|
نتريآآ الباارت.:ax: |
روايتي الاولى / مثل النجمة و القمر كبر حبنا و اشتهر البارت 23 ( بعد سنه ) انا : ( لين الحين ماقمت من الغيبوبه طبعا الاهل قالوا لازم نوديها برع البلاد لان هناك عندهم اجهزه اكثر وجي ، كل 3 شهور اي واحد من الشباب اللي هم : حمد ، حمدان ، سيف ، جاسم ، سالم ، زايد ) سيف و فاطمه : هاذي الثلاث شهو المفروض سيف يسير لكن طلعت فاطمه حامل و قال سييف لازم اتم وياها ، طبعا هم عرسوا لان الاهل اصروا عليهم حمدان و هيا : لين الحين ماعرسوا ع قولتهم كيف نعرس و شهود مب موجوده ، الاهل يحاولون وياهم لكن هم رافضيين سعيد و ندى : تزوجوا و الحين هم عايشين بسعاده و اللي زاد سعادتهم الولد اللي ف بطن ندى اللي قربت ولادته خليفه و شوق : اكيد استغربتوا صح ؟ من يوم لبعسد اللي طاف و اثنينهم يفكرون ف بعض و خليفه ما تحمل و سار خطبها و شوق استأنست وايد و طبعا وافقت و ملجتهم بتكون الاسبوع الياي سلطان و شيخه : كل يوم يزداد حبهم لبعض لكت لين الحين ما عرسوا لان شيخه بعدها صغيره سالم و مريم : سالم لين الحين ما اعترف لمريم اللي كانت كل يوم تكتشف شي يديد عن سالم احمد و الريم : حياتهم وايد حلوه عايشينها بسعاده و فرح ، الريم يابت توأم بنتين : سلامه و شما و عمرهم شهر صقر : تعالج لان هو كان مشلول مثل نوره طبعا تعالج عشان عياله اللي صاروا كل شي بحياته نوره : دوم تصيح و تحمل عمرها ذنب اللي صار زايد : كان طول الوقت يقرأ مذكراتي اللي حصلها بالصدفه ، كل يوم كان يقرأ صفحه او صفحتين ، طبعا هو اللي بيسير بدال سيف حمد : كان من الدوام للبيت و من البيت للدوام ، ما بوصفلكم حاله كملوا و بتعرفون باقي الشخصيات : لا جديد ف حياتهم ( ف بيت بو زايد ) زايد : ( كان يجهز شنطته ) حمده و اسماء : ( يدقون الباب ) زايد : تفضل اسماء و حمده : ( دخلوا ) زايد : هلا هلا بخواتي تعالوا تعالوا ( يفتح ايده ) اسماء و حمده : ( بسرعه ساروا عنده و صاحوا ) حمده : زيووود بشتااقلككك وااايد ( تصييح ) اسماء : هيييه بنشتاقللك واايد ( تصيح ) زايد : ( ابتسم ) و انا بعد بشتاقلكم ( ابتسم اكثر ) ان شاء الله يوم برد بيب وياي وحده غااويه حمده و اسماء : ( وسط دموعهم ضحكوا ) سلطان : ( يدخل ) ها اشوفكم كلكم يالسين اهنه شسالفه ؟ اسماء :ماشي يالسين نودع اخونا سلطان : ها زيود متى طيارتك ؟؟ زايد : ان شاء الله عقب ساعتين حمده و اسماء : ( بسرعه ابتعدوا عن زايد ) شووو !؟؟؟ حمده : ( ردت تصيح ) زااايد لااا تسيير زايد : ( يحظنها ) لازم اسير عيل شهود منو بيتم وياها ؟؟ لو قامت و ما حصلت حد ما بتعرف شو بتسوي حمده : ( ابتعدت عن زايد و مسحت دموعها ) والله اشتقت حق شهوود وااايد سلطان : مب بس انتي كلهم بعد مشتاقيلها اسماء : ( تغير السالفه ) زايد بتي ملجه خليفه و شوق ؟؟ زايد : لا ما بقدر اي سلطان : يلا عيل نحنا الحين بنخليك عشان تجهز ( يرمس البنات ) يلا بنات ! الكل : ( طلعوا ) زايد : ( قام قفل الباب و سار تسبح ( اكرمكم الله) و بدل ملابسه و عدل شعره و تعطر ، شل الدفتر و يلس يقرأ ) ( المكتوب ) انا : مذكرتي العزيزه تدرين ان زايد اللي قتلج عنه بو النظره القاتله ( هنيه ضحك زايد ) قالي انه يحبني بس انا ما ابا احب مره ثانيه خلاااص ... ( هنيه زايد بدأ يتذكر اللي صار ) الكل : ( كانوا يالسين ف بيت اليده فجأه قرروا انهم يسيرون العزبه طبعا انا و زايد راقدين ) انا : ( قمت من النوم سرت تغسلت و بدلت و حطيت جحال لبست وقايتي بسرعه و نعالي و طلعت ف خاطري : بسم الله وينهم العرب سرت الحوي ما حصلت حد ) هيووو ؟؟ فطووم ؟؟ ندووي ؟؟ ( ما حسيت الا .... ) زايد : ( يا جدامي و حطا ايده ع حلجي و لصقني باليدار ) بلاج تصارخين ؟؟ حاشره البقعه !! انا : ( بطلت ايده اللي ع حلجي ) دورت الاهل بكل مكان ما حصلتهم ( وسكت فتره و انا اتامل هذا الشخص اللي جدامي ) زايد : شفيج اطالعني جي ؟ ( بغرور ) ادري اني حلوو والله انا : ( ف خاطري : اخخخ يا ريحه عطره حلوو افففف بس مشكلته انه وايد واثق بعمره ، صديت الصوب الثاني و ابتسمت و رديت صديت صوبه ) بس مب احلى عني ( ضحكت و ابتعدت عنه ) زايد : تراج وايد واثقه بعمرج !! انا : ( صديت له و ابتسمت ) يحق لي ما شاء الله علي جميله و اخلاق و الكل يقول ( ابتسمت ابتسامه اعرض حتى بانت غمازتي ) و ما شاء الله الكل يحبني ( ضحكت ) حتى انت يمكن تحبني و انت ما تدري ( كنت بسير بس وقفني ) زايد : هيه احبج و احبج وايد بعد شهود حسي فيني شوي ( تقرب مني ) شهود انا اعرف انج تحبين الريال اللي ما يغيره شي و اللي واثق بعمره و يكون ويا اللي يحبها غير و ويا الناس غيره ( تقرب اكثر و همس ) شهود انا اعرف كل شي عنج انا : ( ف خاطري : يعرف كل شي عني ؟ يعني يعرف عن صقر ؟ ، دزيته و دخلت داخل ) ( ملاحظه : ترا شهد كانت كانت كاتبه السالفه و كاتب عن كل اللي حست فيه ، و شهد كرهت زايد لانه كان يعرف كل شي عنها ) زايد : ( ف خاطره : يعني تحب ريحه عطري !! فديتها والله .. اخخ والله اني اشتقتلها ، تنهد و قام شل شنطته و نزل تحت باس رأس أمه و ابوه ) ام زايد : توصل بالسلامه فديتك زايد : الله يسلمج الغاليه ابو زايد : توصل بالسلامه الغالي زايد : الله يسلمك ابويه .. تأمروني ع شي ؟ الكل : لا سلامتك زايد : يلا عيل اشوفكم ع خير مع السلامه الكل : مع السلامه ام زايد : ابويه اول ما توصل رمسنا زايد : ( ابتسم ) ان شاء الله مع السلامه ( و طلع و ركب ويا سيف ) السلام عليكم سيف : وعليكم السلام .. شحالك الغالي ؟؟ زايد : يسرك حالتي و انته شحالك ؟؟ سيف : عساه حالن مديم .. الحمدالله تمام زايد : عساك دوم بخير .. تدوم أيامك سيف : اميين .. ( و تموا يسولفون لين ما و صلوا المطار ، نزل سيف ويا زايد ) زاايد ؟؟؟ زايد : ( صد له ) سيف : انتبه ع اختي يا زايد زايد : ( ابتسم و قال بصوت عالي لان كان بعيد عنه ) أختك بعيوني يا سيف |
روايتي الاولى / مثل النجمة و القمر كبر حبنا و اشتهر سيف : ( تطمن و تأكد ان زايد مستحيل يضر اخته ) زايد : ( خلص الاجراءت المطلوبه ، يلس ع احدى الكراسي و طلع فونه و دخل ع الصوره و تم سرحان فيها بصوره حبيبته لما كانت بعرس العنود اخت خليفه ، كانت قمر لابسه فستان اسود ماسك من عند الصدر لين الخصر و فيه حزام ذهبي و كان مخصر و كان طالع ع جسمها وااااو ، تنهد بعذاب ) المضيفه : لقد فتحت ابواب الطائره رقم .... المتوجه الى ... زايد : ( قام و ركب الطياره و سار لمكان بعيد ) ( ف بيت اليده ) الكل : ( كانوا موجودين ) ام حمدان : يا ابويه يا حمدان خلاص عرسوا شهد كملت سنه هاذي حتى خالتك تقولكم عرسوا ام احمد : هيه عرسوا اميه : ( بحنيه ) هيه ابويه عرسوا حمدان : انا ما بتزوج و اختيه مب موجوده هيا : و انا بعد ما بتزوج و هي مب موجوده ( قامت طلعت برع و يلست ع المريحانه ) حمدان : ( قام و لحقها ) هيا : حمداان انا ما بتزوج و شهود محد انته تعرف ان شهود اختي و اكثر بعد حمدان : ( يلس جدامها و مسك ايدها ) اعرف حبيبتي و انا بعد ما بتزوج و هي محد ندى : ( يت عندهم ) بلاكم ؟ ليكون فتحوا السالفه ؟ سعيد : ( ماسك ندى لان هي ما تقدر تمشي عدل بسبت كرشتها ) شوي شوي ندووي شوووي شووي ندى : انزين هيا : هيه ردوا فتحوا السالفه سيف و فاطمه : ( يوا عندهم ) هيا : ( قامت و سارت سلمت ع فاطمه ) فاطمه : ( سارت عند ندى و سلمت عليها ، لان ندى ما تقدر تقوم ) سيف : ( سلم ع سعيد و حمدان ) حمدان : ها وديت زايد المطار ؟ سيف : هيه من مساعه كمل الحين 4 ساعات ف الطياره حمدان : اها سيف : سعيد .. وين حمد ؟؟ سعيد : ( بحزن ) ف غرفته ما طايع يفتح حق حد و لا طايع يأكل حمدان : لا حول و لا قوه الا بالله هيا : حمدان تعال وياي بنسير عند حمد ( قامت ) حمدان : اوكي ( قام و مسك ايدها ) هيا و حمدان : ( ساروا بيت بو حمد لان قريب وايد من بيت اليده ، دخلوا لان الكل ف بيت اليده و محد ف البيت ) هيا : ( ادق الباب ) حمد افتح الباب بلللليزز افتحه ( بعد مرور ساعه ) حمد : ( فتح الباب ) بلاكم ؟؟ ( كان شعره مبعثر و ثيابه ما ادري كيف ) هيا : حمد انتته تعرف ان لو عرفت او شافتك جي بتزعل منك وايد حمد : بس عااد خلوني بحالي ( يصارخ ) تعرفون اني احب شهود وااايد و مااا اقدرر اعيش من دونها هيا : ( بهدوء ) و هي تحبك و ما تقدر تعيش من دونك و انته تعرف بعد ان محد يعرف شهود كثري حمد : ( تنهد بتعب ) حمدان : عندك 5 دقايق عشان تلبس و تخلص اذا ما خلصت بدخل عليك و بسحبك من كشتك حمد : ( ابتسم و سار بسرعه تسبح ( اكرمكم الله ) و لبس و طلع حقهم ) يلا خلصت حمدان : هيه الحين انته حلو !! حمد : ( ابتسم بثقه ) احمم اعرف هيا : ( تسوي له مالت ) مالت .. اصلا حمدان احلى ( ابتسمت ) حمدان : ( مسك ايدها ) احمم حمد : يلا طوفوا خل نسير هيا و حمدان : يلا ( و ساروا بيت اليده ، بسرعه وصلوا لان بيت اليده قريب من بيت ابو حمد ، دخلوا داخل بسرعه لانهم يدرون ان اليده بتعصب عليهم لانهم ما يوا يسلمون عليها ) السلام عليكم الكل : وعليكم السلام هيا و حمدان و حمد : ( ساروا باسوا رأس اليد و اليده ) هيا : شحالك يديه ؟؟ ان شاء الله بخير !؟ يدي : الحمدالله بخير يدوه : وشعنه ما تسألين عني ؟ اذا بخير و لا ؟؟ هيه بس تسألين عن يدج و انا لا سيف : ( يدخل ) شتبين فيها يدوه ؟ اهم شي اني انا عندج !! ( وسار باس رأسها و رأس اليد ) شحاالك يديه ؟؟ شحالج يدووه ؟؟ يدي و يدوه : الحمدالله بخير سيف : عساه حالن مديم ياربيه الكل : امييين يدوه : ( تسوي عمرها زعلانه ) حتى انته ما تسأل عني !! بس زايد و شهد ( حمد نزل رأسه ) اللي يسألون عني و الحين شهد محد و زايد سافر ( تكمل ) الله يقومها بالسلامه الكل : امييين |
روايتي الاولى / مثل النجمة و القمر كبر حبنا و اشتهر ( بعد مرور 5 ساعات ) زايد : ( وصل ، نزل من الطياره و سار شل شنطته و طلع من المطار ، طبعا الشباب اجروا سياره عشان يسيرون و يردون ع راحتهم .. حط شنطته ف الدبه و سار المركز مالهم خذله بطاقه عشان يرمس اهله و يطمنهم .. ركب السياره وركب البطاقه و فتح الفون و اتصل ع سيف ) آلو سيف : آلو ... الحمدالله ع السلامه زايد : الله يسلمك .. شحالك ؟؟ سيف : تمام الحمدالله .. و انته شحالك ؟؟ زايد : دوووم ... انا الحمدالله بخير سيف : تدووم ايااامك ... دوووم زايد : امييين .. شحال يدوه ؟؟ و شحال يديه ؟؟ يدوه : ها زايد ؟؟ سيف : هيه اميه يدوه : عطني اياه سيف : الحمدالله كلهم بخير .. هاذيه يدوه تبا ترمسك ( و عطا اليده الفون ) يدوه : آلو زايد : آلو هلا اميه يدوه : آلو هلا ابويه .. شحالك ؟ زايد : انا الحمدالله بخير انتي شحالج ؟ يدي شحاله ؟ يدوه : الحمدالله انا بخير و يدك الحمدالله بخير زايد : يدوه خذتي ادويتج ؟ يدوه : هيه ابويه خذيت زايد : تعشيتي ؟ يدوه : هيه ابويه تعشيت و انته تعشيت ؟ زايد : لا اميه بعدني يدوه : عيل انا بسكر عشان تتعشى زايد : اوكي يلا عيل مع السلامه .. سلمي ع الكل يدوه : يوصل .. مع السلامه ( وسكرت ) زايد : ( ما كان تعبان لان اول ما ركب الطياره سيده رقد ، عقب ما خلص من هاذي المكالمه توجه للمستشفى سكر السياره و نزل بسرعه و دخل و شافها مثل ماهي !! سنه كامله و هو مب قادر يدخل و اليوم اخيرا قدر يدخل سار صوبها و مسك ايدها ) شهود قومي عادد كملتي سنه و انتي راقده قومي شوفي الدنيا ( نزلت منه دمعه شوق و حزن ، ما تحمل و سار عند الجامه ) انا : ( شوي شوي بديت افتح عيوني ) زايد ؟؟ زايد : ( صد و استأنس لما شافني فاتحه عيوني ) شهود واخيرا قمتي ( يا صوبي ) تدرين انتي كلمتي سنه ف المستشفى انا : ( غمضت عيني و مسكت ايده ) لا تخبر حد اني قمت ( فتحت عيني و ابتسمت ) زين ؟ زايد : ( ابتسم ) من عيوني بس اهم انتي ارتاحي الحين انا : ان شاء الله ( ابتسمت ) زايد : ( ف خاطره : فديت ها الابتسامه ) بسير بزقر الدكتور و برجع ( وسار ) انا : ( غصبت عمري اني اقوم و بعد محاولات قمت نزلت ريلي بصعوبه كنت ابا اشرب ماي وقفت ع ريلي لكن حسيت ان ريلي مب شايلتني ف طحت ع الارض ) زايد : ( دخل هو و الدكتور و لحقوا ع اللي استوى ، اول ما شافني طحت ع الارض بسرعه ركض صوبي و مسك ايدي ) شهود شو فيج ؟ انا : ما ادري انا كنت ابا اشرب ماي يوم وقفت حسيت بألم فظيع ف طحت ع الارض زايد : ( يكلم الدكتور بالانقلش ) تقول زوجتي (اطالعني و ابتسم و انا رديت له الابتسامه ) انها كانت تريد شرب الماء لكن عندما وقفت احست بألم قوي ف رجلها هل هذا طبيعي ؟ الدكتور : ( بالانقلش ) نعم هذا شي طبيعي لانها لم تحرك رجلها منذ فتره طويله انها تحتاج الى علاج طبيعي فقط ( اطالعني و ابتسم ) زايد : ( لما شافه يطالعني و يبتسم عصب لكن انا مسكت ايده و ابتسمت عشان اقوله ان خل يولي ) الدكتور : ( بالانقلش ) زوجتك جميله جدا (يطالعني ) انا : ( اطالعت زايد اللي كان عادي يسير يذبح الدكتور عقب اطالعت الدكتور و ابتسمت .. بالانقلش ) شكرا ، دكتور كم شهر احتاج الى ان استطيع ان امشى ع رجلي ؟ الدكتور : ( بالانقلش ) تقريبا بعد 3 شهور انا : ( بالانقلش ) حسنا شكرا دكتور تستطيع الرحيل الآن !! الدكتور : حسنا ( طلع ) انا : زاايد ؟؟ زايد : آمري !؟! انا : ما يآمر عليك عدو ولا ظالم .. اممم خبرت الاهل ؟؟ زايد : لا ما خبرتهم ( ابتسم ) مثل ما قلتي !! .. يلا قومي كم بتمين يالسه ع الارض !! (يساعدني عشان اقوم ) انا : ( ابتسمت ) شو آخر التطورات ف العايله ؟؟ زايد : شوق و خليفه الاسبوع الياي بتكون ملجتهم و ندوي اختج حامل و حتى فطوم و هيو و حمدانوه لين الحين ما تزوجوا يقولون انهم ما بيتزوجون و انتي و محد و الريم يابت توأم سلامه و شما و صقر تعالج و هو استوى واحد من العايله و حمد حالته حاله لا يأكل و لا يشرب من البيت لدوام و من الدوام للبيت انا : محمد و اسماء تزوجوا ؟ و سالم و مريم ؟ زايد : لاااا ليش اسوم تحب محمد ؟؟ انا : ليش انته ماتعرف السالفه شو ؟ زايد : اي سالفه بعد ؟ انا : ايلس ايلس عشان اقولك زايد : ( يلس ) شو السالفه ؟ انا : ترا قبل من يوم ما كنا صغار محمد يحب اسماء و اسماء تحبه و الكل يعرف ها الشي حتى امك و ابوك يعرفون المهم يوم كبروا ابو محمد قال حق محمد : اذا ما سرت درست برع و يبت لي شهاده مثل العالم و الناس ما بزوجك البنت اللي تباها و عشان جي محمد سار برع البلاد وبس يعني خلصت القصه زايد : اهاااا يعني جي السالفه |
روايتي الاولى / مثل النجمة و القمر كبر حبنا و اشتهر ( ف الامارات ) ( عند سعيد و ندى ) ندى : سعييد بلااك معصبب ؟؟ سعيد : ( معصب ) ماتشوفين عمرج موول ماا تهتمين ف اللي ف بطنج ندى : ( حظنته ) خلاص حبيبي بهتم اهم شي انته لا تعصب سعيد : ( هدأ شوي ) ندوي تدرين انج من حملتي استويتي حنونه ندى : ( ابتعدت عنه و ابتسمت ) ليش يعني قبل كنت مب حنونه ؟ سعيد : لا كنتي قبل بعد حنونه بس الحين اكثرر ندى : ( سكتت شوي و حطت ايدها ع بطنها ) سعيد : ( بخوف ) ندووي شوو فييج ؟؟ ندى : شش ( مسكت ايده و حطتها ع بطنها ) سعيد : فددديته انااا ( يقصد الولد اللي ف بطن ندى ) ندى : ( ابتسمت ) ( ف بيت اليده ، عند حمدان و هيا ) اميه : ( كانت يالسه تقعنهم انهم يتزوجون الحين ) حمدان ابويه هيا اميه تزوجوا حبايبي لان انتو ما تدرون متى ( بحزن ) شهد بتقوم يمكن تقوم بعد سنتين ثلاث اربع و يمكن ماتقوم بعد ف احسن تزوجوا هيا : ( دمعت ) عموه شهود مثل اختي و اكثر بعد انا ما اتخيل ان بيوم عرسي هي ماتكون موجوده حمدان : حتى انا خالوه ما اقدر اتزوج اميه : ( ابتسمت ) يمكن شهد تقوم و اتي عرسكم و انتو ما تدرون !! هيا و حمدان : ان شاء الله اميه : ها خلاص اعتبرها موافقه ؟ هيا و حمدان : هيه اميه : متى تبون العرس ؟؟ هيا : بعد شهرين اميه : الله يتمم عليكم ع خير هيا و حمدان : امييين اميه ؛ يلا عيل بسير ابشرهم ( وسارت ) هيا : ( تنهدت ) حمدان : هيوي اذا ما تبين العرس ترا عادي مب لازم هيا : لا حبيبي عادي حمدان : ( قرص خدودها ) فديتج انا ( مسك ايدها ) انا اعرف ان العرس بيكون صعب علينا اثنينا لان شهود محد بس هيوي نحنا ما نعرف متى هي ممكن تقوم هيا : ( حظنت حمدان ) انااا اشتتقت حقق شهوود وااايد ( و نزلت دموعها ) حمدان : ( مسح دموعها ب ايده ) خلاص حبيبتي لا تصيحين اتعذب يوم اشوف دموعج هيا : ( مسحت دموعها ) ان شاء الله حبيبي ( ف بيت احمد و الريم ) سلامه : ( تصيح ) احمد : ( يطالع المباراه و ع ريله بنته شما ) الرريم تعاالي شووفي سلاامهه حشررتنااا الريم : ( يت ) اووووف انزين شو اسوي اناااا كل ما ابتعدددت عنهااا دقيقه صااااحتتت اوووف (شلت سلامه ) احمد : ياااارييتجج ماا حملتتتتي و لااا يببتي عياااال اووووف والله انهم صددعه الريم : ( انصدمت و زعلت ، عطت سلامه حليب و حطتها بالسرير و لحفتها زين ، طلعت شلت شما و لحفتها بعدين طلعت سارت ورا البيت و يلستت تممشيي و هي ترمس عمرهاا بس بصوت عاااللي ) يعني هو لو ما كان يبا يهال جاان قااالي مننن البداايهه يعنني كيفف اعررف ان هو ما يبا عياال و هو مب قايلي و ثاني الشي انا ها من الله والله في نااس يتمنووون ها اليهال و هو ما يباهم ( نزلت دمعه منها ) احمد : ( مسكها من ايدها و لفها صوبه و حظنها ) انااا اسفف ما كنتت اقصصد اقولج جيي انا قلت جي لاني شفتج تعباانهه واايد ريمموه انا احبببجج امووتت فييج الريم : ( مسحت دموعها ) و انا بعد احمد : ( ابتعد عنها و ابتسم ) و انتي شو بعد ؟؟ الريم : ( ابتسمت و حظنته ) و انااا بعددد احبكك و امووتت فيكك ™§™§™§™§¶Cut¶§™§™§™§™ ( ف بيت سيف و فاطمه ) سيف : ( ف الدوام ) فاطمه : ( يالسه تطالع التلفزيون ) سيف : ( يا من الدوام ) السلاام علييكمم شحال حبيبتي و بنتها الحلوه ؟ فاطمه : ( م ردت عليه لان هي زعلانه منه ) سيف : ( سار عندها و مسك ايدها ) شفيهه الحللوو زعلااننن ؟ فاطمه : ( اطالعته و حطت ايدها وراء رقبته ) لان حبيبها طول الوقت مشغول عنها سيف : ( ابتسم ) عيل ابشرج انا خذت اجازه و حجزت شاليه فاطمه : ( استأنست ) صدق ؟؟ سيف : هيه حبيبتي صدق فاطمه : ( حظنته ) مشككورر وااااييدد سيف : ( ابتسم و ابتعد عنها) تستاهلين اكثر ( يكمل ) تعالي بقولج شي !؟ ( ابتسم بخبث ) فاطمه : ( استحت ) ™§™§™§™§¶Cut¶§™§™§™§™ |
| الساعة الآن 04:53 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir