقيت حد فيها .. العاده إذا بدخل عندهم هالوقت .. حارب وعلي وسالم ..يتريوقون ويسولفون وام عبدالله وياهم .. اليوم محد منهم موجود .. ياااااااااالله ياربي انك تردهم سالمين .. ياااااارب ترحمنا .. نزلت دمعه من عيني وأنا مركزه على المكان اللي متعودين يقعدون فيه شمسوه: عنودي !! مسحت دمعتي ولفيت على ورا عنها .. شمسوه:عنودي شو فيج العنود: شوفيني بعد .. شمسوه: ادعيلهم يالعنود .. العنود: حمدوه وين؟ شمسوه: تعالي بنروح صوبها رحنا عند حمدوه ...رحنا الجامعه .. كانت محاظرتنا الأولى أمن كلنا مع بعض .. حظرناها وكل وحده تدرس في صوب .. بس مالي خاطر على الدراسه .. وطيت راسي على الطاوله .. أحبس دموعي .. مافيني حد يشوفني وأنا أصيح .. ماصدقت الدكتور يقولنا طلعوا .. طلعت من القاعه وربعت صوب الحمامات .. أغسل ويهي ودموعي بعدهن ما وقفن ... شمسوه: أنا عقب ما أطلع من الامتحان بروح المستشفى حمدوه: اتصلي حق سالم .. مافينا أمس هزبنا شمسوه: ماعليه من حد بروح يعني بروح العنود: أنا بروح وياج حمدوه: خلنا نروح ندرس شويه .. هذا مدتيرم ونحن مافتحنا كتبنا رحنا المسيد .. صليت ركعتين وقعدت في الزاويه.. حطيت المذكره عدالي .. وسرحت أفكر .. ولاحتى اهتميت بالامتحان..الساعه عشر .. رحنا كلاساتنا ... امتحنت ماعرفت أحل شي .. لازم أدرس عشان أعرف أحل .. سلمت الورقه للدكتور وطلعت .. نزلت تحت أتريا حمدوه وشميس شفت ميثوه سلمت عليها .. ميثوه: شحالج العنود العنود: بخير ربي يسلمج انتي شحالج ميثوه: الحمدالله .. منو تتريين ؟؟ العنود: حمدوه وشمسوه .. بنروح المستشفى ميثوه: أمس فليل رحت ومالقيتكن العنود: هيه سالم ماخلانا نيلس .. المغرب ردينا ميثوه: العصر بروح ويا أمايه انشالله العنود: انشالله يلست وياها ساكته ما أتكلم إلا إذا هيه سألتني ... كلامها وترني أكثر .. كل كلامها يبين انها تحاتي حارب ومهمومه عليه .. ما أعرف شو الشعوراللي حسيت به .. بس كان خاطري أروح عنها .. الحمدالله ارتحت يوم شفت شميس وحمدوه نازلات من فوق .. ماعطيتهن فرصه .. العنود: سمحيلي ميثوه بروح الحين رحت عنها وفوادي شااااب ظو ... رحت عند شمسوه وحمدوه وعيوني يتغارقن شمسوه: عنودي شو سويتي في الامتحان ؟ العنود: ماسويت شي ..ولا عرفت أحل سؤال واحد .. لازم أكون دارسه وانا شو الفصول اللي داخله في الامتحان ما أعرفهن رحنا المستشفى .. لقينا سالم يتريانا عند الباب .. سالم: الله يهديكن .. ييتكن مامنها فايده لوكملتن كلاساكتن أبرك شمسوه: وين لنا بال نداوم .. العنود: سالم .. شخبارهم سالم: ادعيلهم يالعنود وصلنا عند قسم العنايه ... شفناهم مطلعين علي .. شمسوه: وين بيودونه؟ سالم: طلعوه من العنايه الحمدالله حالته مستقره .. بس شوية رضوض اللي في جسمه حمدوه: وحارب؟ سالم: الله يرحمه برحمته ... ربي اني أسألك رد القضاء بل أسألك اللطف فيه يارب العالمين ... لا حول ولا قوة الا بالله .. طلعوا علي من العنايه .. ودوه الغرفه وراحن وياه شيخه وسلامه .. مشينا لحد ما وصلنا عند حارب ... دخل سالم داخل ورد العنود: ليش طلعت ؟ سالم: الدكتور عنده حمدوه: يدوه وين؟ سالم: يدوه الله يهداها داخل هب طايعه تطلع .. وقفنا نتريا الدكتور يخلص .. كمل نص ساعه داخل .. طلع وطلعت وراه عموه .. راح سالم يتفاهم وياه .. ونحن نسمع بس مش فاهمين شي .. قبضت ايد شميس.. العنود: شمسوه أريد أدخل عنده شمسوه: عنودي !!! العنود: دخيلج شمسوه أريد أشوفه سحبتني شمسوه بسرعه ودخلنا .. شفته طايح على الشبريه مايتحرك .. شكل الوايرات والأجهزه وصوتها عنده يخوف .. هالمنظر أبداً ما يطمن .. مشيت بخطوات بطيئه عنده .. وقفت عند راسه .. وابتدن دموعي ينزلن .. حارب الانسان المرح اللي دايماً أشوفه يروح ويرد .. يسولف ويضحك أشوفه بهالحال .. شمسوه:عنودي خلينا نطلع .. مافينا سالم يدخل طالعتها بترجي .. دخيلكم خلوني عنده ماريد أروح عنه العنود( بهمس): حارب ... حارب رد عليه ... شمسوه: عنودي ماشي فايده .. حارب ما يسمعج العنود: حارب دخيلك فديت روحك .. رد عليه .. العنود: حارب حبيبي إذا تسمعني .. سو أي شي .. تحرك أي حركه.. المهم اطمني عليك .. مايرد عليه مايرد .. ابتديت أرجف .. أحس ريولي ماتشلني العنود( تصيح): شمسوه حارب مايرد .. مايرد عليه .. لفيت صوبه .. شفت دمعه تنزل من عينه .. دمعه وحده بس .. ماأدري شو الجرأه اللي يتني وخلتني أمسحها .. شمسوه(تسحب العنود): خلينا نطلع قبل مايدخل سالم .. طلعت وياشمسوه ..وأنا منهاره .. دمعة حارب مانزلت من هين .. حارب تعبان .. تعبااان وااايد وااايد .. شمسوه: عنودي ادعيله .. حمدوه: انتن ينيتن .. شو اللي دخلكن داخل شمسوه: شو قال الدكتور حمدوه: بيتريون لين باجر .. باقي أربع وعشرين ساعه يتريون حالته تستقر .. شمسوه: ياااااااااااالله انك تعينا يارب حمدوه: عمي قال بيسفره .. بس حالته ما تتحمل سفر العنود: حارب تعبان يا حمدوه .. حارب تعبااااان شمسوه: عنودي .. أكيد انه بيكون تعبان .. انتي ادعيله سالم: يالله بنات .. قومن بوصلكن البيت شمسوه: لا مانريد نروح سالم: شميس غناتي يلستكن ما منها فايده شمسوه( تصيح): سالم ماريد أروح حمدوه: سالم .. دخيلك خلنا .. سالم( يتنهد): انزين قومن بوصلكن الحجره عند علي .. لا .. ماريد أطلع .. علي الحمدالله واستقرت حالته .. أريد أتم عند حارب ..بس مستحيل اني أقول حق سالم هالكلام .. رحنا عند علي كان راقد وسلامه وشيخه قاعدات عنده يتكلمن بهمس عشان مايزعجنه .. سالم: أمايه أنا برد صوب يدوه شي في خاطركن شيخه: سلامة قلبك أبويه .. أمنه : رد صوبنا عقب ما يرد عليكم الدكتور سالم: انشالله قعدنا عند علي .. الساعه 12 دخلت علينا حصيص تصيح .. ريلها أخر في بريطانيا بسبب ظروف الدراسه عنده .. أول ماشفنا مايد طلعنا أنا وحمدوه وشميس .. وشفنا بوسالم توه بيدخل بوسالم: شو طلعكن بناتي شمسوه: مايد توه داخل .. بوسالم: ليش ماتردن البيت ترتاحن .. الا قيس متعبات عماركن حمدوه: عمي نحن مابنرد البيت .. يلستنا في البيت تزيدنا فوق الهم هم بوسالم: بس من العصر الرياييل كلهم بيتوافدون على يسلمون على علي شمسوه: قولهم نبغي الغرفه اللي عدالها .. محد فيها بوسالم: خلاص أنا بسير أشوفهم وبرد انتن لا اتمن موقفات هنيه دخلن في هالحجيره دخلنا في غرفة الانتضار .. والساعه وحده عقب ماصلينا الظهر .. ردينا عند علي في الغرفه .. الساعه ثنتين .. علي: حا .. حارب .. حارب كلنا ربعنا صوبه .. وقفت سلامه عند راسه شيخه(تصيح): علي عيوني فديت عمرك علي( بصعوبه): حارب وين .. وين حارب سلامه: حارب بخير .. لا تحاتي سكت عنا علي ورد غمض عينه فتره .. شمسوه: علي ... علي .. دخيلك رد عليه فتح عينه دقايق ورد سكرهن كأنه يبغي يطمنا بأي طريقه .. بو علي أول ماسمع علي يتكلم راح وزقر الدكتور .. شفنا الدكتور يدخل ويا النيرس .. رحنا الحجره اللي عدالنا عقب ما خذناها عشان نقعد فيها إذا كان حد موجود .. .. عقب ماخلص الدكتور الفحص ردينا عند علي مره ثانيه .. شيخه: شو قال الدكتور؟ بو علي: الحمدالله بخير .. بس من التعب والبنج ماخذ وقته كله رقاد .. سلامه: أنا بسير صوب عمتي بشوف حارب تعلقت عيوني في سلامه .. أبغي أقولها بروح وياج بس في شي يمنعني .. لفيت على حمدوه ونزلت راسي .. وكأنها حست فيني حمدوه: نحن بنخاوييج سلامه: قومن عيل .. خلنا نروح رحنا صوب قسم العنايه وأنا أسحب ريولي سحاب .. مب قادره أتوازن .. من قمت الصبح ماكلت شي وأمس عيوني ماشافت النوم .. وأهم شي الهم اللي ياكل قلبي وفوادي ..وصلنا قسم العنايه .. سالم ماخلانا ندخل .. عموه كانت يالسه عند الباب .. سالم مبين على ويهه التعب من أمس وهوه في المستشفى عندهم ماراح عنهم .. الله يعينه طول الليل وهوه واقف .. بيحاتي علي والا حارب .. وكلهم عدال بعض مرقدين .. سلامه: شخباره عمك؟ سالم: ادعوله ياأمايه سلامه: الله يعنه ويخليه يارب العالمين قعدنا يمكن ساعه .. وتعبنا ويا عموه لين أقنعناها تيي ويانا .. يلستها هنيه مامنها فايده .. وهيه من أمس ماذاقت شي .. رحنا الغرفه اللي خذناها .. علي استرد وعيه الحمدالله بس حد عنده .. دخلنا الحجره .. قعدنا فيها .. والساعه خمس ردينا صوب علي .. أم عبدالله: يعلني أفدى ريحتك يالغالي علي: فدييت هالحس .. شحالج يدوه أم عبدالله(تصيح): حالي عثير يالغالي من شفت حالتكم .. ماشوف غير الموت في عيوني علي: الله يطول بعمرج ويخليج أم عبدالله: عمك طايح ميهود .. مايرد عليه .. آمنه: الله بيشفيه ويعينه .. أمايه لا اتعبين عمرج بو سالم: أمايه قومي ردي البيت ارتاحي أم عبدالله : مابظهر الا وأنا مرمسه وليدي بوسالم: سيري ارتاحي يا امايه .. أم عبدالله: وين برتاح والغالي مسدح ومايرمسني سالم: أقولكن .. حمدوه والعنود وعويش وشمسوه .. يلستكن مامنها فايده .. خلنا نرد البيت شمسوه: أنا مابرد سالم: شو مابتردين .. طالعي شكلج شقايل تعبان .. شمسوه: أنا مرتاحه مب تعبانه .. ومااشتكيت سالم: شميس .. شوفي أشكالكن كل وحده منكن ممترضه بشكل العنود: نحن هب تعبانات وإذا في حد يحتاج الراحه .. فهو انت سالم: يا بنات الحلال الحين الحجره بتمتزر من الراياييل شمسوه: بنروح الحجره الثانيه أم عبدالله: منو تم عند الحربي الحين سالم: عمي وخالي حمد .. .. عقب صلاة المغرب قعدنا في الحجره الصغيره .. ويتنا أم ميثوه وميثوه وياها أم عبدالله: قومن بناتي .. مابتردن البيت ترتاحن ميثوه: انتن من الصبح هنيه؟؟ شمسوه: هيه .. من الساعه عشر ميثوه: انتن ماعندكن امتحانات؟ شمسوه: ما أدري عويش: أنا عندي امتحان باجر ميثوه: وانتي العنود؟ العنود: ماأدري .. ماشفت الجدول سلامه: شو ماتدرن .. وانتي عويش يوم انه عندج امتحان باجر لش ما تروحن تدرسن عويش: رحنا البيت والا مارحنا مابنقدر ندرس أم حمد: الله يهديكن يا بناتي .. لو تردن البيت .. هب أحسن لكن حمدوه: يالله يا يدوه .. تبينا نهلك من كثر مانحاتي ونحن في البيت أم عبدالله: أنا بسير صوب الغالي .. فوادي ياكلني ميثوه: خالوه أنا بخاويج كنت ألعب بدبة الماي .. ومن سمعت ميثوه انها بتروح عند حارب .. فجيت ضغطي كله في الدبه .. ضغطت عليها بتوتر وغيض شمسوه: ميثوه شو يوديج .. مابيدخلونج ميثوه: برايه .. المهم أتطمن على حارب أم ميثوه: برايها خلنها تسير من البارحه ماكلتلي فوادي .. من سمعت كلام أم ميثوه شليت بعمري ودخلت الحمام .. أغسل ويهي وأهوس عليه بقوو .. أحاول أرد دموعي .. ما أبغي أصيح .. ما أبغي .. لا ياربي لااا حمدوه: عنودي شو ياج .. العنود: ماشي ماشي حمدوه لا تحاتين حمدوه: عنودي شي يعورج العنود: لا لا مافيني شي .. قلت لج لا تحاتين .. طلعت من الحمام .. مالقيت حد .. العنود: وين راحن؟ حمدوه: يدوه وأمايه وميثوه راحن عند حارب .. والباقي دخلن عند علي .. العنود: تعالي نروح عندهن .. دخلنا عندهن يلسنا نسولف ولاحظت نظرات شمسوه لعلي .. تذكرتها وقت ما كان علي في العمليات .. آآآآآآآآآه يا شميس .. حسيت بعذابج ذاك الوقت .. لوتحسين بموتي وعذابي الحين .. عذابي من الصوبين .. ان حارب طايح ومايتكلم .. بين الحياه والموت .. وان ميثوه عنده .. أدري انه مايحس بها ولا بتشوفه .. بس مجرد ما أعرف انها جريبه منه أكثر مني أحس فوادي يعتصر .. الساعه ثمان ردينا البيت .. أول ماوصلت دخلت تسبحت وصليت العشى وأنا في كل سجده أدعي حق حارب .. كل ما جربن الأربع وعشرين ساعه ينتهن أحس لحظات موتي تجرب أكثر .. الدقايق تمر كأنها ساعات .. والساعات أحس بها أيام .. شيكت على جدولي .. ماكان عندي امتحان باجر .. وباجر الساعه عشر بتكون آخر ساعه من الأربع وعشرين ساعه .. اللي المفروض تستقر فيها حالة حارب .. رحت انسدحت على الشبريه .. وأنا مب قادره أفتح عيني من كثر الرقاد ... من قمت أمس الصبح الساعه ست لين اليوم ماشافت عيني النوم .. تكورت على عمري وأنا سرحانه أفكر .. الــــــــــــــجـــــــــــــــــزء الـــــــــــــــــــــواحــــــــــــــــــد والـــــــــــثلاثـــــــــــيــــــــــــــن فتحت عيني وأنا أتذكر اللي صار من يومين .. أحاول أستوعب .. هذا حلم والا صدق .. أجذب على عمري لا أنا أحلم .. بس من قعدت مكاني انتبهت لكتبي واللاب توب في نص الحجره .. استوعبت ان اللي صار صدق مب حلم .. أمس عقب ما رديت من المستشفى نطرتهن في نص الحجره وماشليتهن .. لفيت على تيلفوني .. ليقيتها الساعه خمس .. رقدت من الساعه ثلاث لين خمس .. ساعتين تقريباً بس الغريبه اني على قد التعب اللي كنت احس فيه ما قدرت أرقد .. رحت الحمام توضيت وطلعت أصلي وأدعي ان هالساعات تعدي على خير.. طلعت من حجرتي رحت الصاله .. فتحت الباب والدرايش .. قعدت وحطيت راسي على يولي وأنا متسانده على الباب عويش( تدخل): عنوي لفيت عليها .. غريبه عويش شو موعنها من الحين العنود: عويش!! عويش: شو موعنج من الحين العنود: ماطاع اييني رقاد .. وانتي عويش: قمت أحاول أدرس لي كلمتين .. مادرست شي أبداً العنود: الساعه كم امتحانج؟ عويش: الساعه ثمان العنود: يلسي درسي هنيه وأنا بروح أسوي جاهي حليب وبرد عويش: ما بترقدين؟؟ هزيت راسي بالنفي .. وطلعت من الصاله .. رحت المطبخ سويت دلة جاهي دخلت الصاله ما لقيت حد فيها .. طلعت جدام الباب شفت عويش فارشه الحصير وقاعده تدرس .. صبيت لها كوب وصبيت لي كوب وقعدت عدالها وهيه تدرس وأنا كل تفكيري عند حارب ... آآآآآآه ليتني عندك الحين .. ليتني أعرف أخبارك حمد( يدخل مبتسم): صباح الخير العنود+عويش: صباح النور حمد: الغزلان شو موعنهن من وقت عويش: رمنا نرقد نحن حمد: عليج امتحان اليوم عويش: هيه حمد: وانتي العنيدي العنود: لا ماعندي امتحان اليوم عويش: منو تم في المستشفى وياهم أمس ؟؟ حمد: خليفه وبو علي .. سالم حليله كان تعبان ورد يرقد .. بس شفته توني صلى وراح عندهم عويش: باقي أربع ساعات .. حمد: الله بيعين .. لا حول ولا قوة الا بالله العلي العظيم من سمعت عويش تقول باقي أربع ساعات حسيت جنه حد يحسبلي عدد الساعات اللي بتفرق بين موتي أو حياتي .. قعدت وما تكلمت ولا حتى نطقت بكلمه .. الساعه سبع دخلت عويش حجرتها وأنا دخلت حجرتي .. أحاول أهدي عمري فيها.. رن تيلفوني ربعت أشوف منو متصل .. التيلفونات هالوقت ما تبشر بخير .. العنود: ألو شمسوه: هلا عنودي العنود(تصيح): حارب شي ياه؟؟ شمسوه: لا بسم الله .. العنود شوياج عنبوه مستويه دقني وبنقع العنود: ......... شمسوه: عليج امتحان اليوم؟؟ العنود: لاء.. وانتي؟؟ شمسوه: هيه عليه امتحان الحين الساعه ثمان العنود: أنا ما بداوم اليوم شمسوه: سمعي .. تلبسي بنروح الجامعه بنمتحن وعقب مانطلع بنروح مع بعض المستشفى العنود: والله ياشمسوه فوادي ما يتحمل الصبر .. أبغي أروح المستشفى الحين شمسوه: الحين أمايه وخالوه بيروحن .. بس أنا قلت تروحين ويانا أحسن العنود: خلاص الحين بخلص وبيكن سكرت عن شمسوه تلبست بسرعه .. طلعت شفت عويش في الصاله عويش: بتداومين؟؟ العنود: لاء .. بس بروح الجامعه بتريا شمسوه وحمدوه يخلصن وبنروح المستشفى عويش: خلاص عيل أنا امتحاني يخلص تسع .. بروح وياكن .. رحنا الجامعه نحن الأربع .. دخلن حمدوه وشمسوه وعويش يمتحنن وأنا رحت أترياهن في الرسبشن .. قعدت على الكرسي وأنا طول الوقت أدعي ورافعه ريولي على الكرسي وراسي على ريولي .. آآآآآآه يا حارب .. اكتشفت انك انسان غالي وما أقدر أستغني عنه .. مجرد التفكير في اني مابشوفك من عقب اليوم يسبب لي انهيار وعذاب غير طبيعي .. كيف لو صار هالشي صدق ... لالالا .. بسم الله مابيصير الا كل خير .. الله بيشفيه وبيرد مثل أول وأحسن .. عويش: عنودي .. العنود: هلا عويش .. شو سويتي عويش: لا اتخبرين امره العنود: حمدوه وشميس ما ين عويش: صبري .. يمكن امتحانهن طويل شو أصبر يا عويش .. خلاص نفذ صبري .. ماعاد فيني قوة تحمل وصبر .. شمسوه(توها واصله): يالله قومن بسرعه العنود: حمدوه وين؟ شمسوه: الحين بتي .. خلنا نطلع .. طلعنا من الجامعه الساعه تسع وربع .. أول ما وصلنا المستشفى نزلنا من السياره .. نمشى مع بعض بخطوات سريعه ..كل ماتمر دقيقه أحس قسم العنايه أبعد عن الأيام اللي طافت .. خلاص دقايق تفرق عن تحديد المصير في حياة حارب .. اذا مااستقرت حالته بيكون الأمل في حياته ضعيييف واااايد .. دخلنا قسم العنايه .. وقفنا نحن الأربع منصدمات عند الباب .. شيخه وسلامه قاعدات ويصيحن .. محد عندهن .. وين الباقين .. حطيت ايدي على حلجي أمنع الصرخه تطلع مني .. لا ما أتخيل .. لاااااااااااااا حارب.. تغارقن عيوني .. مشينا بسرعه عند شيخه وسلامه شمسوه( تصرخ): أماااايه شو فيكم محد يرد .. ارحمونا ردوا علينا .. حد يخبرنا شو صار دخيلكم .. عويش: عمووووه فدييييتكن .. خالي حارب وين؟؟ شو صار .. والله أشكالهن ما تبشر بخير .. شي صاير .. طلع سالم من داخل .. رحت صوبه وأنا ما أشوف الدنيا مضببه جدامي من الدموع .. عويش: سالم .. شخباره خالي سالم: الحمدالله استقرت حالته .. الحمدالله من سمعت كلام سالم ارتخت أعصابي .. خذت نفس طوييييييل ورديت على ورا .. الحمدالله الحمممممممممممدالله .. طلعت من القسم .. مشيت في الممرات هب عارفه وين أروح .. أمشي بدون وجهه محدده .. دخلت الحمام توظيت ورحت المصلى .. دخلت صليت ركعتين شكر .. أشكر فيها ربي انه استجاب دعواتنا .. عقب ماطلعت من المصلى رحت الحديقه اللي في المستشفى .. الورانيه .. قعدت فيها تقريباً نص ساعه .. عقبها اتصلت لي شمسوه .. رديت عليها .. العنود: ألو شمسوه: عنودي انتي وين؟ العنود: أنا في الحديقه ورا شمسوه: وشو وداج هناك .. العنود: ما أدري .. من طلعت تميت أمشي ومب عارفه وين أسير شمسوه: عنودي ما تبين تشوفين حارب العنود: شخباره الحين شمسوه: الحمدالله .. بيخلونه يومين في العنايه .. وعقب بيطلعونه .. العنود: اترييني عند باب القسم الحين بيي سكرت عن شمسوه .. وأول ما وصلت قسم العنايه لقيتها تترياني عند الياب .. قبضتني من ايدي ودخلتني داخل .. ماقدرت أدخل أشوفه .. ما أدري شو اللي منعني من هالشي .. اتصلت حق غرين ورديت البيت .. المهم اني تطمنت عليه .. ومن رديت من المستفى ماطلعت من حجرتي .. الساعه تسع دخلن عليه حمدوه وشمسوه .. حمدوه: السلام عليكم العنود( بصوت مبحوح): وعليكم السلام شمسوه: عنودي .. ليش روحتي ؟؟ العنود: كنت تعبانه وماقدرت أتم أكثر شمسوه: شوفيج .. امره الحس رايح العنود: ما أدري شمسوه(بخبث): ما تدرييين !! .. سمعي حمدوه أونه ما أدري حمدوه: ليش رحتي والله ماعطتج هالعنز اللي عدالج .. قوات ويه يالسه ويا علي وهو منقعنا كلنا ويالس يسولف وياها ابتسمت لهن .. .. وكانت ابتسامه باهته ويبين الحزن عليها العنود: شخباره بو حسن شمسوه: يسرج حاله العنود: فديييته .... وحارب شخباره ؟؟ حمدوه: الحمدالله .. احتمال باجر يطلعونه من العنايه .. احتمال هب أكيد .. تنهدت تنهيده من الخاطر.. الله يشفيك ياحارب شمسوه: ماشي فديته حق حارب بعد ... تنهدت .. فديته وفديت قلبه وروحه بعد .. حمدوه: عنودي شو فيج ؟؟ العنود: مافيني شي حمدوه: عيل ليش ساكته من الصبح العنود: ما عندي رمسه أقولها شمسوه: بتروحين باجر المستشفى ؟؟ العنود: ما أدري شمسوه: شو ما تدرين .. بوحسن اتخبر عنج اليوم .. وحارب يمكن يقوم باجر ... ان تخبر عنج وعرف انج مب موجوده بيحط في خاطره .. يحط في خاطره !! ليش؟؟ رفعت راسي صوب شمسوه وطالعتا باستنكار .. شمسوه: هب ترصيلي عويناتج .. بتروحين غصباً عنج في خاطري سؤال أريد أسألهن بس مافيني على غلاستهن .. بس أبغي أعرف بمووت .. فكرت أييبه بطريقه غير مباشره .. العنود: متى رديتن ؟؟ شمسوه: الساعه ثمان .. من ساعه تقريباً العنود: ومنو تم في المستشفى؟؟ شمسوه: خالي حمد وأبويه بعدني مب قادره أسألها .. هب عارفه كيف أطلع الرمسه منها ... العنود: حد ياكم اليوم شمسوه: عموه موزه وبناتها ... وميثوه وأمها هذي هيه .. كنت متأكده ان ميثوه بتكون موجوده .. ياااااربي ليش أعلق عمري في خيوط مقطعه .. بالنسبه لأم عبدالله بنت أختها أولى في انها تيوزها ولدها .. ليش تروح بعيد .. نفسي أعرف شو اللي في خاطر حارب عشان أحدد موقفي وأنهي كل شي ... مارحت المستفى لين يوم الخميس الصبح .. الساعه 11 الصبح .. طلعت ويا سالم .. وفي السياره ما تكلمت بكلمه .. الحين بشوف حارب .. كيف بيكون .. تعبان والا مرتاح ؟؟.. واعي والا راقد ؟؟ .. من كثر الوله اللي فيني ماأقدر أتحمل طول الدرب .. وصلنا المستشفى .. مشيت ويا سالم رايحين صوب الحجره اللي فيها علي وحارب .. حطوهم في حجره وحده بو سالم طلب هالشي .. وهالشي أريحلنا وأريحلهم ... قبل ما ندخل القسم شفت شمسوه عند الباب .. سالم( بضيج) : انتي شو موقفنج هنيه شمسوه: أتريا راعي الجرايد .. سالم: ردي داخل .. أنا بروح أييب لج .. مره ثانيه ماتطلعين اروحج فاهمه شمسوه: انشالله دخلنا سالم القسم وراح اييب جريده .. مشينا لين وصلنا عند الباب .. وقفت ماقدرت أدخل.. هب هاين عليه أشوف شكله تعبان .. خذت نفس طوييييل .. مسكتني شمسوه من ايدي شمسوه: عنودي .. شو فيج !! ليش ترتجفين العنود: ما أدري شمسوه: ما بتدخلين؟؟ العنود: لالا بدخل دخلت عقب خمس دقايق .. ماشالله الحجره زحححمه .. العايله الكريمه كلها هنيه .. حمد وخليفه بوسالم وبوعلي قاعدين وياهم والحرمات في الحجره الثانيه .. العنود+شمسوه: السلام عليكم الجميع: وعليكم السلام العنود: شحالك علي علي: تو الناس العنيدي .. وين انتي أمس العنود:كنت تعبانه شوي .. اتصلت لك المغرب ما رديت عليه علي: رياييل كانوا عندي لفيت صوب حارب وأنا أحس ان كل اللي في الحجره بيسمعون دقات قلبي .. طاحت عيني في عينه .. يااالله فديته شكله تعبان وايد العنود: شحالك حارب.. الحمدالله على السلامه حارب: الحمدالله .. الله يسلمج من الشر .. ماقدرت أتحمل أتم في الحجره أكثر لفيت على ورا وطلعت .. شمسوه: عنودي ليش طلعتي العنود: أستحي أيلس ..ماشالله كلهم فيها شمسوه: شو تستحين .. صدق ماعندج سالفه العنود: تعالي انتي .. دخلنا عند الحرمات .. يلسنا لين صلاة الظهر .. كلهم راحوا بقيت أنا وحمدوه وشميس .. نتريا سالم يرد من عند الدكتور وبنروح وياه .. علي: عنودي فديت روحج .. عطيني كوب ماي العنود: انشالله عطيت علي كوب الماء ورديت يلست مكاني .. كل ما أتحرك أحاول أطرف عيني على حارب بس ما أقدر وهوه من دخلنا ما تكلم .. شكله تعبان وراقد .. سالم(يدخل): يالله بنات .. خلنا نروح علي: هاه سالم شو قالك الدكتور سالم: هذا تأثير المسكن .. يعطونه منوم عشان يرقد ومايحس بالويع عرفت انهم يقصدون حارب.. يعني هوه الحين راقد ... طلعنا من المستشفى ورديت البيت .. ماتغديت تميت في الحجره ماطلعت منها .. كان خاطري اقعد أكثر عندهم .. بس ما نقدر من طلعوا حارب من العنايه والشباب ماوقفوا زياراتهم .. صرنا مانقدر نروح الا الصبح أو الظهر .. يوم الجمعه الظهر غقب الغدا .. كنا يالسين في الصاله .. أم حمد: منو عندهم علي وحارب اليوم أم عبدالله: عبدالله توه راد عنهم قبل الصلاه .. وبوغنيم أسمعه بيويه صوبه الحين .. جان ماأروح وياه آمنه: امايه الله يهداج انتي ماترومين على قعدة المستشفى .. روحي لهم من العصر لين المغرب شمسوه: أنا بروح ويا سالم شيخه: وين تبين .. قري محلج .. ماشي سيره شمسوه: والله يسير .. نحن من الله مانقدر نسير الا الصبح والا الظهر .. إذا ما رحت الحين مابيخليني سالم أروح العصر حمدوه: يالله عنودي روحي تلبسي .. بنروح وياهم .. طلعنا من الصاله اتصلنا حق سالم .. اللي مااقتنع الا بالزور ومن حمدوه بعد .. رحنا المستشفى .. قبل ما ندخل الحجره فتح سالم الباب بيتأكد إذا محد موجود فيها .. عقب دخلنا .. سالم: السلام عليكم حارب: مرحباااا ملاااايييين شمسوه: غريبه الحربي واعي .. ما أحيدك حارب: حسيت انكم بتون .. سالم: ياااااالله .. شو هالاحساس اللي عليك حارب: شو أسوي قلبي قالي سالم(بنقمه): شوووو شمسوه: خلوا عنكم انتوا .. شخباركم اليوم علي: الحمدالله يسرج الحال حارب: شميس عليوي يسوي علاج طبيعي شمسوه: انزين !! شو يعني حارب: لو تشوفين الدكتوره اللي عند العلاج الطبيعي .. قطعه .. وصغيره بعد شمسوه: شوووووووو سالم: هاه آنسه شميس .. عندج مانع شمسوه( مستحيه): ............... علي: يجذب عليج .. ماسمعتوه اليوم دخلت علينا وحده من النيرسات أسميه طاح فيها مدح.. مالت عليكم أونكم امرض وطايحين تعبانين .. حارب: جذااااااااااااااب .. ووالله هب أنا هذا غيث شمسوه: منو غيث؟؟ حارب(يطالع العنود): خال خالتج العنود: في ذمتكم علي: هههههههههه .. دخلت علينا نيرس سودانيه .. وطايح سوالف وتعليقات عليها وهيه تكمل هب فاهمه شي.. والله انه نقعنا من الضحك حارب: شمسوه اعطيني رموت التلفزيون علي: ياااالله والله ان يلست المستشفى مرض حمدوه: وانت بعدك .. وايد مستعيل على هالرمسه شمسوه: هيه والله .. صدق ان اليلسه في المستشفى مرض .. عنبوه نحن بدال لا نداوم في الجامعه بدينا دوام المستشفى وامترضنا حارب: وانتن من متى ما داومتن ؟؟ شمسوه: من يوم الاثنين كنا نمتحن ونرد علي: ليش انشالله .. شو بتفيدكن يلسة المستشفى حمدوه: وين تبونا نيلس في المحاظره وقلوبنا شابه ظو شمسوه: عنودي شو سويتي في الامتحان اللي امتحنتيه يوم الاثنين العنود: ههه .. أمس فتحت البلاك بورد كان منزل الدرجات .. والله لو تشوفين الدرجه .. سالم: كم؟؟ العنود : سته ونص من خمسه وعشرين علي: ليش انشالله؟ العنود: الامتحان كان يوم الاثنين علي: وشو يعني العنود: يوم الاثنين علي علي: أوكي ويوم الاثنين .. شو صار العنود: اللي صار انكم يوم الأحد مسوين الحادث .. وماكانت قلوبنا بذاك القو عشان ندرس ونطبكم مانحاتيكم سالم: أفااااا .. ما بتكملين في الهندسه بهالدرجات العنود: لا منوقال .. بنت سيف اللي في راسها بتسويه ... قعدنا نسولف .. لين عقب صلاة العصر سالم: يالله صبايا .. على البيت حمدوه: بعده ما دق الجرس حارب: وين تبون يلسوا مونسينا سالم: مونسينك هاه ... ماشي موت... الحين بنروح حارب:ياسالم شوفه ناظري مايمله ... حدٍ يمل من شوف حور الجنان سالم: حرووووب تشوف هالكبت اللي عدالك حارب: هيه أشوفه سالم: لاتخليني أعفصك وأخشك فيه حارب: لا يابوك بنسكت خلاص شمسوه: انتوا شو سالفتكم حارب+سالم: جب انتي ما يخصج شمسوه: مالت عليكم .. تتحروني بسكت .. لاحبايبي الي أبغي أعرفه بعرفه سالم: انزين يالله خلنا نروح البيت .. ردينا البيت ... وتوني بديت أدرس أمن .. باجر الامتحان الساعه ثمان فليل .. قعدت أدرس في بيت أم عبدالله .. في حجرة شمسوه وحمدوه وماطلعت منها لين اذان العشى .. نزلت تحت كانت أم عبدالله توها راده من المستشفى أم عبدالله: السلام عليكم الجميع: وعليكم السلام حمدوه: هاه يدوه أخبارهم حارب وعلي أم عبدالله: الحمدالله بخير ونعمه .. شمسوه: متى بيرخصونهم .. ماقالوالكم سلامه: بعدهم مطولين .. حارب بعده تعبان فدييت هالطاري .. ليت التعب في لسانج ياشميس .. هههههه حليلها شو ذنبها والله لو تدري شو قلت بتسفرني ورا الشمس .. رديت البيت وعلى طول رقدت .. عشان أنش باجر الصبح من وقت .. ..... الساعه سبع ونص كنا في السياره بنروح الجامعه .. العنود: أنا الساعه 11 بروح المستشفى شمسوه: وليش انشالله ؟؟ العنود: الساعه 2 الدكتور ما بيحظر والساعه 12 بستأذن من الدكتور .. حمدوه: وما بتردين تدرسين العنود: الساعه 4 برد الجامعه بدرس لين الامتحان حمدوه: نحن عقب ما نخلص بني صوبكم اتصلت حق محل جناين حفيت وصيته على باقه ... شمسوه: ياعيني ياعيني حمدوه: ليش الباقه بعد العنود: جب ما يخصكن شمسوه: يالله يا العنود لو تحيدين شكلج يوم كنتي في العنايه توني تذكرت ان شمسوه كانت ويايه وتذكرت كل اللي صار .. قففففففففطت .. ما عرفت شو أقولهن .. وصلنا الجامعه رحت كلاسي وأنا ميته من القفطه .. الساعه 11 اتصلت حق سليم طرشته اييب الباقه ويا الجامعه .. ركبت السياره لقيت شيخه وسلامه فيها .. العنود: السلام عليكم شيخه: وعليكم السلام العنود: سايرات المستشفى والا رادات شيخه: لا بنروح كارفور العنود: هييه شيخه: تبين تسيرين المستشفى العنود: هيه وصلني المستشفى ونزلن ويايه وسليم شل الباقه لأني ما رمت أشلها .. شليت كتابي ويايه يمكن أقرالي كلمتين .. دخلنا الحجره كانت عموه أم عبدالله موجوده شيخه+ العنود+ سلامه: السلام عليكم الجميع: وعليكم السلام سلامه: علي وين؟؟ أم عبدالله: راح العلاج الطبيعي .. توه ظاهر ما لاقفتنه سلامه: لا ماشفناه يلسن شيخه وسلامه ويانا شوي وعقب راحن .. أم عبدالله: وين خواتج اليوم ؟؟ العنود: في الجامعه أم عبدالله: جان درستي وياهن العنود: أنا درست في المحاظره الأولى والثانيه استأذنت من الدكتور أم عبدالله : بنتي انتي تمي هنه ويا خوج أنا بسير صوب حرمه ولدها مرقد عدالنا من سمعت هالرمسه بغيت أموووت .. ما أتخيل اني أتم ويا حارب اروحنا .. لفيت صوبه شفته يعابل في تيلفونه ويبتسم .. أم عبدالله: خواتج بيين الحين .. وأنا ما بطول العنود: انشالله عموه .. طلعت عنا عموه ومن طلعت رحت على الزاويه فتحت كتاب الأمن وما قدرت أرفع راسي صوبه حارب: شو هالباقه الحلوه العنود: .........( لا جواب) حارب: ليش ما حظرتي كلاساتج ؟؟ العنود: حظرت كلاس والثاني استأذنت من الدكتور والثالث الدكتور ما بيحظر حارب: شو تدرسين ؟؟ العنود: عندي امتحان اليوم حارب: عاد لا تخبصين فيه شرا الامتحان اللي طاف .. راسبه بجداره العنود: ههههه انتوا خبصتونا حارب: متى امتحانج ؟؟ العنود: الساعه ثمان فليل حارب: ما بنرضا بأقل من a العنود(مبتسمه): انشالله سكت عني... خف التوتر وابتديت أقرا وأدرس .. لاحظت ان ساكت وما تكلم .. خذت فتره لين اتجرأت أرفع راسي صوبه... رفعت عيني شفته يطالعني ومبتسم العنود: شو عندك ؟ حارب: لا أبداً .. ماشي العنود: خلني أدرس حارب: وأنا ما لهيتج .. بالعكس سكت عنج عشان تدرسين .. قلت لج ما برضى بأقل عن a العنود: لا تيلس تطالعني .. ما أعرف أتحرك وحد يراقبني حارب: شو أسوي يعني .. أغمض عيوني العنود: العب بتيلفونك .. طالع التلفزيون .. حارب: لا ما أبغي .. وانتي طبي الكتاب الحين يلسي سولفي ويايه .. العنود: شو تباني أقولك حارب( بخبث): قوليلي شو سويتي يوم خبروج عن الحادث العنود: خل هالسوالف عنك الحين .. متى بيطلعونكم؟ حارب: طالع شقايل تغير السالفه.. والله ما أدري متى بيطلعونا انشالله نهاية الاسبوع العنود: أنا يوعانه .. انت ما يعت ؟ حارب: تصدقين .. يوعان وخاطري في تفاحه بس مستحي أقولج طالعته باستنكار .. ونقع من الضحك .. وطيت كتابي وقطعت له فواكه.. وأنا كل شوي آكل منهن .. وطيت الصحن على طرف وقعدت آكل بقلاوه وباتشي حارب: حووو .. اعطيني الصحن .. تاكل ومخلتني بيوعي العنود: ههههه .. السموحه .. نسيتك حارب: أفاااا .. العنود: ههههه لا والله بس أقهرك عطيته الصحن .. كان يطالعني بنظره ورافع حياته ومبتسم .. نزلت راسي ولفيت عنه االعنود: لا تطالعني جذيه حارب: ليش؟ العنود: بس ما أحب هالنظره حارب: لييش؟ العنود: بس كيفي يلست تحت أقطع خوخ وآكل .. وما رديت أرمسه .. الساعه 12 ردت أم عبدالله ومن عقبها وصل علي علي: أوه أوه العنيدي عندنا العنود:شخبارك اليوم علي: يسرج حالي .. وين شميس وحمدوه عنج العنود: الساعه ثنتين بيين .. سمعت حد يدق الباب .. رحت فتحته .. لقيت ميثوه وأمها .. غريبه أول مره ايين هالوقت .. العنود: مرحبا الساع .. سلمت عليهن ودخلن .. أم ميثوه: شحالك حارب حارب: بخير ربي يسلمج .. شحالج خالوه أم ميثوه: مانشكي باس يا وليدي .. هاه بو حسن علومك علي: بخير ونعمه . ربي يسلمج ميثوه: شحالك حارب.. حارب: الحمدالله ... شخبارج ميثا ميثوه: الحمدالله يسرك حالي .. شخبارك علي علي: الحمدالله بخير ونعمه .. انتي شحالج ميثوه: بخير ونعمه أم عبدالله: تعالي ميثا بنتي قعدي عدال اختج يت ميثوه يلست عدالي .. وأنا كنت أخطط في الكتاب ميثوه: عندج امتحان أمن اليوم ؟ العنود: هيه ميثوه: ليش يايه عيل .. جان يلستي تدرسين العنود: مخلصتنه .. والحين أراجع .. ميثوه: ما عندج دوام .. ؟ العنود: حظرت أول كلاس ... وانتي؟؟ ميثوه: عندي بريك لين الساعه خمس أم ميثوه: حشرتني .. خلينا نسير وخلينا نسير ..ما عندها دوام قلت بخطف عليها وبني صوبكم أم عبدالله: رحوم فديتها .. حارب: عنود اعطيني الرموت .. الرموت كان قريب من ميثوه شلته وعطته حارب.. حسيت بقهر منها .. أففففف شو اللي يابها أصلاً حارب: العنود .. تعالي شلي صحنج .. يالبخل ماقطعت شي .. تعالي شليه أم عبدالله: شو عندك؟ العنود: حرام عليك جان الصحن مقطع فيه تفاحتين وخوختين وكمثرى ..ومن كل نوع في هالصينيه لف علي على الصحن وما حصل شي فيه أم ميثوه: حشى بتاكلينه .. خليه ياكل ميثوه: أقطع لك فواكه حارب؟؟ علي: عنبوه .. بطنك بينطر .. جان كل هالفواكه في الصحن وبعدك تقول ما قطعت شي .. العنود هاتي الصينيه بكبرها حارب: هههه ... تعالي شلي صحنج ميثوه: أنا بقطع لك الحين حارب: لالا ما أبغي بس أغلس عليها .. والا أنا ما أروم أتنفس من كثر ما كلت .. اللي في الصحن كله كلته قمت رحت صوبه .. خذت الصحن خزيته بنظره ولفيت عنه حارب: ههههههههه علي: شعندك تضحك حارب: ماشي ماشي قعدت أدرس شوي وأنا أشوف علي وحارب يطالعون التلفزيون ومعلين على الصوت العنود: قصروا حارب: لا ما أبغي العنود: شو ما تبغي ... الصوت وايد عالي .. قصر طالعني بنفس النظره.. سباااال مع اني قلت له ما أداني هالنظره .. لفيت عنه وما سويت له سالفه أم عبدالله: قصروا عليه .. فضحتونا انتوا في المستشفى علي: يدوه ما أسمع أم عبدالله: قصروا .. خلوا ختكم تدرس قبض حارب الرموت وطول أكثر على التلفزيون أم عبدالله: حارب .. أقولك ختك تدرس وانت تطول عليه أم ميثوه: لو يلست تدرس في البيت أبرك لها العنود: لا عادي .. أصلاً أنا مخلصه .. علي: عنودي فديت روحج روحي اشتري لنا جرايد .. وقفت بروح حارب: شووو ... تباها تروح اروحها!! علي: وشو فيها؟؟ حارب: شو شو فيها .. انت تخبلت بتطرش بنت اروحها عنودي ماشي سيره العنود: عادي مابييني شي حارب: لا ماشي سيره قعدي درسي .. ما بيضوي شي من الجرايد العنود: وين أدرس وانت صوت التلفزيون مخلنه شال البقعه حارب: الحين بقصر قعدي شمسوه( تدخل): شو عندكم .. قصروا عليه علي: مرحبا الساع حارب: جب انته .. وانتي ما تعرفين تسلمين حمدوه: السلام عليكم الجميع: وعليكم السلام العنود: الحين أنا وشميس وبنروح حارب: لا ماشي سيره أقولكن قعدن شمسوه: وين؟ العنود: علي يبغي جرايد حمدوه: جان اتصلتي ونحن بنييب العنود: نسيت مايا على بالي شمسوه( بهمس): وين بيي على بالج .. العنود(بهمس): شميس دخيلج .. قوليله أبغي أطلع راحت شمسوه عنده وتكلمه بس ما نسمع شو يدور بينهم علي: شو تقولون حارب: انت ما يخصك شمسوه: يالله عنودي بنروح علي: لا تعالي لا تروحين .. خلاص ما أريد جرايد .. حارب: هب على كيفك خلهن يروحن علي: خلاص ياخي ما أبغيهن حارب: أنا أبغيهن طلعت وياشمسوه .. رحنا عند راعي الجرايد اللي في المستشفى .. خذنا جرايد ومجلات من كل نوع وردينا .. شمسوه: ليش كنتي تبين تطلعين العنود: بس مليت من اليلسه داخل شمسوه: جذووووووب .. تملين من اليلسه وحارب يالس .. قصي على غيري.. العنود: اييه شميس سكتي .. لا تخليني أندم اني قلت لج شمسوه: لا تنسين انج ما قلتي لي أنا سمعتج في لحظة صدمه وانهيار تنهدت .. وما رديت عليها من أذكر شكل حارب قلبي ينقبض .. شمسوه: ليش كنتي تبين تطلعين العنود: بصراحه منقهره من ميثوه .. شو يايبنها شمسوه: عليك أغار من لمس الهبايب العنود: جب .. شمسوه: هههههههه خيبه شقايل متفتفه دخلنا الحجره لقينا النيرس توها طالعه معصبه العنود: شو ياها حمدوه: يت تهازب عشان الصوت عالي العنود: هههههههههههههههههه .. تستاهلون حمدوه: صدق قفطه العنود: يوم قلتلكم قصروا بدرس.. ما طعتوا حارب: خلاص تعالي درسي سالم: وين كنتن؟؟ شمسوه: نشتري جرايد ومجلات سالم: كم مره قلت لج لا تروحي اروحج حارب: تراه العنود وياها سالم(يغني وهو منزل راسه ويلعب بالتيلفون): .. شرفت قلبي بالحظور,, وانت على بالي تدور,, شعورما بعده شعور,, واحساس ما مثله مثيل ,, حارب( يتنهد): هيه والله سالم: جب انت .. في كل شي رزه حارب: مالت عليك علي: شو عندكم .. وانت شو ياك مستطرب جنه داقنك الهوى سالم: داقني أنا والا عمك علي: هااااااااه الحربي شو ياك حارب: أمايه .. عيالج خليهم يسكتون والا بكسر له ريله الثانيه والثاني بسدحه عدالنا .. بتلقينا ثلاثه بدال اثنينه أم عبدالله: بسم الله عليه .. شو ياكم سالم: ههههههه ماشي يدوه .. عطيتهم الجرايد والمجلات وقعدنا أنا وحمدوه وشميس ندرس أمن لين الساعه أربع .. ميثوه يالسه تسولف ويا حارب .. سالم رد البيت وعلي لاهي بالجرايد .. العنود(بضيج): قومن بنروح الجامعه حمدوه: بسم الله شو ياج العنود: ماشي بس بنروح ندرس في الجامعه حارب: بعده امتحانكن الساعه ثمان شمسوه: بنروح ندرس هناك أبرك .. هنيه ما قدرنا نركز علي: أفااا .. خلاص بنسكت محد بيرمس.. وانت حروووب لم ثمك ماخليتهن يدرسن لف حارب صوبنا حارب: صدق حمدوه: لالا .. بس نحن متفقات من قبل انا نرد الجامعه الساعه أربع .. مشينا بنطلع من الحجره شمسوه: ميثوه ما تبين تروحين الجامعه ويانا ميثوه: لالا بروح عقب .. بعده باقي ساعه عن كلاسي شمسوه: برايج حارب: هااه . لا تقولن ماقلتلكن .. ما أرضى بأقل عن a شمسوه: متى قلت!؟ سحبتها من ايديها وطلعنا من الحجره .. شمسوه: حشى فدعتي ايديه .. ليش يرييتيني العنود: بس .. شمسوه: لا والله عصبي من حرووب .. وعقب كسري ايدي وقولي بس حمدوه: وليش معصبه من حارب العنود( بضيج): خلاص سكرن السالفه حمدوه: عنودي شو ياج اتفين شمسوه: عمج داق سالفه ويا ميثوه ما تبينها تعصب حمدوه: ههههه مايسوى عليج العنود: هيييه .. الحين مايسوى عليج نسيتي عمرج شمسوه: ركبن انتن فضحتنا تضاربن جدام العالم ركبنا السياره ورحنا الجامعه .. رحنا المدرجات وكل وحده منا كانت في كلاس ندرس .. درست بضمير ومركزه أكثر عن قبل .. انشالله أقدر أييب a الساعه سبع ونص كنت يوعانه .. رحت عند شمسوه ورحنا صوب حمدوه العنود: اييه .. أنا يوعانه شمسوه: خلنا نروح الكوفي رحنا الكوفي خذنا لنا عشى ورحنا صوب النافوره .. قعدنا ناكل وعقب دخلنا الامتحان .. الحمدالله الامتحان كان سهل .. بس فيه سؤالين مب متأكده منهن .. وأبغي أتأكد مصره ما أطلع الا لين ما أسأل الدكتور بس شكلهم بيطلعون عنا .. وكل ما أزقره ما يعطيني التأكيد .. بس منو قال أخليه .. ما خليته يطلع لين ما خبرني بالاجابات .. طلعت من الصاله الرياضيه كانت حمدوه تتريانا حمدوه: شو سويتي؟ العنود: انشالله درجه كامله حمدوه: عنبوه .. هب منج من اللي يخلص المذكره ثلاث أربع مرات العنود: بسم الله من عينج حمدوه: شميس وين؟ العنود: بعدها داخل طلعت شمسوه عقبي بعشر دقايق .. رحنا الرسبشن شفنا ميثوه ... ويت صوبنا شمسوه: بعدج ما رحتي ميثوه: أتريا سميه بنت عمي .. تمتحن وياكن حمدوه: متى طلعتي من المستشفى؟ ميثوه: الساعه خمس الا ربع .. وما كنت أبغي أطلع .. دقيناها سوالف أنا وحارب مسكت كتابي بقوووو أفج غيضي فيه .. حمدوه: محد يا عقب ما طلعنا؟؟ ميثوه: أمج وخالتج وآمنه شمسوه( تطلع التيلفون): هذا حارب يتصل .. شمسوه: ألو حارب: السلام عليكم شمسوه: مرحبا الساع حارب: هاه .. امتحنتن؟؟ شمسوه: هيه.. تونا طلعنا حارب: شو سويتن؟ شمسوه: منو بالتحديد؟ حارب: منو يعني؟ شمسوه: لا ما عليك دحيحه .. انشالله a حارب: خلاص عيل .. برايج .. سلمي شمسوه: يبلغ انشالله ميثوه: سلمي عليه شمسوه: تسلم عليك ميثوه حارب: الله يسلمها .. العنود ما طرشت سلام شمسوه: ههه لاء حارب: مالت عليج شمسوه: وأنا شو يخصني حارب: جلبي ويهج حمدوه: يالله بنروح .. سمحيلنا ميثوه ميثوه: مسموحات طلعنا من الرسبشن .. وطول الوقت كنت ساكته في السياره شمسوه: عنودي يسلم عليج حارب لفيت صوبها .. شمسوه: متصل يتخبر شو سويتن في الامتحان حمدوه: من متى حارب يتصل يتخبر عن امتحاناتنا شمسوه: مالت عليج .. متصل عشان سواد عيونج؟؟ متصل يسأل عن العنود شو سوت العنود: لا والله ... على كيفج ؟؟! شمسوه: لا هب على كيفي .. هو اتصل تخبرني عنج .. وقالي سلمي عليها العنود: الله يسلمه شمسوه: تعرفين شو قالي يوم قلت له ميثوه تسلم عليك العنود: شووو ؟؟ شمسوه: الله يسلمها .. العنود ما طرشت سلام حمدوه: مالت عليج .. طرشي له سلام العنود: ما أريد نزلت من السياره ودخلت الصاله مالقيت حد غير عويش العنود: السلام عليكم ما ردت عليه وباين عليها انها معصبه وقفت عدالها العنود: عويش شو فيج ؟؟ بدن عيونها يتغارقن .. رفعت راسها صوبي عويش: خير شو عندج .. شو تبين؟ العنود: شو فيج؟ عويش: ماشي طلعت من الصاله وهيه تربع لحقتها وركبت فوق .. دخلت حجرتها ودخلت وراها العنود: عويش شو فيج؟؟ عويش: وانتي شو يخصج .. طلعي عني العنود: شو أطلع .. ما بخليج وانتي بهالحال عويش: خليني ما أريد أشوفج خلاص عفتج عفتيني وأنا شو سويت؟؟؟ شو فيها .. أكيد شي صاير والا ما بتقول هالكلام العنود: انزين قوليلي شو صار .. أنا شو سويت عويش: ماشي .. قلت لج طلعي عني طلعت عنها وأنا مستغربه من اللي صار .. شو فيها عويش .. أول ما وصلت عند الدري تحت شفت حمد .. حمد: هلا والله العنود: هلا حمد حمد: توج يايه العنود: هيه توني واصله حمد: شو سويتي في امتحانج العنود: الحمدالله حمد: تعالي أباج في رمسه العنود: شووو ؟؟! حمد: تعالي انتي .... |
مش جنه بسكم ^_^ |
مشكورة ريماني وانا وحدة من الي ما اشتغل عندهم السيرف نتريا البارت الياي |
مشكوووووووووووووره الغاليه على البارتات اللي روعه شويه عليهن يلا نتريا البارت الياي لا تبطين |
الــــــــــــــجـــــــــــــــــزء الــــــــــــــــــــثانــــــــــــــــــي والـــــــــــثلاثـــــــــــيــــــــــــــن دخلنا حجرتي قعد حمد عدالي على الشبريه وأنا أترياه يرمس العنود: خيرحمد .. شو فخاطرك حمد: عنودي .. أنا رديت كم واحد خطبوج .. بس من يومين ياني ريال وبصراحه الريال ماعليه كلام .. العنود: .......... بصراحه انصدمت من كلام حمد وما رديت عليه .. بس كان خاطري أعرف منو الريال بس ما عندي الجرأه اني أسأل عنه حمد: عنود أنا ياي أشاورج بس ما بغصبج واللي تبينه بيصير حمد: الريال هو بطي بن سهيل بطي!! انصدممممممت .. لييييييييش؟؟ .. الحييييييين عرفت ليش عويش كانت معصبه .. وتقول عايفتنج .. حمد: أنا ما أباج تستعيلين .. فكري في.. العنود(تقاطعه): لا حمد .. أنا مش موافقه حمد: ليش ؟؟ العنود: حمد أنا ما أريد أعرس الحين حمد: انزين الريال هب مستعيل .. بيترياج العنود(باصرار): لا حمد ما أريد حمد: ليش ياعنود.. شو السبب العنود: حمد إذا انت مصر عليه أنا بوافق غصب عني حمد: لا عنودي أنا مستحيل أغصبج العنود: خلاص عيل.. تعذر منهم حمد:خلاص هذي آخر رمسه عندج العنود: هيه حمد: اللي يريحج وأنا ما بغصبج على شي ما تبينه طلع عني وخلاني في دوامة من الصدمه والاستغراب .. شو صاير؟؟ أريد أرتب تفكيري .. شو السالفه مب قادره أفكر أحس راسي يحكني .. طلعت من الحجره وأنا بعدني ما غيرت ملابسي .. ركبت فوق .. دقيت الباب على عويش .. عويش: منوووو العنود: عويش فتحي الباب عويش: شو تبين ؟؟ العنود: بطلي وبقولج عويش: ما أريد أشوفج روحي عني جرحني كلامها .. بس مستحيل أروح وأخليها .. العنود: مابروح لين أقولج اللي في خاطري .. فتحي الباب فتحت الباب ووقفت جدامي عويش: خير شو تبين؟ دخلت الحجره سحبتها وسكرت الباب ورايه العنود: شو يصيحج ؟؟ عويش: وانتي شو يخصج العنود: حمد توه كلمني عويش: عن شو ؟؟ العنود: عن بطي عويش: وأنا شو يخصني في هالسالفه العنود: انزين أنا ما وافقت .. وقلت له اني مب موافقه بينت الصدمه على ويه عويش .. ولفت بويهها عني عويش: وأنا شو يخصني وافقتي والا لاء العنود: يخصج .. وعلى فكره أنا ما وافقت بس لأني فكرت فيج ..مستحيل آخذ واحد بنت أخويه تحبه عويش: انتي شو تقولين ... تخبلتي العنود: عويش.. أنا صح ما أيلس وياج وما أعرف وايد عنج بس هالشي واضح عويش(منصدمه): واضح!! العنود: يعني واضح بالنسبه لي .. قعدت عويش عدالي وابتدت تصيح وحاطه ايدها على ويهها العنود: عويش لا تصيحين .. إذا في نصيب من بينكم بياخذج عويش: دامه خطبج مستحيل يفكر فيني العنود: محد يعلم الغيب .. يلست وياها لين ما هدت وعقب طلعت .. من هالموقف يمكن كسبت شوي من ثقتها فيني .. ويمكن يجربها مني أكثر... ويمكن يكون العكس.. والله أعلم ... **** مرن اسبوعين من استوا الحادث .. حارب وعلي طلعوا واليوم مسوين عزيمه على سلامتهم*** **** شمسوه: عنودي خلينا نروح المطبخ نخلص حمدوه: انتي من عطوج اللاب توب انتي موازرتنه .. ما مليتي منه العنود: Nooo حصوه( تدخل): السلام عليكم البنات : وعليكم السلام العنود: مرحبا الساع .. فديييت هالويه حصوه: شحالكن قواطي حمدوه: يابوج انتي معرسه .. شو هالرمسه حصوه: شو أسوي علق فيكن الاسم .. شمسوه: قومن خلنا نروح المطبخ الحين بيردون الرياييل دخلنا المطبخ نرتب الصياني .. شمسوه: حصوه اعطيني كرتون الماي اللي عدالج حصوه: لا فديتج ما أروم أشل أنا لفينا كلنا صوبها .. طالعناها بنظره مع ابتسامه كبيره ورا الاذن حمدوه: حصيييص حصوه: هااااه .. خير العنود: لا تقولين حامل حصوه: خلاص مابقول شمسوه: لا صدق حصوه( مستحيه): هيه حمدوه: كلولولولولوووووش فرحنالها وايد .. وحصوه تمت مستحيه .. ماخليناها تصك شي رتبنا الصياني وطرشناها ميالس الرياييل ودخلنا الصاله .. لقينا موزه وبناتها وميثوه وأمها .. قعدنا في الصاله .. وعقب رحنا المطبخ حطينا الغدا ويا شيخه وسلامه وردينا الصاله عقب ماحطينا الغدا .. ما كان لي خاطر على الغدا كانن الحرمات يتغدن في الصاله .. وأنا كنت أتابع التلفزيون .. سلامه: العنود تعالي العنود: مالي خاطر أم حمد: الله يعينا عليج .. عنبوه ما تذوقينها العيشه العنود: عموه والله ما أشتهي رحت المطبخ خليت البشاكير يشلن صياني الما والبيبسي ودخلنا الصاله .. فتحت اللاب توب وقعدت أشوف المنتدى وأنا أشرب البيبسي .. حمدوه: شو تسوين؟؟ العنود: ماشي .. ميثوه: ماشالله العنود حتى لاب توبج هنيه العنود: هيه ميثوه: ماجد ييت وما لقيتج هنيه أففففففففففف وانتي شلج زين مني متحمله مجابلج .. حصوه: أصلاً شميس وعنود وحمدوه ما يتفارقن الا وقت الرقاد العنود: عندي برزنتيشن عشان جذه يايبتنه ويايه ساروه: انتي تخصصتي؟؟ العنود: لا بعدني .. الكورس الياي انشالله .. هالكورس كله متطلبات لطفين: وشو بتتخصصين؟ العنود: هندسة كمبيوتر انشالله ميثوه: وين بتشتغلين بعدين العنود: المهم الشهاده هب الشغل أم عبدالله: انتي متى بتخلصين ميثوه ؟؟ ميثوه: الكورس الياي خالوه آمنه: شو تخصصتي؟ ميثوه: عربي شيخه: هذا الزين هب انتن .. حمدوه: أمايه نحن الحين تخصصنا وانشالله بنتخرج .. لا اتمنون حنه سلامه: على هواكن الساعه ثلاث ونص دخلوا حارب وسالم وعلي الصاله حارب: السلام عليكم الجميع: وعليكم السلام سالم: شو تسوووون ؟ حصوه: سلامة نظرك ولد عمي سالم: انتي شو تسوين هنيه ... ريلج يترياج حصوه: صدق!!! علي: يجذب .. ريلج سار بيردلج العصر يلس سالم عدالي وشال اللاب عني وفتح مواقع العنود: لا والله سالم: صبري شوي قعدنا نفتح مواقع ونحن نسولف عن الكمبيوتر **** حارب: أنا بكسر اللاب توب تراني شمسوه: ليش حارب: عنبوه دوووم مجابلتنه .. شمسوه: ههههه قولها انزين حارب: شو أقولها .. سالم بيوطاني في بطني **** شمسوه: العنود .. ان ما خليتي اللاب توب لا قوم أكسره عنج رفعت راسي صوبها مستغربه من كلامها ولهجتها .. شفتها مبتسمه .. طاحت عيني في عين حارب شفته يطالعني بطرف عينه .. حبيت أقهره شوي العنود: ليش انشالله شمسوه: مجابلتنه أربع وعشرين ساعه العنود: سالم خلنا نروح داخل حشى حشرونا شمسوه: لالالالا خلاص لا تروحون برايكم سالم: منو قال أصلاً انا بنسير ولا بنسوي لج سالفه سلامه: علي متى بيفجون الجبس عنك علي: عقب ثلاث اسابيع يمكن وبيحطون جبس صغير شيخه: الله يعينك علي: أنا من أعق الجبس بعرس ضحكنا كلنا على علي .. صدق خريش وين يبا سالم: ههههههههه ماشالله طارت واحترقت حارب: اصبر لين الصيف .. ماشي باقي شهرين والا ثلاثه أم حمد: انتوا الا على كيفكم تحددون علي: هيه على كيفنا ترانا نحن اللي بنعرس سالم: انتوا متى بتداومون؟ علي: أنا من يوم السبت حارب: أنا بعد سلامه: علي انت ما تروم على الدوام علي: لا أروم يالس في المكتب والمكيف يهب عليه .. حارب والا سالم بيوصلوني العنود: حتى غيث بيخطف عليك (علي وغيث يداومون في نفس الدايره) سالم: هذا غيث السبال من متى ما شفته .. ولا يتخبر العنود:أنا بنت اخته ما ينشد عني .. سالم: مسود الويه ... أنا أراويه خليني أشوفه العنود: لا تقوله شي جانه ما بيسأل من خاطره ما أبغي أغصبه *** شمسوه: دقها سوالف ويا ميثوه وهيه بتموت من القهر وبتسولف وياك حارب: هزرج ؟؟!! شمسوه: هيه هيه ما تواطن ميثوه .. وتحيدها بنت خالتك محد يعطيها ويه .. *** حارب: هاه ميثوه شو سويتي في امتحانج ذاك اليوم ... اللي يعطيج اياه الدكتور السوداني ... ميثوه: اسكت الله يخليك ..يوم نجحت الحمدالله حارب: أفااااا.. جيه ميثوه: صعب ما ينحل ..ما عرفت شو أكتب له حمدوه: عويش عطوكم درجات الأمن ؟؟ عويش:هيه .. عطانا اياهن يوم الثلاثا شمسوه: شو سويتي ..؟؟ عويش: الحمدالله يبت 20 .. وانتن؟؟ شمسوه: أنا لا اتخبرين ...العنود وحمدوه بيضن الويه ميثوه: ماشالله عليكن .. حد يدرس في المستشفى ؟؟ حمدوه: درسنا أنا يبت 22 والعنود ماشالله يابت درجه كامله ... الا شميس ما أدري منو ماخذ تفكيرها .. ( استانس حارب لأن العنود يابت درجه كامله في الامتحان .. يابت الـ A مثل ما قالها) ميثوه: أنا كلهن درجاتي فيهن زينه الا هالسوداني حاط دوبه من دوبي حارب: بسج حشى كم خذ أجر من وراج ميثوه: لاعت جبدي منه ..من يشوف ويهي تقول شايف ساحره ..يطلعن زيارينه حارب: هههههه جان ما ينعش عليكن .. سالم: عنودي عندج فلاش؟ العنود: هيه .. بروح أييبه طلعت من الصاله .. ماصدقت ألقى عذر عشان أطلع .. أنا ليش أقهر عمري بزواله هوه وبنت خالته .. منو درابي منقهره والا لاء .. *** حارب:يعلني بلاج يا شميس ويا شويراتج .. بتنقهر وبتسولف وياك هاه .. شميس: انزين شدراني انها بتطلع حارب: روحي شوفيها شمسوه: ما أروم شمس برا حارب: ان ما طلعتي الحين ..بسحبج من كشتج .. يالله أشوف شمسوه: أووووهووووووووو حارب: أس قطعي .. لحقيها بسرعه .. ***** طلعت من الصاله رايحه البيت .. قبل ما أوصل عند الباب سمعت شمسوه تزاقر شمسوه: العنود.. العنووووود لفيت صوبها العنود: هااااه شمسوه: صبري وقفت ترييتها .. ويت صوبي .. ومشينا لين البيت ونحن نرمس شمسوه: وين تبين ؟؟ العنود: العين مول شمسوه: تتسيخفين العنود: أشوفج .. يعني وين سايره .. انتي شو تشوفين ؟؟ شمسوه: انزين ليش راده البيت؟ العنود: سالم يبغي الفلاش دسك شمسوه: شو يبغيه؟ .. العنود: شدراني شمسوه: الحمدالله .. تحريتج معصبه العنود( بنقمه): شوووو ... وليش أعصب انشالله شمسوه: قلت يممكننن .. العنود: شميس رمسي لا أصفعج .. شو يمكن بعد شمسوه: شدراني .. قلت يمكن عصبتي لأن حارب يسولف ويا ميثوه العنود: وأنا شلي .. بزوالهم .. شمسوه: يا قواتج جدامي تقولين بزوالهم العنود: جدامج وجدام غيرج بعد .. شمسوه: انزين انتي يالسه ولامه ثمج .. الا ترمسين سالم ..عصب حارب هوه اللي قالي انه بيكسر اللاب توب يوم انقهر منج قلت له سولف ويا ميثوه بتنقهر وبتسولف وياك .. طلعت الفلاش من الدرج وأنا موخيه تحت .. من سمعت رمست شمسوه رفعت راسي ووأنا معقده حياتي .. شمسوه: شووو العنود: لا ماشي .. سلامتج .. وبعدين ؟؟!! شمسوه: يوم طلعتي قال يمكن عصبتي وطلعتي العنود: أها .. انزين وبعدين شمسوه: شو وبعدين يعني انتي تستهبليني العنود: لا أبداً ... طلعت من الحجره رايحين بيت أم عبدالله خليفه: عنبوه محد في البيت العنود: شو عندك ؟؟ خليفه: وين انتوا ؟ شمسوه: كلهم عندنا .. غريبه ما ييت ويا باقي الكراتين خليفه: جب .. يهال جدامج تقولين كراتين العنود: عيل شو قواطي خليفه: خطفن انتن خلنا نسير لهم قبل ما يفوتنا شي رحنا بيت أم عبدالله .. وأنا ناويه على الغياض صدق دخلت الصاله وقعدت عدال سالم نزلنا برامج وندخل مواقع والباقين يسولفون .. وأنا وسالم ماحسينا بهم .. طلع الكل من الصاله رايحين يصلون وركبنا فوق عشان نصلي في حجرة البنات لطوف: أنا بروح حجرة خالي حارب انتن لين تخلصن يبالكن سنه عويش: أنا بروح وياج طلعن ساروه ولطوف وعويش .. وأنا وحمدوه وميثوه وشمسوه تمينا في حجرة حمدوه وشمسوه عقب ما خلصت صلاه انسدحت على الشبريه .. ميثوه: اعتدلي .. لو دخل حارب الحين حمدوه: حارب يدق الباب قبل ما يدخل يتوقع ان عنودي تكون موجوده في أي وقت شمسوه: عنودي بسج عاد .. ماصارت منتفخه هالكثر ما رديت عليها .. خلها تتأدب ما تسوي ويايه هالحركات مره ثانيه حمدوه: جيه شو بلاها شمسوه: سأليها حمدوه: هاه العنيدي .. ليش زعلانه العنود: أنا !! .. ومنو قال اني زعلانه.. مايسوى شي عشان أزعل عليه شمسوه: عيل قومي خلينا نسوي كيك .. الحين بيردون من الصلاه وبياكلونها العنود: ما أقدر .. أبغي أنزل البرامج ويا سالم.. شمسوه: حرام عليج .. أصلاً سالم اروحه يحبها ... حتى حارب ( شمسوه قالت ان حارب يحبها عشان العنود تقوم تسوي وياها ) العنود: ما أريييييد حمدوه: غريييبه العنود: شو غريبه ؟؟ حمدوه: ماشي .. ماشي .. حشى انتي ما اتحاجين اليوم ميثوه: قومي شميس نحن بنروح نسوي كيكه شمسوه: تعرفين تسوين كيكة الفستق ميثوه: لا بنسوي كيكة البرتقال طلعن شمسوه وميثوه من الحجره.. حمدوه: عنودي شو فيج ؟؟ العنود: مافيني شي .. قومي خلينا ننزل الحين بيي منصور ومانع بيتعبلون في اللاب وبيخربون البرنامج .. نزلنا تحت لقيتهم كلهم في الصاله يتابعون مباراه قعدت وحطيت اللاب توب على ريولي وسالم عدالي إذا بغيت شي أسأله .. عقب ما خلص الشوط الأول .. دخلن ميثوه وشمسوه يايبات الكيك والعصير يلسوا ياكلون وأنا بعدني على النت والمسن أرمس أسوم بنت خالي مانع .. حمدوه: تعالي عنودي .. العنود: لا تسلمين .. ما لي خاطر سالم: نفسي لو مره وحده تقولين لي خاطر حمدوه: انت ما تسمعها .. دوووم يوعانه .. علي: عنودي غناتي تعالي العنود: لافديتك ما أشتهي مشيت صوب علي ... ومديت له ايدي.. العنود: عطني تيلفونك .. طلع التيلفون من مخباه وعطاني اياه .. شليته وطلعت من الصاله .. اتصلت حق حمد وقلت له اني بروح بيت يدوه وببات عندهم .. وعقب اتصلت حق غيث .. غيث: حييييه العنود: أنا العنود هب علي غيث: انتي من وين طلعتي العنود: شحالك غيث: يسرج الحال انتي علومج العنود: بخير ربي يسلمك .. عنبوه ويييييييين غيث: في هالدنيا .. العنود: لا تحط في بالك متصله عشان متولهه عليك غيث: أفا العنود: أنا متولهه على يدوه .. تعال شلني غيث: وأنا امره مالي نصيب من هالوله العنود: لاء غيث: خيبه خيبه .. عنبوه انتي امره اتفين العنود: الحين بتي والا شو غيث: بيي .. لازم أيي بنراضيج .. عقب المغرب بخطف عليج العنود: يالله مع السلامه .. غيث: لاااااااا انتي خلاااااااااااااااص .. ناقع العداد من الغيض .. مع السلامه يابوج .. الله يحفظج سكرت عن غيث وأنا صدق معصبه .. كنت ناسيه السالفه أو أحاول أنساها .. بس من سألني سالم عن غيث وأنا ميته من القهر ولا يسأل ولا يتخبر يمرن أسابيع ما أدري بشي عنه وإذا اتصلت ومايرد .. مايرد يتصلي مره ثانيه .. ... الحين أنا برتاح بما اني بروح بيت يدوه .. أصلاً بروح بس لأني أبغي أرتاح من القهر بسبب حارب .. وأنا بروايه .. بروح اليوم وما برد لين يوم السبت فليل بما ان السبت اجازه .. والا أنا يدوه أمس كنت عندها .. طلعت في الصاله عطيت علي تيلفونه وأنا ساكته ما تكلمت .. رديت أشوف البرنامج إذا نزل والا بعده .. باقي تقريباً عشر دقايق .. قلت حق أسوم اني بروح بيت يدوه اليوم وطلعت من المسن .. خلص تحميل البرنامج .. بندت اللاب توب حطيته في الشنطه وأنا طول هالفتره ماتكلمت والباقين شالين الصاله من الضحك والسوالف .. ليش أحرم نفسي من هالشي .. حارب ما افتكر فيني .. وأنا ما بفتكر فيه قعدت أسولف ويا خليفه وسالم وأغلس عليهم .. سالم: انت الا الله يعين أمك وأبوك .. لين يوم النتايج بتلقى نخله على روسهم خليفه: نخله والا سدره .. اللي كاتبنه رب العالمين بيصير.. العنود: إذا يبت أعلى عني.. خليفه( يقاطعها): لا تقوليين أعلى عني .. تحيد عمرها محطمه العايله .. وين أعلى عنج العنود:كيفك .. كنت بعطيك شرط ما تحلم فيه خليفه: برايه شرطج .. أعرف عمري يالله أييب في الستين حارب: شو في الستين .. محد يباك في الستين خليفه: انزين إذا يبت في السبعين .. عليك تسفرني وياك في الصيف حارب: بتبطي الساع سالم: ياااااااااااااااالله وانت ما لقيت غير حارب .. أبوي الحربي عنده مخططات يديده هالصيف شمسوه: مخططات شو حارب+ سالم: انتي مايخصج علي: هههههه .. لازم ترز عمرها في النص وايواجعونها .. شمسوه: أنا اللي أبغي أعرفه بعرفه .. انزيييييييين علي: لااااااااااااء حارب: أنا اللي عندي مخططات والا أنتوا .. أنا بقولكم أبوي الشواب حددوا العرس اليوم انجلبن حمدوه وشمسوه طماط .. لو حد قالهن هالرمسه وهن اروحهن يمكن تكون ردة فعلهن أقل شوي .. بس جدام سالم وعلي .. نووو وووووووووي أكيد بيستحن سالم: أنا ما بعرس الا وياك .. ما يصير أخليك اروحك علي: برايكم انتوا أنا بعرس وبطبكم .. ماعليه منكم حارب: منو بيخليك العنود: لا صدق سالم .. متى العرس سالم: شهر سبعه انشالله العنود: والهلا .. ماشي صيفي شمسوه علي: لا شو صيفي ماصيفي .. ماشي صيفي لطوف: بس بس غيروا السالفه العرايس استحن كملنا سوالف لين أذان المغرب .. وأنا طول الوقت ما كلمت حارب ولا حطيت عيني في عينه.. وهو ماشالله مشتل ويا ميثوه في السوالف .. وصدق هالشي ماهمني .. صابني فتور مثل مايقولون تعودت على هالحاله في وجود ميثا وحارب .. رديت البيت .. صليت المغرب ورتبت لي شوية ملابس .. لبست عباتي ورديت بيت أم عبدالله بييب اللاب توب .. صرت ما أستغني عنه .. دخلت الصاله .. لقيت عموه أم عبدالله وأختها أم ميثوه وحارب وميثوه .. وقفت عند الباب .. كانت ميثوه قابظه طربوشة حارب وهوه يتجاتل وياها .. يبغي الطربوشه وهيه مب راظيه تعطيه اياها حارب: ميثا .. اعطيني الطربوشه ميثوه: No No حارب: لا تيلسين تبربرين بالانجليزي .. خليني أطلع أم ميثوه: ميثوه لا تلعوزين ولد خالتج ميثوه: برايه .. ليش يجذب علينا ... قايل بيودينا المبزره حارب: بوديكن .. بس هب اليوم .. ميثوه: متى عيل؟ حارب: أنا ما أفتك من حنة شميس ولطوف .. تين انتي .. صبرن عليه بوديكن .. أم عبدالله: شعنه تقولهن بوديكن .. شرا ما قلتلهن توديهن حارب: بوديهن أمايه بس اليوم مواعد الربع ماأروم .. فالها طيب بنت خالتيه من شفت حارب وميثوه على هالحال حسيت بنغزه في صدري ... انتبه لي حارب وبينت الصدمه على ويهه.. دخلت الصاله توني انتبهت ان شكلي غلط وأنا واقفه العنود: السلام عليكم الجميع: وعليكم السلام العنود: عموه شميس وحمدوه وين ؟ أم عبدالله: ما أدلهن يا أميه .. من رديت من العزبه ماشفتهن العنود: بروح أشوفهن فوق ركبت فوق .. دقيت الباب على حجرتهن مالقيت حد منهن .. أتصلهن كلهن تيلفوناتهن في الحجره .. نزلت تحت بعدها ميثوه تغلس على حارب بس هوه ما يرد عليها .. شليت اللاب توب وطلعت من الصاله أم عبدالله: العنيدي الغالي وين تبين تعالي العنود: بروح عموه .. بروح بيت يدوه الحين خالي بيي يشلني أم عبدالله: هييه .. سلمي عليها العنود: يبلغ بالخير .. طلعت من الصاله من الباب اللي جدام .. كنت بروح عند حمدوه .. سمعت صوت حارب حارب: عنودي وقفت فتره .. تنفست وأنا أتنافظ .. لفيت صوبه العنود: هممم حارب: زعلانه!! العنود: أنا !! .. ليش أزعل ؟؟ حارب: لا ماشي خلاص خلاص تم واقف فتره وما تكلم .. العنود: بغيت شي حارب حارب: هيه .. أأ لالا ... شفت ميثوه واقفه عند الباب ميثوه: حارب العنود: روح .. ميثوه تزقرك .. مع السلامه حارب: بتسيرين؟ االعنود: هيه..مع السلامه واتصلي غيث قلت له اني بطلع له الحيين وما رحت صوب حمدوه .. رديت البيت خليت لامي تشل الأغراض توديهن السياره وطلعت **** الله يلعن هالحاله ماشافتني الا ونحن على هالحال ... أفففففف مالت عليه أوني براضيها .. أنا أدري انها معصبه .. علني بلاج يا شميس ويا شويراتج .. أنا خبله والا حد يسمع شور هالعنز.. والحين سايره عند يدتها يااااااالله شو هالحال بتم هناك أدري بها .. *** ... شفت غيث واقف ويا سالم وعلي وحارب جدام الباب .. يسولفون والضحك شال البقعه .. ركبت السياره يا علي صوبي دق الدريشه عليه .. فتحت له العنود: ثنين بيبسي واحد باونتي واحد بطاقه علي: عنلاتج زاد .. العنود: ههههههه .. خير شو تبغي؟ علي: فتحي السده .. طلعي البطايق بسرعه قبل لا ايي خالج العنود: بطايق شوو؟؟ علي: عنده بطايق تيلفون .. أرقام حلوه بسرعه طلعي الظروف فتحت السده شفت أربع ظروف مال الاتصالات .. كلهن أرقامهن حلوه العنود: كم تدفع علي: مالت عليج .. وأنا قلت بتطلعينهن بتعاطيني اياهن العنود: شوو .. ماشي بلاش هالأيام .. كم تدفع .. سعر البطاقه يبتدي بألف علي: شو ناويه تفتحين مزاد العنود: شكلي جذيه .. بنستربح ركب غيث السياره .. وقبظ الظروف اللي في ايدي .. بس ظاربته لين خذتهن غيث: خيييييبه عنبوه ماتنرام يا بوكم سالم: حوووو ..بتاكل بنتنا غيث: هذي من تغيض خلاص محد يروم عليها .. حشى طرت لي ايدي سالم: تستاهل .. كم مره قلت لك لا تقطعها وتخبر عنها علي: أشوف ايديك مد غيث ايده جدامي صوب علي .. شفت فيها شمخ علي: هههههههه تقول شمخ قطوه العنود: يستاهل غيث: حشى الله يعين ريلج عليج قفطت من قالي غيث هالكلام .. سكت عنهم وتموا يعلقون عليه ويتخيلون الظرابه بيني وبين ريلي ... ويتظاحكون عليه وأنا ساكته ..انقهرت منهم .. رفعت الجامه من صوبي غيث: هههههههههه شو ياج حاول علي يفتح الباب بس كنت قافلتنه .. يو من صوب غيث .. علي: هههههه أونها تستحي سالم: أفا يا العنيدي .. تسكرين الجامه ونحن واقفين عندج العنود: لأن رمستكم ما منها فايده سالم: هههههه ما قلنا شي العنود: شو ماقلتوا شي .. وانتوا تتطنزون عليه سالم: عليوي .. غيثوه .. شو ياكم على عنودي تموا غيث وعلي يطالعون بعض فتره قام علي دخل راس سالم في السياره وغيث سكر الدريشه شوي سالم: عنلات اللي ما يعرفكم .. ناوين تجتلوني غيث: عيل تعقنا اروحنا في السالفه سالم: عنودي تدري انها ما تهون عليه غيث: حتى أنا ماتهون عليه ***** تحرك غيث وتموا سالم وحارب جدام الباب وعلي سار عنهم .. وسالم سمع حارب تنهد تنهيده طلعت من خااااطره .. سالم(يطالع غيث بطرف عينه): شعندك؟؟ أسمع تنهيده من الخاطر حارب: ياخي وانت شلك ... سالم: أقول أنا قابض عليك زله .. لا تخليني .. حارب(يقاطعه): يابوك انت مذله مايسوى علينا اللي عرفته سالم(بنذاله): والله جانك تبغي اللي فبالك يصير.. لازم تنفذ لي طلباتي كلهن حارب: تدري توني اكتشفت انك نذل ومحد يقولك شي سالم: وين يقولي .. انت ماقالتلي شي..أنا اروحي سمعتك.. احمد ربك محد سمعك غيري حارب: فكنا انزين فكنا اللي صار ان حارب كم مره قال اسم العنود وهوه فالعنايه.. واللي كان عنده هوه سالم..أكيد انه عصب فالبدايه .. بس من عقب ماتفاهم ويا حارب ..فهم كل شي.. وبيحاول يساعد حارب.. لأنه وايد جريب من العنود ***** رحت بيت يدوه .. وأول ما وصلت شفت أحمد عند الباب توه طالع .. ما نزلت من السياره لين اتأكدت انه طلع .. دخلت البيت لقيت يدوه وأم أحمد يالسات في الصاله سلمت عليهن ويلست وياهن لين أذان العشى .. رحت حجرتي .. قعدت فيها وعقب طلعت تعشيت ويلست أسولف ويا يدوه وصلتها حجرتها عشان ترقد ورديت حجرتي .. اتولهت على نوروه .. كانت تتخيرش ويايه يوم أبات عندها .. بس اليوم محد عندي وغيث السبال من يطلع ما يرد .. دخلت النت .. فتحت المسن .. ما حصلت حد الساعه وحده دخلت شمسوه سيد الغوى في كونه غالي ولا أنساه في الحب أنا مجنونه قلبي أنا يهواه.." عنوديييي.. فيس معصب" دخيلك تخلي ضايق الصدر في حاله...تراني على حد البكا لا تبكيني" هلا شميس" سيد الغوى في كونه غالي ولا أنساه في الحب أنا مجنونه قلبي أنا يهواه " بصفعج .. ليش تروحين بيت يدتج وما تخبرينا " دخيلك تخلي ضايق الصدر في حاله...تراني على حد البكا لا تبكيني" ييت وما حصلتكن" سيد الغوى في كونه غالي ولا أنساه في الحب أنا مجنونه قلبي أنا يهواه " ليييش تيلفونج مغلق" دخيلك تخلي ضايق الصدر في حاله...تراني على حد البكا لا تبكيني" شميس مالي بارض .. دخيلج" سيد الغوى في كونه غالي ولا أنساه في الحب أنا مجنونه قلبي أنا يهواه" عنودي غناتي شو فيج" دخيلك تخلي ضايق الصدر في حاله...تراني على حد البكا لا تبكيني"مافيني شي" سيد الغوى في كونه غالي ولا أنساه في الحب أنا مجنونه قلبي أنا يهواه " عنودي فديت روحج إذا على اللي سويته اليوم تراج تعرفين اني كنت أغلس عليج" دخيلك تخلي ضايق الصدر في حاله...تراني على حد البكا لا تبكيني" شميس انتي ما يخصج .. أنا اروحي مضايجه" سيد الغوى في كونه غالي ولا أنساه في الحب أنا مجنونه قلبي أنا يهواه " عنودي فديت روحج .. شوفيييج..فتحي تيلفونج برمسج" دخيلك تخلي ضايق الصدر في حاله...تراني على حد البكا لا تبكيني " شميس ما أقدر أرمسج .. برمسج باجر" **** في هالوقت في بيت أم عبدالله .. دخل حارب الصاله .. كانت شمسوه وحمدوه وميثوه اللي كانت بايته عندهم يالسات في الصاله .. حارب: السلام عليكم البنات: وعليكم السلام حارب: شو تسون ؟؟ حمدوه: ما نسوي شي حارب: غريبه .. السهره بيت حمد اليوم حمدوه: عنودي باتت بيت يدتها حارب: شفت خالها يوم شلها ميثوه: حارب ماعندك أفلام حارب: أنا ماأهتم بهالسوالف ميثوه: هالتلفزيون ممل حارب: سيرن وطن روسكن وارقدن شمسوه كانت ترمس العنود ومندمجه في اللاب توب ومطنشتنهم كلهم سيد الغوى في كونه غالي ولا أنساه في الحب أنا مجنونه قلبي أنا يهواه " متى بتردين ؟؟ " دخيلك تخلي ضايق الصدر في حاله...تراني على حد البكا لا تبكيني " يوم السبت فليل" سيد الغوى في كونه غالي ولا أنساه في الحب أنا مجنونه قلبي أنا يهواه " شو يوم السبت .. حرام عليج" دخيلك تخلي ضايق الصدر في حاله...تراني على حد البكا لا تبكيني " شميس أنا مرتاحه هنيه .. دخيلج لا تضغطين عليه" حمدوه: صدقيني شي فيها شمسوه: المشكله انها هب طايعه تفتح تيلفونها حمدوه: لاااا إله إلا الله .. حارب انتبه عليهن .. حارب: شو عندكن ؟ شمسوه: ماشي راح حارب قعد عدال شمسوه وقرب منها وهو كان يلعب التيلفون حارب(بهمس): شخبارها العنود.. رمستيها؟؟ شمسوه: تيلفونها مغلق ... حارب: ليش؟ شمسوه: ما أدريبها ...هذيه ويايه على المسن لف حارب صوبها وصقعها على راسها على الخفيف وشل اللاب توب عنها وقرا المحادثه كلها حارب: جلبي ويهج شمسوه:حارب حرام عليك .. هب دوم العيد حارب: جب ما يخصج حمدوه: حارب هب زين عليك ميثوه: انتوا شو عندكم حارب : اشتلن يالله .. ان ما قمتن براويكن شغل الله قامت حمدوه يلست عدال ميثوه يطالعن التلفزيون وشمسوه سكتت عن حارب عشان جذيه سكت عنها وخلاها يالسه .. سيد الغوى في كونه غالي ولا أنساه في الحب أنا مجنونه قلبي أنا يهواه" مرحبا الساااااع" دخيلك تخلي ضايق الصدر في حاله...تراني على حد البكا لا تبكيني" هلا حمدوه" سيد الغوى في كونه غالي ولا أنساه في الحب أنا مجنونه قلبي أنا يهواه " هب حمدوه ... محد غير حمدوه في هالبيت" دخيلك تخلي ضايق الصدر في حاله...تراني على حد البكا لا تبكيني " عيل ميثوه" سيد الغوى في كونه غالي ولا أنساه في الحب أنا مجنونه قلبي أنا يهواه " لااااااااااااا ... أنا حارب" سيد الغوى في كونه غالي ولا أنساه في الحب أنا مجنونه قلبي أنا يهواه " العنووووووووود... وينج" دخيلك تخلي ضايق الصدر في حاله...تراني على حد البكا لا تبكيني " وياك .. هلا حارب" سيد الغوى في كونه غالي ولا أنساه في الحب أنا مجنونه قلبي أنا يهواه " شحالج .. شخبارج" دخيلك تخلي ضايق الصدر في حاله...تراني على حد البكا لا تبكيني " طيبه طاب حالك " سيد الغوى في كونه غالي ولا أنساه في الحب أنا مجنونه قلبي أنا يهواه " شو فيج" دخيلك تخلي ضايق الصدر في حاله...تراني على حد البكا لا تبكيني " ؟؟ - فيس مستغرب - .. مافيني شي " سيد الغوى في كونه غالي ولا أنساه في الحب أنا مجنونه قلبي أنا يهواه " شو ما فيج شي .. أنا قريت اللي بينج وبين شمسوه .. عنودي شو فيج " دخيلك تخلي ضايق الصدر في حاله...تراني على حد البكا لا تبكيني" مافيني شي .. تعرف دلع البنات انت عاد .. شمسوه وين ؟؟ " سيد الغوى في كونه غالي ولا أنساه في الحب أنا مجنونه قلبي أنا يهواه " أفاااااااا .. ما يستوي ترمسينا" دخيلك تخلي ضايق الصدر في حاله...تراني على حد البكا لا تبكيني " لا أفا عليك .. بس أنا في حياتي ماسويتها .. وانت تدري انها مب حلوه في حقي .. وانت ما ترضاها لي صح ؟؟ " سيد الغوى في كونه غالي ولا أنساه في الحب أنا مجنونه قلبي أنا يهواه " في هذي صدقتي .. أوكي بخليج ترمسن شمسوه بس على شرط " دخيلك تخلي ضايق الصدر في حاله...تراني على حد البكا لا تبكيني " شو شرطك؟؟ " سيد الغوى في كونه غالي ولا أنساه في الحب أنا مجنونه قلبي أنا يهواه " تغيرين النك الحييييييين " دخيلك تخلي ضايق الصدر في حاله...تراني على حد البكا لا تبكيني " ليش هب حلووو ؟؟ " سيد الغوى في كونه غالي ولا أنساه في الحب أنا مجنونه قلبي أنا يهواه " لااا .. اتعودت عليج عنودي الربشه .. وهالنك أبد ما يناسبج .. وما أبغي هالضيق أبداً " دخيلك تخلي ضايق الصدر في حاله...تراني على حد البكا لا تبكيني " أوكي .. شوف هالنك وقولي رايك " ..... قوطي صلصل " شو رايك في هذا ؟؟ " سيد الغوى في كونه غالي ولا أنساه في الحب أنا مجنونه قلبي أنا يهواه " ههههههههه .. هيه هذي هيه العنود هب قبل .. " قوطي صلصل " هههههههه .. يالله عطني شميس والا حمدوه " سيد الغوى في كونه غالي ولا أنساه في الحب أنا مجنونه قلبي أنا يهواه " فالج طيب وأنا بروح أرقد .. تصبحين على خير " قوطي صلصل " وانت من أهل الخير " سيد الغوى في كونه غالي ولا أنساه في الحب أنا مجنونه قلبي أنا يهواه " اهدااااااء من القلب .. لحظات بعدك في الحشى ولعت حرب نيرانها بين الحنايا تشب .. ما تنطفي لو كانت أنهارها تصب النيل أو دجله مع الميسسبي .. " شل حارب اللاب توب وعطاه شمسوه حارب: يالله رقاد ميثوه: وين ؟؟ تعال اسهر ويانا حارب: لا بسهر اروحي .. عندي شغل ميثوه: الله والشغل عاد .. ما أدري شو بتسوي حارب: القلب والفكر مشغول .. انتي شو يخصج ميثوه: اييك شور ... روح انطب أحسن حارب: والله هب على كيفج .. انتي شو اللي خلاج تباتين عندنا اليوم .. ما عندكم بيت ميثوه: والله أنا بايته عند خالوه .. يوم بتسوي بيت ما ببات فيه حارب: ومنو قالج اني بخليج تباتين فيه .. حارب: يالله بسكن من السهر .. وانتي شميس يالله بسج سهر وارقدي من الله تعبانه في العزيمه اليوم شمسوه: من متى حظرتك تداريني حارب: ماعندي سالفه .. انتي عارفه أنا شو أقصد شمسوه: انزين .. روووح ******* سيد الغوى في كونه غالي ولا أنساه في الحب أنا مجنونه قلبي أنا يهواه" يقولج حارب روحي رقدي .. تعبتي في العزيمه اليوم " يااااااربييييييييي بتخبل بين .. شو هالاهداء .. شو هالاهتمام ... أحسن لي أقوم أرقد .. تراه هذي أسهل طريقه للهروب من الواقع .. طلعت من المسن بدون ما أقول حق شمسوه وما رديت عليها .. رقدت عقب تفكير طوييييييل في مواقف صارت .. وأحداث أتوقعها تستوي .. .... يوم الجمعه الصبح قمت ورحت المزرعه ويايدوه.. اتصلت حق أسوم وموزوه وراحن ويانا .. ردينا الساعه عشر .. دخلت تسبحت وقريت سورة الكهف .. عقب ما صليت .. طالعت تيلفوني لقيت فيه عشر مسكول من حمدوه وشمسوه .. ومسجات يتحلفن فيها .. طنشتهن وسحيت شعري أسوم( تدخل): نحن هناااااا العنود: مرحبا ملايييين .. شو هالكشخه أسوم: أي كشخه العنود: لابسه أخضر ويايه .. تبين تخبلين بخالي .. هو روحه من الله خبله الحمدالله والشكر ظربتني أسوم ظربه خفيفه بالمشط .. العنود: يييييها ما ترضا عليه أسوم: جب يالسباله كان باب الحجره مفتوح .. دخل غيث شافنا وابتسم .. حسيت انه سمع رمستنا .. لفيت على أسوم لقيتها لافه عنه ومنزله راسها غيث: شحالج أسامي أسوم: بخير ربي يسلمك غيث: عنودي يابوج امره لا تروحين عنا .. من عرست نوروه ونحن ما نشوفها .. الا إذا كنتي انتي عندها العنود: لا والله الا على حسابكم أنا غيث: يهون عليج خالج يتعذب كل يوم وماتساعدينه العنود: ايه انتي .. أسموه شعنه ما تيين كل يوم أسوم: أيي بين فتره وفتره عند عموه العنود: تراها تيي شو بعد غيث: ما نقدر نرمسها .. قوليلها العنود: رمسها الحين شو عندك غيث: ما بقول شي .. بس بغيت أقولها اتولهنا عليها .. خفي علينا شوي طلع عنا غيث لفيت على أسوم .. عقت بعمرها على الشبريه وتنفست بعممممممق .. أسوم: آآآآآآآآآآه بغيت أموت العنود: ههههههههه .. شو ياج أسوم: أول مره أسمعه يقول جذيه العنود: هيه شو على بالج ولدنا رومنسي أسوم: هب نحن .. ماشالله على الدفاشه اللي عندنا العنود: لا حليله عبدالله .. الا أحمدوه الدفش أسوم: ههه عنودي حرام عليج العنود: جب جب لا اتحريني بستحي منج لأنه أخوج .. انتي تعرفين سواياه أسوم: خلينا نروح نتغدا انتي ...... |
مش جنه بسكم ؟؟؟ |
لا مااااااااااااااااااااااااااااااااايسد كملي دخيييييييييييييييييييلج |
مشكورة ع البارت وهاي ميثوه تقهر نتريا الياي |
هههههـــ مشكورين عمتابعه القصه ^_^ و ان شاء الله باجر بكمل ^_*:183: |
مشكوووووووره غلايه على البارت ونتريا البارت الياي |
يلا ريماني تراج وايد بطيتي علينا :30::30: |
ويييييييييييينج ريمااني :30::30::30: |
الــــــــــــــجـــــــــــــــــزء الــــــــــــــــــــثالــــــــــــــــــث والـــــــــــثلاثـــــــــــيــــــــــــــن تميت في بيت يدوه لين يوم السبت فليل رديت البيت .. طول الاسبوع ما طلعت من البيت الا إذا بروح الجامعه وبيت أم عبدالله ما أدخله الا إذا بخطف ويا البنات أوصلهن عقب ما نرد من الجامعه... حتى حصوه كانت طول هالاسبوع في بيت أم عبدالله لأن مايد كان مسافر ما شفتها الا يوم يتني أمس .. حارب ما شفته من يوم الخميس اللي طاف .. وفي الاجتماع الأمسي رحت أرقد لأني ما أبغي أشوفه ولا أبغيه يشوفني .. وشمسوه أمس كلتني لأني ما أروح عندهم وميثوه مطيحه أربع وعشرين ساعه .. انزين أنا شعليه منهم خله يشوفها وييلس وياها بعد وأنا شو يخصني .. اليوم الخميس قمنا من الصبح .. أوامر حمد .. بنروح المزرعه في ليوا لأنه عنده شغل فيها وعزمنا نبات ونرد باجر عقب الغدا .. كنت يالسه ويا عموه عند الريوق.. دخل حمد حمد: السلام عليكم العنود+أم حمد: وعليكم السلام حمد: شصبحتوا ؟ أم حمد: بخير ربي يسلمك حمد: هاه .. خلصتوا أم حمد: هيه خلصنا .. متى بنتحرك ؟ حمد: على التسع انشالله .. دخلت آمنه وعويش الصاله .. يلسوا يتريقون .. اتصل حمد في بو سالم عشان نطلع .. والساعه تسع ... ركبت أنا ويا خليفه وشلينا لامي ومريتا .. طلعنا يمكن ست سيايير خليفه: عاد حد يسير المزارع في هالحر العنود: عادي جو المزارع في ليوا هب حار خليفه( وهو يزيد السرعه): طلعيلنا شريط انتي .. خلينا نتونس العنود: خليفه .. دخيلك عن الخبال .. قلبي ما يتحمل زود خليفه: انزييييييييين طلعت الشريط وحطيته .. ويوم رن تيلفونني قصرت على المسجل خليفه: ليش تتعبلين ؟ طنشته ورديت على شميس العنود: مرحباااااااااااا شمسوه: هلا والله .. شحالج عنودي العنود: يسرج الحال .. انتي علومج اليوم .. عقب ضيجة أمس شمسوه: عادي تدرين .. مانروم نصبر العنود: شعليييج .. هب أنا مالت عليه شمسوه : منج انتي .. حد قالج .. مايسوى عليج العنود: خلاص طبي السالفه انتي الحين .. قوليلي .. منو عندج في السياره ...( بخبث) ويا منو راكبه شمسوه: لا تخافين راكبه ويا حارب .. العنود: على بالي بعد تراج خبله تسوينها شمسوه: منو عندج انتي؟؟ العنود: أنا وخليفه والخدامات .. وانتي شمسوه: أنا وحمدوه وخالوه مريم وميثوه العنود: وياكم ؟؟ شمسوه: هيه ... بعدين بخبرج بالسالفه كلها العنود: الظاهر اني حتى في المزرعه .. شمسوه( تقاطعها): خلي عنج هالسالفه .. بعدين عندي رمسه بقولج ايها العنود: خليفه اوقف عند الدكان أبغي بيبسي وباونتي خليفه: وبطن .. توج متريقه العنود: انزين انته شعليك شمسوه: بيبسي وباونتي على الصبح العنود: انزين انتوا شعليكم .. أنا خاطري فيه خليفه: يوم بنخطف الشيشه بشتري لج العنود: لااااااااا .. ما أريد شمسوه: تستاهلين العنود: تصدقين ماعندي سالفه أرمسج .. جلبي ويهج .. سكرت عن شمسوه وأنا منقهره من خليفه لأنه خطف عن الدكان وما وقف .. وقفنا عند الشيشه نصب بترول .. وماشالله السياير ورا بعض كلهن سياييرنا .. والرياييل نزلوا عند دكان الشيشه وما خليت شي ما طلبته يوم نزل خليفه وحمد كان عندنا .. عشان يشتريلي اللي أبغيه وما يقدر يقول شي جدام حمد .. وبالمره أخليه حق السهره اليوم وحق باجر ... وقفوا سالم وحارب عند سيارتنا .. دق سالم الدريشه عليه العنود: ما يريد شي .. خلاص بابا عند دكان سالم: مالت عليج .. هب منج مني أنا اللي ياي أشوفج شو تبين العنود: مشكور فديت عيونك .. خليفه كتبت له لسته وعطيته اياها .. خليفه: هيه لسته .. حشى ما ذكرت شي العنود: أهم شي البيبسي والباونتي خليفه: ما يبت باونتي نسيت العنود: لا رد خذ لي باونتي خليفه: بتبطين الساع العنود: سالم تراه خليفه يسرع .. والله ان قلبي طار من الزيغه خليفه: أونه لأني ما يبت الباونتي بتخبر عليه .. يعني الحينه تتحريني بييبه .. حارب: وانت شعندك مطير .. تبغي تجتلها وتجتل عمرك وياها سالم( بنقمه): لا والله .. حروب اجلب ويهك يالله حارب: سسير انت أشوف العيايز يأشرن .. لا تطير وحده منهن الحين سالم: خلاص انزين الحين بسير .. يالله العنود سكري الدريشه .. العنود: انزين .. روح اشترلي باونتي خليفه ما خلاني أكمل كلامي الا واتحرك .. عشان ما آكل الباونتي .. تحرطمت عليه طول الدرب وما سوالي سالفه السبال .. وصلنا المزرعه قريب أذان الظهر .. دخلنا البيت اللي في المزرعه لقينا كل شي نظيف ومرتب .. دخلوا الرياييل الصاله والحرمات في غرفة الطعام .. سلامه: بنات .. حد منكن ايي يفازعني بنسوي القهوه شمسوه: أنا والعنود بنروح وياج .. حسيت انها تبغي تقول شي .. طلعت وياها .. دخلنا المطبخ سوينا القهوه وحليب بالزعفران .. عقب ما خلصنا وشلينا الصياني .. كنت بقعد داخل بس شمسوه ما خلتني .. طلعنا برا وقعدنا عند الدري صوب المطبخ العنود: شو عندج شمسوه ؟ شمسوه: عنودي لا اتمين ماصخه ... تراج زودتيها العنود( باستهبال): أنا!!؟ .. شو سويت ؟ شمسوه: انتي تعرفين شو سويتي .. لا تستهبلين العنود: شو أستهبل انتي بعد .. ماسويت شي شمسوه: عنودي انتي تعرفين شو أقصد .. لا اطولينها وهيه قصيره العنود: انزين .. ممكن تفهميني شو أسوي .. عشان ترضين شمسوه: انتي طول هالاسبوع ما ييتينا العنود: الاسبوع اللي طاف امتحانات سعي ثاني .. وكنت مزحومه شمسوه: بسسس العنود: هيه بس شمسوه: أشوف عيونج لفيت صوبها وأنا أتنافظ .. أحس بقهر بس ما أدري ليش شمسوه: عنودي .. لمعت دموعج باينته في عينج .. ليش يعني؟ .. ماصار موقف وأغلس عليج فيه .. يابوج مايسوى علينا من سمعتها تقول لمعت دموعج .. حاولت أكتم دموعي قد ما أقدر .. بس طاحت دمعه من عيوني اليسار مشت على خدي وما حاولت أمسحها .... حطيت ايدي على ويهي وأنا أظغط عليه لأني أبغي أرد دموعي .. كتمتها طول الاسبوع اللي طاف وما أبغي أضعف الحين في الوقت اللي يايه أستانس فيه .. شمسوه: عنودي .. أنا متأكده انج حاطه في خاطرج من حارب العنود( باستهزاء): وليش أحط في خاطري منه .. شو بينا عشان أحط في خاطري شمسوه: اللي بينكم انتي تعرفينه زيين العنود: لا ما أعرف .. ولا أبغي أعرف شمسوه: عنودي لا تحطين في بالج ان حارب مب حاس انج زعلانه .. ومالاحظ انج الاسبوع اللي طاف ما ييتي عندنا العنود: والحين شو تبيني أسوي شمسوه: ما أباج تسوين شي .. عنودي انتي هالأيام محد يقدر يرمسج العنود: قومي خلينا ندخل في المطبخ حست فيني شمسوه اني أبغي أكلمها في شي .. مشت ويايه ودخلنا المطبخ وسكرنا الباب شمسوه: عنودي شي في خاطرج ؟؟ رمسي العنود: تبين تعرفين اللي في خاطري ؟؟ شمسوه: عنودي صدقيني إذا قدرت أساعدج .. والله ما بقصر فيج العنود: شمسوه انتي أول وحده عرفت باللي في خاطري شمسوه( باستغراب) : أنا !! العنود: هيه انتي .. يوم كان حارب في العنايه عقب الحادث سكتت شمسوه تفكر ومستغربه من كلامي .. شمسوه: أوكي .. وهالشي ليش يخليج مضايجه العنو: مضايجه لأني اكتشفت ان هاللي في خاطري بدون أي فاديه شمسوه: شو بدون فايد .. تستهبلين؟؟ العنود: لا ما أستهبل ... شمسوه: انزين شو اللي خلاج تقولين هالكلام العنود: اللي أشوفه واللي أسمعه شمسوه( بضيج): شو شفتي ؟؟ وشو اللي سمعتيه.. العنود: ميثوه شمسوه: انتي شو يخصج بميثوه .. انتي عليج من نفسج العنود: وهاللي أسويه .. عليه بنفسي شمسوه: بس عاد عن الرمسه اللي مالها معنا .. انتي تعرفين أنا شو أقصد العنود: شو تقصدين ؟؟ شمسوه: انتي شو عليج منها .. حارمه عمرج من الليلسه والوناسه بس لأنها موجوده العنود: ومن حركاتها .. شمسوه( تقاطعها): حارب من عقب اللي صار الاسبوع اللي طاف ما عبرها ... العنود: شو صار ... ؟؟ شمسوه: يوم طلعتي زعلانه العنود: ولا يكون قلتي له اني زعلانه عشان هالسبب شمسوه: هاه ... أنا .. لا ما قلت له العنود: شمييييس .. متأكده شمسوه: هوووو أنااااااا مااااااااقللللللللت له .. بس لمحت له قبضت الملاس اللي كان على الطاوله ورحت صوبها وهيه طلعت تربع من المطبخ .. طلعت وراها .. شفت حارب واقف .. انتبهت اني بعدني رافعه الملاس .. نزلته ولفيت دخلت المطبخ وأنا متوتره والسبب هو اني من متى ماشفته .. حسيت بشوق كبير في خاطري له .. حارب: شحالج العنود؟؟ من سمعت صوبه حسيت قلبي بيطلع .. لفيت صوبه العنود: طيبه طاب حالك .. انت شحالك ؟ حارب( يتنهد): الحمد الله على كل حال .. عايش في هالدنيا رفعت راسي طالعت في ويهه .. ما فهمت نظرته شو يقصد منها .. العنود: شمسوه .. أنا بروح داخل حارب: لا العنود .. تمي .. أنا اللي بطلع العنود: لالا .. أنا بروح أصلي ما صليت حارب: توه يأذن .. شمسوه : حارب ... شو رايك في كوب عصير برتقال .. باااارد حارب: منو اللي بيسويه؟ شمسوه: أنا طبعاً .. عندي مناسبه وعازمتنكم على الحفله اللي مسوتنها حارب: وشو هالمناسبه ؟ شمسوه: مناسبة تصالحكم .. حارب: تصالحنا!! شمسوه: هيه ... أدري انكم كنتوا زعلانين من بعض العنود: أنا هب زعلانه .. شو يزعلني بعد ؟؟ حارب: بس أنا زعلان شمسوه: هاه شفتي ؟ العنود: بس أنا هب زعلانه .. وحارب ماسوالي شي عشان أزعل حارب: هيه .. وأنا ما أذكر اني زعلتها في شي شمسوه: حارب .. لا تخرب كل شي حارب: أخرب !! .. شو أخرب بعد شمسوه: لااااااا إله إلا الله .. انت ايلس الحين .. خلنا نسوي لك العصير حارب: لا بروح أصلي ما فيني أتسمم من عصيركن طلع حارب من المطبخ ومن الغيض اللي فيني .. رديت بايدي وعقيت الملاس اللي على الطاوله .. وارتطم رطمه على الأرض .. رد حارب وقف عند الباب وأنا لفيت الصوب الثاني .. ما أبغيه يشوف الدموع في عيني .. حارب: عنودي .. شوي شوي على عمرج لا تضيجين تراج ماتهونين علينا.. وتراج ما سألتيني ليش زعلان من طلع حارب من المطبخ حطيت راسي على ريول شميس وفجرت سيول دموعي اللي كنت كاتمتنهن .. وهيه ما تحركة ولا قالت شي .. كل اللي سوته انها تمسح على راسي .. ........ بعد الغدا .. راحوا الشواب يرقدون ويلسنا في الصاله .. أنا وشمسوه .. حمدوه .. عويش .. وميثوه .. حصوه توها طلعت عنا راحت تريح شوي .. ومنصور قاعد يلعب .. العنود: منصور خلني ألعب وياك شوي منصور: ليش تحبين الخساره العنود: مسود الويه أنا أحب الخساره .. انت وايد مصدق عمرك منصور: أوكي تعالي .. بس إذا أنا فزت تعطيني من الدكان اللي عندكن في الحجره العنود: موافقه قعدت ألعب ويا منصور أكثر من دور وغلبته مرتين وغلبني مرتين منصور : باقي دور واحد وبنشوف العنود: لا خلاص تعبت منصور: هب على كيفج بتلعبين العنود: العصر بلعب وياك منصور: لا العصر بنروح نركب الدراجات العنود: الله .. أنا أبغي أركب منصور: جلبي ويهج .. سالم وحارب ما يخلون البنات يركبن العنود: حراااااام منصور: يالله تعالي بنلعب العنود: خلاص المغرب منصور: لاااا .. عندي مخططات ثانيه المغرب .. تعالي العنود: ما تسمع الاذان .. قوم روح المسيد .. الحين بيروحون عنك وبيخلونك تصلي هنيه طلعت من الصاله وأنا أربع دخلت الحجره لقيت البنات .. طلعن عنا يوم ملن.. حمدوه: هاه .. شو ياج تربعين العنود: منصور يروغني .. عويش: عنبوه .. توكم تلعبون العنود: يبغيني ألعب وياه دور خامس .. بس تعبت .. ........ العنود: الله .. باونتي منو يايبنه عويش: تعالي يابوج ... حمدوه حارستنه .. أونه هب مالي مال عنودي خلوها هيه تعطيكن منه العنود: مالي أنا !! شمسوه: هيه هيه .. قبظي انتي خذت الكرتون فتحته وكلت منه عويش: واللغثه .. عنبوه اعزمي علينا العنود: لالا ..يمتن عويش: يعللج يالزطيه .. تعالي اعطيني الكرتون العنود: انزييييييين .. بعطيكن حبتين تجامسمنهن حمدوه: يعلج .. صدقها عويش يوم قالت زطيه فتحت الكرتون وعطيتهن منه العنود: لا والله بس أسولف وياكن .. كلنا من الحلاوه .. صلينا وعقب طلعنا برا عقب ما سوينا الفواله .. قعدنا ماجابلين الشباب كانوا يلعبون بالدراجات .. العنود: والله خاطري أركب الدراجات حصوه: والله ما يسمعج عمي حارب بيصقعج على راسج العنود: والله خاطري أركب شمسوه : قومن نلعب طايره حصوه: أنا أبغي ألعب سلامه: عيني من الله خير وين تبين تناقزين قمنا بنلعب طايره بس اللي لعب منا حمدوه وشمسوه في فريق والفريق الثاني ميثوه وعويش .. أما أنا ماحصلت حد يلعب ضدي .. اكتفينا أنا وحصوه بالمشاهده .. رحت يبت كيمرة الفيديو وطلعت من الباب اللي يوصل الملعب شفت حارب طالع من المطبخ شال دبة ماء فايده استغربت من وجوده .. أول ما شافني نظراته كانت تبين انه زعلان بس صاحبة هالنظره ابتسامه يحاول يخفيها .. بس دام انه زعلان وأنا ماسويت له شي ليش أكلمه .. لفيت عنه وكملت دربي .. حارب: عنادي العنود: نعم حارب: على فكره تراني صدق لين الحين زعلان طالعته بنظرة استغراب مصطنع ... المفروض أنا اللي أزعل هب انته ..حاولت أخفي توتري وأنا أعابل الكميرا العنود: من؟؟!! حارب: بعاااااااد .. ما تعرف من شو العنود: ما أحيد عمري سويت شي عشان تزعل حارب: خلي الكيمره ورمسيني رفعت راسي له وكررت له العنود: ما أحيد عمري سويت شي عشان تزعل حارب:حق شو الكيمره العنود: تصدق عاد .. بنصور بها حارب: عنلاتج .. تستهبليبي العنود: اروحك تستهبل بعمرك .. يعني كيمره حق شو حارب: حشى يا بنت سيف .. محد يطيح في لسانج العنود: أنا !!؟؟ حليلي أنا الا الفار .. حظرتك مستوي القطو حارب: بس الفار هو اللي يبدا يتنقرش في القطو عشان يتضاربون العنود: بس هالمره القطو هو اللي تنقرش في الفار حارب: والقطو شو سوا بالفار؟ العنود: إذا سأل نفسه بيعرف حارب: أوكي حتى لو سأل نفسه وعرف انه غلطان ... اثنينتهم يعرفون الحقيقه ومتأكدين منها العنود( باستغراب): حقيقة شو!!؟ لف حارب عني وهو يمشي قال حارب: حقيقة انهم يحبون بعض .. ويموتون في بعض بعد وقفت مسمره تقريباً ربع ساعه نقزتني وحده من القطاو من القطيع اللي كان ورا المطبخ .. انتبهت لعمري ورديت عند حصوه .. كملن البنات لعب وأنا وحصوه نصور عروض الشباب .. حتى علي اللي كانت ريله مجبسه .. كان راكب وحده من الدرجات .. على طول هالتصوير والحركه .. بعدني أفكر في كلام حارب .. شو يقصد من كلامه .. يحبون بعض معقوله يحبني والا أنا أتخيل وأفسر كلامه على كيفي ..بس كلامه ماله أي تفسير ثاني .. آآآآآآآآآآه يا حارب لو تدري باللي في قلبي لك .. حصوه: أحم .. احم .. نحن هنا لفيت صوبها .. وأنا أبتسم حصوه: اللي ماخذ عقلج العنود: محد ماخذنه .. بعده موجود حصوه: باين .. هب جني من متى أرمسج وما تردين عليه العنود: أسمعج حصوه: جذااابه .. لو تسمعيني جان رديتي يوم سألتج .. عن شو كنت أرمس؟؟ العنود: هههه غلبتيني .. بصراحه كنت سرحانه حصوه: اللي ماخذ عقلج يتهنابه الا قولي اللي ماخذ عقلي وقلبي يا حصيص ..آآآآه حصوه: ممكن أفهم شو سر هالتنهيده العنود: ممم .. ما أدري حصوه: شو ما تدرين العنود: تشوفين هالبيوت والمزارع المحاوطتنا حصوه: شو فيها العنود: كل انسان عايش فيها له همه .. ومشاكله حصوه: مافي انسان في هالدنيا خالي من الهموم .. حتى لو كانت بسيطه العنود: وهذا اللي أبغي أوصل له .. مافي انسان خالي من الهموم .. حتى لو بسيطه بس في ناس حياتهم فيها هم واحد .. في ناس كل حياتها هموم حصوه: وليش هالتشاؤم؟؟ العنود: مافي شي في هالدنيا يبعد التشاؤوم حصوه: بالعكس ..كل شي تاخذينه من جانب التفاؤول تتفائلين به .. حتى لو مشكله تتفائلين بحلها ونتائج حلها .. ولو من نفسج تشاءمتي .. حياتج كلها تشاؤم .. العنود: الله كريم .. يهون الجرح الأليم حصوه: وشو جرحج يا آنسه عنود ... وشو هيه الهموم اللي تارسه حياتج .. مع انج هب محتايجه لأي شي آآآآآآآآآآه يا حصيص لو ان الراحه بتيني من الفلوس.. جان أنا الحين ما أشوف حد مرتاح أكثر مني .. بس شو تبيني أقولج .. هم اني فقدت أبويه وأمايه وأنا بعدني ما كملت 18 سنه عشت ويا أخويه اللي حرمته ما تطيقني .. عندي عم اكتشفت انه انسان ما تهمه غير مصلحته وفلوسه .. هم اني حبيت انسان ما يدري عني أون انه يدري عني وأنا ما ادري عنه .. أو اني أدري عنه بس أحاول ما أتخيل هالشي عشان ما أنصدم ... وان اخته اللي هيه حرمة أخويه مصره انه يخطب بنت خالته .. وهذا اللي سمعته الاسبوع اللي طاف وخلاني أقطع السيره بيت أم عبدالله .. حصوه: لااااااااااااا انتي حالتج ميؤس منها .. عنبوه أرمسج وتردين تسرحين مره ثانيه العنود: انتي خلصتي تصوير حصوه: تعالي شوفي شو صورت .. والله ان عيالنا مخبل العنود: مايبتي شي يديد شفت التصوير .. ورديت أكمل عليه .. في الوقت اللي خلصن البنات المباراه انسدحن عدالنا من التعب شمسوه( تتنهد): تعبت عويش: حشى اتكسرت ايدي العنود: بسم الله هذي هب كرة طايره .. حمل أثقال حصوه: شو النتيجه ؟ ميثوه: تعادل عويش: أنا بروح أتسبح وبطلع .. أحلى جو في المزرعه عقب المغرب .. دخلنا داخل البيت .. تسبحنا لبست كندوره حمرا وشيله حمرا حمدوه: ياااااااااااااااااااااااالله .. شو هذا العنيدي .. على منو ناويه العنود( تاكل باونتي): هب ناويه على حد .. يالله صلي وخلينا نطلع .. عنبوه بيأذن العشى وانتي بعدج ما صليتي المغرب حمدوه: شو أسوي بمنصور ورشود .. انقظوا على الحمام صلت حمدوه وأنا منسدحه على الشبريه .. كل مره أفتح باونتي وآكله .. عقب ما خلصت حمدوه صلاه حمدو: بسسسسسسج .. يعلج البطن ... ما بتتعشين العنود: لا ما عليج .. شهيتي مفتوحه هالأيام حمدوه: باين .. من يومين ما تذوقين شي .. والا بس عشان الباونتي العنود: هيه أكيد .. حد يقاوم الباونتي حمدوه(بخبث): حد يقاوم الباونتي... والا عشان اللي يايبينه استغربت منها .. شو قصدها العنود: شو قصدج؟؟ حمدوه: حارب اللي ياييب الباونتي اللقمه اللي في حلجي ما رمت أسرطها .. تميت مبلقه عيوني.. دخلت شمسوه وشافتني على هالحال .. ربعت من ورايه ودحتني دحه .. لفيت معصبه صوبها .. بلعت اللي في حلجي العنود: واللغثه .. شو ياج ؟؟ شمسوه: سمعت حمدوه شو قالت .. شفتج غصيتي .. قلت أدحج قبل لا تموتين .. مافينا وناستنا تخترب الجو برا روعه حمدوه: شو مستوي برا شمسوه: تعالن شوفن العنود: ميثوه وأمها بيباتون هنيه شمسوه: أكيد ..محد بيردهم العين اليوم حمدوه: عموه آمنه هيه اللي عازمتنهم العنود: والله ..!! شمسوه: هيه .. أمس يوم كانت ميثوه عندنا ويت خالوه تشلها .. قالت لها العنود: عيل ميثوه قالت ان حارب هو اللي أصر عليهن .. وانه لزم عليهن انه هو اييبهن حمدوه: جذاااااااااابه .. أصلاً خالوه قالت محد عندي يوديني .. قالها حارب انه هو اللي بيوديهن العنود: ما أدري كيف تحملتوها طول الدرب شمسوه: بس عاد .. هيه هب لها الدرجه غلسه وعله العنود: جب انتي .. سكتي ... ماشفتي عمرج قبل يوم علي يدخل الصاله وهيه موجوده شمسوه: هذاك قبل .. أما الحين غير العنود( باستهزاء): وشو الغير يا آنسه شمسسسوه شمسوه: اني واثقه في بو حسن ما يشوف غيري العنود( بنقمه): والله .. عيل قومي خلينا نسير نشوف بوحسن وباقي الكراتين شو يسوون.. والحيييييييييين...اتريوا البارت الياي.. وشوفوا الأحداث اللي بتصير.. |
واايد قصيير الباارت:walla: بس ما علييه بنتحمل نترقب الزوود |
تسلمين غناتي على البارت الحلو :30: |
لا لا لا لا لا لا لا لا لا لا لا لا لالا بآآآآآآآآآآآآآآآآآآآآآآآآآآآآآرت قصييييييييييييييييييييييييييييييييييييييييييييير :30::30::30::30::30::30::30::30::30::30: |
مشكووره ياحبوبه على القصه الرووعه .. ونتريا التكمله بفارغ الصبر .. |
الــــــــــــــجـــــــــــــــــزء الــــــــــــــــــــرابــــــــــــــــــع والـــــــــــثلاثـــــــــــيــــــــــــــن طلعنا من البيت شليت دفتري ويايه .. حطيته على وحده من الطاولات الخشبيه اللي في المزرعه عدال البيت .. كانوا فارشين برزه للرياييل والثانيه للحريم .. عدال حوض السباحه .. الكشافات كلها تشتغل .. الجو رهييييييييييييب ويا اضاءة الكشافات .... توني شفت حمد أخويه وبو سالم وبوعلي .. من عقب الغدا وهم يعابلون في هالمزرعه وشغلها.. قعدنا عند الحرمات .. وعقب رحت أنا وشمسوه عند سيارة سالم .. فتحناها دورت بين الأشرطه والسديهات .. طلعت سيدي يولات وشغلته .. رديت الكرسي على ورا ورفعت ريولي على الطبلون .. والباب اللي صوبي مفتوح .. وشمسوه يالسه على الأرض .. تجلب دفتري .. ونحن نتبادل الخراريف .. سالم( يصرخ): ايييييييييييييييييييه .. شو تسووون أقرب شي عندي فريته على ويهه وأنا وشمسوه نصارخ .. كان ياي من ورا السياره وما انتبهناله .. .. دق علينا من الدريشه الثانيه وصرخ سالم: ههههههههههه .. زغتن العنود: الله يقطعك .. فلختنا سالم: تستاهلن .. شو تسون عند سيارتي العنود: مايسوى عليك .. قولنا نزلن .. هب تزيغنا سالم: طولن على المسجل العنود: هاه .. ظربتك هبة يوله سالم: لا طولن خلنا نرتبش وياكن مديت ايدي وطولت على آخر شي .. بحيث ان اللي عدالي ما يسمعوني شو أقول ارتبشوا الشباب ومنصور شل عكاز علي ايول به .. وفي هالوقت حمدوه وعويش يجهزن الأغراض عشان نشوي.. انقسمنا فريقين .. وابتدينا الشوي عقب صلاة العشى فريق حمد وخليفه وعويش وأنا وعلي ومنصور وحصوه .. والفريق الثاني بوسالم وحارب وسالم وراشد وحمدوه وشمسوه وميثوه .. حمد: هاه أمايه شو رايكم شو أحلى... أم حمد: كله رمه زين فديتك بو سالم: عموه لا تجاملين ولدج .. قوليله ان اللي نحن شويناه أحلى حمد: أممممممممممحق .. من وين يته الحلاه .. أنا من متى أروح شي يحترق حارب: أي يحترق الله يخليك .. من الحين استسلموا .. شواينا أحلى العنود: لااااااا منو قال أحلى .. أصلاً عيال سيف بن حمد ما يحطون ايديهم في شي الا حطم الدنيا وخذ الصداره ************* حارب( بهمس): آآآآه .. هيه والله وأنا أشهد بس المصيبه ان حارب ما حس ان سالم وشمسوه سمعوه وكانت ردت فعل شمسوه .. انها ماتت من الضحك وسالم قبض صيخ اللحم اللي عداله سالم: حروووووووووووب ... تشوف هالصيخ بدخله في عينك بو سالم: شو ياكم حارب : هذا ولدك سالم: أبويه جانك تبغي أخوك ... خله يصطلب بو علي : الحشم ... شعندكم ؟؟؟ حارب: خلاص.. ماشي ماشي بو سالم: عاااااااااااااااااشوا بنت سيف .. ما تنلامين أخوج ماخذ الخقه جدامج حمد: منو أخوها العنود: أنا اللي أعرفه ان عندي أخو واحد بس .. حارب: حمد بن سيف حمد: تصدقون .. هب منكم من اللي يالس يشوي لكم ردوا كلهم عند العشى يتعشون الرياييل في طرف والحرمات في الطرف الثاني وكملنا أنا وشمسوه باقي اللحم سالم: حووووه شميس العنود .. وين اللحم؟؟ العنود: اصبر بعده ما خلص علي: عنبوه .. ما تصبر انته سالم : شعليك متفيزر من الصبح ...القاله منا نحن اللي نعابل اللحم وانت تزط طولنا واللحم ما خلص .. صرخ سالم مره ثانيه سالم: بخبركن انتن .. شو تسون هالكثر شمسوه: سالم حرام عليك.. شو تبانا نسوي .. كل من اللي جدامك لين يخلص اللحم العنود: مشتل تصارخ وشال الدنيا على راسك .. نحن لين الحين ما كلنا والفحم لفح وويوهنا وانت تصارخ سالم: الله عاد ويالرقه اللي حلت عليكن فجأه .. حارب: خلنه وتعالن كلن .. علي: تعالن وخلن حمدوه وعويش يكملن .. تعالن تعشن سالم: عليوي وحروب .. كلوا وانتوا ساكتين .. لا أخلي لحمكم هوه اللي ينشوى اليوم علي: مالك خص .. أنا خطيبتي ما أباها تعابل اللحم بو علي: علي اصطلب وحشمنا نحن يالسين علي : السموحه منكم أبويه شلت شمسوه صحن اللحم صوب الرياييل وردت صوبي العنود: أنا بروح أتسبح شمسوه: حتى أنا .. ريحت ثيابي كلها شواي العنود: شبعت الا من الريحه ... وشرب الماي مشينا صوب البيت .. بندخل بو سالم: العنود شميس وين؟؟ شمسوه: بنروح نتسبح أبويه بو سالم: تعالن اتعشن وعقب تسبحن شمسوه: فديت عمرك الغالي ما نشتهي حمد: تعالن أشوف .. شو ما تشتهن .. من متى تعابلن .. نحن تعشينا وانتن بعدكن تعابلن العنود: فديت روحك حمد .. والله ما نشتهي دخلنا داخل .. أول ما وصلت الحجره طلعت ملابسي ودخلت أتسبح وشمسوه راحت الحجره الثانيه .. طلعت لقيتها منسدحه .. العنود: نعيييييماً شمسوه: الله ينعم عليج .. صدق ان السبوح راحه العنود: تعالي بنطلع .. خاطري أيلس صوب الحوض شمسوه: الحين بتلقينهم متودنين فيه .. خلينا نروح الصوب الثاني طلعنا .. ورحت صوب الحوض .. ومثل ما قالت شمسوه من عقب ما اتعشوا وارتاحوا شوي .. ودخلوا الحوض يسبحون .. استحينا نتم أكثر .. مريت عند الطوله اللي خليت دفتري عليها وشليته ... رحنا الصوب الثاني .. وين البنات قاعدات .. حمدوه: مرحبا ملاييييين عويش: وين كنتن ؟؟ العنود: نتسبح شمسوه: تعالن .. بنلعب هاند عويش: العنود .. أبغي باونتي أو أي شي من جمعيتج اللي فاتحتنها حمدوه: وييييين .. ذلتنا .. ما بتعطيج العنود: لا منو قال بعطيها بنت حمد ما تهون عويش: هب على كيفج غصباً عنج العنود: دامه هذا ردج .. تحلمييين عويش: منو قال بترياج ربعت عويش صوب البيت .. وأنا ورها .. فتحت باب الحجره بحركه قويه .. وأول ما دخلت طاحت عند الباب .... العنود( بصوت عالي): هههههههههه .. سلمتي شي ياج عويش: علني بلاج تضحكين .. تعالي شليني نزلت عندها ومن كثر الضحك انا وياها .. انسدحت عدالها .. وأنا ناااااااااااااااااقعه من الضحك .. حمد( يدخل): بسم الله عليكن .. اتخبلتن قعد حمد عدالنا .. عويش: اختك السباله يوم طحت بدال ما تسمي عليه .. نقعت من الضحك .. ظحكه بلا ظروس العنود: تراج روحج ضحكتي ههههههههههه عويش: ضحكت عنز على باب مقصب العنوده: هههههههههههههههههههه .... جان زين لو مصورتنج اعتدلت في القعده وأنا مجابله حمد .. شفت نظرة الحنان في عيونه .. لي أنا وعوش .. عويش من عقب اللي صار اتغيرت واااايد .. من عقب ما رديت بطي عشانها قدرت أكسب شوي من ثقتها .. وهالشي فرح حمد أخويه بطريقه ملحوظه ويبين عليه الفرح .. ومن الصوب الثاني آمنه ما عيبها هالاندماج بيني وبين عويش .. وكل ما تشوفنا مع بعض تحاول بطرقها الخاصه تنكد علينا .. حمد: علني ما خلا من الغويليات ياربي عويش: آآآآآآآآآآآآآآآميييييييييين العنود: مالت عليج ... وايد مصدقه عمرج .. هو يقصدني أنا وريموه .. علني ما خلا منه الغالي حمد: بس عاد .. العنود عويش .. قالوها العقل زينه اطالعنا بعض باستغراب استهبالي عويش: العنود العنود: هاه عويش: جنه .. جنه .. جنه .. أخوج سبنا العنود( تهز راسها بالنفي): هب جنه .. الا أكيد .. صدق ما يتهيألج أبوج سبنا حمد: عنلاتكن .. ترمسن جنكن ما تعرفني العنود: انت ليش ما رقدت؟ حمد: سمعت دبغه قويه .. وعقب صريخ .. نشيت أشوفكن العنود: اسمحلنا حمد .. درام طاح من فوق البيت عويش: وهالصرخه .. كانت انفجار الألعاب الناريه .. في مزرعة يرانا لفينا أنا و حمد صوب عويش.. كانت بعدها على طيحتها ما تغيرت .. ردينا ضحكنا عليها من الخااااااااااااطر.. سولفنا شوي وعقب طلعنا عند البنات وشلينا الحلويات ويانا .. وصلنا عند البنات ونحن نضحك حصوه: عنبوه .. هذي ما صارت حلويات بتيبنها العنود: قعدنا ويا حمد شوي شمسوه: شو عندكن تضحكن لفيت على عويش ونقعت من الضحك ونظراتها كانت ترجي .. كأنها تقولي دخيلج لا تخبرينهن العنود: ماشي .. استهبال حمد ويانا كالعاده يلسنا نلعب وناكل .. لين الساعه 12 حصوه: أنا بسير أرقد شمسوه: تعالي وين تبين .. بعده وقت حصوه: لا فديتج أنا متعوده أرقد من وقت .. انتن خربتني العنود: بتروحين ترقدين والا متولهه .. على بو سلطان بتروحين ترمسينه حصوه: يالله فديت هالطاري .. بروح أرمسه والله اني اشتقت له العنود: قولي بروح أرمس ريلي .. لا تقولين فيني رقاد ميثوه: انزين هيه بترمس ريلها .. انتي شو حارقنج العنود: الله يهنيها .. أنا ما قلت شي حصوه: تصبحن على الطاعه البنات: وانتي من أهل الشفاعه ميثوه: عويش .. أريد أمشي قومي خلينا نتمشى عويش: وين .. الشباب كلهم يتسبحون .. مافيني أجابل حد منهم أستحي ميثوه: ما بنروح صوب الحوض راحن ميثوه وعويش يتمشن العنود: مالت عليكن .. أونه هب لهالدرجه عوفه .. تشوفينها شميس شمسوه: طبيها عنج .. ما تستاهل تضيجين بسببها العنود: ليش عويش راحت وياها .. بفرسها شمسوه: خليها .. محد يتحملها كثر عويش وساروه ... دامج تبين الفكاك منها خليها تروح حمدوه: عاد امره صرتي ما تستغنين عن عويش أونج العنود: لا والله .. هب جذيه السالفه .. أنا ما صدقت عويش تتغير ويايه ونندمج مع بعض ... مافيني تترس راسها الحين حمدوه: ما عليج منها مسكت دفتري .. أبغي أكتب فيه وشمسوه وحمدوه يرمسن مع بعض .. فتحت على القصيده اللي كتبتها في كتاب المجتمع .. ونقلتها في هالدفتر .. وابتديت أكمل عليها أنا في دنيتي مثل الغريب اللي بلا ديره حياته بالشقا تبدا ولا يعرف نهايتها وأنا في دنيتي مثل اللي ضاعت مشاويره أنا صوت الالم والآه .. في جوفي تعاستها أنا صرخة عذاب بقلب يشكي طول تفكيره أنا صمت السنين اللي كثير الهم موتها أنا ونة وحيدٍ تاه .. يعاني كثر تكديره أبد ماعاش في الدنيا ولا يعرف حلاوتها أنا دمعة عيون تعيش في غربه وفي حيره على خد الأسى يرسم عزير الدمع قصتها أنا جرح غدا ينزف وكسر صعب تجبيره أنا رحلة قلوب ما درت حتى بوجهتها أنا ماضي.. أنا حاظر .. خليط من تعابيره على كف القدر تبدا رياح العمر رحلتها أنا اللي يرسم الفرحه وهي تمشي إلى غيره ولا أيامه .. ولا أحلامه.. ولا الآهات ردتها أنا حلمٍ .. نعم يصعب على دنياي تفسيره أنا دنيا من الآمال .. ما تفرح بلمتها أنا حظي من أيامي سراب وصعب تصويره أنا لو كانت أيامي مع الأيام .. ملتها قدر من ربي وعشته .. ولا في اليد تغييره حياتي والله العالم .. وش اللي في نهايتها عوض النعيمي شمسوه: خاطري في كستر حار وسمسم العنود: انتي مشتهاج غير غير شكل بعد ..على آخر الليل كستر شمسوه: قومن .. والله في خاطري رحنا المطبخ أنا وشمسوه وحمدوه ... قعدنا أنا وحمدوه وشمسوه تعابل الكستر .. حمدوه: شحقه هالكثر شميس شمسوه: انشالله تبني أسوي كوب واحد .. لا فديتج يمكن يكون في خاطر بو حسن .. مايهون فديته حمدوه: تفداج بعير .. قولي آمين شمسوه: خليني ساكته .. دوم طايحه تفدي في سويلم وأنا ما أقول شي العنود: آآآآآآآآآآهه شمسوه: هااااااااااااااااه العنيدي .. شعندج .. شو سر هالتنهيده العنود: ماشي حمدوه ( بخبث): ماشي .. أونه ماشي .. شو فخاطرج العنود العنود: فكني من الصدعه .. عشان أفتك من الصدعه ... رحت بساعد شمسوه .. حارب: فدييييييت اللي يسوولي كستر يا ربي من سمعت صوته .. انتفظت .. وحركة ايدي وشمسوه بدال ما تصب الكستر في الدله صبته على ايدي .. فريت الدله على صوب ووقفت .. أحس بالألم .. بس هب قادره أرمس شمسوه: عنودي شو ياج حارب: حشى شو ياكن رحت صوب المغسل .. فتحت الماء وحطيت ايدي تحته .. أحس حرارة الحرق توصل لراسي حارب: عنودي شي ياج .... حارب: ردي انزين .. وايد حرقج حمدوه: أشوف مسكت ايدي .. كان فيها زلغ بسيط من الحرق راح حارب عند الثلاجه طلع مكعبات الثلج وطلعهن وحطهن في طاسه .. يا صوبي .. مسك ايدي وحطها في ثلج .. ويزيد ماء بارد عليها شمسوه: خلاص حارب .. انت روح الحين ان يا سالم بيصفعك اليوم حارب: ماعليه من أخوج أنا حارب: عنودي يعورج عويش( اللي كانت من الصبح عند الباب تدخل): شو تسوون ؟؟ حارب: تعالي شوفي وبتعرفين عويش: انزين اظهر .. نحن بنداويها .. ان دروا بك حمد وسالم بتترحم على عمرك الليله حارب: مالت عليج ... حتى انتي.. طلع حارب من المطبخ .. وخليت ايدي في الثلج وكل مره أحط ثلج عقب ما يذوب حمدوه: ميثوه وين ؟ عويش: خليتها وين كنتن يالسات .. وقلت بيي أطالعكن ... لقيتكن مرتكبات جريمه في عمتي شمسوه: عفيش.. انطبي لا أصفعج .. عمتج اروحها مشعوره .. انتفظت وحركت الدله عويش:عفيش في عينج ( تلف صوب العنود) شو ياج العنيدي ؟؟ العنود: شدراني شمسوه( بخبث): شدراااااااج عويش: مالت عليكن .. مخليات حارب يتعبل .. لو ميثوه يت ويايه .. وشافته ؟؟ العنود: انزين .. وشو يعني عويش: ما تعرفنها .. شو دراكن ما تسير اطلع رمسات من وراكن .. ما تعرفنها سألني أنا عنها رفعت راسي أطالع عويش مستغربه من رمستها العنود: شو قصدج .. ؟؟ عويش: ما أقصد شي.. حمدوه: لا لا .. تعالي شو قصدج عويش: فديتكن .. أنا كل اللي حوليه أحسبه .. حركات حروب هذي ما تخطف عليه طلعت عنا وخلتنا في حيره وأنا أحس بتوتر فضيع .. شو قصدها .. شو شافت أو سمعت عشان تقول هالرمسه شمسوه: ههههههههههههههههههههه العنود: واللغثه .. شو يضحكج شمسوه: بسم الله .. بنت أخوج ساحره العنود: يااااااا ويلي .. شو قصدها حمدوه: ما عليج منها .. وبعدين عويش تغيرت يعني صارت أليفه ما منها خوف العنود: شو أليفه انتي بعد .. مالت عليكن .. ليش هيه شو شافت شمسوه: سأليها .. وبتعرفين شلينا دلة الكستر وطلعنا عند عويش وميثوه .. لقيت حارب يالس وياهن ويقرا دفتري .. مشينا صوبهم .. وقفت مجابله حارب أنقل نظري بينه وبين الدفتر اللي في ايديه .. العنود: ممكن حارب: شو ؟؟ العنود: الدفتر حارب: دفترج؟؟ العنود: هيه عطاني الدفتر وهو مفتشل .. أنا بعد تلومت فيه لأني رمسته باسلوب زفت حارب: السموحه .. ما أدري انه دفترج العنود: لا عادي .. حارب: قريت آخر قصيده لفيت صوبه وعيوني مبققه أترياه يكمل .. شو قرا بعد .. حسيت قلبي طاح في بطني حارب: ما قريت شي غيره لا تخافين العنود: وليش أخاف .. عادي حارب: عيل هاتي بكمل العنود: لا استريح ... عفيش عويش: هااااااااااااااااااه العنود: وويعاااااااه .. قومي تعالي برمسج عويش: في شو ؟ العنود: انتي قومي ( في هالوقت حارب خز عويش بنظره .. على أساس انها ما تقوم عشان العنود تيلس ) عويش: ما أروم .. مافيني حيل أمشي العنود: ما بنمشي بنيلس عويش: بعدين عنودي .. يوم بنروح نرقد العنود: برايج عيل أنا بروح أرقد عويش: لالالالا تعالي برمسج .. بس بسرعه بنرد العنود: خطفي انتي مشيت ويا عويش .. وقعدنا عند طاوله بعيده عنهم عويش: هاه آنسه عنود .. شعندج رمسي العنود: عويش شو كنتي تقصدين من رمستج في المطبخ عويش : أي رمسه ؟؟ العنود: عويش .. انتي تعرفين شو أقصد لا تستهبلين عويش: ما أستهبل .. ما أذكر أي رمسه بالضبط العنود: يوم قلتي لو يت ميثوه وشافتكم عويش: أوكي .. تعالي يلسي على هالكرسي العنود( بضيج): عفيش تراج متفيجه عويش: لا متفيجه ولا شي .. انتي تعالي وبتعرفين قمت ويلست عدالها .. عويش: منو تشوفين مجابلنج ؟ سايرتها وما بغيت أظاربها العنود: حمدوه وشمسوه وميثوه وحارب عويش: وأنتي من هنيه .. شوفي حارب كم مره بيلف صوبنا رفعت راسي ومثل ما قالت أول مارفعت راسي صوبه طاحت عيني في عينه وابتسم ورديت له ابتسامه خفيفه عويش: هاه شو شفتي ؟؟ العنود: ما شفت شي عويش: عنودي .. تذكرين يوم قلتي لي اني أحب بطي وهالشي كان معروف بالنسبه لج العنود: هيه عويش: وانا هالشي معروف وواضح بالنسبه لي العنود( منصدمه): شو هالشي ؟؟ عويش: عنودي . بغيتي ترمسيني بصراحه .. برمسج بصراحه .. يمكن محد يلاحظ هالشي كثر البنات .. بس شي واضح اهتمام حارب فيج .. بذمتج هالاهتمام شو تفسرينه ؟ العنود( منزله راسها): مم ما أدري عويش: لا تدرين .. وأنا متأكده انج تدرين العنود: ................. عويش: عنودي أنا ما أشوف انه بدر شي منج والا من خالي حارب أي شي غلط .. بس في نظر ميثوه مجرد انه سلم عليج بتسويها كبيره العنود( بضيج): شو اللي ياب طاري ميثوه الحين عويش: بالعكس ..ميثوه اللي المفروض نييب طاريها الحين .. العنود: يعني شو تبيني أسوي بها .. من الله ما تنزل من مصرطي عويش( بخبث): ليش؟؟ العنود: كفيش .. تشوفين الحوض اللي وراج عويش: شو فيه؟ العنود: بودنج داخل ان ما خليتي هالتنغيزات عنج عويش: قومي خلينا نرد .. حارب بغى ياكلني بعيونه توه وقفت سرت صوبها قرصتها فايدها قرصه قويه .. عوشي: يعلللللللللللللني بلاج ... يالسباااااله .. أنا براويج مشيت بسرعه صوبهم ويت ورايه .. أول ما وصلت ووقفت عدالي العنود: عويش دخيلج دخيلج .. بعدين بضارب وياج عويش: الله عاد ويا البرستيج حارب: وين كنتن في هالليل؟ عويش: ليش تسأل؟ حارب: طولتن العنود: ماطولنا ... ما خذنا ربع ساعه (حارب في خاطره " والله انها سنه وما تحمل فرقاج دقيقه") عويش: أونك عاد ماتشوف .. حروووب خل عنك أعرف سوالفك حارب( ببراء): أنا !! سوالف شوو ؟؟ العنود: أنا بروح أرقد .. تصبحون على خير شمسوه: ويين ؟؟ ماشربتي كستر العنود( بطنازه): لا بعدني ماشربت .. أنا شربت منه قبلكم كلكم .. شربه معتبره حمدوه: هاه أخبارها ايدج العنود: هالايد منحوسه .. أول اليرح .. والحين الحرق شمسوه: وسببهن واحد حمدوه+ عويش: هههههههههههههه خزيتهن بنظره قويه .. سكتن منها العنود: مقدر ومكتوب .. ماشي سبب ثاني شمسوه: أكيد مقدر .. بس لازم سبب العنود: تصبحين على خير الجميع: وانتي من أهل الخير حارب: أنا بعد بسير أوطي راسي فديييييته .. أكييد ما بييلس لأني أنا بروح أرقد ... ههههههه والله لو سمعني شميس وحمدوه وعويش .. جان أنا بترحم على عمري اليوم قبل ما أموت .. دخلت الحجره .. غيرت ثيابي وانسدحت برقد .. دخلن عويش وشمسوه وحمدوه شالات الدنيا العنود: واللغثه .. شو عندكن شمسوه : بعدج ما رقدتي؟؟ العنود: لا ما رقدت .. عويش: رقدن عشان نقوم الصبح رقدنا تقريباً الساعه وحده .. ونحن نحس بتعب بس مستانسين على تغيير الجو ................. الساعه ست الفير عويش: عنودي .. حمدوه شمسوه .. عنودي .. حمدوه.. شمسوه.. عنود حمدوه( تصارخ): عويييييييييييييييييييييييش .. طلعي برا عويش: ما بطلع .. قومن صلن حرام عليكن البنات : لا جواب عويش: قومن .. عنبوه الحين القايله .. صدق ما تستحن مرقدات لين الحين شمسوه: انتي منو مسلطنج علينا عويش: انزين برايكن قومن صلن وردن رقدن قمت أبغي أصلي وأنا أعرف اني ما برد أرقد .. عقب ما صليت حمدوه وشمسوه بعدهن ما نشن من الرقاد.. عويش: ماشي فايده .. ما بينشن العنود: لا منو قال .. وين تيلفونج؟ عويش: وراج رحت شليت تيلفونها وتيلفوني .. وتيلفون حمدوه وشمسوه .. فتحت الاستيديو وكل مره أحط رنه وغنيه .. والتيلفون على المستوى الخامس .. قعدت حمدوه وطالعتنا بطرف عينها حمدوه: شو قصدكن من هالحركه؟ العنود: قومن شمسوه: عويش شلي عمتج وانفدن برا العنود: نوووووو وووويييي ... قومن عويش: قومن كم مره بني المزرعه نحن قامن شمسوه وحمدوه .. وعقب ما صلن طلعنا كلنا برا .. لقيت عموه أم عبدالله يالسه جدام الباب ووياها أم ميثوه وعموه أم حمد وشيخه وسلامه وآمنه .. البنات : السلام عليكم الجميع: وعليكم السلام أم حمد: ماشالله واعيات من وقت .. شو عندكن؟ حمدوه: من وقت .. العنود تقول القايله العنود: أنا!! جذابه وين قلت قعدنا كلنا .. وأنا قعدت عدال عموه أم عبدالله .. مسكت الدله صبت لي كوب حليب وناولتني اياه العنود: مشكوره عموه فديت روحج .. ليش تعبتي عمرج أم عبدالله: شربي غناتي .. شربي عويش: انزين حتى أنا صبيلي حمدوه: وأنا أم عبدالله: صبن لعماركن حمدوه: يااااسلام .. شحتنها عنودي أم عبدالله: بس لا تصدعبنا شمسوه: أنا بصب لكن لا خليت منكن العنود: هههههههههههه .. يالله شمسوه بتعوضكن سويت لهن حركة غياظ .. شمسوه: العنود.. حرق أمس بعده مابرد .. لا تخليني أصلخه الحين شيخه: شمن حرقه؟ عويش: أمس نسوي كستر والعنود حرقت ايديها العنود: هب أنا هذي شمسوه شمسوه: حسبي الله على العدو .. وين أنا !!! تخبري عمرج شو اللي خلاج تحركين الدله أم عبدالله: أشوف ايديج مديت لها ايدي.. كانت محمره شوي أم عبدالله: بسم الله البنت شي ياها .. عين صكت هالايد أول الييرح والحين الحرق عويش: هب منها خزيتها بنظره عشان تنطب .. يو حمد وبوسالم وبوعلي صوبنا .. وقعدوا على طرف .. بس على نفس الحصير .. بوسالم: يا هالشباب اللي مايقعدون لين القايله حمدوه: ماعليك عمي.. عقب شوي بتلقاهم واعيين وبالفعل ما كملت حمدوه رمستها الا وعلي وخلوف توهم طالعين علي: السلام عليكم الجميع: وعليكم السلام سلموا على الشواب .. وقبل لا يقعدون العنود: لالالا صبروا علي: هاه .. شعندج العنود: أنا بعد ما وايهتوني علي: مالقيت مونه خليفه: الحمدالله والشكر...كل يوم عن يوم يخف العقل .. وأنا أحيد الناس من يزيد عمرهم يكبر عقلهم .. عمتي العكس ووالحمدالله العنود: ودك أصلاً انته .. احمد ربك عندك عمه شراتي علي: الحمدالله الذي عافانا مما ابتلى به بعض من الناس العنود: شقصدك ؟ علي: أبد سلامتج العنود: قواطي مالت عليكن .. أونكن من شلتي دافعن عني بوسالم: سالم وحارب ما قعدوا خليفه: يوم طلعنا... كان حارب توه واعي قعدنا شوي وطلع سالم .. سالم: صباح الخير الجميع: صباح النور ....... سالم: حصيص .. صبيلي كوب حليب شلت حصوه الدله وما حصلت فيها شي حصوه: ماشالله عليكم .. خلصت الدله حمدوه: هاتيها بروح أسوي غيره العنود: أنا بروح وياج عويش: وأنا بعد شمسوه: وأنا بعد خليفه: هاه .. عبدالغفور وربعه الصعايده شمسوه: صعايده في عينك دخلنا البيت .. وبنطلع من الباب الثاني .. قبل من نوصل عند الباب الوراني .. سمعنا صوت حارب وميثوه طالع من ممر الحجر .......... ميثوه: اصبر حارب .. لا تطلع عني بطلع وياك حارب: يالله بسرعه ميثوه(بدلع): اصبر انزين حارب: بسرعه ... أنا ما أدري هالبنات ليش يطولن هالكثر ميثوه: لزوم الكشخه حارب: يالله انزين بسرعه .......... مشيت قبلهن .. عشان أتهرب من نظراتهن .. أول ماسمعنا الصوت توجهت ثلاث أزواج من العيون صوبي .. كنت بطلع أول ما وصلت الباب اللي يودي المطبخ .. بس عويش قبضتني من ايدي .. لفيت صوبها كانوا حارب وميثوه توهم طالعين من الممر حارب: صباح الخير البنات: صباح النور حارب: شصبحتن؟ شمسوه: الحمدالله يسرك الحال حارب: كلهم واعيين عويش: هيه كلهم .. قاعدين برا حارب: بسير صوبهم عويش: ميثوه مابتين ويانا ... بنروح نسوي جاهي ميثوه: لالا .. بروح ويا حارب .. ماقدرت أتحمل وقفتي أكثر .. سويت عمري مش مهتمه ولا فيني شي .. رحت المطبخ .. وحطيت الغوري ( الابريق) على الغاز وغسلت الدله .. دخلن البنات المطبخ .. وعلى كثر القهر والضيج اللي أحس فيه الا اني مابينت شي حتى حقهن .. بكل بساطه عشان ما أخرب وناستي حمدوه: عنودي ... شو فيج؟ العنود: مافيني شي .. بسم الله عليج .. شو فيني بعد كانن يطالعن بعض بنضرات .. فهمت انه مستغربات .. ومش عارفات شو يقولن .. بس أنا حبيت أغير الجو وقعدنا نسولف لين خلص الحليب .. صبيناه في الدله وردينا صوبهم .. قعدت شمسوه مكاني عدال أم عبدالله العنود: شميس .. اشتلي مكاني شمسوه: لالا أنا اتولهت على يدوه مابقوم عنها تحركت أم عبدالله وسوت مكان بينها وبين ميثوه .. أم عبدالله : تعالي غناتي .. فديت قلبج يلسي هنيه عويش: ييييييييها .. العنيدي ماخذه الغلا كله اليوم .. شو مسويه يالساحره شمسوه( تهمس لعويش): شكلها عدوى تنتقل من الولد لأمه أم عبدالله : صبي كوب حليب لاختج انتي عويش: بسها عنبوه هذا الثاني بوسالم: ههه لالا صدقها عويش .. العنود خذت الغلا كله .. من قدج بنت سيف يوم أنا البجر فروني ..وين الباقين ... خلاااص راحت عليكم من قالي بوسالم هالكلام .. قفطططططت وما عرفت شو أقول .. كنت ماخذه السالفه مزح بس دام ان الرياييل دخلوا فيها .. مابقدر أبطل حلجي بكلمه حارب: لالالا منو قال .. أنا أبغي أمايه .. يالله قومن عنها شمسوه: من الحين أقولك .. أنا بقوم عن يدوه حارب: بتقومين .. وانتي حرمه شمسوه: أقوم وين أسير .. أنا مالي غنى عن يدوه حارب: سيري عند أمج .. يالله أشوف .. أنا أدري ان الغاليه ما تستغني عني لاخليت منها .. يا حارب صوبنا ووقف جدام شمسوه ودزها بريله دزه خفيفه حارب: يالله .. قومن قامت شمسوه من مكانها ولف حارب صوبي حارب( بغياض): حتى انتي العنود .. يالله قومي كنت منقهره منه .. ماحسيت عمري الا وأنا أفر القنبله اللي انفجرت وسكتت الكل بصدمه ... بس وأنا أتكلم .. كنت أحس بالحزن اللي يعصر قلبي .. العنود: أوكي .. شمسوه بتسير عند أمها .. أنا .... وين أسير؟ الكل سكت وانتبه لردة فعلي .. أدعي ربي ما أضعف جدامهم كلهم وتنزل دموعي.. اللي يطالعني واللي منزل راسه واللي رافع راسه موجهنه على حارب .. حارب من سمع كلامي نزل راسه وتم مغمض عينه وما تحرك .. يوم حسيت عمري اني ما بقدر أتحمل أكثر .. قمت ولفيت عنهم أم عبدالله: العنيدي فديت قلبج وين سايره بنتي؟؟ العنود: بسير أتصل حق يدوه .. أحيدها أمس هب صاحيه أم عبدالله: تعالي فديتج بترمسينها عقب .. تعالي تريقي العنود: ما أشتهيه عموه حمد: العنود .. تعالي يلسي غناتي .. تعالي أنا مابتريق لين انتي تتريقين رديت مكاني .. ويلست ساكته وحارب قاعد من الصوب الثاني عدال أمه .. وزعنا الريوق في صحون وحطينا للرياييل ريوقهم بعيد عن الحرمات شوي .. وحطينا الباقي للحرمات .. قعدنا نتريق ومن الضيج اللي أحسه مش قادره آكل .. بس من أحس ان عبرتي بتطلع رديتها بشرب ماء .. أو أي لقمه من الأكل .. دقايق وقمت عن الريوق شيخه: العنود تريقي العنود: بسني ... شبعت أم عبدالله: يالله يابنتي .. جان هاللقمتين شبعنج العنود: بسني عموه مشيت برد داخل البيت .. رحت حجرتي .. اتصلت حق غيث .. غيث: مرحبا مليون العنود: المرحب باجي .. ما اتوقعتك بترد عليه قلت بتكون راقد غيث: لا .. نشيت يابوج .. خالتج تخلي حد يرقد العنود: ليش شو عندها غيث: قوم خالي عندهم عزيمه اليوم وتباني أسير أشتري الفواكه العنود: غريبه .. خالي وعبدالله وين غيث: عبدالله دوام .. وخالي بعد روحه يعابل العنود: أها .. شخبارها يدوه اليوم .. أحيدها أمس هب صاحيه غيث: الحمدالله بخير .. سرحت للهوش وتوها راده العنود: فديييت قلبها ياربي غيث: وين انتوا .. بعدكم في المزرعه العنود: هيه .. انت شدراك انا في المزرعه ؟؟ غيث: حمد خبرني العنود: وانت متى رمسته حمد ؟ غيث: أمس مرمسنه .. انتوا متى بتردون؟ العنود: اليوم العصر انشالله غيث: عنودي .. بنزل الجبره أنا الحين .. شي في خاطرج العنود: تسلم فديت عمرك سكرت عن غيث وانسدحت على الشبريه .. نزلت دمعه من عيني اليسار .. أول ما حسيت ان حد دخل الحجره .. مسحتها بسرعه واعتدلت... حمدوه: شو ميلسنج هنه العنود: كنت أرمس خالي شمسوه: عنودي أحس ان شي فيج العنود: مافيني شي.. انتن لو مافيني شي .. غصب بتخلني مضايجه عويش: انزين قومن خلنا نطلع .. الحرمات بيطبخن عقب ساعه .. بنروح نفازعهن العنود: مالي خاطر .. روحن انتن عويش: نحن ما بنروح الا عشانج .. يالله قومي العنود: بعدين بلحقكن .. سيرن حمدوه: عنودي .. حاولي تغيرين نفسيتج .. كم مره بني المزرعه نحن .. قومي العنود: انزيين .. سيرن وبلحقكن شمسوه: لا منو قال .. شلي اللي بقى من الدكان وخلينا نطلع .. بنروح صوب النخل العنود: خيييييييبه حرام عليكن .. بعيد حمدوه: قومن خلنا نسير ونرد بسرعه ... عشان نقطع السلطه طلعنا من الحجره .. مرينا على البرزه ... حمدوه: هاه وين تبن ؟ شمسوه: بنروح صوب النخل بو سالم: ماشالله عليكن .. فيكن حيل تصكن لين هناك حمدوه: هيه عادي عمي لا تحاتي شيخه: لو حد مطرشنكن تسيرن تقضن حايه هناك ماسرتن شمسوه: أمايه متى تحيدين البنات يغترهن شي .. شيخه : ماجذبتي الساع العنود( بهمس): عفيش .. زقري ميثوه خليها تيي ويانا عويش: ميثوه ما بتروحين ويانا ميثوه: لالا مافيني حيل مشينا وانا بموت من القهر .. حضرتها يالسه وياحصوه وحارب وسالم .. بس منو قال أتم منقهره اروحي .. العنود: ماشالله . ليش ميثوه ماطاعت تروح ويانا عويش( بخبث): شدرنا عاد انتي ابصريبها العنود: عويش.. بذبحج عويش: هههههه وأنا شو قلت حليلي العنود: متفيزره وياحارب وسالم .. عايبتنها اليلسه شمسوه: ههههههههههههههههههههههههههههه ... ماشالله عليج يا عنودي حمدوه: خلها تيلس .. بوغنيم مايطالع حد غيري العنود: وانتي شدراج حمدوه: أدري منقهره من حارب .. وقهرج بتصبينه فيني .. بس بردي ما بغيض شراتج العنود: هههههههههههههههه .. حشى يا برودج حمدوه: مش برودي .. بس دام انه هوه بغى هالشي انه يرمس ويسولف وياها وما عبرني .. ليش أعبره وأحرق أعصابي عسبه .. مثل انه ما عبرني .. أما ما بعبره عويش: صدقها حمدوه وصلنا عند النخل عقب ربع ساعه .. مكان النخل أبعد مكان في المزرعه كلها .. بس شكل المكان روووووعه .. قعدنا نتصور ونصور النخل .. وانا كل مره أحط تفكير معين في بالي .. لعبنا كم لعبه .. ذكرتنا بأيام أول ونحن ميتين على عمارنا من الضحك .. قعدن عويش وشمسوه على واحد من مساطيح التمر وصورناهن أول مانزلن اندبغت شمسوه وحمدوه ما فوتت هاللقطه .. كل الضيج اللي حسيت به اليوم الصبح راح عني في هالوقت والربشه .. الساعه 11 ردينا صوبهم .. الحريم كانن في المطبخ .. الرياييل طلعوا .. والشباب قاعدين في الصاله وياهم حصوه وميثوه .. البنات: السلام عليكم الجميع: وعليكم السلام سالم: وين كنتن؟ العنود: عند النخل سالم: لين الحين ..؟؟ أتحراكن رديتيين .. العنود: لا ما ردينا .. تونا واصلات علي: شمسوه سيري هاتي الكيرم من الصاله اللي برا شمسوه: انشالله راحت شمسوه تييب الكيرم وردت علي: منو بيلعب ؟؟ سالم:أنا .. علي: يالله انت وحارب وأنا وخليفه حارب: على كيفك تحط فريق .. أنا وخليفه ما قلنا بنلعب خليفه: لا أنا بلعب علي: منصور ولا رشود .. حد منكم بيلعب منصور+ رشود: لا حصوه: لاهين عنكم بهالبليسيشن .. وين تباهم يلعبون حارب: أنا أنا بلعب خلاص ابتدوا اللعب ونحن رحنا عند الحرمات في المطبخ .. العنود: شورايكن نقطع السلطه حمدوه: خلنا نشل الأغراض ونقطع داخل .. مافيني على الدخان شمسوه: أوكي .. يالله حطينا الخضره في الطاسه .. وشلينا صحون وطيس بنحط فيها السلطه .. دخلنا الصاله ... فرشنا على طرف .. قطعنا أنا وحمدوه الخيار .. وشمسوه الخس .. عقب ما خلصوا الشباب لعب .. قعدوا عندنا سالم: له له له .. طالعوا منو متبرض للسلطه اليوم خليفه: من الخاااااااطر بعد علي:أحلى سلطه اليوم باكلها سالم: لا والله علي: هيه .. العنود: روحوا كملوا لعبكم علي: أنا بقطع وياكم حمدوه: لا لا .. عين من الله خير علي: أعرف أقطع جربوني شل علي السجين من ايدي وطلع خياره وقطعها كل وحده أكبر عن الثانيه .. العنود: حووووو تقطع حق هوش انته علي: شو على بالكم .. أنا أحسن واحد يقطع سلطه في هالعيله سالم: مالت عليك .. أقول .. قم قمممم شمسوه: قوموا خلونا نخلص شغلنا العنود: حصيص بتردين اليوم بيتج حصوه: انشالله خلصنا تقطيع السلطه .. حارب طول الوقت مجابلني بس ما حطيت عيني في عينه أبداً رحان المطبخ .. ردينا داخل الحجره وهالمره ميثوه كانت ويانا وتخبرنا عن السوالف اللي صارت يوم رحنا عند النخل . وأكثرها تخص حارب ..واللي صدم البنات اني كنت أضحك وياها على سوالفه ولا اهتميت لأي شي .. قبل الغدا تبلنا السلطه أنا وعويش وحطيناها في صحون .. وأنا ماكلت شي عند الغدا غيرها .. عقب الغدا كنا في الصاله سالم: ماشالله .. صدق لذيذه السلطه اليوم العنود: عاد الا سلطه وايد مدحتونا اليوم علي: لذيذه والا ما بنمدحها ....... عقب صلاة العصر شيكنا على البيت وحمد يوصي العمال .. واقفين بنركب السيايير .. شمسوه: العنود تعالي ويانا العنود: شوو .. لالا مابي وياكم ولا الله قاله حمدوه: العنود عن البزا تعالي العنود: لا مابخلي خليفه اروحه حمدوه: عويش بتركب وياه العنود: مينونه انتي عويش وخليفه في سياره وحده حارب كان واقف عند سيارته .. بس لابس نظارته الشمسيه عشان جذيه ما كنت أشوف وين يطالع العنود: خلن هالسالفه عنكن .. شوفيه حارب شمسوه: مافيه شي .. شوفيه بعد العنود: ماتشوفينه معصب شمسوه: هديه وتعالي ويانا العنود: شمسوه مايهون عليه خلوف يروح بروحه .. وبعدين أنا أستحي .. وين أبا حمدوه: مااستحيتي يوم رحنا دبي العنود: محد غيره بيودينا .. ماشي سياييرغير .. اليوم ماشالله بدال الوحده أربع حمدوه: حارب متلوم فيج أصلاً العنود: لا يتلوم ولا شي .. قوليله طاف حمدوه: مالت عليج ..ما أدري راسج يابس على منو ردينا العين بنفس الترتيب .. وصلني مسج من شمسوه .."" من ركبنا حارب ما نطق بكلمه .. معصصصصصب .. الله يستر .. والله العالم يسوق 150 " تخبل هذا .. ماصار له شهر من طلع من المستشفى .. كانوا طالعين ورانا .. خطفوا عدالنا في هالوقت طهف .. مايشوف جدامه .. اتصلت حق شمسوه ***** في سيارة حارب .. كانوا كلهم ساكتين ولا واحد منهم تكلم بكلمه .. شمسوه كانت يالسه ورا حارب وتطالعه في المرايه .. رن تيلفونها حمدوه: منو شمسوه( بصوت عالي .. وتشوف المرايه): العنود شمسوه: ألو العنود: السلام عليكم شمسوه: هلا العنود العنود: شو هذا تخبل عمج .. ما تاب من الحادث القبلي .. ليش يسرع شمسوه: شدراني .. العنود: شمسوه خليه يساير خلوف( يصارخ من بعيد): لو خطف جدام الشواب بياكلونه شمسوه: حارب خليفه محتشر .. يقولك ساير حارب: انتي منو ترمسين ؟ شمسوه: العنووود حارب: انشالله خفف حارب من سرعته .. وهو يتنهد .. وشغل المسجل .. ***** الــــــــــــــجـــــــــــــــــزء الــــــــــــــــــــخامــــــــــــــــــس والـــــــــــثلاثـــــــــــيــــــــــــــن وصلنا البيت الساعه سبع المغرب .. دخلنا البيت نرتاح .. ماطلعت من حجرتي لين الساعه تسع .. طلعت من الحجره شفت عويش وشمسوه وحمدوه جدام باب الحجره العنود: بسم الله .. من وين طلعتن عويش: وين تبين العنود: بروح أييب بيبسي شموه: شو تسوين العنود: كنت أحل الواجب .. ورم راسي من المسائل .. شو عندكن ؟ عويش: ماشي .. بس أبويه يقولج تعالي تعشي العنود: مالي خاطر عويش: انزين خلينا نروح الصاله رحنا الصاله .. كانوا يالسين يتعشون .. قعدنا نسولف عقب العشى .. رن تيلفون حمد كان يتكلم .. وأحس اني طرف في الموضوع .. وفهت ان حد ياي يوم سمعته يقول اقرب في الميلس .. عقب ماسكر لف صوبي حمد: عنودي ..خالج غيث من متى يتصلج العنود: تيلفوني في الحجره حمد: كان عند الباب .. قربته في الميلس .. قومي نسير صوبه العنود: انشالله لبست شيلتي ورحت وياحمد الميلس حمد+ العنود: السلام عليكم غيث: وعليكم السلام سلمنا عليه وقعدنا العنود: غريييييييبه .. الشيخ غيث تكرم علينا بزياره .. مع اني اليوم الصبح مرمستنك .. ماقلت لي غيث: ما عرفنا لج .. يينا طحتي فينا هزاب وتعليقات .. مايينا تشرهتي وزعلتي انتفختي صرتي كبر الدرام .. العنود: هب منك من اللي يتوله عليك حمد: مرحبابك الساع والله بو مطر غيث: هاه حمد .. العلوم حمد: علوم الخير والله .. نترياك غيث: وأنا ييتك .. والحين حمد: يالله .. افتح حلجك غيث: لالالا .. هب هذا اتفاقنا العنود: شو عندكم؟ حمد: عنودي .. نحن بغيناج في رمسه يرمسون بينهم بالألغاز وأنا مش فاهمه شي العنود: شو عندكم ؟ حمد: عنودي أنا بغيت خالج يرمسج بس بصراحه اكتشفت ان ييته بلا فايده غيث: أفااااااا .. بطلع عيل حمد: أكرم عليك .. ما تتحمل سوالف العنود: لا تيلسون ترمسون رباعه وتخلوني .. شو عندكم حمد:عنودي أنا قلت لج ان أكثر من واحد وخطبوج من قبل .. وما شاورتج في حد غير بطي .. اليوم يايين نشاورج ... العنود: تشاوروني في شو؟ حمد: خاطبنج ريال وأنا عني أشوفه ريال زين وبيحشمج صدق سكت وأنا أطالع في عيونهم .. أحس عمري شرا الهبلا اللي تسمع وما تفهم شي من اللي تسمعه .. مارديت عليهم .. وكمل حمد كلامه حمد: حتى غيث شاورناه في الريال .. غيث: أشهد انه ريال وأنا ياي اليوم بس لأني أبغي مصلحتج .. وانتي ان طال الزمان والا قصر ان الله كتبج لج نصيب بتعرسين .. كلامهم وترني وما أقدر أتكلم تبلمت.. من كلامهم أفهم انهم مقتنعين فيه .. ومابقدر أعارض.. ومالي عذر أرفض .. أخافهم يقولون ان حد في خاطري .. لازم أوافق وحارب انسان لازم أنساه .. هو مافكر فيني وبيعيش حياته .. خلني أنا أعيش حياتي دامهم يشوفون فيها مصلحتي .. رفعت راسي صوبهم .. العنود: على راحتكم حمد: نحن ندور راحتج انتي غيث: انتي لين الحين ماعرفتي الريال العنود( منزله راسها): ما تفرق .. أنا ما أعرف حد .. بس دامكم تشوفون انها مصلحتي .. مابقدر أعارض ..لأنكم انتوا أدرى عني غيث: لا من حقج تعارضين لو ما تبين العنود ( بصعوبه وهمس): منو؟ غيث: حارب انصدمممممممممممت .. ماقدرت أطالع في عيونهم ... وما أقدر أعبر عن الاحساس اللي تملكني ذاك الوقت .. حسيت اني في مكان بعييييييد وحمد وغيث يرمسوني وأنا ماأسمع الا أصوات خفيفه وبعيده .. ردني غيث للواقع .. غيث: العنووود العنود: هلا غيث: شو ياج ؟؟ العنود: ماشي غيث: شو رايج ؟ العنود: مم ماأدري .. على كيفكم حمد: شو على كيفنا .. نحن نبغي شورج انتي العنود: اللي يريحكم ... أنامالي شور من عقبكم غيث: الا في هالشي .. الشور شورج انتي العنود: اللي يريحكم خالي .. حمد: العنود غناتي .. أنا مابمدح لج حارب لأنه أخو آمنه بس أنا لو ما أشوف انه صدق بيعزج وبيكرمج جان ماشاورتج فيه ورديته .. غيث: عنودي عيوني إذا ماتبن محد بيغصبج العنود: ما عرف حمد: سمعي الاسبوع اللي طاف يوم كانوا كلهم عندنا عقب العشى حارب وبوسالم رمسوني .. والحين مرن ست أيام .. مافينا نطول عليهم أكثر .. أنابخليج اليوم فكري .. باجر عقب ماتردين من الجامعه أبغي أسمع ردج هزيت راسي وقلت له انشالله بصوت خفيف .. حتى أظني انهم ماسمعوها ..كملوا سوالفهم وأنا أسمعهم بس بالي بعيد عنهم .. وقفت عقب دقايق العنود: أنا بروح عنكم غيث: وين ؟ العنود: بروح أرقد .. عندي دوام باجر غيث: بترقدين والا تفكرين خزيته بعين وحمد ظربه بخفه على جتفه .. غيث: هههههههههه خلاص يابوج مايسوى علينا .. طلعت من الميلس أمشي بمهل صوب البيت رحت ورا البيت بدخل من الباب الوراني .. مالي خاطر أشوف آمنه.. وأنا أقول هيه شو فيها عليه هالفتره.. أكيد عارفه الموضوع وهب راضيهوبردت حرتها فيني ... شفت عويش وشمسوه وحمدوه واقفات عند الباب يطالعن من بعيد كأنهن يراقبن حد .. العنود: شو تسون شمسوه: بسسسسسسسسسم الله .. من وين طلعتي عويش: أعوذ بالله .. نحن نترياج تدخلين حجرتج العنود: وشعندكن تتريني .. وما ترومن تتريني في الحجره حمدوه: لا المراقبه من بعيد أحسن العنود: سخيفات .. صدق ما عندكن سالفه صدق ما كان لي بارض لحد متوتره ... خايفه ... منصدمه ... فرحانه ... حزينه ... خليط من المشاعر المتضاربه في نفسي ومش عارفه شو أسوي .. رحت حجرتي ودخلن البقرات الثلاث ورايه شمسوه: عنودي شو فيج العنود: مافيني شي عويش( بخبث): شو كان يبغيج أبويه في الميلس؟! العنود: شو بعد .. تراج تدرين ان غيث هنيه حمدوه: انزين غيث شو بلاه ... شو في خاطره؟! العنود: انتن شو تحت روسكن!! عويش: ماشي .. نترياج ترمسين العنود( تتنهد): ما أعرف شمسوه: شو ما تعرفين ؟ العنود( تدمع): ما أدري .. ما أعرف حمدوه: عنودي شو فيج ؟ العنود: مافيني شي .. بس تعبانه برقد طلعن عني البنات وعقب دقايق ردت شمسوه .. وأنا في مكاني ما تحركت .. ولا حسيت بها يوم دخلت الا يوم يلست مجابلتني شمسوه: عنودي .. شو في خاطرج؟؟ العنود: ماشي شمسوه: عنودي انا أعرف انه شي في خاطرج العنود: ما أدري شمسوه .. محتاره محتاره شمسوه: في شوه محتاره ... خالي شاورج ويبغي ردج اللي انتي مقتنعه فيه .. العنود: وقبل ما أقتنع في وايد أشياء لازم أفكر فيها شمسوه: عنودي في البدايه فكري بنفسج وبراحتج العنود: وهذا اللي أفكر فيه شمسوه: وشو تشوفين ؟؟ العنود: شمسوه عموه ما كانت تبغي تخطب له ميثوه؟ شمسوه: كااااااانت العنود: والحين هيه راضيه؟ شمسوه: عنودي انتي شو تقولين !! ... يعني أونج ما تعرفين غلاتج عند يدوه .. من البدايه يوم حارب قال ما يبغي ميثوه عصبت .. بس من درت انه يباج ما تتخيلين شقايل استانست العنود( تتنهد): ما أدري شمسوه: بس عاد... شو ما تدرين ... أول تبغي الشي .. يوم وصل ليديها قالت ما أدري .. صدق هب ويه نعمه ياااااااالله ياشميس .. دخييييييييلكم أريد حد يفهمني ... شمسوه: سمعي قلت لج فكري براحتج انتي ... ولا تضيعن اللي في ايديج .. انتي تعرفين انا حارب يبغيج من خاطره .. انسدحت وما رديت عليها .. طلعت عني وأنا مكاني ما تحركت في دوامة تفكير في حياتي .. صح اني أحب حارب وأتمنى أكمل حياتي وياه .. بس يوم صارت السالفه جد وتحقق اللي تمنيته .. أحس اني متردده .. رن تيلفوني .. نوروه متصله العنود: ألو نوروه: مرحبا الساع العنود: ملايين نوروه: شحالج العروس العنود( تتنهد): بعدني ماصرت عروس نوروه: شوفيج عنودي العنود: ما أدري نوروه تعبت من التفكير .. حمد يبغيني أرد عليه باجر نوروه: عنودي انتي تحسين انج مرتاحه العنود: مرتاحه .. بس ما أدري نوروه: صح أنا مايخصني بس ما أدري ليش مرتاحه منه .. أحس انه صدق بيسعدج العنود: ............... نوروه: وبعدين جاسم غيث وعبدالله وايد يمدحون فيه ... وصدقيني لو غيث وجاسم شافوا فيه عيب واحد .. صدقيني ما بيوافقون العنود: لين باجر الصبح بكون متخبله نوروه: عن هالحركات .. كل انسان ونصيبه .. ردي على اخوج بالشي اللي انتي مقتنعه فيه .. كلمت نوروه لين الساعه 12 .. سكرت عنها ووقفت عند الدريشه أفكر .. طرى على بالي سالم .. حسيت اني محتاجتنه في هالوقت .. ****** في بيت أم عبدالله .. كان سالم في سيارته يرمس في التيلفون .. أول ماشاف العنود تتصل على الخط الثاني سكر ورد عليها سالم: عللللللللللني فدى غزال بن (.....) العنود: مرحبا سالم .. سالم: علومج الغاليه العنود: علوم الخير والله .. وين دارك؟ سالم: توني واصل البيت العنود: سالم أبغي أرمسك شوي سالم: رمسي فديتج .. شو في خاطرج ؟ العنود: لا ما ينفع في التيلفون تعال عندنا سالم: عنودي شي فيج ؟؟...شي يعورج ؟؟؟ العنود: لالا انته تعال سالم: انشالله .. الحين ياي صوبج نزل سالم من سيارته .. وعلي توه واصل .. وقف علي السياره في القراج .. ونزلوا علي وحارب علي: حييييييييييه سالم: من وين يايين؟ علي: من العزبه سالم: حوووه الحربي .. شو ياك حارب: ماشي سالم: شياك مغندم علي: هب منه ..شالنه الشوق .. طول الدرب صااااخ ومويم... من خبروه ان غيث وحمد شاوروا العنيدي وهوه على هالحال.. سالم: ههههه على طاري الشوق .. عنودي متصله توها تباني أسير صوبها حارب: ليش شو فيها؟ علي( يظربه على جتفه): يا أخي انت شلك ؟ سالم: يالله أنا بسير حارب: سالم ما أوصيك عاد سالم: لا توصي .. خالتي بنصحها .. مابخليها تدمر مستقبلها وياك حارب: عنلاتك يالنذل .. مالت عليك ... أقوووول سلم سلم لف سالم على حارب وخزه بعينه علي: أقول الحربي ... الشرده نص المريله ***** وقفت جدام باب الصاله أتريا سالم .. شفته يدخل البيت .. دخلنا الصاله سالم: اروحج يالسه؟ العنود: هيه كلهم راقدين سالم: وانتي شو مسهرنج؟ العنود( تتنهد): ما أدري سالم: عنودي شو فخاطرج ... العنود: انت تدري باللي فخاطري قعد عدالي سالم: عنودي لا اتعبين عمرج في التفكير .. مابيصير شي انتي ما تبينه العنود: أدري سالم .. بسس سالم: بس شو ؟؟ العنود: ما أدري .. انت شو تشوف؟ سالم: شوفي عنودي حطي راي غيث وحمد في بالج قبل رايي .. لأن حارب عمي وهم بيعطون رايهم فيه بالحق أكثر عني .. صح والا لاء .. العنود: غيث موافق سالم: أدري ان غيث موافق .. العنود( شوي وتصيح): سالم .. أنت بشو تشور عليه سالم: عنودي غناتي صدقيني ماتهونين عليه ... وأنا لو أشوف ان حارب بيضرج في شي صدقيني مستحيل أوافق وبسوي المستحيل عشان ما ياخذج العنود: يعني؟؟ سالم: أنا لو ياني واحد بمواصفات حارب ويخطب ما برده .. سكت وما رديت عليه .. تنهدت من الخاطر .. ما أدري شو اللي خلاني أصيح ذاك الوقت .. قبظني سالم من ايدي ورص عليها سالم: عنودي عيوني .. ليش تصيحين .. صدقيني والله لو ماتبينه محد بيغصبج هزيت راسي .. وتكلمت بصعوبه العنود: لا سالم .. أنا بس أحس اني صدق محتايه أبويه وأمايه سالم: عنودي عيوني .. اطلبي لهم الرحمه .. مسحت دموعي عشان أطمن سالم ومايحاتيني .. العنود: ماعليك مني .. هذا الا دلع بنات سالم( يمسح على راس العنود): فديييت غرشوبتنا ... خلها تتدلع من حقها العنود: اسمحلي سالم .. عثرتك في هالليل .. بس حسيت اني محتايه أرمسك سالم: بس عاد ... سمعي غناتي .. انتي بتسمعين من كل حد وبتاخذين شور كل حد .. أحسن شي شاوري ربج .. صلي الاستخاره قبل ماترقدين وصدقيني ربج مابيختار لج الا الخير.. طلع سالم عني ورديت حجرتي .. وصليت استخاره ووكلت ربي في شوري .. وانسدحت الساعه ثلاث برقد وعلى طول رقدت من غير ما أفكر بشي... ..... قمت الساعه خمس أحس اني مرتاحه بس ما أقدر أقبض دموعي .. قمت أصيح بشكل فضيع وبشهقات قويه .. رحت طلعت الصندوق من الكبت وطلعت صور أمايه وأبويه الله يرحمهم .. حطيتهن جدامي وأنا أحضنهن ... محتاجه لهم في هالوقت أكثر من قبل .. محتاجه لأبويه ينصحني وأمايه تعطيني رايها ... الحلم رد لي ذكريات وايده .. انفتح باب الحجره ودخلت عويش ..يت وقعدت عدالي عويش: عنودي شو فيج .. العنود: ..... عويش: عنودي دخليج لا تخوفيني ... شوياج .. ليش تصيحين ؟؟ سحبت الصور اللي في ايدي .. عويش: عنودي فديت روحج استهدي بالله... قومي صلي الفير وارتاحي العنود: عويش أحس اني بموت عويش: بسم الله عليج .. لا تقولين هالرمسه حرام عليج .. قومي صلي انتي الحين .. مسحت دموعي ولميت شعري ودخلت الحمام أتوضى .. طلعت شفت عويش تلم الصور وتحطهن في الصندوق .. صليت الفير وقعدت ويا عويش ولا وحده منا تكلم الثانيه .. قطعت الهدوء عقب فتره العنود: انتي شو نزلج؟ عويش: قمت أصلي .. قلت بيي أوعيج للصلاه .. ظاريه تتصلين قلت يمكن ما قمتي اليوم .. العنود: روحي رقدي .. عويش: مافيني رقاد وبعدين عندي واجب بحله .. العنود: خلينا نطلع في الصاله .. عويش: انتي روحي وأنا بركب أييب اللاب وبيي طلعنا من الحجره .. عويش ركبت فوق وأنا رحت المطبخ أييب الحليب .. وأخلي لامي تييب الريوق بسرعه .. أحس اني يوعاااانه .. رديت الصاله .. شغلت التلفزيون وانسدحت أطالع .. وعويش تحل الواجب ... عويش: خلصت العنود: أمحق واجب .. شوهذا؟؟ عويش: مخلصتنه بس ما طرشته .. العنود: وين الريوق؟؟ .. يوعانه عويش: ماشالله مفتوحه شهيتج اليوم العنود: أمس ما تعشيت تراني عويش: عنودي .. شو قررتي؟ العنود( تتنهد): ما أدري ... أمس استخرت عويش: وشو حسيتي من عقب الاستخاره ؟ العنود: من صليت رقدت .. ماحسيت بشي .. عويش: وبعدين ؟؟ العنود: بس حلمت حلم عويش: شو حلمتي ؟؟ العنود: حلمت اني كنت مع أمايه وأبويه وحارب سايرين العمره في سياره عويش: يعني!! العنود: ما أدري!! عويش: مالت عليج .. شو ماتدرين؟! العنود: شوو؟؟ عويش: شو ... أنا من متى أفكر وأحاتي .. والحين تخبريني عن الحلم .. من شفتج تصيحين قلت ما بتوافق العنود: انزين أنا بعدني ما وافقت .. عويش: قصورج بعد ما توافقين .. العنود: انزين جب .. الحين بينزل حمد عويش: وأول ما ينزل شو بتقوليله العنود: ما بقوله شي عويش: برايج أنا بقوله العنود: والله يا ويلج .. يوم بيسألني أنا بقووله .. وبعدين هوه قال عقب ما أرد من الجامعه عويش: يعني انتي موافقه ؟ العنود: انشالله عويش: واااااااااااااااااااااااااي فديييييييييييت روحج يا ربي أم حمد( تدخل): واللغثه .. عويش شعندج تباغمين .. مسودة الويه العنود:هههههههههه عويش( تحاول تهدي يدتها عشان تسلم من الهزبه): صباح الخير يدوه ... شصبحتي ؟ أم حمد: الحمدالله .. انتن شو موعنكن .. العنود: صلينا وقعدنا .. دخلت لامي بالريوق .. وأول ما حطته هجوم عليه أنا وعويش .. كلنا من الخاطر خليفه( يدخل): السلام عليكم الجميع: وعليكم السلام خليفه: غريبه القواطي واعيات ..ما أحيدكن عويش: ياناس نحن دوم نقعد من وقت بس ما نطلع من حجرنا لين الساعه سبع ونص خليفه: وشو طلعكن اليوم .. الله يعين يومي نحس جان اتصبحت على هالويوه عويش: ودك انته يوم اتصبح على هالويوه خليفه: حووو العنود شوياج .. يايه من مجاعه؟! العنود: هيه .. أم حمد: انت شو تباها .. خلها تاكل عويش: عاد هذا هب أكل .. هذا توحش .. يلست أتريق ويا عموه وما قمت الا عقب ما شبعت من الخاطر .. عويش: يالله ماشي وقت العنود: صبري .. بعدني ما خليتها تكوي لي عويش: ماشي وقت يالعنز .. بسرعه طلعنا من الصاله .. طلعت لي بدله كشخه وخليت لامي تكويها .. سحيت شعري وقصيت قصتي ... تجحلت وحطيت شدو خفيف أول مره أسويها على قولتهم هفه ما أدري شو اللي خلاني أسوي هالشي اليوم .. تلبست وخلصت ... ربعت عند عويش فوق .. كانت شاريه شنطة لاب توب يديده وماشلتها... دقيت الباب ودخلت أول ما شافتني .. خلت اللي في ايديها وطالعتني من فوق لين تحت عويش: شو هذا العنود؟؟ العنود: شوو؟!! عويش: بتداومين جذيه العنود: ليش .. عندج مانع آنسه عفيش رفعت راسها فوق .. عويش: من وين طالعه الشمس اليوم .. العنود: خلصيني خلصيني .. هاتي الشنطه اللي شارتنها من اسبوعين عويش: نعم !! العنود: شوو عويش: أنا ما شليتها .. انتي تشلينها!! العنود: هب لازم .. رحت صوب الكبت أدور فيه .. طلعت الشنطه عويش: تعالي .. أنا بشلها اليوم العنود: يالله يالله .. ماشي هب دوم هوه عويش: شو يالله .. هب جنها شنطتي العنود: عويش حرام عليج عويش: شليها تفداج .. عروس ما نقدر نقولج شي العنود( بعصبيه): عويش .. بس عاد .. عن الغلاسه عويش: خلاص يابوج ذلفي .. الحين بيين حمدوه وشميس بياكلن الدنيا طلعت عنها وأنا أحس بفرحه كبيره ما أدري شو سببها .. دخلت حجرتي حطيت اللاب توب في الشنطه .. وحطيت أغراضي في شنطتي الصغيره .. وطلعت من الحجره .. اتصلت حق سليم .. ودخلت ويا عويش الصاله .. من شفت حمد قفططت .. عويش: السلام عليكم حمد: وعليكم السلام.. مرحبا الساع .. هلا والله بالغراشيب عويش: اختك غرشوب اليوم ... ما أدري شو عندها قرصتها في ايدها .. وأنا أتحرطم عليها حمد: هب جنكن متأخرات اليوم عويش: الساعه كم حمد: ثمان الا عشر عويش: يالله العنود بسرعه ركبنا السياره وخطفنا بيت أم عبدالله .. نتريا حمدوه وشمسوه .. ركبن السياره ورحنا الجامعه .. دخلنا الرسبشن .. أول ما شافني حمدوه وشمسوه عقب ما عقيت الغشوه شمسوه: له له له ..شو هذا العنود .. من الحين بدينا العنود: لااااااااا إله الا الله .. شو ياناس محد يروم يكشخ منه والدرب حمدوه: منه والدرب في يوم غير هاليوم العنود: فكنا من الصدعه خلنا نلحق الكلاس .. حشى محد يطيح في حلوجكن تعلجنه .. طلعنا من الرسبشن .. رحنا المدرجات عشان كلاس الأمن .. عقب ساعه طلعنا الدكتور .. أول ما طلعنا لقينا عويش عند الباب تاخذ أمن في الكلاس اللي عقبنا ... دخلنا نرمس وياها في الكلاس والدكتور يطالعنا الدكتور: إيه ده يا بنات .. مش حاسين بنفسكوا مزعجين مريم: عيل لو تدري دكتور انهن أهل وعايشات عدال بعض العنود: بسم الله من عينج الدكتور: إيه ده يعني انتوا الأربعه بتأربوا لبعض!!؟ حمدوه: هيه دكتور .. عايشه بنت خالي .. وبنت عمتي في نفس الوقت العنود: عايشه بنت أخويه دكتور .. وهذيلا بنات خواتي الدكتور: بس بس بس .. لخبطتوا دماغي .. شجره ملخبطه العنود: عاد ما أوصيك على بنت أخويه دكتور .. الدكتور: أيوه منتوا من طينه وحده .. ماتبطلوش رغي حمدوه(باستهبال): نحن دكتور.. الله يسامحك الدكتور: بتستعبطي يا بنت .. انتوا من أول المحاضره لأخرها بتدود ودوا .. ومش عارف بتجيبوا الدرجات من فين العنود: بسم الله بتاكلنا دكتور عويش( بهمس): هب عشان سواد عيونك الدرجات .. هذا القلب وما يهوى العنود: كفيش انطبي الدكتور: يالله يا شباب امشوا .. خلونا ندي المحاضره الثانيه شمسوه: أفا يا دكتور تطردنا الدكتور: ايه يا بنتي حتخدي المحاضره مره تانيه شمسوه: لا مشكور دكتور .. عندي كلاس الدكتور: طب يالله امشوا امشوا عويش: حتى أنا دكتور الدكتور: لا انتي ارجعي .. على طول وراهم طلعنا من المدرجات ونحن نضحك على سوالف الدكتور .. رحنا المبنى .. حضرنا كلاساتنا وخلصت الساعه ثنتين وأربعين .. رحت لهن .. كانن يتريني على الغدا العنود: السلام عليكم البنات: وعليكم السلام منى: له له العنود .. شو هالكشخه؟ العنود: راحت الكشخه من هالدوام .. هدلي حيلي حمدوه: يالله خلنا نروح نتغدا .. بموت من اليوع العنود: اصبرن بتصل حق كفيش شمسوه: عويش راحت تصلي وبترد .. رحنا نشتري الغدا .. و طلبت حق عويش ويايه .. رديت على الطاوله ويا عويش لأنها يتني عقب ما صلت .. لقيت حمدوه ومريم وميثوه ... سلمت على ميثوه حطيت الصياني ورحت أشتري بيبسي من الثلاجات .. ردينا نتغدا ... عويش: متى بتروحن؟؟ شمسوه: عندنا اجتماع قروب الساعه ثلاث العنود( تتنهد): ما أريد أرد البيت برد وياكن حمدوه : لا بتردين .. ليش تأخرين .. رديتي الحين والا بعدين وراج وراج شمسوه: شو وراها؟ عويش( بهمس): أبويه قالها يوم بتردين من الجامعه أبغي أعرف ردج وأونها مستحيه شمسوه: قومن نرد عيل العنود: قري محلج عقب ما خلصنا الغدا .. كل وحده منا فتحت لاب توبها .. عويش: تعالن براويكن شي كنت قاعده عدال عويش من اليمين وشمسوه من اليسار وحمدوه عدالي من اليسار .. من سمعنا عويش تقول هالرمسه تكودنا .. وطالعنا اللاب توب عويش: بسم الله ... بلاكن تكرودتن .. لاتخافن براويكن .. كلكن بتشوفن ... فتحت صوره .. أول ما فتحتها بغيت أمووووت .. حسيت البنات بيسمعن دقات قلبي وهن كلهن التفتن صوبي... كانت صورة حارب .. بدون سفره والشعر مش مرتب في السياره .. راد السيت على ورا ومنسدح .. ورافع ريله على السيت وفايده البيبسي .. حمدوه: أوووويييليييييي أنا على الحربي شمسوه: من وين يبتي هالصوره؟؟ عويش: سرقتها عن خلوف .. ما طاع يعطيني اياها ميثوه: أشوف شلت ميثوه كمبيوتر عويش وطالعت الصوره .. انقهرت من عويش ... وين بتسيرين عني خلينا نرد البيت أنا أراويج شمسوه: عويش .. سيفي لي الصوره في الفلاش ميثوه: حتى أنا ضربت عويش على ريلها ضربه محترمه بريلي .. عويش( بصوت مخنوق): أأأأ ... لالا حمدوه: أحلى ... ههههههههههههه تستاهلين ميثوه: حرام عليج عايبتني ... اعطيني اياها عويش: لا شو مافيني .. الصوره عند خلوف بس ان انتشرت بيعرف انها مني ميثوه: مابشاورج الحين بسيفها قرصت عويش قرصه خليتها تفز .. شلت الكمبيوتر عن ميثوه سكرته وحطته على ريولي عويش: لالا ما أقدر سمحيلي ميثوه .. وعلى طول غيرت عويش مكانها وشلت الكمبيوتر شمسوه: شو ياج انتي فزيتي عويش: يابوج ظورب جسمي ... العنود: حوه عويش كلاسج بدا .. الساعه ثلاث شمسوه: قومي خلينا نسير نخلص بسرعه راحن شمسوه وحمدوه وعويش .. وأنا ترييتهن برد وياهن .. قعدت أحل الواجب اللي عليه .. ومريوم وميثوه ومنى يالسات يسولفن .. شفت سلامه ربيعتي يت صوبي العنود: مرحبا الساع سلامه: ملاااييين ... فديييت هالويه ياربي العنود: انتي وين عنبوه ماتنشافين سلامه: في هالجامعه .. الا انتي شو عندج محلوه هالأيام العنود: ما عندي شي... خلصتي دوام سلامه: هيه توني مخلصه العنود: متى بتروحين؟؟ سلامه: بعدني بتريا شويخ بنت عمي وبرد وياها .. اتغديتي أنا يوعانه العنود: تغديت بس يوعانه .. شهيتي مفتوحه بزياده اليوم سلامه: عيل قومي خلينا نروح نطلب .. من أصبحت ماذقت شي رحت ويا سلامه طلبنا غدا وردينا منى: العنود أنا أشك انج ماخذه حبوب فتح الشهيه العنود: هههه لا ما عليج مفتوحه طبيعي سلامه: ها العنود أخبار الدراسه وياج العنود: يالله بالدز .. بس الحمدالله سلامه: وين الباقيات عيل؟ العنود: عويش عندها كلاس وحمدوه وشمسوه عندهن اجتماع قروب سلامه: عويش ما أشوفها ويا بنات شلتها الحين العنود: لا ماشي .. نحن دوم مع بعض الحين ... ما نتفارق سلامه: الله يدوم المحبه ... ماشالله عليكن العنود: انتي وين البنات عنج اليوم .؟؟؟ سلامه: ردن البيت ... بتخبرج شموه ربيعتج وين ... امره ما تنشاف العنود: وييين شموه حولت الكليه سلامه: ليييش؟ العنود: أونه ما أروم على الجامعه تعب .. وبعد بتعرس عشان جذه تبغي تخلص بسرعه سلامه: وانتي متى بتعرسين ؟ ساروه: جريب انشالله العنود: بسم الله من وين طلعتي؟ ساروه: مالت عليج ... بدال ما ترحبيبي .. وين عويش محد يرحب فيني غيرها ميثوه: أفا عليج مرحبابج ملايين وان زادن لاباس سلمنا عليها وقعدت ساروه: دامكن تتغدن بروح أطلب لي غدا وبرد العنود: تعالي وين تبين محد بياكله هذا كله ساروه: لالا خاطري في باشميل العنود: لا تبطين .. ساروه: انتن لا تاكلن بسرعه سلامه: لا الشهيه مفتوحه اليوم .. راحت ساروه تشتري الغدا ... من تغيرت عويش في معاملتها ويايه .. ساروه تغيرت وأحسها متقبلتني أكثر عن قبل .. ردت ساروه بسرعه وقعدنا ناكل .. وردت عويش ووياها حمدوه وشمسوه حمدوه: السلام عليكم البنات: وعليكم السلام عويش: العنود بسج بتموتين من كثر الأكل العنود( وفي ثمها أكل): بسم الله بتاكليني حمدوه( تقلدها): بسم الله بتاكليني .. ابلعي اللي في حلجج وعقب رمسي العنود: حشى ياكثر ما اتاوح عليه .. انتن شعليكن آكل من حسابكن ؟؟ ... ماعليه ان ماخبرت حمد عليكن ساروه: لا خلاص حمد الحين...اشتكي عند ناس غير استحيت من رمست ساروه .. في البدايه يوم قالت اني بعرس جريب على بالي طلع الكلام عفوي .. بس من سمعتها الحين شكيت انها تدري بكل شي شمسوه: بس بس استحي بعدين .. كملي أكل خلينا نرد البيت العنود: لا بعدين خلونا نقعد شوي حمدوه: لالا مافينا على الهزبه .. عويش: وبعدين أبويه اتصل يتخبرني متى بنرد؟ العنود: جذااابه حمدوه: تجذب عليج .. يالله قومي منى: انتتن شو عندكن ترمسن بالألغاز شمسوه: ماعندنا شي .. شو عندنا بعد ؟؟ مريم: شو ماعندكن شي .. أنا بصراحه جني فهمت السالفه كلها العنود: شو فهمتي ؟؟ مريم: مابستعيل .. بتأكد من الخبر عقب كم يوم قمنا كلنا شله وحده رايحات الرسبشن .. ردينا البيت .. دخلنا بيت أم عبدالله وصلنا شمسوه وحمدوه وشفت حارب توه طالع من اليبت رايح صوب سيارته .. كلهن لفن عليه العنود: حووه البقرات الثلاث .. خلهن هالنظره يالله نزلن خلنا نروح الحين ما اريد حد يقول ان البارت قصير و انا داخله على امتحانات يعنى ارحموني اشوي :3096.gif: |
مشكووووووووووره الغاليه على البارت والله يوفقج و يوفق اليميع يارب والله كلنا نعاني من هالامتحانات :GIF_13.gif::GIF_13.gif: |
ههههههه .. زين ماماتي ..خخخ والله يوفقج ويوفق الجميع .. ومشكووره ياحبوبه على البارتات الرووعه .. ونتريا التكمله .. |
مشكورة اختي على القصة ونتريه يديدج ترا نترياج هههههههه:6: |
وعليكم السلام ورحمه الله وبركاته تسلمين على الموضوع ويعطيج العافيه |
مشكورة الغالية ع البارتين |
يسلمؤؤؤؤؤؤؤؤؤؤؤؤ قلبؤؤؤؤؤؤؤؤؤؤؤ ع باااااااااااااااارت وربي ماقصرتي |
يلا نتريا البارت لا تتاخرين :GIF_13.gif: |
يسلمووووووووووو ع القصه صراحه طر كسرتيييييييييين هع:6: |
أفاا والله . وين البارت ياحبوبه .. |
يله الحين خلصت مدرسه يعني نباا باارت |
يلا رماني فديتج نحن نتريا البارت |
البآآآآآآآآرت ؟؟؟ خلصت الامتحانات يالله نباا البارت >< |
يلا ريماني وينج بطيتي علينا ؟؟؟؟:007::007: |
وينج نتريا البارت |
§¤~¤§¤~¤§يلا ريماني وين البارت بطيتي علينا وايد§¤~¤§¤~¤§ |
شكنااااا بنعفن وحناا ندخل قصه ولا بنحصل بااااااااااااااااااارت:139.gif: |
مشكـــوره أختي ع القصهـ غاووووية .....^^ |
؟؟؟؟؟؟؟؟؟؟؟ ريماااني ؟؟؟؟؟؟؟؟؟؟؟؟؟؟ البارت وينه ؟؟؟؟؟؟؟؟؟؟؟؟ :30: |
ويــــن الــبـــارت؟ |
ناااااااااااااااااااااايس القصه مشكووور |
السلام عليكم اشحالكم انا لقيت تكمله القصه والحين بنزلها |
| الساعة الآن 10:09 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir