|
باااااااااااااااااااارت يجنن صدممممممممممممممني منصوووووووووووووووووور م توقعته جي حراااااااااااااااام والله حراااااااااام الله ياخذه حقييير ونانا وربي م تستاهل |
ومتى بااارت الياي |
اقتباس:
|
رهيييييييييييييييب منصور ؟؟؟؟؟؟؟؟؟؟؟؟؟؟ شو يحب فاطمة ؟؟؟؟؟؟؟؟ ما توقعته غاية حليلها ماتستاهل بس اتوقع مايد بيحبها مع الوقت ديمة وسعيد كشخة شكله أكشنات بتستوي وياهم وبالتوفييييييييييق |
بارت رائع ف انتظار البارت اليديد |
البوح الثالث عشر .~ ذياب.~ مر من الوقت أسبوع على آخر مرة شفتها أذكر أنها دقت لي وصوتها مب طبيعي أبداً . . : ذيااب تعال شلني رحت لها مثل المينون شليتها من بيت ريلها ووديتها على البحر حاولت أفهم شوفيها اللي فهمته شيء دار بينها وبين ريلها وما رضت تقولي أقنعتها أنه الحياة الزوجية ما تخلو من المشاكل وخاصة لو كانت في وحدة ثانية تقاسمها ريلها . . ما أدري من وين يبت هالكلام حسيت روحي كأني معرس . . ^^ ما كملنا وايد برع على البحر ساعة ونص ورديتها بيتها . . ما رضت تروح معاي بيتنا وأصرت ترجع . . وقالت: أنا بس كنت محتاجة أشم هوا طبيعي . . هزيت راسي عشان أتناسى هذي الذكرى وأنا أسوق السيارة للجامعة . . مريم .~ من عقب هذاك اليوم ما كلمته أحدر باليوم مرات ومرات بدون ما أشوفه أون لاين . . قلبي بدا يتعب حياتي أنقلبت فوق حدر ما عدت قادرة على فراقه . . في شيء فيني يمشي ضدي في شيء فيني يعلن عن تولد مشاعر إتجاهه . . سكرت المسن وكملت طريقي لكلاسي اللي فيه محاضرتي الياية . . وفكري مع ذاك الشخص . . . . مها .~ قاعدين بالمدرسة عندنا فسحة 20 دقيقة شرينا من المقصف وقعدنا جدام باب الصف نأكل . . هذي عادنا كل صبح . . أنا: وااي أشتقت لمايد أخوية ما وحاله أسبوع بالضبط وراح يعني شو ما عندهم أجازة غير اسبوع ! ديمة: إذا أنتي اخته اشتقي له ما ألوم هذي [ قصدها غاية ] لو ماتت شووق أطالعنا غاية اللي احمرت بالقوو من الخجل فديتها مرت أخويه . . عاد أخواني الاثنينه طاحوا على ثنتين خجولات ودلوعات . . عاد سمية عندها جرعة دلع زايدة . . وغاية جرعة الخجل زايدة . . فديتهم يا ربي علاية: طعً ، أحمرت !! أنا: إيه حدكم عاد . . ما أرضى على مرت أخويه . . عذبة: أونه تدافع بعد . . غاية: بس عااد . . مها: زين خبريني تكلمون بعض وجي . . غاية: أحيان يكلمني . . ديمة [ بلقافة ]: ما تدرون ياب لها فون وبطاقة [ تغمز لغاية ] أجوف البنت ما تقوم من وقت تسهر ويا الحبيب . . غاية: جب جب والله ما أسهر معاه أصلاً هو اللي يقولي سيري نامي وراج مدرسة وبعدين ما نسولف . . بس يسأل أخبارج وجي بس . . ! وبعدين أمس ما كلمني ديمة : عليينا !! أنا: ديمووه خل عنج غاية خبريني شحال أمم جنان ! ديمة: تماام أمس بالليل مكلمتنها يسرج الحال . . غاية: جوفوا منو اللي يسهر . . !! الكل ضحك ع كلامها وبنفس الوقت دق الجرس ودخلنا الكلاس بإنتظار أبلة الكمستري . . ^^ . . بدور .~ اليوم الصبح نزلني خالد بيت خالوه بعد ما أطمن أنه أحمد محد . . والصراحة صار يطمن أكثر يوم أنه أحمد خبره انه نالوه أختي بخاطره . . بس ما أعرف شو سالفة خالد مع الغيرة !! خالوه عوشة : هاه جاهزة . . أنا [ بخوف ] : أخاف خالوه: يلا دامنا وصلنا لهذي الخطوة لازم نكملها أتصلي فيه خبريه أنج بتين معاي المستشفى خبريه أنه الموعد حقي . . موعد عظام مثلاً . . أنا: زين . . [ خالوه عوشة . . صايرة وايد أوكي معانا . . ] خالد: هلا أنا: خالد خالد: هلا . . فيج شيء ! أنا: لا بس أمم خالد: قولي شيء بخاطرج ! أنا: إيه خالوه عندها موعد بالمستشفى وتوها تتذكر وتبيني أروح معاها تدري ما بتخليني روحي بالبيت . . خالد: بتروحي معاها أنا: هي . . ترا هي تبيني أروح ! خالد [ سكت وعقب قال ] : زين ما عليه .. طمنيني عليج أوكي . . أنا: إن شاء الله . . شيء بخاطرك خالد: لا تنسين الغشوة . . أنا: إن شاء الله وسكرت عنه وقلبي قام يدق طبوووول خالوه عوشة : هاه شقال ! أنا: قال روحي بس لا تنسين الغشوة . . خالوه [ تضحك ] : حليله يغار عليج أنا: وايد . . بس أحيان غيرته تخنقني . . خالوه : يلا لبسي عباتج أنا داقة للدريولية تأخذنا . . يلا عن لا نتأخر على الدكتورة ترا بالزور حصلت لج موعد أنا: أوكي لبست وجهزت وما نسيت الغشوة . . وطلعنا لموعدنا مع دكتورة النساء والولادة . . بدون علم خالد . . ! . . أرجوان .~ قايمة من الصبح لأنه خفارة منصور الساعة 7:00 الصبح وطبعاً كانت ليلتي . . تصالحنا من عقب هذاك اليوم بس قمت اتحاشى القعدة مع فاطمة . . منصور قام يتحاشى أي شيء يجرحني يأخذ رايي بكل شيء . . وصار عادل . . ليلة ويوم عندي وبالمثل عندها . . باليوم اللي يكون عندي أنا المسؤولية عنه بكل شيء . . لبسه تجهيزه للدوام واكله . . حتى أني أوعيه للدوام وطلعتي معاه تكون في هذا اليوم ما يروح الدوام بدون ريوق وطبعأً أنا اللي اسويله . . اليوم الصبح تفننت أونه وسويت له بلاليط وبيض . . وعقب ما راح الدوام رديت أرقد وتوني قمت الساعة تقريباً 11:30 . . اليوم برتاح من الطبخ لأنه منصور عند فاطمة . . لبست لي لبس ساتر وطلعت أقعد برع طفت يم قسم فاطمة لأنه لازم أمر صوبه قبل لا انزل الدري . . سمعت . . : صدقيني العمل اللي محطينه بييب فاعليته . . بتشوفينه يعوفها . . ويشوفها شينة . . : بس كملنا يومين من حطيناه ما أشوف شيء صار : لا تخافين . . صدقيني أنا ما ودي تكون حرمة ولدي , , أنتي شحالتج . . ما أدري شو شاف فيها هالعووبة . . ! : عموه إذا ما صار العمل قوليله أنها مب أوكي معاج . . تبلي عليها قولي أي شيء عشان يعوفها : تتحسبين ما بقوله . . بس أتريا الوقت المناسب . . تريي عليه إن ما خليته يطلقها : صح عموه هيه ما حملت . . : دام مر شهرين وشوية . . ما حملت . . أحسن . . شكلها ما اتيب عيال . . : [ تضحك ] صح عموه . . هذا سبب بعد ما قدرت أكمل أكثر . . رجعت قسمي وأنا أصيح . . شو اللي حدني أتزوج واحد متزوج من قبل !! . جوري .~ مر ببالي الكلام اللي قاله حقي ديمة . . أنه عمي سعيد عنده ولد إسمه عبدالله . . صح أنا قبل هالمرة كنت بخبر أرجوان عنه . . [ أقتباس لكلام أرجوان في البوح الثاني . . إطالعت جدام شفت واحد توه نازل من سيارته وواقف يشل أغراضه متعصم ولابس كندورة بيضا ما لحقت أجوفه لأنه لف الجهة الثانية وعطانا ظهره طالعت نانا أبا منها تفسير جوجو : هذا .. قاطعها صوت طق طق > ع الجامه الحارس يبانا نحرك عساس واقفين بالطريق بطلت الجامة أنا: زين زين بلاك متسعيل الحارس: Too many cars are waiting you أنا: يالله بالستر منك وين توو مني " إطالعت الجامة وراي صدقه وايد " جوجو : بقولج عقب يوم برد البيت وراي امتحان باااي أنا: باي نهاية الإقتباس . . ! ] كنت بقولها أنه إسمه شرات إسمنا . . من نفس العايلة . . صح إسمه عبدالله سعيد عبدالله ال [ ... ] نفس لقبنا . . ! وامس ديمة أكدت لي أنه عمي سعيد كان قايل حقها السالفة . . طلعت من الكلاس وقررت أتصل لأرجوان مالها حس أبداً دقيت لها مرة وما ردت يمكن راقدة . . هالانسانة من ودرت الدراسة وصايرة كسولة كله رقاد ههه رجعت اتصلت فيني . . أنا: حي هالصوت . . نانا : هلا جوري تبين شيء كان صوتها تعبان بالحيل قلبي قرصني شوفيها ! أنا: نانا تعبانة فيج شيء ؟! نانا: تعبانة شوية أحس معدتي قالبة علي شكله ياني برد لا تحاتين مافيني شيء أنا: أحم نانا مضايجة من شيء . . ! نانا [ سكتت ] : . . . أنا: شيء صار بينج وبين منصور . . نانا: محتاجة أفضفض بس ماقدر وانا اهنه أنا: أوكي شرايج أطلع من الكلية وأمرج ؟! نانا: أيه [ بصوت مبحوح ] تعبانة والله . . أنا: فديتج يا عسى هالتعب فيني ولا فيج دقايق حبيبي بتصل بياسر اييني وبمرج . . نانا: زين بس بنطلع برع نروح بيتكم أنا: زين حبيبي . . انتبهي لروحج سكرت عنها بسرعة وأتصلت بأمينة اتيني مع ياسر .. هالارجوان فيها شيء مب طبيعي . . أول مرة أشوفها مكسورة جذي . . . . ديمة .~ قاعدة بحصة الكمستري . . الدرس ممل ما فهمت منه ولا شيء . . أطالع البنات . . مهوي منتبهة على الأبلة وتدون كل كلمة تقولها . . ! عذبة وعليا .. يطالعون الابلة ونفس الشيء يحاولون يكتبون بالكتاب . . غاية .. تتطالع الابلة بس ما تكتب . . تحاول تقارن بين كلام الأبلة والكتاب لأنه كل شوي تنزل رأسها للكتاب .. الكل منتبه على الأبلة . . والدرس اللي أونه مهم جداً . . وتحت كلمة جداً مليون خط أحمر . . ! بس أنا مب وياهم . . لو تجوفون صفحات درس اليوم . . بيضاء ما يشوبها أي خط مسكت النوتة وقعدت أشخبط . . أنا اللي غلطت من البداية ما كان لازم أتحك فيه هالكثر أنا صح تغيرت. . ما عدت شبيهة الأولاد ما عادوا يلقبوني بال [ بوية ] . . صح أني قمت ألبس لبس بناتي وأزين شعري بقباضات وردية . . ألبس تاج عليه ورد ولا فراشة أحط جحل في عيوني . . ديمة تغيرت . . بس من ضمن التغيير . . اني صرت أحب ومنوه سعيد اللي كان سبب تغيري ما قدرت أني أكتب بالنوتة غير حرفه [ S ] بخط حلو وجميل . . عليا: اللي ماخذ عقلج . . تكمل عذبة : يتهنا فيه . . أنا: أنتو شو تقولون ؟! مها: صدق في شيء ماخذ بالج . . الابلة صار لها 5 دقايق من طلعت ونحن نرمسج وما تردين . . غاية: إيه صح . . أنْبح صوتنا من كثر ما ناديناج . . أنا: سرحت شوية . . [ وأنا أحاول أخش النوتة ] سوري مها: شوفيها النوتة شليت أول ورقة وخشيتها في جيبي . . وفريت عليهم النوتة أنا: ولا شيء . . شو يعني بيكون مها: صدقوني هالبنت [ قصدها أنا ] مب طبيعية . . ولا عادت تنتبه على الدروس . . عليا: هيه صح أنا: مافيني شيء . . غيروا السالفة يلا . . عليا: شرايكم بما أنه اليوم الخميس نروح العزبة مالنا غاية: هيه هيه .. وناسة بيكون . . ع الأقل نغير جو البيت الكئيب . . أنا: بيكون أحلى لو أهل لندن ويانا . . مها: ما تشوفين أنه صرتي وايد مع جنان . . ! هههه مع جنان .. ضحكتيني يا مها . . أنا ما أبي جنان أنا صرت وايد مع أبوها . . ! غاية: يلا عاد المهم نطلع . . مها: عاد محد بيستانس غير روضة .. على الخيول عذبة: هيه صدقج .. من متى ما سارت عشان عندها امتحانات أنا [ أشوف أبلة العربي تدخل ] : الأبلة يات يلا كل وحدة مكانها . . مها: زين . . بس لا تسرحين ابتسمت لها وأشرت على عيوني . . وكلها دقايق ورجعت أسرح مرة 2 . . ! . . مريم.~ خلصت كلاسي وبطلت المسن على أمل أنه موجود . . بس هذي المرة كانت مثل اللي قبلها . . [ أوف لاين ] شوق: شوفيج ؟! أنا [ أتنهد ] : أتريا فارس يحدر . . شوق: أها . . هو يعرفج . . أنا: لا طبعأً . . خبرته أنه إسمي مها مثل اللي بالشات شوق: اها . . تحبينه ؟! أنا: شوقيه خليني مالي خلقج . . شوق: ههه . . سويت لها طاف . .وأنا أشوف [ الفارس ] يسجل دخوله . . أنا: فااارس فارس: نعم !! أنا: فارس ليش جي رحت وخليتني . . فارس: أنتيم ب واثقة فيني . . شقايل تبيني أتم ؟! أنا: فارس ليش هالكلام . . أبداً مب وقته . . فارس: يعني في الفون ما تبين . . صورتج حارمتني منها . . أنا [ بعد تردد ] : زين بطرش لك صورتي فارس: لا لا مابي . . دام الثقة مب موجودة بلاها أنا: فارس . . أنا واثقة فيك .. مو تقول أنك تبي تتزوجني . . صح لازم تعرف عني كل شيء . . فارس: بس بمسحها عقب . . أنا: أوكي . . فكرت وفكرت . . أنا ما عندي صور حقي . . لمعت في بالي فكرة بسويها بس عشان ما يخليني وعقب بعترف له . . طرشت له صور أختي مها بالملجة . . ! يمكن فوق 10 صور فارس: آه حبيبي كيف حلوة . . أنا: حبيبي مستحتهم . ؟! فارس: إيه جفتهم بسرعة ومسحتهم على طول أنا: فارس صدق فارس: مهوي ردينا .. قولي مب واثقة وخلاص أنا: لا لا واثقة فيك . . خلاص حبيبي فارس: زين عمري . . بس أبا صور غيرهم . . أنا: توك شايف فارس: بس مسحتهم على طول . . ما شبعت منج أنا: عقب عقب . . أحينه انا عندي كلاسات بروح فارس: أحبج سجلت خروجي من المسن . . ورحت أكمل كلاساتي . . أرجوان .~ طلعت مع جوري بدون ما أخبر حد خلاص واصل حدي من اللي سمعته . . ماني قادرة أتم بالبيت .. رحت معاها بيت أبويه . . وتميت بغرفتي . . جوري : شو صار ؟! أنا: . . . جوري: نانا فضفضي ترا مب زين الكتمان . . يتعب أنا: بتبدأ مشاكلي مع منصور من هذي اللحظة . . جوري: ليش شو صار ؟! كنت برد عليها بس حسيت شيء كاتم على أنفاسي . . ركضت للحمام بسرعة وتميت أرجع وأرجع . . جوري: نانا حياتي . . خل نروح المستشفى أنا [ بتعب ] : مابي مشيني ماروم أمشي بروحي تساندت عليها وسدحني ع السرير جوري: بخلي أمينه تسوي لج شيء يخفف عليج معدتج أنا: مابي .. بنام جوري: نانا . . يدق فوني . . أنا: ردي . . لو منصور قولي حقه أني تعبانة وراقدة جوري: زين [ تشله ] هذا ذياب . . غمضت عيوني .. أكيد تعب من تعبي . . جوري: هلا ذياب . . هيه عندي . . تعبانة شوية . . مادري ترجع . . قلتلها مب راضية تروح . . زين . . باي جوري: ذياب يقولج بيي لج وبيوديج المستشفى . . هو ياي بالطريق تميت مغمضة صح ذياب هو اللي بيقدر لي .. بس خلاص أحس جبدي قامت تقلب مرة ثانية فزيت للحمام . . وتميت أرجع مرة 2 . . وما قدرت أتوازن وطحت بحضن جوري . . بدور .~ قاعدة مع خالوه بالغرفة مرت ببالي اللي صار قبل ساعتين بالعيادة [ . . سوتلي تحاليل وبعد النتيجة طلبت مني أدخل عليها . . الدكتورة : التحاليل واضحة في سبب واحد لمنع حدوث حمل خالوه عوشة: اللي هو . . الدكتورة : حبوب منع الحمل . . عندي أرتفاع بهرموناتها . . وهذا الشيء ما يصير إلا بحالة تناول حبوب منع حمل أنا: بس أنا ما أكل ولا مرة بحياتي كلت . . الدكتورة: هذا واضح بشكل كبير عندي يدل أنه تم تناوله بإقل من 24 ساعه . . خالوه عوشة: بس هيه قالت لج ما تاكله . . الدكتورة: زوجج يعاني من مشاكل ؟! أنا: لا . . وسبق أنه رحنا لدكتورة ثانية وأكدت لنا أن كل شيء فيني وفيه سليم .. الدكتورة: بقولج شيء بس اتمنى أنه ما اتحطينه ببالج يمكن يكون مب صحيح أنا: قولي الدكتورة: أعتقد أنه زوجج يحط لج الحبوب بشيء . . يمكن هو ما يبي عيال أنا: صح هو كل مرة يقولي ما له داعي أتيبي طاري العيال . . [ اتذكر ] هو كل يوم الصبح يعطيني عصير . . ويصر علي أشربه . . الدكتورة: لو تبين تتأكدين من كلامي أقطعي هالعصير . . صدقيني لو من العصير . . بتحملين ع طول ] . . أنا: خالوه ليش خالد جي سوا . . خالوه: لا تحطين الكلام في بالج يمكن مب صدق . . ! أنا: بس لازم أتأكد أنا كل يوم ما رح أشرب العصير وبشوف شو بيصير خالوه: زين حبيبتي . . نزلت راسي وأنا أشوف خالد يتصل هذا موعد ردته من الدوام أنا: خالد أحينه طالعة خالد: أوكي أنا برع سلمت على خالوه وطلعت له برع . . سلطان.~ قمت من النوم وأنا أحس بسمية تتقلب . . من مساعة وهيه على هذي الحال . . أنا: سمية شو تحسين ؟! سمية [ تقوم ]: ما أحس بشيء رد نام أنا بروح أقعد برع أنا: سمية لا تستهبلين أنتي مب راقدة أبداً رديت من الدوام وأنتي واعية خبريني شو تحسين ؟ سمية: ظهري يعورني وايد . . أنا: قومي لبسي خل أوديج المستشفى سمية: مابي مابي أخاف يعطوني أبرة . . أنا: سمية لا تصيرين ياهل صحتج أهم يلا قومي سمية: مابي مابي أصلاً اليوم عندي موعد ما سرت عشان ما يعطوني أبرة تبيني أحينه اروح أنا [ بعصبية ] : بلا دلع يهااال . . سمية [ ترد على ورا بخوف ] . . أنا: سمية إن سمعت أنج طوفتي موعد مرة 2 يا ويلج مني . . تتصلين احينه تاخذي موعد ثاني سمية: سلطان أنا [ بصوت عالي ] : بلا سلطاااااان . . إن إستوى شيء بالياهل ما تلومي غير روحج . . خليتها على السرير ورحت لبست لي كندورة وطلعت برع أميه: سلطان شوفيكم ؟! ليش أصواتكم عالية أنا [ وبعدني معصب ] : سيري شوفي حرمة ولدج . . عندها موعد وما سارت تقولي ما أحب الابر . . ترا إن استوى بالياهل شيء لا تلوموني فيها أميه : إستهدى بالرحمن وطول بالك أنا: أي أطول بالي .. هذي ياهل عقلها صغير . . ما يقول وحده عاقل عمرها 20 سنة أميه: إذكر الله وصل على النبي أنا: اللهم صلي وسلم عليه أميه: أنا بسير أشوفها الله يهديك معصب عليها أكيد احينه تصيح أنا: قوليلها إن ما ودرت عنها تصرفات اليهال بردها بيت أهلها أميه: سلطان أنا: أنا بطلع برع أحس صدري ضاق طلعت من البيت ورحت أمشي على ريولي . . لأنه نسيت أخذ مفتاح السيارة !! . . جوري .~ من بعد ما طاحت علي نانا . . زقرت خالوه عايشة وأمينة .. وغصبناها تروح المستشفى . . ولا هيه كانت معاندة ما تبي أنتبهت على فوني يرن أنا: هلا ذياب ذياب: أي صوب أنتوا ؟! أنا: أنت وصلت [ بصدمة ] مسرعك ذياب: مب مهم . . يلا أي قسم أنا: ذياب ما خفت على روحك . . زين ما سويت حادث !! ذياب [ بعصبية ] : جوريووه أي قسم أنا: احينه ياية حقك ما أعرف أوصف رحت له على طول وجفته يمشي .. مشيت معاه لين الغرفة . . ذياب: شو قالوا ؟! أنا: محطين لها مغدي . . وسووولها تحاليل احينه بتطلع النتايج ذياب: الله يهديها . . أنا: شيء صار في بيتهم وياتني تعبانة ذياب: بس أحيد منصور دوام أنا [ هزيت كتفي ] : مادري والله ما خبرتني دخلنا الغرفة . . اللي كانت خالوه عايشة قاعدة ويا نانا ذياب : الحمدلله على سلامتج أرجوان نانا: الله يسلمك [ تتطالعني ] وينه الدكتور خل أطلع . . ذياب: لا ماشي طلعة خالوه عايشة: صدقه أخوج إنتي تعبانة نانا: عن منصور يرد أنا ما قلتله اني بطلع ذياب: أنا بتصل فيه [ يتصل ] لا تحاتين . . هلا النسيب . . شحالك ؟! . . دووم أنا بخير وعافية . . بغيت أقولك ترا أرجوان معانا بالمستشفى عشان ما تستهم عليها . . ما شر والله . . بعده الدكتور ما خبرنا .. ياي بالطريق .. إن شاء الله . . بحفظ الرحمن أرجوان : بيي ! ذياب: هيه بيي احينه . . تدخل الدكتورة . . أرجوان: دكتورة بليز أبي أطلع مابي اتم الدكتورة: من يخلص المغدي تقدرين تطلعين ذياب: دكتورة شوفيها ؟! الدكتورة: أنت زوجها ! ذياب [ بإحراج ] : لا أخوها الدكتورة: إيه . . على العموم مبروك هيه حامل أرجوان [ بصدمة ] : هاه الدكتورة: مبروك ويربى بعزج وعز أبوه يارب خالوه عايشة: الله يبارك فيج يارب . . بأي شهر هيه الدكتورة: بالاول . . كلها يومين ولا ثلاث وبتدخل بالثاني خالوه عايشة : إن شاء الله الدكتورة: من يخلص المغذي نادوا النيرس . . وبنسوي لها تسجيل خروج . . بس لازم تتغذى عدل عشانها وعشان الجنين . . [ تتطالع ذياب ] ياليت أمر علي بكتبلها فيتامينات تفيدها . . ذياب: إن شاء الله طلعت الدكتورة ونطيت على طول عند أرجوان أنا: وااااو وناسة بصير خالة . . ذياب: يالخبلة شوي شوي على أختي . . ترا عقب ما بتصيرين خاله أنا: بسم الله على إختي يارب خالوه عايشة: حبيبتي تمي شوي بالمستشفى خل نطمن عليج زيادة أرجوان: لا مابي ما كملنا غير 5 دقايق ويحدر علينا شخص بقوة . . منصور: إنتي بأي حق تطلعين بدون علمي !! . . مايد .~ صار لي 4 ساعات أتصل فيها وما ترد . . ومسكرة خدمة البيبي أووف شو أسوي ؟! خايف يكون فيها شيء . . أي يا غاية .. شو هالخوف اللي انولد ناحيتج .. معقولة حبيتج . . لا لا انا أحب أرجوان . . لا يا مايد أرجوان تزوجت ولا فكرت فيك أنت احينه متزوج غاية فكر بغاية لو بتحب حب غاية أووه . . محد غيره سهيل اللي بيطمني عليها شليت فوني أتصلت سهيل: مايد أنا: سهيل واللي يرحم والديك وينها أختك من مساعة أتصل فيها ما ترد !! سهيل: أختي بالمدرسة . . ليش! أنا [ حطيت إيدي على رأسي ] : أووه نسيت انه مدرسة . . سهيل: مايد شو الطاري ؟! هاه اشوفك تفكر بأختي أنا: جب جب يا .. أقولك يوم بترد من المدرسة خبرها تطمني عليها سهيل: أشوف شيء تطورات إستاذ مايد أنا: أه يا سهيل . . ما أعرف شو فيني . . من يوم الملجة وانا مب قادر أنساها . . أختك نستني طوايف أرجوان مب بس أرجوان تفكيري كله في غاية سهيل: مايد أنا ما رح أقولك حبك لأرجوان غلط . . بس تفكيرك فيها بيضرها وبيضرك . . ويمكن غاية تعرفه . . فكر بغاية لأنها زوجتك . . لا تقول أني أرمس عشانها اختي لا أنا: إن شاء الله أخ سهيل . . سهيل: يلا فارق وراي شغل أنا: طردة سهيل: محشوم ولد العم بس أنت متصل ترا غاية ما تباني أنا: يلا مع السلامة ولا تنسى تخبرها سكرت عنه بدون ما اسمع رده كلامه صح 100% . . . . جنان .~ قاعدة بالبيت ملانة . . أبويه اليوم بيتأخر بالجامعة . . طلبت من الخدامة تجهز لي كوب نسكافيه واتيبه لي غرفتي قبل لا أدخل غرفتي . . دخلت مكتب أبويه !! ما أدري ليش أشتقت له يا ناس قعدت على الكرسي .. ورفعت التلفون ودقيت على المطبخ أنا: أحضري النسكافيه لي في مكتب والدي . . >> بالانجليزي الخدامة: أوكي أنا: وأحضري لي عدة الرسم من غرفتي الخدامة: أوكي مدام فتحت أول درج . . هذا طبعي أنبش !! جفت اوراق عادية . . أمتحانات وعفسة . . فتحت الثاني والثالث نفس الشيء . . لين وصلت الدرج اللي أبويه دومه يسكره عني . . ودوم يقولي مافي شيء !! وشفته مبطل . . إستانست من هالشيء . . فتحته وأنا اطلع اللي فيه . . أنا: أمبييييييييييه شو هذا !!!! . |
لالالالالالالالالالالالالالا دخيييييييييييييلج كملي حقييييييييييييييييير منصووووور الله ياخذه واطي حقييييييييير كملي ومتى بارت الياي |
البوح القادم غداً بإذن المولى |
اقتباس:
شوي شوي شبلاج ليش وايد متحمسه انا بعدني ما قريته بقراه وبحط رايي وووو ممنوع السب :) بالتوفيق للجميع |
البوح الرابع عشر .~ جنان .~ قاعدة بالبيت ملانة . . أبويه اليوم بيتأخر بالجامعة . . طلبت من الخدامة تجهز لي كوب نسكافيه واتيبه لي غرفتي قبل لا أدخل غرفتي . . دخلت مكتب أبويه !! ما أدري ليش أشتقت له يا ناس قعدت على الكرسي .. ورفعت التلفون ودقيت على المطبخ أنا: أحضري النسكافيه لي في مكتب والدي . . >> بالانجليزي الخدامة: أوكي أنا: وأحضري لي عدة الرسم من غرفتي الخدامة: أوكي مدام فتحت أول درج . . هذا طبعي أنبش !! جفت اوراق عادية . . أمتحانات وعفسة . . فتحت الثاني والثالث نفس الشيء . . لين وصلت الدرج اللي أبويه دومه يسكره عني . . ودوم يقولي مافي شيء !! وشفته مبطل . . إستانست من هالشيء . . فتحته وأنا اطلع اللي فيه . . أنا: أمبييييييييييه شو هذا !!!! طاح من ايدي ظرف . . كله صور يهال أنا أعرف هذي البنت . . أنا !! بس منو الولد ؟! سمعت حس أبويه من وراي : جنااان !! . . أرجوان .~ ما كملنا غير 5 دقايق ويحدر علينا شخص بقوة . . منصور: إنتي بأي حق تطلعين بدون علمي !! أنا: منصور بس انا تعبانة وكنت فعلاً تعبانة . . أحس بطني يعورني ذياب: اذكر الله وإقعد . . البنية تعبت فجأه منصور: شو قالوا شوفيها ؟! ذياب: جوري خالوه خل نطلع ريلها بيوصلها البيت أنا: ذياب ذياب: هلا حبيبي خالوه عايشة: ذياب يلا وصلنا البيت . . خل ريلها معاها ذياب: بمر على الدكتورة بييب الأدوية . . وكلها دقايق وبيرخصونج .. [ يقرب مني ويبوس راسي ] طمنيني عليج أوكي . . أنا: أوكي وطلعوا .. منصور: حياتي شوفيج ؟! [ يطالع ويهي ] ويهج تعبان أنا: منصور حبيبي [ أحط ايدي ع بطني ] منصور [ توتر . . ] : أنتي . . ! أنا: إيه أنا [ بدلع ] حامل منصور: فديت عمرج يا ربي . . [ يقرب مني ] عسى ما متعبنج ! أنا: وايد تعبني اليوم . . [ أبوز ] كله أرجع وأحس بلوعة منصور: طبيعي هذا الشيء . . بس بيخف النيرس: أحم أنا أسفة لو سببت إحراااج . . دي الدكتورة مرسلاني أخذ المغزي من ايد المريضة منصور: خلاص بتطلع النيرس: آه . . دي بأأت متل الفل .. [ تخوز الابرة ] نياالك على هيك بنت . . [ وتغمز له ] وطلعت منصور: قوية عين . . أنا [ أدزه ] : أنت تتطالع بعد منصور: ما علي منها دامج معاي . . يلا حبيبي خل نطلع ساعدني وقومني . . ذياب: أرجوان خلاص تقدرين تطلعين . .[ وعطا جيس الادوية لمنصور ] منصور خل تأخذ الادوية بمواعيدها . . يلا مع السلامة ورد طلع مرة 2 . . طلعنا من المستشفى . . بالسيارة منصور: أرجوان شرايج نروح نتغدى برع . . أنا: لا منصور انت اليوم عندها منصور: اليوم أبا أكون معاج . . بنروح دبي بنبات اهناك أنا: منصور لا . . اخافها تزعل منصور: منو أهم رضاي ولا رضاها أنا: أكيد رضاك . . بس مابي تزعل . . اليوم يومها منصور: أقولج . . بمرج بيت أهلج تشلين لج ملابس وتريحين . . وأنا بروح البيت بشل لي ملابس . . أنا: منصور على شو ناوي ؟! منصور: بقولها عندي شغل بالدوام وببات برع . . ترا دايم بالويك أند يكون عندي إجتماعات أنا: اخاف تشك منصور: بقولها أنج في بيت أهلج . . ولا أقولج بننزل في بيتنا . . شلي لج جنطة صغيرة وانا جنطة ثانية وبجي ما بتشك . . يعني اني بنزلج في بيت اهلج أنا: زين . . منصور: تعالي وين غشوتج ؟! أنا: نسيتها منصور: مرة 2 لا تنسينها . . أنا: أوكي نزلنا في البيت . . جهزت لي جنطة وله جنطه ثانية وطلعنا على طول لدبي . . الخميس بالليل . . في مزرعة عبدالله أبو عذبة وعليا . . غاية .~ قاعدة أكلم مايد أنا: مايد نحن في المزرعة احينه . . مايد: هيه اهلي إهناك ؟! أنا: مادري أنا قاعدة بالغرفة . . مهوي مساعة قالت بتي مايد: زين .. منو موجود بعد أنا: أمم كلهم . . قوم عمي عبدالله . . سهيل أخوي . . أعتقد أهلك بعد وصلوا لأنه أسمع حد مها مايد: زين . . بتروحي ؟! أنا: أكيد بروح عندنا الساعة 8:00 بالليل أنتوا بلندن أكيد 12 . . روح نام إرتاح مايد: تهمج راحتي ؟! أنا : . . . مايد: تهمج ؟! أنا [ بصوت واطي ] : هيه مايد: قولي أحبك . . أنا : مايد . . مايد: قولي أحبك وبنسكر . . انا: مايد مايد: خلاص أوكي . . دايم إتم في خاطري أشياء . . مب أول مرة أنا: أحبك . . وسكرت على طول . . مها: ترمسين أخويه !! أنا: هيه . . مها [ تقعد يمي ] : تحسين براحة إتجاهه أنا: وايد . . خاصة مع صوته الهادي يحسسني أنه مهتم فيني مها: الله يوفقكم يارب . . أنا: خل نطلع برع عند الجماعة مها: يلا بس ويت بفصخ العباة فصخت عباتها . . لابسة تحتها جلابية طويلة لونها بني أنا: يلا . . روضة .~ واقفة صوب الخيول مع عبدالله المدرب مالي . . عبدالله: خلاص انتي احينه تعديتي مرحلة المبتدئين . . أنا: صدق . . عبدالله: هيه والله . . احينه تقدري تركبينه بدوني . . بدون أي مساعدة إيي صوبنا حسين . . حسين: سلام عليكم . . أنا وعبدالله: عليكم السلام حسين: هاه أنسة روضة بديتي طقوسج ولا بعدج أنا ضحكت . . وعبدالله مستغرب ! أنا: عبدالله هذا حسين ولد عمي . . حسين هذا عبدالله مدرب الخيول عبدالله: تشرفنا حسين: الشرف لي . . ها لا تقولي طافتني الطقوس ! أنا: لا ما طافتك بعدني ما ركبت حسين: أيوا . . أحسن أبا أضحك شوية عبدالله : شو السالفة حسين: هذي عندها طقوس . . تكلم الخيل . . عجيبة تعرف لغة الحيوانات عبدالله يضحك . . أنا: هههه . . بروح أييب مهرتي . . حسين أباك تشوفها حسين: أوكي رحت أييب المهرة الخاصة فيني . . قعدت أرمسها عشان أعودها علي حسين: الله بيضاء . . أنا: إيه أحب هذا النوع من الخيول . . الابيض تميت شوية وركبتها بخفة . . أنا: بتمشى فيها إهنه عبدالله: لا تبعدين ترا احينه بالليل وظلمة أنا: أوكي قبل ما أحب حد يشوفني وأنا أدرب . . بس حسين نوع خاص ما أعرف أحب يوم يشوفني على الخيل . . يوم ينكت علي ويعلق دقايق وقمت أحس بقطرات مطر إطيح . . مرت ببالي ذكريات لندن . . يوم كنت على الخيل . . ودوى رعد خوف الخيل . . لما نطيت بحضن حسين . . وتعورت ريلي إبتسمت بحيا . . حسين: روضة ردي بسرعة نزلي . . عن يصير نفس لندن إقتربت منهم ونزلت بسرعة أنا: عبدالله رد الخيل داخل . . عبدالله: شو صار بلندن خبرته اللي صار . . وراح رجع المهرة للإسطبل ومشينا مع بعض لصوب أهلها قاعدين عبدالله: أنا برجع . . عندكم جمعة أهل وأنا غريب أبويه: ما غريب غير الشيطان . . حياك بنكون الرياييل على طرف حسين: بيطوفك بنشوي . . يمي يمي عبدالله ضحك . . أبويه: يلا أنا قلت كلمة ما أثنيها . . عمي سلطان: إسمع الكلام عبدالله: إن شاء الله أنا: بعدين الجو مطر . . ونحن نخاف عليك . . حسين [ يمسكه ] : يلا إقعد ويقعد معاهم . . وقعد يتعرف عليهم عبدالله بطبعه إجتماعي . . وسهل عليه يتأقلم مع الناس أما أنا رجعت لصوب ما قاعدين الحريم . . ديمة .~ قاعدة اكلم سعيد بالمسن وفاتحة الصوت . . سعيد: ديمة خفت . . ما عرفت شو أقولها أنا: يعني كيف شافتهم ؟! سعيد: انا الصبح فتحت الدرج أشوف صورة أخوها عبدالله إشتقت له . . أنا: وبعدين سعيد: عصبت عليها قلتلها مرة 2 لا تنبشين شيء مب لج . . أنا: حرام أكيد زعلت سعيد: ما قدرت أقولها . . أنا: زين سعيد أبا اقولك شيء بس أخاف تزعل سعيد: قولي . . أنا: سعيد تذكر ذاك اليوم اللي كنا فيه بالمول . . سعيد: هيه أنا: جفت عبدالله . . يا الله كيف يشبه أخته .. كأنه توأمها مب أخوها سعيد: كيف !! أنا: جفته . . وتأكدت من جوري . . هيه تعرفه يدرس وياها وإسمه مطابق إسمك سعيد: ولدي . . أنا: هيه ولدك سعيد: ديمة بخليج أحينه أنا: سير راضى جنان حرام سعيد: إن شاء الله سكرت المسن . . وإندق الباب جوري: لحقي ديمووه لحقي أنا: شو !! جوري: عبدالله تحت موجود أنا [ بصدمة ] : شوو !!! جوري: والله تحت . . . . حمدان .~ قاعين نشوي دياي ولحم . . وذرة بعد . . أنا علي الدياي مع سهيل . . أبويه وعمي علي . . الذرة عبدالله وعمي عبدالله . . اللحم الجو رهيب . . بعده يطيح مطر . . ويقف ويرد يطيح كأنه بالشتا . . مب كأنه بعد كم شهر الصيف ذياب: ياخي يوعاان سهيل: أنتا بدال قعدتك البطالية تعال ساعدنا ذياب : تعبان . . عبدالله: خلوه شكله صدق تعبان ذياب: على قلبي والله حاس فيني أبويه: حسين يلا ودا هذا الحريم حسين: زين أبويه ذياب: هذا فونك حمدان يرن أنا: منوه يدق ؟! ذياب: مكتوب القلب هااه من زمان ما ياني هالرقم يمكن فوق السنة احينه . . اه اشلي رجعكم . . ! سهيل: القلب . . أنا: سهيل كمل عني . . [ أشل الفون وأروح بعيد ] . . أرجوان .~ قاعدين في مطعم راقي . . منصور: شو في خاطرج ؟! أنا: شيء بحري . . منصور: بحري . . أنا: هيه مشتهتنه . . منصور: إن شاء الله حبيبي طلب لي أكل بحري وله بعد . . أنا [ أكل لقمة ]: لذيذ منصور: وايد . . مع أنه الحينه بالليل مب وقت بحريات أنا: شو أسوي بخاطري منصور: أي شيء يكون في خاطرج خبريني . . حتى لو نص الليل أنا أضحك : ليش !؟ منصور: مب زين يتم شيء في خاطر الحامل . . أنا: أوكي . . مها .~ قاعدين بالغرفة اللي مطلة على برع . . نشوف الشباب يشوون تحت المظلة الجو حلو ومناسب جداً للطلعة برع لو ما طلعت لنا سالفة المزرعة كنت صحت بالبيت عشان نروح البحر !! صديت على ورا وأنا أسمع مريم مريم: يعني محد خبرني أنه بنبات أنا ما يبت ملابسي وما أبا ابات أميه: بس أنا بروحي مخبرتج . . مريم: ما خبرتيني أميه: مخبرتنج بس أنتي بروحه عقلج ما أدري وينه مريم [ بتوتر ]: هاه . . كنت أذاكر أميه: باين مريم [ بصوت عالي ] : شو قصدج ؟! خالوه نادية: مريم حبيبي هذي أمج مب زين تعلين صوتج عليها أميه: هيه خبريها يا نادية . . مريم: أنا أعرف كيف أرمس مع أمي . . [ يرن فونها ] هذي شوقيه برمسها برع أميه: لا ترمسين تحت المطر مب زين مريم: أعرف الزين حقي والمب زين ! [ وطلعت ] مريم هاليومين صايرة غير .!! غاية: أميه أبا دياي . . ما أبي ذرة خالوه عايشة: أحينه بنطرش على الشباب جوري: خل اييبوا لحم بعد خالوه عايشة: إن شاء الله ديمة: والله أرجواني لها وحشة . . ! أميه: شحالها ؟! خالوه عايشة: الحمدلله بخير وعافية . . تدرون لو يايبين أمينة جان زين ديمة: هيه والله خالوه عايشة: أنا قلتلها بس ما رضت . . جوري: عموه نادية جم غرفة موجود إهنه خالوه نادية: 5 وحدة للبنات ووحده للشباب . . ووحدة لنا الحريم ووحدة للرياييل الكبار أنا: أميه ميرانه وينها ؟! أميه: مع سلطان وراشد . . بييوا بعدين أنا: اها . . جوري: خالوه يوعانه بروح أييب من عند الشباب خالوه عايشة: زين تستري عدل جوري [ بصدمة ] : جي أنا شو لابسة . . ! إلا مخور ولا مطلعة شعري خالوه نادية: تتمصخر عليج . . سيري ييبلنا . . وودي لعذبة وعليا فوق . . جوري: أوكي [ وراحت ] خالوه عايشة: بعدها تتعب من ريولها خالوه نادية: إيه بعدها . . وتقول ما تبي تسوي العملية إلا بعد ما تخلص الامتحانات النهائية خالوه عايشة: إن شاء الله تقوم بالسلامة . . حمدان .~ يوم ييت أرد على الرقم تسكر . . ورديت أتصل مرة ومرتين وثلاث ومحد يرد !! رجعت بذاكرتي بقبل سنة وشوية [ قاعد بغرفتي أكلمها . . أنا: حبيبي إشتقت لج . . هي: وأنا بعد [ بحماس ] خل أشوفك أنا: ياليت هي: حمداني انا: عيون حمدانج . . روح حمدان . . يروح فدوة لج حمدان هي: عسى يومي قبل يومه ياربي .. أنا: دانة لا تقولين هالكلام . .كم مرة أقولج دانة : فديتك يارب . . أخو دانة: منو قاعدة تكلمين يا مسودة الويه !! سحب الفون من يدها . . أخو دانة: ألووه ترددت أرد ولا لا . . أنا: ألووه أخو دانة: لك ويه تتكلم بعد !! أنا: أسمعني ياخوي . . أنا أحب دانة وبتقدم لها . . أخو دانة: دانة ولد عمها يبيها . . والليله عرسها عليه كنت أسمع حس دانة تصيح . .قلبي تقطع عليها ] ما كلمتها من ذاك اليوم . . ولا جفت رقمها على سجل المكالمات من ذاك الوقت شو اللي رجعج لي يا دانة الحينه شوو !! رجعت على ورا برد صوب الأهل جفت ظل وحدة قاعدة ترمس . . : شوقي أنا ما قلتله اني ببات برع اخافه يحاتيني . . شو يعني اسوي ؟! . . زين شوفي دشي ايميلي شوفيه داخل ولا لا . . أممم زين . . لو طلب رقمي عطيه . . هذي خبلة . . تتكلم بصوت عالي . . أخاف حد يسمع . . خاصة لو أبوها بيطيح علينا رحت صوبها . . ويوم شافتني توترت : شوقي بكلمج بعدين . . أوكي باي أنا: سلام عليج بنت العم مريم: عليك السلام . . أسمح لي برد داخل وراحت على طول . . ! . . سلطان .~ وصلت سمية بيت أهلها . . مالي خلق أشوفها أحس لو شفتها بضارب وياها . . وشليت معا يميرانه ميرة: مطر . . أنا: هيه مطر حلوو راشد: سلطان شيء دراجات بالمزرعة أنا: ما أعرف . . وبعدين الجو مطر . . ماشي دراجات احينه راشد: زين باجر مب اليوم أنا: على الله . . [ أدق لأمي ] ألوه أميه: هلا سلطان . . أنا: أميه تبون عشا ؟! أميه: لا سلطان إهنه أبوك وأعمامك قاعدين يشووا دياي ولحم ومن هالسوالف !!! أنا: يعني اليوم السهرة صباحي أميه: هيه . . على راحتكم بس أنا وحدة بروح أرقد عنكم أنا: أميه عيزتي أشوف أميه: أنا بعدني شباب . . إذا إنت شيبت كيفك ضحكت . . أنا: زين أمي أنا بالدرب ياي أميه: شوي شوي بالدرب أنا: إن شاء الله . . مايد .~ ما ياني رقاد . . طلعت برع وقعدت أتمشى رديت أتصل بغاية أتسلى وياها سوالفها عجيبة . . خاصة لو استحت . . !! غاية: هلا أنا: أهلين .. غاية: ما رقدت أنا: لا . . غاية: تحس بشيء ؟! انا: أحس بشيء كاتم على صدري غاية: سلامتك والله . . أنا: الله يسلمك [ تمر من جدامي وحدة أجنبية ] . . الاجنبية: هاي دارلنج . . وت يو دو أوت سايت أت نايت [ أهلاً عزيزي . . ما الذي تفعله خارجاً في هذا الليل ] . . أنا: ونتي شيخصج ؟! سويت لها طاف . . ورديت لغاية غاية: من هذي ؟! انا: ما أعرف غاية [ بصوت مبحووح ] : لا تقص علي . . خبرني منو هذي ؟! شو بينك وبينها أنا: وربي ما بيني وبينها شيء والله غاية: لا تجذب . . [ وسكرت على طول ] تميت أتصل فيها أقين بس ما ردت . . غاية تغار علي !! . . . . جوري .~ طلعت للشباب أبا اييب أكل . . وانا أمشي أضطريت أني أغير طريقي عشان ما أمشي تحت المطر فطلعت من الجهة 2 مشيت شوية . . وسويت صوت الرعد . . خفت إستوى فجأه لنقزت وحضنت الي جدامي . . تميت ثانية ، 2 ، 3 ، 4 ، 5 ثواني عقب إنتبهت أني بحضن . . . . ! . . |
باااااااااااااااااااااارت يجنن تسلميييييييييييييييييييييين جد طرررررررررررررررررررررررررررررررررررر حراام ضلمت منصور ( عادي صح ^^) تسلميين مره 2 جد عيبني ومبروك نانا حامل وسلطان قاهرني لييييش جي هو افف وسموي كاسره خاطر ونتريا بارت الي عقبه وابي اعرف منو الي طاحت جوري بحضنه |
مافيييج حليييه...ابدعتي الصراحه ماقصرتي يعطيج العافيه استمري ع الابداع الطيب ومبروك ل نانا واتوقع الي حضنته جوري هو عبدالله خوي جنان جان خربطت بالاسم ههه بعدني ماحفظت الشخصيات من مكثرهن ماشاءالله ونرقب البارت الياي فديتج |
البوح الخامس عشر . ~ خالد .~ اليوم بدور متغيرة . . صايرة تسرح . . وكل مرة أفززها من سرحانها أنا: بدوور بدور: هلا أنا: وين هالمرة ! بدور: ولا مكان أنا: لا والله بدور: خالد لو يانا ولد شو بتسميه ؟! انا: شو هالطاري ؟! بدور: الله يخليك جاوب أنا: أي شيء . . بدور غيري الموضوع بدور: خالد ليش كل مرة جي تقولي ؟! أنا: أووه بدور عاد [ قمت بطلع ] بدور: والله ما تطلع خلاص سكتت تميت قاعد . . بدور في أشياء إنتي ما تعرفينها صعبه علي أقولها لج . . والحل الأمثل نأجل موضوع العيال . . جوري .~ طلعت للشباب أبا اييب أكل . . وانا أمشي أضطريت أني أغير طريقي عشان ما أمشي تحت المطر فطلعت من الجهة 2 مشيت شوية . . وسويت صوت الرعد . . خفت إستوى فجأه لنقزت وحضنت الي جدامي . . تميت ثانية ، 2 ، 3 ، 4 ، 5 ثواني عقب إنتبهت أني بحضن [ عبدالله ] . . أنا: عبدالله [ إبتعدت عن حضنه ] أسفة عبدالله: لا عادي . . أصلاً حتى أنا خفت . . أنا: والله أسفة [ بحرج ] ما انتبهت على روحي عبدالله: عادي جوري . . وين كنتي بتروحي ؟! أنا: كنت بتمشى . . الجو حلو عبدالله: عادي أتمشى وياج أنا: أوكي عادي [ أمشي ] حياك عبدالله: لو فيها إحراج عادي أنا: لا مافيها إحراج . . وبعدين متعودة عليك بالكلية عبدالله: زين . . أنتي أخت ذياب وحمدان ؟! أنا: هيه . . وحسين بعد عبدالله: إيه . . حبوبين أخوانج أنا: طالعين علي عبدالله: مكارة . . المفروض إنتي طالعة عليهم أنا: هههه اللي هو عبدالله: عندج جرج فون . . فوني فضى أنا: فونك جلكسي شراتي صح ؟! عبدالله: هيه . . أنا: عندي . . أحينه برجع وبعطيك عبدالله: لا عادي . . عقب ما بحتاجه أصلاً أنا: لا يمكن أهلك يحاتونك ولا شيء عبدالله: أنا ما عندي أهل . . يحاتوني أنا: كيف ؟! عبدالله: أمي إطلقت من أبويه من سنين . . وتزوجت واحد ثاني ومن سنة توفت وريل أمي ما يبيني . . أنا:[ تجرأت ] وأبوك ؟! عبدالله: أبويه ما سأل عني حي ولا ميت أنا: شو دراك .؟! يمكن أمك ما تخليه يسأل عبدالله: خلاص أنا ربيت بدونه . . ما عاد له أهميه . . أنا: تدري أبوك من ؟! عبدالله: ولد عم أبوج . . وأعمامج . . أنا: أنت تدري ؟! عبدالله: هيه أنا: عبدالله تدري عندك أخت ؟! عبدالله: جنان توأمي . . أنا: صدق ؟! عبدالله: هيه أنا: عبدالله تذكر يوم شفناك بالمول . . عبدالله: يوم أختج تعبانة ودعمتني . . زين ما عقتني . . أنا ضحكت : هيه . . ترا جنان كانت ويانا عبدالله: إنتبهت لها . . تشبهني وايد سمعنا حس من ورانا : شو تسوون ؟! إطالعت وراي أنا: ديمووه خرعتيني ديمة:ههههه أحسن . . أنا: عبدالله هذي إختي ديمة . . الي دعمتك ذاك اليوم ديمة: لازم تسودين ويهي . . أنا: هيه لازم عبدالله: عيل أنا أترخص . . أنا: بحفظ ربي . . حتى نحن بنرد داخل ورحنا . . ونسيت سالفة الأكل . . خخخخخ . . من التعب رقدوا الساعة 1 . . الحريم بالغرفة اللي تحت ورياييلهم بالغرفة اللي مقابلة لهم أما البنات كلهم بغرفة وحدة اللي فوق . . ومقابلهم غرفة الشباب بس مب كل حد رقد جوري . . الي تفكر كيف ممكن توصل عبدالله لأبوه ! حمدان . . يفكر بدانة وشو اللي رجعها الحينه ! مريم . . تفكر بفارس وكيف ممكن تكلمه ! ديمة . . تفكر بسعيد وهل راضى جنان ولا ! غاية . . تفكر بمايد وهل له علاقة بالاجنبية ولا لا ! ذياب . . يفكر بأرجوان ! سلطان . . يفكر هل هو صدق قسى على سمية ولا ! اما الباقي قدروا يرقدوا بسرعة ! [ ﺑﻌﺪ_ﻣﻨﺘﺼﻒ_ﺍﻟﻠﻴﻞ ; ﺃﻣﻨﻴﺎﺕٌ ﺣﺰﻳﻨﺔ ، ﻭ ﺇﺷﺘﻴﺎﻕٌ ﻻ ﻳﺘﻮﻗﻒ ﺃﺑﺪﺍً . ] اليوم الثاني . . الجمعة ! أرجوان .~ قمت من النوم . . على الحمام عطول . . أرجع أه بطني . . شوه الحالة ؟! ما كنت أعرف إنه الحمل جي متعب منصور: شوفيج ؟! أنا: ماشي [ أنسدح بتعب يمه ] تعبانة منصور: [ يسحبني لحضنه ] عساه فيني ياربي أنا: منصوري لا تقولي جي منصور: فديتج [ تم يمسح بيده ع يدي ] نامي شوية . . ورديت أنام بحضنه . . . . جوري .~ قمت من الصبح عشان أساعد حريم أعمامي بالريوق تدرون ما يبنا الخدم أبد . . لبست مخورة . . وحطيت الشيلة وطلعت خالوه عايشة: صباح الخير أنا: صباحج نور . . أطالع الريوق طايح .. ما لذ وطاب أنا: هذا وأنا قايمة أساعدكم خالوه نادية: ما له داعي حبيبتي . . قعدت : أنا يوعانة ما علي من الباقي خالوه نورا: إكلي حبيبتي بالعافيه . . دامه الشباب محد قعدت أكل . . مسوين بلاليط وبيض . . خبيص . . خبز رقاق . . من زمان ما كلت هالاشياء ! بعد ساعة .~ كنا كلنا قاعدين . . اللي يتريق واللي يسولف راشد: إمايه اليوم بركب الدراجات مالي خص . . عمي علي: زين بتركب بتركب خالوه نورا: جان طحت لا اتي لي تتويع حسين: حتى أنا بركب عمي عبدالله: شيء وايد 6 دراجات ذياب: من الحينه أنا حاجز لي وحدة حسين : وأنا وحدة راشد: أنا وحدة أبويه: 3 للشباب و3 للبنات ونقاسموهن عاد راشد: أنا أول واحد [ وقام طلع ] ولحقه حسين . . أبويه: عيل وين عبدالله وحمدان وسهيل ما نزلوا ذياب: أحيد راقدين مادري ! أنا: أبويه بروح أواعيهم . . [ بخبث ] عادي أبويه: الله يعينهم عيل . . روحي ما صدقت عطاني شارة الأمان . . رحت فوق على طول وأنا ناوية على حمدان دقيت الباب بقوة . . بدون ما أوقف . . لين طلع . . عبدالله فشلة حسبالي حمدان ولا سهيل بيطلعون ! عبدالله: هلا . . كان شكله ما يوحي إنه راقد أنا: أحم سوري . . نسيت إنك موجود [ انا لا نسيت ولا شي !! ههه ] عبدالله : عادي . . حمدان أخوج محموم وا فديتك يا أخوي . . عسى فيني ياربي عبدالله [ لز شوي عن الباب عشان أدخل ] : حياج دخلت . . أجوف سهيل يغير الكمادات عن رأس حمدان . . أنا: وايد مرتفعة حرارته سهيل: من أمس . . أنا توني أنتبه له ومب راضي يروح المستشفى ويهاذي أنا: بزقر أبويه هو اللي بيقدر عليه , , سهيل: أوكي رحت خبرت أبويه . . وشلاه غصب المستشفى . . بدور .~ توني قايمة من النوم ما شفت خالد بالغرفة .. دخلت سبحت . . وبدلت وطلعت خالد: نعيماً . . أنا: الله ينعم عليك يا ربي خالد [ يناولني كوب العصير ] : إشربي أنا: إن شاء الله . . خالد عادي تروح المطبخ جوف لي شيء خبز من أمس ! خالد: أوكي . . لو ماشي بطلب لج من الدكان أنا: أوكي . . لما طلع . . تأكدت إنه إبتعد ورحت الحمام صبيته ورجعت بسرعة . . حمدان .~ قاعد بالمستشفى . . تقريباً حرارتي نزلت بس منوه قال .. مب راضين يخلوني أطلع أنا: ياخي مليت . . خلاص أنا صرت زين سهيل: بعدك تعبان . . أبويه: هيه صدقه بعدك أنا: أبا أطلع مابا أتم [ أحاول أقوم ] يلا أبويه [ يدزني ] : تم مكانك أقول .. أنت ما تستاهل حد يعطيك ويه . . روحك تعبان أنا: أبويه والله صرت زين . . [ أحط إيده ع راسي ] جوف ماشي حرارة أبويه: تم إرتاح شوية .. أنا: [ أرد رأسي ع ورا ] أووف أبويه: تأفف من اليوم لباجر . . أنا برد المزرعة . . وعقب برد لكم سهيل: خله علي عمي . . أبويه: يلا دير بالك عليه [ وطلع ] أنا: سهيل يلا روح أزقر الدكتور أبا أطلع سهيل [ يقعد ] : ماشي طلعة أنا: أوووف سهيل: منوه القلب ؟! . . أنا : . . . سهيل: منوه ! أنا: ددانة . . سهيل [ بصدمة ] : دانة ما غيرها ! أنا: هيه . . سهيل: كلمتها . . ؟! أنا: لا . . سهيل:تعبك منها . . ! ياربي كيف قلبك رهيف . . ! أنا: جي شايفني بنيه . . [ أعيب عليه ] قلبك رهيف ! سهيل [ يضحك ] : ما تشوف روحك . . كيف مرضت ! أنا: جب . . ياربي متى تمر هالساعات عشان أطلع سهيل: تتوقع ليش متصلة أنا: ما عرف . . شو اللي رجعها احينه !! سهيل: ريح عمرك ولا تفكر . . مافينا يتعب قلبك الرهيف [ شليت المخدة وفريتها عليه !! ] سهيل: ههههه . . مقبولة منك بس لأنك مريض . . . . جنان .~ من أمس قاعدة بغرفتي . . ولا سأل عني باباه . . ولا حتى يا يراضيني . . دخلت عليه المكتب . . أشوفه قاعد على المكتب . . تقربت منه وإطالعني تميت أتقرب منه لين وصلت له . . بست رأسه : أبويه سامحني أبويه: مسموحة يا بنتي . . إقعدي إنتي لازم تعرفين كل شيء احينه ! أنا: إن شاء الله أبويه: إقعدي أنا: لا عادي . . أبويه: قلت إقعدي [ رحت قعدت ع الكرسي اللي جدام المكتب ] , , أبويه: جنان أنتي عمرج ما سألتي عن أمج . . ! أنا: ما تهمني . . أنت كنت لي أم وأبو . . مكفني عنها أبويه: جنان أدري إنه بخاطرج قربها . . وأدري أنج بنت في بعض الأحيان تحتاجي لها . . جنان ترا أمج توفت من سنة وشيء تقريباً . . أنا [ بصدمه ] : صدق ! أبويه: هيه صدق . . الله يرحمها أنا: الله يرحمها . . أبويه: ترا لج أخو توأم . . خذته أمج معاها من سنين أنا: هاه . . أبويه: هيه [ ببسمة ] إسمه عبدالله . . أكيد إستوى احينه ريال . . أنا: يعني ما كفاها حارمتني منها . . بعد تحرمني من أخويه أبويه: تبينه ! أنا [ أدمع ] : أكيد . . في حد ما وده بأخو .. يكون سند وعضيد لي بالدنيا أبويه: ترا بالامارات أنا: أبويه . .أباه أبويه: بييبه لج بإذن الله . . [ سكت ] شرايج خلاص نرجع الامارات ونستقر فيها أنا : [ بحماس ] هيه . . ياليت والله أبويه: لهدرجة ما تبين قربي ! أنا: حرام عليك أبويه . . بس صدق كفاية من الغربة . . خل نرجع البلاد نكون بين أهلنا وناسنا أبويه: صح كلامج أنا: أبويه أنا بوقف دراستي إهنه . . بكملها بالبلاد . . ولا بوقف كامل أبويه: ليش ! أنا: تدري أنا مب ويه دراسة [ أضحك ] أنا داخله عشانك . . وبعدين إلا فنون ورسم شو يعني ! أبويه [ يضحك ] : كيفج حبيبتي سوي اللي يريحج أنا: أبويه شرايك نرجع الحينه أبويه [ يضحك ] : لا شو الحينه ! خل أرتب أموري أول أنا: زين بس بسرعة . . ترا أقولك أنا خلاص ما بداوم أبويه: ناويه صدق يعني . . أنا: هيه ديموه عطت الفكرة ببالي . . [ أضحك ] هيه بعد ما ودها تدرس ! أبويه: دام ديموه بالسالفة . . عز الله ربحنا ! أنا: هههه أبويه حرام عليك حبوبة البنت . . مرت ببالي لما كانو عندنا بلندن . . إقتباس من البوح العاشر من طريقة طرح ديمة [ أنا: يلا عاد أفرديها . . أقولج ما بتقردنيني لأبوج . . ترا حلو . . وجميل . . زوجيني له كنت أقولها بروح فكاهية ما كنت أقصد أي كلمة . . جنان: أفا عليج . . إذا بتفكين عنه عقدته اللي سببتها أمي . . بزوجج له . . بس ما يغرج عمره .. ترا بعده شباب أنا: أفا عليج . . خليه علي جنان : زين بنشوف أنا: زين متى بتعطينه الرسمة ! جنان: بأقرب وقت إن شاء الله أنا [ بمزح ] : عاد ما أوصيج لو تزوجت أبوج ترسميننا جنان: من عيوني . . يا حرم أبوي المصون ] ضحكت هالذكرى . . أنا: أبويه شو رايك دبيمووه . . [ أغمز له ] شرايك أزوجك إياها ! أبويه [ بإبتسامة ] : ياليت والله . . ! إطالعته وأنا فاجة حلجي على الأخر . . جأني إلا بقرة شايفة حريقه !! أبويه: جنان بصراحة أنا بخاطري ديمة .. بس كنت خايف من ردة فعلج . . ورده فعل أهلها أنا: أبويه من ناحيتي مستحيل أعارض زواجك . . يكفي حارم روحك عشاني . . [أبتسم له ] صدقني عمري ما رح أوقف عقبة بطريقك . . بس فكر بأهلها . . رح يرضون ! وأنت وايد كبير عليها . . هيه أصغر مني ! أبويه: ما أدري . . بس صدقيني ما قادر أحرم روحي من التفكير فيها . . أنا [أغمز له ] شكله رايح فيها الوالد . . أرجوان .~ قاعدة ويا منصور . . منصور: هاه شحاله ولدي ؟ أنا: يمكن بنت ! منصور : لا أنا أبا ولد أنا: اللي ايي من الله حياه الله منصور: صدقج .. أهم شيء تكوني أمه أو أمها . . وأهم من هذا بعد إن الله يقومج بالسلامة أنا: فديتك حبيبي منصور: تدرين لو يات بنت أباها تشبهج كامل . . شعرها أشقر نفسج . . عيونها نفسج بالضبط ولا ترا ببدلها بولد ثاني ضحكت : هههه ليش ! منصور: قلت لج أبا تشبهج . . أنا: منصور ما رح تتغير علي ! منصور : أبداً . . أنا : أقرب منه وأحط رأسي ع صدره : ربي يخليك لي منصور: ويخليج حقي . . . . مريم .~ أنا: يعني شو إماية متى بنرد ! أميه: ما أعرف . . أنا: بس أبا أرجع أحينه . . عندي شغل جوري: إنزين حبيبتي خل نستانس نحن يايين نستانس . . ودري الشغل عنج شوية اليوم أجازة أنا[ أطالعها ] : بليز خلج على صوب . . اميه: مريم عيب أنا: إميه دخيلج خل نرجع . . أميه: بجوف .. يلا روحي شوفي أختج ميرة وين . . وإنتبهي لها رحت أدور على ميرة وين وأنا بداخلي أغلي على فارس . . ! . . غاية .~ قاعدة أكلم مايد . . مايد: ولهت عليج . . انا [ بزعل ] : إيه قص علي مايد: والله ما أقص عليج . . وبعدين شحقه الزعل أحيد أنا اللي مفروض أزعل مب إنتي ! أنا: شو سالفة هذيج الاجنبية مايد: والله ما أعرفها . . حلفت أنا ليشم ب مصدقتني أنا: خلاص صدقتك . . مايد: أكيد ولا أنا: لا أكيد صدقتك . . مايد بيي اليوم اللي تخليني فيه ! مايد : لا طبعاً . . مستحيل . . حد عنده زوجه شراتج ويخليها ! أنا: فديتك حبيبي مايد : شوو ! عيديها أنا سكتت أصلاً طلعت جي عفويه . . مايد [ يضحك ] : فديتج يوم تكونين عفوية جي . . أنا: . . . مايد [ بهمس ] : لا تمين ساكته أنا: شو تبيني أقول ! مايد: أي شيء . . قولي أحبك . . ! أنا: مايد فيك شيء ! مايد: هيه . .فيني تولد حبج بدون إحساس أنا : هههه مايد شفيك ؟! مايد: أحبج . . بعد يومين . ~ أرجوان .~ قمت من النوم ميتة يوع . . ومشتهيه أكل فراولة سبحت ع السريع ولبست لي لبس طويل وساتر . . وطلعت برع نزلت من الدري لين وصلت تحت . . أنا: السلام عليكم . . شحالكم عموه: عليكم السلام . . فاطمة: يعني كيف بيكون حالي وأنت سارقة ريلي عني . . أنا: فاطمة . . بس يعني ما تعودتي فاطمة: لاا . . أنتي لازم تطلعين من حياتي وحياة منصور أنا: ما رح أطلع من حياتكم . . منصور ريلي مثل ما هو ريلج [ أحط إيدي ع بطني ] وأبو ولدي بإذن الله فاطمة [ بصدمة ]: إنتي حامل أنا: هيه حامل .. وبولد إن شاء الله عموه: وأنا أقول ليش مطيح عندج . . قاصة عليه بالحمل أنا [ شهقت ] : أنا ما قصيت عليه . . أنا صدق حامل فاطمة: هيه صدقناج أنا [ بصوت عالي ] : مب لازم تصدقوني .. أهم شيء منصور منصور : ليش أصواتكم عالية أنا: هلا حبيبي أنت ييت قاطعتني فاطمة : زين أنك ييت . . تعال إسمع مرتك الي بديتها علي كيف تعلي صوتها على أمك . . وقاعدة تعصب عليها منصور [ يطالعني ] : صدق هالكلام ! عموه : بعد تسألها هاللي ما تستحي على ويهها !! منصور [ يقرب مني ] : صدق هالكلام أرجوان ؟! أنا: لا ما عليت صوتي فاطمة: هيه قصي عليه بكلمتين عموه: هذي مب أول مرة . . كل مرة يوم تكون أنت محد تسوي نفس الشيء فيني منصور [ يمسكني من شعري ] : أرجوان . . ترا كله ولا امي أنا [ أحاول أبطل إيده ] : منصور حراام عليك .. اه يعور . . منصور أنا حامل بس هو مب راضي يسمعني . . ماسك شعري ويحركني يمين ويسار . . ويقول منصور: كله ولا أمي !! لين ما حسيت روحي بتطلع وصرخت .. أنا: أأأأأأأأأأأأأأأأأأه بطني . . . . |
هذا رح يكون اخر بوح لهذا الاسبوع لانه بيكون عندي امتحانات ., |
تسلميييييييييييييييييين باااااااااااارت يجن واله طررر قهرتني فاطمه وام منصور سوسه اف كريهاااااااااااااااااات م ادانيهم اتوقع فاطمه مسويه سحر ومنصور صج حيووان وما الوم عمري يوم اني سبيته صج حثير تسلمييييين ونانا حبيبتي فديتج م تستاهلييييين |
ماشاء الله ع الابداع فانتظار كل جديد |
اسبوع الياي شي بارت ولا واي يوم |
اقتباس:
لو كنت فاضية رح أكتب الاحد . . لأنه عندي بروجكتات وتستات ههه . . ^^ |
أول شيء . . أخبارج أعلومج ؟! عساج مرتاحه ههه . . شو هذا !!!!!!! شو سويتي بأرجوان . . ليش جي . . لو أشوف منصور جدامي بجتله ههه والله . . بييه يوم وبيندم . . خل فطييم تنفعك . . ميوودي يا قلبي والله فدييييته . . عسى بس غايووه تنسيه أرجوان . . ! مريووم هالانسانة ما حبيتها تذكرني بوحده [ . . ] خخخ . . نعم !! شو ترمس واحد وتطرش له صور أختها خوفي يطيح كل شي ع راس مها وو سلطان هاا وقتك تعصب ع سمية . . حليلها روحها حامل أمممم حمدان شو سالفته ويا دانة .! وو اممم ديموووه يبالها كف ع راسها يرد لها عقلها . . شو تحب واحد أكبر عن أبوها !!!!!!! ولا وجنانوه عايبنها .!!!!! أممم عبدالله أحسه بيحب جوريووه . . ! ههههه . . شو بعد . . !! بدووووري أحس بتحمل . . بس الله يعينها من خالد أحس بسويلها مشاكل . .! . . أشواقوه لا تتاخرين علينا بالبارت . . والله يوفقج بامتحاناتج . . ويسهل عليج ياربي . . تحياتي . . |
البوح السادس عشر .~ بعد مرور قرابة الخمسة أشهر . . تقريباً صاروا في شهر 10 ديمة وباقي البنات خلصوا الثانوية بنسب مختلفة . . مها كانت أعلى نسبة فيهم ودخلت كلية الهندسة شادة حيلها أول بأول غاية دخلت كلية الهندسة مع مها وتقرر عرسها ومايد بعد شهرين بالأجازة وعايشين قصة حب هادية جداً عليا وعذبة سووا لعذبة عمليتها من شهرين وبدت عذبة تتعافى تدريجياً دخلوا تخصص لغة إنجليزية ديمة ما زالت تحب سعيد وتتواصل معاه طبعاً لأنها ما تبي تدرس دخلت تخصص إعلام ما تدري إنه كل تخصص يباله مذاكرة وجد مريم ما زالت في بحر اسمه فارس وشات ومسن وطبعاً رافضة فارس يعرف أنها مب مها وأنه الصور مب صورها بس تتريا اللحظة اللي يخطبها فارس وبتعترف له جنان وأبوها استقروا بالبلاد واشتروا الفلة اللي يم فلة سلطان وكل يوم في بيت سلطان . . عبدالله رجع لأبوه كان موقف جداً حزين ويصيح . . أما الباقي حياتهم عادية رح تعرفون أخبارهم من كلامهم سلطان .~ عايش حياتي من أحلى ما يكون صرت أحاول أتحمل سمية بدون أي عصبية أو صراخ صرت أحط بنتي اللي ببطنها أول أولوياتي ما تدرون شكثر إستانست لما عرفت أنه فيها بنيه . . ! سمية: بشو تفكر ؟! أنا [ أطالعها وهيه تقعد ] : في بنتي سمية [ تضحك ]: دام جي ما بقول شيء أنا: سمية سمية [ تطالعني ]: هلا حبيبي أنا: تعالي بحضنج سمية [ تقرب مني ]: كاني ييت حطت رأسها ع صدري ومسكت إيدي تميت أسمح ع إيدها اللي ماسكه إيدي وحطيت طرف لحيتي . . [ ماعرف جي أسمها ولا ] ع رأسها أنا: سمية ترا طالعة لي دورة بالدوام لمدة شهر بس إعتذرت . . سمية [ بابتسامة ] : أحسن أنا [ ضحكت ]: ليش ! سمية: عشان تكون معاي وبعدين أنا بعد أقل من شهرين ولادتي لا تستهبل وتخليني روحي أنا: ما بخليج روحج بس ترا بنضغط بالدوام . . سمية: عادي أهم شيء أخر اليوم تكون معاي . . أنا: فديتج يا عمري . . تمينا على هذي الحالة وأنا أفكر شغلي هاليومين بيزيد خاصة مع الملاحقات اللي نسويها أحيان نضطر نطلع من بيتنا نصايف الليالي عشان بس نلاحق ناس ما عندها ذمة ولا ضمير من شهر تقريباً مبلغين عن شقق مشبوهه وكل ما نسويلهم كمين ينقلون المكان يارب نقدر عليهم ونفك البشرية من شرهم [ إطالعت سمية اللي تلعب بأصابعي ومغمضة عيونها ] ترا أحيان الملاحقات هذي تأذي يا خوفي أييني شيء وأفجع فيني سمية يارب لا تحرمني منها بدور .~ كملت خمس شهور وأنا هاجرة العصير الي يعطيني خالد أحاول ألهيه عشاني ما أشربهوكل شهر أسوي تحليل منزلي بس النتيجة تكون سلبية . . اليوم خالد طالع دوامه ومنال أختي يات لي بالشقة . . منال [ تدق الباب ] : يلا طلعي . . شو فيج ؟! أنا: أممم زين زين بطلع [ غسلت ويهي ع السريع ] منال [ تطالعني ] : هاه طمنيني . . أنا: حامل . . [ أقعد ع السرير ] منال: مبروك حبيبي [ تبوسني ] شفيج مبوزة أنا: خايفة من خالد يعني هو يحط الموانع بالعصير أكيد ما يبيني أحمل [ أطالعها ] بس ليش ؟! منال [ تقومني ]: تعالي معاي بسويلج شيء تاكلينه ولا تفكرين وايد . . أنتي في بطنج ظنا أنا: أوكي خاطري بعصير برتقال فريش . . سويلي رحت معاها المطبخ وقعدنا ع الطاولة وهيه وقفت تسوي العصير منال: شحال أرجوان من زمان ما كلمتها أنا: الحمدلله زينة بس بعدها تعبانة . . منال: هيه في بيت أبوها صح ! أنا: هيه . . منال: عيل عقب بمر عليها . . [ تعطيني العصير ] خذي شليت منها العصير وشربته . . وأنا أفكر في خالد كيف بتكون ردة فعله لو عرف مريم .~ قاعدة أكلم فارس . . أنا: فارس . . بيي اليوم الي تخليني فيه ؟! فارس: أكيد لا . . أنتي حبيبتي . . كيف أخليج ؟! أنا: زين متى بتخطبني ؟! أنت قبل قلت بتتريا تتخرج وأعتقد تخرجت صح ! فارس: قريب حبيبي قريب . . مهوي ماكو صور اليوم ؟! أنا: لا . . ماشي ما تصورت . . فارس: باجر ! أنا: بفكر [ حد يدق الباب ] أنا [ كتبت بسرعة ]: فارس حد على الباب برب . . وسكرته بسرعة بدون ما أتريا رده ورحت بطلت الباب أنا: هلا ماماه . . اميه: عادي أدخل ؟! أنا : هيه اكيد عادي [ دخلت ] . . اميه: شو كنتي تسوين !؟ أنا: عندي بروجكت بالكوليج وقاعدة أسويه إميـه: الله يسهل عليج يارب أنا: آمين هاه اليوم بغرفتي ؟! اميه: والله عندي كلام أبا أقوله لج . . أنا [ بخوف ]: هلا . . اميه: تعرفين أنج كبرتي وما عدتي مريم الصغيره أنا: هيه اميـه: ولد خالتج طالب إيدج . . ويباج حليله له [ كل معالم الصدمة انرمست على ويهي ولد خالتي منوه فيهم ليكون . . ] اميه: هيه ولد خالتج صقر . . أبا رايج عشان أخبرهم أنا: ماعرف [ أهز راسي ] ماعرف اميه: فكري عدل . . وبعدين أنا أكثر وحدة تعرف شكثر خاطرج فيه . . [ تبتسم ] أتريا رايج وطلعت من الغرفة وأنا على أعصابي صقر يصير ولد خالتي اللي كنت أموت على ترابه من يوم كنت صغيرة ومن 4 سنين راح أمريكا يدرس هناك من ذاك اليوم اللي تركني فيه ظهرته من حياتي محيت حبه من بالي [ أهز رأسي ] صح أنا حبيت فارس لا لا فارس هذا كان تسليه بالنسبة لي أووه ما أعرف . . ><" غاية .~ اليوم طالعة من الكلية متأخره أنا ومها لأنه السخيف السير أخذ أكثر من وقته وكان مايد يدق لي وايد بس بسبب السير أسويله طاف يوم رجعت البيت أشوف مسجات بالهبل أنا زعلان منج أنا مادري شو !!! أنا: يعني مايد شفيك ليش زعلان ؟! مايد : أونج ما تدرين أتصل بج ما تردين أكلمج ع ال bbm ما تردين .. ! أنا: مايد حبيبي أنا كنت بالكلية كلاس حتى إسال مهوي كانت معاي مايد: خلاص رضيت أنا: يعني لازم نقول اسأل مها عسب ترضى ! مايد: لا أنا رضيت عشان شيء ثاني مب عشان مها أنا: شوو ! مايد: عشان حبيبي فديتج يا ربي أنا [ سكتت ما توقعت ] : . . . مايد: وعشان هالكلمة أباج تعزميني ع بيتكم . . أنا: حياج بدون عزيمة البيت بيتك مايد: إن شاء الله على المغرب أنا بيي كوني جاهزة أنا: إن شاء الله . . نزلت الفون أشوف الساعة 5:30 بعد ساعة وشوية بيأذن المغرب مايد: غاية أبا أقول شيء ! أنا: قول . . مايد: لا خلاص يوم بيي بقولج أنا: إن شاء الله يلا ميودي بخليك بروح أجوف أميـه واقعد معاها مايد: زين حبيبي لا تنسين تجهزي حقي أنا: إن شاء الله بحفظ الرحمن مايد: بحفظ الكريم حطيت الشيلة ع راسي وطلعت برع أشوف أمي قاعدة وجدامها صحن فواكه وقعدت أكل معاها شوية تفاح أنا: إماية اليوم مايد بيي . . إميه: حياه الله . . أنا: أنا بروح البيت عند ديموه وجوري يمكن عقب نرد هنه بأخذ رايهم بلي بلسبه إميه: روحي أنا بعد شوي بلحقج بروح أطالع أرجوان أنا: أوكي يلا بروح . . طلعت من الملحق اللي بناه حقنا عمي سلطان وفيه 3 غرف بحماماتهم ومطبخ صغيروني وصالة مشيت للبيت الرئيسي ودخلته أشوف سهيل مع حمدان قاعدين يرمسون ويوم شافوني سكتتوا . . أنا: هاه شو من الاسرار بينكم . . حمدان [ يضحك ] : أخوج يحب . . سهيل [ بصدمة ]: جذاب . . أنا ضحكت: أنا شاكة إنه ثنينكم تحبون بس ما عليه خل أخلص من عرسي إن ما خليت امي تتولاكم ماكون غاية وضحكوا ثنينهم سهيل: يلا حمدان بخليك بروح الدوام . . أنا: دوام ولا مواعد سهيل [ يأشر علي ويطالع حمدان ] : هاي من عرست اختربت !! ضحكوا ثنيناتهم وخليتهم وركبت فوق جفت جوري وديمة لغرفتهم ومعاهم جنان . . أنا: شحالكم صبايا . . ديمة: هلا بالعروووس أنا : هههه شحالكم جنان [ اللي منسدحة ] : فيني نووم أنا: أنتي حياتج كلها نوم ؟! من ودرتي الدراسة نوم نوم نوم جنان: حرام عليج والله . . أنا: شو أخر رسوماتج ؟! جنان: أمممم رسمات خفيفة يوم نطلع الحديقة ولا أرسم اي شيء يمر ع بالي بس أنا [ أطالع جوري ] : جوريوه بلاج ساكته جوري [ بدون ما ترفع رأسها من اللاب ] : عندي بروجكت قاعدة أسويه . . باجر التسليم النهائي بسوي عرض . . أنا: الله يوفقج يارب جوري: أجمعين [ تقوم ] أنتوا كلموا رمستكم أنا بنزل الصالة بكمل شغلي أنا: لا نحن بنطلع خلج هنيه جوري [ تحط شيلتها ع رأسها ]: لا عادي أنا محتاجة أغير المكان عشان النفسية وما أمل ديمة: روحي روحي من قال أنه بنطلع عشانج جوري [ تبتسم لها ]: مب لازم حبيبتي يلا سلام [ شلت لابها وأوراقها وطلعت ] أنا: عيل أرجواني وين ؟! ديمة: بغرفتها [ تطالعني ] إنتي ليش ياية ؟! أنا: مايد بيي اليوم . . ديمة [ بحماس ]: الله وناسة أكشنات بتصير واااو بنغير الروتين الممل وبنضحك جنان تضحك: غايوه ما عليج من هالخبلة . . ديمة [ بإحباط ]: ما رح تقعدون معانا صح أوف أنا: هههه أحسن عسب ما تمسكين علي شيء وتذليني ديمة [ بخبث ] : ما عليه بندور طريقة . . أنا: زين شرايكم نروح غرفتي عسب تختارون لي بدلة ؟ جنان: أوكي يلا نقوم أنا: أوكي . . طلعنا مع بعض بعد ما لبسوا شيلهم بالطريق جفنا ذياب . . ذياب: سلام عليكم بنات نحن: عليكم السلام أنا: هلا ذياب ياي من الكلية ؟! ذياب [ بتعب ]: هيه ما تشوفين منهد حيلي أنا: موفق يارب كلها سنة وشوي وبتخلص ذياب: هيه عيل أرجوان وينها ؟! ديمة: بغرفتها مريت عليها مساعة شفتها نايمة ذياب: ما نزلت عندكم مساعة ؟! ديمة: لا ما طلعت أبداً ذياب [ يتنهد ] : بروح لها عيل أنا: ذياب ترا مايد بيي عقب ذياب: مايد بيي لج مب لي شحقه تقولين لي أنا [ بإحراج ]: ترا قلت أخبرك جنان: ذياب حرام عليك أحرجها ذياب [ يبتسم لجنان ] : أدريبها ما بتزعل مني [ يكمل مشيته ] يلا سلام كملنا طريقنا للملحق بعد ما مرينا ع جوري وغلسنا عليها . . ذياب .~ بعد ما رحت عن غاية مريت غرفتي وفريت جنطتي ع الكرفاية رحت سبحت ع السريع ينشطني وطلعت ، لبست لي قميص أصفر وجينز ومشطت شعري اللي أحسه طول عن مستواه يبالي أروح أقصه . . ! غمضت عيوني حال أرجوان صاعب علي . . رجعت بذاكرتي بقبل خمس شهور . . [ أنا وأبويه داخلين المستشفى شفنا منصور واقف جدام غرفة العمليات وشكله مبهدل . . أبويه [ بعصبية ] : وينها بنتي وينها ؟! منصور [ يأشر ع الباب ] : داخل أبويه [ بعد ما قرأ انه هالباب لغرفة العمليات عصب زيادة ] : شو سويت فيها ؟! هذي هي الأمانة . . جي تسوي فيها ؟! منصور [ بتوتر ]: يا عمي إهدى أنا [ بعصبية أكثر من أبويه ]: أي يهدى وبنته ماعارف شو فيها ؟! ما عارف يمكن تروح من يده بلحظة . . حطيت كل الحرة اللي فيني منه ومن مريم اللي تبلت عليها ، من زواجها بالغصب ، من خالد اللي ضربها ، من حرمان مايد منها وهو يحبها ، من القدر اللي فرقهم، من القدر اللي فرقنا ، ببوكس ع ويهه . . تميت أضربه وأضربه ، لين ما بعدوني عنه الناس . . بهاللحظة طلعت الممرضة ،عرفنا منها أنه أرجوان فقدت جنينها ،وحالتها النفسية متدهورة جداً بعد اسبوعين قضتهم بالمستشفى / ما بين جلسات نفسية ، عرفنا أنه الجنين ما نزل منها، ومازالت حامل الدكتورة كتبت لها تصريح خروج بشروط ،أنه ما نعرضها لأي ضغوطات نفسية ونبعد عنها أي شيء يفاجأها ويسبب لها ضرر/ قالت لنا أي شيء يصير لها ويعكر نفسيتها بضر بالجنين ، أي إنفعال نفسي بضرها وايد عشان جي أبويه قرر انه نبعد منصور عن حياتها على لأقل لين تولد . . أذكر منصور عصب وايد من هالشيء / كيف تحرمون مرتي مني ؟! بس أبويه قدر يقنعه من خلال كلام الدكتورة . . ] هذا هو كمل خمس شهور ما شافها أبداً ولا كلمها يطمن عليها من بعيد لين بعيد . . فتحت غرفة أرجوان جفتها باردة وناناتي نايمة ، دامها ما طلعت أكيد مب ماكله شيء محد بيقدر لها غير أبويه ، رحت له غرفته ودخلت أنا: أبويه البنات خبروني أنه أرجوان ما طلعت من غرفتها اليوم وديمة راحت لها مساعة جافتها نايمة . . أكيد مب ماكله . . روح كلمها أبويه [ يتنهد ] : هالبنت ما أدري شو سالفتها مع النوم [ يقوم ] بروح لها مشيت معاه لين غرفتها . . أبويه [ يوعيها ] : أرجوان أرجواني يلا بابا قومي أرجوان : باباتي بنام خلني أبويه: باباتي يلا قومي . . أرجوان [ تبطل عيونها ] : شو ؟! أبويه: قومي معاي نقدر تحت . . مب زين لج حبيبي أرجوان : أبي أنام أبويه: عقب بتنامي [ يقوم ] يلا بابا بدلي ملابسج ونزلي بترياج ولا ترا بزعل أرجوان [ تقوم وتقعد ] : لا لا بيي أبويه [ ابتسم لها ] : زين [ وطلع ] أرجوان [ تتطالعني ]: ذياب مابي أروح أنا [ أقعد يمها ] : تحسين بشيء ؟! أرجوان [ تهز رأسها ] : لا . . أنا: زين يلا بنقعد مع بعض تحت تغيرين جو أرجوان [ تبتسم ]: زين أنا: يلا ورانا معاريس نغلس عليهم أرجوان [ تبتسم ] : مايد وغاية ؟! أنا: هيه . . بيي لها عقب أونه . . أرجوان: يبين عليهم مرتاحين أنا: هيه . أرجوان : الله يوفقهم يارب [ تطالعني ] شو هالأصفر عورت عيوني ! أنا [ أضحك وأقوم ] : لبسي أصفر خ نطقم يلا بدلي ونزلي لنا بنترياج أرجوان: أوكي طلعت من عندها ونزلت تحت أجوف أبويه قاعد مع عمي سعيد يطالعون التي في وجوري وعبدالله ع طرف وباين عندهم نقاش طويل . .! رحت لهم . . أنا: بوووه جوري [ بعصبية ] مب وقتك ذياب . . عبدالله [ بخوف ]: خيبة بلاج جي اهدي اهدي أنا [ أوني أخفف من الموضوع ] : خيبة تخيبك أنته بلاك شو مسوي بأختي مخلنها جي مولعه !!!! جوري [ تطالعني ]: ذيااااااابوووووووه أنا [ بخوف ]: أمييه [ أقعد يمها ] بلاج شوفيج ؟! جوري [ تأشر ع عبدالله ] : متفقين نسوي البروجكت مع بعض وهو ما سوا نص شغله . . !!!!! أنا [ أطالع عبدالله ] : ليش يا عبدالله ؟! أنت طالب نجيب ليش ما تسوي أشغالك لازم الأخت جوري تصعب جي زين جي يا عبدالله عبدالله [ ماسك ضحكته ]: ياخي أنا وين والبروجكات وين . . !! جوري [ بعصبية ]: لو كنت أعرف ما أخترتك وكنت بسويه روحي أبويه : بلاكم يابوي . . ! عمي سعيد [ ااي صوبنا ]: شوفيكم؟ [ يطالع جوري ] شو مسوين لها هااه ؟! أنا [ أقوم ] : أنا مالي خص عمي سعيد [ يطالع عبدالله ]: وأنت بعد مالك خص عبدالله: هيه [ يمثل البراءة ] ماعرف شو فيها ؟! جوري: واااي ع التمثيل ماروم عمي باجر عندنا العرض النهائي للمشروع وولدك للحينه ما سوا شيء !! عمي سعيد: عبدالله عبدالله: أبويه خل أشرح لك دخيلك عمي سعيد [ يكتف ايده ]: قول غرد . . عبدالله: هيه عاطتني البوربوينت أحفظ الكلام عشان باجر بنشرحه ومقسمه الشرايح بيننا بس أنا يوم فتحته انصدمت ما مخليه خلفية لونها وردي ما محطتنها جان أبنده ولا أحفظ [ يطالع جوري ] قالولج بنت أنا !!! أنا [ أنهديت ضحك ] وعمي سعيد ضحك حتى أبويه البعيد ضحك إلا جوري اللي للحين معصبة جوري [ تقوم ] : أوووه أنا بروح مالي شغل فيكم إن شاء الله أييب زيروو . . عمي سعيد : حرام عليكم [ يطالع عبدالله ] سير راضها واحفظ حرام تنقص بسبتك عبدالله [ يبوس رأس أبوه ] : إن شاء الله الغالي احينه أسير ولا أرجع إلا وهيه تضحك بعد عمي سعيد : الله يخليك لي ياربي روضة .~ بالمزرعة وبالتحديد في اسطبل الخيول أنا راكبة على مهرتي وامشي فيها . . حسين: بس عاد من الخيل . . أنا: ههه زين [ أنزل منها وأتم ماسكتنها ] شوفيك مضايق ؟! حسين: ماشي [ بضيج ] الجو بالبيت ما عاد ينطاق . . أنا: ليش ؟! حسين: مافي حد يهتم فيني ولا يسأل عني كل اهتمامهم بأرجوان بس أنا: زين اختك تعبانة وأنت ما محتاي شيء حسين: بلا محتاي . . أنا [ أغير الموضوع ] : تدري أنا أوقات أحسدك حسين [ يعقد حياته ] : ليش ؟! أنا: لأنك بتخلص المدرسة قبل بسنة . . حسين [ يضحك ] : تبادلين ؟! أنا: لاا هههه حسين [ يبتسم ]: عسى دوم الضحكة أنا: حسيييييين حسين: يا حلات اسمي ع لسانج أنا [ بحيا ] : حسين بس عاد حسين: زين عيل أنا بروح أنا: لا تم [ امسح ع ظهر الخيل ] ولا أقول بنطلع مع بعض حسين: تمرين بيتنا ولا العكس أنا: لا العكس حسين: هههه تدرين إني أحبج ؟! أنا [ بإحراج ]: حسين نحن بعدنا صغار . . حسين: وين صغار !! شرايج أخطبج احينه أنا : لا شو !! حسين: بس احجزج لي عشان محد يتكلم لا شافنا مع بعض أنا [ بحيا ] : لا لا حسين: عن يأخذوج مني أنا: زين ع راحتك وطلعنا مع بعض ركبنا مع السواق ورحنا بيتنا . . أرجوان .~ مسكت بطني اللي بدأ يكبر وايد اهنيه في روح بتكبر وبتقولي ماما ،تذكرت الظروف الي مريت فيها كانت صعبه وايد ومنصور ما صدق يقولون له اتركها وتركني يا الله على الحب كيف انه عذاب يا ليتني ما حبيت ولا عشقت ولا تعبت قلبي، [مآدريت , آلبآرحه عنك سألت ! كل آلـآغآني . . وآلـآنين , كل آلـآمآني . . وآلحنين , حتى آلزوآيآ . . ف بيتنآ , وآورآق عآشت بك . . سنين !* مآدريت , كلهم بكوآ . . كلهم عن آيآمك حكوآ , عن كيف . . كنآ مع بعض , عن كيف . . كنآ نجتمع , عن ضحكنآ . . عن فرحنآ , عن آخخر آحلـآمنآ وآمآلنآ , مآدريت , وآلـآ آصلـآ مآ يهمك ! قلب في بعدك . . يموت , والله آدري . . مآ آهمك , لكن آحسآسي يبيك , ودوم يسألني عليكك , وينهه آللي به آكون ولـآ آكون , وينهه آللي يملـأ فضآءآتي سكون , وينهه آللي يقلب آحزآني جنون ! وكل هذآ . . ومآ دريت !* آنك آنت آللي آبي . . وآنك آنت آللي محترق قلبي عليهه !* ] لبست لي جلابية ذهبية واسعة مع شيلة سودا ونزلت تحت جفت ذياب وأبويه وعمي سعيد قاعدين . . أبويه: تعالي اقعدي يمي [ يأشر ع ذياب ] قم قم خل أختك تقعد ذياب [ يعقد حياته ] أبويه !! أنا [ بتعب ] برايه بابا بقعد أي مكان ذياب [ يقوم ويقعد يم عمي سعيد ]: لا الغالية روحي عند أبويه قعدت يم أبويه اللي مسك ايدي ورص عليها . . أبويه: شحالج ؟! أنا: تمام بس تعبانة . . عمي سعيد: الله يهون عليج يارب أبويه: ما عليه كلها كم شهر وبتولدين هذا اللي خايفة منه الدكتورة قالت لي عشان الظروف اللي مريت فيها احتمال أولد قبل وقتي أنا الحينه بأول السابع لو ولدت يعني بولد عقب كم يوم ولا بالثامن وولادة الثامن مضرة وايد لأنه البيبي ما رح يقدر يعيش جي قريت بالنت يوم دورت . . أبويه: وين رحتي ؟! أنا: وياكم ذياب: لا أبد مب ويانا أنا [ طنشت كلامهم ] : ابويه شحال منصور ؟! أبويه : منصور !! أنا [ طنشت نظراته ] . . أبويه: بخير الحمدلله . . حسيت بتعب مب طبيعي فحطيت رأسي ع صدر أبويه أبيه يلمني بالقو . . أنا: أبويه احضني وغمضت عيوني وأنا مسوية طاف لكل اللي يدور حوالي . . جوري .~ بعد ما غصص فيني اللي ما يستحي ع ويهه يعني غلطان ويضحك بعد . . قعدت ع المريحانة وبعد فترة فزيت ع صوته . . عبدالله : بووه . . أنا: . . . عبدالله [ واقف وراي ] : بعدج زعلانة .؟! أنا:. . . عبدالله: يلا عاد ما يهون علي زعلج. . أنا: ليش ضحكت مساعة ؟! عبدالله: كلهم ضحكوا مب بس انا !! أنا: وما ما يهمني غيرك [ تدمع عيوني ] حسيت فيها إهنيه [ تميت أأشر ع قلبي ] والله عورت لي قلبي عبدالله [ حس إني أصيح ] : جوري ليش تصيحي ؟! أنا: . . . عبدالله [ ايي جدامي ] : جوري [ يرفع رأسي بيده ] طالعني . . أنا [ ضربته ع يده ] : عيب . . عبدالله [ يضحك ] : هذي جوري اللي أعرفها . . أنا [ ابتسم ] : حيوان عبدالله [ بابتسامه ذوبتني ]: الحيوان يحبج . . أنا: جب جب عبدالله [ بصدمة ]: في وحده تقول لريلها المستقبلي جب !!!! أنا : هي أنا . . عبدالله [ بخبث ] : أعتبرها مواقفه يعني . . أنا [ اطالعه وابتسم ] بشرط . . ترجع وتحفظ خل نقدم باجر عرض حلو عبدالله: لعيونج بقدم أحلى عرض أنا [ ابتسم ] . . . عبدالله: يلا خل ندخل . . [ يغمز ] بخطبج ترا أنا: هههه . . مشيت معاه هالانسان يعرف لي وايد يعرف مواطن الضعف عندي ويمسكني بيدي اللي تعورني يعني يعرف انه ابتسامة شيء ثاني عندي . . دخلنا البيت وأجوف نانا بحضن أبويه . . عبدالله [ نزل عيونه ] : أنا برجع بيتنا . . أنا: أوكي . . عبدالله: يلا سلام [ وطلع ] أنا: أبويه شوفيها أبويه: تتدلع . . نانا [ وبعدها مغمضة عيونها ] : ما اتدلع انا أبويه: عيل شو يسمونه هذا ؟! نانا: أتوحم ع حضنك . . أتوححم أرجع صغيرة . . ولا أعاني . . أبويه : فديتج ياربي . . أنا: عمي سعيد . . قوم معاي بيتكم بروح لعبدالله عمي سعيد: ليش ؟! أنا: بنراجع العرض وبتأكد لو حفظ عمي سعيد: سيري زين أنا : عمي ما يصير انتم روحنا ابويه: اقعدوا بالحديقة أنا: أممم أوكي ذياب [ يقوم ] : أنا بطلع بروح لواحد من الربع نانا [ تبطل عيونها ]: بيي معاك ذياب [ باستنكار ] : بروح لواحد من الربع نانا [ بحماس ] : يلا ذياب والله خاطري أطلع ولا تبي تكسر بخاطري أبويه: لا تكسر بخاطر البنت يلا قومي لبسي عباتج نانا: أوكي [ وقامت ] . . ذياب: أبويه . . أبويه: ذياب البنت محتاجة هالشيء ذياب: زين أنا بتصل لربيعي بأجل موعدنا لو يات خل اتيني برع [ وطلع ] أنا: عيل أنا بعد بروح الحديقة عمي سعيد اتصل بولدك خله اييني أبويه [ بخبث ] : يعني تعلمينا انه ما عندج رقمه !! أنا [ بصدمة ]: شو دراك . .!! أبويه وعمي سعيد ضحكوا . . أنا: ما عليه . . [ وطلعت ] . . سهيل .~ وصلت الدوام وقعدت أشوف شغلي ، فاقد سلطان وايد المفروض نكون مع بعض . . ييت أدق له بس قطعني واحد توه يديد داخل هو: المدير يبيك تحقق مع واحد . . أنا: شو مسوي ؟! هو: والله ما أدري بس الأوراق معاه أنا: أوكي دخله وييب الأوراق [ ابتسم له ] مو تنسى هو [ يبتسم ]: إن شاء الله شوي وطلع ـ ورد دخل مرة ثانية ومعاه واحد . . انصدمت يوم شفته . . !! . |
باااااااااارت يجننننننننننننننننننن تسلمييييييييييييييييييييييييين صج يجنننننننننننننن منصوووووور قهرني زين انه ذياب صفعه اف ونانا فديتها حرااااااااااااااااااااام وميوود وغايه عسسسسسسسسسسل تسلميييييييييين مره 2 ومتى باارت الياي |
بارت رائع فانتظار البارت القادم |
اقتباس:
|
البوح السابع عشر .~ عذبة . ~ قاعدة مع أختي علاية بالصالة ، توها أمي طلعت غرفتها تنام وريماني راقدة ما أدري شوي اينهم ع نوم الظهر . . قاعدة ع الكرسي . . من بعد العملية أحس تعبت مب مثل ما قالوا أنه الألم بيخف على طول ، كملت شهرين احينة وبعده الألم . . أحيان جد جد ما أقدر أمشي أبداً وكلهم حسبالهم إني اتمصخر وأولهم علاية . . ! علاية: فكرتي بالموضوع أنا [ ببلاهه ] : أي موضوع ؟! علاية [ تتجتف ] : بلا إستهبال ، خطبتج أنا [ أطالع الجهة الثانية ]: مابي أتذكر بليز غيري الموضوع علاية: إنزين شو السبب . .؟! عشانه غريب أنا [ ابتسم لها ] : علاية لا ترجعين المواجع ، ترا في أشياء تذبح لا تذكرتها علاية [ بصدمة ]: في شيء أنا ما أعرفه ؟! أنا : هيه فيه ـ ولا تحاولين لأني ما رح اقوله لج علاية [ بعدها مصدومة ]: من متى مخبية عني ؟! أنا: من زمان ـ يمكن أربع خمس سنين ورا . . علاية بليز لا تردين المواجع علاية : دام هان عليج تخشين عني هالشيء . . أكيد خاشة أشياء سكتت، يعني شو تبيني أقولها ؟! أصلاً أنا أمي ما قلتلها كيف تبيني أقولها أصلاً مستحيل أقولها إنه الحادث اللي صارلي لما كنت صف عاشر أذاني وايد مستحيل أقولها إني صرت عقيم ولا أقدر أييب ياهل ، ما رح أصير أم !!! علاية: وين سرحتي ؟! خلاص مابي أعرف شيء دامه يريحج أنا [ ابتسم ] : بيي يوم وبتعرفينه علايه : إن شاء الله شوية وتدخل روضة , , روضة: السلام عليكم أنا وعلاية: عليكم السلام علاية: وين كنتي ؟! روضة: بالمزرعة علاية [ عقدت حياتها ]: نعم ؟! بروحجج روضة [ تهز راسها ]: لا معاي حسين ولد عمي علاية [ باستنكار ] : هو رد وياج توه !! روضة : إيه علاية [ بعصبية ]: ويعييه . . خير نعم وين تبين !! هذا يظل غريب عنج روضة [ بخوف ] : مالج شغل فيني عندي أبو وأم يحاسبوني علاية: مو هذا الدلال اللي خربج . . أنا: علاية خليني معاها سيري فوق كملي شغلج علاية: شو ؟! أنا: روحي كملي شغلج أنا بتفاهم معاها علاية: ع شوو يا حسرة ؟!! أنا [ بحزم ]: علاية علاية: زين زين بسير . . [ راحت فوق وهي تتحلطم على روضة ] روضة: عذبة . . أنا: إقعدي رواضي [ مسكت يدها وقعدتها ] إسمعي ترا وجودج مع ولد بروحكم ما يجوز روضة: أدري بس نحن بمكان عام . . أنا: أدري بس الناس ما عندها غير المظاهر . . باجر بتصير سمعتج ع لسانهم . . روضة: عذووب والله ما سوينا شيء . . وبعدين والله بس كنا صوب الخيول ورجعنا أنا [ بابتسامة ]: أدري حبيبي ، بس أنتي بنت وهو ولد والشيطان شاطر روضة: بس قاطعتها : أدري أنه يحبج . . وأدري أنه مستحيل يضرج ، بس وجودكم بروحكم بيضركم ما تدرين الشيطان شوب يسوي روضة [ تبتسم ] : أدري . . السموحة ما رح أعيدها أنا: لو تبين تشوفينه [ أغمز لها ] جدامنا خل حد من الكبار معاكم . . ولا بجمعات الأهل روضة [ بحيا ] : هههه عذووب بس لا تحرجيني أنا: روحي بدلي ملابسج يلا . . روضة: أساعدج أوديج فوق ؟! أنا: لا بتم هنيه روضة: أوكي [وراحت ] قعدت أفكر باللي خاطبني يقولون اسمه [ أفكر ] شو قالوا اسمه !! أصلاً رح أرفض وتدرون شو السبب ليش أفكر فيه . . !! سهيل .~ وصلت الدوام وقعدت أشوف شغلي ، فاقد سلطان وايد المفروض نكون مع بعض . . ييت أدق له بس قطعني واحد توه يديد داخل هو: المدير يبيك تحقق مع واحد . . أنا: شو مسوي ؟! هو: والله ما أدري بس الأوراق معاه أنا: أوكي دخله وييب الأوراق [ ابتسم له ] مو تنسى هو [ يبتسم ]: إن شاء الله شوي وطلع ـ ورد دخل مرة ثانية ومعاه واحد . . انصدمت يوم شفته . . !! وقفت على طول . . أبويه !! الشرطي : هذي كل الأوراق .. أنا [ أقعد ] : تقدر تتفضل وأي حد ايي لا تدخله الشرطي: إن شاء الله أنا [ أقرأ الأوراق ]: القيادة تحت تأثير الكحول . . يعني لاحقني لين هنيه . . ! أبويه: أنا أبوك يا ولد أنا: وأنا الحينه شرطي لازم أقدم واجبي على أكمل وجه . . لازم حد يكفلك عشان تطلع من هنيه أبويه [ يعقد حياته ]: بتقطني بالنظارة !! أنا: لين ما حد ايي يكفلك . . [ أعطيه تلفون المكتب ] تقدر تتصل بأي حد عشان يكفلك أبويه: وأنته ! أنا: ما أقدر أكفلك . . [ أقرب التلفون منه ] يلا لأنه عندي شغل أبويه [ كان يبي يقول شيء بس سكت . . قرب من التلفون وشلاه ضغط كم رقم ] . . أبويه: ألووه . . أنا سالم . . هيه تعالي مركز الشرطة اللي ب [ . . . ] . . حاجزيني ما بيطلعوني إلا بكفالة . . ليش ؟! هااه . . أوكي برايك [ وسكر ] أتصل بواحد من أعمامك اييني أنا: ما بتصل . . الليلة بات بالنظارة وباجر بدور لك كفيل . . [ أنادي الشرطي ] يا شرطي . . الشرطي: نعم ؟! أنا: وداه النظارة لين ما ايي حد يكفله الشرطي [ حط الكلبجات بيده ]: تفضل أبويه إطالعني بنظرة وعقب سار معاه . . سامحني يا أبويه بس أنت اللي حديتني على هالشيء !! يمكن هالشيء هو اللي بيردك لنا . . أرجوان .~ طلعت مع ذياب بعد ما لبست شيلتي وعباتي وطبعاً ما نسيت الغشوة . . ركبت السيارة ذياب [ يرمس بالفون ] : إسمح لي يا ريال . . والله طلعت لي شغلة مع الأهل . . خلاص بشوفك مرة ثانية . . مع السلامة [ يطالعني ] زين جي زعل الريال أنا: يلا عاد كلها يوم واحد . . إشتقت للطلعة معاك ذياب [ يبتسم ]: والله الطلعة معاج تسوى الدنيا وما فيها يقوم ويسكر الجامة اللي جدام بالشمسية . . ذياب: نزلي غشوتج محد بيشوفج أنا [ أنزلها ]: زين وين بتوديني ؟! ذياب [ يفكر بصوت عالي ] : مممم . . شرايج نروح نتشري للبيبي . . أنا [ ابتسم ] : جانك حاس اني ما شريت ولا شيء أبداً ذياب [ بصدمة ] : صدق !! أنا : هيه ذياب: عيل غايته . . ساق لين المول . . وأنا بس سرحانة بالطريق . . من زمان ما طلعت ولا تأملت الشوارع !! ذياب: وصلنا . . صديت صوبه وعقب حطيت غشوتي ونزلت . . يا حقي جهتي ومسك ايدي ومشينا مع بعض . . لين ما دخلنا المول . . وع طول راح لمذر كير . . ! ذياب: ناويه تفلسني أختي !! حتى جنطه ما يايبه صح ما يبت جنطة بس شليت البي بي . . أصلاً نسيته بالسيارة ههه . . ذياب: أتمصخر بلاج بوزتي أنا: ههه ما بوزت . . لهدرجة ولدي يهمك ؟! ذياب: هيه طبعاً ولدج ولدي ولا نسيتي أنا [ ابتسمت ] : كيف أنسى وأنا السبب باللي صار لك !! ذياب [ بجمود ] : غيري الموضوع سكتت عنه هالموضوع حساس بالنسبة حقه . . لما كنا بعمر 14 سنة بعد ما أمي توفت . . طلعت ألعب الشارع . . جي مزاج !! وذياب كان يحاول يمنعني بس منو قال أنا عنيده ورأسي يابس . . بالصدفة فجأه جي يات سيارة صوبي ولا انتبهت لها . . ف عطول يا ذياب وفرني بعيد ودعمته السيارة . . بس ما تأذى . . لأنه السايق بطأ سرعته ع طول . . عقب كم سنة قال لي في لحظة ضعف هالحادث خلاني عقيم !! كنت ألوم عمري مليون مرة اني تسبب في عقم أخويه توأمي . . ذياب: أرجوان [ يرفع بدله بناتية ] هذي ولا هذي [ بدلة ولادية ] أنا [ ابتسم له ] : اختار اللي يعيبك ! بجوف بتحزر ولا ذياب [ يفر البدلة الوردية ويتم ماسك الولادية ] : ولد أنا: صح . . ذياب: و أحلى ولد دام امه ناناتي ما خلى بدلة بالمحل ما شراها . . ملابس داخلية . . مراضع صغيرة كيوت . . وغيره من سوالف اليهال . . وحجز سرير لونه بني خشبي ع اساس ايي عقب يشله . . مشتراه اليوم وصل أكثر عن ألفين . . ذياب: تعالي بنقعد بكوفي شرايج ؟! أنا: لا خل نروح مطعم يوعانة ذياب: إن شاء الله مشينا للمطاعم وطبعاً هو شال الأجياس مع خلاني أشل معاه . . واحد يقرب منا: هاه الحبيب . . ذياب [ يطالعني ] : لحظة ومسك هالريال ومشا معاه لشوي بعيد لكني أقدر أشوفهم . . تم معاه شوية وعقب راح ذياب: عنلاااته والله . . [ يطالعني ] يحسبج حرمتي يقولي هاه اعتذرت مني عشان حرمتك [ يضحك ] أونه متزوج بالسر ضحكت . . عيل ما متزوج بالسر !! قعدنا بالمطعم في قسم العائلات . . طلبنا أكل وعقب كلنا . . ! غاية .~ بعد ما أختاروا لي بدلة ماصخة دخلت ألبسها . . قميص طويل لين الركب لونه أحمر وفيه حزام أسود بالنص عبارة عن سلسلة ضعيفة وكمه طويل . . لبست تحته هيلاهوب شبه شفاف لأنه ما عندي غيره ! وطلعت . . ما جفت ديموه بس جنان اللي موجوده أنا: حلو !! جنان: حلوه ما شاء الله عليج أنا: ترا أول مرة يشوفني بلبس قصير جي جنان: من الله لابسة هيلاهوب تحت !! أنا :ما علينا بتمكيجيني جنان [ تقوم ] : هيه تعالي أنا: لا وين بصلي المغرب أول جنان: لا قومي توضي احينه وبحط لج ميك أب يلا أنا : زين عيل وين ديموه ؟! جنان: طلعت . . يلا روحي رحت توضيت ورديت مسحت عمري وتأكدت أنه البدلة ما جاسها ماي وايد جنان [ تسمع الأذان ] : الله أكبر وأعظم . . يلا بنصلي وبحط لج . . وبعد ما خلص الأذان صليت ويات جنان تصلي بعد ما توضت . . وعقبها حطت لي ميك أب خفيف خالد .~ اليوم تأخرت بالدوام لأنه منال أخت بدور عندنا فقلت أحسن أخليهم ع راحتهم شوية . . دخلت البيت جفته هدوء والصالة ظلمة . . أكيد منال روحت وبدور بالغرفة . . دخلت شوي شوي خفت لا تكون نايمة وأزعجها . . جفتها لابسة لبس قصير وقاعدة ع السرير وشكلها مجهزة عمرها صدق صدق حقي . . تقربت منها بخفة . . وهي قامت بدلع وحضنتني . . بدور: إشتقت لك . . ما رديت لها الحضن . . وكنت أفكر شو المناسبة !! أنا: شو المناسبة ؟! بدور [ وهيه بعدها حاضنتني ] : لازم مناسبة ! أنا: هيه .. بدور [ تحرك ايدها ع رقبتي بطريقة غريبة ما تعودت عليها ] : عندي لك مفاجأه أنا [ بتوجس ] : مفاجأه ! بدور [ تقعد ع السرير وتحط ريلها ع ريلها الثانية ]: هيه . . انا حامل سكتت وأنا أتهجأ المفاجأة الي قالتها . . هيه حامل !! بس كييييييييييييييف ؟ ؟ ؟ أنا [ بدون إحساس ] : إنتي ما تشربين العصير ؟! بدور [ بصدمة ]: يعني أنت السبب ؟! أنا [ هزيت رأسي ] : بدور ليش جي سويتي ؟! بدور: أبي ياهل . . [ بعصبية ] لين متى بنتم جي ؟!!! أنا: بدور السالفة مب مثل ما أنتي متخيله السالفة غير !! بدور [ بصوت واطي ] : إطلع برع . . برع طلعت برع عنها . . ما أبي أحتك فيها وأنا معصب . . كيف يعني تغافلتني وما تشربه . . كيف حملت ! أه يا بدور ما تعرفين شو اللي ياي . . بخليج اليوم وباجر لي تصرف ثاني معاج ديمة .~ قاعدة في الحديقة ع المريحانه وسعيد وراي . . والطرف الثاني جوري وعبدالله على الكراسي يتناقشون بالمشروع مالهم . . جوري جدية وعبدالله ماخذ الأمور لعب . . سعيد: الله يوفقهم يارب أنا [بجرأة ]: ونحن . . سعيد [ يقلدني ] : ونحن . . أنا: هيه . . نحن يعني أنا وإنت ! سعيد: ديمة تتوقعين لو خطبتج بيوافقون؟! أنا: ليش لا . . شو ينقصك سعيد: ديمة . . أنا [ أطالع جوري وعبدالله ] : شو ينقصنا عنهم ؟! سعيد: تدرين كم الفرق بيني وبينج ؟! ثلاثين سنة . . متخيلة ؟! أنا [ أدمع ] : قول إنك ما تحبني . . ليش عيل تعلقني فيك ليش ؟! سعيد: ديمة لا تصيحين . . خلاص أنا بتصرف . . [ يحط ايده ع جتفي ] أنا أحبج صدق ! أنا ابتسمت . . لا تلوموني . . ما أدري كيف حبيته . . سلطان .~ قمت على صوت دق الباب . . صرخت : زين زين . . [ بصوت أعلى ] قمت فتحت عيوني يوم فزت سمية من حضني . . سمية [ بصوت واطي ] : خوفتني أنا: السموحة . . قامت من حضني ودخلت الحمام . . وأنا رحت أفتح الباب جفت ميرة أنا: نعم أنسة ميرة بغيتي شيء ميرة: لي متى بتقعد وياها إشتقت لك أنا !! أنا: ميرووه حبيبي والله تعبان أبا أنام . . ميرة: زين تعال نام بغرفتي . . ليش اتم معاها !! أنا: زين جوفي بروح أصلي وبيي عندج أوكي ميرة : لو رديت ترقد عندها بضربها ترا أنا: لا عاد كله ولا تضربيها بيي دخلت الغرفة مرة ثانية وأنا أضحك ع ميرة !! سمية [ تمسح ويهها بالفوطة ] : ميرة ؟! أنا: هيه سمية تضحك: إشتاقت لك أنا [ أقرب منها ]: وإنتي ! سمية [ تبعدني ]: سلطان خل أصلي المغرب روحي متأخرة . . أنا : زين صلي . . بس حسابج بعدين مب أحينه سمية: روح صلى عن أتي ميرة مرة ثانية ما فينا ترا . . ضحكت . . بس دخلت الحمام أتوضأ بعد ما شفت سمية تصلي . . مايد .~ توني واصل بيت عمي سلطان عشان أشوف غاية . . جي فجأة تعلقت فيها . . حمدان : النسيب !! أنا [ أطالعه ] : هلا حمدان: أبويه يكلمك أنا :هلا عمي عمي سلطان: شحالك دراستك ؟! أنا: الحمدلله . . باجي لي التدريب وبتخرج سمعت حسها وهي معصبة من ذياب . . أرجوان: ذياب بس خلاص . . ترا وايد تأخرنا على الصلاة . . [ تنزل فونها ] أووف والله لصقة الكل ضحك ع كلامها . . أرجوان: أوه عندنا ضيوف [ تقربت مني ] سلام عليكم ولد العم أنا: عليكم السلام . . شحالج [ أشوف بطنها اللي جدامها ] شخبارج ؟! أرجوان : الحمدلله . . يلا عن إذنك بروح أصلي أنا: تقبل الله . . راحت فوق . . حسيت براحة لأني صرت أكلمها بدون حدود . . أنا: عيل غاية وين ؟! حمدان: تترياك بالغرفة اللي دوم تقعدون فيها أنا: ومقعديني إهنيه ليش ؟! عمي سلطان يضحك : سير يا بوي لها سير عن تموت علينا حمدان ضحك . . أنا [ أقوم ]: ما عليه . . مشيت للغرفة . . ودخلت وسكرت الباب . . جفت ملاك جدامي . . لابسة لبس قصير وايد . . أول مرة أشوفها جي !! ومحطية ميك أب بعد . . !! أنا: إنتي ع شو ناوية ؟! غاية : على رضاك . . أنا [ بهمس ]: ناوية على روحج اليوم ؟! غاية تضحك برقة . . أنا [ أقرب منها وأهمس ]: فديتج . . فديتج [ بصوت واطي حيل ] فديتج وباقي ما يحتاي تعرفونه !! مريم .~ قاعدة أكلم فارس ع المسن . . أنا: فارس ولد خالتي خطبني . . فارس: نعم !! ونتي شرايج أنا : ولد خالتي ما ينعاب . . دارس برع وعنده شهادة فارس: يعني كنتي تترينه واعتبرتيني تسلية لا غير !! أنا: فارس فارس: زين قلتليلي . . ولا صدمتيني أنا: فارس أنا بوافق فارس: وافقي . . وتكون نهاية حياتج أنا: يعني شوب تفضحني !! فارس: وتظنينها صعبة علي !! سكرت المسن عنه . . صرت ما أطيقه من لما عرفت أنه صقر خطبني !! أصلاً كيف بيفضحني هو ما يعرفني .. إسمي ما يعرفه . . الصور مب صوري . . صور مها . . وهو مسحهم !! طلعت من غرفتي ورحت غرفة مها . . جفتها ماسكة راشد وتفهمه مها: غريبة ياية غرفتي ؟! أقعد وياهم ع الطاولة . . أنا: حرام ! راشد [ بصوت خشن أول مرة ألاحظه ] : لا مب حرام بس غريبة ! بالعاده ما تنشافين سكتت صح . . أنا غبية ضيعت قعدات أهلي بشيء فاضي . . مها [ تبتسم ] : تعالي اقعدي . . قاعدة أشرح لها رياضيات أنا: لا ما بعطلكم . . أنا بنزل عند أمي . . هي وين ؟! مها: أعتقد بالمطبخ .. وقت عشاها . . ! أنا: إيه يلا [ أطالع راشد ] ذاكر عدل . . راشد [ بصوت رجولي ]: إن شاء الله طلعت من عندهم ونزلت الصالة . . جفت أبويه قاعد وبحضنه ميرة اللي ما تبي تقعد معاه . . والطرف سمية وسلطان قاعدين أنا: شو فيج ميرة ؟! ميرة: مالج خص [ تحاول تخوز ايد أبويه اللي شادة عليها ] خووز هدني أبويه: ماشي . . تبين تعكرين ع سلطان ومرته ماشي قلت ميرة: ماحبك . . خووز أبويه [ مبتسم ]: احبج أنا اطالعت سمية اللي ماسكة يد سلطان ابتسمت . . يعني ميرة تبا سلطان . . أنا: سمية شحالج ؟! سمية [ تبتسم لي ] : بخير . . أنا: شحاله النونو ؟! سمية [ احمرت ] : تمام . . حليلها بعدها تستحي . . !! خليتهم وكلمت للمطبخ . . أشوف امايه تعابل بالطباخ أنا: شو تسوين ؟! أميه [ شهقت ]: خوفتيني !! أنا ضحكت : يعني حرامي بيدخل مثلاً . . أميه: بالعادة محد يدخل أبداً . . [ يقطع سلطة ] خاصة أنتي أنا: يعني لهذي الدرجة أنا بعيدة عنكم !! أميه [ تغير الموضوع ] : فكرتي بالي خبرتج عنه ؟ أنا [ احمريت ههه ] : أممم هيه . . اللي تشوفونه أميه: الي نشوفه هاه . . أنا: أمااايه . . اميه ضحكت : الله يوفقج يارب أنا: إن شاء الله اليوم الثاني . . جمعة الأهل في بيت سلطان . . الكل متواجد على الغدا ما عدا خالد وبدور وسمية وسلطان [ سلطان عنده دوام وسمية في بيت أهلها ] أرجوان .~ قاعدين بالصالة كلنا الحريم . . بعد ما خلصنا غدا خالوه عايشة : شحالج يا بنتي ؟! أنا [ أمسح ع بطني ]: بخير ولو اني أحس بألم يروح ويرد من الصبح خالوه نادية : ما عليه هذا لأنه خلاص قربتي للتاسع أنتي بأي شهر ؟! أنا: السابع خالوه خالوه نورا : بنت ولا ولد ؟! أنا [ ابتسم ]: سر خالوه خالوه نورا: الله يسهل عليج ياربي ميرة [ تلصق فيني ] : فيج بيبي نفس سموي ؟! أنا: هيه حبيبي ميرة: من وين يبتيه ؟! الكل ضحك عليها . . خالوه نورا: ميرة عيب . . خلي البنت عن تعوريها ميرة: زين . . [ وراحت ] ديمة [ ماسك الريموت مال المكيف ] : أووف ما يتقصر شو هذا حر . . انا: ديموه الجو أوكي . . ديمة: لا حر حر أنا: زين عقب بنزقر حد يشوفه ديمة [ يفر الريموت ع الغنفة ] : أنا عندي تقرير منو بيسويه لي انا: كل حد يسوي شغله روحه !! ديمة [ تأشر ع جوري ] : عيل ليش أمس تسوي مالها ويا عبدالله جوري [ ويانا ع الخط ] : مشترك تراه !! جنان: تغارين !! ديمة [ تبوز ]: يعني محد بيسويه حقي الكل :لا دخلت غاية وهي ماسكة الفون . . شكلها ترمس مايد غاية: قلت لا . . لا يعني لا . . أمس شايفني . . هيه ماشي . . وبعدين خلاص ما بتشوفني لين العرس . . [ تضحك ] هيه عشان تشتاق لي . . أقول عقب برمسك .. باي تطالع خاله نورا : ولدج لعوزني خالوه نورا: الحب وما يسوي ابتسمت مايد نسى حبي . . وعطا قلبه لغاية . . الحمدلله انه قدر ينساني . . حسيت بالألم رد . . يارب هون علي . . قمت أروح غرفتي . . زقرتني مريم . . انا: هلا مريم : عادي أيي معاج . . أبي أقولج شيء أنا: أوكي حياج ركبت لين غرفتي . . وقعدت . . مريم: ارجوان أنا أسفة على كل الي سويته لج . . أنا : مسموحة مريم: والله كنت غلطانة وغبية وغافلة . .وفجأه صحيت أنا [ ابتسم لها وأنا أحس الألم خلاص بيذبحني ] : عادي حبيبتي فجأه صرخت وتميت ماسكة بطني أنا: اي . . مريم [ أرص ع يديها ] روح نادي خالوه عايشة أه شكلي بربي . . |
البوح الثامن عشر.~ عذبة .~ قعدت بحديقة قوم عمي بروحي . . أفكر أمس أمي ردت تفتح لي موضوع الخطبه الريال يصير ولد ربيع أبويه المقرب . . عشان جي هم محتفلين ويبون موافقتي . . صديت صوب الباب لما نادتني علاية . . علاية: عذااابي حر تعالي داخل أنا [ ابتسم ]: عادي الجو طبيعي . . علاية [ تصارخ ] : أي طبيعي !! تعالي داخل يلا أنا: زين بيي . . أوف لصقه ما تروم تقعد بدوني دقيقة ابتسمت لي ودخلت . . تميت شوية . . اليوم المفروض إني أرد الموافقة لأهلي . . انتبهت على واحد داخل شبهته بأرجوان . . شكله هذا هو توأمها شو إسمه ؟! نسيت هو [ فصخ النظارة وخلاها بيده ] : سلام عليكم أنا: عليكم السلام هو: شحالكم ؟! عيل قاعدة برع !! أنا: هيه مليت من داخل وبعدين قلت أتنفس هوا طبيعي شوية ! هو [ قعد معاي ع نفس الطاولة بس مقابلي ] : دام السالفة فيها شوية هوا أكيد حاسة بضيق ! أنا [ ضحكت ]: شو دراك ؟! هو [ يبتسم ] : جي . . [ يطالع الزرع ] شو فيج ؟! ويت ويت إنتي بنت عمي منو ؟! أنا: بنت عمك عبدالله واسمي عذبة هو: والنعم . . حلو اسمج ع فكرة . . زين شو فيج ؟! أنا [ أول مرة أفكر أقول اللي بخاطري ]: بصراحة في واحد خاطبني ومب مرتاحة أبداً هو: منو ؟! حد من الأهل أنا [ هزيت راسي ] : لا ولد واحد من ربع أبويه هو: شو اسمه ؟! يمكن أعرفه أنا: اسم ابوه سالم ال . . . هو [ بسرعة ]: أي واحد من عياله ؟! أنا: حميد هو : صدق ؟! انا: هيه . . ليش تعرفه ؟! هو: لا توافقين أطالعته بصدمة هو: هيه لا توافقي هذا عليه حركات بطالية . . أنا: بس أبويه ربيع أبوه ويتريوون موافقتي هو [ بعصبية ]: شكله أبوج يبي يقطج أي مكان . . لو ما يبيج ترا نحن نبيج أنا: شو قصدك ؟! أبويه ما يبيني هو: مادري بس المفروض يسأل عنه . . هذا عليه سوالف سكر وعربده !! وكذا مرة يطلعونه من السجب بكفالة . . لو ما تصدقيني إسالي سهيل هو يعرف أنا: مادري هو: أنا بكلم أبوج . . لو ما بيبج ترا أنا بخطبج . . أنا: لا شو !! هو: عيل تبين هذا ولد ربيع أبوج ؟! أنا: لاا هو: عيل خلاص . . [ قام ] أنا بكلم أبوج . . أنا [ بإحراج ] : ممكن بس أعرف إسمك . . هو ضحك : ذياب . . يلا سلام عليكم تحرك صوب الميلس . . بس سمع ديمة تزقره ديمة: ذيااااااب شغل السياااااارة بنودي إرجوان المستشفى ذياب: شو فيها ؟! ديمة: شكلها بتربي . . يلا روح احينه خالوه عايشة بتي ذياب: إنزين يلا [ وراح ] دخلت الصالة الحمدلله اليوم ريلي شوية أحسن . . جفت الكل مرتبش ومتوتر أميه: عذبة انتبهي لخواتج نحن بنروح مع البنية خالوه نورا: روحي نادية مع عايشة . . أنا بتم مع العيال إميه: زين . . بعد عشر دقايق . . ديمة: حرام بعدها هيه عن الولادة ما أدري شو صار فيها فجأه ! أنا: عادي يصير تولد قبل موعدها إنتي بس إدعي الله يسهل عليها ديمة: آمين . ميرة [ تمسك مها ]: وين سارت ماما ؟! مها: راحت فوق بتجهز أغراض عشان تطرشهم المستشفى ميرة: اها ليش! ديمة: لو ملانة خليها تدخل غرفة الألعاب تلعب بليستيشن مها: ميرة شرايج نروح نلعب ميرة [ بحماس ]: أوكي راحت معاها تلعب . . وتمينا نسولف بأشياء ممله ههه . . بس أنا فكري مع ذياب . معقولة بيخطبني . . بس أنا مابي أظلمه معاي . . ! بدور .~ صدمتني ردة فعله وايد . . ما توقعت إنه لهذي الدرجة ما يبي ياهل مني . . إنززين ليش ؟!! من الصبح قاعده بغرفتي وهو بالصالة ولا ياني حتى الغدا أتوقع يابه من برع ولا فكر يكلمني . . طلعت له برع ببجامتي مال النوم وشعري معفوس . . أنا [ بتعب ] : خالد والله صدك يتعبني زود ماني تعبانه . . محتاجة تكون معاي بهالفترة خالد [ بزعل ]: تراج تسوين اللي تبينه ما يهمج رأيي أنا: خالد خلاص أنا الحينه حامل . . ما رح يتغير شيء . . ولا تبيني أطيحه مثلاً . . ! خالد: الياهل بيأخذج مني يا بدور . . بيأخذج مني [ شل سويج سيارته وطلع برع ] قعدت ع الغنفه . . كيف بيأخذني منه . . هذا تخبل ليكون بيغار من ولده ؟! ذياب .~ قاعدين بالمستشفى تقريباً كملت داخل أربع ساعات . . وحريم أعمامي معاها داخل . . وأبويه واقف معاي في الاستراحه . . أبويه [ يطالع منصور ياي من برع ] : منصور وصل قام له ووايهه . . منصور [ بعصبية ]: شو فيها ؟! بعدها عن ولادتها أبويه: كل شيء يصير . . هيه حاسة بالويع من كم يوم بس صامدة منصور: كم كملت وهي داخل أبويه: أربع ساعات وشوية . . منصور [ بتوتر ]: وايد . . أبويه: مب وايد . . ادعى لها بالسلامة منصور [ قعد وحط ايده ع رأسه ] . . صدقه خايف عليها . . شوية وانتبهت على خالوه عايشة ياية . . أبويه وفق لها : هاه بشري خالوه: بعدها . . [ تطالعني ] ذياب تقدر تروح البيت اتيب ماي زمزم بنشربها عسى الله يسهل عليها أنا: إن شاء الله خالوه . . رحت البيت . . ما كلفت على روحي أبداً جفت ديمة بالدرب وخبرتها . . ديمة : يعني أنت اللي مطرشينك ليش أنا الي ابتلش أنا [ أضربها ع رأسها ]: كله يهون عشان اختج يا الخبلة ديمة : شحالها ؟! أنا: بعدها تعبانة . . يبون الماي لها ديمة : احينه أروح راحت . . ما كملت دقيقة اللي هي واقفة جدامي بدبة ماي زمزم . . ديمة: أييب أكواب ؟! أنا: شيء ؟! ديمة :لا أنا: غبية . . ديمة: غبية حرمتك الي بتاخذها أنا[ ضربتها ع خذها ]: مالج خص بحرمتي . . يلا انا بشتري أكواب بالطريق . . يلا ديروا بالكم ع روحكم ديمة: أوكي طلعت وصلت الماي للمستشفى وعقب قعدت بالسيارة . . أنا وعدتها أرمس عمي . . خلاص أنا لازم أكلمه بتريا أرجوان تولد بالسلامة وعقب يصير خير بس يا ذياب . . أنت وين وهي وين . . لازم تخبرها عن وضعك أحسن سمية .~ قاعدة في بيت أهلي لأنه سلطان عنده دوام .. فتحت البي بي أطالع المحادثات لأنه ملانة حدي . . مريت ع بروفايل جوري أخت أرجوان . . كاتبة [ يارب سهل على أختي . . ] اويه هيه بعدها على الولادة . . أنا المفروض أولد قبلها . . سويت ping! لها . . وكتبت .: شو فيها أرجوان ؟! جوري: ولادة . . أنا:حرام بعدها هيه جوري: هيه صح . . بس ما تدرين يمكن خيرة . . الله يسهل عليها أنا: آمين . . سكرت البي بي . . وقعدت أفكر . . أنا أبداً راح عن بالي شيء اسمه ولادة . . وااي تعور وايد !!! اتصلت في سلطان أصيح . . سلطان [ بخوف ]: شوفيج ؟! أنا: خايفة ! سلطان: من شو ؟! صار فيج شيء ؟! أنا: لاا سلطان: عيل ؟! أنا: خايفة من الولادة . . سلطان ضحك . . من الخاطر وأنا بوزت . . يتحراني أتمصخر !! سلطان: حبيبي انتي وينج وين الولاده بعده باجي لج شهرين !! أنا: أرجوان بنت عمك باجي لها ثلاث شهور وهي احينه بالولادة . . ما تعرف شو ممكن يصير سلطان: زين هي غير عنج . . لا تخافين وبعدين وقت الولادة أنا بكون معاج . . ما بخليج لحظة وحده أنا: سوري سلطوني أزعجتك وياي . . سلطان: احلى ازعاج حبيبي . . يلا بخليج عندي شغل أنا: أنت برع ولا دوام ؟! سلطان: لا برع . . بس مشغول . . [ سمعت صوته خفيف وهو يكلم حد يمه ] أقول انا بخليكم مع السلامة سكرت الفون وأنا أدعي ربي يكون بصحة وعافية . . ديمة .~ قاعدة على المريحانة اللي ورا البيت . . مب اللي جدام . . مع سعيد . . سعيد: شوفيج ؟! أنا: اسكت اسكت ما أكلمك أنا سعيد [ بصدمة ]: ليش ؟! أنا: جي بس . . عقاب سعيد: عقاب !! أنا الي المفروض أعاقبج مب العكس أنا: ليش إن شاء الله !! سعيد: ما تبين تدرسين . . جوفي أنا مابا أخذ وحده مب متعلمة !! أنا [ انحرجت من كلامه ] سعيد: الليله لو قامت اختج بالسلامة بكلم أبوج خليته ومشيت عنه لداخل البيت . . واي وناسة . . !! منصور .~ قاعد مع عمي بالاستراحه . . وحدي متوتر لحد يكلمني لا صدق أعصب عليه قعدت أفرك ايدي ببعض . . وعقب قمت أنا [ بعصبية ]: يعني شو كملت 9 ساعات داخل . . !! عمي [ يمسكني ]: إهدى يا ولدي . . ترا هذا مب أول ياهل لك أنا: بس أول ياهل لها . . لا وقاصر بعد والله اني خايف عليها يا عمي خايف عمي: الله بيسهل عليها . . شوية طلعت الممرضة ووراها وحدة تصير لأرجوان . . أنا: هاه شو ؟! الحرمة: الله رزقك بولد . . يربى بعزك إن شاء الله عمي : مبروك يا ولدي والحمدلله ع سلامة أمه أنا [ أبوس رأس عمي ]: الله يبارك فيك يارب . . وهذا ولدكم بعد عمي [ يطالع الحرمة ]: شحالها بنتي . . الحرمة: تعبانة شوية . . بيخلوها ترتاح وايد تعبت أنا: فيها شيء ؟! الحرمة: لا بس الولادة اتعب . . يبالها ترتاح بس أنا: أبا أشوفها . . [ لمحت ممرضة طالعة من الغرفة وتدز سرير في ياهل ] هذا ولدي ؟! الممرضة: يس سير . . كيوت بيبي أنا: هيه عطيه عين . . [ أطالعه ] فديته الأشقراني أنا . . طالع على أمه عمي: شله أذن بأذنه شليته . . صح أنه هذي مب أول مرة أييني ياهل . . بس حسيت الوضع غير . . هذا صغير وايد . . وأحمر أحمر ههه . . وهذا غير . . هذا الولد الغالي . . أذنت بأذنه . . وعقب رديته بالسرير وشلته الممرضة وياها بدور .~ الحينه الساعة 1:00 بالليل وخالد للحينه ما رد . . قمت وصديت للباب لما سمعت صوت المفتاح يدخل بالباب . . أنا: خالد خالد: منى فيني رقاد لا تعوريلي رأسي سكتت . . أنا: منى !!! خالد [ بتوتر]: شو منى ؟! أنا: أنت قلت منى خالد: شكلج مب راقدة وتخربطني . . أنا قلت بدور مب منى !! منو منى أصلاً ؟! راح الغرفة أكيد بيرقد وأنا تميت متصنمه مكاني . . أنا متأكدة زقرني منى . . متأككده . . !!! [ نسى اسمي و بإسم غيري ناداني جرحني جرح ما عمري تألمته وتأسف لي وتعذر لي و ترجاني قال غلطه وسكت عنه ما كلمته وش أسامح فيك تناديني بإسم ثاني حسافه بس غلاك بالروح سكنته اليوم اسمي باكر بكبرى تنساني خلاص ارجوك لا تفتح باب سكرته خلاص انا محيت اسمك من لساني وكل اسم على اسمك تجنبته ما عاد حبك يهز شي في وجداني ولا انتا هذاك الطفل اللي دللته انا ما اعرف اشيل هموم ولا اعاني ولا اندم على انسان ادا عفته و أدوس انا على جرحي وأحزاني سهيل: سلطان محتاجينك ضروري بسرعة تعالهذا اللي من الدنيا تعلمته ] تتحسب بسكت يا خالد . . أنا وراك لين أخر منو هذي منى !! حسيت فجأه بلوعة . . رحت أقصص لي ليمون . . أمس منول قالت لي أنه الليمون وايد مفيد حق اللوعه . . انسدحت على الغنفة .. لين بالباجر الصبح . . قمت من نومي ع خرخشة بالمطبخ . . خالد [ شال صحن اللومي ] : هذا إنتي ماكلته ! أنا: هيه . . [ أطوف من يمه أبا أكمل نومي بالغرفة ] خالد [ يمسك ايدي ] : مينونة تدرين هذيل جم خمس مدري ست . . مينونة تاكلين هالكثر ! أنا: يخفف الوحام اللي أحس فيه خالد: فيه أشياء ثانية تخفف الوحام واللوعه غير الليمون . . مكسرات مثلاً . . خذيلج موالح أحسن أنا: خالد أنت من وين تعرف هالسوالف ؟! خالد: أي سوالف . . ها شيء معروف أصلاً . . أطالعه لابس كندورته . . أنا: بتروح الدوام ؟! خالد: هيه بروح احينه . . بتمين هنيه أنا: هيه بنام . . رحت الغرفة . . وسمعته طلع من الشقة . . انسدحت على السرير بضيق . . الله عالم باللي عندك يا خالد جوري .~ قمت من الصبح أتدرب على العرض . . العرض تأجل لليوم . . ! رحت المطبخ سويت لي نسكافيه وشليته الصالة أكمل مراجعتي ديمة [ تنزل وهيه لابسة عباتها ]: خلاص غيرت رأيي مابسير عمي سعيد [ يطالعها ]: نعم ! ديمة [ تشوفه ]: ههه أنا بسير الكليه . . ليش انت شو سمعت !! عمي سعيد : هيه أتحسب ديمة: شيبه بعد شو !! عمي سعيد: الشيبة . . [ قطع كلامه وشافني ] . . ما أدري شو كان بيقول !! أنا: عمي وينه ولدك ؟! عمي سعيد: بيي احينه أنا وعيته أنا: زين عشان نروح . . [ أجمع أغراضي ] أه ظهري يعورني ديمة: أحسن دواج تستاهلين . . 24 ساعة قاعده ع اللاب ما مكلفه أنا [ بنغزة ]: حتى أنتي 24 ساعه على الأيباد ما مكلفة . . ع الأقل انا أدرس ونتي !!! ديمة: حماارة أنا: طالعة عليج . . خوات نحن عمي سعيد يضحك . . غاية [ تنزل من فوق لأنه نايمة بغرفتنا لأنه أمها عند نانا ] : اقول ديمووه أنا بطلع مع مايد مار علي مع مها ديمة : ويت بطلع وياكم دامنا بنفس الكلية غايه :أترياج يلا عمي سعيد: لا يا غاية روحوا أنا بوديها غاية: أوكي باي [ وطلعت ] ديمة [ تطالعه ] : ليش ؟! عمي سعيد [ يطالعها ] : بس يوديج شيشة البترول تتشرين هم ما بودوج ديمة [ بحماس ] : ويلوموني فيك . . [ إطالعتي وسكتت ] شوفوا يا أنا فاصلة لأني مواصلة على العرض يا أختي فيها شيء !!! شوية يدخل عبدالله عبدالله: ها جاهزة أنا: هيه . . نطلع أحينه ؟! عبدالله: هيه بسيارتي أنا [ أطالع ديمة ]: جوفي أنا بخلص العرض وبمر على أرجوان أشوفها ديمة: زين . . اعرضي عدل عشان ما اتردين لي البيت وتصيحين ! أنا: حيوانة ديمة : طالعة عليج الكل ضحك . . حيوانة ردتها حقي يعني .!! ركبت مع عبدالله في سيارته . . وجدام بعد ^^ فتحت المرايا اللي جدام . . وحطيت لي بودرة وزيدت الجرعة شوية عشاني مواصلة فما أبي يبين علي عبدالله: صدق بتصيحي لو ما عرضتي عدل أنا [ أحط جحل ] : أنا بعرض عدل بس لو تنيذل السير علينا . . ونقصني بدون قصد مني بصيح عبدالله يضحك: تصيحي على عرض!! أنا: على عرض . . امتحان . . اي شيء ! [ أرد الجحل والبودرة وأطلع الروج ] وااي الروج الوردي وين ؟! أكيد ديموه شايتلنه . . دورت ما لقيت غير أحمر . . والأحمر فاقع . . عبدلله [ يشل العطر ويتعطر ] : ههه صياحه أنتي ! تعطر وايد . . فوق 20 رشة . .تميت أعطس وأعطس 3 مرات عبدالله يضحك بس . . : عندج حساسية ؟! أنا: شوية . . بس انت زدت الجرعة عبدالله [ يتحرك ]: السموحة . . [ يطالعني ] جنان راقدة عندكم ؟! انا: هيه . . [ قعدت أحط روج وعقب خففته بالكلينكس ] عبدالله: أنا أدورها . . ابتسم له . . ما عرف شو أقول ! عبدالله: ما تلاحظين أبويه قريب من ديمة ؟! أنا: هيه . . صح . . بس عادي بحسبة عمنا عبدالله [ بغموض ] :إنتي تشوفينه بحسبة عمج بس هيه لا ؟! أنا [ بغباء ] : منو هيه ؟! عبدالله: فاصلة قسم بالله فاصلة رديت راسي ع الكرسي . . صح فيني نووم . . !! بس صدق شو يقصد من كلامه . . كيف هيه لا ؟! وصلنا الكلية . . واتريينا دورنا لأنه كل ثنين يعرض . . مريم .~ كنت قاعده بالكلية . . كلاسي باجي عليه أقل من نص ساعه . . وبروح فتحت اللاب ومسن . . جفته داخل . . كتبت له : تراني وافقت على ولد خالتي . . وما رح تشوفني أبد بالمسن فارس: بتندمين .! كتبت له ضحكة طويلة .. وعقب بنجوف . . طلعت من المسن وأنا مش ندمانة على الشيء اللي سويته . . صح ولد خالتي ياني من الباب وما لعب علي . . الحمدلله انه عقلي رد لي قبل فوات الأوان رحت كلاسي وجفت جوري وياها ولد عمنا عبدالله . . هالثنائي لايقين ع بعض !! أنا: سلام عليكم جوري: عليكم السلام . . أنا: أكيد عندكم عرض صح ! جوري: هيه . . دعواتج . . يلا بسرعة بنروح الكلاس أنا: موفقين يا رب . . وركزوا أوك جوري: أوكي ابتسمت لها وكملت طريقي للكلاس . . سلطان .~ توني راد من الدوام وتعبان حدي . . حتى ما مريت على سمية اييبها من بيت اهلها قلت أريح وعقب اييبها . . دخلت سبحت وانسدحت على الكرفاية أبا أغط بنوم عميييق جان يرن فوني . . سهيل يتصل بك ياربي شو يبا ؟! أنا: يعني يوم جفتني برقد اتصلت . . توني راد من عندك ! |
بااااااااااااااااااااااااارتاااااااااااااااااااااا ااااات يجنننننننننننننن تسلميييييييييييين فدييييت نانا يتربى بعزج انتي ومنصور جددد يجنننننن بااااااارتااااات تسلمييييييييين مره 2 وذيابو غمضني حرام عقيييييييم و مريم عيبني اسلوبها زين انها استسمحت من نانا ونتريا بارت الي عقبه |
البارت التاسع عشر .~ أرجوان .~ الحمدلله اللي رزقني لولد . . والله يسخر قلب أبوه لي . . خالوه عايشة : تحسين بشي ؟! أنا [ ابتسم لها بتعب ] : يعني تدرين أول مرة وتعب . . بس الحمدلله اللي رزقني غيري محروم خالوه عايشة: الحمدلله . . ترا الأم مأجورة يوم تتحمل تعب عيالها . . أنا: هيه خالوه . . [ أرد رأسي على ورا ] منصور أمس يا ؟! خالوه عايشة : هيه ياا . . بس أنتي كنتي راقدة أنا [ أبوز ] : أبا أشوف البيبي . . أبا اشوف ولدي خالوه عايشة: ولدج بالحضانة توه قاصر . . وما بيطلعونه وأنتي تعبانة مب زين لج الحركة وايد أنا: يعني شو ما أشوفه خالوه عايشة [ تبتسم ] : بتشوفينه وبتملين منه بعد أنا: والله ما رح أمل منه طول حياتي خالوه عايشة : صح . . يدخل منصور . . اطالعني وابتسم . . قرب مني وباس رأسي منصور: الحمدلله على سلامتج يا أم سلطان ابتسمت له يعني هو يدري انه بخاطري أسمي على أبويه . . ولا عارض !! أنا اعتدلت بقعدتي: الله يسلمك . . تراه ولدك بعد . . [ أطالعه بتعب ] شفته ؟! منصور: هيه شفته ما شاء الله طبجتج . . طالع اشقر عليج ! أنا [ بحماس ]: وناسة منصور يطلع فونه ويرويني صورته . . يا ربي صغيرووني . . يمكن كبر كفي مرة ونص . . يا قلبي والله أنا: أبا أشوفه صدق . . أبا أشله منصور [ بصدمة ]: ما شفتيه ؟! خالوه عايشة: هيه أمس تعبانة والوقت متأخر . . أصلاً للحينه تعبانة بس تكابر صدقها أكابر . . أنا أتألم بس أكابر . . أكابر عشان ولدي . . أول مرة أحس بهالإحساس وايد حلو . ! منصور [ يبتسم ]: أنا بوديج .. ويت بييب كرسي . . [ يطالع خالوه ] عموه لبسيها عباتها طلع وساعدتني خالوه عايشة أقوم وألبس عباتي . . عقب ياب منصور كرسي متحرك ودزني لين الحضانة . . منصور: يلا حزري أي واحد ولدنا ؟! وقفت من على الكرسي واطالعت . . ثلاث أطفال صغار موجودين بس لحظة . . ثنين منهم لابسين وردي رحت لا إرادي لسرير صغير لام بيبي كيوت لابس أزرق منصور: يعني عرفتي . . أنا قلت بتعرفين على طول أنا: ولدي ليش مخلينه مع بنات ؟! منصور [ يرفع كتفه ] : شدراني !! أنا [ ابتسم ] : فديته والله .. منصور [ يقرب مني ] : الحمدلله الي رزقني فيج وفيه . . [ يمسك ايدي ] أبيج تصيرين قوية عشانه أنا [ باستغراب ] : ليش ؟! منصور: بيتم بالمستشفى لين يصير وزنه طبيعي . . وبيعتنون فيه لا تنسين أنه مولود قبل وقته أنا: بتحرمني منه ؟! منصور: ما عاش من يحرمج منه . . وعد حبيبي كل يوم أييبج له . . ومن يرخصونه أنا بذات نفسي أييبه لج . . أنا: وعد قطع كلامنا صراخ بنت من البنات . . دخلت الممرضة تتنازع . . أونه أنتوا ليش وعيتوها . . منصور [ مسك ايدي ] : يلا نطلع [ وطلعنا ] مايد .~ نزلت مهوي الكلية وغاية . . وقلتلها يوم وقت البريك تتصل عشان امرها طلعنا لمطعم وشربنا لنا عصير أنا: هاه شو آخر تجهيزاتج ؟! غاية [ تلعب بالعصير ] : ممم خلصت الأشياء الرئيسية باجي شيء خفيف أنا: خذتي فستان ؟! غاية: بأجر واحد . . أنا: اها .. شحال الكلية ؟! غاية: تمام أنا: أكيد ولا ؟! غاية [ تضحك ] : أكيد أنا: ترا أنا دكتور ما أبي يقولون مرتي مب شاطرة ؟! غاية [ تضحك ]: لا لا [ تطالع ساعتها ] أويه خلص بريكي من ربع ساعه !! أنا [ أقوم ] يلا نمشي ما فينا يضيع عليج شيء وعقب بتقولين أني أنا ضيعتهم عليج . . غاية [ تقوم ] لا والله . . مشيت دفعت الحساب ووصلتها للكلية . . ديمة . ~ ههه ما رحت الكلية أصلاً قعدنا في مطعم نسولف . . والله فلة اصلاً من قمت من النوم وأنا ما أبي أداوم سعيد [ يضحك ]: شفيج ؟! أنا: مستانسة ما تدري شكثر . . [ بهدوء ] سعيد أنا أحبك والله أحبك سعيد [ يبتسم ]: أدري . . يلا قومي بردج الكلية وعقب بمرج أوكي ؟! أنا: إن شاء الله . . عشانك بس !! قمنا مع بعض . . بعد ما طلب فاتورة الحساب ودفعه . . ركبنا السيارة . . وتحركنا سعيد: ديمة أنا إطالعته : هلا . . سعيد: الليلة أبوج بيكلمج بالموضوع . . [ يبتسم ] بتريا موافقتج أنا [ بصدمة ]: أبويه عرف ! سعيد: هيه . . ما وافق ولا عارض . . وبيكلمج يعرف رأيج اليوم أنا: أويه !! قطع كلامي أصوات هرنات السيارة . . جفت جدامي وصرخت . . أنا: سعيييييييييييييييييييد إنتبه سياااااااااااااااااااااااااااااارة !!! ذياب .~ أمس بالليل فاتحت أبويه بالموضوع . . قلتله إني أبا عذبة بنت عمي . . قالي ما تصير خطبة على خطبه . . قلتله عن اللي ياي لها . . عن سمعته وخليت سهيل يتكلم عشان أقوي كلمتي . . أبويه قالي : إن شاء الله بخبر عمك . . وإن كان لك نصيب فيها بتأخذها تنهدت وأنا انسدح على السرير . . باجي خطوة وحده أفاتحها بموضوعي أنا ما أبي أظلمها معاي أبداً . . حمدان [ يدخل بدفاشة ] : الذيب تخاويني ؟! أنا: وين . . ؟! حمدان: عند الحب ! قعدت بسرعة : هاه !! حمدان [ يضحك ]: بتخاويني ولا لا ؟! أنا: بتروح عند الحب مالك ! حمدان: لا مالك ! أنا [ انسدح مرة ثانية ]: الحب مالي مالك خص فيه . . استريح حمدان [ بصدمة ] : شو شو ؟! [ يقعد جدامي ] شو قلت ! تنهدت: حمدانوه أنت وينه أبويه عنك؟! شحقه ما داومت ؟! حمدان: بس جي كيفي . . خذت أجازة . . ! أنا [ بإستهزاء ] : عشان الحب ! حمدان: قوم قوم تلبس بنروح أي مكان . . مليت بروحي ! أنا: وينه عنك سهيل ؟! حمدان: بالدوام . . عنده سالفة مستوية [ بحماس ] شرايك تقولي عن حبك ! أنا: لما تقولي عن حبك أول أقولك ! حمدان [ يسكت . . ] . . . أنا: هاه ! حمدان: دانة توفت ! أنا [ أقعد ] : شو ! . . كيف ؟! ومتى حمدان غمض عيونه وهو يسرد لي الموقف . . حمدان : كان اييني اتصالات من رقمها كثيرة . . يا ما ألحق أرد ويسكرون . . ولا يوم أدق لهم يسكرون . . في يوم ياني رقم غريب . . طلب من نتقابل من كافيه [ . . . ] رحت له مع سهيل اللي كان معصب مني . . ليش أروح لشخص ما أعرفه . . ! يا صوبي واحد شال ولد صغير عمره بحدود سنة . . أنا: ولد ! حمدان [ يفتح عيونه ] : لا تقاطعني ! أنا: إنزين كمل . . ! حمدان: عرفت أنه ولده . . وولدها . . سمته حمدان . . وتوفت قبل لا يكمل سنة بالخبيث أنا: كيف عرف عنك ؟! حمدان: شاف مذكراتها . . وسأل أخوها وأكد له . . قالي أخر أمنيه كاتبها بالمذكرة أنه تتمنى أني أشوف ولدها . . ويابه لي ينفذ رغبتها أنا: حراام . . حمدان [ يسمح دموعه بخفه يحسبني ما انتبهت له ] . . أنا: الله يرحمها . . حمدان : آمين . . [ يقوم ] أنا: وين ؟! حمدان : بطلع الحوي . . أنا: لا ويت بلبس وبنطلع برع . . [ أبتسم ] أبي أقولك عن حبي . . حمدان [ يرفع حياته ] : حبك !! أنا: ليش هالويه [ أأشر ع ويهي ] ما يعرف يحب حمدان : أشك الصراحه . . خالد .~ من بعد ما طلعت من عند بدور . . تمشيت على البحر . . ما أدري كيف ما انتبهت على عمري ونطقت اسمها . . ! مشيت لين بيت بسيط قريب البحر . . دقيت الباب . . ودخلت ! الخدامة : باباه كالد ماماه واجد يتأب في ليل أنا ما يأرف شو يسوي ؟! انتفض قلبي . . وعصبت أنا: شحقته ما اتصلتي فيني ؟! الخدامة: ما يأرف ركم مال إنتا . . اتجاهلتها ومشيت لين الغرفة . . البيت بسيط جداً . . عبارة عن غرفتين فقط . . صالة أو ما يعرف بأنها صالة . . ومطبخ خارجي بسيط مشيت لها . . جفتها نايمة على سريرها ويمها طفلة صغيرة وطفل أنا [ بست رأسها ]: شو تحسين ؟! هي: أحس الموت قريب . . [ تكح ] خالد بدور وسلطان أمانه عندك هذيل عيالك . . أنا ربيتهم بس ما أقدر أكمل وياهم ربك يأخذ أمانته دمعت عيوني . . أنا: خالوه لا تقولين هالككلام . . أمشي معاي بوديج المستشفى زقرت ميري الخدامة أبيها تلبس خالوه عباتها . . بس خالوه مسكت ايدي خالوه: خالد هذيل عيال منى الغالية . . حطهم بعيونك بلحظة .. سمعتها تردد الشهادتين . . وصعدت روحها للسما . . ما قدرت أسوي إلا أني أغمض عيونها وأبوس رأسها هذي خالتي أخت أمي . . أم منى الي كانت زوجتي . . الله يرحمهم برحمته التفت على يميني . . وفتحت حضني أنا: تعالوا باباه طاحت البنت بحضني وعقب الولد . . البنت: باباه يدوه شو فيها ؟! أنا [ أمسك دمعتي ]: راحت الجنه حبيبتي البنت [ ببراءة ] : يعني سارت عند ماماه أنا: هيه حبيبتي شليت البنت والولد وحطيتهم مع الخدامة بغرفة . . واتصلت في الاسعاف يشلون خالتي . . عشان إجراءات الدفن . . روضة .~ قاعدة بالصف . . ضايج خلقي الدرس ممل .. ومب قادرة اركز يعني ليش جي ما خلوني أشوف حسين أمس !!!! أونه غريب . . بعينها عليوه غريب . . والله اشتقت له يا ناس اشتقت له !!!!!!!! سمية .~ قايمة من الصيح على أساس سلطان يخلص دوامه ويمرني . . كمل 3 ساعات من خلص وما ياني . . أميه: سموي شفيج ؟! أنا: سلطان قايل بيمرني . . ما ياني !! اميه: يمكن رد بيتهم ورقد ؟! أنا: ما جفت سيارته واقفة يم الباب . . أميه: تبين أتصل في عمتج ؟! أنا : هيه هيه الله يخليج شلت التلفون واتصلت انا: اميه حطيه سبيكر . . جفتها تحوله سبيكر . . عموه: السلام عليكم اميه: عليكم السلام . . نورا شحالج عموه: بخير الحمدلله ونتي شحالج يا أم علي اميه: بخير الحمدلله . . بس عندي ناس متحرقة على ريلها . . تسأل عنه عموه: الله يخليها لج يارب . . شحالها وشحال بنتنا اميه: بخير الحمدلله. . بس تسأل عن سلطان ما يا ؟! عموه: بلا يا بس طلع على طول. . الدوام طلبوه اميه:أها . . خليتهم يكملون سوالفهم . . وطلعت غرفتي دام فيها دوام . . أكيد بيطلعون كتحريات .. دعيت ربي في خاطري إن يحفظه حقي . . سلطان .~ منصدم ومب قادر أصدق أنا: يعني كيف غيروا مكانهم . . كل الشيء كان سري . . كيف عرفوا ؟! سهيل: يبالنا نكون أكثر دقة . . واجتماعنا يكون سري انا [ اغمض عيوني ] : تعبان وايد ومب راقد سهيل [ يحط ايده ع كتفي ] : سير ارقد . . ارتاح أنا: والناس هذي ؟! سهيل: صدقني بنزخهم وبيلاقون يزاهم طلعت من مكتبه وركبت سيارتي ورححت للبيت . . هذي المرة العاشرة اللي نداهم شقة مشبوهه نكون مرتبين لها قبل باسبوعين . . بس الشقة تكون فاضية والناس تركوها . . !! بدور .~ طلعت مع أختي وأحمد ورحنا بيت خالتي . . أنا: خالوه والله أنا متأكده قال منى . . منو منى ما أدري [ أضرب ويهي ] ياخوفي متزوج علي منال: لا لا خالد يحبج مستحيل يتزوج عليج أنا: عيل ليش ما يبيني أحمل . . هو اعترف بلسانه انه يحط الحبوب منال: يمكن له عذر . . صارحيه . . خالوه: هيه صح صارحيه واعرفي اسبابه احمد [ داخل البيت وثيابه كلها تراب ] : السلام عليكم خالوه [ بخوف ] : بلاك شو فيها ملابسك ؟! أحمد [ بعق عمره على الغنفة ] : كنا في التربة [ الدفان ] خالوه: منو ؟! احمد: ما تعرفينها . . جيران ربيعي خالوه: عيل بنروح العزا احمد [ بتهجم ] : لا خالوه: ليش ؟! احمد: هاه . . لا ماشي . . أنا تعبان بروح أرقد منال: اسبح أول !! احمد: زين . . [ يقوم ] وعوني عقب . . أنا: أرد نفس السالفة . . صدقوني . . خالد خاش شيء . . منال [ بغطي ويهها ]: ردينا !!! أنا: حتى ما سأل وينج ؟! جوري .~ رديت البيت مع عبدالله . . الي أصريت عليه يدخل يتغدى ويانا خالوه عايشة: بشروا شو سويتوا بالامتحان ؟! أنا:خالوه مب امتحان . . عرض . . خالوه عايشة : اللي هو .. شو سويتوا ؟! أنا: الحمدلله . . قدمنا عدل . . أبويه: الحمدلله . . عقب ما حشرتونا !! عبدالله يضحك: عمي هذي بنتك . .! أنا: هيه ردها عليه خالوه عايشة: يلا تغدوا أنا بشل أغراض لأرجوان وبرقد عندها اليوم أنا: خالوه اترييني . . أنا ابا اسير خالو عايشة: تعالي عقب [ وطلعت ] أبويه: غاية ما يات ؟! أنا: أبويه جدولها يخلص اليوم الساعه 4;00 بردها مايد مع أخته أبويه: و ديمة .؟! أنا: ما أدري هي راحت مع عمي سعيد أبويه [ بصدمة ]: ويا سعيد ؟! انا: هيه . . كنت بروح غرفتي أبدل بس رن تلفون البيت وكنت قريبة منه فشليته هو: السلام عليكم . . هذا بيت سلطان محمد ال. . . أنا: هيه . . [ بخوف ] عسى ما شر هو: سعيد عبدالله ال . . . مسوي حادث ومعاه بنت . . طاح التلفون من ايدي ما قدرت أتمالك عمري . . أبويه: جوري شو فيج ؟! عبدالله: شو صاير ؟! ما قدرت اتكلم . . عبدالله شل التلفون . . عبدالله: ألوو . . سلام عليكم أخويه . . هيه نعم ؟! . . إن شاء الله . . مع السلام أنا متأكده انه منهار . . بس يحاول يظهر قوته . . عبدالله: أبويه مسوي حادث قوي . . جنان [ توها تنزل ]: شوو !!!! أبويه: يلا عبدالله نروح أنا: أنا بيي أبويه: خلكم بالبيت . . وطلعوا مع بعض ما عطونا فرصة جنان [ منهارة ]: أبويه . . حضنتها . . ما أعرف اهدي روحي ولا أهديها . . مريم .~ قاعده على الفون أكلم شوق . . أنا [ بفرح ]: شواقتي والله وافقت . . شوق: مبروك . . ما أدري ليه حسيتها تقول هالكلام من ورا ظهرها ؟! أنا: الله يبارك فيج . . عقبالج شوق: وفارس .!؟ أنا [ تنرفزت ]: شو ياب الطاري . . حبيبتي من اليوم ورايح . . صقر وبس ! شوق: ما تخافين يسوي لج شي ؟! أنا: شو بيسوي مثلاً . . ؟! شوق: ما أدري أنا: ما بسوي شيء . . هو ما يعرفني ولا شيء . . نزوة وعدت شوق: الله يعينج . . أنا بخليج مع السلامة وسكرت ع طول . . حتى ما انتظرت ردي !! ليكون هذي تغار مني . . ؟! وبعدين شو تقصد في أنه بسوي شيء ؟! اميه: ميمي . . شرايج نعلن خطبتج هالاسبوع . . والملجة بعد شهر أنا [ احمريت ]: ما أدري كيفكم اميه: لا يا بنتي . . الشور عندج أنا: اللي تشوفونه . . ابتسمت لي . . وراحت وهي تدعي لي من كل قلبها الله يوفقني وأخواني . .! انتبهت على مها اللي ياية مع مايد وشكلها تعبان أنا: هذيل اللي يبون يداومون متأخر !! مها: سكتي عني . . واي تعبانة ويوعانه . . [ تشل جنطتها من عند مايد ] قولي لأمي تحط لي غدا يوعانه وراحت . . أنا: إن شاء الله وكنت بروح . . بس جذبتي صوت مايد . . هذا أول احتكاك لنا بروحنا من بعد سالفة لندن ويا ارجوان . . أنا: هلا . . مايد [ بجمود ] : شحالج ؟! أنا: بخير الحمدلله . . [ بشطانة ] شحال غاية مايد: الحمدلله بخير وعافية . . أنا: مايد سامحني . . على اللي سويته مايد: تدرين لو ما سويتي كل هذا . . جان أنا وهي مخطوبين . . جان ما خذت غاية جان بعدها تدرس . . جان . . قاطعتها : الله يغفر ليش أنت ما تغفر مايد: لو هي سامحتج أنا بسامحج أنا: هيه سامحتني . . اعتذرت لها . . مايد [ باستهزاء ] : تبينين لي أنج تغيرتي . . بتظل هالذكرى في بالي أنج حرمتيني من وحده أموت في ترابها قطع كلامنا صوت أبويه . . ! أبويه: مايد . . إن سمعتك يايب طاريها يا ويلك أنا: شو تبون أكثر . . ؟! كفاية حرموتني منها . . وتزوجت الغريب . . الحمدلله أنه مريحنها وعيلت منه . ! أبويه: طاريها ما أبيه على لسانك أنا: شو سر ضرابتك مع عمي سلطان .! أبويه: كفاية أنه يدكم حرمني من شيء . . وعطاه له . . فرق من بيننا ونحن اخوان أنا: شوه الشي ؟!ّ اميه [ من ورانا ]: يبا يعرس على اجنبية . . ما كان يبيني يبا الأجنبية . . أبويه [ بهدوء ] : نورا . . سكري الموضوع أميه: ما بسكره إلا اذا انت سكرته . . ! وتتراضى ويا أخوك وبنته . . ولا ترا مالي قعده معاك |
الررررواية وااايد حححلوة نتريا اللي بعده |
بااااااااارت يجننننننننننننننننننن تسلمييييييييين فديييييييت نانااااااااااااااا يتربى بعزج انتي ومنصور وبو مايد كريييييييييييييييييييييهه اففففففففففففففففف م ادانييييييييييييه عيني عينك تعرس وحده اجنبيه وشسمه مريم حبيتها وياخوفي يتعرض لها فارس وينشر صور مها وووووووووو كنت اول وحده ارد ع كل باااارت بس سبقتني W2dhoo م عليه خيرها ف غيرها |
واااااااااااااو رهيييييييييييييب سعيد وديمة لاتجتليهم حرااااام أرجوان مبرو ماياج سلطان بعد شكلج تبين تموتينه لا حراااااااااااام مب زين خاااااااااللد صدمةقوي متى ؟ و كيف ؟ و أحمد شكله يعرف وتسلميييييييييييينن ومتى البارت اليديد إن شاء الله والله يوفقج يا رب |
بارت رائع فانتظار الي بعده |
ما هذا !!!!!!!!!!!!! شو هالتطورات !! يا قلبي على ديمووووووووووه !!!!!!!! ليكون بتموت مع سعيد. . لا لا مستحيل لا تموتينها وهاي مريوم تقهر . . قوات عين .. أونه بتتغير!! ووأرجواني مبرووووووك سلطوني يربى بعزج ياربي وعقبال ما يرد لج منصور . . وتنجلع فطيييييييم عنه !! عبدالله . . قود لاك مع جوري . . ذيااااااااااب . . يا قلبي . . ليش جي صار فيه . . !! ممممم . . منو بعد بدوور . . الله يعينج لا عرفتي شو سوا خلوود من ورااج صدق صدق يباله كفخه على راسه مني ييبيه شوي صوبي . . !!! ههههه غايووه . . حليلج . . يا قلبي حبيتي مايد . . ممممم . . هيييييييييه روضييي . . شو جي يالسة مع الولد . . أشكره يعني . . يبالج كفخه نفس خلوود خخخخ . . نتريا البوح القادم . . |
البارت التاسع عشر .~ أرجوان .~ الحمدلله اللي رزقني لولد . . والله يسخر قلب أبوه لي . . خالوه عايشة : تحسين بشي ؟! أنا [ ابتسم لها بتعب ] : يعني تدرين أول مرة وتعب . . بس الحمدلله اللي رزقني غيري محروم خالوه عايشة: الحمدلله . . ترا الأم مأجورة يوم تتحمل تعب عيالها . . أنا: هيه خالوه . . [ أرد رأسي على ورا ] منصور أمس يا ؟! خالوه عايشة : هيه ياا . . بس أنتي كنتي راقدة أنا [ أبوز ] : أبا أشوف البيبي . . أبا اشوف ولدي خالوه عايشة: ولدج بالحضانة توه قاصر . . وما بيطلعونه وأنتي تعبانة مب زين لج الحركة وايد أنا: يعني شو ما أشوفه خالوه عايشة [ تبتسم ] : بتشوفينه وبتملين منه بعد أنا: والله ما رح أمل منه طول حياتي خالوه عايشة : صح . . يدخل منصور . . اطالعني وابتسم . . قرب مني وباس رأسي منصور: الحمدلله على سلامتج يا أم سلطان ابتسمت له يعني هو يدري انه بخاطري أسمي على أبويه . . ولا عارض !! أنا اعتدلت بقعدتي: الله يسلمك . . تراه ولدك بعد . . [ أطالعه بتعب ] شفته ؟! منصور: هيه شفته ما شاء الله طبجتج . . طالع اشقر عليج ! أنا [ بحماس ]: وناسة منصور يطلع فونه ويرويني صورته . . يا ربي صغيرووني . . يمكن كبر كفي مرة ونص . . يا قلبي والله أنا: أبا أشوفه صدق . . أبا أشله منصور [ بصدمة ]: ما شفتيه ؟! خالوه عايشة: هيه أمس تعبانة والوقت متأخر . . أصلاً للحينه تعبانة بس تكابر صدقها أكابر . . أنا أتألم بس أكابر . . أكابر عشان ولدي . . أول مرة أحس بهالإحساس وايد حلو . ! منصور [ يبتسم ]: أنا بوديج .. ويت بييب كرسي . . [ يطالع خالوه ] عموه لبسيها عباتها طلع وساعدتني خالوه عايشة أقوم وألبس عباتي . . عقب ياب منصور كرسي متحرك ودزني لين الحضانة . . منصور: يلا حزري أي واحد ولدنا ؟! وقفت من على الكرسي واطالعت . . ثلاث أطفال صغار موجودين بس لحظة . . ثنين منهم لابسين وردي رحت لا إرادي لسرير صغير لام بيبي كيوت لابس أزرق منصور: يعني عرفتي . . أنا قلت بتعرفين على طول أنا: ولدي ليش مخلينه مع بنات ؟! منصور [ يرفع كتفه ] : شدراني !! أنا [ ابتسم ] : فديته والله .. منصور [ يقرب مني ] : الحمدلله الي رزقني فيج وفيه . . [ يمسك ايدي ] أبيج تصيرين قوية عشانه أنا [ باستغراب ] : ليش ؟! منصور: بيتم بالمستشفى لين يصير وزنه طبيعي . . وبيعتنون فيه لا تنسين أنه مولود قبل وقته أنا: بتحرمني منه ؟! منصور: ما عاش من يحرمج منه . . وعد حبيبي كل يوم أييبج له . . ومن يرخصونه أنا بذات نفسي أييبه لج . . أنا: وعد قطع كلامنا صراخ بنت من البنات . . دخلت الممرضة تتنازع . . أونه أنتوا ليش وعيتوها . . منصور [ مسك ايدي ] : يلا نطلع [ وطلعنا ] مايد .~ نزلت مهوي الكلية وغاية . . وقلتلها يوم وقت البريك تتصل عشان امرها طلعنا لمطعم وشربنا لنا عصير أنا: هاه شو آخر تجهيزاتج ؟! غاية [ تلعب بالعصير ] : ممم خلصت الأشياء الرئيسية باجي شيء خفيف أنا: خذتي فستان ؟! غاية: بأجر واحد . . أنا: اها .. شحال الكلية ؟! غاية: تمام أنا: أكيد ولا ؟! غاية [ تضحك ] : أكيد أنا: ترا أنا دكتور ما أبي يقولون مرتي مب شاطرة ؟! غاية [ تضحك ]: لا لا [ تطالع ساعتها ] أويه خلص بريكي من ربع ساعه !! أنا [ أقوم ] يلا نمشي ما فينا يضيع عليج شيء وعقب بتقولين أني أنا ضيعتهم عليج . . غاية [ تقوم ] لا والله . . مشيت دفعت الحساب ووصلتها للكلية . . ديمة . ~ ههه ما رحت الكلية أصلاً قعدنا في مطعم نسولف . . والله فلة اصلاً من قمت من النوم وأنا ما أبي أداوم سعيد [ يضحك ]: شفيج ؟! أنا: مستانسة ما تدري شكثر . . [ بهدوء ] سعيد أنا أحبك والله أحبك سعيد [ يبتسم ]: أدري . . يلا قومي بردج الكلية وعقب بمرج أوكي ؟! أنا: إن شاء الله . . عشانك بس !! قمنا مع بعض . . بعد ما طلب فاتورة الحساب ودفعه . . ركبنا السيارة . . وتحركنا سعيد: ديمة أنا إطالعته : هلا . . سعيد: الليلة أبوج بيكلمج بالموضوع . . [ يبتسم ] بتريا موافقتج أنا [ بصدمة ]: أبويه عرف ! سعيد: هيه . . ما وافق ولا عارض . . وبيكلمج يعرف رأيج اليوم أنا: أويه !! قطع كلامي أصوات هرنات السيارة . . جفت جدامي وصرخت . . أنا: سعيييييييييييييييييييد إنتبه سياااااااااااااااااااااااااااااارة !!! ذياب .~ أمس بالليل فاتحت أبويه بالموضوع . . قلتله إني أبا عذبة بنت عمي . . قالي ما تصير خطبة على خطبه . . قلتله عن اللي ياي لها . . عن سمعته وخليت سهيل يتكلم عشان أقوي كلمتي . . أبويه قالي : إن شاء الله بخبر عمك . . وإن كان لك نصيب فيها بتأخذها تنهدت وأنا انسدح على السرير . . باجي خطوة وحده أفاتحها بموضوعي أنا ما أبي أظلمها معاي أبداً . . حمدان [ يدخل بدفاشة ] : الذيب تخاويني ؟! أنا: وين . . ؟! حمدان: عند الحب ! قعدت بسرعة : هاه !! حمدان [ يضحك ]: بتخاويني ولا لا ؟! أنا: بتروح عند الحب مالك ! حمدان: لا مالك ! أنا [ انسدح مرة ثانية ]: الحب مالي مالك خص فيه . . استريح حمدان [ بصدمة ] : شو شو ؟! [ يقعد جدامي ] شو قلت ! تنهدت: حمدانوه أنت وينه أبويه عنك؟! شحقه ما داومت ؟! حمدان: بس جي كيفي . . خذت أجازة . . ! أنا [ بإستهزاء ] : عشان الحب ! حمدان: قوم قوم تلبس بنروح أي مكان . . مليت بروحي ! أنا: وينه عنك سهيل ؟! حمدان: بالدوام . . عنده سالفة مستوية [ بحماس ] شرايك تقولي عن حبك ! أنا: لما تقولي عن حبك أول أقولك ! حمدان [ يسكت . . ] . . . أنا: هاه ! حمدان: دانة توفت ! أنا [ أقعد ] : شو ! . . كيف ؟! ومتى حمدان غمض عيونه وهو يسرد لي الموقف . . حمدان : كان اييني اتصالات من رقمها كثيرة . . يا ما ألحق أرد ويسكرون . . ولا يوم أدق لهم يسكرون . . في يوم ياني رقم غريب . . طلب من نتقابل من كافيه [ . . . ] رحت له مع سهيل اللي كان معصب مني . . ليش أروح لشخص ما أعرفه . . ! يا صوبي واحد شال ولد صغير عمره بحدود سنة . . أنا: ولد ! حمدان [ يفتح عيونه ] : لا تقاطعني ! أنا: إنزين كمل . . ! حمدان: عرفت أنه ولده . . وولدها . . سمته حمدان . . وتوفت قبل لا يكمل سنة بالخبيث أنا: كيف عرف عنك ؟! حمدان: شاف مذكراتها . . وسأل أخوها وأكد له . . قالي أخر أمنيه كاتبها بالمذكرة أنه تتمنى أني أشوف ولدها . . ويابه لي ينفذ رغبتها أنا: حراام . . حمدان [ يسمح دموعه بخفه يحسبني ما انتبهت له ] . . أنا: الله يرحمها . . حمدان : آمين . . [ يقوم ] أنا: وين ؟! حمدان : بطلع الحوي . . أنا: لا ويت بلبس وبنطلع برع . . [ أبتسم ] أبي أقولك عن حبي . . حمدان [ يرفع حياته ] : حبك !! أنا: ليش هالويه [ أأشر ع ويهي ] ما يعرف يحب حمدان : أشك الصراحه . . خالد .~ من بعد ما طلعت من عند بدور . . تمشيت على البحر . . ما أدري كيف ما انتبهت على عمري ونطقت اسمها . . ! مشيت لين بيت بسيط قريب البحر . . دقيت الباب . . ودخلت ! الخدامة : باباه كالد ماماه واجد يتأب في ليل أنا ما يأرف شو يسوي ؟! انتفض قلبي . . وعصبت أنا: شحقته ما اتصلتي فيني ؟! الخدامة: ما يأرف ركم مال إنتا . . اتجاهلتها ومشيت لين الغرفة . . البيت بسيط جداً . . عبارة عن غرفتين فقط . . صالة أو ما يعرف بأنها صالة . . ومطبخ خارجي بسيط مشيت لها . . جفتها نايمة على سريرها ويمها طفلة صغيرة وطفل أنا [ بست رأسها ]: شو تحسين ؟! هي: أحس الموت قريب . . [ تكح ] خالد بدور وسلطان أمانه عندك هذيل عيالك . . أنا ربيتهم بس ما أقدر أكمل وياهم ربك يأخذ أمانته دمعت عيوني . . أنا: خالوه لا تقولين هالككلام . . أمشي معاي بوديج المستشفى زقرت ميري الخدامة أبيها تلبس خالوه عباتها . . بس خالوه مسكت ايدي خالوه: خالد هذيل عيال منى الغالية . . حطهم بعيونك بلحظة .. سمعتها تردد الشهادتين . . وصعدت روحها للسما . . ما قدرت أسوي إلا أني أغمض عيونها وأبوس رأسها هذي خالتي أخت أمي . . أم منى الي كانت زوجتي . . الله يرحمهم برحمته التفت على يميني . . وفتحت حضني أنا: تعالوا باباه طاحت البنت بحضني وعقب الولد . . البنت: باباه يدوه شو فيها ؟! أنا [ أمسك دمعتي ]: راحت الجنه حبيبتي البنت [ ببراءة ] : يعني سارت عند ماماه أنا: هيه حبيبتي شليت البنت والولد وحطيتهم مع الخدامة بغرفة . . واتصلت في الاسعاف يشلون خالتي . . عشان إجراءات الدفن . . روضة .~ قاعدة بالصف . . ضايج خلقي الدرس ممل .. ومب قادرة اركز يعني ليش جي ما خلوني أشوف حسين أمس !!!! أونه غريب . . بعينها عليوه غريب . . والله اشتقت له يا ناس اشتقت له !!!!!!!! سمية .~ قايمة من الصيح على أساس سلطان يخلص دوامه ويمرني . . كمل 3 ساعات من خلص وما ياني . . أميه: سموي شفيج ؟! أنا: سلطان قايل بيمرني . . ما ياني !! اميه: يمكن رد بيتهم ورقد ؟! أنا: ما جفت سيارته واقفة يم الباب . . أميه: تبين أتصل في عمتج ؟! أنا : هيه هيه الله يخليج شلت التلفون واتصلت انا: اميه حطيه سبيكر . . جفتها تحوله سبيكر . . عموه: السلام عليكم اميه: عليكم السلام . . نورا شحالج عموه: بخير الحمدلله ونتي شحالج يا أم علي اميه: بخير الحمدلله . . بس عندي ناس متحرقة على ريلها . . تسأل عنه عموه: الله يخليها لج يارب . . شحالها وشحال بنتنا اميه: بخير الحمدلله. . بس تسأل عن سلطان ما يا ؟! عموه: بلا يا بس طلع على طول. . الدوام طلبوه اميه:أها . . خليتهم يكملون سوالفهم . . وطلعت غرفتي دام فيها دوام . . أكيد بيطلعون كتحريات .. دعيت ربي في خاطري إن يحفظه حقي . . سلطان .~ منصدم ومب قادر أصدق أنا: يعني كيف غيروا مكانهم . . كل الشيء كان سري . . كيف عرفوا ؟! سهيل: يبالنا نكون أكثر دقة . . واجتماعنا يكون سري انا [ اغمض عيوني ] : تعبان وايد ومب راقد سهيل [ يحط ايده ع كتفي ] : سير ارقد . . ارتاح أنا: والناس هذي ؟! سهيل: صدقني بنزخهم وبيلاقون يزاهم طلعت من مكتبه وركبت سيارتي ورححت للبيت . . هذي المرة العاشرة اللي نداهم شقة مشبوهه نكون مرتبين لها قبل باسبوعين . . بس الشقة تكون فاضية والناس تركوها . . !! بدور .~ طلعت مع أختي وأحمد ورحنا بيت خالتي . . أنا: خالوه والله أنا متأكده قال منى . . منو منى ما أدري [ أضرب ويهي ] ياخوفي متزوج علي منال: لا لا خالد يحبج مستحيل يتزوج عليج أنا: عيل ليش ما يبيني أحمل . . هو اعترف بلسانه انه يحط الحبوب منال: يمكن له عذر . . صارحيه . . خالوه: هيه صح صارحيه واعرفي اسبابه احمد [ داخل البيت وثيابه كلها تراب ] : السلام عليكم خالوه [ بخوف ] : بلاك شو فيها ملابسك ؟! أحمد [ بعق عمره على الغنفة ] : كنا في التربة [ الدفان ] خالوه: منو ؟! احمد: ما تعرفينها . . جيران ربيعي خالوه: عيل بنروح العزا احمد [ بتهجم ] : لا خالوه: ليش ؟! احمد: هاه . . لا ماشي . . أنا تعبان بروح أرقد منال: اسبح أول !! احمد: زين . . [ يقوم ] وعوني عقب . . أنا: [ أرد نفس السالفة ] . . صدقوني . . خالد خاش شيء . . منال [ تغطي ويهها ]: ردينا !!! أنا: حتى ما سأل وينج ؟! جوري .~ رديت البيت مع عبدالله . . الي أصريت عليه يدخل يتغدى ويانا خالوه عايشة: بشروا شو سويتوا بالامتحان ؟! أنا:خالوه مب امتحان . . عرض . . خالوه عايشة : اللي هو .. شو سويتوا ؟! أنا: الحمدلله . . قدمنا عدل . . أبويه: الحمدلله . . عقب ما حشرتونا !! عبدالله يضحك: عمي هذي بنتك . .! أنا: هيه ردها عليه خالوه عايشة: يلا تغدوا أنا بشل أغراض لأرجوان وبرقد عندها اليوم أنا: خالوه اترييني . . أنا ابا اسير خالو عايشة: تعالي عقب [ وطلعت ] أبويه: غاية ما يات ؟! أنا: أبويه جدولها يخلص اليوم الساعه 4;00 بردها مايد مع أخته أبويه: و ديمة .؟! أنا: ما أدري هي راحت مع عمي سعيد أبويه [ بصدمة ]: ويا سعيد ؟! انا: هيه . . كنت بروح غرفتي أبدل بس رن تلفون البيت وكنت قريبة منه فشليته هو: السلام عليكم . . هذا بيت سلطان محمد ال. . . أنا: هيه . . [ بخوف ] عسى ما شر هو: سعيد عبدالله ال . . . مسوي حادث ومعاه بنت . . طاح التلفون من ايدي ما قدرت أتمالك عمري . . أبويه: جوري شو فيج ؟! عبدالله: شو صاير ؟! ما قدرت اتكلم . . عبدالله شل التلفون . . عبدالله: ألوو . . سلام عليكم أخويه . . هيه نعم ؟! . . إن شاء الله . . مع السلامة أنا متأكده انه منهار . . بس يحاول يظهر قوته . . عبدالله: أبويه مسوي حادث قوي . . جنان [ توها تنزل ]: شوو !!!! أبويه: يلا عبدالله نروح أنا: أنا بيي أبويه: خلكم بالبيت . . وطلعوا مع بعض ما عطونا فرصة جنان [ منهارة ]: أبويه . . حضنتها . . ما أعرف اهدي روحي ولا أهديها . . مريم .~ قاعده على الفون أكلم شوق . . أنا [ بفرح ]: شواقتي والله وافقت . . شوق: مبروك . . ما أدري ليه حسيتها تقول هالكلام من ورا ظهرها ؟! أنا: الله يبارك فيج . . عقبالج شوق: وفارس .!؟ أنا [ تنرفزت ]: شو ياب الطاري . . حبيبتي من اليوم ورايح . . صقر وبس ! شوق: ما تخافين يسوي لج شي ؟! أنا: شو بيسوي مثلاً . . ؟! شوق: ما أدري أنا: ما بسوي شيء . . هو ما يعرفني ولا شيء . . نزوة وعدت شوق: الله يعينج . . أنا بخليج مع السلامة وسكرت ع طول . . حتى ما انتظرت ردي !! ليكون هذي تغار مني . . ؟! وبعدين شو تقصد في أنه بسوي شيء ؟! اميه: ميمي . . شرايج نعلن خطبتج هالاسبوع . . والملجة بعد شهر أنا [ احمريت ]: ما أدري كيفكم اميه: لا يا بنتي . . الشور عندج أنا: اللي تشوفونه . . ابتسمت لي . . وراحت وهي تدعي لي من كل قلبها الله يوفقني وأخواني . .! انتبهت على مها اللي ياية مع مايد وشكلها تعبان أنا: هذيل اللي يبون يداومون متأخر !! مها: سكتي عني . . واي تعبانة ويوعانه . . [ تشل جنطتها من عند مايد ] قولي لأمي تحط لي غدا يوعانه وراحت . . أنا: إن شاء الله وكنت بروح . . بس جذبتي صوت مايد . . هذا أول احتكاك لنا بروحنا من بعد سالفة لندن ويا ارجوان . . أنا: هلا . . مايد [ بجمود ] : شحالج ؟! أنا: بخير الحمدلله . . [ بشطانة ] شحال غاية مايد: الحمدلله بخير وعافية . . أنا: مايد سامحني . . على اللي سويته مايد: تدرين لو ما سويتي كل هذا . . جان أنا وهي مخطوبين . . جان ما خذت غاية جان بعدها تدرس . . جان . . قاطعتها : الله يغفر ليش أنت ما تغفر مايد: لو هي سامحتج أنا بسامحج أنا: هيه سامحتني . . اعتذرت لها . . مايد [ باستهزاء ] : تبينين لي أنج تغيرتي . . بتظل هالذكرى في بالي أنج حرمتيني من وحده أموت في ترابها قطع كلامنا صوت أبويه . . ! أبويه: مايد . . إن سمعتك يايب طاريها يا ويلك أنا: شو تبون أكثر . . ؟! كفاية حرموتني منها . . وتزوجت الغريب . . الحمدلله أنه مريحنها وعيلت منه . ! أبويه: طاريها ما أبيه على لسانك أنا: شو سر ضرابتك مع عمي سلطان .! أبويه: كفاية أنه يدكم حرمني من شيء . . وعطاه له . . فرق من بيننا ونحن اخوان أنا: شوه الشي ؟!ّ اميه [ من ورانا ]: يبا يعرس على اجنبية . . ما كان يبيني يبا الأجنبية . . أبويه [ بهدوء ] : نورا . . سكري الموضوع أميه: ما بسكره إلا اذا انت سكرته . . ! وتتراضى ويا أخوك وبنته . . ولا ترا مالي قعده معاك البوح العشرون .~ عبدالله .~ دخلت المستشفى مع عمي بكل جنون . . مسأله أني أقفد أبويه اللي توني ما تنعمت في حضنه مسيطرة على كياني . . لا مستحيل يروح مني . . مستحيل يخليني روحي بهذي الدنيا. . مشيت بسرعة للإستقبال . . كنت أسمع كل الحوار اللي يدور حواليّ بس ما ما أقدر أعلق! عمي سلطان: أبي أسأل عن الحادث الي صار اليوم ؟ الممرضة [ تطالع الأوراق ] : أي واحد ؟! عمي سلطان : الي فيه سعيد عبدالله ال . . . الممرضة [ تطالع ورانا ] : الدكتور بيطمنكم . . اطالعنا الدكتور . . عمي سلطان: لو سمحت نحن أهل الي مسوين حادث الدكتور [ مواطن ] : الريال ما عليه شر . . بس مجرد تحاليل وأشعه نطمن فيها عليه وبيطلع لو ما في شيء أنا [ بفرحه ] : الحمد لك ياربي . . عمي سلطان : والبنت للي معاه ؟! الدكتور : ايه البنت حالتها مب مستقرة لأنه الضربة كلها بجهتها . . عمي سلطان [ بصدمة ]: شو يعني ؟! الدكتور: أنت أبوها ؟! عمي سلطان: هيه . . قول شو فيها بنتي ! الدكتور: دخلت في غيبوبة . . واحتمال الضربة تأثر على أعصابها البصرية لأنه الضربة يات على رأسها ! عمي سلطان : شو !!! شفته يحاول يفتح أزرار كندورته . . ساعدته وقعدته . . زقرت الممرضات له . . طلع الضغط مرتفع عنده اتصلت في حمدان ايي لأنه ما أعرف شو أسوي ! خالد .~ خلصنا من دفان خالتي .. ورجعت البيت أشوف اليهال . . اللي كانت ترعاهم راحت الله يرحمها . . دخلت بيت خالتي . . شفت حرمه عوده ماسكه عيالي وتأكلهم . . البنت أول ما شافتني ركضت وحضنت ريولي . . ابتسمت لها : بدوري حبيبي شو فيج ؟! بدور الصغيرة: باباه شلنا معاك أنا أنزل لها واحضنها : بشلكم حبيبي بشلج انتي وسلطان بدور الصغيرة [ باست خدي ] : أحبك وايد قعدت اتأمل ملامحها تشبه أمها منى وايد . . وقف يمنا سلطان الصغيروني فسحبته لحضني ولميتهم بقوة تقربت مني الحرمة . . الحرمة: يا ولدي أنا بهتم فيهم أيام العزا . . وتراه بنسويه في بيتنا ابتسمت لها . . هالحرمة ربيعة خالتي من عمر أنا: على خير إن شاء الله . . بس بعد العزا بشل عيالي عندي الحرمة: عندك حرمة ثانية ؟! أنا: هيه عندي وهي بترعاهم الحرمة: الله يحنن قلبها عليهم هالأيتام أنا: آمين . . تقدري تروحي أنا بكون موجود معاهم . . الحرمة: خلاص يوم بتطلع ييبهم عندي البنات بيهتمون فيهم طلعت الحرمة وتميت لام عيالي بحضني . . شليتهم مع بعض مرة وحده وقعدت على الجلسة الي بالأرض بدور الصغيرة عمرها 4 سنوات . . انولدت قبل لا اتزوج بدور حرمتي وسلطان عمره سنتين ونص . . وأمه توفت عقب ولادته ب ست شهور بالخبيث . . خالتي الوحيده الي بقت لي من بعد عين أمي وعندها بنت وحده اسمها منى . . خافت عليها من بعد عينها . . وخلتني أتزوجها عشان أحميها من شر عيال أعمامها اللي يبون يأخذون ورثها ابتسمت شو من ورث عندهم يا غير هذا البيت البسيط اللي ما يساوي شيء !! بدور الصغيرة: باباه أنا أبا ماماه ! سلطان الصغير [ يقلدها ] : أنا أنا بعااد ابتسمت لهم : فديتكم يا ربي . . كلها كم يوم وأوديكم عند ماما بتحبونها وايد . . وبتحبكم وايد وايد بدور الصغيرة [ بفرحة ]: صدق ؟! أنا: هيه الغالية . . يلا احينه بوديكم بيت خالوه كونوا مؤدبين عشان ماما ما تزعل أوكي بدور: إن شاء الله باباه وديتهم بيت جيران خالوه . . ورحت المسيد وأنا أسمع إقامة صلاة المغرب أرجوان .~ كملت 5 أيام بالمستشفى من عقب ما يبت سلطوني واليوم بطلع . . الجو بالبيت مب أوكي . . الكل ملتهي في سالفة ديمة . . صح بالبداية ما رضوا يخبروني بس عرفت من زلة لسان ذياب . . حليلها ديمة . . للحينة ما قامت . . ! منصور: جاهزة ؟! أنا[ أحط الشيلة ]: هيه . . منصور أبا أمر على ولدي وعلى أختي منصور: إن شاء الله .. بس ما بنطول لأنج تعبانة أنا [ أهز رأسي ]: أوكي حطيت الغشوة . . ورحنا للحضانة الولد بدا وزنه يزيد شوي شوي . . ولو أكتمل للوزن الطبيعي رح يطلعونه قبل أسبوعين ! مررت أصابعي على ويهه . . شكله كيوت . . شعره طالع أشقر على بني مثل شعر ديمووه . . باجي العيون . . للحينه ما شفت عيونه أبداً . . يا يكون راقد ولا مغمض . . ! أبا أعرف كيف شكلها ؟!!!! منصور: نروح ؟! أنا: باجر اتيبني ؟! منصور [يصرفني ] : هيه . . يلا امشي . . مشيتنا مع بعض . . ركبنا السيارة أنا [ أشهق ]: أنا أبا أشوف ديمة !! منصور: حبيبتي أنتِ تعبانه . . توج ما كملتي اسبوع والده !! ارتاحي سكتت عنه . . صدقه . . أنا تعبانة . . بس تظل ديمة أختي وأحاتيها منصور: أدري تحاتينها بس هيه بعدها ما قامت شو بتستفيدين يعني . . ادعي حقها مها .~ الحال من بعد ضرابة أميه وأبويه صار أوكي . . أبويه أعتذر من أميه . . وتعذر من عمي سلطان . . وصار ملازمنه بالمستشفى عشان بنته ديمة . . وقاله أنه لو احتاج الموضوع وبيسفرها على حسابه تتعالج ومن يوم الحادث أميه وأبويه يروحون لها المستشفى. . راشد: مها أنا: هلا . . [ أطالعه يايب كتاب الفيزيا ] أشرح لك ! راشد: هيه . . بس مسأله راشد صار وايد يهتم بدراسته صار يعرف أنه اللعب ما رح يفيده ولو ما فهم شيء واحد ما رح يفهم اللي معتمد عليه . . قعدت أشرحها له . . ميمي [ من ورانا ]: شو تسوون ؟! أنا: أفهمه المسأله . . [ أفكر في ديمة ] ميمي ما بتزورين ديمة ! ميمي: بلا أبا أزورها . . حرام توها صغيرة . . ما شافت من الدنيا شي أنا: يا ليت خليناها اتي معانا أنا وغاية جان . . ميمي [ تحط ايدها ع جتفي ] : لا تفتحين أبواب الشيطان . . إدعي ربج بس أنا: الله يشافيها . . راشد [ يقوم ] : خلاص فهمتها . . بس كنت أبا أعرف الرقم من وين ياا ميمي: أكيد ولا !! راشد [ بتغصص ]: صايرة أميه الثانية [ وراح غرفته ] ميمي [ تقعد يمي وتضحك ]: ويعرف يتغصص بعد !! أنا [ ضحكت ] : شو تبين فيه ! ميمي: إشتقت للضرابة معاه . . أنا: بس خلاص خليه ميمي [ بغموض ] : سامحيني أنا : مسموحه . . بس على شو !! ميمي: على اللي سويته لج . . أنا: بس ما أذكر سويتي لي شيء!! ميمي [ تغير الموضوع ] : سممية وين ؟!! شوية تدخل سمية . . سمية: سمعت إسمي عسى ما شر! أنا: هذي ميمي تسأل عنج . . سمية [ تقعد بشويش ] : هلا ميمي . . ميمي: شحالها حبيبة عمتها !؟ سمية: تمام . . متعبتني اليوم . . ترافس . . ميمي [ تضحك ] : حليلج أخاف ولد . . مب بنت سلطان [ ايي ويقعد ] : لا حبيبتي بنت . . ولو ولد فريته سمية [ تشهق ] : بسم الله . . عديم إنسانية !! سلطان [ يبتسم ] : عيل وين ميرة ؟! أنا: شلتها أميه عشان ما تتضارب ويا مرتك . . سلطان [ يضحك ] : أها . . [ يسكت ] سمية قومي بوديج بيت أهلج عندي دوام سمية [ تبوز ] : نعم !! سلطان: توه اتصلوا فيني . . [ يقرب ويبوسها ] . . أنا [ أغمض عيوني أونه استحيت ] : أوييه سلطان يضحك . . وسمية انحرجت . . سلطان [ يقوم ] : يلا سمية . . عشان ألحق ميمي: سلطون وداني بيتهم . . بقعد ويا مرتك . . ملانة روحي سلطان [ يطالعني ] : بتين !؟ أنا: لا عندي بروجكت . . وبعدين رشود معاي سلطان: عيل يلا مريوم تلبسي . . ع ما اتجهز أنا . . دقيقة وحده تأخير أنا رايح ميمي [ ركضت غرفتها ] . . وسلطان وسمية راحوا غرفتهم . . وتميت أنا فمشيت لغرفتي . . دقيقتين دشت علي ميمي . . ميمي: يلا أنا بروح . . لو أمي يات خبريها . . ابتسمت لها . . : إن شاء الله ورديت أكمل بروجكتي . . سعيد [ بو جنان ] .~ للحينة مب مستوعب الموضوع . . كيف يعني أنا ما صابني شيء وهيه تعورت وفي غيبوبة ! كيف بتحمل أعيش بدونها . . كيف !! جنان [ أتيب لي شوربة ]: أشرب أبويه . . من طلعت من المستشفى ما كلت شيء أنا: ما أبي أكل شيء ! جنان: حرام أبويه . . ترضى تقوم ديمة وتشوفك في هذي الحالة . .! لا والله ما أرضى . . بس أنا السبب في اللي صار لها . . سلطان [ من وراي ]: لا الغالي مب أنت السبب . . هذا قضاء وقدر . . ربك كاتب هالشيء أنزل رأسي : يا ولد عمي يقاطعني : هذا مكتوب من زمان . . [ يبتسم ] يوم بتقوم بالسلامة بكلمها بالموضوع وصدقني لو وافقت تأخذها بيتك على طول سكتت عنه . . أه يا ديمة . . الله يقومج بالسلامة لي . . الله يشافيج خالد .~ خلصت أيام العزا . . اليوم ناوي أشل اليهال وأوديهم بيتي . .بس قبلها لازم أمهد لبدور ما أبيها تنصدم أبدا ً ! أحمد [ يحط ايده ع ريولي ] : سوا هذي الخطوة وأنت مطمن . . محد بيدير باله على عيالك غيرها أنا: بس أنا خشيت عنها . . خايف يا أحمد خايف أحمد: لا تخاف . . وين عيالك ؟! أنا: هم والخدامة في بيت الجيران . . أحمد: شوف اتصل في مرتك خبرها تروح بيتك . . وأنا الي بوديها وعقبها شل عيالك ووادهم لها . . حاول بطريقة معينة تفهمها الموضوع أنا: بس يا أحمد . . هيه حامل . . وأنا خايف عليها أحمد [ يبتسم ]: لا تخاف . . فهمها الموضوع عدل وبتفهم أنا: إن شاء الله . . أحمد: يلا جدامي دق لها . . شليت الفون . . ودقيت لها . . بدور [ بتعب ]: هلا أنا: اهلين . . شو فيه صوتج ؟! بدور: تعبانة من الحمل شوية . . أنا: الله يسهل عليج . . بدور ردي الشقة أنا بييج بدور[ بتهجم ]: خلصت من منى ويا دوري أنا [ بعصبية ]: بدووووووور ! بدور: ماني راده قبل لا أعرف منو هيه منى !! أنا [ أهدي روحي ]: بدور أحمد ولد خالتج بردج شقتنا . . وأنا بيي وبتعرفين كل شيء . . بدور: عن منى أنا: هيه . . يلا بترياج بدور: اوكي أنا: وجهزي البيت عندي ضيوف بدور[ سكتت وعقب قالت ]: إن شاء الله سكرت عنها والتفت صوب أحمد . . شفته قايم . . أحمد: بروح أوصلها . . وهالله هالله فيها أنا: إن شاء الله مشيت يم بيت جيران خالوه . . شليت اليهال والخدامة بعد ما تشكرتهم جوري .~ طلعت من البيت للمستشفى بعد ما أطمنت على أرجوان , , مشيت بين ممرات المستشفى اللي حفظتها من هالكم يوم الي ييت له . .! وصلت للقسم الي فيه ديمة . . انتبهت ل أبويه . . عمي سعيد . . عمي علي . . عمي عبدالله وصوب الحريم خالوه نادية . . خالوه نورا وخالوه عايشة . . سلمت . . والكل رد السلام انتبهت على الدكتور طلع من غرفة ديمة الدكتور: المريضة قامت . . [ يبتسم ] الحمدلله على سلامتها أبويه [ بفرحه ] : الحمدلله . .دكتور متأكد ! استانست بالحيل . . اطالعت ردة فعل القاعدين . . عمي سعيد بالتحديد . .! أول ما سمع الخبر فز من مكانه . . على عكس أعمامي الثانيين . . ردات فعلهم واضحة بس مب شراته !! عمي سعيد: نقدر ندخل ؟! الدكتور: إيه تقدرون . . بس لا تسببون لها إزعاج دخلنا بسرعة بدون ما ننتبه للدكتور .. إطالعتها منسدحه على السرير الأبيض . . في إيدها السيروم ويهها شاحب . . وعلى شفاتها ظل ابتسامه خفيفة . . تقربت منها ولمست إيدها أنا: ديمة الحمدلله على سلامتج ديمة [ تبتسم أكثر ]: الله يسلمج . . جوريووه ليش تامه إهنيه بالليل . . ردي البيت ! أنا [ استغربت . . الحينة العصر ] . . ! ديمة: زين بطلي الليت خل أشوفج إشتقت لج. . سكتت . . بهتت . . إطالعت ابويه اللي نزل راسه بحزن .. عمي سعيد طلع من الغرفة على طول . . ديمة: جوري وينج ؟! تقربت منها . . بالضبط جدامها . . أنا: ديمة ما تشوفيني ! ديمة [ بتغصص ] : جوري شغلي الليت . . مب وقت إستهبال أنا [ بغصة ] : أبويه معاي . . طلعت عنها بعد ما ودرت إيدها . . يعني شو إختها عميا . . !! شوه القدر اللي رسم لج هالطريق ! غمضت عيوني لما صرخت . . ديمة: أبويييييييه أنا ما أشوووووووووووووووووووف !! أنا عمياااااااااااااااااا !!! روضة .~ قاعدة في بيتنا بالحديقة اللي ورا مع حسين . . محد يعرف . . ولا حد بيعرف لأنه أبويه وأميه في المستشفى . . وريام نايمة وعذوب وعليا بالبيت والجهه الخلفية محد يطل عليها أبداً !! حسين [ يبتسم ]: إشتقت لج ! أنا : حتى أنا . . حسين : ما تخافين حد يشوفنا ! أنا: لا . . وبعدين إشتقت لك !! حسين [ بتهور ]: أحبج أنا [ أغير الموضوع ]: حسين . . شو مسوي الدراسة . .! حسين [ يبتسم ]: ولو إني ما ابيج تغيرين الموضوع إلا اني بجاوبج . . طريقي للطب مرسوم وقاعد أمشي عليه أنا : الله يوفقك يارب حسين [ يقوم ] : روضة . . أنا بسير أنا: وين . . توه الناس حسين : ما نبي نغلط . . مرة ثانية بنتلاقى تحت نظر أهلنا بس . . ويوم بتخرج بخطبج وبنتزوج ارتسمت على محياي ملامح الخجل . . ودعته ووصلته للباب ورجعت البيت الحمدلله محد كان موجود . . فرحت لغرفتي على طول!!!!!! بدور .~ مرني أحمد . . ونزلني الشقة . . أصر علي يوصلني لين فوق بس تعذرت له بإني أقدر بروحي رتبت البيت . . وعدلته . . هو قال بييب ضيوف . . !! منو الضيوف ؟! ليكون بييب منى !! هيه قصوره إييبها عندي . . إن ما ذبحته هو وياها !!! قمت قصصت لي ليمون بصحن . . وخليت القشر على الطاولة . . ورحت غرفتي . . وسكرت الباب . . ! تربعت على السرير . . ويلست أكل الليمون بشهية بعد دقايق سمعت أصوات خفيفة . . ما قدرت أميزها أبداً . . أكيد ياا وهذيج وياه ! كملت الليمون . . ويوم وصلت آخر وحدة دخل علي . . خالد: إنتي هنيه ! أنا [ أتكلم بدون ما أطالعه ]: هي عيل وين بكون ؟! خالد [ يقعد جدامي ع السرير ] : مب بس من هذا ! أنا: أشتهيه شو أسوي ! خالد: قلتلج إكلي موالح . . أنا [ بتهجم ]: مالك شغل . . ولو سمحت سير عندها أنا رتبت الغرفة الثانية مالك شغل فيني يلا روح خالد [ يبتسم ]: فديتها والله . . وديتها الغرفة . . قالت وايد حلوة . . هذا شوو . . يبا يموتني قهر !! أنا: رووح . . [ أحاول أمسك دمعتي بس ما قدرت ] خالد [ بصدمة من دموعي وشهقاتي ]: بدووووو ر! أنا [ أتكلم وأنا أصيح ] : خاا . . لد أننا أحب .. ك . . والله أحبك . . ليش جي سويت . . ليش ؟! مب أنت كل مرة تقول أحبج . . مب أنت اللي خطبتني عشانك تحبني . . أنت تغيرت ما عدت خالد اللي يحبني . . ! ما حسيت إلا فيه يحضني . . هالحضن كنت محتاجته من زمان . . صحت وصحت بحضنه بدون ما أوقف . . طلعت كل القهر الي فيني . . وهو كان يربت على ظهري . . وما تركتني . . تمنيت أغفى بحضنه وأنسى كل الي حولي . . مستعده إني أنسى وأنسى بس خله يرجع لي لما حسيت بروحي إني هديت . . ابتعدت عن حضنه . . ومشيت دموعي خالد: هديتي هزيت رأسي . . أنا هديت من الصياح . . بس البركان بعده بداخلي . . مستعد إنه يثور بأي لحظة. . خالد: أبدأ أتكلم . . أنا: إيه . . خالد: بس بدون ما تقاطعيني . . هزيت رأسي وقعدت على الغنفة . . في مسافة بينها وبين السرير . . بس ما زلنا متقابلين . .! خالد: أنا أمي توفت من يوم كنت صغير . . ما تنعمت بحضنها أبد يمكن كم سنه بس . . بعدها أبويه تزوج حرمته الثانية وياب منها خواني . . كانت طيبة وما عليها كلام . . عشت معاهم . . بس طبعاً ما نسيت أهل إميه . . كانت عندها بس أخت وحده إسمها موزة . . خالتي موزة أرمله من سنين . . وعندها بنت وحده اسمها منى . . كنت أبي أقاطعه . . كنت أبي أصرخ وأفجر البركان . . بس سكتت خفت منه خالد: منى وحيدتها . . عاشت حياتها بس عشان تحميها . . لما تخرجت من الثانوية . . تقدموا لها عيال أعمامها يبونها . . [ يبتسم ] مب عشانها عشان بيتهم وعشان ورثهم . . فخالتي كلمت أبويه عشان أتزوجها . . وهذا من خمس سنين تقريباً . . يعني قبل لا أتزوجج . . أنا: خالد . . خالد: نعم ؟! أنا: أنت مزوجنها قبلي ! خالد: هيه . . أنا كنت أحبج أنتي . . عشان جي خذتج عليها .. أنا: تحبني خالد: بدوري .. تشكين بحبي لج .. لهدرجة الحمال مخلنج تشكين فيني ! أنا: تحبها ؟! خالد:هيه . . بس مب كثرج . . أنتي الأصل . . حبي لها أحترام . . لها لأنها زوجتي . . ولخالتي يقوم بحماس: يلا تعالي برع أنا: [ هزيت راسي ]: لا لا . . ما أبي أشوفها خالد [ يعقد حياته ]: يلا . . بتحبينها والله قمت تحت إصراره . . حتى بدون لا أبدل ملابسي . . جفنا خدامة بالمطبخ . . [ ترا المطبخ مفتوح على الصالة . . ] ها الشي حلو . . ومب حلو . . ^^ خالد [ يعقد حياته ] : أنتي شو تسويين ! الخدامة : يسوي أسير خالد: زين سيري إنتي خلاص بدوري بتسويه !! الخدامة: لا هي ما يأرف أنا يأرف خالد [ بعصبية ]: قلت لج سيري . . يلا راحت من جدامه بخوف . . أول مرة أعرف أنه خالد يخوف !!! ابتسمت خالد: شحقه تضحكين . . ! أنا: تخوف !! خالد يبتسم : تعالي نقعد . . قعدنا على الغنفات .. للحينه ما شفتها . . !! خالد [ يمسك بطني ]: وايد مبين . . أنا: خالد أنت ليش كنت ما تبيني أحمل .! عشانها ؟ خالد: بدور مصرة تعرفين ! أنا: هيه . . خالد: أول ما تزوجنا . . خبرتني الدكتورة أنج ما تقدرين اتيبي ياهل مكتمل . . فيج نفس البكتيريا تخلي الجنين ما يكتمل أبداً . . ويطيح . . عشان جي . . كنت أحط حبوب منع الحمل بالعصير . . وكنت أحط لج بعد العلاج حق هالمرض الي فيج . . بس ما كنت متوقع أنج بتعرفين . . والحمدلله لما عرفت أنج حامل خبرت الدكتورة . . وقالت لي أنه خلاص أنتي تشافيتي . . أنا: أنا كنت السبب ؟! أنزين ليش ما قلتلي خالد: اللي يحب مستحيل يعكر حياة غيره . . كنت مستعد أني أتحمل هالمرض وأعالجج بدون ما أييب لج سيرته أنا [ حطيت رأسي ع حضنه ]: خالد سامحني . . خالد [ يمسح على ظهري ] : أحبج حياتي أنا: وأنا بعد خالد: يلا قومي سوي عصاير . . أنا ما أضمن الخدامه ما أحبها تقرب من أغراضنا أنا: أنا أسويه ! خالد: هيه . . بس لا تسوين ليمون !! سوي أي شيء ثاني هاا يالس يعيب على وحامي . . ابتسمت . . وقمت رحت المطبخ . . جفته قام من مكانه وراح الغرفة . . راح لها . . والله راح . . هو يبيني أسوي لها العصير . . يبيني أنا أكون خدامتها . . !!! رحت طلعت عصير برتقال من الثلاجة . . جيكت على التاريخ وصبيته بأكواب . . جم كوب . . صبيت إثنين . . حقها وحق خالد . .أنا ما أبي أشرب وياهم . .! حطيت العصير بالصالة . . ويوم رحت برجع غرفتي . . سمعت ضحك خالد . . من زمان ما سمعت ضحكته . . لهذي الدرجة هي تقدر تخليه يضحك ؟ كنت حابسة دمعتي . . ما أبي أضعف جدامها . . ما أبي عديلتي تشوف دموعي . . ما أبيها تحس أنها تقهرني . . ما أبي انتبهت على الباب يتبطل . . رحت وقفت صوب الجامة .. ما أبي أشوفها . . حسيت بشيء حضني بريلي . . ولامها بقوة . . لفيت على ورا . . جفت ياهل صغير جفت خالد . . شال بنت ومو أي بنت . . بنت حلوة جميلة . . شعرها لين كتفها تشبه حد بس ما أعرف منو . . حد أعرفه متأكده أعرفه !! إطالعت تحت . . جفت ولد لابس بجامة نوم زرقاء . . أطالعت خالد بصدمة . . أباه يفسر يتكلم . . قطعت أفكاري البنت لما قالت : باباه هذي ماماتنا ؟! بدون حاسية قلت: وين أمهم ؟! البنت: ماماتنا راحت الجنه . . مناك بعيد . . دمعت عيوني . . أنا من الصبح أغار من وحده ميته !! . . خالد: أمهم توفت بعد ما يابت سلطان . . بالخبيث . . ويدتهم توفت من 3 أيام وما عندي مكان أخليهم فيه . . أنا: خالد سامحني . . أنا أحسب أمهم عايشة . . خالد [ يبتسم ]: ما عليه . . تعالي تعرفوا على بعض . . قعد على الغنفه . . وبحضنه البنت . . كنت أبا أشل الولد وأروح صوب خالد . . خالد: لا تشلينه ثقيل . . وأنتي حامل [ يزقره ] سلطاااااان تعال منيه راح له سلطان يركض وطاح يحضن أبوه . . قعدت يمهم . . خالد: هذي بدوري . . الصغيرة [ يطالعني ] عمرها 4 سنوات . . وهذا سلطان عمره سنتين ونص تقريباً أنا: بدور . . [ كنت أبا أقوله سميتها بدور ] بدور الصغيرة : نعم ماماه ! ابتسمت يعني تعودت تناديني ماماه . . ! خالد: أنا اللي عودتهم . . قلتلهم بوديكم عند ماماه . . وبتحبكم . .! أنا [ أبتسم زيادة ]: ايه حبيبي . . بحبهم . . إطالع الخدامة طلعت من غرفتها . . . ! خالد [ شافها ]: أقول شلي كل أغراضج . . بوديج بيت ثاني الخدامة: لا باباه أنا يريد أنتا ما يريد بابا تاني ! خالد: يلا سيري [ بعصبية ] بسرعة الخدامة راحت بسرعة !! أنا: ههه خلود تبيك . . خالد [ يعقد حياته ] : يلا قومي تلبسي بنروح بيت أبويه . . أنا بلبس اليهال أنا: خلهم أنا بلبسهم . . بدور الصغيرة : أنا أبا ماماه تبلسني أنتا ما تعرف !! [ أطالعته بنظرة ] خالد [ يضحك ]: سيري معاها . . [ يطالعني ] في لهم جنطة بالغرفة . . أنا بلبس سلطوني مسكت البنت بيدها ورحت الغرفة الي كانوا فيها . . شليت لها فستان أحمر هي أختارته . . وعقب وديتها غرفتي . . بدلت عنها . . وعقب رحنا صوب التوليت . . ومشطت شعرها . . وأحط لها فراشات صغيرة . . كنت شارتنهم حق بنتي . . من اليوم ورايح هذي بتكون بنتي . . دققت في ملامحها . . امها اسمها منى ليكون منى ربيعتي اللي انقطعت أخبارها عني . . ويوم سألت أمها قالت لي تزوجت !! إيه إيه هي . . اسمها منى وتشبه بدور الصغيرة بالقو . .الله يرحمج يا منى . . والله بسوي كل اللي أقدر عليه عشان عيالج مها .~ قعدت أسوي البروجكت . .تقريباً خلصته بس باجي أضافات بسيطة بحطها عقب . . حد يدق الباب . . أنا: تفضل . . [ حسبالي راشد ] الخدامة: ماماه . . [ تعطيني ظرف ] هذا مشان أنتا . . عقدت حياتي . . أنا: من وين ؟! منو يابه ؟! الخدامة: ما يأرف . . هزا في واهد . . يأتي أنا مشان يأتي أنتا [ ما يعرف . . هذا واحد عطاني عشا أعطيج ] شليته منها . . وقلتلها تروح . . بطلت الظرف . . وأنصدمت من اللي فيه .. أويييييييييييه هذي صوري .. من وين ؟! طاحت الصور من ايدي على الأرض . . يمكن فوق العشرين صورة . .منو هالواحد الي معاه صوري !!! فقلت الباب على طول . . خفت حد يدخل ويشوفهم . . شفت ورقة موجوده . . قريتها مها . . عندج من الحينه لين ساعة . . إن ما ييتي شقتي صورج بتنتشر على كل شباب البلاد . . وكاتب تحت . . عنوان شقته !!!! احترت شو أسوي !! . . شو أهبب ؟! خفت والله خفت . . أخر شيء شليت فوني . . وأتصلت بالدريول أييني . . لبست عباتي . . وأتصلت بأمي أقولها اني بروح بيت ربيعتي أكمل مشروعي . . . . |
باااارت يجن حراااااااااااااااااااااااااام ديمو عمييياااا ومهوووي مضلومه حرااام اهئ اهئ اهئ تسلمين ع باارت ونتريا الي عقبه |
يسلمووووو على هالبارت اللي في غاية الروعة بليز لا طولين علينا |
البوح الحادي والعشرون .~ .سلطان.~ قاعد مع سهيل بالمكتب نتريا الوقت المناسب لإقتحام الشقق . . اليوم تقريباً في ثلاث شقق بنفس البناية . . ومنتقلين لها من يومين بس الشباب مب مقصرين . . مراقبينهم 24 ساعة . . وسرعنا وقت المداهمة عشان ما نعطيهم فرصة يغيرون ولا يشكون فينا . . والشباب اللي يراقبون مأمنين فيهم . . وقللنا عددهم لين ثلاث قد الثقة يدخل منصور [ ريل بنت عمي ] وهو يشتغل ويانا . . بس رتبته أعلى منا ويعتبر مسؤول عنا منصور: شباب جاهزين سهيل: هيه نعم سيدي . . يا الوقت منصور: هيه . . وأنا بكون معاهم . . نحن بس ثلاث عشان محد يشك بشيء أنا: إن شاء الله منصور [ يطالعني ]: زين ييتوا بكنادير عشان بالمرة ما يحسوون سهيل: أفا عليك سيدي . . إن شاء الله نكون قد ثقتكم منصور: إن شاء الله بتقدرون عليهم . . ثقتنا فيكم كبيرة مشينا مع بعض . . ركبنا سيارتين . . منصور بروحه . . وأنا وسهيل بسيارة وحده غاية .~ رحت غرفة أرجوان أقعد معاها لأنه محد بالبيت . . ! أرجوان: أنا بروح أرقد فوق . . أنا [ أبوز ] : وبتخليني . . ! أرجوان [ تضحك ] : روحي كلمني مايد . . أنا: موبي أبيج أنتي . . [ بدلع ] أرجوان [ تضحك زيادة ] : خلي الدلع لميوود . . تعالي كم باقي حقه عن يخلص الطب ؟ أنا: هو تقريباً مخلص . . بس باقي تدريب وبيقبض الشهاده بيده . . بعد عرسنا بيرد لندن . . يكمل . . أرجوان : بتروحين معاه ؟ أنا: يبيني أروح . . بس ماعرف أرجوان [ تبتسم ]: طيعي ريلج ولا تعانديه . . أكسبيه بصفج عشان لا ينقلب ضدج بعدين أنا: إن شاء الله أطالع أمينه ياية صوبنا وشالة كوب . . أرجوان من شافتها لفت راسها وتسوي حركة أنا ما تبي الكوب . . أمينه [ تشوفها ]: ليه يا بت .؟! دا مفيد ليكي . . أرجوان [ تعقد حياتها ]: هذا مر ما حبيته . . وخريه ما أبيه أمينه: يا بت اسمعي الكلام . . أنا: يلا عاد أرجوان والله حلو أنا مجربة أرجوان [ تتطالعني ]: ما أبي أنتي شربيه أنا [ أعقد حياتي ]: قالولج والدة ولا شو !! أرجوان [ تشل الكوب ] : امري لله . . دامكم بالموضوع بتشربوني غصب أمينه: يلا أشربيه كلوه . . عاملالك باستا من اللي بيحبها ألبك . . أرجوان [ تضحك ]: ياهل جدامج أمينه . . يلا روحي كملي شغلج بشربه كامل أنا: هيه روحي أنا أضمن لج أخليها تشربه كامل لأخر شيء وراحت . . وقعدت أرجوان تشرب . . وهي تقول مب أوك . . ومر . . وومادري شو من هالدلع مالها شوي أسمع الباب ينفتح . . أطالعت جفت خالد داش . . وبيده ولد . . عقدت حياتي منو هالولد ؟ خالد: السلام عليكم . . انا وأرجوان: عليكم السلام . . خالد [ يطنش أرجوان ]: غاية أبويه وين ؟ أنا: بالمستشفى صوب ديمة خالد [ يعقد حياته ]: بلاها ديمة ؟ أنا: ليش خلود ما تعرف ؟ صار لها حادث خالد: صدق ؟ أنا: هيه . . انتبهت لأرجوان تقوم . . أرجوان [ تقرب من خالد ] : يا أخوي . . أنت أخويه العود . . محتاجتك عضيدي . . ما أبيك تصدني وتجفيني . . صار لي قريب السنة من تزوجت . . ويبت ياهل وأنت ما ييتني . . وللحينه شايل بخاطرك عليه . . ترا الكل اعتذر لي . . مريم اللي ظلمتني وعمي إعتذروا . . أنت ليش ما تسامح خالد [ يطالعها ] : ارجوان . . سامحيني . . [ يبوس رأسها ] مبروك ما يات يتربى بعزج يارب . . ترا شفت صورته . . لا تقولين ما أعرف . . عقبال ما تنومينه بحضنج كل ليلة . . أرجوان: آمين . . [ تشوف الولد ] من ولده ؟ خالد: ولدي . . ارجوان [ تعقد حياتها ] : ولدك . . [ تسكت ] ليكون . . خالد: هيه . . من مرتي الأولى منى . . أطالعت خالد . . أول مرة أعرف أنه متزوج وحده أسمها منى . . وعنده ولد بعد !! أرجوان: شو أسمه ؟ خالد: سلطان . . ارجوان: ما يصير ولدي أنا سلطان . . [ تبوز ] غير اسمه خالد [ يضحك ] : ما يصير . . خلاص سلطاني وسلطانج اثنين . . ارجوان: أوكي . . بدور درت ؟ أنا: ويت ويت . . ترا أنا ما أعرف شو السالفة خالد: أبويه بيخبركم . . وبيخبر كل العايلة [ يطالع أرجوان ] بدور تدري . . وهيه بالسيارة . . عادي أخلي اليهال معاكم . .أنا بروح المستشفى أنا: هيه عادي [ أقرب عشان أشل الولد ] يبيني ولا بيصيح خالد: لا عادي ما بيصيح متعود . . [ يعطيني ] أهتمي فيه . . وأكليه يمكن يوعان . . أرجوان: خلاص لا تخاف بنهتم فيه . . خالد: أييب البنت ولا أشلها ويانا .؟ أرجوان [ تبتسم ] : بنت بعد ؟ وأنا ما أدري خالد: السموحة يا الغالية . . اسمها بدور . .وهي أكبر من سلطان . . اييبها ولا ؟ أرجوان: ييبها . . بنستانس وياها خالد: تراهم عقال . . ما بيأذونكم . . أرجوان: يلا روح ييبها راح ياب بنت تقريباً 4 ولا 5 سنين . . وشليناهم وقعدنا بغرفة أرجوان اللي فوق . . يبنا لهم أكل . . عصاير وصمون وكاكاو . . وأكلنا معاهم وأرجوان ما قصرت . . خلتهم يتعودون عليها بسرعة . . مريم .~ حسيت أنه ما أبي أخلي مها بروحها بالبيت . . يمكن حسيت أنه في شيء بيصير وفعلاً أول ما طلعت من بيت قوم سمية . . جفت مها تركب سيارة الدريول .. سألتها وقالت بتروح بيت ربيعتها . . بس مع ضغطي عليها . . قالت لي السالفة . . يالحقير يا فارس . . أنا براويك .. ركبت مع مها السيارة ورحنا للعنوان اللي كان بالورقة وقفنا جدام بناية فخمه . . شكلها يديدة ما كملت سنة . . لهذي الدرجة فارس غني . . مها [ تطالعني ] : خايفة . . أنا [ أتغشى ] : غطي ويهج ونزلي معاي . . ما أكون مريم إن ما أدبته . . مثل ما وهقتج بهده منج . . مها [ تتطالعني ] : عشان جي قلتي حقي سامحيني أنا: هيه . . أنا غلطت وتبت . . مها: لو خلصتيني منه بسامحج أنا: إن شاء الله .. يلا ننزل غطت ويهها ونزلنا بعض .. وقلنا للسايق يروح ويرد عقب يوم بنتصل . . وحرصنا عليه ما يخبر حد المكان انتبهت لإثنين واقفين يم العمارة . . ويتكلمون ويوم شافونا سوو عمارهم ما يشوفونا ! صدق شباب آخر زمن !! مشينا للين رقم الشقة . . رقينا الجرس . . وأنفتح الباب فتحه واحد ضخم شوي . . بنيته قوية . . شعره لونه أسود طويل لين نص رقبته لابس قميص لونه أسود وبنطلون جينز . . قال: نعم ؟!! أنتو منو! أنا: أنت ما تتريا حد قال: بلا اتريا . . حد مب حدين هذا يستهبل ولا شو !! أنا: لو سمحت . . أنا مب فاضية لك . . بسرعة عطني الصور لا أدخلك السجن . . ضحك . . قلت بخاطري [ ضحكت من سرك بلاا ] صدق يرفع الضغط قال: مب بهالسهولة . . دخلوا [ يفتح الباب زياده ] حياكم نتفاهم أطالعت مها متردده . . فدخلت ع طول . . ما أبا أعطيه أي فرصة يتلاعب ودخلت مها وراي قال: حي الله من زارنا .. شو تشربون ؟ أنا: هيه تبي تحط لنا مخدر . . وتلعب لعوبك مب علينا . . ! قال [ بصدمة ] : بسم الله . . لهدرجة مب واثقة فيني [ يبتسم إبتسامة مايلة ] يا مريم انصدمت . . هذا كيف عرف !!!!!!!!!!!!!!!!!!!!!!!!!!! مها [ تطالعني ] : قومي خل نطلع !!! ما أبي صوري بس خل نطلع [ تتكلم بصوت خايف ] بس أنا مستحيل أطلع من أهنه إلا وياي الصور . . لو على جثتي أنا: فارس . . دخيلك استر على ما وايهت منا وعطني الصور . . وإنساني انا بتزوج فارس: إنزين . . [ يقوم ] كسرتن خاطري بييب الصور وقام . . هذا من صدقه . . أنا كنت مزهبه كلااااااااااام وهو من كلمتين إنكسر خاطره . . مسكيين مها [ تتكلم بهمس ] : ميمي . . أبا أسير الحمام [ أكرمكم الله ] أنا [ بصدمة ] : شووو! مها: والله من الخووف . . أنا: من وين أييب لج . . [ قمت ] تعالي معاي دشيت غرفة ثانية مب الغرفة الي هو دخلها . . وجفت فيها حمام .. ترييتها تخلص ويوم طلعت .. مشيت معاها لين برع . . بس خليتها وراي . . عشان لو كان شيء جدامي أحميها . . [ بطلة أونه ] ما أدري كيف . . سمعت صوت مها تصرخ . . لفيت جفته وراها . . وسكر الباب وفقله . . بغفلة مني صارت هي بين إيده بالغرفة . . وأنا برع والباب مقفول بهتت بمكاني . . ماعرفت شو أسوي !! واقفة بس مصدومة . . ردتي للواقع . . صرخات مها . . اللي كل ما ياها تعلى وتعلى تميت أدق الباب بكل هستيرية . . وأقوله . . طلعها . . بذبحك . . بس ما شيء فايدة . . ركضت لباب الشقة . . دورت المفتاح ما حصلته تميت أدقه وأدقه وأقول ساعدوني . . يمكن حد يسمعني !!! ديمة.~ قاعدة بالمستشفى . . مب قادرة أصدق إني صرت ما أشوف . . بس عقب حمدت ربي ألف مرة اني للحينه عايشة حسيت بإيد تتحسس إيدي . . للحينة ما تعودت . . ما عرفت منو هالشخص !! : ديمة الغالية .. لا تعورين قلبي أنا: أبويه . . أنا بتم طول عمري جي . . هذا يزاتي . . يوم ما بغيت أتعلم وأدرس . . احينه صرت عميا وما بقدر أسوي شيء بحياتي أبويه: لا يا بنتي . . صدقيني . . بوديج كل البلادين أعالجج . . تتحسبين تهوني علي أخليج جي ! وبعدين سعيد بتخلينه أنا: أبويه . . أبويه [ يرص على ايدي ] : ديمة أنا أدري أنج تعلقتي فيه . . تتحسبيني غافل عنج . . لا يا بنتي . . إذا تبينه .. صلي الاستخارة وشوفي ! أنا: أبي أرجع البيت . . أبويه: أوكي . . بنطلعج تقربوا مني أعمامي وحريمهم يتحمدون لي بالسلامة . . ومعاهم سعيد سلامه كان جاف . . يمكن لأنه الكل موجود !! إقعدت جوري يمي . . وتمت تسولف عن ولد أرجوان جوري: ترا أرجوان بالبيت . . بس ولدها بعده بالمستشفى . . إن شاء الله يوم بيصير طبيعي وزين بيطلعونه أنا: إن شاء الله . . شو سموه جوري: نانا تبيه على اسم أبويه ! انا: عقبال ما أسمي عليه أنا بعد جوري: إن شاء الله ما كنت أقدر أشوف ردات فعلها . . بس أسمع . . ! اندق الباب . . ودخل حد . . رفعت رأسي أشوف من ! بس أكيد ما أشوف غير الظلام . . من الصوت عرفت أنه خالد . . صوته مميز . . وينعرف خالد: السلام عليكم سمعت رد السلام من الكل . . أصوات مختلفة تتداخل أول مرة أبداً أدقق بالأصوات . . ! تقرب مني وباس رأسي . . خالد: الحمدلله على سلامتج أنا: الله يسلمك يارب تقربت مني مرته أتوقع . . بدور: الحمدلله على سلامتج حبيبتي أنا: الله يسلمج خالد: أنا أشوف إن ما عليها شر . . إلا دلاعة . . ابتسمت . . يا خالد اسميك سوالف أبويه: بنطلعها إن شاء الله . . ماله داعي قعدتها بالمستشفى .. بإذن الله بأسرع وقت بتسافر خالد: سفر !! وين أبويه: ما قررنا . . بس بندور أحسن مكان لمثل حالتها خالد: بس ما أشوف فيها شيء أنا: خالد ترا أنا ما أشوفك .. ولا أشوف حد سمعت شهقته . . وصدمته . . تخيلت وجود حاجز يمنع عني اللي يصير حوالي وأحس من كثر ما أني تخيلت . . فعلاً صرت أحس أني بعالم منعزل عنهم .. بتكلمون . . بس أنا ما أسمع شيء . . كأن الحاجز صدق موجود ذياب .~ قاعد مع حمدان . . هالإنسان من كثر ما أبويه بالمستشفى مودر الشغل . . وكل مرة أجازة !!!! والله أبويه شكله متساهل وياه لأنه مشغول بسالفة ديمة حمدان [ يشرب العصير ] : إنزين تعال يا ريال ما قلتلي . . من سعيده الحظ الله عليك يا حمدان . . ما تنسى !! أنا: كملت أبويه يخطب لي بنت عمي عبدالله حمدان: أي وحدة أنا: عذبة . . حمدان [ يعقد حياته ] : بس ما أذكر صار بينكم موقف . . ولا شيء أنا: جي أحسن . . نتعرف بعد الزواج . . حمدان: ناوي زواج ! أنا: يمكن . . ليش لا ! حمدان: بس مب قبلي . . ! أنا: أنت يمكن مطول . . حمدان: لا يا ريال . . أنا مكلم الواحد يخطب لي بعد أنا: عيل ليلتي وليلتك وحده حمدان [ يضحك ] : أفا عليك الغالي ابتسمت له . . من يوم ما سهيل يداوم وكثرت طلعاته . . صرت وايد مع حمدان . عرفت عنه أشياء ما أعرفها قبل !!! سلطان .~ بعد نص ساعة من الشغل . . قدرنا نمسك فوق 20 شخص . . الشقق كانت مشبوهه . . وأماكن دعارة . . ناس شفناهم بأوضاع محرمة !! جفنا شاشات تعرض أشياء مخله بالآداب . . ! مخدرات وسكر وعربده . . ومغاني . . هالمرة قبضناهم . . حتى المسؤول عنهم كان موجود ابتسم منصور وهو يربت على كتفي . . منصور: كنتوا قد الثقة . . والحمدلله هالمجموعه من تضم أشخاص من أعلى المستويات . . الدولة صارت تطاردهم من سنين . . وأنتوا فكيتوا البلاد من شرهم سهيل: هذا واجبنا سيدي . . منصور: بس من كلمة سيدي . . نحن برع الدوام . . أنا: بس نحن في مهمة رسمية منصور: وهذي المهمة اخلصت . . يلا ردوا بيوتكم . . ولكم أجازة . . ابتسمت .. الليلة برجع بيتي مرتااح . . هم وإنزاح . . منصور خلانا وراح . . نزل بالدري . . هو رياضي . . بس أنا منهد حيلي . . من بعد المجهود الي سويته سهيل: اللفت ؟ أنا: هيه ركبنا االلفت . . بس على حضي . . انفتح على طابق وبالغلط طلعنا منه حسبالنا وصلنا بس في وحده . . طلبته وركبته وخلتنا برع !!!!! أنا [ بصدمة لما تسكر اللفت ] : هذي تستهبل سهيل: ههه يا ريال نحن طلعنا . . بعد شو ؟! يلا ننزل بالدري . . أنا: والله ما أنزل . . يلا بتريا أنا بهاللحظة بديت أسمع أصوات دق . . ودق عنيف . . سهيل: شو هاا ؟ مشيت أدور مصدر الصوت . . وشفته في شقة رقم [ . . . ] . . أنا: تبون مساعدة ؟ سمعت صوت بنت تصيح: هيه . . دخيلك والله أختي بالغرفة معاه . . والله خايفة عليها . . هيه بأمانتي عديت 1 ، 2 ، 3 ، وبديت أضرب الباب لين كسرته سهيل: يمكن هالبنت كذابة ؟!!!!!!!!! دخلت . . وأنصدمت من اللي شفته مرييييييييييييييييييييييييم !!!!!!!!!!!!!!!!!!!!!!!!!!!!!!! شو تسوي إهنيه . . وبعدين من اللي داخل معاه ؟! ووين ؟!!!!!! مريم [ بصدمة ]: سلطان ؟.. مسكتها من شعرها . . أنا: شو تسوين إهنيييييييييييييييه ؟ مريم [ تشهق ] : عقب بفهممك . . مهوي داخل . . هديتها . . رحت للغرفة الأولى بطلعتها ما شفت حد . . رحت للثانية . . شفتها مقفولة . . تميت أدق الباب وأهدد . . وأقول بذبحك . . لين ما طلع واحد . . عرفته .. هذا أنا أعرفه !! هو [ بصدمة ]: سلطان . . ! أنا: وينها أختي وين . .؟ ركضت داخل . . شفتها لاويه على روحها باللحاف وتصيح بكل ما أوتيت من قوة ! أنا [ أصرخ ] : شو سويييييييييييييييييت فيها ؟! شووووووو ! مها ما على لسانها غير كلمة بمووووووت . . كله من مريم . . أذبحني . . لقيت ملابسها على الأرض . . طلبت من مريم تلبسها . . صح إني بعدني لازم أكلمها . . وكلام مها خلاني أعيد النظر فيها . . مريم مب أختي . . مستحيل في أخت تسوي جي بأختها !!! خليتها تلبسها لأني ما أقدر !! وهي مب قادرة توقف على حيلها أطالعت فارس .. صديق العمر . . إطالعته بنظرة قاسية . . من النظرات اللي تعلمتها من الشرطة . . نفس النظرة اللي أطالع فيها المجرمين والحثالى اللي توني مسلمنهم للعدالة تقربت منه ومسكته من رقبته . . أنا: جذه تغدر باخوك . . بربيعك !!! فارس: سلطان . . أنا مستعد أتزوجهها والله أنا: انا ما أتشرف فييييييييييييييك . . مريم : سلطااااان مها طاحت ما أعرف شو فيها . . ! ركضت لها وشليتها . . حطيت سهيل مفتاح السيارة . . وسيدة للمستشفى تعمدت أروح مستشفى ثاني بعيد . . عشان أضمن أنه أهلي محد فيه . . لأنه أعرف المستشفى [ . . . ] فيه أهلي عشان بنت عمي !! مايد .~ عمي سلطان طلبنا للإجتماع . . طلب حضور أشخاص رئيسين . . عمي عبدالله وحرمته . . وأبويه وأميه . . مرت عمي سالم أنا [ ما أعرف ليش طلبني ] . . وكان معاي بالمكتب . . خالد وحرمته اللي متغطية ! عمي سعيد . . كان موجود بعد . . ذياب وحمدان أبويه: سلطان أعتقد الكل موجود . . ولا تتريا حد ؟ عمي سلطان: ديمة . . شوية جفت غاية تقود ديمة . . وقعدتها على كرسي . . ووقفت يمها ! شو السالفة ؟! عمي سلطان: أنا عندي لكم موضوع مهم . . [ يطالع عمي سعيد ] سعيد خطب مني ديمة . . وأنا وافقت في حالة موافقة ديمة . . أبويه: بس . . [ يقاطعه عمي سلطان ] . .: هذا الشيء راجع لبنتي ,, [ يطالع ديمة ] ديمة شو رأيج ؟ ديمة: اللي تشوفه أبويه . . [ تحرك إيدها بالهوا ] أبويه أبي أروح غرفتي . . عمي سلطان: دقايق وبتروحي . . [ يطالعني ] مايد عندي طلب أتمنى ما تردني أنا: أف عليج عمي . . تم أمره بدون ما أعرفه عمي سلطان [ يبتسم ]: أنا بخلي سعيد يملج على ديمة ويشلها يعالجها وأبيك تعرس على غاية وتأخذها معاهم تعاونه على ديمة . . غاية [ تطالعني بصدمة ] : بس مايد . . عمي سلطان: عاد قال تم . . أنا: غاية . . أوعدج لا ردينا أسويلج عرس لا صار ولا أستوى . . غاية: لا أنا مستعدة أتنازل عن عرسي . . عشان أختي [ تمسك إيدها ] عمي سلطان: هالشيء أنحل . . [ يطالع عمي عبدالله ] بس يا عبدالله في ناس عتبانين عليك يا أخوي عمي عبدالله: منو ؟ عمي سلطان : ذياب . . يقول أنه الي ياي لبنتك تخطبها . . سمعته مب زينة . . [ بصوت عالي ] لهالدرجة مرخص بنتك . . أعتمدت على أنه ولد ربيعك وبس عمي عبدالله: أفا عليك يا أخوي . . أنا بعدني ما وافقت . . بس كلمت البنت .. عمي سلطان: ذياب كلمني وخاطره فيها عمي عبدالله: هيه من صوبه . . شوي وحده من بنات عمي تدخل . . : يبااااااااااااااااه أرجوااااااان ما أدري شو فيها ؟! . |
شوووووووووو ستواا لنانا ومهووي حراااااااااام كله بسسسسبه مريم صدمه م توقعت فارس ربيع سلطان >< حرااااام والله بارت حزين وديمو حرام اهئ اهئ اهئ وخلود زين اعتذر لنانا وتسلمين ع باااارت الغاوي يجننننننننن |
يسلمووووووو على هالبارت اللي في غاية الروعه نتريا البارت اليديد لاغ تتاخرين علينا |
بارت يدندن . . ههه . . !! بانتظار الي بعده . . |
البوح الثاني والعشرون .~ بعد مرور أسبوع .. ! بالويك أند . . بالأخص بيت سلطان . . أرجوان .~ صايرة وايد أخاف على ولدي . . وكله أحلم أنه بعيد عني . . صرت أخاف وأفز من نومي . . أخاف يشله عني أبوه . . لكن الكل أكد لي . . أنا مستحيل هالشيء يصير . . ! الشيء اللي طمني أكثر أنه طلعوه من المستشفى أمس . . ويابه حقي أبوه بيده . . الكل ساعدني بترتيب الغرفة له . . ذياب أخويه شرا منز [ سرير ] كيوت حقه . . جوري وجنان . . ساعدوني في ترتيب ملابسه . . الكل مهتم فيه . . خالوه عايشة [ تدخل ] : شحاله ؟ أنا: نايم . . من متى يصيح . . وتوه نام خالوه عايشة: ترا اليهال جي . . يبالهم وقت عشان يتعودون . . أنا [ بتعب ] : عاد اليوم الجمعه . . أجازة وورانا عفسة بالليل خالوه عايشة: عاد أنا اللي ما بخليج تتعبين . . تمي بغرفتج أنا: خالوه هذيل خواتي ! خالوه عايشة: أدري خواتج . . وبتفرحين فيهم . . بس لا تنسين أنج بعدج بالأربعين وتعبانة أنا: إن شاء الله . . شيء ريوق ؟ خالوه عايشة: هيه . . يلا ننزل تحت عشان تأكلين شليت شيلتي ولبستها . . ورحت صوب سرير سلطوني . . جفته واعي ويحرك أيده بعشوائية أنا: طاع . . وعى خالوه عايشة: كم مرة أقولج قمطيه . . عشان جي وعى . . عوديه على القماط أنا: زين خالوه . . بس تراني ما أعرف خالوه: بعلمج بعدين . . يلا تعالي تريقي من أمس مب ماكلة مب زين . . دامج ترضعينه بعد أنا: إن شاء الله خالوه شليته . . بعدني ما تعودت أشله . . أحسه ريشة ما شاء الله عليه . . أوقات أخاف يطيح من إيدي نزلنا الصالة . . وجفت الكل قاعد يتريق . . الكل بدون إستثناء . . ! أنا: السلام عليكم الكل : عليكم السلام أبويه: فديته السمي . . [ يمد إيده ] هاتيه سمي يده خالد [ يطالعني ] : أبويه ولدي سميك قبل ولدها . . أنا [ أبوز ]: عاد كله يغارون . . كله يغارون الكل ضحك . . عطيت سلطان ولدي لأبويه . . الكل صار يعرف عن عيال خالد .. وأكتشفت انه أبويه يعرف . . بس سكت !! وقاله أنه يرد يسكن بالبيت ويانا . . عشان بدور ما تتعب بروحها مع اليهال .. بدوري الصغيرة تعودت على الكل بسرعة .. وسلطان بعد . . بس شوية خواف !! جوري [ تكلم ديمة ]: ديموه حبيبي أنا بروح فوق . . عندي شغل كلية . . عادي أنا: خليها نحن كلنا معاها أبويه: هيه الكل موجود ديمة [ تبتسم ]: هيه جوري روحي قعدت أكل وياهم . . سلطان .~ من أسبوع وهذي حالتها . . منهارة . . ونفسيتها داون . . مريم فضحت نفسها جدام أبويه وأميه . . قالت لهم السالفة كلها كيف أنها عرفته بالنت . . كيف طرشت صور مها له . . كيف أونها تغيرت وتركته وكيف وصلت مها لين هنيه . . صارت هادية . . إنطوائية . . تخاف من قرب أي أحد ما صارت تروح الكلية . . بالمخلص المفيد . . [ ما عادت مها الأولية ] تغيرت . . تبدلت صارت إنسانة ثانية . . أبويه وأميه طالبيني في غرفتهم . . أكيد السالفة فيها مها . . دخلت الغرفة وسكرت الباب . . وبست رأس أميه وأبويه أبويه: إقعد قعدت . . : آمر الوالد . . بغيت مني شيء ؟ أبويه: أختك حالها تبدل . . أنقلب وايد تنهدت: شو بيدي يا الغالي . . ما خليت شيء ما سويته . . أبويه: تعلقت فيك لأنك أنت اللي شليتها . . [ يبتسم بحسرة ] أنا أبوها لو لمستها تصارخ وتدورك . . غمضت عيوني . . ما نسيت يوم كانت بالمستشفى . . وتصارخ بصورة غريبة لو تقرب منها دكتور . . صارت عندها عقدة نفسية من الرياييل . . بالبداية استغربت شمعنى أنا !! بس الدكتورة النفسية قالت أنه أنا اللي شليتها فتعتبرني الأمان والي مستحيل يضرها . . أنا: أبويه أنا مقرر أسفرها علاج برع . . بس اللي واقف جدامي حرمتي الي وقت ولادتها قريب أبويه: لو حرمتك وافقت بتسافر وياها ؟ أنا: هيه الغالي . . أبويه: حرمتك ما بتوقف في طريق صحة وحياة أختك . . هيه اللي كلمتني وأقنعتني عشان أخليك تسافر ويا أختك . . ترا كلمت مايد بيحجز لكم وياهم أنا [ عقدت حياتي ] : متى كلمتك ؟ أبويه: سير زهب أغراضك الليلة أخوك بيشل حرمته . . وسعيد بيشل حرمته . . وأنت سير وياهم أميه: ودير بالك عليها . . أنا [ أقوم وبست رأسهم ]: أختيه بعيوني . . عن أذنكم طلعت من غرفتهم . . جفت راشد يلاعب ميرة بالبليستيشن . . أنا: ماشي مذاكرة ؟ راشد: أخ سلطان اليوم اليمعه !! أنا [ ابتسم له ] : احينه الساعه 11 لاعبها بس لا تنسى الصلاة راشد: أفا عليك أخويه . . ما بنساها ميرة [ تقوم ]: سلطوني . . أبا اروح عند سمية . . أنا [ أنزل لمستواها ]: شو تبين في سمية ؟ ميرة [ تبوز ] : مها الي دوم تلاعبني مريضة . . وما تبيني . . ومريوم أنا ما أحبها . . ورشود ولد . . [ تبتسم ] أبا اروح لين سمية . . بسولف ويا البيبي مالها . . أنا: بعد شي سوالف . . [ أغمز لها ] بوديج بس لا تأذينها . . ولا تتعبينها ميرة: أوكي . . [ تشوف راشد ] خلاص أنا بروح . . ألعب بروحك راشد [ يقوم ويبند اللعبة ]: أنا بسير أتجهز للصلاة شليت ميرة . . ورحت غرفتي أنا: سمووي عندنا ضيوف طلعت سمية من غرفة النوم . . [ أول ما ندخل غرفتنا فيه صالة قعدة وعقب غرفة النوم ] سمية: حي الله ضيفتنا ميرة [ تحرك أصابعها ]: أبا حليب بالفراولة . . سيري ييبيلي سمية [ تضحك ] : إن شاء الله .. [ سارت يابت عصير بالفراولة موجود بالثلاجة الموجوده ] ميرة [ تطالعني ]: حرمتك ياهل ؟ تشرب حليب بالفراولة ؟! ضحكت . . : لا حبيبي هذا حقي . . ميرة: هيه . . أنا أقول سمية ياهل . . ما تشرب الأشياء مال الكبار كيف عندها حليب بالفراولة ضحكت . . وضحكت سمية . . ! أطالعت سمية : سمية متى كلمتي أبويه تحاشت نظراتي : كلمته . . ترا جهزت أغراضك . . بس بقى لو شيء زيادة تبيه . . وأغراض اختك جاهزة أنا: ليش خبيتي عني ؟ سمية : قوم سير أسبح وراك صلاة دخلت أسبح . . بعد ما خليت ميرة ويا سمية . . هالثنين هم حياتي . . ومها بعد . . الله يقدرني وأردها طبيعية وأنسيها كل اللي صار لها عذبة .~ بعد ما خلصنا صلاة . . نزلنا تحت نتغدى . . أبويه: نادية لا تنسي العصر تكوني في بيت أخويه عشان البنات اميه: إن شاء الله . . أكيد بكون معاهم روضة [ تطالع أبويه ] : كلنا بنسير ؟ أبويه: الي يبي يسير يروح . . والأفضل تروحون مع أمكم لأنه أنا بروح مع الرياييل المحكمة بيملجون ما كنت أقدر أكل . . كلت كم لقمة وقمت أبويه: وين ؟ أنا: شبعت أبويه ابويه: روحي غرفتج وأنا بعد شوية بييج . . عندي كلمتين وياج أنا: إن شاء الله رحت تغسلت . . وعقب رحت غرفتي . . قعدت أتريا أبويه . . ! شو يبي ؟!! أبوي [ يدخل ]: أقدر أدخل ؟ أنا [ أعتدل بالقعدة ]: حياك .. أبويه [ يقعد يمي على الكرفاية ]: شحالج ؟ أنا: الحمدلله . . بخير أبويه: أنا بدخل بالموضوع مباشرة . . تذكرين يوم قلتلج ولد ربيعي يبيج .؟ أنا [ هزيت راسي ] . . أبويه: إنسيه .. أنا أدري انج ما تبينه . . وهو مب مناسب لج . . [ يبتسم ] بس في شخص ثاني يبيج نزلت راسي . . أبويه: ولد عمج ذياب . . شو راييج؟ أنا: الي تشوفه ابويه أبويه: ما في شيء اسمه اللي تشوفه أبويه . . افرضي راييج أنا: إذا هو زين . . ومناسب . . شو الي يمنع اني ارفض . . أبويه: صلي الاستخارة . . وعندج كم يوم تفكرين فيه . . [ يقوم ] لو تستحين تخبريني خبري أمج طلع . . ذياب يا ذياب . . المفروض أقعد معاك .. وأفهمك حالتي . . قبل لا يصير أي شيء !! بدور .~ قاعدة مع خالد . . وعياله بغرفتنا . . سلطان نام من ساعة . . وبدور قاعده ترسم بدفترها خالد : ما بتروحو الصالون ؟ أنا: والله ما أدري . . خالد: خليهم اييون لكم البيت . . عشان ديمة أنا: بجوف خالوه عايشة أول . . أرجوان بعد ما بتقدر تروح الصالون خالد: قولي حقها لا تفرد شعرها جدام حريم الصالون .. شعرها ما شاء الله طويل أنا [ ابتسم له ]: شو تبيني أنا أسوي ؟ خالد: عراحتج . . أبطل شعري . . أنا [ أحركه بيدي ]: شرايك أقصه وأصبغه ! خالد [ يعقد حياته ]: أي لون ؟ أنا: ماعرف . . خالد : بتصبغينه بس مب كامل . . شعرج أسود ملكي حلو !! . . أنا : والقص ؟ خالد [ يبتسم ]: عشان أقص رقبتج أنا [ أوني أشهق ]: أوييه خالد[ يضحك ] . . بدور الصغيرة: ماماه أبا أروح الروضة ! اطالعت خالد . . خالد: من يوم توفت يدتهم وهيه ما راحت الروضة أنا: بس أنت ما قلتلي . . احينه من اسبوعين غايبة !! خالد: يوم الاحد وديها . . [ يتمدد ع السرير يم سلطان النايم ] أنا بنام إطالعت بدور الصغيرة : حبيبتي أنتي .. أنا بوديج الروضة . . [ أكلم خالد ] عادي ننزل تحت خالد: روحوا . . بس البسي شيء ثاني لبست لي جلابية طويلة . . وحطيت شيلة سودا ع راسي . . بعد ما لفيت شعري أنا:خالد أنتبه على سلطان عن يطيح خالد: زين قعدنا بغرفة البنات [ جوري وديمة ] ومعانا الكل . . [ أرجوان ، جنان ] قوم عذبة وعليا الي توهم وصلوا أرجوان [ تتطالع ولدها الممدد على كرفاية جوري ]: يا ولد . . متى بتنام !!! أنا [ ضحكت ] : شفيج ؟! أرجوان [ متغصصة ]: من متى واعي وللحين ما رقد ! ديمة [ تمد ايدها ]: هاتيه . . أبا أشله أرجوان [ تبتسم ]: إن شاء الله . . [ شلته وحطته على ريل ديمة ] شوف حبيبي هذي خالوه ديمة ديمة [ تتلمس ويهه ] : فديته حبيب خالوته بدور [ تروح يمهم ]: أنا بعد حطيه منيه [ تقصد على ريلها ] أرجوان : إن شاء الله حبيبتي . . [ شلته وحطته على ريل بدور بس بعدها ماسكتنه ] بدور [ تبتسم ]: صغيييييييير أرجوان : ماماه بعد بتيب بيبي بدور: هيييه [ بوناسة ] أبي بنووته ! أنا [ أبتسم لها ]: حتى أنا ابي بنوتة أرجوان [ تشل الولد وترده جدامها ع الكرفاية ] : جوريووه شو تسوين ؟ جوري: بروجكت . . ديمة: أحس الي صار لي عقاب . . أنا ما كنت أبي أدرس . . والله عاقبني إني انعميت وما عدت أقدر أدرس أرجوان [ تحضنها ]: حبيبتي إرضي بقدر الله سبحانه . . وإن شاء الله بتتعالجين وبتشوفين . . ديمة: تشوفون زواجي من سعيد صح ؟ أرجوان: أكيد صح . . دامه يبيج وأنتي تبينه . . وأبوج موافق . . بيكون صح جنان [ تغير المود ]: وبتصيرين مرت أبويه !!! [ تفكر ] مممم . . عاد تبيني أقولج عمووه ولا خالوه ديمة ضحكت . . وضحكت من القلب . . والكل قام يضحك معاها . . حتى بدور اللي ما تعرف شو السالفة ضحكت ! غاية .~ احينه قبل العصر بشوي . . وأتفقنا أنه كل البنات يكونوا بملحقنا عشان ناخذ راحتنا.. أرجوان خلت ولدها مع أمي . . وبدور مخليه بدور الصغيرة وسلطان عند أبوهم . . ومال الصالون المفروض ايوونا بعد شوي بدور : أكيد خلود احينه متغصص منهم . . [ يرن فونها ] ما قلتلكم . . [ شلته ] هاه خالد ؟! زين شل سلطان معاك الصلاة وييب بدور عندنا . . نحن حريم وولدك بتخرب علينا . . روحه حركي بزياده . . وأهنيه فيه سوالف كهربا .. [ تضحك ] زين . . هيه لبسه كندورة . . أوك . . باي منال [ أختها ]: شو بعد ! بدور: بييب بدوري أهنيه . . وبودي سلطان معاه الصلاة وعقب المحكمة . . أنا ما أقدر عليهم [ تأكل ليمونه ] روحي أحس بلووعه !! أنا : أقولكم . . ديمة [ أطالعها ] شو بتسوين ؟ ديمة: ما أدري . . بس ما أبي ميك أب . . بس شعري أنا: ولا خفيف ديمة: لا . . أخاف ابتلش فيه . . [ تضحك ] روحي ما أحب الميك أب !! أنا: زين شو ألبس . . ! أرجوان : ألبسي شيء تقدرين عقب تفصخينه بدون ما تخربين التسريحه والمكياج . . فتحت الكبت . . شفت قميص حفر . . بس له فصم من ورا . . ! أنا: ها اوك ؟ أرجوان: هيه . . وببعدين اهنيه كلنا بنات محد بيشوفج . . أنا: أوكي . . رحت الحمام . . بدلت ملابسي . . ولبست بنطلون وهالقميص . . وبالمرة توضيت ! أنا: ترا أنا متفقه اييبون ثلاث . . ثنتين حق العاديين ووحده حق العرايس أرجوان : أنا بكون مع مال العرايس ! أنا [ عقدت حياتي ] : ليش ؟! أرجوان : عرووس الكل ضحك . . بدور [ ماسكة ايد بدور الصغيرة ]: وهذي العروسة الصغيرة يات أنا : فديتها . . [ أبوس خدها ] شحالج ؟ بدور الصغيرة: بخير . . أنتي العروسة ؟ أنا: هيه . . أرجوان [ يرن فونها ]: هاه ذياب [ تشله ] هلا ذياب. . صدق . . كم وحده ؟ . . ثنتين !! . . نحن قايلين ثلاث ! . . زين دلاهم الملحق . . بتروحون متى ؟! . . أها أوكي . . باي أنا: لا تقولين ثنتين يايين بس ! أرجوان : هو يقول ! شوية . . ووصلوا . . أنا: نحن مب قايلين ثلاث ؟! الكوافيرة 1: أيوا . . تبع المكياج بتحضر بعد ساعه . . بنكون خلصنا من تسريحاتكم الكوافيرة 2: مين العرايس . ؟ أنا: أنا العروس [ أأشر ع ديمة ] وهذي . . بس هذي ما تبي ميك أب وايد . . ياليت تسوون كل شي لها خفيف وسمبل بس يكون لايق لعروس الكوافيرة 2: أنا رح أمسك العرايس . . أنا اسمي جولي . . والتانية اسما دينا أنا: زين جولي . . بس تريوونا بنصلي وعقب بنبدا دينا: خدو راحتكون . . ما حنا موجودين للمسا صلينا . . وجهزنا . . جفت جولي شلت ديمه غرفة أمي المخصصة للعرايس شعرها قصير بتخصله من وقت دينا : أنتو كام وحده بدا تعمل شعراتها . . وايش بدكون تعملوا أرجوان : أنا أبي استشوره بس . . ويمكن أقصه شوي من جدام دينا: شعراتك لوين ؟ أرجوان: طويل . . لتحت الركب . . [ بخوف ] قولي ما شاء الله دينا: ما شاء الله . . ما تخافي ما بحسدكٍ .. أرجوان: زين خلصيني من وقت . . عندي ياهل صغير محتاج رضاعه وهيك دينا: إن شا الله . . بس شوف طلبات البأيه . . بدور: أنا أبي أصبغ واستشور . . دينا: الصبغات بالمحل . . ما جبنا شي . . بدور : هاه كله من خلود . . ما كان يبيني أصبغه !! دينا: هو جوزك ؟ بدور: أيه . . دينا: شعراتك سودا ما شا الله . . لا تغيري لونهن كرمال عيون جوزك الكل ضحك . . دينا [ تطالع عليا وعذبة وخواتهن ]: والصبايا عذبة: بس بنتشور شعرنا وتسحريه على ذوقكم جوري: هيه . . صدقها دينا: بدي شوف شو فساتينكون منشان أعرف شِكل التسريحه للي لابأه ليكون أرجوان: أنا بلبس فستان طويل لونه أسود وفيه ذهبي . . [ تأشر على واحد معلق ] هذا هو دينا:أوكي . . أرجوان : ترا منال نفسي بالضبط . . [ تأشر ع منال ] خليتهم بغرفتي ورحت غرفة أمي لانها مخصصه للعرايس . . دخلت وقفلت الباب جولي: هلأ إخلصت من التسريحة . . شعر ديمة قصير للفوق الكتف بشويش . . شسورته لها على داخل . . طالع كيوت عليها . . جولي: بدك تنتظري لتيجي تبع الميك أب . . وهلأ ببدا بالعروسة التانية ديمة: أوكي . . [ ساعدتها تعقد على الكرفاية ] جولي: شو بدكٍ تعملي ! أنا: أممم أبي شيء حلو ومناسب . . ترا فستاني فيه طرحه جولي: أوكي . . وبدت تسويلي . . ! وكل شوي مايد يتصل فيني . . بس أحقره . . قلتله ماشي تلفونات لحد من تشوفني عروس !! لين طرش مسج . . [ ملج سعيد على ديمة ] . . أنا: ديمة . . خلاص سعيد صار جوزك . . ديمة ضحكت بحيا . . أرجوان .~ عقب المغرب تقريباً خلصنا كلنا . . بس بقت غاية . . ! وبدوا المعازيم يوصلون . . محد غريب . . الأهل . . أهل أم مايد . . وبس أمينه: ست أرجوان . . جوزك عاوزك بالأوظة بتوع الضيوف انا: إن شاء الله . . ولدي وين ؟ أمينه: عندوه بالأوظة . . الواد ذياب حملوه أنا: اوكي . . رحت للأوظة . . ههه . . جفت منصور تطالع سلطان اللي بحضن ذياب منصور [ أول ما شافني وقف ]: ما شاء الله . . يبارك الرحمن أنا [ احمريت زود ]: منصور أخواني اهنيه ذياب: ترا المعاريس بيروجوا لندن . . مب ناوين تلحقونهم . . تعيدون شهر العرس أنا: ذيابووه !! ذياب [ يوقف وبيده سلطان ]: أنا بروح وولدكم رهينه عندي أنا: عطني ولدي ! ذياب: ماكو . . أنا: عطني ذياب: لا أنا: منصور خلاه يعطيني منصور: خليه يشله . . بتلعوز منه . . ذياب [ يتحرك يبي يطلع ] : بوديه عند خالوه عايشة . . ولا وحده من البنات أنا: إنتبه عن تكون وحده من البنات عاقة العباه . . ولا الشيلة ذياب: منصور ما بتخاويني [ يغمز له ] منصور: لا . . عندي القمر !! ذياب ابتسم وعقب طلع وسكر الباب . . أنا [ قعدت ]: يعني ما اشتقت لولدك .. خليته يشله ! منصور [يقعد يمي ]: إشتقت له . . بس اشتقت لأمه أكثر . . أنا: وين وين .! منصور [ يهمس لي ]: حد قالج محلوة اليوم ! أنا: لا . . منصور: حد قالج انج قمر !! أنا: أنت منصور [ يقرب مني ] . . أنا: منصور الباب مفتوح عن حد يدخل ! منصور: حرمتي كيفي . . [ يهمس ] أحبج !! ووووو [ هههه ] بعد كم دقيقة . . قدرت أفج نفسي منه !! أنا: أحم بس خلاص خربت مكياجي . . منصور: خلي حد يعدله لج [ يقوم ] أنا بروح صوب الرياييل طلع هو من الباب اللي على برع وانا دخلت صوب الصالة [ هالغرفة لها بابين ] . . جفت جوري شالة سلطان ويصيح جوري: ما أدري شو صار له شليته منها وهزيته وسكت . . جوري: ترا طيارتهم الساعه 11 بالليل المفروض يطلعون من وقت . . وأبويه قال ماله داعي سوالف العرس . . كل حد يشل عروسه ويروح أنا: هيه عشان يلحقون على الطيارة أنا: زين سمعي . . خالوه عايشة مزهبة غرفتين حق العرايس . . أول شيء بنطلع ديمة . . ع أساس سعيد يكون موجود قبلها بيتمون شوي .. وعقب غاية بالغرفة الثانية وبيدخل مايد . . وخلاص خالوه عايشة: منو بيدخل ديمة . . وغاية ؟ أنا: خالوه أنتي خليج مع ديمة . . قوم غاية أهل مايد وياها خالوه نادية: أنا بعد بكون مع ديمة . . بساعدها بكل شيء . . انا [ أطالع لبسهم ] لابسين مغربي جناااان . .: الله شو هالزين !! خالوه نادية [ تبتسم ]: وأنتي بعد محلوه بعد نص ساعه . . ديمة [ ماسكة ايد خالوه نادية ] : مابي ادخل . . خلاص غيرت رايي أنا: يلا عاد الريال من متى يتريا . . روحي بعد شوي بيي بصوركم . . بروح عند غاية . . هكي المفروض أنتي قبلها . . وهيه داخل وانتي للحينه برع !! ديمة [ تسمي بالرحمن ]: خلاص بدخل رحت صوب غاية . . قالت لي تبيني أصورهم .. أنا: يلا جاهزين . . غاية : هيه . . مايد [ يعقد حياته ] : شو !! غاية: صور . . حق الذكرى مايد [ بخبث ] : عيل أبا صور أحم أحم غاية [ تدزه ] : يلا عاد أنا: يلا يلا . . بسوي عمري ما أشوف . . غاية : خلاص أوك .. بس لا تضحكين مايد [ يرن فونه ]: وي تويت هذا سلطان أخوي [ يرد ] هاا يا مخرب الملذات . . [ يشهق ] شووووه !!!!!!! . . |
| الساعة الآن 07:09 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir