تسلم ايدج على البارت الحلوو **

ونتريا البارت الياي ❤❤'

البارتين روووووعه
الله ياخذ عوشه 😩 و منى 💔
قسم بالله غبي عليييي !
صصححح حليلها روضه توفت 😭😭😭💔 حرام علييييج
و بس 😓
تسلمين 😘

متى البارت ؟؟؟؟

نرقب . . البارتات اليايه

البارت ال27 *الأخيررر*
.
.
.
.
.
.
يوم عرس مريوم + حمد .... الكل مرتبش و من غبششه يايين حريم بيتنا عسب يباركون للعروس و أهلها ...... كلهم مستانسين و الشباب اللہ يخليهم ما قصصروا يفازعون و يساعدون ابويه و يديه ...... و انا و يزوي. و ميروه من امس نراكض من مكان لين مكان ..... امس سرنا باريس غاليري خذنا حق مريوم عططوور و علب مكياج .... و سرنا فيكتوريا سيكرت خذنا لها 5بجامات حلووه و 3 قمصان نوم ..... و عقب شفنا محل يبيع كريمات و صوابين .... شرينا كم صابونه و كريمين ...... بعدين خطفنا على داماس و كل وحده اختارت هديه ل مريوم .... انا خذيت سويره الماس تللمعع و سااعه .... و يزوي خذت سلسله فخمه شوي ... فيها ف النص ورده عووده حلوه ويا شغاباتها و خاتمهها ..... أما ميره قالت بتاخذلها ذهب ... سرنا سوق الذهب و خذينا طقم كامل ل مريوم ..... و بعدين سرنا برادا خذنا كم كععب و سرنا مانجو اخترنا لها كم فستان نعومي عسب تكششخ به .... ف يوم العرس الساعه 10 مريوم سارت تسوي حمام مغربي .... و 11 ضبط كانت ف الصالون .... و نحن تمينا ويا الحريم ... الساعه 3 سرنا الصالون .... طبعاً عوششه ويانا ..... و تلاقينا ويا بانه و ميثة بنت غبيشه و ساره بنتها ..... خلصنا كلنا ع الساعه 7 .....
يزوي : عنود اتصلي ل علي ...
انا : ليش ؟
يزوي : ايي يشلنا ....
انا : لالا انتي رمسي حمود ...
يزوي : مشغول يالس ويا الرياييل .
انا : علي بعد مشغول ..
يزوي : سيري ولي .... انا برمسه ..
انا : يزوييه ...
يزوي اتصلت له و رد ..
يزوي : هلا ولد العم ..
علي : مرححبآ ..
يزوي : مشغول ؟
علي : لا الشيخه .... آمري تبين شي ؟
يزوي : هيه أبغيك تخطف علينا ..
علي ابتسم : تآمرين .. مسافه الطريج و بكون عندكم ..
يزوي : تسسلم ...
علي : الا وينها حرمتيه ؟
يزوي طالعتني و قالت ب خبث : ما تبا ترمسك ..
انا زاعجت : جذااااابه ...
علي ضحك : هههه ماعليه قوليها دواج عققب ..
يزوي : يالله بقولها ... مع السلامه ..
بعد ربع ساعه علي اتصل و قال انه تحت ... كلنا تغشينا ... انا و مريوم و يزوي و ميروه و عوشه ... ركبنا كلنا ورا اما عوشه ركبت جدام و عقت غشوتها و علي استغرب ...
علي يطالعنا من الجامه : وين عنود ...
انا ب صوت واطي : هنيه ...
علي : اي وحده فيهن ؟
انا قرصت ميروه عسب ترمس ..
ميره ب هدوء : مب لازم تعرف ..
علي : ماعليه عنود ...
انا ابتسمت و مشينا كلنا للقاعه .. صدق ماكنت أباه يشوفني لأني مغيره ف عمري واايد .... وصلنا القاعه و نزلنا .... بس علي وقف جدامنا ....
مريوم : علي شو تبا ؟ أشكالنا غلط و نحن واقفين جيه ...
علي : أبا حرمتيه ... "طالع عوشه"
انا : عندك عوشه ..
علي طالعنا : وينها ؟ توها رمست ..
انا كتمت ضحكتي لان شكله يضحك .... مشيت و سرت ..
علي مشى وراي : مادري ليش احس انها هاي ...
يزوي تقلد صوتي : انا هني حبيبي ..
علي طالعها : لا مب انتي ...
ميره : حبيبي علاوي ...
علي ابتسم : لا تقصون عليه ...
انا وقفت جدامه : انا عنود ارتحت ؟
علي : والله كنت حاس ..
انا مشيت بسير بس سحبني من ايدي وانا تلخبطت .... كنت بتخرطف من الخوف بس رمت اسيطر على روحي ..
علي : شوفيج يابنت الناس ؟
انا : ماشي ..
عوشه : يعني ما بتدخلون ؟؟؟ خسنا من الحر ..
مريوم طالعت يزوي و ميروه : انا بدخل ...
دخلوا و خلوني ويا علي ...
علي مسك خصري : ليش ما تبيني اشوفج ..
انا : جيه ..
علي ركبني السياره و حرك ..
انا : علي خبل انته ؟ الناس يتريوني ..
علي : يتريون شو الساعه 7 ونص الحين ..
انا صديت راسي صوب الجامه ...
علي وقف السياره و زخ ايدي ......
انا حسيت ب قشعريرة ...
علي ب صوت حنون : حبيبي ...
انا حسيت ب قلبي بيظهر من مكانه جان اقول : ليش حرر ؟؟
علي خوز الغشوه و انا نزلت راسي ..... ابتسم و هو يشوف اللون الوردي عليه ..
انا رفعت عيني عسب اطالعه و شفته متنح ..
علي : اقري على عمرج ...
انا أبتسمت : يوم بسير القاعه . .
علي : لا الحين بتقرين ..
انا بديت أقرا على عمري و ابتسم وهو يطالعني .....
علي حرك السياره بيرجع للقاعه .... كنت بنزل بس مسك ايدي ... حبها و قال لي : لا تطولين ..
انا : اوكيه ...
نزلت و سرت داخل عندهم ....... دخلت و انا اسمع صوت الاغاني .... و ريحه الدخون و الدهن العود ...... المقهويات دخنوني ... و فصخت عباتي عند الاستقبال ...... حصلت اميه و يدوه و ام حمد و بانه واقفين عند الباب عسب يستقبلون المعازيم ...
انا سلمت على بانه و امها ....
يدوه : وين كنتي ؟
انا : ويا علي ...
يدوه : اقري على عمرج ..
انا : قريت ..
يدوه ابتسمت : تعالي وقفي ويانا ..
انا حطيت عباتي و يلست اسلم على المعازيم وياهم ....
بانه : محلوه ..
انا : ههههه ... انتي بعد ..
ام جاسم : مبروووك ..
انا و اميه و يدوه : اللہ يبارك فيج ..
ام جاسم طالعتني من تحت لين فوق : بنت منو هاذي ؟
انا ابتسمت : اخت العروس ..
ام جاسم : بنت سهيل ؟
انا : هيه...
ام جاسم : بخته من يضويج ...
انا : مشكوره خالوه ..
ام جاسم : الا انتي معرسه ؟
اميه : هيه ...
ام جاسم ب حزن : حسافه كنت ابغيج ل ولديه ...
يدوه : خلاص بناتنا كلهن معرسات .. ما ييتي من قبل ..
ام جاسم : هيه والله ... "طالعتني" انا يوم شفتها دشت خاطري ...
انا استسمحت منهم و سرت عند مريوم ...
مريوم تتنفس شوي شوي : خاااايفه ...
انا : لا تحاتين مافي شي يخوف ...
مريم شربت ماي : احس بطني يعورني ..
انا : ارتاحي شوي ...
مريوم يلست : شو الجو برا ؟
انا : حلوو .... وايد معازيم و حمد ما شاء الله عليه مرتب كل شي ....
مريوم : فديته ..
انا ابتسمت ...
حطوا العششا و عقبه بـ دقايق قالوا العروس بتدخل .. دخلت على زفه ب اسمها ..... و الكل يسمي و يقرأ عليها ...
عند الرياييل الكل مرتبش و يرزف ......
علي : مبروك حممد ..
حمد : الله يبارك فيك ...
علي سار يرزف : تعالوا يبسوا ويايه ..
محمد ابتسم و سار صوبه ...
كانوا حاطين شاشه فيها العرس عند الرياييل و مريوم عينها على حمد .....
بعد شوي دخلوا الشباب ... *حمد و أبوه و يدي و محمدو حامد*
حمد حب راسها : مبروك ..
مريوم : اللہ يبارك ف حياتك ..
تصوروا وياها و عقب ظهروا الشباب و تم حمد بروحه ....
انا و يزوي و ميروه سرنا صوبهم ...
انا : مبرووك عليك اختيه ياالنسيب ....
حمد ابتسم : فديت اختج انا ..
يزوي : لالا بدينا ب التفدي ؟
حمد زخ ايدها وهي ترجف ب كبرها ..
ميره : يالله سيروا قصوا الكيك .....
حمد سار وياها لين الكيكه و قصوها .. آكلها و المصوره الفلبينيه ع كل شي تصور ....... شربوا العصير و عقب ردوا يلسوا مكانهم ... عسب الناس تيي تسلم ....
اميه لوت عليها : مبرووك غناتي ...
مريوم : الله يبارك فيج امايه ..
حمد حب راس اميه ..
اميه : ما أوصيك ...
حمد قاطعها : ف عيوني وإلله ..
يوم بدت الناس تروح سلموا علينا و ساروا الفندق لان باجر من غبشه بيسافرون ...
.
.
.
.
.
.
.
.
###بعد شهرين###
* مريوم و حمد سافروا شهر العسل تركيا و تموا هناك شهر كامل و عقب ساروا فرنسا ...
* بانه و زايد عرسوا بعد و سافروا سويسرا ..
* ميره و سعيد سافروا جزر المالديف و شكلهم ما يبون يردون لووول....
*يزوي و محمد لفووا الامارات كلها بس ما سافروا..... و يزوي حامل ...
*حامد بعده ماعرس و الكل يجهل السبب ..
* حمدان يدوه تمت تحن ع راسه و تقول له عرس لكنه حلف انه ما يععرس .....
* منى تقدم لها كم واااحد بس رفضتهم .... لان خلاص حب حياتها سمته ب اسم علي .... و علي يحب غيرها عشان جيه وقفت الاعيبها و حركاتها ..... و ما بينها و بين علي شي غير الشغل و اجتماعات الششركه...
*عوشه يأست من علي وااايد بعد ما عرفت اني حامل ... و هي مب حامل من علي .... و طلبت منه يطلقها ..... دام انه ماخذنها زينه ...... و ام عوشه وايد زعلت و عصبت على ام علي و الحين ما يرمسون بععض ..
*غبيشه بدت تتقبل ميره اليديده ..... و ساره استوت قريبه من ميره و سعيد .... و حلفوا أنهم يوم يردون بيسافرون روما ويا ساره ....
*انا وعلي عايشين احلى حياه ... و علي استانس اكثر يوم عرف اني حامل ..... سافرنا لندن شهر و ردينا ..
.
.
.
.
.
.
ف جزر المالديف ع البحر ....... الساعه 10 الصبح ...... مجابل البحر يالسين يتريقون .... و الجوو وايد حلووو ..... هووى يهب عليهم كل دقيقه و الثانيه ......
سعيد ابتسم و شل خبزه فيها عسل و جبن : قولي آآآآآ...
ميره فجت حلجها : آآآآآآآ ...
سعيد : ههههه استويتي اسد حبيبي ..
ميره بلعت الاكل و ضربت جتفه : لا تطنز ..
سعيد مسك ايدينها و حبها : فديت المعصبين .... شكلج مؤول مب حلوو و انتي معصبه ..
ميره عقدت حياتها : تراك مستوي سخيف ..
سعيد حط ايده على حواجبها : افرديهم .... اللي يعصبوون وايد مب شي ....
ميره : زين ....
سعيد طالع البحر : لا تخليني أفرج ف البحر الحين ...
ميره : لالا خلاص توووبه ....
سعيد ابتسم : هيه خلج جذه ...
ميره مسكت ايده بقوو : حبيبي احس ب عوق الربا ..
سعيد استغرب اول شي و ما استوعب ... عشان جيه ما رد عليها ...
ميره : سعيييييد ...
سعيد طالعها : شو تقولين ؟؟؟
ميره : بربي ....
سعيد : صدق والله ؟؟؟ قومي بنسير المستشفى ....
ميره : يالله ... "مشت وياه شوي شوي لين ما ركبوا السياره و ساروا"
سعيد : مب مصدق ان ولدي بينولد اليووٰم ...
ميره ابتسمت : وانا مب مصدقه ان ولدي بينولد برا البلاد ......
وصلوا المستشفى و نزلوا .... ميره استلموها الدكاتره و سعيد يحااااتي و يدعي ربه ف كل دقيقه ان الله يسهل ع مرته ...... بعد اقل عن ساعه ظهرت له الدكتوره ....
الدكتوره ابتسمت : Congratulation ... For the handsome boy....
سعيد ابتسم و قال : ثانكيو ..... الحمدلله يارب ... الحمدلله ....
شاف النيرسات شالين ولده و سار ورآهم يبغي يشووفه ابتسم يوم شاف ولده وحس بـ فرررررحه ما تنوصف .... خلاص من اليوم ورايح هووو ابوو .... بو راششد ..... حط ايده ع الزجاج من ورا يتحسس ولده و من فرحته ساار طييررران للغرفه اللي حاطين فيها ميره ....
ميره ابتسمت ب تعب ..
سعيد حب يبهتها : شحالج حبيبي ؟
ميره : بخير ... شفت ولدنا ؟
سعيد : هيه شفته رشود فديته ..
ميره غمضت عينها ...
سعيد : ريحي غناتي ...
بعد ساعتين يوم نشت يت السستر ويا راشد عسب ترضعه ميره .. انتشر خبر ولاده ميره ...... و كلهم استانسوا ...
.
.
.
.
.
.
.
يزوي : حموووود نش ... عندي مراجعه ...
محمد يتجلب: خليني راقد ...
يزوي : لا اله الا الله ...
محمد فيه ضحكه : محمد رسول الله .....
يزوي : حموووووووود....
محمد : يالله نشيت ...
سار تسبح ع السريع و لبس بنطلون جينز اسود و قميص رمادي ....
يزوي : ما بغيت ...
محمد مسك ايدها و ساروا المستشفى ... و خبروهم ان البيبي اللي ف بطن يزوي هو بنت ..... يزوي قررت تسميها شيخه على اسم المرحومه امها ...... محمد أستانس وايد ومن الوناسسه كل شوي يقول علني فداااا بنتي شيخه و علني فدااا امها اليازيه ........ وقال حلوو اسم شيخخه ..... لانه اسسم شيوخي .. *خقاق* ههههه ...
يزوي طالعته : وايد مستانس ؟
محمد ابتسم : هيه وااايد ..
يزوي : احبك محمداني ....
محمد حب خدها : وانا احبج يزوي ..
.
.
.
.
.
.
.
.
مريوم عدلت له كلر الكندوره و دخنته ..
حمد أبتسم : بس بس ..
مريوم : اصبر شويه ...
حمد : لا تحسسيني ساير اعرس ...
مريوم : قصوووووورك ببععد ..
حمد : عندي القمر ... شو ابا ف النجوم ..
مريوم : اصلاً انا ما اتعوض .....
حمد : وانشهد ....
مريوم حطت له دهن عود : اليوم اليمعه ... ما تباني ادلعك ..
حمد حب ايدها : امبلا .....
مريوم : خلاص عيل ...
حمد عدل غترته و جابلها : احببج يااا شيخه الحريم كلهم .... فذمتيه انج ما تسوينهم ...
مريوم ابتسمت : انا اكثثر .. يالله سير عن تتأخر ..
حمد : تبين الفكه مني ؟
مريوم : لا حششى بس عميه يترياك ..
حمد حب يبهتها : يالله مع السلامه ..
مريوم : ربي يحفظك يالغالي ..
.
.
.
.
.
.
.
انا حبيت خده : احبك ..
علي : والله العظيم ما انخلق اللي يحبج كثري ..... اموت فيج يا بنت الناس ...
انا ابتسمت : انا بعد ..
انا : انا اكثر ...
علي : لا انا ..
انا : لا تناقشني انا أكثر ..
علي : جب انا اكثر ..
انا : اوكيه...
علي : اللہ لا يحرمني منج ....
انا : ولا منك ..
علي ابتسم ...
انا حطيت ايدي على لحيته : لا تلوموني في حبه ..من زمان القلب مولع به اعشقه واهواه من قلبي ولو يعذبني راضبه...هوه دوايه وسبة جروحي..وهوه ياللي في وسط روحي..له انا افضيت بالصوحي ..صاحبن قلبي تعلق به...
علي حط ايده ع شفايفي : لو جفاني ولو يعذبني ولو على موتي يطالبني ولو ببحر الحب غرقني ....له غلا لعروق سارت به..خبر المظنون ع حالي دايم روياه ع بالي يشهد الله يا عرب غالي..والليالي حيل غلت به...
انا لويت عليه : اللہ لا يغير علينا ...
.
.
.
.
.
.
.
.
انتهت الروايه ب نهايه سعيده <3 مشكورين على دعمكم لي و تشجيعكم و حماسكم الروآيهه ... أحبكم وايد و صدق ردوودكم تفرحني و تحسسني ان الروايه ناجحه .... و احب اشكر كل الزوار و القراء و الأعضاء اللي شجعوني من ضمنهم :
- Bora
- MONALISA
- بنوته عاديه
- بنت ابوي
- Aryami12
-بنجلور
- Froza al3ain
- Nb'9 al8lb
- M7d shratii
- مزاجيه خطيره
-Fox almzro3i
- ليمونه44
-ريم المزروعي
-مســ دفاشه
-Shs_ak
و في وايد غيرهم من الاعضاء اللي يقرون روايتي ب شكل دايم بس نسيتهم ... . نسيت اساميهم ولا كنت بكتبها . . . احب اقولكم لولا ردودكم الحلوة جان ما نجحت الروايه '♡♡♡ . . و أحبكم وااايد تريوني ف روايتي القادمةة و مشكورين على كل شي . . و السموحه من الجميع ... مع تحياتي :
*دآهيهـ ......
.
.
.
.